BTV NEWS

ប្រធានាធិបតីមីយ៉ាន់ម៉ាបញ្ជាក់ឡើងវិញពីការប្តេជ្ញាចិត្តចំពោះសន្តិសុខរបស់ឥណ្ឌា

ប្រតិបត្តិករនាវា ជំរុញឲ្យមានច្បាប់ច្បាស់វិលត្រឡប់មកកាន់ច្រកសមុទ្រ Hormuz វិញ

កងទ័ពជើងទឹកបារាំងដោយមានការគាំទ្រពីអង់គ្លេស បានស្កាត់ចាប់នាវាដឹកប្រេងរុស្ស៊ី

EU ជំរុញឲ្យអ៊ីស្រាអែលឈប់បង្កើនភាពតានតឹងផ្នែកយោធា នៅលីបង់ និងគាំទ្រកិច្ចប្រឹងប្រែងការទូត

ព័ត៌មានអន្តរជាតិ

សហរដ្ឋអាមេរិកដាក់ទណ្ឌកម្មលើបុគ្គល ១០រូប និងក្រុមហ៊ុនមួយចំនួន ពីបទជួយដល់វិស័យអាវុធរបស់អ៊ីរ៉ង់

ក្រសួងរតនាគារសហរដ្ឋអាមេរិកកាលពីថ្ងៃសុក្រ បានប្រកាសដាក់ទណ្ឌកម្មប្រឆាំងនឹងបុគ្គលចំនួន ១០ និងក្រុមហ៊ុនជាច្រើន ក្នុងនោះក្រុមហ៊ុនមួយចំនួន នៅក្នុងប្រទេសចិន និងហុងកុង ពីបទជួយដល់កិច្ចខិតខំប្រឹងប្រែងរបស់យោធាអ៊ីរ៉ង់ ដើម្បីធានាបាននូវអាវុធ និងវត្ថុធាតុដើមដែលប្រើសម្រាប់ផលិតយាន ដ្រូនShahed របស់ទីក្រុងតេអេរ៉ង់។ទីភ្នាក់ងារសារព័ត៌មានរ៉យទ័រ បានរាយការណ៍ជាលើកដំបូងថា ការសម្រេចរបស់ក្រសួងរតនាគា បានកើតឡើងប៉ុន្មានថ្ងៃមុនពេលប្រធានាធិបតីអាមេរិក លោក ដូណាល់ ត្រាំ មានគម្រោងធ្វើដំណើរទៅកាន់ប្រទេសចិន សម្រាប់កិច្ចប្រជុំជាមួយលោកប្រធានាធិបតី ស៊ី ជីនពីង និងស្របពេលដែលកិច្ចខិតខំប្រឹងប្រែង ដើម្បីបញ្ចប់សង្គ្រាមនៅអ៊ីរ៉ង់ កំពុងជាប់គាំង៕

មនុស្សយ៉ាងតិច ១៨នាក់ បានស្លាប់ នៅក្នុងការវាយប្រហាររបស់អ៊ីស្រាអែលលើប្រទេសលីបង់ខាងត្បូង

ប្រព័ន្ធផ្សព្វផ្សាយលីបង់ និងមន្ត្រីជួយសង្គ្រោះ បាននិយាយថា យ៉ាងហោចណាស់មនុស្ស ១៨នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅទូទាំងភាគខាងត្បូងប្រទេសលីបង់កាលពីថ្ងៃសុក្រ ខណៈដែលអំពើហិង្សា កំពុងកើនឡើង ទោះបីជាមានកិច្ចព្រមព្រៀងឈប់បាញ់រវាងអ៊ីស្រាអែល និងប្រទេសនេះក៏ដោយ។ទីភ្នាក់ងារសារព័ត៌មានជាតិលីបង់ (NNA) បានរាយការណ៍ថា មនុស្ស ៤នាក់ បានស្លាប់ និងបីនាក់ផ្សេងទៀតរងរបួស នៅក្នុងការវាយប្រហារតាមអាកាសរបស់អ៊ីស្រាអែលពីរលើកលើក្រុង Toura នៃស្រុក Tyre ដោយក្រុមជួយសង្គ្រោះ កំពុងស្វែងរកក្មេងស្រីម្នាក់ ដែលបានបាត់ខ្លួននៅក្រោមគំនរបាក់បែក។យោងតាមសារព័ត៌មាន NNA មនុស្ស ៤នាក់ ផ្សេងទៀត បានស្លាប់ នៅក្នុងការវាយប្រហារលើទីក្រុង Sultaniyeh។ បីនាក់បានស្លាប់ និងស្ត្រីម្នាក់ បាបរងរបួស នៅក្នុងការវាយប្រហារតាមអាកាសរបស់អ៊ីស្រាអែលដែលកំណត់គោលដៅលើផ្លូវអារ៉ាប់ al-Jal-Houmine al-Tahta។យោងតាមប្រព័ន្ធផ្សព្វផ្សាយក្នុងស្រុក មនុស្សពីរនាក់ទៀត បានស្លាប់ នៅក្នុងការវាយប្រហារតាមអាកាសលើទីក្រុង Zrariyeh៕

នាយករដ្ឋមន្ត្រី៖ លីបង់លីបង់កំពុងស្វែងរកការពង្រីងនូវការអនុវត្តបទឈប់បាញ់ជាមួយអ៊ីស្រាអែល មុនពេលការចរចាជុំបន្ទាប់

នាយករដ្ឋមន្ត្រីលីបង់ លោក Nawaf Salam បាននិយាយកាលពីថ្ងៃសុក្រថា លីបង់កំពុងស្វែងរកការពង្រីងនូវការអនុវត្តបទឈប់បាញ់ជាមួយអ៊ីស្រាអែល មុនពេលការចរចាជុំបន្ទាប់។លោក Salam បាននិយាយនៅក្នុងបទសម្ភាសន៍ជាមួយសារព័ត៌មាន Al Jazeera ថា៖«ប្រសិនបើការវាយប្រហាររបស់អ៊ីស្រាអែល នៅតែបន្ត អាទិភាពចម្បងនៅក្នុងការចរចា នឹងចាំបាច់ត្រូវពង្រឹងការអនុវត្តបទឈប់បាញ់»។លោក Salam បានបញ្ជាក់ថា លីបង់ក៏នឹងលើកឡើងពីបញ្ហានៃការបញ្ឈប់ការវាយប្រហាររបស់អ៊ីស្រាអែល ការធានាការដោះលែងអ្នកជាប់ឃុំ និងការកំណត់ពេលវេលាសម្រាប់ការដកទ័ពរបស់អ៊ីស្រាអែល ដើម្បីអនុញ្ញាតឲ្យអ្នកស្រុកដែលផ្លាស់ទីលំនៅត្រឡប់មកវិញ និងកិច្ចខិតខំប្រឹងប្រែងកសាងឡើងវិញ ដើម្បីចាប់ផ្តើម។លោកបានបន្ថែមថា ពីទស្សនៈរបស់លីបង់ ការចរចានេះនៅទីបំផុត អាចនាំទៅដល់ការបញ្ចប់ស្ថានភាពជម្លោះរវាងលីបង់និងអ៊ីស្រាអែល។លោក Salam បាននិយាយថា លីបង់កំពុងស្វែងរកការធានារបស់សហរដ្ឋអាមេរិក ដែលនឹងជួយស្តារអធិបតេយ្យភាព និងបូរណភាពទឹកដីរបស់ប្រទេសនេះឡើងវិញ៕

សហភាពអឺរ៉ុប អនុញ្ញាតឱ្យក្រុមហ៊ុនអាកាសចរណ៍អឺរ៉ុប ប្រើប្រាស់ប្រេងឥន្ធនៈយន្តហោះរបស់អាមេរិកដើម្បីកាត់បន្ថយបញ្ហាកង្វះប្រេង

គណៈកម្មការអឺរ៉ុប បានចេញសេចក្តីណែនាំកាលពីថ្ងៃសុក្រដែលអនុញ្ញាតឱ្យក្រុមហ៊ុនអាកាសចរណ៍អឺរ៉ុបប្រើប្រាស់ប្រេងឥន្ធនៈយន្តហោះស្តង់ដាររបស់សហរដ្ឋអាមេរិក ដើម្បីកាត់បន្ថយបញ្ហាកង្វះប្រេងដែលកំពុងកើតឡើងដោយសារតែសង្គ្រាមនៅអ៊ីរ៉ង់។សេចក្តីណែនាំទាំងនេះ បានបញ្ជាក់ថា ការការពារអ្នកប្រើប្រាស់នឹងមិនត្រូវបានបន្ធូរបន្ថយទេ ហើយក្រុមហ៊ុនអាកាសចរណ៍ត្រូវបានហាមមិនឱ្យគិតថ្លៃបន្ថែមលើប្រេងឥន្ធនៈ បន្ទាប់ពីអ្នកដំណើរបានទិញសំបុត្រ ដោយយកលេសថាតម្លៃប្រេងឥន្ធនៈកើនឡើង។ទីភ្នាក់ងារថាមពលអន្តរជាតិ (IEA) បានបញ្ជាក់កាលពីថ្ងៃទី១៦ ខែមេសា ថា ប្រេងបម្រុងសម្រាប់ប្រេងឥន្ធនៈយន្តហោះរបស់អឺរ៉ុប អាចមានរយៈពេលត្រឹមតែប្រហែល៦សប្តាហ៍ទៀតប៉ុណ្ណោះ ហើយជើងហោះហើរជាច្រើន អាចនឹងត្រូវបង្ខំឱ្យលុបចោលក្នុងពេលឆាប់ៗនេះ ប្រសិនបើស្ថានភាពនៅតំបន់មជ្ឈិមបូព៌ាបន្តរំខានដល់ការផ្គត់ផ្គង់ប្រេង។

លោកTrump៖ សហរដ្ឋអាមេរិក រំពឹងថានឹងមានការឆ្លើយតបពីអ៊ីរ៉ង់ចំពោះសំណើរបស់អាមេរិក

លោក ប្រធានាធិបតី Donald Trump បានប្រាប់ប្រព័ន្ធផ្សព្វផ្សាយ CNN កាលពីថ្ងៃសុក្រថា រដ្ឋបាលរបស់លោករំពឹងថា នឹងទទួលបានការឆ្លើយតបពីភាគីអ៊ីរ៉ង់នៅយប់នេះអំពីសំណើរបស់សហរដ្ឋអាមេរិកក្នុងគោលបំណងបញ្ចប់ជម្លោះ។ លោកបានបដិសេធ មិននិយាយថាតើលោកជឿថា ទីក្រុងតេអេរ៉ង់ មានចេតនាពន្យារពេលដំណើរការនេះ ឬយ៉ាងណានោះទេ។នៅពេលត្រូវបានសួរដោយប្រព័ន្ធផ្សព្វផ្សាយ CNN ថាតើលោកនឹងទទួលបានការឆ្លើយតបពីអ៊ីរ៉ង់ដែរទេ នោះលោក Trump បាននិយាយថា សហរដ្ឋអាមេរិកនឹង «ទទួលបានលិខិតមួយច្បាប់ដែលសន្មត់ថានៅយប់នេះ»។នៅពេលត្រូវបានសួរបញ្ជាក់ថាតើលោកជឿថាអ៊ីរ៉ង់កំពុងមានការចរចាយឺត ឬយ៉ាងណា លោក Trump បានឆ្លើយតបថា យើងនឹងដឹងឆាប់ៗនេះ។ការលើកឡើងរបស់លោកប្រធានាធិបតី បានធ្វើឡើងប៉ុន្មានម៉ោងបន្ទាប់ពីរដ្ឋមន្ត្រីការបរទេស លោក Marco Rubio បាននិយាយថា សហរដ្ឋអាមេរិក រំពឹងថានឹងមានការឆ្លើយតបពីអ៊ីរ៉ង់ ទាក់ទងនឹងសំណើដែលមានបំណងបញ្ចប់សង្គ្រាម។ទីក្រុងវ៉ាស៊ីនតោនកំពុងរង់ចាំការឆ្លើយតបរបស់ទីក្រុងតេអេរ៉ង់ ចំពោះសំណើរបស់សហរដ្ឋអាមេរិកដែលនឹងបញ្ចប់សង្គ្រាមជាផ្លូវការមុនពេលការចរចាលើបញ្ហាដ៏ចម្រូងចម្រាសបន្ថែមទៀត រួមមានទាំងកម្មវិធីនុយក្លេអ៊ែររបស់អ៊ីរ៉ង់។ អ៊ីរ៉ង់ បានចោទប្រកាន់សហរដ្ឋអាមេរិកថា បានបំពានបទឈប់បាញ់ ដែលភាគច្រើនបានធ្វើឡើងចាប់តាំងពីបទឈប់បាញ់ត្រូវបានប្រកាសនៅថ្ងៃទី៧ ខែមេសា ប៉ុន្តែបានស្ថិតនៅក្រោមភាពតានតឹង នៅសប្តាហ៍នេះ។

ប្រទេសគុយបា ធ្វើសមយុទ្ធយោធា ក្នុងពេលមានទំនាក់ទំនងតានតឹងជាមួយសហរដ្ឋអាមេរិក

ទូរទស្សន៍រដ្ឋបានរាយការណ៍ថា ប្រទេសគុយបា បានធ្វើសមយុទ្ធយោធាកាលពីថ្ងៃសុក្រ ទី៨ ខែឧសភា រួមមានការបាញ់កាំភ្លើងធំ ខណៈភាពតានតឹងជាមួយរដ្ឋបាលរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ នៅតែបន្តកើនឡើង។ កងទ័ពមួយក្រុមមកពីកងពលយោធា Ciego de Ávila បានអនុវត្តសមយុទ្ធនៅទីលានហ្វឹកហាត់នៅមជ្ឈមណ្ឌលបណ្តុះបណ្តាលកងទ័ព ក្នុងទីក្រុង Villa Clara ភាគកណ្តាលប្រទេសគុយបា ជាផ្នែកមួយនៃកម្មវិធីត្រៀមលក្ខណៈ។សមយុទ្ធនេះ ត្រូវបានធ្វើឡើងដោយមានវត្តមានឧត្តមសេនីយ៍ Raul Villar Kessel មេបញ្ជាការកងទ័ពកណ្តាល។ សមយុទ្ធនេះធ្វើឡើងក្នុងពេលមានវោហាសាស្ត្រកាន់តែខ្លាំងឡើងពីទីក្រុងវ៉ាស៊ីនតោន។បន្ទាប់ពីការឆ្មក់ចាប់ខ្លួនដោយយោធាដើម្បីចាប់មេដឹកនាំប្រទេសវ៉េណេស៊ុយអេឡា ដែលជាសម្ព័ន្ធមិត្តយូរអង្វែងរបស់ប្រទេសគុយបាកាលពីខែមករា លោក Trump បាននិយាយថា «គុយបា គឺជាប្រទេសបន្ទាប់» ហើយលោកបានរារាំងការដឹកជញ្ជូនប្រេងភាគច្រើនទៅកាន់ប្រទេសគុយបា ដោយហ៊ុមព័ទ្ធរដ្ឋាភិបាលរបស់កោះមួយនេះ និងធ្វើឱ្យការដាច់ចរន្តអគ្គិសនីកាន់តែអាក្រក់។ កាលពីសប្តាហ៍មុន លោក Trump បានចុះហត្ថលេខាលើក្រឹត្យមួយដែលបានបន្ថែមទណ្ឌកម្មរបស់សហរដ្ឋអាមេរិក លើប្រទេសគុយបា ជាចំណាត់ការមួយដែលប្រធានាធិបតីគុយបា លោក Miguel Diaz-Canel បានរិះគន់ថាជា «ការបង្ខិតបង្ខំ»។

រដ្ឋមន្ត្រីការបរទេសអាមេរិក សួរអំពីការគាំទ្ររបស់សម្ព័ន្ធមិត្តលើអ៊ីរ៉ង់ បន្ទាប់ពីពិភាក្សាជាមួយមេដឹកនាំអ៊ីតាលី

លោក Marco Rubio រដ្ឋមន្ត្រីការបរទេសសហរដ្ឋអាមេរិក កាលពីថ្ងៃសុក្របានសួរថា ហេតុអ្វីបានជាសម្ព័ន្ធមិត្ត រួមទាំងប្រទេសអ៊ីតាលី មិនគាំទ្រកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ក្នុងការប្រឈមមុខជាមួយអ៊ីរ៉ង់ និងបើកច្រកសមុទ្រ Hormuz ឡើងវិញ។ លោក RUBIO និយាយ «មនុស្សគ្រប់គ្នានិយាយថា អ៊ីរ៉ង់គឺជាការគំរាមកំហែង អ៊ីរ៉ង់មិនអាចមានអាវុធនុយក្លេអ៊ែរបានទេ។ Okay ប៉ុន្តែអ្នកត្រូវតែធ្វើអ្វីមួយចំពោះរឿងនេះ។ លោកប្រធានាធិបតី កំពុងព្យាយាមធ្វើរឿងជាច្រើនអំពីបញ្ហានេះ ហើយខ្ញុំមិនយល់ថាហេតុអ្វីបានជាសម្ព័ន្ធមិត្តជាច្រើនមិនគាំទ្រ»។ការថ្លែងដូច្នេះរបស់លោក ធ្វើឡើងបន្ទាប់ពីជំនួបជាមួយនាយករដ្ឋមន្ត្រីអ៊ីតាលី លោកស្រី Giorgia Meloni នៅទីក្រុងរ៉ូម។ លោក RUBIO និយាយថា «តើពិភពលោក នឹងទទួលយកដែរទេ ដែលបច្ចុប្បន្ន អ៊ីរ៉ង់ គ្រប់គ្រងផ្លូវទឹកអន្តរជាតិ? ប្រសិនបើចម្លើយគឺទេ នោះយើងមិនគិតថា អ៊ីរ៉ង់នឹងអាចគ្រប់គ្រងច្រកសមុទ្រ Hormuz បានទេ ។ទីបញ្ជាការកណ្តាលសហរដ្ឋអាមេរិកតាមរយៈបណ្តាញ X ចេញផ្សាយថ្ងៃទី៤ ខែឧសភា ឆ្នាំ២០២៦ ក៏បានស្វែងរកការដោះស្រាយការខកចិត្តរបស់លោក Trump ចំពោះការច្រានចោលរបស់ប្រទេសអ៊ីតាលីក្នុងការគាំទ្រសង្គ្រាមអាមេរិក-អ៊ីស្រាអែល លើអ៊ីរ៉ង់ បន្ទាប់ពីទីក្រុងតេអេរ៉ង់ បានបិទច្រកសមុទ្រ Hormuz យ៉ាងមានប្រសិទ្ធភាពបន្ទាប់ពីការវាយប្រហារនៅថ្ងៃទី២៨ ខែកុម្ភៈ។ក្រោយមក លោកស្រី Meloni បានពិពណ៌នាអំពីជំនួបរយៈពេល១ម៉ោងកន្លះជាមួយ លោក Rubio ថាជាការពិភាក្សាដោយស្មោះត្រង់ រវាងប្រទេសដែលមានឆន្ទៈការពារផលប្រយោជន៍ជាតិរបស់ខ្លួន ខណៈ ឱ្យតម្លៃដល់ភាពជាដៃគូឆ្លងមហាសមុទ្រអាត្លង់ទិក។

អង្គការWHO៖ ហានិភ័យនៃការរាលដាលវីរុស Hantavirus ដល់ប្រជាជនទូទៅ មានកម្រិតទាបបំផុត

លោក Christian Lindmeier អ្នកនាំពាក្យអង្គការសុខភាពពិភពលោក (WHO) បាននិយាយកាលពីថ្ងៃសុក្រថា ហានិភ័យនៃការរាលដាលវីរុស Hantavirus ដល់ប្រជាជនទូទៅ មានកម្រិតទាបបំផុត ទោះបីជាវីរុសនេះមានគ្រោះថ្នាក់ដល់មនុស្សដែលឆ្លងវីរុសនេះក៏ដោយ។លោក Lindmeier បាននិយាយក្នុងសន្និសីទសារព័ត៌មានមួយនៅទីក្រុងហ្សឺណែវថា «នេះពុំមែនជាជំងឺកូវីដទេ» ហើយហានិភ័យរបស់វាចំពោះប្រជាជនទូទៅនៅតែមានកម្រិតទាបបំផុត ខណៈទីភ្នាក់ងារនេះបន្តសម្របសម្រួលការឆ្លើយតបទៅនឹងការផ្ទុះឡើងវីរុសនេះនៅលើនាវាទេសចរណ៍មួយគ្រឿងនៅមហាសមុទ្រអាត្លង់ទិក។លោកបាននិយាយថា លោកត្រូវសង្កត់ធ្ងន់ដដែលៗថា សូម្បីតែអ្នកដែលបាននៅក្នុងបន្ទប់កាប៊ីនជាមួយគ្នា ក៏ទំនងជាគ្មានការឆ្លងដែរក្នុងករណីមួយចំនួន ដូច្នេះហានិភ័យនៅតែទាបបំផុត។លោក Lindmeier បាននិយាយថា អង្គការសុខភាពពិភពលោក (WHO) សកម្មក្នុងការឆ្លើយតបរបស់ខ្លួនចំពោះការផ្ទុះឡើងវីរុស Hantavirus ក្រោមបទប្បញ្ញត្តិសុខភាពអន្តរជាតិ។ យោងតាមលោក Lindmeier បានឲ្យដឹងថា ក្រៅពីនាវាទេសចរណ៍ដែលពាក់ព័ន្ធ កិច្ចខិតខំប្រឹងប្រែងតាមដានទំនាក់ទំនងកំពុងបន្ត ហើយអង្គការសុខភាពពិភពលោកកំពុងធ្វើការយ៉ាងជិតស្និទ្ធជាមួយអាជ្ញាធរសុខាភិបាលជាតិនៅក្នុងប្រទេស និងស្ថាប័នជាច្រើន រួមទាំងមជ្ឈមណ្ឌលអឺរ៉ុបសម្រាប់ការបង្ការនិងគ្រប់គ្រងជំងឺ (ECDC) ក្នុងរឿងនេះ។មនុស្សបីនាក់បានស្លាប់ និងជាច្រើននាក់ទៀតបានធ្លាក់ខ្លួនឈឺនៅលើនាវាទេសចរណ៍ MV Hondius ដែលជំរុញឱ្យមានការឆ្លើយតបសុខភាពសាធារណៈអន្តរជាតិដ៏សំខាន់ពាក់ព័ន្ធនឹងប្រទេសនានានៅទូទាំងទ្វីបអឺរ៉ុប អាហ្វ្រិក និងអាមេរិកឡាទីន។

បេសកជនអ៊ីរ៉ង់ ជំរុញឱ្យUN «ថ្កោលទោសយ៉ាងដាច់ខាត» ចំពោះការបិទផ្លូវរបស់អាមេរិក និងការវាយប្រហារលើនាវាដឹកប្រេងអ៊ីរ៉ង់

លោក Amir Saeid Iravani ឯកអគ្គរដ្ឋទូតអ៊ីរ៉ង់ប្រចាំអង្គការសហប្រជាជាតិ បាននិយាយនៅក្នុងលិខិតមួយច្បាប់កាលពីថ្ងៃសុក្រទៅកាន់ក្រុមប្រឹក្សាសន្តិសុខអង្គការសហប្រជាជាតិ និងអគ្គលេខាធិការអង្គការសហប្រជាជាតិ លោក Antonio Guterres ថា សកម្មភាព «ខុសច្បាប់» របស់សហរដ្ឋអាមេរិក «បង្កើតជាការរីកធំជម្លោះដ៏គ្រោះថ្នាក់ ធ្វើឱ្យតំបន់ដែលផុយស្រួយរួចទៅហើយ មានអស្ថិរភាពបន្ថែមទៀត និងបង្កការគំរាមកំហែងធ្ងន់ធ្ងរដល់សន្តិភាព និងសន្តិសុខអន្តរជាតិ»។លោក Iravani បានព្រមានថា ផលវិបាកជាច្រើននៃសកម្មភាពយោធារបស់សហរដ្ឋអាមេរិកនៅក្នុងឈូងសមុទ្រ និងច្រកសមុទ្រ Hormuz «អាចជាមហន្តរាយ» និងលាតសន្ធឹងហួសពីតំបន់មជ្ឈិមបូព៌ា។ លោកបាននិយាយបន្ថែមថា សហរដ្ឋអាមេរិក «នឹងត្រូវទទួលខុសត្រូវទាំងស្រុង»។យោធាសហរដ្ឋអាមេរិកបាននិយាយថា កងកម្លាំងរបស់ខ្លួនបានរារាំងនាវាដឹកប្រេងអ៊ីរ៉ង់ពីរគ្រឿង ដែលកំពុងព្យាយាមបំពានការបិទផ្លូវទឹករបស់អាមេរិកនៅកំពង់ផែអ៊ីរ៉ង់ ជាផ្នែកមួយនៃកិច្ចខិតខំប្រឹងប្រែងរបស់សហរដ្ឋអាមេរិក ដើម្បីឱ្យអ៊ីរ៉ង់បើកច្រកសមុទ្រ Hormuz។លោក Iravani ក៏បានអំពាវនាវដល់អគ្គលេខាធិការ និងក្រុមប្រឹក្សា ឱ្យជំរុញសហរដ្ឋអាមេរិក «គោរពតាមកាតព្វកិច្ចរបស់ខ្លួនក្រោមច្បាប់អន្តរជាតិ និងបញ្ចៀសសកម្មភាពបង្កហេតុបន្ថែមទៀត»។

រោងចក្រចម្រាញ់ប្រេងធំបំផុតរបស់ប្រទេសលីប៊ី ផ្អាកប្រតិបត្តិការខណៈមានការប្រយុទ្ធគ្នាជាមួយក្រុមប្រដាប់អាវុធ

រោងចក្រចម្រាញ់ប្រេងធំបំផុតរបស់ប្រទេសលីប៊ីនៅតំបន់ Zawiya ត្រូវបានបិទទ្វារ និងប្រកាសគ្រាអាសន្ន បន្ទាប់ពីការប្រយុទ្ធគ្នារវាងក្រុមប្រដាប់អាវុធដែលនៅក្បែរនោះ។ សាជីវកម្មប្រេងជាតិ (NOC) និងក្រុមហ៊ុនចម្រាញ់ប្រេង Zawiya បានប្រកាសពី ការផ្អាកប្រតិបត្តិការជាការប្រុងប្រយ័ត្នជាមុន និងបានជម្លៀសបុគ្គលិកចេញពីរោងចក្រប្រេង និងកំពង់ផែ។សាជីវកម្មប្រេងជាតិ (NOC) បានបញ្ជាក់ពីសុវត្ថិភាពរបស់បុគ្គលិកទាំងអស់ និងបាននិយាយបន្ថែមថាការផ្គត់ផ្គង់ប្រេងឥន្ធនៈនឹងបន្តដូចធម្មតា។ សេចក្តីថ្លែងការណ៍នៅលើបណ្តាញសង្គមហ្វេសប៊ុក បាននិយាយថា ស៊ីរ៉ែនបានរោទិ៍ឡើងបន្ទាប់ពីមានការប៉ះទង្គិចគ្នាដោយអាវុធធុនធ្ងន់ដែលពាក់ព័ន្ធ បានផ្ទុះឡើងនៅជុំវិញរោងចក្រប្រេង កាលពីថ្ងៃសុក្រ។ការប៉ះទង្គិចគ្នាទាំងនេះ បានបណ្តាលឱ្យគ្រាប់កាំភ្លើងធុនធ្ងន់ជាច្រើនគ្រាប់ធ្លាក់ទៅលើទីតាំងផ្សេងៗគ្នានៅបរិវេណរោងចក្រប្រេង ប៉ុន្តែពុំមានការខូចខាតធ្ងន់ធ្ងរត្រូវបានរាយការណ៍នោះទេ។ ទោះជាយ៉ាងណា ការប៉ះទង្គិចគ្នាបានកើនឡើងកាន់តែខ្លាំង និងបានរាលដាលដល់តំបន់លំនៅឋានដែលនៅជាប់នឹងរោងចក្រចម្រាញ់ប្រេង ធ្វើឱ្យតំបន់នេះក្លាយជាគោលដៅផ្ទាល់សម្រាប់ការបាញ់ផ្លោង និងបង្កើនហានិភ័យនៃការខូចខាតបន្ថែមទៀត។ អាជ្ញាធរនៅតំបន់ Zawiya ភាគខាងលិចរដ្ឋធានី Tripoli បាននិយាយថា ពួកគេបានចាប់ផ្តើមប្រតិបត្តិការទ្រង់ទ្រាយធំ ប្រឆាំងក្រុមឧក្រិដ្ឋជន។ អាជ្ញាធរបាននិយាយថា ប្រតិបត្តិការនេះដាក់គោលដៅលើ «ទីតាំងលាក់ខ្លួនរបស់ក្រុមឧក្រិដ្ឋជន និងបុគ្គលដែលកំពុងត្រូវបានគេតាមចាប់ខ្លួន» ជាអ្នកជាប់ពាក់ព័ន្ធនឹងករណីធ្ងន់ធ្ងរ ដោយលើកឡើងពី ករណីឃាតកម្ម និងការប៉ុនប៉ងឃាតកម្ម ការចាប់ជំរិត និងការជំរិតទារប្រាក់ ការជួញដូរមនុស្ស គ្រឿងញៀន អាវុធ និងការធ្វើអន្តោប្រវេសន៍ខុសច្បាប់។

បណ្ដាញសង្គម

ព័ត៌មានថ្មីៗ

មន្ត្រី៖ ក្រុមហាម៉ាសនឹងធ្វើកិច្ចពិភាក្សាជាមួយអន្តរការីតំបន់ហ្កាហ្សា នៅអេហ្ស៊ីប

កម្អែហូរចេញពីមាត់ភ្នំភ្លើង Kilauea របស់រដ្ឋហាវ៉ៃ ខណៈការកម្រើកត្រូវបានគេរំពឹងថានឹងកើនឡើង

កិច្ចព្រមព្រៀងពាណិជ្ជកម្មឥណ្ឌា-អាមេរិក ឆ្លុះបញ្ចាំងពីការផ្លាស់ប្តូរពន្ធរបស់ទីក្រុងវ៉ាស៊ីនតោន

អ៊ីស្រាអែល៖ «គ្មានភាពស្ងប់ស្ងាត់ នៅទីក្រុងបេរូត» ទេ បើក្រុមហេសបូឡាមិនបញ្ឈប់ការវាយប្រហារ

វិមានក្រឹមឡាំង៖ អាជ្ញាធរកំពុងធ្វើការដោះស្រាយបញ្ហាបែងចែកប្រេងនៅតំបន់គ្រីមៀ

ពលរដ្ឋជម្លៀសខ្លួនចេញពីតំបន់ជាយក្រុងភាគខាងត្បូងទីក្រុងបេរូត ក្រោយលោក Netanyahu បញ្ជាឲ្យវាយប្រហារក្រុមហេសបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877