នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្រ្តីការពារជាតិជប៉ុនលោក Koizumi ច្រានចោល​ការចោទប្រកាន់ពីយោធានិយមថ្មី
ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា
អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ
UN៖ ការប៉ះទង្គិចគ្នារវាងអ៊ីស្រាអែល-ក្រុមហេសបូឡា ធ្វើឲ្យប៉ះពាល់ការចូលដល់ជំនួយនៅភាគខាងត្បូងលីបង់

ព័ត៌មានអន្តរជាតិ

ក្រុមសកម្មប្រយុទ្ធ ដណ្តើមយកបានទីក្រុងភាគខាងជើងប្រទេសម៉ាលី ខណៈក្រុមមានទំនាក់ទំនងជាមួយក្រុមអាល់កៃដា បង្កើតចំណុចត្រួតពិនិត្យនៅជិតរដ្ឋធានី

2026/05/02 12:02:42 pm        61
Facebook Telegram Linkin
វីដេអូមួយ បានបង្ហាញពីក្រុមសកម្មប្រយុទ្ធបើកបររថយន្តឆ្លងកាត់ទីក្រុង Tessalit ភាគខាងជើងប្រទេសម៉ាលី ក្នុងរថយន្តប្រដាប់អាវុធ និងលើកទង់ជាតិរបស់រណសិរ្សរំដោះ Azawad ជាអ្វីដែលទំនងជាមូលដ្ឋានយោធាមានរបាំង និងអគារកុងតឺន័របណ្តោះអាសន្ន។វីដេអូបញ្ជាក់ជាច្រើន ដែលបានបង្ហោះនៅថ្ងៃទី១ ខែឧសភា បង្ហាញពីអ្នកប្រយុទ្ធនៅមូលដ្ឋានតែមួយ។ សម្ព័ន្ធមិត្តរបស់អ្នកប្រយុទ្ធនៅក្នុងវីដេអូនេះ ត្រូវបានផ្ទៀងផ្ទាត់ដោយទង់ជាតិរណសិរ្សរំដោះ Azawad ដែលអ្នកប្រយុទ្ធបានកាន់។ប្រភពព័ត៌មានចំនួន៦បានប្រាប់សារព័ត៌មានរ៉យទ័រថា ក្រុមនេះ បានដណ្តើមយកទីក្រុង Tessalit កាលពីថ្ងៃសុក្រ ខណៈក្រុម Jama'at Nusrat al-Islam wal-Muslimin (JNIM) មានទំនាក់ទំនងជាមួយក្រុមអាល់កៃដា បានបង្កើតចំណុចត្រួតពិនិត្យនៅលើផ្លូវសំខាន់ៗចូលទៅក្នុងរដ្ឋធានី Bamako និងបានអំពាវនាវឱ្យប្រជាជនងើបឡើងប្រឆាំងនឹងរដ្ឋាភិបាលយោធា។វិបត្តិសន្តិសុខដែលកាន់តែរីកធំ កើតឡើងបន្ទាប់ពីការវាយប្រហារមិនធ្លាប់មានពីមុនមក កាលពីថ្ងៃទី២៥ ខែមេសា ដែលបានសម្លាប់រដ្ឋមន្ត្រីការពារជាតិប្រទេសម៉ាលី និងដណ្តើមយកបានទីក្រុង Kidal។ក្រុម JNIM បានគំរាមបិទផ្លូវទាំងស្រុងនៅទីក្រុង Bamako ដោយពាណិជ្ជករម្នាក់និយាយថាទំនិញត្រូវបានរារាំងមិនឱ្យចូលទៅក្នុងរដ្ឋធានី។

មេដឹកនាំអ៊ុយក្រែន៖ ការវាយប្រហារ បានធ្វើឱ្យរុស្ស៊ីខាតបង់ប្រាក់ចំណូលប្រេង៧ពាន់លានដុល្លារនៅឆ្នាំនេះ

2026/05/02 11:57:37 am        60
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy បានសរសេរនៅក្នុងសារមួយនៅលើបណ្តាញសង្គមកាលពីថ្ងៃសុក្រថា ការវាយប្រហារលើរោងចក្រចម្រាញ់ប្រេងរបស់រុស្ស៊ី និងរោងចក្រពាក់ព័ន្ធនឹងផ្នែកថាមពលផ្សេងទៀត បានបណ្តាលឱ្យមានការខាតបង់យ៉ាងហោចណាស់ ៧ ពាន់លានដុល្លារនៅឆ្នាំនេះតែមួយ។លោក Zelenskyy បាននិយាយថា អ៊ុយក្រែននឹងបន្តការវាយប្រហាររយៈចម្ងាយឆ្ងាយ។ ការវាយប្រហារទាំងនេះ មិនត្រឹមតែវាយប្រហារគោលដៅដោយផ្ទាល់ប៉ុណ្ណោះទេ ប៉ុន្តែថែមទាំងបង្កើន «រយៈពេលពេលផ្អាកដំណើរការនៅតាមគោលដៅ» និងកាត់បន្ថយប្រតិបត្តិការរបស់ប្រទេសនេះយ៉ាងច្រើន។មេបញ្ជាការកងកម្លាំងយានដ្រូនរបស់អ៊ុយក្រែនបាននិយាយថា ពួកគេបានធ្វើការវាយប្រហារម្តងទៀតលើទីក្រុង Tuapse ជាទីតាំងកំពង់ផែ និងរោងចក្រប្រេងដ៏សំខាន់របស់រុស្ស៊ី។ គោលដៅនៃការវាយប្រហារនោះ និងការវាយប្រហារផ្សេងទៀត គឺដើម្បីធ្វើឲ្យរំខានដល់ការលក់ថាមពលដែលផ្តល់មូលនិធិដល់ការឈ្លានពានរបស់រុស្ស៊ី។សារព័ត៌មាន Bloomberg បានដកស្រង់ប្រភពមួយដោយនិយាយថា ការវាយប្រហារទាំងនេះ បានកាត់បន្ថយទិន្នផលនៅរោងចក្រចម្រាញ់ប្រេងជាមធ្យមប្រចាំថ្ងៃដល់កម្រិតទាបបំផុតចាប់តាំងពីខែធ្នូ ឆ្នាំ ២០០៩ ហើយស្ថានភាពនេះនឹងបង្កើនសម្ពាធលើទីផ្សារប្រេងក្នុងស្រុក និងពិភពលោក។

លោកTrump៖ កងទ័ពជើងទឹកអាមេរិកធ្វើសកម្មភាព«ដូចជាចោរសមុទ្រ» ដើម្បីបិទផ្លូវទឹកកំពង់ផែអ៊ីរ៉ង់

2026/05/02 11:53:11 am        74
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃសុក្រថា កងទ័ពជើងទឹកសហរដ្ឋអាមេរិក កំពុងធ្វើសកម្មភាព «ដូចជាចោរសមុទ្រ» ក្នុងការអនុវត្តការបិទផ្លូវទឹករបស់ទីក្រុងវ៉ាស៊ីនតោននៅកំពង់ផែអ៊ីរ៉ង់ ក្នុងអំឡុងពេលសង្គ្រាមរបស់សហរដ្ឋអាមេរិក និងអ៊ីស្រាអែល ប្រឆាំងនឹងអ៊ីរ៉ង់។ លោក Trump បានលើកឡើងបែបនេះ ខណៈពិពណ៌នាអំពីការរឹបអូសនាវាមួយគ្រឿងដោយកងកម្លាំងសហរដ្ឋអាមេរិក កាលពីប៉ុន្មានថ្ងៃមុន។លោក Trump បាននិយាយនៅក្នុងសុន្ទរកថាកាលពីល្ងាចថ្ងៃសុក្រថា «យើងបានដណ្តើមយកនាវា យើងដណ្តើមយកបានទំនិញ យើងបានកាន់កាប់ប្រេង។ វាជាអាជីវកម្មដែលអាចរកប្រាក់ចំណេញបានច្រើន»។ «យើងដូចជាចោរសមុទ្រ ប៉ុន្តែយើងមិនកំពុងតែលេងហ្គេមនោះទេ»។ នាវាមួយចំនួនរបស់ទីក្រុងតេអេរ៉ង់ ត្រូវបានសហរដ្ឋអាមេរិករឹបអូស បន្ទាប់ពីចាកចេញពីកំពង់ផែអ៊ីរ៉ង់ រួមជាមួយនឹងនាវាដឹកទូរទំនិញដែលត្រូវបានហាមឃាត់ និងនាវាដឹកប្រេងអ៊ីរ៉ង់នៅក្នុងដែនទឹកអាស៊ី។អ៊ីរ៉ង់ បានរារាំងនាវាស្ទើរតែទាំងអស់ដែលឆ្លងកាត់ច្រកសមុទ្រ Hormuz ក្រៅពីនាវារបស់ខ្លួនចាប់តាំងពីការចាប់ផ្តើមសង្គ្រាម។ លោក Trump បានដាក់ការបិទផ្លូវនៅកំពង់ផែអ៊ីរ៉ង់ដាច់ដោយឡែកមួយ។សហរដ្ឋអាមេរិក និងអ៊ីស្រាអែល បានវាយប្រហារលើអ៊ីរ៉ង់នៅថ្ងៃទី២៨ ខែកុម្ភៈ។ អ៊ីរ៉ង់ បានឆ្លើយតបវិញដោយការវាយប្រហារទៅលើអ៊ីស្រាអែល និងរដ្ឋឈូងសមុទ្រដែលជាទីតាំងមូលដ្ឋានរបស់ទ័ពអាមេរិក។ ការវាយប្រហាររបស់សហរដ្ឋអាមេរិក-អ៊ីស្រាអែល ទៅលើអ៊ីរ៉ង់ និងការវាយប្រហាររបស់អ៊ីស្រាអែលនៅប្រទេសលីបង់ បានសម្លាប់មនុស្សរាប់ពាន់នាក់ និងធ្វើឱ្យមនុស្សរាប់លាននាក់ត្រូវជម្លៀសខ្លួនចេញ។

ការស្ទង់មតិ បានរកឃើញថាពលរដ្ឋអាមេរិក៦១ភាគរយ ជឿថាការវាយប្រហារលើអ៊ីរ៉ង់ គឺជាកំហុស

2026/05/02 10:41:49 am        73
Facebook Telegram Linkin
ការស្ទង់មតិថ្មីមួយបានរកឃើញថា ប្រជាជនភាគច្រើននៅសហរដ្ឋអាមេរិកជឿថា ការសម្រេចចិត្តចាត់វិធានការផ្នែកយោធាទៅលើអ៊ីរ៉ង់គឺជាកំហុស ខណៈសង្គ្រាមនេះធ្វើឱ្យសេដ្ឋកិច្ចពិភពលោករង្គោះរង្គើ និងជំរុញឱ្យមានការព្រួយបារម្ភអំពីការចំណាយលើជីវភាពរស់ខ្ពស់លើប្រេងឥន្ធនៈ នៅសហរដ្ឋអាមេរិក។ការស្ទង់មតិរបស់ Washington Post-ABC-Ipsos ដែលបានចេញផ្សាយកាលពីថ្ងៃសុក្របង្ហាញថា៦១ ភាគរយនៃអ្នកឆ្លើយតប ជឿថា ការប្រើប្រាស់កម្លាំងយោធាប្រឆាំងនឹងអ៊ីរ៉ង់គឺជាកំហុស ដោយមានត្រឹមតែ ៣៦ភាគរយប៉ុណ្ណោះដែលនិយាយថា វាជាការសម្រេចចិត្តត្រឹមត្រូវ។ការស្ទង់មតិនេះ គឺជាការស្ទង់មតិចុងក្រោយដែលរកឃើញកម្រិតទាបនៃការគាំទ្រចំពោះសង្គ្រាមដែលបានចាប់ផ្តើមប្រឆាំងនឹងអ៊ីរ៉ង់ធ្វើឡើងដោយសហរដ្ឋអាមេរិកនិងអ៊ីស្រាអែលនៅចុងខែកុម្ភៈ ដែលបានសម្លាប់មនុស្សរាប់ពាន់នាក់នៅទូទាំងតំបន់មជ្ឈិមបូព៌ា និងបានធ្វើឱ្យតម្លៃថាមពលសកលកើនឡើង។នៅពេលត្រូវបានសួរថាតើពួកគេបានផ្លាស់ប្តូរឥរិយាបថរបស់ពួកគេដោយសារតែតម្លៃប្រេងឥន្ធនៈខ្ពស់ដែរឬទេ អ្នកឆ្លើយតប៤៤ភាគរយបាននិយាយថា ពួកគេបានកាត់បន្ថយការបើកបរ ហើយ៤២ ភាគរយបាននិយាយថា ពួកគេបានធ្វើដូចគ្នាសម្រាប់ការចំណាយក្នុងគ្រួសារ។ តួលេខទាំងនេះ បានកើនឡើងដល់៥៦ភាគរយ និង៥៩ភាគរយសម្រាប់អ្នកឆ្លើយតបដែលរកចំណូលបានតិចជាង៥០.០០០ដុល្លារក្នុងមួយឆ្នាំ។ ក្តីបារម្ភទាំងនោះកើតឡើងនៅពេលដែលការវាយតម្លៃពីអត្រាពេញចិត្តលោកប្រធានាធិបតី ដូណាល់ ត្រាំ បានធ្លាក់ចុះដល់កម្រិតទាបថ្មីមួយ ដោយអ្នកបោះឆ្នោតបានបង្ហាញការខកចិត្តចំពោះបញ្ហាសេដ្ឋកិច្ច និងការចំណាយលើជីវភាពរស់នៅ។

លោក Trump ប្រកាសដំឡើងពន្ធ២៥ភាគរយលើរថយន្ត និងរថយន្តដឹកទំនិញរបស់សហភាពអឺរ៉ុប

2026/05/02 10:38:22 am        57
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump បាននិយាយថា លោកនឹងបង្កើនការដំឡើងពន្ធលើរថយន្តមកពីសហភាពអឺរ៉ុប រហូតដល់២៥ភាគរយ។ ការប្រកាសកាលពីថ្ងៃសុក្រ អាចធ្វើឱ្យសេដ្ឋកិច្ចពិភពលោកភ្ញាក់ផ្អើលនៅពេលដែលវាមានភាពផុយស្រួយរួចទៅហើយដោយសារតែសង្គ្រាមរបស់សហរដ្ឋអាមេរិក និងអ៊ីស្រាអែល ជាមួយអ៊ីរ៉ង់។វាបានកើតឡើងជាច្រើនខែ បន្ទាប់ពីសហរដ្ឋអាមេរិក និងសហភាពអឺរ៉ុប បានបង្កើតកិច្ចព្រមព្រៀងពាណិជ្ជកម្មមួយ ខណៈលោក Trump បានដាក់ការដំឡើងពន្ធបដិការយ៉ាងទូលំទូលាយលើដៃគូពាណិជ្ជកម្មនៅទូទាំងពិភពលោក។ កិច្ចព្រមព្រៀងនេះ បានកំណត់ការដំឡើងពន្ធលើទំនិញភាគច្រើននៅ១៥ ភាគរយ ដែលទាបជាង៣០ភាគរយដែលលោក Trump បានគំរាមកាលពីពេលមុន។នៅក្នុងការបង្ហោះសារនៅលើបណ្តាញ Truth Social លោក Trump បានចោទប្រកាន់សហភាពអឺរ៉ុបថា «មិនគោរពតាមកិច្ចព្រមព្រៀងពាណិជ្ជកម្មដែលបានព្រមព្រៀងគ្នាពេញលេញរបស់យើង»។លោក Trump បាននិយាយថា លោក «យល់ និងយល់ស្របយ៉ាងពេញលេញថា ប្រសិនបើពួកគេផលិតរថយន្ត និងរថយន្តដឹកទំនិញនៅរោងចក្រក្នុងសហរដ្ឋអាមេរិក នោះនឹងគ្មានការដំឡើងពន្ធទេ»។អ្នកនាំពាក្យរបស់គណៈកម្មការអឺរ៉ុបនៅស្ថាប័នប្រតិបត្តិរបស់សហភាពអឺរ៉ុប បានបដិសេធដែលថា ប្លុកនេះមិនបានគោរពតាមកិច្ចព្រមព្រៀង។ អ្នកនាំពាក្យរូបនេះបាននិយាយថា «យើងនៅតែប្តេជ្ញាចិត្តយ៉ាងរឹងមាំចំពោះទំនាក់ទំនងអន្តរអាត្លង់ទិកដែលអាចប៉ាន់ស្មានបាន និងផ្តល់ផលប្រយោជន៍ទៅវិញទៅមក» ហើយគណៈកម្មការ «នឹងរក្សាជម្រើសរបស់យើងឱ្យបើកចំហដើម្បីការពារផលប្រយោជន៍របស់សហភាពអឺរ៉ុប» ប្រសិនបើលោក Trump មិនគោរពតាមកិច្ចព្រមព្រៀងដែលមានស្រាប់។

សហរដ្ឋអាមេរិក កំណត់គោលដៅលើស្ថានីយប្រេងរបស់ចិន ក្នុងទណ្ឌកម្មថ្មីលើអ៊ីរ៉ង់

2026/05/02 09:50:43 am        62
Facebook Telegram Linkin
សហរដ្ឋអាមេរិកកាលពីថ្ងៃសុក្រ ទី១ ខែឧសភា បានដាក់ទណ្ឌកម្មលើស្ថានីយប្រេងរបស់ចិន ជាផ្នែកមួយនៃវិធានការថ្មីៗមួយចំនួនលើប្រទេសអ៊ីរ៉ង់ ខណៈខ្លួនបានព្រមានអំពីផលវិបាកសម្រាប់នាវាដែលបង់ «ថ្លៃសេវា» ទាមទារដោយទីក្រុងតេអេរ៉ង់។ វិធានការថ្មីទាំងនេះ ធ្វើឡើងក្នុងពេលមានការជាប់គាំងក្នុងផ្នែកការទូត បន្ទាប់ពីលោក Trump បានបញ្ឈប់ការវាយប្រហាររបស់សហរដ្ឋអាមេរិក និងអ៊ីស្រាអែលទៅលើអ៊ីរ៉ង់ ហើយត្រូវបានប្រកាសត្រឹមតែពីរសប្តាហ៍នៅមុនពេលលោក Trump ធ្វើទស្សនកិច្ចនៅប្រទេសចិនដែលជាអតិថិជនសំខាន់សម្រាប់ប្រេងរបស់អ៊ីរ៉ង់។សហរដ្ឋអាមេរិក ចាប់តាំងពីអាណត្តិដំបូងរបស់លោកប្រធានាធិបតី Donald Trump បានព្យាយាមជាឯកតោភាគីដើម្បីបញ្ឈប់ប្រទេសនានាពីការទិញប្រេងពីប្រទេសអ៊ីរ៉ង់ ដែលមេដឹកនាំសាសនាកំពុងកាន់អំណាចរបស់ពួកគេ បានស្បត់ថាជាបច្ចាមិត្តរបស់អ៊ីស្រាអែល និងសហរដ្ឋអាមេរិក។ក្រសួងការបរទេស បាននិយាយថា សហរដ្ឋអាមេរិកកំពុងដាក់ទណ្ឌកម្មលើក្រុមហ៊ុន Qingdao Haiye Oil Terminal Co Ltd ដែលខ្លួនបាននិយាយថាក្រុមហ៊ុនេះបាននាំចូលប្រេងឆៅអ៊ីរ៉ង់រាប់សិបលានបារ៉ែល ដែលការធ្វើបែបនេះ ជួយដល់អ៊ីរ៉ង់បង្កើតប្រាក់ចំណូលបានរាប់ពាន់លានដុល្លារ។ក្រសួងការបរទេសបាននិយាយថា «ដរាបណា អ៊ីរ៉ង់ព្យាយាមរកប្រាក់ចំណូលប្រេងដើម្បីផ្តល់មូលនិធិដល់សកម្មភាពបង្កអស្ថិរភាពរបស់ខ្លួន សហរដ្ឋអាមេរិកនឹងធ្វើឱ្យអ៊ីរ៉ង់ និងដៃគូដែលគេចវេះពីទណ្ឌកម្មទាំងអស់របស់ខ្លួនទទួលខុសត្រូវ»។

សហរដ្ឋអាមេរិក នឹងដកកងទ័ពប្រហែល ៥.០០០នាក់ ចេញពីប្រទេសអាល្លឺម៉ង់

2026/05/02 09:16:53 am        64
Facebook Telegram Linkin
យោងតាមការលើកឡើងរបស់មន្ទីរបញ្ចកោណកាលពីថ្ងៃសុក្រ ទី ១ ខែឧសភា បានឲ្យដឹងថា រដ្ឋមន្ត្រីក្រសួងការពារជាតិសហរដ្ឋអាមេរិក លោក Pete Hegseth បានបញ្ជាឱ្យដកកងទ័ពប្រហែល ៥.០០០នាក់ចេញពីប្រទេសអាល្លឺម៉ង់ក្នុងរយៈពេលមួយឆ្នាំខាងមុខ។ ការប្រកាសនេះ បានធ្វើឡើងបន្ទាប់ពីប្រធានាធិបតី លោក ដូណាល់ ត្រាំ បានគំរាមកាលពីដើមសប្តាហ៍នេះថា នឹងដកកងទ័ពចេញពីប្រទេសអាល្លឺម៉ង់ដែលជាសម្ព័ន្ធមិត្តណាតូ ក្នុងពេលមានជម្លោះជាមួយអធិការបតីរបស់ប្រទេសនេះ លោក Friedrich Merz ជុំវិញសង្គ្រាមរបស់សហរដ្ឋអាមេរិក-អ៊ីស្រាអែល លើប្រទេសអ៊ីរ៉ង់។អ្នកនាំពាក្យមន្ទីរបញ្ចកោណ លោក Sean Parnell បាននិយាយនៅក្នុងសេចក្តីថ្លែងការណ៍ថា «យើងរំពឹងថា ការដកកងទ័ពនឹងត្រូវបញ្ចប់ក្នុងរយៈពេល៦ទៅ១២ខែខាងមុខ»។លោក Merz អធិការបតីអាល្លឺម៉ង់ បានក្លាយជាគោលដៅនៃកំហឹងរបស់លោក Trump បន្ទាប់ពីបាននិយាយកាលពីថ្ងៃចន្ទសប្តាហ៍នេះថា អ៊ីរ៉ង់កំពុង «ធ្វើឱ្យទីក្រុងវ៉ាស៊ីនតោនអាម៉ាស់» នៅតុចរចា។លោក Trump បាននិយាយកាលពីថ្ងៃអង្គារថា លោក Merz «គិតថា វាមិនអីទេសម្រាប់ប្រទេសអ៊ីរ៉ង់ក្នុងការមានអាវុធនុយក្លេអ៊ែរ។ លោកមិនដឹងថា លោក Merz កំពុងនិយាយអំពីអ្វីនោះទេ»។លោក Trump បាននិយាយថា ទីក្រុងវ៉ាស៊ីនតោនកំពុង «សិក្សា និងពិនិត្យឡើងវិញអំពីការកាត់បន្ថយដែលអាចធ្វើទៅបាន» នៃកងទ័ពអាមេរិកនៅក្នុងប្រទេសអាល្លឺម៉ង់ ហើយលោកនឹងសម្រេចចិត្តក្នុង «ពេលដ៏ខ្លី»។ ក្នុងអំឡុងអាណត្តិទាំងពីរលើករបស់លោកនៅក្នុងតំណែង លោក Trump បានគំរាមកាត់បន្ថយចំនួនកងទ័ពសហរដ្ឋអាមេរិកនៅក្នុងប្រទេសអាល្លឺម៉ង់ និងប្រទេសសម្ព័ន្ធមិត្តអឺរ៉ុបផ្សេងទៀត ដោយនិយាយថា លោកចង់ឱ្យអឺរ៉ុបទទួលខុសត្រូវកាន់តែធំចំពោះការការពារខ្លួន ជាជាងពឹងផ្អែកលើទីក្រុងវ៉ាស៊ីនតោន។

លោក Trump និយាយថា លោក «មិនពេញចិត្ត» ជាមួយនឹងសំណើចរចាថ្មីរបស់អ៊ីរ៉ង់ទេ

2026/05/02 09:11:13 am        77
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃសុក្រ ទី១ ខែឧសភា ថា លោក «មិនពេញចិត្ត» ជាមួយនឹងសំណើចរចាថ្មីរបស់អ៊ីរ៉ង់ទេ ខណៈការចរចាសន្តិភាពនៅតែជាប់គាំង ទោះបីជាមានបទឈប់បាញ់រយៈពេលច្រើនសប្តាហ៍ក៏ដោយ។ ទីភ្នាក់ងារសារព័ត៌មាន IRNA បានរាយការណ៍ថា អ៊ីរ៉ង់បានប្រគល់ឯកសារសំណើទៅឱ្យអ្នកសម្របសម្រួលប្រទេសប៉ាគីស្ថានកាលពីល្ងាចថ្ងៃព្រហស្បតិ៍ ដោយមិនបានរៀបរាប់លម្អិតអំពីខ្លឹមសាររបស់សំណើនោះឡើយ។ លោក Trump បានប្រាប់អ្នកសារព័ត៌មានថា «នៅពេលនេះ ខ្ញុំមិនពេញចិត្តនឹងអ្វីដែលពួកគេកំពុងស្នើនោះទេ» ដោយស្តីបន្ទោសលើការចរចាដែលជាប់គាំងទៅលើ «ភាពមិនចុះសម្រុងគ្នាយ៉ាងខ្លាំង» នៅក្នុងជួរថ្នាក់ដឹកនាំរបស់អ៊ីរ៉ង់។ លោកបាននិយាយបន្ថែមថា «តើយើងចង់ទៅបំផ្ទុះពួកគេចោល ហើយបញ្ចប់ពួកគេជារៀងរហូត ឬថាតើយើងត្រូវព្យាយាមឲ្យមានកិច្ចព្រមព្រៀង?» ដោយលោកបានបញ្ជាក់ថា លោក «មិនចង់» ជ្រើសរើសជម្រើសដំបូងនេះទេ ផ្អែក «លើមូលដ្ឋានមនុស្សធម៌»។ សង្គ្រាម ដែលបានចាប់ផ្តើមដោយសហរដ្ឋអាមេរិក និងអ៊ីស្រាអែល ដោយការវាយប្រហារដ៏ភ្ញាក់ផ្អើលកាលពីថ្ងៃទី២៨ ខែកុម្ភៈ ត្រូវបានផ្អាកចាប់តាំងពីថ្ងៃទី៨ ខែមេសា ដោយមានតែមួយជុំនៃការចរចាផ្ទាល់ដែលបានបរាជ័យចាប់តាំងពីពេលនោះមក។ លោក Trump ដែលស្ថិតនៅក្រោមសម្ពាធនៅក្នុងប្រទេសក្នុងការស្វែងរកការអនុញ្ញាតពីសភាសម្រាប់សង្គ្រាម បានសរសេរទៅកាន់សមាជិកសភាកាលពីរសៀលថ្ងៃសុក្រ ដោយប្រកាសពីអរិភាពថា «បានបញ្ចប់» ទោះបីជាពុំមានការផ្លាស់ប្តូរនៅក្នុងជំហរយោធារបស់សហរដ្ឋអាមេរិកក៏ដោយ។ អ៊ីរ៉ង់បានរក្សាការគ្រប់គ្រងរបស់ខ្លួននៅលើច្រកសមុទ្រ Hormuz ដោយរារាំងលំហូរប្រេង ឧស្ម័ន និងជីសំខាន់ៗពីសេដ្ឋកិច្ចពិភពលោក ខណៈសហរដ្ឋអាមេរិកបានដាក់ការរារាំងនៅកំពង់ផែអ៊ីរ៉ង់។ ទោះបីជាមានភាពជាប់គាំងក៏ដោយ បទឈប់បាញ់នៅតែមាន ប៉ុន្តែការប្រយុទ្ធគ្នាក៏នៅតែបន្តនៅកន្លែងផ្សេងៗទៀតនៅក្នុងតំបន់។ នៅសមរភូមិប្រទេសលីបង់ អ៊ីស្រាអែលបានបន្តការវាយប្រហារដ៏បង្ហូរឈាម ទោះបីជាមានបទឈប់បាញ់នៅថ្ងៃទី១៧ ខែមេសា ជាមួយក្រុមហេសបូឡាគាំទ្រដោយអ៊ីរ៉ង់ក៏ដោយ ដែលបានព្យាយាមបញ្ឈប់ការប្រយុទ្ធរយៈពេលជាង៦សប្តាហ៍មកនេះ។

អ្នកស្រុករស់នៅទីក្រុងដាម៉ាសវាយតម្លៃផលប៉ះពាល់ ខណៈការចំណាយកើនឡើងដោយសារជម្លោះនៅមជ្ឈិមបូព៌ា

2026/05/01 08:39:29 pm        33
Facebook Telegram Linkin
 ផលប៉ះពាល់ដោយសារជម្លោះនៅតំបន់មជ្ឈិមបូព៌ា បង្កផលវិបាកកាន់តែខ្លាំងដល់ពលរដ្ឋរស់នៅក្នុងទីក្រុងដាម៉ាស ប្រទេសស៊ីរី ដែលបានជួបការលំបាកផ្នែកសេដ្ឋកិច្ចរួចទៅហើយ ក្នុងនោះការចំណាយខ្ពស់ បានធ្វើឲ្យពលរដ្ឋមួយចំនួនពិបាកស៊ូទ្រាំ សម្រាប់ជីវិតរស់នៅប្រចាំថ្ងៃរបស់ពួកគេ ។ ប្រទេសស៊ីរី បានជួបវិបត្តិសេដ្ឋកិច្ចអស់រយៈពេលជាង ១ទសវត្សរ៍មកហើយ ដោយសារសង្រ្គាមស៊ីវិល ទណ្ឌកម្ម និងហេដ្ឋារចនាសម្ព័ន្ធទ្រុឌទ្រោម ប៉ុន្តែផលប៉ះពាល់កាន់តែធំពីសង្រ្គាមសហរដ្ឋអាមេរិក-អ៊ីស្រាអែលលើអ៊ីរ៉ង់ បានដាក់សម្ពាធបន្ថែមទៀតលើប្រទេសមួយនេះ ។ តម្លៃចំណីអាហារមូលដ្ឋាន ដូចជាស៊ុត និងនំបុ័ង បន្តកើនឡើងខ្ពស់ ខណៈគ្រឿងផ្គត់ផ្គង់ចាំបាច់ ដូចជាហ្គាសចម្អិនអាហារ បន្តឡើងថ្លៃ ធ្វើឲ្យការចំណាយប្រចាំថ្ងៃនៅទីក្រុងដាម៉ាស កាន់តែយ៉ាប់យ៉ឺន ។ នៅក្នុងផ្សារដ៏មមាញឹកមួយនៅទីក្រុងដាម៉ាស រានតូបមានលក់មុខទំនិញគ្រប់បែបយ៉ាង ប៉ុន្តែតម្លៃរបស់វា ធ្វើឲ្យអតិថិជនគ្មានលទ្ធភាពទិញវានោះទេ ។ សម្រាប់ពលរដ្ឋមួយចំនួន កង្វះខាតឱកាសការងារបានធ្វើឲ្យជីវិតរបស់ពួកគេកាន់តែលំបាកថែមមួយកម្រិតទៀត ។ ប្រាក់ចំណូលដាំក្បាលចុះ ប៉ុន្តែការចំណាយប្រចាំថ្ងៃ បន្តកើនឡើង ធ្វើឲ្យមនុស្សធម្មតាគ្មានលទ្ធភាពក្នុងការទិញចំណីអាហារទទួលទាននោះទេ ។ អ្នកស្រុកម្នាក់រស់នៅក្នុងទីក្រុងដាម៉ាស និយាយថា ពួកយើងលែងទទួលបានអាហារគ្រប់គ្រាន់ទៀតហើយ ត្រឹមរយៈពេល ២ថ្ងៃប៉ុណ្ណោះ មិនថា សាច់គោ ឬសាច់មាន់ទេ សុទ្ធតែឡើងថ្លៃទាំងអស់ ខណៈដែលពលរដ្ឋ ៦០ភាគរយ គ្មានការងារធ្វើ ។ លោកបន្តថា ភាគច្រើននៃពួកយើងសព្វថ្ងៃនេះ ធ្លាក់ក្នុងភាពក្រីក្រ ហើយនិងត្រូវការជំនួយបន្ទាន់ ។ លោកមកពីតំបន់ឈូងសមុទ្រមានប្រាក់ ១ពាន់ដុល្លារជាប់ខ្លួន ប៉ុន្តែប្រាក់ទាំងអស់ លោកចាយអស់ ហើយ ក្នុងរយៈពេល ៦ខែកន្លងមកនេះ ។ ឥឡូវលោកគ្មានប្រាក់ចំណូលនោះទេ ហើយក៏គ្មានការងារធ្វើនោះដែរ ។ សូមបញ្ជាក់ថា សង្រ្គាមអ៊ីរ៉ង់ បានរាំងផ្ទប់ការដឹកជញ្ជូនទំនិញ និងប្រេងឆ្លងកាត់ច្រកសមុទ្រ Hormus ធ្វើឲ្យតម្លៃថាមពលហក់ឡើងខ្ពស់នៅទូទាំងពិភពលោក ៕

សិស្សសាលាស៊ូដង់មិនបានចូលរៀនជាច្រើនឆ្នាំ ដោយសារសង្គ្រាម

2026/05/01 08:07:26 pm        24
Facebook Telegram Linkin
ក្មេងស្រីស៊ូដង់ឈ្មោះ Afrah អាយុ ១៣ ឆ្នាំ ចង់ក្លាយជាគ្រូពេទ្យវះកាត់ ហើយគ្មានអ្វីអាចបញ្ឈប់នាង បានទេ ទោះបីជាសង្គ្រាមដែលបានបំផ្លិចបំផ្លាញប្រទេសរបស់ខ្លួន និងបង្ខំកុមាររាប់លាននាក់ឲ្យចេញពីសាលារៀនក៏ដោយ។ដោយត្រូវផ្លាស់ទីលំនៅដោយជម្លោះរយៈពេលបីឆ្នាំរវាងកងទ័ពស៊ូដង់ និងកងកម្លាំងគាំទ្ររហ័ស (RSF)  ក្មេងស្រីរូបនេះ មានភាពស្ងប់ស្ងាត់ និងការតាំងចិត្តខ្ពស់ ក្នុងការបន្តរៀនដោយខ្លួនឯងអស់រយៈពេលជាច្រើនខែហើយ។  ក្មេងស្រីរូបនេះ បានប្រាប់សារព័ត៌មាន AFP នៅជំរំភៀសខ្លួនមួយក្នុងទីក្រុងកំពង់ផែស៊ូដង់ ជាកន្លែងដែលខ្លួនកំពុងទទួលបានការអប់រំម្តងទៀត ដោយសារមាន UNICEF និងអង្គការក្នុងស្រុក SCEFA។ កុមារី Afrah គឺជាអនីតិជនម្នាក់ក្នុងចំណោមអនីតិជនជាង ២៥លាននាក់ នៅក្នុងប្រទេសស៊ូដង់ ឬពាក់កណ្តាលនៃចំនួនប្រជាជនសរុប ដែលក្នុងនោះ ៨ លាននាក់ កំពុងនៅក្រៅសាលារៀន។ នេះបើយោងតាមទីភ្នាក់ងារកុមាររបស់អង្គការសហប្រជាជាតិនេះ៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ
05/31/2026 07:05 PM
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ
05/31/2026 06:05 PM
Facebook Telegram Linkin
ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មាន​ឱកាស​ការ​ងារ​ជាង ៨,០០០​កន្លែង កំពុង​រង់​​ចាំអតីត​​ពលករ​​ត្រឡ​ប់​មក​ពី​ថៃ និង​អ្នកកំ​ពុង​ស្វែងរកកា​រងា​រ​ធ្វើ
05/31/2026 06:05 PM
Facebook Telegram Linkin
ក្រសួងការងារ៖ នៅខេត្តជាប់សមុទ្រទាំង៤ មានឱកាសកា​រងារជិត ៧,០០០កន្លែង ដែល​កំពុងរង់ចាំ​អតីត​ពលករត្រឡ​ប់ម​កពីថៃ និង​អ្នក​​កំពុង​​ស្វែង​រក​ការ​ងារ​ធ្វើ
05/31/2026 06:05 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង
05/31/2026 03:05 PM
Facebook Telegram Linkin
រដ្ឋមន្រ្តីការពារជាតិជប៉ុនលោក Koizumi ច្រានចោល​ការចោទប្រកាន់ពីយោធានិយមថ្មី
05/31/2026 03:05 PM
Facebook Telegram Linkin
ក្រសួងការងារ៖ ខេត្តចំនួន៤ នៅភូមិភាគ​ឦសាន្ត មានឱកាសកា​រងារជិត ៤,០០០​កន្លែង កំពុងរង់​ចាំអតីតព​ល​ករត្រឡប់​មកពីថៃ និងអ្នក​​កំពុង​ស្វែង​រ​កការងារធ្វើ
05/31/2026 02:05 PM
Facebook Telegram Linkin
ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា
05/31/2026 01:05 PM
Facebook Telegram Linkin
អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់​រង្វាន់​ដល់​សិស្សឆ្នើម
05/31/2026 01:05 PM
Facebook Telegram Linkin
អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ
05/31/2026 01:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.