BTV NEWS

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

UN៖ ការប៉ះទង្គិចគ្នារវាងអ៊ីស្រាអែល-ក្រុមហេសបូឡា ធ្វើឲ្យប៉ះពាល់ការចូលដល់ជំនួយនៅភាគខាងត្បូងលីបង់

ព័ត៌មានអន្តរជាតិ

ស៊ីរីពឹងផ្អែកលើប្រេងរបស់រុស្ស៊ី ទោះបីជារដ្ឋាភិបាលថ្មីមានទំនាក់ទំនងជាមួយលោកខាងលិចក្តី

របាយការណ៍របស់សារព័ត៌មានរ៉យទ័របង្ហាញថា រុស្ស៊ីបានក្លាយជាអ្នកផ្គត់ផ្គង់ប្រេងសំខាន់ដល់ប្រទេសស៊ីរី ទោះបីជារដ្ឋាភិបាលថ្មីមានទំនាក់ទំនងជាមួយលោកខាងលិច និងការមិនទុកចិត្តយ៉ាងទូលំទូលាយចំពោះទីក្រុងមូស្គូលើការគាំទ្រផ្នែកយោធារបស់ខ្លួនដល់អតីតមេដឹកនាំលោក បាសា អាល់អាសាដ ដែលត្រូវបានគេផ្តួលរលំ។ដោយផ្អែកលើការគណនារបស់រ៉យទ័រអំពីការប្រកាសជាផ្លូវការ និងទិន្នន័យតាមដាននាវារបស់ក្រុមហ៊ុន LSEG, MarineTraffic និង Shipnext របាយការណ៍នេះ បានរកឃើញថា ការដឹកជញ្ជូនប្រេងពីរុស្ស៊ី បានកើនឡើង ៧៥ ភាគរយ គឺប្រហែល ៦០.000 បារ៉ែល ក្នុងមួយថ្ងៃ នៅឆ្នាំនេះ បរិមាណទាំងនេះតំណាងឲ្យចំណែកតូចមួយនៃការនាំចេញប្រេងសកលប្រចាំថ្ងៃរបស់រុស្ស៊ី។ប៉ុន្តែសម្រាប់ស៊ីរី ជាកន្លែងដែលផលិតកម្មក្នុងស្រុក នៅតែទាបជាងតម្រូវការឆ្ងាយ លំហូរទាំងនេះ ធ្វើឲ្យទីក្រុងមូស្គូក្លាយជាអ្នកផ្គត់ផ្គង់ប្រេងឆៅដ៏សំខាន់របស់ប្រទេសនេះ បន្ទាប់ពីរបបរបស់លោក អាសាដ ត្រូវបានផ្តួលរំលំ នៅក្នុងខែធ្នូ ឆ្នាំ ២០២៤ ដោយដណ្តើមយកតំណែងពីអ៊ីរ៉ង់ ដែលជាសម្ព័ន្ធមិត្តសំខាន់របស់មេដឹកនាំនេះ ដែលត្រូវបានបណ្តេញចេញពីអំណាច អំឡុងពេលសង្គ្រាមស៊ីវិលរយៈពេល ១៤ឆ្នាំ នៅក្នុងប្រទេសនេះ៕

រុស្ស៊ីសរសើរកាសែតអាល្លឺម៉ង់សម្រាប់របាយការណ៍ស្តីពីករណីពុករលួយនៅអ៊ុយក្រែន

លោក Kirill Dmitriev បេសកជនប្រធានាធិបតីពិសេស និងជានាយកប្រតិបត្តិនៃមូលនិធិវិនិយោគផ្ទាល់របស់រុស្ស៊ី បានសរសើរសារព័ត៌មាន Berliner Zeitung របស់អាល្លឺម៉ង់ចំពោះកិច្ចខិតខំប្រឹងប្រែងជាបន្តបន្ទាប់របស់ខ្លួន ក្នុងការចេញផ្សាយព័ត៌មានអំពីករណីអំពើពុករលួយរបស់លោក Mindich នៅអ៊ុយក្រែន។លោកបានសរសេរនៅលើបណ្តាញសង្គម X ថា៖«សូមសរសើរដល់កាសែត Berliner Zeitung ដែលមិនបានលាក់បាំងការស៊ើបអង្កេតអំពើពុករលួយរបស់អ៊ុយក្រែន»។ «ការស៊ើបអង្កេតខ្សែអាត់របស់លោក Mindich គឺជាករណីប្រឆាំងអំពើពុករលួយជាផ្លូវការ ប៉ុន្តែភាពស្ងៀមស្ងាត់របស់ប្រព័ន្ធផ្សព្វផ្សាយចាស់ៗបង្ហាញពីភាពលម្អៀង និងកង្វះការស្វែងរកការពិតពិតប្រាកដ»។នៅចុងថ្ងៃទី ២៨ ខែមេសា សារព័ត៌មាន Ukrainskaya Pravda របស់អ៊ុយក្រែន បានចេញផ្សាយខ្សែអាត់សំឡេងរបស់អ្នកជំនួញលោក Timur Mindich ដែលកំពុងពិភាក្សាអំពីកិច្ចសន្យាការពារជាតិជាមួយរដ្ឋមន្ត្រីក្រសួងការពារជាតិនៅពេលនោះ ដែលឥឡូវនេះជាលេខាធិការក្រុមប្រឹក្សាសន្តិសុខជាតិ និងការពារជាតិអ៊ុយក្រែន លោក Rustem Umerov ក៏ដូចជាការសន្ទនាជាមួយសហការីរបស់លោក វ្ល៉ូឌីមី ហ្សេឡិនស្គី គឺលោក Sergey Shefir អំពីការរៃអង្គាសប្រាក់សម្រាប់ការបង់ប្រាក់ធានាសម្រាប់លោករដ្ឋមន្ត្រី Alexey Chernyshov ដោយសេវាសារព័ត៌មានរបស់លោក Umerov បានបដិសេធមិនធ្វើអត្ថាធិប្បាយ៕

រដ្ឋមន្ត្រីការពារជាតិនិយាយថា អ៊ីស្រាអែលអាចនឹងបន្តសកម្មភាពយោធាប្រឆាំងនឹងអ៊ីរ៉ង់ ក្នុងពេលឆាប់ៗនេះ

រដ្ឋមន្ត្រីក្រសួងការពារជាតិអ៊ីស្រាអែល លោក Israel Katz បាននិយាយកាលពីថ្ងៃព្រហស្បតិ៍ថា ប្រទេសនេះ អាចនឹងត្រូវបន្តសកម្មភាពយោធាប្រឆាំងនឹងអ៊ីរ៉ង់ ក្នុងពេលឆាប់ៗនេះ។ថ្លែងនៅក្នុងពិធីយោធាមួយ លោក Katz បាននិយាយថា អ៊ីស្រាអែលគាំទ្រការចរចារវាងសហរដ្ឋអាមេរិក និងអ៊ីរ៉ង់លើកិច្ចព្រមព្រៀងដែលអាចធ្វើទៅបាន ប៉ុន្តែអាចនឹងត្រូវការបន្តការវាយប្រហារ ដើម្បីធានាសន្តិសុខរបស់ខ្លួន។លោកបានបន្ថែមថា៖«អ៊ីរ៉ង់បានរងការវាយប្រហារយ៉ាងខ្លាំងក្នុងរយៈពេលមួយឆ្នាំកន្លងមក ហើយការវាយប្រហារនេះធ្វើឲ្យវិស័យនានាដែលមានការរីកចម្រើនជាច្រើនឆ្នាំមកហើយនោះ ត្រូវបំផ្លាញស្ទើរតែទាំងស្រុង។ លោកបានបន្ថែមថា អ៊ីស្រាអែលនឹងបន្តការវាយលុករបស់ខ្លួនប្រឆាំងនឹងក្រុមហេសបូឡានៅលីបង់ «ដូចដែលយើងបានធ្វើនៅតំបន់ហ្កាហ្សា» ដោយបញ្ជាក់ថា យោធានឹងធ្វើសកម្មភាព ដើម្បីបំផ្លាញហេដ្ឋារចនាសម្ព័ន្ធសកម្មប្រយុទ្ធទាំងអស់ ជាអ្វីដែលខ្លួនហៅថា «ខ្សែបន្ទាត់លឿង» ដែលជាតំបន់ទ្រនាប់ត្រូវបានប្រកាសដោយអ៊ីស្រាអែល នៅតាមបណ្តោយព្រំដែនលាតសន្ធឹងដល់ទន្លេ Litani៕

ការបន្ធូរបន្ថយច្បាប់នាំចេញអាវុធរបស់ជប៉ុន អាចបើកផ្លូវឲ្យទីក្រុងតូក្យផ្គត់ផ្គង់អាវុធដល់អ៊ុយក្រែន

ឯកអគ្គរដ្ឋទូតក្រុងគីវប្រចាំប្រទេសជប៉ុន បានប្រាប់ទីភ្នាក់ងារព័ត៌មានរ៉យទ័រថា ការបន្ធូរបន្ថយច្បាប់នាំចេញអាវុធរបស់ជប៉ុន បើកផ្លូវសម្រាប់ការចរចាដែលថ្ងៃណាមួយអាចនាំឲ្យទីក្រុងតូក្យូផ្គត់ផ្គង់គ្រឿងយុទ្ធោបករណ៍ ដើម្បីជួយអ៊ុយក្រែនទប់ទល់នឹងការឈ្លានពានរបស់រុស្ស៊ី។លោក Yurii Lutovinov បាននិយាយនៅក្នុងបទសម្ភាសន៍មួយនៅស្ថានទូតអ៊ុយក្រែនថា៖«ការបន្ធូរបន្ថយច្បាប់នេះអនុញ្ញាតឲ្យយើងនិយាយគ្នាបាន»។ «តាមទ្រឹស្តី នេះ គឺជាជំហានដ៏ធំមួយឆ្ពោះទៅមុខ»។ការសម្រេចរបស់លោកស្រីនាយករដ្ឋមន្ត្រី Sanae Takaichi កាលពីសប្តាហ៍មុន ដើម្បីបន្ធូរបន្ថយច្បាប់នាំចេញ ដែលជាការផ្លាស់ប្តូរចុងក្រោយរបស់ជប៉ុនចេញពីជំហរសន្តិភាពនិយមក្រោយសង្គ្រាមយ៉ាងតឹងរ៉ឹង បានបង្កឲ្យមានការចាប់អារម្មណ៍យ៉ាងទូលំទូលាយ ខណៈដែលជម្លោះនៅអ៊ុយក្រែន និងមជ្ឈិមបូព៌ា ធ្វើឲ្យ ផលិតកម្មអាវុធរបស់លោកខាងលិចមានភាពតឹងតែង។ខណៈពេលដែលការកែប្រែច្បាប់នេះ រក្សាការគ្រប់គ្រងលើការនាំចេញអាវុធទៅកាន់តំបន់ជម្លោះ វាអនុញ្ញាតឲ្យមានករណីលើកលែងដែលបម្រើផលប្រយោជន៍សន្តិសុខរបស់ទីក្រុងតូក្យូ ជាការសម្រេចមួយដែលទីក្រុងគីវសង្ឃឹមថា នឹងទទួលបានអត្ថប្រយោជន៍៕

ការបិទច្រកសមុទ្រ Hormuz បានមើលឃើញផ្លូវគោកជាជម្រើសដោយបើកសម្រាប់ការធ្វើពាណិជ្ជកម្ម

ទីភ្នាក់ងារសារព័ត៌មាន AFP រាយការណ៍ថា ការបិទច្រកសមុទ្រ Hormuz កំពុងផ្លាស់ប្តូរផ្លូវពាណិជ្ជកម្មជាមួយនឹងចរាចរណ៍តាមនាវាដឹកទូរទំនិញ ដែលពេលនេះកំពុងប្រើប្រាស់តាមផ្លូវគោកវិញដើម្បីបានទៅដល់គោលដៅ។យោងតាមប្រភពភស្តុភារនិងផ្លូវសមុទ្របានឲ្យដឹងថា ការបិទច្រកសមុទ្រនេះបានជំរុញឱ្យម្ចាស់នាវាស្វែងរកច្រករបៀងផ្លូវគោកជំនួសវិញដើម្បីដឹកជញ្ជូនស្បៀងអាហារ និងទំនិញផលិតរួចតាមរថយន្តដឹកទំនិញ ខណៈវាលែងអាចទៅដល់បណ្តាប្រទេសនៅឈូងសមុទ្រតាមផ្លូវសមុទ្របានទៀតហើយ។យោងតាមសារព័ត៌មាន AFP បានឲ្យដឹងថា កំពង់ផែ Jeddah របស់អារ៉ាប៊ីសាអ៊ូឌីតនៅលើសមុទ្រក្រហមកំពុងក្លាយជា «មជ្ឈមណ្ឌល» ក្នុងតំបន់ថ្មីមួយ ជាកន្លែងដែលនាវាមកពីក្រុមហ៊ុនយក្សតាមសមុទ្រ មានក្រុមហ៊ុន MSC, CMA CGM, Maersk និង Cosco ទៅដល់តាមរយៈព្រែកជីកស៊ុយអេ។ក្រោយមកទំនិញត្រូវបានបញ្ចេញតាមរថយន្តដឹកទំនិញតាមផ្លូវហាយវ៉េដើម្បីដឹកជញ្ជូនទៅកាន់ទីតាំងនានាដូចជាអារ៉ាប់រួម ប្រទេសបារ៉ែន និងប្រទេសគូវ៉េត ដែលមិនត្រូវបានបម្រើដោយផ្លូវសមុទ្ររយៈពេលពីរខែកន្លងទៅនេះ។ ម្ចាស់នាវាបាននិយាយថា ពួកគេក៏នឹងប្រើប្រាស់កំពង់ផែចំនួនបីនៅខាងក្រៅច្រកសមុទ្រ Hormuz ផងដែរ មានកំពង់ផែ Sohar របស់ប្រទេសអូម៉ង់ និងកំពង់ផែ Khor Fakkan និង Fujairah របស់ប្រទេសអារ៉ាប់រួម។ កំពង់ផែ Aqaba ក្នុងប្រទេសហ្ស៊កដានី បម្រើជាមូលដ្ឋានសម្រាប់បញ្ជូនទំនិញទៅកាន់ទីក្រុងបាកដាដ និងទីក្រុង Basra ក្នុងប្រទេសអ៊ីរ៉ាក់ ខណៈច្រករបៀងនៅប្រទេសទួរគី ក៏កំពុងអនុញ្ញាតឱ្យទំនិញចូលទៅភាគខាងជើងប្រទេសអ៊ីរ៉ាក់ផងដែរ។

សហរដ្ឋអាមេរិកជំរុញឲ្យមានកិច្ចប្រជុំរវាងប្រធានាធិបតីលីបង់ និងនាយករដ្ឋមន្ត្រីអ៊ីស្រាអែល

ស្ថានទូតសហរដ្ឋអាមេរិកប្រចាំប្រទេសលីបង់កាលពីថ្ងៃព្រហស្បតិ៍ បានជំរុញឲ្យមានកិច្ចប្រជុំរវាងមេដឹកនាំលីបង់ និងអ៊ីស្រាអែល ខណៈដែលក្រសួងសុខាភិបាលបាននិយាយថា ការវាយប្រហាររបស់អ៊ីស្រាអែលនៅភាគខាងត្បូងប្រទេសនេះ បានសម្លាប់មនុស្សយ៉ាងហោចណាស់ ១៧នាក់ ទោះបីជាមានបទឈប់បាញ់កំពុងបន្តក៏ដោយ។តំណាងអ៊ីស្រាអែល និងលីបង់ក្នុងខែនេះ បានជួបប្រជុំគ្នាពីរដង នៅទីក្រុងវ៉ាស៊ីនតោន ដែលជាកិច្ចប្រជុំលើកដំបូង ក្នុងរយៈពេលជាច្រើនទសវត្សរ៍ បន្ទាប់ពីក្រុមហេសបូឡាគាំទ្រដោយអ៊ីរ៉ង់ បានទាញប្រទេស លីបង់ចូលទៅក្នុងសង្គ្រាមមជ្ឈិមបូព៌ា នៅថ្ងៃទី ០២ ខែមីនា ដោយបង្កឲ្យមានការវាយប្រហារយ៉ាងខ្លាំងក្លានិងប្រតិបត្តិការដោយកងទ័ពជើងគោករបស់អ៊ីស្រាអែល។បន្ទាប់ពីការចរចាលើកដំបូង ប្រធានាធិបតីអាមេរិក លោក ដូណាល់ ត្រាំ បានប្រកាសពីបទឈប់បាញ់ រយៈពេល ១០ថ្ងៃ នៅក្នុងប្រទេសលីបង់ ដែលបានចាប់ផ្តើមនៅថ្ងៃទី ១៧ ខែមេសា និងការបន្តរយៈពេលបីសប្តាហ៍ បន្ទាប់ពីជំនួបជុំទី ២។លោក ត្រាំ បាននិយាយថា លោកសង្ឃឹមថា នឹងធ្វើជាម្ចាស់ផ្ទះទទួលប្រធានាធិបតីលីបង់លោក Joseph Aoun និងនាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ «ក្នុងរយៈពេលពីរបីសប្តាហ៍ខាងមុខ» ខណៈដែលប្រទេសទាំងពីរ កំពុងរៀបចំសម្រាប់ការចរចាដោយផ្ទាល់៕

សត្វកណ្តុរច្រើនពាសពេញនៅក្នុងជំរំតំបន់ហ្កាហ្សា ខាំកុមារ និងរាលដាលជំងឺ

នៅក្នុងគំនរបាក់បែកនៃទីក្រុង Khan Younis ពលរដ្ឋតំបន់ហ្កាហ្សាដែលបានជម្លៀសខ្លួនចេញពីសង្គ្រាមបានរកឃើញថា តង់របស់ពួកគេពេញទៅដោយសត្វកណ្តុរ សត្វល្អិត និងប៉ារ៉ាស៊ីត។ ពួកវាខាំម្រាមដៃរបស់កុមារនៅពេលពួកគេដេកលក់ ខាំកកេររបស់របរ និងរាលដាលជំងឺ។ ការផ្ទុះឡើងនេះ កំពុងកើតឡើង ខណៈប្រជាជនតំបន់ហ្កាហ្សាជាង២លាននាក់បច្ចុប្បន្នរស់នៅក្នុងផ្ទះដែលត្រូវបានទម្លាក់គ្រាប់បែក និងតង់បណ្តោះអាសន្នដែលបោះនៅលើដីវាល នៅលើចិញ្ចើមផ្លូវ ឬនៅលើអគារដែលត្រូវបានបំផ្លាញ។ពលរដ្ឋនិយាយថា «យើងធ្លាប់មានសត្វកកេរកាលពីពេលមុន ប៉ុន្តែពួកវាមានតិចតួចប៉ុណ្ណោះ។ យើង ធ្លាប់ត្រូវបានគេផ្តល់ឱ្យនូវថ្នាំសម្លាប់សត្វល្អិត និងថ្នាំបាញ់មូស ចៃ រុយ និងសត្វកកេរ។ ពួកគេបានផ្តល់ឱ្យយើងនូវថ្នាំបំពុល និងផលិតផលផ្សេងទៀតដើម្បីដោះស្រាយបញ្ហានេះ។ ប៉ុន្តែបច្ចុប្បន្ន យើងមានការភ្ញាក់ផ្អើលដែលបានមើលឃើញពួកវារស់នៅជាមួយយើង។ យើងមិនអាចទ្រាំនឹងរឿងនេះបានទេ»។អ៊ីស្រាអែល បានលើកឡើងពីក្តីបារម្ភផ្នែកសន្តិសុខចំពោះការរឹតត្បិតនៅក្នុងតំបន់ហ្កាហ្សា។ ជាទូទៅ អ៊ីស្រាអែល រឹតត្បិតការចូលទៅក្នុងតំបន់ហ្កាហ្សានៃរបស់របរដែលខ្លួននិយាយថា អាចមានការប្រើប្រាស់ទាំងផ្នែកយោធា និងស៊ីវិល។វេជ្ជបណ្ឌិតម្នាក់ជាប្រធានផ្នែកសើស្បែកនៅមន្ទីរពេទ្យ Nasser បាននិយាយថា ការប្រមូលផ្តុំកាកសំណល់កំពុងនាំឱ្យមានផលប៉ះពាល់រវាងមនុស្ស និងសត្វចង្រៃ ដែលនាំឱ្យមានការខាំ និងចម្លងមេរោគស្បែក។

តុលាការអ៊ូហ្គង់ដា កាត់ទោសប្រហារជីវិតបុរសម្នាក់ពីបទសម្លាប់កុមារតូចៗបួននាក់នៅសាលាមត្តេយ្យ

តុលាការរបស់ប្រទេសអ៊ូហ្គង់ដា បានកាត់ទោសប្រហារជីវិតបុរសម្នាក់កាលពីថ្ងៃព្រហស្បតិ៍ ទី៣០ ខែមេសា ពីបទសម្លាប់កុមារតូចៗបួននាក់នៅសាលាមត្តេយ្យក្នុងខែនេះ ជាការវាយប្រហារមួយដែលបង្កឱ្យមានកំហឹងជាសាធារណៈ និងការព្រួយបារម្ភអំពីសុវត្ថិភាពសិស្សសាលានៅក្នុងប្រទេសអាហ្វ្រិកខាងកើតមួយនេះ។ចៅក្រមបាននិយាយថា ការស៊ើបអង្កេតលើទូរស័ព្ទនិងកុំព្យូទ័រយួរដៃរបស់ លោក Christopher Okello Onyum បានរកឃើញតាមរយៈការស្រាវជ្រាវរួមមានឯកសារ «សាលារៀននៅជិតខ្ញុំ» និង «ការកាត់ក្បាលរបស់ក្រុមអាយស៊ីស» ជាឯកសារយោងទៅលើក្រុមរដ្ឋអ៊ីស្លាម។នៅក្នុងការវាយប្រហារ ដែលបានកើតឡើងកាលពីថ្ងៃទី២ ខែមេសា នៅសាលាមត្តេយ្យមួយកន្លែងក្នុងរដ្ឋធានី Kampala លោក Onyum អាយុ៣៩ឆ្នាំបានចាក់សិស្សសាលាមត្តេយ្យបួននាក់ ជាកុមារតូចៗមានអាយុពីរ និងបីឆ្នាំ មុនពេលឆ្មាំម្នាក់បានបង្ក្រាបបុរសនេះ។ ឪពុកម្តាយដែលមានកំហឹង បានព្យាយាមចូលទៅសម្លាប់ជននេះ មុនពេលលោកត្រូវបានឃុំខ្លួន។លោក Onyum បានផ្តល់ចម្លើយពីភាពគ្មានទោសចំពោះឃាតកម្មនេះ ហើយមេធាវីម្នាក់របស់លោកបានអះអាងថា លោកគួរតែត្រូវបានដោះលែង ព្រោះថាលោកមានស្ថានភាពផ្លូវចិត្តជាយូរមកហើយ ហើយធ្លាប់ត្រូវបានបញ្ជូនទៅកាន់មន្ទីរពេទ្យវិកលចរិក។

ចិន ព្រមានប្រឆាំងនឹងមហិច្ឆតានុយក្លេអ៊ែររបស់ជប៉ុននៅក្រុមប្រឹក្សាសន្តិសុខUN

កាលពីថ្ងៃព្រហស្បតិ៍ បេសកជនចិនម្នាក់បានចេញការព្រមានខ្លាំងៗអំពីមហិច្ឆតានុយក្លេអ៊ែររបស់ប្រទេសជប៉ុននៅអង្គការសហប្រជាជាតិ ដោយចោទប្រទេសជប៉ុនថាបានប្រជែងនឹងខ្សែបន្ទាត់ក្រហមអន្តរជាតិ និងជំរុញឱ្យរដ្ឋាភិបាលជប៉ុនបញ្ជាក់ពីជំហររបស់ខ្លួន និងបោះបង់ចោលការបង្កើតប្រយោជន៍យោធាជាថ្មី។នៅក្នុងកិច្ចប្រជុំនៅក្រុមប្រឹក្សាសន្តិសុខអង្គការសហប្រជាជាតិ ស្តីពីការមិនរីកសាយអាវុធនៅលើឧបទ្វីបកូរ៉េ លោក Xu Feng ទីប្រឹក្សាផ្នែករំសាយអាវុធនៅបេសកកម្មអចិន្ត្រៃយ៍របស់ប្រទេសចិនប្រចាំអង្គការសហប្រជាជាតិ បានប្រឈមនឹងសកម្មភាពនិងវោហាសាស្ត្រថ្មីៗរបស់ប្រទេសជប៉ុនទាក់ទងនឹងអាវុធនុយក្លេអ៊ែរ។ដោយលើកឡើងពីឯកសារមានចំណងផ្លូវច្បាប់ ដូចជាសេចក្តីប្រកាសទីក្រុងគែរ(Cairo) សេចក្តីប្រកាសទីក្រុងPotsdam និងឯកសារសន្ធិសញ្ញាចុះចាញ់របស់ជប៉ុន លោក Xu បានសង្កត់ធ្ងន់ថា ប្រទេសជប៉ុនត្រូវតែបានរំសាយអាវុធទាំងស្រុង ហើយត្រូវតែបានហាមឃាត់មិនឱ្យរក្សាសមត្ថភាពណាមួយសម្រាប់ការបំពាក់អាវុធឡើងវិញ។លោក Xu បាននិយាយថា «ខណៈជារដ្ឋដែលគ្មានអាវុធនុយក្លេអ៊ែរចំពោះសន្ធិសញ្ញាស្តីពីការមិនរីកសាយអាវុធនុយក្លេអ៊ែរ ប្រទេសជប៉ុនត្រូវតែគោរពតាមកាតព្វកិច្ចអន្តរជាតិរបស់ខ្លួនក្នុងការមិនទទួលយក មិនផលិត មិនកាន់កាប់ និងមិនរីកសាយអាវុធនុយក្លេអ៊ែរ»។

ក្រុមបាតុករប៉ះទង្គិចជាមួយនគរបាលអូស្ត្រាលី បន្ទាប់ពីក្មេងស្រីជនជាតិដើមភាគតិចអាយុ ៥ឆ្នាំម្នាក់ បានស្លាប់

នគរបាលបាននិយាយនៅថ្ងៃសុក្រនេះថា អ្នកតវ៉ារាប់រយនាក់ បានប៉ះទង្គិចជាមួយបុគ្គលិកសេវាសង្គ្រោះបន្ទាន់អូស្ត្រាលី នៅក្នុងទីប្រជុំជនដាច់ស្រយាលមួយ បន្ទាប់ពីមានការចោទប្រកាន់ពីបទឃាតកម្មលើក្មេងស្រីជនជាតិដើមភាគតិចអាយុ ៥ឆ្នាំ ម្នាក់។ ក្មេងស្រីនេះ ដែលឥឡូវនេះត្រូវបានក្រុមគ្រួសាររបស់ខ្លួនហៅថា Kumanjayi Little Baby ស្របតាមទំនៀមទម្លាប់ជនជាតិដើមភាគតិច ត្រូវបានគេរាយការណ៍ថា បានបាត់ខ្លួនពីផ្ទះរបស់នាង នៅជាយក្រុង Alice Springs កាលពីយប់ថ្ងៃសៅរ៍។សាកសពរបស់ក្មេងស្រីនេះ ត្រូវបានរកឃើញកាលពីថ្ងៃព្រហស្បតិ៍ដោយមនុស្សម្នាក់ក្នុងចំណោមមនុស្សរាប់រយនាក់ ដែលកំពុងស្វែងរកនៅវាលខ្សាច់ដ៏លំបាកនៅជុំវិញទីប្រជុំជននេះ ជាគោលដៅទេសចរណ៍ដ៏ពេញនិយមមួយ នៅក្នុងដែនដីភាគខាងជើងរបស់ប្រទេសអូស្ត្រាលី។លោក Martin Dole ស្នងការនគរបាលដែនដីភាគខាងជើង បាននិយាយនៅក្នុងបទសម្ភាសន៍ជាមួយ សារព័ត៌មាន ABC នៅថ្ងៃសុក្រនេះថា លោក Jefferson Lewis អាយុ ៤៧ឆ្នាំ ដែលនគរបាលចោទប្រកាន់ថា បានសម្លាប់ក្មេងស្រីនោះ ត្រូវបាននាំខ្លួនទៅឃុំខ្លួន នៅយប់ថ្ងៃព្រហស្បតិ៍ បន្ទាប់ពីត្រូវបានរកឃើញដោយអ្នកស្រុក និងត្រូវរងការវាយដំយ៉ាងធ្ងន់ធ្ងរ៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877