នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ការបិទផ្លូវប្រឆាំងរដ្ឋាភិបាល បង្ខំឱ្យប្រជាជនបូលីវី ដេកចាំទិញប្រេងឥន្ធនៈ ខណៈហាងនានាបានបិទទ្វារ
មេបញ្ជាការកងកម្លាំងប្រដាប់អាវុធគុយបា ចូលរួមសមយុទ្ធយោធា ខណៈសម្ពាធរបស់អាមេរិកកើនឡើង
UN៖ តំបន់ហ្កាហ្សា១០០% សម្រាប់តែប្រជាជនប៉ាឡេស្ទីន ខណៈអ៊ីស្រាអែល រុលចូលដណ្តើមយកហ្កាហ្សាបន្ថែមទៀត
ប្រេងធ្លាក់ចុះ និងភាគហ៊ុនច្របូកច្របល់ លើការរំពឹងទុកនៃបទឈប់បាញ់រវាងអាមេរិក និងអ៊ីរ៉ង់

ព័ត៌មានអន្តរជាតិ

ប្រមុខ WHO ព្រមានថា ជម្លោះជំរុញឲ្យ​វិបត្តិជំងឺ​ Ebola កាន់​តែ​អាក្រក់​ នៅភាគខាងកើតកុងហ្គោ

2026/05/27 08:37:32 pm        37
Facebook Telegram Linkin
អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus នៅថ្ងៃពុធ (ទី២៧ ខែឧសភា ឆ្នាំ២០២៦) នេះ បានព្រមានថា អំពើហិង្សាកាន់តែខ្លាំងឡើងៗ នៅភាគខាងកើតនៃ​សាធារណរដ្ឋប្រជាធិបតេយ្យកុងហ្គោ កំពុងធ្វើឲ្យ​ការផ្ទុះឡើងនូវ​ជំងឺ Ebola កាន់តែអាក្រក់ទៅៗ និងរារាំងដល់កិច្ចប្រឹងប្រែងមនុស្សធម៌ ដើម្បីទប់ស្កាត់ជំងឺនេះ។នៅក្នុងសេចក្តីថ្លែងការណ៍មួយដែលត្រូវ​បានបង្ហោះតាមរយៈបណ្ដាញ​សង្គម X លោក Tedros បានលើក​ឡើង​ថា ការផ្ទុះឡើងនូវជំងឺ Ebola នៅក្នុងខេត្ត Ituri គឺ «ហួសពី​សមត្ថភាព​ឆ្លើយតប» ខណៈដែលការប្រយុទ្ធគ្នា និងការ​ភៀស​សឹក​ រារាំងដល់លទ្ធភាព​ចូលទៅកាន់សហគមន៍ដែលរងផលប៉ះពាល់។ លោកបានសរសេរថា៖ «ភាគខាងកើតប្រទេសកុងហ្គោ ឥឡូវនេះប្រឈមមុខនឹងហេតុ​ការណ៍ដំណាល​គ្នា​ដ៏​មហន្ត​រាយ គឺ​ជំងឺ និងជម្លោះ»។លោក Tedros បានបន្ថែម​ថា ការផ្ទុះឡើងនេះ ពាក់ព័ន្ធនឹងវីរុស​ Ebola ប្រភេទ Bundibugyo ដែលបច្ចុប្បន្នមិនទាន់មានវ៉ាក់សាំង ឬការព្យាបាលដែលត្រូវបានអនុម័តនឡើយ​​។ លោកបានព្រមានថា ការប្រយុទ្ធ​គ្នាដែលកំពុងបន្តមាន កំពុងបង្ខំមនុស្សពាក់​ព័ន្ធ​នឹងជំងឺនេះចូលទៅក្នុងជំរំដែលមានមនុស្សច្រើនកុះករ ខណៈពេលដែលបាន​កាត់ផ្តាច់ផ្លូវសំខាន់ៗ ដើម្បី​ទប់ស្កាត់ជំងឺ​។លោកបានជំរុញឲ្យ​គ្រប់ភាគីទាំងអស់ដែលពាក់ព័ន្ធនឹងជម្លោះ យល់ព្រមឲ្យមាន​បទឈប់បាញ់បន្ទាន់ ហើយ​អនុញ្ញាតឲ្យ​ក្រុមគ្រូពេទ្យ «មាន​លទ្ធភាព​ចូល​ដោយសុវត្ថិភាព និងចីរភាព» ដើម្បីឆ្លើយតបទៅនឹងការផ្ទុះឡើងនូវ​ជំងឺនេះ៕

អ៊ីរ៉ង់៖ សេចក្តីព្រាងកិច្ចព្រមព្រៀងជាមួយអាមេរិក នឹងបើកច្រក​សមុទ្រ​ Hormuz ឡើងវិញ និងបញ្ចប់បិទ​ផ្លូវ​ទឹក

2026/05/27 08:26:35 pm        58
Facebook Telegram Linkin
​ទូរទស្សន៍រដ្ឋអ៊ីរ៉ង់ បាន​រាយការណ៍​​ថា ទីក្រុងតេអេរ៉ង់បានទទួលសេចក្តីព្រាងនៃក្របខ័ណ្ឌដំបូង និងមិនផ្លូវការសម្រាប់អនុស្សរណៈនៃការយោគយល់ជាមួយសហរដ្ឋអាមេរិក ស្តីពីការបញ្ចប់ជម្លោះរបស់ភាគីទាំង២។ក្រោមក្របខ័ណ្ឌនេះ អ៊ីរ៉ង់នឹងស្តារការដឹកជញ្ជូនពាណិជ្ជកម្មឆ្លងកាត់ច្រកសមុទ្រ Hormuz ឡើងវិញដល់កម្រិត មុនសង្គ្រាម ក្នុងរង្វង់​រយៈពេល ១ខែ ខណៈដែលសហរដ្ឋអាមេរិក នឹងដក​កម្លាំងយោធាចេញពីតំបន់ជុំវិញអ៊ីរ៉ង់ និងលុប​ការហ៊ុមព័ទ្ធ​ផ្លូវទឹក។ទូរទស្សន៍រដ្ឋបានរាយការណ៍ថា ក្របខ័ណ្ឌនេះ ដែលមិនរាប់បញ្ចូលនាវាយោធា និងដែល​ឃើញអ៊ីរ៉ង់គ្រប់គ្រងចរាចរណ៍នាវាឆ្លងកាត់ច្រកសមុទ្រនេះ ដោយសហការជាមួយអូម៉ង់ មិនទាន់បានបញ្ចប់សព្វគ្រប់​នៅឡើយទេ ហើយទីក្រុងតេអេរ៉ង់នឹងមិនចាត់វិធានការ ដោយ​មិន​មាន​ «ការផ្ទៀងផ្ទាត់ជាក់ស្តែង» ឡើយ​។ប្រព័ន្ធផ្សព្វផ្សាយ​បានបន្ថែមថា ប្រសិនបើកិច្ចព្រមព្រៀងចុងក្រោយត្រូវបានឈាន​ដល់​ ក្នុងរង្វង់​រយៈពេល ៦០ថ្ងៃ វាអាចត្រូវបានអនុម័តជាសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលមានចំណង​ផ្លូវ​ច្បាប់​។បន្ទាប់ពីសង្គ្រាមបានផ្ទុះ​ឡើង​កាល​ពី​ខែកុម្ភៈ អនុស្សរណៈនៃការយោគយល់គ្នា រវាងសហរដ្ឋអាមេរិក និងអ៊ីរ៉ង់ ដែលកំពុងលេចចេញជា​រូប​រាង​នេះ បានកើតចេញពីការចរចាដោយប្រយោលដែលបានចាប់ផ្តើមឡើងដោយប៉ាគីស្ថានដើរតួនាទីជា​អន្តរការី​ រវាងទីក្រុងតេអេរ៉ង់ និងវ៉ាស៊ីនតោន៕

នគរបាលអេស្ប៉ាញសម្រុកចូលទីស្នាក់ការកណ្តាលគណបក្សសង្គមនិយមរបស់លោក Sanchez

2026/05/27 08:21:41 pm        40
Facebook Telegram Linkin
យោងតាមសេចក្តីរាយការណ៍របស់សារព័ត៌មានក្នុងស្រុក បានឲ្យដឹងថា នគរបាលអេស្ប៉ាញ បានសម្រុកចូលទីស្នាក់ការកណ្តាលគណបក្សកម្មករសង្គមនិយមអេស្ប៉ាញ(PSOE)របស់លោកនាយករដ្ឋមន្រ្តី Pedro Sanchez ស្ថិតក្នុងទីក្រុង Madrid ដែលជាផ្នែកមួយនៃការស៊ើបអង្កេតចំពោះលទ្ធភាពនៃអំពើពុករលួយហិរញ្ញវត្ថុ ។ទីភ្នាក់ងារព័ត៌មានរ៉យទ័រ រាយការណ៍ដោយដកស្រង់សម្តីអ្នកនាំពាក្យឆ្មាំស៊ីវិលថា ក្រុមមន្រ្តីនគរបាល បានសម្រុកចូលបរិវេនគណបក្ស PSOE នៅថ្ងៃពុធនេះ ។ឆ្មាំស៊ីវិលនិយាយប្រាប់ទីភ្នាក់ងារព័ត៌មាន APថា នគរបាលស្ថិតតាមដីការបស់តុលាការ ឲ្យស្វែងរកភស្តុតាងពាក់ព័ន្ធនឹងការស៊ើបអង្កេតរបស់តុលាការជាតិ ជុំវិញការចោទប្រកាន់ពីអំពើពុករលួយប្រឆាំងអតីតសមាជិកបក្ស និងបុគ្គលផ្សេងទៀត ។ក្រុមនគរបាលនិយាយថា ការឆែកឆេរនេះ ត្រូវបានកំណត់យ៉ាងតឹងរ៉ឹងចំពោះការសាកសួរដឹកនាំដោយចៅក្រុមតុលាការជាតិលោក Santiago Pedraz ជុំវិញលទ្ធភាពនៃកំហុសរបស់សមាជិកគណបក្ស PSOE លោក Leire Diez ។ការសម្រុកចូលបរិវេនគណបក្ស PSOE នេះដែរ បានកើតមាន ក្រោយអតីតនាយករដ្ឋមន្រ្តីសង្គមនិយមលោក Jose Luis Rodriguez Zapatero ស្ថិតក្រោមការស៊ើបអង្កេតជាផ្លូវការកាលពីសប្តាហ៍មុន ពាក់ព័ន្ធនឹងការជួយសង្រ្គោះក្រុមហ៊ុនអាកាសចរណ៍រដ្ឋាភិបាល ។ លោកបានច្រានចោលរាល់ទោសកំហុសទាំងអស់ ៕

ហ្គាណាធ្វើមាតុភូមិនិវត្តន៍ពលរដ្ឋរបស់ខ្លួន ក្រោយការវាយប្រហារប្រឆាំងជនបរទេសនៅអាហ្វ្រិកខាងត្បូង

2026/05/27 08:21:16 pm        39
Facebook Telegram Linkin
ក្រុមជនជាតិហ្គាណាលើកដំបូង បានចាកចេញពីអាហ្វ្រិកខាងត្បូងនៅថ្ងៃពុធនេះ តាមជើងហោះហើរធ្វើមាតុភូមិនិវត្តន៍ ក្រោយបាតុកម្មប្រឆាំងនឹងជនអន្តោប្រវេសន៍ បង្កការព្រួយបារម្ភនៅក្នុងចំណោមសហគមន៍បរទេស ។ជនជាតិហ្គាណាមួយក្រុមនេះ រួមមានទំាងស្រ្តី និងកុមារ ស្របពេលដែលក្រុមអាជ្ញាធរចាប់ផ្តើមដំណើរការបំលាស់ទីដោយស្ម័គ្រចិត្តសម្រាប់ពលរដ្ឋដែលនិយាយថា ពួកគេយល់ឃើញថាលែងមានសុវត្ថិភាពទៀតហើយ ។ពលរដ្ឋហ្គាណាមួយរូបនិយាយថា លោកសប្បាយចិត្តពេលបានវិលត្រឡប់មកកាន់ប្រទេសកំណើតវិញ ។ វាមិនងាយស្រួលនោះទេឲ្យនរណាម្នាក់រស់នៅប្រទេសផ្សេង ហើយត្រូវបានបានគេរំខានគ្រប់ពេលបែបហ្នឹងនោះ ។ឧត្តមស្នងការហ្គាណាប្រចាំនៅអាហ្វ្រិកខាងត្បូងលោក Benjamin Quashie និយាយថា ពលរដ្ឋហ្គាណា ត្រូវបានគេមើលឃើញបំលាស់ទីដោយស្ម័គ្រចិត្ត ក្រោយរលកនៃការវាយប្រហារបែបរើសអើងជាតិសាសន៍ ក្នុងរយៈពេលប៉ុន្មានសប្តាហ៍កន្លងមកនេះ ធ្វើពលរដ្ឋមួយចំនួនគ្មានអារម្មណ៍ថាសុវត្ថិភាព ។ លោក Quashie និយាយថា ភាគច្រើននៃអ្នកជម្លៀសខ្លួន គឺមនុស្សដែលយល់ឃើញថា ពួកគេលែងត្រូវបានគេស្វាគមន៍ទៀតហើយនៅក្នុងប្រទេសអាហ្វ្រិកខាងត្បូង ឬពួកគេយល់ថា ពួកគេប្រឈមនឹងការលំបាកជាច្រើនដែលរដ្ឋាភិបាលអាហ្វ្រិកខាងត្បូងគួរតែដោះស្រាយ ប៉ុន្តែគ្មានអ្វីកើតឡើងនោះទេ ៕

ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើងប្រារព្ធថ្ងៃដំបូងនៃពិធីបុណ្យ Eid

2026/05/27 08:20:47 pm        26
Facebook Telegram Linkin
នៅថ្ងៃពុធនេះ ជនមូស្លីមនៅទូទាំងតំបន់មជ្ឈិមបូព៌ា និងតំបន់អាហ្វ្រិកខាងជើង បានប្រារព្ធថ្ងៃដំបូងនៃពិធីបុណ្យ Eid al-Adha ។នៅទីក្រុងហ្សេរុយសាឡឹមរបស់ប្រទេសអ៊ីស្រាអែល ប្រទេសអេហ្ស៊ីប ស៊ីរី លីប៊ី និងអ៊ីរ៉ាក់ ជនមូស្លីម បាននាំគ្នាធ្វើពិធីបួងសួងនៅពេលព្រឹក ហើយក្រោយមកជួបជុំគ្នាជាមួយក្រុមគ្រួសារ និងមិត្តភ័ក្តិរបស់ពួកគេនៅជុំវិញព្រះវិហារ ក្នុងនោះពួកគេមួយចំនួននាំគ្នាចែកបង្អែម និងនំចំណីផ្សេងទៀត ខណៈជនមូស្លីមខ្លះទៀត ពិសេសគឺក្មេងៗនាំគ្នាកាន់ប៉េងប៉ោង ។គួរឲ្យដឹងថា ពិធីបុណ្យ Eid al-Adha ដែលស្ថិតក្នុងចំណោមពិធីបុណ្យសំខាន់ចំនួន ២របស់សាសនាអ៊ិស្លាមនោះ ត្រូវបានសម្គាល់ថា ជាចំណុចកំពូលនៃពិធីធម្មយាត្រាប្រចាំឆ្នាំហាជិ ពេលដែលជនមូស្លីមសម្លាប់សត្វ ដើម្បីរំឭកដល់ការតាំងចិត្តរបស់ព្យាការី Abraham ដែលបានពលីជីវិតកូនប្រុសរបស់ខ្លួនតាមការបញ្ជារបស់ព្រះ ហើយសាច់សត្វដែលបានសម្លាប់ទំាងនេះ ត្រូវបានចែកជូនដល់អ្នកក្រីក្រ ។ដោយឡែក ជនប៉ាឡេស្ទីននៅទីក្រុងហ្កាហ្សា ពួកគេបានចូលរួមការបួងសួងក្នុងពិធីបុណ្យ Eid al-Adhaផងដែរ ។លោក Loai Al-Qaryouti គឺជាអ្នកធ្វើសក្ការបូជាមួយរូបនៅទីក្រុងហ្កាហ្សា និយាយថា ពួកយើងរៀបចំពិធីបុណ្យតាមប្រពៃណី Eid al-Adha បើទោះបីជាពួកយើងនៅក្លាយជាគោលដៅវាយប្រហាររបស់សត្រូវហ្សាអឺនយ៉ាងក៏ដោយ ។ លោកថា មាននូវការវាយប្រហារ ឃាតកម្ម ការសម្លាប់រង្គាល និងអំពើភេរវកម្មពីសត្រូវហ្សាអឺនអ៊ីស្រាអែលកាលពីថ្ងៃម្សិលមិញ ប៉ុន្តែនៅថ្ងៃនេះ ពួកយើងនៅតែបន្តបា្ររព្ធពិធីបុណ្យតាមប្រពៃណីរបស់ពួកយើងដដែល ។ ពួកយើងរស់នៅ និងប្រតិបត្តិតាមបញ្ញត្តិរបស់ព្យាការី សន្តិភាព និងពរជ័យសូមកើតមានដល់គាត់ រីករាយថ្ងៃបុណ្យ Eid បើទោះបីជាពួកយើងជួបការលំបាកក៏ដោយ ៕

ភ្ញៀវទេសចរនៅទីក្រុងអាតែន សប្បាយរីករាយនៅពេលគេចផុតពីរលកកម្តៅនៅតំបន់ភាគខាងលិចអឺរ៉ុប

2026/05/27 08:20:20 pm        39
Facebook Telegram Linkin
ភ្ញៀវទេសចរពេញចិត្តនឹងអាកាសធាតុត្រជាក់ស្រួលមិនសូវក្តៅខ្លាំងនៅតំបន់ឆ្នេរទីក្រុងអាតែន ប្រទេសក្រិក ស្របពេលដែលរលកកម្តៅ បាននឹងកំពុងញាំញីតំបន់ភាគខាងលិចអឺរ៉ុប ។ក្រុមព្យាករឧតុនិយមមកពីទីភ្នាក់ងារអង្កេតជាតិក្រុងអាតែន និយាយថា រលកកម្តៅបច្ចុប្បន្នដែលកំពុងបង្កផលប៉ះពាល់ដល់ប្រទេសមួយចំនួនដូចជា បារាំង និងអង់គ្លេស ពុំត្រូវបានគេរំពឹងថា នឹងវាយប្រហារប្រទេសក្រិកនោះទេ ។ យោងតាមការអះអាងរបស់សេវាកម្មឧតុនិយមជាតិក្រិក បានឲ្យដឹងថា សីតុណ្ហភាពនៅទីក្រុងអាតែនាថ្ងៃពុធនេះ មានត្រឹមចន្លោះ ២៥ និង ២៩អង្សាសេប៉ុណ្ណោះ ដែលជាអាកាសធាតុធម្មតាសម្រាប់ប្រទេសមួយនេះ ។លោក Olena Gottlieb គឺជាភ្ញៀវទេសចរអ៊ុយក្រែនមួយរូបរស់នៅក្នុងទីក្រុង Manchester របស់ចក្រភពអង់គ្លេសនិយាយថា លោកសប្បាយចិត្តណាស់ កាលដែលមិនបាននៅប្រទេសអង់គ្លេសនាពេលឥឡូវនេះ ។ចំណែកឯលោក Sarbrina Christensen គឺជាភ្ញៀវទេសចរដាណឺម៉ាក និយាយដែរថា លោកយល់ឃើញថា មានសំណាងបាននៅទីក្រុងអាតែន ពីព្រោះថា សីតុណ្ហភាពត្រជាក់ស្រួលណាស់ មិនសូវក្តៅ ហើយក៏មិនត្រជាក់ខ្លាំងនោះដែរ ៕

រលកកម្តៅនៅវៀតណាម បានធ្វើឲ្យសីតុណ្ហភាពកើនឡើងដល់ជាង ៤០អង្សាសេ

2026/05/27 08:19:56 pm        37
Facebook Telegram Linkin
ប្រជាពលរដ្ឋរស់នៅក្នុងទីក្រុងហាណូយ ប្រទេសវៀតណាម បានជួបប្រទះរលកកម្តៅធ្ងន់ធ្ងរ ខណៈដែលសីតុណ្ហភាពពេលថ្ងៃបានកើនឡើងខ្ពស់រហូតដល់ ៤១អង្សាសេ នាថ្ងៃពុធនេះ ។ស្របពេលដែលការព្យាករអាកាសធាតុបានរាយការណ៍ថា សីតុណ្ហភាពបានកើនឡើងដល់ប្រហែល ៤០អង្សាសេ សីតុណ្ហភាពខាងក្រៅដោយសារចំហាយពីផ្លូវនៅថ្ងៃត្រង់ អាចកើនឡើងរហូតដល់ ៥០អង្សាសេឯណោះ ។ប្រជាពលរដ្ឋដែលធ្វើការខាងក្រៅ នាំគ្នានិយាយត្អូញត្អែរថា ពួកគេមិនអាចស៊ូទ្រាំបានឡើយ នឹងអាកាសធាតុក្តៅខ្លាំងបែបនេះ ហើយនៅពេលយប់ពួកគេពុំអាចដេកពួនបានទៀតហើយ ដោយសារដាច់ចរន្តអគ្គិសនី ។លោក Nguyen Thi An គឺជាអ្នកដើរទិញអេតចាយវ័យ ៦៦ឆ្នាំមួយរូប និយាយថា លោកបានដើរឈប់ៗ រួចសម្រាក ប៉ុន្តេពេលដែលលោកអង្គុយសម្រាក លោកមានអារម្មណ៍ថា កម្តៅកំពុងតែសម្លាប់រូបលោកអញ្ចឹងដែរ ។ចំណែកឯលោក Pham Thi គឺជាម្ចាស់ហាងតូចមួយលក់តាមផ្លូវ និយាយប្រាប់ទីភ្នាក់ងារព័ត៌មានរ៉យទ័រថា លោកមានអារម្មណ៍ថា ដូចជាចង់ថប់ដង្ហើម បើសិនជាលោកបន្តចេញក្រៅបែបនេះ ។ ក្រសួងឧស្សាហកម្មវៀតណាម និយាយថា រលកកម្តៅបានដាក់សម្ពាធរួចទៅហើយលើបណ្តាញចរន្តអគ្គិសនី ហើយបញ្ហាអាចនឹងធ្ងន់ធ្ងរជាងនេះ ស្របពេលដែលបាតុភូតអែល នីញ៉ូ ត្រូវបានគេព្យាករថា នឹងវិលត្រឡប់មកវិញ នៅខែកក្កដាឯណោះ ៕

អ្នកស្លាប់ និង​ឈឺ ដោយសារសុរិយរោគ ក្នុង​កន្លែងធ្វើការនៅជប៉ុន កើនឡើងដល់កម្រិតខ្ពស់បំផុត ក្នុងឆ្នាំ២០២៥

2026/05/27 08:00:57 pm        35
Facebook Telegram Linkin
ទិន្នន័យរបស់ក្រសួងសុខាភិបាលបានបង្ហាញនៅថ្ងៃពុធ (ទី២៧ ខែឧសភា ឆ្នាំ២០២៦) នេះថា ចំនួនអ្នកស្លាប់ និង​ឈឺ ដោយសារសុរិយរោគ ក្នុងកន្លែងធ្វើការ នៅប្រទេសជប៉ុន បានកើនឡើងដល់កម្រិតខ្ពស់បំផុតថ្មី គឺ ១,៨០៣ករណី​ ក្នុងឆ្នាំ២០២៥ ដោយ​កើនឡើង ៥៤៦នាក់ ធៀប​នឹង​ឆ្នាំមុននោះ​ ក្នុងអំឡុង​​ពេលមាន​កម្ដៅ​ក្ដៅ​ខ្លាំង នា​រដូវក្តៅ។ប៉ុន្តែចំនួនអ្នកស្លាប់បានធ្លាក់ចុះពី ៣១នាក់ មកត្រឹម ១៩​នាក់ ដែលទាំងអស់សុទ្ធតែជាបុរស។ ក្រសួងសុខាភិបាល ការងារ និងសុខុមាលភាពរបស់ប្រទេសនេះ បានសន្មតថា ការកើនឡើងនេះ ដែលជាកម្រិតខ្ពស់បំផុតចាប់តាំងពីឆ្នាំ២០០៥ មក​ ជា​ពេលដែលកំណត់ត្រាបានចាប់ផ្តើមមាន​ មួយផ្នែកគឺ​ដោយសារតែកម្ដៅ​ក្ដៅ​ខ្លាំង ដែលមាន​រវាងខែមិថុនា និងខែសីហា ឆ្នាំ០២៥។ចំពោះការថយចុះចំនួន​អ្នក​ស្លាប់​វិញ​​ ក្រសួងបានឲ្យ​ដឹង​ថា ច្បាប់មួយដែលបានដាក់ចេញនៅក្នុងខែមិថុនា ឆ្នាំ២០២៥ ដែលតម្រូវឲ្យ​ក្រុម​ហ៊ុន​ចាត់វិធានការ ដើម្បីការពារកម្មករពីការរងគ្រោះ​ដោយ​សារធ្លាក់​ខ្លួនឈឺ ទាក់​ទង​នឹង​​កម្ដៅ អាចជាកត្តារួមចំណែកមួយ។គិត​តាមឧស្សាហកម្ម ចំនួនអ្នកស្លាប់ និងឈឺខ្ពស់បំផុត ត្រូវបានរាយការណ៍នៅក្នុងវិស័យផលិតកម្ម មានចំនួន ៣៦៥នាក់ បន្ទាប់មកគឺវិស័យសំណង់ ២៩២នាក់ វិស័យពាណិជ្ជកម្ម ២៣៧នាក់ វិស័យដឹកជញ្ជូន ២២០នាក់ និងវិស័យសន្តិសុខមាន ១៩៩នាក់។ ប្រហែល ៥២ភាគរយនៃចំនួនសរុប មានអាយុ ៥០ឆ្នាំ ឬលើស​នេះ ដោយមនុស្សចំនួន ២៧៨នាក់មានអាយុ ៦៥ឆ្នាំ ឬលើស​នេះ​៕

រុស្ស៊ីព្រមានអាមេនីថា ការផ្គត់ផ្គង់ប្រេងឥន្ធនៈតម្លៃ​ទាប​ អាចត្រូវ​បាន​បញ្ចប់​ បើបន្តដើរគន្លងចូលរួម​ EU

2026/05/27 07:57:58 pm        44
Facebook Telegram Linkin
​រុស្ស៊ីបានឲ្យ​ដឹង​នៅ​ថ្ងៃពុធ (ទី២៧ ខែឧសភា ឆ្នាំ២០២៦) នេះ​ថា ខ្លួនបានព្រមាន​អាមេនីថា ខ្លួននឹងផ្អាក ឬបញ្ចប់កិច្ចព្រមព្រៀង ស្ដី​ពី​ការផ្គត់ផ្គង់ប្រេង និងឧស្ម័នតម្លៃ​ទាបដល់ប្រទេសនៅភាគខាងត្បូងតំបន់​កូកាសមួយ​នេះ​ ប្រសិនបើនៅ​តែ​បន្តការប៉ុនប៉ង​របស់ខ្លួន ដើម្បីចូលរួមជាមួយសហភាពអឺរ៉ុប (EU)។ទីក្រុងមូស្គូបានចេញការព្រមាន នៅ​មុនការបោះឆ្នោតនាថ្ងៃទី៧ ខែមិថុនា ដោយ​ការស្ទង់មតិបង្ហាញ​ថា គណបក្សកិច្ចសន្យាស៊ីវិល (Civil Contract Party) របស់នាយករដ្ឋមន្ត្រី លោក​ Nikol Pashinyan ដែលបានបង្កើតទំនាក់ទំនងល្អ​ជាមួយលោកខាងលិច ដោយសារ​មិន​ពេញ​ចិត្ត​ទីក្រុងមូស្គូ អាចនឹង​មាន​ជ័យជម្នះ​យ៉ាង​ងាយស្រួល​។អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានប្រាប់ទីភ្នាក់ងារសារព័ត៌មាន RIA ថា៖ «ស្ថានទូតរុស្ស៊ីបានបញ្ជូនលិខិតជាផ្លូវការមួយ​ច្បាប់​ ដោយបញ្ជាក់ថា ប្រសិនបើដំណើរការនៃការចូលរួមជាមួយសហភាពអឺរ៉ុប នៅតែបន្ត ភាគីរុស្ស៊ីនឹងផ្អាក ឬបញ្ចប់កិច្ចព្រមព្រៀង ស្តីពីកិច្ចសហប្រតិបត្តិការក្នុងការផ្គត់ផ្គង់ឧស្ម័នធម្មជាតិ ផលិតផលប្រេងកាត និងពេជ្រមិន​ទាន់ច្នៃ​ជាឯកតោភាគី»។ប្រទេសគ្មានព្រំ​ដែន​សមុទ្រ គឺ​អាមេនី ដែលមានប្រជាជនប្រហែល ៣លាននាក់ ជាប្រពៃណីមានទំនាក់ទំនងជិតស្និទ្ធជាមួយរុស្ស៊ី។ ប្រទេសនេះ​គឺជា​ទីតាំង​មូលដ្ឋានយោធារុស្ស៊ី និងពឹងផ្អែកយ៉ាងខ្លាំង លើការនាំចូលថាមពលរបស់រុស្ស៊ី។ បើយោងតាមទីភ្នាក់ងារសារព័ត៌មាន Interfax បាន​ឲ្យ​ដឹង​ថា ប្រទេសនេះបាននាំចូលឧស្ម័នចំនួន ២,៧ពាន់លានម៉ែត្រគូប កាលពីឆ្នាំមុន ដែល ៨២ភាគរយមក​ពីរុស្ស៊ី។ប៉ុន្តែទំនាក់ទំនងជាមួយទីក្រុងមូស្គូ បានរង្គោះរង្គើក្នុងរយៈពេលប៉ុន្មានឆ្នាំចុងក្រោយនេះ ខណៈដែលទីក្រុង Yerevan បានព្យាយាមពង្រឹងទំនាក់ទំនងរបស់ខ្លួន ជាមួយទីក្រុងប៊្រុចសែល និងវ៉ាស៊ីនតោន៕

អ៊ីរ៉ង់បញ្ជាក់ជាថ្មីថា អ៊ុយរ៉ានីញ៉ូមចម្រាញ់រួច មិនមែនជាផ្នែកនៃការចរចាបច្ចុប្បន្នជាមួយ​អាមេរិកទេ

2026/05/27 07:51:12 pm        47
Facebook Telegram Linkin
ប្រទេស​អ៊ីរ៉ង់ បានបញ្ជាក់​នៅ​ថ្ងៃពុធ (ទី២៧ ខែឧសភា ឆ្នាំ២០២៦) នេះ​ថា សារធាតុអ៊ុយរ៉ានី​ញ៉ូមចម្រាញ់រួចហើយ​របស់ខ្លួន មិនមែនជាផ្នែកមួយនៃការចរចាបច្ចុប្បន្នជាមួយសហរដ្ឋអាមេរិកនោះ​ទេ។​ នេះបើយោងតាមលេខារង​នៃក្រុមប្រឹក្សាសន្តិសុខជាតិជាន់ខ្ពស់។នៅក្នុងសុន្ទរកថាដែលធ្វើឡើងដោយទីភ្នាក់ងារសារព័ត៌មានពាក់កណ្តាលផ្លូវការ Fars របស់អ៊ីរ៉ង់ លោក Ali Bagheri បានលើកឡើង​ថា៖ «បញ្ហានេះមិនមាននៅក្នុងរបៀបវារៈនៃការចរចានោះទេ»។សារព័ត៌មាន​នេះ បាន​រាយការណ៍​ថា ការអត្ថាធិប្បាយទាំងនេះបានលេច​ឡើង​នៅ​ក្នុង​សន្និសីទសន្តិសុខអន្តរជាតិមួយ នៅក្នុងរដ្ឋធានីមូស្គូរបស់រុស្ស៊ី។កាលពីថ្ងៃចន្ទ ប្រធានាធិបតីអាមេរិក លោក Donald Trump បាននិយាយថា ស្តុកសារធាតុ​អ៊ុយរ៉ានី​ញ៉ូមចម្រាញ់រួចហើយ​របស់អ៊ីរ៉ង់ នឹងត្រូវផ្ទេរទៅសហរដ្ឋអាមេរិក «ភ្លាមៗ» ដើម្បីបំផ្លាញចោល ឬ «បំផ្លាញនៅនឹងកន្លែង ឬនៅទីតាំងដែលអាចទទួលយកបានផ្សេងទៀត»។ជាមួយ​គ្នានេះ សេចក្តីថ្លែងការណ៍ទាំងនេះបានកើតឡើងនៅពេលដែលទីក្រុងវ៉ាស៊ីនតោន និងតេអេរ៉ង់ បន្តដំណើរការការទូតសម្របសម្រួលដោយប៉ាគីស្ថាន ដើម្បីបញ្ចប់សង្គ្រាមដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក និងអ៊ីស្រាអែល លើអ៊ីរ៉ង់ កាល​ពី​ថ្ងៃទី២៨​ ខែកុម្ភៈ ហើយត្រូវបានតាម​មក​ដោយការសងសឹករបស់អ៊ីរ៉ង់៕

បណ្ដាញសង្គម

ព័ត៌មានថ្មីៗ

មន្រ្ដីជាន់ខ្ពស់ក្រសួងការពារជាតិកម្ពុជា និងមន្រ្ដីជាន់ខ្ពស់ ICRC បានគូសបញ្ជាក់ជាថ្មី អំពីសារៈសំខាន់ និងភាពចាំបាច់នៃការគោរពច្បាប់អន្តរជាតិ និងច្បាប់មនុស្សធម៌អន្តរជាតិ
05/30/2026 02:05 PM
Facebook Telegram Linkin
ទេសាភិបាល​ និងគណៈប្រតិភូធនាគារ​កណ្ដាល​ហ្វ្រង់កូហ្វូន​ ចំនួន២៦ប្រទេស​ អញ្ជើញចូលទស្សនារមណីយដ្ឋាន​ប្រាសាទ​សំបូរព្រៃគុក
05/30/2026 02:05 PM
Facebook Telegram Linkin
ករណីបង្ក្រាប Online scam នៅកាស៊ីណូ យីងហ័ង ខេត្តព្រះសីហនុ សមត្ថកិច្ចបញ្ជូនមេខ្លោងចិន ៤នាក់ទៅតុលាការ និងបណ្តេញជនបរទេស ៦០នាក់ចេញពីកម្ពុជា
05/30/2026 01:05 PM
Facebook Telegram Linkin
នាយឧត្តមសេនីយ៍ ទៀ សីហា អញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ កោះកុង
05/30/2026 01:05 PM
Facebook Telegram Linkin
ការបិទផ្លូវប្រឆាំងរដ្ឋាភិបាល បង្ខំឱ្យប្រជាជនបូលីវី ដេកចាំទិញប្រេងឥន្ធនៈ ខណៈហាងនានាបានបិទទ្វារ
05/30/2026 12:05 PM
Facebook Telegram Linkin
មេបញ្ជាការកងកម្លាំងប្រដាប់អាវុធគុយបា ចូលរួមសមយុទ្ធយោធា ខណៈសម្ពាធរបស់អាមេរិកកើនឡើង
05/30/2026 12:05 PM
Facebook Telegram Linkin
UN៖ តំបន់ហ្កាហ្សា១០០% សម្រាប់តែប្រជាជនប៉ាឡេស្ទីន ខណៈអ៊ីស្រាអែល រុលចូលដណ្តើមយកហ្កាហ្សាបន្ថែមទៀត
05/30/2026 12:05 PM
Facebook Telegram Linkin
ប្រេងធ្លាក់ចុះ និងភាគហ៊ុនច្របូកច្របល់ លើការរំពឹងទុកនៃបទឈប់បាញ់រវាងអាមេរិក និងអ៊ីរ៉ង់
05/30/2026 12:05 PM
Facebook Telegram Linkin
អាមេរិក ជំរុញឱ្យសម្ព័ន្ធមិត្តបង្កើនការចំណាយលើវិស័យការពារជាតិ ក្នុងពេលមានការ «ព្រមាន» ចំពោះការបង្កើនឥទ្ធិពលរបស់ចិន
05/30/2026 12:05 PM
Facebook Telegram Linkin
សហរដ្ឋអាមេរិក សាទរចំពោះការចរចាសន្តិសុខដែលមានផលិតភាព រវាងអ៊ីស្រាអែល និងលីបង់
05/30/2026 10:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.