BTV NEWS

ការលាលែងពីតំណែងរបស់រដ្ឋមន្ត្រីអប់រំឥណ្ឌា គឺជាជ័យជម្នះដ៏ធំ សម្រាប់ក្រុមបាតុករយុវជន

លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

ម៉ិកស៊ិកនឹងមិនតបតពន្ធរបស់លោក Trump ទេ ខណៈការនាំចេញត្រូវបានការពារដោយកិច្ចព្រមព្រៀងពាណិជ្ជកម្ម

ព័ត៌មានអន្តរជាតិ

លោក Trump និយាយថា ការវាយប្រហាររបស់អាមេរិកមិនទាន់ចប់ទេ ខណៈអ៊ីរ៉ង់ពង្រីកការវាយប្រហារ

ប្រធានាធិបតីអាមេរិក លោក Donald Trump បានព្រមានកាលពីថ្ងៃអង្គារ ២១ កក្កដា សប្ដាហ៍នេះ ថាសហរដ្ឋអាមេរិក «មិនទាន់ចប់» ការវាយប្រហារលើអ៊ីរ៉ង់ទេ ខណៈទីក្រុងតេអេរ៉ង់បានពង្រីកការវាយប្រហារលើរដ្ឋឈូងសមុទ្រ បន្ទាប់ពីសម្ព័ន្ធមិត្តក្រុមហ៊ួទី (Houthi) របស់ខ្លួនបានគំរាមបិទកំពង់ផែអារ៉ាប៊ីសាអ៊ូឌីត។ ពីរសប្តាហ៍បន្ទាប់ពីការប្រយុទ្ធគ្នាបានបន្តឡើងវិញរវាងគូសត្រូវរាប់ទសវត្សរ៍ លោក Trump បាននិយាយថា អ៊ីរ៉ង់នឹងត្រូវការពេលជាង២០ឆ្នាំដើម្បីស្តារឡើងវិញពីការខូចខាតដែលបង្កឡើងក្នុងសង្គ្រាមមជ្ឈិមបូព៌ា។ លោកថា ប្រសិនបើពួកលោកចាកចេញឥឡូវនេះ ប្រទេសនេះនឹងចំណាយពេល២០ទៅ២៥ឆ្នាំដើម្បីកសាងឡើងវិញ។ពួកលោកមិនទាន់ចប់ទាល់តែសោះ ពួកលោកមិនចាកចេញឥឡូវនេះទេ។ ការព្រមាននេះបានកើតឡើង ខណៈប្រទេសហ្ស៊កដានី កូវ៉ែត និងបារ៉ែន បានរាយការណ៍ពីការវាយប្រហាររបស់អ៊ីរ៉ង់ ហើយខណៈលោកTrump ប្រើប្រាស់កិច្ចប្រជុំនៅសេតវិមានជាមួយប្រធានាធិបតីលីបង់ លោក Joseph Aoun ដើម្បីសន្យាគាំទ្រចំពោះកិច្ចខិតខំប្រឹងប្រែងដ៏ផុយស្រួយរបស់លោកក្នុងការដកហូតអាវុធពីក្រុមហេសបូឡានិងឆ្ពោះទៅរកសន្តិភាពជាមួយអ៊ីស្រាអែល។ បារ៉ែននិយាយថា ខ្លួនបានស្ទាក់ចាប់ការវាយប្រហាររបស់អ៊ីរ៉ង់ ខណៈសំឡេងស៊ីរ៉ែនប្រកាសអាសន្នបន្លឺឡើងម្តងហើយម្តងទៀត ស្របពេលកូវ៉ែត និងហ្ស៊កដានី បាននិយាយថា ពួកគេបានស្ទាក់ចាប់ការវាយប្រហារដោយយានដ្រូន និងមីស៊ីល។ កូវ៉ែតនិយាយថា ទីក្រុងតេអេរ៉ង់ បានវាយប្រហាររោងចក្រថាមពល និងរោងចក្របន្សាបទឹកប្រៃអស់រយៈពេលជាច្រើនថ្ងៃ រួមទាំងនៅថ្ងៃចន្ទ ដែលបង្ខំឱ្យប្រជាជនត្រូវផ្លាស់ប្ដូរវេនប្រើថាមពល។កងកម្លាំងឆ្មាំបដិវត្តន៍អ៊ីរ៉ង់បានបញ្ជាក់ពីការវាយប្រហារមួយលើប្រទេសហ្ស៊កដានី ដោយនិយាយថាពួកគេបានកំណត់គោលដៅលើបរិវេណមួយដែលមានកង កម្លាំងភេរវករអាមេរិកស្នាក់នៅក្នុងតំបន់ Rukban៕

ប្រធានាធិបតីអ៊ីរ៉ង់៖ អតីតមេដឹកនាំកំពូលបានជំរុញឱ្យបញ្ចប់ស្ថានភាព «គ្មានសង្គ្រាម គ្មានសន្តិភាព» ជាមួយអាមេរិក

ប្រធានាធិបតីអ៊ីរ៉ង់ លោក Masoud Pezeshkian នៅថ្ងៃអង្គារ (ទី២១ ខែកក្កដា ឆ្នាំ២០២៦) នេះ បានលើកឡើងថា សពមេដឹកនាំកំពូល លោក Ali Khamenei បានសង្កត់ធ្ងន់ម្តងហើយម្តងទៀត នៅក្នុងកិច្ចប្រជុំឯកជន អំពីតម្រូវការបញ្ចប់ស្ថានភាព «មិនមែនសង្គ្រាម ហើយក៏មិនមានសន្តិភាព» រវាងអ៊ីរ៉ង់ និងសហរដ្ឋអាមេរិក។លោក Khamenei ដែលបានគ្រប់គ្រងអ៊ីរ៉ង់អស់រយៈពេលជិត ៣៦ឆ្នាំ ត្រូវបានសម្លាប់ អំឡុងការវាយប្រហាររបស់សហរដ្ឋអាមេរិក-អ៊ីស្រាអែល កាលពីថ្ងៃទី២៨ ខែកុម្ភៈ នៅពេលចាប់ផ្តើមការវាយលុករួមគ្នា ដោយទីក្រុងវ៉ាស៊ីនតោន និង Tel Aviv ប្រឆាំងនឹងទីក្រុងតេអេរ៉ង់។អំឡុងពេលថ្លែងនៅក្នុងពិធីមួយដែលប្រារព្ធទិវាឧស្សាហកម្ម និងរ៉ែជាតិ លោក Pezeshkian បានសរសើរភាពជាអ្នកដឹកនាំរបស់លោក Khamenei ក្នុងការកំណត់ទិសដៅយុទ្ធសាស្ត្ររបស់អ៊ីរ៉ង់ ជាពិសេសលើការបញ្ចប់ស្ថានភាពមិនប្រាកដប្រជា រវាងជម្លោះ និងសន្តិភាព។ នេះបើយោងតាមទីភ្នាក់ងារសារព័ត៌មានផ្លូវការ IRNA។លោក Pezeshkian បាននិយាយថា៖ «មេដឹកនាំកំពូលបានសង្កត់ធ្ងន់នៅក្នុងកិច្ចប្រជុំឯកជន អំពីភាពចាំបាច់នៃការបញ្ចប់ស្ថានភាពគ្មានសង្គ្រាម និងគ្មានសន្តិភាពនេះ»។លោកបានបន្តថា អ៊ីរ៉ង់បានចូលរួមក្នុងការចរចា «ដោយផ្អែកលើកិត្តិយស ប្រាជ្ញាញាណ និងសេចក្តីថ្លៃថ្នូររបស់ប្រទេសជាតិ» ដោយលោកបានបន្ថែមថា កិច្ចខិតខំប្រឹងប្រែងផ្នែកទូតរបស់រដ្ឋាភិបាល គឺមានគោលបំណងការពារផលប្រយោជន៍របស់ជាតិ។ លោក Pezeshkian បាននិយាយថា «ស្ថាប័នការទូតរបស់យើងនឹងមិនដកថយពីសិទ្ធិរបស់ប្រជាជនអ៊ីរ៉ង់ឡើយ»។កាលពីថ្ងៃចន្ទ អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baqaei បាននិយាយថា ទីក្រុងតេអេរ៉ង់ បានទទួលសំណើពីអ្នកសម្របសម្រួលដែលមានគោលបំណងបន្ធូរបន្ថយភាពតានតឹងជាមួយសហរដ្ឋអាមេរិក ខណៈដែលបញ្ជាក់ជាថ្មីនូវការប្តេជ្ញាចិត្តរបស់ខ្លួន ចំពោះការទូត ក្នុងអំឡុងពេលមានការវាយប្រហារគ្នា រវាងទីក្រុងវ៉ាស៊ីនតោន និងតេអេរ៉ង់៕

WHO៖ ការផ្ទុះឡើងនៃជំងឺ Ebola នៅកុងហ្គោ លើស ២.៤០០ករណី និងមានអ្នកស្លាប់ជិត ១.០០០នាក់

មន្ត្រីអង្គការសុខភាពពិភពលោក (WHO) បាននិយាយនៅថ្ងៃអង្គារ (ទី២១ ខែកក្កដា ឆ្នាំ២០២៦) នេះថា ការផ្ទុះឡើងនៃជំងឺ Ebola ដែលបង្កឡើងដោយវីរុស Bundibugyo នៅក្នុងសាធារណរដ្ឋប្រជាធិបតេយ្យកុងហ្គោ បានបន្តរាលដាល ដោយមានករណីឆ្លងចំនួន ២.៤២៣ករណី ក្នុងនោះរួមទាំងការស្លាប់ ៩៦៧នាក់ និងជាសះស្បើយ ៤៦៩នាក់។លោក Thierno Balde ប្រធានគ្រប់គ្រងការឆ្លើយតបនឹងជំងឺវីរុស Bundibugyo របស់ WHO បានប្រាប់អ្នកសារព័ត៌មាននៅទីក្រុងហ្សឺណែវ ប្រទេសស្វីសថា ការផ្ទុះឡើងនៃជំងឺនេះ បានរាលដាលដល់ខេត្តចំនួន ៥ ហើយ ដោយខេត្ត Ituri នៅតែជាទីកន្លែងប៉ះពាល់ខ្លាងបំផុត ដែលមានករណីឆ្លង ៨៩,១ភាគរយ និងការស្លាប់ ៨៣,៩ភាគរយ។ទោះបីជាមានតួលេខចុងក្រោយនេះក្ដី ក៏លោក Balde បាននិយាយថា អាជ្ញាធរសុខាភិបាល ឥឡូវនេះ មានការយល់ដឹងកាន់តែច្បាស់ អំពីដំណើរនៃការផ្ទុះឡើងនៃជំងឺនេះ ហើយកំពុងសម្របសម្រួលវិធានការឆ្លើយតបរបស់ពួកគេទៅតាមនោះ។ លោកបានបន្ថែមថា៖ «ការផ្ទុះឡើងនៃជំងឺនេះ នៅតែលឿនជាងយើង ហើយយើងនៅតែស្ថិតក្នុងដំណាក់កាលដេញតាមឱ្យទាន់នៅឡើយ»។លោកបានលើកឡើងទៀតថា WHO បានកំណត់ទម្រង់នៃការឆ្លងចំនួន ៣ ផ្សេងគ្នា ដោយមានការឆ្លងក្នុងកម្រិតធ្ងន់ធ្ងរដែលបន្តកើតមាន នៅក្នុងទីក្រុង Bunia និងតំបន់ជុំវិញ ការផ្ទុះឡើងថ្មីៗនៅតាមទីតាំងនានា រួមមានទីក្រុង Kisangani, Haut-Uele, Katwa និង Butembo ព្រមទាំងសញ្ញានៃស្ថិរភាព នៅទីក្រុង Mongbwalu ដែលជាកន្លែងរកឃើញការផ្ទុះឡើងដំបូងគេ ព្រមទាំងនៅក្នុងទីក្រុង Goma ផងដែរ៕

ប្រភព៖ ប្រមុខកងទ័ពប៉ាគីស្ថានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់

យោងតាមប្រភពរបស់ប្រព័ន្ធផ្សព្វផ្សាយ Al Arabiya បានឱ្យដឹងថា ប្រមុខកងទ័ពប៉ាគីស្ថាន លោក Asim Munir បានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់ លោក Eskandar Momeni នៅថ្ងៃអង្គារ (ទី២១ ខែកក្កដា ឆ្នាំ២០២៦) នេះ នៅទីក្រុងអ៊ីស្លាម៉ាបាដ។លោក Momeni បានទៅដល់រដ្ឋធានីរបស់ប៉ាគីស្ថានដែលប្រទេសសម្របសម្រួល កាលពីថ្ងៃចន្ទ។ ប្រភពមួយបានបញ្ជាក់ប្រាប់សារព័ត៌មាន AFP ថា រដ្ឋមន្ត្រីរូបនោះនឹងជួបពិភាក្សាជាមួយមន្ត្រីប៉ាគីស្ថាន ប៉ុន្តែមិនបានបញ្ជាក់លម្អិតនោះឡើយថា តើដំណើរទស្សនកិច្ចនេះមានជាប់ទាក់ទងនឹងកិច្ចប្រឹងប្រែងសម្របសម្រួលយូរមកហើយរបស់ប៉ាគីស្ថាន ដើម្បីបញ្ចប់ការប្រយុទ្ធគ្នារវាងសហរដ្ឋអាមេរិក និងអ៊ីរ៉ង់ដែរ ឬយ៉ាងណា។អ្នកនាំពាក្យក្រសួងការបរទេសអ៊ីរ៉ង់បានបង្ហាញសញ្ញានៅថ្ងៃចន្ទនេះថា ការផ្លាស់ប្តូរការទូតជាមួយសហរដ្ឋអាមេរិកតាមរយៈអ្នកសម្របសម្រួល កំពុងបន្ត ទោះបីជាមានការវាយប្រហារដោយយោធារបស់សហរដ្ឋអាមេរិកលើប្រទេសនេះក៏ដោយ។ប៉ាគីស្ថានបានលើកឡើងកាលពីសប្តាហ៍មុនថា ខ្លួននឹងជំរុញប្រទេសដែលកំពុងធ្វើសង្គ្រាមឱ្យបញ្ឈប់អំពើហិង្សា និងបន្តការចរចាក្រោមអនុស្សរណៈនៃការយោគយល់គ្នា (MOU) ដែលខ្លួនបានជួយសម្របសម្រួល កាលពីខែមុន។កិច្ចព្រមព្រៀងបណ្តោះអាសន្ន និងផ្លូវដែលអាចមានឆ្ពោះទៅរកការបញ្ឈប់សង្គ្រាមជាអចិន្ត្រៃយ៍ បានស្ថិតក្នុងភាពមិនច្បាស់លាស់ នៅពេលដែលការប្រយុទ្ធគ្នាថ្មីបានផ្ទុះឡើងនៅខែនេះ៕

កូវ៉ែតរាយការណ៍ពីការវាយប្រហាររបស់អ៊ីរ៉ង់ លើរោងចក្រអគ្គិសនី និងរោងចក្របន្សុតទឹកសមុទ្រ ជាថ្ងៃទី៤ ជាប់ៗគ្នា

ប្រទេសកូវ៉ែត បានឱ្យដឹងនៅថ្ងៃអង្គារ (ទី២១ ខែកក្កដា ឆ្នាំ២០២៦) នេះថា រោងចក្រផលិតថាមពលអគ្គិសនី និងរោងចក្របន្សុតទឹកសមុទ្រជាច្រើនកន្លែង បានរងការវាយប្រហារពីអ៊ីរ៉ង់ ដែលជាថ្ងៃទី៤ ជាប់ៗគ្នា ដោយបានបង្កជាអគ្គិភ័យឆាបឆេះ នៅតាមទីតាំងជាច្រើន។នៅក្នុងសេចក្តីថ្លែងការណ៍មួយ ក្រសួងអគ្គិសនី ទឹក និងថាមពលកកើតឡើងវិញ បានឱ្យដឹងថា ការវាយប្រហារទាំងនេះបានកើតឡើងកាលពីល្ងាចថ្ងៃច័ន្ទ ក្នុងអំឡុងពេលមានការវាយប្រហាររបស់អ៊ីរ៉ង់ជាបន្តបន្ទាប់ លើប្រទេសឈូងសមុទ្រមួយនេះ។ក្រសួងបានបញ្ជាក់ថា ក្រុមសង្គ្រោះបន្ទាន់ ដែលធ្វើការជាមួយកងកម្លាំងពន្លត់អគ្គិភ័យកូវ៉ែត និងភ្នាក់ងារសន្តិសុខ បានឆ្លើយតបភ្លាមៗ និងបានគ្រប់គ្រងអគ្គិភ័យ។ ក្រសួងបានបន្ថែមថា អាជ្ញាធរបានវាយតម្លៃការខូចខាតដែលបណ្តាលមកពីការវាយប្រហារនេះ ខណៈពេលដែលក្រុមបច្ចេកទេស បានចាប់ផ្តើមជួសជុល និងកិច្ចខិតខំប្រឹងប្រែង ដើម្បីស្តាររោងចក្រដែលរងផលប៉ះពាល់ឡើងវិញ។យោងតាមក្រសួងដដែល បានឱ្យដឹងទៀតថា អង្គភាពផលិតថាមពលជាច្រើនត្រូវបានបញ្ឈប់ប្រតិបត្តិការស្របតាមនីតិវិធីប្រតិបត្តិការប្រុងប្រយ័ត្ន ដើម្បីការពារឧបករណ៍ និងរក្សាស្ថិរភាពនៃប្រព័ន្ធអគ្គិសនី និងទឹករបស់ប្រទេសកូវ៉ែត។អ៊ីរ៉ង់បានឱ្យដឹងនៅព្រឹកថ្ងៃអង្គារនេះថា ខ្លួនបានធ្វើការវាយប្រហារដោយយានដ្រូនលើរោងចក្រថាមពល Al Zour របស់កូវ៉ែត។ សហរដ្ឋអាមេរិកបានបង្កើនការវាយប្រហារលើអ៊ីរ៉ង់ ចាប់តាំងពីសប្តាហ៍មុន ហើយអ៊ីរ៉ង់បានសងសឹកវិញ ដោយការវាយប្រហារដែលកំណត់គោលដៅលើរោងចក្រ និងមូលដ្ឋានដែលខ្លួនប្រាប់ថា ត្រូវបានប្រើប្រាស់ដោយយោធាអាមេរិក នៅក្នុងប្រទេសក្នុងតំបន់នេះជាច្រើន៕

ទីក្រុងនៅភាគកណ្តាលជប៉ុន ឡើងដល់ ៤០អង្សាសេ ជាការសម្គាល់ផ្លូវការនៃថ្ងៃក្ដៅខ្លាំងលើកដំបូង

ទីក្រុងចំនួន ៣ នៅភាគកណ្តាលនៃប្រទេសជប៉ុន នាថ្ងៃអង្គារ (ទី២១ ខែកក្កដា ឆ្នាំ២០២៦) នេះ បានមានសីតុណ្ហភាពឡើងដល់ ៤០អង្សាសេ ដែដែលជាការកត់សម្គាល់ជាផ្លូវការនូវ «Kokushobi» ឬ «ថ្ងៃក្តៅខ្លាំងស្ទើរទ្រាំមិនបាន» ជាលើកដំបូងរបស់ប្រទេសនេះ ចាប់តាំងពីភ្នាក់ងារឧតុនិយមបានដាក់ឱ្យប្រើប្រាស់ពាក្យនេះ កាលពីដើមឆ្នាំ២០២៦ ដើម្បីព្រមានសាធារណជន អំពីកម្ដៅហួតហែងខ្លាំង។ដោយសារប្រព័ន្ធសម្ពាធខ្ពស់គ្របដណ្តប់ លើប្រជុំកោះជប៉ុនភាគច្រើន ទីក្រុង Tajimi និង Gujo ក្នុងខេត្ត Gifu បានកត់ត្រាសីតុណ្ហភាព ៤០,៣អង្សាសេ និង ៤០អង្សាសេរៀងៗខ្លួន ខណៈដែលអាកាសធាតុ នៅទីក្រុង Toyoda ក្នុងខេត្ត Aichi បានឡើងដល់ ៤០,១អង្សាសេ។ នេះបើយោងតាមទីភ្នាក់ងារឧតុនិយមជប៉ុន។ពាក្យ «kokushobi» ដែលត្រូវបានបង្កើតឡើងក្នុងខែមេសា សំដៅទៅលើថ្ងៃដែលសីតុណ្ហភាពឡើងដល់ ៤០អង្សាសេ ហើយមានបំណងជូនដំណឹងដល់សាធារណជនកាន់តែមានប្រសិទ្ធភាព អំពីកំដៅដ៏គ្រោះថ្នាក់។ ទីភ្នាក់ងារនេះបានបញ្ជាក់ថា ខ្លួនរំពឹងថា សីតុណ្ហភាពនឹងនៅតែខ្ពស់នៅក្នុងតំបន់ជាច្រើននៃប្រទេស ចាប់ពីថ្ងៃពុធតទៅ ហើយបានជំរុញឱ្យសាធារណជនចាត់វិធានការបង្ការ ដើម្បីទប់ទល់នឹងជំងឺទាក់ទងនឹងកម្ដៅ។ទីភ្នាក់ងារ បានបន្ថែមថា តំបន់ផ្សេងទៀតដែលបានកត់ត្រាសីតុណ្ហភាពជិត ៤០អង្សាសេ រួមមានទីក្រុង Nagoya ដែលឡើងដល់ ៣៩,៧អង្សាសេ និងទីក្រុង Kumagaya ក្នុងខេត្ត Saitama ដែលបានកត់ត្រា ៣៨,៦អង្សាសេ៕

វិមានក្រឹមឡាំង មិនឃើញក្ដីសង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

វិមានក្រឹមឡាំងបានឱ្យដឹងនៅថ្ងៃអង្គារ (ទី២១ ខែកក្កដា ឆ្នាំ២០២៦) នេះថា ខ្លួនមិនមាន «ក្ដីសង្ឃឹម» សម្រាប់ទំនាក់ទំនងកាន់តែប្រសើរឡើងជាមួយចក្រភពអង់គ្លេសឡើយ ដោយការលើកឡើងនេះកើតមានក្រោយមួយថ្ងៃបន្ទាប់ពីនាយករដ្ឋមន្ត្រីថ្មីរបស់ចក្រភពអង់គ្លេស គឺលោក Andy Burnham បានចូលកាន់តំណែង ដោយទីក្រុងមូស្គូរិះគន់ការគាំទ្ររបស់លោក ចំពោះអ៊ុយក្រែន។រុស្ស៊ីមើលឃើញចក្រភពអង់គ្លេសជាប្រទេសលោកខាងលិចដ៏មានអរិភាពបំផុតមួយ ដែលមានទំនាក់ទំនងស្ថិតក្នុងកម្រិតទាបបំផុតជាប្រវត្តិសាស្ត្រ ដោយសារបញ្ហាជាច្រើន ក្នុងនោះរួមទាំងការចោទប្រកាន់អំពីការបំពុលរបស់រុស្ស៊ី នៅលើទឹកដីចក្រភពអង់គ្លេសផងដែរ ដោយទីក្រុងឡុងដ្រ៍បានលេចឡើងជាយូរមកហើយក្នុងនាមជាអ្នកគាំទ្រដ៏សំខាន់មួយរបស់ទីក្រុងគីវ នៅពេលដែលសង្គ្រាមអ៊ុយក្រែន ផ្ទុះឡើង។នៅពេលត្រូវបានសួរដោយសារព័ត៌មាន AFP ថា តើទំនាក់ទំនងអាចប្រសើរឡើងបានដែរ ឬយ៉ាងណា អ្នកនាំពាក្យវិមានក្រឹមឡាំង លោក Dmitry Peskov បានឆ្លើយថា៖ «យើងមិនមានសង្ឃឹមបែបនេះនោះទេ»។ លោក Peskov បាននិយាយថា៖ «សកម្មភាពដំបូងមួយរបស់គាត់ (លោក Burnham) គឺការចេញសេចក្តីថ្លែងការណ៍ដែលបង្ហាញពីការគាំទ្រ ចំពោះអ៊ុយក្រែន ហើយចេតនារបស់លោក គឺការធ្វើអ្វីគ្រប់យ៉ាងដែលអាចធ្វើទៅបាន ដើម្បីបន្តសង្គ្រាម»។លោក Burnham ដែលបានចូលកាន់តំណែងនៅវិមាន Downing Street បន្តពីលោក Keir Starmer បាននិយាយទៅកាន់លោក Volodymyr Zelenskyy របស់អ៊ុយក្រែននៅថ្ងៃដំបូងចូលកាន់តំណែងរបស់លោក កាលពីថ្ងៃចន្ទ។ លោកបាននិយាយថា លោកនឹងប្រាប់លោក Zelenskyy ថា នឹងមិនមាន «ការផ្លាស់ប្តូរ» ឡើយ នៅក្នុងគោលនយោបាយរបស់ទីក្រុងឡុងដ្រ៍ ពាក់ព័ន្ធនឹងអ៊ុយក្រែន ហើយថា លោកនឹងនៅជាមួយមេដឹកនាំអ៊ុយក្រែន ១០០ភាគរយ៕

អ៊ីម៉ែល៖ ក្រុមហ៊ួទីព្រមានក្រុមហ៊ុនដឹកជញ្ជូនឱ្យជៀសវាងឆ្ងាយពីកំពង់ផែអារ៉ាប៊ីសាអ៊ូឌីត

ក្រុមហ៊ុនដឹកជញ្ជូនមិនគួរផ្ទុក ឬបញ្ចេញទំនិញ នៅកំពង់ផែអារ៉ាប៊ីសាអ៊ូឌីតទេ ហើយសកម្មភាពបែបនេះអាចបណ្តាលឱ្យក្លាយជាគោលដៅ «នៅទីតាំងណាមួយ» ដោយកងជីវពលហ៊ួទីរបស់ប្រទេសយេម៉ែន។ នេះបើយោងតាមអ៊ីម៉ែល ដែលបានផ្ញើទៅកាន់ក្រុមហ៊ុននានាដោយក្រុមដែលមានសម្ព័ន្ធភាពជាមួយអ៊ីរ៉ង់នេះ។អ៊ីម៉ែលកាលពីថ្ងៃចន្ទ (ទី១០ ខែកក្កដា ឆ្នាំ២០២៦) ដែលត្រូវបានទទួលដោយក្រុមហ៊ុនដឹកជញ្ជូនជាច្រើន បានសរសេរថា៖ «នាវាត្រូវបានហាមឃាត់មិនឱ្យផ្ទុក ឬបញ្ចេញទំនិញទាំងនៅ ឬមកពីកំពង់ផែរបស់អារ៉ាប៊ីសាអ៊ូឌីតណាមួយ»។យោងតាមអ៊ីមែលដែលត្រូវបានផ្ញើទៅកាន់ក្រុមហ៊ុនជាច្រើន នៅក្នុងឧស្សាហកម្មនេះ និងសារព័ត៌សាមាន Reuters បានឃើញ បានរៀបរាប់បន្ថែមថា៖ «យើងសូមណែនាំយ៉ាងម៉ឹងម៉ាត់ឱ្យក្រុមហ៊ុនរបស់អ្នក អនុវត្តការត្រួតពិនិត្យដោយយកចិត្តទុកដាក់ និងប្រុងប្រយ័ត្នខ្ពស់បំផុត នៅក្នុងការធ្វើប្រតិបត្តិការទាំងអស់របស់ខ្លួន»។យោងតាមអ៊ីម៉ែល ដែលត្រូវបានផ្ញើដោយមជ្ឈមណ្ឌលសម្របសម្រួលប្រតិបត្តិការមនុស្សធម៌មានមូលដ្ឋាននៅទីក្រុង Sanaa របស់ក្រុមហ៊ួទី បានបញ្ជាក់បន្ថែមថា៖ «សកម្មភាពបែបនេះនឹងធ្វើឱ្យនាវាដែលរំលោភបំពានប្រឈមនឹងទណ្ឌកម្ម។ លើសពីនេះ ពួកគេអាចនឹងត្រូវបានកំណត់គោលដៅនៅទីតាំងណាមួយដែលស្ថិតនៅក្នុងដែនប្រតិបត្តិការរបស់កងកម្លាំងប្រដាប់អាវុធយេម៉ែន»៕

នាយករដ្ឋមន្ត្រីអ៊ីតាលី អំពាវនាវឱ្យរកការពិត ជុំវិញការស្លាប់ពេលចាប់ខ្លួន នៅក្រុង Bologna និងថ្កោលទោសការប៉ះទង្គិចគ្នា

នាយករដ្ឋមន្ត្រីអ៊ីតាលី លោកស្រី Giorgia Meloni នៅថ្ងៃអង្គារ (ទី២១ ខែកក្កដា ឆ្នាំ២០២៦) បានអំពាវនាវឱ្យមានការស៊ើបអង្កេតពេញលេញមួយលើការស្លាប់របស់បុរសម្នាក់ ក្នុងអំឡុងពេលចាប់ខ្លួន នៅទីក្រុង Bologna ខណៈពេលដែលថ្កោលទោសការតវ៉ាប្រឆាំងនឹងនគរបាល ដែលបានប្រែក្លាយទៅជាអំពើហិង្សា និងបណ្តាលឱ្យមន្ត្រីរាប់សិបនាក់រងរបួស។លោក Abderrahim Fakir ដែលមានដើមកំណើតនៅប្រទេសម៉ារ៉ុក បានស្លាប់កាលពីថ្ងៃអាទិត្យចុងសប្ដាហ៍កន្លងមក បន្ទាប់ពីនគរបាលត្រូវបានទូរស័ព្ទហៅទៅកាន់សង្កាត់ Pilastro នៅជាយក្រុងភាគខាងជើង ដើម្បីដោះស្រាយជាមួយបុរសម្នាក់ដែលមានអាកប្បកិរិយាបង្កហិង្សា និងបំផ្លិចបំផ្លាញយានយន្ត។លោកស្រី Meloni បានសរសេរនៅលើបណ្ដាញសង្គម X ថា៖ «វាជារឿងចាំបាច់បំផុតដែលការទទួលខុសត្រូវណាមួយ ត្រូវតែស្វែងរកឱ្យឃើញដោយម៉ឺងម៉ាត់បំផុត។ ការពិតត្រូវតែត្រូវបានតាមដានស្រាវជ្រាវឱ្យអស់សេចក្តី ដោយគ្មានភាពលម្អៀង និងគ្មានការយោគយល់ដល់នរណាម្នាក់ឡើយ»។យោងតាមសហជីពនគរបាល COISP បានឱ្យដឹងថា ជាមួយគ្នានេះ នាយករដ្ឋមន្ត្រីស្តាំនិយមរូបនេះ ក៏បានថ្កោលទោសផងដែរ ចំពោះអំពើហិង្សាលើនគរបាល ក្នុងអំឡុងពេលមានការតវ៉ា នៅកណ្តាលទីក្រុង Bologna កាលពីយប់ថ្ងៃចន្ទ ដែលបានបណ្តាលឱ្យមន្ត្រីចំនួន ៥៦នាក់រងរបួស។គួរបញ្ជាក់ថា បើយោងតាមប្រព័ន្ធផ្សព្វផ្សាយអ៊ីតាលី បានឱ្យដឹងថា បាតុកម្មនេះបានប្រែក្លាយទៅជាអំពើហិង្សា នៅពេលដែលក្រុមអ្នកតវ៉ាមួយក្រុម បានគប់ផាវ ដប និងកៅអីទៅលើនគរបាល ដែលបានឆ្លើយតបវិញដោយឧស្ម័នបង្ហូរទឹកភ្នែក និងកាណុងបាញ់ទឹក៕

ក្រុមជួយសង្គ្រោះ នៅអាហ្វហ្គានីស្ថាន ស្វែងរកជនរងគ្រោះ តាមគំនរបាក់បែកដែលបន្សល់ទុកពីទឹកជំនន់

ក្រុមជួយសង្គ្រោះ នៅក្នុងប្រទេសអាហ្វហ្គានីស្ថាន នាថ្ងៃអង្គារ (ទី២១ ខែកក្កដា ឆ្នាំ២០២៦) នេះ បានស្វែងរកអ្នករស់រានមានជីវិត និងសាកសព នៅតាមគំនរបាក់បែកនៃផ្ទះសម្បែងដែលត្រូវបានបំផ្លាញដោយទឹកជំនន់គំហុកភ្លាមៗដ៏អាក្រក់ ជាហេតុការណ៍ដែលអាជ្ញាធរ បញ្ជាក់ថា បានសម្លាប់មនុស្សជាង ២០នាក់ និងបណ្ដាលឱ្យមនុស្សជាង ១០០នាក់បាត់ខ្លួន។អាជ្ញាធរគ្រប់គ្រងគ្រោះមហន្តរាយជាតិអាហ្វហ្គានីស្ថាន បានប្រាប់នៅថ្ងៃអង្គារនេះថា មនុស្ស ២៣នាក់បានស្លាប់ ៨០នាក់ បានរងរបួស និងជាង ១០០នាក់បានបាត់ខ្លួន បន្ទាប់ពីទឹកជំនន់បានកើតមាននៅខេត្ត Nuristan ភាគខាងកើត កាលពីថ្ងៃចន្ទ ដោយបណ្តាលឱ្យអគារមួយចំនួន បានដួលរលំ។ អាជ្ញាធរបានប្រាប់ថា រដ្ឋធានី Parun ស្ថិតក្នុងចំណោមតំបន់ដែលរងប៉ះពាល់។នាយកដ្ឋានឧតុនិយមនៃក្រសួងដឹកជញ្ជូន និងអាកាសចរណ៍ស៊ីវិល បានឱ្យដឹងកាលពីល្ងាចថ្ងៃចន្ទថា ការព្យាករអាកាសធាតុ បានបង្ហាញថា នឹងមានបាតុភូតអាកាសធាតុធ្ងន់ធ្ងរបន្ថែមទៀត ដោយមានភ្លៀងធ្លាក់ខ្លាំង ផ្គររន្ទះ ខ្យល់បក់បោកខ្លាំងលាយឡំដោយធូលី និងខ្សាច់ ព្រមទាំងទឹកជំនន់គំហុកភ្លាមៗ នៅខេត្តចំនួន ១០ ក្នុងចំណោមខេត្តទាំង ៣៤ របស់ប្រទេស។ ក្រសួងក៏បានព្រមានផងដែរដល់ប្រជាជនឱ្យជៀសវាងឆ្ងាយពីច្រាំងទន្លេ និងតំបន់ផ្សេងទៀតដែលមានហានិភ័យកើតគ្រោះទឹកជំនន់។គួរបញ្ជាក់ថា ប្រទេសអាហ្វហ្គានីស្ថានងាយរងគ្រោះខ្លាំង ដោយសារព្រឹត្តិការណ៍អាកាសធាតុអាក្រក់ធ្ងន់ធ្ងរ ដោយមានព្រិល និងភ្លៀងធ្លាក់ខ្លាំងដែលបង្កជាទឹកជំនន់គំហុកភ្លាមៗ ដោយជារឿយៗសម្លាប់មនុស្សរាប់សិបនាក់ ឬរាប់រយនាក់ក្នុងពេលតែមួយ៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់

ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យរាជរដ្ឋាភិបាល រកឃើញអ្នកទទួលបានជ័យលាភីហើយ

ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹងបញ្ហារុស្ស៊ី

មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោកជិតដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

លោក Trump និយាយថា ការវាយប្រហាររបស់អាមេរិកមិនទាន់ចប់ទេ ខណៈអ៊ីរ៉ង់ពង្រីកការវាយប្រហារ

WHO៖ ការផ្ទុះឡើងនៃជំងឺ Ebola នៅកុងហ្គោ លើស ២.៤០០ករណី និងមានអ្នកស្លាប់ជិត ១.០០០នាក់

ប្រភព៖ ប្រមុខកងទ័ពប៉ាគីស្ថានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់

ទីក្រុងនៅភាគកណ្តាលជប៉ុន ឡើងដល់ ៤០អង្សាសេ ជាការសម្គាល់ផ្លូវការនៃថ្ងៃក្ដៅខ្លាំងលើកដំបូង

វិមានក្រឹមឡាំង មិនឃើញក្ដីសង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

អ៊ីម៉ែល៖ ក្រុមហ៊ួទីព្រមានក្រុមហ៊ុនដឹកជញ្ជូនឱ្យជៀសវាងឆ្ងាយពីកំពង់ផែអារ៉ាប៊ីសាអ៊ូឌីត

ក្រុមជួយសង្គ្រោះ នៅអាហ្វហ្គានីស្ថាន ស្វែងរកជនរងគ្រោះ តាមគំនរបាក់បែកដែលបន្សល់ទុកពីទឹកជំនន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

លោក Trump និយាយថា ការវាយប្រហាររបស់អាមេរិកមិនទាន់ចប់ទេ ខណៈអ៊ីរ៉ង់ពង្រីកការវាយប្រហារ

WHO៖ ការផ្ទុះឡើងនៃជំងឺ Ebola នៅកុងហ្គោ លើស ២.៤០០ករណី និងមានអ្នកស្លាប់ជិត ១.០០០នាក់

ប្រភព៖ ប្រមុខកងទ័ពប៉ាគីស្ថានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់

ទីក្រុងនៅភាគ​កណ្តាលជប៉ុន ឡើងដល់ ៤០អង្សាសេ ជាការសម្គាល់​ផ្លូវការនៃ​​ថ្ងៃ​​ក្ដៅខ្លាំង​​​លើកដំបូង

វិមានក្រឹមឡាំង មិនឃើញក្ដី​សង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

អ៊ីម៉ែល៖ ក្រុមហ៊ួទី​ព្រមានក្រុមហ៊ុនដឹកជញ្ជូនឱ្យជៀសវាងឆ្ងាយ​ពី​កំពង់ផែអារ៉ាប៊ីសាអ៊ូ​ឌីត

ក្រុមជួយសង្គ្រោះ នៅអាហ្វហ្គានីស្ថាន ស្វែងរកជនរងគ្រោះ​ តាម​គំនរបាក់បែកដែលបន្សល់ទុក​​​ពី​ទឹកជំនន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុងនៅភាគកណ្តាលជប៉ុន ឡើងដល់ ៤០អង្សាសេ ជាការសម្គាល់ផ្លូវការនៃថ្ងៃក្ដៅខ្លាំងលើកដំបូង

វិមានក្រឹមឡាំង មិនឃើញក្ដីសង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

អ៊ីម៉ែល៖ ក្រុមហ៊ួទីព្រមានក្រុមហ៊ុនដឹកជញ្ជូនឱ្យជៀសវាងឆ្ងាយពីកំពង់ផែអារ៉ាប៊ីសាអ៊ូឌីត

ក្រុមជួយសង្គ្រោះ នៅអាហ្វហ្គានីស្ថាន ស្វែងរកជនរងគ្រោះ តាមគំនរបាក់បែកដែលបន្សល់ទុកពីទឹកជំនន់