នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ការបិទផ្លូវប្រឆាំងរដ្ឋាភិបាល បង្ខំឱ្យប្រជាជនបូលីវី ដេកចាំទិញប្រេងឥន្ធនៈ ខណៈហាងនានាបានបិទទ្វារ
មេបញ្ជាការកងកម្លាំងប្រដាប់អាវុធគុយបា ចូលរួមសមយុទ្ធយោធា ខណៈសម្ពាធរបស់អាមេរិកកើនឡើង
UN៖ តំបន់ហ្កាហ្សា១០០% សម្រាប់តែប្រជាជនប៉ាឡេស្ទីន ខណៈអ៊ីស្រាអែល រុលចូលដណ្តើមយកហ្កាហ្សាបន្ថែមទៀត
ប្រេងធ្លាក់ចុះ និងភាគហ៊ុនច្របូកច្របល់ លើការរំពឹងទុកនៃបទឈប់បាញ់រវាងអាមេរិក និងអ៊ីរ៉ង់

ព័ត៌មានអន្តរជាតិ

រដ្ឋមន្រ្តីការសេដ្ឋកិច្ចអាល្លឺម៉ង់អំពាវនាវឲ្យមានទំនាក់ទំនងប្រកបដោយតុល្យភាព អំឡុងទស្សនកិច្ចនៅចិន

2026/05/27 07:06:18 pm        37
Facebook Telegram Linkin
រដ្ឋមន្រ្តីសេដ្ឋកិច្ចអាល្លឺម៉ង់លោកស្រី Katherina Reiche និយាយនៅថ្ងៃពុធនេះ ក្នុងទីក្រុងប៉េកាំង ថា ទំនាក់ទំនងសេដ្ឋកិច្ចសម័យទំនើប ត្រូវការទាំងកិច្ចសហប្រតិបត្តិការ និងការប្រកួតប្រជែង ។ អំឡុងដំណើរទស្សនកិច្ចលើកដំបូងរបស់លោកស្រីទៅកាន់ប្រទេសចិន លោកស្រី Reiche និយាយថា ការប្រកួតប្រជែងនឹងធ្វើឲ្យពួកយើងកាន់តែខ្លាំង កិច្ចសហប្រតិបត្តិការបង្កើតស្ថិរភាព ហើយនវានុវត្តន៍បង្កើតវឌ្ឍនភាពចែករំលែក ។ លោកស្រីបានធ្វើការសង្កត់ធ្ងន់ថា អាល្លឺម៉ង់កំពុងស្វែងកិច្ចសន្ទនាជាមួយចិន ពីព្រោះថា ស្ថានភាពប្រកួតប្រជែងដោយយុត្តិធម៌ត្រឹមត្រូវ ត្រូវការជាចាំបាច់ ។ លោកស្រី Reiche បានកោតសរសើរផងដែរដល់បច្ចេកវិត្យាឧស្សាហកម្ម និងនវានុវត្តន៍របស់ចិន ។ លោកស្រីថា អាល្លឺម៉ង់ និងចិនត្រូវបានតភ្ជាប់ដោយទំនាក់ទំនងមួយក្នុងចំណោមទំនាក់ទំនងសេដ្ឋកិច្ចដ៏សំខាន់បំផុតនៅលើពិភពលោក ។ ជាមួយទំហំពាណិជ្ជកម្មប្រហែល ២៩១ពាន់លានដុល្លារ អាល្លឺម៉ង់ក្លាយជាដៃគូពាណិជ្ជកម្មធំបំផុតម្តងទៀតរបស់ចិន លើផ្នែកទំនិញ ក្នុងឆ្នាំ ២០២៥ ហើយបច្ចុប្បន្នក្រុមហ៊ុនអាល្លឺម៉ង់ប្រហែល ៥ពាន់ក្រុមហ៊ុន កំពុងប្រតិបត្តិការនៅក្នុងប្រទេសចិន ៕

ឡាតវីពង្រឹងប្រព័ន្ធការពារប្រឆាំងយានដ្រូននៅតាមព្រំដែនរុស្ស៊ី និងបេឡារុស

2026/05/27 07:05:00 pm        33
Facebook Telegram Linkin
មន្រ្តីកងទ័ពមួយរូបនិយាយប្រាប់ទីភ្នាក់ងារព័ត៌មានរ៉យទ័រថា ឡាតវី កំពុងបង្កើនប្រព័ន្ធការពារប្រឆាំងយានដ្រូននៅតាមព្រំដែនជាមួយរុស្ស៊ី ហើយនិងសម្ព័ន្ធមិត្តទីក្រុងមូស្គូ គឺប្រទេសបេឡារុស ជាការឆ្លើយតបនឹងយានដ្រូនដែលហោះចូលប្រទេសសមាជិកអង្គការណាតូមួយនេះ ។ យានដ្រូនអ៊ុយក្រែន បានហោះវង្វេងផ្លូវចូលទៅក្នុងដែនអាកាសរបស់បណ្តាប្រទេសតំបន់បាល់ទិករបស់អង្គការណាតូ ក្នុងរយៈពេលប៉ុន្មានសប្តាហ៍កន្លងមកនេះ ជាហេតុសាបព្រួសការភ័ណ្ឌភាំង និងបង្កើនភាពតានតឹងជាមួយរុស្ស៊ី ចំពេលដែលការប្តេជ្ញាចិត្តរបស់សហរដ្ឋអាមេរិកចំពោះសន្តិសុខសមូហភាពអង្គការណាតូ ស្ថិតក្នុងភាពស្រពិចស្រពិល ។ អ៊ុយក្រែនដែលមានគោលដៅលើកំពង់ផែស្តុកប្រេងតំបន់បាល់ទិករបស់រុស្ស៊ី បាននិយាយថា រុស្ស៊ីបានធ្វើឲ្យស្ទះសញ្ញាយានដ្រូនរបស់ពួកគេ បណ្តាលឲ្យយានដ្រូនទាំងនោះ ហោះវង្វេងផ្លូវបែបនេះ ។ លោក Modris Kairiss គឺជាប្រធានមជ្ឈមណ្ឌលសមត្ថភាពប្រព័ន្ធស្វយ័តកងទ័ពឡាតវីនិយាយប្រាប់ទីភ្នាក់ងារព័ត៌មានរ៉យទ័រថា ពួកយើងមានគម្រោងដាក់ពង្រាយក្រុមយានដ្រូនបាញ់ស្កាត់នៅរយៈពេល ២សប្តាហ៍ក្រោយ ។ លោកបន្តថា ក្រុមយានដ្រូននេះ មានទាហាន ៤នាក់ ដែលប្រតិបត្តិការយានដ្រូនពិឃាតចេញពីរថយន្ត និងមានសមត្ថភាពបំផ្លាញយានដ្រូនយោធាហោះចូលមកនៅចម្ងាយ ១០គ.ម ។ ក្រុមយានដ្រូនបែបនេះជាច្រើន នឹងត្រូវដាក់ពង្រាយនៅតាមបណ្តោយព្រំដែនចម្ងាយ ៤០០គ.មជាមួយរុស្ស៊ី និងសម្ព័ន្ធមិត្តបេឡារុស ៕

ជនមូស្លីមឥណ្ឌា បួងសួងសុំឲ្យមានការការបង្រួបបង្រួម និងសនិ្តភាពនៅក្នុងពិធីបុណ្យ Eid

2026/05/27 07:03:53 pm        27
Facebook Telegram Linkin
ជនមូស្លីមនៅទូទាំងប្រទេសឥណ្ឌា បានជួបជុំគ្នាទ្រង់ទ្រាយធំនាថ្ងៃពុធនេះ ដើម្បីបួងសួងនៅតាមព្រះវិហារ ក្នុងឱកាសពិធីបុណ្យ Eid ក្នុងនោះក្រុមអ្នកគោរពបូជាជាច្រើន បានប្រើប្រាស់ពិធីបុណ្យនេះ ដើម្បីសុំសន្តិភាព ការបង្រួបបង្រួមជាតិ និងវិបុលភាព ស្របពេលកើតមានភាពពុំច្បាស់លាស់ភូមិសាស្រ្តនយោបាយកើនឡើង ។ ពិធីបុណ្យ Eid al-Adha ដែលស្ថិតក្នុងចំណោមពិធីបុណ្យសំខាន់ចំនួន ២របស់សាសនាអ៊ិស្លាមនោះ ត្រូវបានសម្គាល់ថា ជាចំណុចកំពូលនៃពិធីធម្មយាត្រាប្រចាំឆ្នាំហាជិ ពេលដែលជនមូស្លីមសម្លាប់សត្វ ដើម្បីរំឭកដល់ការតាំងចិត្តរបស់ព្យាការី Abraham ដែលបានពលីជីវិតកូនប្រុសរបស់ខ្លួនតាមការបញ្ជារបស់ព្រះ ហើយសាច់សត្វដែលបានសម្លាប់ទំាងនេះ ត្រូវបានចែកជូនដល់អ្នកក្រីក្រ ។ អ្នកគោរពបូជាមួយរូបនិយាយថា នៅថ្ងៃបុណ្យ Eid ពួកយើងបួងសួងដល់អ្នករាល់គ្នា មិនថា ហិណ្ឌូ មូស្លីម ស៊ីក និងគ្រិស្តនោះទេ ព្រះនឹងការពារពួកគេ ហើយនិងធ្វើឲ្យពួកគេជោគជ័យទាំងអស់គ្នា ។ ខណៈពេលនោះដែរ ក្រុមអ្នកគោរពបូជានៅទីក្រុង Srinagar ស្ថិតក្នុងដែនដីសហព័ន្ធចាមមូ និងកាស្មៀ បានជួបជុំគ្នានៅលើទីលានដ៏ធំមួយ ពេលដែលបុព្វជិកដឹកនាំពីធីបួងសួង ។ ក្រោយពីពិធីបួងសួងចប់ ក្រុមអ្នកគោរពបូជាទាំងនេះ បានស្វាគមន៍គ្នា និងឱបគ្នា តាមទំនៀមទម្លាប់ប្រពៃណីរបស់ពួកគេ ៕

ពលរដ្ឋហ្កាហ្សា ចូលរួមពិធីបួងសួង និងធ្វើដំណើរទៅកាន់ទីស្មាសាននៅថ្ងៃដំបូងនៃពិធីបុណ្យ Eid

2026/05/27 07:02:25 pm        18
Facebook Telegram Linkin
នៅថ្ងៃពុធនេះ ជនប៉ាឡេស្ទីននៅទីក្រុងហ្កាហ្សា បានចូលរួមការបួងសួងក្នុងពិធីបុណ្យ Eid al-Adha ហើយជនមូស្លីមមួយចំនួនទៀត បានធ្វើដំណើរទៅកាន់ផ្នូរមនុស្សជាទីស្រលាញ់របស់ពួកគេ ។ ជនមូស្លីមប្រារព្ធពិធីបុណ្យ Eid al-Adha ដោយពួកគេចូលរួមពិធីបួងសួងនៅពេលព្រឹក ជួបជុំគ្នាជាមួយមិត្តភ័ក្តិ និងបូជាសត្វ ដើម្បីរំឭកដល់ការតាំងចិត្តរបស់ព្យាការី Abraham ដែលបានពលីជីវិតកូនប្រុសរបស់ខ្លួនតាមការបញ្ជារបស់ព្រះ ហើយសាច់សត្វដែលបានសម្លាប់ទំាងនេះ ត្រូវបានចែកជូនដល់អ្នកក្រីក្រ ។ គួរឲ្យដឹងថា ជនមូស្លីមប្រហែល ៩០០នាក់ ត្រូវបានសម្លាប់ នៅក្នុងការវាយប្រហាររបស់អ៊ីស្រាអែល ចាប់តាំងពីបទឈប់បាញ់ចូលជាធរមាន ។ ចំណែកឯទាហានអ៊ីស្រាអែល ៤នាក់ ត្រូវបានសម្លាប់ដោយក្រុមជីវពលហាម៉ាស អំឡុងពេលតែមួយ ។ លោក Loai Al-Qaryouti គឺជាអ្នកធ្វើសក្ការបូជាមួយរូបនៅទីក្រុងហ្កាហ្សា និយាយថា ពួកយើងរៀបចំពិធីបុណ្យតាមប្រពៃណី Eid al-Adha បើទោះបីជាពួកយើងនៅក្លាយជាគោលដៅវាយប្រហាររបស់សត្រូវហ្សាអឺនយ៉ាងក៏ដោយ ។ លោកបន្តថា កាលពីថ្ងៃម្សិលមិញ មាននូវការវាយប្រហារ ឃាតកម្ម ការសម្លាប់រង្គាល និងអំពើភេរវកម្មពីសត្រូវហ្សាអឺនអ៊ីស្រាអែល ប៉ុន្តែពួកយើងនៅតែបន្តបា្ររព្ធពិធីបុណ្យតាមប្រពៃណីរបស់ពួកយើងដដែល ។ ពួកយើងរស់នៅ និងប្រតិបត្តិតាមបញ្ញត្តិរបស់ព្យាការី សន្តិភាព និងពរជ័យសូមកើតមានដល់គាត់ រីករាយថ្ងៃបុណ្យ Eid បើទោះបីជាពួកយើងជួបការលំបាកក៏ដោយ ៕

ក្រុមហ៊ុន Nvidia នឹងចំណាយប្រាក់ ១៥០ពាន់លានដុល្លារក្នុងមួយឆ្នាំនៅកោះតៃវ៉ាន់ដែលជាចំណុចកណ្តាលនៃបដិវត្តន៍ AI

2026/05/27 07:01:16 pm        14
Facebook Telegram Linkin
ប្រធានប្រតិបត្តិក្រុមហ៊ុន Nvidia លោក Jensen Huang និយាយនៅថ្ងៃពុធនេះ ក្រុមហ៊ុនបន្ទះឈីបរបស់លោក មានគម្រោងវិនិយោគប្រាក់ប្រហែល ១៥០ពាន់លានដុល្លារក្នុង ១ឆ្នាំ នៅកោះតៃវ៉ាន់ ដែលលោកចាត់ទុកថា ជាចំណុកណ្តាលនៃបដិវត្តន៍ AI និងជាមជ្ឈមណ្ឌលផលិតបច្ចេកវិទ្យាអនាគតរបស់ពិភពលោក សម្រាប់រយៈពេលយូរអង្វែង ។ ក្នុងពិធីដាក់ចេញគម្រោងនៅទីក្រុងតៃប៉ិ សម្រាប់ទីស្នាក់ការកណ្តាលតាមការគ្រោងទុករបស់ក្រុមហ៊ុនផលិតបន្ទះឈីបតម្លៃ ៥ សែនកោដិលានដុល្លារនេះ លោក Huang និយាយថា កាលពីរយៈពេល ៤ឆ្នាំមុន រយៈពេល ៥ឆ្នាំមុន ក្រុមហ៊ុន Nvidia ចំណាយថវិកាប្រហែល ១០-១៥ពាន់លានដុល្លារប៉ុណ្ណោះ ក្នុង ១ឆ្នាំ នៅកោះតៃវ៉ាន់ ។ បច្ចុប្បន្ន ពួកយើងនឹងចំណាយ ១០០ពាន់លានដុល្លារ ឡើងដល់ ១៥០ពាន់លានដុល្លារ នៅកោះតៃវ៉ាន់ ក្នុង ១ឆ្នាំៗ ។ លោក Huang និយាយថា គម្រោងនេះនឹងបញ្ចុះបឋមសិលាក្នុងឆ្នាំនេះ និងមានបំណងប្រតិបត្តិការនៅឆ្នាំ ២០៣០ ។ ទោះបីជាយ៉ាងណាក៏ដោយ លោកពុំបានផ្តល់ពេលវេលាកំណត់រយៈពេលប៉ុន្មានឆ្នាំ ដែលក្រុមហ៊ុនគ្រោងនឹងវិនិយោគថវិកា ១៥០ពាន់លានដុល្លារនោះឡើយ ។ ទីស្នាក់ការកណ្តាលនៅកោះតៃវ៉ាន់នេះដែរ នឹងធ្វើឲ្យក្រុមហ៊ុន Nvidia តាមកាន់តែប្រកិតជាមួយក្រុមហ៊ុន TSMC ដែលជាក្រុមហ៊ុនផលិតបន្ទះឈីបធំបំផុតរបស់ពិភពលោក ។ វានឹងជួយផងដែរឲ្យក្រុមហ៊ុនមានតម្លៃបំផុតរបស់ពិភពលោកមួយនេះ ជំរុញសម្ព័ន្ធភាពជាមួយដៃគូផលិតជាច្រើនទៀត រួមទាំងក្រុមហ៊ុន Foxconn, Wistron និងក្រុមហ៊ុន Quanta Computer ៕

ក្រុមអាជ្ញាធរព្រមានថា សឺទែនផ្ទុកសារធាតុគីមីបែកក្នុងទីក្រុងវ៉ាស៊ីនតោន នៅតែគ្មានស្ថិរភាព

2026/05/27 07:00:31 pm        29
Facebook Telegram Linkin
ក្រុមអាជ្ញាធរនិយាយថា សឺទែនស្តុកសារធាតុគីមីដែលបានផ្ទុះ និងបែកនៅរោងចក្រ Nippon Dynawave Packaging ស្ថិតក្នុងរដ្ឋវ៉ាស៊ីនតោន សហរដ្ឋអាមេរិកកាលពីថ្ងៃអង្គារដែលបណ្តាលឲ្យមនុស្សម្នាក់ស្លាប់ និងមនុស្ស ៩នាក់ផ្សេងទៀត រងរបួស នៅតែគ្មានស្ថិរភាពនោះទេ ។ លោក Scott Goldstein គឺជាប្រធានក្រុមជួយសង្រ្គោះ និងពន្លត់អគ្គិភ័យ Cowlitz 2 និយាយនៅក្នុងសន្និសីទសារព័ត៌មានថា សឺទែនមួយនេះ មានស្តុកសា្រ.ស ដែលជាសូលុយស្យុងគីមីនៃសារធាតុសូដ្យូមអ៊ីដ្រូស៊ីត និងសូដ្យូមស៊ុលហ្វីត ប្រើប្រាស់សម្រាប់ផលិតក្រដាស បានបែកកាលពីវេលាម៉ោង ៧ និង ១៥នាទីព្រឹក ម៉ោងក្នុងស្រុក ថ្ងៃអង្គារ ។ លោក Goldstein បន្តថា ស្របពេលកាលពីដំបូងគេជឿថា សឺទែនមានផ្ទុកស្រាសចំណុះ ៨ម៉ឺនហ្គាឡុងនោះ សឺទែនមួយនេះមានសា្រស រហូតដល់ជិត ៩០ម៉ឺនហ្គាឡុងឯណោះ ក្នុងនោះវត្ថុធាតុប្រហែល ៩ម៉ឺនហ្គាឡុង នៅមាននៅក្នុងសឺទែនខូចខាត ។ ការងារស្តារឡើងវិញ បានចាប់ផ្តើមនៅថ្ងៃពុធនេះ នៅទីតាំងរោងចក្រ ស្ថិតក្នុងទីក្រុង Longview មានចម្ងាយប្រហែល ៧២គ.ម ភាគខាងជើងទីក្រុង Portland ។ ចំណែកឯលោក Matt Amos គឺជាប្រធានកងវរសេនាធំនៃនាយកដ្ឋានពន្លត់អគ្គីភ័យក្រុង Longview និយាយថា អ្នករងរបួស ដែលមួយចំនួនស្ថិតក្នុងស្ថានភាពធ្ងន់ធ្ងរ រួមទាំងកម្មករ ៨នាក់ និងភ្នាក់ងារពន្លត់អគ្គិភ័យម្នាក់ ពុំទាន់រួចផុតពីគ្រោះថ្នាក់ដល់អាយុជីវិតនៅឡើយនោះទេ ៕

[UPDATE] មនុស្ស ៥នាក់ ក្នុងចំណោម ៧នាក់ដែលជាប់ក្នុងរូងភ្នំ នៅ​ឡាវ ត្រូវបានរកឃើញនៅមានជីវិត

2026/05/27 06:55:42 pm        56
Facebook Telegram Linkin
ក្រុម​អ្នកជួយសង្គ្រោះ បានឲ្យ​ដឹង​ថា មនុស្ស ៥នាក់ ក្នុងចំណោម ៧នាក់ដែលជាប់នៅក្នុងរូងភ្នំលិចទឹករយៈពេល ១សប្តាហ៍ នៅក្នុងប្រទេសឡាវ ត្រូវបានរកឃើញនៅរស់រានមានជីវិត នា​ថ្ងៃពុធ (ទី២៧ ខែឧសភា ឆ្នាំ២០២៦) នេះ។តាម​រយៈ​ការ​បង្ហោះ​លើ​បណ្ដាញ​សង្គម ក្រុមជួយសង្គ្រោះឡាវឈ្មោះ​ Rescue Volunteer for People បានឲ្យ​ដឹងថា៖ «យើងបានរកឃើញមនុស្សប្រាំនាក់នៅរស់រានមានជីវិត ហើយមានសុវត្ថិភាពទាំងអស់។ នៅតែមានមនុស្ស ២នាក់ដែលយើងកំពុងស្វែងរក»។ប្រព័ន្ធផ្សព្វផ្សាយរដ្ឋ Lao Economic Daily ក៏បានរាយការណ៍​​ផងដែរថា មនុស្ស ៥នាក់ត្រូវបានរកឃើញថា នៅរស់រានមានជីវិត។គួរបញ្ជាក់ថា ប្រព័ន្ធផ្សព្វផ្សាយរដ្ឋឡាវ បានរាយការណ៍​នៅសប្តាហ៍នេះថា អ្នកភូមិជនជាតិ​ឡាវទាំង ៧នាក់នោះ បានចូលទៅក្នុងរូងភ្នំ នៅក្នុង​ខេត្ត Xaysomboun ភាគកណ្តាល ចម្ងាយប្រហែល ១២៥គីឡូម៉ែត្រ នៅ​ភាគឦសាននៃរដ្ឋធានីវៀងចន្ទន៍ កាល​ពី​ថ្ងៃទី២០​ ខែឧសភា។ ពួកគេកំពុងស្វែងរកមាស ប៉ុន្តែផ្ទុយទៅវិញ បានជាប់នៅក្នុងរូងភ្នំនោះ បន្ទាប់ពីភ្លៀងធ្លាក់ខ្លាំងបណ្តាលឲ្យ​មានទឹកជំនន់គំហុក​ភ្លាមៗ ដែលនាំ​ឲ្យ​​ច្រកចេញត្រូវ​បិទជិត​។នៅមុន​នេះ ក្រុម​អ្នកជួយសង្គ្រោះនៅកន្លែងកើតហេតុ បានរៀបរាប់ អំពីសណ្ឋាន​ដី​ភ្នំ​ដ៏លំបាក និងភ្លៀងធ្លាក់ខ្លាំងដែលក្លាយ​ជា​ឧបសគ្គ​ដល់​ប្រតិបត្តិការនេះ៕

ក្រុមហេសបូឡា ប្រាប់​​ថា បានប្រយុទ្ធ​ជាមួយកងទ័ពអ៊ីស្រាអែលនៅភាគខាងជើងទន្លេ Litani របស់លីបង់

2026/05/27 06:40:03 pm        60
Facebook Telegram Linkin
ក្រុមហេសបូឡាបានប្រាប់​ឲ្យ​ដឹង​ថា យុទ្ធជនរបស់ខ្លួន បានប្រយុទ្ធ​ជាមួយកងកម្លាំងអ៊ីស្រាអែល ក្នុងទីក្រុងមួយ នៅភាគខាងជើងទន្លេ Litani នា​ថ្ងៃពុធ (ទី២៧ ខែឧសភា ឆ្នាំ២០២៦) នេះ​ ពោល​គឺ​មួយថ្ងៃបន្ទាប់ពីយោធាអ៊ីស្រាអែល បានបញ្ជាក់​ថា ខ្លួនកំពុងពង្រីកប្រតិបត្តិការផ្លូវ​គោក​​របស់ខ្លួន។អាជ្ញាធរលីបង់ បានឲ្យ​ដឹង​ថា អ៊ីស្រាអែលបានបង្កើនវិសាលភាពនៃការវាយប្រហាររបស់ខ្លួន នៅភាគខាងត្បូង និងភាគ​ខាងកើតរបស់​លីបង់ កាល​ពី​ថ្ងៃអង្គារ ទោះបីជាមានបទឈប់បាញ់ក៏ដោយ ដោយបានសម្លាប់មនុស្សយ៉ាងហោចណាស់ ៣ នាក់ ខណៈក្រុមហេសបូឡាហ៍ក៏បានបន្តការវាយប្រហាររបស់ខ្លួនផងដែរ។នៅក្នុងសេចក្តីថ្លែងការណ៍មួយ នាថ្ងៃពុធនេះ ក្រុមដែលគាំទ្រដោយអ៊ីរ៉ង់មួយ​នេះ បានឲ្យ​ដឹង​ថា យុទ្ធជនរបស់ខ្លួន «បានប្រយុទ្ធ​ជាមួយកងកម្លាំងសត្រូវ នៅចម្ងាយយ៉ាងកៀក​គ្នា» ដោយ​អាវុធធុន​ស្រាល និងមធ្យម នៅក្នុងទីក្រុង Zawtar al-Sharqiyah នៅជ្រុង​នៃអ្វី​ដែល​ត្រូវ​បាន​ប្រកាស​ដោយអ៊ីស្រាអែល​ថា «ខ្សែបន្ទាត់ពណ៌លឿង» នៅភាគខាងត្បូងប្រទេសលីបង់ ជាកន្លែងដែលកងទ័ពរបស់​ខ្លួន​ កំពុងធ្វើប្រតិបត្តិការ។ចាប់តាំងពីព្រឹកថ្ងៃអង្គារមក ក្រុមនេះបានឲ្យ​ដឹង​ថា យុទ្ធជនរបស់ខ្លួន បានប្រឈមជាមួយ​កងទ័ពអ៊ីស្រាអែលដែលចូលទៅក្នុងទីក្រុងនេះ​ ដែលមានសារៈសំខាន់ជាយុទ្ធសាស្ត្រដោយសារតែវានៅជិតទីក្រុងភាគខាងត្បូងដ៏សំខាន់ គឺ Nabatieh ដែលមានចម្ងាយត្រឹមតែ ៦គីឡូម៉ែត្រប៉ុណ្ណោះ៕

ប្រជាជន​អាមេរិក នៅតែ​ប្រយ័ត្នប្រយែង​ ចំពោះ​​ជម្លោះអ៊ីរ៉ង់ ខណៈទីក្រុង​វ៉ាស៊ីនតោន​បន្ត​ស្វែងរក​​កិច្ចព្រមព្រៀងសន្តិភាព

2026/05/27 06:36:51 pm        24
Facebook Telegram Linkin
ខណៈពេលដែលរដ្ឋបាលរបស់​លោកប្រធានាធិបតី​ Donald Trump បង្ហាញពីវឌ្ឍនភាពឆ្ពោះទៅរកកិច្ចព្រមព្រៀងដែលអាចធ្វើទៅបានជាមួយអ៊ីរ៉ង់ មតិសាធារណៈ នៅសហរដ្ឋអាមេរិក ហាក់ដូចជាបញ្ច្រាស​​គ្នា រវាងបំណងប្រាថ្នាចង់ជៀសវាងការចូលរួមផ្នែកយោធាកាន់តែជ្រៅ​ និងក្ដី​បារម្ភអំពីសម្បទាន ដែលទីក្រុងវ៉ាស៊ីនតោនអាចធ្វើ ដើម្បីបញ្ចប់ជម្លោះ។​ នេះបើយោងតាមការ​ចុះ​ផ្សាយ​របស់​សារព័ត៌មាន​ ​​CNN។ការស្ទង់មតិថ្មីៗ និងការជជែកដេញដោលផ្នែក​នយោបាយ បានបង្ហាញថា ជនជាតិអាមេរិកជាច្រើន នៅ​មិន​ទាន់​ជ្រះ​ស្រឡះ​ ចំពោះការពង្រីកសង្គ្រាមជាមួយអ៊ីរ៉ង់ ទោះបីជាពួកគេបន្តមើលឃើញកម្មវិធីនុយក្លេអ៊ែរ និងឥទ្ធិពលក្នុងតំបន់របស់ទីក្រុងតេអេរ៉ង់ថា ជាកង្វល់សន្តិសុខធ្ងន់ធ្ងរក៏ដោយ។អារម្មណ៍សាធារណៈនេះ ឆ្លុះបញ្ចាំងពីភាពតានតឹងស្រដៀង​គ្នា នៅក្នុងគោលនយោបាយការបរទេសរបស់សហរដ្ឋអាមេរិក អ្នកបោះឆ្នោតជាច្រើន​តែង​គាំទ្រការកាត់មន្ថយ​​ការគំរាមកំហែង នៅបរទេស ប៉ុន្តែបង្ហាញពីការ​យល់ស្រប​តិចជាងមុន ចំពោះយុទ្ធនាការយោធាដែលអូសបន្លាយ។ ការជជែកដេញដោលនេះកើតឡើងនៅពេលដែលក្រុម​អ្នកចរចាអាមេរិក និងអ៊ីរ៉ង់ បន្តកិច្ចប្រឹងប្រែង ដើម្បីឈានដល់កិច្ចព្រមព្រៀងមួយដែលមានគោលបំណងបន្ធូរបន្ថយអរិភាព និងដោះស្រាយបញ្ហាសំខាន់ៗ ក្នុង​នោះ​រួមទាំងការបើកច្រកសមុទ្រ Hormuz ឡើងវិញ ការបន្ថយ​ទណ្ឌកម្ម និងសកម្មភាពនុយក្លេអ៊ែររបស់អ៊ីរ៉ង់។របាយការណ៍ បង្ហាញថា ការចរចាបានបន្តតាមរយៈអ្នកសម្របសម្រួលក្នុងតំបន់ ទោះបីជាមានភាពតានតឹងថ្មីៗក៏ដោយ ក្នុង​នោះរួមមាន​ទាំងការវាយប្រហាររបស់សហរដ្ឋអាមេរិកដែលទីក្រុងតេអេរ៉ង់ បានថ្កោលទោសថា ជាការរំលោភលើបទឈប់បាញ់។សម្រាប់សេតវិមាន បញ្ហាប្រឈមនយោបាយ គឺមានសារៈសំខាន់។ លោក​ Trump បានអះអាងថា ការមាន​នូវ​កិច្ចព្រមព្រៀងណាមួយ ត្រូវតែរឹងមាំ និងផ្តល់ផលប្រយោជន៍ដល់សហរដ្ឋអាមេរិក ខណៈដែលក្រុមអ្នករិះគន់ព្រមានថា ការដោះស្រាយដោយប្រញាប់ប្រញាល់អាចធ្វើឲ្យ​អ៊ីរ៉ង់មានប្រៀប​ខ្លាំងពេក។ការស្ទង់មតិ បង្ហាញថា ដោយ​ទូទៅ ជនជាតិអាមេរិកមានភាពស្ទាក់ស្ទើរ ក្នុងការគាំទ្រវិធានការ​យោធាទ្រង់ទ្រាយធំ លើ​អ៊ីរ៉ង់ ខណៈពេលដែលនៅតែផ្តល់សារៈសំខាន់ខ្ពស់ លើការបញ្ចប់ជម្លោះ ការការពារជនស៊ីវិល និងការកំណត់សមត្ថភាពនុយក្លេអ៊ែររបស់អ៊ីរ៉ង់៕

គ្រូពេទ្យស្លាប់អំឡុងពេលព្យាបាលអ្នកជំងឺអេបូឡានៅកុងហ្គោ ធ្វើឲ្យក្តីបារម្ភនៅជួរមុខកើនឡើង

2026/05/27 06:32:16 pm        39
Facebook Telegram Linkin
នៅតំបន់ភាគខាងកើតសាធារណរដ្ឋប្រជាធិបតេយ្យកុងហ្គោ រថយន្តដឹកក្តារមឈូសជាច្រើនគ្រឿង បានចាកចេញពីមន្ទីរពេទ្យស្ថិតក្នុងទីក្រុង Bunia កាលពីថ្ងៃអង្គារ ខណៈក្រុមការងារសុខភាព នាំគ្នាឈរមើល ពេលដែលអ្នកជំងឺស្លាប់ ត្រូវបានយកទៅបញ្ចុះ ប៉ុន្តែលើកនេះ ម្នាក់ក្នុងចំណោមអ្នកជំងឺទាំងអស់នោះ គឺជាគ្រូពេទ្យ ។ គ្រូពេទ្យដែលបានស្លាប់ ក្រោយព្យាបាលអ្នកជំងឺអេបូឡា បង្ហាញពីការព្រួយបារម្ភនៅក្នុងចំណោមកម្មករសុខភាពនៅជួរមុខ ពេលដែលការរីករាលដាលឆ្លងជំងឺអេបូឡាកាន់តែធ្ងន់ធ្ងរទៅ ។ លោកវេជ្ជបណ្ឌិត Robert Unenu ដែលជាប្រធានសមាគមវេជ្ជសាស្រ្ត Ituri និយាយថា ក្តីបារម្ភ កំពុងកើនឡើង ។ លោកនិយាយថា ពួកយើងពិតជាខ្លាចខ្លាំងណាស់ ពីព្រោះថា ពួកយើងទាំងអស់គ្នាគឺជាអ្នកត្រូវមើលថែអ្នកជំងឺ ។ លោកបន្តថា ថ្ងៃនេះ មានអ្នកជំងឺចូលមក ថ្ងៃស្អែកនឹងមានអ្នកជំងឺចូលមកកាន់តែច្រើនបន្ថែមទៀត ។ ដូច្នេះហើយពួកយើងខ្លាច ពួកយើងទាំងអស់គ្នាពិតជាខ្លាចមែន ប៉ុន្តែពួកយើងមិនអាចបោះបង់ចោលអ្នកជំងឺបានឡើយ បើទោះបីជាពួកយើងព្រួយបារម្ភក៏ដោយ ។ ខណៈពេលនោះដែរ បណ្ដាមេដឹកនាំ និងទីភ្នាក់ងារសុខភាពអាហ្រ្វិកកំពុងបង្កើនកិច្ចខិតខំប្រឹងប្រែងទប់ស្កាត់ការហក់ឡើងឥតឈប់ឈរនៃការផ្ទុះរាលដាលជំងឺអេបូឡា នៅកុងហ្គោ និងអ៊ូហ្គង់ដា ដោយពួកគេប្ដេជ្ញាបញ្ចេញថវិកាជិត ៥០០លានដុល្លារ សម្រាប់ការឆ្លើយតប ខណៈបណ្ដាក្រុមហ៊ុនផលិតវ៉ាក់សាំង កំពុងប្រឹងប្រែងផលិតថ្នាំព្យាបាលជំងឺមួយនេះ ស្របពេលអត្រាឆ្លងរាលដាល និងស្លាប់កំពុងហក់ឡើងខ្ពស់ ។ អង្គការសុខភាពពិភពលោក(WHO) និយាយថា ករណីឆ្លងសង្ស័យជំងឺអេបូឡានៅកុងហ្គោ និងអ៊ូហ្គង់ដា បានកើនឡើងដល់ជាង ៩០០នាក់ ក្នុងនោះមនុស្សស្លាប់សង្ស័យចំនួន ២២០នាក់ ៕

បណ្ដាញសង្គម

ព័ត៌មានថ្មីៗ

សម្ដេចតេជោណែ នាំមន្រ្តីមូលដ្ឋានខេត្តពោធិ៍សាត់ត្រូវធ្វើជាខ្នងបង្អែករបស់អតីតយុទ្ធជន និងគ្រួសារយុទ្ធជននៅសមរភូមិ
05/30/2026 03:05 PM
Facebook Telegram Linkin
មន្រ្ដីជាន់ខ្ពស់ក្រសួងការពារជាតិកម្ពុជា និងមន្រ្ដីជាន់ខ្ពស់ ICRC បានគូសបញ្ជាក់ជាថ្មី អំពីសារៈសំខាន់ និងភាពចាំបាច់នៃការគោរពច្បាប់អន្តរជាតិ និងច្បាប់មនុស្សធម៌អន្តរជាតិ
05/30/2026 02:05 PM
Facebook Telegram Linkin
ទេសាភិបាល​ និងគណៈប្រតិភូធនាគារ​កណ្ដាល​ហ្វ្រង់កូហ្វូន​ ចំនួន២៦ប្រទេស​ អញ្ជើញចូលទស្សនារមណីយដ្ឋាន​ប្រាសាទ​សំបូរព្រៃគុក
05/30/2026 02:05 PM
Facebook Telegram Linkin
ករណីបង្ក្រាប Online scam នៅកាស៊ីណូ យីងហ័ង ខេត្តព្រះសីហនុ សមត្ថកិច្ចបញ្ជូនមេខ្លោងចិន ៤នាក់ទៅតុលាការ និងបណ្តេញជនបរទេស ៦០នាក់ចេញពីកម្ពុជា
05/30/2026 01:05 PM
Facebook Telegram Linkin
នាយឧត្តមសេនីយ៍ ទៀ សីហា អញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ កោះកុង
05/30/2026 01:05 PM
Facebook Telegram Linkin
ការបិទផ្លូវប្រឆាំងរដ្ឋាភិបាល បង្ខំឱ្យប្រជាជនបូលីវី ដេកចាំទិញប្រេងឥន្ធនៈ ខណៈហាងនានាបានបិទទ្វារ
05/30/2026 12:05 PM
Facebook Telegram Linkin
មេបញ្ជាការកងកម្លាំងប្រដាប់អាវុធគុយបា ចូលរួមសមយុទ្ធយោធា ខណៈសម្ពាធរបស់អាមេរិកកើនឡើង
05/30/2026 12:05 PM
Facebook Telegram Linkin
UN៖ តំបន់ហ្កាហ្សា១០០% សម្រាប់តែប្រជាជនប៉ាឡេស្ទីន ខណៈអ៊ីស្រាអែល រុលចូលដណ្តើមយកហ្កាហ្សាបន្ថែមទៀត
05/30/2026 12:05 PM
Facebook Telegram Linkin
ប្រេងធ្លាក់ចុះ និងភាគហ៊ុនច្របូកច្របល់ លើការរំពឹងទុកនៃបទឈប់បាញ់រវាងអាមេរិក និងអ៊ីរ៉ង់
05/30/2026 12:05 PM
Facebook Telegram Linkin
អាមេរិក ជំរុញឱ្យសម្ព័ន្ធមិត្តបង្កើនការចំណាយលើវិស័យការពារជាតិ ក្នុងពេលមានការ «ព្រមាន» ចំពោះការបង្កើនឥទ្ធិពលរបស់ចិន
05/30/2026 12:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.