នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

ណាតូពិចារណាបញ្ចប់កិច្ចប្រជុំកំពូលប្រចាំឆ្នាំ ដែលអាចដោយសារបញ្ហារកាំរកូសជាមួយលោក Trump

2026/04/28 05:28:24 pm        52
Facebook Telegram Linkin
ប្រភពចំនួន ៦ បានប្រាប់ទីភ្នាក់ងារព័ត៌មាន Reuters ថា អង្គការណាតូ (NATO) កំពុងពិចារណាបញ្ចប់ការអនុវត្តថ្មីៗរបស់ខ្លួន ក្នុងការរៀបចំកិច្ចប្រជុំកំពូលប្រចាំឆ្នាំ ជាចំណាត់ការមួយដែលអាចបញ្ចៀសការប្រឈមមុខតានតឹងជាមួយប្រធានាធិបតីអាមេរិក លោក Donald Trump ក្នុងឆ្នាំចុងក្រោយនៃការកាន់តំណែងរបស់លោក។រដ្ឋបាលរបស់លោក Trump បានរិះគន់ខ្លាំងៗម្តងហើយម្តងទៀត ចំពោះសមាជិកចំនួន ៣១ប្រទេសផ្សេងទៀតរបស់សម្ព័ន្ធមិត្តការពារជាតិដឹកនាំដោយសហរដ្ឋអាមេរិកមួយនេះ ដោយថ្មីៗនេះ បានស្តីបន្ទោសរដ្ឋខ្លះ ដែលមិនផ្តល់ជំនួយបន្ថែមដល់ប្រតិបត្តិការយោធារបស់សហរដ្ឋអាមេរិក ប្រឆាំងនឹងអ៊ីរ៉ង់។ភាពញឹកញាប់នៃកិច្ចប្រជុំកំពូលរបស់អង្គការណាតូ មានភាពខុសប្លែកគ្នាក្នុងប្រវត្តិសាស្ត្រ ៧៧ឆ្នាំរបស់សម្ព័ន្ធមិត្ត ប៉ុន្តែថ្នាក់ដឹកនាំរបស់សម្ព័ន្ធនេះ បានជួបគ្នារៀងរាល់រដូវក្តៅ ចាប់តាំងពីឆ្នាំ២០២១ មក ហើយនឹងជួបជុំគ្នា នៅឆ្នាំ២០២៦ នៅរដ្ឋធានី Ankara ប្រទេសទួរគី នាថ្ងៃទី៧ និងទី៨ ខែកក្កដា។ប៉ុន្តែសមាជិកមួយចំនួន កំពុងជំរុញឲ្យបន្ថយការរៀបចំនេះ។ នេះបើតាមការឲ្យដឹងពីមន្ត្រីជាន់ខ្ពស់អឺរ៉ុបម្នាក់ និងអ្នកការទូតចំនួន ៥នាក់ ដែលបានប្រាប់ទីភ្នាក់ងារព័ត៌មាន Reuters ដោយអ្នកទាំងអស់នេះមកពីប្រទេសសមាជិកអង្គការណាតូ ។អ្នកការទូតម្នាក់ បានបញ្ជាក់ថា កិច្ចប្រជុំកំពូលឆ្នាំ២០២៧ ដែលនឹងប្រព្រឹត្តទៅនៅប្រទេសអាល់បានី ទំនងជានឹងធ្វើឡើងនៅរដូវស្លឹកឈើជ្រុះឆ្នាំនោះ ហើយអង្គការណាតូកំពុងពិចារណាមិនរៀបចំកិច្ចប្រជុំកំពូលណាមួយឡើយ នៅឆ្នាំ២០២៨ ពោលគឺជាឆ្នាំមានការបោះឆ្នោតប្រធានាធិបតីអាមេរិក និងជាឆ្នាំចុងក្រោយរបស់លោក Trump ក្នុងការកាន់តំណែង៕

រដ្ឋមន្ត្រីរតនាគារអាមេរិក៖ អាជីវកម្មមានទំនាក់ទំនងជាមួយក្រុមហ៊ុនអាកាសចរណ៍អ៊ីរ៉ង់ ប្រឈមនឹងទណ្ឌកម្ម

2026/04/28 05:06:16 pm        61
Facebook Telegram Linkin
រដ្ឋមន្ត្រីក្រសួងរតនាគារ លោក Scott Bessent បាននិយាយកាលពីថ្ងៃចន្ទ (ទី២៨ ខែមេសា ឆ្នាំ២០២៦) នេះថា អាជីវកម្មដែលមានទំនាក់ទំនងជាមួយក្រុមហ៊ុនអាកាសចរណ៍អ៊ីរ៉ង់ ប្រឈមនឹងការរងទណ្ឌកម្មរបស់សហរដ្ឋអាមេរិក ដោយចាត់ទុកការព្រមាននេះថា ជាផ្នែកមួយនៃយុទ្ធនាការដាក់សម្ពាធសេដ្ឋកិច្ចលើទីក្រុងតេអេរ៉ង់ ក្នុងអំឡុងពេលមានសង្គ្រាម រវាងសហរដ្ឋអាមេរិក និងអ៊ីស្រាអែល លើអ៊ីរ៉ង់។ប្រព័ន្ធផ្សព្វផ្សាយរដ្ឋអ៊ីរ៉ង់ បានរាយការណ៍កាលពីចុងសប្តាហ៍កន្លងមកថា អ៊ីរ៉ង់បានចាប់ផ្ដើមជើងហោះហើរពាណិជ្ជកម្មឡើងវិញជាលើកដំបូង ពីអាកាសយានដ្ឋានអន្តរជាតិទីក្រុងតេអេរ៉ង់ គិតចាប់តាំងពីមានសង្គ្រាម។ សារព័ត៌មាននេះក៏បានរាយការណ៍ដែរថា ជើងហោះហើរត្រូវបានគ្រោងចេញដំណើរទៅកាន់ទីក្រុងអ៊ីស្តង់ប៊ុលរបស់ទួរគី រដ្ឋធានីមូស្កាតរបស់អូម៉ង់ ទីក្រុងមេឌីណារបស់អារ៉ាប៊ីសាអ៊ូឌីត ហើយទៅកាន់ប្រទេសអ៊ីរ៉ាក់ និងកាតា។ក្រសួងរតនាគារសហរដ្ឋអាមេរិក បានឲ្យដឹងថា ទីក្រុងវ៉ាស៊ីនតោន កំពុងដាក់ «ការគ្រប់គ្រងហិរញ្ញវត្ថុ» លើរដ្ឋាភិបាលអ៊ីរ៉ង់។ លោក Bessent បានលើកឡើងនៅក្នុងសារមួយលើបណ្ដាញសង្គម X ថា៖ «ការធ្វើអាជីវកម្មជាមួយក្រុមហ៊ុនអាកាសចរណ៍អ៊ីរ៉ង់ដែលត្រូវបានដាក់ទណ្ឌកម្ម ប្រឈមនឹងការរងទណ្ឌកម្មរបស់សហរដ្ឋអាមេរិក»។លោកបានសង្កត់ធ្ងន់ថា៖ «រដ្ឋាភិបាលបរទេស គួរតែចាត់វិធានការចាំបាច់ទាំងអស់ ដើម្បីធានាថា ក្រុមហ៊ុននៅក្នុងដែនសមត្ថកិច្ចរបស់ពួកគេ មិនបានផ្តល់សេវាកម្មដល់យន្តហោះទាំងនោះឡើយ ក្នុងនោះរួមមានទាំងការផ្តល់ប្រេងឥន្ធនៈយន្តហោះ ការផ្តល់ម្ហូបអាហារ ថ្លៃចុះចត ឬការថែទាំផងដែរ»។លោក Bessent បានបន្ថែមថា ក្រសួងរតនាគារ «នឹងមិនស្ទាក់ស្ទើរក្នុងការចាត់វិធានការ ចំពោះភាគីទី៣ ណាមួយដែលសម្របសម្រួល ឬធ្វើអាជីវកម្មជាមួយអង្គភាពអ៊ីរ៉ង់»៕

ការបង្អាក់ពីសង្រ្គាមអ៊ីរ៉ង់ ធ្វើឲ្យប៉ះពាល់ការផ្គត់ផ្គង់ដល់កុមារខ្វះអាហារូបត្ថម្ភនៅប្រទេសសូម៉ាលី

2026/04/28 05:04:02 pm        42
Facebook Telegram Linkin
 ការបង្អាក់ពីសង្រ្គាមអ៊ីរ៉ង់ បានធ្វើឲ្យប៉ះពាល់យ៉ាងខ្លាំងការផ្គត់ផ្គង់ដល់កុមារខ្វះអាហារូបត្ថម្ភនៅទីក្រុងភាគនិរតី Baidoa របស់ប្រទេសសូម៉ាលី ។ អ្នកស្រី Muumino Adan Aamin គឺជាពលរដ្ឋសូម៉ាលីមួយរូបអាយុ ៣៨ឆ្នាំ រស់នៅក្នុងទីក្រុង Baidoa បាននាំកូន Ruweido អាយុ ១១ខែរបស់គាត់ ទៅព្យាបាលនៅមន្ទីរពេទ្យ កាលពីខែមីនាកន្លងទៅ ពេលដែលកូនរបស់គាត់ជួបកង្វះខាតអាហារូបត្ថម្ភ ។ បច្ចុប្បន្ន អ្នកស្រី Muumino រស់នៅក្នុងជំរំជនភៀសខ្លួន ក្រោយបង្ខំចិត្តរត់ភៀសខ្លួនចេញពីផ្ទះរបស់គាត់កាលពីដើមឆ្នាំមុន ។ អ្នកស្រីនិយាយថា អ្នកស្រី បានជម្លៀសខ្លួន ដោយសារតែគ្រោះរាំងស្ងួតបណ្តាលឲ្យមានភាពអត់ឃ្លាន និងខ្វះខាតទឹកប្រើប្រាស់ ក៏ដូចជាទឹកជំនន់ ។ នោះហើយជាជាហេតុផលដែលគាត់សម្រេចចិត្តមករស់នៅក្នុងជំរំ Dan Yar ។ កាលពីឆ្នាំ ២០១៧ អ្នកស្រី Muumino ធ្លាប់បានជម្លៀសខ្លួនម្តងរួចមកហើយ ដោយសារគ្រោះរាំងស្ងួតដដែល ហើយស្ទើតែបាត់បង់កូនស្រីរបស់គាត់ម្នាក់ដែលបច្ចុប្បន្ននាងមានអាយុ ១២ឆ្នាំហើយ ដែលបានរស់រាន ក្រោយទទួលបានការព្យាបាលកង្វះអាហារូបត្ថម្ភធ្ងន់ធ្ងរ ។ សូមបញ្ជាក់ថា សង្រ្គាមនៅអ៊ីរ៉ង់ បង្កឲ្យមានការអាក់ខានការដឹកជញ្ជូនសកល ហើយមន្ទីរពេទ្យព្យាយបាលកុមារជួបកង្វះខាតអាហារូបត្ថម្ភធ្ងន់ធ្ងរនៅប្រទេសសូម៉ាលី កំពុងជួបស្ថានភាពលំបាកដោយសារគ្មានគ្រឿងផ្គត់ផ្គង់ ៕

ឥណ្ឌាជំរុញឲ្យមានការសន្ទនានៅជំនួបថ្នាក់រដ្ឋមន្រ្តីការពារជាតិអង្គការ SCO ស្របពេលសង្រ្គាមអ៊ីរ៉ង់

2026/04/28 05:01:54 pm        58
Facebook Telegram Linkin
 អំឡុងជំនួបថ្នាក់រដ្ឋមន្រ្តីការពារជាតិរបស់អង្គការសហប្រតិបត្តិការសៀងហៃ(SCO)ក្នុងទីក្រុង Bishkek នាថ្ងៃអង្គារនេះ រដ្ឋមន្រ្តីការពារជាតិឥណ្ឌាលោក Rajnath Singh បានធ្វើការសង្កត់ធ្ងន់ពីតម្រូវការសម្រាប់ការសន្ទនា និងវិស័យការទូត ស្របពេលភាពពុំច្បាស់លាស់សកល ។ អង្គការ SCO គឺជាក្រុមប្រទេសនយោបាយ និងសន្តិសុខអឺរ៉ាស៊ីមានសមាជិកចំនួន ១០ប្រទេស ដែលសមាជិករបស់ពួកគេ រួមមានទាំងចិន រុស្ស៊ី ឥណ្ឌា ប៉ាគីស្ថាន និងអ៊ីរ៉ង់ ។ លោក Singh និយាយនៅក្នុងជំនួបនេះថា រដ្ឋជាសមាជិក មាននូវទំនួលខុសត្រូវរួម ដើម្បីធានាសន្តិភាព និងស្ថិរភាពសកល ។ លោកនិយាយទៀតថា ពួកយើងគួរតែដើរតាមមាគ៌ានៃការសន្ទនា និងវិស័យការទូត ហើយមិនមែនជាកម្លាំងមិនស្ថិតស្ថេរបែបហ្នឹងនោះទេ ។ ពួកយើងមិនគួរឲ្យវាក្លាយជាយុគសម័យអំពើហិង្សា និងសង្រ្គាមនោះទេ ប៉ុន្តែជាយុគសម័យសន្តិភាព និងវិបុលភាព ។ ទីក្រុងញូវដែលី និយាយថា លោក Singh បានជួបជាមួយរដ្ឋមន្រ្តីការពារជាតិចិនលោក Dong Jun ផងដែរ នៅក្រៅជំនួបមួយនេះ ជាទីដែលពួកគេទាំង ២ បានពិភាក្សាលើសន្តិសុខក្នុងតំបន់ និងការចូលរួមវិស័យការពារជាតិ ៕

អូស្ត្រាលីចង់យកពន្ធលើក្រុមហ៊ុនបច្ចេកវិទ្យាធំៗ ប្រសិនបើពួកគេមិនបង់ប្រាក់ឲ្យស្ថាប័នព័ត៌មាន

2026/04/28 04:57:51 pm        74
Facebook Telegram Linkin
ប្រទេសអូស្ត្រាលីបានបង្ហាញសេចក្តីព្រាងច្បាប់ នៅថ្ងៃអង្គារ (ទី២៨ ខែមេសា ឆ្នាំ២០២៦) នេះ ដែលនឹងដាក់បន្ទុកពន្ធ លើក្រុមហ៊ុនបច្ចេកវិទ្យាលំដាប់យក្ស ដូចជា Meta, Google និង TikTok ជាដើម ប្រសិនបើក្រុមហ៊ុនទាំងនោះមិនធ្វើកិច្ចព្រមព្រៀងដោយស្ម័គ្រចិត្ត ដើម្បីបង់ប្រាក់ឲ្យស្ថាប័នព័ត៌មានក្នុងស្រុក សម្រាប់ព័ត៌មាន។ក្រុមហ៊ុនសារព័ត៌មានប្រពៃណីទូទាំងពិភពលោក កំពុងជួបការលំបាកក្នុងការតស៊ូ ដើម្បីបន្តរស់ ខណៈដែលអ្នកអាន កំពុងប្រើប្រាស់ព័ត៌មានរបស់ពួកគេកាន់តែច្រើនឡើងៗ តាមរយៈបណ្ដាញសង្គម។ ប្រទេសអូស្ត្រាលីចង់ឲ្យក្រុមហ៊ុនបច្ចេកវិទ្យាធំៗ ផ្តល់សំណងដល់ក្រុមហ៊ុនសារព័ត៌មានក្នុងស្រុក សម្រាប់ការចែករំលែកអត្ថបទព័ត៌មានដែលចរាចរនៅលើវេទិការបស់ពួកគេ។លោកនាយករដ្ឋមន្ត្រី Anthony Albanese បាននិយាយថា ក្រុមហ៊ុនបច្ចេកវិទ្យាលំដាប់យក្ស Meta, Google និង TikTok នឹងត្រូវបានផ្តល់ឱកាសឲ្យធ្វើកិច្ចព្រមព្រៀងមាតិកាជាមួយស្ថាប័នសារព័ត៌មានក្នុងស្រុក។ លោកបានបញ្ជាក់ថា ប្រសិនបើក្រុមហ៊ុនទាំងនោះបដិសេធ ពួកគេប្រឈមជាមួយបន្ទុកពន្ធជាកាតព្វកិច្ចដែលមានចំនួន ២,២៥ភាគរយនៃប្រាក់ចំណូលអូស្ត្រាលីរបស់ពួកគេ។លោក Albanese បានប្រាប់អ្នកសារព័ត៌មានថា៖ «វេទិកាឌីជីថលធំៗ មិនអាចគេចពីកាតព្វកិច្ចរបស់ពួកគេបានឡើយ ក្រោមច្បាប់ចរចាបង់ប្រាក់ឲ្យស្ថាប័នសារព័ត៌មាន។ នៅពេលនេះ មានក្រុមហ៊ុន ៣ គឺ Meta, Google និង TikTok»។សេចក្តីព្រាងច្បាប់ត្រូវបានរៀបចំឡើង ដើម្បីបញ្ឈប់ក្រុមហ៊ុនបច្ចេកវិទ្យាធំៗកុំឲ្យដកព័ត៌មានចេញពីវេទិការបស់ពួកគេ ជាអ្វីដែលក្រុមហ៊ុន Meta និង Google ធ្លាប់បានធ្វើនៅបរទេស កាលពីអតីតកាល៕

ការចំណាយលើវិស័យយោធារបស់សហភាពអឺរ៉ុបកើនឡើង១៤% ខណៈរងសម្ពាធពីអាមេរិក

2026/04/28 04:54:29 pm        52
Facebook Telegram Linkin
យោងតាមរបាយការណ៍ថ្មីមួយចេញដោយវិទ្យាស្ថានស្រាវជ្រាវសន្តិភាពអន្តរជាតិទីក្រុងស្ដុកខុម(SIPRI) បានឲ្យដឹងកាលពីថ្ងៃចន្ទ២៨មេសាសប្ដាហ៍នេះថា ការចំណាយលើវិស័យយោធាជាសកលបានកើនឡើង ២,៨៩ សែនកោដិដុល្លារអាមេរិក ក្នុងឆ្នាំ២០២៥ ពោលគឺកើនឡើង២,៩% ពី ឆ្នាំ២០២៤។ជាការកត់សម្គាល់ការចំណាយលើវិស័យយោធារបស់សហភាពអឺរ៉ុបបានកើនឡើងយ៉ាងខ្លាំង ដោយហក់ឡើង១៤% ដល់៨៦៤ពាន់លានដុល្លារអាមេរិក។ នេះគឺជាឆ្នាំទី ១១ ជាប់ៗគ្នានៃកំណើនចំណាយយោធាសកល ដែលជំរុញឱ្យការចំណាយយោធាជាចំណែកនៃផលិតផលក្នុងស្រុកសរុបសកល GDP កើនឡើងដល់ ២,៥% ជាកម្រិតខ្ពស់បំផុតចាប់តាំងពីឆ្នាំ ២០០៩។ក្នុងចំណោមសមជិកណាតូរបស់ប្លុកអឺរ៉ុប ២៩ប្រទេស បានរាយការណ៍ពីកញ្ចប់ថវិកាយោធារួមបញ្ចូលគ្នា ចំនួន ៥៥៩ពាន់លានដុល្លារអាមេរិក ក្នុងឆ្នាំ២០២៥ ក្នុងចំណោមនោះ មាន២២ប្រទេស កំពុងបង្កើនយ៉ាងហោចណាស់២% នៃផលិតផលក្នុងស្រុកសរុប GDPរបស់ពួកគេលើវិស័យយោធា។ របាយការណ៍នេះ ក៏បានកត់សម្គាល់ផងដែរថា សហរដ្ឋអាមេរិក នៅតែជាអ្នកចំណាយផ្នែកវិស័យយោធាច្រើនជាងគេបំផុតរបស់ពិភពលោក ដោយមានទំហំទឹកប្រាក់ចំនួន ៩៥៤ ពាន់លានដុល្លារអាមេរិកក្នុងឆ្នាំ២០២៥៕

ក្រុមហ៊ុនអង់គ្លេសផ្តល់សេវាកម្មនាវាចម្លងបំភាយឧស្ម័នទាបឆ្លងកាត់ផ្លូវទឹករវាងអង់គ្លេស និងបារាំង

2026/04/28 04:50:40 pm        49
Facebook Telegram Linkin
 ស្របពេលដែលរដ្ឋាភិបាល និងអ្នកដំណើររកវិធីសាស្រ្តកាត់បន្ថយការបំភាយឧស្ម័នពាក់ព័ន្ធនឹងការធ្វើដណើរនោះ ក្រុមហ៊ុនខ្នាតតូចមួយរបស់អង់គ្លេស បានផ្តល់ជម្រើសផ្សេង ដើម្បីឆ្លងកាត់ផ្លូវទឹកអង់គ្លេសតាមនាវាចម្លង ។ ក្រុមហ៊ុន SailLink ផ្តល់សេវាកម្មនាវាចម្លងប្រវែង ១៧ម៉ែត្រ ដឹកអ្នកដំណើរបានរហូតដល់ ១២នាក់ រវាងទីក្រុង Dover និងទីក្រុង Boulogne sur Mer ដោយប្រើប្រាស់កម្លាំងខ្យល់ និងជំនោរ ជាជាងប្រេងឥន្ធនៈហ្វូស៊ីល ។ ការធ្វើដំណើរទៅ-មក ត្រូវចំណាយពេលចន្លោះ ៤-៥ម៉ោង ដោយអាស្រ័យលើស្ថានភាពអាកាសធាតុ ។ សេវាកម្មនេះ បានចូលដល់រដូវកាលពេញទី ២របស់ខ្លួន ក្នុងឆ្នាំនេះ ស្របពេលដែលស្ថាបនិករបស់ពួកគេ សង្ឃឹមថា តម្រូវការកើនឡើង នឹងជួយបញ្ជាក់ថា ការដឹកអ្នកដំណើរដោយប្រើប្រាស់កម្លាំងខ្យល់ អាចជាស្ថិរភាពបរិស្ថាន និងនិរន្តរភាពពាណិជ្ជកម្ម ។ អំឡុងពេលដែលធ្វើដំណើរឆ្លងកាត់ ខ្យល់តិចមានន័យថា នាវាត្រូវប្រើប្រាស់ម៉ាស៊ីនរបស់វាមួយភ្លែត ខណៈពេលចាកចេញពីកំពង់ផែ ហើយនិងបន្តធ្វើដំណើរដោយស្ងៀមស្ងាត់ឆ្លងកាត់ផ្លូវទឹក ។ ក្រុមហ៊ុន SailLink និយាយថា អំឡុងរដូវកាលទី ១ កាលពីឆ្នាំ ២០២៥ ការធ្វើដំណើរជិត ៧០ភាគរយ បានពឹងផ្អែកទាំងស្រុងលើកម្លាំងខ្យល់ ។ សំបុត្រធ្វើដំណើរមួយទៅ មានតម្លៃ ១១០ដុល្លារ សម្រាប់មនុស្សពេញវ័យ ជាមួយនឹងការបញ្ចុះតម្លៃសម្រាប់កូនក្មេង និងក្មេងជំទង់ ហើយបើសិនមានកង់ ត្រូវបន្ថែមប្រាក់ ១៣,៥ដុល្លារទៀត ៕

ប៉ាគីស្ថាន ច្រានចោលការវាយប្រហារដោយរ៉ុក្កែត និងគ្រាប់កាំភ្លើងត្បាល់លើអាហ្វហ្គានីស្ថាន

2026/04/28 04:31:32 pm        52
Facebook Telegram Linkin
 ប៉ាគីស្ថាន បានធ្វើការច្រានចោលទាំងស្រុងចំពោះអំណះអំណាងរបស់រដ្ឋាភិបាលតាលីបង់ថា ទីក្រុងអ៊ីស្លាម៉ាបាដ បានបើកការវាយប្រហារដោយរ៉ុក្កែត និងគ្រាប់កាំភ្លើងត្បាល់លើខេត្ត Kunar របស់អាហ្វហ្គានីស្ថាន ដែលបានសម្លាប់មនុស្ស ៧នាក់ ។ នៅក្នុងសារបង្ហោះលើបណ្តាញព័ត៌មានសង្គម រដ្ឋាភិបាលប៉ាគីស្ថាន បានចាត់ទុកសេចក្តីរាយការណ៍នេះថា ជាការឃោសនាឥតឈប់ឈរ ។ រូបភាពវីដេអូឃ្លីបដែលទទួលបានដោយទីភ្នាក់ងារព័ត៌មានរ៉យទ័រនៅថ្ងៃអង្គារ ឃើញកម្ទេចកម្ទីរាយប៉ាយពាសពេញផ្ទះសម្បែងរបស់ប្រជាពលរដ្ឋ ក៏ដូចជាមនុស្សរងរបួសនៅក្នុងមន្ទីរពេទ្យ ។ លោក Hamdullah Fitrat គឺជាអ្នកនាំពាក្យក្រុមតាលីបង់ និយាយថា និស្សិត ស្រ្តី និងកុមារប្រហែល ៣០នាក់ ស្ថិតនៅក្នុងចំណោមអ្នករងរបួស ដោយសារការវាយប្រហារនេះ ដែលមានគោលដៅលើផ្ទះសម្បែងប្រជាពលរដ្ឋ និងសាកលវិទ្យាល័យ Syed Jamaluddin Afghani ស្ថិតក្នុងទីក្រុង Asadabad របស់ខេត្ត Kunar ។ លោក Meer Zaman គឺជាពលរដ្ឋមួយរូបរស់នៅក្នុងខេត្ត Kunar និយាយថា សំណើរបស់លោកទៅកាន់សហគមន៍អន្តរជាតិ និងរដ្ឋាភិបាល គឺសូមមេត្តាដោះស្រាយបញ្ហារបស់ពួកគេជាមួយប៉ាគីស្ថាន ពីព្រោះថាជីវិតរបស់ពួកយើង ពិតជាប្រឈមហានិភ័យខ្លាំងណាស់ ៕

ហ្វីលីពីន និងអាមេរិក ធ្វើសមយុទ្ធប្រឆាំងការឡើងដីគោក ជាមួយសម្ព័ន្ធមិត្ត ក្បែរសមុទ្រចិនខាងត្បូង

2026/04/28 04:17:15 pm        56
Facebook Telegram Linkin
នៅពេលដែលទូកសម្ដែងធ្វើជាសត្រូវ និងទូកដ្រូន បានចូលទៅកៀកឆ្នេរសមុទ្រកោះ Palawan ដែលមានទីតាំងឈមមុខនឹងសមុទ្រចិនខាងត្បូង កងកម្លាំងហ្វីលីពីន និងសហរដ្ឋអាមេរិក បានធ្វើសមយុទ្ធប្រឆាំងការឡើងដីគោក នៅថ្ងៃចន្ទ (ទី២៧ ខែមេសា ឆ្នាំ២០២៦) នេះ ដោយទប់ទល់នឹងការវាយប្រហារក្លែងក្លាយដោយប្រើការបាញ់ប្រហារពិតប្រាកដ ប្រឆាំងនឹងគោលដៅដែលបានកំណត់ និងស្ទាក់ចាប់ការគំរាមកំហែង។ការបង្ហាញសមត្ថភាពអាវុធកម្រិតខ្ពស់ និងការត្រៀមខ្លួនប្រតិបត្តិការ គឺជាផ្នែកមួយនៃសមយុទ្ធប្រចាំឆ្នាំ Balikatan ឬ «ស្មាប្រកៀកស្មា» ដោយនាំកងកម្លាំងមកពីប្រទេសហ្វីលីពីន សហរដ្ឋអាមេរិក អូស្ត្រាលី និងនូវែលសេឡង់មកធ្វើសមយុទ្ធការពារឆ្នេរសមុទ្ររួមគ្នា និងសាកល្បងសមត្ថភាពរបស់ពួកគេ ក្នុងការធ្វើការរួមគ្នា ដើម្បីការពារដែនទឹករបស់ដែនដី។មេបញ្ជាការយោធាហ្វីលីពីន លោក Romeo Brawner បានគូសបញ្ជាក់ពីតម្លៃយុទ្ធសាស្ត្ររបស់ទីតាំងនេះ ដោយកត់សម្គាល់ថា កោះ Palawan នៅឈមមុខនឹងសមុទ្រចិនខាងត្បូង ហើយស្ថិតនៅទល់មុខក្រុមកោះ Kalayaan ជាផ្នែកនៃកោះ Spratly ដែលទីក្រុងម៉ានីលចាត់ទុកថា ជាផ្នែកនៃតំបន់សេដ្ឋកិច្ចផ្តាច់មុខរបស់ខ្លួន។លោក Brawner បានបញ្ជាក់ថា សមយុទ្ធប្រឆាំងការឡើងដីគោកនៅឆ្នាំ២០២៦ នេះ ដែលមានប្រព័ន្ធដូចជា HIMARS ជាដើម គឺខុសពីសមយុទ្ធមុនៗ ដោយការប្រើប្រាស់ប្រព័ន្ធគ្មានមនុស្សបញ្ជា ក្នុងនោះរួមមានទាំងយានដ្រូនផងដែរ។ទាំងមន្ត្រីយោធាហ្វីលីពីន និងសហរដ្ឋអាមេរិក បានឲ្យដឹងថា សមយុទ្ធ «Balikatan» ឆ្នាំនេះ គឺជាសមយុទ្ធដ៏ធំបំផុត រហូតមកដល់បច្ចុប្បន្ន ទាក់ទងនឹងចំនួនប្រទេសចូលរួម។ប្រទេសចិន ពីមុនបានរិះគន់សមយុទ្ធយោធារួមគ្នា ដែលធ្វើឡើងដោយប្រទេសហ្វីលីពីន និងសម្ព័ន្ធមិត្តរបស់ខ្លួន ដោយលើកឡើងថា សមយុទ្ធទាំងនេះបង្កើនភាពតានតឹងក្នុងតំបន់៕

អាស៊ីអាគ្នេយ៍ ក្តៅហួតហែង ស្របពេលមានការជំរុញឲ្យសន្សំសំចៃថាមពល និងរលកកម្តៅ

2026/04/28 04:14:57 pm        42
Facebook Telegram Linkin
រលកកម្តៅដែលមានពាសពេញតំបន់អាស៊ីអាគ្នេយ៍ កំពុងធ្វើឲ្យការិយាល័យការងារកាន់តែក្តៅខ្លាំងឡើងៗ ខណៈដែលបុគ្គលិកបន្តសម្របខ្លួនទៅនឹងវិធានការសន្សំសំចៃថាមពល ដែលដាក់ចេញដោយរដ្ឋាភិបាលនានា ដោយសារតែសង្គ្រាមនៅអ៊ីរ៉ង់។ប្រទេសជាច្រើនបានដាក់ចេញនូវការគ្រប់គ្រងសីតុណ្ហភាព នៅកន្លែងធ្វើការរបស់រដ្ឋាភិបាល ចាប់តាំងពីសង្គ្រាមបានចាប់ផ្តើម ក្នុងចំណោមវិធានការផ្សេងទៀត ដើម្បីសន្សំសំចៃថាមពល។ខណៈពេលដែលការបិទច្រកសមុទ្រ Hormuz បន្លាយពេលយូរ បានធ្វើឲ្យថាមពលបម្រុងអស់បណ្ដើរៗ ដែលការធូរស្រាលហាក់ដូចជាមិនមានឆាប់ៗនោះទេ ដោយផ្នែកខ្លះនៃតំបន់នេះ នឹងត្រូវជួបប្រទះនឹងស្ថានភាពក្តៅខុសប្រក្រតី នៅក្នុងប៉ុន្មានខែខាងមុខ។ក្នុងចំណោមប្រទេសដែលរងផលប៉ះពាល់ខ្លាំងបំផុត គឺប្រទេសថៃ ដែលសីតុណ្ហភាព បានឡើងដល់លើសពី ៤០អង្សាសេ ក្នុងសប្តាហ៍ថ្មីៗនេះ ហើយរដ្ឋាភិបាលទីក្រុងបាងកក បានចេញការព្រមានអំពីកំដៅ «ដ៏គ្រោះថ្នាក់» ជាច្រើនលើក។ការចាប់ផ្តើមនៃប្រព័ន្ធអាកាសធាតុ El Nino នៅរដូវក្តៅ អាចធ្វើឲ្យស្ថានភាពកាន់តែអាក្រក់ទៅៗ។ ហើយសាស្ត្រាចារ្យរង លោកស្រី Emi Gui មកពីសាកលវិទ្យាល័យ Monash ក្នុងប្រទេសម៉ាឡេស៊ី បានឲ្យដឹងថា តំបន់អាស៊ីអាគ្នេយ៍ ប្រឈមមុខនឹង «ផលវិបាកទ្វេដង»៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin
រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប
05/30/2026 05:05 PM
Facebook Telegram Linkin
របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់​ៗ
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.