នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

អាស៊ាន និង EU ត្រូវបានជំរុញឲ្យដើរតួនាទីយ៉ាងខ្លាំងក្លាជាក្រុមការពារស្ថិរភាព អំឡុងជម្លោះសកល

2026/04/28 04:12:38 pm        56
Facebook Telegram Linkin
អាស៊ាន (ASEAN) និងសហភាពអឺរ៉ុប (EU) ត្រូវបានជំរុញឲ្យធ្វើតួនាទីជារបាំងដ៏រឹងមាំការពារស្ថិរភាព និងភាពអាចទស្សន៍ទាយបាន ក្នុងអំឡុងពេលមានជម្លោះសកលដែលកំពុងឡើងកម្ដៅខ្លាំងទៅៗ និងការរំខានយ៉ាងធ្ងន់ធ្ងរដល់ខ្សែច្រវាក់ផ្គត់ផ្គង់។ការអំពាវនាវនេះ ត្រូវបានធ្វើឡើងដោយសហប្រធាននៃកិច្ចប្រជុំរដ្ឋមន្ត្រីអាស៊ាន-សហភាពអឺរ៉ុបលើកទី២៥ (AEMM) គឺអនុរដ្ឋមន្ត្រីការបរទេសរបស់ប្រទេសប្រ៊ុយណេ លោក Datuk Seri Erywan Yusof និងតំណាងជាន់ខ្ពស់ EU ទទួលបន្ទុកគោលនយោបាយការបរទេស និងសន្តិសុខ លោកស្រី Kaja Kallas។ ថ្នាក់ដឹកនាំទាំង២ នៅក្នុងសុន្ទរកថាបើករៀងៗខ្លួន បានបញ្ជាក់ថា ការរក្សាស្ថានភាពបច្ចុប្បន្ន លែងគ្រប់គ្រាន់ទៀតហើយ ខណៈពិភពលោក កំពុងប្រឈមនឹងការធ្វើតេស្តភាពតានតឹង លើវិស័យជាច្រើន។លោក Erywan បាននិយាយថា សហគមន៍ពិភពលោកកំពុងជួបប្រទះនឹងភាពមិនប្រាកដប្រជាខាងភូមិសាស្ត្រនយោបាយកាន់តែខ្ពស់ និងការធ្លាក់ចុះយ៉ាងច្បាស់នៃគំរូសកល។ លោកបានបញ្ជាក់ថា ភាពតានតឹង និងជម្លោះដែលកំពុងកើនឡើង កំពុងរំខានដល់ខ្សែច្រវាក់ផ្គត់ផ្គង់យ៉ាងសកម្ម ធ្វើឲ្យទីផ្សារថាមពលមិនមានស្ថិរភាព និងជំរុញឲ្យតម្លៃទំនិញសំខាន់ៗហក់ឡើង នៅទូទាំងពិភពលោក។ ដើម្បីឆ្លើយតបទៅនឹងបញ្ហាប្រឈមទាំងនេះ លោក Erywan បាននិយាយថា អាស៊ាន និង EU ត្រូវតែពង្រឹងកិច្ចសហប្រតិបត្តិការរបស់ប្លុកទាំង២ ប្រកបដោយការមានគោលបំណង និងមហិច្ឆតាកាន់តែខ្លាំង។សម្រាប់លោកស្រី Kallas ដោយបន្ទរតាមភាពបន្ទាន់នៃស្ថានភាពនេះ លោកស្រីបានលើកឡើងថា ពិភពលោកកំពុងត្រូវប្រឈមជាមួយបញ្ហាមិនធ្លាប់មានពីមុនមក ដោយចង្អុលបង្ហាញថា សង្គ្រាមដែលកំពុងបន្តនៅអាស៊ីខាងលិច បានបង្កឲ្យមានវិបត្តិថាមពលសកល។ លោកស្រីក៏បានកត់សម្គាល់ពីភាពចាំបាច់នៃការមានវិធានការរួមគ្នា ក្នុងការដោះស្រាយភាពងាយរងគ្រោះសម័យទំនើប រាប់ចាប់ពីសន្តិសុខតាមអ៊ីនធឺណិត និងការប្រើប្រាស់បញ្ញាសិប្បនិម្មិតមិនត្រឹមត្រូវ រហូតដល់ការការពារហេដ្ឋារចនាសម្ព័ន្ធសំខាន់ៗ ក្រោមសមុទ្រ និងសន្តិសុខដែនសមុទ្រ។កិច្ចប្រជុំ AEMM លើកទី២៥ រយៈពេល ២ថ្ងៃបានបញ្ចប់នៅថ្ងៃនេះ (ទី២៨ ខែមេសា ឆ្នាំ២០២៦)។ ប្រទេសព្រុយណេ ដែលជាម្ចាស់ផ្ទះ គឺជាអ្នកសម្របសម្រួលប្រទេស សម្រាប់ទំនាក់ទំនងសន្ទនាអាស៊ាន-សហភាពអឺរ៉ុប សម្រាប់អាណត្តិឆ្នាំ ២០២៤-២០២៧៕

អ៊ីរ៉ាក់ជំរុញគម្រោងថាមពលពន្លឺព្រះអាទិត្យ ជាជំហានឆ្ពោះទៅរកថាមពលស្អាត

2026/04/28 04:10:10 pm        49
Facebook Telegram Linkin
 ក្រុមមន្រ្តីនិយាយថា អ៊ីរ៉ាក់ កំពុងពង្រីកការផលិតថាមពលពន្លឺព្រះអាទិត្យនៅខេត្តភាគខាងត្បូង Basra របស់ខ្លួន ស្របពេលដែលពួកគេព្យាយាមធ្វើពិពិធកម្មប្រភពថាមពល កាត់បន្ថយការពឹងផ្អែកលើប្រេងឥន្ធនៈហ្វូស៊ីល និងបន្ធូរបន្ថយសម្ពាធពីវិបត្តិផ្គត់ផ្គង់ឧស្ម័ន ។ លោក Haider Adnan គឺជាអ្នកត្រួតត្រារបស់ក្រុមហ៊ុន TotalEnergies និយាយថា ស្ថានីយថាមពលពន្លឺព្រះអាទិត្យ Basra Sun ដែលជារោងចក្រថាមពលកម្លាំង ២៥០ មេហ្គាវ៉ាត់លើកដំបូង បានចាប់ផ្តើមប្រតិបត្តិការកាលពីខែមីនា ឆ្នាំ ២០២៦ ហើយនិងបានតភ្ជាប់ទៅកាន់បណ្តាញអគ្គិសនីជាតិ ។ លោក Adnan បន្តថា គម្រោងពេញលេញ ត្រូវបានរចនាឡើង ដើម្បីផលិតអគ្គិសនី ១ ជីហ្គាវ៉ាត់នៅតាមរោងចក្រថាមពលកម្លាំង ២៥០ មេហ្គាវ៉ាត់ ៤កន្លែង ហើយនិងរួមបញ្ចូលផ្ទាំងស្រូបពន្លឺព្រះអាទិត្យចំនួនប្រហែល ២លានបន្ទះ ។ ចំណែកឯលោក Haider Issa គឺជាអ្នកគ្រប់គ្រងគម្រោង និយាយថា រោងចក្រប្រើប្រាស់ប្រព័ន្ធតាមដានពន្លឺព្រះអាទិត្យ ដើម្បីរក្សាផ្ទាំងស្រូបពន្លឺព្រះអាទិត្យឲ្យស្របគ្នាជាមួយព្រះអាទិត្យ និងបច្ចេកវិទ្យាសម្អាតស្ងួតដោយប្រើប្រាស់មនុស្សយន្ត ។ លោក Issa បន្តថា គម្រោងនេះ គឺជាផ្នែកមួយនេះការផ្លាស់ប្តូរធំទូលាយឆ្ពោះទៅរកថាមពលស្អាតដែលមានគោលបំណងដោះស្រាយកង្វក់បរិយាកាស និងការកាត់បន្ថយការបំភាយឧស្ម័នកាបូនឌីអុកស៊ីត ចេញពីរោងចក្រថាមពលប្រេងឥន្ធនៈហ្វូស៊ីលធម្មតា ៕

សង្គ្រាមអ៊ីរ៉ង់ប៉ះពាល់សេដ្ឋកិច្ចឈូងសមុទ្រ ខណៈប្លុក GCC ឆ្ពោះទៅរកវិបត្តិដ៏ធ្ងន់ធ្ងរបំផុត

2026/04/28 04:01:40 pm        135
Facebook Telegram Linkin
សេដ្ឋកិច្ចឈូងសមុទ្រ កំពុងធ្លាក់ចូលទៅក្នុងវិបត្តិដ៏ធ្ងន់ធ្ងរបំផុត គិតចាប់តាំងពីសម័យកាលមានជំងឺរាតត្បាត ដែលជំរុញដោយផលប៉ះពាល់នៃសង្គ្រាមអាមេរិក-អ៊ីស្រាអែល ជាមួយអ៊ីរ៉ង់ ដែលបានធ្វើឲ្យរង្គោះរង្គើច្រករបៀងថាមពលសំខាន់ៗរបស់តំបន់នេះ។ដូចដែលបានរាយការណ៍ដោយសារព័តមាន Reuters រដ្ឋជាសមាជិកនៃក្រុមប្រឹក្សាសហប្រតិបត្តិការឈូងសមុទ្រ (GCC) ត្រូវបានគេរំពឹងថា នឹងមានកំណើនធ្លាក់ចុះ នៅឆ្នាំ២០២៦ ខណៈដែលផលប៉ះពាល់ពីជម្លោះ បានជះឥទ្ធិពលដល់វិស័យថាមពល ដែលជាឆ្អឹងខ្នងនៃសេដ្ឋកិច្ចក្នុងតំបន់។តម្លៃប្រេងហក់ឡើងដែលបណ្តាលមកពីការរំខានដល់ការផ្គត់ផ្គង់ បានបង្កឲ្យមានផលប៉ះពាល់ភ្លាមៗ ដែលស្រដៀងនឹងវិបត្តិថាមពលនៃទសវត្សរ៍ឆ្នាំ១៩៧០។ នៅក្នុងការស្ទង់មតិ ចំពោះអ្នកជំនាញសេដ្ឋកិច្ចដែលបានធ្វើឡើង រវាងថ្ងៃទី ៨-២៤ ខែមេសា ឆ្នាំ២០២៦ ការព្យាករកំណើន ត្រូវបានកែសម្រួលទៅជាកម្រិតធ្លាក់ចុះយ៉ាងខ្លាំង ដោយប្រទេសជាច្រើនបានផ្លាស់ប្ដូរពីការព្យាករមានកំណើន ទៅជាថយចុះ។ ការបិទច្រកសមុទ្រ Hormuz ស្ទើរតែទាំងស្រុង ដែលគ្រប់គ្រងប្រហែល ២០ភាគរយនៃការផ្គត់ផ្គង់ថាមពលសកល រួមជាមួយនឹងការខូចខាត ចំពោះរោងចក្រចម្រាញ់ប្រេង និងកន្លែងផលិតឧស្ម័ន នៅក្នុងប្រទេសអារ៉ាប៊ីសាអ៊ូឌីត អេមីរ៉ាតអារ៉ាប់រួម គូវ៉ែត និងកាតា បានធ្វើឲ្យសកម្មភាពសេដ្ឋកិច្ចក្នុងតំបន់ជួបការលំបាកយ៉ាងខ្លាំង។ទោះបីជាតម្លៃប្រេងនៅតែខ្ពស់ជាងមុនសង្គ្រាមប្រហែល ៤០ភាគរយក៏ដោយ សេដ្ឋកិច្ចរបស់កាតា គូវ៉ែត និងបារ៉ែន ត្រូវបានព្យាករថា នឹងធ្លាក់ចុះ ៦,០ភាគរយ ៤,៤ភាគរយ និង ២.៩ភាគរយ រៀងៗខ្លួននៅឆ្នាំនេះ។សេដ្ឋវិទូរំពឹងថា នឹងមានការងើបឡើងវិញខ្លាំង នៅឆ្នាំ២០២៧ ដោយសន្មតថា ជម្លោះនឹងធូរស្រាល ក្នុងពេលឆាប់ៗនេះ។ កាតា អារ៉ាប់រួម និងគូវ៉ែត ត្រូវបានព្យាករថា នឹងមានកំណើន ៧,៨ភាគរយ ៥,៤ភាគរយ និង ២,៨ភាគរយ រៀងៗខ្លួន នៅឆ្នាំក្រោយ។ ចំណែកអារ៉ាប៊ីសាអ៊ូឌីត បារ៉ែន និងអូម៉ង់ ត្រូវបានព្យាករថា នឹងមានកំណើន ៤,៥ភាគរយ ៤,៣ភាគរយ និង ២,៨ភាគរយរៀងៗខ្លួន៕

លោក Rubio៖ អ៊ីស្រាអែលមិនគួរមានតំបន់ទ្រនាប់អចិន្ត្រៃយ៍នៅក្នុងប្រទេសលីបង់ទេ

2026/04/28 03:54:51 pm        141
Facebook Telegram Linkin
អ្នកការទូតជាន់ខ្ពស់របស់សហរដ្ឋអាមេរិក កាលពីថ្ងៃចន្ទ (ទី២៧ ខែមេសា ឆ្នាំ២០២៦) បាននិយាយថា អ៊ីស្រាអែលមិនគួរមានតំបន់ទ្រនាប់អចិន្ត្រៃយ៍នោះឡើយ នៅក្នុងប្រទេសលីបង់ ប៉ុន្តែបានបន្ថែមថា កងទ័ពលីបង់ ត្រូវរំសាយអាវុធពីក្រុមដែលគាំទ្រដោយអ៊ីរ៉ង់។រដ្ឋមន្ត្រីការបរទេស លោក Marco Rubio បាននិយាយថា៖ «អ៊ីស្រាអែលមិនមានការទាមទារទឹកដីនោះទេ នៅប្រទេសលីបង់។ មិនមានផ្នែកខ្លះនៃប្រទេសលីបង់ដែលអ៊ីស្រាអែលអះអាងថា ជារបស់ពួកគេឡើយ។ បញ្ហាដែលអ៊ីស្រាអែលមាន មិនមែនជាមួយប្រទេសលីបង់ទេ។ វាគឺជាមួយក្រុមហេសបូឡា នៅខាងក្នុងប្រទេសលីបង់»។លោក Rubio បាននិយាយ បន្ទាប់ពីមានការចរចា ២ជុំ រវាងលីបង់ និងអ៊ីស្រាអែល ដែលបានធ្វើឡើងនៅទីក្រុងវ៉ាស៊ីនតោន ក្នុងកម្រិតឯកអគ្គរដ្ឋទូត។ ប្រធានាធិបតីអាមេរិក លោក Donald Trump បានចូលរួមជុំចុងក្រោយបំផុត ដែលបានរៀបចំឡើងកាលពីសប្តាហ៍មុន នៅសេតវិមាន។លោក Rubio បានបញ្ជាក់ថា កិច្ចចរចានេះ «ទទួលបានជោគជ័យយ៉ាងខ្លាំង» ប៉ុន្តែមិនបាននិយាយឲ្យបានច្បាស់លាស់ថា តើទីក្រុងបេរូត នឹងចូលរួមកិច្ចព្រមព្រៀង Abraham Accords នាពេលអនាគតដ៏ខ្លីខាងមុខនេះដែរ ឬយ៉ាងណា។ លោកគ្រាន់តែប្រាប់ថា៖ «ខ្ញុំចង់មានន័យថា ជាក់ស្តែង វានឹងមានជោគជ័យខ្លាំង ប៉ុន្តែយើងមិនទាន់ដល់ចំណុចនោះទេ»។នៅពេលត្រូវបានសួរថា តើអ៊ីស្រាអែលគួរតែមានតំបន់ទ្រានប់មួយ នៅខាងក្នុងប្រទេសលីបង់ ដោយគ្មានកំណត់ដែរ ឬទេ លោក Rubio បានឆ្លើយថា «ទេ»។ លោកបានបន្ថែមថា៖ «ខ្ញុំគិតថា ប្រសិនបើអ្នកសួរជនជាតិអ៊ីស្រាអែល ពួកគេនឹងប្រាប់អ្នកថា លទ្ធផលដ៏ល្អឥតខ្ចោះ គឺរដ្ឋាភិបាលលីបង់ដ៏រឹងមាំមួយដែលមានកងកម្លាំងប្រដាប់អាវុធលីបង់ដ៏រឹងមាំ ដែលអាចរុះរើក្រុមហេសបូឡា ដើម្បីទប់ស្កាត់ពួកគេកុំឲ្យធ្វើការវាយប្រហារទាំងនេះ និងទីបំផុត ដើម្បីធានាថា ពួកគេលែងជាអង្គភាពយោធាទៀតហើយ»៕

លោក Trump ចាប់ផ្ដើមរិះគន់គូប្រជែងជាថ្មី ក្រោយការបាញ់ប្រហារ នៅពិធីលៀងសាយភោជន

2026/04/28 03:52:48 pm        20
Facebook Telegram Linkin
សម្រាប់រយៈពេលខ្លី ប្រធានាធិបតីអាមេរិក លោក Donald Trump បាននិយាយអំពី «សេចក្តីស្រឡាញ់ និងការរួបរួមគ្នា« បន្ទាប់ពីមានការបាញ់ប្រហារនៅឯពិធីលៀងសាយភោជន។ តែវាមិនចំណាយពេលយូរនោះឡើយ ដែលរដ្ឋបាលរបស់លោក ត្រូវផ្លាស់ប្តូរសំឡេងសុខដុមរមនានោះ។មិនដល់ ៤៨ម៉ោងបន្ទាប់ពីមានឧប្បត្តិហេតុកាលពីថ្ងៃទី២៥ ខែមេសា ដែលអ្នកសារព័ត៌មានរាប់ពាន់នាក់បង្ហាញវត្តមាន អ្នកនាំពាក្យសេតវិមាន លោកស្រី Karoline Leavitt បានដាក់ការទទួលខុសត្រូវ ចំពោះករណីដែលត្រូវបានចោទប្រកាន់ថា ជាការប៉ុនប៉ងធ្វើឃាត ទៅលើ «ក្រុមទុច្ចរិតជាប្រព័ន្ធ» ពោលគឺសំដៅទៅលើគូប្រជែងរបស់លោក Trump។ លោកស្រី Leavitt បានប្រាប់សន្និសីទសារព័ត៌មានថា៖ «ក្រុមឆ្វេងនិយមដែលមានគំនិតស្អប់ខ្ពើមប្រធានាធិបតី និងអ្នកគាំទ្ររូបលោក និងធ្វើការឲ្យលោក បានធ្វើឲ្យមនុស្សជាច្រើនរងរបួស និងស្លាប់ ហើយវាស្ទើរតែបានកើតឡើងម្តងទៀតកាលពីចុងសប្តាហ៍នេះ»។ ក្នុងពេលជាមួយគ្នា លោក Trump និងភរិយារបស់លោក គឺលោកស្រី Melania បានរិះគន់ខ្លាំងៗ ទៅលើតារាកំប្លែងតាមទូរទស្សន៍ លោក Jimmy Kimmel ដែលជាអ្នកបង្ហាញកំហឹងជាយូរមកហើយ លើក្រុមស្តាំនិយម ដោយអំពាវនាវឲ្យបណ្តេញរូបគេចេញ ដោយសារតែការនិយាយបែបកំប្លែង ពាក់ព័ន្ធនឹងស្ត្រីទី១ ។លោក Trump បានលើកឡើងនៅលើវេទិកាបណ្ដាញសង្គម Truth Social របស់លោកថា៖ "ខ្ញុំជឿថា មនុស្សជាច្រើន មានការខឹងសម្បា ចំពោះពាក្យសម្ដីដ៏គួរឲ្យស្អប់ខ្ពើមរបស់លោក Kimmel ដែលញុះញង់ឲ្យមានអំពើហិង្សា ហើយជាធម្មតាមិនមានការឆ្លើយតបនឹងអ្វីដែលរូបគេបាននិយាយនោះទេ ប៉ុន្តែនេះគឺជាអ្វីមួយដែលហួសពីព្រំដែនមិនអាចទទួលយកបាន»។ ដោយសំដៅទៅលើក្រុមហ៊ុនមេរបស់ប្រព័ន្ធផ្សព្វផ្សាយ ABC គឺ Disney លោកបាននិយាយថា «លោក Jimmy Kimmel គួរតែត្រូវបានបណ្តេញចេញភ្លាមៗដោយ Disney និង ABC»។ យ៉ាងណាក្ដី នេះប្រហែលជាការបញ្ចប់ដែលអាចទស្សន៍ទាយបាន ចំពោះក្តីសង្ឃឹមណាមួយ ដែលថា លោក Trump អាចបញ្ឈប់ភាសាហិង្សា និងជារឿយៗ បង្កឲ្យមានកំហឹងពីគូប្រជែង ជនអន្តោប្រវេសន៍ និងអ្នកសារព័ត៌មាន។លោក Trump បានប្រើសំឡេងស្ងប់ស្ងាត់ប្រកបដោយការគិតគូរខុសពីធម្មតា ពោលគឺភ្លាមៗបន្ទាប់ពីការបាញ់ប្រហារ នៅពិធីលៀងសាយភោជនអ្នកសារព័ត៌មានសេតវិមាន ដែលលោកស្រី Leavitt បាននិយាយថា ជាការប៉ុនប៉ងលើកទី៣ ក្នុងការយកជីវិតរបស់លោក ក្នុងរយៈពេល ២ឆ្នាំ៕

អធិការបតីអាល្លឺម៉ង់ និយាយថា អ៊ុយក្រែនអាចនឹងត្រូវទទួលយកការបាត់បង់ទឹកដី ដើម្បីសន្តិភាពជាមួយរុស្ស៊ី

2026/04/28 12:34:22 pm        95
Facebook Telegram Linkin
លោក Friedrich Merz អធិការបតីអាល្លឺម៉ង់ បាននិយាយកាលពីថ្ងៃទី២៧ មេសាសប្ដាហ៍នេះ ថា អ៊ុយក្រែនអាចនឹងបាត់បង់ទឹកដី ដើម្បីធានាបាននូវកិច្ចព្រមព្រៀងសន្តិភាពជាមួយរុស្ស៊ី ប៉ុន្តែបានបង្ហើបថា ការធ្វើដូច្នេះអាចជួយបើកទ្វារទៅកាន់សមាជិកភាពសហភាពអឺរ៉ុប។លោក Merz បាននិយាយក្នុងអំឡុងពេលពិភាក្សាជាមួយនិស្សិតនៅក្នុងទីក្រុង Marsberg របស់ប្រទេសអាល្លឺម៉ង់ថា សង្ឃឹមថា នៅទីបំផុតនឹងមានសន្ធិសញ្ញាសន្តិភាពជាមួយរុស្ស៊ី។ បន្ទាប់មក ប្រហែលជាផ្នែកមួយនៃទឹកដីអ៊ុយក្រែន នឹងលែងជារបស់អ៊ុយក្រែនទៀតហើយ។លោកអធិការបតីរូបនេះបាននិយាយថា លោកប្រធានាធិបតី Volodymyr Zelenskyy នឹងត្រូវការសំឡេងភាគច្រើននៃប្រជាមតិសម្រាប់ជំហានបែបនេះ ហើយដើម្បីធានាបានសំឡេងភាគច្រើននោះ លោក Zelenskyy នឹងត្រូវប្រាប់ប្រជាជនអ៊ុយក្រែនថា ប៉ុន្តែរូបលោកបានបើកផ្លូវទៅកាន់អឺរ៉ុបសម្រាប់អ្នក ហើយ។ បច្ចុប្បន្ន រុស្ស៊ីកាន់កាប់ប្រហែល២០ % នៃទឹកដីអ៊ុយក្រែន ហើយទាមទារឱ្យទីក្រុងគីវប្រគល់ដីបន្ថែមនៅក្នុងតំបន់ Donetsk ដើម្បីបញ្ចប់កិច្ចព្រមព្រៀងឈប់បាញ់។អ៊ុយក្រែនបានបដិសេធការប្រគល់ទឹកដីដែលនៅតែស្ថិតនៅក្រោមការគ្រប់គ្រងរបស់ទីក្រុងគីវ ហើយបានជំរុញឱ្យមានបទឈប់បាញ់នៅតាមសមរភូមិ។ លោក Zelenskyy កន្លងមកធ្លាប់បានលើកឡើងថា សម្បទានទឹកដីគួរតែត្រូវបានសម្រេចតាមរយៈប្រជាមតិ។នៅថ្ងៃ២៧មេសាដដែលលោកបាននិយាយថា ដៃគូបរទេសរបស់ទីក្រុងគីវមិនគួរភ្លេចទេថា អ៊ុយក្រែនមិនមែនកំពុងប្រយុទ្ធតែដើម្បីខ្លួនឯងប៉ុណ្ណោះទេ តែក៏ដើម្បីអឺរ៉ុបទាំងមូលដែរ ប្រសិនបើរុស្ស៊ីទទួលបានជោគជ័យជាមួយរដ្ឋមួយ ជាមួយប្រទេសជិតខាងមួយ នោះនឹងធ្វើដូចគ្នាលើប្រទេសដទៃទៀតដែរ៕

សហរដ្ឋអាមេរិក ជំរុញសភាកោះតៃវ៉ាន់ ឱ្យអនុម័តថវិកាការពារជាតិទូលំទូលាយ

2026/04/28 12:31:09 pm        105
Facebook Telegram Linkin
អ្នកការទូតជាន់ខ្ពស់របស់សហរដ្ឋអាមេរិកប្រចាំនៅកោះតៃវ៉ាន់កាលពីថ្ងៃចន្ទ ២៧មេសា សប្ដាហ៍នេះ បានជំរុញសភាដែលមានសំឡេងភាគច្រើនជាគណបក្សប្រឆាំងរបស់កោះនេះ ឱ្យអនុម័តកញ្ចប់ថវិកាការពារជាតិ «ទូលំទូលាយ» ដោយនិយាយថាប្រព័ន្ធការពារដែនអាកាស និងមីស៊ីលរួមបញ្ចូលគ្នា និងយានដ្រូនមានសារៈសំខាន់ខ្លាំងណាស់ និងមានតម្រូវការខ្ពស់នៅទូទាំងពិភពលោក។មេដឹកនាំកោះតៃវ៉ាន់ លោក ឡៃ ឈីង-ទ (Lai Ching-te) កាលពីឆ្នាំមុនបានស្នើកញ្ចប់ថវិកាការពារជាតិបន្ថែមចំនួន ៤០ ពាន់លានដុល្លារ ដែលមិនត្រឹមតែគ្របដណ្តប់លើអាវុធថ្មីរបស់សហរដ្ឋអាមេរិកប៉ុណ្ណោះទេ ប៉ុន្តែថែមទាំងអាវុធផលិតនៅក្នុងស្រុកដូចជាយានដ្រូនផងដែរ ដោយនិយាយថា ទីក្រុង តៃប៉ិ ត្រូវការទប់ស្កាត់ការគំរាមកំហែងពីប្រទេសចិន ប្រកបដោយប្រសិទ្ធភាពជាងមុន ដែលចាត់ទុកកោះនេះជាទឹកដីរបស់ខ្លួន។ លោក ឡៃ និយាយថា មានតែប្រជាជនតៃវ៉ាន់ទេ ដែលអាចសម្រេចចិត្តលើអនាគតរបស់កោះនេះ។ប៉ុន្តែការចរចានៅក្នុងសភាដើម្បីជំរុញសំណើនេះបានជាប់គាំង ដោយគណបក្សប្រឆាំងដ៏សំខាន់របស់កោះនេះ គឺ គណបក្ស គូមីនតាង (Kuomintang) (KMT) បាននិយាយថា ខណៈពួកគេគាំទ្រការចំណាយលើការការពារជាតិ ពួកគេនឹងមិនចុះហត្ថលេខាលើ «សែកទទេ» ឡើយ ហើយចង់បានព័ត៌មានលម្អិតបន្ថែមពីរដ្ឋាភិបាល។នៅក្នុងបទសម្ភាសន៍ជាមួយកាសែតតៃវ៉ាន់ China Times លោក Raymond Greene ឯកអគ្គរដ្ឋទូតសហរដ្ឋអាមេរិកប្រចាំទីក្រុងតៃប៉ិ បាននិយាយថា វាមានសារៈសំខាន់ណាស់សម្រាប់កោះតៃវ៉ាន់ក្នុងការអនុម័ត «កញ្ចប់ថវិកាដ៏ទូលំទូលាយ»។លោក Greene បានបន្ថែមថា  ខណៈសហរដ្ឋអាមេរិកបានប្រកាសរួចហើយអំពីការលក់អាវុធ រួមទាំងប្រព័ន្ធបាញ់គ្រាប់រ៉ូកែតពហុគ្រាប់ HIMARS ដែលផលិតដោយក្រុមហ៊ុន Lockheed Martin (LMT.N) ថវិកាការពារជាតិពិសេសរបស់តៃវ៉ាន់ក៏ស្វែងរកប្រព័ន្ធការពារដែនអាកាស និងមីស៊ីលរួមបញ្ចូលគ្នា និងយានដ្រូន ផងដែរ ក្នុងចំណោមអាវុធផ្សេងទៀត៕

ទីក្រុងញូវដែលី ក្តៅខ្លាំងក្រោមរលកកម្ដៅ ខណៈភ្ញៀវទេសចរស្វែងរកទីជ្រកតំបន់ភ្នំត្រជាក់នៃតំបន់កាស្មៀរ

2026/04/28 12:24:55 pm        86
Facebook Telegram Linkin
ទីក្រុងញូវដែលី ក្តៅខ្លាំងដែលស្ថិតនៅក្រោមរលកកម្ដៅ ខណៈសីតុណ្ហភាពនៅទូទាំងភាគពាយ័ព្យ និងភាគកណ្តាលប្រទេសឥណ្ឌា បានកើនឡើងចន្លោះពី៤០ ទៅ៤៤ អង្សាសេ ទោះបីជានៅកន្លែងផ្សេងទៀតក្នុងប្រទេស អ្នកទេសចរបានស្វែងរកទីជ្រកនៅតំបន់ភ្នំត្រជាក់នៃតំបន់កាស្មៀររបស់ប្រទេសឥណ្ឌាក៏ដោយ។ក្រសួងឧតុនិយមរបស់ប្រទេសឥណ្ឌា (IMD) បានចេញការព្រមានអំពីរលកកម្ដៅនៅទូទាំងប្រទេស ដោយសីតុណ្ហភាពកើនឡើងចន្លោះពី៥ អង្សាសេ លើសពីសីតុណ្ហភាពធម្មតានៅក្នុងតំបន់ជាច្រើន ជាសញ្ញានៃស្ថានភាពកម្ដៅកាន់តែខ្លាំងឡើង។លោក Naresh Kumar អ្នកវិទ្យាសាស្ត្រនៅក្រសួងឧតុនិយមរបស់ប្រទេសឥណ្ឌា (IMD) បាននិយាយថា «បច្ចុប្បន្ន ស្ថានភាពរលកកម្ដៅ កំពុងគ្របដណ្ដប់នៅទូទាំងភាគពាយ័ព្យ និងភាគកណ្តាលរបស់ប្រទេសឥណ្ឌា»។ ប៉ុន្តែនៅថ្ងៃបន្ទាប់ សីតុណ្ហភាពនឹងចាប់ផ្តើមប្រសើរឡើងវិញបន្តិចម្តងៗ»។ប្រទេសឥណ្ឌា បានប្រកាសជាផ្លូវការអំពីរលកកម្ដៅ នៅពេលដែលសីតុណ្ហភាពអតិបរមាកើនឡើងពី ៤,៥ ទៅ ៦,៤ អង្សាសេ លើសពីសីតុណ្ហភាពធម្មតា និងរលកកម្ដៅខ្លាំងមានសីតុណ្ហភាពលើសពី៦,៥ អង្សាសេ លើសពីតុណ្ហភាពធម្មតា។

ស៊ូដង់ខាងត្បូង និយាយថាមនុស្ស១៤នាក់ស្លាប់ ក្នុងគ្រោះថ្នាក់ធ្លាក់យន្តហោះនៅជិតទីក្រុង Juba

2026/04/28 12:21:30 pm        92
Facebook Telegram Linkin
អាជ្ញាធរអាកាសចរណ៍ស៊ីវិលរបស់ប្រទេសបាននិយាយថា យន្តហោះដឹកអ្នកដំណើរខ្នាតតូចមួយគ្រឿងបានធ្លាក់នៅភាគនិរតីនៃរដ្ឋធានី Juba របស់ប្រទេសស៊ូដង់ខាងត្បូង កាលពីថ្ងៃចន្ទ ទី ២៧ ខែមេសា ដោយបានសម្លាប់មនុស្សទាំងអស់ ១៤ នាក់នៅលើយន្តហោះ។ អាជ្ញាធរបាននិយាយនៅក្នុងសេចក្តីថ្លែងការណ៍ថា យន្តហោះនេះជាយន្តហោះ Cessna 208 Caravan ធ្វើប្រតិបត្តិការដោយក្រុមហ៊ុន CityLink Aviation កំពុងហោះហើរពីទីក្រុង Yei ទៅកាន់អាកាសយានដ្ឋានអន្តរជាតិ Juba នៅពេលនោះ យន្តហោះបានបាត់បង់ទំនាក់ទំនងជាមួយអ្នកគ្រប់គ្រងចរាចរណ៍ផ្លូវអាកាស។យន្តហោះនេះ បានហោះឡើងនៅម៉ោង ៩:១៥ ព្រឹក ម៉ោងក្នុងស្រុក ហើយបានបាត់បង់ទំនាក់ទំនងនៅម៉ោង ៩:៤៣នាទីព្រឹក ដោយមានអ្នកដំណើរ ១៣ នាក់ និងអាកាសយានិកម្នាក់។អ្នកស្លាប់ រួមមានជនជាតិកេនយ៉ាពីរនាក់ និងជនជាតិស៊ូដង់ខាងត្បូង ១២ នាក់។ របាយការណ៍បឋមបានបង្ហាញថា យន្តហោះបានធ្លាក់ដោយសារតែអាកាសធាតុមិនអំណោយផល ជាពិសេសការមើលឃើញទាប។យោងតាមកាកបាទក្រហមស៊ូដង់ខាងត្បូងបានឲ្យដឹងថា កិច្ចខិតខំប្រឹងប្រែងសង្គ្រោះមានភាពយឺតយ៉ាវ និងលំបាក។ លោក Joseph Lukak Charles ប្រធានសាខាកាកបាទក្រហមស៊ូដង់ខាងត្បូងនៅទីក្រុង Juba និយាយថា ប្រតិបត្តិការបានចំណាយពេលជាច្រើនម៉ោងដើម្បីបានទៅដល់កន្លែងធ្លាក់យន្តហោះ។

រុស្ស៊ី ដាក់បន្ថែមសមាជិកសហភាពអឺរ៉ុបចូលក្នុងបញ្ជីខ្មៅ ក្នុងការឆ្លើយតបទៅនឹងទណ្ឌកម្មថ្មី

2026/04/28 11:51:53 am        157
Facebook Telegram Linkin
ក្រសួងការបរទេសរុស្ស៊ី បាននិយាយកាលពីថ្ងៃចន្ទថា រុស្ស៊ីបានដាក់បន្ថែមមន្ត្រីសហភាពអឺរ៉ុប (EU)ចូលទៅក្នុងបញ្ជីខ្មៅ ដែលត្រូវបានហាមឃាត់មិនឱ្យចូលប្រទេស ក្នុងការឆ្លើយតបទៅនឹងកញ្ចប់ទណ្ឌកម្មទី២០ ធ្វើឡើងដោយទីក្រុង Brussels ទៅលើទីក្រុងមូស្គូ។ក្រសួងបាននិយាយនៅក្នុងសេចក្តីថ្លែងការណ៍ថា សហភាពអឺរ៉ុប បន្តការប៉ុនប៉ងរបស់ខ្លួនដើម្បីដាក់សម្ពាធលើរុស្ស៊ីដោយពង្រីកវិធានការរឹតត្បិតជាឯកតោភាគី ហើយចំណាត់ការដ៏បំផ្លិចបំផ្លាញរបស់ទីក្រុង Brussels បានរំលោភលើបទដ្ឋាននៃច្បាប់អន្តរជាតិយ៉ាងធ្ងន់ធ្ងរ។សេចក្តីថ្លែងការណ៍ បាននិយាយថា «យើងក៏បានដាក់វិធានការរឹតត្បិតប្រឆាំងនឹងសកម្មជនសង្គមស៊ីវិល និងអ្នកសិក្សាស្រាវជ្រាវនៅក្នុងបណ្តាប្រទេសអឺរ៉ុបដែលប្រកាន់ជំហរអរិភាពចំពោះរុស្ស៊ី ព្រមទាំងសមាជិកសភាជាតិនៃរដ្ឋសមាជិកសហភាពអឺរ៉ុប និងសភាអឺរ៉ុប ដែលបានបោះឆ្នោតគាំទ្រសេចក្តីសម្រេច និងសេចក្តីស្នើច្បាប់ប្រឆាំងរុស្ស៊ី»។រុស្ស៊ី ក៏បានហាមឃាត់អ្នកតំណាងនៃស្ថាប័នអឺរ៉ុប និងរដ្ឋសមាជិកសហភាពអឺរ៉ុប ដែលពាក់ព័ន្ធនឹងសេចក្តីសម្រេចលើការផ្តល់ជំនួយយោធាដល់អ៊ុយក្រែន មិនឱ្យចូលប្រទេសនេះផងដែរ។ ប្រធានក្រុមប្រឹក្សាអឺរ៉ុប លោក Antonio Costa បាននិយាយថា សហភាពអឺរ៉ុបបានអនុម័តកញ្ចប់ប្រាក់កម្ចីចំនួន៩០ពាន់លានអឺរ៉ូសម្រាប់អ៊ុយក្រែន រួមជាមួយនឹងទណ្ឌកម្មជុំទី២០ ប្រឆាំងនឹងរុស្ស៊ី។

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin
រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប
05/30/2026 05:05 PM
Facebook Telegram Linkin
របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់​ៗ
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.