នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

ការិយាល័យប្រធានាធិបតី៖ កូរ៉េខាងត្បូងទទួលបានប្រេងឆៅ ៧៤,៦២លានបារ៉ែលសម្រាប់ខែឧសភា

2026/04/24 05:20:17 pm        51
Facebook Telegram Linkin
ការិយាល័យប្រធានាធិបតីនិយាយនៅថ្ងៃសុក្រនេះថា កូរ៉េខាងត្បូងទទួលបានប្រេងឆៅ ៧៤,៦២លានបារ៉ែលសម្រាប់ខែឧសភា ដែលស្មើនឹងប្រហែល ៨៧ភាគរយនៃការនាំចូលមធ្យមប្រចាំខែរបស់ខ្លួនកាលពីឆ្នាំមុន ស្របពេលដែលទីក្រុងសេអ៊ូលចាត់វិធានការ ធ្វើឲ្យស្ថិរភាពការផ្គត់ផ្គង់ថាមពល ស្របពេលជម្លោះនៅតំបន់មជ្ឈិមបូព៌ា ។លោក Kang Hoon-sik គឺជានាយសេនាធិការប្រធានាធិបតីកូរ៉េខាងត្បូងនិយាយថា រដ្ឋាភិបាលរបស់លោកបានកាត់បន្ថយការពឹងផ្អែករបស់ខ្លួនផងដែរលើការនាំចូលប្រេងឆៅពីមជ្ឈិមបូព៌ាមកនៅ ៥៦ភាគរយពីចំនួន ៦៩ភាគរយ ដោយបង្កើនការដឹកជញ្ជូនពីសហរដ្ឋអាមេរិក និងអាហ្វ្រិក ។ស្របពេលដែលក្រុមមន្រ្តីពុំព្រួយបារម្ភខ្លាំងចំពោះប្រេងឆៅសម្រាប់ខែឧសភា លោក Kangនិយាយថា ឧស្សាហកម្មមួយចំនួននៅប្រឈមភាពពុំច្បាស់លាស់ចំពោះការផ្គត់ផ្គង់ប្រេងកាត ។លោកថា ប្រេងកាតទម្ងន់ ២,១លានតោនដែលទទួលបាន អំឡុងដំណើរទស្សនកិច្ចកាលពីពេលថ្មីៗរបស់លោកទៅកាន់ប្រទេសកាហ្សាក់ស្ថាន និងតំបន់មជ្ឈិមបូព៌ា ក្នុងនាមជាប្រេសិតពិសេសនោះ នឹងចាប់ផ្តើមមកដល់បន្តិចម្តងៗ ចាប់ពីចុងខែមេសានេះតទៅ ជួយធ្វើឲ្យល្អប្រសើរឡើងលក្ខខណ្ឌផ្គត់ផ្គង់ចាប់ពីខែក្រោយតទៅ ។លោក Kangនិយាយទៀតថា ក្តីបារម្ភនៅមានចំពោះការផ្គត់ផ្គង់កៅស៊ូក្រាលថ្នល់ ជំរុញឲ្យរដ្ឋាភិបាលគិតគូរពីការកែសម្រួលកាលបរិច្ឆេតធ្វើផ្លូវ ដើម្បីកាត់បន្ថយលទ្ធភាពនៃការអាក់ខាន ៕

យន្តហោះចម្បាំង F-16 ដាក់តាំងនៅប៉េរូ បន្ទាប់ពីការលាលែងពីតំណែងរបស់រដ្ឋមន្ត្រីពីររូប

2026/04/24 05:17:43 pm        72
Facebook Telegram Linkin
ក្រុមបង្ហាញយន្តហោះចម្បាំងអាមេរិកមួយក្រុម បានធ្វើសមយុទ្ធលើអាកាសជាមួយយន្តហោះចម្បាំង F-16 ខាងលើទីក្រុងលីម៉ា ប្រទេសប៉េរូ កាលពីថ្ងៃព្រហស្បតិ៍ ទី២៣ ខែមេសា។ លោក Taylor Hiester មកពីក្រុមបង្ហាញយន្តហោះចម្បាំង F-16 បានពិពណ៌នាយន្តហោះចម្បាំងនេះថា ជាយន្តហោះចម្បាំងដែលបានហោះហើរលើកដំបូងក្នុងឆ្នាំ១៩៧៤ ហើយត្រូវបានធ្វើឱ្យប្រសើរជាបន្តបន្ទាប់ក្នុងរយៈពេលជាច្រើនទសវត្សរ៍មកនេះ។ការបង្ហាញនេះបានធ្វើឡើងមួយថ្ងៃបន្ទាប់ពីរដ្ឋាភិបាលប៉េរូ បានធ្វើការទូទាត់ប្រាក់ចំនួន៤៦២លានដុល្លារសម្រាប់យន្តហោះចម្បាំង F-16 របស់សហរដ្ឋអាមេរិក ជាការទូទាត់លើកដំបូងនៅក្នុងកិច្ចព្រមព្រៀងរាប់ពាន់លានដុល្លារ ដែលបណ្តាលឱ្យមានការលាលែងពីតំណែងរបស់រដ្ឋមន្ត្រីជាន់ខ្ពស់ពីររូបកាលពីថ្ងៃពុធ ទី ២២ ខែមេសា។ប្រទេសប៉េរូ បានចំណាយពេលជាច្រើនឆ្នាំក្នុងការចរចាជាមួយក្រុមហ៊ុនផ្សេងៗគ្នា ដើម្បីធ្វើទំនើបកម្មកងក្រុមយន្តហោះចម្បាំងមានអាយុកាលចាស់ៗរបស់ខ្លួន មានយន្តហោះ Mirage 2000 និង MiG 29 ដែលទទួលបានក្នុងទសវត្សរ៍ឆ្នាំ១៩៨០ និងឆ្នាំ១៩៩០។ ប្រទេសប៉េរូ កំពុងសម្លឹងមើលការទិញយន្តហោះសរុបចំនួន២៤ គ្រឿង ប៉ុន្តែកិច្ចព្រមព្រៀងដំបូងត្រូវបានគេរំពឹងថានឹងមានចំនួនត្រឹមតែ១២ គ្រឿង។

រុស្ស៊ី អះអាងថាបានវាយប្រហារលើគោលដៅអ៊ុយក្រែន ខណៈអ៊ុយក្រែនថាបានវាយប្រហារលើស្ថានីយ៍បូមប្រេង

2026/04/24 04:29:08 pm        66
Facebook Telegram Linkin
រុស្ស៊ី បានរាយការណ៍កាលពីថ្ងៃព្រហស្បតិ៍ថា កងកម្លាំងរបស់ខ្លួនបានវាយប្រហារលើគោលដៅនៅអ៊ុយក្រែន នៅទូទាំងតំបន់ចំនួន១៣៨កន្លែង ក្នុងរយៈពេល២៤ម៉ោងកន្លងទៅនេះ ខណៈកងកម្លាំងអ៊ុយក្រែនបានអះអាងនៅថ្ងៃដដែលនោះថា ពួកគេបានវាយប្រហារដោយយានដ្រូនលើស្ថានីយ៍បូមប្រេងមួយកន្លែងក្នុងតំបន់ Nizhny Novgorod របស់រុស្ស៊ី។ក្រសួងការពារជាតិរុស្ស៊ី បាននិយាយថាក្នុងរយៈពេលមួយថ្ងៃកន្លងទៅនេះ កងកម្លាំងរុស្ស៊ីបានវាយប្រហារលើហេដ្ឋារចនាសម្ព័ន្ធថាមពល និងដឹកជញ្ជូនដែលត្រូវបានប្រើប្រាស់ដោយកងកម្លាំងអ៊ុយក្រែន ព្រមទាំងទីតាំងដាក់ពង្រាយកងទ័ពអ៊ុយក្រែនបណ្តោះអាសន្ន និងទាហានស៊ីឈ្នួលបរទេសនៅទូទាំងតំបន់ចំនួន១៣៨កន្លែង។ក្រសួងការពារជាតិរុស្ស៊ី បាននិយាយថាប្រព័ន្ធការពារដែនអាកាសរុស្ស៊ី បានបាញ់ទម្លាក់គ្រាប់បែកស៊ីបគោលដៅចំនួន១០គ្រាប់ និងយានដ្រូនចំនួន៤១៨គ្រឿង។ ទន្ទឹមនឹងនេះ នាយសេនាធិការនៃកងកម្លាំងប្រដាប់អាវុធអ៊ុយក្រែន បាននិយាយថា កងទ័ពអាកាស កងទ័ពបាញ់មីស៊ីល និងអង្គភាពកាំភ្លើងធំរបស់ខ្លួនបានវាយប្រហារតំបន់ដំឡើងឧបករណ៍ និងប៉ុស្តិ៍ទីបញ្ជាការរបស់កងទ័ពរុស្ស៊ី និងបានបាញ់ទម្លាក់យានដ្រូនចំនួន ១.៩៤១គ្រឿង។ប្រព័ន្ធផ្សព្វផ្សាយអ៊ុយក្រែន បានរាយការណ៍កាលពីថ្ងៃព្រហស្បតិ៍ដោយដកស្រង់ប្រភពព័ត៌មានពីអង្គភាពសេវាសន្តិសុខអ៊ុយក្រែនថា យានដ្រូនរបស់អ៊ុយក្រែនបានវាយប្រហារស្ថានីយ៍បូមប្រេង Gorky នៅក្នុងតំបន់ Nizhny Novgorod របស់រុស្ស៊ី ដែលបានបង្កឱ្យមានអគ្គិភ័យ។

លោក Trump អះអាងពីការគ្រប់គ្រងពេញលេញច្រកសមុទ្រ Hormuz ខណៈអ៊ីរ៉ង់រៀបចំបញ្ជីគោលដៅសងសឹក

2026/04/24 04:26:07 pm        75
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump បាននិយាយកាលពីថ្ងៃព្រហស្បតិ៍ថា សហរដ្ឋអាមេរិក មាន «ការគ្រប់គ្រងទាំងស្រុង» លើច្រកសមុទ្រ Hormuz ហើយវាត្រូវបាន «បិទយ៉ាងតឹងរ៉ឹង» រហូតដល់ពេលដែលអ៊ីរ៉ង់អាចមានកិច្ចព្រមព្រៀង ខណៈអ៊ីរ៉ង់ក៏បានរៀបចំបញ្ជីគោលដៅសម្រាប់ការសងសឹកប្រឆាំងសហរដ្ឋអាមេរិក និងសម្ព័ន្ធមិត្តរបស់ខ្លួន។ លោក Trump បានថ្លែងដូច្នេះនៅក្នុងការបង្ហោះលើបណ្តាញផ្សព្វផ្សាយសង្គម ដោយនិយាយបន្ថែមថា «គ្មាននាវាណាមួយអាចចូល ឬចាកចេញដោយគ្មានការអនុម័តពីកងទ័ពជើងទឹកសហរដ្ឋអាមេរិកឡើយ»។លោកក៏បាននិយាយកាលពីថ្ងៃព្រហស្បតិ៍ដែរថា លោកបានបញ្ជាឱ្យកងទ័ពជើងទឹកសហរដ្ឋអាមេរិក «បាញ់កម្ទេច» ទូកណាមួយដែលដាក់គ្រាប់មីននៅក្នុងដែនទឹកនៅច្រកសមុទ្រ Hormuz។ លោក Trump បាននិយាយនៅលើបណ្តាញ Truth Social របស់លោកថា កងកម្លាំងអាមេរិក «មិនស្ទាក់ស្ទើរ» ក្នុងការវាយប្រហារ «ទូកតូចៗ» របស់អ៊ីរ៉ង់ដែលដាក់គ្រាប់មីននោះទេ ហើយក្រុមអ្នកបោសសម្អាតមីនរបស់សហរដ្ឋអាមេរិកកំពុងធ្វើការនៅច្រកសមុទ្រ Hormuz ។ទន្ទឹមនឹងនេះ ដោយផ្អែកលើផ្ទៃខាងក្រោយនៃការបរាជ័យផ្នែកការទូត និងកង្វះទំនុកចិត្តលើការចរចា អ៊ីរ៉ង់ បានរៀបចំបញ្ជីគោលដៅមួយ ដោយផ្អែកលើគោលការណ៍នៃការឆ្លើយតបបដិការ និងការរារាំងការវាយលុក ដើម្បីដោះស្រាយសកម្មភាពយោធាដែលអាចកើតមានធ្វើឡើងដោយសហរដ្ឋអាមេរិក និងសម្ព័ន្ធមិត្តរបស់ខ្លួន។

ការវាយប្រហារតាមច្រកអាកាសរុស្ស៊ីសម្លាប់មនុស្ស ២នាក់នៅទីក្រុងកំពង់ផែ Odesa របស់អ៊ុយក្រែន

2026/04/24 04:23:27 pm        67
Facebook Telegram Linkin
ក្រុមមន្រ្តីនិយាយនៅថ្ងៃសុក្រនេះថា មនុស្សយ៉ាងហោច ២នាក់ ត្រូវបានសម្លាប់ ក្រោយការវាយប្រហារតាមច្រកអាកាសរុស្ស៊ីលើទីក្រុងកំពង់ផែ Odesa របស់អ៊ុយក្រែន ។រូបភាពវីដេអូឃ្លីបឃើញ ការវាយប្រហារកាលពីយប់កន្លងទៅ ត្រូវចំអគាររស់នៅរបស់អ្នកស្រុក និងហេដ្ឋារចនាសម្ព័ន្ធស៊ីវិល នៅទីក្រុងកំពង់ផែធំបំផុតរបស់អ៊ុយក្រែនមួយនេះ ក្នុងនោះក្រុមជួយសង្រ្គោះ បានធ្វើការពេញមួយយប់ ដើម្បីជម្លៀសពលរដ្ឋចេញពីអគារ និងព្យាយាមពន្លត់អគ្គិភ័យ ។ទីភ្នាក់ងារព័ត៌មានរ៉យទ័រ ពុំអាចបញ្ជាក់ផ្ទៀងផ្ទាត់ដោយឯករាជ្យបាននោះទេចំពោះទីតាំង និងកាលបរិច្ឆេតរបស់រូបភាពវីដេអូឃ្លីប ប៉ុន្តែលោក Serhiy Lysak គឺជាប្រធានរដ្ឋបាលយោធាក្នុងស្រុក សរសេរនៅលើបណ្តាញព័ត៌មានសង្គម Telegramនាថ្ងៃសុក្រនេះថា មនុស្ស ២នាក់ ត្រូវបានសម្លាប់ នៅក្នុងការវាយប្រហារកាលពីយប់កន្លងទៅនៅទីក្រុង Odesa ។ស្របពេលដែលសង្រ្គាមបច្ចុប្បន្នឈានដល់ឆ្នាំទី ៥ហើយនោះ ទីក្រុងមូស្គូ បានបង្កើនការវាយប្រហាររបស់ខ្លួនលើទីក្រុង Odesa ដែលជាមជ្ឈមណ្ឌលភស្តុភារដ៏សំខាន់មួយ ស្ថិតនៅតំបន់ភាគខាងត្បូងអ៊ុយក្រែន និងជាទីក្រុងនាំចេញភាគច្រើនគ្រាប់ធុញ្ញជាតិ និងការនាំចេញតាមសមុទ្រផ្សេងទៀតរបស់អ៊ុយក្រែន ៕

ក្រុមហ៊ុននានា កំពុងបញ្ឈប់បុគ្គលិកនៅឆ្នាំនេះ រួមមាន Meta, Amazon និង Oracle ផងដែរ

2026/04/24 04:02:05 pm        167
Facebook Telegram Linkin
ត្រីមាសទី១ នៃឆ្នាំ២០២៦ នេះ បានកន្លងផុតទៅហើយ ហើយការបញ្ឈប់បុគ្គលិកកំពុងដំណើរការ។ ក្រុមហ៊ុននានា ក្នុងនោះរួមទាំង Block និងគេហទំព័រដ៏ពេញនិយម Tailwind បានកាត់បន្ថយបុគ្គលិក ដោយលើកឡើងពីផលប៉ះពាល់នៃបញ្ញាសិប្បនិម្មិត (AI) ក្នុងចំណោមមូលហេតុនៃការបញ្ឈប់បុគ្គលិក។យោងតាមស្ថាប័នតាមដាន WARN Tracker បានឲ្យដឹងថា ក្រុមហ៊ុនជាង ១០០ផ្សេងទៀត រាប់ចាប់ពី Amazon រហូតដល់ Nike និង Verizon បានដាក់លិខិតជូនដំណឹង ដែលតម្រូវដោយច្បាប់ អំពីការកាត់បន្ថយការងារដែលនឹងកើតមាននៅឆ្នាំ២០២៦។ ការកាត់បន្ថយមួយចំនួន គឺជាផ្នែកមួយនៃការកាត់បន្ថយដែលត្រូវបានប្រកាសពីមុន។ការកាត់បន្ថយ នៅឆ្នាំនេះ ធ្វើឡើងបន្ទាប់ពីការកាត់បន្ថយកម្លាំងពលកម្មដ៏ធំរយៈពេល ៣ឆ្នាំ នៅទូទាំងឧស្សាហកម្មជាច្រើន ក្នុងនោះរួមទាំងបច្ចេកវិទ្យា ប្រព័ន្ធផ្សព្វផ្សាយ ហិរញ្ញវត្ថុ និងលក់រាយផងដែរ។ ចំណាត់ការនេះកើតឡើងនៅពេលដែលបញ្ញាសិប្បនិម្មិត គោលនយោបាយសាធារណៈ និងលក្ខខណ្ឌសេដ្ឋកិច្ចទូលំទូលាយ កំពុងជំរុញការផ្លាស់ប្តូរយ៉ាងខ្លាំង នៅក្នុងទិដ្ឋភាពធុរកិច្ច។ការស្ទង់មតិមួយរបស់វេទិកាសេដ្ឋកិច្ចពិភពលោក (WEF) កាលពីឆ្នាំមុន បានរកឃើញថា ក្រុមហ៊ុនប្រហែល ៤១ភាគរយ នៅទូទាំងពិភពលោក រំពឹងថា នឹងកាត់បន្ថយកម្លាំងពលកម្មរបស់ពួកគេ ក្នុងរយៈពេល ៥ឆ្នាំខាងមុខ ដោយសារតែការកើនឡើងនូវបញ្ញាសិប្បនិម្មិត រួមជាមួយបញ្ហាផ្សេងទៀត៕

សង្គ្រាមអ៊ីរ៉ង់ប៉ះពាល់ការផ្គត់ផ្គង់សារធាតុប៉ូលីយេស្ទ័ររបស់អាស៊ី ចំពោះម៉ូដសម្លៀកបំពាក់តម្លៃទាបសកល

2026/04/24 03:59:43 pm        46
Facebook Telegram Linkin
តម្លៃឥន្ធនៈហ្វូស៊ីលឡើងខ្ពស់ ចាប់តាំងពីមានសង្គ្រាមអ៊ីរ៉ង់ កំពុងធ្វើឲ្យក្រុមហ៊ុនផ្គត់ផ្គង់សារធាតុប៉ូលីយេស្ទ័រ (Polyester) និងក្រុមហ៊ុនផលិតសម្លៀកបំពាក់ជួបការលំបាក នៅទូទាំងប្រទេសឥណ្ឌា និងបង់ក្លាដែស ដោយគំរាមកំហែងធ្វើឲ្យមានការចំណាយខ្ពស់ សម្រាប់អ្នកលក់រាយម៉ូដសម្លៀកបំពាក់ផលិតលឿន ឬតម្លៃទាប ដូចជា Zara និង H&M ជាដើម។នាយកគ្រប់គ្រង លោក Madhu Sudhan Bhageria បានប្រាប់សារព័ត៌មាន Reuters ថា ក្រុមហ៊ុន Filatex (FLTX.NS) ដែលជាក្រុមហ៊ុនផលិតអំបោះប៉ូលីយេស្ទ័រធំបំផុតមួយរបស់ឥណ្ឌា កំពុងចំណាយប្រាក់ជិត ៣០ភាគរយបន្ថែមទៀត សម្រាប់វត្ថុធាតុដើមដែលមានប្រភពមកពីប្រេងឥន្ធនៈ ខណៈដែលក្រុមផ្គត់ផ្គង់ចិន ដំឡើងថ្លៃ ហើយការផ្គត់ផ្គង់ នៅតំបន់មជ្ឈិមបូព៌ា ត្រូវបានរំខាន។ការលំបាក កំពុងត្រូវប៉ះពាល់នៅទូទាំងខ្សែច្រវាក់ផ្គត់ផ្គង់សម្លៀកបំពាក់ ដែលគ្របដណ្ដប់ដោយតំបន់អាស៊ី។ លោក Avichal Arya នាយកប្រតិបត្តិនៃក្រុមហ៊ុន Bindal Silk Mills ដែលផ្គត់ផ្គង់ក្រណាត់ប៉ូលីយេស្ទ័រជ្រលក់ពណ៌ និងបោះពុម្ពដល់អ្នកលក់រាយ រួមមាន H&M ផងដែរ ម្ចាស់សម្លៀកបំពាក់ម៉ាក Zara គឺក្រុមហ៊ុន Inditex រួមនឹងក្រុមហ៊ុនផ្សេងទៀត បានលើកឡើងថា វិបត្តិថាមពលបានជំរុញឲ្យការចំណាយលើសារធាតុគីមី និងថ្នាំជ្រលក់ហក់ឡើងយ៉ាងខ្លាំង។បន្ថែមពីលើការលំបាករបស់លោក លោក Arya បាននិយាយថា កង្វះខាតឧស្ម័នចម្អិនអាហារ ដោយសារតែសង្គ្រាម បានជំរុញឲ្យកម្មករចំណាកស្រុកជាច្រើនចាកចេញពីតំបន់ Surat ដែលជាមជ្ឈមណ្ឌលវាយនភណ្ឌមួយ នៅក្នុងរដ្ឋ Gujarat ភាគខាងលិចនៃប្រទេសឥណ្ឌា។ លោកបានបន្ថែមថា៖ «យើងមិនអាចបំពេញតម្រូវការនៃការបញ្ជាទិញសកលបានយ៉ាងមានប្រសិទ្ធភាពឡើយ នាពេលបច្ចុប្បន្ននេះ៕

អាមេរិក៖ កីឡាករអ៊ីរ៉ង់ត្រូវបានស្វាគមន៍នៅ World Cup អំឡុងមានពាក្យចចាមអារ៉ាម ពាក់ព័ន្ធអ៊ីតាលី

2026/04/24 03:54:26 pm        153
Facebook Telegram Linkin
រដ្ឋមន្ត្រីការបរទេសអាមេរិក លោក Marco Rubio បាននិយាយកាលពីថ្ងៃព្រហស្បតិ៍ (ទី២៣ ខែមេសា ឆ្នាំ២០២៦) ថា កីឡាករបាល់ទាត់របស់ក្រុមជម្រើសជាតិអ៊ីរ៉ង់ នឹងត្រូវបានស្វាគមន៍នៅឯព្រឹត្តិការណ៍ World Cup ឆ្នាំនេះ ដោយបដិសេធពីការលើកឡើងដែលថា សហរដ្ឋអាមេរិកអាចយកអ៊ីតាលីជំនួសកន្លែងរបស់ពួកគេ នៅក្នុងការប្រកួត។អំឡុងពេលនិយាយទៅកាន់អ្នកសារព័ត៌មាន នៅក្នុងការិយាល័យ Oval Office លោក Rubio បានបដិសេធថា ទីក្រុងវ៉ាស៊ីនតោនមិនបានស្នើសុំឲ្យក្រុមអ៊ីរ៉ង់កុំឲ្យមកចូលរួមព្រឹត្តិការណ៍ World Cup នោះឡើយ ប៉ុន្តែបានព្រមានថា សហរដ្ឋអាមេរិកអាចនឹងហាមឃាត់មិនឲ្យចូល ចំពោះសមាជិកនៃគណៈប្រតិភូអ៊ីរ៉ង់ ដែលខ្លួនវិនិច្ឆ័យថា មានទំនាក់ទំនងជាមួយកងឆ្មាំបដិវត្តន៍ឥស្លាម (IRGC) របស់ទីក្រុងតេអេរ៉ង់ ដែលត្រូវបានចាត់ទុកថា ជាអង្គការភេរវកម្មដោយទីក្រុងវ៉ាស៊ីនតោន និងរដ្ឋាភិបាលជាច្រើនទៀត។លោកបានបន្ថែមថា៖ «បញ្ហាជាមួយអ៊ីរ៉ង់ វាមិនមែនជាបញ្ហាអត្តពលិកទេ វាគឺជាបញ្ហាជាមួយមនុស្សមួយចំនួនផ្សេងទៀត (ដែលពួកគេ) ចង់ធ្វើដំណើរមកជាមួយ ដែលខ្លះមានទំនាក់ទំនងជាមួយ IRGC។ យើងប្រហែលជាមិនអាចអនុញ្ញាតឲ្យពួកគេចូលប្រទេសបានទេ ប៉ុន្តែអត្តពលិកផ្ទាល់ មិនមានបញ្ហាទេ»។គួរបញ្ជាក់ថា លោក Rubio បានឆ្លើយតបទៅនឹងការរាយការណ៍ ជុំវិញសំណើពីបេសកជនពិសេសអាមេរិកដែលកើតនៅប្រទេសអ៊ីតាលី គឺលោក Paolo Zampolli ដែលបានប្រាប់សារព័ត៌មាន Financial Times ថា លោកបានលើកឡើងនូវគំនិត ក្នុងការយកក្រុមជម្រើសជាតិអ៊ីតាលី ជំនួសកន្លែងប្រកួតបាល់ទាត់ពិភពលោករបស់អ៊ីរ៉ង់ទៅប្រធានាធិបតីអាមេរិក លោក Donald Trump និង FIFA (សហព័ន្ធបាល់ទាត់អន្តរជាតិ)។ សំណើនេះត្រូវបានរដ្ឋាភិបាលអ៊ីតាលី និងរដ្ឋមន្ត្រីកីឡា បដិសេធមិនទទួលយក កាលពីព្រឹកថ្ងៃព្រហស្បតិ៍៕

ប្រព័ន្ធផ្សព្វផ្សាយ៖ នាវាដឹកទំនិញអ៊ីរ៉ង់ទៅដល់កំពង់ផែ ក្រោយមានការប៉ុនប៉ងរឹបអូសដោយអាមេរិក

2026/04/24 03:51:38 pm        142
Facebook Telegram Linkin
ប្រព័ន្ធផ្សព្វផ្សាយអ៊ីរ៉ង់ បានរាយការណ៍កាលពីថ្ងៃព្រហស្បតិ៍ (ទី២៣ ខែមេសា ឆ្នាំ២០២៦) ថា នាវាដឹកទំនិញអ៊ីរ៉ង់ ១គ្រឿងដែលដឹកអង្ករ បានទៅដល់កំពង់ផែហើយ បន្ទាប់ពីមានការរាយការណ៍ពីការប៉ុនប៉ងរឹបអូសរបស់សហរដ្ឋអាមេរិក នៅក្នុងសមុទ្រអូម៉ង់។ទីភ្នាក់ងារសារព័ត៌មានពាក់កណ្តាលផ្លូវការ Fars បានឲ្យដឹងថា នាវាដឹកទំនិញ បានឆ្លងកាត់សមុទ្រអូម៉ង់ដោយសុវត្ថិភាពមុនពេលទៅដល់កំពង់ផែ។ សារព័ត៌មាននេះបានបន្ថែមថា នាវានេះត្រូវបានអមដំណើរដោយអង្គភាពកងទ័ពជើងទឹកនៃកងឆ្មាំបដិវត្តន៍ឥស្លាមអ៊ីរ៉ង់ (IRGC)។អ៊ីរ៉ង់បានបញ្ជាក់អះអាងកាលពីថ្ងៃចន្ទថា កងកម្លាំងអាមេរិក បានរឹបអូសនាវាដឹកទំនិញដែលមានទង់ជាតិអ៊ីរ៉ង់ ១គ្រឿង នៅក្នុងឈូងសមុទ្រអូម៉ង់ ដោយចោទប្រកាន់ទីក្រុងវ៉ាស៊ីនតោនថា បានរំលោភលើបទឈប់បាញ់ និងព្រមានសងសឹកវិញ។កាលពីថ្ងៃទី២៨ ខែកុម្ភៈ សហរដ្ឋអាមេរិក និងអ៊ីស្រាអែល បានចាប់ផ្តើមការវាយលុករួមគ្នា លើអ៊ីរ៉ង់ដែលបានសងសឹកដោយការវាយប្រហារលើអ៊ីស្រាអែល និងប្រទេសក្នុងតំបន់ផ្សេងទៀតដែលមានមូលដ្ឋានរបស់សហរដ្ឋអាមេរិក។ប្រតិបត្តិការ រវាងសហរដ្ឋអាមេរិក និងអ៊ីស្រាអែល បានសម្លាប់មនុស្សជាង ៣.៣០០នាក់ មុនពេលទីក្រុងវ៉ាស៊ីនតោន និងតេអេរ៉ង់ បានប្រកាសបទឈប់បាញ់រយៈពេល ២សប្តាហ៍ នៅថ្ងៃទី៨ ខែមេសា ដែលសម្របសម្រួលដោយប៉ាគីស្ថាន។ ប្រធានាធិបតីអាមេរិក លោក Donald Trump បានប្រកាសពីការពន្យារបទឈប់បាញ់ដោយគ្មានកំណត់នៅថ្ងៃទី២១ ខែមេសា៕

នាវាផ្ទុកយន្តហោះទី៣ របស់សហរដ្ឋអាមេរិក ទៅដល់តំបន់ទទួលខុសត្រូវរបស់ទីបញ្ជាការកណ្តាល

2026/04/24 03:49:37 pm        129
Facebook Telegram Linkin
នាវាផ្ទុកយន្តហោះទី៣ របស់សហរដ្ឋអាមេរិក គឺ USS George H.W. Bush (Bush) កម្រិត Nimitz (នាវាកម្រិតធំ) និងនាវាចម្បាំងអមដំណើរ បានទៅដល់តំបន់ទទួលខុសត្រូវដោយទីបញ្ជាការកណ្តាលសហរដ្ឋអាមេរិក (CENTCOM) ដែលត្រួតពិនិត្យប្រតិបត្តិការយោធារបស់សហរដ្ឋអាមេរិក នៅមជ្ឈិមបូព៌ា។ នេះបើយោងតាមការប្រកាសរបស់ទីបញ្ជាការនេះ កាលពីថ្ងៃព្រហស្បតិ៍ (ទី២៣ ខែមេសា ឆ្នាំ២០២៦)។ទីបញ្ជាការនេះ បានឲ្យដឹងនៅលើបណ្ដាញសង្គម X ថា នាវា Bush ដែលបានចាកចេញពីទីតាំងកងទ័ពជើងទឹក Norfolk ក្នុងរដ្ឋ Virginia សហរដ្ឋអាមេរិក កាលពីចុងខែមីនា ឥឡូវនេះកំពុងស្ថិតនៅក្នុងមហាសមុទ្រឥណ្ឌា។ បើយោងតាមរបាយការណ៍ប្រព័ន្ធផ្សព្វផ្សាយនានា បានឲ្យដឹងថា នាវាផ្ទុកយន្តហោះ ២គ្រឿងផ្សេងទៀតដែលបានដាក់ពង្រាយរួចហើយ នៅតំបន់មជ្ឈិមបូព៌ា គឺ USS Abraham Lincoln និង USS Gerald R. Ford កំពុងស្ថិតនៅក្នុងសមុទ្រអារ៉ាប់ និងសមុទ្រក្រហម រៀងៗខ្លួន។ប្រព័ន្ធផ្សព្វផ្សាយ CNN កាលពីថ្ងៃព្រហស្បតិ៍ ដោយដកស្រង់សម្តីមន្ត្រីអាមេរិកមួយរូប បានរាយការណ៍ថា គិតត្រឹមថ្ងៃចន្ទ នៅពេលដែលនាវា Bush កំពុងធ្វើដំណើរ កងទ័ពជើងទឹកសហរដ្ឋអាមេរិក មាននាវាចម្បាំងចំនួន ១៩គ្រឿងហើយ នៅតំបន់មជ្ឈិមបូព៌ា ក្នុងនោះរួមទាំងនាវាផ្ទុកយន្តហោះ ២គ្រឿង និងនាវា ៧គ្រឿង នៅមហាសមុទ្រឥណ្ឌា។កងកម្លាំងសហរដ្ឋអាមេរិកបានបង្វែរទិសដៅនាវាយ៉ាងហោចណាស់ ៣៣គ្រឿង ទៅ ឬមកពីកំពង់ផែអ៊ីរ៉ង់ នៅជិតច្រកសមុទ្រ Hormuz គិតត្រឹមថ្ងៃព្រហស្បតិ៍ ចាប់តាំងពីពួកគេបានចាប់ផ្តើមអនុវត្តការបិទខ្ទប់ នៅថ្ងៃទី១៣ ខែមេសា៕

បណ្ដាញសង្គម

ព័ត៌មានថ្មីៗ

កម្ពុជា តវ៉ាជាផ្លូវការប្រឆាំងនឹងការបន្តរំលោភបំពានរបស់ភាគីថៃមកលើអធិបតេយ្យ កម្ពុជា​ដោយ​កងទ័ព​ថៃ
05/31/2026 08:05 AM
Facebook Telegram Linkin
ទេសរដ្ឋមន្រ្តី គន់ គីម អញ្ជើញចុះសួរទុក្ខប្រជាពលរដ្ឋភៀសសឹកស្នាក់នៅផ្ទះបណ្តោះអាសន្ន ក្នុងខេត្តព្រះវិហារ
05/31/2026 08:05 AM
Facebook Telegram Linkin
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.