នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

ចិនព្រមានថា មជ្ឈិមបូព៌ាស្ថិតក្នុង «ដំណាក់កាលសំខាន់ណាស់» ក្រោយលោក Trump ពន្យារបទឈប់បាញ់

2026/04/22 05:47:21 pm        52
Facebook Telegram Linkin
ប្រទេសចិន នៅថ្ងៃពុធ (ទី២២ ខែមេសា ឆ្នាំ២០២៦) នេះ បានព្រមានថា ស្ថានភាព នៅតំបន់មជ្ឈិមបូព៌ា កំពុងស្ថិតក្នុង «ដំណាក់កាលសំខាន់ណាស់» បន្ទាប់ពីប្រធានាធិបតីអាមេរិក លោក Donald Trump បានពន្យាររយៈពេលនៃបទឈប់បាញ់ ដើម្បីអាចឲ្យអ៊ីរ៉ង់មានពេលវេលាបន្ថែមទៀត ក្នុងការចរចា។លោក Trump បានបន្ថែមរយៈពេលដោយគ្មានកំណត់ ចំពោះបទឈប់បាញ់រយៈពេល ២សប្តាហ៍ កាលពីថ្ងៃអង្គារ ដោយទីក្រុងតេអេរ៉ង់មិនទាន់ឆ្លើយតបនៅឡើយទេ ប៉ុន្តែលោកបានបញ្ជាក់ថា ការបិទផ្លូវដោយសហរដ្ឋអាមេរិក ចំពោះកំពង់ផែរបស់អ៊ីរ៉ង់ នឹងបន្តមានដដែល។អ្នកនាំពាក្យក្រសួងការបរទេសចិន លោក Guo Jiakun បានប្រាប់សន្និសីទសារព័ត៌មានថា៖ «ស្ថានភាពក្នុងតំបន់បច្ចុប្បន្ននេះ ស្ថិតនៅក្នុងដំណាក់កាលសំខាន់ណាស់ ក្នុងការផ្លាស់ប្តូរ រវាងសង្គ្រាម និងសន្តិភាព។ អាទិភាពចម្បងនៅតែជាការប្រឹងប្រែងគ្រប់យ៉ាង ដើម្បីទប់ស្កាត់ការបន្តអរិភាព»។យ៉ាងណាក្ដី លោក Guo មិនបានធ្វើអត្ថាធិប្បាយដោយផ្ទាល់លើបទឈប់បាញ់ឡើយ នៅពេលត្រូវបានសួរអំពីវា ដោយលោកគ្រាន់តែបន្ថែមថា ទីក្រុងប៉េកាំងនឹងបន្តដើរតួនាទី «ប្រកបដោយការស្ថាបនា»៕

អ្នកការទូត៖ ប្រទេសជាច្រើននៅក្នុងតំបន់ ត្រូវតែបង់ប្រាក់សំណងដល់អ៊ីរ៉ង់ សម្រាប់ការគាំទ្រការវាយប្រហារ

2026/04/22 05:44:30 pm        66
Facebook Telegram Linkin
ឯកអគ្គរដ្ឋទូតអ៊ីរ៉ង់ប្រចាំប្រទេសទុយនីស៊ី លោក Mir Masoud Hosseinian បានប្រាប់ សារព័ត៌មាន TASSថា អ៊ីរ៉ង់ជឿជាក់ថា ប្រទេសមួយចំនួននៅក្នុងតំបន់ទទួលខុសត្រូវចំពោះការវាយប្រហារលើទឹកដីនៃសាធារណរដ្ឋឥស្លាម អំឡុងពេលប្រតិបត្តិការយោធា ហើយមានកាតព្វកិច្ចបង់ប្រាក់សំណងសម្រាប់ការខូចខាតដែលត្រូវបានបង្កឡើងនេះ។  លោកបាននិយាយថា៖«ជាការពិតណាស់ សំណងត្រូវតែបង់មិនត្រឹមតែដោយអ្នកឈ្លានពានប៉ុណ្ណោះទេ ប៉ុន្តែថែមទាំងដោយអ្នកដែលគាំទ្រវាផងដែរ»។ អ្នកការទូតរូបនេះ ជឿជាក់ថា៖«រដ្ឋអារ៉ាប់មួយចំនួននៅក្នុងតំបន់ បានចូលរួមដោយផ្ទាល់» ក្នុងសកម្មភាពយោធាប្រឆាំងនឹងអ៊ីរ៉ង់ «ដោយផ្តល់ទឹកដីរបស់ពួកគេសម្រាប់មូលដ្ឋានយោធាអាមេរិកដែលអ៊ីរ៉ង់ត្រូវបានវាយប្រហារ»។ លោកបានកត់សម្គាល់ថា ប្រទេសទាំងនេះ«ក៏បានចូលរួមក្នុងការផ្តល់ហិរញ្ញប្បទាន»ដល់ប្រតិបត្តិការនេះ «ដោយផ្តល់ប្រេងឥន្ធនៈ និងអគ្គិសនីដល់យន្តហោះប្រយុទ្ធអាមេរិក និងអ៊ីស្រាអែល»។ ឯកអគ្គរដ្ឋទូតរូបនេះ បានបញ្ជាក់ថា៖«ដូច្នេះ ពួកគេទាំងអស់គ្នាទទួលខុសត្រូវ និងសមគំនិតក្នុងការឈ្លានពានប្រឆាំងនឹងអ៊ីរ៉ង់ ហើយត្រូវតែបង់ប្រាក់សំណងដល់ទីក្រុងតេអេរ៉ង់»។លោកបានបន្ថែមថា៖«ទោះបីជាមានរឿងទាំងអស់នេះក៏ដោយ អ៊ីរ៉ង់មិនបានចាត់វិធានការណាមួយដោយផ្អែកលើការកើនឡើងនៃភាពតានតឹងនោះទេ»៕

កាតាគាំទ្រការបន្តបទឈប់បាញ់រវាងអាមេរិក និងអ៊ីរ៉ង់ រហូតដល់មានដំណោះស្រាយ

2026/04/22 05:41:32 pm        61
Facebook Telegram Linkin
មន្ត្រីកាតាម្នាក់បាននិយាយកាលពីថ្ងៃអង្គារថា ប្រទេសនេះគាំទ្រការបន្តបទឈប់បាញ់រវាងសហរដ្ឋអាមេ   រិក និងអ៊ីរ៉ង់ រហូតដល់មានដំណោះស្រាយ ដោយព្រមានថា ការបិទច្រកសមុទ្រហ័រមូសណាមួយ នឹងធ្វើឲ្យវិបត្តិបច្ចុប្បន្នកាន់តែធ្ងន់ធ្ងរឡើងពីបញ្ហាក្នុងតំបន់ ទៅជាបញ្ហាសកល។អ្នកនាំពាក្យក្រសួងការបរទេសកាតា លោក Majed Al-Ansari បានប្រាប់សន្និសីទសារព័ត៌មានមួយថា៖ «ប្រសិនបើមិនមានកិច្ចព្រមព្រៀងណាមួយ ត្រូវបានសម្រេចទេ កាតាគាំទ្រការបន្តបទឈប់បាញ់ រហូតដល់មានដំណោះស្រាយ»។លោក Al-Ansari បានបញ្ជាក់ជាថ្មីអំពីការអំពាវនាវរបស់កាតាឲ្យបញ្ចប់ជម្លោះ និងវិលត្រឡប់ទៅរកការចរចាវិញ ដោយព្រមានថា ការកើនឡើងភាពតានតឹងបន្ថែមទៀត នឹងប៉ះពាល់អវិជ្ជមានដល់សន្តិសុខក្នុងតំបន់ និងសេដ្ឋកិច្ចពិភពលោក។លោកបានបង្ហាញការគាំទ្រយ៉ាងពេញទំហឹងរបស់ប្រទេសកាតាចំពោះកិច្ចខិតខំប្រឹងប្រែងសម្របសម្រួលដឹកនាំដោយប៉ាគីស្ថាន ដោយកត់សម្គាល់ពីការសម្របសម្រួលជាបន្តបន្ទាប់របស់កាតាជាមួយអ៊ីស្លាម៉ាបាដ និងការទំនាក់ទំនងជាមួយភាគីពាក់ព័ន្ធ រួមទាំងសហរដ្ឋអាមេរិក ដើម្បីគាំទ្រកិច្ចខិតខំប្រឹងប្រែងឆ្ពោះទៅរកដំណោះស្រាយដោយសន្តិវិធី៕

អ្នកជំនាញ៖ កាណាដាលែងមើលឃើញអាមេរិក ជាអ្នកធានាស្ថិរភាពទៀតហើយ

2026/04/22 05:38:31 pm        50
Facebook Telegram Linkin
លោកស្រី Maria Solyanova បេក្ខជនវិទ្យាសាស្ត្រនយោបាយ អ្នកស្រាវជ្រាវនៅផ្នែកគោលនយោបាយការបរទេស និងក្នុងស្រុករបស់សហរដ្ឋអាមេរិកនៃបណ្ឌិត្យសភាវិទ្យាសាស្ត្ររុស្ស៊ី បាននិយាយនៅក្នុងអត្ថបទមួយដែលលោកស្រីបានផ្តល់ឲ្យសារព័ត៌មានTASSថា ប្រជាជនកាណាដា មានការខកចិត្តចំពោះលក្ខណៈនៃទំនាក់ទំនងរបស់ពួកគេជាមួយទីក្រុងវ៉ាស៊ីនតោន ហើយចង់ធ្វើពង្រីកទំនាក់ទំនងរបស់ពួកគេ ដោយពង្រឹងកិច្ចសហប្រតិបត្តិការជាមួយសហភាពអឺរ៉ុប។ អ្នកវិភាគរូបនេះ បានដកស្រង់ការស្ទង់មតិថ្មីៗនេះថា ប្រហែល ៥៧% នៃប្រជាជនកាណាដាគាំទ្រ ឬគាំទ្រខ្លះចំពោះគំនិតនៃការចូលរួមជាមួយសហភាពអឺរ៉ុបជាសមាជិកពេញសិទ្ធិ។ ក្នុងពេលជាមួយគ្នានេះ ៨៤% គាំទ្រការពង្រឹងទំនាក់ទំនងសេដ្ឋកិច្ច និងពាណិជ្ជកម្មជាមួយអឺរ៉ុប។លោកស្រី បានលើកឡើងថា៖«នៅពេលដែលនាយករដ្ឋមន្ត្រីកាណាដា លោក Mark Carney និយាយអំពីតម្រូវការ ក្នុងការ«ពង្រីកភាពជាដៃគូ ហើយការស្ទង់មតិបង្ហាញពីការអាណិតអាសូរកាន់តែខ្លាំងឡើងចំពោះអឺរ៉ុប វាច្បាស់ណាស់ថា ប្រទេសនេះ កំពុងស្វែងរកតុល្យភាពថ្មីនៅក្នុងពិភពលោកមួយ ដែលថ្នាក់ដឹកនាំអាមេរិកហាក់ដូចជាលែងមានភាពរឹងមាំទៀតហើយ»។យោងតាមលោកស្រី Solyanova កាលពីមួយឆ្នាំមុន ប្រជាជនកាណាដា «ទំនងជាយល់ឃើញថា បញ្ហានៃការចូលជាសមាជិកសហភាពអឺរ៉ុប ជារឿងមិនសមហេតុផល ប៉ុន្តែឥឡូវនេះប្រជាជនជាងពាក់កណ្តាលនៃប្រទេសនេះ បានត្រៀមខ្លួនរួចជាស្រេចសម្រាប់ការសន្ទនាដ៏ម៉ឺងម៉ាត់មួយ»។ លោកស្រីបានពន្យល់ថា ការគាំទ្រចំពោះគំនិតនៃការផ្សះផ្សាគ្នារវាងអឺរ៉ុប បានក្លាយជា «សូចនាករដោយប្រយោលនៃការខកចិត្តនៅក្នុងគំរូភាពជាអ្នកដឹកនាំរបស់អាមេរិក ដែលត្រូវបានផ្សារភ្ជាប់កាន់តែខ្លាំងឡើងជាមួយនឹងភាពវឹកវរ និងការដឹកនាំដោយឯកតោភាគី»៕

សង្គ្រាមអ៊ីរ៉ង់ធ្វើឲ្យក្រុមហ៊ុនការពារជាតិអាមេរិកទទួលបានការបញ្ជាទិញគ្រឿងយុទ្ធោបករណ៍កាន់តែច្រើន

2026/04/22 05:26:13 pm        39
Facebook Telegram Linkin
ក្រុមហ៊ុនការពារជាតិអាមេរិក កំពុងរាយការណ៍ពីការកើនឡើងនៃតម្រូវការសម្រាប់គ្រឿងយុទ្ធោ         បករណ៍   ខណៈដែលសង្គ្រាមនៅមជ្ឈិមបូព៌ាជំរុញឲ្យមានការបញ្ជាទិញថ្មីៗពីរដ្ឋាភិបាលនានាជុំវិញពិភពលោក។ប្រាក់ចំណូលរបស់ក្រុមហ៊ុនកាលពីថ្ងៃអង្គារ បានបង្ហាញថា ឆ្នាំ ២០២៦ នឹងក្លាយជាឆ្នាំដ៏រឹងមាំមួយទៀត បន្ទាប់ពីឆ្នាំ ២០២៥ ដ៏រឹងមាំ បន្ទាប់ពីជម្លោះដែលកំពុងបន្តនៅតំបន់ហ្កាហ្សា និងអ៊ុយក្រែន ការឈ្លានពានរបស់រុស្ស៊ីចូលទៅក្នុងដែនអាកាសអឺរ៉ុប ការធ្វើសមយុទ្ធរបស់ចិនឆ្ពោះទៅរកតៃវ៉ាន់ និងភាពតានតឹងនៅ    សមុទ្រក្រហម។រដ្ឋាភិបាលកាន់តែច្រើន កំពុងបញ្ជាទិញគ្រឿងយុទ្ធោបករណ៍ ស្របពេលមានជម្លោះភូមិសាស្ត្រនយោបាយដែលកំពុងកើនឡើង។ សម្រាប់អ្នកដែលកំពុងមានជម្លោះរួចហើយ មានតម្រូវការចំណាយបន្ថែម ដើម្បីបំពេញស្តុក ឬថែទាំបរិក្ខារយោធា។ក្រុមហ៊ុនការពារជាតិអាមេរិក RTX, Northrop Grumman និង GE Aerospace សុទ្ធតែ បានរាយការណ៍អំពីការបញ្ជាទិញកើនឡើង នៅក្នុងត្រីមាសទី១។ទោះបីជាមានក្តីសង្ឃឹមថា នឹងមាន «ដំណោះស្រាយប្រកបដោយចីរភាព» ចំពោះជម្លោះនៅមជ្ឈិមបូព៌ាក្តី ក៏នាយកប្រតិបត្តិក្រុមហ៊ុន RTX លោក Chris Calio បានប្រាប់អ្នកវិភាគសារព័ត៌មាន Wall Street ថា ក្រុមហ៊ុននេះ កំពុងធ្វើការជាមួយមន្ទីរបញ្ចកោណ «ដើម្បីពន្លឿនការផលិតគ្រាប់រំសេវ»៕

មនុស្សជិត៨០០០នាក់ស្លាប់ ឬបាត់ខ្លួនក្នុងដំណើរចំណាកស្រុកជនអន្តោប្រវេសន៍ឆ្នាំ២០២៥

2026/04/22 05:23:24 pm        31
Facebook Telegram Linkin
 អង្គការអន្តរជាតិរបស់អង្គការសហប្រជាជាតិទទួលបន្ទុកទេសន្តរប្រវេសន៍ UN’s International Organization for Migration បានឱ្យដឹងថា ជនភៀសខ្លួនប្រមាណជិត៨០០០នាក់ បានបាត់បង់ជីវិត ឬបាត់ខ្លួន កាលពីឆ្នាំ២០២៥កន្លងទៅ ដែលជនភៀសខ្លួនភាគច្រើនមកពីអនុតំបន់អាហ្វ្រិក សាហារ៉ា និងធ្វើដំណើរឆ្លងកាត់សមុទ្រទៅកាន់តំបន់អឺរ៉ុប ។ អង្គការអន្តរជាតិរបស់អង្គការសហប្រជាជាតិទទួលបន្ទុកទេសន្តរប្រវេសន៍ បានបន្ថែមថា ជនរងគ្រោះភាគច្រើនបានបាត់បង់ជីវិត ឬបាត់ខ្លួនដោយសារឧបទ្ទវហេតុលិចទូក ខណៈដែលទូកមានទំហំតូច និងដឹកជនអន្តោប្រវេសន៍ច្រើនលើសកំណត់ ហើយម្យ៉ាងទៀតទូកជនអន្តោប្រវេសន៍ត្រូវធ្វើដំណើរឆ្លងកាត់សមុទ្រក្នុងចម្ងាយឆ្ងាយ ។ ទីភ្នាក់ងារមនុស្សធម៌ និងផ្នែកឆ្លើយតបរបស់អង្គការសហប្រជាជាតិ UN’s agency’s humanitarian and response department បានឱ្យដឹងថា មនុស្សចំនួន៧៩០៤នាក់ បានបាត់បង់ជីវិត ឬបាត់ខ្លួនកាលពីឆ្នាំ២០២៥ គឺធ្លាក់ចុះបន្តិចពីចំនួនមនុស្សស្លាប់ ឬបាត់ខ្លួនចំនួន ៩១៩៧នាក់កាលពីឆ្នាំ២០២៤កន្លងទៅ ។ ប្រភពដដែលបានបញ្ជាក់ថា ចំនួនមនុស្សស្លាប់សរុបចាប់តាំងពីឆ្នាំ២០២៤កន្លងមក គឺមានប្រមាណជាង៨២០០០នាក់ ហើយមនុស្សប្រមាណជាង៣៤០០០០នាក់ផ្សេងទៀត ដែលជាសមាជិកគ្រួសាររបស់ជនរងគ្រោះ ត្រូវបានប៉ាន់ប្រមាណថា បានទទួលរងផលប៉ះពាល់ដោយផ្ទាល់ពីវិបត្តិនេះ ៕

កិច្ចព្រមព្រៀងសន្តិភាពនៅអ៊ីរ៉ង់ដោយគ្មានការត្រួតពិនិត្យកម្មវិធីនុយក្លេអ៊ែរ គឺជាកំហុសឆ្គងមួយ

2026/04/22 05:19:54 pm        39
Facebook Telegram Linkin
 លោក Rafael Grossi ប្រមុខទីភ្នាក់ងារថាមពលអាទូមិកអន្តរជាតិ ហៅកាត់ថា IAEA បានទទួលស្វាគមន៍ចំពោះសេចក្តីប្រកាសក្នុងការបន្ថែមពេលវេលាក្នុងបទឈប់បាញ់រវាងសហរដ្ឋអាមេរិក និងប្រទេសអ៊ីរ៉ង់ ដែលជាកត្តាដ៏សំខាន់ក្នុងការកាត់បន្ថយភាពតានតឹង និងការប្រឈមមុខដាក់គ្នាខាងយោធារវាងប្រទេសទាំងពីរ ។ ថ្លែងប្រាប់អ្នកសារព័ត៌មាន លោក Rafael Grossi បាននិយាយថា លោកឱ្យតម្លៃខ្ពស់លើកិច្ចខិតខំប្រឹងប្រែងក្នុងដំណើរឈានឆ្ពោះទៅរកការបញ្ចប់សង្គ្រាមនៅប្រទេសអ៊ីរ៉ង់ ទោះបីជាស្ថានភាពជម្លោះនៅតំបន់មជ្ឈិមបូព៌ានៅពេលបច្ចុប្បន្ន មានភាពស្មុកស្មាញ និងមិនមានភាពប្រាកដប្រជាយ៉ាងណាក៏ដោយ ។ ប្រមុខទីភ្នាក់ងារថាមពលអាទូមិកអន្តរជាតិរូបនេះ បានសង្កត់ធ្ងន់ថា វាជាឱកាសដ៏សំខាន់មួយសម្រាប់ស្វែងរកសន្តិភាពនៅតំបន់មជ្ឈិមបូព៌ា ខណៈដែលភាគីទាំងពីរ គឺសហរដ្ឋអាមេរិក និងប្រទេសអ៊ីរ៉ង់មានបទឈប់បាញ់ ហើយឱកាសនេះ នឹងអនុញ្ញាតឱ្យភាគីទាំងពីរជួបចរចាគ្នាក្នុងដំណើរឆ្ពោះទៅរកការបញ្ចប់សង្គ្រាមផងដែរ ។  លោក Rafael Grossi បានព្រមានថា កិច្ចព្រមព្រៀងសន្តិភាពណាមួយរវាងសហរដ្ឋអាមេរិក និងប្រទេសអ៊ីរ៉ង់ ត្រូវបានតែមានការចូលរួមត្រួតពិនិត្យដោយទីភ្នាក់ងារថាមពលអាទូមិកអន្តរជាតិ ហើយប្រសិនបើមិនមានវត្តមានរបស់ IAEA ទេ កិច្ចព្រមព្រៀងនោះនឹងក្លាយទៅជាកំហុសដ៏ធ្ងន់ធ្ងរមួយនៅពេលខាងមុខ ៕

សង្គ្រាមជាមួយប៉ាគីស្ថាន ធ្វើឲ្យកុមារនៅតាមព្រំដែនអាហ្វហ្គានីស្ថានមិនបានចូលរៀន

2026/04/22 05:17:24 pm        70
Facebook Telegram Linkin
ពុំមានកុមារនៅក្នុងភូមិព្រំដែនអាហ្វហ្គានីស្ថាន Barikot ជាកន្លែងដែលសាលារៀន ត្រូវបានបំផ្លាញដោយគ្រាប់ផ្លោង ហើយសួនកុមារ ត្រូវបានទុកចោល បន្ទាប់ពីសង្គ្រាមជាមួយប៉ាគីស្ថានអស់រយៈពេលជាច្រើនសប្តាហ៍។អ្នកស្រុកជិត ៨.000នាក់ បានភៀសខ្លួន បន្ទាប់ពីជម្លោះបានផ្ទុះឡើងនៅចុងខែកុម្ភៈ ប៉ុន្តែអ្នកសារព័ត៌មាន AFP បានធ្វើដំណើរទៅកាន់តំបន់ដាច់ស្រយាលនៃតំបន់ Hindu Kush ភ្លាមៗ បន្ទាប់ពីផ្លូវទៅកាន់ភូមិ Barikot បានបើកឡើងវិញ នៅសប្តាហ៍នេះ។លោក Ruhollah Khpalwak ជាអ្នកលក់ដូរដែលតូបរបស់ខ្លួន ត្រូវបានបំផ្លាញ បានឈរនៅក្នុងបន្ទប់ពិសោធន៍វិទ្យាសាស្ត្ររបស់សាលារៀន ដែលពោរពេញទៅដោយកញ្ចក់បែក។យុវជនអាយុ ២៣ឆ្នាំ រូបនេះ បាននិយាយថា៖«នេះ គឺជាសាលាដែលខ្ញុំបានសិក្សា។ ខ្ញុំពិតជាមានអារម្មណ៍សោកស្តាយណាស់»។  សាលារៀននេះ បានទទួលសិស្ស ចាប់ពីបឋមសិក្សារហូតដល់វិទ្យាល័យ ប៉ុន្តែវាត្រូវរងការខូចខាតយ៉ាងធ្ងន់ធ្ងរ ដែលអ្នកស្រុកសន្មតថា ដោយសារការបាញ់ប្រហាររបស់ប៉ាគីស្ថាន៕

នាវាបីគ្រឿង ត្រូវបានរងការបាញ់ប្រហារនៅក្នុងច្រកសមុទ្រ Hormuz ហើយក្រុមនាវិកមានសុវត្ថិភាព

2026/04/22 05:06:10 pm        25
Facebook Telegram Linkin
ប្រភពសន្តិសុខដែនសមុទ្រ និងប្រតិបត្តិការពាណិជ្ជកម្មសមុទ្រចក្រភពអង់គ្លេស (UKMTO)បាននិយាយថា នាវាដឹកទូកុងតឺន័រយ៉ាងហោចណាស់បីគ្រឿងត្រូវបានរងការបាញ់ប្រហារនៅច្រកសមុទ្រ Hormuz នៅថ្ងៃពុធ នេះ។ អ៊ីរ៉ង់បានដាក់ការរឹតត្បិតលើនាវាទាំងឡាយដែលធ្វើចរាចរណ៍នៅក្នុងច្រកសមុទ្រនេះ ដំបូងឡើយជាការសងសឹកចំពោះការបាញ់ផ្លោងរបស់សហរដ្ឋអាមេរិក-អ៊ីស្រាអែលមកលើប្រទេសនេះ ហើយបន្ទាប់មកជាការឆ្លើយតបទៅនឹងការបិទផ្លូវកំពង់ផែអ៊ីរ៉ង់ពីសំណាក់សហរដ្ឋអាមេរិក។  នាវាដឹកទូកុងតឺន័រដែលមានទង់ជាតិលីបេរីយ៉ាមួយគ្រឿងបានរងការខូចខាតដល់ស្ពានរបស់នាវា បន្ទាប់ពីត្រូវបានរងការបាញ់ប្រហារ និងគ្រាប់បែកដៃ ដែលបាញ់ដោយជើងទម្របាញ់គ្រាប់រ៉ូកែតនៅភាគឦសាននៃប្រទេសអូម៉ង់។UKMTO បាននិយាយថា ប្រធាននាវាបានរាយការណ៍ពីទូកបំពាក់កាំភ្លើងរបស់ឆ្នាំបដិវត្តន៍អ៊ីរ៉ង់ IRGC ចូលទៅជិត ហើយនាវានោះ ត្រូវបានរងការបាញ់ប្រហារជាបន្តបន្ទាប់។ សមាជិកនាវិកទាំងអស់មានសុវត្ថិភាព ហើយពុំមានអគ្គិភ័យ ឬផលប៉ះពាល់បរិស្ថានដោយសារតែឧបទ្ទវហេតុនេះទេ។ប្រភពសន្តិសុខសមុទ្របាននិយាយថា មនុស្សបីនាក់នៅលើទូកបំពាក់កាំភ្លើងនោះ។ប្រធាននាវាដឹកទូកុងតឺន័រ ដែលដំណើរការដោយប្រទេសក្រិក ក៏បានរាយការណ៍ផងដែរថា មិនមានការទាក់ទងតាមវិទ្យុណាមួយត្រូវបានធ្វើឡើងមុនពេលមានឧបទ្ទវហេតុនេះទេ ហើយថា នាវានេះត្រូវបានជូនដំណឹងដំបូងថា ខ្លួនមានការអនុញ្ញាតឱ្យឆ្លងកាត់ច្រកសមុទ្រ Hormuz។ក្រោយមក UKMTO បាននិយាយថា នាវាដឹកទូកុងតឺន័រទីពីរគ្រឿងទៀតត្រូវបានរងការបាញ់ប្រហារនៅចម្ងាយប្រហែលប្រាំបីម៉ាយល៍នៅភាគខាងលិចនៃប្រទេសអ៊ីរ៉ង់។ នាវាដែលមានទង់ជាតិប៉ាណាម៉ាមិនត្រូវបានខូចខាតទេ ហើយសមាជិកនាវិករបស់នាវានោះក៏មានសុវត្ថិភាពដែរ។ប្រភពសន្តិសុខដែនសមុទ្របាននិយាយថា នាវាដឹកទូកុងតឺន័រទីបីត្រូវបានរងការបាញ់នៅចម្ងាយប្រហែលប្រាំបីម៉ាយល៍ភាគខាងលិចនៃប្រទេសអ៊ីរ៉ង់ ខណៈកំពុងធ្វើដំណើរចេញពីច្រកសមុទ្រ Hormuz៕

អង្គការសហប្រជាជាតិទាមទារឲ្យមានច្រករបៀងមនុស្សធម៌សម្រាប់ជនភៀសខ្លួនស៊ីរី

2026/04/22 05:01:34 pm        23
Facebook Telegram Linkin
កងទ័ពរបបស៊ីរីនៅថ្ងៃអង្គារ បានបន្តការវាយលុកទៅលើតំបន់ប្រឆាំងដ៏សំខាន់ចុងក្រោយរបស់ប្រទេសនេះ ជាកន្លែងដែលការផ្លាស់ទីលំនៅយ៉ាងច្រើនរបស់ជនស៊ីវិល កំពុងបង្កឲ្យមានការភ័យខ្លាចចំពោះគ្រោះមហន្តរាយមនុស្សធម៌។មនុស្សប្រហែល ៩00.000នាក់ ត្រូវបានបង្ខំឲ្យចាកចេញពីផ្ទះសម្បែង និងជម្រករបស់ពួកគេ ក្នុងរយៈពេលតិចជាងបីខែ ដែលធ្វើឲ្យមនុស្សមួយចំនួនធំ ត្រូវដេកយ៉ាងវេទនាក្នុងរដូវរងាត្រជាក់ខ្លាំង។អង្គការសហប្រជាជាតិ បាននិយាយថា កន្លះលាននាក់ក្នុងចំណោមពួកគេ គឺជាកុមារ ដែលខ្លះបានស្លាប់ដោយសារត្រជាក់ខ្លាំងនៅក្នុងជំរំដែលគ្របដណ្តប់ដោយព្រិល។អ្នកនាំពាក្យ UN លោក David Swanson បាននិយាយថា៖«ក្នុងរយៈពេល ៤ថ្ងៃ កន្លងមកនេះ ប្រជាជនដែលទើបផ្លាស់ទីលំនៅថ្មីប្រហែល ៤៣.000 នាក់ បានភៀសខ្លួនចេញពីភាគខាងលិចទីក្រុងអាឡេប៉ូ ជាកន្លែងដែលមានការប្រយុទ្ធគ្នាកាន់តែខ្លាំងឡើង»។លោកបាននិយាយថា ចាប់តាំងពីដើមខែកុម្ភៈមក តួលេខនៃអ្នកផ្លាស់ទីលំនៅ មានចំនួន ៣០០.000    នាក់៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin
រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប
05/30/2026 05:05 PM
Facebook Telegram Linkin
របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់​ៗ
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.