BTV NEWS

ករណីឆ្លងសង្ស័យជំងឺអេបូឡានៅសាធារណរដ្ឋប្រជាធិបតេយ្យកុងហ្គោកើនឡើងដល់ ១.០២៨នាក់

កូរ៉េខាងត្បូងពង្រឹងប្រព័ន្ធប្រឆាំងនុយក្លេអ៊ែរ-មីស៊ីល និងជំរុញកិច្ចសហប្រតិបត្តិការជាមួយអាមេរិក

ព្យុះខ្សាច់ដ៏ខ្លាំងក្លាបានបោកបក់ឆ្លងកាត់តំបន់ជាច្រើនក្នុងរដ្ឋវាលខ្សាច់ Rajasthan របស់ឥណ្ឌា

ប្រធានាធិបតីអ៊ុយក្រែនលោក Zelenskiy ព្រមានពីការវាយប្រហារទ្រង់ទ្រាយធំរបស់រុស្ស៊ី

ព័ត៌មានអន្តរជាតិ

មេដឹកនាំអ៊ីស្រាអែល និងអាហ្សង់ទីន ដាក់ឲ្យប្រើប្រាស់ការហោះហើរផ្ទាល់រវាងប្រទេសទាំង ២

កាលពីថ្ងៃអាទិត្យម្សិលមិញ មេដឹកនាំអ៊ីស្រាអែល និងអាហ្សង់ទីន បានប្រកាសដាក់ឲ្យប្រើប្រាស់ការហោះហើរផ្ទាល់រវាងប្រទេសទាំង ២ ។ សេចក្តីប្រកាសនេះ បានធ្វើឡើងនៅក្នុងសន្និសីទសារព័ត៌មានរួមគ្នា ដោយនាយករដ្ឋមន្រ្តីអ៊ីស្រាអែលោក Benjamin Netanyahu និងប្រធានាធិបតីអាហ្សង់ទីនលោក Javier Milei បន្ទាប់ពីជំនួបដែលប្រទេសទាំង ២ បានចុះហត្ថលេខាលើកិច្ចព្រមព្រៀងសហប្រតិបត្តិការទ្វេភាគី រួមទាំងកិច្ចព្រមព្រៀងអាកាសចរណ៍ ។ជំនួបនេះដែរ ត្រូវបានចូលរួមដោយរដ្ឋមន្រ្តីការបរទេសអ៊ីស្រាអែលលោក Gideon Sa’ar រដ្ឋមន្រ្តីដឹកជញ្ជូនលោក Miri Regev រដ្ឋមន្រ្តីហិរញ្ញវត្ថុលោក Bezalel Smotrich និងឯកអគ្គរដ្ឋទូតសហរដ្ឋអាមេរិកប្រចាំនៅអ៊ីស្រាអែលលោក Mike Huckabee ។ លោក Amikam Ben-Zvi គឺជាប្រធានក្រុមហ៊ុនអាកាសចរណ៍ El Al Israel Airlines និយាយនៅក្នុងសន្និសីទសារព័ត៌មានថា ក្រុមហ៊ុនរបស់លោកនឹងចាប់ផ្តើមការហោះហើរដោយផ្ទាល់ទៅកាន់ប្រទេសអាហ្សង់ទីនៅឆ្នាំនេះ ដែលជាផ្លូវហោះហើរឆ្ងាយបំផុតរបស់ខ្លួនមកទល់នឹងពេលនេះ ។ អំឡុងសន្និសីទសារព័ត៌មាននោះដែរ លោក Netanyahu និយាយថា ពួកយើងកំពុងស្ថិតក្នុងពេលវេលានៃការប្រកួតប្រជែងដ៏អស្ចារ្យ និងផលវិបាកដ៏អស្ចារ្យ ។ ពួកយើងបានចូលរួមធ្វើសង្រ្គាមជាមួយសហដ្ឋអាមេរិក ប្រឆាំងនឹងអ៊ីរ៉ង់ ដែលធ្វើឲ្យពិភពលោកភិតភ័យ ដែលព្យយាមបំផ្លិចបំផ្លាញពួកយើង និងព្យាយាមផ្តួលរំលំសហរដ្ឋអាមេរិក និងព្យាយាមផ្តួលរំលំអរិយធម៌លោកខាងលិច ៕

អ៊ីរ៉ង់៖ «មិនមានការសម្រេចចិត្ត» ថា តើត្រូវចូលរួមកិច្ចចរចាជុំបន្ទាប់ជាមួយអាមេរិកដែរ ឬអត់ឡើយ

ក្រសួងការបរទេសអ៊ីរ៉ង់បានឲ្យដឹងនៅថ្ងៃចន្ទ (ទី២០ ខែមេសា ឆ្នាំ២០២៦) នេះថា ខ្លួនមិនទាន់ឈានដល់ការសម្រេចចិត្តថា តើត្រូវចូលរួមកិច្ចចរចាជុំបន្ទាប់ជាមួយសហរដ្ឋអាមេរិកដែរ ឬអត់នោះឡើយ។នៅក្នុងសន្និសីទសារព័ត៌មានប្រចាំសប្តាហ៍ អ្នកនាំពាក្យក្រសួង លោក Esmaeil Baqaei បានលើកឡើងថា៖ «គិតត្រឹមពេលនេះ នៅពេលដែលខ្ញុំកំពុងនិយាយទៅកាន់អ្នកទាំងអស់គ្នា យើងមិនមានផែនការសម្រាប់ការចរចាជុំបន្ទាប់ទេ ហើយមិនទាន់មានការសម្រេចចិត្តណាមួយ ត្រូវបានធ្វើឡើង ទាក់ទងនឹងរឿងនេះនោះដែរ»។លោក Baqaei បានបន្ថែមថា សហរដ្ឋអាមេរិកមិនមានភាពប្រាកដប្រជា ចំពោះការបន្តការទូតនោះទេ ដោយលើកឡើងពីអ្វីដែលខ្លួនហៅថា «ការរំលោភ» លើបទឈប់បាញ់រយៈពេល ២សប្តាហ៍របស់ភាគីទាំង២។លោក Baqaei បាននិយាយនៅក្នុងសន្និសីទសារព័ត៌មានប្រចាំសប្តាហ៍នោះថា ៖«ខណៈពេលដែលអះអាងពីការទូត និងការត្រៀមខ្លួន សម្រាប់ការចរចា សហរដ្ឋអាមេរិកកំពុងធ្វើនូវអាកប្បកិរិយាដែលមិនបង្ហាញពីភាពប្រាកដប្រជាណាមួយឡើយ ក្នុងការបន្តដំណើរការការទូត»។លោកបានសង្កត់ធ្ងន់ថា ការវាយប្រហាររបស់សហរដ្ឋអាមេរិកលើនាវាដឹកទំនិញអ៊ីរ៉ង់ ការបិទផ្លូវទឹកដោយសហរដ្ឋអាមេរិក លើកំពង់ផែអ៊ីរ៉ង់ និងការពន្យារពេលក្នុងការអនុវត្តបទឈប់បាញ់ នៅប្រទេសលីបង់ សុទ្ធតែជា «ការរំលោភបំពានយ៉ាងច្បាស់ក្រឡែតលើបទឈប់បាញ់»៕

កងទ័ពកុងហ្គោចោទក្រុមឧទ្ទាម M23 ថា បានបើកការវាយប្រហារដ៏សាហាវ អំឡុងការចរចាសន្តិភាព នៅស្វីស

កាលពីថ្ងៃអាទិត្យ (ទី១៩ ខែមេសា ឆ្នាំ២០២៦) យោធាកុងហ្គោ បានចោទប្រកាន់ក្រុមឧទ្ទាម M23 និងកងទ័ពរ្វ៉ាន់ដាថា បានវាយប្រហារទីតាំងរបស់ខ្លួន នៅភាគខាងកើតនៃសាធារណរដ្ឋប្រជាធិបតេយ្យកុងហ្គោ ខណៈដែលការចរចាត្រូវបានធ្វើឡើងនៅប្រទេសស្វីស។ការចរចាជុំចុងក្រោយ រវាងកុងហ្គោ និងក្រុមឧទ្ទាម M23 ដែលសម្របសម្រួលដោយប្រទេសកាតា បានបញ្ចប់កាលពីថ្ងៃសុក្រសប្តាហ៍មុន នៅប្រទេសស្វីស បន្ទាប់ពីពួកគេត្រូវបានផ្លាស់ប្តូរទីតាំងប្រជុំ ពីទីក្រុងដូហា ដោយសារតែសង្គ្រាម នៅតំបន់មជ្ឈិមបូព៌ា។នៅពេលបញ្ចប់ការចរចា កុងហ្គោ និងក្រុមឧទ្ទាមបានយល់ព្រមដោះលែងអ្នកទោសក្នុងរង្វង់រយៈពេល ១០ថ្ងៃ ក៏ដូចជាធានាឲ្យមានលំហូរជំនួយមនុស្សធម៌ដ៏សំខាន់ដោយគ្មានការរារាំង។ នេះបើយោងតាមសេចក្តីថ្លែងការណ៍មួយ។ប៉ុន្តែនៅថ្ងៃអាទិត្យ កងទ័ពបានឲ្យដឹងថា ក្រុមឧទ្ទាម M23 និងសម្ព័ន្ធមិត្តរបស់ខ្លួន បានបើកការវាយប្រហារដោយយានដ្រូនដ៏សាហាវ កាលពីល្ងាចថ្ងៃសៅរ៍លើទីតាំងរបស់ខ្លួន នៅតំបន់ Mikenge និង Kakenge របស់ខេត្ត South Kivu ក៏ដូចជានៅលើតំបន់ដែលរស់នៅដោយជនស៊ីវិល នៅឯទីតាំង Point Zero។កងទ័ពបានឲ្យដឹងនៅក្នុងសេចក្តីថ្លែងការណ៍មួយថា៖ «ចំនួនអ្នកស្លាប់បណ្តោះអាសន្ន បង្ហាញថា ជនស៊ីវិលបួននាក់ត្រូវបានសម្លាប់ និង ៨នាក់ផ្សេងទៀតរងរបួស ដែលភាគច្រើនជាស្ត្រី និងកុមារ»។មិនមានប្រតិកម្មភ្លាមៗពីប្រទេសរ៉្វាន់ដាទេ។ ប៉ុន្តែក្រុម M23 និងទីក្រុង Kinshasa តែងតែចោទដាក់គ្នាទៅវិញទៅមក អំពីការរំលោភលើបទឈប់បាញ់ចុងក្រោយបង្អស់ ដែលត្រូវបានលើកឡើងដោយប្រទេសអង់ហ្គោឡា កាលពីខែកុម្ភៈឆ្នាំនេះ៕

យោធាអាមេរិកអះអាងថា បានសម្លាប់មនុស្ស ៣នាក់ ក្នុងការវាយប្រហារទូកដឹកគ្រឿងញៀននៅសមុទ្រការ៉ាអ៊ីប

ទីបញ្ជាការភូមិភាគត្បូងសហរដ្ឋអាមេរិកនិយាយកាលពីថ្ងៃអាទិត្យថា កងកម្លាំងសហរដ្ឋអាមេរិក បានសម្លាប់បុរស ៣នាក់ ដែលយោធាចាត់ទុកថា ជាក្រុមជួញដូរគ្រឿងញៀនខុសច្បាប់ អំឡុងការវាយប្រហារលើទូកមួយគ្រឿង ក្នុងសមុទ្រការ៉ាអ៊ីប ។ ទីបញ្ជាការភូមិភាគត្បូងសហរដ្ឋអាមេរិក បានបង្ហោះលើបណ្តាញព័ត៌មានសង្គម X នូវអ្វីដែលពួកគេនិយាយថា គឺជាវីដេអូនៃការវាយប្រហារ ឃើញការផ្ទុះនៅលើទូកតូចមួយគ្រឿង ដែលកំពុងធ្វើដំណើរនៅក្នុងសមុទ្រ ។ ពួកគេបន្តថា ទូកតូចមួយគ្រឿងនេះ កំពុងធ្វើដំណើរតាមផ្លូវដែលគេស្គាល់ច្បាស់ថា ជាផ្លូវរត់ពន្ធគ្រឿងញៀនខុសច្បាប់ ស្ថិតនៅក្នុងសមុទ្រការ៉ាអ៊ីប ។ មន្រ្តីការពារជាតិសហរដ្ឋអាមេរិក និយាយកាលពីខែមុនថា យោធាសហរដ្ឋអាមេរិក បានសម្លាប់សមាជិកចោទប្រកាន់របស់អង្គការគ្រឿងញៀនចំនួន ១៥៧នាក់ អំឡុងការវាយប្រហារ ៤៥លើកលើនាវាជួញដូរគ្រឿងញៀន នៅអឌ្ឍគោលខាងលិច ៕

យានជំរុញរបស់ក្រុមហ៊ុន Blue Origin ចុះចតដោយសុវត្ថិភាព តែផ្កាយរណបចុះខុសគន្លង

យានជំរុញរបស់យានចម្លង New Glenn ដែលបាញ់ចេញពីរដ្ឋ Florida សហរដ្ឋអាមេរិកកាលពីថ្ងៃអាទិត្យ បានចុះចតដោយជោគជ័យ ក្រោយរយៈពេលប្រហែល ១០នាទី ។ ទោះបីជាយ៉ាងណាក៏ដោយ ក្រុមហ៊ុន Blue Origin របស់លោក Jeff Bezos មិនអាចដាក់ពង្រាយផ្កាយរណបទំនាក់ទំនង AST SpaceMobile ដែលពួកគេបញ្ជូន ចូលទៅកាន់គន្លងតារាវិថីតាមត្រឹមត្រូវនោះទេ ។ ក្រុមហ៊ុន AST និយាយនៅក្នុងសេចក្តីថ្លែងការណ៍ថា ផ្កាយរណប BlueBird 7 ត្រូវបានដាក់នៅក្នុងគន្លងទាបជាងការគ្រោងទុកដោយយានចម្លង ។ ផ្កាយរណបនេះ គឺជាផ្នែកមួយនៃកិច្ចខិតខំរបស់ក្រុមហ៊ុន Blue Origin ដើម្បីបង្កើតបណ្តាញអ៊ីនធឺណិតចល័តមានមូលដ្ឋាននៅទីអវកាស ស្រដៀងគ្នានឹងបណ្តាញផ្កាយរណប Leo របស់ក្រុមហ៊ុន Amazon ឬបណ្តាញផ្កាយរណប Starlink របស់ក្រុមហ៊ុន SpaceX ដែរ ។ បេសកកម្មកាលពីថ្ងៃអាទិត្យដែលជាបេសកកម្មលើកទី ៣សម្រាប់យានចម្លង New Glenn វាមានសំខាន់ក្នុងការបញ្ជាក់ថា យានចម្លងមានសមត្ថភាពប្រើប្រាស់ឡើងវិញយានជំរុញអាចទុកចិត្តបាន ហើយនិងអាចប្រកួតប្រជែងជាមួយយានចម្លង Falcon 9 របស់ក្រុមហ៊ុន SpaceX ។ គួរឲ្យដឹងថា យានជំរុញដែលគេដាក់ឈ្មោះ Never Tell Me the Odds បានហោះហើរក្នុងបេសកកម្មលើកទី ២ កាលពីខែវិច្ឆិកា ឆ្នាំកន្លងទៅ ៕

ការវាយប្រហារយានដ្រូនអ៊ុយក្រែនលើកំពង់ផែ Tuapse របស់រុស្ស៊ីបណ្តាលឲ្យមនុស្សម្នាក់ស្លាប់

ក្រុមមន្រ្តីរុស្ស៊ីនិយាយនៅថ្ងៃចន្ទនេះថា ការវាយប្រហារយានដ្រូនទ្រង់ទ្រាយធំរបស់អ៊ុយក្រែន លើកំពង់ផែសមុទ្រខ្មៅ Tuapse របស់រុស្ស៊ី បង្កឲ្យមានអគ្គិភ័យកើតឡើង និងបានសម្លាប់មនុស្សម្នាក់ រយៈពេលប៉ុន្មានម៉ោងប៉ុណ្ណោះ ក្រោយអណ្តាតភ្លើងត្រូវបានពន្លត់ ស្របពេលមានការវាយប្រហារស្រដៀងគ្នាកាលពីថ្ងៃទី ១៦ ខែមេសា ។ រូបភាពវីដេអូឃ្លីបដែលត្រូវបានបង្ហោះនៅលើបណ្តាញព័ត៌មានសង្គម ឃើញអគ្គិភ័យ និងសំណុំផ្សែងនៅរោងចក្រចម្រាញ់ប្រេង Tuapse ស្ថិតនៅជិតកំពង់ផែ Tuapse ។ អភិបាលតំបន់ Krasnodar លោក Veniamin Kondratiev និយាយថា បុរសម្នាក់ បានស្លាប់ និងបុរសម្នាក់ទៀត បានរងរបួស នៅក្នុងការវាយប្រហារយានដ្រូនទ្រង់ទ្រាយធំរបស់អ៊ុយក្រែនលើកំពង់ផែ Tuapse ស្ថិតក្នុងសមុទ្រខ្មៅ ។លោកថា បុរសម្នាក់ ត្រូវបានសម្លាប់នៅក្នុងកំពង់ផែតែម្តង ហើយបុរសម្នាក់ទៀតបានរងរបួស ខណៈកម្ទេចកម្ទីយានដ្រូនបណ្តាលឲ្យខូចខាតអគារជាច្រើននៅក្នុងទីក្រុង ចាប់ពីអគារសាលាមតេយ្យសិក្សា រហូតដល់អគារសាលាបឋមសិក្សា ព្រះវិហារ និងប្លុកអគារផ្ទះល្វែងរបស់អ្នកស្រុក ។ ស្ថិតក្នុងចំណោមកំពង់ផែនៅភាគខាងត្បូងប្រទេសរុស្ស៊ី កំពង់ផែ Tuapse គឺជាមជ្ឈមណ្ឌលនាំចេញផលិតផលប្រេងដ៏សំខាន់មួយ និងជាកន្លែងនាំចេញទំនិញស្ងួតជាច្រើនទៀត ដូចជាធ្យូងថ្ម និងជីកសិកម្ម ៕

អ៊ីស្រាអែលព្រមានពលរដ្ឋលីបង់មិនឲ្យវិលត្រឡប់ទៅតំបន់ភាគខាងត្បូង បើទោះបីជាមានបទឈប់បាញ់ក្តី

នៅថ្ងៃចន្ទនេះ យោធាអ៊ីស្រាអែលបានព្រមានអ្នកស្រុកនៅតំបន់ភាគខាងត្បូងលីបង់ មិនត្រូវផ្លាស់ទីទៅកាន់តំបន់ភាគខាងត្បូងភូមិខ្សែបន្ទាត់បានកំណត់ ឬតំបន់ជិតទន្លេ Litani នោះឡើយ ដោយពួកគេនិយាយថា កងកម្លាំងនៅតែបន្តដាក់ពង្រាយទីនោះ ក្នុងតំបន់ អំឡុងបទឈប់បាញ់ ដោយសារតែសកម្មភាពក្រុមបេសបូឡានៅតែកើតមាន ។ នៅក្នុងសេចក្តីថ្លែងការណ៍បង្ហោះនៅលើបណ្តាញព័ត៌មានសង្គម X អ្នកនាំពាក្យយោធាអ៊ីស្រាអែលលោក Avichay Adraee បាននិយាយប្រាប់ជនស៊ីវិលផងដែរថា មិនត្រូវធ្វើដំណើរទៅកាន់ភូមិព្រំដែននោះទេ រហូតដល់មានការជូនដំណឹងបន្ថែមទៀត ពីព្រោះថា ការធ្វើបែបនេះ នឹងនាំឲ្យមានហានិភ័យចំពោះសុខសុវត្ថិភាពក្រុមគ្រួសាររបស់ពួកគេ ។ ការព្រមាននៅថ្ងៃចន្ទនេះ បានកើតមានឡើងរយៈពេល ១ថ្ងៃប៉ុណ្ណោះ ក្រោយយោធាអ៊ីស្រាអែល ចុះផ្សាយជាលើកដំបូងនូវផែនទីខ្សែបន្ទាត់ដាក់ពង្រាយទ័ពថ្មីរបស់ខ្លួននៅក្នុងប្រទេសលីបង់កាលពីថ្ងៃអាទិត្យ ធ្វើឲ្យភូមិដែលគេបោះបង់ចោលភាគច្រើនរាប់សិបកន្លែងរបស់លីបង់ ស្ថិតក្រោមការគ្រប់គ្រងរបស់យោធាអ៊ីស្រាអែល បន្ទាប់ពីបទឈប់បាញ់ជាមួយក្រុមហេសបូឡា ចូលជាធរមាន ។ ពុំទាន់មានសេចក្តីអត្ថាធិប្បាយភ្លាមៗនោះទេពីក្រុមមន្រ្តីលីបង់ ឬក្រុមហេសបូឡាគាំទ្រអ៊ីរ៉ង់ ។ គួរឲ្យដឹងថា កាលពីថ្ងៃព្រហស្បតិ៍សប្តាហ៍មុន អ៊ីស្រាអែល និងលីបង់ បានយល់ព្រមបទឈប់បាញ់រៀបចំឡើងដោយសហរដ្ឋអាមេរិក ដើម្បីបញ្ឈប់ការប្រយុទ្ធគ្នារវាងក្រុមហេសបូឡា និងអ៊ីស្រាអែល ៕

មនុស្ស ១៣នាក់ស្លាប់ ក្នុងឧបទ្ទេវហេតុគ្រោះថ្នាក់រថយន្តក្រុងនៅតំបន់កាស្មៀ ប្រទេសឥណ្ឌា

លោក Prem Singh Chib គឺជាស្នងការរងនគរបាលក្រុង Udhampur និយាយនៅថ្ងៃចន្ទនេះថា មនុស្សយ៉ាងហោច ១៣នាក់ ត្រូវបានសម្លាប់ នៅក្នុងឧបទ្ទេវហេតុគ្រោះថ្នាក់រថយន្តក្រុង នៅទីក្រុងភាគខាងជើង Udhampur ស្ថិតក្នុងដែនដីសហព័ន្ធចាមមូ និងកាស្មៀ ប្រទេសឥណ្ឌា ។លោកបន្តថា អ្នកដំណើរនៅលើរថយន្តក្រុង ភាគច្រើនគឺជាអ្នកស្រុកធ្វើដំណើរមកពីតំបន់ Ramnagar ទៅកាន់ទីក្រុង Udhampur ។លោក Chib និយាយទៀតថា មកទល់នឹងពេលនេះ មនុស្ស ១៣-១៤នាក់ ត្រូវបានបញ្ជាក់ថាស្លាប់ ហើយមនុស្សយ៉ាងហោច ៣៣នាក់ បានរងរបួស ក្នុងនោះមនុស្ស ២០នាក់ ត្រូវបានបញ្ជូនទៅកាន់មន្ទីរពេទ្យ Ramnagar ។ឧបទ្ទេវហេតុគ្រោះថ្នាក់នេះដែរ បានកើតមានឡើងរយៈពេលប៉ុន្មានថ្ងៃប៉ុណ្ណោះ ក្រោយមនុស្ស ៦នាក់ បានស្លាប់ និងមនុស្សជាច្រើននាក់ផ្សេងទៀត រងរបួស ក្រោយរថយន្តក្រុងដឹកអ្នកដំណើរបុកជាមួយរថយន្តធំនៅរដ្ឋភាគខាងជើង Uttar Pradesh ៕

ពលរដ្ឋប៊ុលហ្គារីបង្ហាញអារម្មណ៍ច្របូកច្របល់ ក្រោយជ័យជំនះសម្រាប់អតីតប្រធានាធិបតីមានមេត្រីភាពជាមួយរុស្ស៊ី

លទ្ធផលផ្លូវការបង្ហាញថា អតីតប្រធានាធិបតីគាំទ្ររុស្ស៊ីលោក Rumen Radev នឹងសម្រេចបានជ័យជំនះភ្លូកទឹកភ្លូកដីនៅការបោះឆ្នោតប៊ុលហ្គារី ក៏ដូចជាបញ្ចប់រយៈពេលច្រើនឆ្នាំរបស់រដ្ឋាភិបាលចម្រុះទន់ខ្សោយ ហើយនិងធ្វើឲ្យអ្នកបោះឆ្នោតមានអារម្មណ៍ព្រួយបារម្ភផង លាយឡំនឹងក្តីសង្ឃឹមផង ។ ការសម្រេចបានលើសពីការស្ទង់មតិនេះ ស្ថិតនៅក្នុងចំណោមលទ្ធផលខ្លាំងបំផុតឈ្នះដោយគណបក្សតែមួយ ក្នុង ១ជំនាន់ ហើយនិងអាចបញ្ចប់អស្ថិរភាពដែលនាំឲ្យមានការបោះឆ្នោត ៨លើក ក្នុងរយៈពេល ៥ឆ្នាំ ។ នៅតាមដងផ្លូវក្នុងទីក្រុង Sofia ពលរដ្ឋប៊ុលហ្គារីមួយចំនួន បានបង្ហាញការព្រួយបារម្ភរបស់ពួកគេចំពោះគោលជំហរគាំទ្រទីក្រុងមូស្គូរបស់លោក Radev ខណៈពេលរដ្ឋខ្លះទៀត ស្វាគមន៍ទស្សនីយភាពនៃការផ្លាស់ប្តូររបត់នយោបាយ ។ លោក Tsvetan Hristov គឺជាបុគ្គលិកផ្នែក IT វ័យ ៣៦ឆ្នាំម្នាក់ និយាយថា លោកមានការព្រួយបារម្ភ ពីព្រោះថា បើសិនជាគាត់គាំទ្ររុស្ស៊ីពេញបន្ទុក តាមដែលគាត់អាចធ្វើទៅបាន ច្បាស់ណាស់ថា នឹងមានបញ្ហាខ្លាំង ។ ទោះបីជាយ៉ាងណាក៏ដោយ ពលរដ្ឋប៊ុលហ្គារីផ្សេងទៀត បានបង្ហាញនូវសុទិដ្ឋិនិយមរបស់ពួកគេ ។ លោក Boyan Simeonov គឺជានិស្សិតច្បាប់វ័យ ២៣ឆ្នាំមួយរូប និយាយថា លោកមានជំនឿលើគាត់ លោកយល់ឃើញថា គាត់នឹងធ្វើ មិនមែនត្រឹមតែនិយាយប៉ុណ្ណោះនោះទេ ៕

សារព័ត៌មានរុស្ស៊ី៖ ទីក្រុងមូស្គូឃាត់ខ្លួនស្រ្តីជនជាតិអាល្លឺម៉ង់ម្នាក់ សម្រាប់ការរៀបចំគម្រោងភេរវកម្ម

សេវាកម្មសន្តិសុខសហព័ន្ធរុស្ស៊ីនិយាយនៅថ្ងៃចន្ទនេះថា ពួកគេបានឃាត់ខ្លួនស្រ្តីជនជាតិអាល្លឺម៉ង់វ័យ ៥៧ឆ្នាំម្នាក់ មានគ្រាប់បែកនៅក្នុងវ៉ាលីរបស់គាត់ គឺជាផ្នែកមួយដែលពួកគេចាត់ទុកថា ជាប្រតិបត្តិការយោធា ត្រូវបានបញ្ជាដោយក្រុមចារកម្មអ៊ុយក្រែន ។ រូបភាពវីដេអូឃ្លីបដែលពុំត្រូវបានបញ្ជាក់ផ្ទៀងផ្ទាត់ ឃើញស្រ្តីម្នាក់ក្រោបលើផ្លូវក្រាលកៅស៊ូ ស្ថិតក្នុងចំណតរថយន្ត ខណៈក្រុមប្រដាប់អាវុធភ្ជុងកាំភ្លើងគាត់ ហើយនិងឃើញវ៉ាលីនៅជិតគាត់ ។ក្រុម FSB និយាយថា ស្រ្តីជនជាតិអាល្លឺម៉ង់ដែលមានគ្រាប់បែកកម្លាំង TNT ១,៥គ.កម្នាក់នេះ មានគោលដៅលើទីតាំងអនុវត្តច្បាប់ ស្ថិតក្នុងតំបន់ Stavropol ដែលជាផ្នែកមួយនៃប្រតិបត្តិការយោធាបញ្ជាដោយអ៊ុយក្រែន ។ក្រុម FSB និយាយដែរថា ពួកគេបានឃាត់ខ្លួនពលរដ្ឋម្នាក់ផងដែរ មកពីប្រទេសនៅអាស៊ីកណ្តាលដែលពួកគេគិតថា គាត់ធ្វើតំណាងឲ្យអង្គការភេរវកម្ម ហើយគ្រោងនឹងបំផ្ទុះគ្រាប់បែក ។ពួកគេនិយាយថា សកម្មភាពរបស់បុរសម្នាក់នេះ ត្រូវបានសម្របសម្រួលដោយក្រុមនិយោជិកនៅក្នុងសេវាកម្មពិសេសអ៊ុយក្រែន ដោយរូបលោកក្លែងធ្វើជាសមាជិកអង្គការភេរវកម្មអន្តរជាតិ ដែលត្រូវបានហាមប្រាមនៅរុស្ស៊ី ៕

បណ្ដាញសង្គម

ព័ត៌មានថ្មីៗ

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

សាធារណជនគាំទ្រយុទ្ធនាការ “១ម៉ឺនរៀល ១ម៉ឺននាក់” ដើម្បីលើកកម្ពស់ការថែទាំសុខភាពកុមារ

ផ្ទះសម្បែងរងការបំផ្លិចបំផ្លាញនៅទូទាំងតំបន់ភាគខាងកើតស៊ីរី ក្រោយទន្លេ Euphrates ផ្ទុះច្រាំង

ប្រធានមន្ទីរបច្ចកោណ៖ អាមេរិកត្រៀមរួចរាល់ក្នុងការចាប់ផ្តើមឡើងវិញការវាយប្រហារ បើសិនគ្មានកិច្ចព្រមព្រៀងជាមួយអ៊ីរ៉ង់

កម្ពុជា តវ៉ាជាផ្លូវការប្រឆាំងនឹងការបន្តរំលោភបំពានរបស់ភាគីថៃមកលើអធិបតេយ្យ កម្ពុជាដោយកងទ័ពថៃ

ទេសរដ្ឋមន្រ្តី គន់ គីម អញ្ជើញចុះសួរទុក្ខប្រជាពលរដ្ឋភៀសសឹកស្នាក់នៅផ្ទះបណ្តោះអាសន្ន ក្នុងខេត្តព្រះវិហារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877