BTV NEWS

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

ព័ត៌មានអន្តរជាតិ

ADB៖ កំណើនសេដ្ឋកិច្ចក្នុងតំបន់អាស៊ីប៉ាស៊ីហ្វិក កំពុងប្រឈមនឹងកំណើនសេដ្ឋកិច្ចខ្សោយ និងអតិផរណាខ្ពស់

ធនាគារអភិវឌ្ឍន៍អាស៊ី (ADB) បាននិយាយនៅថ្ងៃសុក្រ ទី១០ ខែមេសានេះ ថា កំណើនសេដ្ឋកិច្ចនៅក្នុងតំបន់អាស៊ីនិងប៉ាស៊ីហ្វិកដែលកំពុងអភិវឌ្ឍន៍ ត្រូវបានគេរំពឹងថានឹងមានកំណើនយឺតនៅឆ្នាំនេះ ដោយសារតែជម្លោះនៅតំបន់មជ្ឈិមបូព៌ា ធ្វើឲ្យរំខានដល់ទីផ្សារពាណិជ្ជកម្ម និងថាមពល ដោយវិសាលភាពនៃការថយចុះនេះអាស្រ័យលើរយៈពេលដែលវិបត្តិនៅបន្ត។កំណើនសេដ្ឋកិច្ចក្នុងតំបន់អាចថយចុះមកត្រឹម ៤,៧% ក្នុងឆ្នាំ២០២៦ ពី៥,៤% កាលពីឆ្នាំមុន ខណៈអតិផរណាអាចកើនឡើងដល់៥,៦% ពី៣,០% ក្នុងឆ្នាំ២០២៥ ប្រសិនបើអរិភាពនៅតែបន្តរហូតដល់ត្រីមាសទីបីនៃឆ្នាំនេះ នេះបើយោងតាមការលើកឡើងរបស់ធនាគារអភិវឌ្ឍន៍អាស៊ីនៅក្នុងទស្សនវិស័យអភិវឌ្ឍន៍អាស៊ីរបស់ខ្លួន។ ប្រសិនបើការប្រយុទ្ធគ្នានៅតែបន្តរយៈពេលមួយឆ្នាំទៀត តំបន់នេះអាចបាត់បង់កំណើនប្រហែល ១,៣ ភាគរយក្នុងឆ្នាំ២០២៦ និងឆ្នាំ២០២៧ នេះបើយោងតាមការលើកឡើងរបស់ធនាគារអភិវឌ្ឍន៍អាស៊ី(ADB)។តំបន់អាស៊ី និងប៉ាស៊ីហ្វិកដែលកំពុងអភិវឌ្ឍន៍ មានប្រទេសសេដ្ឋកិច្ចរីកលូតលាស់ចំនួន៤៣ប្រទេស មានចាប់ពីប្រទេសចិន និងឥណ្ឌា រហូតដល់ប្រទេសហ្សកហ្ស៊ី និងប្រទេសកោះសាម័រ ប៉ុន្តែមិនរាប់បញ្ចូលប្រទេសអូស្ត្រាលី ជប៉ុន នូវែលសេឡង់ សិង្ហបុរី និងកូរ៉េខាងត្បូងទេ។ ការប៉ាន់ស្មានទាំងនេះ ផ្ទុយពីការសន្មត់ជាមូលដ្ឋានរបស់របាយការណ៍ ដែលបានបញ្ចប់នៅថ្ងៃទី១០ ខែមីនា ហើយផ្អែកលើជម្លោះរយៈពេលតិចជាងមួយខែ។ ក្រោមសេណារីយ៉ូនេះ កំណើនត្រូវបានគេរំពឹងថានឹងយឺតបន្តិចមកត្រឹម ៥,១% ក្នុងឆ្នាំ ២០២៦ និងឆ្នាំ២០២៧ ដោយអតិផរណាត្រូវបានគេព្យាករថានឹងកើនឡើងដល់៣,៦% នៅឆ្នាំនេះ មុនពេលថយចុះមកត្រឹម ៣,៤% ក្នុងឆ្នាំ២០២៧។

ក្រុមអវកាសយានិក Artemis II របស់ណាសា ត្រៀមបញ្ចប់បេសកកម្មភពព្រះចន្ទក្នុងដំណាក់កាលវិលត្រឡប់មកផែនដីមានការប្រឈមខ្ពស់

សមាជិកអវកាសយានិក៤នាក់ដែលកំពុងធ្វើដំណើរត្រឡប់មកផែនដីវិញពីផ្នែកម្ខាងទៀតនៃភពព្រះចន្ទក្នុងបេសកកម្ម Artemis II របស់ង្គការ NASA បាននិយាយអំពីអារម្មណ៍របស់ពួកគេ នៅពេលបានបញ្ចប់ការហោះហើរមិនធ្លាប់មានក្នុងរយៈពេលជាង៥០ឆ្នាំ និងត្រៀមខ្លួនចូលទៅក្នុងបរិយាកាសឡើងវិញក្នុងក្នុងដំណាក់កាលវិលត្រឡប់មកកាន់ភពផែនដីដែលមានការប្រឈមខ្ពស់ អំឡុងពេលសន្និសីទសារព័ត៌មានលើកដំបូងរបស់ពួកគេពីលំហអាកាសកាលពីថ្ងៃពុធទី៨មេសាសប្ដាហ៍នេះ ។ ក្រុមអវកាសយានិក Artemis II ដែលហោះហើរក្នុងយាន Orion របស់ពួកគេចាប់តាំងពីបាញ់បង្ហោះពីរដ្ឋផ្លរីដាកាលពីសប្តាហ៍មុន គ្រោងចុះចតនៅឆ្នេរសមុទ្រភាគខាងត្បូងរដ្ឋកាលីហ្វ័រនីញ៉ានៅល្ងាចថ្ងៃសុក្រនេះពេលវេលានៅអាមេរិក បន្ទាប់ពីបានទៅដល់ភពព្រះចន្ទកាលពីដើមសប្តាហ៍នេះ។ ពួកគេបានធ្វើដំណើរតាមផ្លូវមួយ នាំពួកគេឆ្លងកាត់ផ្នែកម្ខាងទៀតនៃឋានព្រះចន្ទដែលមានស្រមោល ដើម្បីក្លាយជាមនុស្សដែលហោះហើរបានឆ្ងាយបំផុតក្នុងប្រវត្តិសាស្ត្រ។នៅក្នុងដំណើរត្រឡប់មកកាន់ភពផែនដីវិញ ពួកគេនឹងឈានដល់ល្បឿនរហូតដល់៣៨.៣៦៥ គីឡូម៉ែត្រក្នុងមួយម៉ោង នៅពេលពួកគេចូលទៅក្នុងបរិយាកាសរបស់ភពផែនដី ជាដំណាក់កាលដែលមានហានិភ័យខ្ពស់នៃបេសកកម្ម ដែលនឹងធ្វើឱ្យស្រទាប់ការពារកម្ដៅរបស់យាន Orion ត្រូវបានសាកល្បង ខណៈត្រូវបានវាយប្រហារដោយការកកិតបរិយាកាសខ្លាំង។អ្នកបើកយានបេសកកម្ម Artemis II លោក Victor Glover បាននិយាយនៅពេលសួរថាលោកមានអារម្មណ៍យ៉ាងណាចំពោះការវិលត្រឡប់មកកាន់ភពផែនដីវិញ ថា រូបលោកពិតជាបានគិតអំពីការចូលតាំងពីថ្ងៃទី ៣ ខែមេសា ឆ្នាំ២០២៣ នៅពេលពួកលោកត្រូវបានចាត់តាំងឱ្យបំពេញបេសកកម្មនេះ។ លោកថាមានរូបភាពនិង រឿងរ៉ាវជាច្រើនទៀត ហើយលោកមិនទាន់ចាប់ផ្តើមដំណើរការអ្វីដែលពួកលោកបានឆ្លងកាត់នោះទេ។លោក Glover និងអវកាសយានិក NASA ដទៃទៀតគឺលោក Reid Wiseman និងលោកស្រី Christina Koch ព្រមទាំងអវកាសយានិកកាណាដាលោក Jeremy Hansen គឺជាក្រុមអវកាសយានិកដំបូងគេក្នុងបេសកកម្មជាបន្តបន្ទាប់ដែលមានតម្លៃរាប់ពាន់លានដុល្លារក្រោមកម្មវិធី Artemis ក្នុងគោលបំណងនាំមនុស្សត្រឡប់ទៅផ្ទៃឋានព្រះចន្ទវិញនៅឆ្នាំ ២០២៨ ឲ្យបានមុនប្រទេសចិន និងបង្កើតវត្តមានរយៈពេលវែងរបស់អាមេរិកក្នុងរយៈពេលមួយទសវត្សរ៍ខាងមុខ ដោយសាងសង់មូលដ្ឋាននៅលើឋានព្រះចន្ទសម្រាប់បេសកកម្មនាពេលអនាគតទៅកាន់ភពអង្គារ៕

អារ៉ាប៊ីសាអ៊ូឌីត និយាយថា សកម្មភាពប្រតិបត្តិការត្រូវបានផ្អាកនៅទីតាំងថាមពលជាច្រើនកន្លែង

សកម្មភាពប្រតិបត្តិការត្រូវបានផ្អាកនៅទីតាំងថាមពលជាច្រើនកន្លែងនៅក្នុងប្រទេសអារ៉ាប៊ីសាអ៊ូឌីត ដោយសារតែការវាយប្រហារកាលពីពេលថ្មីៗនេះ នេះបើយោងតាមទីភ្នាក់ងារសារព័ត៌មានអារ៉ាប៊ីសាអ៊ូឌីត ដោយដកស្រង់ប្រភពផ្លូវការពីក្រសួងថាមពល។ការវាយប្រហារ ដែលបានកំណត់លើគោលដៅទីតាំងប្រេង ឧស្ម័ន និងអគ្គិសនី នៅទីក្រុងរីយ៉ាដ ខេត្ត Eastern និងទីក្រុងឧស្សាហកម្មYanbu បានបណ្តាលឱ្យជនជាតិអារ៉ាប៊ីសាអ៊ូឌីតម្នាក់ស្លាប់ ជាបុគ្គលិកសន្តិសុខឧស្សាហកម្មរបស់ក្រុមហ៊ុនថាមពលអារ៉ាប៊ីសាអ៊ូឌីត និងមានអ្នករងរបួសចំនួនប្រាំពីរនាក់។ប្រទេសឈូងសមុទ្រ ដែលរួមមានអារ៉ាប៊ីសាអ៊ូឌីត អារ៉ាប់រួម បារ៉ែន គូវ៉ែត អូម៉ង់ និងប្រទេសកាតា បានប្រឈមនឹងការវាយប្រហារដោយយានដ្រូន និងមីស៊ីលម្តងហើយម្តងទៀតពីប្រទេសអ៊ីរ៉ង់ក្នុងរយៈពេលប៉ុន្មានសប្តាហ៍ថ្មីៗនេះ ក្នុងការឆ្លើយតបទៅនឹងសង្គ្រាមរបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ដែលបានចាប់ផ្តើមនៅថ្ងៃទី ២៨ ខែកុម្ភៈ។សេចក្តីរាយការណ៍បាននិយាយថា ការវាយប្រហារលើទីតាំងថាមពលរបស់ប្រទេសអារ៉ាប៊ីសាអ៊ូឌីត បានបណ្តាលឱ្យមានការថយចុះសមត្ថភាពនៃការផលិតប្រេងរបស់ព្រះរាជាណាចក្រមួយនេះ ប្រហែល ៦០០.០០០បារ៉ែលក្នុងមួយថ្ងៃ។មន្ត្រី បាននិយាយថា ការបន្តវាយប្រហារនាំឱ្យមានការថយចុះការផ្គត់ផ្គង់ ធ្វើឱ្យការស្តារឡើងវិញយឺត និងរួមចំណែកដល់ការប្រែប្រួលកាន់តែខ្លាំងឡើងនៅលើទីផ្សារប្រេង ព្រោះវាប៉ះពាល់ដល់សន្តិសុខនៃការផ្គត់ផ្គង់សម្រាប់ប្រទេសដែលកំពុងប្រើប្រាស់។

ប្រមុខណាតូនិយាយថា លោកយល់ពីការខកចិត្តរបស់លោកTrump ចំពោះសម្ព័ន្ធមិត្តលើបញ្ហាអ៊ីរ៉ង់

លោក Mark Rutte អគ្គលេខាធិការសម្ព័ន្ធយោធាណាតូ បាននិយាយកាលពីថ្ងៃព្រហស្បតិ៍ ៩មេសា សប្ដាហ៍នេះថា លោកយល់ពី«ការខកចិត្ត» របស់ប្រធានាធិបតីអាមេរិក Donald Trump ចំពោះសម្ព័ន្ធមិត្តដែលមិនបានជួយលោកភ្លាមៗក្នុងសង្គ្រាមរបស់លោកជាមួយអ៊ីរ៉ង់ ប៉ុន្តែក៏បានគាំទ្រការសម្រេចចិត្តរបស់លោក Trump ក្នុងការមិនជូនដំណឹងដល់សម្ព័ន្ធមិត្តជាមុនផងដែរ។ ថ្លែងនៅវិទ្យាស្ថាន Ronald Reagan ក្នុងទីក្រុងវ៉ាស៊ីនតោន មួយថ្ងៃបន្ទាប់ពីបានជួបទល់មុខគ្នាជាមួយលោក Trump ពិភាក្សាអំពីការរិះគន់របស់ប្រធានាធិបតី លោក Rutte បានសម្តែងការគាំទ្រចំពោះសកម្មភាពយោធារបស់សហរដ្ឋអាមេរិកនៅក្នុងប្រទេសអ៊ីរ៉ង់ ខណៈទទួលស្គាល់ការខកចិត្តរបស់លោក Trump ចំពោះសម្ព័ន្ធភាពមួយនេះ។ក្រោយមកលោកបានពន្យល់បន្ថែមថា មិនមានការពិគ្រោះយោបល់ជាមុនច្រើនទេ។ ដូច្នេះបន្ទាប់មកពួកគេត្រូវប្រញាប់ប្រញាល់យល់ពីអ្វីដែលកំពុងកើតឡើង ហើយបន្ទាប់មកទៀតត្រូវបង្កើនសកម្មភាព។លោកនាយករដ្ឋមន្ត្រីកាណាដា Mark Carney និងមេដឹកនាំណាតូដទៃទៀតបានលើកឡើងថាពួកគេមិនបានចូលរួមក្នុងយុទ្ធនាការយោធារបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ទេ ព្រោះពួកគេមិនត្រូវបានពិគ្រោះយោបល់ជាមុន។ចាប់តាំងពីពេលនោះមក សម្ព័ន្ធមិត្តអឺរ៉ុបជាច្រើនបានផ្តល់ការគាំទ្រផ្នែកភស្តុភារសម្រាប់មូលដ្ឋានយោធារបស់សហរដ្ឋអាមេរិកនៅមជ្ឈិមបូព៌ា ហើយនាយករដ្ឋមន្ត្រីចក្រភពអង់គ្លេស Keir Starmer កំពុងដឹកនាំកិច្ចខិតខំប្រឹងប្រែងអន្តរជាតិដើម្បីធានាសុវត្ថិភាពច្រកសមុទ្រ Hormuz។ យោងតាមការចុះផ្សាយរបស់កាសែត Wall Street Journal លោក Trump ក៏កំពុងសម្លឹងរកការដាក់ទណ្ឌកម្មលើសមាជិក NATO មួយចំនួន ដែលលោកជឿថាពុំមានប្រយោជន៍ក្នុងអំឡុងពេលជម្លោះដោយការដកកងទ័ពសហរដ្ឋអាមេរិកចេញពីប្រទេសរបស់ពួកគេ ខណៈលោកព្រមានដើរចេញពីសម្ព័ន្ធភាពមួយនេះ។អ្នកនាំពាក្យសេតវិមាន លោកស្រី Karoline Leavitt និយាយថាពិតជាគួរឱ្យសោកស្ដាយដែលសម្ព័ន្ធយោធា NATO បានងាកចេញពីអាមេរិកក្នុងរយៈពេល៦សប្តាហ៍កន្លងមកនេះ ខណៈប្រជាជនអាមេរិកបានផ្តល់ហិរញ្ញវត្ថុដល់វិស័យការពារជាតិរបស់ពួកគេ៕

មន្ទីរពេទ្យនានាក្នុងទីក្រុងបេរូតកំពុងទប់ទល់កំណើនជនរងគ្រោះក្រោយការវាយប្រហាររបស់អ៊ីស្រាអែល

ខណៈគ្រាប់បែកបានធ្លាក់ដូចទឹកភ្លៀងលើរដ្ឋធានីប្រទេសលីបង់ មនុស្សរាប់រយនាក់ បានប្រញាប់ប្រញាល់ទៅកាន់មន្ទីរពេទ្យសាកលវិទ្យាល័យអាមេរិកក្នុងទីក្រុងបេរូត(AUB) ដោយមនុស្សជាច្រើនបានយំ និងមនុស្សជាច្រើនទៀតភ័យខ្លាច កុមារស្វែងរកបងប្អូនបង្កើតឬឪពុកម្តាយរបស់ពួកគេ ដោយមិនប្រាកដថាតើពួកគេស្លាប់ ឬនៅរស់។ កងកម្លាំងអ៊ីស្រាអែល បានទម្លាក់គ្រាប់បែកលើគោលដៅជាង ១០០ កន្លែងនៅទូទាំងប្រទេសក្នុងរយៈពេល១០នាទីកាលពីថ្ងៃពុធ ទោះបីជាមានកិច្ចព្រមព្រៀងបទឈប់បាញ់រវាងសហរដ្ឋអាមេរិក និងអ៊ីរ៉ង់ដែលមនុស្សជាច្រើនគិតថានឹងបានរួមបញ្ចូលប្រទេសលីបង់ ក៏ដោយ។លោកវេជ្ជបណ្ឌិត Salah Zeineldine ប្រធានផ្នែកវេជ្ជសាស្ត្ររបស់មន្ទីពេទ្យ AUB បានប្រាប់ប្រព័ន្ធផ្សព្វផ្សាយ Al Jazeera ថា «ក្នុងរយៈពេលតិចជាងមួយម៉ោង យើងបានទទួលអ្នករងរបួសប្រហែល ៧៦ នាក់។ តែគួរឲ្យសោកស្តាយ មនុស្ស ៦ នាក់បានបាត់បងជីវិត» ខណៈមន្ទីរពេទ្យនេះបានក្លាយជា «ចំណុចកណ្តាល» សម្រាប់ជនរងគ្រោះនៃការវាយប្រហាររបស់អ៊ីស្រាអែល។ចំនួនអ្នកស្លាប់ដោយសារការវាយប្រហាររបស់អ៊ីស្រាអែលនៅទូទាំងប្រទេសលីបង់កាលពីថ្ងៃពុធ ពេលនេះបានកើនឡើងដល់ ៣០៣ នាក់ ដោយមានអ្នករងរបួស ១.១៥០ នាក់ នេះបើយោងតាមតួលេខបឋមដែលចេញផ្សាយកាលពីថ្ងៃព្រហស្បតិ៍ដោយក្រសួងសុខាភិបាលសាធារណៈរបស់ប្រទេសលីបង់។លោកវេជ្ជបណ្ឌិត Zeineldine បាននិយាយថា អ្នកជំងឺជាច្រើនដែលរងរបួសធ្ងន់នៅមន្ទីរពេទ្យ AUB គឺជាកុមារ ហើយកុមារធំជាងគេមានអាយុ១២ឆ្នាំ ខណៈអ្នកជំងឺពីរនាក់ដែលត្រូវទៅកាន់បន្ទប់សង្គ្រោះបន្ទាន់(ICU) គឺជាទារក ដែលម្នាក់មានអាយុពីរឬបីខែ និងម្នាក់ទៀតមានអាយុត្រឹមតែពីរឬបីសប្តាហ៍ប៉ុណ្ណោះ។ក្រសួងសុខាភិបាលលីបង់បាននិយាយថា យ៉ាងហោចណាស់មានកុមារ ស្ត្រី និងមនុស្សចាស់១១០នាក់ស្ថិតក្នុងចំណោមអ្នកស្លាប់កាលពីថ្ងៃពុធ។

កិច្ចព្រមព្រៀងបទឈប់បាញ់រវាងអាមេរិក និងអ៊ីរ៉ង់ បង្ហាញពីភាពតានតឹងមុនការចរចា ខណៈលំហូរប្រេងត្រូវបានរឹតត្បិត

បទឈប់បាញ់រយៈពេលពីរសប្តាហ៍ដ៏ផុយស្រួយរវាងសហរដ្ឋអាមេរិក និងអ៊ីរ៉ង់ បានបង្ហាញពីភាពតានតឹងបន្ថែមទៀតនៅថ្ងៃសុក្រ ទី១០ ខែមេសានេះ មួយថ្ងៃមុនភាគីទាំងពីរចរចានៅប្រទេសប៉ាគីស្ថាន ខណៈទីក្រុងវ៉ាស៊ីនតោន បានចោទប្រកាន់ទីក្រុងតេអេរ៉ង់ ថា បានរំលោភលើការសន្យាស្តីពីច្រកសមុទ្រ Hormuz ហើយអ៊ីស្រាអែល បានវាយប្រហារលើប្រទេសលីបង់ ជាការវាយប្រហារដែលអ៊ីរ៉ង់អះអាងថារំលោភលើបទឈប់បាញ់។ ពុំមានសញ្ញាណាមួយដែលបង្ហាញថា អ៊ីរ៉ង់កំពុងដកចេញការបិទច្រកសមុទ្រស្ទើរតែទាំងស្រុងរបស់ខ្លួននោះទេ ដែលបានបណ្តាលឱ្យមានការរំខានដ៏អាក្រក់បំផុតមិនធ្លាប់មានចំពោះការផ្គត់ផ្គង់ថាមពលសកល។ ទីក្រុងតេអេរ៉ង់ បានលើកឡើងពីការវាយប្រហារដែលនៅតែបន្តរបស់អ៊ីស្រាអែលលើប្រទេសលីបង់ ដែលរួមមានការវាយប្រហារដ៏ខ្លាំងក្លាបំផុតនៃសង្គ្រាមកាលពីថ្ងៃពុធសប្តាហ៍នេះ ជាចំណុចជាប់គាំងដ៏សំខាន់មួយ។ ក្នុងរយៈពេល២៤ម៉ោងដំបូងនៃបទឈប់បាញ់ ដែលលោក Trump បានប្រកាសកាលពីថ្ងៃអង្គារ មាននាវាដឹកប្រេងមួយគ្រឿង និងនាវាដឹកទំនិញស្ងួតចំនួនប្រាំគ្រឿង បានធ្វើដំណើរឆ្លងកាត់ច្រកសមុទ្រនេះ ដែលជាធម្មតាដឹកប្រេង និងឧស្ម័នធម្មជាតិរាវមួយភាគប្រាំរបស់ពិភពលោក និងនាវាចំនួន១៤០គ្រឿងក្នុងមួយថ្ងៃ នៅមុនសង្គ្រាម។ យោធាអ៊ីស្រាអែល បាននិយាយនៅព្រឹកថ្ងៃសុក្រនេះថា ខ្លួនបានវាយប្រហារលើជើងទម្របាញ់រ៉ូកែតចំនួន ១០គ្រឿងនៅក្នុងប្រទេសលីបង់ ដែលបាញ់ឆ្ពោះទៅភាគខាងជើងប្រទេសអ៊ីស្រាអែលកាលពីល្ងាចថ្ងៃព្រហស្បតិ៍ និងបាននិយាយថាក្រុមហេសបូឡាប្រដាប់អាវុធដែលជាសម្ព័ន្ធមិត្តរបស់អ៊ីរ៉ង់ បានបាញ់មីស៊ីលមួយគ្រាប់ចូលទៅអ៊ីស្រាអែល បណ្តាលឱ្យមានសំឡេងស៊ីរ៉ែនវាយប្រហារតាមអាកាសរោទិ៍ឡើង។ យោងតាមកាសែត Times of Israel បានឲ្យដឹងថា មីស៊ីលនេះត្រូវបានស្ទាក់ចាប់។ ក្រុមហេសបូឡា បាននិយាយថា ខ្លួនបានកំណត់គោលដៅលើហេដ្ឋារចនាសម្ព័ន្ធយោធាអ៊ីស្រាអែលនៅក្នុងទីក្រុង Haifa ភាគខាងជើង។ សហរដ្ឋអាមេរិក និងអ៊ីស្រាអែលបាននិយាយថា បទឈប់បាញ់ចុងក្រោយនេះមិនរាប់បញ្ចូលប្រទេសលីបង់ ដែលអ៊ីស្រាអែលបានឈ្លានពានកាលពីខែមុន ស្របគ្នានឹងសង្គ្រាមលើប្រទេសអ៊ីរ៉ង់ដើម្បីកម្ចាត់ក្រុមហេសបូឡានោះទេ។

លោកTrump និងនាយករដ្ឋមន្ត្រីអង់គ្លេស ពិភាក្សាអំពីតម្រូវការសម្រាប់ «ផែនការជាក់ស្តែង» ស្តីពីច្រកសមុទ្រ Hormuz

យោងតាមការិយាល័យរបស់មេដឹកនាំចក្រភពអង់គ្លេសបានឲ្យដឹងថា នាយករដ្ឋមន្ត្រីអង់គ្លេស លោក Keir Starmer និងប្រធានាធិបតីសហរដ្ឋអាមេរិក លោក Donald Trump កាលពីថ្ងៃព្រហស្បតិ៍ ទី៩ ខែមេសា បានឯកភាពគ្នាលើ «តម្រូវការសម្រាប់ផែនការជាក់ស្តែង» ដើម្បីឱ្យការដឹកជញ្ជូនតាមនាវាបានឆ្លងកាត់ច្រកសមុទ្រ Hormuz ជាថ្មីម្តងទៀត បន្ទាប់ពីមានបទឈប់បាញ់រវាងសហរដ្ឋអាមេរិក និងអ៊ីរ៉ង់។ ការិយាល័យនាយករដ្ឋមន្ត្រីបាននិយាយថា មេដឹកនាំទាំងពីរ «បានព្រមព្រៀងគ្នាថា ពេលនេះមានបទឈប់បាញ់ និងកិច្ចព្រមព្រៀងបើកច្រកសមុទ្រ យើងកំពុងស្ថិតនៅដំណាក់កាលបន្ទាប់នៃការស្វែងរកដំណោះស្រាយ»។ ការិយាល័យ Downing Street បាននិយាយថា «មេដឹកនាំទាំងពីរ បានពិភាក្សាអំពីតម្រូវការសម្រាប់ផែនការជាក់ស្តែង ដើម្បីឱ្យការដឹកជញ្ជូនតាមនាវាធ្វើដំណើរម្តងទៀតឱ្យបានលឿនតាមដែលអាចធ្វើទៅបាន»។ លោក Starmer បានទៅដល់ប្រទេសកាតា កាលពីថ្ងៃព្រហស្បតិ៍ សម្រាប់ជើងធ្វើដំណើរចុងក្រោយដើម្បីពិភាក្សាអំពីសង្គ្រាម និងបទឈប់បាញ់ជាមួយមេដឹកនាំឈូងសមុទ្រ។ លោកបាននិយាយកាលពីពេលមុនថា ការវាយប្រហារដែលនៅតែបន្តរបស់អ៊ីស្រាអែលលើប្រទេសលីបង់ គឺជារឿង «មិនត្រឹមត្រូវទេ»។ លោក Starmer បានប្រាប់ព័ត៌មាន ITV News របស់ចក្រភពអង់គ្លេស នៅពេលត្រូវបានសួរអំពីការទទូចរបស់អ៊ីស្រាអែលថា ប្រទេសលីបង់ពុំមែនជាផ្នែកមួយនៃបទឈប់បាញ់នោះទេ។ទន្ទឹមនឹងនេះ លោក Starmer ក៏បានរិះគន់វោហារសាស្ត្ររបស់លោក Trump ទៅលើអ៊ីរ៉ង់ ដោយនិយាយថាលោក «មិនគួប្រើ» ការគំរាមកំហែងថា «អរិយធម៌ទាំងមូលនឹងបាត់បង់នៅយប់នេះ» នោះទេ។ លោក Starmer បានថ្លែងសុន្ទរកថាក្នុងពេលនៅប្រទេសបារ៉ែន បន្ទាប់ពីបានជួបជាមួយមេដឹកនាំនៃប្រទេសអារ៉ាប៊ីសាអ៊ូឌីត និងអារ៉ាប់រួម រួចមក។ ការធ្វើចរាចរណ៍ឆ្លងកាត់ច្រកសមុទ្រ Hormuz នៅតែជាប់គាំងទោះបីជាមានការប្រកាសអំពីបទឈប់បាញ់ក៏ដោយ។ លោក Starmer បានប្រាប់អ្នកសារព័ត៌មានថា អារម្មណ៍ក្នុងចំណោមរដ្ឋឈូងសមុទ្រ គឺថាបទឈប់បាញ់មានភាព «ផុយស្រួយ ដែលមានការងារជាច្រើនទៀតត្រូវធ្វើ ទាក់ទងនឹងរឿងនេះ»។

អង់គ្លេសចេញការព្រមានដ៏ខ្លាំងក្លាដល់លោក Putin ជុំវិញការរកឃើញនាវាមុជទឹកចារកម្មរុស្ស៊ីនៅអាត្លង់ទិកខាងជើង

រដ្ឋមន្ត្រីក្រសួងការពារជាតិអង់គ្លេសបានចេញការព្រមានយ៉ាងខ្លាំងក្លាដល់លោក Vladimir Putin បន្ទាប់ពីនាវាមុជទឹកវាយប្រហារ និងចារកម្មរបស់រុស្ស៊ី ត្រូវបានប្រទះឃើញកំពុងប្រតិបត្តិការនៅក្នុងមហាសមុទ្រអាត្លង់ទិកខាងជើង ។ លោក John Healey បានប្រាប់សន្និសីទសារព័ត៌មានមួយនៅវិមាននាយករដ្ឋមន្ត្រី Downing Street កាលពីថ្ងៃព្រហស្បតិ៍៩មេសា សប្ដាហ៍នេះថា ក្នុងរយៈពេលប៉ុន្មានសប្តាហ៍កន្លងមកនេះ ខណៈក្រសែភ្នែកជាច្រើនត្រូវបានបង្វែរទៅលើវិបត្តិមជ្ឈិមបូព៌ា ចក្រភពអង់គ្លេសបានឆ្លើយតបទៅនឹងការកើនឡើងនៃសកម្មភាពរបស់រុស្ស៊ី នៅក្បែរខ្សែកាប្លិ៍ និងបំពង់បង្ហូរប្រេងសំខាន់ៗរបស់ចក្រភពអង់គ្លេសនៅមហាសមុទ្រអាត្លង់ទិកភាគខាងជើងរនៃប្រទេសអង់គ្លេស។លោកបានបង្ហាញថា ចក្រភពអង់គ្លេស និងសម្ព័ន្ធមិត្តបានតាមដាននាវាទាំងនោះ ដែលរួមមាននាវាមុជទឹកវាយប្រហារដើរដោយថាមពលនុយក្លេអ៊ែរប្រភេទ Akula របស់រុស្ស៊ី និងនាវាមុជទឹកឯកទេសពីរគ្រឿងមកពីកម្មវិធីស្រាវជ្រាវសមុទ្រជ្រៅរបស់ក្រសួងការពារជាតិរុស្ស៊ី ដែលគេស្គាល់ថា GUGI រយៈពេលមួយខែមុនពេលនាវាទាំងនោះត្រូវបានដកថយវិញ។ដោយថ្លែងចំៗទៅកាន់លោក Putin លោក Healey បាននិយាយថា ពួកលោកបានមើលឃើញសកម្មភាពរបស់អ្នកលើខ្សែកាប្លិ៍ និងបំពង់បង្ហូរប្រេងរបស់ពួកលោក ហើយអ្នកគួរតែដឹងថា ការប៉ុនប៉ងណាមួយបំផ្លាញរបស់ទាំងនោះនឹងមិនត្រូវបានអត់ឱនទេ ហើយនឹងមានផលវិបាកធ្ងន់ធ្ងរ។ការព្រមានរបស់លោក Healey បានកើតឡើងបន្ទាប់ពីសារព័ត៌មាន The Telegraph បានរាយការណ៍ថា ប្រទេសរុស្ស៊ីបានបញ្ជូននាវាចម្បាំងមួយគ្រឿងដើម្បីអមដំណើរនាវាដឹកប្រេង ជាប់ទណ្ឌកម្មឆ្លងកាត់ច្រកសមុទ្រអង់គ្លេស បន្ទាប់ពីការប្រកាសរបស់លោកនាយករដ្ឋមន្ត្រីអង់គ្លេស Keir Starmer ថានាវាដែលត្រូវបានជាប់ក្នុងបញ្ជីទណ្ឌកម្មធ្វើដំណើរក្នុងដែនទឹកអង់គ្លេសនឹងត្រូវរឹបអូស៕

អ្នកស្លាប់ក្នុងការវាយប្រហារពីអ៊ីស្រាអែលលើលីបង់កើនឡើងដល់ជាង៣០០នាក់ខណៈប្រកាសកាន់ទុក្ខទូទាំងប្រទេស

ចំនួនអ្នកស្លាប់ដោយសារការវាយប្រហាររបស់អ៊ីស្រាអែលកាលីថ្ងៃពុធ៨មេសាសប្ដាហ៍នេះ ទូទាំងប្រទេសលីបង់ បានកើនឡើងដល់ ៣០៣នាក់ ដោយមានអ្នករងរបួសចំនួន ១.១៥០នាក់ នេះបើយោងតាមតួលេខបឋមដែលចេញផ្សាយកាលពីថ្ងៃព្រហស្បតិ៍៩មេសាដោយក្រសួងសុខាភិបាលលីបង់។ នាយករដ្ឋមន្ត្រីលីបង់លោក Nawaf Salam បានប្រកាសថា ថ្ងៃព្រហស្បតិ៍ ទី៩ ខែមេសា ឆ្នាំ២០២៦ គឺជាថ្ងៃកាន់មរណទុក្ខទូទាំងប្រទេសដើម្បីគោរពដល់ជនរងគ្រោះនៃការវាយប្រហាររបស់អ៊ីស្រាអែលលើប្រទេសលីបង់។នៅក្នុងសេចក្តីថ្លែងការណ៍មួយ មជ្ឈមណ្ឌលប្រតិបត្តិការសង្គ្រោះបន្ទាន់របស់ក្រសួង បាននិយាយថា ប្រតិបត្តិការស្វែងរក និងជួយសង្គ្រោះនៅតែដំណើរការនៅទីតាំងជាច្រើន ដោយក្រុមអាជ្ញាធរកំពុងប្រឹងប្រែងយកសាកសពចេញពីក្រោមគំនរបាក់បែក និងកំណត់អត្តសញ្ញាណជនរងគ្រោះ រួមទាំងការធ្វើតេស្ត DNA ផងដែរ។ក្រសួងបានបន្ថែមថា ចំនួនអ្នកស្លាប់ដោយសារការវាយប្រហាររបស់អ៊ីស្រាអែលលើប្រទេសលីបង់ចាប់តាំងពីថ្ងៃទី២ ខែមីនា ២០២៦ បានកើនឡើងដល់១.៨៨៨នាក់ និង ៦.០៩២នាក់រងរបួស។ការកើនឡើងចុងក្រោយនេះបានកើតឡើងបន្ទាប់ពីការវាយប្រហារតាមអាកាសរបស់អ៊ីស្រាអែលជាង ១០០លើកនៅទូទាំងប្រទេសលីបង់កាលពីថ្ងៃពុធ ដែលបណ្តាលឱ្យមានអ្នកស្លាប់ និងរបួសទូទាំងប្រទេស និងការបំផ្លិចបំផ្លាញដ៏មហាសាល៕

លោក Trump៖ អ៊ីរ៉ង់កំពុងធ្វើការងារមិនល្អដើម្បីអនុញ្ញាតឱ្យប្រេងឆ្លងកាត់ច្រកសមុទ្រ Hormuz

ប្រធានាធិបតីសហរដ្ឋអាមេរិក លោក Donald Trump កាលពីថ្ងៃព្រហស្បតិ៍ ទី៩ ខែមេសា បានចោទប្រកាន់អ៊ីរ៉ង់ថា បានធ្វើការងារមិនល្អដើម្បីអនុញ្ញាតឱ្យប្រេងបានឆ្លងកាត់ច្រកសមុទ្រ Hormuz និងបានចោទពីការរំលោភលើលក្ខខណ្ឌនៃកិច្ចព្រមព្រៀងបទឈប់បាញ់រយៈពេលពីរសប្តាហ៍របស់ខ្លួន។ នៅក្នុងការបង្ហោះជាច្រើននៅលើបណ្តាញសង្គមដែលបង្កឱ្យមានការព្រួយបារម្ភថ្មីចំពោះបទឈប់បាញ់ដ៏រង្គោះរង្គើ លោកTrump បានព្រមានអ៊ីរ៉ង់ប្រឆាំងនឹងការឲ្យបង់ប្រាក់សម្រាប់នាវាទាំងឡាយដែលឆ្លងកាត់ផ្លូវទឹកដ៏សំខាន់នេះ។លោក Trump បាននិយាយនៅលើវេទិកា Truth Social របស់លោកថា «អ៊ីរ៉ង់កំពុងធ្វើការងារមិនល្អ ដែលមិនគោរពដើម្បីអនុញ្ញាតឱ្យប្រេងបានឆ្លងកាត់ច្រកសមុទ្រ Hormuz»។ «នោះពុំមែនជាកិច្ចព្រមព្រៀងដែលយើងមាននោះទេ»។អ៊ីរ៉ង់ និងសហរដ្ឋអាមេរិក បាននិយាយថា ច្រកសមុទ្រមានប្រវែង១៦៧គីឡូម៉ែត្ររវាងឈូងសមុទ្រ និងមហាសមុទ្រឥណ្ឌា នឹងបើកឡើងវិញបន្ទាប់ពីមានបទឈប់បាញ់រយៈពេលពីរសប្តាហ៍ ដែលត្រូវបានប្រកាសកាលពីថ្ងៃអង្គារ។ ប៉ុន្តែមានតែនាវាចំនួន១០គ្រឿងប៉ុណ្ណោះដែលបានឆ្លងកាត់ចាប់តាំងពីបទឈប់បាញ់សង្គ្រាមនៅមជ្ឈិមបូព៌ាបានចូលជាធរមាន នេះបើយោងតាមទិន្នន័យតាមដានផ្លូវសមុទ្រ។ភាពតានតឹង បានកើនឡើងបន្ថែមទៀតបន្ទាប់ពីអ៊ីរ៉ង់បានស្នើឱ្យនាវាត្រូវបង់ប្រាក់។ លោក Trump បាននិយាយនៅក្នុងសារ Truth Social ថា «មានរបាយការណ៍ថា អ៊ីរ៉ង់កំពុងឲ្យនាវាដឹកប្រេងដែលឆ្លងកាត់ច្រកសមុទ្រ Hormuz ត្រូវបង់ប្រាក់។ ពួកគេមិនគួរធ្វើដូច្នេះទេ ហើយប្រសិនបើពួកគេធ្វើដូច្នេះមែន វាគួរតែត្រូវបញ្ឈប់ឥឡូវនេះ» ។

បណ្ដាញសង្គម

ព័ត៌មានថ្មីៗ

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877