នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់

ព័ត៌មានអន្តរជាតិ

បារាំងបដិសេធ​ការអំពាវនាវរបស់រុស្ស៊ីឲ្យ​ជម្លៀសអ្នកការទូតចេញពីក្រុងគីវ ដោយចាត់​ទុក​ជា «ការគំរាមកំហែង​»

2026/05/26 07:03:20 pm        48
Facebook Telegram Linkin
ប្រទេស​បារាំង នៅថ្ងៃអង្គារ (ទី២៦ ខែឧសភា ឆ្នាំ២០២៦) នេះ បានបដិសេធការអំពាវនាវរបស់រុស្ស៊ីឲ្យ​ជនជាតិបរទេស និងអ្នកការទូតចាកចេញពីរដ្ឋធានីគីវរបស់អ៊ុយក្រែន មុនពេលដែល​អាច​មាន​ការវាយប្រហារថ្មី ដោយពណ៌នាអំពីចំណាត់​ការ​នេះថា ជា «ការគំរាមកំហែង»។អ្នកនាំពាក្យក្រសួងការបរទេស លោក Pascal Confavreux បានប្រាប់ប្រព័ន្ធផ្សព្វផ្សាយ​ Franceinfo ថា «វាមិនអាចទៅរួចនោះ​ទេ» ក្នុងការជម្លៀសបុគ្គលិកការទូតបារាំងចេញពីទីក្រុងគីវ។លោកបាននិយាយថា ក្រសួងបានបញ្ជាក់​ថា ខ្លួនកំពុងយកចិត្តទុកដាក់យ៉ាងខ្លាំង ចំពោះការគំរាមកំហែងនេះ ដោយ​មាន​ «ការប្រុងប្រយ័ត្នកាន់តែខ្លាំងឡើង» និង «ការទាក់ទងជាប្រចាំជាមួយពលរដ្ឋ​របស់យើង» ដើម្បីធានាសុវត្ថិភាព និងព័ត៌មានរបស់ពួកគេ។ លោក Confavreux បានបន្ត​ទៀត​ថា៖ «នេះគឺជាការគំរាមកំហែងថ្មីមួយពីទីក្រុងមូស្គូ។ យើងស៊ាំនឹង​វា​ហើយ ប៉ុន្តែយើងមិនទទួលយកវាទេ»។លោកបានបន្ថែមថា ចំណាត់ការ​នេះ «កាន់តែធ្វើ​ឲ្យមាន​ការភ្ញាក់ផ្អើល ដោយ​សាររុស្ស៊ី ក្នុងនាមជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ (UNSC) និងជាភាគីនៃជម្លោះ ត្រូវតែធានាការការពារជនស៊ីវិលអ៊ុយក្រែន និងស្ថានទូតបរទេស។ លោកបាន​សង្កត់ធ្ងន់ថា៖ «ប្រទេស​នេះ​កំពុងព្យាយាមឲ្យមាន​លើកលែងទោសកំហុសណាមួយដែលអាចកើតឡើង​នាពេលអនាគត ហើយនោះមិនអាចទទួលយកបានឡើយ​»។ ហើយ​លោក​ក៏​បាន​ព្រមានផង​ដែរ​​ថា៖ «ការកំណត់គោលដៅហេដ្ឋារចនាសម្ព័ន្ធស៊ីវិលគឺជាឧក្រិដ្ឋកម្មសង្គ្រាម»។គួរបញ្ជាក់​ថា កាលពីថ្ងៃចន្ទ រុស្ស៊ីបានជំរុញឲ្យ​ប្រជាជននៅទីក្រុងគីវវ រួមទាំងអ្នកការទូត និងបុគ្គលិកនៃអង្គការអន្តរជាតិ ចាកចេញពីទីក្រុងនេះ​ «ឲ្យ​បានឆាប់តាមដែលអាចធ្វើទៅបាន» មុនពេលមាន​នូវ​អ្វីដែលខ្លួនបញ្ជាក់​ថា នឹងជា «ការវាយប្រហារជាប្រព័ន្ធ» លើទី​កន្លែងដែលមានទំនាក់ទំនងជាមួយអគារឧស្សាហកម្មយោធារបស់អ៊ុយក្រែន៕

អ៊ីស្រាអែលបញ្ជាឲ្យ​​​អ្នក​ក្រុង Nabatieh របស់លីបង់ជម្លៀស​ចេញ​ ខណៈការវាយប្រហារ​កាន់តែខ្លាំង​ក្លា

2026/05/26 07:03:04 pm        20
Facebook Telegram Linkin
​អ៊ីស្រាអែលនៅថ្ងៃអង្គារ (ទី២៦ ខែឧសភា ឆ្នាំ២០២៦) នេះ បានចេញការព្រមានជម្លៀស សម្រាប់អ្នកក្រុង Nabatieh នៅ​ភាគខាងត្បូងនៃ​ប្រទេសលីបង់ ដោយជំរុញ​ឲ្យ​ពួកគេចាកចេញ «ភ្លាមៗ» មុនពេលការវាយប្រហារដែលបានគ្រោងទុក ខណៈដែលការភ័យខ្លាចពី​ការកើនឡើងភាព​តានតឹង​បន្ថែមទៀត បានកើនឡើង។នៅប្រហែលថ្ងៃត្រង់ថ្ងៃអង្គារនេះ​ អ្នកនាំពាក្យយោធាអ៊ីស្រាអែល លោក Avichay Adraee បានសរសេរនៅលើបណ្ដាញ​សង្គម X ថា ប្រជាជនទាំងអស់នៃទីក្រុង Nabatieh ត្រូវតែផ្លាស់ទៅភាគខាងជើងនៃទន្លេ Zahrani។លោក Adraee បានសរសេរថា៖ «អ្នកណាដែលមានវត្តមាននៅជិតផ្នែក​ណាមួយរបស់ក្រុម​ហេសបូឡា មិន​ថាទី​តាំង​របស់ពួកគេ និងមធ្យោបាយប្រយុទ្ធរបស់ពួកគេ កំពុង​ធ្វើឲ្យ​ជីវិតរបស់ខ្លួន​ស្ថិត​ក្នុង​គ្រោះថ្នាក់​»។គួរបញ្ជាក់​ថា ចំណាត់​ការ​នេះបានកើតឡើង ១ថ្ងៃបន្ទាប់ពីនាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា អ៊ីស្រាអែលនឹងបង្កើនការវាយប្រហារលើ​ក្រុម​ហេសបូឡា។យោធាអ៊ីស្រាអែលបានឲ្យ​ដឹងថា ខ្លួនបានធ្វើការវាយប្រហារជាង ១០០ដង នាពេល​យប់ នៅតំបន់​ជ្រលងភ្នំ Beqaa Valley និងនៅទូទាំងភាគខាងត្បូងលីបង់ ដោយបាន​កំណត់គោលដៅកន្លែងផ្ទុកអាវុធ មជ្ឈមណ្ឌលបញ្ជា ប៉ុស្តិ៍សង្កេតការណ៍ និងទីតាំងហេដ្ឋារចនាសម្ព័ន្ធផ្សេងទៀតរបស់​ក្រុម​ហេសបូឡា​។យោងតាមទីភ្នាក់ងារសារព័ត៌មានជាតិលីបង់ បាន​ឲ្យដឹង​ថា​ ការវាយប្រហាររបស់អ៊ីស្រាអែល បានកើនឡើងយ៉ាងខ្លាំង ដោយបានសម្លាប់មនុស្សយ៉ាងហោចណាស់ ១២នាក់ នៅជ្រលងភ្នំ Beqaa Valle ភាគខាងកើតលីបង់ និងធ្វើឲ្យ​អ្នកផ្សេងជាច្រើន​នាក់​ទៀតរងរបួស៕

សង្រ្គាមអ៊ីរ៉ងបង្កការគំរាមកំហែងថ្មីដល់ការដំាដុះនៅប្រទេសជួបភាពអត់ឃ្លានស៊ូដង់

2026/05/26 07:02:35 pm        7
Facebook Telegram Linkin
កសិករនៅប្រទេសស៊ូដង់ដែលបានញាំញីរួចទៅហើយដោយសារភាពអត់ឃ្លាននោះ បានមើលឃើញដំណាំរបស់ពួកគេថមថយ ដោយសារតែការកើនឡើងតម្លៃប្រេង និងជីកសិកម្មក្នុងឆ្នាំនេះ ។ការដាំដុះ ត្រូវបានគេមើលឃើញធ្លាក់ចុះយ៉ាងច្រើន ដោយសារផលប៉ះបាល់សង្រ្គាមអ៊ីរ៉ង់ ក្នុងនោះនោះដីកសិកម្មត្រឹម ៥ភាគរយប៉ុណ្ណោះ ត្រូវបានគេមើលឃើញដំាដុះ មកទល់នឹងពេលនេះ ក្នុងឆ្នាំនេះ ។វាបង្កកក្តីបារម្ភថ្មីដល់ផលិតកម្មស្បៀងអាហារនៅក្នុងប្រទេសដែលបានហែកហួររួចទៅហើយដោយសារជម្លោះ និងភាពអត់ឃ្លានធ្ងន់ធ្ងរ ។យោងតាមទិន្នន័យពីអង្គការសហប្រជាជាតិ បានឲ្យដឹងថា ស៊ូដង់ពឹងផ្អែកលើតំបន់ឈូងសមុទ្រសម្រាប់ការនាំចូលជីកសិកម្មជាងពាក់កណ្តាលរបស់ពួកគេ ។ក្រោយរយៈពេល ៣ឆ្នាំនៃសង្រ្គាមស៊ីវល ការចម្រាញ់ប្រេងក្នុងស្រុក ត្រូវបានកាត់ផ្តាច់ ធ្វើឲ្យពួកគេពឹងផ្អែកទាំងស្រុងលើការនាំចូល ។ការស្ទង់មតិជាតិ បង្ហាញថា ក្នុងគម្រោងកសិកម្ម Jamuia ស្ថិតនៅទីក្រុងភាគខាងត្បូង Omdurman ជីកសិកម្មបានកើនឡើង ៦៧ភាគរយ ខ្ពស់ជាងកាលពីរយៈពេល ១ឆ្នាំមុន ខណៈប្រេងម៉ាស៊ូត បានកើនឡើងតម្លៃទ្វេដង ។លោក Bashir Ismail គឺជាកសិករមួយរូបនិយាយថា ក្នុងតម្លៃបែបនេះ ពួកយើងមិនអាចរកប្រាក់ចំណេញបាននោះទេ អ្នកនឹងត្រូវចំណាយប្រាក់ចំណេញទាំងអស់របស់អ្នកលើប្រេងម៉ាស៊ូត ៕

កសិករដំណាំស្វាយឥណ្ឌាជួបការលំបាក ខណៈទិន្នផលធ្លាក់ចុះដោយសារអាកាសធាតុ

2026/05/26 07:00:37 pm        42
Facebook Telegram Linkin
សម្រាប់កសិករឥណ្ឌា Kaka Dhoke ដែលបានដំាស្វាយអស់រយៈពេលជាង ២ទសវត្សរ៍មកហើយនោះ ឆ្នាំនេះ គឺជាលើកដំបូងហើយដែលលោកពិបាករកប្រាក់ចំណេញ ។ លោក Dhoke និយាយថា គ្មានភ្លៀង និងគ្មានជីកសិកម្ម បានធ្វើឲ្យខូចខាតដំណាំរបស់លោកអស់ ។ លោកនិយាយប្រាប់ទីភ្នាក់ងារព័ត៌មានរ៉យទ័រថា ចម្ការរបស់លោកធ្លាប់តែប្រមូលផលបាន ៧-៨ពាន់កេស ជារៀងរាល់ឆ្នាំ ប៉ុន្តែឆ្នាំនេះ ពួកយើងអាចប្រមូលផលបានត្រឹម ៦០០-៧០០កេសប៉ុណ្ណោះ ។ចំណែកឯ អ្នកស្រី Komal Walke ដែលជាអ្នកដំាដំណាំស្វាយដែរនោះ និយាយថា អ្នកស្រីពិបាកឈានដល់តម្រូវការតាមអនឡាញខ្លាំងណាស់ ក្រោយដំណាំរបស់គាត់គ្មានផ្លែទាល់តែសោះ ក្នុងឆ្នាំនេះ ។ អ្នកស្រីបន្តថា បើសិនជាកសិកររូបណាមានស្តុកស្វាយ គាត់នឹងទិញពីពួកគេភ្លាម រួចចែកចាយដល់អតិថិជនរបស់គាត់ ។ អ្នកស្រី Walke និងលោក Dhoke រស់នៅក្នុងទីក្រុងតំបន់ឆ្នេរ Devgad ដែលល្បីខ្លាំងសម្រាប់ផ្លែស្វាយប៉ោម ។ យោងតាមការប៉ាន់ប្រមាណពីទីភ្នាក់ងារស្រាវជ្រាវ CRISIL បានឲ្យដឹងថា ឥណ្ឌាគឺជាប្រទេសផលិតផ្លែស្វាយធំបំផុតរបស់ពិភពលោក ជាមួយទិន្នផលយ៉ាងហោច ២៨លានតោន អំឡុងឆ្នាំ ២០២៤-២៥ ៕

ក្រុមធម្មយាត្រាមូស្លីមធ្វើពិធីបួងសួងនៅលើភ្នំ Arafa អំឡុងពិធីបុណ្យហាជិ

2026/05/26 06:57:13 pm        36
Facebook Telegram Linkin
ក្រុមធម្មយាត្រាមូស្លីម បានចេញដំណើរនៅពេលព្រឹកថ្ងៃអង្គារនេះ ដើម្បីប្រារព្ធពិធីនៅលើភ្នំ Arafa ដែលជាថ្ងៃដ៏សំខាន់បំផុតនៃពិធីធម្មយាត្រាហាជិ ។ ក្រុមអ្នកគោរពបូជា ត្រូវបានគេមើលឃើញដើតាមផ្លូវនៅលើភ្នំ Arafa និងឡើងទៅកាន់ទីសក្ការៈភ្នំ Mercy នៅពេលថ្ងៃរះ ជាទីដែលព្យាការី Mohammad ត្រូវបានគេមានជំនឿថា បានផ្តល់ឱវាទចុងក្រោយរបស់លោកកាលពីរយៈពេល ១៤សតវត្សរ៍មុន ។ ពិធីបុណ្យហាជិ ដែលតម្រូវឲ្យជនមូស្លីមមានលទ្ធភាពធ្វើពិធីម្តង ក្នុងមួយឆាកជីវិតរបស់ពួកគេនោះ ត្រូវបានគេចាត់ទុកថាជា ការជួបជុំគ្នាបែបសាសនាធំជាងគេបំផុតរបស់ពិភពលោក ។ ក្រុមធម្មយាត្រា នឹងបន្តនៅរហូតដល់ថ្ងៃលិចលើភ្នំ Arafat មុនពេលធ្វើដំណើរមកកាន់តំបន់ទីវាល Muzdalifa វិញ ជាទីដែលពួកគេរើសដុំគ្រួសចោលសសរថ្មតំណាងឲ្យពួកបិសាច ។ ការចោលដុំគ្រួសតាមប្រពៃណីនេះ គឺជាការចាប់ផ្តើមថ្ងៃដំបូងនៃពិធី Eid al-Adha ឬពិធីបុណ្យពលី ដែលនឹងត្រូវប្រារព្ធដោយជនមូស្លីមនៅទូទាំងពិភពលោក នាថ្ងៃពុធស្អែកនេះ ៕

ចិន និងប៉ាគីស្ថាន ប្រកាស​ថា នឹងធ្វើ «ការរួមចំណែកវិជ្ជមាន» ដើម្បីសន្តិភាព នៅតំបន់​មជ្ឈិមបូព៌ា

2026/05/26 06:54:57 pm        33
Facebook Telegram Linkin
ប្រទេស​ចិន និងប៉ាគីស្ថាន នៅ​ថ្ងៃអង្គារ (ទី២៦ ខែឧសភា ឆ្នាំ២០២៦) នេះ​ បានប្រកាស​ថា នឹងធ្វើ «ការរួមចំណែកប្រកប​ដោយ​ភាព​វិជ្ជមាន» ដើម្បីឲ្យមាន​សន្តិភាព និងស្ថិរភាព នៅតំបន់​មជ្ឈិមបូព៌ា ខណៈដែលកិច្ចប្រឹងប្រែងបន្តធានាឲ្យបាន​នូវ​ការបញ្ចប់សង្គ្រាមយូរអង្វែង រវាងសហរដ្ឋអាមេរិក និងអ៊ីរ៉ង់។នៅក្នុងសេចក្តីថ្លែងការណ៍រួមមួយ បន្ទាប់ពីមាន​ដំណើរទស្សនកិច្ចរយៈពេល ៤ថ្ងៃរបស់នាយករដ្ឋមន្ត្រីប៉ាគីស្ថាន​ លោក​ Shehbaz Sharif នៅ​ប្រទេសចិន និងកិច្ចប្រជុំជាមួយប្រធានាធិបតី លោក​ Xi Jinping ក៏ដូចជា​ជាមួយ​នាយករដ្ឋមន្ត្រី លោក Li Qiang និងមន្ត្រីដទៃទៀត ទីក្រុងប៉េកាំងបានសរសើរកិច្ចប្រឹងប្រែងរបស់ទីក្រុងអ៊ីស្លាម៉ាបាដ ក្នុងការលើកកម្ពស់ពហុភាគីនិយម ដំណោះស្រាយជម្លោះដោយសន្តិវិធី និងកិច្ចសហប្រតិបត្តិការក្នុងតំបន់ ក្នុងអំឡុងពេលខ្លួន​ធ្វើ​ជា​ប្រធានក្រុមប្រឹក្សាសន្តិសុខអង្គការសហប្រជាជាតិ (UNSC) ក្នុង​ខែកក្កដា ឆ្នាំ២០២៥។សេចក្ដី​ថ្លែងការណ៍នេះ បានបញ្ជាក់​ថា៖ «ភាគីប៉ាគីស្ថានបានសម្តែងការគាំទ្រ ចំពោះសំណើទាំង៤ របស់លោក​ប្រធានាធិបតី Xi Jinping ស្តីពីការការពារ និងការ​លើកកម្ពស់សន្តិភាព និងស្ថិរភាព នៅតំបន់​មជ្ឈិមបូព៌ា​»។ជាមួយ​គ្នានេះ​ ប្រទេសចិនបានកោតសរសើរ ចំពោះកិច្ចប្រឹងប្រែងរបស់ប៉ាគីស្ថាន ក្នុងការសម្របសម្រួលឲ្យ​មាន​បទឈប់បាញ់បណ្តោះអាសន្ន រវាងសហរដ្ឋអាមេរិក និងអ៊ីរ៉ង់ និងការរៀបចំកិច្ចចរចា នៅ​ទីក្រុង​អ៊ីស្លាម៉ាបាដ។ភាគីទាំង២ ក៏បានបញ្ជាក់ជាថ្មីផង​ដែរ អំពីការអនុវត្ត​នូវ​គំនិតផ្តួចផ្តើម ៥ចំណុច ដើម្បី​ស្តារសន្តិភាព និងស្ថិរភាព នៅក្នុងតំបន់ឈូងសមុទ្រ និងមជ្ឈិមបូព៌ា ហើយ​បានបង្ហាញ​ការត្រៀមខ្លួនរបស់ប្រទេស​ទាំង២ ដើម្បីធ្វើការរួមចំណែកជា​វិជ្ជមានរួមគ្នា សម្រាប់ការស្តារសន្តិភាព និងស្ថិរភាពឡើងវិញយ៉ាងឆាប់រហ័ស នៅក្នុងតំបន់៕

ជំរំជនភៀសខ្លួន Kigonze របស់កុងហ្គោអស់សាប៊ូ ស្របពេលការរីករដាលឆ្លងជំងឺអេបូឡា

2026/05/26 06:53:02 pm        129
Facebook Telegram Linkin
ជំរំជនភៀសខ្លួន Kigonze ស្ថិតក្នុងទីក្រុង Bunia នៅតំបន់ភាគខាងកើតកុងហ្គោ បានអស់សាប៊ូ ស្របពេលការរីករដាលឆ្លងជំងឺអេបូឡា ។លោក Richard Mbagaro គឺជាអ្នកគ្រប់គ្រងជំរំ បានជំរុញឲ្យមនុស្សជម្លៀសខ្លួនមានការប្រុងប្រយ័ត្នខ្ពស់ ស្របពេលក្តីបារម្ភកើនឡើងនៃការរីករាលដាលឆ្លងជំងឺដ៏កាចសាហាវមួយនេះ ។លោកនិយាយថា មាននូវមនុស្សជម្លៀសខ្លួនជាង ៥ពាន់នាក់ រស់នៅទីនេះ ប៉ុន្តែពួកគេមិនធ្វើតាមវិធានការសុវត្ថិភាពនោះទេ ។ ពួកគេពុំពាក់ម៉ាស ឬចាត់វិធានការបង្ការណាមួយឡើយ វាពិតជាពិបាកខ្លាំងណាស់ ។ជំរំមានមនុស្សរស់នៅច្រើនលើសចំណុះ អនាម័យអន់ និងខ្វះខាតគ្រឿងផ្គត់ផ្គង់ បានធ្វើឲ្យក្តីបារម្ភកើនឡើងនៅក្នុងចំណោមកម្មករមនុស្សធម៌ថា វីរុសអាចនឹងរីករាលដាលកាន់តែខ្លាំង ។ខណៈពេលនោះដែរ ប្រមុខអង្គការសុខភាពពិភពលោកលោក Tedros Adhanom Ghebreyesus បានលើកឡើងពីការព្រួយបារម្ភអំពីល្បឿននៃការផ្ទុះឡើងនៃជំងឺអេបូឡាបច្ចុប្បន្ននៅអាហ្វ្រិកកណ្តាល ដែលរហូតមកដល់ពេលនេះបានឆក់យកជីវិតមនុស្សយ៉ាងហោចណាស់ ២២០ នាក់។កាលពីថ្ងៃចន្ទម្សិលមិញ លោកនិយាយប្រាប់កិច្ចប្រជុំតាមអ៊ីនធឺណិតរបស់សហភាពអាហ្វ្រិកថា ពួកយើង កំពុងបង្កើនប្រតិបត្តិការបន្ទាន់ ប៉ុន្តែនៅពេលនេះជំងឺរាតត្បាតនេះ កំពុងមានល្បឿនលឿនជាងពួកយើងគិតទៅទៀត ខណៈចំនួនករណីឆ្លងដែលបានសង្ស័យ បានកើនឡើងដល់ជាង ៩០០ នាក់នៅកុងហ្គោ ៕

មេដឹកនាំកំពូលអ៊ីរ៉ង់៖ បណ្ដា​ប្រទេស នៅមជ្ឈិមបូព៌ា នឹងលែងជាខែល សម្រាប់មូលដ្ឋានទ័ពអាមេរិកទៀតហើយ​

2026/05/26 06:50:32 pm        55
Facebook Telegram Linkin
មេដឹកនាំកំពូលអ៊ីរ៉ង់ លោក Mojtaba Khamenei បាននិយាយនៅ​ថ្ងៃអង្គារ (ទី២៦ ខែឧសភា ឆ្នាំ២០២៦) នេះថា បណ្ដា​ប្រទេស នៅតំបន់​មជ្ឈិមបូព៌ា «នឹងលែងធ្វើជាខែល សម្រាប់មូលដ្ឋានទ័ពអាមេរិកទៀតហើយ» ខណៈបញ្ជាក់​ថា ទីក្រុងវ៉ាស៊ីនតោននឹងលែងមាន «ទីជម្រកសុវត្ថិភាព» នៅក្នុងតំបន់ទៀតហើយ។ការកត់សម្គាល់របស់លោក Khamenei បានធ្វើឡើងនៅក្នុងសេចក្តីថ្លែងការណ៍មួយដែលត្រូវបាន​ចេញ ដើម្បីប្រារព្ធ​ពិធី​ដ៏សំខាន់បំផុត គឺ​ព្រឹត្តិការណ៍ធម្មយាត្រាឥស្លាម​ Hajj។ នេះបើយោងតាមទីភ្នាក់ងារសារព័ត៌មាន IRNA ដែលគ្រប់គ្រងដោយរដ្ឋ។លោកបានអំពាវនាវដល់បណ្ដា​ប្រទេសមូស្លីម និងប្រទេសដទៃទៀត នៅក្នុងតំបន់ «ឲ្យធ្វើ​ការ​លើ​ផលប្រយោជន៍រួម» ដើម្បី​ឆ្ពោះ​ទៅ​​បង្កើតសណ្តាប់ធ្នាប់តំបន់ និងសកលលោកថ្មីមួយ។លោកបានបន្ថែមថា៖ «ខ្ញុំសូមអញ្ជើញដោយស្មោះអស់ពីចិត្តដល់ប្រទេស និងរដ្ឋាភិបាលឥស្លាមទាំងអស់ឲ្យបង្កើត​មិត្ត​ភាព​​ និងមាន​កិច្ចសហប្រតិបត្តិការ ដើម្បីផលប្រយោជន៍រួម»។គួរបញ្ជាក់ថា ការអំពាវនាវនេះកើតឡើងចំពេលមានកិច្ចប្រឹងប្រែងសម្របសម្រួលដឹកនាំដោយប៉ាគីស្ថាន ដើម្បីបញ្ចប់សង្គ្រាមអាមេរិក-អ៊ីស្រាអែល លើអ៊ីរ៉ង់ ដែលបានចាប់ផ្តើមនៅថ្ងៃទី២៨ ខែកុម្ភៈ ដោយនាំ​ឲ្យមានការវាយប្រហារសងសឹកពីទីក្រុងតេអេរ៉ង់។ បទឈប់បាញ់បានចូលជាធរមាននៅថ្ងៃទី៨ ខែមេសា ហើយក្រោយមកត្រូវបានបន្តដោយប្រធានាធិបតីអាមេរិក លោក Donald Trump ដោយគ្មានពេល​កំណត់​៕

ទឹកជំនន់វាយប្រហារខេត្តជាច្រើនរបស់ចិន បណ្តាលឲ្យមនុស្ស ៩នាក់ស្លាប់នៅទីក្រុងរណប Chongqing

2026/05/26 06:47:37 pm        42
Facebook Telegram Linkin
ទូរទស្សន៍រដ្ឋ CCTV រាយការណ៍នៅថ្ងៃអង្គារនេះថា ខេត្តជាច្រើនរបស់ចិន បានជួបគ្រោះទឹកជំនន់ធ្ងន់ធ្ងរ ដោយសារភ្លៀងធ្លាក់ខ្លាំង ។រូបភាពវីដេអូឃ្លីបពី CCTV ឃើញផ្ទះជាច្រើនខ្នង បាក់រលំដោយសារបំណាក់ដី ហើយក្រុមជួយសង្រ្គោះ បានចុះប្រតិបត្តិការជម្លៀសខ្លួនមនុស្សតាមទូកពោង ។CCTV រាយការណ៍ថា ចំនួនមនុស្សស្លាប់ដោយសារទឹកជំនន់នៅទីក្រុងរណប Chongqing ស្ថិតនៅតំបន់ភាគនិរតីប្រទេសចិន បានកើនឡើងដល់ ៩នាក់ ក្នុងនោះមនុស្ស ១១នាក់ កំពុងបាត់ខ្លួន ។សង្កាត់ និងភូមិដ្ឋានប្រជាពលរដ្ឋជាច្រើនកន្លែងនៅស្រុក Yongchuan បានរងផលប៉ះពាល់យ៉ាងធ្ងន់ធ្ងរ ក្នុងនោះ មនុស្ស ៣នាក់ ត្រូវបានគេបញ្ជាក់ថាស្លាប់កាលពីថ្ងៃអាទិត្យ ។ទីភ្នាក់ងារព័ត៌មានរដ្ឋចិន Xinhua រាយការណ៍ថា ភ្លៀងធ្លាក់ខ្លាំងនេះដែរ បណ្តាលឲ្យមានទឹកជំនន់ដ៏គំហក់ និងបំណាក់ដី នៅតាមតំបន់ជាច្រើន ហើយមនុស្សជាង ២ពាន់នាក់ ត្រូវបានជម្លៀសខ្លួន ។សូមបញ្ជាក់ថា មនុស្សរាប់សិបនាក់ ត្រូវបានសម្លាប់ កាលពីដើមសប្តាហ៍មុន ពេលដែលភ្លៀងធ្លាក់ខ្លាំងវាយប្រហារតំបន់ជាច្រើននៅភាគកណ្តាល និងភាគនិរតី ប្រទេសចិន ៕

បុរស ២នាក់ ត្រូវបានចាប់ខ្លួននៅវៀតណាម ក្នុងករណីបាញ់សម្លាប់មេក្រុមអន្ធពាលអូស្រ្តាលី

2026/05/26 06:45:32 pm        34
Facebook Telegram Linkin
នគរបាលវៀតណាម និយាយនៅថ្ងៃអង្គារនេះថា ពួកគេបានចាប់ខ្លួនជនជាតិសាម័រ ២នាក់ រងការចោទប្រកាន់ថា បានបាញ់សម្លាប់មេក្រុមអន្ធពាលអូស្រ្តាលីមានមូលដ្ឋាននៅទីក្រុងស៊ីដនី លោក Lorenzo Laemalu វ័យ ២៤ឆ្នាំ នៅក្រៅភោជនីយដ្ឋានមួយកន្លែង ស្ថិតនៅក្នុងទីក្រុងហូឈីមិញ កាលពីសប្តាហ៍មុន ។រូបភាពវីដេអូឃ្លីបកាលពីថ្ងៃទី ២១ ខែឧសភា ឃើញឃាតករពាក់មួកម្នាក់ បាញ់ប្រហារជាច្រើនគ្រាប់នៅក្រៅភោជនីយដ្ឋានអាហារសមុទ្រមួយកន្លែងនៅភាគកណ្តាលទីក្រុងហូឈីមិញ ។លោក Laemalu ត្រូវបានគេបាញ់ប្រហារជាច្រើនគ្រាប់ជាមួយសហការីម្នាក់ ដែលក្រុមអាជ្ញាធរវៀតណាមនិយាយថា បានរងរបួសនៅក្នុងការបាញ់ប្រហារនោះ ។សារព័ត៌មានរដ្ឋវៀតណាម រាយការណ៍ថា អាជ្ញាធរវៀតណាម បានចោទប្រកាន់លោក Vaa Vaa អាយុ ២៧ឆ្នាំថា ជាអ្នកបាញ់ប្រហារ ហើយលោក Tafia Steve អាយុ ២៣ឆ្នាំ គឺជាអ្នកសមគំនិត ។ ជនសង្ស័យទាំង ២ ត្រូវបានចាប់ខ្លួននៅតំបន់ព្រំដែនរវាងវៀតណាម និងកម្ពុជា រយៈពេលតិចជាង ៧២ម៉ោង ក្រោយការបាញ់ប្រហារ ។យោងតាមសារព័ត៌មានអូស្រ្តាលី បានឲ្យដឹងថា លោក Laemalu ត្រូវបានគេមានជំនឿថា គឺជាឥស្សរជនជាន់ខ្ពស់មួយរូបនៅក្រុមបណ្តាញឧក្រិដ្ឋកម្មអូស្ត្រាលី ដែលបានចូលរួមជម្លោះហិង្សាជាមួយគ្រួសារគូប្រជែងរបស់ខ្លួននៅទីក្រុងស៊ីដនី ៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំ​ចេញ​ដោយសុវត្ថិភាព
05/30/2026 05:05 PM
Facebook Telegram Linkin
លោក Hegseth៖ យុគ​សម័យឧបត្ថម្ភធនការពារជាតិ​ពីអាមេរិក សម្រាប់ «ប្រទេសអ្នកមាន» ចប់ហើយ
05/30/2026 05:05 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយ​ថា លោក Trump «ក្បត់ការទូត» ដោយបន្តបិទខ្ទប់​ដោយទ័ព​ជើង​ទឹក​​អាមេរិក
05/30/2026 05:05 PM
Facebook Telegram Linkin
វេជ្ជបណ្ឌិត៖ សុខភាព​លោក Trump គឺ​ល្អប្រសើរណាស់​ ប៉ុន្តែ​គួរតែសម្រកទម្ងន់
05/30/2026 05:05 PM
Facebook Telegram Linkin
អ្នកនៅ​រស់​ពីការ​ជាប់​ក្នុង​រូងភ្នំ នៅ​ឡាវ បានបរិភោគ​ថាសឈើសម្រាប់រែង​​មាស ដើម្បីបន្ត​ជីវិត
05/30/2026 05:05 PM
Facebook Telegram Linkin
មនុស្ស​ ១៨នាក់ស្លាប់ និង ៣០នាក់រងរបួស ដោយសារ​រថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន
05/30/2026 05:05 PM
Facebook Telegram Linkin
សេតវិមាន៖ លោក Trump «នឹងធ្វើតែ​កិច្ចព្រមព្រៀងដែលល្អសម្រាប់អាមេរិកប៉ុណ្ណោះ​» ជាមួយអ៊ីរ៉ង់
05/30/2026 05:05 PM
Facebook Telegram Linkin
នាយករដ្ឋមន្ត្រី៖ កាណាដា និងចិន កំពុង​សាង​​ «ភាពជាដៃគូប្រកប​ដោយ​ស្ថិរភាព និងការ​ស្ថាបនាបន្ថែម​ទៀត​»
05/30/2026 05:05 PM
Facebook Telegram Linkin
រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប
05/30/2026 05:05 PM
Facebook Telegram Linkin
របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់​ៗ
05/30/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.