BTV NEWS

អ៊ីស្រាអែលបញ្ជាក់ថា ខ្លួននឹងឆ្លើយតបចំពោះការរំលោភបទឈប់បាញ់របស់ក្រុមហាម៉ាស

លោក Zelenskyy ស្វែងរកការជួបជាមួយលោក Trump ដើម្បីពិភាក្សា និងដោះស្រាយបញ្ហាដែនដី

ប្រមុខយោធាលីប៊ី និងមនុស្ស ៧នាក់ទៀត ស្លាប់ក្នុងហេតុការណ៍ធ្លាក់យន្តហោះ ក្រោយហោះឡើងចេញពីទួរគី

នាយករដ្ឋមន្ត្រីកូសូវ៉ូ៖ កូសូវ៉ូ និងស៊ែរប៊ី ត្រូវតែធ្វើប្រក្រតីភាពទំនាក់ទំនង

ព័ត៌មានអន្តរជាតិ

ជប៉ុន បញ្ជាក់ជាថ្មីនូវការសន្យាមិនមានអាវុធនុយក្លេអ៊ែរ បន្ទាប់ពីមន្ត្រីម្នាក់បង្ហើបពីគំនិតលើអាវុធបែបនេះ

ទីក្រុងតូក្យូ នៅថ្ងៃសុក្រ (១៩ ធ្នូ) នេះ បានបញ្ជាក់ជាថ្មីនូវការសន្យារាប់ទសវត្សរ៍របស់ខ្លួនថា ប្រទេសជប៉ុន នឹងមិនមានអាវុធនុយក្លេអ៊ែរជាដាច់ខាត បន្ទាប់ពីប្រព័ន្ធផ្សព្វផ្សាយក្នុងស្រុកបានរាយការណ៍ថា មន្ត្រីសន្តិសុខជាន់ខ្ពស់មួយរូបបានបង្ហើបឡើងថា ប្រទេសនេះគួរតែមានអាវុធទាំងនោះ ដើម្បីទប់ស្កាត់ជនឈ្លានពានដែលអាចកើតមាន។ទូរទស្សន៍រដ្ឋ NHK និងស្ថាប័នផ្សេងទៀតបានរាយការណ៍ ដោយពណ៌នាមន្ត្រីរូបនេះថា មកពីការិយាល័យរបស់នាយករដ្ឋមន្ត្រី លោកស្រី Sanae Takaichi ហើយមន្ត្រីដែលមិនបញ្ចេញឈ្មោះរូបនេះ បានលើកឡើងថា ជប៉ុនត្រូវការអាវុធនុយក្លេអ៊ែរ ដោយសារបរិយាកាសសន្តិសុខកាន់តែអាក្រក់ទៅៗ ប៉ុន្តែក៏បានទទួលស្គាល់ថា វិធានការបែបនេះនឹងមានការលំបាកខាងនយោបាយ។នៅក្នុងសន្និសីទសារព័ត៌មានជាប្រចាំមួយនៅទីក្រុងតូក្យូ លោក Minoru Kihara រដ្ឋមន្រ្តីទទួលបន្ទុកគណៈរដ្ឋមន្ត្រីជប៉ុន បាននិយាយថា គោលនយោបាយនុយក្លេអ៊ែររបស់ជប៉ុន មិនមានការផ្លាស់ប្តូរទេ ប៉ុន្តែបានបដិសេធមិនធ្វើអត្ថាធិប្បាយលើការលើកឡើងនោះ ឬក៏ថា តើបុគ្គលនោះនឹងនៅតែស្ថិតក្នុងរដ្ឋាភិបាល ឬយ៉ាងណាឡើយ។ គួរឱ្យដឹងថា ជប៉ុនមានគោលការណ៍មិននុយក្លេអ៊ែរចំនួន៣ គឺមិនកាន់កាប់ មិនផលិត និងមិនអនុញ្ញាតឱ្យមានអាវុធនុយក្លេអ៊ែរនៅក្នុងប្រទេសនេះទេ៕

មនុស្ស ៧នាក់បានស្លាប់ នៅក្នុងគ្រោះថ្នាក់ធ្លាក់យន្តហោះខ្នាតតូចដ៏អាក្រក់មួយ នៅសហរដ្ឋអាមេរិក

សមាគមជាតិសម្រាប់ការប្រណាំងរថយន្ត NASCAR របស់សហរដ្ឋអាមេរិក បាននិយាយថា មនុស្ស ៧នាក់ បានស្លាប់ កាលពីថ្ងៃព្រហស្បតិ៍ (១៨ ធ្នូ) នៅក្នុងគ្រោះថ្នាក់ដ៏អាក្រក់មួយនៃការធ្លាក់យន្តហោះឯកជនខ្នាតតូចមួយគ្រឿងប្រភេទ Cessna 550 នៅអាកាសយានដ្ឋានតំបន់ Statesville របស់ទីក្រុង Statesville រដ្ឋ North Carolina ដោយអ្នកស្លាប់រួមទាំងអតីតអ្នកបើករថយន្តប្រណាំង NASCAR ដ៏មានកេរ្តិ៍ឈ្មោះ គឺលោក Greg Biffle ផងដែរ។ កម្លាំងល្បាតផ្លូវហាយវេរដ្ឋ North Carolina បាននិយាយថា ក្រុមមន្រ្តីជឿថា លោក Biffle និងសមាជិកក្រុមគ្រួសារជិតស្និទ្ធរបស់លោកស្ថិតក្នុងចំណោមអ្នកស្លាប់ ប៉ុន្តែដោយសារតែអគ្គិភ័យធ្ងន់ធ្ងរក្រោយយន្តហោះធ្លាក់ ការបញ្ជាក់ជាផ្លូវការមិនទាន់ធ្វើបានឡើយទេ។ ក្រុមប្រឹក្សាសុវត្ថិភាពដឹកជញ្ជូនជាតិ NTSB កំពុងស៊ើបអង្កេតលើករណីនេះ។យោងតាមគេហទំព័រតាមដានយន្តហោះ FlightAware បានបង្ហាញថា យន្តហោះនេះមានគោលដៅឆ្ពោះទៅកាន់រដ្ឋ Florida ប៉ុន្តែភ្លាមៗបន្ទាប់ពីហោះឡើង យន្តហោះក៏ព្យាយាមត្រឡប់ទៅអាកាសយានដ្ឋាន North Carolina វិញ ក្នុងអាកាសធាតុអាក្រក់ នៅម៉ោងក្នុងស្រុកប្រហែល ១០:១៥នាទីព្រឹក។ក្រុមមន្ត្រីរបស់ទីក្រុង បាននិយាយនៅក្នុងសន្និសីទសារព័ត៌មានមួយថា អាកាសយានដ្ឋាន Statesville ត្រូវបានបិទដំណើរបណ្ដោះអាសន្ន បន្ទាប់ពីឧប្បត្តិហេតុនេះ ហើយកម្ទេចកម្ទីត្រូវតែយកចេញពីផ្លូវរត់ជាមុនសិន ទើបអាកាសយានដ្ឋានអាចបើកឡើងវិញបាន៕

កម្មករអាហ្សង់ទីនរាប់ពាន់នាក់ ប្រមូលផ្តុំគ្នាប្រឆាំងកំណែទម្រង់ការងាររបស់លោកប្រធានាធិបតី Milei

កម្មករនៅប្រទេសអាហ្សង់ទីន រាប់ពាន់នាក់បានចេញធ្វើបាតុកម្មកាលពីថ្ងៃព្រហស្បតិ៍ ទី១៨ ខែធ្នូ ទៅកាន់ទីលាន Plaza de Mayo ទីក្រុង Buenos Aires ដើម្បីបង្ហាញពីកម្លាំងប្រឆាំងកំណែទម្រង់ការងារស្នើឡើងដោយរដ្ឋាភិបាលរបស់លោកប្រធានាធិបតី Javier Milei ដែលសហជីពនិយាយថានឹងធ្វើឱ្យប៉ះពាល់ដល់សន្តិសុខការងារ និងសិទ្ធិកម្មករ។ការតវ៉ា ដែលដឹកនាំដោយសហព័ន្ធការងារធំបំផុតរបស់ប្រទេសគឺសហព័ន្ធការងារទូទៅ (CGT) បានធ្វើឡើងក្រោមពាក្យស្លោក «ការពារការងារ និងសេចក្តីថ្លៃថ្នូរ» ខណៈភាពតានតឹងបានកើនឡើងនៅមុនកិច្ចប្រជុំនីតិបញ្ញត្តិនៅចុងឆ្នាំ។ មេដឹកនាំសហជីព អះអាងថាសេចក្តីស្នើច្បាប់នេះនឹងធ្វើឱ្យការបណ្តេញចេញមានភាពកាន់តែងាយស្រួល និងមានតម្លៃឈ្នួលកាន់តែទាបដោយមិនបង្កើតការងារជាផ្លូវការ ដោយចាត់ទុកវាថា «ជាការដើរថយក្រោយ»។រដ្ឋាភិបាលការពារកំណែទម្រង់នេះថាមានសារៈសំខាន់ក្នុងការជំរុញការងារ និងទាក់ទាញការវិនិយោគ ប៉ុន្តែភាពចម្រូងចម្រាស់បច្ចុប្បន្ននេះកំពុងផ្លាស់ប្តូរទៅកាន់សភា ជាកន្លែងដែលសមាជិកសភាក្រុមប្រឆាំងបានគំរាមពីបញ្ហាប្រឈមផ្លូវច្បាប់ប្រសិនបើក្រុមចម្រុះកាន់អំណាចជំរុញទៅមុខ។

អាហ្វ្រិកខាងត្បូងការពារប្រតិបត្តិការអន្តោប្រវេសន៍ និងច្រានចោលការចោទប្រកាន់របស់អាមេរិក

ប្រទេសអាហ្វ្រិកខាងត្បូងកាលពីថ្ងៃព្រហស្បតិ៍បានការពារប្រតិបត្តិការអន្តោប្រវេសន៍ដែលនាំទៅរកការនិរទេសពលរដ្ឋកេនយ៉ាចំនួន៧នាក់ ដោយច្រានចោលការចោទប្រកាន់របស់សហរដ្ឋអាមេរិកអំពីអាកប្បកិរិយាមិនសមរម្យចំពោះមន្ត្រីអាមេរិក។នៅក្នុងសេចក្តីថ្លែងការណ៍មួយដែលចេញដោយក្រសួងទំនាក់ទំនងអន្តរជាតិនិងសហប្រតិបត្តិការ (DIRCO) បានឲ្យដឹងថា រដ្ឋាភិបាលអាហ្វ្រិកខាងត្បូងបាននិយាយថា ការនិរទេសជនជាតិកេនយ៉ាចំនួន៧នាក់ដោយក្រសួងមហាផ្ទៃ (DHA) ត្រូវបានអនុវត្តស្របតាមច្បាប់អន្តោប្រវេសន៍របស់ប្រទេស។បុគ្គលទាំងនោះ ត្រូវបានគេរកឃើញថាកំពុងធ្វើការងារដោយគ្មានលិខិតអនុញ្ញាតការងារដែលតម្រូវ ឲ្យមាន ជាការរំលោភលើបទប្បញ្ញត្តិអន្តោប្រវេសន៍ ហើយប្រទេសអាហ្វ្រិកខាងត្បូងនឹងមិនចរចាអធិបតេយ្យភាពរបស់ខ្លួន និងការអនុវត្តនីតិរដ្ឋឡើយ។ក្នុងអំឡុងពេលប្រតិបត្តិការ មន្ត្រីក្រសួងមហាផ្ទៃ (DHA) សហការជាមួយនាយកដ្ឋាននគរបាល បានចាប់ខ្លួន និងក្រោយមកបាននិរទេសជនជាតិកេនយ៉ា ដែលតាមចោទប្រកាន់ថាកំពុងធ្វើការនៅកន្លែងដំណើរការពាក្យស្នើសុំសម្រាប់អ្វីដែលគេហៅថា «ជនភៀសខ្លួន» ដែលស្វែងរកការតាំងទីលំនៅថ្មីនៅសហរដ្ឋអាមេរិក។ ប្រព័ន្ធផ្សព្វផ្សាយអាមេរិកជាច្រើនបានរាយការណ៍ថា បុគ្គលិកអាមេរិកពីរនាក់ត្រូវបាន «ឃុំខ្លួនមួយរយៈខ្លី ហើយក្រោយមកត្រូវបានដោះលែងវិញ» ក្នុងអំឡុងពេលប្រតិបត្តិការ។

មីស៊ីលមានសមត្ថភាពបំពាក់នុយក្លេអ៊ែរថ្មីរបស់រុស្ស៊ី ត្រូវបានដាក់ពង្រាយនៅបេឡារុស និងត្រៀមប្រើប្រាស់

ប្រធានាធិបតីបេឡារុស លោក Alexander Lukashenko បាននិយាយថា មីស៊ីលបាលីស្ទិករយៈចម្ងាយមធ្យមល្បឿនលឿនជាងសំឡេងចុងក្រោយរបស់រុស្ស៊ី ត្រូវបានដាក់ពង្រាយនៅក្នុងប្រទេសរបស់លោក និងត្រៀមប្រើប្រាស់រួចជាស្រេច។ លោក Lukashenko បាននិយាយកាលពីថ្ងៃព្រហស្បតិ៍ថា មីស៊ីល Oreshnik បានទៅដល់ប្រទេសបេឡារុសកាលពីថ្ងៃមុន។ លោកបានបង្ហាញកាលពីខែកញ្ញាថា រុស្ស៊ីបានចាប់ផ្តើមដឹកជញ្ជូនប្រព័ន្ធមីស៊ីលទៅកាន់ប្រទេសរបស់លោក។ មីស៊ីល Oreshnik ត្រូវបានគេនិយាយថា មានសមត្ថភាពផ្ទុកក្បាលគ្រាប់នុយក្លេអ៊ែរ។រុស្ស៊ី និយាយថា មីស៊ីលនេះអាចរត់ក្នុងល្បឿនរហូតដល់ ១០ ម៉ាក និងរយៈចម្ងាយអតិបរមា៥.៥០០គីឡូម៉ែត្រ។រុស្ស៊ី បានប្រើប្រាស់មីស៊ីលនេះជាលើកដំបូងកាលពីឆ្នាំមុន ដើម្បីវាយប្រហារទីក្រុង Dnipro នៅភាគខាងកើតប្រទេសអ៊ុយក្រែន។ អ្នកសង្កេតការណ៍និយាយថា លោក Lukashenko ទំនងជាមានគោលបំណងឲ្យបណ្តាប្រទេសអឺរ៉ុបរក្សាតុល្យភាពជុំវិញបញ្ហាអ៊ុយក្រែន ដោយប្រកាសពីការដាក់ពង្រាយមីស៊ីលដែលអាចបាញ់ទៅដល់ប្រទេសទាំងនោះ។

ទំនាក់ទំនងរុស្ស៊ី-អង់គ្លេសចាប់ផ្តើមតានតឹង បន្ទាប់ពីសុន្ទរកថារបស់លោក PUTIN នៅក្រុងមុយនិចក្នុងឆ្នាំ ២០០៧

លោក Sergey Naryshkin នាយកសេវាស៊ើបការណ៍សម្ងាត់បរទេសរបស់រុស្ស៊ី (SVR) បាននិយាយនៅក្នុងបទសម្ភាសន៍ជាមួយសារព័ត៌មាន TASS ថា ទំនាក់ទំនងរវាងទីក្រុងមូស្គូ និងទីក្រុងឡុងដ៍ បានចាប់ ផ្តើមមានភាពតានតឹង បន្ទាប់ពីសុន្ទរកថារបស់ប្រធានាធិបតីរុស្ស៊ី វ្ល៉ាឌីមៀ ពូទីន នៅឯសន្និសីទសន្តិសុខ ទីក្រុងមុយនិចនៃប្រទេសអាល្លឺម៉ង ក្នុងខែកុម្ភៈ ឆ្នាំ ២០០៧។ នៅពេលសួរថាតើលោកអាចកំណត់ពេលវេលាជាក់លាក់ណាមួយ ដែលជាការបែកបាក់រវាងរុស្ស៊ី និងចក្រភពអង់គ្លេសបានកើតឡើងដែរឬទេ លោក Naryshkin បានឆ្លើយថា៖ «បាទ គឺសុន្ទរកថានៅទីក្រុងមុយនិច ក្នុង ខែកុម្ភៈ ឆ្នាំ ២០០៧»។លោកបាននិយាយថា៖«ក្រោយមក នៅថ្ងៃទី ០៨ ខែសីហា ឆ្នាំ ២០០៨ រដ្ឋប្រហារមួយបានកើតឡើងនៅអ៊ុយក្រែន បន្ទាប់មកតំបន់គ្រីម៉េ បានវិលត្រឡប់មកប្រទេសរុស្ស៊ីវិញ ដែលជាព្រឹត្តិការណ៍មួយបានកើតឡើង បន្ទាប់ពីថ្ងៃទី ០២ ខែមិថុនា ឆ្នាំ ២០១៤ ដោយការវាយប្រហារដោយគ្រាប់ផ្លោង និងកាំភ្លើងធំប្រឆាំងនឹងទីក្រុង Donetsk, Lugansk និងកន្លែងតាំងទីលំនៅផ្សេងទៀត។ ការចាប់ផ្តើមប្រតិបត្តិការយោធាពិសេស ក៏អាចត្រូវបានចាត់ទុកថា ជាចំណុចរបត់មួយផងដែរ»។ លោក Naryshkin បានសន្និដ្ឋានថា៖«បញ្ហាទាំងអស់នេះ គឺជាដំណើរការបន្តិចម្តងៗ»៕

សេចក្តីថ្លែងការណ៍ជំនួបកំពូល EU៖ ហុងគ្រី ឆែក និងស្លូវ៉ាគី បដិសេធមិនផ្តល់ហិរញ្ញប្បទានដល់អ៊ុយ ក្រែន

សេចក្តីថ្លែងការណ៍រួមរបស់ក្រុមប្រឹក្សាអឺរ៉ុបបានឲ្យដឹងថា ប្រទេសហុងគ្រី សាធារណរដ្ឋឆែក និងស្លូវ៉ាគី បានបដិសេធមិនចូលរួមក្នុងការផ្តល់ហិរញ្ញប្បទានដល់ប្រាក់កម្ចីគ្មានការប្រាក់ចំនួន ៩០ ពាន់លានអឺរ៉ូ ដល់អ៊ុយក្រែនសម្រាប់ឆ្នាំ ២០២៦-២០២៧។ សេចក្តីថ្លែងការណ៍នេះ បញ្ជាក់ថា៖«ក្រុមប្រឹក្សាអឺរ៉ុបយល់ព្រមផ្តល់ប្រាក់កម្ចីដល់អ៊ុយក្រែនចំនួន ៩០ ពាន់លានអឺរ៉ូ សម្រាប់ឆ្នាំ ២០២៦-២០២៧ ដោយផ្អែកលើការខ្ចីប្រាក់របស់សហភាពអឺរ៉ុបលើទីផ្សារមូលធនដែលគាំទ្រដោយថវិការបស់សហភាពអឺរ៉ុប»។«ការរកៀរគរធនធានណាមួយនៃថវិការបស់សហភាពអឺរ៉ុបជាការធានាសម្រាប់ប្រាក់កម្ចីនេះ នឹងមិនមានផលប៉ះពាល់ដល់កាតព្វកិច្ចហិរញ្ញវត្ថុរបស់សាធារណរដ្ឋឆែក ហុងគ្រី និងស្លូវ៉ាគីទេ»។ប្រទេសហុងគ្រី និងស្លូវ៉ាគីថែមទាំងបានបដិសេធមិនចុះហត្ថលេខាលើសេចក្តីថ្លែងការណ៍រួម។ សេចក្តីថ្លែងការណ៍បានបន្តថា៖«អត្ថបទដែលមានចែងក្នុងឯកសារនេះ ត្រូវបានគាំទ្រយ៉ាងរឹងមាំដោយប្រមុខរដ្ឋ ឬរដ្ឋាភិបាលចំនួន ២៥ រូប»៕

បេសកកម្មUN៖ រុស្ស៊ីព្រួយបារម្ភអំពីស្ថានភាពមនុស្សធម៌កាន់តែអាក្រក់ឡើងៗ នៅក្នុងប្រទេសស៊ីរី

លោក Dmitry Polyansky អនុប្រធានអចិន្ត្រៃយ៍ទីមួយរបស់រុស្ស៊ីប្រចាំអង្គការសហប្រជាជាតិ បានថ្លែង ថា ប្រទេសរុស្ស៊ីមានការព្រួយបារម្ភចំពោះស្ថានភាពមនុស្សធម៌នៅក្នុងប្រទេសស៊ីរី ដែលនៅតែស្មុកស្មាញ និងបង្ហាញពីនិន្នាការអវិជ្ជមាន។អ្នកការទូតរុស្ស៊ីរូបនេះ បានប្រាប់កិច្ចប្រជុំក្រុមប្រឹក្សាសន្តិសុខUNស្តីពីប្រទេសស៊ីរីថា៖«បន្ថែមពីលើហានិភ័យនយោបាយខាងក្រៅ និងក្នុងស្រុក ថ្នាក់ដឹកនាំថ្មីរបស់ប្រទេសស៊ីរី កំពុងជួបប្រទះបញ្ហាប្រឈម ផ្នែកសេដ្ឋកិច្ច និងមនុស្សធម៌យ៉ាងបន្ទាន់។ យើងមានការព្រួយបារម្ភចំពោះការពិតដែលថា ទោះបីជាមានការផ្លាស់ប្តូរនយោបាយនៅក្នុងប្រទេស និងកិច្ចខិតខំប្រឹងប្រែងរបស់ភ្នាក់ងារអង្គការសហប្រជាជាតិក៏ដោយ ស្ថានភាពមនុស្សធម៌មិនត្រឹមតែនៅតែធ្ងន់ធ្ងរប៉ុណ្ណោះទេ ថែមទាំងបង្ហាញសញ្ញានៃការធ្លាក់ចុះ ជាប្រព័ន្ធទៀតផង»។«វិបត្តិសេដ្ឋកិច្ចកាន់តែអាក្រក់ឡើៗ ហើយឥឡូវនេះមានលក្ខណៈអូសបន្លាយ ដោយប្រាក់ចំណូលពិតប្រាកដធ្លាក់ចុះ និងអសន្តិសុខស្បៀង បានប្រែក្លាយទៅជាកត្តាអស្ថិរភាពជាប់លាប់។ ទាំងអស់នេះ ត្រូវបានធ្វើឲ្យកាន់តែធ្ងន់ធ្ងរឡើងដោយឧប្បត្តិហេតុប្រដាប់អាវុធញឹកញាប់ និងភាពតានតឹងដែលកំពុងបន្តកើតមាន នៅក្នុងខេត្តមួយចំនួន ដែលមានផលប៉ះពាល់យ៉ាងខ្លាំង និងកំណត់លទ្ធភាពទទួលបានទំនិញ និងសេវាកម្មជាមូលដ្ឋានរបស់ប្រជាជនស៊ីរី»។លោក Polyansky បានលើកឡើងថា កាន់តែគួរឲ្យកត់សម្គាល់ទៀតនោះ វិបត្តិនៅក្នុងប្រទេសស៊ីរី «បង្ហាញយ៉ាងច្បាស់ពីរបៀបដែលទណ្ឌកម្មឯកតោភាគី ការរឹតត្បិតពាណិជ្ជកម្ម និងវិធានការបង្ខិតបង្ខំផ្សេងទៀត ធ្វើឲ្យប៉ះពាល់ដល់ភាពធន់ផ្នែកសេដ្ឋកិច្ច និងដាក់បន្ទុករយៈពេលវែងយ៉ាងធ្ងន់ធ្ងរទៅលើអម្រែករបស់ក្រុមប្រជាជនដែលងាយរងគ្រោះបំផុត»៕

កាសែតគាំទ្រក្រុងព្យុងយ៉ាងកត់សម្គាល់ពីការលុបចោលបញ្ហាកូរ៉េខាងជើងពីរបាយការណ៍យុទ្ធសាស្ត្រសន្តិសុខអាមេរិក

សារព័ត៌មានគាំទ្រទីក្រុងព្យុងយ៉ាងមួយកាលពីថ្ងៃព្រហស្បតិ៍ បានកត់សម្គាល់ពីការលុបចោលបញ្ហារបស់ កូរ៉េខាងជើងចេញពីផែនទីបង្ហាញផ្លូវយុទ្ធសាស្ត្រសន្តិសុខថ្មីៗ ដែលចេញផ្សាយដោយរដ្ឋបាលលោក ដូណាល់ ត្រាំ ដោយហៅវាថា ជាទិដ្ឋភាព«ដ៏សំខាន់បំផុត»។កាសែត Choson Sinbo ដែលមានមូលដ្ឋាននៅប្រទេសជប៉ុនបាននិយាយនៅក្នុងអត្ថបទវិចារណកថាមួយ នៅក្នុងការបោះពុម្ពផ្សាយកាលពីថ្ងៃព្រហស្បតិ៍របស់ខ្លួនថា៖«អ្វីដែលគួរឲ្យកត់សម្គាល់បំផុតនោះ គឺការពិតដែលថា វាមិនបានលើកឡើងពី «កូរ៉េខាងជើង» ដោយបានវាយតម្លៃយុទ្ធសាស្ត្រសន្តិសុខជាតិ (NSS) ថ្មីៗ ដែលបានចេញផ្សាយនៅដើមខែធ្នូនេះ។យុទ្ធសាស្ត្រសន្តិសុខជាតិ (NSS) ឆ្នាំនេះ ដែលបម្រើជាផែនទីបង្ហាញផ្លូវយុទ្ធសាស្ត្រថ្មីសម្រាប់សហរដ្ឋអាមេរិក មិនបាននិយាយអំពីកូរ៉េខាងជើង ឬបញ្ហានុយក្លេអ៊ែររបស់ខ្លួនទេ ដែលជាការចាកចេញដ៏សំខាន់ពីការបោះពុម្ពផ្សាយមុនៗ ដែលបង្កើនសំណួរនៅក្នុងទីក្រុងសេអ៊ូលអំពីថាតើបញ្ហានេះ អាចត្រូវបានយកចិត្តទុកដាក់ដែរ ឬអត់ នៅក្រោមរដ្ឋបាលរបស់លោក ត្រាំ។ កាសែតនេះ បានបញ្ជាក់ថា ដោយសារតែការលើកឡើងពីកូរ៉េខាងជើង វានឹងមានន័យថា សហរដ្ឋ អាមេរិកកំពុងទទួលស្គាល់ការបរាជ័យទាំងស្រុងនៅក្នុងគោលនយោបាយរបស់ខ្លួន ក្នុងការរំសាយអាវុធនុយក្លេអ៊ែរ នៅឧបទ្វីបកូរ៉េ» សារព័ត៌មាននេះ ដែលដំណើរការដោយអង្គការកូរ៉េមួយ ដែលមានមូលដ្ឋាននៅប្រទេសជប៉ុន ដែលមានចិត្តអាណិតអាសូរចំពោះកូរ៉េខាងជើង ត្រូវបានគេមើលឃើញយ៉ាងទូលំទូលាយថា ឆ្លុះបញ្ចាំងពីជំហរផ្លូវការរបស់របបនេះ៕

លោក MADURO ប្តេជ្ញាការពារអធិបតេយ្យភាពរបស់វ៉េណេស៊ុយអេឡា ទោះបីស្ថិតក្នុងកាលៈទេសៈណាក៏ដោយ

លោកប្រធានាធិបតី នីកូឡាស ម៉ាឌូរ៉ូ ( Nicolas Maduro) បានថ្លែងនៅលើកញ្ចក់ទូរទស្សន៍ Venezolana de Television ថា ប្រទេសវ៉េណេស៊ុយអេឡាត្រៀមខ្លួនរួចជាស្រេច ដើម្បីការពារអធិបតេយ្យភាព និងការពារសិទ្ធិរបស់ខ្លួនចំពោះទឹកដីរបស់ខ្លួន ទោះបីស្ថិតក្នុងកាលៈទេសៈណាក៏ដោយ។លោកប្រធានាធិបតីបាននិយាយថា៖«សាធារណរដ្ឋសេរីនៃប្រទេសវ៉េណេស៊ុយអេឡា អាចការពារ និងរក្សាអធិបតេយ្យភាពរបស់ខ្លួន ក្នុងកាលៈទេសៈណាក៏ដោយ”។ លោកបានសង្កត់ធ្ងន់ថា៖«ប្រជាជនរបស់យើង ដោយរួបរួមគ្នាយ៉ាងល្អឥតខ្ចោះជាមួយកងកម្លាំងយោធា និងនគរបាល នឹងធ្វើអ្វីគ្រប់យ៉ាង ដើម្បីការពារសិទ្ធិប្រវត្តិសាស្ត្ររបស់យើងចំពោះដីធ្លី ប្រេង រ៉ែ និងទឹកដីរបស់យើង»។លោក ម៉ាឌូរ៉ូ បានថ្លែងថា សហរដ្ឋអាមេរិកកំពុងស្វែងរកការផ្លាស់ប្តូររបប នៅក្នុងប្រទេសវ៉េណេស៊ុយអេឡា និង «ដើម្បីដាក់រដ្ឋាភិបាលអាយ៉ងដែលនឹងប្រែក្លាយប្រទេសជាមួយនឹងធនធានធម្មជាតិរបស់ខ្លួន ទៅជាអាណានិគម»។ លោកបានអះអាងថា សកម្មភាពឈ្លានពានរបស់ចក្រភពអាមេរិកបានធ្វើឲ្យ «ការតស៊ូដើម្បីឯករាជ្យភាព វិបុលភាព និងអនាគតដ៏មានសុវត្ថិភាពរបស់ប្រជាជនវ៉េណេស៊ុយអេឡា»។នៅថ្ងៃទី ១៦ ខែធ្នូ ប្រធានាធិបតីអាមេរិក ដូណាល់ ត្រាំ បានព្រមាននៅលើវេទិកាប្រព័ន្ធផ្សព្វផ្សាយសង្គម Truth Social របស់ខ្លួនថា កងនាវា Armada របស់សហរដ្ឋអាមេរិក ដែលបានប្រមូលផ្តុំគ្នានៅជុំវិញប្រទេសវ៉េណេស៊ុយអេឡា «នឹងកាន់តែធំឡើង» រហូតដល់ប្រទេសអាមេរិកឡាទីននេះ ប្រគល់ «ប្រេង ដីធ្លី និងទ្រព្យសម្បត្តិផ្សេងទៀតទាំងអស់» ទៅឲ្យទីក្រុងវ៉ាស៊ីនតោនវិញ៕

បណ្ដាញសង្គម

ព័ត៌មានថ្មីៗ

ថ្ងៃស្អែក គឺជាការប្រឡងប្រជែងជ្រើសរើសមន្ត្រីក្រមការ ជំនាន់ទី១២ នៃសាលាភូមិន្ទរដ្ឋបាល (វិញ្ញាសាសរសេរលើកទី១)

នៅយប់នេះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានសម្រេចផ្តល់អង្ករចំនួន ២០តោន, ទឹកបរិសុទ្ធ ២០០កេស និងភេសជ្ជៈ វី-កូឡា ២០០កេស ជូនសាខាកាកបាទក្រហមខេត្តបាត់ដំបង ដើម្បីប្រតិបត្តិការមនុស្សធម៌ចែកជូនប្រជាជនភៀសសឹក

ពលរដ្ឋ និងព្រះសង្ឃ រាប់រយអង្គ/នាក់ ចូលរួមពិធី «ដើរដោយជើងទទេដើម្បីសន្តិភាព» ផ្ញើសារទៅកាន់សហគមន៍អន្តរជាតិថា កម្ពុជាជាប្រទេសដែលគាំទ្រសន្តិភាព

ក្រសួងទេសចរណ៍ ថ្កោលទោសដាច់អហង្ការ សង្គ្រាមឈ្លានពានរបស់ថៃមកលើអធិបតេយ្យភាពកម្ពុជា

BREAKING NEWS | ចាប់ពីម៉ោង ៧ ដល់ជាង ៨ យប់នេះ យោធាថៃបានបាញ់ផ្លោងគ្រាប់ភ្លើងបំភ្លឺផ្លូវចំនួន ៤គ្រាប់លើភូមិសាស្ត្របឹងត្រកួន និងប្រើប្រាស់រថក្រោះបាញ់បំបុកចូលលំនៅដ្ឋានរបស់ប្រជាពលរដ្ឋជាច្រើនគ្រាប់

ការផ្សាយរបស់ថៃ ជាព័ត៌មានមិនពិត ខណៈកម្ពុជាគាំទ្រកិច្ចប្រជុំ GBC ដើម្បីពង្រឹងបទឈប់បាញ់ស្របតាមសេចក្តីថ្លែងការណ៍របស់ប្រធានអាស៊ាន

លោក Zelenskyy ស្វែងរកការជួបជាមួយលោក Trump ដើម្បីពិភាក្សា និងដោះស្រាយបញ្ហាដែនដី

សម្ដេចព្រះពោធិវ័ង្ស ណយ ច្រឹក យាងសួរសុខទុក្ខផ្ដល់អំណោយដល់គ្រួសារកងទ័ព និងអ្នកភៀសសឹកនៅខេត្តពោធិ៍សាត់

សង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តការបាញ់ប្រហារ ដើម្បីឈ្លានពានមកលើដែនអធិបតេយ្យរបស់កម្ពុជានៅទិសយោធភូមិភាគទី៤ និងយោធភូមិភាគទី៥

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877