នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិត​​លើ​ផ្លូវ​វែង​ឆ្ងាយណាស់
ក្រុមបាតុករប៉ះទង្គិចជាមួយនគរបាល​អាល់បានី អំឡុង​ការតវ៉ាបង្កឡើង​ដោយ​​គម្រោង​រមណីយដ្ឋាន
EU ហៅ​ការវាយប្រហាររបស់ក្រុមហ៊ួទី លើនាវាដឹកប្រេងថា មិនអាចទទួលយកបាន និង​ព្រមានកុំបង្កើន​ភាព​តាន​តឹង​បន្ថែម
ក្រុមប្រឆាំងអ៊ីស្រាអែលហៅ​កិច្ចព្រមព្រៀងនុយក្លេអ៊ែរអាមេរិក​-អារ៉ាប៊ីសាអ៊ូឌីតថា ជាបរាជ័យរបស់​លោក Netanyahu

ព័ត៌មានអន្តរជាតិ

មនុស្សជាង ១០០នាក់ស្លាប់ ក្នុងទឹកជំនន់នៅប្រទេសឥណ្ឌា ប៉ាគីស្ថាន និងអាហ្វហ្គានីស្ថាន

2026/07/23 11:53:03 pm        139
Facebook Telegram Linkin
មន្ត្រីបានប្រាប់​ឱ្យដឹង​កាលពីថ្ងៃពុធ (ទី២២ ខែកក្កដា ឆ្នាំ២០២៦) ថា ដោយមានអ្នកស្លាប់ថ្មី ១០​នាក់ ក្នុងរយៈពេល ២៤ម៉ោងចុងក្រោយនេះ ចំនួនអ្នកបាត់​បបង់​ជិវិត​ដោយសារទឹកជំនន់ ក្នុង​រដ្ឋ Assam នៅ​ភាគឦសាននៃ​ប្រទេសឥណ្ឌា បានកើនឡើងដល់ ៤១នាក់ហើយ ខណៈ​ភ្លៀងរដូវ​មូសុង បាន​បណ្ដាល​ឱ្យ​​មនុស្សជិត​ ៤០​នាក់សា្លប់ នៅទូទាំងប៉ាគីស្ថាន ហើយ​ទឹកជំនន់ និងបំណាក់​ដី បង្កជា​ការបំផ្លិចបំផ្លាញយ៉ាង​ធ្ងន់​ធ្ងរ​។សេចក្តីថ្លែងការណ៍មួយរបស់អាជ្ញាធរគ្រប់គ្រងគ្រោះមហន្តរាយរបស់​រដ្ឋនេះ​ បានឱ្យ​ដឹង​ថា ការស្លាប់ថ្មីត្រូវបានរាយការណ៍ពីតំបន់​ចំនួន ៥។ ជាមួយ​គ្នា​នេះ លោក Himanta Biswa Sarma រដ្ឋមន្ត្រី​ប្រចាំ​រដ្ឋ Assam បាននិយាយថា មនុស្សជាង ៧០០.០០០នាក់ បានរងផលប៉ះពាល់ នៅក្នុងគ្រោះមហន្តរាយនេះ ហើយមនុស្ស ៣នាក់នៅតែបាត់ខ្លួន។ លោកបានបន្ថែម​ថា «ភ្លៀងធ្លាក់ខ្លាំងភ្លាមៗ​ និង​ទឹកជំនន់ បានវាយប្រហារសូម្បីតែតំបន់​របស់​រដ្ឋ Assam ដែលមិនធ្លាប់រងគ្រោះ​បែបនេះពីមុនមក»។សម្រាប់​ប្រទេស​ប៉ាគីស្ថាន ឧប្បត្តិហេតុទាក់ទងនឹងភ្លៀង បាន​បណ្ដាល​ឱ្យ​មនុស្សយ៉ាង​តិច​ ៣៧នាក់​ស្លាប់​ ខណៈដែលរដូវមូសុង​ដែលកំពុង​បន្ត​មាន បង្កជា​ទឹកជំនន់គំហុក​ភ្លាមៗ និងបំណាញក់​ដី ដោយ​បាន​បំផ្លាញផ្ទះសម្បែង ដំណាំ សត្វពាហនៈ និងផ្លូវថ្នល់ នៅទូទាំងខេត្ត Khyber Pakhtunkhwa (KP) តំបន់​ Gilgit-Baltistan (GB) តំបន់​ Azad Jammu & Kashmir (AJK) និងរដ្ឋ​ Punjab។ចំនួនអ្នកស្លាប់ដោយសារទឹកជំនន់គំហុក​ភ្លាមៗ និងឧប្បត្តិហេតុផ្សេងទៀតដែលទាក់ទងនឹងភ្លៀង បានកើនឡើងដល់ ២០នាក់ នៅខេត្ត​ Khyber Pakhtunkhwa និង ១៧នាក់ នៅរដ្ឋ​ Punjab ខណៈដែលបំណាក់​ដីដែលបង្កឡើងដោយទឹក​ភ្លៀង នៅខេត្ត​ Khyber Pakhtunkhwa តំបន់ Gilgit-Baltistan និង Azad Jammu & Kashmir បានបំផ្លាញផ្លូវថ្នល់ ដំណាំ និងផ្ទះសម្បែង​។រីឯ​នៅទូទាំងភាគខាងកើតប្រទេសអាហ្វហ្គានីស្ថានវិញ​ ទឹក​ជំនន់គំហុក​ភ្លាមៗ បាន​ឆក់​យក​ជីវិតមនុស្ស​យ៉ាង​តិច ២៦នាក់ ​រួមទាំង ២៣នាក់នៅក្នុងខេត្ត Nuristan។ ក្រុមជួយសង្គ្រោះ​បានបន្តស្វែងរកមនុស្សដែលត្រូវបានគេរាយការណ៍ថា បាត់ខ្លួន ដោយសារ​គ្រោះធម្មជាតិនេះ​ ដែលបង្កឡើងដោយភ្លៀងធ្លាក់ខ្លាំងកាល​ថ្ងៃទី២០ ខែកក្កដា​៕

រដ្ឋមន្ត្រីការបរទេសចិន៖ ចិន និងឥណ្ឌាគួរតែពង្រឹងសន្ទុះវិជ្ជមាន ក្នុងទំនាក់ទំនងទ្វេភាគី

2026/07/23 11:43:21 pm        146
Facebook Telegram Linkin
នៅទីក្រុងម៉ានីល ប្រទេស​ហ្វីលីពីន នា​ថ្ងៃពុធ (ទី​២២ ខែកក្កដា ឆ្នាំ២០២៦) រដ្ឋមន្ត្រីការបរទេសចិន លោក Wang Yi បានលើក​ឡើង​ថា ប្រទេស​ចិន និងឥណ្ឌា គួរតែគិតគូរពីសុខុមាលភាពរបស់មនុស្សជាតិ បង្ហាញពីការទទួលខុសត្រូវ ក្នុងនាមជាប្រទេសធំ ពង្រឹងសន្ទុះវិជ្ជមាន ក្នុងទំនាក់ទំនងទ្វេភាគី និងជំរុញ​ការសម្របសម្រួល និងកិច្ចសហប្រតិបត្តិការ ក្នុងកិច្ចការអន្តរជាតិ និងតំបន់។លោក Wang ដែលក៏ជាសមាជិករបស់​ការិយាល័យនយោបាយនៃគណៈកម្មាធិការមជ្ឈិម​បក្សកុម្មុយនីស្តចិនផងដែរនោះ​ បានធ្វើការកត់សម្គាល់បែប​នេះ នៅពេលលោក​ជួបជាមួយរដ្ឋមន្ត្រីការបរទេសឥណ្ឌា លោក Subrahmanyam Jaishankar។ លោក Wang បានអំពាវនាវឱ្យប្រទេសទាំង២ ធ្វើការរួមចំណែកជាវិជ្ជមានដល់ការជំរុញពហុប៉ូល និងលទ្ធិប្រជាធិបតេយ្យកាន់តែទូលំទូលាយ ក្នុងទំនាក់ទំនងអន្តរជាតិ។ជាមួយ​គ្នានេះ លោក Wang បានបញ្ជាក់​បន្ថែម​ថា ប្រទេសចិនត្រៀមខ្លួនរួចជាស្រេច ក្នុង​ការ​ធ្វើការជាមួយឥណ្ឌា ដើម្បីអនុវត្តការយោគយល់គ្នាសំខាន់ៗដែលសម្រេចបានដោយមេដឹកនាំនៃប្រទេសទាំង២ រក្សាការផ្លាស់ប្តូរកម្រិតខ្ពស់យ៉ាងជិតស្និទ្ធ ពង្រឹងកិច្ចសហប្រតិបត្តិការ ក្នុងវិស័យនានា ក្នុង​នោះ​រួមទាំងសេដ្ឋកិច្ច និងពាណិជ្ជកម្មផង​ដែរ​ ប្រព័ន្ធផ្សព្វផ្សាយ និង​ការផ្លាស់ប្តូរប្រជាជន និង​ប្រជាជន​ និងវប្បធម៌ ហើយ​ដោះស្រាយបញ្ហារសើបឱ្យបានសមស្រប​។ចំពោះលោក Jaishankar លោក​បាន​ប្រាប់​ថា ជំហររបស់ប្រទេសឥណ្ឌា លើបញ្ហាទាក់ទងនឹងកោះ​តៃវ៉ាន់ និងតំបន់​ Xizang មិនមានការផ្លាស់ប្តូរឡើយ​ ហើយឥណ្ឌាគោរពអធិបតេយ្យភាពរបស់ចិន​។ លោកបានបន្ថែមថា ប្រទេសឥណ្ឌាបានជំរុញទំនាក់ទំនងទ្វេភាគីបែប​វិជ្ជមាន និងសហប្រតិបត្តិការជាប់លាប់ ជាមួយនឹងវិធីសាស្រ្តសម្លឹង​ទៅ​អនាគត​៕

ចិនចាប់ផ្តើមសមយុទ្ធបាញ់គ្រាប់ពិតរយៈពេល ២ថ្ងៃ នៅច្រកសមុទ្រតៃវ៉ាន់

2026/07/23 11:38:25 pm        140
Facebook Telegram Linkin
ប្រទេសចិនបានចាប់ផ្តើមសមយុទ្ធបាញ់គ្រាប់ពិតរយៈពេល ២ថ្ងៃ ចាប់ពីថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ ក្នុងតំបន់មួយចំនួននៃច្រកសមុទ្រតៃវ៉ាន់ នៅ​ជិតឆ្នេរសមុទ្រនៃខេត្ត Fujian ភាគអាគ្នេយ៍​។ព័ត៌មាននៃ​សមយុទ្ធ​នេះបានកើតឡើងក្រោយ​មួយថ្ងៃបន្ទាប់ពីមាន​ការជួប​ពិភាក្សា រវាងរដ្ឋមន្ត្រីការបរទេសអាមេរិក លោក Marco Rubio និងរដ្ឋមន្ត្រីការបរទេសចិន លោក Wang Yi ស្ដី​ពី​បញ្ហាជាច្រើន ក្នុង​នោះ​រួមទាំងតៃវ៉ាន់ ជា​កោះ​ស្វ័យ​គ្រប់គ្រងដោយលទ្ធិប្រជាធិបតេយ្យ ដែលប្រទេសចិនអះអាងថា ជាទឹកដីរបស់ខ្លួន។អាជ្ញាធរដែនសមុទ្របានឱ្យដឹង​នៅក្នុងសេចក្តីជូនដំណឹងមួយថា សមយុទ្ធនេះនឹងប្រព្រឹត្តទៅ​ចាប់ពីម៉ោង ៦ព្រឹក ដល់ម៉ោង ៦ល្ងាច (ម៉ោង​ក្នុង​ស្រុក) ជារៀងរាល់ថ្ងៃ នៅជុំវិញកោះ Dongshan ដែលមានព្រំប្រទល់ជាប់នឹងខេត្ត Guangdong។គួរ​បញ្ជាក់ថា ប្រទេសចិនបានធ្វើសមយុទ្ធទ្រង់ទ្រាយធំបំផុតរបស់ខ្លួន ដោយឡោមព័ទ្ធកោះតៃវ៉ាន់ កាលពីខែធ្នូឆ្នាំមុន​ បន្ទាប់ពីសហរដ្ឋអាមេរិកបានប្រកាសកញ្ចប់លក់​អាវុធតម្លៃខ្ពស់បំផុត​ ១១,១ពាន់លាន​ដុល្លារ សម្រាប់កោះនេះ ដែលរដ្ឋបាលរបស់កោះ​​បដិសេធការអះអាង​សិទ្ធិ​អធិបតេយ្យរបស់ចិន៕

ចិនបញ្ជាក់​ថា ខ្លួនបានបណ្តេញនាវាហ្វីលីពីន ជា​ឧប្បត្តិហេតុ​​​ថ្មី នៅសមុទ្រចិនខាងត្បូង

2026/07/23 11:35:31 pm        140
Facebook Telegram Linkin
ប្រទេសចិន បាន​ឱ្យ​ដឹង​នៅ​ថ្ងៃព្រហស្បតិ៍ (ទី​២៣ ខែកក្កដា ឆ្នាំ២០២៦) នេះ​ថា ខ្លួនបានតាមដាន និងបណ្តេញនាវាហ្វីលីពីន ២គ្រឿង ដែលខ្លួនចោទប្រកាន់ថា បាន «រំលោភបំពាន» ចូលទៅក្នុងដែនទឹក នៅជិតតំបន់មាន​ជម្លោះ​ Scarborough Shoal ទោះបីជាមានការព្រមានក៏ដោយ ដោយ​នេះគឺ​ជាឧប្បត្តិហេតុលើក​ទី២ ក្នុងសប្តាហ៍នេះ នៅក្នុងសមុទ្រចិនខាងត្បូងដែលពាក់ព័ន្ធនឹងប្រទេសទាំង២។ចំណុចប្រឈម​មុខ​ដាក់​គ្នា​ក្ដៅ​គគុក​ ដែល​ជាទីតាំងសមុទ្រមានជម្លោះបំផុតមួយ នៅអាស៊ី គឺតំបន់ថ្មប៉ប្រះទឹក​ Scarborough Shoal ត្រូវបានទាមទារ ទាំងពី​ហ្វីលីពីន និងចិន ដែលហៅវាថា «Huangyan Dao»។ខណៈពេលដែលបញ្ជាក់ជាថ្មី អំពីអធិបតេយ្យភាព លើតំបន់មានជម្លោះ ឆ្មាំល្បាត​ឆ្នេរចិន បានឱ្យដឹង​នៅក្នុងសេចក្តីថ្លែងការណ៍មួយថា៖ «យើងសូមអំពាវនាវឱ្យហ្វីលីពីនបញ្ឈប់ជាបន្ទាន់​នូវ​សកម្មភាពរំលោភបំពាន និងបង្ក​ហេតុ​របស់ខ្លួន»។សេចក្ដី​ថ្លែង​ការណ៍​បាន​បន្ថែម​ថា ឆ្មាំសមុទ្របានចាត់វិធានការចាំបាច់ ដូចជាការតាមដាន ការត្រួតពិនិត្យ និងការស្ទាក់ ដើម្បីបណ្តេញនាវាហ្វីលីពីនចេញ ដោយហៅសកម្មភាពទាំងនោះថា ជាការ​ធ្វើ​ប្រកប​ដោយ​ «ស្តង់ដារ វិជ្ជាជីវៈ និងស្របច្បាប់»។ឆ្មាំល្បាត​ឆ្នេរ​ហ្វីលីពីន និងស្ថានទូតហ្វីលីពីន នៅទីក្រុងប៉េកាំងមិនបានឆ្លើយតបភ្លាមៗឡើយ ចំពោះសំណើសុំការអត្ថាធិប្បាយ។គួរ​បញ្ជាក់​ថា ការកត់សម្គាល់នេះបានកើតឡើងក្រោយ​​ការតវ៉ារបស់ភាគីទាំង២ នៅសប្តាហ៍នេះ បន្ទាប់​ពី​មាន​​ការប៉ះទង្គិចគ្នា រវាងទីក្រុងប៉េកាំង និងម៉ានីល នៅក្នុងតំបន់ថ្ម​ប៉ប្រះ​ទឹក​ Second Thomas Shoal ដែលជាទីតាំងមួយផ្សេងទៀត នៅក្នុងផ្លូវទឹកដ៏មមាញឹកនៃសមុទ្រចិនខាងត្បូង៕

អ៊ីរ៉ង់ព្រមានកំណត់គោលដៅទីតាំង​ថាមពលក្នុង​តំបន់ បើអាមេរិកវាយប្រហារហេដ្ឋារចនាសម្ព័ន្ធរបស់ខ្លួន​​

2026/07/23 11:32:20 pm        126
Facebook Telegram Linkin
យោធាអ៊ីរ៉ង់ កាលពីល្ងាចថ្ងៃពុធ (ទី២២ ខែកក្កដា ឆ្នាំ​២០២៦) បាន​បញ្ជាក់​ថា ខ្លួននឹងកំណត់គោលដៅទី​តាំង​ថាមពល នៅទូទាំងតំបន់មជ្ឈិម​បូព៌ា ប្រសិនបើសហរដ្ឋអាមេរិកវាយប្រហារហេដ្ឋារចនាសម្ព័ន្ធរបស់ប្រទេស។ទីស្នាក់ការកណ្តាល Khatam al-Anbiya បានប្រាប់​ថា ប្រសិនបើទីក្រុងវ៉ាស៊ីនតោនអនុវត្តការគំរាមកំហែងរបស់ខ្លួន កងកម្លាំងប្រដាប់អាវុធអ៊ីរ៉ង់ «នឹងមិនអនុញ្ញាតឱ្យមាន​ការ​នាំចេញប្រេងសូម្បីតែមួយដំណក់» ដោយបាន​បន្ថែមថា ទីតាំង​ប្រេង ឧស្ម័ន អគ្គិសនី និងសេដ្ឋកិច្ច នៅទូទាំងតំបន់ នឹងក្លាយជាគោលដៅ។ជាមួយ​គ្នានេះ ទីស្នាក់ការកណ្តាលយោធា​នេះ បានឱ្យដឹង​ទៀត​ថា ច្រកសមុទ្រ Hormuz នៅតែបិទដដែល​ ដោយព្រមានថា គ្មាននាវាណាមួយអាចឆ្លងកាត់ផ្លូវទឹកយុទ្ធសាស្ត្រនេះ​បានទេ លើកលែងតែឆ្លងកាត់ផ្លូវដែលត្រូវ​បានកំណត់ក្រោមនីតិវិធីប្រកាសពីមុន។ជាង​នេះ​ទៀត ទីស្នាក់ការកណ្តាលកងកម្លាំងប្រដាប់អាវុធមួយ​នេះ ក៏បានព្រមានផងដែរថា ការគំរាមកំហែង និងសកម្មភាពរបស់សហរដ្ឋអាមេរិកជាបន្តបន្ទាប់ នឹងពង្រីកវិសាលភាពនៃជម្លោះ «ដល់តំបន់ទាំងមូល និងសូម្បីតែលើសពីនេះ»។គួរបញ្ជាក់ថា សហរដ្ឋអាមេរិកបានធ្វើការវាយប្រហារជាបន្តបន្ទាប់ នៅទូទាំងប្រទេស​អ៊ីរ៉ង់ ចាប់តាំងពីសប្តាហ៍មុន ខណៈពេលដែលទីក្រុងតេអេរ៉ង់បានឆ្លើយតបជាមួយនឹងការវាយប្រហារដែលកំណត់គោលដៅលើ​ទីតាំង​ និងមូលដ្ឋាន ដែលខ្លួនចាត់ទុក​ថា ត្រូវបានប្រើប្រាស់ដោយយោធាអាមេរិកក្នុងប្រទេសជាច្រើន នៅទូទាំងតំបន់៕

នាយករដ្ឋមន្ត្រីអ៊ីរ៉ាក់ គ្រោងនឹងធ្វើទស្សនកិច្ចនៅអ៊ីរ៉ង់ ខណៈភាពតានតឹងក្នុងតំបន់កាន់តែខ្លាំងឡើង

2026/07/23 11:29:43 pm        133
Facebook Telegram Linkin
នាយករដ្ឋមន្ត្រីអ៊ីរ៉ាក់ លោក Ali al-Zaidi នឹងធ្វើដំណើរទៅកាន់ទីក្រុងតេអេរ៉ នៅថ្ងៃព្រហស្បតិ៍នេះ ដោយដឹកនាំគណៈប្រតិភូរដ្ឋាភិបាលជាន់ខ្ពស់មួយក្រុម ដើម្បីពិភាក្សាជាមួយមន្ត្រីជាន់ខ្ពស់អ៊ីរ៉ង់ លើវិស័យ ថាមពល ពាណិជ្ជកម្ម ការដឹកជញ្ជូន និងកសិកម្ម។រដ្ឋាភិបាលអ៊ីរ៉ាក់បាននិយាយថា បញ្ហានៃការនាំយកអាវុធទាំងអស់ឲ្យស្ថិតក្រោមការគ្រប់គ្រងរបស់រដ្ឋ នឹងមិនស្ថិតក្នុងរបៀបវារៈនៃកិច្ចពិភាក្សាទេ ដោយហៅបញ្ហានេះថា «ជាកិច្ចការអធិបតេយ្យរបស់អ៊ីរ៉ាក់»។ដំណើរទស្សនកិច្ចនេះ បានកើតឡើងតិចជាងមួយសប្តាហ៍ បន្ទាប់ពីលោក al-Zaidi បានធ្វើដំណើរទៅកាន់សហរដ្ឋអាមេរិក ខណៈដែលទីក្រុងបាកដាដ បានបង្កើនការទូតជាមួយដៃគូក្នុងតំបន់ និងអន្តរជាតិ ខណៈពេលដែលកំពុងព្យាយាមធ្វើឲ្យមានតុល្យភាពទំនាក់ទំនងរបស់ខ្លួនជាមួយទីក្រុងវ៉ាស៊ីនតោន និងទីក្រុងតេអេរ៉ង់ ស្របពេលមានភាពតានតឹងក្នុងតំបន់កាន់តែខ្លាំងឡើង។អ្នកនាំពាក្យរដ្ឋាភិបាល លោក Haider al-Aboudi បាននិយាយកាលពីថ្ងៃពុធថា ដំណើរទស្សនកិច្ចនេះ ធ្វើឡើងតាមការអញ្ជើញជាផ្លូវការពីប្រធានាធិបតីអ៊ីរ៉ង់ ហើយថា al-Zaidi នឹងមានគណៈប្រតិភូជាន់ខ្ពស់ អមដំណើរជាមួយផងដែរ៕

IRGC ប្រាប់ប្រជាជនកូវ៉ែតថា គឺអាមេរិក ពុំមែនអ៊ីរ៉ង់ទេដែលរំលោភអធិបតេយ្យភាពរបស់អ្នក

2026/07/23 11:22:40 pm        117
Facebook Telegram Linkin
សេចក្តីថ្លែងការណ៍របស់កងឆ្មាំបដិវត្តអ៊ិស្លាមអ៊ីរ៉ង់(IRGC) បាននិយាយទៅកាន់ប្រជាជនកូវ៉ែតដោយផ្ទាល់ ដោយកងឆ្មាំបានទទូចថា គឺសហរដ្ឋអាមេរិក ពុំមែនអ៊ីរ៉ង់ទេ ដែលបាន «រំលោភលើបូរណភាពទឹកដី និងដែនអធិបតេយ្យភាពរបស់អ្នក»។កងឆ្មាំនិយាយថា ការវាយប្រហាររបស់ខ្លួនគឺសំដៅលើមូលដ្ឋានកងទ័ពអាមេរិកនៅទឹកដីដែលខ្លួនពិពណ៌នាថាហួសពីការគ្រប់គ្រងរបស់ឆ្មាំព្រំដែនកូវ៉ែតនិងជាកន្លែងដែលអាមេរិក និងនណារម្នាក់ ដែលពួកគេចង់បាន រួមមានអ្នកទោសមកពីប្រទេសផ្សេងៗ ចូលនិងចាកចេញបានដោយសេរី។កងឆ្មាំនិយាយថា ដូច្នេះ គឺអាមេរិកទេដែលបានរំលោភលើបូរណភាពទឹកដី និងដែនអធិបតេយ្យភាពរបស់អ្នក ពុំមែនយើងឡើយ។ យើងកំពុងវាយប្រហារទឹកដីដែលកាន់កាប់ដោយកងទ័ពអាមេរិក ជាកងទ័ពដែលមិនស្គាល់អ្វីក្រៅពីឧក្រិដ្ឋកម្ម។

កាតា ប៉ាគីស្ថាន និងអេហ្ស៊ីប ស្នើបទឈប់បាញ់ក្នុងពេលមានការវាយប្រហាររបស់អ៊ីរ៉ង់លើរដ្ឋឈូងសមុទ្រ

2026/07/23 11:19:27 pm        122
Facebook Telegram Linkin
រយៈពេល១២យប់ជាប់ៗគ្នានៃការវាយប្រហាររបស់សហរដ្ឋអាមេរិកទៅលើអ៊ីរ៉ង់ ខណៈជាប្រតិបត្តិការមានទំហំស្មើរគ្នា ប្រធានាធិបតីសហរដ្ឋអាមេរិកបាននិយាយថា កងកម្លាំងរបស់លោកនឹងវាយប្រហារស្ពាន ឬរោងចក្រថាមពលអ៊ីរ៉ង់គ្រប់ពេលដែលនាវាត្រូវបានវាយប្រហារនៅក្នុងច្រកសមុទ្រ Hormuz ។អ៊ីរ៉ង់និយាយថា ពួកគេនឹងមានចំណាត់ការតាមរបៀបដូចគ្នា។ យើងបានមើលឃើញការវាយប្រហារទាំងនេះបន្តនៅទូទាំងប្រទេសក្រុមប្រឹក្សាប្រតិបត្តិការឈូងសមុទ្រ(GCC) មានកូវ៉ែត និងបារ៉ែន ក្នុងរយៈពេល ១២ ថ្ងៃកន្លងទៅនេះ និងរួមទាំងប្រទេសហ្ស៊កដានីផងដែរ។ កាលពីថ្ងៃពុធ យោធារបស់ប្រទេសហ្ស៊កដានី បាននិយាយថា ខ្លួនបានបាញ់ទម្លាក់មីស៊ីលចំនួនបួនគ្រាប់ ហើយកូវ៉ែតក៏ត្រូវបានវាយប្រហារ។ ក្នុងរយៈពេលប៉ុន្មានថ្ងៃនេះ យើងបានឃើញប្រទេសក្រុមប្រឹក្សាប្រតិបត្តិការឈូងសមុទ្រ(GCC) ស្ថិតក្រោមការវាយប្រហារសម្រាប់សង្គ្រាមដែលពួកគេពុំមែនជាអ្នកចាប់ផ្តើម ជាសង្គ្រាមដែលពួកគេនិយាយថាមិនគាំទ្រ ហើយក៍កំពុងខិតខំដើម្បីនាំយកបទឈប់បាញ់មកវិញ។ព័ត៌មានចុងក្រោយអំពីបញ្ហានេះ យើងបានឃើញប្រទេសកាតា ប៉ាគីស្ថាន និងអេហ្ស៊ីប ស្នើឱ្យមានបទឈប់បាញ់រយៈពេល ១០ ថ្ងៃរវាងទីក្រុងវ៉ាស៊ីនតោន និងទីក្រុងតេអេរ៉ង់ ដើម្បីកុំឱ្យជម្លោះនេះរាលដាលទៅជាជម្លោះក្នុងតំបន់។

ចរាចរណ៍ទាំងនៅច្រកសមុទ្រ Hormuz និង Bab el-Mandeb ថយចុះខ្លាំង ខណៈការបារម្ភពីសន្តិសុខកើនឡើង

2026/07/23 11:17:09 pm        100
Facebook Telegram Linkin
ក្រុមហ៊ុនវិភាគការដឹកជញ្ជូន ខេផ្លឺ(Kpler) បាននិយាយកាលពីថ្ងៃពុធថា ចរាចរណ៍ទាំងនៅច្រកសមុទ្រ Hormuz និងច្រកសមុទ្រ Bab el-Mandeb បានថយចុះយ៉ាងខ្លាំងកាលពីថ្ងៃអង្គារ ខណៈក្តីបារម្ភអំពីសន្តិសុខកើនឡើងក្នុងពេលមានភាពតានតឹងក្នុងតំបន់កាន់តែខ្លាំង។ យោងតាមទិន្នន័យដែលចេញផ្សាយដោយ Kpler នៅលើបណ្តាញផ្សព្វផ្សាយសង្គមបានឲ្យដឹងថា ការឆ្លងកាត់ច្រកសមុទ្រ Hormuz បានថយចុះ៣១ភាគរយកាលពីមួយថ្ងៃមុនមកនៅត្រឹមនាវា៩គ្រឿង និងនៅច្រកសមុទ្រ Bab el Mandeb ថយចុះ៣៤ភាគរយ មកនៅត្រឹមនាវា២៩គ្រឿង។ ខេផ្លឺ(Kpler) បាននិយាយថា ទោះបីជាការដឹកជញ្ជូនបន្តឆ្លងកាត់ចំណុចច្រកតូចចង្អៀតទាំងពីរក៏ដោយ ទំនុកចិត្តប្រតិបត្តិការនៅតែស្ថិតក្រោមសម្ពាធ។ យោងតាមក្រុមហ៊ុនតាមដាន Kpler បានឲ្យដឹងថា នាវាចំនួនបួនគ្រឿងបានត្រឡប់ក្រោយនៅជិតឈូងសមុទ្រ Aden ដែលបង្ហាញថាប្រតិបត្តិករកំពុងមានការប្រុងប្រយ័ត្នខ្ពស់បន្ទាប់ពីការគំរាមកំហែងរបស់ក្រុមហ៊ូទីប្រឆាំងការដឹកជញ្ជូនមានទំនាក់ទំនងជាមួយអារ៉ាប៊ីសាអ៊ូឌីត។ Kpler បានព្រមានថា ការវាយប្រហារដែលនៅតែបន្តនៅជុំវិញចំណុចច្រកសមុទ្រតូចចង្អៀតច្រកទាំងពីរអាចផ្លាស់ប្តូរផ្លូវដឹកជញ្ជូន បង្កើនថ្លៃដឹកជញ្ជូន និងរក្សាហានិភ័យភូមិសាស្ត្រនយោបាយនៅក្នុងទីផ្សារថាមពលសកលនៅខ្ពស់។ ក្រុមហ៊ូទីបានប្រកាសបម្រាមដឹកជញ្ជូនតាមផ្លូវសមុទ្រលើប្រទេសអារ៉ាប៊ីសាអ៊ូឌីតកាលពីថ្ងៃចន្ទ ដោយបង្កើនការព្រួយបារម្ភថាការរំខានដែលប៉ះពាល់ដល់ច្រកសមុទ្រ Hormuz អាចរាលដាលដល់ច្រកសមុទ្រដ៏សំខាន់មួយទៀត។ ក្នុងការឆ្លើយតប ក្រុមចម្រុះដឹកនាំដោយអារ៉ាប៊ីសាអ៊ូឌីតនៅយេម៉ែនបាននិយាយថា ខ្លួននឹងចាត់វិធានការចាំបាច់ដើម្បីការពារនាវាពាណិជ្ជកម្មរបស់ខ្លួននៅច្រកសមុទ្រ Bab al-Mandab និងឆ្លើយតបយ៉ាងដាច់ខាតចំពោះការគំរាមកំហែងណាមួយ។

លោក Trump ព្រមានពីការបិទរដ្ឋាភិបាលអាមេរិកដែលអាចកើតឡើងនៅក្នុងខែកញ្ញា

2026/07/23 10:34:49 pm        72
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump កាលពីថ្ងៃពុធបានព្រមានថា រដ្ឋាភិបាលសហព័ន្ធអាចប្រឈមនឹងការបិទនៅក្នុងខែកញ្ញា ខណៈភាពខ្វែងគំនិតគ្នាទ្វេរបក្សជុំវិញការចំណាយរបស់សហព័ន្ធនៅតែបន្ត និងក្នុងពេលពេលសភាបន្តទៅមុខជាមួយនឹងវិធានការផ្តល់មូលនិធិរយៈពេលខ្លីដើម្បីរក្សាប្រតិបត្តិការរបស់រដ្ឋាភិបាលឱ្យនៅដំណើរការហួសពីចុងឆ្នាំសារពើពន្ធនេះ។ ថ្លែងនៅក្នុងរដ្ឋ Georgia លោក Trump បាននិយាយថា រដ្ឋាភិបាលសហព័ន្ធ អាចបិទនៅក្នុងខែកញ្ញា ដោយសារតែគណបក្សសាធារណរដ្ឋនិងគណបក្សប្រជាធិបតេយ្យ នៅតែខ្វែងគំនិតគ្នាលើអាទិភាពនៃការចំណាយ។ សភាសហរដ្ឋអាមេរិកដែលគ្រប់គ្រងដោយគណបក្សសាធារណរដ្ឋ បានអនុម័តសេចក្តីស្នើច្បាប់ចំណាយរយៈពេលខ្លី ដែលនឹងផ្តល់មូលនិធិដល់ទីភ្នាក់ងាររដ្ឋាភិបាលសហព័ន្ធរហូតដល់ថ្ងៃទី៤ ខែធ្នូ ក្នុងគោលបំណងទប់ស្កាត់ការបិទរដ្ឋាភិបាលនៅមុនការបោះឆ្នោតពាក់កណ្តាលអាណត្តិនៅខែវិច្ឆិកា។ វិធានការផ្តល់មូលនិធិបណ្តោះអាសន្ន ដែលត្រូវបានគេស្គាល់ផងដែរថាជាដំណោះស្រាយបន្ត (CR) បច្ចុប្បន្ននឹងត្រូវបានបញ្ជូនទៅព្រឹទ្ធសភាសម្រាប់ការពិចារណា។ មេដឹកនាំក្រុមសាធារណរដ្ឋនៅក្នុងព្រឹទ្ធសភា កំពុងចរចាជាមួយក្រុមប្រជាធិបតេយ្យ ហើយក៏កំពុងថ្លឹងថ្លែងសំណើផ្តល់មូលនិធិរយៈពេលខ្លីដាច់ដោយឡែក។ ប្រសិនបើសភាបរាជ័យក្នុងការអនុម័តនិយ័តកម្មសំណើថវិកាឲ្យបានទាន់ពេលវេលា នោះការផ្តល់មូលនិធិសម្រាប់ទីភ្នាក់ងារ និងកម្មវិធីសហព័ន្ធភាគច្រើននឹងផុតកំណត់នៅពាក់កណ្តាលអធ្រាត្រថ្ងៃទី៣០ ខែកញ្ញា ជាចុងបញ្ចប់នៃឆ្នាំសារពើពន្ធបច្ចុប្បន្ន ដែលបង្កឱ្យមានការបិទរដ្ឋាភិបាលដោយផ្នែក។

បណ្ដាញសង្គម

ព័ត៌មានថ្មីៗ

បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិត​​លើ​ផ្លូវ​វែង​ឆ្ងាយណាស់
07/23/2026 08:07 PM
Facebook Telegram Linkin
ក្រុមបាតុករប៉ះទង្គិចជាមួយនគរបាល​អាល់បានី អំឡុង​ការតវ៉ាបង្កឡើង​ដោយ​​គម្រោង​រមណីយដ្ឋាន
07/23/2026 08:07 PM
Facebook Telegram Linkin
EU ហៅ​ការវាយប្រហាររបស់ក្រុមហ៊ួទី លើនាវាដឹកប្រេងថា មិនអាចទទួលយកបាន និង​ព្រមានកុំបង្កើន​ភាព​តាន​តឹង​បន្ថែម
07/23/2026 08:07 PM
Facebook Telegram Linkin
ក្រុមប្រឆាំងអ៊ីស្រាអែលហៅ​កិច្ចព្រមព្រៀងនុយក្លេអ៊ែរអាមេរិក​-អារ៉ាប៊ីសាអ៊ូឌីតថា ជាបរាជ័យរបស់​លោក Netanyahu
07/23/2026 08:07 PM
Facebook Telegram Linkin
ជនស៊ីវិល ១៦នាក់ត្រូវបានសម្លាប់ អំឡុង​ការវាយប្រហារថ្មីរបស់ក្រុមឧទ្ទាម នៅភាគខាងកើតកុងហ្គោ
07/23/2026 07:07 PM
Facebook Telegram Linkin
បារាំងបញ្ជាក់ជាថ្មីនូវការគាំទ្រ ចំពោះ ICC និងថ្កោលទោសការគំរាមកំហែងលើ​តុលាការ
07/23/2026 07:07 PM
Facebook Telegram Linkin
ចិនជំរុញឱ្យសហរដ្ឋអាមេរិក និងអ៊ីរ៉ង់បញ្ឈប់អរិភាព ហើយ​ចាប់​ផ្ដើម​ការសន្ទនាឡើង​វិញ
07/23/2026 07:07 PM
Facebook Telegram Linkin
លោក Rubio បញ្ជាក់​ថា អ៊ីរ៉ង់នឹងខាតបង់ធ្ងន់​ធ្ងរ​ ប្រសិន​បើ​មិន​ភ្ញាក់រលឹកឡើង​វិញ
07/23/2026 07:07 PM
Facebook Telegram Linkin
រដ្ឋមន្ត្រីការបរទេសកម្ពុជាជម្រាបជូនរដ្ឋមន្ត្រីការបរទេសកូរ៉េអំពីបច្ចុប្បន្ន ភាពនៃស្ថានភាពព្រំដែនកម្ពុជា-ថៃ
07/23/2026 07:07 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា
07/23/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.