នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រូបយន្តមុជទឹកក្រោមបាតបឹងកកប្រទេសស្វីស មានគោលបំណងវាស់កម្រាស់ទឹកកកពីខាងក្រោមទឹក
UNICEF៖ កុមារកាន់តែច្រើនបន្ថែមទៀត អាច​រងទុក្ខវេទនា បើអ៊ីស្រាអែលពង្រីកការគ្រប់គ្រង នៅតំបន់​ហ្កាហ្សា
មន្ត្រីរុស្ស៊ីព្រមានអឺរ៉ុបឲ្យ​ត្រៀមប្រឈម​ឧប្បត្តិហេតុយាន​ដ្រូន​បន្ថែមទៀត ក្រោយ​​ហេតុការណ៍ នៅ​រ៉ូម៉ានី
ក្រុមជីករ៉ែខុសច្បាប់ទាញយកប្រយោជន៍មាសតម្លៃរាប់ពាន់លានដុល្លារនៅព្រៃជប់ភ្លៀងអាម៉ាហ្សូនរបស់ប្រេស៊ីល

ព័ត៌មានអន្តរជាតិ

ចំនួនប្រជាជនជប៉ុន ធ្លាក់ចុះច្រើន​​បំផុត​ ដោយនៅ​ក្រោម ១២៤លាននាក់

2026/05/29 06:44:26 pm        36
Facebook Telegram Linkin
ចំនួនប្រជាជនជប៉ុន បានធ្លាក់ចុះមកត្រឹមជាង ១២៣លាននាក់ ដែលជាការថយ​ចុះច្រើនបំផុតមិនធ្លាប់មានរបស់ប្រទេសនេះ ក្នុងរយៈពេល ៥ឆ្នាំ។ នេះបើយោងតាមទិន្នន័យជំរឿនបឋមឆ្នាំ២០២៥ ដែលត្រូវបាន​រាយការណ៍ដោយទូរទស្សន៍ NHK នៅថ្ងៃសុក្រ (ទី២៩ ខែឧសភា ឆ្នាំ២០២៦) នេះ។ក្រសួងកិច្ចការផ្ទៃក្នុងរបស់ជប៉ុន បានឲ្យ​ដឹង​ថា ចំនួនប្រជាជន គឺ ១២៣.០៤៩.៥២៤នាក់ គិតត្រឹមថ្ងៃទី១ ខែតុលា ឆ្នាំ២០២៥ ដោយ​ធ្លាក់ចុះជាង ៣លាននាក់ ឬ ២,៥ភាគរយ ពីចំនួន​ជំរឿនកាលពី​មុនដែលបានធ្វើឡើងក្នុងឆ្នាំ២០២០។តួលេខចុងក្រោយបំផុតនេះ គឺជាការធ្លាក់ចុះចំនួនប្រជាជនជា​លើកទី៣ ជាប់គ្នា ចាប់តាំងពីជប៉ុនបានកត់ត្រាការធ្លាក់ចុះជាលើកដំបូងក្នុងឆ្នាំ២០១៥។ ប្រទេសនេះបានធ្វើជំរឿនជាតិរៀងរាល់ប្រាំឆ្នាំម្តង ចាប់តាំងពីឆ្នាំ១៩២០​។ទោះបីជាចំនួនប្រជាជនថយចុះក៏ដោយ ក៏​ចំនួនគ្រួសារបានកើនឡើងដល់កំណត់ត្រា ៥៧​,១លានគ្រួសារ ខណៈដែលចំនួនមនុស្សក្នុង ១គ្រួសារ បានធ្លាក់ចុះពី ២,២៦នាក់ មកត្រឹម ២,១៥នាក់។ មន្ត្រីបាននិយាយថា និន្នាការនេះឆ្លុះបញ្ចាំងពីចំនួនមនុស្សចាស់ដែលកំពុងរស់នៅតែម្នាក់ឯង មាន​កាន់តែច្រើនឡើង។ក្រសួងត្រូវបានគេរំពឹងថា នឹងចេញផ្សាយតួលេខជំរឿនចុងក្រោយនៅខែកញ្ញា៕

ចិនប្រាប់​ពលរដ្ឋកុំ​ឲ្យ​ធ្វើដំណើរទៅកុងហ្គោ បើ​មិនចាំបាច់ ដោយសារការផ្ទុះឡើងនូវ​ជំងឺ Ebola

2026/05/29 06:42:19 pm        32
Facebook Telegram Linkin
ប្រទេសចិន នៅថ្ងៃសុក្រ (ទី២៩ ខែឧសភា ឆ្នាំ២០២៦) បានណែនាំពលរដ្ឋរបស់ខ្លួនឲ្យមាន​ការ​​ប្រុងប្រយ័ត្ន នៅពេលធ្វើដំណើរទៅកាន់សាធារណរដ្ឋប្រជាធិបតេយ្យកុងហ្គោ ដោយលើកឡើងពីការផ្ទុះឡើងនូវវីរុស​នៃ​​ជំងឺ Ebola។យោងតាមអង្គការសុខភាពពិភពលោក បាន​ឲ្យ​ដឹង​ថា ប្រទេសអាហ្វ្រិកកណ្តាលមួយ​នេះ បានរាយការណ៍ពីករណីសង្ស័យមានជំងឺ Ebola ជិត ១.០០០ករណី និងករណីសង្ស័យមានអ្នកស្លាប់ជាង ២២០នាក់។ក្រសួងការបរទេសចិន​ បានជំរុញឲ្យ​ពលរដ្ឋជៀសវាងការធ្វើដំណើរដែលមិនចាំបាច់ទៅកាន់ប្រទេសនេះ ហើយបានណែនាំអ្នកដែលកំពុងរស់នៅក្នុងប្រទេសកុងហ្គោ និងរដ្ឋជិតខាងរួចហើយនោះ​ កុំទៅកាន់​តំបន់ដែលរងផលប៉ះពាល់ដោយជំងឺ Ebola ក្នុង​នោះ​រួមមាន​ទាំងខេត្ត Ituri និង North Kivu ផង​ដែរ​។ ការណែនាំនេះ ក៏បានដាស់​តឿន​កុំ​ឲ្យមាន​ការប៉ះពាល់ជាមួយសត្វព្រៃ និងអ្នកដែលសង្ស័យមាន​ជំងឺ Ebola ផងដែរ។ក្រសួង​បាន​បន្ថែម​ថា ជនជាតិចិនដែលមានរោគសញ្ញា ដូចជាគ្រុនក្តៅ ក្អួត រាគ ឈឺពោះ ឬហូរឈាម ត្រូវស្វែងរកការព្យាបាលជាបន្ទាន់ ឬទាក់ទងក្រុមគ្រូពេទ្យចិន ដើម្បី​សុំ​ជំនួយ។ ការព្រមាននេះកើតឡើងចំពេលមានការព្រួយបារម្ភកាន់តែខ្លាំងឡើងៗជា​អន្តរជាតិ អំពីការរីករាលដាលនៃជំងឺឆ្លងខ្លាំង នៅក្នុងតំបន់ខ្លះនៃទ្វីបអាហ្វ្រិកកណ្តាល។គួរបញ្ជាក់ថា ចំនួនសរុបនៃករណីសង្ស័យមានជំងឺ Ebola គឺ​ ១.០៧៧ករណី ដោយ​ករណីត្រូវ​បញ្ជាក់ គឺ​ ១២១ករណី និងអ្នកស្លាប់ចំនួន ១៧នាក់ ចាប់តាំងពីការផ្ទុះឡើងនូវ​ជំងឺនេះ ត្រូវបានប្រកាសកាលពី​ថ្ងៃទី១៥ ខែឧសភា៕

ក្រុមអ្នកស្វែងរកមាសជាប់ខ្លួនក្នុងរូងភ្នំឡាវ ផ្ញើសារទៅកាន់មនុស្សជាទីស្រលាញ់របស់ពួកគេនៅផ្ទះ

2026/05/29 06:34:04 pm        33
Facebook Telegram Linkin
ក្រុមអ្នកស្វែងរកមាសជាប់ខ្លួននៅក្នុងរូងភ្នំប្រទេសឡាវ ដែលត្រូវបានរកឃើញដោយក្រុមអ្នកជួយសង្រ្គោះ បានថតជាសារវីដេអូខ្លីផ្ញើជូនមនុស្សជាទីស្រលាញ់របស់ពួកគេចាំនៅផ្ទះ ពេលដែលពួកគេរង់ចាំនាំចេញពីរូងភ្នំ ដោយពួកគេនិយាយថា “ពុំចាំបាច់ព្រួយបារម្ភពីពួកគេនោះឡើយ” ។ រូបភាពវីដេអូឃ្លីបពីអ្នកមុជទឹកជនជាតិថៃថតបាន ពេលដែលក្រុមជួយសង្រ្គោះ បានរកឃើញមនុស្ស ៥នាក់ ដែលបានជាប់ខ្លួននៅក្នុងរូងភ្នំឡាវ អស់រយៈពេល ១សប្តាហ៍ ។ គួរឲ្យដឹងថា ជនជាតិឡាវ ៧នាក់ ត្រូវបានគេជឿថា បានចូលរូងភ្នំនៅខេត្តភាគកណ្តាល Xaisomboun ប្រទេសឡាវ កាលពីសប្តាហ៍មុន ដើម្បីស្វែងរកមាស ប៉ុន្តែបំណាក់ដីបង្កឡើងដោយសារភ្លៀងធ្លាក់ខ្លាំង បានបិទច្រកចេញរបស់ពួកគេ ។ មនុស្ស ៥នាក់ ត្រូវបានរកឃើញនៅរស់មកទល់នឹងពេលនេះ ដោយក្រុមជួយសង្រ្គោះ ដែលរួមទាំងអ្នកមុជទឺកជនជាតិថៃលោក Norrased Palasing និងអ្នកមុជទឹកជនជាតិហ្វាំងឡើងមានមូលដ្ឋាននៅថៃលោក Mikko Paasi ។ ពួកគេទាំង ២នាក់ ធ្លាប់បានចូលរួមប្រតិបត្តិការសង្រ្គោះក្មេងប្រុស ១២នាក់ និងគ្រូបង្វឹកបាល់ទាត់របស់ពួកគេ កាលពីឆ្នាំ ២០១៨ ផងដែរ ចេញពីរូងភ្នំរងការជន់លិច នៅតំបន់ភាគខាងជើងប្រទេសថៃ ៕

ក្រុមភ្នាក់ងារពន្លត់អគ្គិភ័យព្យាយាមពន្លត់អណ្តាតភ្លើងនៅទីក្រុង Dallas សហរដ្ឋអាមេរិក ក្រោយផ្ទុះហ្គាសសម្លាប់មនុស្ស ៣នាក់

2026/05/29 06:31:30 pm        36
Facebook Telegram Linkin
សារព័ត៌មានក្នុងស្រុករាយការណ៍ថា ក្រុមភ្នាក់ងារពន្លត់អគ្គិភ័យក្រុង Dallas ដើរកាត់តាមកម្ទេចកម្ទីហុយផ្សែង ក្រោយហេតុការណ៍ផ្ទុះហ្គាស និងអគ្គិភ័យបំផ្លិចបំផ្លាញអគារផ្ទះល្វែងមួយខ្នងនៅសង្កាត់ Oak Cliff ស្ថិតក្នុងទីក្រុងរបស់រដ្ឋ Texas មួយនេះ ។ ទីភ្នាក់ងារព័ត៌មាន WFAA រាយការណ៍ថា ក្រុមភ្នាក់ងារពន្លត់អគ្គិភ័យ បានឆ្លើយតបចំពោះសេចក្តីរាយការណ៍ថា មានការលេចធ្លាយហ្គាសនៅតំបន់នោះ ពេលដែលការផ្ទុះ បានកើតឡើង ។ រូបភាពវីដេអូឃ្លីបរបស់ WFAA ឃើញសំណុំផ្សែងគ្រប់ដណ្តប់ពីលើកម្ទេចកម្ទីដ៏ធំ ។ ក្រុមអាជ្ញាធរ និយាយថា មនុស្ស ៣នាក់ រួមមានស្រ្តី ២នាក់ និងកុមារម្នាក់ បានស្លាប់ ខណៈមនុស្សជាច្រើនផ្សេងទៀត រងរបួស ក្នុងនោះមនុស្សម្នាក់ រងរបួសធ្ងន់ ប៉ុន្តែមិនគំរាមកំហែងដល់អាយុជីវិតនោះទេ ។ ក្រុមភ្នាក់ងារពន្លត់អគ្គិភ័យ បន្តរុករក និងចុះប្រតិបត្តិការជួយសង្រ្គោះ ស្របពេលរូបភាពវីដេអូឃ្លីបពីលើអាកាស ឃើញពួកគេព្យាយាមពន្លត់កម្ទេចកម្ទី ហើយនិងឃើញការខូចខាតធ្ងន់ធ្ងរនៅកន្លែងកើតហេតុ ។ ខណៈពេលនោះដែរ ក្រុមប្រឹក្សាសុវត្ថិភាពដឹកជញ្ជូនជាតិសហរដ្ឋអាមេរិក និយាយថា ពួកគេបានបញ្ជូនក្រុមការងារ ដើម្បីស៊ើបអង្កេតលើមូលហេតុដែលបណ្តាលឲ្យមានហេតុការណ៍ផ្ទុះហ្គាសនេះ កើតឡើង ៕

ពលរដ្ឋរស់នៅប្រទេសរ៉ូម៉ានីបញ្ចេញប្រតិកម្ម ក្រោយយានដ្រូនរុស្ស៊ីវាយប្រហារត្រូវចំប្លុកអគារផ្ទះល្វែង

2026/05/29 06:29:07 pm        29
Facebook Telegram Linkin
លោក Stephen Evelyn គឺជាពលរដ្ឋអាមេរិកវ័យ ៤៤ឆ្នាំមួយរូបដែលរស់នៅក្នុងទីក្រុង Galati ជាមួយគ្រួសាររបស់លោកអស់រយៈពេល ២ឆ្នាំមកហើយនោះ និយាយថា វាគឹជាការបង្ករឿងមួយទៀតហើយដោយរុស្ស៊ី ។ លោកមិនជឿថា នេះគឺជាឧបទ្ទេវហេតុដោយចៃដន្យនោះទេ វាបានកើតឡើងច្រើនលើកច្រើនសារណាស់ សម្រាប់ឲ្យរុស្ស៊ីធ្វើរឿងបែបនេះដោយចៃដន្យ ។ លោកបន្តថា មិនថាពួកគេអសមត្ថភាពក្នុងការធ្វើសង្រ្គាមនោះទេ ប៉ុន្តែអង្គការណាតូ ត្រូវការធ្វើអ្វីម្យ៉ាងចំពោះរឿងនេះ ។អាជ្ញាធររ៉ូម៉ានីនិយាយថា យានដ្រូនមួយគ្រឿងបានធ្លាក់លើដំបូលប្លុកអគារផ្ទះល្វែងកម្ពស់ ១០ជាន់ នៅទីក្រុងភាគអាគ្នេយ៍ Galati អំឡុងការវាយប្រហារពេលយប់របស់រុស្ស៊ីលើប្រទេសជិតខាងអ៊ុយក្រែននាថ្ងៃសុក្រនេះ បង្កឲ្យផ្ទុះជាអគ្គិភ័យកើតឡើង ហើយនិងបណ្តាលឲ្យមនុស្ស ២នាក់ រងរបួស ។ ក្រសួងការពារជាតិរ៉ូម៉ានី និយាយនៅថ្ងៃសុក្រនេះថា រ៉ូម៉ានី ដែលជាសមាជិករបស់អង្គការណាតូ និងសហភាពអឺរ៉ុប មានព្រំដែនរួមគ្នាជាមួយអ៊ុយក្រែនប្រវែង ៦៥០គ.ម ហើយបានមើលឃើញ យានដ្រូនរុស្ស៊ីបំពានដែនអាកាសរបស់ពួកគេ ២៨លើក ចាប់តាំងពីទីក្រុងមូស្គូ ចាប់ផ្តើមវាយប្រហារកំពង់ផែទីក្រុងគីវ នៅតាមដងទន្លេ Danube ។ ដោយឡែក លោក Ruslan វ័យ ៥២ឆ្នាំ ដែលរស់នៅផ្លូវទល់មុខអគារផ្ទះល្វែងរងការវាយប្រហារយានដ្រូនរុស្ស៊ី និយាយដែរថា លោកគិតថា រុស្ស៊ីកំពុងខិតកាន់តែជិតមកកាន់ទីនេះហើយនៅរ៉ូម៉ានី ។ លោកថា លោកគឺជាជនជាតិអ៊ុយក្រែន ហើយអ្វីដែលបានកើតឡើងនៅទីនេះ ដូចគ្នានឹងរឿងកើតឡើងនៅអ៊ុយក្រែនដែរ ដែលរាល់យប់មានការវាយប្រហាររាប់រយលើក បានសម្លាប់មនុស្ស មិនថា កុមារ ឬមនុស្សចាស់នោះទេ ៕

រ៉ូម៉ានីអះអាងថា យានដ្រូនរុស្ស៊ីវាយប្រហារត្រូវប្លុកអគារផ្ទះល្វែងនៅទីក្រុង Galati បណ្តាលឲ្យមនុស្ស ២នាក់រងរបួស

2026/05/29 06:25:31 pm        38
Facebook Telegram Linkin
ក្រុមអាជ្ញាធររ៉ូម៉ានីនិយាយថា យានដ្រូនមួយគ្រឿងបានធ្លាក់លើដំបូលប្លុកអគារផ្ទះល្វែងកម្ពស់ ១០ជាន់ នៅទីក្រុងភាគអាគ្នេយ៍ Galati អំឡុងការវាយប្រហារពេលយប់របស់រុស្ស៊ីលើប្រទេសជិតខាងអ៊ុយក្រែននាថ្ងៃសុក្រនេះ បង្កឲ្យផ្ទុះជាអគ្គិភ័យកើតឡើង ហើយនិងបណ្តាលឲ្យមនុស្ស ២នាក់ រងរបួស ។ ក្រសួងការពារជាតិរ៉ូម៉ានី និយាយនៅថ្ងៃសុក្រនេះថា រ៉ូម៉ានី ដែលជាសមាជិករបស់អង្គការណាតូ និងសហភាពអឺរ៉ុប មានព្រំដែនរួមគ្នាជាមួយអ៊ុយក្រែនប្រវែង ៦៥០គ.ម ហើយបានមើលឃើញ យានដ្រូនរុស្ស៊ីបំពានដែនអាកាសរបស់ពួកគេ ២៨លើក ចាប់តាំងពីទីក្រុងមូស្គូ ចាប់ផ្តើមវាយប្រហារកំពង់ផែទីក្រុងគីវ នៅតាមដងទន្លេ Danube ។ ឧបទ្ទេវហេតុនៅថ្ងៃសុក្រនេះដែរ គឺជាឧបទ្ទេវហេតុលើកដំបូងហើយដែលយានដ្រូនវាយប្រហារតំបន់មានមនុស្សរស់នៅច្រើន ក្នុងប្រទេសរ៉ូម៉ានី និងបណ្តាលឲ្យមានអ្នករងរបួស ហើយវាទំនងជាបង្កើនភាពតានតឹងនៅតំបន់ជ្រោយភាគខាងកើតរបស់អង្គការណាតូ ស្របពេលដែលសម្ព័ន្ធមិត្តអ៊ុយក្រែន ព្រួយបារម្ភថា សង្រ្គាមមួយនេះ អាចរីករាលដាលដល់ព្រំដែនរបស់ពួកគេ ។ ក្រសួងការពារជាតិរ៉ូម៉ានី បន្តថា ពួកគេបានរកឃើញបំណែកយានដ្រូនដែលធ្លាក់នៅរ៉ូម៉ានី ៤៧លើក ។ ទីភ្នាក់ងារសង្រ្គោះបន្ទាន់រ៉ូម៉ានី និយាយដែរថា អគ្គិភ័យបានឆាបឆេះឡើងនៅជាន់ទី ១០នៃអគារផ្ទះល្វែង ក្រោយយានដ្រូនវាយប្រហារដំបូលអគារ និងបានផ្ទុះ ។ ពួកគេបន្តថា មនុស្ស ២នាក់ រងរបួស ទទួលបានការព្យាបាលនៅកន្លែងកើតហេតុ ហើយមនុស្ស ៧០នាក់ ត្រូវបានជម្លៀសចេញពីអគារផ្ទះល្វែង ៕

លោក JD Vance៖ បញ្ហាជាច្រើនលើកម្មវិធីនុយក្លេអ៊ែររបស់អ៊ីរ៉ង់ នៅមិនទាន់អាចដោះស្រាយបាន

2026/05/29 06:23:21 pm        40
Facebook Telegram Linkin
លោកអនុប្រធានាធិបតី JD Vance បានថ្លែងថា សហរដ្ឋអាមេរិក និងអ៊ីរ៉ង់ មិនទាន់បានដោះស្រាយបញ្ហាមួយចំនួនលើកម្មវិធីនុយក្លេអ៊ែររបស់ទីក្រុងតេអេរ៉ង់ នៅឡើយទេ។ លោកបានប្រាប់អ្នកយកព័ត៌មាននៅមូលដ្ឋានរួម Andrews ជិតទីក្រុងវ៉ាស៊ីនតោនថា៖«ពិតជាពិបាកក្នុងការនិយាយឲ្យច្បាស់ថា ពេលណា ឬថាតើប្រធានាធិបតីអាមេរិក លោក ដូណាល់ ត្រាំ នឹងចុះហត្ថលេខាលើអនុស្សរណៈនៃការយោគយល់គ្នាជាមួយអ៊ីរ៉ង់ដែរឬទេ។ យើងកំពុងពិភាក្សាគ្នាលើចំណុចជាក់លាក់ មួយចំនួន»។លោកអនុប្រធានាធិបតីអាមេរិក បានបន្ថែមថា៖«មានបញ្ហាមួយចំនួនលើសម្ភារៈនុយក្លេអ៊ែរ រួមទាំងឃ្លាំងស្តុកអ៊ុយរ៉ានីញ៉ូមចម្រាញ់រួចដែលធាតុសុទ្ធកម្រិតខ្ពស់ និងបញ្ហានៃការចម្រាញ់សារធាតុនេះ។ ដូច្នេះយើងកំពុងពិភាក្សាគ្នាជាមួយពួកគេ» ដោយសំដៅទៅលើការពិគ្រោះយោបល់ជាមួយអ៊ីរ៉ង់។យោងតាមលោក Vance «វាច្បាស់ណាស់ថា អ៊ីរ៉ង់ចង់បានកិច្ចព្រមព្រៀង»។ លោកបានបន្ថែមថា ៖ «យើងគិតថា ពួកគេកំពុងចរចាយ៉ាងហោចណាស់រហូតមកដល់ពេលនេះដោយស្មោះត្រង់»៕

សារព័ត៌មាន៖ អ៊ីរ៉ង់អះអាងថា បានបាញ់ទម្លាក់យន្តហោះអាមេរិក ក្រោយ​បាញ់មីស៊ីលពីតំបន់ភាគខាងត្បូង

2026/05/29 06:14:05 pm        41
Facebook Telegram Linkin
ទីភ្នាក់ងារសារព័ត៌មានពាក់កណ្តាលផ្លូវការ Fars បានរាយ​ការ​ណ៍​កាល​ពី​ព្រឹកថ្ងៃព្រហស្បតិ៍ (ទី២៨ ខែឧសភា ឆ្នាំ២០២៦) ថា កងកម្លាំងប្រដាប់អាវុធអ៊ីរ៉ង់ បានធ្វើប្រតិបត្តិការបាញ់មីស៊ីលពីតំបន់ភាគខាងត្បូងប្រទេស ឆ្ពោះទៅរកគោលដៅជាក់លាក់មួយ មុនពេលអះអាងថា យន្តហោះអាមេរិក ១គ្រឿង ត្រូវបានបាញ់ធ្លាក់​នៅទីក្រុង​​ Bushehr។សេចក្ដី​រាយ​ការណ៍នេះ បានបន្ថែមថា គោលដៅនៃមីស៊ីលទាំងនោះ មិនទាន់ដឹង​ច្បាស់លាស់នៅឡើយទេ​។ ចំណែក​ទីភ្នាក់ងារសារព័ត៌មាន Tasnim បានឲ្យ​ដឹង​ថា សំឡេងដែលឮចេញមក​ពីសមុទ្រ គឺកើត​ឡើង​ដោយសារ «ការបាញ់ព្រមានដល់នាវា​» នៅក្នុងច្រកសមុទ្រ Hormuz។ក្រោយមក ទូរទស្សន៍រដ្ឋអ៊ីរ៉ង់បានផ្សាយ​ថា យន្តហោះអាមេរិក ១គ្រឿង ត្រូវបានបំផ្លាញ នៅក្នុងខេត្ត Jam របស់អ៊ីរ៉ង់ នៅទីក្រុង​​ Bushehr ដោយសំអាង​ដល់​សម្តីរបស់​អភិបាលក្រុង លោក​ Masoud Tangestani។តែ​សហរដ្ឋអាមេរិកបានបដិសេធការអះអាងទាំងនេះ ដោយបញ្ជាក់​ថា គ្មានយន្តហោះអាមេរិកណាមួយ ត្រូវបានបាញ់ទម្លាក់នោះឡើយ​។ បញ្ជាការកណ្តាលសហរដ្ឋអាមេរិក បានឲ្យដឹង​នៅក្នុងសារបង្ហោះ​លើបណ្ដាញ​សង្គម X ថា៖ «គ្មានយន្តហោះអាមេរិកណាមួយ ត្រូវបានបាញ់ទម្លាក់ទេ។ ធនធាន​ផ្លូវអាកាសអាមេរិកទាំងអស់ មិនមាន​ការ​បាត់​បង់ឡើយ​»៕

មនុស្ស ៦នាក់សង្ស័យស្លាប់ ក្រោយបាក់ស្ពាននៅតំបន់ភាគខាងជើងប្រទេសឥណ្ឌា

2026/05/29 06:03:48 pm        40
Facebook Telegram Linkin
ក្រុមមន្រ្តីក្នុងស្រុកនិយាយនៅថ្ងៃសុក្រនេះថា មនុស្សយ៉ាងហោច ៦នាក់ សង្ស័យថាបានស្លាប់ ក្រោយជាប់ក្រោមកម្ទេចកម្ទីស្ពានកំពុងសាងសង់បាក់នៅរដ្ឋភាគខាងជើង Uttar Pradesh ប្រទេសឥណ្ឌា ។ ពួកគេបន្តថា អាកាសធាតុអាក្រក់បង្កឲ្យមានភ្លៀងធ្លាក់ខ្លាំង បណ្តាលឲ្យស្ពាននេះបាក់ ។ លោក Abhishek Goyal គឺជាចៅក្រមស្រុក Hamirpur និយាយថា កម្មករមួយចំនួន បានជ្រកភ្លៀងក្រោមម៉ាស៊ីនស្ទួច ស្រាប់តែស្ពានបាក់សង្កត់លើពួកគេតែម្តង ។លោកបន្តថា ពួកយើងទទួលបានដំណឹងកាលពីវេលាម៉ោងប្រហែល ២-២ ៣០នាទីព្រឹក ម៉ោងក្នុងស្រុកថា ស្ពានកំពុងស្ថិតក្រោមការសាងសង់ បានបាក់ ។ កម្មករមួយចំនួន កំពុងធ្វើការនៅក្រោមស្ពាននោះ ហើយផ្អែកលើព័ត៌មានដែលពួកយើងទទួលបាន មនុស្សប្រហែល ៦នាក់ ស្ថិតក្រោមកម្ទេចកម្ទីស្ពានបាក់ ។ ឧបទ្ទេវហេតុនេះដែរ បានកើតឡើងរយៈពេលប៉ុន្មានថ្ងៃប៉ុណ្ណោះ ក្រោយព្យុះភ្លៀងដ៏ខ្លាំងនៅក្នុងរដ្ឋ Uttar Pradesh បានសម្លាប់មនុស្សជាង ១០០នាក់ ៕

EU សម្លឹងដល់​ការពង្រឹងការ​​ការពារ ខណៈប្រទេសចិនគ្រប​លើ​វិស័យសំខាន់ៗ

2026/05/29 05:10:56 pm        34
Facebook Telegram Linkin
នាយកប្រតិបត្តិសហភាពអឺរ៉ុប (EU) នឹង​រៀប​ចំ​កិច្ចពិភាក្សាដែលមានការចាប់អារម្មណ៍យ៉ាងខ្លាំង នៅថ្ងៃសុក្រ (ទី២៩ ខែឧសភា ឆ្នាំ២០២៦) នេះ​ ស្តីពីការបង្កើនការការពារពាណិជ្ជកម្មរបស់អឺរ៉ុប ដើម្បីការពារឧស្សាហកម្មសំខាន់ៗ កុំ​ឲ្យ​ស្ថិត​ក្នុង​ការគ្រប់គ្រង​របស់​គូប្រជែង គឺ​ប្រទេស​ចិន ដោយក្រុមមាន​ទស្សនៈ​ដូចគ្នា​កាន់តែច្រើនឡើងៗកំពុងជំរុញឲ្យ​ធ្វើ​ការបង្ក្រាប។ខណៈពេលដែលភាពតានតឹងជាមួយសហរដ្ឋអាមេរិក បានធូរស្រាល​បន្តិច​ បន្ទាប់ពីអឺរ៉ុបទទួលបានការអនុម័ត លើកិច្ចព្រមព្រៀងពាណិជ្ជកម្មឆ្នាំ២០២៥ ប្លុកនេះកំពុងងាកការផ្តោតរបស់ខ្លួនទៅប្រទេសចិន។កង្វល់​កាន់តែខ្លាំងឡើងៗ នៅតំបន់​អឺរ៉ុប គឺគម្លាតពាណិជ្ជកម្មដ៏គួរឲ្យ​ព្រួយបារម្ភ រវាងប្រទេសចិន និង EU ដែលមានសមាជិក​ ២៧ប្រទេស។ ឱនភាពពាណិជ្ជកម្មទំនិញរបស់ប្លុកនេះ​ ជាមួយចិន បានឈានដល់ប្រហែល ៣៦០​ពាន់លានអឺរ៉ូ ក្នុងឆ្នាំ២០២៥ មានន័យថា ការនាំចេញរបស់ចិនមាន​លើសការនាំចូលពី​ EU យ៉ាងខ្លាំង។ចាប់តាំងពីឆ្នាំ២០២៣ មក ប្រធានគណៈកម្មការអឺរ៉ុប លោកស្រី Ursula von der Leyen បានជំរុញវិធីសាស្រ្ត «កាត់បន្ថយហានិភ័យ មិនមែនការផ្តាច់ទំនាក់ទំនង» ដែលធ្វើឲ្យ​មានតុល្យភាព រវាងក្តីបារម្ភអំពីការពឹងផ្អែកច្រើនពេកលើចិន និង​ការរក្សាចំណងមិត្តភាពជាមួយ​ទីក្រុង​ប៉េកាំង​។នៅថ្ងៃទី២៩​ ខែឧសភានេះ​ លោកស្រីនឹងដឹកនាំការជជែកពិភាក្សា ជាមួយក្រុមស្នងការអឺរ៉ុបរបស់លោកស្រី ជុំវិញ​អ្វីដែល EU គួរធ្វើ ដើម្បីការពារក្រុមហ៊ុនរបស់ទ្វីបនេះ ពីអ្វីដែលទីក្រុងប្រ៊ុចសែល ពិពណ៌នាថា ជាគ្រប​ដណ្ដប់​ខ្លាំងពេក​ពីគូប្រជែងចិន៕

បណ្ដាញសង្គម

ព័ត៌មានថ្មីៗ

រូបយន្តមុជទឹកក្រោមបាតបឹងកកប្រទេសស្វីស មានគោលបំណងវាស់កម្រាស់ទឹកកកពីខាងក្រោមទឹក
05/29/2026 08:05 PM
Facebook Telegram Linkin
UNICEF៖ កុមារកាន់តែច្រើនបន្ថែមទៀត អាច​រងទុក្ខវេទនា បើអ៊ីស្រាអែលពង្រីកការគ្រប់គ្រង នៅតំបន់​ហ្កាហ្សា
05/29/2026 08:05 PM
Facebook Telegram Linkin
មន្ត្រីរុស្ស៊ីព្រមានអឺរ៉ុបឲ្យ​ត្រៀមប្រឈម​ឧប្បត្តិហេតុយាន​ដ្រូន​បន្ថែមទៀត ក្រោយ​​ហេតុការណ៍ នៅ​រ៉ូម៉ានី
05/29/2026 08:05 PM
Facebook Telegram Linkin
ក្រុមជីករ៉ែខុសច្បាប់ទាញយកប្រយោជន៍មាសតម្លៃរាប់ពាន់លានដុល្លារនៅព្រៃជប់ភ្លៀងអាម៉ាហ្សូនរបស់ប្រេស៊ីល
05/29/2026 08:05 PM
Facebook Telegram Linkin
ឥណ្ឌារំពឹងថា ភ្លៀងធ្លាក់អំឡុងរដូវវស្សាឆ្នាំ ២០២៦ ទាបជាងកម្រិតមធ្យមរាល់ដង
05/29/2026 08:05 PM
Facebook Telegram Linkin
ប្រធានាធិបតី៖ រ៉ូម៉ានីបិទស្ថានកុងស៊ុលរុស្ស៊ី ប្រចាំទីក្រុង Constanta
05/29/2026 07:05 PM
Facebook Telegram Linkin
ក្រសួងការបរទេសធ្វើបទបង្ហាញស្ដីពីការវិនិយោគជូនមន្ត្រីការទូតកម្ពុជា
05/29/2026 07:05 PM
Facebook Telegram Linkin
លោក Zelenskyy៖ រុស្ស៊ីកំពុងរៀបចំការវាយប្រហារទ្រង់ទ្រាយធំថ្មី លើអ៊ុយក្រែន
05/29/2026 07:05 PM
Facebook Telegram Linkin
ប្រទេស​ជប៉ុនចូលរួមបេសកកម្មគាំទ្រអ៊ុយក្រែនរបស់​អង្គការ​ណាតូ ជាលើកដំបូង
05/29/2026 07:05 PM
Facebook Telegram Linkin
លោក Rutte ៖ អង្គការណាតូ ត្រៀមខ្លួនការពាររាល់មីលីម៉ែត្រនៃទឹកដីរបស់សម្ព័ន្ធមិត្ត
05/29/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.