BTV NEWS

អារ៉ាប់រួម នឹងបញ្ចេញមូលនិធិអ៊ីរ៉ង់ដែលត្រូវបានបង្កក ក្នុងពេលមានការជំរុញបទឈប់បាញ់របស់អាមេរិក

បទឈប់បាញ់នៅលីបង់ ជាការសាកល្បងវាយតម្លៃសម្រាប់កិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់

មន្ត្រីជាន់ខ្ពស់អ៊ីរ៉ង់អះអាងថា ទ្រព្យសកម្ម ២៤ ពាន់លានដុល្លារដែលត្រូវបានបង្កក នឹងត្រូវបានបញ្ចេញ

សេតវិមាន ទទូចថាការវាយប្រហារដោយយោធាពេលថ្មីៗនេះ ជំរុញឲ្យអ៊ីរ៉ង់ធ្វើកិច្ចព្រមព្រៀង

ព័ត៌មានអន្តរជាតិ

កងទ័ពអ៊ីស្រាអែល៖ អ៊ីរ៉ង់បានប្រព្រឹត្តនូវ «កំហុសធ្ងន់ធ្ងរ» ដោយការបាញ់មីស៊ីលជាបន្តបន្ទាប់

កាលពីថ្ងៃអាទិត្យ (ទី៧ ខែមិថុនា ឆ្នាំ២០២៦) អ៊ីស្រាអែលបានចោទប្រកាន់ទីក្រុងតេអេរ៉ង់ថា បានប្រព្រឹត្តនូវ «កំហុសធ្ងន់ធ្ងរ» បន្ទាប់ពីរាយការណ៍ថា ខ្លួនបានរងការបាញ់មីស៊ីលជាច្រើនលើកច្រើនសារ ពីអ៊ីរ៉ង់ ដែលជាការវាយប្រហារលើកដំបូង ចាប់តាំងពីបទឈប់បាញ់ត្រូវបានប្រកាសនៅថ្ងៃទី៨ ខែមេសា សម្រាប់សង្គ្រាមមជ្ឈិមបូព៌ា។យោងតាមយោធា បានឲ្យដឹងថា សំឡេងស៊ីរ៉ែនព្រមានពីការវាយប្រហារតាមអាកាស បានបន្លឺឡើងនៅទូទាំងតំបន់ធំៗនៃភាគខាងជើង និងភាគកណ្តាលអ៊ីស្រាអែល ក្នុងនោះរួមទាំងទីក្រុង Haifa, Caesarea និង Hadera ផងដែរ។ យោធាបានឲ្យដឹងថា ក្រោយមក មេបញ្ជាការយោធាអ៊ីស្រាអែល លោកឧត្តមសេនីយ៍ឯក Eyal Zamir បានប្ដេជ្ញាថា យោធានឹង «វាយប្រហារសត្រូវដោយកម្លាំងភ្លាមៗ នៅពេលដែលមានការអនុញ្ញាត»។ នៅក្នុងសេចក្តីថ្លែងការណ៍ជាបន្តបន្ទាប់ដែលត្រូវចេញផ្សាយក្នុងរយៈពេលដ៏ខ្លី យោធាបានឲ្យដឹងថា ខ្លួនបានប្រទះឃើញមីស៊ីលដែលបាញ់ចេញពីអ៊ីរ៉ង់ ហើយមីស៊ីលទាំងអស់ត្រូវបានស្ទាក់ចាប់។ ដោយបានឆ្លើយតបទៅនឹងសំណើសុំព័ត៌មានលម្អិត យោធាបានបញ្ជាក់ថា មីស៊ីលសរុបចំនួន ១១គ្រាប់ ត្រូវបានបាញ់ចេញពីអ៊ីរ៉ង់។យ៉ាងណាក្ដី សេវាសង្គ្រោះបន្ទាន់របស់អ៊ីស្រាអែល Magen David Adom បានឲ្យដឹងថា មិនមានរបាយការណ៍ អំពីអ្នកស្លាប់ និងរបួសដោយសារមីស៊ីលនេះនៅឡើយទេ ប៉ុន្តែមនុស្សមួយចំនួន បានរងរបួស ខណៈពេលកំពុងប្រញាប់ប្រញាល់រត់ទៅកាន់ទីជម្រកសុវត្ថិភាព។ចំណែកទីក្រុងតេអេរ៉ង់បានប្រាប់ថា ការបាញ់មីស៊ីលទាំងនេះ ត្រូវបានធ្វើឡើងទុកជា «ការព្រមាន» បន្ទាប់ពីការវាយប្រហារតាមអាកាសរបស់អ៊ីស្រាអែលលើតំបន់ជាយក្រុងភាគខាងត្បូងនៃទីក្រុងបេរូត កាលពីព្រឹកព្រលឹមថ្ងៃនោះ ដោយបន្ថែមថា ការឈ្លានពានបន្ថែមទៀត នឹងត្រូវបានឆ្លើយតបជាមួយនឹងការឆ្លើយតប «កាន់តែទូលំទូលាយ» ប្រឆាំងនឹងគោលដៅទាំងអស់របស់សហរដ្ឋអាមេរិក-អ៊ីស្រាអែលនៅក្នុងតំបន់៕

ភាពចលាចលក្នុងពេលគ្រោះរញ្ជួយដីកម្រិត៧,៨រ៉ិចទ័រ ដែលបណ្ដាលឲ្យដំបូលសាលារៀនមួយដួលរលំ នៅហ្វីលីពីន

ដំបូលសាលារៀនបឋមសិក្សាមួយ បានដួលរលំ ក្នុងប្រទេសហ្វីលីពីន នៅថ្ងៃចន្ទ (ទី ៨ ខែមិថុនា) បន្ទាប់ពីមានការរញ្ជួយដីកម្រិ ៧,៨រ៉ិចទ័រ បានវាយប្រហារកោះភាគខាងត្បូង។ រូបភាពវីដេអូពីសាលាបឋមសិក្សា Mahayahay នៅក្នុងទីក្រុង Digos បានបង្ហាញឲ្យឃើញថា សិស្សានុសិស្ស កំពុងមានភាពជ្រួលច្របល់ ក្នុងអំឡុងពេលមានការរញ្ជួយដីដ៏ខ្លាំងក្លា មុនពេលរចនា សម្ព័ន្ធដំបូល បានដួលរលំ ដោយបុគ្គលិកកំពុងជួយធ្វើឲ្យមានភាពស្ងប់ស្ងាត់ និងជម្លៀសកុមារទៅរកទីសុវត្ថិភាព។ទីភ្នាក់ងារសារព័ត៌មានរ៉យទ័ព អាចបញ្ជាក់ទីតាំងពីដំបូល ជណ្តើរ ធុងស្តុកទឹក និងប្លង់សាលារៀនដែលត្រូវគ្នា នឹងឯកសារ និងរូបភាពផ្កាយរណប។ កាលបរិច្ឆេទ ត្រូវបានផ្ទៀងផ្ទាត់ដោយមន្ត្រីមូលដ្ឋាន។ការិយាល័យការពារជនស៊ីវិលរបស់ប្រទេសហ្វីលីពីន បានរាយការណ៍ថា មានអ្នកស្លាប់យ៉ាងហោចណាស់៨ នាក់ បន្ទាប់ពីរញ្ជួយដីនេះ បានកើតឡើង។ ការិយាល័យនេះ បានបន្ថែមថា ចំនួនអ្នកស្លាប់ នៅត្រូវរង់ចាំការផ្ទៀងផ្ទាត់។ ការព្រមានអំពីរលកយក្សស៊ូណាមិ ត្រូវបានចេញនៅក្នុងប្រទេសហ្វីលីពីន និងប្រទេសជិតខាងឥណ្ឌូនេស៊ី ដោយប្រព័ន្ធព្រមានរលកយក្សស៊ូណាមិរបស់សហរដ្ឋអាមេរិក ចំណែកប្រជាជននៅតំបន់ឆ្នេរសមុទ្រ ត្រូវបានព្រមានឲ្យផ្លាស់ទៅកាន់កន្លែងខ្ពស់ៗ៕

លោក Trump៖ លោកនឹងមិនបញ្ចេញទ្រព្យសកម្មរបស់អ៊ីរ៉ង់មុនពេលកិច្ចព្រមព្រៀងបទឈប់បាញ់ឈានដល់ឡើយ

ប្រធានាធិបតីសហរដ្ឋអាមេរិក លោក Donald Trump បាននិយាយថា លោកនឹងមិនបញ្ចេញទ្រព្យសកម្មរបស់អ៊ីរ៉ង់រាប់ពាន់លានដុល្លារនៅមុនពេលកិច្ចព្រមព្រៀងបទឈប់បាញ់យូរអង្វែងដែលត្រូវឈានដល់ដើម្បីបញ្ចប់សង្គ្រាមអាមេរិក-អ៊ីស្រាអែលជាមួយអ៊ីរ៉ង់ជាផ្លូវការនោះទេ។ លោក Trump បានថ្លែងបែបនេះនៅក្នុងបទសម្ភាសន៍មួយក្នុងកម្មវិធី Meet the Press របស់ទូរទស្សន៍ NBC News ដែលបានចេញផ្សាយកាលពីថ្ងៃអាទិត្យ ដោយបញ្ជាក់ពីការប្រឈមមុខដាក់គ្នាខ្លាំងក្លាជុំវិញមូលនិធិដែលត្រូវបានបង្កក។ប្រធានាធិបតីសហរដ្ឋអាមេរិកបាននិយាយថា ការបញ្ចេញទ្រព្យសកម្មរបស់អ៊ីរ៉ង់ណាមួយ កើតឡើងបន្ទាប់ពីកិច្ចព្រមព្រៀងមួយត្រូវបានឈានដល់។ លោកនិយាយថា ប្រសិនបើពួកគេមានឥរិយាបថល្អ បើពួកគេធ្វើការងារបានល្អ នោះយើងចាប់ផ្តើមចរចា។ មន្ត្រីអ៊ីរ៉ង់បានបង្ហាញដដែលៗថា កិច្ចព្រមព្រៀងណាមួយអាចអាស្រ័យលើការបញ្ចេញទ្រព្យសកម្មរបស់ទីក្រុងតេអេរ៉ង់យ៉ាងហោចណាស់ដោយផ្នែក ដោយលើកឡើងពីការមិនទុកចិត្តយ៉ាងទូលំទូលាយចំពោះការចរចារបស់សហរដ្ឋអាមេរិក។សហរដ្ឋអាមេរិក បានបើកប្រតិបត្តិការយោធាពីរលើកប្រឆាំងនឹងអ៊ីរ៉ង់ ក្នុងអំឡុងពេលនៃការចរចាដែលកំពុងបន្តលើកម្មវិធីនុយក្លេអ៊ែររបស់ខ្លួន ជាការពិតដែលអ្នកវិភាគជាច្រើននិយាយថា បានធ្វើឱ្យមន្ត្រីអ៊ីរ៉ង់មានការប្រុងប្រយ័ត្ននៅក្នុងកិច្ចចរចាបទឈប់បាញ់ដែលកំពុងបន្ត។ លោក Trump បាននិយាយជាច្រើនសប្តាហ៍មកហើយថា ការទម្លាយភាពទាល់ច្រកអាចធ្វើទៅបាន ទោះបីជាមានសញ្ញាតិចតួចនៃការផ្លាស់ប្តូរសំខាន់ៗលើបញ្ហាសំខាន់ៗ រួមមានការគ្រប់គ្រងនាពេលអនាគតនៅច្រកសមុទ្រ Hormuz កម្មវិធីនុយក្លេអ៊ែររបស់អ៊ីរ៉ង់ និងទ្រព្យសកម្មដែលត្រូវបានបង្កក។

លោក Trump៖ ការវាយប្រហារថ្មីរបស់អ៊ីស្រាអែល និងអ៊ីរ៉ង់ នឹងមិនប៉ះពាល់កិច្ចព្រមព្រៀងសន្តិភាពទេ

ប្រទេសអ៊ីស្រាអែលបានឲ្យដឹងថា ខ្លួនបានវាយប្រហារគោលដៅយោធា នៅភាគខាងលិច និងភាគកណ្តាលរបស់អ៊ីរ៉ង់ នាថ្ងៃចន្ទ (ទី៨ ខែមិថុនា ឆ្នាំ២០២៦) នេះ ដោយប្រតិបត្តិការនេះនៅតែកើតឡើង បើទោះជាប្រធានាធិបតីអាមេរិក លោក Donald Trump ត្រូវបានគេរាយការណ៍ថា បានប្រាប់នាយករដ្ឋមន្ត្រីអ៊ីស្រាអែល លោក Benjamin Netanyahu ឲ្យចៀសវាងការវាយប្រហារបន្ថែមទៀតក៏ដោយ។កាលពីថ្ងៃទី៧ ខែមិថុនា លោក Trump បាននិយាយថា ការវាយប្រហារថ្មីដោយអ៊ីស្រាអែល និងអ៊ីរ៉ង់ នឹងមិនប៉ះពាល់ដល់កិច្ចចរចាសន្តិភាពរបស់រដ្ឋបាលលោកជាមួយទីក្រុងតេអេរ៉ង់ទេ ដោយបន្ថែមថា លោក Netanyahu «មិនមែនអ្នកសម្រេចចិត្ត» នោះទេ។លោក Trump បានជំរុញយ៉ាងខ្លាំងឲ្យអ៊ីស្រាអែលបញ្ឈប់ការវាយប្រហាររបស់ខ្លួន នៅក្នុងប្រទេសលីបង់ ដែលអាចបើកឱកាសឲ្យមានកិច្ចព្រមព្រៀងមួយ ដើម្បីបញ្ចប់សង្គ្រាមកាន់តែទូលំទូលាយជាមួយអ៊ីរ៉ង់ ដោយក្នុងនោះរួមមានទាំងការស្តីបន្ទោស ចំពោះលោក Netanyahu ជាមួយពាក្យសម្ដីអសុរោះ អំឡុងការជជែកតាមទូរស័ព្ទ កាលពីសប្តាហ៍មុនផងដែរ។តែអ៊ីស្រាអែល កាលពីថ្ងៃទី៧ ខែមិថុនា បានចាប់ផ្តើមការវាយប្រហារនៅក្នុងតំបន់បេរូតជាលើកដំបូង ចាប់តាំងពីសហរដ្ឋអាមេរិក បានប្រកាសពីផែនការឈប់បាញ់ សម្រាប់ប្រទេសលីបង់កាលពីសប្តាហ៍មុន។ អ៊ីរ៉ង់បានបាញ់មីស៊ីលជាច្រើនគ្រាប់ទៅលើគោលដៅអ៊ីស្រាអែល ដើម្បីសងសឹក ដែលធ្វើឲ្យកិច្ចចរចាសន្តិភាពរវាងសហរដ្ឋអាមេរិក និងអ៊ីរ៉ង់ស្ថិតក្នុងហានិភ័យ។យ៉ាងណាក្ដី លោក Trump បានទទូចថា កិច្ចព្រមព្រៀងមួយ ដើម្បីបញ្ចប់សង្គ្រាមកាន់តែទូលំទូលាយនៅតែអាចនឹងកើតមាន។ លោក Trump បានប្រាប់សារព័ត៌មាន Financial Times ថា៖ «វា (ការវាយប្រហារ) នឹងមិនមានផលប៉ះពាល់អ្វីដល់កិច្ចព្រមព្រៀងនោះទេ។ ខ្ញុំជាអ្នកសម្រេចចិត្ត។ ខ្ញុំជាអ្នកសម្រេចចិត្តទាំងអស់។ គាត់ (លោក Netanyahu) មិនជាអ្នកសម្រេចចិត្តនោះទេ»៕

លោក XI សាទរចំពោះ «ការចាប់ផ្តើមថ្មី»ក្នុងទំនាក់ទំនងជាមួយកូរ៉េខាងជើង នៅមុនកិច្ចប្រជុំកំពូល

លោក ប្រធានាធិបតី ស៊ី ជីនពីង បាននិយាយនៅពីថ្ងៃចន្ទ (ទី៨ ខែមិថុនា)នេះ នៅក្នុងការអត្ថាធិប្បាយមួយ ដែលបានចេញផ្សាយនៅក្នុងប្រព័ន្ធផ្សព្វផ្សាយរដ្ឋរបស់ប្រទេសជិតខាងនេះ មុនពេលលោកទៅដល់ទីក្រុងព្យុងយ៉ាងសម្រាប់កិច្ចប្រជុំកំពូលដ៏កម្រមួយជាមួយលោកមេដឹកនាំ គីម ជុងអ៊ុន ថា ទំនាក់ទំនងរវាងប្រទេសចិន និងកូរ៉េខាងជើង កំពុងស្ថិតនៅ «ចំណុចចាប់ផ្តើមប្រវត្តិសាស្ត្រថ្មី»។ លោក ស៊ី បាននិយាយនៅក្នុងកាសែត Rodong Sinmun មុនពេលដំណើរទស្សនកិច្ចមួយ ដែលត្រូវបានគេមើលឃើញថា មានសារៈសំខាន់ ពីព្រោះវាជាដំណើរទស្សនកិច្ចអន្តរជាតិលើកដំបូងរបស់លោកនៅឆ្នាំនេះថា គោលនយោបាយដ៏រឹងមាំរបស់ចិន គឺការអភិវឌ្ឍទំនាក់ទំនងជាមួយកូរ៉េខាងជើង ហើយប្រទេសទាំងពីរ នឹងពង្រឹងការផ្លាស់ប្តូរទស្សនៈគ្នាលើគ្រប់វិស័យ។ លោក ស៊ី បានបន្ថែមថា៖«យើងត្រូវតែប្រឆាំងនឹងអនុត្តរភាព អំណាចផ្តាច់ការ និងការប៉ុនប៉ង និងការសមគំនិតគ្នាទាំងអស់ ដើម្បីស្តារឡើងវិញនូវលទ្ធិយោធានិយម ដែលបង្កគ្រោះថ្នាក់ដល់សន្តិសុខ និងស្ថិរភាពក្នុងតំបន់»។លោក ស៊ី ត្រូវបានគេរំពឹងថា នឹងធ្វើការពិភាក្សាជាមួយលោក គីម ក្នុងដំណើរទស្សនកិច្ចរយៈពេលពីរថ្ងៃ ដែលជាដំណើរទស្សនកិច្ចលើកដំបូងរបស់លោក ក្នុងរយៈពេល ៧ឆ្នាំ ទៅកាន់ប្រទេសជិតខាងរបស់ចិន នៅពេលដែលសេដ្ឋកិច្ចរបស់ខ្លួន ដែលត្រូវបានពង្រឹងដោយទំនាក់ទំនងពាណិជ្ជកម្ម និងយោធាកាន់តែកើនឡើងជាមួយប្រទេសរុស្ស៊ី អាចជំរុញទំនុកចិត្តរបស់លោក គីម ក្នុងកិច្ចពិភាក្សានេះ៕

រដ្ឋមន្ត្រីការពារជាតិអាមេរិក៖ ប្រសិនបើកិច្ចព្រមព្រៀងជាមួយអ៊ីរ៉ង់មិនកើតឡើង យើងត្រៀមធ្វើអ្វីដែលត្រូវធ្វើ

រដ្ឋមន្ត្រីក្រសួងការពារជាតិ លោក Pete Hegseth បាននិយាយថា ខណៈកិច្ចព្រមព្រៀងស្តីពីអ៊ីរ៉ង់ «នឹងកើតឡើងក្នុងពេលឆាប់ៗនេះ» សហរដ្ឋអាមេរិកបានត្រៀមជាស្រេច ធ្វើអ្វីដែលចាំបាច់ត្រូវធ្វើដើម្បីធានាថាអ៊ីរ៉ង់នឹងមិនទទួលបានអាវុធនុយក្លេអ៊ែរឡើយ»។ «នៅទីបំផុត យើងគិតថាកិច្ចព្រមព្រៀងមួយ ជាកិច្ចព្រមព្រៀងដ៏អស្ចារ្យ។ វាទំនងជានឹងកើតឡើងក្នុងពេលឆាប់ៗនេះ»។ ប្រធានាធិបតីសហរដ្ឋអាមេរិក លោក Donald Trump បានប្រកាសបទឈប់បាញ់ជាមួយអ៊ីរ៉ង់កាលពីខែមេសា ប៉ុន្តែសង្គ្រាមបានជាប់គាំង ដោយអ៊ីរ៉ង់នៅតែបិទច្រកសមុទ្រ Hormuz ភាគច្រើនមិនឱ្យដឹកជញ្ជូនទំនិញ ហើយលោក Trump គំរាមថានឹងវិលត្រឡប់ទៅរកការទម្លាក់គ្រាប់បែកទ្រង់ទ្រាយធំលើអ៊ីរ៉ង់ ប្រសិនបើការចរចាសន្តិភាពបរាជ័យ។ការវាយប្រហារតបតពីអ៊ីរ៉ង់នៅតែបន្តប្រឆាំងសម្ព័ន្ធមិត្តអាមេរិកនៅក្នុងតំបន់ ដូចជាប្រទេសបារ៉ែន និងគូវ៉ែត ដែលអ៊ីរ៉ង់បានកំណត់គោលដៅក្នុងការវាយប្រហារដោយមីស៊ីលបាលីស្ទីកកាលពីថ្ងៃសុក្រ ទី៥ ខែមិថុនា។ សហរដ្ឋអាមេរិក និងអ៊ីរ៉ង់ បានពិភាក្សាគ្នាសម្រាប់កិច្ចព្រមព្រៀងដែលអាចកើតមាន ដើម្បីបើកច្រកសមុទ្រ Hormuz ដែលតាមរយៈច្រកនេះ ២០%នៃប្រេងរបស់ពិភពលោក បានឆ្លងកាត់នៅមុនពេលសង្គ្រាម។

អ៊ីតាលីរកឃើញសាកសពចំនួន ១០នាក់ ពីទូកដឹកជនអន្តោប្រវេសន៍លិច នៅឆ្នេរសមុទ្រម៉ាល់តា

ឆ្មាំសមុទ្រអ៊ីតាលីបាននិយាយកាលពីថ្ងៃអាទិត្យថា ទូកល្បាតមួយគ្រឿង បានរកឃើញសាកសពមនុស្ស ១០នាក់ បន្ទាប់ពីនាវានេសាទមួយគ្រឿង បានជួយសង្គ្រោះជនអន្តោប្រវេសន៍ចំនួន ៤៨នាក់ ពីទូក ដែលបានលិច នៅជិតឆេ្នរសមុទ្ររបស់ប្រទេសម៉ាល់តា។ ឆ្មាំសមុទ្របាននិយាយនៅក្នុងសេចក្តីថ្លែងការណ៍មួយថា ខ្លួននៅបន្តស្វែងរកតំបន់មួយមានចម្ងាយប្រហែល ៥២ ម៉ាយ (៨៤ គីឡូម៉ែត្រ) ភាគអាគ្នេយ៍នៃប្រទេសម៉ាល់តា ជាកន្លែងដែលទូកជនអន្តោ ប្រវេសន៍ ត្រូវបានគេរាយការណ៍ថា បានលិច។មន្ត្រីបាននិយាយថា ទូកនេះដែលមានមនុស្សប្រហែល ៦០នាក់ នៅលើនោះ បានចាកចេញពីប្រទេស លីប៊ី។ ឆ្មាំសមុទ្រ ដែលជាផ្នែកមួយនៃកងទ័ពជើងទឹកអ៊ីតាលី បានបញ្ជូនទូកល្បាតមួយគ្រឿងទៅកាន់តំបន់ដែលទូកជនអន្តោប្រវេសន៍លិចតាម ការស្នើសុំរបស់អាជ្ញាធរម៉ាល់តា។ឆ្នេរសមុទ្រលីប៊ី គឺជាចំណុចចេញដំណើរដ៏សំខាន់មួយសម្រាប់ជនអន្តោប្រវេសន៍ឆ្លងកាត់សមុទ្រមេឌីទែរ៉ាណេពីអាហ្វ្រិកខាងជើងដោយជិះទូកតូចៗ ដែលស្វែងរកលក្ខខណ្ឌរស់នៅល្អប្រសើរនៅអឺរ៉ុប។ មនុស្សរាប់ពាន់នាក់ បានស្លាប់ ក្នុងអំឡុងពេលធ្វើដំណើរដ៏គ្រោះថ្នាក់នេះ៕

សម្ព័ន្ធមិត្តអឺរ៉ុបជិតស្និទ្ធរបស់លោក ហ្សេឡិនស្គី បានកំណត់លក្ខខណ្ឌចំនួន ៥ សម្រាប់ការចរចាសន្តិភាព

មេដឹកនាំអ៊ុយក្រែន និងសម្ព័ន្ធមិត្តអឺរ៉ុបជិតស្និទ្ធរបស់ខ្លួន គឺចក្រភពអង់គ្លេស បារាំង និងអាល្លឺម៉ង់ បានកំណត់លក្ខខណ្ឌចំនួន ៥ សម្រាប់ការឈានដល់កិច្ចព្រមព្រៀង «ប្រកបដោយយុត្តិធម៌ និងយូរអង្វែង» ដើម្បីបញ្ចប់សង្គ្រាមជាមួយរុស្ស៊ី។នៅក្នុងសេចក្តីថ្លែងការណ៍រួមមួយបន្ទាប់ពីការចរចានៅទីក្រុងឡុងដ៍ លោក វ្ល៉ូឌីមី ហ្សេឡិនស្គី (Volodymyr Zelensky) នាយករដ្ឋមន្ត្រីចក្រភពអង់គ្លេស លោក Sir Keir Starmer ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) និងអធិការបតីអាល្លឺម៉ង់ លោក Friedrich Merz បាននិយាយថា ពួកគេនឹងគាំទ្រអ៊ុយក្រែនយ៉ាងពេញទំហឹង»។លក្ខខណ្ឌទាំង៥ រួមមានការបញ្ឈប់ការប្រយុទ្ធគ្នា ការចាប់ផ្តើមការចរចាពីជំហរបច្ចុប្បន្ន នៅក្នុងវិស័យនេះ ក៏ដូចជាការធានាសន្តិសុខ «ដ៏រឹងមាំ» សម្រាប់អ៊ុយក្រែន។មេដឹកនាំទាំងនេះ បានបញ្ជាក់ជាថ្មីអំពីតម្រូវការសម្រាប់សហរដ្ឋអាមេរិកក្នុងការចូលរួមជាផ្នែកមួយនៃដំណើរការ ខណៈដែលការផ្តោតរបស់ប្រធានាធិបតីអាមេរិក លោក ដូណាល់ ត្រាំ (Donald Trump) ត្រូវបានបង្វែរទៅសង្គ្រាមជាមួយនឹងអ៊ីរ៉ង់៕

លោក Trump ចាំបាច់ត្រូវកាត់បន្ថយការគាំទ្រផ្នែកយោធាដើម្បីបង្ខំលោក Netanyahu ឱ្យធ្វើតាមបំណងរបស់អាមេរិក

លោក Trita Parsi សហស្ថាបនិកនៃវិទ្យាស្ថាន Quincy ទទួលបន្ទុកការទទួលខុសកិច្ចការនយោបាយ និងគ្រប់គ្រង និយាយថា លោក Trump ចាំបាច់ត្រូវធ្វើឲ្យច្រើនជាងការសន្ទនាតាមទូរស័ព្ទ ប្រសិនបើលោកចង់ឱ្យលោក Netanyahu ធ្វើតាមផលប្រយោជន៍របស់សហរដ្ឋអាមេរិក។ លោកនិយាយថា «ប្រសិនបើអ្នកចង់បញ្ឈប់លោក Netanyahu អ្នកចង់ឱ្យលោកគោរពតាមផលប្រយោជន៍របស់ប្រធានាធិបតីអាមេរិកនិងផលប្រយោជន៍របស់សហរដ្ឋអាមេរិក អ្នកមិនអាចធ្វើដូច្នេះបានទេ ដោយគ្រាន់តែធ្វើការសន្ទនាតាមទូរស័ព្ទនោះ»។ អ្នកត្រូវតែដាក់វិធានការដើម្បីរឹតត្បិតល្បិចកលរបស់អ៊ីស្រាអែល និងចាំបាច់ត្រូវដកចេញសមត្ថភាពរបស់ពួកគេក្នុងការវាយប្រហារទៅលើអ៊ីរ៉ង់»។ លោក Parsi បាននិយាយថា «បើគ្មានការគាំទ្រយ៉ាងសកម្មពីអាមេរិកទេ លោក Netanyahu មិនអាចធ្វើបែបនេះបានទេ ដូច្នេះនេះគឺនិយាយអំពីលោក Trump ដកការគាំទ្រនោះចេញពីលោក Netanyahu ដើម្បីបង្ខំលោកឱ្យធ្វើតាមបំណងរបស់សហរដ្ឋអាមេរិក»។

មន្ត្រី៖ រុស្ស៊ីមានគម្រោងលុបចោលទិដ្ឋាការជាមួយប្រទេសចំនួនបី នៅឆ្នាំ ២០២៦នេះ

ប្រធាននាយកដ្ឋានសហប្រតិបត្តិការសេដ្ឋកិច្ចពហុភាគី និងគម្រោងពិសេសនៅក្រសួងអភិវឌ្ឍន៍សេដ្ឋកិច្ចរុស្ស៊ី លោក Nikita Kondratyev បានប្រាប់សារព័ត៌មាន TASS នៅខាងក្រៅវេទិកាសេដ្ឋកិច្ចអន្តរជាតិនៅទីក្រុង St. Petersburg (SPIEF) ថា រុស្ស៊ីមានគោលបំណងលុបចោលតម្រូវការទិដ្ឋាការសម្រាប់ពលរដ្ឋម៉ាឡេស៊ី ឥណ្ឌូនេស៊ី និងកូវ៉ែត នៅឆ្នាំ ២០២៦នេះ។ លោក Kondratyev បាននិយាយនៅក្នុងបទសម្ភាសន៍មួយថា៖«ប្រទេសម៉ាឡេស៊ី និងឥណ្ឌូនេស៊ី គឺជាអាទិភាពសំខាន់ៗសម្រាប់ឆ្នាំនេះ។ យើងក៏រំពឹងថា នឹងមានប្រទេសកូវ៉ែតផងដែរ។ ទាំងនេះ ទំនងជាប្រទេសទាំងបីដែលយើងចង់បញ្ចប់ដំណើរការចរចានៅឆ្នាំនេះ»។លោកប្រធាននាយកដ្ឋាន បានសម្តែងក្តីសង្ឃឹមថា ក្រសួងការបរទេសរុស្ស៊ី នឹងបង្កើនកិច្ចខិតខំប្រឹងប្រែងរបស់ខ្លួន ដើម្បីបញ្ចប់ និងសម្របសម្រួលកិច្ចព្រមព្រៀងដែលពាក់ព័ន្ធ។វេទិកាសេដ្ឋកិច្ចអន្តរជាតិនៅទីក្រុង St. Petersburg (SPIEF)នេះ ត្រូវបានប្រារព្ធឡើង ចាប់ពីថ្ងៃទី ៣ ដល់ថ្ងៃទី ៦ ខែមិថុនា ក្រោមប្រធានបទ «កិច្ចសន្ទនាជាក់ស្តែង៖ ផ្លូវឆ្ពោះទៅរកអនាគតដ៏ស្ថិរភាព»។ យោងតាមលោក Anton Kobyakov ទីប្រឹក្សាប្រធានាធិបតីរុស្ស៊ី និងជាលេខាធិការប្រតិបត្តិនៃគណៈកម្មាធិការរៀបចំ SPIEF ព្រឹត្តិការណ៍នេះ បានប្រមូលផ្តុំអ្នកតំណាងមកពីប្រទេសចំនួន ១៤២ ដោយមានកិច្ចព្រមព្រៀងជាង ១.000ត្រូវបានចុះហត្ថលេខា ដោយមានទឹកប្រាក់សរុបជាង ៦,៦៤២ សែនកោដិ រូប្លិ៍ (ប្រហែល ៩០,៤ ពាន់លានដុល្លារ)។ វេទិកានេះត្រូវបានរៀបចំឡើងដោយមូលនិធិ Roscongress ដោយមានសារព័ត៌មាន TASS ជាដៃគូព័ត៌មានទូទៅរបស់ខ្លួន៕

បណ្ដាញសង្គម

ព័ត៌មានថ្មីៗ

សហរដ្ឋអាមេរិក បើកការប្រកួតក្នុងនាមសហម្ចាស់ផ្ទះឈ្នះប៉ារ៉ាហ្កាយ ៤ទល់១

កម្ពុជានាំចេញទំនិញទៅវៀតណាមមានតម្លៃជាប្រាក់ជាង ២ពាន់លានដុល្លារអាមេរិកហក់ឡើងជិត ១៤% ក្នុងរយៈពេល៥ខែឆ្នាំនេះ

ក្រុមហេសបូឡា៖ ខ្លួនបានតតាំងជាមួយកងទ័ពអ៊ីស្រាអែលដែលកំពុងរុលទៅមុខនៅភាគខាងត្បូងប្រទេសលីបង់

បាល់ទាត់ពិភពលោក២០២៦ (FIFA World Cup 2026)៖ ម្ចាស់ផ្ទះកាណាដាបានត្រឹមស្មើបូស្ន៊ី ក្នុងការប្រកួតបើកឆាកពូលB

រយៈពេល១០ថ្ងៃ ជនបរទេស ២,២៧៨នាក់ មាន២៨សញ្ជាតិខុសច្បាប់ ត្រូវបានបណ្ដេញចេញពីកម្ពុជា

អាមេរិក និងអ៊ីរ៉ង់ បង្ហាញសញ្ញាកិច្ចព្រមព្រៀងសន្តិភាពជិតមកដល់ ទោះបីមានភាពខ្វែងគំនិតគ្នាលើលក្ខខណ្ឌមួយចំនួនក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

កងទ័ពអ៊ីស្រាអែល៖ អ៊ីរ៉ង់បានប្រព្រឹត្តនូវ «កំហុសធ្ងន់ធ្ងរ» ដោយការបាញ់មីស៊ីលជាបន្តបន្ទាប់

ភាពចលាចលក្នុងពេលគ្រោះរញ្ជួយដីកម្រិត៧,៨រ៉ិចទ័រ ដែលបណ្ដាលឲ្យដំបូលសាលារៀនមួយដួលរលំ នៅហ្វីលីពីន

លោក Trump៖ លោកនឹងមិនបញ្ចេញទ្រព្យសកម្មរបស់អ៊ីរ៉ង់មុនពេលកិច្ចព្រមព្រៀងបទឈប់បាញ់ឈានដល់ឡើយ

លោក Trump៖ ការវាយប្រហារថ្មីរបស់អ៊ីស្រាអែល និងអ៊ីរ៉ង់ នឹងមិនប៉ះពាល់កិច្ចព្រមព្រៀងសន្តិភាពទេ

លោក XI សាទរចំពោះ «ការចាប់ផ្តើមថ្មី»ក្នុងទំនាក់ទំនងជាមួយកូរ៉េខាងជើង នៅមុនកិច្ចប្រជុំកំពូល

អ៊ីតាលីរកឃើញសាកសពចំនួន ១០នាក់ ពីទូកដឹកជនអន្តោប្រវេសន៍លិច នៅឆ្នេរសមុទ្រម៉ាល់តា

សម្ព័ន្ធមិត្តអឺរ៉ុបជិតស្និទ្ធរបស់លោក ហ្សេឡិនស្គី បានកំណត់លក្ខខណ្ឌចំនួន ៥ សម្រាប់ការចរចាសន្តិភាព

លោក Trump ចាំបាច់ត្រូវកាត់បន្ថយការគាំទ្រផ្នែកយោធាដើម្បីបង្ខំលោក Netanyahu ឱ្យធ្វើតាមបំណងរបស់អាមេរិក

មន្ត្រី៖ រុស្ស៊ីមានគម្រោងលុបចោលទិដ្ឋាការជាមួយប្រទេសចំនួនបី នៅឆ្នាំ ២០២៦នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

កងទ័ពអ៊ីស្រាអែល៖ អ៊ីរ៉ង់បានប្រព្រឹត្តនូវ​ «កំហុសធ្ងន់ធ្ងរ» ដោយការបាញ់មីស៊ីលជាបន្ត​បន្ទាប់​

ភាពចលាចលក្នុងពេលគ្រោះរញ្ជួយដីកម្រិត៧,៨រ៉ិចទ័រ ដែលបណ្ដាលឲ្យដំបូលសាលារៀនមួយដួលរលំ នៅហ្វីលីពីន

លោក Trump៖ លោកនឹងមិនបញ្ចេញទ្រព្យសកម្មរបស់អ៊ីរ៉ង់មុនពេលកិច្ចព្រមព្រៀងបទឈប់បាញ់ឈានដល់ឡើយ

លោក Trump៖ ការវាយប្រហារថ្មីរបស់​​អ៊ីស្រាអែល និងអ៊ីរ៉ង់ នឹងមិនប៉ះពាល់កិច្ចព្រមព្រៀងសន្តិភាពទេ

លោក XI សាទរចំពោះ «ការចាប់ផ្តើមថ្មី»ក្នុងទំនាក់ទំនងជាមួយកូរ៉េខាងជើង នៅមុនកិច្ចប្រជុំកំពូល

អ៊ីតាលីរកឃើញសាកសពចំនួន ១០នាក់ ពីទូកដឹកជនអន្តោប្រវេសន៍លិច នៅឆ្នេរសមុទ្រម៉ាល់តា

សម្ព័ន្ធមិត្តអឺរ៉ុបជិតស្និទ្ធរបស់លោក ហ្សេឡិនស្គី បានកំណត់លក្ខខណ្ឌចំនួន ៥ សម្រាប់ការចរចាសន្តិភាព

លោក Trump ចាំបាច់ត្រូវកាត់បន្ថយការគាំទ្រផ្នែកយោធាដើម្បីបង្ខំលោក Netanyahu ឱ្យធ្វើតាមបំណងរបស់អាមេរិក

មន្ត្រី៖ រុស្ស៊ីមានគម្រោងលុបចោលទិដ្ឋាការជាមួយប្រទេសចំនួនបី នៅឆ្នាំ ២០២៦នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងទ័ពអ៊ីស្រាអែល៖ អ៊ីរ៉ង់បានប្រព្រឹត្តនូវ «កំហុសធ្ងន់ធ្ងរ» ដោយការបាញ់មីស៊ីលជាបន្តបន្ទាប់

លោក Trump៖ ការវាយប្រហារថ្មីរបស់អ៊ីស្រាអែល និងអ៊ីរ៉ង់ នឹងមិនប៉ះពាល់កិច្ចព្រមព្រៀងសន្តិភាពទេ