BTV NEWS

ប្រព័ន្ធផ្សព្វផ្សាយ៖ កូរ៉េខាងជើងថ្កោលទោសការអនុម័តលក់មីស៊ីលរបស់អាមេរិកទៅឲ្យកូរ៉េខាងត្បូង

នាយករដ្ឋមន្ត្រីអ៊ីស្រាអែល អះអាងថានឹងមិនអនុញ្ញាតឱ្យអ៊ីរ៉ង់ មានអាវុធនុយក្លេអ៊ែរឡើយ

សហភាពអឺរ៉ុប ព្រមព្រៀងចាប់ផ្តើមដំណើរការចូលជាសមាជិកសម្រាប់អ៊ុយក្រែន និងម៉ុលដាវី

BBC៖ រុស្ស៊ី បានបាត់បង់កងទ័ពជាង ២២០.០០០នាក់ក្នុងអំឡុងពេលវាយលុកនៅអ៊ុយក្រែន

ព័ត៌មានអន្តរជាតិ

ក្រុមហ៊ុនដែលបានចុះបញ្ជីនៅ GCC រាយការណ៍ពីប្រាក់ចំណេញក្នុងត្រីមាសទី១ ចំនួន ៦៧,៩ ពាន់លានដុល្លារ

ក្រុមហ៊ុនដែលបានចុះបញ្ជីនៅទូទាំងក្រុមប្រឹក្សាសហប្រតិបត្តិការឈូងសមុទ្រ (GCC) បានបង្ហាញប្រាក់ចំណេញសុទ្ធចំនួន ៦៧, ៩ ពាន់លានដុល្លារ ក្នុងត្រីមាសទី១ នៃឆ្នាំ ២០២៦ ដែលកើនឡើង ១៥,៥ភាគរយធៀបនឹងឆ្នាំមុន ដែលជំរុញដោយប្រាក់ចំណូលវិស័យថាមពល និងធនាគារកាន់តែរឹងមាំ។កំណើននេះ ត្រូវបានដឹកនាំដោយប្រាក់ចំណេញខ្ពស់នៅក្នុងវិស័យថាមពល ជាពិសេសក្រុមហ៊ុនផលិតប្រេង Saudi Aramco រួមជាមួយនឹងការកើនឡើងនៃវិស័យធនាគារ អាហារ និងភេសជ្ជៈ និងទំនិញមូលធន។ នេះបើយោងតាមរបាយការណ៍របស់ក្រុមហ៊ុនវិនិយោគ Kamco Invest។ក្រុមហ៊ុនវិនិយោគដែលមានមូលដ្ឋាននៅប្រទេសកូវ៉ែត បាននិយាយថា ប្រាក់ចំណេញសរុប បានឈានដល់កម្រិតខ្ពស់ថ្មីប្រចាំត្រីមាស ក្នុងអំឡុងពេលបីខែដំបូងនៃឆ្នាំនេះ ខណៈដែលប្រាក់ចំណូលនៅទូទាំងក្រុមហ៊ុនដែលបានចុះបញ្ជីនៅ GCC បានកើនឡើង ៧,៧ភាគរយ ធៀបនឹងឆ្នាំមុនដល់ ៣៥៣,៣ ពាន់លានដុល្លារ។ តួលេខរឹងមាំទាំងនេះ បង្ហាញពីភាពធន់របស់សាជីវកម្មនៃក្រុមប្រឹក្សាសហប្រតិបត្តិការឈូងសមុទ្រ (GCC) ទោះបីជាជម្លោះក្នុងតំបន់ នៅតែបន្តធ្វើឲ្យប៉ះពាល់ដល់អារម្មណ៍វិនិយោគិន នៅក្នុងតំបន់ក៏ ដោយ៕

ក្រុមហ៊ួទីគាំទ្រចំពោះប្រតិបត្តិការរបស់អ៊ីរ៉ង់ប្រឆាំងនឹងអ៊ីស្រាអែល និងព្រមានទប់ទល់ការកើនឡើងភាពតានតឹង

ក្រុមហ៊ួទីនៅប្រទេសយេម៉ែនបាននិយាយកាលពីល្ងាចថ្ងៃអាទិត្យថា ខ្លួនគាំទ្រប្រតិបត្តិការយោធាដែលធ្វើឡើងដោយអ៊ីរ៉ង់ប្រឆាំងនឹងអ៊ីស្រាអែល ដោយបន្ថែមថា «អ័ក្សនៃការតស៊ូ» នៅតែស្ថិតក្នុងការសម្របសម្រួលជាបន្តបន្ទាប់ ដើម្បីប្រឈមនឹងការវិវត្តណាមួយ។នៅក្នុងសេចក្តីថ្លែងការណ៍មួយដែលធ្វើឡើងដោយទូរទស្សន៍ Al-Masirah ដែលគ្រប់គ្រងដោយក្រុមហ៊ួទី ក្រុមនេះបាននិយាយថា ប្រតិបត្តិការរបស់អ៊ីរ៉ង់ ដែលជាការឆ្លើយតបទៅនឹងការវាយប្រហារតាមអាកាសរបស់អ៊ីស្រាអែល នៅក្នុងតំបន់ជាយក្រុងភាគខាងត្បូងនៃទីក្រុងបេរូត កាលពីព្រឹកថ្ងៃអាទិត្យ បានពង្រឹង «ភាពស្មើគ្នានៃសម្ព័ន្ធភាពបង្រួបបង្រួម» និងប្រឆាំងនឹង«និទណ្ឌភាព»របស់អ៊ីស្រាអែល។សេចក្តីថ្លែងការណ៍បានបន្ថែមថា៖«អ័ក្សនៃការតស៊ូ» នៅតែស្ថិតក្នុងការសម្របសម្រួលជាបន្តបន្ទាប់ ដើម្បីដោះស្រាយការវិវត្តក្នុងតំបន់ ដោយព្រមានអ៊ីស្រាអែលចំពោះការកើនឡើងភាពតានតឹងណាមួយ។ការអត្ថាធិប្បាយរបស់ក្រុមហ៊ួទីបានកើតឡើង បន្ទាប់ពីអ៊ីរ៉ង់បានបាញ់មីស៊ីលជាច្រើនគ្រាប់ឆ្ពោះទៅកាន់អ៊ីស្រាអែលកាលពីល្ងាចថ្ងៃអាទិត្យ។ ស៊ីរ៉ែនវាយប្រហារតាមអាកាស បានរោទិ៍ឡើង នៅទូទាំងតំបន់ នៅភាគខាងជើងអ៊ីស្រាអែល ហើយយោធាអ៊ីស្រាអែលបាននិយាយថា ខ្លួនបានស្ទាក់ចាប់ការវាយប្រហារដោយមីស៊ីលទាំងនេះ៕

[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាងហោចណាស់ ១៥នាក់

មន្ត្រីទីភ្នាក់ងារគ្រោះមហន្តរាយ បានបញ្ជាក់ឲ្យដឹងថា ចំនួនអ្នកស្លាប់ដោយសាររញ្ជួយដីកម្រិត ៧,៨រ៉ិចទ័រនៅភាគខាងត្បូងនៃប្រទេសហ្វីលីពីន បានកើនឡើងដល់យ៉ាងហោចណាស់ ១៥នាក់ហើយ ដោយមានអ្នករបួសជាង ១០០នាក់។ រញ្ជួយដីនេះបានកើតឡើងនៅម្ដុំភាគខាងត្បូងនៃកោះ Mindanao នៅថ្ងៃចន្ទ (ទី៨ ខែមិថុនា ឆ្នាំ២០២៦) នេះ ដោយបានបណ្ដាលឲ្យអគារបាក់រលំ និងបង្កឲ្យមានការព្រមានអំពីរលកយក្សស៊ូណាមិ នៅទូទាំងតំបន់៕

ឥណ្ឌូនេស៊ី និងម៉ាឡេស៊ី លុបចោលការព្រមានអំពីរលកយក្សស៊ូណាមិ បន្ទាប់ពីមានរញ្ជួយដី នៅហ្វីលីពីន

ប្រទេសឥណ្ឌូនេស៊ី បានលុបចោលការព្រមាន អំពីរលកយក្សស៊ូណាមិ នៅនថ្ងៃចន្ទ (ទី៨ ខែមិថុនា ឆ្នាំ២០២៦) នេះ ពោលគឺប៉ុន្មានម៉ោងបន្ទាប់ពីបានបញ្ជាឲ្យជម្លៀសប្រជាជននៅតំបន់ភាគខាងជើងដែលរងការគំរាមកំហែងដោយរលកយក្សស៊ូណាមិ បន្ទាប់ពីមានការរញ្ជួយដីកម្រិត ៧,៨រ៉ិចទ័រ នៅភាគខាងត្បូងនៃប្រទេសហ្វីលីពីន។ យោងតាមគេហទំព័ររបស់ទីភ្នាក់ងារឧតុនិយម អាកាសធាតុ និងភូគព្ភសាស្ត្រ (BMKG) បានឲ្យដឹងថា ការព្រមានអំពីរលកយក្សស៊ូណាមិ «បានបញ្ចប់ហើយ« បន្ទាប់ពីត្រូវបានចេញ ៤ម៉ោងកន្លះ។ ទីភ្នាក់ងារនេះបានកត់ត្រារលកយក្សស៊ូណាមិតូចៗ នៅក្នុងទីតាំងយ៉ាងហោចណាស់ ៩កន្លែង នៅក្នុងប្រទេសឥណ្ឌូនេស៊ី ដោយខ្ពស់បំផុតត្រូវបានកត់ត្រានៅកម្ដស់ ០,៧៥ម៉ែត្រ នៅកោះ Sangihe។ រីឯទីភ្នាក់ងារឧតុនិយមម៉ាឡេស៊ី (MetMalaysia) នៅថ្ងៃនេះ ក៏បានលុបចោលការជូនដំណឹងអំពីរលកយក្សស៊ូណាមិដូចគ្នាដែរ ដែលត្រូវបានចេញបន្ទាប់ពីមានការរញ្ជួយដីដ៏ខ្លាំងក្លានៅហ្វីលីពីននេះ ដោយបញ្ចប់ការតាមដានពិនិត្យជាច្រើនម៉ោង ក្រោយអាជ្ញាធរបានកំណត់ថា មិនមានការគំរាមកំហែងដល់ប្រទេសម៉ាឡេស៊ីទៀតឡើយ។ នៅក្នុងសេចក្តីថ្លែងការណ៍មួយដែលចេញនៅថ្ងៃត្រង់ តាមពេលវេលាម៉ោងក្នុងស្រុក ស្ថាប័នឧតុនិយមមួយនេះបានបញ្ជាក់ថា ការជូនដំណឹង ដែលត្រូវបានចេញនៅម៉ោង ៨:៣៦នាទីព្រឹក ត្រូវបានបញ្ចប់ហើយ។ ស្ថាប័ន MetMalaysia ក៏បានបន្ថែមផងដែរថា ការជូនដំណឹងនេះនឹងក្លាយជាការធ្វើបច្ចុប្បន្នភាពចុងក្រោយរបស់ខ្លួន ជុំវិញហេតុការណ៍នេះ ប្រសិនបើមិនមានការវិវត្តអ្វីថ្មីបន្ថែមទៀតទេនោះ។ គួរបញ្ជាក់ថា ការព្រមាននេះត្រូវបានចេញបន្ទាប់ពីការរញ្ជួយដីដ៏ខ្លាំងក្លាមួយ បានកើតឡើងនៅជិតកោះ Mindanao នៅភាគខាងត្បូងនៃប្រទេសហ្វីលីពីន នាព្រឹកព្រលឹមថ្ងៃនេះ ដែលជំរុញឲ្យមានការព្រមានអំពីរលកយក្សស៊ូណាមិ ហើយមនុស្សមួយចំនួនស្លាប់ និងរបួស ក៏ដូចជាការជូនដំណឹងនៅទូទាំងតំបន់អាស៊ីអាគ្នេយ៍ និងប៉ាស៊ីហ្វិក៕

យោធានីហ្សេរីយ៉ា ជួយសង្គ្រោះចំណាប់ខ្មាំងចំនួន ៣៦០ នាក់នៅក្នុងរដ្ឋ Borno

យោធាបាននិយាយកាលពីថ្ងៃអាទិត្យ ទី៧ មិថុនាថា កងកម្លាំងសន្តិសុខប្រទេសនីហ្សេរីយ៉ា បានរំដោះបុរស ស្ត្រី និងកុមារចំនួន ៣៦០ នាក់ពីទីតាំងលាក់ខ្លួននៅតំបន់ភ្នំមួយកន្លែងដែលពួកគេត្រូវបានឃុំខ្លួនដោយអ្នកចាប់ពង្រត់នៅក្នុងរដ្ឋ Borno នៅភាគឦសាន បន្ទាប់ពីប្រតិបត្តិការដឹកនាំដោយចារកម្ម។ រដ្ឋាភិបាលប្រទេសអាហ្វ្រិកខាងលិចមួយនេះ បានតតាំងជាច្រើនឆ្នាំមកហើយដើម្បីដោះស្រាយភាពអសន្តិសុខ មានចាប់ពីជម្លោះរវាងកសិករចិញ្ចឹមសត្វនៅទូទាំងភាគកណ្តាលរបស់ខ្លួន រហូតដល់ក្រុមជនអន្ធពាលចាប់ជំរិត ក្រុមសកម្មប្រយុទ្ធរដ្ឋឥស្លាម និងកងជីវពលការពារសហគមន៍ដែលធ្វើប្រតិបត្តិការនៅទូទាំងរដ្ឋភាគខាងជើង។ អ្នកដែលត្រូវបានចាប់ពង្រត់ទាំងនោះ ត្រូវបានឃុំខ្លួនដោយក្រុមមួយមានឈ្មោះកាត់ថា JAS ចូលជ្រៅនៅក្នុងភ្នំ Mandara នៅភាគខាងត្បូងនៃរដ្ឋ នេះបើយោងតាមសេចក្តីថ្លែងការណ៍របស់យោធា។ ក្រុម JAS គឺជាឈ្មោះផ្លូវការជាភាសាអារ៉ាប់របស់ក្រុម Boko Haram។ ពួកគេត្រូវបានចាប់ខ្លួនពីសហគមន៍ផ្សេងៗគ្នានៅក្នុងតំបន់ ហើយប្រតិបត្តិការជួយសង្គ្រោះត្រូវបានអនុវត្តដោយក្រុមការងាររួមគ្នា រួមមានទាំងកងកម្លាំងពិសេសដែលបានបង្ខំឱ្យក្រុមអ្នកប្រយុទ្ធ JAS បោះបង់ចោលទីតាំងរបស់ពួកគេ។

សេចក្តីព្រាងសេចក្តីសម្រេចរបស់អាមេរិកនៅ IAEA ដាក់សម្ពាធលើអ៊ីរ៉ង់ស្តីពីទីតាំង និងអ៊ុយរ៉ានីញ៉ូម

សហរដ្ឋអាមេរិកកំពុងបញ្ចុះបញ្ចូលប្រទេសដទៃទៀតនៅក្រុមប្រឹក្សាអង្គការឃ្លាំមើលនុយក្លេអ៊ែររបស់អង្គការសហប្រជាជាតិ ដើម្បីគាំទ្រសេចក្តីព្រាងសេចក្តីសម្រេចដែលបញ្ជាឱ្យអ៊ីរ៉ង់ផ្តល់ព័ត៌មានដល់ទីភ្នាក់ងារនេះអំពីជោគវាសនានៃទីតាំងនុយក្លេអ៊ែរដែលត្រូវបានទម្លាក់គ្រាប់បែក និងសារធាតុអ៊ុយរ៉ានីញ៉ូមដែលបានចម្រាញ់រួចត្រូវបានរក្សាទុកនៅទីនោះ។ ឯកសារនៃសេចក្តីព្រាងសេចក្តីសម្រេចរបស់សហរដ្ឋអាមេរិក ដែលបានមើលឃើញដោយសារព័ត៌មាន Reuters កាលពីថ្ងៃអាទិត្យ ទី៧ ខែមិថុនា និងបានចែករំលែកនៅមុនកិច្ចប្រជុំប្រចាំត្រីមាសរបស់ក្រុមប្រឹក្សា៣៥ប្រទេសនៅសប្តាហ៍នេះ មានហានិភ័យនៃការធ្វើឱ្យស្មុគស្មាញបន្ថែមទៀតដល់ការចរចាបច្ចុប្បន្នរវាងសហរដ្ឋអាមេរិក និងអ៊ីរ៉ង់ ព្រោះអ៊ីរ៉ង់មានកំហឹងចំពោះសេចក្តីសម្រេចប្រឆាំងខ្លួននៅទីភ្នាក់ងារថាមពលអាតូមិកអន្តរជាតិ(IAEA)។ ខណៈសេចក្តីសម្រេចរបស់ក្រុមប្រឹក្សាទីភ្នាក់ងារ IAEA កាលពីពេលមុនប្រឆាំងនឹងអ៊ីរ៉ង់ បានអនុម័តដោយគម្លាតហើយឯកសារនេះអាចមានការតតាំងកាន់តែខ្លាំង ព្រោះវាជាសហរដ្ឋអាមេរិកដែលរួមជាមួយអ៊ីស្រាអែល បានទម្លាក់គ្រាប់បែកលើទីតាំងនុយក្លេអ៊ែររបស់អ៊ីរ៉ង់កាលពីខែមិថុនា ចាប់តាំងពីពេលនោះមក ទីភ្នាក់ងារ IAEA មិនអាចត្រឡប់ទៅទីតាំងនុយក្លេអ៊ែរទាំងនោះវិញបាន។ ឯកសារបាននិយាយថា អ៊ីរ៉ង់ត្រូវតែ «ផ្តល់ឱ្យទីភ្នាក់ងារ IAEA នូវព័ត៌មានច្បាស់លាស់អំពីគណនេយ្យភាពសម្ភារៈនុយក្លេអ៊ែរ និងទីតាំងផលិតនុយក្លេអ៊ែរដែលត្រូវបានការពារនៅក្នុងប្រទេសអ៊ីរ៉ង់» និង «ផ្តល់ដំណើរការចូលទាំងអស់ដែលទីភ្នាក់ងារត្រូវការដើម្បីផ្ទៀងផ្ទាត់ព័ត៌មាន» ដោយនិយាយថា ត្រូវតែធ្វើឡើង «ដោយមិនពន្យាពេល» ហើយ «ចាំបាច់ និងបន្ទាន់»។

អ៊ីរ៉ង់ ទទូចឱ្យមានបទឈប់បាញ់ មុនពេលចរចានុយក្លេអ៊ែរ ខណៈសង្គ្រាមឈានដល់ថ្ងៃទី១០០

យោងតាមការវិភាគព័ត៌មានពីទូរទស្សន៍កណ្តាលរដ្ឋចិន(CCTV) បានឲ្យដឹងថា អ៊ីរ៉ង់បានទទូចឱ្យមានបទឈប់បាញ់នៅមុនពេលចរចានុយក្លេអ៊ែរណាមួយ ខណៈសង្គ្រាមរបស់សហរដ្ឋអាមេរិក និងអ៊ីស្រាអែលលើអ៊ីរ៉ង់បានឈានចូលដល់ថ្ងៃទី១០០ កាលពីថ្ងៃអាទិត្យ។ ការវិភាគ ដែលបានចេញផ្សាយកាលពីថ្ងៃអាទិត្យ បាននិយាយថា ជំហរដែលអ៊ីរ៉ង់កំពុងរក្សានៅពេលនេះគឺថា សហរដ្ឋអាមេរិកត្រូវតែចុះហត្ថលេខាលើអនុស្សរណៈនៃការយោគយល់ស្តីពីបទឈប់បាញ់ជាមួយអ៊ីរ៉ង់ជាមុនសិន មុនពេលចូលរួមក្នុងការចរចានុយក្លេអ៊ែរណាមួយ។ ភាគីអ៊ីរ៉ង់បានអះអាងថា ក្នុងរយៈពេលមួយឆ្នាំកន្លងទៅនេះ សហរដ្ឋអាមេរិកបានចាប់ផ្តើមការវាយប្រហារយោធាភ្លាមៗចំនួនពីរលើកក្នុងអំឡុងពេលនៃការចរចានុយក្លេអ៊ែរ ដែលបានបង្កើតឱ្យមានមន្ទិលសង្ស័យនៅក្នុងប្រទេសអ៊ីរ៉ង់ អំពីភាពស្មោះត្រង់ និងបំណងពិតរបស់សហរដ្ឋអាមេរិក។ ពីទស្សនៈរបស់អ៊ីរ៉ង់ ការទទួលបានការធានាយ៉ាងរឹងមាំ និងការសម្រេចបាននូវបទឈប់បាញ់ពិតប្រាកដ និងការបញ្ឈប់អរិភាពគឺជាអាទិភាពចម្បង។ មានតែបន្ទាប់ពីការចុះហត្ថលេខាលើអនុស្សរណៈនៃការយោគយល់គ្នាស្តីពីបទឈប់បាញ់ក្នុងបំណងបញ្ចប់សង្គ្រាមនៅគ្រប់ទីកន្លែងនៅក្នុងតំបន់ប៉ុណ្ណោះ ទើបអ៊ីរ៉ង់ព្រមព្រៀងបន្តការចរចានុយក្លេអ៊ែរជាមួយសហរដ្ឋអាមេរិក។ អ្នកវិភាគអ៊ីរ៉ង់បាននិយាយថា ភាពផ្ទុយគ្នារវាងសេចក្តីថ្លែងការណ៍ និងសកម្មភាពរបស់សហរដ្ឋអាមេរិក រួមជាមួយការទាមទារកំពុងកើនឡើងឥតឈប់ឈរ ដោយបានរារាំងភាគីទាំងពីរពីការឈានដល់ការយោគយល់បែបនេះ។ អ៊ីរ៉ង់និយាយថា ការចរចាកំពុងត្រូវបានប្រើប្រាស់ដោយសហរដ្ឋអាមេរិក ដើម្បីធានានៅតុចរចានូវអ្វីដែលខ្លួនបរាជ័យក្នុងការសម្រេចបាន ដោយបានបន្ថែមលក្ខខណ្ឌថ្មីៗដែលអ៊ីរ៉ង់នឹងមិនទទួលយក ប្រសិនបើវាធ្វើឱ្យអន្តរាយដល់ផលប្រយោជន៍របស់ប្រទេស។

ប្រជាជនអ៊ីរ៉ង់ រីករាយចំពោះការឆ្លើយតបដ៏ខ្លាំងក្លា ខណៈមីស៊ីលវាយប្រហារអ៊ីស្រាអែលក្រោយការវាយប្រហារនៅលីបង់

យោងតាមការចេញផ្សាយរបស់សារព័ត៌មាន Axios កាលពីថ្ងៃអាទិត្យ បានឲ្យដឹងថា ប្រជាជនអ៊ីរ៉ង់ បានចេញដើរនៅតាមដងផ្លូវក្នុងទីក្រុងតេអេរ៉ង់កាលពីយប់ថ្ងៃអាទិត្យ ទី៧ ខែមិថុនា ក្នុងការគាំទ្រអ៊ីរ៉ង់បាញ់មីស៊ីលទៅលើអ៊ីស្រាអែល។ ពួកគេបានគ្រវីទង់ជាតិអ៊ីរ៉ង់ និងក្រុមហេសបូឡា ខណៈស្រែកពាក្យស្លោកគាំទ្រអ៊ីរ៉ង់។ អ៊ីរ៉ង់ បានបាញ់មីស៊ីលជាច្រើនគ្រាប់ទៅលើគោលដៅនៅអ៊ីស្រាអែលក្នុងការសងសឹកចំពោះការវាយប្រហារនៅជាយក្រុងបេរូត។ អ៊ីរ៉ង់ បាននិយាយជាយូរមកហើយថា កិច្ចព្រមព្រៀងសន្តិភាពណាមួយជាមួយសហរដ្ឋអាមេរិក នឹងអាស្រ័យលើបទឈប់បាញ់ដែលធ្វើឡើងនៅក្នុងប្រទេសលីបង់ផងដែរ ដែលអ៊ីស្រាអែលបានឈ្លានពានកាលពីខែមីនា។ ប៉ុន្តែ អ៊ីស្រាអែលកាលពីថ្ងៃអាទិត្យ បានបើកការវាយប្រហារនៅក្នុងតំបន់ទីក្រុងបេរូត ជាលើកដំបូងចាប់តាំងពីសហរដ្ឋអាមេរិក បានប្រកាសផែនការបទឈប់បាញ់សម្រាប់ប្រទេសលីបង់ កាលពីសប្តាហ៍មុន។ ក្រោយមក យោធាអ៊ីស្រាអែល បាននិយាយថា ខ្លួនបានកំណត់អត្តសញ្ញាណមីស៊ីលដែលបានបាញ់ចេញពីអ៊ីរ៉ង់ ហើយប្រព័ន្ធការពាររបស់ខ្លួនស្ទាក់ចាប់បានមីស៊ីលទាំងនោះ។ ប្រធានអ្នកចរចាសន្តិភាពរបស់អ៊ីរ៉ង់ គឺលោក Mohammed Baqer Qalibaf បាននិយាយថា មូលដ្ឋានកងទ័ពអាមេរិក និងមូលដ្ឋានរបស់អ៊ីស្រាអែល គឺជាគោលដៅស្របច្បាប់ ដោយសារតែសកម្មភាពអរិភាព រួមទាំង «ការរំលោភលើកិច្ចព្រមព្រៀងប្រទេសលីបង់»។

មេដឹកនាំអឺរ៉ុប៣រូបនិយាយថា ពួកគេគាំទ្រការចរចាដោយផ្ទាល់បទឈប់បាញ់រវាងអ៊ុយក្រែន និងរុស្ស៊ី

លោក Keir Starmer នាយករដ្ឋមន្ត្រីអង់គ្លេស បានជួបជាមួយលោក Volodymyr Zelenskyy មេដឹកនាំប្រទេសអ៊ុយក្រែន មេដឹកនាំប្រទេសអាល្លឺម៉ង់ និងបារាំង នៅការិយាល័យ Downing Street កាលពីថ្ងៃអាទិត្យ ទី៧ ខែមិថុនា ដើម្បីពិភាក្សាអំពីការគាំទ្ររបស់អឺរ៉ុបចំពោះអ៊ុយក្រែន និងបង្កើនកិច្ចខិតខំប្រឹងប្រែងដើម្បីបញ្ចប់សង្គ្រាម។ ចក្រភពអង់គ្លេស បារាំង និងអាល្លឺម៉ង់ មានសម្ព័ន្ធភាពសន្តិសុខក្រៅផ្លូវការមួយដែលគេហៅថា E3 ដែលបានក្លាយជាអ្នកគាំទ្រអន្តរជាតិដ៏សំខាន់របស់អ៊ុយក្រែន។ មេដឹកនាំចក្រភពអង់គ្លេស អាល្លឺម៉ង់ និងបារាំង បាននិយាយកាលពីថ្ងៃអាទិត្យថា ពួកគេគាំទ្រសំណើសម្រាប់កិច្ចចរចាដោយផ្ទាល់រវាងលោក Zelenskyy និងប្រធានាធិបតីរុស្ស៊ី លោក Vladimir Putin ដើម្បីព្យាយាមធានាបាននូវបទឈប់បាញ់ ។ នៅក្នុងសេចក្តីថ្លែងការណ៍រួមមួយ បន្ទាប់ពីកិច្ចប្រជុំនៅទីក្រុងឡុងដ្រ៍ នាយករដ្ឋមន្ត្រីអង់គ្លេស លោក Keir Starmer អធិការបតីអាល្លឺម៉ង់លោក Friedrich Merz និងប្រធានាធិបតីបារាំង លោក Emmanuel Macron បាននិយាយថា ពួកគេគាំទ្រចំពោះការអំពាវនាវរបស់លោក Zelenskyy ឲ្យបញ្ចប់សង្គ្រាម និងគាំទ្រសំណើសម្រាប់ការសន្ទនាដោយផ្ទាល់រវាងអ៊ុយក្រែន និងរុស្ស៊ី ដោយការចូលរួមយ៉ាងសកម្មពីសហរដ្ឋអាមេរិក និងអឺរ៉ុប ដើម្បីឈានដល់គោលដៅនោះ។

[UPDATE]នគរបាលហ្វីលីពីននិយាយថា មនុស្ស៣នាក់ស្លាប់ក្នុងគ្រោះរញ្ជួយដីកម្រិត៧,៨ រ៉ិចទ័រ

នគរបាលបាននិយាយនៅថ្ងៃចន្ទ ៨មិថុនា នេះថា មនុស្សយ៉ាងហោចណាស់៣នាក់ត្រូវបានរាយការណ៍ថាបានស្លាប់ និង៤នាក់រងរបួស បន្ទាប់ពីរញ្ជួយដីកម្រិត៧,៨ រ៉ិចទ័រ ដែលបានវាយប្រហារកោះមួយក្នុងចំណោមកោះជាច្រើនរបស់ប្រទេសហ្វីលីពីន ។

បណ្ដាញសង្គម

ព័ត៌មានថ្មីៗ

រយៈពេលជាង ៥ខែ អគ្គនាយកដ្ឋានអន្តោប្រវេសន៍បណ្ដេញជនបរទេសជាង ៤ម៉ឺននាក់ចេញកម្ពុជាពាក់ព័ន្ធករណី Online Scams និងបទល្មើសផ្សេងៗទៀត

ត្រឹមរយៈពេល៥ខែ ពេទ្យគន្ធបុប្ផាពិនិត្យព្យាបាលជំងឺជាង ៥១ម៉ឺនករណី ខណៈការចូលរួមយុទ្ធនាការ «១ម៉ឺនរៀល ១ម៉ឺននាក់» កំពុងបន្ត

កម្លាំងចម្រុះរាជធានីភ្នំពេញ បន្តត្រួតពិនិត្យឃ្លាំង ៣៣ទីតាំងបន្ថែមទៀត ដោយបានរកឃើញ ៥ទីតាំងមានផលិតផលនាំពីប្រទេសថៃ និងសម្រេចនាំខ្លួនមនុស្ស ៥នាក់ទៅសាកសួរ

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

អារ៉ាប់រួម នឹងបញ្ចេញមូលនិធិអ៊ីរ៉ង់ដែលត្រូវបានបង្កក ក្នុងពេលមានការជំរុញបទឈប់បាញ់របស់អាមេរិក

បទឈប់បាញ់នៅលីបង់ ជាការសាកល្បងវាយតម្លៃសម្រាប់កិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ក្រុមហ៊ុនដែលបានចុះបញ្ជីនៅ GCC រាយការណ៍ពីប្រាក់ចំណេញក្នុងត្រីមាសទី១ ចំនួន ៦៧,៩ ពាន់លានដុល្លារ

ក្រុមហ៊ួទីគាំទ្រចំពោះប្រតិបត្តិការរបស់អ៊ីរ៉ង់ប្រឆាំងនឹងអ៊ីស្រាអែល និងព្រមានទប់ទល់ការកើនឡើងភាពតានតឹង

[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាងហោចណាស់ ១៥នាក់

ឥណ្ឌូនេស៊ី និងម៉ាឡេស៊ី លុបចោលការព្រមានអំពីរលកយក្សស៊ូណាមិ បន្ទាប់ពីមានរញ្ជួយដី នៅហ្វីលីពីន

យោធានីហ្សេរីយ៉ា ជួយសង្គ្រោះចំណាប់ខ្មាំងចំនួន ៣៦០ នាក់នៅក្នុងរដ្ឋ Borno

សេចក្តីព្រាងសេចក្តីសម្រេចរបស់អាមេរិកនៅ IAEA ដាក់សម្ពាធលើអ៊ីរ៉ង់ស្តីពីទីតាំង និងអ៊ុយរ៉ានីញ៉ូម

អ៊ីរ៉ង់ ទទូចឱ្យមានបទឈប់បាញ់ មុនពេលចរចានុយក្លេអ៊ែរ ខណៈសង្គ្រាមឈានដល់ថ្ងៃទី១០០

ប្រជាជនអ៊ីរ៉ង់ រីករាយចំពោះការឆ្លើយតបដ៏ខ្លាំងក្លា ខណៈមីស៊ីលវាយប្រហារអ៊ីស្រាអែលក្រោយការវាយប្រហារនៅលីបង់

មេដឹកនាំអឺរ៉ុប៣រូបនិយាយថា ពួកគេគាំទ្រការចរចាដោយផ្ទាល់បទឈប់បាញ់រវាងអ៊ុយក្រែន និងរុស្ស៊ី

[UPDATE]នគរបាលហ្វីលីពីននិយាយថា មនុស្ស៣នាក់ស្លាប់ក្នុងគ្រោះរញ្ជួយដីកម្រិត៧,៨ រ៉ិចទ័រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ក្រុមហ៊ុនដែលបានចុះបញ្ជីនៅ GCC រាយការណ៍ពីប្រាក់ចំណេញក្នុងត្រីមាសទី១ ចំនួន ៦៧,៩ ពាន់លានដុល្លារ

ក្រុមហ៊ួទីគាំទ្រចំពោះប្រតិបត្តិការរបស់អ៊ីរ៉ង់ប្រឆាំងនឹងអ៊ីស្រាអែល និងព្រមានទប់ទល់ការកើនឡើងភាពតានតឹង

[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាង​ហោច​ណាស់​ ១៥នាក់

ឥណ្ឌូនេស៊ី​ និង​ម៉ាឡេ​ស៊ី​ លុបចោលការព្រមានអំពីរលកយក្សស៊ូណាមិ បន្ទាប់ពីមាន​រញ្ជួយដី នៅហ្វីលីពីន

យោធានីហ្សេរីយ៉ា ជួយសង្គ្រោះចំណាប់ខ្មាំងចំនួន ៣៦០ នាក់នៅក្នុងរដ្ឋ Borno

សេចក្តីព្រាងសេចក្តីសម្រេចរបស់អាមេរិកនៅ IAEA ដាក់សម្ពាធលើអ៊ីរ៉ង់ស្តីពីទីតាំង និងអ៊ុយរ៉ានីញ៉ូម

អ៊ីរ៉ង់ ទទូចឱ្យមានបទឈប់បាញ់ មុនពេលចរចានុយក្លេអ៊ែរ ខណៈសង្គ្រាមឈានដល់ថ្ងៃទី១០០

ប្រជាជនអ៊ីរ៉ង់ រីករាយចំពោះការឆ្លើយតបដ៏ខ្លាំងក្លា ខណៈមីស៊ីលវាយប្រហារអ៊ីស្រាអែលក្រោយការវាយប្រហារនៅលីបង់

មេដឹកនាំអឺរ៉ុប៣រូបនិយាយថា ពួកគេគាំទ្រការចរចាដោយផ្ទាល់បទឈប់បាញ់រវាងអ៊ុយក្រែន និងរុស្ស៊ី

[UPDATE]នគរបាលហ្វីលីពីននិយាយថា មនុស្ស៣នាក់ស្លាប់ក្នុងគ្រោះរញ្ជួយដីកម្រិត៧,៨ រ៉ិចទ័រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាងហោចណាស់ ១៥នាក់

ឥណ្ឌូនេស៊ី និងម៉ាឡេស៊ី លុបចោលការព្រមានអំពីរលកយក្សស៊ូណាមិ បន្ទាប់ពីមានរញ្ជួយដី នៅហ្វីលីពីន