BTV NEWS

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំងសមុទ្រនៅភាគខាងកើតប្រទេសលីប៊ី

លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ

អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង

ព័ត៌មានអន្តរជាតិ

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ លីបង់ បានរាយការណ៍ពីការវាយប្រហាររបស់អ៊ីស្រាអែល នៅភាគខាងត្បូងប្រទេស ពោលគឺមិនយូរប៉ុន្មានបន្ទាប់ពីកងទ័ពអ៊ីស្រាអែល បានចេញការព្រមានឲ្យជម្លៀសចេញ សម្រាប់ទីតាំងចំនួន ២០ ក្នុងនោះរួមមានទាំងទីក្រុង Nabatieh ផងដែរ មុនពេលការវាយឆ្មក់កើតឡើង។ទីភ្នាក់ងារសារព័ត៌មានជាតិ (NNA) ដែលគ្រប់គ្រងដោយរដ្ឋ បានឲ្យដឹងថា ប្រតិបត្តិការតាមអាកាសរបស់អ៊ីស្រាអែល បានវាយប្រហារតំបន់ជាច្រើនដែលមាននៅក្នុងការព្រមាននេះ ក្នុងនោះរួមមានទាំងភូមិ Rihan និង Sujud ដែលមានទីតាំងនៅមិនឆ្ងាយពីទីក្រុង Nabatieh។ការព្រមានរបស់កងទ័ពអ៊ីស្រាអែល បានជំរុញឲ្យប្រជាជនជម្លៀសចេញពីផ្ទះសម្បែងរបស់ពួកគេជាបន្ទាន់ ហើយផ្លាស់ទៅភាគខាងជើងនៃទន្លេ Zahrani។ កាលពីខែឧសភា កងទ័ពអ៊ីស្រាអែល បានប្រកាសតំបន់ទាំងអស់នៅភាគខាងត្បូងនៃទន្លេនេះថា ជា «តំបន់ប្រយុទ្ធ» ហើយចាប់តាំងពីពេលនោះមកបានបើកការវាយប្រហារលើតំបន់នោះ។កាលពីយប់ថ្ងៃទី១២ ខែមិថុនា សារព័ត៌មាន NNA បានរាយការណ៍ពីការផ្ទុះ និងការបាញ់ផ្លោងកាំភ្លើងធំនៅជិតតំបន់ភ្នំ Ali Taher។ នៅថ្ងៃទី១២ ខែមិថុនានោះ ក្រុមហេសបូឡា ដែលបានបន្តវាយប្រហារលើកងទ័ពអ៊ីស្រាអែល បានឲ្យដឹងថា យុទ្ធជនរបស់ខ្លួន បានប្រយុទ្ធជាមួយកងកម្លាំងអ៊ីស្រាអែលដែលកំពុងរុលឆ្ពោះទៅកាន់ទីក្រុង Majdal Zoun។គួរបញ្ជាក់ថា អ៊ីស្រាអែល និងហេសបូឡា បានមានសង្គ្រាមជាមួយគ្នា ចាប់តាំងពីដើមខែមីនា នៅពេលដែលក្រុមដែលគាំទ្រដោយអ៊ីរ៉ង់ បានទាញលីបង់ឲ្យធ្លាក់ចូលទៅក្នុងជម្លោះមជ្ឈិមបូព៌ា ជាមួយនឹងការបាញ់រ៉ូកែតទៅអ៊ីស្រាអែល ដើម្បីសងសឹក ចំពោះការសម្លាប់មេដឹកនាំកំពូលរបស់អ៊ីរ៉ង់ អំឡុងការវាយប្រហាររបស់សហរដ្ឋអាមេរិក-អ៊ីស្រាអែល៕

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ប្រទេសប៉ាគីស្ថាន និងអេហ្ស៊ីប បានស្វាគមន៍វឌ្ឍនភាព នៅក្នុងដំណើរការចរចា រវាងសហរដ្ឋអាមេរិក និងអ៊ីរ៉ង់ ហើយបានសម្តែងក្តីសង្ឃឹមថា កិច្ចព្រមព្រៀងមួយ ដើម្បីបញ្ចប់ភាពតានតឹង នៅតំបន់មជ្ឈិមបូព៌ា នឹងសម្រេចបានឆាប់ៗតាមដែលអាចធ្វើទៅបាន។យោងតាមក្រសួងការបរទេសប៉ាគីស្ថាន បានឲ្យដឹងថា រដ្ឋមន្ត្រីការបរទេស លោក Ishaq Dar បានសន្ទនាតាមទូរស័ព្ទជាមួយសមភាគីអេហ្ស៊ីបរបស់លោក គឺលោក Badr Abdelatty កាលពីល្ងាចថ្ងៃសុក្រ (ទី១២ ខែមិថុនា ឆ្នាំ២០២៦) ដោយភាគីទាំង២ ស្វាគមន៍អ្វីដែលពួកលោកបានពិពណ៌នាថា ជាសន្ទុះដ៏វិជ្ជមាននៅក្នុងកិច្ចខិតខំប្រឹងប្រែងផ្នែកការទូតដែលមានគោលបំណងបន្ធូរបន្ថយភាពតានតឹង ក្នុងតំបន់។ក្រសួងបានឲ្យដឹងនៅក្នុងសេចក្តីថ្លែងការណ៍ថា ថ្នាក់ដឹកនាំទាំង២ បានពិភាក្សាអំពីការវិវត្តចុងក្រោយបំផុត នៅតំបន់មជ្ឈិមបូព៌ា និងបានសម្តែងក្តីសង្ឃឹមថា ការចូលរួមជាបន្តបន្ទាប់ រវាងសហរដ្ឋអាមេរិក និងអ៊ីរ៉ង់ នឹងបង្កើតលទ្ធផលដំបូង និងប្រកបដោយភាពស្ថាបនា។សេចក្ដីថ្លែងការណ៍ បានបន្ថែមថា ជាមួយគ្នានេះ រដ្ឋមន្ត្រីទាំង២ ក៏បានយល់ស្របផងដែរ ក្នុងការរក្សាទំនាក់ទំនងជិតស្និទ្ធ និងបន្តការពិគ្រោះយោបល់ លើបញ្ហាដែលមានផលប្រយោជន៍ឲ្យគ្នាទៅវិញទៅមក។នៅថ្ងៃសុក្រនោះ នាយករដ្ឋមន្ត្រីប៉ាគីស្ថាន លោក Shehbaz Sharif បានប្រកាសថា សហរដ្ឋអាមេរិក និងអ៊ីរ៉ង់ បានឈានដល់កិច្ចព្រមព្រៀងលើ «ឯកសារចុងក្រោយ» សម្រាប់កតិកាសញ្ញាមួយ ដើម្បីបញ្ចប់សង្គ្រាម។ ប្រទេសប៉ាគីស្ថានបានដើរតួនាទីសម្របសម្រួល រវាងប្រទេសទាំង២ ដែលធ្វើសង្គ្រាមជាមួយគ្នា ចាប់តាំងពីខ្លួនបានសម្របសម្រួលឲ្យមានបទឈប់បាញ់នៅថ្ងៃទី៨ ខែមេសា ដើម្បីបញ្ឈប់សង្គ្រាមដែលបានចាប់ផ្តើមកាលថ្ងៃទី២៨ ខែកុម្ភៈ៕

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ អាជ្ញាធរបានបញ្ជាក់ថា ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងក្លា ដែលបានវាយប្រហារភាគខាងត្បូងនៃប្រទេសហ្វីលីពីនកាលពីដើមសប្តាហ៍នេះ បានកើនឡើងដល់ ៦១នាក់ហើយ ខណៈដែលក្រុមស្វែងរក និងជួយសង្គ្រោះ បានបន្តប្រតិបត្តិការនៅក្នុងតំបន់ដែលរងគ្រោះខ្លាំងបំផុត នៅកោះ Mindanao។ការិយាល័យការពារជនស៊ីវិល (OCD) បានឲ្យដឹងថា ចំនួនអ្នកស្លាប់បានកើនឡើង បន្ទាប់ពីសាកសពបន្ថែមត្រូវបានរកឃើញ នៅក្នុងតំបន់ដែលរងផលប៉ះពាល់។ ប្រព័ន្ធផ្សព្វផ្សាយ GMA News បានរាយការណ៍ថា មនុស្ស ៣៣នាក់ កំពុងបាត់ខ្លួន ខណៈដែល ១.២២១នាក់ បានរងរបួស។ជាមួយគ្នានេះ អាជ្ញាធរបានបន្ថែមថា ប្រតិបត្តិការស្វែងរក ជួយសង្គ្រោះ និងទាញយក កំពុងបន្តមាន ខណៈដែលក្រុមសង្គ្រោះបន្ទាន់បន្តស្វែងរកអ្នកនៅរស់រានមានជីវិត និងជួយសង្គ្រោះជនរងគ្រោះដែលជាប់ ដោយសារបំណាក់ដី និងសំណង់ដែលបាក់រលំ។មជ្ឈមណ្ឌលត្រួតពិនិត្យ និងព័ត៌មានប្រតិបត្តិការឆ្លើយតបគ្រោះមហន្តរាយ (DROMIC) បានរាយការណ៍ថា គ្រោះរញ្ជួយដីនេះ បានប៉ះពាល់ដល់មនុស្ស ៥៥៣.០៦៨នាក់ នៅក្នុងតំបន់មីន Mindanao។ ហើយបើយោងតាមសារព័ត៌មាន Philippine Daily Inquirer បានឲ្យដឹងថា មនុស្សប្រហែល ៩.៣៩៣នាក់កំពុងស្នាក់នៅក្នុងមជ្ឈមណ្ឌលជម្លៀស ខណៈដែល ៥៤.២៧៤នាក់ បានស្វែងរកជម្រកបណ្តោះអាសន្នជាមួយសាច់ញាតិ និងមិត្តភក្តិនៅខាងក្រៅកន្លែងជម្លៀសផ្លូវការ។គួរបញ្ជាក់ថា រញ្ជួយដីកម្រិត ៧,៨រ៉ិចទ័រ បានវាយប្រហារនៅឆ្នេរកោះ Mindanao កាលពីដើមសប្តាហ៍នេះ ដែលបង្កឲ្យមានការភ័យស្លន់ស្លោដល់មនុស្សជាច្រើន និងបណ្តាលឲ្យមានការខូចខាតយ៉ាងខ្លាំងដល់ផ្ទះសម្បែង សាលារៀន មន្ទីរពេទ្យ និងហេដ្ឋារចនាសម្ព័ន្ធសាធារណៈ៕

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

នាយករដ្ឋមន្ត្រីឥណ្ឌា លោក Narendra Modi បានចាប់ផ្តើមដំណើរទស្សនកិច្ចទៅកាន់ប្រទេសបារាំង នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ ដែលជាផ្នែកនៃដំណើរទស្សនកិច្ចរយៈពេល ៦ថ្ងៃ នៅទ្វីបអឺរ៉ុប។ នេះបើយោងតាមសេចក្តីថ្លែងការណ៍របស់រដ្ឋាភិបាល។បើយោងតាមក្រសួងការបរទេសឥណ្ឌា បានឲ្យដឹងថា អំឡុងជើងទី១ នៃដំណើរទស្សនកិច្ចនេះ លោក Modi នឹងធ្វើកិច្ចប្រជុំទ្វេភាគី ជាមួយប្រធានាធិបតីបារាំង លោក Emmanuel Macron នៅថ្ងៃអាទិត្យ ក្នុងទីក្រុង Nice ហើយមេដឹកនាំទាំង២ នឹង «ពិនិត្យឡើងវិញនូវវិសាលភាពពេញលេញ» នៃទំនាក់ទំនងទ្វេភាគីឥណ្ឌា-បារាំង។សម្រាប់ជើងទី២ លោក Modi នឹងធ្វើទស្សនកិច្ចផ្លូវរដ្ឋទៅកាន់ស្លូវ៉ាគី ចាប់ពីថ្ងៃទី១៤ ដល់ថ្ងៃទី១៦ ខែមិថុនា ហើយក្រសួងបានឲ្យដឹងទៀតថា នេះនឹងជាដំណើរទស្សនកិច្ចលើកដំបូងរបស់នាយករដ្ឋមន្ត្រីឥណ្ឌាទៅកាន់ប្រទេសនេះ ចាប់តាំងពីប្រទេសនេះទទួលបានឯករាជ្យនៅឆ្នាំ១៩៩៣។ជាមួយគ្នានេះ បើយោងតាមមន្ត្រី បានបញ្ជាក់ថា លោក Modi ក៏នឹងចូលរួមផងដែរក្នុងកិច្ចប្រជុំកំពូលរបស់ក្រុមប្រទេសមានឧស្សាហកម្មលូតលាស់ទាំង៧ (G7) នាសប្តាហ៍ក្រោយ។ ក្រសួងបានបន្ថែមថា «ដំណើរទស្សនកិច្ចនាពេលខាងមុខរបស់នាយករដ្ឋមន្ត្រីទៅកាន់ទ្វីបអឺរ៉ុប នឹងធ្វើឲ្យភាពជាដៃគូរបស់ឥណ្ឌាជាមួយបារាំង ស្លូវ៉ាគី និង G7 កាន់តែស៊ីជម្រៅបន្ថែម»។នៅពេលដែលលោក Modi បានចាប់ផ្តើមដំណើរទស្សនកិច្ចរបស់លោក នៅថ្ងៃសៅរ៍នេះ លោកបានលើកឡើងថា ដំណើរទស្សនកិច្ចនេះ «នឹងពង្រឹងការចូលរួមកាន់តែស៊ីជម្រៅរបស់ឥណ្ឌាជាមួយទាំងតំបន់អឺរ៉ុប និងក្រុមប្រទេស G7 ហើយបង្ហាញពីការប្តេជ្ញាចិត្តយ៉ាងមុតមាំរបស់យើង ក្នុងការពង្រីកជើងមេឃនៃភាពជាដៃគូរបស់យើងជាមួយទ្វីបអឺរ៉ុប និងតំបន់សផ្សេងទៀត»៕

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ មន្ត្រីបានបញ្ជាក់ថា បុគ្គលិកកងទ័ពអាកាសឥណ្ឌា ៥នាក់ បានបាត់បង់ជីវិត នៅពេលដែលយន្តហោះដឹកជញ្ជូន An-32 ១គ្រឿង បានធ្លាក់នៅរដ្ឋ Assam ភាគឦសាននៃប្រទេសឥណ្ឌា។យោងតាមកងទ័ពអាកាសឥណ្ឌា បានឲ្យដឹងថា «យន្តហោះនេះបានជួបគ្រោះថ្នាក់» ក្នុងអំឡុងពេលធ្វើបេសកកម្មហោះហើរធម្មតា នៅក្នុងតំបន់ Jorhat របស់រដ្ឋ Assam។កងទ័ពបានសរសេរនៅលើបណ្ដាញសង្គម X ថា «ការគ្រប់គ្រងកន្លែងធ្លាក់ និងការស៊ើបអង្កេតដំបូង កំពុងដំណើរការនៅពេលនេះ»។កងទ័ពអាកាសបានបន្ថែមថា តុលាការស៊ើបអង្កេតមួយ ត្រូវបានបង្កើតឡើង ដើម្បីស៊ើបអង្កេតមូលហេតុនៃគ្រោះថ្នាក់នេះ៕

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

យោធាបានឲ្យដឹងនៅក្នុងសេចក្តីថ្លែងការណ៍មួយថា យន្តហោះដឹកជញ្ជូនយោធារបស់ឥណ្ឌា ១គ្រឿង បានធ្លាក់នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ ខណៈពេលកំពុងចុះចតនៅទីតាំងកងទ័ពអាកាសមួយកន្លែង នៅភាគឦសានដាច់ស្រយាលរបស់ប្រទេស។កងទ័ពអាកាសបានឲ្យដឹងថា យន្តហោះ Antonov An-32 ផលិតនៅរុស្ស៊ី «បានជួបគ្រោះថ្នាក់នៅថ្ងៃនេះ ខណៈពេលកំពុងចុះចតនៅឯ Jorhat» ជាទីក្រុងមួយក្នុងរដ្ឋ Assam។យ៉ាងណាក្ដី សេចក្តីថ្លែងការណ៍នេះ មិនបានផ្តល់ព័ត៌មានលម្អិត អំពីអ្នកស្លាប់ និងអ្នករបួសនោះទេ ហើយក៏មិនបានបញ្ជាក់ថា តើមានមនុស្សប៉ុន្មាននាក់នៅលើយន្តហោះនោះដែរ។ សេចក្ដីថ្លែងការណ៍បានបន្ថែមថា «តុលាការស៊ើបអង្កេត កំពុងត្រូវបានបង្កើតឡើង ដើម្បីស្វែងរកមូលហេតុពិតដែលនាំឲ្យមានគ្រោះថ្នាក់នេះ»។ប្រព័ន្ធផ្សព្វផ្សាយ NDTV បានផ្សាយរូបភាពនៃកន្លែងយន្តហោះធ្លាក់ ដែលបង្ហាញឲ្យឃើញផ្សែងខ្មៅដ៏ក្រាស់ឃ្មឹក និងយន្តហោះដែលហាក់ដូចជាបែកបាក់ជាបំណែកៗ៕

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

យោធាអ៊ីស្រាអែល នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) បានព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់ ដោយប្រាប់ឲ្យប្រជាជននៃទីក្រុង និងភូមិចំនួន ២០ ក្នុងនោះរួមទាំងភូមិជាច្រើននៅជិតទីក្រុង Nabatieh ផងដែរ ឲ្យជម្លៀសចេញ ដោយការព្រមាននេះនៅតែកើតឡើង ទោះបីជាមានបទឈប់បាញ់ក្នុងសង្គ្រាមជាមួយក្រុមសកម្មប្រយុទ្ធហេសបូឡារបស់លីបង់ក៏ដោយ។អ្នកនាំពាក្យយោធាជាភាសាអារ៉ាប់ លោក Avichay Adraee បានឲ្យដឹងនៅក្នុងសារមួយលើបណ្ដាញសង្គម X ថា៖ «ដើម្បីសុវត្ថិភាពរបស់អ្នក អ្នកគួរតែជម្លៀសចេញពីផ្ទះសម្បែងរបស់អ្នកជាបន្ទាន់ ហើយផ្លាស់ទៅភាគខាងជើងនៃទន្លេ Zahrani»។អមដោយការចោទប្រកាន់ក្រុមនេះថា បានរំលោភលើបទឈប់បាញ់ លោកបានបន្ថែមថា៖ «អ្នកណាដែលនៅជិតទីតាំង ឬមធ្យោបាយធ្វើសង្គ្រាមរបស់ក្រុមហេសបូឡា កំពុងធ្វើឲ្យជីវិតរបស់ពួកគ្រោះថ្នាក់»។គួរបញ្ជាក់ថា អ៊ីស្រាអែលបានធ្វើការវាយលុកលើលីបង់ ចាប់តាំងពីថ្ងៃទី២ ខែមីនា ដែលបានសម្លាប់មនុស្សជាង ៣.៧០០នាក់ និងរបួសជាង ១១.៤៨០នាក់ បន្ថែមពីលើការផ្លាស់ទីលំនៅរបស់មនុស្សជាង ១លាននាក់។ទោះបីជាមានបទឈប់បាញ់នៅថ្ងៃទី១៧ ខែមេសាក៏ដោយ ក៏ទីក្រុង Tel Aviv បានបន្តការវាយលុក តាមរយៈការបាញ់ផ្លោងជារៀងរាល់ថ្ងៃ និងការបំផ្លិចបំផ្លាញផ្ទះសម្បែងយ៉ាងទូលំទូលាយ នៅក្នុងភូមិរាប់សិប៕

ជប៉ុន និងឥណ្ឌូនេស៊ី សម្លឹងដល់ទំនាក់ទំនងកាន់តែជិតស្និទ្ធ តាមរយៈការចែករំលែកព័ត៌មានសម្ងាត់ និងការនាំចេញនាវាពិឃាត

ក្រសួងការពារជាតិជប៉ុន នៅថ្ងៃសៅរ៍ (ទី១៣ ខែមិថុនា ឆ្នាំ២០២៦) នេះ បានឲ្យដឹងថា ប្រទេសជប៉ុន និងឥណ្ឌូនេស៊ី បានព្រមព្រៀងគ្នាស្វែងយល់ពីកិច្ចសហប្រតិបត្តិការការពារជាតិកាន់តែស៊ីជម្រៅ តាមរយៈការចែករំលែកព័ត៌មានសមុទ្រដ៏រសើប និងពន្លឿនការចរចាឆ្ពោះទៅរកការនាំចេញនាវាពិឃាតជប៉ុន។កិច្ចព្រមព្រៀងនេះបានកើតឡើងបន្ទាប់ពីរដ្ឋមន្ត្រីក្រសួងការពារជាតិ លោក Shinjiro Koizumi បានជួបពិភាក្សាជាមួយប្រធានាធិបតីឥណ្ឌូនេស៊ី លោក Prabowo Subianto និងរដ្ឋមន្ត្រីក្រសួងការពារជាតិ លោក Sjafrie Sjamsoeddin កាលពីថ្ងៃទី១២ ខែមិថុនា ខណៈពេលដែលលោកបានទៅបំពេញទស្សនកិច្ច នៅប្រទេសអាស៊ីអាគ្នេយ៍មួយនេះ។អំឡុងកិច្ចប្រជុំនោះ លោក Koizumi បាននិយាយថា ការជំរុញការទប់ស្កាត់ដែនសមុទ្ររបស់ឥណ្ឌូនេស៊ី ដែលមានទីតាំងនៅជិតផ្លូវសមុទ្រដ៏សំខាន់ ក៏នឹងរួមចំណែកផងដែរដល់សន្តិភាព និងស្ថិរភាពរបស់ប្រទេសជប៉ុន និងកន្លែងផ្សេងទៀត។ភាគីជប៉ុនបានឲ្យដឹងថា លោក Prabowo បានយល់ស្របជាមួយលោក Koizumi ថា ប្រទេសទាំង២ ត្រូវសហការគ្នា ក្នុងការធានាសន្តិសុខដែនសមុទ្រ ដោយបន្ថែមថា លោកប្រធានាធិបតី បានសម្តែងក្តីសង្ឃឹមថា នឹងមាន «វឌ្ឍនភាពជាក់ស្តែង» លើកិច្ចសហប្រតិបត្តិការឧបករណ៍ការពារជាតិ។កាលពីសប្តាហ៍មុន ប្រមុខការពារជាតិជប៉ុន និងឥណ្ឌូនេស៊ី បានព្រមព្រៀងគ្នា ក្នុងការចាប់ផ្តើមការចរចាកម្រិតការងារ លើការនាំចេញនាវាពិឃាតថ្នាក់ Asagiri ទៅកាន់ឥណ្ឌូនេស៊ី។ ជប៉ុនបាន និងកំពុងប្រឹងប្រែងបង្កើតចំណងមិត្តភាពកាន់តែជិតស្និទ្ធជាមួយប្រទេសអាស៊ីអាគ្នេយ៍មួយនេះ ខណៈចិនកំពុងពង្រីកឥទ្ធិពលរបស់ខ្លួន នៅក្នុងតំបន់នេះ៕

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

មេដឹកនាំគណបក្សប្រឆាំងដ៏ធំរបស់កោះតៃវ៉ាន់ បាននិយាយកាលពីថ្ងៃសុក្រ (ទី១២ ខែមិថុនា ឆ្នាំ២០២៦) ថា លោកស្រីបានប្រើប្រាស់ដំណើរទស្សនកិច្ចទៅកាន់សហរដ្ឋអាមេរិក ដើម្បីកែតម្រូវ «ការយល់ច្រឡំជាច្រើន» អំពីវិធីសាស្រ្តគាំទ្រការពាក់ព័ន្ធរបស់លោកស្រី ចំពោះប្រទេសចិន ក្នុងពេលមានការរិះគន់យ៉ាងខ្លាំង ពីក្រុមប្រឆាំងនៅទីក្រុងវ៉ាស៊ីនតោន។លោកស្រី Cheng Li-wun ប្រធានគណបក្ស Kuomintang (KMT) ដែលជាគណបក្សប្រឆាំងធំបំផុតរបស់កោះតៃវ៉ាន់ បានធ្វើដំណើរទៅកាន់សហរដ្ឋអាមេរិករយៈពេល ២សប្តាហ៍ បន្ទាប់ពីដំណើរទស្សនកិច្ចរបស់លោកស្រីទៅកាន់ប្រទេសចិន កាលពីខែមេសា ជាកន្លែងដែលលោកស្រីបានជួបជាមួយលោកប្រធានាធិបតី Xi Jinping។លោកស្រីបានប្រាប់អ្នកសារព័ត៌មានថា លោកស្រីបានជួបជាមួយសមាជិកសភាអាមេរិកចំនួន ៩រូប មកពីគណៈកម្មាធិការដែលដោះស្រាយទាក់ទងនឹងហិរញ្ញវត្ថុ ការពារជាតិ និងកិច្ចការបរទេស ក៏ដូចជាបញ្ញវន្ត និងតំណាងនៃវិទ្យាស្ថានស្រាវជ្រាវនានា។ លោកស្រីបានបញ្ជាក់ថា មាន «ការយល់ច្រឡំជាច្រើន» អំពីវិធីសាស្រ្តរបស់គណបក្ស KMT។គណបក្សរបស់លោកស្រី Cheng ដែលរួមជាមួយសម្ព័ន្ធមិត្តតូចរបស់ខ្លួន គឺគណបក្សប្រជាជនតៃវ៉ាន់ (Taiwan People’s Party) មានសំឡេងភាគច្រើន នៅក្នុងសភា បានប្រឈមនឹងការរិះគន់យ៉ាងខ្លាំង នៅទីក្រុងវ៉ាស៊ីនតោន ចំពោះការកាត់បន្ថយផែនការទី៣ របស់រដ្ឋបាលនៃដែនកោះនេះ ក្នុងការចំណាយបន្ថែម ៤០ពាន់លានដុល្លារ លើការទិញអាវុធ។ដោយបាននិយាយជាភាសាចិន លោកស្រី Cheng បានឲ្យដឹងថា លោកស្រីជឿថា ការជួបរបស់លោកស្រី បានអនុញ្ញាតឲ្យអ្នកចូលរួមសន្ទនាឃើញពីរូបភាពពិតរបស់គណបក្ស KMT និងធាតុពិតរបស់លោកស្រី ហើយបានបរិយាយបន្ថែមជាភាសាអង់គ្លេសថា លោកស្រីមានភាពស្មោះត្រង់ និងឥតលាក់លៀម ហើយពួកគេអាចឃើញនូវអ្វីទាំងអស់នេះនៅពេលពួកគេជួបលោកស្រីដោយផ្ទាល់៕

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន

ក្រសួងពាណិជ្ជកម្មចិនបានបញ្ជាក់ថា ខ្លួនប្រឆាំងយ៉ាងដាច់អហង្ការ ចំពោះការសម្រេចចិត្តរបស់សហរដ្ឋអាមេរិក ក្នុងការដាក់ស្លាកក្រុមហ៊ុនបន្ថែមទៀតថា ជា «ក្រុមហ៊ុនយោធា» ដោយចោទប្រកាន់ទីក្រុងវ៉ាស៊ីនតោនថា បានប្រើប្រាស់សន្តិសុខជាតិជាលេស ដើម្បីទប់ស្កាត់ការអភិវឌ្ឍរបស់ក្រុមហ៊ុនចិន។យោងតាមសេចក្តីថ្លែងការណ៍មួយ នាថ្ងៃសៅរ៍ (ទី១៣ ខែមិថុនា ឆ្នាំ២០២៦) បានឲ្យដឹងថា ក្រសួងមិនពេញចិត្តយ៉ាងខ្លាំង ចំពោះចំណាត់ការនេះ ដែលមិនអើពើនឹងទំនាក់ទំនងពាណិជ្ជកម្មចិន-អាមេរិកកាន់តែទូលំទូលាយ ធ្វើឲ្យខូចសណ្តាប់ធ្នាប់សេដ្ឋកិច្ចពិភពលោក គំរាមកំហែងដល់ស្ថិរភាពខ្សែច្រវាក់ក់ផ្គត់ផ្គង់ ខណៈពេលដែលប៉ះពាល់ដល់សិទ្ធិស្របច្បាប់របស់សហគ្រាសចិន។សេចក្ដីថ្លែងការណ៍បានបន្ថែមថា ទីក្រុងប៉េកាំងបានជំរុញឲ្យសហរដ្ឋអាមេរិកកែប្រែការកំណត់នេះជាបន្ទាន់ និងផ្តល់នូវការប្រព្រឹត្តដោយយុត្តិធម៌ និងមិនរើសអើងដល់ក្រុមហ៊ុនចិន ដោយព្រមានថា ខ្លួននឹងចាត់វិធានការតបត «យ៉ាងម៉ឺងម៉ាត់ និងខ្លាំងក្លា» ប្រសិនបើទីក្រុងវ៉ាស៊ីនតោនមិនផ្លាស់ប្តូរទិសដៅនេះទេ។គួរបញ្ជាក់ថា ការអត្ថាធិប្បាយទាំងនេះបានកើតឡើងបន្ទាប់ពីមន្ទីរបញ្ចកោណ នៅសប្តាហ៍នេះ បានបន្ថែមក្រុមហ៊ុនធំៗមួយចំនួនរបស់ប្រទេសចិន ក្នុងនោះរួមទាំង Alibaba Group Holding, Baidu និង BYD ទៅក្នុងបញ្ជីក្រុមហ៊ុនដែលខ្លួនចាត់ទុកថា គាំទ្រដល់កងទ័ពរំដោះប្រជាជនចិន។ ចំណាត់ការនេះបានកែសម្រួលកំណែនៃបញ្ជីដែលបានបោះពុម្ពផ្សាយរយៈពេលខ្លី នៅក្នុងខែកុម្ភៈ មុនពេលត្រូវបានដកចេញវិញដោយគ្មានការពន្យល់៕

បណ្ដាញសង្គម

ព័ត៌មានថ្មីៗ

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធទិវាយោគៈអន្តរជាតិ ដើម្បីជំរុញសកម្មភាពកីឡា និងទេសចរណ៍

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់

ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល

ក្រុមការងារចុះមូលដ្ឋានស្រុកជលគីរី ជំរុញអាជ្ញាធរឃុំបង្កើនគុណភាពសេវាសាធារណៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយ​មាន​ការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមាន​កិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសារ​​រញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការ​ជួយ​សង្គ្រោះកំពុង​បន្ត​

នាយករដ្ឋមន្ត្រីឥណ្ឌា លោក Modi ចាប់ផ្តើមដំណើរទស្សនកិច្ចផ្លូវការទៅកាន់បារាំង និងស្លូវ៉ាគី

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មាន​អ្នកស្លាប់ ៥នាក់​

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិន​ទាន់​ដឹង​នៅ​ឡើយទេ

យោធាអ៊ីស្រាអែលព្រមានអំពីការវាយប្រហារជិតកើតមាន​ នៅភាគខាងត្បូងនៃ​ប្រទេសលីបង់

មេដឹកនាំប្រឆាំង​របស់​កោះ​តៃវ៉ាន់ ព្យាយាម​សម្រាល​ក្តីបារម្ភរបស់អាមេរិក ជុំវិញ​ជំហរជាមួយ​ចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗ​របស់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លីបង់រាយការណ៍ពីការវាយប្រហាររបស់អ៊ីស្រាអែលនៅភាគខាងត្បូង ក្រោយមានការព្រមានជម្លៀស

ប៉ាគីស្ថាន និងអេហ្ស៊ីបស្វាគមន៍វឌ្ឍនភាព រវាងអាមេរិក និងអ៊ីរ៉ង់ ដោយសង្ឃឹមមានកិច្ចព្រមព្រៀងសន្តិភាពដំបូង

ចំនួនអ្នកស្លាប់ដោយសាររញ្ជួយដី នៅហ្វីលីពីន កើនឡើងដល់ ៦១នាក់ ខណៈប្រតិបត្តិការជួយសង្គ្រោះកំពុងបន្ត

[UPDATE] គ្រោះថ្នាក់ធ្លាក់យន្តហោះរបស់កងទ័ពអាកាសឥណ្ឌា មានអ្នកស្លាប់ ៥នាក់

យន្តហោះដឹកជញ្ជូនយោធាធ្លាក់ នៅឥណ្ឌា ខណៈចំនួនអ្នកស្លាប់ និងរបួស មិនទាន់ដឹងនៅឡើយទេ

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន