BTV NEWS

លោក Trump ប្រារព្ធទិវាឯករាជ្យ ដោយមានការបាញ់កាំជ្រួចនៅទីក្រុងវ៉ាស៊ីនតោន

ដោយប្រឈមការគំរាមពីអ្នកតាំងលំនៅ ពលរដ្ឋប៉ាឡេស្ទីនត្រូវបានបង្ខំឱ្យចាកចេញពីសហគមន៍នៅ West Bank

លោក Trump ចុះហត្ថលេខាចូលជាច្បាប់លើសេចក្តីស្នើច្បាប់គោលនយោបាយក្នុងប្រទេស

អភិបាលក្រុង៖ «មនុស្សរាប់រយនាក់បាត់បង់លំនៅឋាន» បន្ទាប់ពីចំហេះព្រៃនៅក្នុងប្រទេសទួរគី

ព័ត៌មានអន្តរជាតិ

បណ្តាប្រទេសនៅតំបន់បាល់កង់ប្រឈមនឹងរលកកម្តៅដ៏សែនក្តៅបំផុតបំបែកកំណត់ត្រា

ប្រជាពលរដ្ឋដែលស៊ូទ្រាំនឹងរលកកម្តៅដ៏សែនក្តៅ បានព្យាយាមរកទីកន្លែងធូរស្រាលនៅក្នុងទឹកបឹង និងតាមតំបន់ភ្នំនៅទូទាំងតំបន់បាល់កង់ក្នុងសប្តាហ៍នេះ ស្របពេលដែលអាជ្ញាធរសុខភាព ជំរុញឲ្យប្រជាពលរដ្ឋជ្រកម្លប់ និងទទួលទឹកផ្លែឈើឲ្យបានច្រើន ដើម្បីចៀសវាងខះជាតិទឹក ។ក្រុមឧតុនិយមនៅប្រទេសស៊ែរប៊ី និយាយនៅថ្ងៃព្រហស្បតិ៍នេះថា កាលពីថ្ងៃម្សិលមិញ គឺជាថ្ងៃក្តៅបំផុតក្នុងប្រទេសនៅតំបន់បាល់កង់មួយនេះ ចាប់តាំងពីកំណត់ត្រាកាលពីសតវត្សរ៍ទី ១៩ ក្នុងនោះការព្យាករណ៍បានឲ្យដឹងថា សីតុណ្ហភាពនឹងក្តៅខ្លាំងជាងនេះបន្ថែមទៀត នៅរយៈពេលប៉ុន្មានថ្ងៃខាងមុខ ។ក្រុមអាជ្ញាធរស៊ែរប៊ី បានណែនាំឲ្យប្រជាពលរដ្ឋជ្រកក្រោមម្លប់ឈើ ឬកន្លែងមានម៉ាស៊ីនត្រជាក់ ចៀសវាងការត្រូវពន្លឺព្រះអាទិត្យផ្ទាល់ ចាប់ពីវេលាម៉ោង ១១ព្រឹក ដល់ម៉ោង ៥ល្ងាច ហើយនិងព្រមានថា គ្រោះរាំងស្ងួតរយៈពេលយូរ អាចនឹងគំរាមកំហែងដល់ការប្រមូលផល ។ក្រុមឧតុនិយម បានព្យាករណ៍ថា សីតុណ្ហភាពនឹងកើនឡើងដល់ ៤០អង្សាសេ នៅទូទាំងតំបន់បាល់កង់ នៅក្នុងសប្តាហ៍ខាងមុខនេះ ។ នៅប្រទេសម៉ុនតេណេហ្រ្គូ ក្រុមភ្ញៀវទេសចរ នាំគ្នាចេញពីតំបន់ឆ្នេរសមុទ្រអាឌ្រីយ៉ាទិកនៅតំបន់ភាគខាងត្បូង ដោយធ្វើដំណើរទៅកាន់តំបន់ភ្នំទេសចរណ៍ Durmitor នៅភាគខាងជើង ជាទីដែលសីតុណ្ហភាពស្ថិតនៅ ១.៥០០ម៉ែត្រពីលើនីវ៉ូទឹកសមុទ្រ ដែលធ្វើឲ្យទីនោះមានសីតុណ្ហភាពទាបជាងតំបន់ឆ្នេរ ។លោក Eric គឺជាភ្ញៀវទេសចរមួយរូបមកពីប្រទេសហូឡង់ និយាយថា ពួកយើងមានគម្រោងដើរលេងកម្សាន្តនៅតំបន់ឆ្នេរ ប៉ុន្តែពួកយើងបានសម្រេចចិត្តធ្វើដំណើរទៅភាគខាងជើងវិញ ដោយសារវាក្តៅខ្លាំងណាស់ ។នៅប្រទេសក្រូអាតវិញ ដែលបានប្រយុទ្ធប្រឆាំងនឹងភ្លើងឆេះព្រៃនៅតាមតំបន់ឆ្នេរអាឌ្រីយ៉ាទិកកាលពីប៉ុន្មានថ្ងៃកន្លងមកនេះ ប្រជាពលរដ្ឋនាំគ្នាស្វែងរកកន្លែងត្រជាក់គេចចេញពីរលកកម្តៅនៅក្នុងបឹង Bundek ដែលស្ថិតនៅក្រៅរដ្ឋធានី Zagreb ៕

វិបត្តិទឹកជំរុញឲ្យកសិករអ៊ីរ៉ាក់បោះបង់ចោលដីស្រែចម្ការរបស់ពួកគេនៅខេត្ត Najaf

ស្របពេលដែលវិបត្តិទឹកធ្ងន់ធ្ងរវាយប្រហារតំបន់ជាច្រើននៅប្រទេសអ៊ីរ៉ាក់ បង្ខំឲ្យក្រុមអាជ្ញាធរបង្ខំមិនអនុញ្ញាតឲ្យធ្វើកសិកម្មខែប្រាំង និងដាំស្រូវនោះ ប្រជាកសិករជាច្រើននៅខេត្តភាគខាងត្បូង Najaf បានសម្រេចចិត្តបោះបង់ចោលដីស្រែចម្ការរបស់ពួកគេ ។ លោក Haider Al-Athari គឺជាកសិករក្នុងស្រុកមួយរូប និយាយថា ដីដែលពួកយើងដាំដុះ ធ្លាប់មាន ២០ហិចតា ។ រដ្ឋាភិបាលចាប់ផ្តើមកាត់បន្ថយដីរបស់ពួកយើងបន្តិចម្តងៗ ហើយនៅឆ្នាំ ២០២៣-២៤ ដីរបស់ពួកយើងធ្លាក់មកនៅត្រឹម ៨ហិចតា ។លោក Al-Athari បន្តថា ប្រជាកសិករដែលដីរបស់ពួកគេនៅជិតទីក្រុង ចាប់ផ្តើមលក់ដីរបស់ពួកគេ ។ ស្ថានភាពរបស់ពួកយើងនៅទីនេះ ប្រៀបបាននឹងសោកនាដកម្មមួយ ពីព្រោះថា ពួកយើងលែងអាចដាំដុះបានទៀតហើយ ដោយសារតែវិបត្តិទឹក ។ធ្លាប់ជាតំបន់ដីមានជីជាតិ បច្ចុប្បន្នខេត្ត Najaf ប្រឈមនឹងវិបត្តិទឹកធ្ងន់ធ្ងរ បណ្តាលមកពីគ្រោះរាំងស្ងួត បម្រែបម្រួលអាកាសធាតុ និងការគ្រប់គ្រងទឹកអន់ ដែលស្ថិតក្នុងចំណោមកត្តារួមផ្សំជាច្រើនទៀត ។សូមបញ្ជាក់ថា អ៊ីរ៉ាក់ពឹងផ្អែកលើទន្លេ Tigris និងទន្លេ Euphrates ដែលទំហំទឹករបស់វា បានធ្លាក់ចុះយ៉ាងឆាប់រហ័សក្នុងរយៈពេលប៉ុន្មានឆ្នាំចុងក្រោយនេះ ។ ខ្សែទឹកខាងលើរបស់វាដែលមានប្រភពនៅប្រទេសទួរគី និងអ៊ីរ៉ង់ ជាប្រទេសបានសាងសង់ទំនប់ទឹក ដើម្បីដោះស្រាយវិបត្តិទឹកផ្ទាល់ខ្លួនរបស់ពួកគេដែរនោះ បានធ្វើឲ្យបញ្ហាទឹកកាន់តែធ្ងន់ធ្ងរខ្លាំង ៕

លោក Lavrov ៖ ការបង្កើនថ្លៃការពារណាតូ នឹងមិនប៉ះពាល់ដល់សន្តិសុខរបស់រុស្ស៊ីនោះទេ

រដ្ឋមន្រ្តីការបរទេសរុស្ស៊ីលោក Sergei Lavrov និយាយនៅថ្ងៃព្រហស្បតិ៍នេះថា ការសម្រេចចិត្តរបស់អង្គការណាតូ ក្នុងការបង្កើនថ្លៃការពារ នឹងមិនប៉ះពាល់ខ្លាំងដល់សន្តិសុខរបស់ទីក្រុងម៉ូស្គូនោះទេ ។កាលពីថ្ងៃពុធម្សិលមិញ សម្ព័ន្ធយោថាណាតូ បានឯកភាពបង្កើនគោលដៅចំណាយសមូហភាពដល់ ៥ភាគរយនៃផលិតផលក្នុងស្រុកសរុប(GDP) ក្នុងរយៈពេល ១ទសវត្សរ៍បន្ទាប់ ដោយពួកគេលើកឡើងពីអ្វីដែលពួកយើងចាត់ទុកថា ជាការគំរាមកំហែងរយៈពេលយូរបង្កឡើងដោយរុស្ស៊ី ហើយនិងតម្រូវការពង្រឹងភាពធន់ផ្នែកយោធា និងស៊ីវិល ។លោក Lavrov និយាយថា ផលប៉ះពាល់ត្រឹមថ្លៃការពារអតិបរមា ៥ភាគរយ ឬគោលដៅ ៥ភាគរយលើសន្តិសុខរបស់ពួកយើង លោកគិតថា វាមិនមានអ្វីធំដុំនោះទេ ។លោកបន្តថា ពួកយើងដឹងពីគោលដៅអ្វីដែលពួកយើងតាមរក ពួកយើងពុំលាក់លៀមពួកគេនោះទេ ហើយពួកយើងបានប្រកាសដោយបើកចំហរដល់ពួកគេ ។សូមបញ្ជាក់ថា សមាជិកអង្គការណាតូ បានយល់ព្រមបង្កើនថ្លៃការពារដល់ ៥ភាគរយនៃផលិតផលក្នុងស្រុកសរុប គឺជាការបង្កើនធំមួយនៅក្នុងការចំណាយលើវិស័យការពារជាតិរបស់ពួកគេ ជាការឆ្លើយតបនឹងការទទួចចង់បានរបស់ប្រធានាធិបតីសហរដ្ឋអាមេរិកលោក Donald Trumpថា អឺរ៉ុបត្រូវមានទំនួលខុសត្រូវច្រើនជាងនេះ សម្រាប់សន្តិសុខផ្ទាល់ខ្លួនរបស់ពួកគេ ៕

លោក Khamenei ៖ រាល់ការឈ្លានពាននាពេលអនាគតណាមួយលើអ៊ីរ៉ង់ នឹងត្រូវតបស្នងខ្លាំងបំផុត

មេដឹកនាំកំពូលអ៊ីរ៉ង់លោក Ayatollah Ali Khamenei បាននិយាយនៅក្នុងសេចក្តីអត្ថាធិប្បាយលើកដំបូងរបស់លោកតាមកញ្ចក់ទូរទស្សន៍បញ្ចេញនៅថ្ងៃព្រហស្បតិ៍នេះ ចាប់តាំងពីបទឈប់បាញ់ឈានដល់រវាងអ៊ីរ៉ង់ និងអ៊ីស្រាអែលថា រាល់ការឈ្លានពាននាពេលអនាគតណាមួយលើអ៊ីរ៉ង់ នឹងត្រូវតបស្នងខ្លាំងបំផុត ។សេចក្តីអត្ថាធិប្បាយថតទុកមុនរបស់លោក ត្រូវបានចាក់ផ្សាយនៅលើកញ្ចក់ទូរទស្សន៍រដ្ឋ ។ ដូចគ្នានៅក្នុងសេចក្តីអត្ថាធិប្បាយលើកចុងក្រោយរបស់លោកដែលបានបញ្ចេញកាលពីរយៈពេលជាង ១សប្តាហ៍មុន អំឡុងការទម្លាក់គ្រាប់បែករយៈពេល ១២ថ្ងៃរបស់អ៊ីស្រាអែល លោក Khamenei បាននិយាយពីទីតាំងបិទជិតមិនបញ្ចេញឲ្យដឹងនៅមុខវាំងននពណ៌ត្នោត ចន្លោះទង់ជាតិអ៊ីរ៉ង់ និងរូបថតអ្នកឡើងកាន់អំណាចមុនរបស់លោក គឺលោក Ruhollah Khomeini ។លោក Khamenei បន្តថា ពួកគេវាយប្រហារទីតាំងនុយក្លេអ៊ែររបស់ពួកយើង ជាការពិតណាស់ថាវាគឺជាកម្មវត្ថុនៃការកាត់ទោសឯករាជ្យនៅតុលាការអន្តរជាតិ ប៉ុន្តែពួកគេពុំអាចសម្រេចបានអ្វីណាមួយជាដុំកំភួននោះទេ ។ពេលសួរថាតើសហរដ្ឋអាមេរិកនឹងវាយប្រហារអ៊ីរ៉ង់ម្តងទៀត បើសិនជាអ៊ីរ៉ង់កសាងឡើងវិញកម្មវិធីចម្រាញ់សារធាតុអ៊ុយរ៉ានីញ៉ូមសម្រាប់អាវុធនុយក្លេអ៊ែរ ប្រធានាធិបតីសហរដ្ឋអាមេរិកលោក Donald Trumpនិយាយកាលពីថ្ងៃពុធថា វាប្រាកដខ្លាំងណាស់ ៕

ការវាយប្រហាររបស់អ៊ីស្រាអែលបានសម្លាប់មនុស្សជាង ៣០នាក់នៅតំបន់ហ្កាហ្សា

ប្រភពវេជ្ជសាស្រ្ត និយាយប្រាប់កាសែត Al Jazeera ថា មនុស្សជាង ៣០នាក់ ត្រូវបានសម្លាប់នៅក្នុងការវាយប្រហាររបស់អ៊ីស្រាអែលនៅទូទាំងតំបន់ហ្កាហ្សាស្រ្ទីប ស្របពេលដែលរដ្ឋមន្រ្តីសន្តិសុខជាតិអ៊ីស្រាអែល បានអំពាវនាវឲ្យផ្អាកទាំងស្រុងការផ្គត់ផ្គង់ជំនួយមនុស្សធម៌ដល់ដែនដីប៉ាឡេស្ទីនមួយនេះ ។ក្រុមអាជ្ញាធរសុខភាពក្នុងស្រុកនិយាយនៅថ្ងៃព្រហស្បតិ៍នេះថា ការវាយប្រហារតាមច្រកអាកាសអ៊ីស្រាអែល បានសម្លាប់មនុស្ស ១៥នាក់ នៅក្នុងការវាយប្រហារ ២លើកដាច់ដោយឡែកពីគ្នា នៅទីក្រុងហ្កាហ្សា រួមទាំងមនុស្ស ៩នាក់ដែលត្រូវបានសម្លាប់នៅសាលារៀនដែលផ្តល់ជាទីជម្រកដល់គ្រួសារជម្លៀសខ្លួននៅតំបន់ជាយក្រុង Sheikh Radwan ។ការវាយប្រហារដាច់ដោយឡែកមួយទៀត បានសម្លាប់មនុស្ស ៩នាក់ នៅជិតជំរំសំពត់តង់ក្នុងទីក្រុង Khan Younis ស្ថិតនៅភាគខាងត្បូងដែនដីបិទច្រកមួយនេះ ។ប្រភពពីមន្ទីរពេទ្យបាននិយាយប្រាប់កាសែត Al Jazeera ថា មនុស្ស ៩នាក់ ត្រូវបានសម្លាប់ និងរងរបួសនៅក្នុងការវាយប្រហារយានដ្រូនលើផ្លូវក្នុងផ្សារនៅជំរំ Deir el-Balah ធ្វើឲ្យចំនួនមនុស្សស្លាប់នៅថ្ងៃពុធពីការវាយប្រហាររបស់អ៊ីស្រាអែលកើនឡើងដល់ ៣០នាក់ ។ក្រុមអឌ្ឍចន្ទក្រហមប៉ាឡេស្ទីនរាយការណ៍ថា មនុស្ស ៣នាក់ ត្រូវបានសម្លាប់ និងមនុស្សជាច្រើននាក់ផ្សេងទៀត បានរងរបួស ដោយសារការបាញ់ប្រហាររបស់អ៊ីស្រាអែល ពេលដែលពួកគេរង់ចាំជំនួយមនុស្សធម៌នៅជិតចំណុចចែកចាយជំនួយ បង្កើតឡើងដោយមូលនិធិមនុស្សធម៌ហ្កាហ្សាគាំទ្រដោយអ៊ីស្រាអែល និងសហរដ្ឋអាមេរិក ៕

ទឹកជំនន់បង្កឡើងដោយសារភ្លៀងធ្លាក់ខ្លាំង បណ្តាលឲ្យខូចខាតទ្រព្យសម្បត្តិនៅតំបន់ភាគខាងជើងឥណ្ឌា

ទឹកជំនន់បង្កឡើងដោយសារភ្លៀងធ្លាក់ខ្លាំង បណ្តាលឲ្យខូចខាតទ្រព្យសម្បត្តិនៅភាគខាងជើងប្រទេសឥណ្ឌានាថ្ងៃព្រហស្បតិ៍នេះ ហើយអ្នកស្រុកនិយាយថា ទឹកបានហូរនាំយកទៅរថយន្ត និងកម្ទេចកម្ទីរចូលក្នុងហាង និងសណ្ឋាគារ ។ភ្លៀងមូសុងនៅតាមបណ្តាលរដ្ឋជាច្រើន ក្នុងប្រទេសឥណ្ឌា បានជន់លិចតំបន់រស់នៅរបស់អ្នកស្រុក ហើយទន្លេជាច្រើនបានហូរប្រៀបច្រាំង បង្កការជន់លិចនៅតាមតំបន់ក្បែរៗ ។ទន្លេ Godavari ស្ថិតទីក្រុងភាគកណ្តាល Nashik បានឡើងដល់កម្រិតគ្រោះថ្នាក់ ហើយក្រុមអាជ្ញាធរ បានប្រកាសអាសន្ន ។ តំបន់វាលទំនាបជាច្រើននៅជិតទន្លេមួយនេះ បានរងការជន់លិច បន្ទាប់ពីភ្លៀងធ្លាក់ឥតឈប់ឈរ ។រដូវវស្សាចាំបាច់សម្រាប់ប្រជាកសិកររាប់លាននាក់នៅក្នុងប្រទេសឥណ្ឌា ដោយសារជិតពាក់កណ្តាលនៃដីកសិកម្មរបស់ពួកគេ ជួបកង្វះខាតប្រព័ន្ធស្រោចស្រព ។ប៉ុន្តែវាបណ្តាលឲ្យមានបំណាក់ដី ទឹកជំនន់ធ្ងន់ធ្ងរ និងជំងឺឆ្លងផងដែរ ស្របពេលដែលរដ្ឋបាលស៊ីវិល មិនអាចដោះស្រាយបញ្ហាប្រឈមបង្កឡើងដោយសារវា ៕

ម្ចាស់ធុរកិច្ចវាយតម្លៃការខូចខាត រយៈពេល ១ថ្ងៃក្រោយបាតុកម្មនៅកេនយ៉ា

រយៈពេល ១ថ្ងៃ ក្រោយបាតុកម្មនៅទូទាំងប្រទេសបានអង្រួនកេនយ៉ា ម្ចាស់ធុរកិច្ចនៅមជ្ឈមណ្ឌលទីក្រុង Nairobiបានវាយតម្លៃការខូចខាតរបស់ពួកគេ បន្ទាប់ពីរលកនៃករណីចោរកម្ម និងការដុតកម្ទេចចោល ។គួរឲ្យដឹងថា មនុស្សយ៉ាងតិច ១៦នាក់ បានស្លាប់ ក្នុងអំឡុងបាតុកម្មយ៉ាងហិង្សាប្រឆាំងរដ្ឋាភិបាលទូទាំងប្រទេស នៅកេនយ៉ា កាលពីថ្ងៃពុធ ដែលភាគច្រើននៃជនរងគ្រោះត្រូវបានសម្លាប់ដោយនគរបាល រយៈពេលមួយឆ្នាំបន្ទាប់ពីបាតុកម្មដ៏បង្ហូរឈាមប្រឆាំងនឹងច្បាប់ពន្ធមួយ ដែលឈានដល់ការសម្រុកយ៉ាងកម្រោលចូលក្នុងសភា ។នាយកប្រតិបត្តិអង្គការលើកលែងទោសកេនយ៉ា លោក Irungu Houghton បាននិយាយប្រាប់ទីភ្នាក់ងារព័ត៌មានរ៉យទ័រថា បាតុករខ្លះបានប៉ះទង្គិចជាមួយនគរបាល ហើយមនុស្ស ១៦នាក់ត្រូវបាន បញ្ជាក់ផ្ទៀងផ្ទាត់ថាបានស្លាប់ ។ស្របពេលដែលក្រុមបាតុករទាមទាររកយុត្តធម៌ និងការទទួលខុសត្រូវ ធុរកិច្ចជាច្រើន បានរងការខូចខាត ពេលដែលមានការប្រឈមដាក់គ្នារវាងបាតុកម្ម និងក្រុមនគរបាល ៕

ព្យុះបានផ្អាកការជជែកដេញដោលក្នុងសភាបារាំង ខណៈទឹកភ្លៀងលេចជ្រាបចូលអង្គប្រជុំ

សភាបារាំង បានផ្អាកអង្គប្រជុំរបស់ពួកគេ អំឡុងការជជែកដេញដោលពីតំបន់មជ្ឈិមបូព៌ា ស្របពេលដែលទឹកភ្លៀងលេចចូលក្នុងបន្ទបប្រជុំ ក្រោយពេលមានព្យុះដ៏ខ្លាំងក្លា ។នាយករដ្ឋមន្រ្តីបារាំងលោក Francois Bayrou ទើបបញ្ចប់សុន្ទរកថាបើកអង្គប្រជុំរបស់លោក នៅពេលលោកសួរទៅកាន់ម្ចាស់កិច្ចប្រជុំថា តើអ្នកមានកត់សំគាល់ឃើញថា ភ្លៀងធ្លាក់ទេ? ប្រធានអង្គប្រជុំបានផ្អាកការជជែកដេញដោលមួយភ្លែត ដើម្បីអនុញ្ញាតឲ្យភ្នាក់ងារពន្លត់អគ្គិភ័យអាចពិនិត្យមើលការលេចទឹកភ្លៀងនោះ មុនពេលប្រកាសថាវាគ្រាន់តែជ្រាបតិចតួចប៉ុណ្ណោះ ។ភ្លៀងធ្លាក់ និងខ្យល់បក់ខ្លាំង បានវាយប្រហារតំបន់ជាច្រើនរបស់បារាំង កាលពីយប់កន្លងទៅ រហូតដល់ថ្ងៃព្រហស្បតិ៍នេះ ។សន្តិសុខស៊ីវិលបារាំង រាយការណ៍ថា មនុស្ស ២នាក់ បានស្លាប់ និងផ្ទះសម្បែងប្រជាពលរដ្ឋជិត ១០ម៉ឺនខ្នង បាត់បង់អគ្គិសនី ដោយសារព្យុះមួយនេះ ៕

ចិនច្រានចោលការផ្គត់ផ្គង់អាវុធដល់ភាគីណាមួយនៅក្នុងសង្រ្គាមអ៊ុយក្រែន

នៅថ្ងៃព្រហស្បតិ៍នេះ ក្រសួងការបរទេសចិន បានច្រានចោលថា ចិនពុំបានផ្គត់ផ្គង់អាវុធដល់ភាគីណាមួយនោះឡើយនៅក្នុងសង្រ្គាមអ៊ុយក្រែន ហើយពួកគេបានចោទប្រកាន់មន្រ្តីពាក់ព័ន្ធរបស់អង្គការណាតូ ដែលបាននិយាយមូលបង្កាច់ការកសាងយោធាធម្មតារបស់ពួកគេ ។លោក Guo Jiakun គឺជាអ្នកនាំពាក្យរបស់ក្រសួងការបរទេសចិន បានធ្វើសេចក្តីអត្ថាធិប្បាយបែបនេះ នៅក្នុងសន្និសីទសារព័ត៌មាន ជាការឆ្លើយតបនឹងអគ្គលេខាធិការអង្គការណាតូលោក Mark Rutte ដែលបាននិយាយថា មាននូវការកសាងយោធាទ្រង់ទ្រាយធំនៅក្នុងប្រទេសចិន និងចិនគាំទ្រកិច្ចខិតខំសង្រ្គាមនៅអ៊ុយក្រែន ។គួរឲ្យដឹងថា សមាជិកអង្គការណាតូ បានយល់ព្រមបង្កើនថ្លៃការពារដល់ ៥ភាគរយនៃផលិតផលក្នុងស្រុកសរុប គឺជាការបង្កើនធំមួយនៅក្នុងការចំណាយលើវិស័យការពារជាតិរបស់ពួកគេ ជាការឆ្លើយតបនឹងការទទួចចង់បានរបស់ប្រធានាធិបតីសហរដ្ឋអាមេរិកលោក Donald Trumpថា អឺរ៉ុបត្រូវមានទំនួលខុសត្រូវច្រើនជាងនេះ សម្រាប់សន្តិសុខផ្ទាល់ខ្លួនរបស់ពួកគេ ។ខណៈពេលនោះដែរ អធិការបតីអាល្លឺម៉ង់លោក Friedrich Merz និយាយថា ការសម្រេចចិត្តរបស់សម្ព័ន្ធមិត្តយោធាណាតូ ក្នុងការបង្កើនថ្លៃការពាដល់ ៥ភាគរយនៃផលិតផលក្នុងស្រុកសរុប(GDP)របស់រដ្ឋសមាជិក គឺជាសញ្ញាមួយនៃកម្លាំង និងការរួបរួមរបស់សម្ព័ន្ធមិត្ត ហើយលោកនិយាយថា រុស្ស៊ីពុំមានកម្លាំងគ្រប់គ្រាន់ក្នុងការវាយប្រហារណាតូទាំងមូលបាននោះទេ ៕

កូរ៉េខាងត្បូង៖កូរ៉េខាងជើងអាចបញ្ជូនទាហានបន្ថែមទៀតទៅកាន់រុស្ស៊ីនៅខែកក្កដាឬសីហាសម្រាប់សង្រ្គាមអ៊ុយក្រែន

ក្រុមតំណាងរាស្រ្តកូរ៉េខាងត្បូង បាននិយាយដោយលើកប្រភពពីទីភ្នាក់ងារចារកម្មថាកូរ៉េខាងជើងអាចដាក់ពង្រាយទាហានបន្ថែមទៀតទៅកាន់រុស្ស៊ីធ្វើសង្រ្គាមជាមួយអ៊ុយក្រែននៅខែកក្កដា ឬខែសីហាខាងមុខនេះហើយទីក្រុងព្យុងយ៉ាងនៅតែបន្តផ្គត់ផ្គង់អាវុធដល់រុស្ស៊ី ។លោក Lee Seong-kweun គឺជាសមាជិកសភាកូរ៉េខាងត្បូងនិយាយប្រាប់ក្រុមអ្នកសារព័ត៌មាននៅក្នុងសន្និសីទសារព័ត៌មានបិទទ្វារថា ទីភ្នាក់ងារចារកម្មជាតិ(NIS) មានជំនឿថា រុស្ស៊ីអាចនឹងត្រៀមខ្លួនរួចរាល់ក្នុងការវាយលុកទ្រង់ទ្រាយធំលើអ៊ុយក្រែននៅខែកក្កដាឬខែសីហាខាងមុខនេះ ។លោក Lee និយាយថា ពេលវេលានៃការដាក់ពង្រាយទាហានបន្ថែមទៀតអាចនឹងកើតឡើងនៅខែកក្កដា ឬខែសីហា ។ទីភ្នាក់ងារ NIS បានលើកឡើងថា ការប្រមូលផ្តុំទាហានថ្មីសម្រាប់ការបញ្ចូនដោយកូរ៉េខាងជើងនិងដំណើរទស្សនកិច្ចកាលពីពេលថ្មីទៅកាន់ទីក្រុងព្យុងយ៉ាងដោយមន្រ្តីសន្តិសុខប្រធានាធិបតីជាន់ខ្ពស់រុស្ស៊ីគឺជាមូលដ្ឋាន សម្រាប់ការវាយតម្លៃរបស់ពួកគេ ។លោក Leeនយាយទៀតថាជាថ្នូរសម្រាប់ឲ្យកូរ៉េខាងជើងបញ្ជូនគ្រាប់កាំផ្លើងធំ និងមីស៊ីលទៅកាន់រុស្ស៊ីទីក្រុងព្យុងយ៉ាង ទំនងជាទទួលបានការណែនាំបច្ចេកវិទ្យាលើការបាញ់បង្ហោះផ្កាយរណបនិងប្រព័ន្ធតម្រង់គោលដៅមីស៊ីល ៕

បណ្ដាញសង្គម

ព័ត៌មានថ្មីៗ

លោក Trump ប្រារព្ធទិវាឯករាជ្យ ដោយមានការបាញ់កាំជ្រួចនៅទីក្រុងវ៉ាស៊ីនតោន

លោក Trump ចុះហត្ថលេខាចូលជាច្បាប់លើសេចក្តីស្នើច្បាប់គោលនយោបាយក្នុងប្រទេស

ក្រុមហាម៉ាស៖ ខ្លួនបានឆ្លើយតបទៅនឹងសំណើបទឈប់បាញ់នៅហ្កាហ្សាក្នុង «ស្មារតីវិជ្ជមាន»

អ្នកវិនិយោគនៅកម្ពុជាអំពាវនាវពលកខ្មែរមកពីថៃ ឱ្យងាកមកធ្វើការក្នុងស្រុកវិញ ខណៈការងាររាប់ម៉ឺនកន្លែងកំពុងរងចាំ

លោក Zelenskiy ព្រមព្រៀងជាមួយលោកTrump ដើម្បីពង្រឹងការការពារដែនអាកាសរបស់អ៊ុយក្រែន

ប្រទេសឥណ្ឌា ស្នើពន្ធសងសឹកនៅអង្គការពាណិជ្ជកម្មពិភពលោកប្រឆាំងនឹងពន្ធអាមេរិកលើរថយន្ត

ប្រទេស BRICS នឹងជួបប្រជុំគ្នាដោយគ្មានលោកប្រធានាធិបតី Xi និងលោក Putin

ទឹកជំនន់ដ៏គំហុកនៅរដ្ឋតិចសាស់ បណ្តាលឲ្យមនុស្សជាង១០នាក់ស្លាប់ និងជាង២០នាក់នៅបាត់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877