នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ
អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មាន​ការសម្របសម្រួលជាមួយ​ទីក្រុងតេអេរ៉ង់
ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ
មន្ត្រីជាន់ខ្ពស់៖ លីបង់ទាមទារឲ្យ​អ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

ព័ត៌មានអន្តរជាតិ

ប្រធានាធិបតីកូរ៉េខាងត្បូង ស្នើឲ្យ​លោក Trump ដឹកនាំ​ការទូតដោយសន្តិវិធី ជាមួយកូរ៉េខាងជើង

2026/06/17 05:30:30 pm        51
Facebook Telegram Linkin
ការិយាល័យរបស់លោក Lee Jae Myung បានឲ្យ​ដឹង​ថា ប្រធានាធិបតីកូរ៉េខាងត្បូងរូប​នេះ​ បានស្នើសុំមេដឹកនាំ​អាមេរិក លោក Donald Trump ឲ្យដឹកនាំការស្វែងរកដំណោះស្រាយប្រកប​ដោយសន្តិវិធី ជុំវិញ​ភាពតានតឹងជាមួយកូរ៉េខាងជើង ដោយ​សំណើនោះ​កើត​មាន​ក្នុងអំឡុងពេលមាន​ការជជែក​គ្នា​រយៈពេលខ្លី នៅឯកិច្ចប្រជុំកំពូលនៃ​ក្រុមប្រទេសធំៗ​ទាំង៧ (G7) កាលពីថ្ងៃអង្គារ (ទី១៦ ខែមិថុនា ឆ្នាំ២០២៦)។អ្នកនាំពាក្យការិយាល័យ​ប្រធានាធិបតី លោកស្រី Kang Yu-jung បានប្រាប់​ថា មេដឹកនាំទាំង២ បានស្វាគមន៍គ្នាទៅវិញទៅមក ក្នុងអំឡុងពេលថតរូបជាក្រុមនៃ​មេដឹកនាំ G7 ជាកន្លែងដែលលោក Trump បានសួរលោក Lee អំពីស្ថានភាពបច្ចុប្បន្ននៃទំនាក់ទំនងជាមួយកូរ៉េខាងជើង។បើយោងតាមការិយាល័យរបស់លោក Lee បាន​ឲ្យ​ដឹង​ទៀត​ថា ក្នុង​ឱកាស​នោះ​ លោក Lee បានស្នើសុំឲ្យ​លោក Trump ដឹកនាំកិច្ចប្រឹងប្រែង ដើម្បីដោះស្រាយបញ្ហាជាមួយ​កូរ៉េខាងជើង ប្រកប​ដោយសន្តិវិធី ដូចដែលលោកបានធ្វើជាមួយសង្គ្រាម នៅតំបន់​មជ្ឈិមបូព៌ា។ លោកស្រី​ Kang បានបន្ថែម​ថា លោក Trump បានឆ្លើយតបថា លោកនឹងខិតខំដោះស្រាយបញ្ហាកូរ៉េខាងជើង។គួរ​បញ្ជាក់​ថា លោក Trump និងមេដឹកនាំកូរ៉េខាងជើង លោក Kim Jong Un បានជួបប្រជុំគ្នាចំនួន ៣លើក អំឡុងអាណត្តិដំបូងរបស់លោក Trump ដែល​​រួមមាន​កិច្ចប្រជុំដ៏សំខាន់ នៅប្រទេសសិង្ហបុរី ក្នុងឆ្នាំ២០១៨ កិច្ចប្រជុំលើកទី២ នៅទីក្រុងហាណូយ ប្រទេសវៀតណាម​ក្នុងឆ្នាំ​២០១៩ និងកិច្ចប្រជុំមួយ​ នាចុង​ឆ្នាំនោះ នៅឯតំបន់គ្មានយោធា (ព្រំដែន​នៃ​ប្រទេស​កូរ៉េទាំង២) ស្តីពីការរំសាយកម្មវិធីនុយក្លេអ៊ែររបស់កូរ៉េខាងជើង និងការបន្ធូរបន្ថយទណ្ឌកម្មដែលដឹកនាំដោយសហរដ្ឋអាមេរិក៕

អេក្វាឌ័រ ប្រកាសរដ្ឋក្នុងគ្រាអាសន្នក្នុងខេត្តចំនួន១០ និងក្រុងចំនួន៣ ក្នុងពេលមានអំពើហិង្សា

2026/06/17 05:27:03 pm        40
Facebook Telegram Linkin
យោងតាមក្រឹត្យបានឲ្យដឹងថា ប្រធានាធិបតីប្រទេសអេក្វាឌ័រ លោក Daniel Noboa កាលពីថ្ងៃអង្គារ បានប្រកាសរដ្ឋក្នុងគ្រាអាសន្នថ្មី រយៈពេល ៦០ ថ្ងៃនៅក្នុងខេត្តចំនួន ១០ និងក្រុងចំនួន ៣ ដោយលើកឡើងពីភាពវឹកវរផ្ទៃក្នុងធ្ងន់ធ្ងរដែលបណ្តាលមកពីអំពើហិង្សាឧក្រិដ្ឋកម្មកើនឡើង។វិធានការនេះ ផ្អាកការការពារដែលប្រឆាំងការឆែកឆេរនៅតាមលំនៅឋាន និងការឆ្លើយឆ្លងនៅក្នុងខេត្តឆ្នេរសមុទ្រមួយចំនួន។ ក្រឹត្យដែលបានចេញ បាននិយាយថា កងកម្លាំងសន្តិសុខត្រូវបានអនុញ្ញាតឱ្យធ្វើការឆែកឆេរភ្លាមៗ នៅពេលដែលមានការចង្អុលបង្ហាញថា សមាជិកនៃក្រុមប្រដាប់អាវុធរៀបចំទុកឬអង្គការឧក្រិដ្ឋកម្ម កំពុងលាក់ខ្លួន ព្រមទាំងនៅពេលមានការសង្ស័យថាមានអាវុធ គ្រាប់រំសេវ គ្រឿងផ្ទុះ ឬសារធាតុសង្ស័យផ្សេងទៀត។ក្រឹត្យនេះអនុញ្ញាតឱ្យអាជ្ញាធរកំណត់អត្តសញ្ញាណ វិភាគ និងប្រមូលព័ត៌មានដែលត្រូវបានចាត់ទុកថាចាំបាច់ដើម្បីការពារ ឬលុបបំបាត់ការគំរាមកំហែង។

លោក Macron នឹងបញ្ចប់កិច្ចប្រជុំ G7 ដោយផ្តោតលើ AI និង​អាហារពេលល្ងាចជាមួយ​​លោក Trump

2026/06/17 05:22:01 pm        53
Facebook Telegram Linkin
នា​ថ្ងៃពុធ (ទី១៧ ខែមិថុនា ឆ្នាំ​២០២៦) នេះ មេដឹកនាំនៃ​ក្រុម​ប្រទេស​មាន​ឧស្សាហកម្ម​លូតលាស់ទាំ៧ ឬ G7 នឹងពិភាក្សាអំពីហានិភ័យសន្តិសុខដែលបង្កឡើងដោយបញ្ញាសិប្បនិម្មិត (AI) និងបណ្ដាញ​សង្គម នៅថ្ងៃចុងក្រោយនៃកិច្ចប្រជុំកំពូលដែលគ្របដណ្ដប់ដោយប្រធានាធិបតីអាមេរិក លោក Donald Trump មុនពេលម្ចាស់ផ្ទះ គឺមេដឹក​នាំបារាំង លោក Emmanuel Macron ទទួលទានអាហារពេលល្ងាចជាមួយសមភាគីអាមេរិករបស់លោក នៅឯវិមាន Versailles។កិច្ចប្រជុំកំពូលរយៈពេល ៣ថ្ងៃរបស់មេដឹកនាំនៃប្រទេសកាណាដា បារាំង អាល្លឺម៉ង់ អ៊ីតាលី ជប៉ុន អង់គ្លេស និងសហរដ្ឋអាមេរិក បានផ្តោតយ៉ាងខ្លាំងទៅលើកិច្ចព្រមព្រៀងរបស់លោក Trump ដើម្បីបញ្ចប់សង្គ្រាមជាមួយអ៊ីរ៉ង់ និងកិច្ចប្រឹងប្រែង ដើម្បីដាក់សម្ពាធលើរុស្ស៊ីឲ្យ​សម្របសម្រួលសន្តិភាពជាមួយអ៊ុយក្រែន​។ប៉ុន្តែនៅថ្ងៃទី១៧ ខែមិថុនានេះ​ វិស័យឌីជីថលនឹងក្លាយ​ជា​បញ្ហា​លេច​ធ្លោ​ ដោយសមាជិកអឺរ៉ុបមួយចំនួនរបស់​ប្លុក​ G7 ចង់បានសន្តិសុខបន្ថែមទៀត នៅក្នុងចំណាត់ការ​​ដែលបានធ្វើឲ្យ​សហរដ្ឋអាមេរិកខឹងសម្បា។ លោក Sam Altman ប្រធានក្រុមហ៊ុន AI លំដាប់យក្ស​ គឺ OpenAI ប្រធានក្រុម​ហ៊ុន Anthropic លោក Dario Amodei និងលោក Arthur Mensch របស់​ក្រុម​ហ៊ុន​ Mistral AI នឹងចូលរួមអាហារថ្ងៃត្រង់ជាមួយបណ្ដាមេដឹកនាំ G7។នៅក្នុងវីដេអូលើ​បណ្ដាញ​សង្គម​ Instagram មុនកិច្ចប្រជុំកំពូលនេះ​ លោក Macron បាន​បញ្ជាក់​​ថា ការពិភាក្សានៅឯកិច្ច​ប្រជុំ​ G7 នឹងផ្តោតលើវិធី​ «លើក​កម្ពស់​សន្តិសុខតាមប្រព័ន្ធ​អ៊ីនធឺណិត និងការពារកុមារ និងលទ្ធិប្រជាធិបតេយ្យរបស់យើង»។យ៉ាង​ណាក្ដី ការពិភាក្សាចុងក្រោយលើបញ្ហាសកលសំខាន់ៗ នឹងធ្វើឡើង ដោយប្រទេសមហាអំណាចទាំង៧ សង្ឃឹមថា នឹងឯកភាពគ្នាលើសេចក្តីថ្លែងការណ៍ចុងក្រោយ ជុំវិញ​បញ្ហា​ទាំងនៅ​មជ្ឈិមបូព៌ា និងអ៊ុយក្រែន មុនពេលមេដឹកនាំទាំង​អស់​ធ្វើសន្និសីទសារព័ត៌មានដាច់ដោយឡែកពីគ្នា ចាប់ពីម៉ោងប្រហែល ១រសៀល ម៉ោង​សកល​៕

អ៊ីរ៉ង់ ព្រមានពីការឆ្លើយតបខ្លាំងក្លា ប្រសិនបើអ៊ីស្រាអែលបន្តគំនិតព្យាបាទនៅប្រទេសលីបង់

2026/06/17 05:19:10 pm        65
Facebook Telegram Linkin
 អ៊ីរ៉ង់ បានព្រមានកាលពីថ្ងៃអង្គារថា ប្រសិនបើអ៊ីស្រាអែលមិនបញ្ចប់ «គំនិតព្យាបាទ» របស់ខ្លួននៅភាគខាងត្បូងប្រទេសលីបង់ទេ នោះនឹងត្រូវរង់ចាំការឆ្លើយតបដ៏ខ្លាំងក្លារបស់កងកម្លាំងប្រដាប់អាវុធអ៊ីរ៉ង់។នៅក្នុងសេចក្តីថ្លែងការណ៍ជាផ្លូវការ បញ្ជាការដ្ឋានយោធាធំរបស់អ៊ីរ៉ង់ បាននិយាយថា ចាប់តាំងពីប្រធានាធិបតីសហរដ្ឋអាមេរិក លោក Donald Trump បានប្រកាសពីការបញ្ចប់សង្គ្រាមមក កងទ័ពអ៊ីស្រាអែល បានរំលោភលើបទឈប់បាញ់នៅភាគខាងត្បូងប្រទេសលីបង់ចំនួន ៨៤ លើក ហើយនៅតែបន្ត «ឧក្រិដ្ឋកម្មប្រឆាំងនិងសម្លាប់ប្រជាជនលីបង់ដែលត្រូវបានគំរាមកំហែង»។អ៊ីរ៉ង់ សហរដ្ឋអាមេរិក និងប៉ាគីស្ថាន បានប្រកាសកាលពីថ្ងៃចន្ទ អំពីការបញ្ចប់ចុងក្រោយអនុស្សរណៈនៃការយោគយល់ (MoU) ស្តីពីការបញ្ចប់សង្គ្រាមនៅគ្រប់ផ្នែកក្នុងតំបន់ រួមទាំងនៅប្រទេសលីបង់ផងដែរ។ អ៊ីរ៉ង់ និងសហរដ្ឋអាមេរិក គ្រោងនឹងចុះហត្ថលេខាជាផ្លូវការលើអនុស្សរណៈនៃការយោគយល់ នៅប្រទេសស្វីស នៅថ្ងៃសុក្រខាងមុខនេះ។ថ្លែងនៅក្នុងកិច្ចប្រជុំជាមួយអ្នកការទូតបរទេសនៅទីក្រុងតេអេរ៉ង់កាលពីថ្ងៃអង្គារ រដ្ឋមន្ត្រីការបរទេសអ៊ីរ៉ង់ លោក Seyed Abbas Araghchi បានពិពណ៌នាអំពីការបញ្ចប់សង្គ្រាមនៅក្នុងប្រទេសលីបង់ថាជាផ្នែកមួយ «មិនអាចបំបែកបាន» នៃកិច្ចព្រមព្រៀងសន្តិភាពអ៊ីរ៉ង់-សហរដ្ឋអាមេរិក។

ការវិភាគ៖ បញ្ហាស្នូលក្នុងកិច្ចចរចារវាងអាមេរិកនិងអ៊ីរ៉ង់នឹងជាអនាគតនៃកម្មវិធីនុយក្លេអ៊ែររបស់ទីក្រុងតេអេរ៉ង់

2026/06/17 05:08:00 pm        42
Facebook Telegram Linkin
អ្នកវិភាគនិយាយថា ភាពខ្វែងគំនិតគ្នារវាងភាគីទាំងពីរលើចំណុចមួយ បានលេចចេញជារូបរាងរួចហើយ ដោយអនុប្រធានាធិបតីសហរដ្ឋអាមេរិក លោក Vance បានប្រាប់ប្រព័ន្ធផ្សព្វផ្សាយអាមេរិកថា ក្រុមអធិការកិច្ចនុយក្លេអ៊ែរនឹងត្រូវបានអនុញ្ញាតឱ្យវិលត្រឡប់ទៅអ៊ីរ៉ង់វិញដើម្បីជួយ «បំផ្លាញឃ្លាំងស្តុកសារធាតុអ៊ុយរ៉ានីញ៉ូមដែលចម្រាញ់រួច» និងបាននិយាយថា នេះជាផ្នែកស្នូលនៃកិច្ចព្រមព្រៀងដែលនឹងត្រូវចុះហត្ថលេខានៅថ្ងៃសុក្រ ខាងមុខ។ប៉ុន្តែមន្ត្រីអ៊ីរ៉ង់និយាយថា ការចរចាលើកម្មវិធីនុយក្លេអ៊ែរនឹងចាប់ផ្តើម លុះត្រាតែកិច្ចព្រមព្រៀងដំបូងត្រូវបានចុះហត្ថលេខា ហើយមិននិយាយអំពីក្រុមអធិការកិច្ច ឬជោគវាសនានៃឃ្លាំងស្តុកសារធាតុអ៊ុយរ៉ានីញ៉ូមនោះទេ។លោក Seyed Hossein Mousavian អតីតអ្នកការទូតដែលបានបម្រើការនៅក្នុងក្រុមចរចានុយក្លេអ៊ែររបស់ទីក្រុងតេអេរ៉ង់ក្នុងការចរចាជាមួយសហភាពអឺរ៉ុប និងទីភ្នាក់ងារថាមពលអាតូមិកអន្តរជាតិ(IAEA)បាននិយាយថា នៅចំណុចកណ្តាលនៃទិដ្ឋភាពជាក់លាក់នៃជម្លោះនេះ គឺជាការមិនចុះសម្រុងគ្នាជាយូរអង្វែងមកលើគោលបំណងនៃកម្មវិធីនុយក្លេអ៊ែររបស់អ៊ីរ៉ង់។លោក Mousavian បាននិយាយថា សមរភូមិដ៏លំបាកបំផុតនឹងជា «ការផ្សះផ្សាការទទូចរបស់អ៊ីរ៉ង់លើការរក្សាកម្មវិធីចម្រាញ់សារធាតុអ៊ុយរ៉ានីញ៉ូមដោយសន្តិវិធី ក្រោមសន្ធិសញ្ញាស្តីពីការមិនរីកសាយអាវុធនុយក្លេអ៊ែរ ដោយការទាមទាររបស់ទីក្រុងវ៉ាស៊ីនតោនសម្រាប់ការរឹតត្បិតតឹងរ៉ឹងដើម្បីធានាថាកម្មវិធីនេះមិនអាចបង្វែរទៅជាគោលបំណងយោធាបានឡើយ»។

កូរ៉េខាងត្បូង នឹងផ្លាស់ប្តូរខ្សែបន្ទាត់ដែលត្រូវបានរឹតត្បិតជនស៊ីវិលនៅតាមព្រំដែនជាមួយកូរ៉េខាងជើង

2026/06/17 05:04:19 pm        45
Facebook Telegram Linkin
រដ្ឋមន្ត្រីក្រសួងការពារជាតិបាននិយាយនៅថ្ងៃពុធ ទី១៧ ខែមិថុនា នេះថា ប្រទេសកូរ៉េខាងត្បូង នឹងផ្លាស់ប្តូរខ្សែបន្ទាត់មួយដែលរត់ស្របទៅនឹងព្រំដែនយោធាជាមួយប្រទេសកូរ៉េខាងជើង ដើម្បីបង្រួមតំបន់ដែលរឹតត្បិតដំណើរការស៊ីវិល ដើម្បីបង្ហាញពីបរិយាកាសសន្តិសុខដែលកំពុងវិវត្ត និងសម្រាប់ភាពងាយស្រួលរបស់ប្រជាជនក្នុងតំបន់។ដោយត្រូវបានគេហៅថាខ្សែបន្ទាត់គ្រប់គ្រងស៊ីវិល បច្ចុប្បន្នមានចម្ងាយរហូតដល់ ១០ គីឡូម៉ែត្រ ទៅភាគខាងត្បូងនៃខ្សែបន្ទាត់កំណត់ព្រំដែនយោធា (MDL) ដែលត្រូវបានរៀបចំនៅចុងបញ្ចប់នៃសង្គ្រាមកូរ៉េឆ្នាំ ១៩៥០-៥៣។ រដ្ឋមន្ត្រីក្រសួងការពារជាតិ លោក Ahn Gyu-back បាននិយាយថា ការផ្លាស់ប្តូរខ្សែបន្ទាត់ដំណើរការស៊ីវិលជាមធ្យម ៦ គីឡូម៉ែត្រ ពីខ្សែបន្ទាត់កំណត់ព្រំដែនយោធា (MDL) គឺជាការឆ្លើយតបទៅនឹងសំណើរបស់អ្នកស្រុករយៈពេលជាច្រើនឆ្នាំមកហើយ ហើយអាចធ្វើទៅបានដោយការត្រៀមរួចរាល់របស់ក្រសួងការពារជាតិ។ក្រសួងក៏បានប្រកាសពីការផ្លាស់ប្តូរផ្សេងទៀតដែលនឹងបន្ធូរបន្ថយការរឹតត្បិតដែលបានដាក់នៅតំបន់ក្បែរព្រំដែន រួមទាំងគោលការណ៍ណែនាំដែលបន្ធូរបន្ថយលើប្រតិបត្តិការយានដ្រូនសម្រាប់គោលបំណងកសិកម្ម។ រដ្ឋាភិបាលសេរីនិយមរបស់លោកប្រធានាធិបតី Lee Jae Myung ដែលបានចូលកាន់តំណែងកាលពីឆ្នាំមុន បានចាត់វិធានការជាបន្តបន្ទាប់ក្នុងគោលបំណងបន្ធូរបន្ថយភាពតានតឹងជាមួយប្រទេសកូរ៉េខាងជើង ប៉ុន្តែទីក្រុងព្យុងយ៉ាងនៅតែរក្សាជំហរអរិភាពចំពោះប្រទេសជិតខាងខ្លួន។

មេដឹកនាំ G7 សន្យាបង្កើនកិច្ចប្រឹងប្រែង ដើម្បីដោះស្រាយភាពងាយរងគ្រោះ ដោយសារបំណុលសកល

2026/06/17 05:02:02 pm        34
Facebook Telegram Linkin
បណ្ដា​មេដឹកនាំនៃ​ក្រុម​ប្រទេស​មាន​ឧស្សាហកម្មលូត​លាស់ទាំង៧ (G7) កាលពីថ្ងៃអង្គារ (ទី​១៦ ខែមិថុនា ឆ្នាំ២០២៦) បានសន្យាបង្កើនកិច្ចប្រឹងប្រែង ដើម្បីដោះស្រាយបន្ទុកបំណុលដ៏​ខ្ពស់ ក្នុងចំណោមប្រទេសកំពុងអភិវឌ្ឍន៍ ក្នុង​នោះ​រួមទាំងប្រទេសមានប្រាក់ចំណូលមធ្យមដែលបច្ចុប្បន្នមិនមានសិទ្ធិទទួលបានគំនិតផ្តួចផ្តើមបន្ធូរបន្ថយបំណុល ដែលត្រូវ​បានបង្កើត​ដោយក្រុមប្រទេស​មាន​សេដ្ឋកិច្ចធំៗទាំង​ ២០ (G20) ក្នុងអំឡុងពេលមានជំងឺរាតត្បាតកូវីដ-១៩។ក្នុងសេចក្តីប្រកាសរួមមួយដែលត្រូវបាន​ចេញបន្ទាប់ពីបាន​បញ្ចប់​ការ​ប្រជុំ ដែលរួមមានប្រទេសជា​ភ្ញៀវ ដូច​ជា​កេនយ៉ា អេហ្ស៊ីប ឥណ្ឌា ប្រេស៊ីល និងកូរ៉េខាងត្បូងផង​ដែរ មេដឹកនាំ G7 បានបញ្ជាក់ពីការប្តេជ្ញាចិត្ត ចំពោះកិច្ចសហប្រតិបត្តិការអន្តរជាតិ ស្ដី​ពី​ការអភិវឌ្ឍ ខណៈពេលដែលជំរុញកំណែទម្រង់ និងការសង្កត់ធ្ងន់កាន់តែខ្លាំង លើការវិនិយោគឯកជន។សេចក្ដី​ថ្លែង​ការណ៍ បានឲ្យ​ដឹង​ថា គោលនយោបាយអភិវឌ្ឍន៍បែបប្រពៃណី បានផ្តល់លទ្ធផល ប៉ុន្តែមិន​ផ្ដល់​ «ផល​វិជ្ជមាន​ខ្លាំង​ដល់​ការកាត់បន្ថយការពឹងផ្អែកផ្នែកហិរញ្ញវត្ថុ លើជំនួយពីខាងក្រៅនោះឡើយ​»។ មេដឹកនាំដែលកំពុង​ជួបប្រជុំគ្នា នៅរមណីយដ្ឋានមាត់បឹង Evian-les-Bains (អេវីយ៉ង់ ឡេស៍ បាំងស៍) របស់ប្រទេសបារាំង បានលើក​ឡើង​ថា ធនធានសាធារណៈ ដែលត្រូវបានកាត់បន្ថយយ៉ាងខ្លាំងដោយសហរដ្ឋអាមេរិក និងប្រទេស​មាន​សេដ្ឋកិច្ចជឿនលឿនផ្សេងទៀត ក្នុងប៉ុន្មានឆ្នាំថ្មីៗនេះ នឹងបន្តដើរតួនាទីយ៉ាងសំខាន់ ប៉ុន្តែមិនគ្រប់គ្រាន់ ដើម្បីបំពេញតម្រូវការអភិវឌ្ឍន៍សកលនោះ​ទេ។សេចក្តីថ្លែងការណ៍ដែលគាំទ្រដោយកូរ៉េខាងត្បូង និងកេនយ៉ា បានសង្កត់ធ្ងន់ថា៖ «យើងនឹងបង្កើនកិច្ចប្រឹងប្រែង ដើម្បីដោះស្រាយភាពងាយរងគ្រោះដោយសារ​បំណុលសកលកំពុងកើនឡើង ដែលគំរាមកំហែងដល់ស្ថិរភាពសេដ្ឋកិច្ច និងរឹតត្បិតដល់​កញ្ចប់ថវិការបស់រដ្ឋាភិបាល សម្រាប់អន្តរាគមន៍សេវាសាធារណៈសំខាន់​ៗ​»៕

រដ្ឋមន្ត្រីក្រសួងការពារជាតិ៖ វត្តមានយោធាអាមេរិកកំពុងកើនឡើងនៅក្នុងប្រទេសអូស្ត្រាលី

2026/06/17 04:50:16 pm        33
Facebook Telegram Linkin
រដ្ឋមន្ត្រីក្រសួងការពារជាតិ លោក Richard Marles បាននិយាយនៅថ្ងៃពុធនេះថា ផែនការរបស់កងម៉ារីនអាមេរិកសម្រាប់ស្តុកទុកអាវុធសម្រាប់វិបត្តិនៅក្នុងប្រទេសអូស្ត្រាលី គឺជាផ្នែកមួយនៃ«វត្តមានរបស់សហរដ្ឋអាមេរិក កំពុងកើនឡើង» នៅក្នុងប្រទេសនេះ និងសំខាន់សម្រាប់សន្តិសុខជាតិ។ ដោយដកស្រង់ឯកសារដេញថ្លៃ សារព័ត៌មាន AFP បានចុះផ្សាយកាលពីថ្ងៃអង្គារថា កងម៉ារីនអាមេរិកនឹងរួមបញ្ចូលប្រទេសអូស្ត្រាលី នៅក្នុងកម្មវិធីរៀបចំទីតាំងសកលសម្រាប់អាវុធ គ្រាប់រំសេវ និងយានយន្តជាលើកដំបូង។ ឃ្លាំងស្តុកអាវុធដំបូងនៅទីក្រុងមែលប៊ន នឹងផ្លាស់ទីទៅឃ្លាំងរបស់សហរដ្ឋអាមេរិក នៅមូលដ្ឋានយោធា Bandiana របស់ប្រទេសអូស្ត្រាលី នៅតំបន់ជនបទ Victoria។លោក Marles បានប្រាប់អ្នកយកព័ត៌មាននៅអូស្ត្រាលីខាងលិចថា៖«យើងកំពុងឃើញវត្តមានរបស់សហរដ្ឋអាមេរិក កំពុងកើនឡើង នៅក្នុងប្រទេសអូស្ត្រាលី ដែលមានសារៈសំខាន់ទាក់ទងនឹងការកសាងសមត្ថភាពយោធារបស់យើង ប៉ុន្តែវាក៏សំខាន់ខ្លាំងណាស់សម្រាប់សន្តិសុខជាតិរបស់ប្រទេសអូស្ត្រាលីផងដែរ»៕

មេដឹកនាំ G7 ប្រឹង​ប្រែង​ដោះស្រាយបញ្ហា​ពឹងផ្អែកលើប្រទេសចិន សម្រាប់រ៉ែសំខាន់ៗ

2026/06/17 04:47:58 pm        32
Facebook Telegram Linkin
បណ្ដា​អ្នកការទូត បានប្រាប់​ឲ្យ​ដឹង​ថា បារាំងដែលជាម្ចាស់ផ្ទះកិច្ច​ប្រជុំ​កំពូល​នៃ​ប្រទេស​មាន​ឧស្សាហកម្ម​លូតលាស់​ទាំង៧​ ឬ G7 កំពុងជំរុញ​ឲ្យ​ដៃគូព្រមព្រៀង​លើសេចក្តីថ្លែងការណ៍មួយ ស្តីពីរ៉ែសំខាន់ៗ នៅថ្ងៃពុធ (ទី១៧ ខែមិថុនា ឆ្នាំ២០២៦) នេះ​ ដែលអាចរួមបញ្ចូលវិធានការ ដើម្បីជួយលោកខាងលិចកាត់បន្ថយការពឹងផ្អែកលើចិន និងការពារវិនិយោគិនពីវិធានការតប​ត និងការលក់​ផលិត​ផល​មិន​សម​តាម​តម្លៃ​ទីផ្សារ​។មេដឹកនាំទាំង​អស់ នឹងពិភាក្សាអំពីការធានាខ្សែច្រវាក់​ផ្គត់ផ្គង់រ៉ែ ដែលជាប្រធានបទសំខាន់មួយនៃតំណែងប្រធាន G7 របស់បារាំង រួមជាមួយនឹងកិច្ចប្រឹងប្រែងកាន់តែទូលំទូលាយ ដើម្បីដោះស្រាយអតុល្យភាពសេដ្ឋកិច្ចសកល នៅថ្ងៃចុងក្រោយនៃកិច្ចប្រជុំកំពូលថ្ងៃទី ១៥-១៧ ខែមិថុនា នៅទីក្រុង​ Evian-les-Bains (អេវីយ៉ង់ ឡេស៍ បាំងស៍​​)។ចិនបានធ្វើឲ្យប្រទេស​ជា​ច្រើន​មាន​ក្ដីបារម្ភ កាលពីឆ្នាំមុន នៅពេលដែលឧស្សាហកម្មមួយចំនួន ស្ទើរតែឈប់ដំណើរការ បន្ទាប់ពីទីក្រុងប៉េកាំងបានដាក់កម្រិតការនាំចេញ លើមេដែកអចិន្ត្រៃយ៍ដែលផលិត​ពីរ៉ែកម្រ ជាពេល​វេលា​មួយដែលបង្ហាញថា តើ​ខ្សែច្រវាក់​ផ្គត់ផ្គង់លោកខាងលិច នៅក្នុងវិស័យថាមពល ការពារជាតិ និងបច្ចេកវិទ្យា ពឹងផ្អែកលើទំនិញទាំងនេះយ៉ាង​ដូចម្ដេច​។មន្ត្រីការិយាល័យ​ប្រធានាធិបតីបារាំងមួយ​រូប​បាននិយាយមុនពេលកិច្ចប្រជុំកំពូលនេះ​ថា៖ «យើងកំពុងពិភាក្សាឯកសារ​ដែលមានសារៈសំខាន់ លើ​​រ៉ែសំខាន់ៗ និងជា​លទ្ធផល​​ លើ​អធិបតេយ្យភាពសេដ្ឋកិច្ច»។វិធានការ​ដែល​កំពុង​ពិភាក្សា​ក្នុង​រយៈពេល​ប៉ុន្មាន​ខែ​ថ្មីៗ​នេះ រួម​មាន​ការ​គាំទ្រ​តម្លៃ ស្តង់ដារ​ទីផ្សារ ការ​ឧបត្ថម្ភធន និង​ការ​ទិញ​ដែល​មាន​ការធានា ក៏ដូចជា​មធ្យោបាយ ​ដើម្បី​ពង្រីក​ការ​វិនិយោគ​ឯកជន ​ក្នុង​ខ្សែច្រវាក់​​ផ្គត់ផ្គង់​រ៉ែ​សំខាន់​ៗ ​នៅខាង​​ក្រៅ​ប្រទេស​ចិនផង​ដែរ​។ តែ​យ៉ាងណាក្ដី​ វិធានការណាមួយដែលបានប្រកាស នៅក្នុងកិច្ចប្រជុំ G7 ទំនងត្រឹម​តែ​ជាជំហានដំបូងប៉ុណ្ណោះ​៕

ក្រសួងការបរទេស៖ រុស្ស៊ីមិនពឹងផ្អែកលើតួនាទីសម្របសម្រួលរបស់UN ក្នុងបញ្ហាអ៊ុយក្រែនទេ

2026/06/17 04:46:01 pm        43
Facebook Telegram Linkin
អនុរដ្ឋមន្ត្រីការបរទេសរុស្ស៊ី លោក Alexander Alimov បានថ្លែងថា រុស្ស៊ីមិនរំពឹងថា អង្គការសហប្រជាជាតិ អាចដើរតួនាទីសម្របសម្រួលក្នុងការដោះស្រាយជម្លោះអ៊ុយក្រែនទេ។ អ្នកការទូតរូបនេះ បានប្រាប់សារព័ត៌មាន Izvestia ថា៖«ខ្ញុំមិនឃើញមានមូលដ្ឋានណាមួយសម្រាប់យើងដើម្បីចូលទៅក្នុងការចរចាបែបនេះទេ។ ការសម្របសម្រួលពីអង្គការសហប្រជាជាតិ? ខ្ញុំមិនឃើញអង្គការសហប្រជាជាតិ មានសក្តានុពលសម្រាប់រឿងនេះទេ» ។ យោងតាមលោកអនុរដ្ឋមន្ត្រី «របៀបដែលលេខាធិការដ្ឋាន និងអគ្គលេខាធិការ កំពុងប្រព្រឹត្តទៅធ្វើឲ្យ ពួកគេបាត់បង់តួនាទី សិទ្ធិអំណាច និងភាពជឿជាក់បែបនេះទាំងស្រុង»៕

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា
06/26/2026 08:06 PM
Facebook Telegram Linkin
កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ
06/26/2026 08:06 PM
Facebook Telegram Linkin
នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ
06/26/2026 08:06 PM
Facebook Telegram Linkin
អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មាន​ការសម្របសម្រួលជាមួយ​ទីក្រុងតេអេរ៉ង់
06/26/2026 08:06 PM
Facebook Telegram Linkin
ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ
06/26/2026 08:06 PM
Facebook Telegram Linkin
មន្ត្រីជាន់ខ្ពស់៖ លីបង់ទាមទារឲ្យ​អ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន
06/26/2026 08:06 PM
Facebook Telegram Linkin
កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី
06/26/2026 08:06 PM
Facebook Telegram Linkin
រញ្ជួយដីកម្រិត ៦,៥រ៉ិចទ័រ វាយប្រហារកោះ នៅ​ភាគខាងត្បូងនៃ​ប្រទេស​ហ្វីលីពីន
06/26/2026 08:06 PM
Facebook Telegram Linkin
UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី
06/26/2026 08:06 PM
Facebook Telegram Linkin
អ៊ីស្រាអែលទម្លាក់ខិត្តប័ណ្ណ នៅ​ទីក្រុងរបស់​លីបង់ ដោយបញ្ជាឲ្យ​ប្រជាជនចាកចេញ
06/26/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.