BTV NEWS

អ៊ីរ៉ង់មិនធានាសុវត្ថិភាពដល់នាវានៅច្រកសមុទ្រហ័រមូស នៅខាងក្រៅផ្លូវដែលបានកំណត់ទេ

អ្នកការទូតជាន់ខ្ពស់អាមេរិក៖ ការលក់អាវុធឲ្យកោះតៃវ៉ាន់ មិនអាស្រ័យលើប្រទេសចិនទេ

លោក Xi ជួបជាមួយនាយករដ្ឋមន្ត្រីបង់ក្លាដែស ដោយសន្យាធ្វើឲ្យទំនាក់ទំនងកាន់តែស៊ីជម្រៅ

អង្គការឃ្លាំមើលរបស់UN៖ ការប្រើប្រាស់គ្រឿងញៀននៅជុំវិញពិភពលោក កំពុងកើនឡើងគួរឲ្យព្រួយបារម្ភ

ព័ត៌មានអន្តរជាតិ

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

នៅថ្ងៃចន្ទ (ទី១៥ ខែមិថុនា ឆ្នាំ២០២៦) នេះ ប្រទេសចិនបានលើកឡើងថា ការពង្រឹងយោធារបស់ខ្លួន គឺមានប្រយោជន៍ដល់សន្តិភាពពិភពលោក ដោយរិះគន់របាយការណ៍របស់វិទ្យាស្ថានស្រាវជ្រាវ ដែលបានព្រមានថា ការគំរាមកំហែងនៃការវាយប្រហារដោយផ្ទាល់ដោយទីក្រុងប៉េកាំងលើអូស្ត្រាលី កំពុងកើនឡើង។របាយការណ៍របស់វិទ្យាស្ថាន Lowy Institute ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី បានឲ្យដឹងកាលពីថ្ងៃទី១៤ ខែមិថុនាថា ចិនមានសមត្ថភាពវាយប្រហារដោយមីស៊ីលដោយផ្ទាល់ទៅលើអូស្ត្រាលី ហើយការគំរាមកំហែងនៃការមានចំណាត់ការបែបនេះកំពុងកើនឡើង ខណៈដែលទីក្រុងប៉េកាំងកំពុងប្រមូលផ្តុំអាវុធរយៈចម្ងាយឆ្ងាយ និងមានល្បឿនលឿនជាងសំឡេង និងសាងសង់កោះ នៅសមុទ្រចិនខាងត្បូង។នៅថ្ងៃទី១៥ ខែមិថុនានេះ ប្រទេសចិនបានថ្កោលទោស «ការវិនិច្ឆ័យខុសជាយុទ្ធសាស្ត្រធ្ងន់ធ្ងរ» របស់របាយការណ៍នេះ ដោយបញ្ជាក់ថា ខ្លួនបានប្តេជ្ញាចិត្ត ចំពោះ «មាគ៌ានៃការអភិវឌ្ឍដោយសន្តិភាព»។នៅក្នុងសន្និសីទសារព័ត៌មាន អ្នកនាំពាក្យក្រសួងការបរទេស លោក Lin Jian បានប្រាប់អ្នកសារព័ត៌មានថា៖ «ការកើនឡើងនៃកម្លាំងយោធារបស់ប្រទេសចិន តំណាងឲ្យការកើនឡើងនៃកងកម្លាំង សម្រាប់សន្តិភាពពិភពលោក»។ លោកបានបន្ថែមថា៖ «ការអភិវឌ្ឍកម្លាំងយោធារបស់ប្រទេសចិន គឺមានបំណងការពារអធិបតេយ្យភាពជាតិ សន្តិសុខ និងផលប្រយោជន៍អភិវឌ្ឍន៍ ហើយមិនមែនសំដៅលើប្រទេសជាក់លាក់ណាមួយឡើយ»។លោក Lin បានជំរុញ «ស្ថាប័នពាក់ព័ន្ធ» ឲ្យ «ឈប់ផ្សព្វផ្សាយពីការគំរាមកំហែងដោយចិន» ហើយមើលការអភិវឌ្ឍរបស់ប្រទេសនេះតាមរបៀបដែលមានគោលបំណង យុត្តិធម៌ និងសមហេតុផល៕

រញ្ជួយដីកម្រិត ៦,៦ រ៉ិចទ័រ កើតមាននៅភាគខាងត្បូងហ្វីលីពីន តែមិនរំពឹងមានការខូចខាតនោះទេ

ទីភ្នាក់ងាររញ្ជួយដីរដ្ឋហ្វីលីពីន Phivolcs បានឲ្យដឹងថា រញ្ជួយដីកម្រិត ៦,៦រ៉ិចទ័រ បានកើតឡើង នៅកោះ Mindanao នៅភាគខាងត្បូងនៃប្រទេសហ្វីលីពីន នាថ្ងៃចន្ទ (ទី១៥ ខែមិថុនា ឆ្នាំ២០២៦) នេះ។ទីភ្នាក់ងាររញ្ជួយដីរដ្ឋហ្វីលីពីន Phivolcs បានបញ្ជាក់ថា រញ្ជួយដីដែលបានវាយប្រហារចម្ងាយ ១៦៤គីឡូម៉ែត្រ នៅភាគអាគ្នេយ៍តំបន់ Governor Generoso ក្នុងខេត្ត Davao Oriental មានជម្រៅ ៨៦គីឡូម៉ែត្រ ដោយបន្ថែមថា ការខូចខាតមិនត្រូវបានរំពឹងថា នឹងមាននោះទេ។នាយក Phivolcs លោក Teresito Bacolcol បានប្រាប់វិទ្យុ DZMM ថា រញ្ជួយដី នៅថ្ងៃទី១៥ ខែមិថុនានេះ មានប្រភពមកពីតាមបណ្តោយតំបន់ Philippine Trench ហើយមិនមានទំនាក់ទំនងជាមួយនឹងរញ្ជួយដីកម្រិត ៧,៨រ៉ិចទ័រ ដែលបានវាយប្រហារកោះ Mindanao កាលពីថ្ងៃទី៨ ខែមិថុនានោះឡើយ ហើយការរញ្ជួយនេះមានចំណុចកណ្តាល នៅចម្ងាយជាង ២៥០គីឡូម៉ែត្រ។គួរបញ្ជាក់ដែរថា ទីភ្នាក់ងារការពារជនស៊ីវិលរបស់ប្រទេសនេះ បានឲ្យដឹងថា ចំនួនអ្នកស្លាប់ដោយសាររញ្ជួយដីដ៏ខ្លាំងក្លាកាលពីសប្តាហ៍មុន បានកើនឡើងដល់ ៦៥នាក់ហើយ ខណៈមនុស្ស ៣៦នាក់ទៀតនៅតែបាត់ខ្លួនដដែល៕

លោក Zelenskiy ៖ រុស្ស៊ីពុំអើពើរនឹងការផ្តល់ជូនកិច្ចប្រជុំនៅជំនួបកំពូលរបស់មេដឹកនាំក្រុមប្រទេស G7

ប្រធានាធិបតីអ៊ុយក្រែនលោក Volodymyr Zelenskiy និយាយនៅថ្ងៃចន្ទនេះថា លោកបានផ្តល់ជូនជំនួបជាមួយប្រធានាធិបតីរុស្ស៊ីលោក Vladimir Putin នៅកិច្ចប្រជុំកំពូលប្រទេសមានឧស្សាហកម្មលូតលាស់ G7 ក្នុងប្រទេសបារាំង នាសប្តាហ៍នេះ ដើម្បីបញ្ចប់សង្រ្គាមរយៈពេល ៤ឆ្នាំ ប៉ុន្តែមេដឹកនាំរុស្ស៊ីរូបនេះ ពុំបានត្រៀមខ្លួនជជែកគ្នានោះទេ ។ថ្លែងនៅប្រាសាទប្រវត្តិសាស្រ្តនៅក្នុងទីក្រុងគីវ ដែលរងការខូចខាតដោយសារការវាយប្រហារកាលពីយប់របស់រុស្ស៊ី លោក Zelenskiy និយាយថា សហរដ្ឋអាមេរិកយល់ព្រមការអញ្ជើញលោក Putinឲ្យមកចូលរួមជំនួបនេះ ដែលនឹងចាប់ផ្តើមនៅថ្ងៃចន្ទ នៅរមណីយដ្ឋាន Evian-les-Bains ។លោកនិយាយប្រាប់ក្រុមអ្នកសារព័ត៌មានថា ពួកយើងបានផ្តល់សារដែលពួកយើងត្រៀមខ្លួនរួចរាល់ក្នុងការជួបលោក Putin អំឡុងជំនួប G7 ពីព្រោះថាលោក Trumpក៏នៅទីនោះ ហើយលោក Macron ក៏នៅទីនោះ ដូច្នេះហើយមានទាំងអឺរ៉ុបបូកអាមេរិក ។ លោកគិតថា នេះគឺជាឱកាសដ៏ល្អមួយសម្រាប់ការជួបជុំទាំងអស់គ្នា ។លោក Zelenskiy និយាយទៀតថា អឺរ៉ុប និងសហរដ្ឋអាមេរិក បានឯកភាពគ្នា ហើយរុស្ស៊ីបញ្ជាក់ជាថ្មីម្តងទៀតថា ពួកគេមិនទាន់ត្រៀមខ្លួននិយាយនោះទេ ។គួរឲ្យដឹងថា នៅក្នុងលិខិតដោយបើកចំហរទៅកាន់លោក Putin ក្នុងខែនេះ លោក Zelenskiy បានផ្តល់ជំនួបទល់មុខគ្នា ហើយលោកបានលើកឡើងថា សង្រ្គាមកំពុងបង្កើនសម្ពាធលើសេដ្ឋកិច្ចរុស្ស៊ី ។ជាការឆ្លើយតបវិញ លោក Putin និយាយជាសាធារណៈថា លោកពុំមើលឃើញហេតុផលណាមួយសម្រាប់ជំនួបមួយនេះឡើយ ៕

ប្រមុខសម្ព័ន្ធអារ៉ាប់ស្វាគមន៍កិច្ចព្រមព្រៀង រវាងអាមេរិក និងអ៊ីរ៉ង់ និងជំរុញឲ្យគោរពអធិបតេយ្យភាពរដ្ឋអារ៉ាប់

លោក Ahmed Aboul Gheit អគ្គលេខាធិការសម្ព័ន្ធអារ៉ាប់ បានស្វាគមន៍ ចំពោះការប្រកាស អំពីកិច្ចព្រមព្រៀង រវាងសហរដ្ឋអាមេរិក និងអ៊ីរ៉ង់ ស្តីពីអនុស្សរណៈនៃការយោគយល់គ្នា ដែលកំណត់ពីបទឈប់បាញ់ប្រកបដោយចីរភាព និងការបើកច្រកសមុទ្រ Hormuz ឡើងវិញ។យោងតាមសេចក្តីថ្លែងការណ៍មួយដែលត្រូវបានចេញផ្សាយដោយការិយាល័យប្រព័ន្ធផ្សព្វផ្សាយសម្ព័ន្ធអារ៉ាប់ នៅថ្ងៃចន្ទ (ទី១៥ ខែមិថុនា ឆ្នាំ២០២៦) នេះ បានឲ្យដឹងថា កិច្ចព្រមព្រៀងនេះត្រូវបានគ្រោងចុះហត្ថលេខាជាផ្លូវការ នៅថ្ងៃសុក្រ ទី១៩ ខែមិថុនា រវាងសហរដ្ឋអាមេរិក និងសាធារណរដ្ឋឥស្លាមអ៊ីរ៉ង់។លោក Aboul Gheit បាននិយាយថា ការវិវត្តនេះតំណាងឲ្យជំហានដ៏សំខាន់មួយឆ្ពោះទៅរកការបញ្ចប់ការវាយប្រហាររបស់អ៊ីរ៉ង់ និងអ៊ីស្រាអែល លើទឹកដីអារ៉ាប់ និងបង្កើតលក្ខខណ្ឌ ដើម្បីចាប់ផ្តើមបញ្ចប់សង្គ្រាម។ លោកបានបន្ថែមថា កិច្ចព្រមព្រៀងនេះអាចបើកផ្លូវឲ្យមានស្ថិរភាពប្រកបដោយចីរភាព នៅក្នុងតំបន់។ជាមួយគ្នានេះ ប្រមុខសម្ព័ន្ធអារ៉ាប់ ក៏បានព្រមានផងដែរ ចំពោះការប៉ុនប៉ងរបស់អ៊ីស្រាអែលដែលកំពុងបន្ត ធ្វើឲ្យខូចកិច្ចព្រមព្រៀង និងនាំឲ្យស្ថានភាពជម្លោះបន្តមានជាអចិន្ត្រៃយ៍។ លោកបានសរសើរកិច្ចប្រឹងប្រែងផ្នែកការទូតដោយភាគីអារ៉ាប់ តំបន់ និងអន្តរជាតិ ដែលបានរួមចំណែកដល់ការឈានដល់កិច្ចព្រមព្រៀង។ជាងនេះទៀត លោក Aboul Gheit បានអំពាវនាវដល់ភាគីពាក់ព័ន្ធទាំងអស់ឲ្យចូលរួមជាមួយការចរចានាពេលខាងមុខ ដោយអាកប្បកិរិយាវិជ្ជមាន និងប្រាកដប្រជា ដើម្បីធានាបាននូវដំណោះស្រាយដោយសន្តិវិធី។ លោកបានសង្កត់ធ្ងន់ថា កិច្ចព្រមព្រៀងចុងក្រោយណាមួយ ត្រូវតែគាំទ្រអធិបតេយ្យភាព និងបូរណភាពទឹកដីរបស់រដ្ឋអារ៉ាប់ និងដោះស្រាយការទាមទារស្របច្បាប់របស់អារ៉ាប់ ទាក់ទងនឹងសន្តិសុខក្នុងតំបន់៕

នាយករដ្ឋមន្រ្តីអង់គ្លេសប្រកាសបំរាមបណ្តាញព័ត៌មានសង្គមសម្រាប់ក្មេងក្រោមអាយុ ១៦ឆ្នាំ

នាយករដ្ឋមន្រ្តីអង់គ្លេសលោក Keir Starmer និយាយថា លោកនឹងហាមឃាត់បណ្តាញព័ត៌មានសង្គមសម្រាប់ក្មេងអាយុក្រោម ១៦ឆ្នាំ ចាប់ពីនិទាឃរដូវឆ្នាំក្រោយតទៅ ហើយនិងធ្វើការរឹតត្បិតផងដែរលើកម្មវិធីលេងហ្គេម និងកម្មវិធីផ្សាយផ្ទាល់ ក្នុងការប្រយុទ្ធប្រឆាំងនឹងបច្ចេកវិទ្យាធំមួយនេះ ដែលរីកកាន់តែធំជាងប្រទេសដទៃ ។ លោក Starmer និយាយថា ការផ្លាស់ប្តូរនេះ នឹងធ្វើឲ្យក្មេងៗកាន់តែមានសុវត្ថិភាព និងកាន់តែមានសុខភាពជាងមុន ។ លោកថា វិធានការនេះ ធ្វើឡើងប្រឆាំងនឹងកម្មវិធីជាច្រើន រួមទាំងកម្មវិធីបណ្តាញសង្គម Snapchat, TikTok, YouTube, Instagram, Facebook និង X ក៏ដូចជាកម្មវិធីលេងហ្គេមដែលធ្វើឲ្យមនុស្សចម្លែកទាក់ទងជាមួយក្មេងៗ ។ លោក Starmer និយាយទៀតថា ការសម្រេចចិត្តរបស់លោក ក្នុងការហាមឃាត់បណ្តាញព័ត៌មានសង្គមសម្រាប់ក្មេងៗអាយុក្រោម ១៦ឆ្នាំ គឺជា “សេចក្តីថ្លែងការណ៍ដ៏មានតម្លៃ” មិនមែនដោយសារលោកប្រឈមការលំបាកថ្នាក់ដឹកនាំនោះទេ ។ ទោះបីជាយ៉ាងណាក៏ដោយ នៅអូស្រ្តាលី ដែលបានក្លាយជាប្រទេសលើកដំបូងគេនៅលើពិភពលោកណែនាំឲ្យមានបំរាមស្រដៀងគ្នានេះ កាលពីខែធ្នូ អ្នកធ្វើសេចក្តីរាយការណ៍របស់ BBC រាយការណ៍ថា រឿងរ៉ាវតិចតួចប៉ុណ្ណោះ បានផ្លាស់ប្តូរ ហើយយុវជន-យុវតី កំពុងរំលងប្រព័ន្ធរឹតបន្តឹងអាយុ ៕

អ្នកការទូត៖ អាមេរិក និងអ៊ីរ៉ង់ នឹងមានកិច្ចប្រជុំត្រៀម នៅទីក្រុងដូហា មុនចុះហត្ថលេខា លើកិច្ចព្រមព្រៀង

អ្នកការទូតម្នាក់ បានប្រាប់សារព័ត៌មាន AFP នៅថ្ងៃចន្ទ (ទី១៥ ខែមិថុនា ឆ្នាំ២០២៦) នេះថា សហរដ្ឋអាមេរិក និងអ៊ីរ៉ង់ នឹងធ្វើកិច្ចប្រជុំដោយប្រយោល នៅទីក្រុងដូហា ប្រទេសកាតា នាសប្តាហ៍នេះ មុនពេលឈានដល់ការចុះហត្ថលេខាជាផ្លូវការ លើកិច្ចព្រមព្រៀងមួយដែលមានគោលបំណងបញ្ចប់សង្គ្រាម នៅតំបន់មជ្ឈិមបូព៌ា។ដោយនិយាយក្នុងលក្ខខណ្ឌមិនបញ្ចេញឈ្មោះ ដោយសារនេះជាកិច្ចពិភាក្សារៀបចំដ៏រសើប អ្នកការទូតរូបនេះ បានបញ្ជាក់ថា៖ «កិច្ចប្រជុំត្រៀមលក្ខណៈដាច់ដោយឡែកពីគ្នាជាមួយភាគីនីមួយៗ ឥឡូវនេះ នឹងធ្វើឡើងនៅទីក្រុងដូហា នាសប្តាហ៍នេះ មុនពេលឈានដល់ការចុះហត្ថលេខាជាផ្លូវការ នៅប្រទេសស្វីស និងការចាប់ផ្តើមនៃកិច្ចពិភាក្សាបច្ចេកទេស»។ប្រភពព័ត៌មានបានបន្ថែមថា អ្នកសម្របសម្រួលកាតា បានចាកចេញពីទីក្រុងតេអេរ៉ង់ បន្ទាប់ពីមាន «កិច្ចចរចាយ៉ាងតឹងតែងរយៈពេល ១៧ម៉ោង» ដែលបានចាប់ផ្តើមកាលពីថ្ងៃអាទិត្យ និងបានឈានដល់កិច្ចព្រមព្រៀងមួយ។សហរដ្ឋអាមេរិក និងអ៊ីរ៉ង់ បានឲ្យដឹងថា ប្រទេសទាំង២ បានឈានដល់កិច្ចព្រមព្រៀងមួយ ដើម្បីបញ្ចប់សង្គ្រាម នៅតំបន់មជ្ឈិមបូព៌ា លើគ្រប់សមរភូមិ រួមទាំងនៅប្រទេសលីបង់ផងដែរ និងបើកច្រកសមុទ្រ Hormuz ឡើងវិញ ប៉ុន្តែបានផ្តល់ការចង្អុលបង្ហាញតិចតួច លើបញ្ហាដ៏ស្មុគស្មាញនៃកម្មវិធីនុយក្លេអ៊ែររបស់ទីក្រុងតេអេរ៉ង់។ប្រទេសប៉ាគីស្ថាន បានប្រកាសដំបូង អំពីកិច្ចព្រមព្រៀងនេះ ដោយនាយករដ្ឋមន្ត្រី លោក Shehbaz Sharif បាននិយាយថា «ភាគីទាំង២ បានប្រកាសពីការបញ្ចប់ប្រតិបត្តិការយោធាជាបន្ទាន់ និងជាអចិន្ត្រៃយ៍ លើគ្រប់សមរភូមិ រួមទាំងនៅលីបង់ផងដែរ»។ព័ត៌មានលម្អិតមួយចំនួនតូចត្រូវបានបង្ហាញជាសាធារណៈ ប៉ុន្តែប្រធានាធិបតីអាមេរិក លោក Donald Trump បាននិយាយថា ច្រកសមុទ្រ Hormuz ដែលជាច្រកដ៏សំខាន់ សម្រាប់ការផ្គត់ផ្គង់ប្រេងសកល នឹងបើកឡើងវិញបន្ទាប់ពីការចុះហត្ថលេខាលើកិច្ចព្រមព្រៀងដែលត្រូវបានគ្រោងទុកនៅថ្ងៃសុក្រ ក្នុងសប្ដាហ៍នេះ៕

នាយករដ្ឋមន្រ្តីអ៊ីតាលីលោកស្រី Giorgia Meloni ជួបនាយករដ្ឋមន្រ្តីជប៉ុននៅទីក្រុងរ៉ូម

នៅថ្ងៃចន្ទនេះ នាយករដ្ឋមន្រ្តីអ៊ីតាលីលោកស្រី Giorgia Meloni បានជួបនាយករដ្ឋមន្រ្តីជប៉ុនលោកស្រី Sanae Takaichi ក្នុងទីក្រុងរ៉ូម ។លោកស្រី Meloni និងលោកស្រី Takaichi បានជួបគ្នានៅឯភូមិគ្រឹះ Villa Pamphili មុនកិច្ចប្រជុំកំពូលក្រុមមេដឹកនាំប្រទេសមានឧស្សាហកម្មលូតលាស់ G7 ដែលរៀបចំឡើងនៅប្រទេសបារាំង ។ក្រុមមេដឹកនាំប្រទេស G7 នឹងធ្វើដំណើរទៅដល់រមណីយដ្ឋានមាត់បឹងរបស់បារាំងនាថ្ងៃចន្ទនេះ ស្របពេលកើតមានអារម្មណ៍មិនសុខស្រួលនៅក្នុងចំណោមសម្ព័ន្ធមិត្ត ជុំវិញការគំរាមកំហែងពន្ធរបស់លោកប្រធានាធិបតី Donald Trump និងសំណួរជុំវិញការប្តេជ្ញាចិត្តរបស់សហរដ្ឋអាមេរិកចំពោះសណ្តាប់ធ្លាប់សកល ។ការពិភាក្សាលើជំហានបន្ទាប់លើអ៊ីរ៉ង់ ក្រោយសហរដ្ឋអាមេរិក និងទីក្រុងតេអេរ៉ង់ និយាយថា ពួកគេបានឈានដល់កិច្ចព្រមព្រៀងបឋម ដើម្បីបញ្ចប់សង្រ្គាមរបស់ពួកគេនោះ នឹងស្ថិតក្នុងចំណោមបញ្ហាជាច្រើន ដែលក្រុមមេដឹកនាំពិភពលោកត្រូវឱបក្រសោប អំឡុងជំនួបកំពូលថ្ងៃទី ១៥-១៧ ខែមិថុនានេះ នៅរមណីយដ្ឋាន Evian-les-Bains ។ពួកគេនឹងស្វែងរកមូលដ្ឋានរួមផងដែរលើសង្រ្គាមនៅអ៊ុយក្រែន ក៏ដូចជាដោះស្រាយអតុល្យភាពសេដ្ឋកិច្ចសកល និងការស្វែងរកប្រភពរ៉ែសំខាន់ៗនៅខាងក្រៅប្រទេសចិន ៕

ប្រមុខមន្ទីរបញ្ចកោណបដិសេធថា សហរដ្ឋអាមេរិកមិនកំពុងប្រឈមនឹងកង្វះខាតស្តុកអាវុធ

រដ្ឋមន្ត្រីក្រសួងការពារជាតិសហរដ្ឋអាមេរិក លោក Pete Hegseth បានបដិសេធថា យោធាអាមេរិកមិនកំពុងជួបប្រទះនឹងកង្វះខាតស្តុកអាវុធ ដោយនិយាយកាលពីថ្ងៃអាទិត្យថា នេះ គឺជា «រឿងប្រឌិត» ដែលផ្សព្វផ្សាយដោយប្រព័ន្ធផ្សព្វផ្សាយ។ការអត្ថាធិប្បាយរបស់លោក Hegseth បានកើតឡើងប៉ុន្មានម៉ោងមុនពេលសហរដ្ឋអាមេរិក និងអ៊ីរ៉ង់និយាយថា ពួកគេបានឈានដល់កិច្ចព្រមព្រៀងមួយដើម្បីបញ្ចប់សង្គ្រាមមជ្ឈិមបូព៌ាលើគ្រប់វិស័យ រួមទាំងលីបង់ និងបើកច្រកសមុទ្រហ័រមូសដ៏សំខាន់ឡើងវិញ។ក្តីបារម្ភអំពីសង្គ្រាមមជ្ឈិមបូព៌ាដែលធ្វើឲ្យស្តុកអាវុធរបស់សហរដ្ឋអាមេរិកកាន់តែតានតឹងកាលពីខែមុន បន្ទាប់ពីរដ្ឋមន្ត្រីកងទ័ពជើងទឹកសហរដ្ឋអាមេរិកស្តីទី លោក Hung Cao បានលើកឡើងពីជម្លោះនេះថា ជាហេតុផលសម្រាប់ការផ្អាកការលក់អាវុធទៅឲ្យកោះតៃវ៉ាន់។លោក Hegseth បានបដិសេធគំនិតនេះ នៅពេលត្រូវបានសួរក្នុងកម្មវិធី Face the Nation របស់ សារព័ត៌មាន CBS News ថាតើមានវិបត្តិស្តុកអាវុធដែរឬទេ៕

រដ្ឋមន្ត្រីការបរទេសទួរគីយេ គ្រោងនឹងទៅទស្សនកិច្ចទីក្រុងមូស្គូ ដើម្បីពិភាក្សាអំពីអ៊ុយក្រែន និងសមុទ្រខ្មៅ

ប្រភពការទូតមួយបាននិយាយនៅថ្ងៃចន្ទនេះថា រដ្ឋមន្ត្រីការបរទេស លោក Hakan Fidan នឹងនិយាយឡើងវិញនូវសំណើរបស់ទួរគី ក្នុងការរៀបចំកិច្ចពិភាក្សារវាងរុស្ស៊ី និងអ៊ុយក្រែន ក្នុងដំណើរទស្សនកិច្ចទៅកាន់ទីក្រុងមូស្គូ នៅសប្តាហ៍នេះ ដែលលោកក៏នឹងពិភាក្សាអំពីសុវត្ថិភាពដឹកជញ្ជូនតាមសមុទ្រខ្មៅ និងតំបន់កូកាសខាងត្បូងផងដែរ។ ដំណើរទស្សនកិច្ចនៅថ្ងៃអង្គារ និងថ្ងៃពុធនេះ ធ្វើឡើង មុនពេលទួរគី រៀបចំកិច្ចប្រជុំកំពូលណាតូ នៅថ្ងៃទី ៧-៨ ខែកក្កដា និងបន្ទាប់ពីទីក្រុងគីវ បានស្នើសុំទីក្រុងអង់ការ៉ា កាលពីខែមេសា ឲ្យសម្របសម្រួលដោយរៀបចំកិច្ចប្រជុំកម្រិតមេដឹកនាំ។ ទួរគីបានរក្សាទំនាក់ទំនងស្និទ្ធស្នាលជាមួយទីក្រុងមូស្គូ និងទីក្រុងគីវ ចាប់តាំងពីការឈ្លានពានរបស់រុស្ស៊ីក្នុងឆ្នាំ ២០២២។ប្រភពព័ត៌មានទួរគីបាននិយាយថា លោក Fidan នឹងជួបជាមួយសមភាគីរុស្ស៊ី លោកសឺហ្គេ ឡាវរ៉ូវ ហើយក្រោយមកនឹងជួបជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន។ប្រភពបាននិយាយថា លោកនឹងព្រមានប្រឆាំងនឹងការកើនឡើងភាពតានតឹងបន្ថែមទៀតនៅក្នុងសមុទ្រខ្មៅ និងនិយាយឡើងវិញនូវសំណើរបស់ទួរគីស្តីពីបទឈប់បាញ់មានកំណត់លើកំពង់ផែ និងហេដ្ឋារចនាសម្ព័ន្ធថាមពល។ ក្នុងរយៈពេលប៉ុន្មានខែថ្មីៗនេះ អ៊ុយក្រែន និងរុស្ស៊ី បានចោទប្រកាន់គ្នាទៅវិញទៅមក ពីបទវាយប្រហារដោយយានដ្រូនលើនាវាដឹកប្រេងនៅជិតឆ្នេរសមុទ្រភាគខាងជើងរបស់ទួរគី៕

ប្រធានាធិបតីលីបង់ សង្ឃឹមថា កិច្ចព្រមព្រៀងអាមេរិក-អ៊ីរ៉ង់ នឹងបញ្ចប់សង្គ្រាមអ៊ីស្រាអែល-ហេសបូឡា

ប្រធានាធិបតីលីបង់ លោក Joseph Aoun នៅថ្ងៃចន្ទ (ទី១៥ ខែមិថុនា ឆ្នាំ២០២៦) នេះ បានសម្តែងក្តីសង្ឃឹមថា កិច្ចព្រមព្រៀង រវាងទីក្រុងវ៉ាស៊ីនតោន និងតេអេរ៉ង់ ដើម្បីបញ្ចប់សង្គ្រាម នៅតំបន់មជ្ឈិមបូព៌ា នឹងនាំឲ្យជម្លោះ រវាងអ៊ីស្រាអែល និងក្រុមហេសបូឡាលែងមានទាំងស្រុង។នៅក្នុងសេចក្តីថ្លែងការណ៍មួយដែលចេញដោយការិយាល័យរបស់លោក លោក Aoun បានសរសើរការបញ្ជាក់នៃអនុស្សរណៈនេះថា «សន្តិសុខ និងសុវត្ថិភាពរបស់ប្រទេសលីបង់ គឺជាផ្នែកសំខាន់មួយនៃកិច្ចខិតខំប្រឹងប្រែងណាមួយ ដើម្បីពង្រឹងស្ថិរភាពនៅក្នុងតំបន់នេះ»។សេចក្តីថ្លែងការណ៍បានបន្ថែមថា ប្រជាជនលីបង់ «ទន្ទឹងរង់ចាំយ៉ាងអន្ទះសារចង់ឃើញការយោគយល់ទាំងនេះ ប្រែក្លាយទៅជាជំហានជាក់ស្តែង ដែលបញ្ចប់វដ្តនៃអំពើហិង្សាទាំងស្រុង និងបង្កើតដំណាក់កាលនៃស្ថិរភាព សន្តិសុខ ការស្តារឡើងវិញ និងការកសាងឡើងវិញ»។គួរបញ្ជាក់ថា សហរដ្ឋអាមេរិក និងអ៊ីរ៉ង់ បានប្រកាសឲ្យដឹងថា ប្រទេសទាំង២ បានឈានដល់កិច្ចព្រមព្រៀងមួយ ដើម្បីបញ្ចប់សង្គ្រាម នៅតំបន់មជ្ឈិមបូព៌ា លើគ្រប់សមរភូមិ ក្នុងនោះរួមទាំងនៅប្រទេសលីបង់ផងដែរ និងបើកច្រកសមុទ្រ Hormuz ឡើងវិញ ប៉ុន្តែបញ្ហាដ៏ស្មុគស្មាញនៃកម្មវិធីនុយក្លេអ៊ែររបស់ទីក្រុងតេអេរ៉ង់ត្រូវបានចង្អុលបង្ហាញតិចតួចប៉ុណ្ណោះ។ ប្រធានាធិបតីអាមេរិក លោក Donald Trump បានបញ្ជាក់ថា ច្រកសមុទ្រ Hormuz នឹងត្រូវបានបើកឡើងវិញបន្ទាប់ពីការចុះហត្ថលេខាលើកិច្ចព្រមព្រៀងដែលត្រូវបានគ្រោងទុកនៅថ្ងៃសុក្រ ក្នុងសប្ដាហ៍នេះ នៅប្រទេសស្វីស៕

បណ្ដាញសង្គម

ព័ត៌មានថ្មីៗ

អគ្គនាយកស៊ីម៉ាក់៖គ្រាប់បែកទម្លាក់ពីយន្ដហោះ MK-84 របស់ទាហានសៀមរកឃើញនៅលើទឹកដីកម្ពុជា សុទ្ធតែមានកំណត់ត្រា ទីតាំង អត្តសញ្ញាណច្បាស់លាស់

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

រដ្ឋផ្តល់ការលើកទឹកចិត្តពិសេស ដល់គម្រោងវិនិយោគថ្មីចំនួន ៦ នៅភូមិភាគឦសាន ក្រោមទុនវិនិយោគប្រមាណ ៨៣ លានដុល្លារអាម៉េរិក

ចិនថ្កោលទោសការរំលោភបំពានពន្ធ ក្រោមលេសការប្រើប្រាស់ «កម្លាំងពលកម្មដោយបង្ខំ»

អ៊ីស្រាអែលបន្តកាន់កាប់កាន់តែខ្លាំង នៅលីបង់ ខណៈទីក្រុងបេរូតពិចារណាតំបន់គ្មានក្រុមហេសបូឡា

សំឡេងស្រែកលាន់រំពងឡើង ខណៈការស្វែងរកកំពុងបន្ត ក្រោយមានរញ្ជួយដីសម្លាប់មនុស្សជាង ២០០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

រញ្ជួយដីកម្រិត ៦,៦ រ៉ិចទ័រ កើតមាននៅភាគខាងត្បូងហ្វីលីពីន តែមិនរំពឹងមានការខូចខាតនោះទេ

លោក Zelenskiy ៖ រុស្ស៊ីពុំអើពើរនឹងការផ្តល់ជូនកិច្ចប្រជុំនៅជំនួបកំពូលរបស់មេដឹកនាំក្រុមប្រទេស G7

នាយករដ្ឋមន្រ្តីអង់គ្លេសប្រកាសបំរាមបណ្តាញព័ត៌មានសង្គមសម្រាប់ក្មេងក្រោមអាយុ ១៦ឆ្នាំ

អ្នកការទូត៖ អាមេរិក និងអ៊ីរ៉ង់ នឹងមានកិច្ចប្រជុំត្រៀម នៅទីក្រុងដូហា មុនចុះហត្ថលេខា លើកិច្ចព្រមព្រៀង

នាយករដ្ឋមន្រ្តីអ៊ីតាលីលោកស្រី Giorgia Meloni ជួបនាយករដ្ឋមន្រ្តីជប៉ុននៅទីក្រុងរ៉ូម

ប្រមុខមន្ទីរបញ្ចកោណបដិសេធថា សហរដ្ឋអាមេរិកមិនកំពុងប្រឈមនឹងកង្វះខាតស្តុកអាវុធ

រដ្ឋមន្ត្រីការបរទេសទួរគីយេ គ្រោងនឹងទៅទស្សនកិច្ចទីក្រុងមូស្គូ ដើម្បីពិភាក្សាអំពីអ៊ុយក្រែន និងសមុទ្រខ្មៅ

ប្រធានាធិបតីលីបង់ សង្ឃឹមថា កិច្ចព្រមព្រៀងអាមេរិក-អ៊ីរ៉ង់ នឹងបញ្ចប់សង្គ្រាមអ៊ីស្រាអែល-ហេសបូឡា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ចិនបញ្ជាក់​ថា ការពង្រីកយោធារបស់ខ្លួន ជួយដល់សន្តិភាពពិភពលោក

រញ្ជួយដីកម្រិត ៦,៦ រ៉ិចទ័រ កើត​មាន​នៅ​ភាគខាងត្បូងហ្វីលីពីន តែ​មិនរំពឹង​​មាន​ការខូចខាតនោះ​ទេ

លោក Zelenskiy ៖ រុស្ស៊ីពុំអើពើរនឹងការផ្តល់ជូនកិច្ចប្រជុំនៅជំនួបកំពូលរបស់មេដឹកនាំក្រុមប្រទេស G7

នាយករដ្ឋមន្រ្តីអង់គ្លេសប្រកាសបំរាមបណ្តាញព័ត៌មានសង្គមសម្រាប់ក្មេងក្រោមអាយុ ១៦ឆ្នាំ

អ្នកការទូត៖ អាមេរិក និងអ៊ីរ៉ង់ នឹងមាន​កិច្ច​ប្រជុំត្រៀម នៅទីក្រុងដូហា មុនចុះហត្ថលេខា លើកិច្ចព្រមព្រៀង

នាយករដ្ឋមន្រ្តីអ៊ីតាលីលោកស្រី Giorgia Meloni ជួបនាយករដ្ឋមន្រ្តីជប៉ុននៅទីក្រុងរ៉ូម

ប្រមុខមន្ទីរបញ្ចកោណបដិសេធថា សហរដ្ឋអាមេរិកមិនកំពុងប្រឈមនឹងកង្វះខាតស្តុកអាវុធ

ប្រធានាធិបតី​លីបង់ សង្ឃឹមថា កិច្ចព្រមព្រៀងអាមេរិក-អ៊ីរ៉ង់ នឹងបញ្ចប់សង្គ្រាមអ៊ីស្រាអែល-ហេស​បូឡា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនបញ្ជាក់ថា ការពង្រីកយោធារបស់ខ្លួន ជួយដល់សន្តិភាពពិភពលោក

រញ្ជួយដីកម្រិត ៦,៦ រ៉ិចទ័រ កើតមាននៅភាគខាងត្បូងហ្វីលីពីន តែមិនរំពឹងមានការខូចខាតនោះទេ

អ្នកការទូត៖ អាមេរិក និងអ៊ីរ៉ង់ នឹងមានកិច្ចប្រជុំត្រៀម នៅទីក្រុងដូហា មុនចុះហត្ថលេខា លើកិច្ចព្រមព្រៀង

ប្រធានាធិបតីលីបង់ សង្ឃឹមថា កិច្ចព្រមព្រៀងអាមេរិក-អ៊ីរ៉ង់ នឹងបញ្ចប់សង្គ្រាមអ៊ីស្រាអែល-ហេសបូឡា