BTV NEWS

អង្គការ UNICEF អំពាវនាវរកជំនួយសម្រាប់កុមាររាប់ពាន់នាក់ដែលរងផលប៉ះពាល់ដោយរញ្ជួយដីនៅវ៉េណេស៊ុយឡា

តុលាការកំពូល អនុញ្ញាតឱ្យលោក Trump បញ្ចប់ការការពារការនិរទេសសម្រាប់ពលរដ្ឋស៊ីរី និងហៃទី

អ៊ីតាលី និងបារាំង ព្រមព្រៀងស្តីពីក្រុមចម្រុះដើម្បីគាំទ្រលីបង់ ក្រោយបេសកកម្មរបស់UN បញ្ចប់

ប្រមុខណាតូ៖ កិច្ចសន្យាការពារជាតិថ្មីរាប់ពាន់លានដុល្លារ នឹងត្រូវប្រកាសក្នុងកិច្ចប្រជុំកំពូលនៅទួរគី

ព័ត៌មានអន្តរជាតិ

អង់គ្លេសបានឃាត់ទុកនាវាដឹកប្រេង Smyrtosរបស់កងនាវាស្រមោលរុស្ស៊ី នៅច្រកសមុទ្រ English Channel

នាយករដ្ឋមន្ត្រីអង់គ្លេស លោក Keir Starmer នៅក្នុងសេចក្តីថ្លែងការណ៍រួមគ្នាជាមួយក្រសួងការពារជាតិរបស់ប្រទេសនេះថា កងកម្លាំងប្រដាប់អាវុធអង់គ្លេស បានឃាត់ទុកនាវាដឹកប្រេង Smyrtos ដែលត្រូវបានគេសង្ស័យថា ជាកម្មសិទ្ធិរបស់កងនាវាស្រមោលរុស្ស៊ី នៅច្រកសមុទ្រ English Channel។ យោងតាមសេចក្តីថ្លែងការណ៍ មន្ត្រីកងបញ្ជាការកងម៉ារីន និងទីភ្នាក់ងារឧក្រិដ្ឋកម្មជាតិ បានឡើងលើនាវា ដែលត្រូវបានឃាត់ទុក ដែលជាផ្នែកមួយនៃប្រតិបត្តិការលើកដំបូងរបស់ខ្លួន។ប្រភពបើកចំហសាធារណៈបានបញ្ជាក់ថា នាវាដឹកប្រេង Smyrtos មានទង់ជាតិកាមេរូន។ នាវាដែលមានប្រវែង ២៤៣ ម៉ែត្រនេះ បច្ចុប្បន្នកំពុងចតនៅជិតកោះ Portland របស់អង់គ្លេសនៅច្រកសមុទ្រ English Channel នៃឆ្នេរ Dorset នៅភាគនិរតីនៃប្រទេសនេះ ហើយត្រូវបានត្រួតពិនិត្យសម្រាប់ហានិភ័យបរិស្ថាន ឬការគំរាមកំហែងសន្តិសុខដែលអាចកើតមាន។ពុំទាន់មានព័ត៌មានណាមួយត្រូវបានផ្តល់ឲ្យនៅឡើយទេទាក់ទងនឹងក្រុមនាវិកនៃនាវានេះ៕

ប្រទេសស្លូវ៉ាគីនឹងទាមទារសំណងពីEUសម្រាប់អាវុធដែលបានផ្តល់ឲ្យអ៊ុយក្រែន

លោកនាយករដ្ឋមន្ត្រី Robert Fico បានប្រកាសថា ស្លូវ៉ាគីនឹងទាមទារសំណងពីសហភាពអឺរ៉ុបសម្រាប់អាវុធដែលខ្លួនបានផ្តល់ឲ្យអ៊ុយក្រែន។ លោកបានថ្លែងនៅក្នុងសុន្ទរកថាតាមវីដេអូដែលបានចេញផ្សាយនៅលើហ្វេសប៊ុកកាលពីថ្ងៃអាទិត្យថា រដ្ឋាភិបាលមុនបានកុហកអំពីកិច្ចព្រមព្រៀងជំនួយ។លោក Fico បានបញ្ឈប់ជំនួយយោធា និងការបញ្ជូនអាវុធទាំងអស់ដែលឧបត្ថម្ភដោយរដ្ឋទៅកាន់ទីក្រុង គីវ បន្ទាប់ពីឡើងកាន់អំណាចនៅឆ្នាំ ២០២៣។ លោកបានអះអាងថា រដ្ឋាភិបាលរបស់អ្នកកាន់តំណែងមុនរបស់លោក គឺលោក Eduard Heger បានធ្វើឲ្យស្លូវ៉ាគី គ្មានអ្វីជាទីពឹងនិងងាយរងគ្រោះយ៉ាងខ្លាំង ដោយសារការផ្តល់យន្តហោះចម្បាំង និងប្រព័ន្ធការពារដែនអាកាសដល់អ៊ុយក្រែន។នៅក្នុងឆ្នាំបន្ទាប់ពីការកើនឡើងនៃជម្លោះអ៊ុយក្រែនក្នុងឆ្នាំ ២០២២ គណៈរដ្ឋមន្ត្រីរបស់លោក Heger បានអនុម័តការដឹកជញ្ជូនរថក្រោះ និងយានយន្តប្រយុទ្ធថ្មើរជើងរាប់សិបគ្រឿងសម័យសូវៀតទៅអ៊ុយក្រែន។ ឧបករណ៍ដែលបានបរិច្ចាគក៏រួមបញ្ចូលទាំងយន្តហោះចម្បាំង MiG-29 របស់សូវៀត និងប្រព័ន្ធមីស៊ីល S-300 ផងដែរ។ ទីក្រុង Bratislava បានប្រគល់គ្រឿងយុទ្ធោបករណ៍ដែលមានតម្លៃប្រហែល ៧០០ លានអឺរ៉ូ (៨០៩,៨លានដុល្លារ) ទៅទីក្រុងគីវរវាងឆ្នាំ ២០២២ និង ២០២៣។ នេះបើយោងតាមវិទ្យាស្ថានសេដ្ឋកិច្ចពិភពអាល្លឺម៉ង់ Kiel។ ដោយសំដៅទៅលើកិច្ចប្រជុំកំពូល EU ដែលនឹងប្រព្រឹត្តទៅថ្ងៃទី១៨-១៩ ខែមិថុនានេះ លោក Fico បាននិយាយកាលពីថ្ងៃអាទិត្យថា៖«នៅទីក្រុងប្រ៊ុចសែល ខ្ញុំនឹងលើកឡើងពីបញ្ហាសំណងសម្រាប់គ្រឿងយុទ្ធោបករណ៍ ដែលបានផ្តល់ទៅឲ្យអ៊ុយក្រែន»៕

ចំនួនអ្នកស្លាប់ដោយសារសង្គ្រាមអ៊ីស្រាអែល-ក្រុមហាម៉ាសបានកើនឡើងលើសពី ៧៣.០០០នាក់

ក្រសួងសុខាភិបាលហ្កាហ្សានិយាយថា ចំនួនអ្នកស្លាប់ដោយសារសង្គ្រាមអ៊ីស្រាអែល-ក្រុមហាម៉ាស បានកើនឡើងលើសពី ៧៣.០០០ នាក់។ចំនួនអ្នកស្លាប់ដែលបានធ្វើបច្ចុប្បន្នភាពកាលពីថ្ងៃអាទិត្យ បានកើតឡើង ខណៈដែលអ៊ីស្រាអែល បានបន្តវាយប្រហារ ទោះបីជាមានកិច្ចព្រមព្រៀងឈប់បាញ់ដ៏ផុយស្រួយមួយ ត្រូវបានសម្រេច នៅក្នុងខែតុលាក៏ដោយ។ការបញ្ជាក់បានមកពីលោក Zaher Al-Waheidi ប្រធាននាយកដ្ឋានកំណត់ត្រារបស់ក្រសួង និងលោក Hamza Salem មកពីនាយកដ្ឋានទំនាក់ទំនងសាធារណៈរបស់ក្រសួង។ចំនួនអ្នកស្លាប់សរុបចាប់តាំងពីការចាប់ផ្តើមនៃសង្គ្រាមឥឡូវនេះ មានចំនួន ៧៣.០០១ នាក់។នៅថ្ងៃអាទិត្យ ក្រសួងបាននិយាយថា មានអ្នកស្លាប់ចំនួន ៥នាក់៖ ពីរនាក់នៅក្នុងទីក្រុង Khan Younis ភាគខាងត្បូង និងម្នាក់នៅតំបន់ហ្កាហ្សាភាគកណ្តាល បន្ថែមពីលើពីរនាក់ ដែលបានស្លាប់ដោយសារ របួសពីមុន។មនុស្សជាង ១៧៣.២០០ នាក់ បានរងរបួស ចាប់តាំងពីការចាប់ផ្តើមនៃសង្គ្រាម ដែលត្រូវបានបង្កឡើងដោយការវាយប្រហារដែលដឹកនាំដោយក្រុមហាម៉ាសនៅថ្ងៃទី ០៧ ខែតុលា ឆ្នាំ ២០២៣ ចូលទៅក្នុងប្រទេសអ៊ីស្រាអែល។ ការវាយប្រហារនោះ បានសម្លាប់មនុស្សប្រហែល ១.២០០ នាក់ និងចាប់មនុស្ស ២៥១នាក់ផ្សេងទៀត ធ្វើជាចំណាប់ថ្នូរ៕

ប្រមុខអង្គការសហប្រជាជាតិថ្កោលទោសការវាយប្រហាររបស់អ៊ីស្រាអែលលើទីក្រុងបេរូត

អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស ( Antonio Guterres) កាលពីថ្ងៃអាទិត្យ បានថ្កោលទោសយ៉ាងដាច់អហង្ការចំពោះការវាយប្រហាររបស់អ៊ីស្រាអែល លើទីក្រុងបេរូត រដ្ឋធានីនៃប្រទេសលីបង់ នៅព្រឹកព្រលឹមថ្ងៃនោះ។លោកប្រមុខUN បាននិយាយនៅក្នុងសេចក្តីថ្លែងការណ៍មួយថា ការវាយប្រហារទាំងនេះ បានកើតឡើង ទោះបីជាមានបទឈប់បាញ់ និងនៅពេលដែលសហរដ្ឋអាមេរិក និងអ៊ីរ៉ង់ ត្រូវបានគេរំពឹងថា នឹងឈានដល់កិច្ចព្រមព្រៀងមួយដែលនឹងបើកផ្លូវទៅរកដំណោះស្រាយដោយសន្តិវិធីនៃជម្លោះនេះក៏ដោយ។ លោកបានបន្ថែមថា៖«ជម្លោះនេះ កំពុងមានផលប៉ះពាល់យ៉ាងធ្ងន់ធ្ងរដល់សេដ្ឋកិច្ចពិភពលោក»។លោក ហ្គុយតឺរេស បានថ្លែងថា៖«ខ្ញុំសូមអំពាវនាវដល់គ្រប់ភាគីទាំងអស់ឲ្យបង្ហាញការអត់ធ្មត់អតិបរមានៅពេលវេលាដ៏សំខាន់នេះ ហើយខ្ញុំសង្ឃឹមយ៉ាងមុតមាំចំពោះលទ្ធផលជោគជ័យនៃកិច្ចខិតខំប្រឹងប្រែងដែលកំពុងបន្តដោយសហរដ្ឋអាមេរិក និងសាធារណរដ្ឋឥស្លាមអ៊ីរ៉ង់»៕

ប្រមុខUN សាទរកិច្ចព្រមព្រៀងសន្តិភាពរវាងសហរដ្ឋអាមេរិក និងអ៊ីរ៉ង់ថា ជា «ជំហានដ៏សំខាន់»

អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres) កាលពីថ្ងៃអាទិត្យបានស្វាគមន៍កិច្ចព្រមព្រៀងសន្តិភាពរវាងសហរដ្ឋអាមេរិក និងអ៊ីរ៉ង់ ជាមួយនឹងបទឈប់បាញ់ជា អចិន្ត្រៃយ៍ និងការបើកច្រកសមុទ្រហ័រមូសឡើងវិញ ជា «ជំហានដ៏សំខាន់» ឆ្ពោះទៅរកការដោះស្រាយ សង្គ្រាមនៅមជ្ឈិមបូព៌ា។លោក Stephane Dujarric អ្នកនាំពាក្យរបស់លោក ហ្គុយតឺរេស បាននិយាយនៅក្នុងសេចក្តីថ្លែងការណ៍មួយថា៖«លោកអគ្គលេខាធិការសង្ឃឹមថា ភាគីនានានឹងកសាងលើកម្លាំងជំរុញថ្មីនេះ និងបង្កើនកិច្ចខិតខំប្រឹងប្រែងរបស់ពួកគេទ្វេដងឆ្ពោះទៅរកដំណោះស្រាយចុងក្រោយនៃជម្លោះនេះ»។សេចក្តីថ្លែងការណ៍បាននិយាយថា លោក ហ្គុយតឺរេស ក៏បានសម្តែង «ការកោតសរសើរយ៉ាងជ្រាលជ្រៅចំពោះតួនាទីស្ថាបនារបស់ប៉ាគីស្ថាន កាតា អេហ្ស៊ីប អារ៉ាប៊ីសាអ៊ូឌីត ទួរគី និងប្រទេសក្នុងតំបន់ផ្សេងទៀតក្នុងការគាំទ្រការចរចាដែលនាំឲ្យមានកិច្ចព្រមព្រៀងសន្តិភាព»។សេចក្តីថ្លែងការណ៍នេះបានបន្ថែមថា៖«លោកអគ្គលេខាធិការបញ្ជាក់ជាថ្មីថា អង្គការសហប្រជាជាតិត្រៀមខ្លួនជាស្រេចដើម្បីគាំទ្រភាគីទាំងអស់ក្នុងការសម្រេចបាននូវសន្តិភាពដ៏យូរអង្វែង និងទូលំទូលាយ»។ក្រុមមេដឹកនាំអឺរ៉ុបក៏ត្រៀមខ្លួនរួចជាស្រេចដើម្បីដកទណ្ឌកម្មលើអ៊ីរ៉ង់ផងដែរ។ ប្រទេសអឺរ៉ុបចំនួន ៤ ដែលមានចក្រភពអង់គ្លេស បារាំង អាល្លឺម៉ង់ និងអ៊ីតាលី បាននិយាយថា ពួកគេបានត្រៀមខ្លួនរួចជាស្រេចដើម្បីដកទណ្ឌកម្មលើអ៊ីរ៉ង់ ដើម្បីឆ្លើយតបទៅនឹងជំហាននានាលើកម្មវិធីនុយ ក្លេអ៊ែររបស់ខ្លួន បន្ទាប់ពីសហរដ្ឋអាមេរិក និងអ៊ីរ៉ង់បានឈានដល់កិច្ចព្រមព្រៀងមួយ ដើម្បីបញ្ចប់សង្គ្រាមរបស់ពួកគេ៕

ភាគហ៊ុនសកលងើបឡើង តែតម្លៃប្រេងធ្លាក់ថ្លែ ដោយសារដំណឹងនៃកិច្ចព្រមព្រៀងបញ្ចប់សង្គ្រាម អ៊ីរ៉ង់-អាមេរិក

ទីផ្សារភាគហ៊ុនបានកើនឡើងនៅអាស៊ីនៅថ្ងៃចន្ទ ១៥ មិថុនានេះ ខណៈប្រាក់ដុល្លារ និងតម្លៃប្រេងបានធ្លាក់ថ្លៃ ទន្ទឹមនឹងកិច្ចព្រមព្រៀងសន្តិភាពបណ្ដោះអាសន្នរវាងអាមេរិក និងអ៊ីរ៉ង់បានសន្យាថានឹងបន្ធូរបន្ថយសម្ពាធអតិផរណាទូទាំងពិភពលោក និងកាត់បន្ថយតម្រូវការសម្រាប់អត្រាការប្រាក់ខ្ពស់។ នៅកូរ៉េខាងត្បូង សន្ទស្សន៍តម្លៃភាគហ៊ុនគោលកូរ៉េ (KOSPI) បានបើកការជួញដូរក្នុងតម្លៃ ៤០២,៥០ ពិន្ទុ ឬ៤,៩៥% ឡើងដល់៨.៥២៦,១២ ។ មធ្យមភាគភាគហ៊ុន Nikkei របស់ជប៉ុនបានកើនឡើងយ៉ាងខ្លាំងនៅថ្ងៃចន្ទ១៥ មិថុនានេះ បន្ទាប់ពីការប្រកាសថា សហរដ្ឋអាមេរិក និងអ៊ីរ៉ង់ បានព្រមព្រៀងលើក្របខ័ណ្ឌសម្រាប់កិច្ចព្រមព្រៀងមួយដើម្បីបញ្ចប់សង្គ្រាមរបស់ខ្លួន ដែលជំរុញអារម្មណ៍ទីផ្សារឲ្យមានភាពធូរស្រាល។ សន្ទស្សន៍ភាគហ៊ុន Nikkei 225 បានកើនឡើង ៣,៤ % ដល់ ៦៩.២៦១,៦៥ គិតត្រឹមម៉ោង ០០០៩ នាទីម៉ោងសកល ។ សន្ទស្សន៍ភាគហ៊ុនកោះតៃវ៉ាន់(TAIEX)បានបើកជួញដូរក្នុងកម្រិតខ្ពស់នៅ៤៤.៤៤៧ ,៨៧ នៅថ្ងៃចន្ទ ១៥ មិថុនា នេះ ហើយបន្ទាប់មកបានកើនឡើងដល់ជាង៤៥.០០០ ពិន្ទុក្នុងរយៈពេលប្រាំនាទី។ សន្ទស្សន៍ភាគហ៊ុន Shanghai Composite បានចាប់ផ្តើមកើនឡើងនៅ៤០៥៣,៥៨ ពិន្ទុ ដោយកើនឡើង ២២,០៧ ពិន្ទុ ឬ០,៥% នៅថ្ងៃចន្ទនេះ។ នៅអឺរ៉ុបតម្លៃភាគហ៊ុន EUROSTOXX 50 និង DAX ទាំងពីរបានកើនឡើង១,៧% ខណៈតម្លៃផ្សារហ៊ុន FTSE ងើបឡើង០,៧%។ ចំណែកតម្លៃភាគហ៊ុន S&P 500 បានកើនឡើង ១,១% ខណៈ Nasdaq បានកើនឡើង ១,៨% ស្របពេលមានការកើនឡើងជាទូទៅនៃទ្រព្យសកម្មដែលមានហានិភ័យ។ តម្លៃប្រេងឆៅ Brent បានធ្លាក់៤,៧% មកនៅត្រឹម៨៣,២៤ ដុល្លារអាមេរិក ក្នុងមួយបារ៉ែល ៕

លោក Trump ជំរុញឱ្យអ៊ីស្រាអែល និងក្រុមហេសបូឡា បញ្ឈប់ការវាយប្រហារសងសឹកគ្នា

ប្រធានាធិបតីសហរដ្ឋអាមេរិក លោក Donald Trump បានជំរុញឱ្យអ៊ីស្រាអែល និងក្រុមហេសបូឡាគាំទ្រដោយអ៊ីរ៉ង់ អនុវត្តភាពអត់ធ្មត់ ដូច្នេះកិច្ចព្រមព្រៀងជាមួយអ៊ីរ៉ង់អាចលេចចេញជារូបរាងជាក់ស្តែង។ លោក Trump បានបង្ហោះនៅលើបណ្តាញផ្សព្វផ្សាយសង្គមកាលពីថ្ងៃអាទិត្យ បន្ទាប់ពីយោធាអ៊ីស្រាអែលបាននិយាយថា ខ្លួនបានវាយប្រហារមជ្ឈមណ្ឌលបញ្ជាការដ្ឋានរបស់ក្រុមហេសបូឡា នៅក្នុងតំបន់ជាយក្រុងនៃរដ្ឋធានីបេរូត ប្រទេសលីបង់។ អ៊ីស្រាអែល និយាយថា ការវាយប្រហារនេះគឺជាការសងសឹកចំពោះការបាញ់ប្រហាររបស់ក្រុមហេសបូឡា ចូលទៅក្នុងទឹកដីអ៊ីស្រាអែល។ លោក Trump បានសរសេរថា ការវាយប្រហាររបស់អ៊ីស្រាអែល «មិនគួរកើតឡើងទេ ជាពិសេសនៅថ្ងៃពិសេសមួយ នៅពេលដែលយើងឈានដល់កិច្ចព្រមព្រៀងសន្តិភាពជាមួយអ៊ីរ៉ង់»។ លោក Trump បានថ្លែងថា «អ៊ីស្រាអែល មានសិទ្ធិការពារខ្លួនប្រឆាំងការគំរាមកំហែង»។ ប៉ុន្តែលោក បានអះអាងថា ការវាយប្រហារដែលលើអ៊ីស្រាអែលដែលឆ្លើយតបនោះគឺតូចតាចនិងគ្មានន័យ គ្មាននរណាម្នាក់រងរបួស ឬស្លាប់ឡើយ»។ លោក Trump បាននិយាយបន្តថា «យើងឈានដល់កិច្ចព្រមព្រៀងមួយ ដែលនឹងនាំមកនូវសន្តិភាពដល់តំបន់ រួមទាំងប្រទេសលីបង់ផងដែរ»។ លោកបានអំពាវនាវឱ្យគ្រប់ភាគីទាំងអស់ដកថយ។ លោក Trump បានសង្កត់ធ្ងន់ថា «នេះអាចជាការចាប់ផ្តើមនៃសន្តិភាពយូរអង្វែង និងស្អាតស្អំ សូមកុំបំផ្លាញវា»។ ប្រព័ន្ធផ្សព្វផ្សាយរដ្ឋលីបង់បានរាយការណ៍ថា ការវាយប្រហាររបស់អ៊ីស្រាអែល បានបណ្តាលឱ្យមនុស្សបីនាក់រួមមានស្ត្រីពីរនាក់បានស្លាប់ និង១៦នាក់ផ្សេងទៀតរងរបួស។ ប្រធានសភាអ៊ីរ៉ង់ លោក Mohammad Bagher Ghalibaf បាននិយាយថា ការឈ្លានពានរបស់អ៊ីស្រាអែល បានបង្ហាញថា សហរដ្ឋអាមេរិក ខ្វះទាំងឆន្ទៈ ឬសមត្ថភាពក្នុងការបំពេញការប្តេជ្ញាចិត្តរបស់ខ្លួន។

អតីតមន្ត្រីរបស់លោក Obama រិះគន់សង្គ្រាមលើអ៊ីរ៉ង់ថាជា «មហន្តរាយដែលខ្វះការប្រុងប្រយ័ត្ន និងខាតបង់ច្រើន»

ប្រព័ន្ធផ្សព្វផ្សាយនិយាយថា យើងមានប្រតិកម្មជាច្រើនពីជំនួយការរបស់អតីតប្រធានាធិបតីសហរដ្ឋអាមេរិក លោក Barack Obama ជាអ្នកដែលបានចុះហត្ថលេខាលើកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ ដែលលោក Trump បានលុបចោលនៅពេលក្រោយមក។ លោក Robert Malley អតីតអ្នកចរចាអាមេរិក និងជាបេសកជនពិសេសប្រចាំអ៊ីរ៉ង់ បានស្វាគមន៍ចំពោះអនុស្សរណៈនៃការយោគយល់ចុងក្រោយ ប៉ុន្តែបាននិយាយថា សង្គ្រាមនៅតែជាកំហុស និងជា «មហន្តរាយដែលខ្វះការប្រុងប្រយ័ត្ន និងខាតបង់ច្រើន»។ លោក Malley បានសរសេរនៅលើបណ្តាញ X ថា «អនុស្សរណៈនៃការយោគយល់នេះ គឺជាសមិទ្ធផលដ៏សំខាន់ និងត្រូវបានស្វាគមន៍ ដោយសារតែនឹងមានការបើកឡើងវិញច្រកសមុទ្រ Hormuz ដែលការបិទច្រកនេះ បង្កការខាតបង់ច្រើនដល់មនុស្សរាប់លាននាក់នៅទូទាំងពិភពលោក។ លោកបាននិយាយបន្ថែមថា «ចំពោះបញ្ហាដែលនឹងត្រូវដោះស្រាយបន្ទាប់ពីអនុស្សរណៈនៃការយោគយល់ គឺជោគវាសនានៃកម្មវិធីនុយក្លេអ៊ែររបស់អ៊ីរ៉ង់ ការបោះចោលសារធាតុអ៊ុយរ៉ានីញ៉ូមដែលចម្រាញ់រួចរបស់អ៊ីរ៉ង់ វិសាលភាពនៃការបន្ធូរបន្ថយទណ្ឌកម្មដែលពួកគេប្រាកដជានឹងត្រូវទុកចោលសម្រាប់ការចរចាពេលក្រោយ ហើយប្រាកដជាពិបាកដោះស្រាយជាងនៅមុនពេលសង្គ្រាម»។ លោក Ben Rhodes ដែលបានបម្រើការជាទីប្រឹក្សារងសន្តិសុខជាតិរបស់លោក Obama បានគាំទ្រការលើកឡើងនេះ ដោយលោកបានសរសេរថា «កិច្ចព្រមព្រៀង នឹងបើកឡើងវិញច្រកសមុទ្រដែលបើកទូលាយនៅមុនពេលសង្គ្រាម ហើយនឹងចាប់ផ្តើមការចរចានុយក្លេអ៊ែរដ៏ចង្អៀតជាងអ្វីដែលលោក Trump ស្វះស្វែងនៅមុនពេលសង្គ្រាម»។

មេដឹកនាំអង់គ្លេស និងជប៉ុន ប្រកាសពីភាពជាដៃគូបច្ចេកវិទ្យា ដែលត្រូវបានរៀបចំដើម្បីជំរុញសន្តិសុខជាតិ

មេដឹកនាំចក្រភពអង់គ្លេស និងជប៉ុន បានប្រកាសពីភាពជាដៃគូបច្ចេកវិទ្យាកាលពីថ្ងៃអាទិត្យ ទី១៤ ខែមិថុនា ដែលត្រូវបានរៀបចំដើម្បីជំរុញសន្តិសុខជាតិ និងបង្កើតការងារ និងបានសន្យាថានឹងពន្លឿនវឌ្ឍនភាពយន្តហោះចម្បាំងជំនាន់ក្រោយរបស់ប្រទេសទាំងពីរ GCAP។ លោកស្រី Sanae Takaichi នាយករដ្ឋមន្ត្រីជប៉ុន បានចូលរួមជាមួយលោក Keir Starmer នាយករដ្ឋមន្ត្រីអង់គ្លេស នៅទីក្រុងឡុងដ្រ៍កាលពីថ្ងៃអាទិត្យ រួមជាមួយក្រុមមេដឹកនាំធុរកិច្ចពិភាក្សាអំពីវិធីនានាដើម្បីធ្វើឲ្យកាន់តែស៊ីជម្រៅកិច្ចសហប្រតិបត្តិការក្នុងវិស័យជាច្រើន រួមមានទាំងបច្ចេកវិទ្យា ថាមពលបៃតង និងវិស័យការពារជាតិ។ រដ្ឋាភិបាលរបស់លោក Starmer ដែលបានជាប់គាំងក្នុងជម្លោះលើតម្រូវការចំណាយបន្ថែមលើវិស័យការពារជាតិ បាននិយាយថា មេដឹកនាំទាំងពីរនឹងបញ្ជាក់ពីការប្តេជ្ញាចិត្តរួមគ្នាចំពោះកម្មវិធីយន្តហោះប្រយុទ្ធសកល (GCAP) និងពិភាក្សាអំពីការចាប់ផ្តើមដំណាក់កាលបន្ទាប់របស់ខ្លួន ដោយមានកិច្ចសន្យាអន្តរជាតិដែលនឹងត្រូវចុះហត្ថលេខានៅចុងខែនេះ។ លោក Starmer ដែលអាចប្រឈមនឹងបញ្ហានៃភាពជាអ្នកដឹកនាំនៅប៉ុន្មានខែខាងមុខ និងលោកស្រី Takaichi បានប្រកាសពីគម្រោងមួយចំនួនដែលមេដឹកនាំទាំងពីរបាននិយាយថា នឹងជួយកសាងកិច្ចសហប្រតិបត្តិការក្នុងវិស័យដូចជា បញ្ញាសិប្បនិម្មិត(AI) អវកាស និងសន្តិសុខតាមអ៊ីនធឺណិត។

អនុប្រធានាធិបតីអាមេរិក៖ កិច្ចព្រមព្រៀងជាមួយអ៊ីរ៉ង់ នឹងផ្លាស់ប្តូរជាមូលដ្ឋាននៅមជ្ឈិមបូព៌ា ក្នុងរយៈពេល៥០ឆ្នាំខាងមុខ

អនុប្រធានាធិបតីសហរដ្ឋអាមេរិក លោក JD Vance កាលពីថ្ងៃអាទិត្យ ទី ១៤ ខែមិថុនា បានសាទរចំពោះកិច្ចព្រមព្រៀងថ្មីជាមួយប្រទេសអ៊ីរ៉ង់ ថាជា «ពេលវេលាដ៏សំខាន់សម្រាប់សហរដ្ឋអាមេរិក» ដែលនឹងបំបាត់ការគំរាមកំហែងនុយក្លេអ៊ែររបស់ទីក្រុងតេអេរ៉ង់។ នៅក្នុងបទសម្ភាសន៍មួយនៅលើកម្មវិធី The Big Weekend Show របស់ប្រព័ន្ធផ្សព្វផ្សាយ FOX News លោក Vance បានថ្លែងថា ប្រសិនបើលក្ខខណ្ឌនានានៃកិច្ចព្រមព្រៀងត្រូវបានបំពេញ នោះវានឹង «ផ្លាស់ប្តូរជាមូលដ្ឋាននៅតំបន់មជ្ឈិមបូព៌ាសម្រាប់រយៈពេល ៥០ ឆ្នាំខាងមុខ» ដោយបញ្ចប់ជម្លោះ និងកាត់បន្ថយតម្លៃថាមពលសម្រាប់ប្រជាជនអាមេរិក។ លោកអនុប្រធានាធិបតី បានបញ្ជាក់ពីការទម្លាយភាពទាល់ច្រកភ្លាមៗក្រោមកិច្ចព្រមព្រៀង រួមទាំង «ការបើកច្រកសមុទ្រ Hormuz ជាបន្ទាន់» និងការដកចេញការបិទផ្លូវរបស់កងទ័ពជើងទឹក នៅកំពង់ផែអ៊ីរ៉ង់។ លោកបានសង្កត់ធ្ងន់ថា កិច្ចព្រមព្រៀងនេះពឹងផ្អែកលើដំណើរការផ្ទៀងផ្ទាត់យ៉ាងហ្មត់ចត់ដើម្បីធានាបានថា «អ៊ីរ៉ង់ នឹងគ្មានអាវុធនុយក្លេអ៊ែរ» ហើយមិនអាចព្យាយាមទិញ ឬទទួលបានអាវុធនេះបានទេ។

បណ្ដាញសង្គម

ព័ត៌មានថ្មីៗ

ទូតកម្ពុជាប្រចាំសាធារណរដ្ឋកូរ៉េ ជួបជាមួយក្រុមហ៊ុនខ្មែរ ពិភាក្សាលើការនាំផលិតផលបន្ថែមទៅកាន់ទីផ្សារកូរ៉េ

ជម្រើសជាតិនារីកម្ពុជា ទទួលបានឈាមថ្មី ត្រៀមប្រជែងជើងឯកអាស៊ាន ក្រោយខកខានពីរដូវកាលមុន

ប្រធានក្រុមហ៊ុន CCCC របស់ចិន បានប្ដេជ្ញាចំពោះមុខសម្ដេចតេជោ អនុវត្តគម្រោងព្រែកជីកហ្វូណនតេជោឱ្យបានជោគជ័យ

Manchester City ព្រមព្រៀងផ្ទេរ Elliot Anderson ពី Nottingham Forest ក្នុងតម្លៃបំបែកកំណត់ត្រាក្លិប

ក្រសួងការងារលើកទឹកចិត្តយុវជនរៀនជំនាញឱ្យត្រូវនឹងទីផ្សារការងារ ជាជាងរៀនតាមគ្នា

តេជោលីគ បញ្ចប់ជុំទី២ ចុងសប្ដាហ៍នេះ ខណៈអ្នកគាំទ្រចង់ឃើញវិសាខា ប៉ះបញ្ជាការដ្ឋានអង្គរក្សម្ដងទៀត

ក្រសួងបរិស្ថាន អំពាវនាវពលរដ្ឋឱ្យចូលរួមយុទ្ធនាការដាំដើមឈើទូទាំងប្រទេស ដើម្បីពង្រឹងភាពធន់របស់ប្រទេសប្រឆាំងនឹងបាតុភូតអែលនីញ៉ូ និងការប្រែប្រួលអាកាសធាតុ

អ្នកគាំទ្របាល់ទាត់ជ្រើសរើសស្នាក់នៅរថយន្ត Camper Van ដើម្បីសន្សំថវិកា ក្នុងអំឡុងព្រឹត្តិការណ៍ World Cup

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877