BTV NEWS

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

ព័ត៌មានអន្តរជាតិ

កសិករនៅនីហ្សេរីយ៉ាកំពុងបោះបង់ចោលដីស្រែចម្ការរបស់ពួកគេ ដោយសារតែការវាយប្រហារដោយក្រុមប្រដាប់អាវុធ

រយៈពេលប៉ុន្មានសប្តាហ៍ទៀតចូលដល់រដូវវស្សាប្រចាំឆ្នាំដ៏សំខាន់របស់ប្រទេសនីហ្សេរីយ៉ា កសិករនៅទូទាំងភាគខាងជើង កំពុងបោះបង់ចោលដីស្រែចម្ការរបស់ពួកគេ ដោយសារតែការវាយប្រហារដោយក្រុមប្រដាប់អាវុធ ដែលគំរាមកំហែងដល់ការផ្គត់ផ្គង់ស្បៀងអាហាររបស់ប្រទេសដែលមានប្រជាជនច្រើនបំផុតនៅអាហ្វ្រិក។ក្រុមជីហាដ និងក្រុមចោរប្លន់ដែលមានជំនាញក្នុងការចាប់ជំរិត ដើម្បីប្រាក់លោះ និងសត្វគោក្របី បានគំរាមកំហែងសហគមន៍នៅភាគខាងជើង និងកណ្តាលប្រទេសនីហ្សេរីយ៉ា ជាកន្លែងដែលពួកគេបើកការវាយឆ្មក់ដ៏សាហាវ និងយកពន្ធពីកសិករដែលចង់ចូលទៅក្នុងវាលស្រែចម្ការរបស់ពួកគេ។បន្ទាប់ពីបង់ប្រាក់លោះ កសិករមួយចំនួនគ្មានលុយនៅសល់សម្រាប់បង់ពន្ធដើម្បីចូលទៅក្នុងដីរបស់ ពួកគេ។ អ្នកផ្សេងទៀតរត់គេចខ្លួន ដោយបន្សល់ទុកវាលស្រែដែលមិនទាន់ដាំដុះនៅក្នុងប្រទេសមួយដែលមនុស្សរាប់លាននាក់ខ្វះអាហារគ្រប់គ្រាន់សម្រាប់បរិភោគជារៀងរាល់ថ្ងៃ។ លោក Ya'u Tumfafi មន្ត្រីម្នាក់នៅផ្សារគ្រាប់ធញ្ញជាតិ Dawanau នៃទីក្រុងKano បាននិយាយថា៖«ហានិភ័យនៃការខ្វះខាតស្បៀងអាហារ គឺខ្ពស់ណាស់ ដោយសារតែកសិករមួយចំនួនធំ មិនអាចចូលទៅកាន់ស្រែចម្ការរបស់ពួកគេបាន ដោយសារតែការវាយប្រហារដោយក្រុមចោរប្លន់ និងក្រុមឧទ្ទាម»៕

WSJ៖ លោក Trump និងសម្ព័ន្ធមិត្ត កំពុងធ្វើការលើផែនការ ដើម្បីលុបការចោទប្រកាន់ទម្លាក់តំណែង

ដោយបញ្ជាក់ពីរបាយការណ៍មួយនៅក្នុងសារព័ត៌មាន Wall Street Journal (WSJ) មន្ត្រីសេតវិមានម្នាក់បាននិយាយកាលពីថ្ងៃព្រហស្បតិ៍ (ទី១១ ខែមិថុនា ឆ្នាំ២០២៦) ថា ប្រធានាធិបតីអាមេរិកលោក Donald Trump និងសម្ព័ន្ធមិត្តរបស់លោក កំពុងជំរុញសមាជិកសភាឲ្យអនុម័តសេចក្តីសម្រេចមួយដែលមានគោលបំណងលុបចោលការចោទប្រកាន់ទម្លាក់តំណែងអាណត្តិទី១ របស់លោក។លោក Trump ត្រូវបានសភាតំណាងរាស្ត្រអាមេរិកចោទប្រកាន់ទម្លាក់តំណែង ២ដង ក្នុងអំឡុងរយៈពេល ៤ឆ្នាំដំបូង ក្នុងការកាន់តំណែងរបស់លោក។ លើកទី១ បានចោទប្រកាន់ពីបទរំលោភអំណាច ហើយលោកត្រូវបានសម្រេចឲ្យរួចទោសនៅដើមឆ្នាំ២០២០។ លើកទី២ បានចោទប្រកាន់លោកពីបទញុះញង់ឲ្យមានការបះបោរ ពាក់ព័ន្ធនឹងការវាយប្រហារនៅថ្ងៃទី៦ ខែមករា ឆ្នាំ២០២១ នីវិមានកាពីតូលរបស់សហរដ្ឋអាមេរិកដោយអ្នកគាំទ្ររបស់លោក។លោក Trump បានគេចផុតពីការបណ្តេញចេញពីអំណាច ក្នុងករណីទាំង២ ហើយការខឹងហសម្បារបស់លោក ចំពោះការចោទប្រកាន់នេះ បានជួយជំរុញដល់យុទ្ធនាការប្រជែងតំណែងប្រធានាធិបតីឆ្នាំ២០២៤ របស់លោក ដែលលោកបានយកឈ្នះលោកស្រី Kamala Harris មកពីគណបក្សប្រជាធិបតេយ្យ។សារព័ត៌មាន WSJ បានរាយការណ៍ថា លោក Trump និងក្រុមរបស់លោកចង់ឲ្យសមាជិកសភាអនុម័តសេចក្តីសម្រេចមួយដែលមានគោលបំណងលុបចោលការចោទប្រកាន់ទម្លាក់តំណែងនេះ។ មន្ត្រីសេតវិមានបានប្រាប់អ្នកសារព័ត៌មានថា មន្ត្រីសេតវិមានបានជំរុញយ៉ាងខ្លាំងឲ្យមានវឌ្ឍនភាពលើបញ្ហានេះ៕

កាណាដាចាប់ផ្តើមព្រឹត្តិការណ៍ World Cup ជាមួយនឹងការវិនិយោគវិស័យកីឡាជាង ៧៥០លានដុល្លារ

នាយករដ្ឋមន្ត្រីកាណាដា លោក Mark Carney បានប្រារព្ធពិធីបើកព្រឹត្តិការណ៍ FIFA World Cup ឆ្នាំ២០២៦ កាលពីថ្ងៃព្រហស្បតិ៍ (ទី១១ ខែមិថុនា ឆ្នាំ២០២៦) ដោយបានបង្ហាញពីការវិនិយោគរបស់រដ្ឋាភិបាលលើវិស័យកីឡាដ៏ច្រើនបំផុត ក្នុងប្រវត្តិសាស្ត្រ ខណៈព្រឹត្តិការណ៍ប្រកួតបាល់ទាត់ពិភពលោកដ៏ធំបំផុតក្នុងប្រវត្តិសាស្ត្រ កំពុងដំណើរការនៅទូទាំងតំបន់អាមេរិកខាងជើង។លោក Carney បានលើកឡើងនៅក្នុងសេចក្តីថ្លែងការណ៍មួយថា៖ «ជាលើកដំបូង ការប្រកួតបាល់ទាត់ពិភពលោកផ្នែកបុរស (FIFA Men's World Cup) នឹងត្រូវលេងនៅប្រទេសកាណាដា។ ដោយមានការប្រកួតនៅទីក្រុង Vancouver និង Toronto បារកីឡា សណ្ឋាគារ និងបន្ទប់ទទួលភ្ញៀវ នឹងពោរពេញទៅដោយអ្នកគាំទ្រមកពីទូទាំងប្រទេសកាណាដា និងជុំវិញពិភពលោក»។លោកបានកត់សម្គាល់ថា រដ្ឋាភិបាលកាណាដាបានធ្វើការវិនិយោគដ៏ធំបំផុតលើវិស័យកីឡា ក្នុងប្រវត្តិសាស្ត្ររបស់ប្រទេស ដោយបានប្តេជ្ញាចិត្តលៃទឹកប្រាក់ជាង ៧៥០លានដុល្លារ ដើម្បីគាំទ្រដល់អត្តពលិកគ្រប់កម្រិត។ មូលនិធិនេះគាំទ្រដល់មជ្ឈមណ្ឌលបណ្តុះបណ្តាលបាល់ទាត់ជាតិកាណាដា និងរួមបញ្ចូលគម្រោងបាល់ទាត់ចំនួន ៣៣០ ដែលត្រូវបានប្រកាសកាលពីខែមុន រាប់ចាប់ពីការមើលការប្រកួតផ្សាយផ្ទាល់ រហូតដល់កម្មវិធីវប្បធម៌ដែលមានប្រធានបទបាល់ទាត់។លោកនាយករដ្ឋមន្ត្រី បានបន្ថែមថា៖ «ព្រឹត្តិការណ៍ FIFA World Cup ត្រូវបានគេព្យាករថា នឹងបង្កើត និងគាំទ្រការងារជិត ២៥.០០០កន្លែង និងបន្ថែម ២ពាន់លានដុល្លារដល់សេដ្ឋកិច្ចរបស់ប្រទេសកាណាដា»។គួរបញ្ជាក់ថា ការប្រកួតនេះ ដែលរៀបចំរួមគ្នាដោយកាណាដា ម៉ិកស៊ិក និងសហរដ្ឋអាមេរិក នឹងចាប់ផ្តើមពីថ្ងៃទី១១ ខែមិថុនា ដល់ថ្ងៃទី១៩ ខែកក្កដា ហើយប្រមូលផ្តុំប្រទេសចំនួន ៤៨ សម្រាប់ការប្រកួតចំនួន ១០៤ប្រកួត នៅទូទាំងទីក្រុងចំនួន ១៦។ កាណាដានឹងធ្វើជាម្ចាស់ផ្ទះការប្រកួតចំនួន ១៣ប្រកួត នៅទីក្រុង Toronto និង Vancouver៕

អ្នកចម្រៀង Shakira និង Burna Boy ធ្វើឲ្យអ្នកទស្សនារំភើបរីករាយ ក្នុងពិធីបើកព្រឹត្តិការណ៍ World Cup

តារាចម្រៀងស្រី Shakira និងអ្នកចម្រៀងប្រុសសញ្ជាតិនីហ្សេរីយ៉ា Burna Boy បានធ្វើឲ្យអ្នកទស្សនាអង្គុយមិនជាប់នឹងកៅអីរបស់ពួកគេ ក្នុងពិធីបើកព្រឹត្តិការណ៍ប្រកួតបាល់ទាត់ពិភពលោកឆ្នាំ២០២៦ (2026 World Cup) នៅឯកីឡដ្ឋាន Estadio Azteca កាលពីថ្ងៃព្រហស្បតិ៍ (ទី១១ ខែមិថុនា ឆ្នាំ២០២៦) នៅមុនការប្រកួតបើកឆាក រវាងក្រុមសហម្ចាស់ផ្ទះ គឺម៉ិកស៊ិក និងអាហ្វ្រិកខាងត្បូង។អំឡុងការសម្ដែងដ៏គួរឲ្យជក់ចិត្តនោះ គេបានឃើញអ្នករាំនាំគ្នារាំជុំវិញពានចម្លង World Cup ខណៈពេលដែលកាំជ្រួចភ្ញីបានផ្ទុះឡើងនៅឯពហុកីឡដ្ឋានប្រវត្តិសាស្ត្រដែលអាចផ្ទុកមនុស្ស ៨០.០០០នាក់ ជាទីដែលធ្លាប់បានរៀបចំការប្រកួតវគ្គផ្តាច់ព្រ័ត្រ World Cup ឆ្នាំ១៩៧០ និងឆ្នាំ១៩៨៦ ហើយត្រូវបានជួសជុលឡើងវិញ សម្រាប់ការប្រកួតឆ្នាំនេះ។នៅក្នុងពេលវេលាដ៏គួរឲ្យរំភើបខ្លាំងនៃពិធីបើកនេះ តារាចម្រៀងស្រីសញ្ជាតិកូឡុំប៊ី Shakira និងអ្នកចម្រៀង Burna Boy បានច្រៀងរួមគ្នានូវបទ «Dai Dai» ដែលជាបទចម្រៀងផ្លូវការនៃការប្រកួតបាល់ទាត់កម្រិតពិភពលោក ខណៈសំឡេងហ៊ោកញ្ជ្រៀវលាន់ចេញពីហ្វូងមនុស្សយ៉ាងកងរំពងពេញកីឡដ្ឋាន។គួរបញ្ជាក់ថា ការប្រកួតកីឡាបាល់ទាត់របស់ពិភពលោកដែលតែងកើតមានឡើង ៤ឆ្នាំម្ដង និងដែលមាន ៤៨ក្រុមចូលរួមនេះ ក៏កំពុងត្រូវបានធ្វើជាម្ចាស់ផ្ទះដោយសហរដ្ឋអាមេរិក និងកាណាដាផងដែរ ហើយនឹងមានការប្រកួតចំនួន ១០៤ប្រកួត ដែលវគ្គផ្តាច់ព្រ័ត្រ នឹងត្រូវធ្វើឡើងនៅរដ្ឋ New Jersey នាថ្ងៃទី១៩ ខែកក្កដា៕

NYT៖ អាមេរិកគ្រោងកាត់បន្ថយយន្តហោះចម្បាំង និងនាវាចម្បាំង សម្រាប់ប្រតិបត្តិការណាតូ នៅអឺរ៉ុប

ដោយដកស្រង់សម្តីមន្ត្រីជាន់ខ្ពស់អឺរ៉ុប ២រូប សារព័ត៌មាន New York Times (NYT) បានរាយការណ៍នៅថ្ងៃសុក្រ (ទី១២ ខែមិថុនា ឆ្នាំ២០២៦) នេះថា សហរដ្ឋអាមេរិកមានគម្រោងកាត់បន្ថយយន្តហោះ និងនាវាចម្បាំងយ៉ាងច្រើន ដែលខ្លួនផ្តល់ជូន សម្រាប់ប្រតិបត្តិការរបស់អង្គការណាតូ (NATO) នៅតំបន់អឺរ៉ុប ។សេចក្ដីរាយការណ៍នេះបានឲ្យដឹងថា ការសម្រេចនេះនឹងកម្រិតសមត្ថភាពរបស់អង្គការណាតូ ក្នុងការបើកការវាយប្រហារចម្ងាយឆ្ងាយ និងធ្វើការឃ្លាំមើល។របាយការណ៍នេះបានបញ្ជាក់ថា ផែនការរបស់សហរដ្ឋអាមេរិក រួមមានការកាត់បន្ថយចំនួនយន្តហោះចម្បាំង F-16 និង F-15E ពីប្រហែល ១៥០គ្រឿង មកត្រឹម ១០០គ្រឿង ក៏ដូចជាការកាត់បន្ថយយន្តហោះឈ្លបយកការណ៍នៅសមុទ្រ ពី ២៦គ្រឿង មកត្រឹម ១៥គ្រឿង និងការដកយន្តហោះដឹកប្រេងឥន្ធនៈទាំង ៨គ្រឿង ដែលខ្លួនធ្លាប់ផ្តល់ឲ្យអឺរ៉ុប។ជាមួយគ្នានេះ សារព័ត៌មាន NYT បានឲ្យដឹងទៀតថា គម្រោងនេះក៏មានគោលបំណងចល័តទៅទីតាំងផ្សេងនូវនាវាមុជទឹកបាញ់មីស៊ីល និងនាវាផ្ទុកយន្តហោះ រួមជាមួយនឹងនាវាចម្បាំងជាច្រើនគ្រឿង និងយន្តហោះចម្បាំងជាច្រើនគ្រឿង ដែលចូលរួមក្នុងបេសកកម្មរបស់នាវាផ្ទុកយន្តហោះ ដោយបន្ថែមថា ក្រុមយន្តហោះទម្លាក់គ្រាប់បែកមួយ ក្នុងចំណោម ២ក្រុមដែលពីមុនត្រូវបានចាត់តាំង សម្រាប់ការពារជាតិអឺរ៉ុប ក៏អាចនឹងត្រូវបានផ្លាស់ប្តូរទីតាំងផងដែរ។ទីភ្នាក់ងារសារព័ត៌មាន Reuters មិនអាចផ្ទៀងផ្ទាត់របាយការណ៍នេះភ្លាមៗបានទេ។ ហើយអង្គការណាតូ និងក្រសួងការពារជាតិសហរដ្ឋអាមេរិក ក៏មិនបានឆ្លើយតបភ្លាមៗនោះដែរ ចំពោះសំណើសុំការអត្ថាធិប្បាយ ពាក់ព័ន្ធនឹងរបាយការណ៍នេះ៕

NATO នឹងកាត់បន្ថយចំនួនកងកម្លាំងរក្សាសន្តិភាពនៅប្រទេសកូសូវ៉ូ

អង្គការណាតូបាននិយាយនៅថ្ងៃសុក្រនេះថា ខ្លួននឹងកាត់បន្ថយចំនួនកងទ័ពក្នុងបេសកកម្មរក្សាសន្តិភាពរបស់ខ្លួន នៅប្រទេសកូសូវ៉ូ ដោយសារស្ថានភាពសន្តិសុខ បានប្រសើរឡើង។បេសកកម្ម KFOR (កងកម្លាំងកូសូវ៉ូ) ដែលបច្ចុប្បន្នមានកងទ័ព ៤.៦០០នាក់ ត្រូវបានឈរជើង នៅប្រទេសកូសូវ៉ូ ចាប់តាំងពីចុងបញ្ចប់នៃសង្គ្រាមឆ្នាំ ១៩៩៨-១៩៩៩ រវាងក្រុមឧទ្ទាមបំបែកខ្លួនជនជាតិ អាល់បានី និងកងកម្លាំងស៊ែរប៊ី។លោកឧត្តមសេនីយ៍អាមេរិក Alexus Grynkewich មេបញ្ជាការយាធាជាន់ខ្ពស់របស់អង្គការណាតូប្រចាំទ្វីបអឺរ៉ុប បានលើកឡើងថា៖«លក្ខខណ្ឌបច្ចុប្បន្នផ្តល់ឱកាស ដើម្បីបង្កើនប្រសិទ្ធភាពទំហំ និងឥរិយាបថរបស់បេសកកម្ម KFOR បន្ថែមទៀត»។អង្គការណាតូបាននិយាយថា៖«ការកាត់បន្ថយដែលបានកំណត់ចំនួន» ត្រូវបានគេរំពឹងថា នឹងកើតឡើង នៅឆ្នាំនេះ ហើយការកាត់បន្ថយនឹង «កើតឡើងជាបណ្តើរៗ និងស្របតាមលក្ខខណ្ឌជាក់ស្តែង ហើយអាចត្រូវបានផ្លាស់ប្តូរ៕

កិច្ចព្រមព្រៀងរបស់លោក Trump ជាមួយអ៊ីរ៉ង់ យឺតយ៉ាវដោយសាររបៀបនៃការចរចារបស់ភាគីទាំង២

លោកប្រធានាធិបតី Donald Trump បាននិយាយម្តងហើយម្តងទៀតថា សហរដ្ឋអាមេរិក និងអ៊ីរ៉ង់ កំពុងស្ថិតនៅលើចំណុចកៀកមែនទែនហើយ ក្នុងការឈានកិច្ចព្រមព្រៀង ដើម្បីបញ្ចប់ជម្លោះរបស់ភាគីទាំង២។ ប៉ុន្តែការពិតជាក់ស្ដែង បានបង្ហាញថា វាគឺជាអ្វីដែលពិបាកនឹងសម្រេចបាន ដោយមួយផ្នែកដោយសារតែលក្ខណៈនៃការចរចាផ្ទាល់តែម្ដង។ឧទាហរណ៍ចុងក្រោយបំផុត បានកើតឡើងនៅថ្ងៃសុក្រ (ទី១២ ខែមិថុនា ឆ្នាំ២០២៦) នេះ នៅពេលដែលលោក Trump បានអះអាងថា កិច្ចព្រមព្រៀងមួយជិតកើតមានហើយ ដោយប្រាប់អ្នកសារព័ត៌មានថា កិច្ចព្រមព្រៀងមួយអាចត្រូវបានចុះហត្ថលេខាក្នុងរង្វង់ចុងសប្តាហ៍នេះ។ តែអ៊ីរ៉ង់បានបដិសេធការអះអាងរបស់លោក Trump ដោយទីភ្នាក់ងារសារព័ត៌មានពាក់កណ្តាលផ្លូវការ Fars របស់ប្រទេសនេះ បានរាយការណ៍ថា មេដឹកនាំរបបនេះមិនបានអនុម័តឯកសារណាមួយជាមួយសហរដ្ឋអាមេរិកនោះទេ។ទោះបីជាទំនោររបស់លោក Trump ក្នុងការនិយាយលើសពីការពិត ការគំរាមកំហែង និងការបញ្ចុះបញ្ចូល ជួយពន្យល់ពីភាពមិនច្បាស់លាស់ ស្ដីពីស្ថានភាពនៃការចរចាក៏ដោយ ក៏មានហេតុផលមួយទៀតដែលកិច្ចព្រមព្រៀងមួយ ពិបាកសម្រេចបាន ដោយនោះគឺវិធីដែលសហរដ្ឋអាមេរិក និងអ៊ីរ៉ង់កំពុងអនុវត្តការចរចារបស់ពួកគេ។មន្ត្រីអាមេរិក អ្នកវិភាគ និងបុគ្គលដែលដឹងពីបញ្ហានេះ លើកឡើងថា ការចរចា គឺមិនសូវផ្ដោតលើកិច្ចពិភាក្សាជាក់ស្តែង និងជាដំណើរការយឺតយ៉ាវស្មុគស្មាញ ដែលសារត្រូវចំណាយពេលច្រើនថ្ងៃ ដើម្បីបញ្ជូនទីទៅមក។ អ្នកទាំងនោះបានស្នើសុំនិយាយ ក្នុងលក្ខខណ្ឌមិនបញ្ចេញឈ្មោះ ដោយសារកិច្ចពិភាក្សាមិនត្រូវបានឲ្យដឹងជាសាធារណៈឡើយ។បុគ្គលទាំងនោះ បានប្រាប់ឲ្យដឹងបន្ថែមទៀតថា អ្វីដែលសំខាន់នោះ គឺថា សំណើពីក្រុមអ្នកចរចាអាមេរិក ឆ្លងកាត់ផ្លូវការទូតដ៏ស្មុគស្មាញខ្លាំង ដែលជារឿយៗពាក់ព័ន្ធនឹងអ្នកនាំសារខាងអ៊ីរ៉ង់ ដោយសារពួកគេត្រូវលាក់បាំងទីតាំងរបស់មេដឹកនាំកំពូល លោក Mojtaba Khamenei៕

របាយការណ៍៖ អារ៉ាប់រួម និងអ៊ីរ៉ង់ ជួបពិភាក្សាទល់មុខគ្នា ដើម្បីបន្ធូរបន្ថយភាពតានតឹង

យោងតាមការចេញផ្សាយរបស់ប្រព័ន្ធផ្សព្វផ្សាយអាមេរិកបានឲ្យដឹងថា មន្ត្រីសន្តិសុខជាន់ខ្ពស់មកពីប្រទេសអារ៉ាប់រួម(UAE) និងអ៊ីរ៉ង់ បានជួបប្រជុំទល់មុខគ្នាជាលើកដំបូង ចាប់តាំងពីសហរដ្ឋអាមេរិក និងអ៊ីស្រាអែល បានបើកការវាយប្រហារទ្រង់ទ្រាយធំលើអ៊ីរ៉ង់ កាលពីថ្ងៃទី ២៨ ខែកុម្ភៈ ។យោងតាមសេចក្តីរាយការណ៍របស់សារព័ត៌មាន Bloomberg បាននិយាយថា កិច្ចប្រជុំនេះ បានបង្ហាញពីការផ្លាស់ប្តូរច្រើនសម្រាប់ភាគីទាំងពីរ ហើយបានកើតឡើងក្នុងពេលមានការកើនឡើងការទទួលស្គាល់អំពីសារៈសំខាន់នៃទំនាក់ទំនងទ្វេភាគីដ៏ស្ងប់ស្ងាត់។ប្រទេសអារ៉ាប់រួម បច្ចុប្បន្នទំនងជាកំពុងអនុវត្តតាមវិធីដូចគ្នា ខណៈប្រទេសកាតា និងអារ៉ាប៊ីសាអ៊ូឌីត ត្រូវបានវាយប្រហារដោយអ៊ីរ៉ង់ ប៉ុន្តែកំពុងបន្តផ្នែកការទូតដើម្បីបន្ធូរបន្ថយភាពតានតឹង។យោងតាមរបាយការណ៍ ក្នុងអំឡុងពេលជម្លោះ អ៊ីរ៉ង់បានវាយប្រហារលើប្រទេសអារ៉ាប់រួមជាច្រើនលើក ខណៈទីក្រុងអាប៊ូដាប៊ីបានវាយបកវិញ។ ប្រទេសអារ៉ាប់រួម គឺជាដៃគូពាណិជ្ជកម្មធំបំផុតមួយរបស់អ៊ីរ៉ង់ នៅមុនពេលសង្គ្រាម។

ប្រទេសនៅអឺរ៉ុប បង្កើនការចំណាយលើវិស័យការពារជាតិ ក្នុងពេលមានការព្រួយបារម្ភខ្លាំងឡើងអំពីសន្តិសុខ

ការប្រកាសកាលពីពេលថ្មីៗនេះរបស់សហរដ្ឋអាមេរិកថា ខ្លួននឹងកាត់បន្ថយវត្តមានយោធានៅអឺរ៉ុប រួមជាមួយនឹងទំនាក់ទំនងដ៏តានតឹងរបស់សហភាពអឺរ៉ុប(EU) ជាមួយរុស្ស៊ី បានបង្កើនការព្រួយបារម្ភអំពីសន្តិសុខនៅទូទាំងប្លុក និងបានពន្លឿនកិច្ចខិតខំប្រឹងប្រែងដើម្បីពង្រឹងសមត្ថភាពយោធា។រដ្ឋមន្ត្រីក្រសួងការពារជាតិប្រទេសបែលហ្ស៊ិក លោក Theo Francken បានប្រកាសពីផែនការវិនិយោគទឹកប្រាក់ចំនួន៣,៧ពាន់លានអឺរ៉ូ ឬ៤,២៧ពាន់លានដុល្លារអាមេរិក លើនវានុវត្តន៍ការពារជាតិនៅទសវត្សរ៍បន្ទាប់។ ក្រសួងការពារជាតិ បាននិយាយថា ការវិនិយោគនេះ មានគោលបំណងជំរុញការស្រាវជ្រាវ អភិវឌ្ឍន៍ និងពង្រឹងឧស្សាហកម្មការពារជាតិរបស់ប្រទេស។ប្រទេសនានា រួមមានអាល្លឺម៉ង់ អង់គ្លេស ប៉ូឡូញ និងរ៉ូម៉ានី ក៏បានប្រកាសពីផែនការវិនិយោគថ្មីលើការចំណាយលើវិស័យការពារជាតិ ការផ្គត់ផ្គង់យោធា និងការផលិតសព្វាវុធផងដែរ ខណៈយន្តការផ្តល់ហិរញ្ញវត្ថុរបស់សហភាពអឺរ៉ុបដើម្បីពង្រឹងការត្រៀមការពារជាតិ បានចូលដល់ដំណាក់កាលអនុវត្ត ក្នុងការឆ្លើយតបទៅនឹងការព្រួយបារម្ភកាន់តែខ្លាំងឡើងអំពីសន្តិសុខ។កាលពីថ្ងៃទី៥ ខែមិថុនា នាយករដ្ឋមន្ត្រីអង់គ្លេស លោក Keir Starmer បានព្រមានអំពីលទ្ធភាពនៃការវាយប្រហារលើរដ្ឋជាសមាជិកណាតូ និងបានប្រកាសពីផែនការបង្កើនការចំណាយលើវិស័យការពារជាតិដល់២,៥ ភាគរយនៃផលិតផលក្នុងស្រុកសរុប (GDP) ចាប់ពីឆ្នាំ២០២៧ ជាមួយនឹងការបង្កើនបន្ថែម ដល់៣ភាគរយ ដែលបានគ្រោងទុកនៅពេលក្រោយ។

អេហ្ស៊ីប ជំរុញឱ្យសហរដ្ឋអាមេរិក និងអ៊ីរ៉ង់ ចាប់យកឱកាសដើម្បីបញ្ចប់សង្គ្រាម

ក្រសួងការបរទេសអេហ្ស៊ីប បានបង្ហាញនូវក្តីសង្ឃឹមថា ឱកាសនេះនឹងត្រូវបានចាប់យកដើម្បីឈានដល់កិច្ចព្រមព្រៀងចុងក្រោយរវាងសហរដ្ឋអាមេរិក និងអ៊ីរ៉ង់។នៅក្នុងសេចក្តីថ្លែងការណ៍មួយដែលចេញផ្សាយនៅលើបណ្តាញសង្គម X ក្រសួងបាននិយាយថា អេហ្ស៊ីប «បានតាមដានដោយមានការពេញចិត្តយ៉ាងខ្លាំង និងសរសើរអ្វីដែលត្រូវបានប្រកាសដោយប្រធានាធិបតីសហរដ្ឋអាមេរិក លោក Donald Trump ទាក់ទងនឹងការលុបចោលការវាយប្រហារដោយយោធាតាមផែនការ ទៅលើប្រទេសអ៊ីរ៉ង់»។ក្រសួងបាននិយាយថា អេហ្ស៊ីបសង្ឃឹមថា «ឱកាស នឹងត្រូវបានចាប់យកដើម្បីឈានដល់កិច្ចព្រមព្រៀងលើបញ្ហាដែលនៅសេសសល់នានា និងដើម្បីជំរុញបរិយាកាសដែលអំណោយផលដល់ការបញ្ចប់សង្គ្រាម និងការចាប់ផ្តើមដំណាក់កាលថ្មីនៃស្ថិរភាពក្នុងតំបន់»។ក្រសួងបាននិយាយបន្ថែមថា អេហ្ស៊ីប «បន្តកិច្ចខិតខំប្រឹងប្រែងដោយមិននឿយហត់ ហ្មត់ចត់ និងស្មោះត្រង់ ក្នុងការសម្របសម្រួល និងមានកិច្ចសហប្រតិបត្តិការជាមួយដៃគូក្នុងតំបន់ និងអន្តរជាតិ ដើម្បីបន្ធូរបន្ថយភាពតានតឹង»។

បណ្ដាញសង្គម

ព័ត៌មានថ្មីៗ

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

កសិករនៅនីហ្សេរីយ៉ាកំពុងបោះបង់ចោលដីស្រែចម្ការរបស់ពួកគេ ដោយសារតែការវាយប្រហារដោយក្រុមប្រដាប់អាវុធ

WSJ៖ លោក Trump និងសម្ព័ន្ធមិត្ត កំពុងធ្វើការលើផែនការ ដើម្បីលុបការចោទប្រកាន់ទម្លាក់តំណែង

កាណាដាចាប់ផ្តើមព្រឹត្តិការណ៍ World Cup ជាមួយនឹងការវិនិយោគវិស័យកីឡាជាង ៧៥០លានដុល្លារ

អ្នកចម្រៀង Shakira និង Burna Boy ធ្វើឲ្យអ្នកទស្សនារំភើបរីករាយ ក្នុងពិធីបើកព្រឹត្តិការណ៍ World Cup

NYT៖ អាមេរិកគ្រោងកាត់បន្ថយយន្តហោះចម្បាំង និងនាវាចម្បាំង សម្រាប់ប្រតិបត្តិការណាតូ នៅអឺរ៉ុប

NATO នឹងកាត់បន្ថយចំនួនកងកម្លាំងរក្សាសន្តិភាពនៅប្រទេសកូសូវ៉ូ

កិច្ចព្រមព្រៀងរបស់លោក Trump ជាមួយអ៊ីរ៉ង់ យឺតយ៉ាវដោយសាររបៀបនៃការចរចារបស់ភាគីទាំង២

របាយការណ៍៖ អារ៉ាប់រួម និងអ៊ីរ៉ង់ ជួបពិភាក្សាទល់មុខគ្នា ដើម្បីបន្ធូរបន្ថយភាពតានតឹង

ប្រទេសនៅអឺរ៉ុប បង្កើនការចំណាយលើវិស័យការពារជាតិ ក្នុងពេលមានការព្រួយបារម្ភខ្លាំងឡើងអំពីសន្តិសុខ

អេហ្ស៊ីប ជំរុញឱ្យសហរដ្ឋអាមេរិក និងអ៊ីរ៉ង់ ចាប់យកឱកាសដើម្បីបញ្ចប់សង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

កសិករនៅនីហ្សេរីយ៉ាកំពុងបោះបង់ចោលដីស្រែចម្ការរបស់ពួកគេ ដោយសារតែការវាយប្រហារដោយក្រុមប្រដាប់អាវុធ

WSJ៖ លោក Trump និងសម្ព័ន្ធមិត្ត កំពុងធ្វើការលើផែនការ ដើម្បីលុបការចោទប្រកាន់ទម្លាក់តំណែង​

កាណាដាចាប់ផ្តើមព្រឹត្តិការណ៍ World Cup ជាមួយនឹងការវិនិយោគវិស័យ​កីឡាជាង ៧៥០លានដុល្លារ

អ្នក​ចម្រៀង Shakira និង Burna Boy ធ្វើ​ឲ្យ​អ្នកទស្សនារំភើប​រីករាយ ក្នុងពិធីបើកព្រឹត្តិការណ៍ World Cup

NYT៖ អាមេរិកគ្រោង​កាត់បន្ថយយន្តហោះចម្បាំង និងនាវាចម្បាំង សម្រាប់ប្រតិបត្តិការណាតូ នៅអឺរ៉ុប

NATO នឹងកាត់បន្ថយចំនួនកងកម្លាំងរក្សាសន្តិភាពនៅប្រទេសកូសូវ៉ូ

កិច្ចព្រមព្រៀងរបស់លោក Trump ជាមួយ​អ៊ីរ៉ង់ យឺតយ៉ាវ​ដោយសាររបៀប​នៃ​ការ​ចរចា​របស់​ភាគីទាំង២​​

របាយការណ៍៖ អារ៉ាប់រួម និងអ៊ីរ៉ង់ ជួបពិភាក្សាទល់មុខគ្នា ដើម្បីបន្ធូរបន្ថយភាពតានតឹង

ប្រទេសនៅអឺរ៉ុប បង្កើនការចំណាយលើវិស័យការពារជាតិ ក្នុងពេលមានការព្រួយបារម្ភខ្លាំងឡើងអំពីសន្តិសុខ

អេហ្ស៊ីប ជំរុញឱ្យសហរដ្ឋអាមេរិក និងអ៊ីរ៉ង់ ចាប់យកឱកាសដើម្បីបញ្ចប់សង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WSJ៖ លោក Trump និងសម្ព័ន្ធមិត្ត កំពុងធ្វើការលើផែនការ ដើម្បីលុបការចោទប្រកាន់ទម្លាក់តំណែង

កាណាដាចាប់ផ្តើមព្រឹត្តិការណ៍ World Cup ជាមួយនឹងការវិនិយោគវិស័យកីឡាជាង ៧៥០លានដុល្លារ

អ្នកចម្រៀង Shakira និង Burna Boy ធ្វើឲ្យអ្នកទស្សនារំភើបរីករាយ ក្នុងពិធីបើកព្រឹត្តិការណ៍ World Cup

NYT៖ អាមេរិកគ្រោងកាត់បន្ថយយន្តហោះចម្បាំង និងនាវាចម្បាំង សម្រាប់ប្រតិបត្តិការណាតូ នៅអឺរ៉ុប

កិច្ចព្រមព្រៀងរបស់លោក Trump ជាមួយអ៊ីរ៉ង់ យឺតយ៉ាវដោយសាររបៀបនៃការចរចារបស់ភាគីទាំង២