នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
តម្លៃផ្សារហ៊ុនសកលរង្គោះរង្គើ បន្ទាប់ពីការលក់ចេញភាគច្រើននាំមុខដោយក្រុមហ៊ុនបច្ចេកវិទ្យានិងបញ្ហាអាមេរិក-អ៊ីរ៉ង់
នគរបាលដាក់បណ្ដឹងចោទប្រកាន់ពីបទឧក្រិដ្ឋប្រឆាំងជនបាញ់ប្រហារវ័យ១៥ ឆ្នាំនៅសាលាTacloban របស់ហ្វីលីពីន
ទួរគី ឃុំខ្លួនមនុស្ស២០៩នាក់ ក្នុងការឆ្មក់បង្ក្រាបប្រឆាំងភេរវកម្ម ខណៈសន្តិសុខត្រូវបានរឹតបន្តឹងមុនកិច្ចប្រជុំណាតូ
ប្រធានាធិបតីនិយាយថា អ៊ីរ៉ង់នឹងមិនចរចាអំពីសមត្ថភាពការពារជាតិរបស់ខ្លួនឡើយ

ព័ត៌មានអន្តរជាតិ

កងកម្លាំងអ៊ីស្រាអែលត្រូវបានចោទថា បានរារាំងកិច្ចប្រឹងប្រែងជួយសង្គ្រោះអ្នកកាសែតលីបង់ ដែលរងរបួស ក្នុងការវាយប្រហារ

2026/06/09 05:10:04 pm        41
Facebook Telegram Linkin
របាយការណ៍ថ្មីៗនេះដែលស៊ើបអង្កេតការស្លាប់របស់អ្នកសារព័ត៌មានលីបង់ អ្នកស្រី Amal Khalil បានរកឃើញថា កងកម្លាំងអ៊ីស្រាអែល ត្រូវបានចោទប្រកាន់ថា បានរារាំងក្រុមរថយន្តសង្គ្រោះបន្ទាន់មិនឲ្យទៅដល់អ្នកស្រីអស់រយៈពេលជិត ៤ម៉ោង បន្ទាប់ពីការវាយប្រហារតាមអាកាសរបស់អ៊ីស្រាអែល។អ្នកស្រី Khalil ជាអ្នកឆ្លើយឆ្លងព័ត៌មានអាយុ ៤៣ឆ្នាំ សម្រាប់កាសែតលីបង់ Al-Akhbar កំពុងរាយការណ៍ នៅជិតទីក្រុង Al-Tiri ភាគខាងត្បូងប្រទេសលីបង់ជាមួយអ្នកកាសែតម្នាក់ទៀត នៅពេលដែលកងកម្លាំងអ៊ីស្រាអែល បានវាយប្រហារលើរថយន្តមួយគ្រឿង នៅជិតរថយន្តរបស់ពួកគេ នៅថ្ងៃទី ២២ ខែមេសា។អ្នកកាសែតទាំងពីរនាក់ បានរួចផុតពីការវាយប្រហារដំបូង ហើយបានចេញពីរថយន្តរបស់ពួកគេ ប៉ុន្តែ អ្នកស្រី Khalil បានរងរបួស ហើយបានលាក់ខ្លួន នៅក្នុងផ្ទះក្បែរនោះ។របាយការណ៍រយៈពេលប៉ុន្មានម៉ោងចុងក្រោយរបស់អ្នកស្រី Khalil បានបង្ហាញថា ក្រុមជួយសង្គ្រោះ នៅតែមានចម្ងាយប្រហែល ៨ គីឡូម៉ែត្រ ដោយរង់ចាំការអនុញ្ញាតឲ្យជួយសង្គ្រោះអ្នកស្រី Khalil។ ការសន្ទនាតាមទូរស័ព្ទខ្លីមួយរវាងអ្នកស្រី Khalil និងមិត្តរួមការងាររបស់ខ្លួន បានបង្ហាញថា អ្នកស្រីមានស្មារតី នៅពេលនោះ ប៉ុន្តែកំពុងតស៊ូទ្រាំនឹងរបួស៕

គ្រាអាសន្នត្រូវបាន​ប្រកាស​នៅ​រដ្ឋ​ធានី​របស់​នូវែលសេឡង់ ខណៈរលកកម្ពស់ ១១​ម៉ែត្រ ជំរុញ​​​ឲ្យ​ជម្លៀស​មនុស្ស

2026/06/09 04:57:47 pm        43
Facebook Telegram Linkin
ប្រជាជនឆ្នេរសមុទ្ររាប់រយនាក់ នៅក្នុងរដ្ឋធានីរបស់​ប្រទេសនូវែលសេឡង់ ត្រូវបានជម្លៀសចេញ នៅថ្ងៃអង្គារ (ទី៩ ខែមិថុនា ឆ្នាំ២០២៦) នេះ ខណៈដែលព្យុះ​បណ្ដាល​ឲ្យមាន​រលកកម្ពស់ ១១ម៉ែត្រ ​បក់បោកនៅ​តំបន់​​ឆ្នេរសមុទ្រ។ អាកាសធាតុអាក្រក់ធ្ងន់​ធ្ងរ​នេះ បានជំរុញឲ្យ​អភិបាលក្រុង Wellington លោក Andrew Little ប្រកាសអាសន្នសម្រាប់សហគមន៍ឆ្នេរសមុទ្រនៃឈូងសមុទ្រ Owhiro, Island Bay, Houghton Bay និង Breaker Bay មុនពេលរលកដ៏​ធំបក់បោក​ទៅ​ដល់។ក្នុងសេចក្តីថ្លែងការណ៍ដ៏​ម៉ឺង​ម៉ាត់​មួយ​ អភិបាលក្រុង លោក Little បានជំរុញឲ្យ​ប្រជាជននៅឆ្ងាយពីតំបន់​ឆ្នេរសមុទ្រភាគខាងត្បូង ដោយព្រមានច្បាស់ៗថា បុគ្គលិកសង្គ្រោះបន្ទាន់ នឹងមិនប្រថុយប្រថាន​ចូលទៅក្នុងតំបន់គ្រោះថ្នាក់ ដើម្បីជួយសង្គ្រោះអ្នកដែលបដិសេធមិនចាកចេញនោះឡើយ​។បទបញ្ជាជម្លៀសចេញជាកាតព្វកិច្ចនេះ បានចាប់ផ្តើមនៅព្រឹកថ្ងៃអង្គារនេះ​។ ហើយ​មន្ត្រីនគរបាល​ត្រូវបានដាក់ពង្រាយ ដើម្បីធានាថា ប្រជាជនបានផ្លាស់ទៅកន្លែងទី​ខ្ពស់ៗ ដោយដាក់​ខ្សែហ៊ុម​ព័ទ្ធនៅលើផ្លូវជុំវិញ ដើម្បីបិទផ្លូវចូលទៅកាន់តំបន់ឆ្នេរសមុទ្រដ៏គ្រោះថ្នាក់។យោងតាមក្រុមប្រឹក្សាមូលដ្ឋាន បាន​ឲ្យ​ដឹង​ថា ព្យុះនេះមាន​កម្រិតខ្លាំងជាង​ហេតុការណ៍​ស្រដៀងគ្នា ក្នុងឆ្នាំ២០២១ ដែលរលកកម្ពស់ ៦,៥ម៉ែត្រ បានបំផ្លិច​បំផ្លាញផ្ទះសម្បែង​ជាច្រើនខ្នង នៅតំបន់​ Breaker Bay។ ទីភ្នាក់ងារ MetService របស់នូវែលសេឡង់ បានបញ្ជាក់ថា ក្នុងអំឡុងពេលមាន​រលកចុងក្រោយនេះ រលកដែលកំពុង​បក់បោក​រំកិល​ចូល​ទៅ​​កំពង់ផែទីក្រុង​ Wellington ត្រូវ​បានគេ​ព្យាករ​ថា នឹង​ខ្ពស់​ដល់ទៅ ១១ម៉ែត្រ៕

ប្រធាន IATA៖ បញ្ហាខ្សែច្រវាក់ផ្គត់ផ្គង់ ធ្វើ​ឲ្យ​ក្រុមហ៊ុនអាកាសចរណ៍ខាតបង់​ ១១ពាន់លានដុល្លារ នៅឆ្នាំ២០២៥

2026/06/09 04:54:48 pm        27
Facebook Telegram Linkin
ប្រធានសមាគមដឹកជញ្ជូនផ្លូវអាកាសអន្តរជាតិ (IATA) បាននិយាយ​ថា ការរំខានខ្សែច្រវាក់ផ្គត់ផ្គង់ នៅក្នុងឧស្សាហកម្មអាកាសចរណ៍ បានបន្ថែមយ៉ាងហោចណាស់ ១១ពាន់លានដុល្លារ លើ​ការចំណាយបន្ថែម សម្រាប់ក្រុមហ៊ុនអាកាសចរណ៍នៅឆ្នាំ២០២៥។អំឡុង​ពេល​ថ្លែងក្នុង​សន្និសីទសារព័ត៌មានបិទបញ្ចប់ នៅថ្ងៃចុងក្រោយនៃកិច្ចប្រជុំប្រចាំឆ្នាំរបស់ IATA នៅទីក្រុង Rio de Janeiro​ របស់ប្រទេសប្រេស៊ីល​ អគ្គនាយក IATA លោក Willie Walsh បាននិយាយថា បញ្ហាខ្សែច្រវាក់ផ្គត់ផ្គង់ បានជំរុញ​ឲ្យ​ក្រុមហ៊ុនអាកាសចរណ៍ដំណើរការយន្តហោះចាស់ៗ យូរជាងការគ្រោងទុក។លោក Walsh បាននិយាយថា ការ​ធ្វើ​បែប​នេះ​បានបណ្តាលឲ្យ​មានការប្រើប្រាស់ប្រេងឥន្ធនៈខ្ពស់ ការចំណាយលើ​ថែទាំកើនឡើង និងការចំណាយលើការ​ជួលយន្តហោះបន្ថែម។ អម​ដោយការ​បន្ថែមថា តម្លៃប្រេងឥន្ធនៈខ្ពស់ នឹងធ្វើឲ្យ​ផលប៉ះពាល់ដល់​វិស័យនេះកាន់តែអាក្រក់ទៅៗនោះ​ លោក Walsh បានបញ្ជាក់​ថា៖ «បញ្ហាខ្សែច្រវាក់ផ្គត់ផ្គង់ បានធ្វើឲ្យ​ក្រុមហ៊ុនអាកាសចរណ៍ខាតបង់យ៉ាងហោចណាស់ ១១ពាន់លានដុល្លារ នៅឆ្នាំ២០២៥»។តួលេខនេះ គឺស្មើនឹងជិតពាក់កណ្តាលនៃប្រាក់ចំណេញ ២៣ពាន់លានដុល្លារដែលត្រូវបានព្យាកររបស់ឧស្សាហកម្មនេះ សម្រាប់ឆ្នាំនេះ។ ហើយ​លោក Walsh បានឲ្យ​ដឹង​ទៀត​ថា ការចំណាយភាគច្រើន អាចត្រូវបានបញ្ចៀស​ ប្រសិនបើក្រុមហ៊ុនផលិតយន្តហោះ និងម៉ាស៊ីន បានដោះស្រាយបញ្ហាដឹកជញ្ជូន និងផលិតកម្មប្រកបដោយប្រសិទ្ធភាពជាងមុន។ លោក​បាន​សង្កត់ធ្ងន់​​ថា នាយក​ប្រតិបត្តិ​ក្រុមហ៊ុន​អាកាសចរណ៍​ជាច្រើន ​បាន​សម្តែង​ការ​ខកចិត្ត ​ចំពោះ​ស្ថានភាព​នេះ ដោយ​បន្ថែម​ថា ការ​មិន​ពេញចិត្ត​ជាមួយ​ក្រុមហ៊ុន​ផលិត​យន្តហោះ និង​ម៉ាស៊ីន ​គឺ​មានកាន់​តែ​ទូលំទូលាយ​ឡើង នៅ​ទូទាំង​ឧស្សាហកម្មនេះ​។គួរបញ្ជាក់ថា វិស័យ​អាកាសចរណ៍​បាន​ប្រឈម​នឹង​ការ​ពន្យារពេល​ជា​បន្តបន្ទាប់ ​ក្នុង​ការ​ដឹកជញ្ជូន​យន្តហោះ​ថ្មី ពិបាក​រក​​ម៉ាស៊ីនពេល​ត្រូវ​ការ​ និងបញ្ហា​ផ្គត់ផ្គង់​គ្រឿងបន្លាស់​ ក្នុង​រយៈពេល​ប៉ុន្មាន​ឆ្នាំ​ថ្មីៗ​នេះ ដែល​ជំរុញ​ឲ្យ​ក្រុមហ៊ុន​អាកាសចរណ៍​បន្ត​ប្រើ​ប្រាស់​​យន្តហោះ​ដែល​មិន​សូវ​មាន​ប្រសិទ្ធភាព ​ក្នុង​សេវាកម្ម៕

ការសិក្សា៖ ការចំណាយលើអាវុធនុយក្លេអ៊ែរ កើនឡើងខ្ពស់បំផុត ចំ​​ពេល​មាន​ការប្រណាំងប្រជែងអាវុធ​ថ្មី

2026/06/09 04:52:27 pm        23
Facebook Telegram Linkin
អ្នកជំនាញ នៅថ្ងៃអង្គារ (ទី៩ ខែមិថុនា ឆ្នាំ២០២៦) នេះ បាន​លើក​ឡើង​ថា ការចំណាយលើអាវុធនុយក្លេអ៊ែរទូទាំងពិភពលោក បានកើនឡើងដល់កម្រិតខ្ពស់បំផុត ក្នុងឆ្នាំ២០២៥ ខណៈដែលប្រទេសដែលមានអាវុធនុយក្លេអ៊ែរ បានយក​ក្បាលគ្រាប់នុយក្លេអ៊ែរបន្ថែមទៀតចេញ​ពីកន្លែងស្ដុក​ទៅដាក់​លើ​ប្រព័ន្ធត្រៀម​ប្រើ​ប្រាស់​។បើយោងតាម​ស្ថាប័ន​យុទ្ធនាការអន្តរជាតិ ដើម្បីលុបបំបាត់អាវុធនុយក្លេអ៊ែរ (ICAN) បាន​ឲ្យ​ដឹងថា រដ្ឋដែលមានអាវុធនុយក្លេអ៊ែរទាំង ៩ បានចំណាយរួមគ្នាជិត ១១៩​ពាន់លានដុល្លារ លើឃ្លាំងអាវុធរបស់ពួកគេ ក្នុងឆ្នាំ២០២៥ ដោយ​កើនឡើង ១៩​ភាគរយ ពីឆ្នាំ២០២៤។ របាយការណ៍របស់ស្ថាប័ន​នេះ បានព្រមានថា «ការប្រណាំងប្រជែងអាវុធនុយក្លេអ៊ែរថ្មីមួយ កំពុងកើត​មាន​ហើយ»។ជាមួយ​គ្នា​នេះ ICAN និង​ការសិក្សាដាច់ដោយឡែកមួយ ដោយវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) ដែលចេញផ្សាយកាល​ពី​ថ្ងៃទី៨ ខែមិថុនា បានសម្តែងក្ដី​បារម្ភ អំពីហានិភ័យនុយក្លេអ៊ែរដែលកំពុងកើនឡើងជាលំដាប់​ ចំពេលមានភាពតានតឹងផ្នែកភូមិសាស្ត្រនយោបាយកាន់តែខ្លាំងឡើងៗ។ការសិក្សាបានបង្ហាញថា ការកើនឡើងយ៉ាងខ្លាំងនូវ​ការចំណាយលើអាវុធនុយក្លេអ៊ែរនេះ បានកើតឡើង ខណៈដែលប្រទេសនានា បានប្រញាប់ប្រញាល់ធ្វើទំនើបកម្មឃ្លាំងអាវុធរបស់ពួកគេ និងដាក់ពង្រាយអាវុធរបស់ពួកគេបន្ថែមទៀត៕

មន្ត្រី៖ មន្ត្រីយោធាអាមេរិកបានជួយការពារប្រឆាំងនឹងការវាយប្រហាររបស់អ៊ីរ៉ង់ លើអ៊ីស្រាអែល

2026/06/09 04:39:37 pm        70
Facebook Telegram Linkin
មន្ត្រីអាមេរិកបានប្រាប់ប្រព័ន្ធ​ផ្សព្វផ្សាយ​ Al Arabiya English ថា យោធាអាមេរិកបានជួយការពារអ៊ីស្រាអែល ប្រឆាំងនឹងការវាយប្រហារដោយមីស៊ីលរបស់អ៊ីរ៉ង់ ដោយព្យាយាមស្ទាក់ចាប់មីស៊ីលបាលីស្ទិក​មួយចំនួនដែលបាញ់ដោយទីក្រុងតេអេរ៉ង់។ការវាយតម្លៃដំបូង នៅតែបន្ត ប៉ុន្តែមន្ត្រីដែលនិយាយក្នុងលក្ខខណ្ឌមិនបញ្ចេញឈ្មោះ បានឲ្យ​ដឹង​ថា គេជឿថា កងកម្លាំងអាមេរិកបានស្ទាក់ចាប់មីស៊ីលបាលីស្ទិក​ជាច្រើនគ្រាប់ដោយជោគជ័យ ក្នុងអំឡុងពេលមាន​វាយប្រហារ។មន្ត្រីបានបញ្ជាក់​ថា ធន​ធាន​យោធាអាមេរិកទាំងនៅលើដី និងនៅលើសមុទ្រ បាន​ពាក់ព័ន្ធ​នឹង​ប្រតិបត្តិការនេះ ដែលបញ្ជាក់ពីការប្តេជ្ញាចិត្តជាបន្តបន្ទាប់របស់ទីក្រុងវ៉ាស៊ីនតោនក្នុងការជួយការពារអ៊ីស្រាអែលពីការគំរាមកំហែងក្នុងតំបន់។គួរ​បញ្ជាក់​ថា សមាជិកយោធាអាមេរិករាប់រយនាក់ កំពុងត្រូវបានដាក់ពង្រាយនៅក្នុងប្រទេសអ៊ីស្រាអែល។ ខ្លះជាផ្នែកនៃយន្តការពហុជាតិសាសន៍ដែលត្រូវ​បាន​បង្កើតឡើង ដើម្បីត្រួតពិនិត្យបទឈប់បាញ់ នៅតំបន់​ហ្កាហ្សា បន្ទាប់ពីមាន​ការវាយប្រហាររបស់ក្រុមហាម៉ាសនៅថ្ងៃទី៧ ខែតុលា ឆ្នាំ២០២៣ លើអ៊ីស្រាអែល ខណៈពេលដែលផ្សេងទៀតគាំទ្រប្រតិបត្តិការការពារដែនអាកាស និងមីស៊ីល។ប្រតិបត្តិការចុងក្រោយនេះ គឺជាឧទាហរណ៍មួយទៀតនៃការចូលរួមដោយផ្ទាល់របស់យោធាអាមេរិក ក្នុងការជួយការពារអ៊ីស្រាអែលពីការវាយប្រហារដោយមីស៊ីល និងយានដ្រូន​របស់អ៊ីរ៉ង់ ក្នុងរយៈពេល ២ឆ្នាំកន្លងមក៕

មេបញ្ជាការកងទ័ពលីបង់ជួបពិភាក្សាជាមួយសមភាគីប៉ាគីស្ថានអំពីប្រតិបត្តិការយោធា

2026/06/09 04:37:18 pm        43
Facebook Telegram Linkin
កងទ័ពប៉ាគីស្ថានបាននិយាយនៅថ្ងៃអង្គារនេះថា ប៉ាគីស្ថាន និងលីបង់ បានពិភាក្សាអំពីបរិយាកាស សន្តិសុខក្នុងតំបន់ដែលកំពុងវិវត្តន៍ និងវិធីពង្រឹងកិច្ចសហប្រតិបត្តិការការពារជាតិ ក្នុងអំឡុងពេលដំណើរទស្សនកិច្ចរបស់លោកឧត្តមសេនីយ៍ Rodolphe Haykal អគ្គមេបញ្ជាការកងកម្លាំងប្រដាប់អាវុធលីបង់ ទៅកាន់ទីបញ្ជាការកងទ័ពនៅក្នុងទីក្រុង Rawalpindi។ ដំណើរទស្សនកិច្ចនេះ កើតឡើង ខណៈដែលប្រទេសលីបង់ នៅតែស្ថិតនៅចំកណ្តាលនៃភាពតានតឹងក្នុងតំបន់ ដែលជាប់ទាក់ទងនឹងជម្លោះអ៊ីស្រាអែល-អ៊ីរ៉ង់ថ្មីៗនេះ។ ប៉ាគីស្ថានបានអំពាវនាវម្តងហើយម្តងទៀតឲ្យបញ្ចប់ប្រតិបត្តិការយោធាអ៊ីស្រាអែលនៅលីបង់ និងគាំទ្រកិច្ចខិតខំប្រឹងប្រែងការទូត ដើម្បីកាត់បន្ថយភាពតានតឹងនៅមជ្ឈិមបូព៌ា ខណៈដែលស្ថាប័នរដ្ឋលីបង់ រួមទាំងកងកម្លាំងប្រដាប់អាវុធ បានដើរតួនាទីយ៉ាងសំខាន់ក្នុងការរក្សាស្ថិរភាព ស្របពេលបញ្ហាប្រឈមសន្តិសុខដែលកំពុងបន្ត។ប៉ាគីស្ថាន និងលីបង់ក៏មានទំនាក់ទំនងយូរអង្វែងតាមរយៈបេសកកម្មរក្សាសន្តិភាពរបស់អង្គការសហប្រជាជាតិ ដោយកងទ័ពប៉ាគីស្ថានបានបម្រើការនៅលីបង់ក្រោមកងកម្លាំងបណ្តោះអាសន្នរបស់UN នៅលីបង់ (UNIFIL)។កងទ័ពប៉ាគីស្ថានបាននិយាយនៅក្នុងសេចក្តីថ្លែងការណ៍មួយបន្ទាប់ពីលោក Haykal បានជួបជាមួយលោកអគ្គមេបញ្ជាការ Syed Asim Munir នាយសេនាធិការកងទ័ព និងជានាយសេនាធិការការពារជាតិរបស់ប្រទេសប៉ាគីស្ថាន នៅឯទីបញ្ជាការកណ្តាលក្នុងទីក្រុង Rawalpindi នៅថ្ងៃអង្គារនេះថាក្នុងអំឡុងពេលនៃកិច្ចប្រជុំនេះ ឥស្សរជនទាំងពីរបានផ្លាស់ប្តូរទស្សនៈលើបញ្ហាដែលមានផលប្រយោជន៍ទៅវិញទៅមក ការវិវត្តនៃបរិយាកាសសន្តិសុខក្នុងតំបន់ កិច្ចសហប្រតិបត្តិការការពារជាតិ និងការរំពឹងទុកសម្រាប់ការបង្កើនទំនាក់ទំនងយោធាទ្វេភាគី»៕

រុស្ស៊ី ប្រតិកម្មចំពោះសេចក្តីថ្លែងការណ៍រួមរបស់អ៊ុយក្រែន ចក្រភពអង់គ្លេស បារាំង និងអាល្លឺម៉ង់

2026/06/09 04:32:08 pm        42
Facebook Telegram Linkin
មន្ត្រីរដ្ឋាភិបាលជាន់ខ្ពស់របស់រុស្ស៊ី បានរិះគន់ចក្រភពអង់គ្លេស បារាំង និងអាល្លឺម៉ង់ ចំពោះការគាំទ្រផ្នែកយោធារបស់អ៊ុយក្រែន។ មេដឹកនាំប្រទេសអឺរ៉ុបទាំងបី នាយករដ្ឋមន្ត្រីអង់គ្លេស លោក Keir Starmer ប្រធានាធិបតីបារាំង លោក Emmanuel Macron និងអធិការបតីអាល្លឺម៉ង់ លោក Friedrich Merz និងប្រធានាធិបតីអ៊ុយក្រែន លោក Volodymyr Zelenskyy បានចេញសេចក្តីថ្លែងការណ៍រួមមួយ កាលពីថ្ងៃអាទិត្យ។នៅក្នុងសេចក្តីថ្លែងការណ៍នោះ មេដឹកនាំអឺរ៉ុបបានគាំទ្រសំណើរបស់លោក Zelenskyy សម្រាប់ការសន្ទនាដោយផ្ទាល់រវាងប្រធានាធិបតីអ៊ុយក្រែន និងសមភាគីរុស្ស៊ី លោក Vladimir Putin ដើម្បីបញ្ចប់ការប្រយុទ្ធគ្នា។ មេដឹកនាំអឺរ៉ុប និងលោក Zelenskyy ក៏បាន «បញ្ជាក់ពីតម្រូវការបន្ទាន់ក្នុងការបង្កើនការផលិតឧបករណ៍ស្ទាក់ចាប់»។ថ្លែងទៅកាន់អ្នកសារព័ត៌មានកាលពីថ្ងៃចន្ទ អ្នកនាំពាក្យប្រធានាធិបតីរុស្ស៊ី លោក Dmitry Peskov បានរិះគន់មេដឹកនាំអឺរ៉ុបទាំងបីចំពោះការនិយាយអំពីសន្តិភាព ខណៈសង្កត់ធ្ងន់លើបំណងរបស់មេដឹកនាំទាំងបីក្នុងការជួយទីក្រុងគីវផលិតអាវុធប្រភេទថ្មី ដើម្បីបន្តសង្គ្រាម។ នៅក្នុងសន្និសីទសារព័ត៌មានកាលពីថ្ងៃចន្ទ រដ្ឋមន្ត្រីការបរទេសរុស្ស៊ី លោក Sergey Lavrov បានលើកឡើងពីសព្វាអាវុធបន្ថែមដែលនឹងត្រូវផ្តល់ដល់ប្រទេសអ៊ុយក្រែន។ លោកបាននិយាយថា អាវុធទាំងនោះនឹងត្រូវប្រើប្រាស់ដើម្បីវាយប្រហារគោលដៅនានានៅលើទឹកដីរុស្ស៊ី រួមទាំងអាវុធមួយចំនួនបាញ់ចូលជ្រៅទៅក្នុងប្រទេសផងដែរ។ លោក Lavrov បានទទូចថា អ្វីៗទាំងអស់អាស្រ័យលើសកម្មភាពរបស់វីរបុរសជាតិរបស់លោកនៅសមរភូមិ ពុំមែនលើការចរចាទេ។

លោក Vance៖ អាមេរិកនឹងបន្ត​ស្វែង​រក​កិច្ចព្រមព្រៀងនុយក្លេអ៊ែរអ៊ីរ៉ង់ ដោយមិនគិត​ពី​​ជំហររបស់អ៊ីស្រាអែល

2026/06/09 04:26:31 pm        48
Facebook Telegram Linkin
អនុប្រធានាធិបតី លោក​ JD Vance កាលពីថ្ងៃចន្ទ (ទី៨ ខែមិថុនា ឆ្នាំ២០២៦) បានលើ​ក​ឡើង​ថា សហរដ្ឋអាមេរិក នឹងបន្តស្វែងរកកិច្ចព្រមព្រៀងជាមួយអ៊ីរ៉ង់ ជុំវិញ​កម្មវិធីនុយក្លេអ៊ែររបស់ប្រទេស​នេះ​ ដោយមិនគិតពីជំហររបស់អ៊ីស្រាអែលនោះ​ឡើយ។ក្នុងអំឡុងពេលផ្ដល់​កិច្ច​សម្ភាសន៍ជាមួយប្រព័ន្ធ​ផ្សព្វផ្សាយ​ Fox News លោក Vance បាននិយាយថា៖ «ដោយ​សារ​អ្វីដែលបានកើតឡើងក្នុងរយៈពេលប៉ុន្មានខែចុងក្រោយនេះ ប៉ុន្តែតាមពិតទៅមាន​រយៈពេល ១ឆ្នាំកន្លះកន្លង​ទៅហើយ​​ យើងបានបង្កើត​ឱកាស​ដែលលោក​ប្រធានាធិបតីជឿជាក់ថា ចាំបាច់ ហើយ​ខ្ញុំគិតថា គាត់និយាយត្រូវ ដែល​ថា យើងអាចសម្រេច​បានការដោះស្រាយរយៈពេលវែង ចំពោះកិច្ចព្រមព្រៀងនុយក្លេអ៊ែរអ៊ីរ៉ង់»។លោកបានបន្ថែមថា៖ «ឥឡូវនេះ អ៊ីស្រាអែលអាចពេញ​ចិត្ត​ ហើយ​ពួកគេក៏​ប្រហែលជាមិនពេញ​ចិត្ត​ផង​ដែរ​ ប៉ុន្តែជាមូលដ្ឋាន យើងគិតថា នេះគឺស្ថិតនៅក្នុងផលប្រយោជន៍ល្អបំផុតរបស់សហរដ្ឋអាមេរិក។ ដូច្នេះយើងនឹងបន្តស្វែង​រក​វា (កិច្ច​ព្រមព្រៀង) ពីព្រោះនោះជាអ្វីដែលប្រធានាធិបតីសហរដ្ឋអាមេរិក ត្រូវបានបោះ​ឆ្នោត​ជ្រើសរើសឲ្យ​ធ្វើ​។ នោះហើយជាអ្វីដែលយើងត្រូវធ្វើ ដើម្បីបម្រើប្រជាជនអាមេរិកឲ្យ​បានត្រឹមត្រូវ​»។គួរបញ្ជាក់ថា ការអត្ថាធិប្បាយទាំងនេះ គឺជាសញ្ញាចុងក្រោយបំផុតនៃភាពតានតឹងដែលអាចកើតមាននៅក្នុងទំនាក់ទំនង រវាងសហរដ្ឋអាមេរិក និងអ៊ីស្រាអែល បន្ទាប់ពីលោក​ប្រធានាធិបតី Donald Trump បានអំពាវនាវឲ្យ​អ៊ីស្រាអែលកុំសងសឹក ចំពោះការវាយប្រហារដោយមីស៊ីលរបស់អ៊ីរ៉ង់ កាលពីថ្ងៃអាទិត្យចុង​សប្ដាហ៍​កន្លង​ទៅ ជាការទាមទារដែលមិន​ត្រូវបានអើពើ៕

លោកTrump៖ អ៊ីស្រាអែល និងអ៊ីរ៉ង់ ព្រមព្រៀងផ្អាកប្រយុទ្ធមួយសប្តាហ៍ទៀត

2026/06/09 04:01:05 pm        44
Facebook Telegram Linkin
លោក Trump បានប្រាប់អ្នកសារព័ត៌មានថា អ៊ីស្រាអែល និងអ៊ីរ៉ង់ នឹងលែងរំខានគ្នាទៅវិញទៅមកយ៉ាងហោចណាស់មួយសប្តាហ៍ បន្ទាប់ពីលោកមាន «ការសន្ទនាដ៏ល្អ» ជាមួយ លោក Netanyahu នាយករដ្ឋមន្ត្រីអ៊ីស្រាអែល។ លោក Trump បាននិយាយថា «លោក Netanyahu ត្រូវបានគេវាយប្រហារ ហើយលោកបានវាយបកវិញ ដូច្នេះខ្ញុំមិនអាចបន្ទោសគាត់បានទេចំពោះរឿងនេះ»។លោក Trump បាននិយាយថា «ប៉ុន្តែលោកត្រូវបានគេវាយប្រហារ គាត់បានវាយបកវិញ ហើយពេលនេះភាគីទាំងពីរបានបញ្ឈប់ហើយ។ ដូច្នេះពួកគេនឹងមិនរំខានគ្នាទេរយៈពេលមួយសប្តាហ៍»។ លោកក៏បាននិយាយផងដែរថា សហរដ្ឋអាមេរិក «កំពុងស្ថិតក្នុងដំណាក់កាលចុងក្រោយនៃអ្វីដែលនឹងក្លាយជាកិច្ចព្រមព្រៀងដ៏ល្អ ដែលនឹងមិនអនុញ្ញាតឱ្យលេចចេញជារូបរាងឬបង្កើតអាវុធនុយក្លេអ៊ែរឡើយ»។លោកបាននិយាយបន្ថែមថា «ច្រកសមុទ្រ Hormuz នឹងបើកក្នុងពេលឆាប់ៗ។ វានឹងបើកនៅពេលចុះហត្ថលេខា ដែលអាចមានរយៈពេលពីរ ឬបីថ្ងៃទៀត»។

នាយករដ្ឋមន្ត្រីប៉ាគីស្ថាន៖ គោលដៅចុងក្រោយក្នុងកិច្ចចរចារវាងអាមេរិក និងអ៊ីរ៉ង់ ជិតឈានដល់ហើយ

2026/06/09 03:58:46 pm        48
Facebook Telegram Linkin
នាយករដ្ឋមន្ត្រីប៉ាគីស្ថាន លោក Shehbaz Sharif បាននិយាយកាលពីថ្ងៃចន្ទ ទី៨ ខែមិថុនា ថា គោលដៅចុងក្រោយនៅក្នុងការចរចាសន្តិភាពរវាងអ៊ីរ៉ង់ និងសហរដ្ឋអាមេរិក «ជិតឈានដល់ហើយ» ដោយបានស្នើសុំឱ្យគ្រប់ភាគីទាំងអស់ក្នុងជម្លោះអនុវត្តភាពអត់ធ្មត់។ ប្រទេសប៉ាគីស្ថាន បាននិងកំពុងសម្របសម្រួលការចរចាដោយប្រយោលភាគច្រើនរវាងទីក្រុងវ៉ាស៊ីនតោន និងទីក្រុងតេអេរ៉ង់ លើកិច្ចព្រមព្រៀងបណ្តោះអាសន្នដែលនឹងបញ្ឈប់ការប្រយុទ្ធ រួមទាំងកម្មវិធីនុយក្លេអ៊ែររបស់អ៊ីរ៉ង់ដែលនឹងមានកិច្ចពិភាក្សាបន្ថែមទៀត។ប៉ុន្តែកិច្ចព្រមព្រៀងមួយនៅតែមិនច្បាស់លាស់ ខណៈភាគីទាំងពីរនៅតែប៉ះទង្គិចគ្នាម្តងម្កាល។ ទីប្រឹក្សារបស់មេដឹកនាំកំពូលអ៊ីរ៉ង់ លោក Mojtaba Khamenei គឺលោក Mohsen Rezaei បាននិយាយថា កិច្ចព្រមព្រៀងសន្តិភាពមួយ ត្រូវអាស្រ័យលើការបញ្ចេញទ្រព្យសកម្មរបស់អ៊ីរ៉ង់ចំនួន២៤ពាន់លានដុល្លារ ដែលត្រូវបានបង្កក។ ប្រភពមួយដែលដឹងពីបញ្ហា បាននិយាយថា រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បានដឹកនាំក្រុមមួយឱ្យវាយតម្លៃពីការខូចខាតបង្កឡើងដោយអ៊ីរ៉ង់លើសម្ព័ន្ធមិត្តឈូងសមុទ្រ និងដើម្បីពិនិត្យមើលការបង្វែរទ្រព្យសកម្មរបស់អ៊ីរ៉ង់ទៅឲ្យរដ្ឋទាំងនោះសម្រាប់ការជួសជុល។អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយកាលពីថ្ងៃចន្ទថា ការបាញ់ប្រហារតគ្នានៅពេលយប់រវាងអ៊ីរ៉ង់ និងអ៊ីស្រាអែល នឹងធ្វើឱ្យដំណើរការផ្នែកការទូតដែលច្របូកច្របល់រួចហើយជាមួយសហរដ្ឋអាមេរិកកាន់តែខ្លាំងឡើង ហើយទីក្រុងតេអេរ៉ង់កំពុងផ្លាស់ប្តូរសារជាមួយទីក្រុងវ៉ាស៊ីនតោន ក្នុងបរិយាកាស «មានមន្ទិលសង្ស័យខ្លាំង»។

បណ្ដាញសង្គម

ព័ត៌មានថ្មីៗ

ក្រសួងការងារ នឹងនាំយកឱកាសកា​រងារជាង ៩ម៉ឺនកន្លែង រួមនឹងអត្ថប្រយោជន៍ស​ង្គម និង​ការបណ្ដុះបណ្ដាលជំនាញ​ដោយឥតគិតថ្លៃ​ ជូ​ន​ដល់អតី​ត​ព​លករ និង​ពលរដ្ឋ​នៅក្នុងខេត្តត្បូង​ឃ្មុំនៅ​ចុងសប្ដាហ៍នេះ
06/24/2026 02:06 PM
Facebook Telegram Linkin
សាខាកាកបាទក្រហមកម្ពុជាខេត្តបាត់ដំបង ប្រគល់ផ្ទះ១ខ្នងជូនគ្រួសារមានជីវភាពខ្វះខាត និងសមាជិកគ្រួសារច្រើន
06/24/2026 01:06 PM
Facebook Telegram Linkin
គណៈកម្មការទី៩ព្រឹទ្ធសភា ប្រជុំជាមួយតំណាងរាជរដ្ឋាភិបាល ដើម្បីពិនិត្យសិក្សាលើសេចក្ដីព្រាងច្បាប់ស្តីពី វិសោធនកម្មច្បាប់ស្តីពីផ្លូវថ្នល់
06/24/2026 01:06 PM
Facebook Telegram Linkin
គណៈវិស្វករកម្ពុជា បើកការវាយតម្លៃសម្បទាវិជ្ជាជីវៈវិស្វកម្ម ដល់បេក្ខជនវិស្វករអាជីពជាតិលើកទី៣៥
06/24/2026 01:06 PM
Facebook Telegram Linkin
ក្រសួងកិច្ចការនារីដាក់ឱ្យអនុវត្តជាផ្លូវការកម្មវិធីភាពជាអ្នកដឹកនាំរបស់ក្មេងស្រី ដើម្បីបង្កើនមូលធនមនុស្សក្នុងសង្គម
06/24/2026 01:06 PM
Facebook Telegram Linkin
គណៈប្រតិភូរដ្ឋសភាកម្ពុជា ចូលរួមកិច្ចប្រជុំក្រុមប្រឹក្សាពិគ្រោះយោបល់អាយប៉ាស្តីពីគ្រឿងញៀន លើកទី៩ (The 9th AIPACODD)
06/24/2026 01:06 PM
Facebook Telegram Linkin
អយ្យការអមសាលាដំបូងខេត្តព្រះវិហារ ចុះធ្វើអធិការកិច្ចនៅពន្ធនាគារខេត្ត ដើម្បីពង្រឹងសីលធម៌វិជ្ជាជីវៈ និងការគោរពសិទ្ធិមនុស្ស
06/24/2026 12:06 PM
Facebook Telegram Linkin
យុវជនបង្ហាញការដឹងគុណរាជរដ្ឋាភិបាលដែលផ្តល់ការបណ្តុះបណ្តាលជំនាញឥតគិតថ្លៃដល់ពួកគេ
06/24/2026 12:06 PM
Facebook Telegram Linkin
កូឡុំប៊ីយកឈ្នះកុងហ្គោ ១-០ ធានាកៅអីឡើងវគ្គ ៣២ ក្រុមចុងក្រោយ World Cup 2026
06/24/2026 12:06 PM
Facebook Telegram Linkin
ក្រូអាស៊ីស្រោចស្រង់ក្តីសង្ឃឹមឡើងវគ្គ ៣២ ក្រុមក្រោយយកឈ្នះប៉ាណាម៉ា ១-០
06/24/2026 12:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.