BTV NEWS

សហរដ្ឋអាមេរិក ជំរុញសន្តិភាពយូរអង្វែង ខណៈកិច្ចចរចារវាងអ៊ីស្រាអែលនិងលីបង់ ចាប់ផ្តើម

អង្គការសហប្រជាជាតិ ចាប់ផ្តើមជម្លៀសនាវិកជាង១១.០០០នាក់ ដែលជាប់ខ្លួននៅច្រកសមុទ្រ Hormuz

រដ្ឋមន្ត្រីការបរទេសអាមេរិក ច្រានចោលការទាមទារឲ្យបង់ប្រាក់របស់អ៊ីរ៉ង់នៅច្រកសមុទ្រ Hormuz ខណៈភាពតានតឹងនៃកិច្ចព្រមព្រៀងកើនឡើង

មេដឹកនាំកំពូលកូរ៉េខាងជើង បង្ហាញផែនការសម្រាប់នាវាចម្បាំងកងទ័ពជើងទឹកបំពាក់អាវុធនុយក្លេអ៊ែរទម្ងន់១០.០០០តោន

ព័ត៌មានអន្តរជាតិ

មេដឹកនាំកូរ៉េខាងជើង និងចិន យល់ព្រមជំរុញទំនាក់ទំនងនៅក្នុងកិច្ចប្រជុំកំពូលទីក្រុងព្យុងយ៉ាង

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បាននិយាយនៅថ្ងៃអង្គារ ៩មិថុនានេះថា មេដឹកនាំកូរ៉េខាងជើង លោក គីម ជុងអ៊ុន (Kim Jong Un )និងលោក ស៊ី ជីនពីង (Xi Jinping )បានរៀបចំកិច្ចប្រជុំកំពូលមួយកាលពីថ្ងៃចន្ទ៨មិថុនាសប្ដាហ៍នេះ នៅទីក្រុងព្យុងយ៉ាង ហើយបានយល់ព្រមពង្រីកកិច្ចសហប្រតិបត្តិការរវាងប្រទេសទាំងពីរក្នុងវិស័យផ្សេងៗ ។ ទីភ្នាក់ងារសារព័ត៌មាន KCNA ខាងលើនិយាយថា មេដឹកនាំទាំងពីរបានយល់ព្រមអភិវឌ្ឍទំនាក់ទំនងទ្វេភាគីទៅជាជំពូកថ្មីមួយ អំឡុងទស្សនកិច្ចកិច្ចផ្លូវរដ្ឋនៅថ្ងៃចន្ទនិងថ្ងៃអង្គារ ៨ដល់៩មិថុនាសប្ដាហ៍នេះ ។ យោងតាម KCNA ដដែល លោក គីម បានប្រាប់លោក ស៊ី ថា រូបលោកនឹងគាំទ្រយ៉ាងពេញទំហឹងចំពោះ «គោលការណ៍ចិនតែមួយ» ដែលទីក្រុងប៉េកាំងចាត់ទុកថាមានន័យថាភាគីទាំងពីរនៃច្រកសមុទ្រតៃវ៉ាន់ជាកម្មសិទ្ធិរបស់ប្រទេសតែមួយ ដោយមិនគិតពីស្ថានភាពអន្តរជាតិផ្លាស់ប្តូរយ៉ាងណានោះទេ។ យោងតាម KCNA លោក ស៊ី ដែលបានធ្វើដំណើរទស្សនកិច្ចលើកដំបូងរបស់លោកទៅកាន់កូរ៉េខាងជើងក្នុងរយៈពេលប្រាំពីរឆ្នាំ បានប្រាប់លោក គីម ថា លោកនឹងប្រើប្រាស់ដំណើរទស្សនកិច្ចរបស់លោកជាឱកាសមួយដើម្បីសម្រេចបានវឌ្ឍនភាពគួរឱ្យកត់សម្គាល់នៅក្នុងទំនាក់ទំនងទ្វេភាគី។ KCNA បានបន្ថែមថា មេដឹកនាំទាំងពីរក៏បានយល់ព្រមធ្វើឱ្យការទំនាក់ទំនងជាយុទ្ធសាស្ត្ររវាងប្រទេសទាំងពីរកាន់តែស៊ីជម្រៅតាមរយៈដំណើរទស្សនកិច្ចរបស់ក្រុមន្ត្រីជាន់ខ្ពស់ផងដែរ។ប្រព័ន្ធផ្សព្វផ្សាយកូរ៉េខាងជើងមួយនេះ ពុំបាននិយាយថា តើមេដឹកនាំទាំងពីរបានពិភាក្សាអំពីកម្មវិធីអាវុធនុយក្លេអ៊ែររបស់ទីក្រុងព្យុងយ៉ាងឬអត់នោះទេ។ នៅមុនជំនួបទល់មុខគ្នា លោកប្រធានាធិបតីចិន បានមានប្រសាសន៍ថា ពួកលោកត្រូវតែប្រឆាំងនឹងអនុត្តរភាព អំណាចផ្តាច់ការ និងការប៉ុនប៉ង និងការឃុបឃិតទាំងអស់ ដើម្បីរស់ឡើងវិញនូវយោធានិយម ដែលបង្កគ្រោះថ្នាក់ដល់សន្តិសុខ និងស្ថិរភាពក្នុងតំបន់។ លោកក៏បានសន្យាផងដែរថា នឹងធ្វើការជាមួយកូរ៉េខាងជើង ដើម្បីលើកកម្ពស់ពហុភាគីនិយមដោយយុត្តិធម៌ និងមានសណ្តាប់ធ្នាប់ និងសកលភាវូបនីយកម្មសេដ្ឋកិច្ចរួមបញ្ចូលគ្នា ដែលនឹងផ្តល់ផលប្រយោជន៍ដល់ពិភពលោក ក្នុងការកសាងសហគមន៍នៃមនុស្សដែលមានវាសនារួមគ្នា៕

ភ្ញៀវទេសចរចិននៅព្រំដែនកូរ៉េខាងជើង សង្ឃឹមថានឹងមានទំនាក់ទំនងប្រកបដោយស្ថិតស្ថេរ

ស្របពេលដែលប្រធានាធិបតីចិនលោក Xi Jinping ធ្វើដំណើរទៅដល់ទីក្រុងព្យុងយ៉ាង សម្រាប់ដំណើរទស្សនកិច្ចផ្លូវរដ្ឋទៅកាន់កូរ៉េខាងជើងនៅថ្ងៃចន្ទនេះ ភ្ញៀវទេសចរចិននៅទីក្រុងព្រំដែន Dandong បានបង្ហាញក្តីសង្ឃឹមរបស់លោកសម្រាប់ទំនាក់ទំនងចិន-កូរ៉េខាងជើងប្រកបដោយស្ថិតស្ថេរ ។ លោក Liu Guangzhong គឺជាភ្ញៀវទេសចរចិនដែលបានធ្វើដំណើរទៅកាន់តំបន់ព្រំដែនចិន-កូរ៉េខាងជើង និយាយថា មិត្តភាពយូរអង្វែងរវាងប្រទេសទាំង ២ របស់ពួកយើង តែងតែខ្លាំង ។ លោកបន្តថា លោកមកពីទីក្រុង Yancheng ស្ថិតក្នុងខេត្ត Jiangsu ។ លោកធ្លាប់ធ្វើការលើគម្រោងនៅទីក្រុង Shenyang ។ វាគឺជាឱកាសដ៏ល្អមួយក្នុងការធ្វើដំណើរមកកាន់តំបន់ព្រំដែន និងសំឡឹងមើលទេសភាពនៅព្រំដែនចិន-កូរ៉េខាងជើង ជាពិសេសនៅភាគខាងកូរ៉េខាងជើង ។ លោក Guangzhong និយាយទៀតថា ពួកយើងធ្លាប់គិតថា កូរ៉េខាងជើងមិនសូវអភិវឌ្ឍនោះទេ ប៉ុន្តែការពិតនោះ បច្ចុប្បន្នពួកគេមើលទៅអភិវឌ្ឍបានច្រើនណាស់ ។ ទីក្រុង Dandong គ្រាន់តែឆ្លងទន្លេ Yalu ពីទីក្រុង Sinuiju របស់កូរ៉េខាងជើង ហើយវាគឺជាច្រកពាណិជ្ជកម្មដ៏សំខាន់មួយ រវាងប្រទេសទាំង ២ ។ លោក Xi ត្រូវបានគេរំពឹងថា នឹងពិភាក្សាលើបញ្ហាជាច្រើនជាមួយលោក Kim ក្នុងដំណើរទស្សនកិច្ចរយៈពេល ២ថ្ងៃរបស់លោក ដែលជាដំណើរទស្សនកិច្ចលើកដំបូង ក្នុងរយៈពេល ៧ឆ្នាំ ទៅកាន់ប្រទេសជិតខាងរបស់ចិន ៕

របាយការណ៍៖ មន្ត្រីហេសបូឡា បញ្ជាក់ថា ក្រុមមិនមានទំនាក់ទំនងផ្ទាល់ជាមួយលោក Trump ទេ

មន្ត្រីជាន់ខ្ពស់មួយរូបរបស់ក្រុមហេសបូឡា បានប្រាប់សារព័ត៌មាន AFP នៅថ្ងៃចន្ទ (ទី៨ ខែមិថុនា ឆ្នាំ២០២៦) នេះថា ក្រុមដែលគាំទ្រដោយអ៊ីរ៉ង់មួយនេះ មិនមានទំនាក់ទំនងផ្ទាល់ជាមួយលោកប្រធានាធិបតី Donald Trump នោះទេ ទោះបីជាសេចក្តីថ្លែងការណ៍ថ្មីៗពីមេដឹកនាំអាមេរិក បានបង្ហាញផ្ទុយពីការនិយាយនេះក៏ដោយ។ទីក្រុងវ៉ាស៊ីនតោនចាត់ទុកក្រុមហេសបូឡាថា ជាក្រុម «ភេរវករ» រួមទាំងផ្នែកយោធា និងនយោបាយ ហើយថ្មីៗនេះ បានដាក់ទណ្ឌកម្មលើសមាជិកសភាមួយចំនួនរបស់ក្រុមនេះ។ កាលពីថ្ងៃពុធសប្តាហ៍មុន ដោយសំដៅទៅលើកិច្ចប្រឹងប្រែង ដើម្បីបញ្ឈប់សង្គ្រាមចុងក្រោយបង្អស់នៅក្នុងប្រទេសលីបង់ រវាងអ៊ីស្រាអែល និងក្រុមសកម្មប្រយុទ្ធនេះ លោក Trump បានប្រាប់អ្នកសារព័ត៌មានថា «យើងពិតជាបានជជែកជាមួយក្រុមហេសបូឡាជាលើកដំបូង»។២ថ្ងៃមុននេះ បន្ទាប់ពីអ៊ីស្រាអែលគំរាមទម្លាក់គ្រាប់បែកម្តងទៀតនៅជាយក្រុងភាគខាងត្បូងនៃទីក្រុងបេរូត ដែលជាទីតាំងដ៏រឹងមាំរបស់ក្រុមហេសបូឡា លោក Trump បានបញ្ជាក់ថា៖ «តាមរយៈតំណាងរាស្ត្រកម្រិតខ្ពស់ ខ្ញុំបានជជែកតាមទូរស័ព្ទយ៉ាងល្អជាមួយក្រុមហេសបូឡា»។យ៉ាងណាក្ដី មន្ត្រីជាន់ខ្ពស់របស់ក្រុមហេសបូឡា លោក Mahmud Qomati បានប្រាប់សារព័ត៌មាន AFP ក្នុងកំណត់សម្គាល់ជាលាយលក្ខណ៍អក្សរថា៖ «មិនមានទំនាក់ទំនងផ្ទាល់ រវាងលោកប្រធានាធិបតី Trump និងមន្ត្រីហេសបូឡានោះទេ»។ លោកបានឲ្យដឹងទៀតថា លោក Trump «ប្រហែលជា» កំពុងសំដៅទៅលើអ្វីដែលទីប្រឹក្សារបស់ប្រធានសភា លោក Nabih Berri «ទាក់ទងជាមួយឯកអគ្គរដ្ឋទូតអាមេរិក និងការបញ្ជូនសារ»។លោក Qomati បានបន្ថែមថា ការលើកឡើងរបស់លោក Trump អំពីការទាក់ទងដោយផ្ទាល់ជាមួយក្រុមហេសបូឡា «បង្ហាញពីកម្រិតដែលរដ្ឋបាលអាមេរិកត្រៀមបោះបង់អាជ្ញាធរលីបង់ ពោលគឺយ៉ាងហោចណាស់ក៏បង្ហាញពីសញ្ញានៃការទាក់ទងជាមួយគណបក្សខ្លាំង និងមានឥទ្ធិពលនៅលីបង់ដែរ»៕

EU ដាក់ទណ្ឌកម្មលើអ្នកនាំពាក្យអង្គភាពកងទ័ពជើងទឹក IRGC និងបញ្ជាការតំបន់របស់អ៊ីរ៉ង់

សហភាពអឺរ៉ុប (EU) នៅថ្ងៃចន្ទ (ទី៨ ខែមិថុនា ឆ្នាំ២០២៦) នេះ បានដាក់ទណ្ឌកម្មលើអ្នកនាំពាក្យនៃកងទ័ពជើងទឹករបស់កងឆ្មាំបដិវត្តន៍អ៊ីរ៉ង់ (IRGC) និងបញ្ជាការតំបន់មួយ ពាក់ព័ន្ធនឹងការបិទច្រកសមុទ្រ Hormuz។សេចក្តីថ្លែងការណ៍របស់ក្រុមប្រឹក្សា EU បានឲ្យដឹងថា៖ «នៅថ្ងៃនេះ ក្រុមប្រឹក្សាបានអនុម័តនូវវិធានការរឹតត្បិត លើបុគ្គល ២រូប និងអង្គភាពមួយ ក្រោមក្របខ័ណ្ឌច្បាប់ដែលត្រូវបានពង្រីក ដោយផ្តោតលើអ្នកដែលពាក់ព័ន្ធនឹងចំណាត់ការ និងគោលនយោបាយរបស់អ៊ីរ៉ង់ ដែលគំរាមកំហែងដល់សេរីភាពនៃការធ្វើនាវាចរណ៍ នៅតំបន់មជ្ឈិមបូព៌ា»។ប្លុកនេះបានបញ្ជាក់ថា ខ្លួនកំពុងចុះបញ្ជីលោក Mohammad Akbarzadeh អ្នកនាំពាក្យនៃអង្គភាពកងទ័ពជើងទឹករបស់ IRGC និងបញ្ជាការខេត្ត Hormozgan របស់អង្គការនេះ។ សេចក្ដីថ្លែងការណ៍របស់ប្លុកក៏បានកត់សម្គាល់ផងដែរថា ខ្លួនកំពុងចុះបញ្ជីលោក Hamid Hosseini ដែលជាតំណាងនៃសហជីពអ្នកនាំចេញផលិតផលប្រេង ឧស្ម័ន និងប្រេងកាតរបស់អ៊ីរ៉ង់។សេចក្តីថ្លែងការណ៍នេះបានសង្កត់ធ្ងន់ថា «អ្នកដែលត្រូវបានចុះបញ្ជីក្រោមប្រព័ន្ធទណ្ឌកម្មនេះ ត្រូវទទួលរងការបង្កកទ្រព្យសម្បត្តិ ហើយមានការហាមឃាត់មិនឲ្យផ្តល់មូលនិធិ ឬធនធានសេដ្ឋកិច្ចដល់ពួកគេ ទាំងដោយផ្ទាល់ ឬដោយប្រយោល»។ប្លុកនេះបានបន្ថែមថា ការហាមឃាត់ការធ្វើដំណើរទៅកាន់ EU «ត្រូវបានអនុវត្ត ចំពោះបុគ្គលទាំងអស់ដែលត្រូវបានចុះបញ្ជី»៕

រលកយក្សស៊ូណាមិទៅដល់ជប៉ុន ក្រោយមានរញ្ជួយដីកម្រិត ៧,៨រ៉ិចទ័រ នៅហ្វីលីពីន

យោងតាមអាជ្ញាធរជប៉ុន និងសហរដ្ឋអាមេរិក បានឲ្យដឹងថា រលកយក្សស៊ូណាមិបានទៅដល់កោះ Okinawa និងតំបន់ផ្សេងទៀតរបស់ប្រទេសជប៉ុន នៅថ្ងៃចន្ទ (ទី៨ ខែមិថុនា ឆ្នាំ២០២៦) នេះ បន្ទាប់ពី រញ្ជួយដីកម្រិត ៧,៨រ៉ិចទ័រ បានកើតមាននៅភាគខាងត្បូងហ្វីលីពីន។ទីភ្នាក់ងារឧតុនិយមជប៉ុន បានឲ្យដឹងនៅក្នុងសន្និសីទសារព័ត៌មានមួយថា រលកយក្សស៊ូណាមិកម្រិតស្រាលមួយ ត្រូវបានគេសង្កេតឃើញនៅកោះដ៏សំខាន់ Okinawa នៅវេលាម៉ោងប្រហែល ១២:១៨នាទី (ម៉ោងក្នុងស្រុក) បន្ទាប់ពីទីភ្នាក់ងារនេះបានចេញសេចក្តីជូនដំណឹង អំពីរលកយក្សស៊ូណាមិ សម្រាប់ឆ្នេរសមុទ្រប៉ាស៊ីហ្វិក នៅភាគខាងកើត ខាងលិច និងខាងត្បូងរបស់ប្រទេស។ដូចគ្នាដែរ រលកយក្សស៊ូណាមិកម្ពស់ ២០សង់ទីម៉ែត្រ ត្រូវបានគេសង្កេតឃើញនៅឯកោះ Chichijima នៃប្រជុំកោះ Ogasawara នៅមហាសមុទ្រប៉ាស៊ីហ្វិក ចម្ងាយប្រហែល ១.០០០គីឡូម៉ែត្រ នៅភាគខាងត្បូងនៃភាគកណ្តាលទីក្រុងតូក្យូ នៅម៉ោងប្រហែល ១៣:៤៦នាទី ម៉ោងក្នុងស្រុក។ទីភ្នាក់ងារនេះបានជូនដំណឹងដល់សាធារណជននៅមុននេះថា រលកយក្សស៊ូណាមិកម្ពស់រហូតដល់ ១ ម៉ែត្រ អាចទៅដល់កោះ Miyako និងកូនកោះ Yaeyama នៅឯ Okinawa និងកន្លែងផ្សេងទៀត។ សេចក្តីជូនដំណឹងនេះ ដែលគ្របដណ្តប់លើតំបន់លាតសន្ធឹងពីខេត្ត Ibaraki ជិតទីក្រុងតូក្យូ រហូតដល់ខេត្តកោះ Okinawa នៅភាគខាងត្បូងបំផុតរបស់ប្រទេសជប៉ុន ត្រូវបានដកចេញនាពេលរសៀល។គួរបញ្ជាក់ថា បើយោងតាមស្ថាប័នស្ទាបស្ទង់ភូគពសាស្ត្ររបស់សហរដ្ឋអាមេរិក បានឲ្យដឹងថា រញ្ជួយដី នៅថ្ងៃចន្ទនេះ បានកើតឡើងនៅចម្ងាយ ២៦គីឡូម៉ែត្រ ភាគនិរតីនៃទីក្រុង Kablalan ក្នុងប្រទេសហ្វីលីពីន ដោយមានជម្រៅ ៥៥.២គីឡូម៉ែត្រ នៅម៉ោងប្រហែល ៧:៣៧នាទី ម៉ោងក្នុងស្រុក។ អាជ្ញាធរហ្វីលីពីនបានបញ្ជាក់ថា យ៉ាងហោចណាស់មនុស្ស ៣២នាក់បានបាត់បង់ជីវិត និងជាង ១៣០នាក់បានរងរបួស៕

មនុស្ស ៣២នាក់ស្លាប់ ជាង ២០នាក់បាត់ខ្លួន ក្រោយការរញ្ជួយដីកម្រិត ៧,៨រ៉ិចទ័រ អង្រួនតំបន់ភាគខាងត្បូងហ្វីលីពីន

ក្រុមមន្រ្តីនិយាយថា មនុស្សយ៉ាងហោច ៣២នាក់ បានស្លាប់ និងជាង ២០នាក់ផ្សេងទៀត កំពុងបាត់ខ្លួន ក្រោយការរញ្ជួយដីកម្រិត ៧,៨រ៉ិចទ័រ អង្រួនតំបន់ឆ្នេរកោះ Mindanao ស្ថិតនៅភាគខាងត្បូងប្រទេសហ្វីលីពីន ។ការរញ្ជួយដីនេះ បានកើតឡើងកាលពីវេលាម៉ោង ៧ និង ៣៧នានីព្រឹក ម៉ោងក្នុងស្រុក ថ្ងៃចន្ទ បង្កឲ្យមានការប្រកាសអាសន្នពីរលកស៊ូណាមិ នៅប្រទេសហ្វីលីពីន ឥណ្ឌូនេស៊ី ជប៉ុន និងអូស្រ្តាលី ។ ការប្រកាសអាសន្នមួយចំនួន ត្រូវបានលុបចោលវិញ រយៈពេលប៉ុនា្មនម៉ោងក្រោយមក ។រូបថតសន្លឹក និងរូបភាពវីដេអូឃ្លីបឃើញអគារបាក់ រួមទាំងរូបភាពវីដេអូឃ្លីបរបស់ភោជនីយដ្ឋាន Jollibee បានរាបដល់ដី ហើយបំណាក់ដី ត្រូវបានរកឃើញផងដែរនៅតាមតំបន់មួយចំនួន ។ក្រុមអាជ្ញាធរនិយាយថា មនុស្សជាង ១០០នាក់ បានរងរបួស នៅតាមខេត្តជាច្រើន ក្នុងនោះមនុស្សជាង ២០នាក់ កំពុងបាត់ខ្លួន ហើយអ្នកស្រុក ១ម៉ឺននាក់ ត្រូវបានជម្លៀសចេញជាមុន ។ ចំនួនគ្រោះថ្នាក់នេះដែរ នៅត្រូវបញ្ជាក់ផ្ទៀងផ្ទាត់ដោយទីភ្នាក់ងារគ្រោះមហន្តរាយជាតិហ្វីលីពីន ។កោះ Mindanao គឺជាកោះធំបំផុតទី ២របស់ហ្វីលីពីន ទាំងទំហំ និងចំនួនប្រជាពលរដ្ឋ ហើយគឺជាខេត្តមួយ មានពលរដ្ឋរស់នៅប្រហែល ២៦លាននាក់ ៕

ចិននិយាយថា គោលជំហរឧបទ្វីបកូរ៉េមិនផ្លាស់ប្តូរ ខណៈលោក Xi បំពេញទស្សនកិច្ចនៅកូរ៉េខាងជើង

ក្រសួងការបរទេសចិន និយាយនៅថ្ងៃចន្ទនេះថា គោលជំហររបស់ខ្លួនលើឧបទ្វីបកូរ៉េ នៅតែមិនផ្លាស់ប្តូរ និងស្ថិតស្ថេរ ក្រោយលោកប្រធានាធិបតី Xi Jinping ធ្វើដំណើរទៅដល់កូរ៉េខាងជើងនៅថ្ងៃនេះ សម្រាប់កិច្ចប្រជុំជាមួយលោកមេដឹកនាំ Kim Jong Un ។លោក Lin Jian គឺជាអ្នកនាំពាក្យក្រសួងការបរទេសចិននិយាយនៅក្នុងសន្និសីទសារព័ត៌មានថា គោលជំហរ និងគោលនយោបាយរបស់ចិនលើបញ្ហាឧបទ្វីបកូរ៉េ នៅតែមិនផ្លាស់ប្តូរ ហើយនិងស្ថិតស្ថេរ ។ លោក Lin បានថ្លែងបែបនេះ ជាការឆ្លើយតបនឹងសំនួរថាតើចិននឹងទទួលយកកូរ៉េខាងជើងជារដ្ឋអាវុធនុយក្លេអ៊ែរ ឬនៅគាំទ្រការរំសាយអាវុធនុយក្លេអ៊ែរឬយ៉ាងណា ហើយថាតើលោក Xi Jinping នឹងពិភាក្សាបញ្ហានេះ ជាមួយលោក Kim Jong-un ដែរឬទេ ។ លោក Xi បានធ្វើដំណើរទៅដល់ទីក្រុងព្យុងយ៉ាង ដោយមានការទទួលស្វាគមន៍លើកម្រាលព្រំពីលោក Kim និងភរិយា Ri Sol Ju ។ លោក Xi ត្រូវបានគេរំពឹងថា នឹងធ្វើការពិភាក្សាលើបញ្ហាជាច្រើនជាមួយលោក Kim ក្នុងដំណើរទស្សនកិច្ចរយៈពេល ២ថ្ងៃរបស់លោក ដែលជាដំណើរទស្សនកិច្ចលើកដំបូង ក្នុងរយៈពេល ៧ឆ្នាំ ទៅកាន់ប្រទេសជិតខាងរបស់ចិន ៕

អ៊ីរ៉ង់បន្ទោសសហរដ្ឋអាមេរិក អំឡុងពេលមានការវាយប្រហារទៅវិញទៅមកថ្មីៗជាមួយអ៊ីស្រាអែល

អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei បាននិយាយនៅថ្ងៃចន្ទ (ទី៨ ខែមិថុនា ឆ្នាំ២០២៦) នេះថា ការវាយប្រហារគ្មាពេញមួយយប់ រវាងអ៊ីរ៉ង់ និងអ៊ីស្រាអែល នឹងធ្វើឲ្យកាន់តែអាក្រក់ទៅៗចំពោះ «ដំណើរការការទូតដ៏ច្របូកច្របល់» ជាមួយសហរដ្ឋអាមេរិក ដោយបន្ថែមថា ទីក្រុងតេអេរ៉ង់ កំពុងផ្លាស់ប្តូរសារជាមួយទីក្រុងវ៉ាស៊ីនតោន ក្នុងបរិយាកាស «មិនទុកចិត្តគ្នាខ្លាំង»។លោក Baghaei បាននិយាយថា វិធានការរបស់អ៊ីស្រាអែល នៅក្នុងប្រទេសលីបង់ មិនថា ត្រូវបានអនុវត្តដោយមានការដឹង និងការយល់ព្រមពីសហរដ្ឋអាមេរិកដែរ ឬអត់នោះទេ គឺមានគោលបំណងបំផ្លាញដំណើរការការទូត។ លោកបានបន្តថា ទីក្រុងវ៉ាស៊ីនតោន ក្នុងនាមជាភាគីនៃបទឈប់បាញ់ថ្ងៃទី៨ ខែមេសា ត្រូវទទួលខុសត្រូវដោយផ្ទាល់ ចំពោះការរំលោភបំពានណាមួយ ក្នុងនោះរួមទាំងការវាយប្រហារដែលត្រូវបានជឿថា ធ្វើឡើងដោយអ៊ីស្រាអែល ហើយលោកបានបន្ថែមថា ពិភពលោកគួរតែបារម្ភអំពីជម្លោះក្នុងតំបន់កាន់តែរាលដាលនេះ។លោក Baghaei បាននិយាយថា៖ «សហរដ្ឋអាមេរិកត្រូវទទួលខុសត្រូវដោយផ្ទាល់ ចំពោះវិធានការណាមួយដែលអ៊ីស្រាអែលធ្វើឡើង ទាក់ទងនឹងការរំលោភលើសន្តិភាព និងសន្តិសុខ ក្នុងតំបន់ ប្រឆាំងនឹងអ៊ីរ៉ង់»។លោកបាននិយាយទៀតថា ដំណើរទស្សនកិច្ចរបស់រដ្ឋមន្ត្រីក្រសួងមហាផ្ទៃប៉ាគីស្ថានទៅកាន់ទីក្រុងតេអេរ៉ង់ កាលពីថ្ងៃអាទិត្យចុងសប្ដាហ៍កន្លងមក គឺជាផ្នែកមួយនៃកិច្ចខិតខំប្រឹងប្រែង ដើម្បីបន្តការផ្លាស់ប្តូរដោយប្រយោលជាមួយទីក្រុងវ៉ាស៊ីនតោន៕

នាវា ១គ្រឿង កើតអគ្គិភ័យ នៅឯសមុទ្រអូម៉ង់ តែនាវិកជនជាតិឥណ្ឌា ២៤នាក់ «មានសុវត្ថិភាព»

នាវា ១គ្រឿងបានកើតមានអគ្គិភ័យ នៅម្ដុំសមុទ្រអូម៉ង់ នៅថ្ងៃចន្ទ (ទី៨ ខែមិថុនា ឆ្នាំ២០២៦) នេះ ដោយអាជ្ញាធរឥណ្ឌា បានប្រកាសនៅពេលក្រោយថា សមាជិកនាវិកជនជាតិឥណ្ឌាទាំងអស់ ២៤នាក់ នៅលើនោះ មិនមានគ្រោះថ្នាក់អ្វីឡើយ។លោក Opesh Kumar Sharma នាយក្រសួងកំពង់ផែ ដឹកជញ្ជូន និងផ្លូវទឹករបស់ប្រទេសឥណ្ឌា បានបញ្ជាក់ថា ហេតុការណ៍នេះបានកើតឡើងនៅម៉ោងប្រហែល ១:៣០នាទីរសៀល ម៉ោងក្នុងស្រុក (ត្រូវនឹងម៉ោង ៨:០០ ម៉ោងសកល) នៅលើនាវា MT Marivex។ លោកបានថ្លែងតាមរយៈបណ្ដាញសង្គម X ថា «តាមព័ត៌មានដែលមាន នាវិកឥណ្ឌាទាំងអស់មានសុវត្ថិភាពនាពេលនេះ»។សមុទ្រអូម៉ង់ មានទីតាំងជាប់នឹងច្រកសមុទ្រ Hormuz ដែលបច្ចុប្បន្នស្ថិតនៅក្រោមការបិទខ្ទប់ និងនៅកៀកនឹងអរិភាពដែលទើបផ្ទុះឡើងថ្មី រវាងអ៊ីរ៉ង់ និងអ៊ីស្រាអែល។ សហជីពនាវិកឥណ្ឌា បានឲ្យដឹងនៅមុននេះលើបណ្ដាញ X ថា អ្នកដើរសមុទ្រជនជាតិឥណ្ឌា ២៤នាក់ នៅលើនាវា នៅម្ដុំសមុទ្រអូម៉ង់ កំពុងស្វែងរកជំនួយបន្ទាន់។យោងតាមសារព័ត៌មាន News18 ដោយដកស្រង់ប្រភពព័ត៌មានសមុទ្រ បានឲ្យដឹងថា នាវានោះត្រូវបានអគ្គិភ័យឆាបឆេះ ដោយសារតែការវាយប្រហារដោយយានដ្រូន ឬមីស៊ីលដែលមិនត្រូវបានបញ្ជាក់ច្បាស់លាស់។ សារព័ត៌មានបានបន្ថែមថា ការផ្ទុះបានធ្វើឲ្យបន្ទប់ម៉ាស៊ីនរងខូចខាតយ៉ាងខ្លាំង។ Marivex គឺជានាវាដឹកប្រេង/គីមី ដែលធ្វើដំណើរក្រោមទង់ជាតិប្រទេស Palau៕

សម្តេចប៉ាបជំរុញឲ្យក្រុមមេដឹកនាំបញ្ឈប់ការបែងចែក ខណៈទ្រង់ជួបជនអន្តោប្រវេសន៍ និងអ្នកគ្មានផ្ទះសម្បែងនៅអេស្ប៉ាញ

សម្តេចប៉ាប Leo បានជំរុញឲ្យក្រុមមេដឹកនាំសកលលោក ចៀសវាងការបែងចែករបស់ពួកគេ និងអំពាវនាវឲ្យពួកគេស្តាប់សំឡេងស្រែកហៅសន្តិភាពរបស់ពិភពលោក ។សម្តេចប៉ាប បានយាងដំណើរទស្សនកិច្ចទៅកាន់ជម្រក និងមជ្ឈមណ្ឌលទទួលជនអន្តោប្រវេសន៍នៅទីក្រុង Madrid ប្រទេសអេស្ប៉ាញ កាលពីថ្ងៃសៅរ៍ រយៈពេលប៉ុន្មានម៉ោងប៉ុណ្ណោះ ក្រោយត្រូវបានស្វាគមន៍ដោយព្រះមហាក្សត្រអេស្ប៉ាញ នៅឯព្រះបរមរាជវាំង ។ព្រះអង្គមានបន្ទូលថា ទ្រង់អញ្ជើញអ្នករាល់គ្នាឲ្យទុកមួយឡែកការទាស់ទែងគ្នា និងរឿងរ៉ាវផ្ទុយគ្នានៃការពិតសង្គមរបស់អ្នក និងប្រវត្តិសាស្រ្តរបស់អ្នក ដើម្បីជំនះភាពស្មគស្មាញតាមរយៈការកោតសរសើរប្រកបដោយផ្លែផ្កា ។ក្រុមអ្នកគោរពបូជារាប់ពាន់នាក់ បានឈរតម្រង់ជួរតាមផ្លូវនៅតំបន់ភាគកណ្តាលទីក្រុង Madrid ដើម្បីអបអរសាទរសម្តេចប៉ាប Leo អំឡុងការយាងដំណើរទស្សនកិច្ចលើកដំបូងរបស់ព្រះអង្គលើទីនាំងសម្តេចប៉ាប នៅប្រទេសអេស្ប៉ាញ ៕

បណ្ដាញសង្គម

ព័ត៌មានថ្មីៗ

កម្ពុជាសង្កត់ធ្ងន់ពីសារៈសំខាន់នៃការអនុវត្តសេចក្តីសម្រេចចិត្តរបស់ក្រុមប្រឹក្សាសន្តិសុខ និងការមិនអាចរំលោភបំពានបានលើសាលដីការបស់តុលាការយុត្តិធម៌អន្តរជាតិ

លោកTrump និងអ៊ីរ៉ង់ខ្វែងគំនិតគ្នាជុំវិញការធ្វើអធិការកិច្ចនុយក្លេអ៊ែរនិងទ្រព្យសកម្មបង្កកក្នុងកិច្ចព្រមព្រៀងបញ្ចប់សង្គ្រាម

រដ្ឋមន្រ្តីក្រសួងបរិស្ថានគាំទ្រយ៉ាងពេញទំហឹង ចំពោះគម្រោងវិនិយោគ ដែលជួយដល់នរន្តរភាពបរិស្ថាននៅកម្ពុជា

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

មេដឹកនាំកូរ៉េខាងជើង និងចិន យល់ព្រមជំរុញទំនាក់ទំនងនៅក្នុងកិច្ចប្រជុំកំពូលទីក្រុងព្យុងយ៉ាង

ភ្ញៀវទេសចរចិននៅព្រំដែនកូរ៉េខាងជើង សង្ឃឹមថានឹងមានទំនាក់ទំនងប្រកបដោយស្ថិតស្ថេរ

របាយការណ៍៖ មន្ត្រីហេសបូឡា បញ្ជាក់ថា ក្រុមមិនមានទំនាក់ទំនងផ្ទាល់ជាមួយលោក Trump ទេ

EU ដាក់ទណ្ឌកម្មលើអ្នកនាំពាក្យអង្គភាពកងទ័ពជើងទឹក IRGC និងបញ្ជាការតំបន់របស់អ៊ីរ៉ង់

រលកយក្សស៊ូណាមិទៅដល់ជប៉ុន ក្រោយមានរញ្ជួយដីកម្រិត ៧,៨រ៉ិចទ័រ នៅហ្វីលីពីន

ចិននិយាយថា គោលជំហរឧបទ្វីបកូរ៉េមិនផ្លាស់ប្តូរ ខណៈលោក Xi បំពេញទស្សនកិច្ចនៅកូរ៉េខាងជើង

អ៊ីរ៉ង់បន្ទោសសហរដ្ឋអាមេរិក អំឡុងពេលមានការវាយប្រហារទៅវិញទៅមកថ្មីៗជាមួយអ៊ីស្រាអែល

នាវា ១គ្រឿង កើតអគ្គិភ័យ នៅឯសមុទ្រអូម៉ង់ តែនាវិកជនជាតិឥណ្ឌា ២៤នាក់ «មានសុវត្ថិភាព»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

មេដឹកនាំកូរ៉េខាងជើង និងចិន យល់ព្រមជំរុញទំនាក់ទំនងនៅក្នុងកិច្ចប្រជុំកំពូលទីក្រុងព្យុងយ៉ាង

ភ្ញៀវទេសចរចិននៅព្រំដែនកូរ៉េខាងជើង សង្ឃឹមថានឹងមានទំនាក់ទំនងប្រកបដោយស្ថិតស្ថេរ

របាយការណ៍៖ មន្ត្រីហេសបូឡា បញ្ជាក់​ថា ក្រុមមិនមានទំនាក់ទំនងផ្ទាល់ជាមួយលោក Trump ទេ

EU ដាក់ទណ្ឌកម្មលើអ្នកនាំពាក្យអង្គភាពកងទ័ព​ជើង​ទឹក IRGC និងបញ្ជាការតំបន់របស់​អ៊ីរ៉ង់

រលកយក្សស៊ូណាមិទៅ​ដល់ជប៉ុន ក្រោយ​មាន​រញ្ជួយដីកម្រិត ៧,៨រ៉ិចទ័រ នៅហ្វីលីពីន

ចិននិយាយថា គោលជំហរឧបទ្វីបកូរ៉េមិនផ្លាស់ប្តូរ ខណៈលោក Xi បំពេញទស្សនកិច្ចនៅកូរ៉េខាងជើង

អ៊ីរ៉ង់បន្ទោសសហរដ្ឋ​អាមេរិក អំឡុងពេល​មាន​​ការ​វាយ​ប្រហារទៅ​វិញ​ទៅមក​ថ្មីៗជាមួយអ៊ីស្រាអែល

នាវា ១គ្រឿង កើត​អគ្គិភ័យ​ នៅឯសមុទ្រអូម៉ង់ តែ​នាវិកជនជាតិ​ឥណ្ឌា ២៤នាក់ «មានសុវត្ថិភាព»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

របាយការណ៍៖ មន្ត្រីហេសបូឡា បញ្ជាក់ថា ក្រុមមិនមានទំនាក់ទំនងផ្ទាល់ជាមួយលោក Trump ទេ

EU ដាក់ទណ្ឌកម្មលើអ្នកនាំពាក្យអង្គភាពកងទ័ពជើងទឹក IRGC និងបញ្ជាការតំបន់របស់អ៊ីរ៉ង់

រលកយក្សស៊ូណាមិទៅដល់ជប៉ុន ក្រោយមានរញ្ជួយដីកម្រិត ៧,៨រ៉ិចទ័រ នៅហ្វីលីពីន

អ៊ីរ៉ង់បន្ទោសសហរដ្ឋអាមេរិក អំឡុងពេលមានការវាយប្រហារទៅវិញទៅមកថ្មីៗជាមួយអ៊ីស្រាអែល

នាវា ១គ្រឿង កើតអគ្គិភ័យ នៅឯសមុទ្រអូម៉ង់ តែនាវិកជនជាតិឥណ្ឌា ២៤នាក់ «មានសុវត្ថិភាព»