BTV NEWS

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

ព័ត៌មានអន្តរជាតិ

ប្រជាជនអ៊ីរ៉ង់ រីករាយចំពោះការឆ្លើយតបដ៏ខ្លាំងក្លា ខណៈមីស៊ីលវាយប្រហារអ៊ីស្រាអែលក្រោយការវាយប្រហារនៅលីបង់

យោងតាមការចេញផ្សាយរបស់សារព័ត៌មាន Axios កាលពីថ្ងៃអាទិត្យ បានឲ្យដឹងថា ប្រជាជនអ៊ីរ៉ង់ បានចេញដើរនៅតាមដងផ្លូវក្នុងទីក្រុងតេអេរ៉ង់កាលពីយប់ថ្ងៃអាទិត្យ ទី៧ ខែមិថុនា ក្នុងការគាំទ្រអ៊ីរ៉ង់បាញ់មីស៊ីលទៅលើអ៊ីស្រាអែល។ ពួកគេបានគ្រវីទង់ជាតិអ៊ីរ៉ង់ និងក្រុមហេសបូឡា ខណៈស្រែកពាក្យស្លោកគាំទ្រអ៊ីរ៉ង់។ អ៊ីរ៉ង់ បានបាញ់មីស៊ីលជាច្រើនគ្រាប់ទៅលើគោលដៅនៅអ៊ីស្រាអែលក្នុងការសងសឹកចំពោះការវាយប្រហារនៅជាយក្រុងបេរូត។ អ៊ីរ៉ង់ បាននិយាយជាយូរមកហើយថា កិច្ចព្រមព្រៀងសន្តិភាពណាមួយជាមួយសហរដ្ឋអាមេរិក នឹងអាស្រ័យលើបទឈប់បាញ់ដែលធ្វើឡើងនៅក្នុងប្រទេសលីបង់ផងដែរ ដែលអ៊ីស្រាអែលបានឈ្លានពានកាលពីខែមីនា។ ប៉ុន្តែ អ៊ីស្រាអែលកាលពីថ្ងៃអាទិត្យ បានបើកការវាយប្រហារនៅក្នុងតំបន់ទីក្រុងបេរូត ជាលើកដំបូងចាប់តាំងពីសហរដ្ឋអាមេរិក បានប្រកាសផែនការបទឈប់បាញ់សម្រាប់ប្រទេសលីបង់ កាលពីសប្តាហ៍មុន។ ក្រោយមក យោធាអ៊ីស្រាអែល បាននិយាយថា ខ្លួនបានកំណត់អត្តសញ្ញាណមីស៊ីលដែលបានបាញ់ចេញពីអ៊ីរ៉ង់ ហើយប្រព័ន្ធការពាររបស់ខ្លួនស្ទាក់ចាប់បានមីស៊ីលទាំងនោះ។ ប្រធានអ្នកចរចាសន្តិភាពរបស់អ៊ីរ៉ង់ គឺលោក Mohammed Baqer Qalibaf បាននិយាយថា មូលដ្ឋានកងទ័ពអាមេរិក និងមូលដ្ឋានរបស់អ៊ីស្រាអែល គឺជាគោលដៅស្របច្បាប់ ដោយសារតែសកម្មភាពអរិភាព រួមទាំង «ការរំលោភលើកិច្ចព្រមព្រៀងប្រទេសលីបង់»។

មេដឹកនាំអឺរ៉ុប៣រូបនិយាយថា ពួកគេគាំទ្រការចរចាដោយផ្ទាល់បទឈប់បាញ់រវាងអ៊ុយក្រែន និងរុស្ស៊ី

លោក Keir Starmer នាយករដ្ឋមន្ត្រីអង់គ្លេស បានជួបជាមួយលោក Volodymyr Zelenskyy មេដឹកនាំប្រទេសអ៊ុយក្រែន មេដឹកនាំប្រទេសអាល្លឺម៉ង់ និងបារាំង នៅការិយាល័យ Downing Street កាលពីថ្ងៃអាទិត្យ ទី៧ ខែមិថុនា ដើម្បីពិភាក្សាអំពីការគាំទ្ររបស់អឺរ៉ុបចំពោះអ៊ុយក្រែន និងបង្កើនកិច្ចខិតខំប្រឹងប្រែងដើម្បីបញ្ចប់សង្គ្រាម។ ចក្រភពអង់គ្លេស បារាំង និងអាល្លឺម៉ង់ មានសម្ព័ន្ធភាពសន្តិសុខក្រៅផ្លូវការមួយដែលគេហៅថា E3 ដែលបានក្លាយជាអ្នកគាំទ្រអន្តរជាតិដ៏សំខាន់របស់អ៊ុយក្រែន។ មេដឹកនាំចក្រភពអង់គ្លេស អាល្លឺម៉ង់ និងបារាំង បាននិយាយកាលពីថ្ងៃអាទិត្យថា ពួកគេគាំទ្រសំណើសម្រាប់កិច្ចចរចាដោយផ្ទាល់រវាងលោក Zelenskyy និងប្រធានាធិបតីរុស្ស៊ី លោក Vladimir Putin ដើម្បីព្យាយាមធានាបាននូវបទឈប់បាញ់ ។ នៅក្នុងសេចក្តីថ្លែងការណ៍រួមមួយ បន្ទាប់ពីកិច្ចប្រជុំនៅទីក្រុងឡុងដ្រ៍ នាយករដ្ឋមន្ត្រីអង់គ្លេស លោក Keir Starmer អធិការបតីអាល្លឺម៉ង់លោក Friedrich Merz និងប្រធានាធិបតីបារាំង លោក Emmanuel Macron បាននិយាយថា ពួកគេគាំទ្រចំពោះការអំពាវនាវរបស់លោក Zelenskyy ឲ្យបញ្ចប់សង្គ្រាម និងគាំទ្រសំណើសម្រាប់ការសន្ទនាដោយផ្ទាល់រវាងអ៊ុយក្រែន និងរុស្ស៊ី ដោយការចូលរួមយ៉ាងសកម្មពីសហរដ្ឋអាមេរិក និងអឺរ៉ុប ដើម្បីឈានដល់គោលដៅនោះ។

[UPDATE]នគរបាលហ្វីលីពីននិយាយថា មនុស្ស៣នាក់ស្លាប់ក្នុងគ្រោះរញ្ជួយដីកម្រិត៧,៨ រ៉ិចទ័រ

នគរបាលបាននិយាយនៅថ្ងៃចន្ទ ៨មិថុនា នេះថា មនុស្សយ៉ាងហោចណាស់៣នាក់ត្រូវបានរាយការណ៍ថាបានស្លាប់ និង៤នាក់រងរបួស បន្ទាប់ពីរញ្ជួយដីកម្រិត៧,៨ រ៉ិចទ័រ ដែលបានវាយប្រហារកោះមួយក្នុងចំណោមកោះជាច្រើនរបស់ប្រទេសហ្វីលីពីន ។

[BREAKING NEWS] លោកប្រធានាធិបតីចិន Xi Jinping បានទៅដល់កូរ៉េខាងជើងហើយសម្រាប់ជំនួបជាមួយលោក Kim Jong Un

មេដឹកនាំចិនលោក Xi Jinping បានទៅដល់ប្រទេសកូរ៉េខាងជើងហើយនៅព្រឹកថ្ងៃចន្ទ៨មិថុនានេះ សម្រាប់ដំណើរទស្សនកិច្ចដំបូងរបស់លោក ដែលបានគ្រោងទុកទៅកាន់ប្រទេសនេះ ក្នុងរយៈពេល៧ឆ្នាំ។ការអញ្ជើញដល់របស់លោក Xi នៅថ្ងៃចន្ទនេះ ពេលវេលានៅក្នុងទីក្រុង Pyongyang ត្រូវបានបញ្ជាក់ដោយសារព័ត៌មានរដ្ឋចិន Xinhua។

[UPDATE] ឥណ្ឌូនេស៊ី បញ្ជាឱ្យជម្លៀសប្រជាជននៅតំបន់ភាគខាងជើងដែលរងការគំរាមកំហែងពីរលកយក្សស៊ូណាមិ ក្រោយរញ្ជួយដីនៅហ្វីលីពីន

ប្រទេសឥណ្ឌូនេស៊ីបានបញ្ជាឱ្យជម្លៀសប្រជាជននៅតំបន់ភាគខាងជើងដែលរងការគំរាមកំហែងដោយរលកយក្សស៊ូណាមិនៅថ្ងៃចន្ទ៨មិថុនានេះ បន្ទាប់ពីរញ្ជួយដីកម្រិត ៧,៨ រ៉ិចទ័របានវាយប្រហារភាគខាងត្បូងក្នុងប្រទេសហ្វីលីពីន។ ទីភ្នាក់ងារគ្រោះមហន្តរាយជាតិ បាននិយាយនៅក្នុងសេចក្តីថ្លែងការណ៍មួយថា ក្រុមមន្ត្រីនៅក្នុងតំបន់ដែលមានហានិភ័យខ្ពស់បំផុត នៅរដ្ឋធានី Manado របស់ខេត្ត North Sulawesi ខេត្ត Gorontalo ភាគខាងជើង និងកោះ Sangihe ត្រូវបានណែនាំឱ្យប្រជាពលរដ្ឋ ជម្លៀសចេញជាបន្ទាន់ទៅកាន់តំបន់ខ្ពស់ៗដែលមានសុវត្ថិភាព។ ទីភ្នាក់ងារគ្រោះមហន្តរាយជាតិបាននិយាយថា ការរញ្ជួយដីនេះបានធ្វើឲ្យអ្នកស្រុកមានអារម្មណ៍ភ័យខ្លាចតិចតួចនៅក្នុងតំបន់ដែលរងផលប៉ះពាល់រយៈពេលពីរទៅបីវិនាទី ហើយស្ថានភាពនៅលើដីគឺ «មានសុវត្ថិភាព ស្ងប់ស្ងាត់ និងស្ថិតក្រោមការគ្រប់គ្រង» សម្រាប់ពេលនេះ។ អ្នកនាំពាក្យលោក Abdul Muhari បាននិយាយថា សាធារណជនត្រូវបានជំរុញកុំឱ្យភ័យស្លន់ស្លោ ត្រូវផ្តល់អាទិភាពដល់សុវត្ថិភាពរបស់ក្រុមមនុស្សងាយរងគ្រោះដូចជាមនុស្សចាស់ ជនពិការ និងកុមារ និងត្រូវអនុវត្តតាមការណែនាំជាផ្លូវការជានិច្ច៕

អ៊ីរ៉ង់ បង្ហាញភាពអត់ធ្មត់ ប៉ុន្តែព្រមានពីការឆ្លើយតបខ្លាំងក្លា ប្រសិនបើអ៊ីស្រាអែលសងសឹក

កងឆ្មាំបដិវត្តន៍អ៊ីស្លាម(IRGC) បានពិពណ៌នាអំពីការវាយប្រហារដោយមីស៊ីលថាជាការបាញ់ព្រមាន ដោយនិយាយថា ការឆ្លើយតបណាមួយរបស់អ៊ីស្រាអែលនឹងបង្កឱ្យមានការសងសឹកដ៏មហន្តរាយ និងខ្លាំងក្លា។ នេះច្បាស់ណាស់ថា ជាការចង្អុលបង្ហាញថា អ៊ីរ៉ង់ ពុំមានបំណងបន្តការវាយប្រហារដោយមីស៊ីលទៅលើអ៊ីស្រាអែលទេ។ ដូច្នេះ ខណៈអ៊ីរ៉ង់កំពុងត្រៀមទប់ទល់សម្រាប់ការឆ្លើយតបដែលអាចកើតមាន សាររបស់ខ្លួនគឺច្បាស់ណាស់ថា យើងបានរក្សាការប្តេជ្ញារបស់យើងចំពោះប្រជាជនលីបង់ និងបានបញ្ជូនសារដ៏រឹងមាំទៅឲ្យអ៊ីស្រាអែល ហើយយើងមានសមត្ថភាពបញ្ជូនសារដ៏ខ្លាំងក្លាជាងនេះ ប្រសិនបើអ៊ីស្រាអែលបន្ត។ សក្ដានុពល ដែលអ៊ីរ៉ង់ចង់កំណត់គឺ វាលែងជាអ្វីដែលត្រូវបានវាយប្រហារតបតគ្នារវាងអ៊ីរ៉ង់ និងអ៊ីស្រាអែល។ ប៉ុន្តែអ៊ីស្រាអែលត្រូវតែបញ្ឈប់ការវាយប្រហាររបស់ខ្លួនទៅលើប្រទេសលីបង់។ បញ្ហានាពេលនេះ គឺថាតើអ៊ីស្រាអែលនឹងសងសឹក ឬយ៉ាងណា។ វាកំពុងស្ថិតនៅក្រោមសម្ពាធពីភាគីអាមេរិក កុំឱ្យធ្វើដូច្នេះ។ ប្រសិនបើអ៊ីស្រាអែល មិនឆ្លើយតបទៅអ៊ីរ៉ង់ ប៉ុន្តែបន្តវាយប្រហារនៅក្នុងប្រទេសលីបង់ នោះគោលបំណងនៃការវាយប្រហារនៅយប់នេះពីអ៊ីរ៉ង់នឹងត្រូវទុកជាមោឃៈ។ អ៊ីរ៉ង់នឹងមិនពេញចិត្តនឹងរឿងនោះទេ ហើយសម្ព័ន្ធមិត្តរបស់ខ្លួននៅក្នុងប្រទេសលីបង់ ក៏នឹងមិនមើលឃើញថារឿងនេះជាផលវិបាកនៃសកម្មភាពនោះដែរ។ ប្រសិនបើអ៊ីស្រាអែល បញ្ឈប់ការវាយប្រហាររបស់ខ្លួននៅក្នុងប្រទេសលីបង់ នោះ នឹងត្រូវបានចាត់ទុកថាជាជ័យជម្នះដ៏អស្ចារ្យនៅទីនេះក្នុងប្រទេសអ៊ីរ៉ង់ ហើយអ៊ីរ៉ង់នឹងចាត់ទុកវាថាជាជំហានមួយដែលអាចត្រូវបានកសាងសម្រាប់ការចរចានៅក្នុងប្រទេសប៉ាគីស្ថាន។

[UPDATE] ហ្វីលីពីន កំពុងផ្ទៀងផ្ទាត់របាយការណ៍នៃការស្លាប់មនុស្សយ៉ាងហោចណាស់៥នាក់បន្ទាប់ពីរញ្ជួយដីកម្រិត ៧,៨ រ៉ិចទ័រ

ក្រុមមន្ត្រីក្រសួងគ្រប់គ្រងគ្រោះមហន្តរាយហ្វីលីពីនបាននិយាយនៅថ្ងៃចន្ទនេះថា ក្រុមអាជ្ញាធរកំពុងផ្ទៀងផ្ទាត់របាយការណ៍នៃការស្លាប់យ៉ាងហោចណាស់ ៥ នាក់នៅក្នុងទីក្រុង General Santos ភាគខាងត្បូង ពីការរញ្ជួយដីកម្រិត ៧,៨ រ៉ិចទ័រ។ ការរញ្ជួយដីនេះ ក៏បានវាយប្រហារអាកាសយានដ្ឋានអន្តរជាតិ General Santos ផងដែរ។លោក Agripino Dacera ប្រធានគ្រប់គ្រងគ្រោះមហន្តរាយនៅទីក្រុង General Santos បាននិយាយថា អ្នកស្លាប់នៅតែកំពុងត្រូវបានផ្ទៀងផ្ទាត់ ខណៈក្រុមអាជ្ញាធរវាយតម្លៃពីទំហំនៃការខូចខាត៕

តម្លៃប្រេងឡើងថ្លៃជាង ២ ដុល្លារក្នុងមួយបារ៉ែល ដោយសារការវាយប្រហាររបស់អ៊ីស្រាអែលលើ លីបង់

តម្លៃប្រេងបានកើនឡើងជាង ២ ដុល្លារក្នុងមួយបារ៉ែលនៅថ្ងៃចន្ទ ៨មិថុនានេះ បន្ទាប់ពីអ៊ីស្រាអែលបានបើកការវាយប្រហារឡើងវិញលើប្រទេសលីបង់កាលពីថ្ងៃអាទិត្យ ទោះបីជាមានបទឈប់បាញ់រវាងប្រទេសទាំងពីរក៏ដោយ និងការបាញ់មីស៊ីលជាថ្មីពីអ៊ីរ៉ង់លើអ៊ីស្រាអែលជាការសងសឹក ដែលធ្វើឲ្យបាត់បង់ក្តីសង្ឃឹមសម្រាប់ការបញ្ចប់សង្គ្រាមកាន់តែទូលំទូលាយ និងការចាប់ផ្តើមលំហូរប្រេងឆៅឡើងវិញតាមរយៈច្រកសមុទ្រ Hormuz។ តម្លៃប្រេងឆៅរបស់សហរដ្ឋអាមេរិក បានកើនឡើង ២,១០ ដុល្លារ ឬ ២,៣២% ដល់តម្លៃ ៩២,៦៤ ដុល្លារក្នុងមួយបារ៉ែល គិតត្រឹមម៉ោង ០០:១៣នាទី ម៉ោងសកល ខណៈតម្លៃប្រេងឆៅ Brent បានកើនឡើង ២,៣៣ ដុល្លារ ឬ ២,៥% ដល់ ៩៥,៤២ ដុល្លារក្នុងមួយបារ៉ែល។ ស្របពេលវិបត្តិផ្គត់ផ្គង់ដែលកើតឡើងដោយតែជម្លោះនៅមជ្ឈិមបូព៌ា អង្គការ OPEC+ កាលពីថ្ងៃអាទិត្យ បានយល់ព្រមលើការបង្កើនលើកទីបួនរបស់ខ្លួននៅក្នុងទិន្នផលប្រេងក្នុងរយៈពេលបួនខែ។ ប៉ុន្តែក្រុមអ្នកវិភាគបាននិយាយថា ការសម្រេចចិត្តនេះនឹងមានផលប៉ះពាល់តិចតួច ដោយសារសមាជិក OPEC+ ភាគច្រើនមិនអាចសម្រេចបានគោលដៅទិន្នផលរបស់ពួកគេដោយសារតែការបិទច្រកសមុទ្រ Hormuz ឬក្នុងករណីរបស់រុស្ស៊ី ដោយការវាយប្រហារហេដ្ឋារចនាសម្ព័ន្ធដែលបានធ្វើឱ្យសមត្ថភាពផលិតកម្មរបស់ខ្លួនថយចុះ។ លោក Jorge Leon ប្រធានផ្នែកវិភាគភូមិសាស្ត្រនយោបាយរបស់ក្រុមហ៊ុន Rystad Energy បាននិយាយនៅក្នុងកំណត់ចំណាំមួយថា នៅក្នុងទីផ្សារបច្ចុប្បន្ន ផលប៉ះពាល់រូបវន្តនៃការសម្រេចចិត្តបែបនេះនឹងស្ថិតនៅជិតចំណុចសូន្យ៕

[UPDATE] អ៊ីស្រាអែលទម្លាក់គ្រាប់បែកលើទីក្រុងតេអេរ៉ង់ ទោះលោក Trump បានព្រមានលោក Netanyahu មិនឱ្យសងសឹកក៏ដោយ

កងកម្លាំងការពារជាតិអ៊ីស្រាអែលបានបើកការវាយប្រហារតាមអាកាសលើទីក្រុងតេអេរ៉ង់ សូម្បីតែបន្ទាប់ពីប្រធានាធិបតីអាមេរិកលោក Donald Trump បាននិយាយតាមទូរស័ព្ទជាមួយនាយករដ្ឋមន្ត្រីលោក Benjamin Netanyahu ហើយត្រូវបានគេរាយការណ៍ថាបានជំរុញឱ្យលោក Netanyahu កុំឱ្យបង្កើនភាពតានតឹងបន្ថែមទៀតក៏ដោយ។ អ៊ីស្រាអែល និយាយថាខ្លួនបានវាយប្រហារគោលដៅយោធាមួយចំនួនក្នុងភាគខាងលិច និងកណ្ដាលរបស់អ៊ីរ៉ង់ បន្ទាប់ពីឆ្មាំបដិវត្តន៍អ៊ីរ៉ង់បាញ់មីស៊ីលទៅលើអ៊ីស្រាអែលភាគខាងជើង។ អ៊ីរ៉ង់ បានបាញ់មីស៊ីលផ្លោងទៅលើអ៊ីស្រាអែលដើម្បីសងសឹកចំពោះការទម្លាក់គ្រាប់បែកតាមអាកាសយ៉ាងខ្លាំងក្លាទៅលើទីក្រុងបេរូត របស់លីបង់កាលពីថ្ងៃអាទិត្យ ៧មិថុនា។ ទីក្រុងតេអេរ៉ង់បានហៅការវាយប្រហារនេះថាជា "ការព្រមាន" ដោយនិយាយថា "ការវាយប្រហារដ៏ខ្លាំងក្លា" បន្ថែមទៀតនឹងកើតឡើងប្រសិនបើអ៊ីស្រាអែលបន្តការវាយប្រហារលើប្រទេសលីបង់ ឬសងសឹកប្រឆាំងនឹងអ៊ីរ៉ង់។ អ៊ីស្រាអែលបានប្រញាប់ប្រញាល់ឆ្លើយតប ដោយលោក Netanyahu បានកោះប្រជុំវាយតម្លៃស្ថានភាពបន្ទាន់ និងត្រូវបានគេរាយការណ៍ថាកំពុងស្វែងរកភ្លើងខៀវដើម្បីវាយប្រហាររោងចក្រថាមពលរបស់អ៊ីរ៉ង់នៅក្នុងជំនួបតាមទូរស័ព្ទជាមួយលោក Trump។ លោក Trump បាននិយាយថា ការវាយប្រហាររបស់អ៊ីស្រាអែលទៅលើទីក្រុងបេរូតមិនត្រូវបានសម្របសម្រួលជាមួយទីក្រុងវ៉ាស៊ីនតោនទេ ហើយបានអំពាវនាវឱ្យភាគីទាំងពីរបង្ហាញការអត់ធ្មត់។ លោក Trump បានប្រាប់សារព័ត៌មាន Axios ថា រូបលោកនឹងទូរស័ព្ទទៅ Bibi ឥឡូវនេះ ហើយប្រាប់កុំឱ្យសងសឹក។ ពួកគេម្នាក់ៗមានភាពសប្បាយរីករាយរបស់ពួកគេ។ អ៊ីស្រាអែលមានការវាយប្រហាររបស់ខ្លួន ហើយអ៊ីរ៉ង់មានការវាយប្រហាររបស់ខ្លួន។ ពួកលោកមិនត្រូវការការវាយប្រហារមួយផ្សេងទៀតទេ៕

អ៊ីរ៉ង់ ច្រានចោលគំនិតនៃការប្រើប្រាស់ទ្រព្យសកម្មរបស់ខ្លួនដើម្បីសងសំណងការខូចខាតដល់សម្ព័ន្ធមិត្តអាមេរិក

លោក Kazem Gharibabadi អនុរដ្ឋមន្ត្រីការបរទេសអ៊ីរ៉ង់ បាននិយាយកាលពីថ្ងៃអាទិត្យ ទី៧ ខែមិថុនា ថា រដ្ឋាភិបាលក្នុងតំបន់ «ពុំមានជំហរដើម្បីទាមទារសំណងនោះទេ» ដោយឆ្លើយតបទៅនឹងអ្វីដែលលោកបាននិយាយថាត្រូវបានគេរាយការណ៍ថា សហរដ្ឋអាមេរិកអាចប្រើប្រាស់ទ្រព្យសកម្មរបស់អ៊ីរ៉ង់ដើម្បីសងសំណងដល់សម្ព័ន្ធមិត្តក្នុងតំបន់សម្រាប់ការខូចខាតទាក់ទងនឹងសង្គ្រាម។ លោក Gharibabadi បាននិយាយនៅក្នុងការបង្ហោះសារនៅលើបណ្តាញសង្គម X ថា ទ្រព្យសកម្មរបស់អ៊ីរ៉ង់ «ពុំមែនជាទ្រព្យសកម្មរឹបអូសក្នុងពេលសង្គ្រាមសម្រាប់ទីក្រុងវ៉ាស៊ីនតោន ឬមូលនិធិចំណាយសម្រាប់សម្ព័ន្ធមិត្តរបស់ខ្លួននោះទេ»។ ទីភ្នាក់ងារសារព័ត៌មាន Reuters បានរាយការណ៍ដោយដកស្រង់ប្រភពមួយដែលដឹងច្បាស់ពីបញ្ហាថា សហរដ្ឋអាមេរិក នឹងធ្វើឱ្យទ្រព្យសកម្មរបស់អ៊ីរ៉ង់អាចប្រើប្រាស់បានសម្រាប់សម្ព័ន្ធមិត្តឈូងសមុទ្រ ដើម្បីគាំទ្រដល់ការកសាងឡើងវិញ និងជួសជុលការខូចខាតនៅពេលអនាគត ដែលបង្កឡើងដោយអ៊ីរ៉ង់។ ប្រភពបាននិយាយថា សហរដ្ឋអាមេរិក ក៏នឹងពិចារណាការប្រើប្រាស់ទ្រព្យសកម្មទាំងនោះដើម្បីគាំទ្រដល់ការជួសជុលសម្រាប់ការខូចខាតកន្លងមកផងដែរ ដោយនិយាយបន្ថែមថា រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បានដឹកនាំក្រុមមួយវាយតម្លៃពីការខូចខាតដែលបានបង្កឡើងរួចហើយដោយអ៊ីរ៉ង់លើសម្ព័ន្ធមិត្តឈូងសមុទ្រ។ ក្នុងអំឡុងពេលសង្គ្រាម អ៊ីរ៉ង់បានបើកការវាយប្រហារដោយមីស៊ីល និងយានដ្រូនលើប្រទេសឈូងសមុទ្រជាច្រើន ដោយនិយាយថាខ្លួនកំពុងកំណត់គោលដៅលើមូលដ្ឋានរបស់សហរដ្ឋអាមេរិក និងអ៊ីស្រាអែល នៅក្នុងតំបន់នោះ។

បណ្ដាញសង្គម

ព័ត៌មានថ្មីៗ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877