BTV NEWS

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

ព័ត៌មានអន្តរជាតិ

ក្រុមអ្នកជួយសង្គ្រោះបញ្ឈប់ការស្វែងរកបុរសពីរនាក់ចុងក្រោយដែលបាត់ខ្លួនក្នុងរូងភ្នំនៅឡាវ

ក្រុមស្វែងរក និងជួយសង្គ្រោះនៅក្នុងប្រទេសឡាវបានបញ្ឈប់ការស្វែងរកបុរសពីរនាក់ដែលជាប់ នៅក្នុងរូងភ្នំ ត្រូវបានលិចទឹកជម្រៅពាក់កណ្តាល ។ ការស្វែងរកត្រូវបានបញ្ឈប់កាលពីថ្ងៃសៅរ៍ ៦ មិថុនា មួយសប្តាហ៍បន្ទាប់ពីក្រុមអ្នកជួយសង្គ្រោះបានរកឃើញបុរសប្រាំនាក់ផ្សេងទៀតដែលជាប់នៅក្នុងរូងភ្នំកាលពីថ្ងៃទី២០ ខែឧសភាថ្មីៗនេះ ខណៈពួកគេកំពុងបរបាញ់សត្វប្រចៀវជាអាហារ និងស្វែងរកមាសនៅក្នុងតំបន់នោះ។ បុរសម្នាក់ត្រូវបានអ្នកមុជទឹកស្រង់ចេញកាលពីថ្ងៃទី ២៩ ខែឧសភា ហើយបន្ទាប់មកមនុស្សបួននាក់ទៀត ត្រូវបាននាំចេញ ក្រោយពីទឹកត្រូវបានបូមចេញពីរូងភ្នំដែលលិចទឹកនោះ។ទោះបីជាមានការស្វែងរកយ៉ាងយកចិត្តទុកដាក់ដោយក្រុមក្នុងស្រុក និងអន្តរជាតិមកពីប្រទេសហ្វាំងឡង់ បារាំង ឥណ្ឌូនេស៊ី ម៉ាឡេស៊ី ជប៉ុន និងអូស្ត្រាលីក៏ដោយ ក៏បុរសពីរនាក់ដែលនៅសល់មិនទាន់អាចរកឃើញដែរ។លោក Lee Kian Lie អ្នកជំនាញមុជទឹករូងភ្នំមកពីប្រទេសម៉ាឡេស៊ី ដែលជាផ្នែកមួយនៃប្រតិបត្តិការជួយសង្គ្រោះនេះ បានប្រាប់ទីភ្នាក់ងារសារព័ត៌មាន AFP ថា ទឹកនៅក្នុងរូងភ្នំអាចគ្រប់គ្រងបានរួចហើយ ប៉ុន្តែច្រកចូលរូងភ្នំចាប់ផ្តើមមានស្ថានភាពមិនស្ថិតស្ថេរ៕

មនុស្ស៧នាក់ស្លាប់ក្នុងការវាយប្រហាររបស់អ៊ីស្រាអែលលើជំរំតង់នៅទីក្រុងហ្កាហ្សា

មនុស្សយ៉ាងហោចណាស់៧ នាក់ ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែលលើជំរំតង់នៅទីក្រុងហ្កាហ្សា ដែលជាកន្លែងស្នាក់នៅរបស់ជនភៀសខ្លួន នេះបើយោងតាមក្រុមការពារជនស៊ីវិលរបស់ហ្កាហ្សា។ប្រភពមួយនៅមន្ទីរពេទ្យ al-Shifa បានប្រាប់ក្រុមអ្នកសារព័ត៌មាន Al Jazeera នៅនឹងកន្លែងកើតហេតុថា មនុស្សយ៉ាងហោចណាស់មនុស្ស១៥ នាក់បានរងរបួសនៅក្នុងការវាយប្រហារកាលពីថ្ងៃសៅរ៍ ដោយមនុស្សជាច្រើនកំពុងត្រូវបានព្យាបាលនៅក្នុងបន្ទប់ថែទាំរបស់មន្ទីរពេទ្យ។អ្នកសារព័ត៌មានរបស់Al Jazeera លោក Hani Mahmoud ដែលរាយការណ៍ពីទីក្រុងហ្កាហ្សាបាននិយាយថា ស្ត្រី និងកុមារត្រូវបានគេជឿថាស្ថិតក្នុងចំណោមជនរងគ្រោះ ។លោក Mahmoud បាននិយាយ ការវាយប្រហារដោយយានដ្រូនរបស់អ៊ីស្រាអែល បានបង្កឱ្យមានការផ្ទុះដ៏ធំមួយ និងស្ថានភាពភ័យស្លន់ស្លោ នៅឯបរិវេណសាលារៀនរបស់អង្គការសហប្រជាជាតិ ដែលកែប្រែជាទីកន្លែងស្នាក់នៅរបស់ជនភៀសខ្លួន ។លោកបានបន្ថែមថា ការវាយប្រហារនេះបានកំណត់គោលដៅជំរំតង់មួយ នៅជាប់នឹងជំរំតង់មួយទៀត ហើយហាក់ដូចជាមានពិធីមង្គលការមួយកំពុងកើតឡើងនៅពេលនោះ៕

អ៊ីស្រាអែល បន្តបាញ់ស្រោចលើលីបង់សម្លាប់មនុស្ស ១២ នាក់ រួមទាំងមន្ត្រីជាន់ខ្ពស់ដោយមិនខ្វល់ពីបទឈប់បាញ់

មន្ត្រីយោធាជាន់ខ្ពស់លីបង់មួយចំនួនស្ថិតក្នុងចំណោមមនុស្សយ៉ាងហោចណាស់ ១២ នាក់ដែលត្រូវបានសម្លាប់ក្នុងការវាយប្រហាររបស់អ៊ីស្រាអែលនៅទូទាំងភាគខាងត្បូងប្រទេសលីបង់ ប៉ុន្មានថ្ងៃបន្ទាប់ពីប្រទេសទាំងនោះបានយល់ព្រមលើបទឈប់បាញ់តាមលក្ខខណ្ឌក្នុងអំឡុងពេលចរចាសម្របសម្រួលដោយសហរដ្ឋអាមេរិក។ កងទ័ពលីបង់បាននិយាយថា ឧត្តមសេនីយ៍ឯកម្នាក់ ប្រធានក្រុមម្នាក់ និងទាហានម្នាក់ បានស្លាប់នៅក្នុងការវាយប្រហាររបស់អ៊ីស្រាអែលលើយានយន្តយោធាមួយនៅលើផ្លូវ Khardali-Nabatieh។កងទ័ពអ៊ីស្រាអែលបាននិយាយថា ការវាយប្រហារកាលពីថ្ងៃសៅរ៍គឺស្ថិតនៅក្នុង "តំបន់ប្រយុទ្ធសកម្ម" ហើយថា "ចលនានៅក្នុងតំបន់ប្រយុទ្ធតម្រូវឱ្យមានការសម្របសម្រួល" ជាមួយកងទ័ពអ៊ីស្រាអែល។ ពួកគេបានបន្ថែមថា ឧបទ្ទវហេតុនេះ នៅតែស្ថិតក្រោមការស៊ើបអង្កេត។ កងទ័ពលីបង់បាននិយាយថា ការបន្តការឈ្លានពានដ៏ឃោរឃៅរបស់អ៊ីស្រាអែលដោយចេតនា និងម្តងហើយម្តងទៀត មានគោលបំណងរារាំងកិច្ចខិតខំប្រឹងប្រែងទាំងអស់មិនឲ្យឈានដល់ដំណោះស្រាយ។ប្រធានាធិបតីលីបង់ លោក Joseph Aoun បានថ្កោលទោសការវាយប្រហារនេះថាជា ការរំលោភបំពានយ៉ាងធ្ងន់ធ្ងរលើអធិបតេយ្យភាពលីបង់ និងច្បាប់ និងបទដ្ឋានអន្តរជាតិ៕

អាមេរិក និងអ៊ីរ៉ង់ វាយប្រហារដាក់គ្នាជាថ្មី ក្នុងការដុតបញ្ឆេះភាពតានតឹងចុងក្រោយនៅតំបន់ឈូងសមុទ្រ

យោធាអាមេរិកបាននិយាយថា កងកម្លាំងអាមេរិកបានវាយប្រហារទីតាំងរ៉ាដាតាមឆ្នេរសមុទ្ររបស់អ៊ីរ៉ង់កាលពីថ្ងៃសៅរ៍ ៦ មិថុនា បន្ទាប់ពីបានបាញ់ទម្លាក់យានដ្រូនដែលបាញ់ដោយអ៊ីរ៉ង់ឆ្ពោះទៅច្រកសមុទ្រ Hormuz នៅក្នុងការកើនឡើងភាពតានតឹងចុងក្រោយដែលធ្វើអោយស្មុគស្មាញដល់កិច្ចខិតខំប្រឹងប្រែងដើម្បីបញ្ចប់សង្គ្រាមរវាងប្រទេសទាំងពីរ។ មន្ត្រីអាមេរិកម្នាក់បានប្រាប់សារព័ត៌មានរ៉យទ័រថា យោធាអាមេរិកជឿថា យានដ្រូនរបស់អ៊ីរ៉ង់ទាំងបួនគ្រឿងកំពុងតម្រង់គោលដៅលើចរាចរណ៍ដែនសមុទ្រក្នុងតំបន់។ ទីបញ្ជាការកណ្តាលរបស់សហរដ្ឋអាមេរិកបាននិយាយនៅលើបណ្ដាញសង្គម X ថា បន្ទាប់មកសហរដ្ឋអាមេរិកបានវាយប្រហារទីតាំងឃ្លាំមើលរបស់អ៊ីរ៉ង់នៅទីក្រុង Goruk និងកោះ Qeshm ដែលទាំងពីរនៅលើច្រកសមុទ្រ Hormuz ។ក្រសួងការបរទេសអ៊ីរ៉ង់បាននិយាយថា សកម្មភាពរបស់សហរដ្ឋអាមេរិកបានបំបែកបទឈប់បាញ់កាលពីថ្ងៃទី ៨ ខែមេសា ដោយបន្ថែមថាការរំលោភបែបនេះម្តងហើយម្តងទៀតបង្ហាញថាទីក្រុងវ៉ាស៊ីនតោនមិនមានចេតនាកាត់បន្ថយភាពតានតឹងនោះទេ។ ប្រទេសនេះបានព្រមានថាសហរដ្ឋអាមេរិកនឹងទទួលខុសត្រូវចំពោះផលវិបាកនៃសកម្មភាពខុសច្បាប់របស់ខ្លួន និងការកើនឡើងបន្ថែមទៀត។ចំណែកកងឆ្មាំបដិវត្តន៍អ៊ីរ៉ង់ឯណោះវិញបាននិយាយថា ខ្លួនបានកំណត់គោលដៅមូលដ្ឋានទ័ពអាមេរិកក្នុងប្រទេសកូវ៉ែត និងបារ៉ែន ជាការសងសឹកចំពោះការវាយប្រហាររបស់អាមេរិក និងបានបាញ់ទៅលើនាវាដឹកប្រេងចំនួនបួន ដែលប៉ុនប៉ងឆ្លងកាត់ច្រកសមុទ្រដោយគ្មានការអនុញ្ញាត។កងទ័ពរបស់កូវ៉ែតបាននិយាយកាលពីថ្ងៃសៅរ៍ថា ខ្លួនបានបាញ់មីស៊ីលផ្លោង៧គ្រាប់ ដែលបានហោះកាត់តំបន់លំនៅឋាន បណ្តាលឱ្យមានការខូចខាតសម្ភារៈ ប៉ុន្តែមិនមានអ្នករងរបួសនោះទេ។ នៅបារ៉ែន ស៊ីរ៉ែនប្រកាសអាសន្នបានបន្លឺឡើង ហើយអ្នកស្រុកត្រូវបានជំរុញឱ្យស្វែងរកទីជម្រកមានសុវត្ថិភាព៕

កូរ៉េខាងជើងបញ្ជាក់ពីឋានៈជារដ្ឋនុយក្លេអ៊ែរឡើងវិញ មួយថ្ងៃមុន ដំណើរទស្សនកិច្ចរបស់ប្រធានាធិបតីចិន

ទីភ្នាក់ងារសារព័ត៌មានរដ្ឋ KCNA បាននិយាយនៅថ្ងៃអាទិត្យ ៧ មិថុនានេះ ថា លោកស្រី Kim Yo Jong ដែលជាប្អូនស្រីរបស់មេដឹកនាំកូរ៉េខាងជើង លោក Kim Jong Un បាននិយាយថា កូរ៉េខាងជើងនឹងមិនដើរថយក្រោយពីឋានៈរបស់ខ្លួនជារដ្ឋមានអាវុធនុយក្លេអ៊ែរឡើយ ដោយព្រមានថា ខ្លួននឹងមិនអត់ធ្មត់ចំពោះការគំរាមកំហែងណាមួយឡើយ។ប្រធានាធិបតីចិនលោក Xi Jinping គ្រោងនឹងទៅបំពេញទស្សនកិច្ចនៅកូរ៉េខាងជើងចាប់ពីថ្ងៃចន្ទ ដល់ថ្ងៃអង្គារដើមសប្ដាហ៍ក្រោយនេះ សម្រាប់កិច្ចប្រជុំកំពូលមួយ ដែលជាដំណើរទស្សនកិច្ចលើកដំបូងរបស់លោកទៅកាន់កូរ៉េខាងជើងក្នុងរយៈពេលជិតប្រាំពីរឆ្នាំ ខណៈទីក្រុងប៉េកាំងសម្លឹងមើលការពង្រឹងទំនាក់ទំនងជាមួយទីក្រុងព្យុងយ៉ាង ដែលជាសម្ព័ន្ធមិត្តសន្ធិសញ្ញាផ្លូវការតែមួយគត់របស់ប្រទេសចិន។លោកស្រី Kim Yo Jong បានហៅការអះអាងធ្វើឡើងដោយសហរដ្ឋអាមេរិកថា លោក Xi និងប្រធានាធិបតីអាមេរិកលោក Donald Trump បានបញ្ជាក់អំពីគោលដៅក្នុងការរំសាយអាវុធនុយក្លេអ៊ែរក្នុងអំឡុងពេលកិច្ចប្រជុំកំពូលខែឧសភាថ្មីៗថា "មិនពិត" ដោយបន្ថែមថា ខ្លួនមាន "ព័ត៌មានត្រឹមត្រូវបំផុត" ទាក់ទងនឹងការអះអាងនេះ។លោកស្រីបាននិយាយថា គោលនយោបាយនៃការបន្តពង្រឹងការទប់ស្កាត់សង្គ្រាមនុយក្លេអ៊ែរស្វ័យការពារ ដូចដែលបានប្រកាសដោយប្រមុខរដ្ឋ គឺជាសេចក្តីសន្និដ្ឋានដែលមិនអាចកែប្រែវិញបាន និងចុងក្រោយបំផុត ដែលត្រូវតែអនុវត្តដោយគ្មានលក្ខខណ្ឌ៕

ឯកអគ្គរដ្ឋទូត៖ ប៉ាគីស្ថាននៅតែរក្សាទំនាក់ទំនងជាមួយរុស្ស៊ីជុំវិញបញ្ហាអ៊ីរ៉ង់

ឯកអគ្គរដ្ឋទូតប៉ាគីស្ថានប្រចាំប្រទេសរុស្ស៊ី លោក Faisal Niaz Tirmizi បានប្រាប់សារព័ត៌មាន TASS ក្នុងបទសម្ភាសន៍មួយនៅខាងក្រៅវេទិកាសេដ្ឋកិច្ចអន្តរជាតិនៅទីក្រុង St. Petersburg (SPIEF)ថា ទីក្រុងអ៊ីស្លាម៉ាបាដ នៅតែរក្សាទំនាក់ទំនងជានិច្ចជាមួយទីក្រុងមូស្គូទាក់ទងនឹងវិបត្តិជុំវិញអ៊ីរ៉ង់ រួមទាំងនៅក្នុងក្របខ័ណ្ឌនៃក្រុមប្រឹក្សាសន្តិសុខអង្គការសហប្រជាជាតិ។ លោកបាននិយាយថា៖«យើងតែងតែរក្សាទំនាក់ទំនងជាមួយសហព័ន្ធរុស្ស៊ី ទាំងនៅទីក្រុងមូស្គូ និងនៅទីក្រុងអ៊ីស្លាម៉ាបាដ ក៏ដូចជានៅទីក្រុងញូវយ៉កដែរ»។ «ប៉ាគីស្ថានគឺជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខ ដូច្នេះបេសកកម្មរបស់យើង និងតំណាងអចិន្ត្រៃយ៍របស់យើងនៅទីក្រុងញូវយ៉ក តែងតែរក្សាទំនាក់ទំនងជានិច្ចជាមួយសមភាគីទាំងអស់ នៅក្នុងក្រុមប្រឹក្សាសន្តិសុខ»។លោកឯកអគ្គរដ្ឋទូតបានបន្ថែមថា៖«ប្រសិនបើអ្នកបានឃើញគំរូនៃការបោះឆ្នោតរបស់ប៉ាគីស្ថាន នៅក្នុងក្រុមប្រឹក្សាសន្តិសុខ នោះលើកឡើងច្រើនអំពីកម្រិតនៃការយល់ដឹង និងការពិភាក្សាដែលកំពុងកើតឡើងរវាងប្រទេសទាំងពីរ»។វេទិកាសេដ្ឋកិច្ចអន្តរជាតិនៅទីក្រុង St. Petersburg បានប្រព្រឹត្តទៅនៅថ្ងៃទី ៣-៦ ខែមិថុនា។ ប្រធានបទឆ្នាំនេះគឺ «ការសន្ទនាជាក់ស្តែង៖ មាគ៌ាឆ្ពោះទៅរកអនាគតដ៏ស្ថិរភាព»។ កម្មវិធីវេទិកានេះចូលរួមចំណែក ដល់ការបង្កើតគំរូថ្មីនៃការអភិវឌ្ឍសកលលោក ស្របពេលមានការផ្លាស់ប្តូរជាបន្តបន្ទាប់នៃសេដ្ឋកិច្ច ពិភពលោក៕

CENTCOM៖ សហរដ្ឋអាមេរិកបានបាញ់ទម្លាក់មីស៊ីលអ៊ីរ៉ង់ដែលបាញ់ឆ្ពោះទៅប្រទេសកូវ៉ែត និងបារ៉ែន

យោធាសហរដ្ឋអាមេរិកបានស្ទាក់ចាប់មីស៊ីលផ្លោងជាច្រើនគ្រាប់ដែលបាញ់ដោយអ៊ីរ៉ង់ទៅកាន់ប្រទេសគុយវ៉ែត និងបារ៉ែន។ នេះបើយោងតាមបញ្ជាការកណ្តាលសហរដ្ឋអាមេរិក (CENTCOM)។CENTCOM បាននិយាយនៅលើបណ្តាញសង្គម X ថា៖«អ៊ីរ៉ង់បានបាញ់មីស៊ីលបាលីស្ទីកចំនួន ៧ គ្រាប់ឆ្ពោះទៅប្រទេសកូវ៉ែត និងបារ៉ែន ប៉ុន្មានម៉ោងបន្ទាប់ពីបញ្ជាការកណ្តាលសហរដ្ឋអាមេរិក បានបាញ់ទម្លាក់យានដ្រូនវាយប្រហារមួយផ្លូវរបស់អ៊ីរ៉ង់ចំនួន ៤គ្រឿង ដែលត្រូវបានបាញ់ឆ្ពោះទៅច្រកសមុទ្រហ័រមូស»។ «ការវាយតម្លៃដំបូងបង្ហាញថា មីស៊ីលចំនួន ៦ គ្រាប់ដែលបាញ់ដោយអ៊ីរ៉ង់ ត្រូវបានស្ទាក់ចាប់ ហើយមីស៊ីលទី៧ មិនបានទៅដល់គោលដៅ ដែលខ្លួនចង់បាននោះទេ»។CENTCOM បាននិយាយកាលពីពេលថ្មីៗនេះថា ពុំមានរបាយការណ៍ណាមួយអំពីគ្រោះថ្នាក់ដល់បុគ្គលិកសហរដ្ឋអាមេរិកនោះទេ។ ទីបញ្ជាការកណ្តាលកងនាវាទី ៥ របស់សហរដ្ឋអាមេរិកនៅបារ៉ែន មិនបានរងការខូចខាតទេ៕

លោក PUTIN៖ រុស្ស៊ីនឹងបន្តសាងសង់រោងចក្រនុយក្លេអ៊ែរនៅក្នុងប្រទេសអ៊ីរ៉ង់ នៅពេលស្ថានការណ៍ស្ងប់ស្ងាត់

ប្រធានាធិបតីរុស្ស៊ី វ្ល៉ាឌីមៀ ពូទីន បានថ្លែងនៅក្នុងសម័យប្រជុំពេញអង្គនៃវេទិកាសេដ្ឋកិច្ចអន្តរជាតិនៅទីក្រុង St. Petersburg (SPIEF) ថា រុស្ស៊ីនឹងបន្តការងារសាងសង់រោងចក្រនុយក្លេអ៊ែរ នៅក្នុងប្រទេស អ៊ីរ៉ង់ នៅពេលដែលស្ថានការណ៍ស្ងប់ស្ងាត់។ មេដឹកនាំរុស្ស៊ីរុបនេះ បានកត់សម្គាល់ថា៖«ជាទូទៅ នៅពេលដែលស្ថានការណ៍ស្ងប់ស្ងាត់ យើងមានបំណងបន្តធ្វើការជាមួយមិត្តភក្តិអ៊ីរ៉ង់របស់យើងលើការសាងសង់រោងចក្រនុយក្លេអ៊ែរទាំងនេះ។ ប៉ុន្តែនៅទីនេះផងដែរ ការបន្ធូរបន្ថយការព្រួយបារម្ភរបស់អ៊ីរ៉ង់ទាក់ទងនឹងការរឹតបន្តឹងលើគម្រោងនុយក្លេអ៊ែរដោយសន្តិវិធីរបស់ពួកគេ អាចដើរតួនាទីជាក់លាក់មួយ»។ លោកប្រធានាធិបតីបានសង្កត់ធ្ងន់ថា៖«យើងកំពុងធ្វើការជាមួយពួកគេ ហើយត្រៀមខ្លួនរួចជាស្រេចដើម្បីផ្តល់អ្វីគ្រប់យ៉ាងដែលចាំបាច់ រួមទាំងអ៊ុយរ៉ានីញ៉ូមចម្រាញ់រួមសម្រាប់ការផលិតថាមពលនុយក្លេអ៊ែរ»៕

សារព័ត៌មាន Politico ៖ ប្រទេសណាតូកំពុងពិភាក្សាអំពីកញ្ចប់ជំនួយហិរញ្ញវត្ថុចំនួន ៧០ ពាន់លានអឺរ៉ូសម្រាប់អ៊ុយក្រែន

កាសែត Politico បានរាយការណ៍ដោយដកស្រង់ប្រភពថា បណ្តាប្រទេសណាតូកំពុងពិភាក្សាអំពីគំនិតផ្តួចផ្តើមដើម្បីផ្តល់ជំនួយហិរញ្ញវត្ថុយោធាចំនួន ៧០ ពាន់លានអឺរ៉ូដល់អ៊ុយក្រែន ដែលអាចត្រូវបានប្រកាស ក្នុងអំឡុងពេលកិច្ចប្រជុំកំពូលមេដឹកនាំសម្ព័ន្ធយោធានេះ នៅទីក្រុងអង់ការ៉ា ក្នុងខែកក្កដា។ ក្នុងចំណោមចំនួនទឹកប្រាក់សរុប មានតែ ៤០ ពាន់លានអឺរ៉ូប៉ុណ្ណោះដែលនឹងជាការប្តេជ្ញាចិត្តផ្តល់មូលនិធិថ្មី។ ប្រាក់ចំនួន ៣០ ពាន់លានអឺរ៉ូដែលនៅសល់ គឺជាផ្នែកមួយនៃកញ្ចប់ជំនួយចំនួន ៩០ ពាន់លានអឺរ៉ូរបស់សហភាពអឺរ៉ុប។គំនិតផ្តួចផ្តើមនេះ ត្រូវបានស្នើឡើងដោយរដ្ឋាភិបាលអាល្លឺម៉ង់ ក្នុងខែឧសភា។ វារួមបញ្ចូលទាំងការបង្កើតយន្តការថ្មីដែលមានគោលបំណងបង្កើនតម្លាភាពទាក់ទងនឹងការចូលរួមវិភាគទានធ្វើឡើងដោយប្រទេសនីមួយៗ។ យោងតាមការសារព័ត៌មាននេះ ប្រទេសអឺរ៉ុបមួយចំនួនពីមុន បានត្អូញត្អែរថា ពួកគេកំពុងទទួលបន្ទុកមិនសមាមាត្រនៃការគាំទ្រសម្រាប់ទីក្រុងគីវ។យោងតាម Politico ការគាំទ្រសម្រាប់អ៊ុយក្រែនអាចក្លាយជាប្រធានបទសំខាន់មួយនៃកិច្ចប្រជុំកំពូលមេដឹកនាំណាតូ ដែលគ្រោងធ្វើ នៅថ្ងៃទី ៧-៨ ខែកក្កដា៕

អៀរឡង់ដាក់បម្រាមធ្វើដំណើរលើរដ្ឋមន្ត្រីអ៊ីស្រាអែលពីររូបមិនឲ្យចូលប្រទេសនេះ

នាយករដ្ឋមន្ត្រីអៀរឡង់ លោក Micheal Martin បានបញ្ជាក់នៅថ្ងៃសុក្រថា រដ្ឋមន្ត្រីក្រសួងយុត្តិធម៌ លោក Jim O'Callaghan បានដាក់បម្រាមធ្វើដំណើរលើរដ្ឋមន្ត្រីសន្តិសុខជាតិអ៊ីស្រាអែល លោក Itamar Ben-Gvir និងរដ្ឋមន្ត្រីក្រសួងហិរញ្ញវត្ថុ លោក Bezalel Smotrich មិនឲ្យចូលប្រទេសនេះ។ យោងតាមរបាយការណ៍ប្រព័ន្ធផ្សព្វផ្សាយអៀរឡង់ លោក Martin បានធ្វើការកត់សម្គាល់នៅឯកិច្ចប្រជុំកំពូល EU-តំបន់បាល់កង់ខាងលិច នៅទីក្រុង Tivat ប្រទេសម៉ុងតេណេហ្គ្រោ ជាកន្លែងដែលលោកបានរិះគន់សកម្មភាព និងសេចក្តីថ្លែងការណ៍របស់រដ្ឋមន្ត្រីអ៊ីស្រាអែលទាំងពីររូប ដោយនិយាយថា ពួកគេ គឺស្មើនឹងបំណងប្រាថ្នាចង់ឃើញការលុបបំបាត់ប្រជាជនប៉ាឡេស្ទីនចេញពីទឹកដីរបស់ពួកគេ។លោក Martin ក៏បាននិយាយផងដែរថា លោកជឿថា វិធានការបន្ថែមទៀត គួរតែត្រូវបានអនុវត្តប្រឆាំងនឹងពួកគេ នៅកម្រិតសហភាពអឺរ៉ុប។លោកបាននិយាយថា៖«តាមទស្សនៈរបស់ខ្ញុំ អាកប្បកិរិយារបស់ពួកគេ ក៏បង្ហាញពីភាពត្រឹមត្រូវនៃទណ្ឌកម្មនៅកម្រិតសហភាពអឺរ៉ុបផងដែរ» ដោយបន្ថែមថា អៀរឡង់ នឹងលើកឡើងពីបញ្ហានេះជាមួយដៃគូអឺរ៉ុបរបស់ខ្លួន៕

បណ្ដាញសង្គម

ព័ត៌មានថ្មីៗ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877