BTV NEWS

ប៉ាគីស្ថាន៖ អាមេរិក និងអ៊ីរ៉ង់នឹងពិភាក្សាកម្មវិធីមីស៊ីលបាលីស្ទិក និងបញ្ហានុយក្លេអ៊ែរ រយៈពេល ៦០ថ្ងៃខាងមុខ

រុស្ស៊ីស្វាគមន៍បទឈប់បាញ់អាមេរិក-អ៊ីរ៉ង់ ប៉ុន្តែបញ្ជាក់ថា សន្តិភាពយូរអង្វែងនឹងត្រូវការពេលវេលា

អ្នកការទូតជាន់ខ្ពស់រុស្ស៊ី៖ សហភាពអឺរ៉ុបមិនចាប់អារម្មណ៍នឹងការចរចាអំពីបញ្ហាអ៊ុយក្រែនទេ

ក្រសួងថាមពលអាមេរិក៖ ការដឹកជញ្ជូនប្រេង និងឧស្ម័នតាមរយៈច្រកសមុទ្រហ័រមូស បានវិលត្រឡប់ទៅកម្រិតមុនវិបត្តិវិញ

ព័ត៌មានអន្តរជាតិ

កូរ៉េខាងត្បូងរំពឹងថា ចិននឹងដើរតួនាទី «ស្ថាបនា» ដោយសារទស្សនកិច្ចរបស់លោក Xi នៅកូរ៉េខាងជើង

មុនពេលមានដំណើរទស្សនកិច្ចដែលបានគ្រោងទុករបស់ប្រធានាធិបតីចិន លោក Xi Jinping ទៅកាន់កូរ៉េខាងជើង ក្រសួងការបរទេសកូរ៉េខាងត្បូង នៅថ្ងៃសុក្រ (ទី៥ ខែមិថុនា ឆ្នាំ២០២៦) នេះ បានលើកឡើងថា ខ្លួនរំពឹងថា ប្រទេសចិននឹងដើរតួនាទី «ស្ថាបនា» ក្នុងការដោះស្រាយបញ្ហា ទាក់ទងនឹងឧបទ្វីបកូរ៉េ។នៅព្រឹកថ្ងៃសុក្រនេះ កូរ៉េខាងជើង និងចិន បានប្រកាសថា លោក Xi នឹងបំពេញទស្សនកិច្ចផ្លូវរដ្ឋរយៈពេល ២ថ្ងៃ នៅប្រទេសកូរ៉េខាងជើង ដោយចាប់ផ្តើមនៅថ្ងៃចន្ទ តាមការអញ្ជើញរបស់មេដឹកនាំកូរ៉េខាងជើង លោក Kim Jong-un។ក្រសួងការបរទេសកូរ៉េខាងត្បូង បានឲ្យដឹងនៅក្នុងសេចក្តីថ្លែងការណ៍មួយថា៖ «រដ្ឋាភិបាលសង្ឃឹមថា ការផ្លាស់ប្តូរទំនាក់ទំនង រវាងកូរ៉េខាងជើង និងចិន នឹងកើតឡើងតាមរបៀបដែលរួមចំណែកដល់សន្តិភាព និងស្ថិរភាព នៅឧបទ្វីបកូរ៉េ ហើយរំពឹងថា ប្រទេសចិននឹងដើរតួនាទីប្រកបដោយការស្ថាបនា ក្នុងការជួយដោះស្រាយបញ្ហា ទាក់ទងនឹងឧបទ្វីបកូរ៉េ»។ក្រសួងបានបន្ថែមថា៖ «យើងកំពុងរក្សាការទំនាក់ទំនងយ៉ាងជិតស្និទ្ធជាមួយភាគីចិន តាមរយៈបណ្តាញការទូត ជុំវិញបញ្ហាទាក់ទងនឹងឧបទ្វីបកូរ៉េ»៕

លោក Putin នៅតែបន្តជំហរតឹងរ៉ឹង លើសង្គ្រាមនៅអ៊ុយក្រែន តែថា គំនិតរបស់លោក Trump អាចនាំមកនូវសន្តិភាព

ប្រធានាធិបតីរុស្ស៊ី លោក Vladimir Putin កាលពីថ្ងៃព្រហស្បតិ៍ (ទី៤ ខែមិថុនា ឆ្នាំ២០២៦) បានបង្ហាញពីការប្រកាន់ខ្ជាប់នូវជំហរតឹងរ៉ឹងរបស់លោក ជុំវិញសង្គ្រាម នៅប្រទេសអ៊ុយក្រែន ហើយបាននិយាយថា កងទ័ពរបស់លោកកំពុងរុលទៅមុខជារៀងរាល់ថ្ងៃ នៅសមរភូមិ ប៉ុន្តែលោកក៏បានលើកឡើងផងដែរថាសំណើរបស់ប្រធានាធិបតីអាមេរិក លោក Donald Trump សម្រាប់សន្តិភាព អាចបញ្ចប់ការប្រយុទ្ធគ្នាបាន ប្រសិនបើទីក្រុងគីវត្រៀមខ្លួនរួចជាស្រេច ក្នុងការសម្របសម្រួល។លោក Putin បានធ្វើការអត្ថាធិប្បាយរបស់លោកទៅកាន់និពន្ធបណ្ដាញសារព័ត៌មានបរទេស ក្នុងនោះរួមមានទាំង Reuters ផងដែរ នៅក្រៅវេទិកាសេដ្ឋកិច្ចប្រចាំឆ្នាំរបស់រុស្ស៊ី ខណៈដែលប្រធានាធិបតីអ៊ុយក្រែន លោក Volodymyr Zelenskyy បានចេញផ្សាយលិខិតចំហមួយទៅកាន់លោក Putin ដែលលោកបានស្នើឲ្យមេដឹកនាំទាំង២ ជួបគ្នា ដើម្បីព្រមព្រៀងបញ្ចប់សង្គ្រាម ដោយព្រមានថា បើមិនដូច្នោះទេ ទីក្រុងគីវ ត្រៀមខ្លួនរួចជាស្រេច ដើម្បីប្រយុទ្ធ។អ្នកនាំពាក្យរបស់លោក Putin បាននិយាយថា ប្រមុខវិមានក្រឹមឡាំង បានដឹងអំពីសារនេះ ប៉ុន្តែមិនទាន់មានឱកាសពិនិត្យខ្លឹមសាររបស់វាឲ្យបានលម្អិតនៅឡើយទេ។ ចំណែកលោក Trump បានលើកឡើងថា វានឹងជារឿងប្រសើរខ្លាំងណាស់ ប្រសិនបើមេដឹកនាំទាំង២ ជួបគ្នា។អំឡុងពេលថ្លែងពីអ្វីដែលជាឆ្នាំទី៥ នៃសង្គ្រាមបណ្ដាលឲ្យមានមនុស្សស្លាប់ច្រើនបំផុត នៅតំបន់អឺរ៉ុប ចាប់តាំងពីសង្គ្រាមលោកលើកទី២ ជាជម្លោះមួយដែលរុស្ស៊ីគិតថា ខ្លួននឹងមានជ័យជម្នះយ៉ាងឆាប់រហ័សនោះ លោក Putin បាននិយាយថា អំណាចមនុស្ស ធនធានឧស្សាហកម្ម និងឆន្ទៈ គឺនៅខាងរុស្ស៊ី។យ៉ាងណាក្ដី លោក Putin បានប្រាប់ក្រុមនិពន្ធនាយករបស់បណ្ដាញព័ត៌មានថា លោកបានសង្កត់ធ្ងន់ទៅកាន់លោក Trump កាលពីឆ្នាំ២០២៥ ថា លោកបានត្រៀមខ្លួនរួចជាស្រេច ដើម្បីបញ្ចប់សង្គ្រាម តាមរយៈការទូត និងគោរពការសម្របសម្រួល តែមិនបានបញ្ជាក់លម្អិត៕

លោក Zelenskyy ចង់មានកិច្ចប្រជុំទល់មុខគ្នាជាមួយលោក Putin ខណៈកិច្ចចារចារុស្ស៊ី-អ៊ុយក្រែន ជាប់គាំង

កាលពីថ្ងៃព្រហស្បតិ៍ (ទី៤ ខែមិថុនា ឆ្នាំ២០២៦) តាមរយៈលិខិតចំហមួយទៅកាន់មេដឹកនាំរុស្ស៊ី ប្រធានាធិបតីអ៊ុយក្រែន លោក Volodymyr Zelenskyy បានស្នើឲ្យមានកិច្ចប្រជុំទល់មុខជាមួយលោក Vladimir Putin ដោយបញ្ជាក់ថា លោកក៏បានត្រៀមខ្លួនរួចជាស្រេចផងដែរ សម្រាប់ «បទឈប់បាញ់ពេញលេញ»។នេះគឺជាលិខិតមួយក្នុងចំណោមលិខិតមួយចំនួនតូចដែលលោក Zelenskyy បានអំពាវនាវដោយផ្ទាល់ទៅកាន់លោក Putin ចាប់តាំងពីមានការឈ្លានពានរបស់រុស្ស៊ី ក្នុងឆ្នាំ២០២២។ការចរចា រវាងរុស្ស៊ី និងអ៊ុយក្រែន បានជាប់គាំងអស់រយៈពេលជាច្រើនខែ ខណៈដែលដំណើរការដឹកនាំដោយសហរដ្ឋអាមេរិក នៅតែទៅមុខមិនរួចដោយសារតែសង្គ្រាមអ៊ីរ៉ង់។ ការចរចាជុំមុនៗ រវាងភាគីទាំង២ នៅទីក្រុងអ៊ីស្តង់ប៊ុល (ទួរគី) Abu Dhabi (អេមីរ៉ាតអារ៉ាប់រួម) និងហ្សឺណែវ (ស្វីស) មិនអាចសម្រេចបាននូវវឌ្ឍនភាព ជុំវិញបញ្ហាសំខាន់ ពាក់ព័ន្ធនឹងទឹកដី នៅក្នុងដំណោះស្រាយក្រោយសង្គ្រាមឡើយ។នៅក្នុងលិខិតនោះ ដែលត្រូវបានផ្សាយនៅលើគេហទំព័ររបស់ប្រធានាធិបតីអ៊ុយក្រែន លោក Zelenskyy បានលើកឡើងថា៖ «អ៊ុយក្រែនស្នើឲ្យបញ្ចប់សង្គ្រាមនេះ តាមរយៈការចូលរួមដោយផ្ទាល់ រវាងពួកយើង និងរូបអ្នក។ យើងកំពុងស្នើឲ្យមានកិច្ចប្រជុំមួយ»។លោកបានបន្ថែមថា៖ «អ៊ុយក្រែនបានត្រៀមខ្លួនរួចជាស្រេច សម្រាប់បទឈប់បាញ់ពេញលេញ ក្នុងអំឡុងពេលទាំងមូលនៃការចរចា»។ ហើយជាមួយគ្នានេះ មេដឹកនាំអ៊ុយក្រែនរូបនេះក៏បានស្នើឲ្យមានការដោះដូរអ្នកទោសសង្គ្រាម (ឈ្លើយសឹក) ទាំងអស់ ដោយបញ្ជាក់ថា ការធ្វើបែបនេះអាចជា «ការចាប់ផ្តើមដ៏ល្អមួយ ដើម្បីរំលត់ភ្លើងសង្គ្រាមនេះ»។យ៉ាងណាក្ដី មិនមានការអត្ថាធិប្បាយភ្លាមៗឡើយ ពីលោក Putin ដែលកំពុងបញ្ចប់កិច្ចប្រជុំជាមួយអ្នកសារព័ត៌មានបរទេសនៅទីក្រុង Saint Petersburg នៅពេលដែលលិខិតនោះត្រូវបានចេញផ្សាយជាសាធារណៈ៕

លោក Trump និយាយថា លោកគិតថា វឌ្ឍនភាពកំពុងកើតមានឡើង នៅប្រទេសលីបង់

កាលពីថ្ងៃព្រហស្បតិ៍ (ទី៤ ខែមិថុនា ឆ្នាំ២០២៦) ប្រធានាធិបតីអាមេរិក លោក Donald Trump បាននិយាយ ដោយបង្ហាញពីការជឿជាក់ថា វឌ្ឍនភាពកំពុងត្រូវមានឡើង រវាងប្រទេសលីបង់ និងអ៊ីស្រាអែល ហើយលីបង់សមនឹងទទួលបានសន្តិភាព។នៅក្នុងការិយាល័យប្រធានាធិបតី Oval Office លោក Trump បានប្រាប់អ្នកសារព័ត៌មានថា លោកបាននិយាយជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ហើយថា លោកពិតជាបាននិយាយជាមួយក្រុមហេសបូឡា អំពីរឿងនេះ។ លោកបានបន្ថែមថា៖ «ហើយខ្ញុំគិតថា វឌ្ឍនភាពកំពុងកើតមានឡើង។ វាបានកើតឡើងជាយូរមកហើយ»។គួរបញ្ជាក់ថា នៅព្រឹកថ្ងៃនោះ អគ្គលេខាធិការរបស់ក្រុមហេសបូឡា បានបញ្ជាក់ថា ក្រុមដែលគាំទ្រដោយអ៊ីរ៉ង់មួយនេះ បានបដិសេធកិច្ចព្រមព្រៀងនេះ ដែលត្រូវបានប្រកាសនៅក្នុងសេចក្តីថ្លែងការណ៍រួម សហរដ្ឋអាមេរិក-លីបង់-អ៊ីស្រាអែល បន្ទាប់ពីមានកិច្ចប្រជុំត្រីភាគី នៅទីក្រុងវ៉ាស៊ីនតោន។ប៉ុន្តែលោក Trump បាននិយាយថា ក្រុមនេះមិនបានបដិសេធកិច្ចព្រមព្រៀងនេះឡើយ។ លោកបានថ្លែងនៅឯសេតវិមានថា «ពួកគេនឹងមិនបដិសេធរូបលោកទេ ពួកគេមិនបានបដិសេធឡើយ»។ ប្រធានាធិបតីអាមេរិកបានបន្ថែមថា៖ «វាពិតជាល្អណាស់ប្រសិនបើប្រទេសលីបង់អាចមានភាពស្ងប់សុខខ្លះ។ ប្រទេសនេះស្ថិតក្នុងការវាយប្រហារអស់រយៈពេលជាច្រើនឆ្នាំមកហើយ»៕

ការវាយប្រហាររបស់អ៊ីស្រាអែល បានសម្លាប់មនុស្ស ៧នាក់នៅក្នុងទីក្រុង Tyre ភាគខាងត្បូងប្រទេស លីបង់

ប្រភពមួយមកពីអគ្គនាយកដ្ឋានការពារជនស៊ីវិលរបស់លីបង់ បានប្រាប់សារព័ត៌មាន AFP នៅថ្ងៃសុក្រនេះថា ការវាយប្រហាររបស់អ៊ីស្រាអែលពេញមួយយប់នៅទីក្រុង Tyre ភាគខាងត្បូងប្រទេសលីបង់ បានសម្លាប់មនុស្ស ៧នាក់ ទោះបីជាមានបទឈប់បាញ់ក្នុងសង្គ្រាមរវាងអ៊ីស្រាអែលនិងក្រុមហេសបូឡាក៏ ដោយ។ការវាយប្រហារមួយនៅជិតមន្ទីរពេទ្យ Jabal Amel បានសម្លាប់មនុស្ស ៤នាក់ របួស ៧នាក់ និងខូចខាតស្រាលដល់មន្ទីរពេទ្យ ខណៈដែលការវាយប្រហារមួយទៀតនៅកន្លែងផ្សេងទៀតនៅក្នុងទីក្រុងនេះ បានសម្លាប់មនុស្ស ៣ នាក់ និងរបួស ៥ នាក់ ក្នុងនោះមានកុមារ ២ នាក់។យោធាអ៊ីស្រាអែលបានព្រមានប្រជាជននៅភូមិចំនួនបី ភាគខាងជើងនៃទន្លេ Litani នៅភាគខាងត្បូងប្រទេសលីបង់ឲ្យជម្លៀសចេញនៅថ្ងៃសុក្រនេះ មុនពេលការវាយប្រហារដែលរំពឹងទុកប្រឆាំងនឹងក្រុមហេសបូឡាដែលគាំទ្រដោយអ៊ីរ៉ង់។លោក Avichay Adraee អ្នកនាំពាក្យកងទ័ពបានបង្ហោះនៅលើប្រព័ន្ធផ្សព្វផ្សាយ X ថា៖«ដើម្បីសុវត្ថិភាពរបស់អ្នក អ្នកត្រូវតែជម្លៀសផ្ទះរបស់អ្នកជាបន្ទាន់ ហើយផ្លាស់ចេញពីភូមិ និងទីប្រជុំជនយ៉ាងហោចណាស់ ១.០០០ ម៉ែត្រ ទៅកាន់តំបន់បើកចំហ។ អ្នកណាដែលនៅជិតក្រុមប្រតិបត្តិករហេសបូឡា សម្ភារៈរបស់ពួកគេ ឬអាវុធរបស់ពួកគេប្រឈមនឹងគ្រោះថ្នាក់ដល់ជីវិត៕

ប្រមុខការទូតទួរគីសម្តែងការសាទរចំពោះវឌ្ឍនភាពក្នុងកិច្ចចរចារវាងសហរដ្ឋអាមេរិក និងអ៊ីរ៉ង់

រដ្ឋមន្ត្រីការបរទេសទួរគី លោក Hakan Fidan បាននិយាយថា ទីក្រុងអង់ការ៉ាបានកត់សម្គាល់ពីវឌ្ឍនភាពដែលកំពុងលេចចេញពីការចរចារវាងទីក្រុងវ៉ាស៊ីនតោន និងទីក្រុងតេអេរ៉ង់ ហើយសង្ឃឹមថា លទ្ធផលជាក់លាក់នឹងសម្រេចបាន។ លោកបានចង្អុលបង្ហាញនៅក្នុងសន្និសីទសារព័ត៌មានមួយនៅប្រទេសបង់ក្លាដែស បន្ទាប់ពីពិភាក្សាជាមួយរដ្ឋមន្ត្រីការបរទេសនៃប្រទេសនេះ លោក Khalilur Rahman ថា៖«សង្គ្រាមអ៊ីរ៉ង់-អាមេរិកកំពុងមានផលប៉ះពាល់អវិជ្ជមានមិនត្រឹមតែទៅលើតំបន់របស់យើងប៉ុណ្ណោះទេ ប៉ុន្តែទៅលើពិភពលោកទាំងមូលផងដែរ។ យើងមានសេចក្តីសោមនស្សរីករាយក្នុងការកត់សម្គាល់ពីវឌ្ឍនភាពដែលត្រូវបានធ្វើឡើងនៅក្នុងកិច្ចចរចារវាងអ៊ីរ៉ង់ និងសហរដ្ឋអាមេរិក ហើយសង្ឃឹមថា ការចរចាទាំងនេះ នឹងនាំទៅរកលទ្ធផលជាក់ស្តែង ដែលរួមចំណែកដល់ការបង្កើតសន្តិភាព និងស្ថិរភាពយូរអង្វែង។ ការស្តារឡើងវិញនូវសេរីភាពនៃការធ្វើនាវាចរណ៍នៅច្រកសមុទ្រហ័រមូស និងការវិលត្រឡប់ទៅរកស្ថានភាពមុនសង្គ្រាម គឺចាំបាច់សម្រាប់សេដ្ឋកិច្ចពិភពលោក វិស័យថាមពល និងសន្តិសុខ»។ លោក Fidan បានកត់សម្គាល់ថា ប្រទេសទួរគីកំពុងពង្រឹងកិច្ចខិតខំប្រឹងប្រែងផ្នែកការទូត ដើម្បីជួយដោះស្រាយស្ថានភាព នៅឈូងសមុទ្រពែក្ស។ទន្ទឹមនឹងនេះ លោកបានលើកឡើងថា៖«ទោះបីជាមានវឌ្ឍនភាពក្នុងការចរចាក៏ដោយ ទីក្រុងអង់ការ៉ាមានការព្រួយបារម្ភយ៉ាងខ្លាំងអំពីការរំលោភបំពានបទឈប់បាញ់ម្តងហើយម្តងទៀត»។ លោកបានបន្ថែមថា៖ «សហគមន៍អន្តរជាតិគួរតែបង្ហាញពីឆន្ទៈរួមមួយ ដើម្បីបញ្ចប់សង្គ្រាមនេះ។ វាមានសារៈសំខាន់ខ្លាំងណាស់ក្នុងការទប់ស្កាត់អ៊ីស្រាអែលមិនឲ្យបំផ្លាញបទឈប់បាញ់នេះ»៕

លោក LAVROV ៖ អាជ្ញាធរហ្ស៊កហ្ស៊ីដឹងច្បាស់ពីផលវិបាកនៃការចូលរួមជាមួយសហភាពអឺរ៉ុប

រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បានថ្លែងក្នុងបទសម្ភាសន៍ជាមួយសារព័ត៌មាន Izvestia នៅខាងក្រៅវេទិកាសេដ្ឋកិច្ចអន្តរជាតិនៅទីក្រុង St. Petersburg (SPIEF)ថា ថ្នាក់ដឹកនាំបច្ចុប្បន្នរបស់ប្រទេសហ្សកហ្ស៊ី គឺជាអ្នកអនុវត្តជាក់ស្តែង ដែលយល់ពីផលវិបាកអវិជ្ជមាននៃការចូលជាសមាជិកសហភាពអឺរ៉ុបរបស់ប្រទេសនេះ។ លោករដ្ឋមន្ត្រីការបរទេសរុស្ស៊ី បាននិយាយថា៖«ថ្នាក់ដឹកនាំហ្ស៊កហ្ស៊ីបច្ចុប្បន្ន មានភាពជាក់ស្តែងណាស់ថា ពួកគេបញ្ជាក់ពីដំណើររបស់ពួកគេឆ្ពោះទៅរកសហភាពអឺរ៉ុប ប៉ុន្តែពួកគេយល់ថា បន្ទាប់មកពួកគេនឹងត្រូវឈប់ធ្វើជាប្រទេសដែលល្បីល្បាញ ដោយសារផលិតផលរបស់ខ្លួនទៀតហើយ»។«ប្រទេសកសិកម្មណាមួយដែលបានចូលរួមជាមួយសហភាពអឺរ៉ុប ក្នុងអំឡុងពេលរលកទី ២ ឬទី៣ នៃការពង្រីកខ្លួន បានបាត់បង់កសិកម្មរបស់ខ្លួន ពីព្រោះសហភាពអឺរ៉ុបមាន «ចៅហ្វាយ» ដែលមានកសិកម្មផ្ទាល់ខ្លួន កសិករផ្ទាល់ខ្លួន និងផលប្រយោជន៍ផ្ទាល់ខ្លួន។ លោកប្រធាននាយកដ្ឋានការទូតរុស្ស៊ី បាននិយាយថា ៧០% នៃពាណិជ្ជកម្មរបស់ហ្ស៊កហ្ស៊ីឥឡូវនេះ គឺជាមួយរុស្ស៊ី និងរដ្ឋឯករាជ្យផ្សេងទៀត ហើយភាគហ៊ុនសំខាន់ៗ ក៏ស្ថិតនៅជាមួយប្រទេសចិន និងប្រទេសដទៃទៀតដែរ។ លោកបានពន្យល់ថា៖«ទាំងអស់នេះ នឹងត្រូវសួរនាំ ប្រសិនបើហ្ស៊កហ្ស៊ីចូលរួមជាមួយសហភាពអឺរ៉ុប ដោយដឹងពីតម្រូវការអ្វីដែលទីក្រុងប្រ៊ុចសែលដាក់ចេញសម្រាប់អ្នកចំណូលថ្មី»។ «ពុំមែននិយាយពីការទាមទារឲ្យចូលរួមក្នុងទណ្ឌកម្មប្រឆាំងនឹងរុស្ស៊ី ការទាមទារឲ្យទទួលស្គាល់សកម្មភាពគោលនយោបាយការបរទេសទាំងអស់របស់គណៈកម្មការអឺរ៉ុប និងអ្វីៗផ្សេងទៀតទេ»៕

UN៖ កង្វះការផ្តល់មូលនិធិជំនួយ គំរាមកំហែងដល់ជីវិតរស់នៅរបស់ពលរដ្ឋក្នុងតំបន់ហ្កាហ្សា

អង្គការមនុស្សធម៌របស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ថា កង្វះមូលនិធិជំនួយសម្រាប់តំបន់ហ្កាហ្សា បង្កឱ្យមានការកាត់បន្ថយសេវាផ្សេងៗ ដែលកំពុងគំរាមកំហែងដល់ជនស៊ីវិលដែលខ្វះទឹកប្រើប្រាស់និងអនាម័យ។ការិយាល័យសម្របសម្រួលកិច្ចការមនុស្សធម៌អង្គការសហប្រជាជាតិ (OCHA) បាននិយាយថា រហូតដល់ជិតពាក់កណ្តាលឆ្នាំ ២០២៦នេះ មូលនិធិចំនួន ៤,១ ពាន់លានដុល្លារអាមេរិកដែលត្រូវការខណៈបានអំពាវនាវប្រចាំឆ្នាំសម្រាប់តំបន់ហ្កាហ្សា និងតំបន់វេស្តប៊ែង មានតិចជាង ១៥ ភាគរយ ទទួលបានពីមូលនិធិ។អង្គការ OCHA បាននិយាយនៅក្នុងការធ្វើបច្ចុប្បន្នភាពព័ត៌មានមនុស្សធម៌ប្រចាំថ្ងៃរបស់ខ្លួនថា «ជាលទ្ធផល សមត្ថភាពរបស់ដៃគូមនុស្សធម៌ក្នុងការរៀបចំផែនការ ការរៀបចំទីតាំងជំនួយជាមុន និងការឆ្លើយតបដោយប្រសិទ្ធភាព កំពុងចុះខ្សោយនៅពេលដែលប្រជាជនតំបន់ហ្កាហ្សាភាគច្រើនចំនួន ២,១ លាននាក់ នៅតែត្រូវបានជម្លៀសខ្លួន និងពឹងផ្អែកយ៉ាងខ្លាំងទៅលើសេវានានាពីផ្នែកមនុស្សធម៌។ការិយាល័យនេះបាននិយាយថា នៅចុងខែឧសភា កង្វះមូលនិធិបានបង្ខំឱ្យដៃគូមនុស្សធម៌ចំនួនបួនរបស់ខ្លួនចាប់ផ្តើមបញ្ឈប់ការដឹកជញ្ជូនទឹកនៅតំបន់ហ្កាហ្សា បណ្តាលឱ្យមនុស្សជាង ៣៣០.០០០ នាក់នៅទូទាំងទីតាំងចំនួន ២៥០កន្លែង ប្រឈមហានិភ័យនៃការបាត់បង់ប្រភពទឹកទទួលទានជាចម្បង ។

ប្រទេសហុងគ្រី បើកភ្លើងខៀវការចរចាដំណើរការចូលសហភាពអឺរ៉ុបរបស់ប្រទេសអ៊ុយក្រែន

នាយករដ្ឋមន្ត្រីហុងគ្រី លោក Peter Magyar បាននិយាយកាលពីថ្ងៃព្រហស្បតិ៍ថា ប្រទេសហុងគ្រី បានផ្តល់ការអនុម័តឲ្យអ៊ុយក្រែនបើកក្រុមចរចាដំណើរការចូលសហភាពអឺរ៉ុប លើកដំបូងរបស់ខ្លួន។ លោក Magyar បានថ្លែងនៅក្នុងសន្និសីទសារព័ត៌មានរួមគ្នាជាមួយសមភាគីអៀរឡង់ លោក Micheal Martin នៅទីក្រុង Budapest ថា «យើងអាចអនុម័តនៅក្នុងកម្រិតឯកអគ្គរដ្ឋទូត ក្នុងការបើកក្រុមចរចាលើកដំបូងដើម្បីចរចាដំណើរការចូលរបស់អ៊ុយក្រែនជាមួយសហភាពអឺរ៉ុប (EU)»។លោក Magyar និយាយថា ទីក្រុង Budapest បានឈានដល់កិច្ចព្រមព្រៀងជាមួយទីក្រុងគីវ ទាក់ទងនឹងសិទ្ធិភាសា វប្បធម៌ ការអប់រំ និងនយោបាយរបស់ជនជាតិភាគតិចហុងគ្រី នៅក្នុងតំបន់ Transcarpathia របស់អ៊ុយក្រែន។ លោកបាននិយាយបន្ថែមថា ដោយអ៊ុយក្រែន ប្តេជ្ញាអនុវត្តការផ្លាស់ប្តូរនីតិបញ្ញត្តិចាំបាច់ ប្រទេសហុងគ្រី គាំទ្រដល់ការបើកក្រុមចរចា។លោក Martin ជាប្រមុខរដ្ឋាភិបាលបរទេសដំបូងគេដែលបានទៅធ្វើទស្សនកិច្ចនៅទីក្រុង Budapest ចាប់តាំងពីការបង្កើតរដ្ឋាភិបាលហុងគ្រីថ្មី ដែលបានទៅដល់មុនពេលប្រទេសអៀរឡង់ចូលកាន់តំណែងជាប្រធានក្រុមប្រឹក្សាសហភាពអឺរ៉ុបប្តូរវេន នៅថ្ងៃទី១ ខែកក្កដា។លោក Magyar និយាយថា ហុងគ្រីផ្តល់តម្លៃវិធីសាស្រ្តជាក់ស្តែងរបស់ប្រទេសអៀរឡង់ចំពោះកិច្ចការអឺរ៉ុប និងគាំទ្រដល់កិច្ចខិតខំប្រឹងប្រែងដើម្បីពង្រឹងការប្រកួតប្រជែងរបស់ប្លុកនេះ ខណៈគោរពតម្លៃជាមូលដ្ឋានរបស់សហភាពអឺរ៉ុប។

កុងហ្គោ រាយការណ៍ពីការវាយប្រហារលើក្រុមបញ្ចុះសពអ្នកជំងឺអេបូឡា ខណៈករណីកើនឡើង

អង្គការសុខភាពពិភពលោក កំពុងបង្កើនការឆ្លើយតបរបស់ខ្លួនចំពោះការផ្ទុះឡើងជំងឺអេបូឡានៅក្នុងសាធារណរដ្ឋប្រជាធិបតេយ្យកុងហ្គោ ដោយនាំយកសម្ភារៈផ្គត់ផ្គង់ដែលត្រូវការចាំបាច់ទៅកាន់ជួរមុខក្នុងពេលគ្រាអាសន្នសុខភាព នៅសប្តាហ៍នេះ។មានរឿងរ៉ាវជាច្រើនកើតឡើងក្នុងពេលមានការវាយប្រហារដោយក្រុមអ្នកស្រុកទៅលើក្រុមអ្នកឆ្លើយតបជំងឺអេបូឡា។ ក្រសួងសុខាភិបាលរបស់ប្រទេស បាននិយាយថា អ្នកស្រុកបានវាយទៅលើក្រុមបញ្ចុះសពអ្នកជំងឺអេបូឡាមួយក្រុមនៅក្នុងខេត្ត South Kivu ក្នុងសប្តាហ៍នេះ ដែលបង្ខំឱ្យអ្នកឆ្លើយតប បោះបង់ចោលមឈូសដាក់សាកសព និងបង្កើនការព្រួយបារម្ភនៃការចម្លងវីរុសបន្ថែមទៀត។ការវាយប្រហារនេះ បានកំណត់គោលដៅទៅលើក្រុមអ្នកឆ្លើយតបជំនាញដែលបានទទួលការបណ្តុះបណ្តាលដើម្បីដោះស្រាយបញ្ចុះសាកសពដែលឆ្លងខ្ពស់ ក្រោមពិធីការតឹងរ៉ឹងដើម្បីការពារករណីឆ្លង។មន្ត្រីបាននិយាយថា សាកសពត្រូវបានដោះស្រាយជាបន្តបន្ទាប់ដោយសមាជិកសហគមន៍ ជាការអនុវត្តដែលមានហានិភ័យខ្ពស់ដែលអាចជំរុញឱ្យមានករណីឆ្លងថ្មី។យោងតាមទិន្នន័យរបស់ក្រសួងសុខាភិបាលបានឲ្យដឹងថា ប្រទេសកុងហ្គោ បានកត់ត្រាករណីឆ្លងជំងឺអេបូឡាដែលត្រូវបានបញ្ជាក់មានជាង៣៨០ករណី និងយ៉ាងហោចណាស់មានអ្នកស្លាប់៦៣នាក់ចាប់តាំងពីការផ្ទុះឡើងចុងក្រោយត្រូវបានប្រកាសនៅថ្ងៃទី១៥ ខែឧសភា។

បណ្ដាញសង្គម

ព័ត៌មានថ្មីៗ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

គណៈកម្មការទី៣ នៃរដ្ឋសភា ចុះសិក្សាឈ្វេងយល់អំពីវឌ្ឍនភាពការងារ និងបញ្ហាប្រឈមនៅខេត្តតាកែវ

តំណាង BNK Financial Group នៃសាធារណរដ្ឋកូរ៉េ ប្តេជ្ញាចិត្តខ្ពស់វិនិយោគវិស័យហិរញ្ញវត្ថុរយៈពេលវែងនៅកម្ពុជា

មន្ទីរការងារខេត្តស្វាយរៀងផ្សព្វផ្សាយច្បាប់ចរាចរណ៍ និងចលនាអ្នកបើកបរដឹកកម្មករឱ្យចូលធ្វើការបន្ថែម ឬបន្តសិក្សា ជំនាញវិជ្ជាជីវៈ

លោក TRUMP និយាយថា លោកអាចដោះស្រាយជម្លោះដកទ័ពរបស់អ៊ីស្រាអែលជាមួយលីបង់បាន

WSJ៖ លោក TRUMP កោះប្រជុំមន្ទីរបញ្ចកោណ និងក្រុមហ៊ុនការពារជាតិ ដើម្បីពិភាក្សាអំពីការបង្កើនការផលិតមីស៊ីល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

កូរ៉េខាងត្បូងរំពឹងថា ចិននឹងដើរតួនាទី «ស្ថាបនា» ដោយសារទស្សនកិច្ចរបស់លោក Xi នៅកូរ៉េខាងជើង

លោក Putin នៅតែបន្តជំហរតឹងរ៉ឹង លើសង្គ្រាមនៅអ៊ុយក្រែន តែថា គំនិតរបស់លោក Trump អាចនាំមកនូវសន្តិភាព

លោក Zelenskyy ចង់មានកិច្ចប្រជុំទល់មុខគ្នាជាមួយលោក Putin ខណៈកិច្ចចារចារុស្ស៊ី-អ៊ុយក្រែន ជាប់គាំង

លោក Trump និយាយថា លោកគិតថា វឌ្ឍនភាពកំពុងកើតមានឡើង នៅប្រទេសលីបង់

ការវាយប្រហាររបស់អ៊ីស្រាអែល បានសម្លាប់មនុស្ស ៧នាក់នៅក្នុងទីក្រុង Tyre ភាគខាងត្បូងប្រទេស លីបង់

ប្រមុខការទូតទួរគីសម្តែងការសាទរចំពោះវឌ្ឍនភាពក្នុងកិច្ចចរចារវាងសហរដ្ឋអាមេរិក និងអ៊ីរ៉ង់

លោក LAVROV ៖ អាជ្ញាធរហ្ស៊កហ្ស៊ីដឹងច្បាស់ពីផលវិបាកនៃការចូលរួមជាមួយសហភាពអឺរ៉ុប

UN៖ កង្វះការផ្តល់មូលនិធិជំនួយ គំរាមកំហែងដល់ជីវិតរស់នៅរបស់ពលរដ្ឋក្នុងតំបន់ហ្កាហ្សា

ប្រទេសហុងគ្រី បើកភ្លើងខៀវការចរចាដំណើរការចូលសហភាពអឺរ៉ុបរបស់ប្រទេសអ៊ុយក្រែន

កុងហ្គោ រាយការណ៍ពីការវាយប្រហារលើក្រុមបញ្ចុះសពអ្នកជំងឺអេបូឡា ខណៈករណីកើនឡើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

កូរ៉េខាងត្បូងរំពឹងថា ចិននឹងដើរតួនាទី «ស្ថាបនា» ដោយសារទស្សនកិច្ចរបស់លោក Xi នៅកូរ៉េខាងជើង

លោក Putin នៅ​តែ​បន្ត​​ជំហរតឹងរ៉ឹង លើសង្គ្រាមនៅអ៊ុយក្រែន តែ​ថា គំនិតរបស់លោក Trump អាចនាំមក​នូវ​​សន្តិភាព

លោក Zelenskyy ចង់​មានកិច្ចប្រជុំទល់មុខគ្នាជាមួយ​លោក​ Putin ខណៈកិច្ច​ចារចារុស្ស៊ី-អ៊ុយក្រែន ជាប់គាំង​

លោក Trump និយាយថា លោកគិតថា វឌ្ឍនភាពកំពុងកើត​មាន​ឡើង នៅ​​ប្រទេសលីបង់

ការវាយប្រហាររបស់អ៊ីស្រាអែល បានសម្លាប់មនុស្ស ៧នាក់នៅក្នុងទីក្រុង Tyre ភាគខាងត្បូងប្រទេស លីបង់

ប្រមុខការទូតទួរគីសម្តែងការសាទរចំពោះវឌ្ឍនភាពក្នុងកិច្ចចរចារវាងសហរដ្ឋអាមេរិក និងអ៊ីរ៉ង់

លោក LAVROV ៖ អាជ្ញាធរហ្ស៊កហ្ស៊ីដឹងច្បាស់ពីផលវិបាកនៃការចូលរួមជាមួយសហភាពអឺរ៉ុប

UN៖ កង្វះការផ្តល់មូលនិធិជំនួយ គំរាមកំហែងដល់ជីវិតរស់នៅរបស់ពលរដ្ឋក្នុងតំបន់ហ្កាហ្សា

ប្រទេសហុងគ្រី បើកភ្លើងខៀវការចរចាដំណើរការចូលសហភាពអឺរ៉ុបរបស់ប្រទេសអ៊ុយក្រែន

កុងហ្គោ រាយការណ៍ពីការវាយប្រហារលើក្រុមបញ្ចុះសពអ្នកជំងឺអេបូឡា ខណៈករណីកើនឡើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin នៅតែបន្តជំហរតឹងរ៉ឹង លើសង្គ្រាមនៅអ៊ុយក្រែន តែថា គំនិតរបស់លោក Trump អាចនាំមកនូវសន្តិភាព

លោក Zelenskyy ចង់មានកិច្ចប្រជុំទល់មុខគ្នាជាមួយលោក Putin ខណៈកិច្ចចារចារុស្ស៊ី-អ៊ុយក្រែន ជាប់គាំង

លោក Trump និយាយថា លោកគិតថា វឌ្ឍនភាពកំពុងកើតមានឡើង នៅប្រទេសលីបង់