BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត «យើងទាំងអស់គ្នាបានដឹងហើយថា ការចូលរួមថែរក្សាសិល្បៈវប្បធម៌ដ៏ផូរផង់របស់ជាតិយើងនេះ គឺជាតួនាទីរបស់ពលរដ្ឋគ្រប់ៗគ្នាទាំងអស់»

ឯកឧត្តមសាស្រ្តាចារ្យ ឈាង រ៉ា «ត្រូវឈ្នះលើខ្លួនយើង ដើម្បីយើងឈ្នះលើការងារ មានប្រៀបលើការងារ និងទទួលបានជោគជ័យ»

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតី កម្មវិធី «រាត្រីសមោសរសំពត់បត់ខ្មែរ» លើកទី២

សម្ដេចតេជោ ហ៊ុន សែន៖សម្រាប់កម្ពុជា ចិនគឺជាមិត្តដ៏ធំបំផុត ជាដៃគូ និងជាអ្នកគាំទ្រដ៏គួរទុកចិត្ត បំផុត

ព័ត៌មានជាតិ

ព្រះករុណាព្រះមហាក្សត្រ៖ «មិនអាចមានបុគ្គលណាមួយប្រមាថ ឬប្រទូសរ៉ាយព្រះពុទ្ធសាសនានៅក្នុងសម័យកាលសន្ដិភាពនេះបានឡើយ»

ភ្នំពេញ៖ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជបន្ទូលថា រាជរដ្ឋាភិបាលកម្ពុជា អាណត្តិទី៧ ដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានភាពឆ្លាសវៃ មានគោលនយោបាយ សមស្របទទួលបានការរីកចម្រើន និងស្ថិរភាពសង្គមល្អ ប្រសើរ។ អាស្រ័យហេតុនេះមិនអាចមានបុគ្គលណាមួយ ប្រមាថ ឬប្រទូសរ៉ាយ ព្រះពុទ្ធសាសនានៅក្នុងសម័យកាលសន្ដិភាពនេះបានឡើយ។ ព្រះករុណា ព្រះមហាក្សត្រ មានព្រះររាជបន្ទូលបែបនេះ ក្នុងឱកាសថ្លែងព្រះរាជសុន្ទរកថាក្នុងព្រះរាជពិធីសម្ពោធមហាកុដិសម្តេចព្រះសង្ឃរាជ ជួន ណាត និងវិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ ព្រមទាំងសមិទ្ធិនានាក្នុងវត្តឧណ្ណាលោម រាជធានីភ្នំពេញ នៅព្រឹកថ្ងៃទី១៧ ខែកុម្ភៈ ឆ្នាំ ២០២៥នេះ។ ព្រះករុណាព្រះមហាក្សត្រមានព្រះរាជបន្ទូលថា ជាតឹកតាងប្រវត្តិសាស្រ្ដ និងតួនាទីដ៏សំខាន់មិនអាចកាត់ថ្លៃបានរបស់វត្តឧណ្ណាលោម ទាំងទិដ្ឋភាពព្រះពុទ្ធសាសនា វប្បធម៌ និងប្រពៃណី គឺជាទីបណ្ដុះនូវព្រះធម៌របស់ព្រះសម្មាសម្ពុទ្ធដ៏ល្អឯក ហើយជាទីកន្លែងដែលបានផ្ដល់កំណើតដល់វចនានុក្រមខ្មែរតាមរយៈការលះបង់ដ៏ធំធេងរបស់សម្ដេចព្រះសង្ឃរាជ ជួន ណាត ពេញមួយព្រះជន្នរបស់ព្រះអង្គផងដែរ។ព្រះករុណាមានព្រះបន្ទូលបន្តថា ក្នុងបរិការណ៍នេះ តួនាទីដ៏លេចធ្លោរបស់វត្តអារាម ព្រះពុទ្ធសាសនា បានក្លាយទៅជាចលករមួយដែលមិនអាចកាត់ផ្ដាច់ចេញបានរវាងដំណើរជីវិតរបស់ប្រជាពលរដ្ឋខ្មែរប្រចាំថ្ងៃ និងការអភិឌ្ឍសង្គមជាតិ ដែលមានន័យថា «វត្តអារាម និងសង្គមគឺតែមួយ»។ ព្រះករុណា ព្រះមហាក្សត្រ មានព្រះរាជបន្ទូលថា៖«ក្នុងពេលបច្ចុប្បន្ននេះ រាជរដ្ឋាភិបាលកម្ពុជា អាណត្តិទី៧ ដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានភាពឆ្លាសវៃ មានគោលនយោបាយ សមស្របទទួលបានការរីកចម្រើន និងស្ថិរភាពសង្គមល្អ ប្រសើរ។ អាស្រ័យហេតុនេះ មិនអាចមានបុគ្គលណាមួយ ប្រមាថ ឬប្រទូសរ៉ាយ ព្រះពុទ្ធសាសនានៅក្នុងសម័យកាលសន្ដិភាពនេះបានឡើយ»។ ក្នុងឱកាសនេះដែរព្រះករុណា ព្រះមហាក្សត្រ បានមានព្រះរាជបន្ទូលកោតសរសើរ ដល់សប្បុរសជននានា និងពុទ្ធបរិស័ទ ដែលបានជួយកសាង ជួសជុលមហាកុដិ សម្តេចព្រះសង្ឃរាជ ជួន ណាត និងវិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ ព្រមទាំងសមិទ្ធិនានាក្នុងវត្តឧណ្ណាលោមតាំងពីដំណាក់កាលដំបូងរហូតថ្ងៃសម្ពោធនេះបានល្អប្រពៃ៕

ព្រះករុណាព្រះមហាក្សត្រ ថ្លែងអំណរគុណសម្តេចតេជោដែលបានខិតខំធ្វើឲ្យវិស័យព្រះពុទ្ធសាសនាមានព្រលឹងឡើងវិញ

ព្រះករុណា ព្រះមហាក្សត្រនៃព្រះរាជាណាចក្រកម្ពុជា ព្រះបាទសម្តេចព្រះបរមនាថ នរោត្តម សីហមុនី បានមានព្រះរាជបន្ទូលថ្លែងអំណរគុណ និងកោតសរសើរចំពោះសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាប្រធានឧត្តមក្រុមប្រឹក្សាផ្ទាល់ព្រះមហាក្សត្រ ដែលបានខិតខំធ្វើឲ្យព្រះពុទ្ធសាសនា និងវត្តអារាមខ្មែរមានព្រលឹង និងរស់ឡើងវិញដូចសព្វថ្ងៃនេះ។ក្នុងឱកាសស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធមហាកុដិសម្តេចព្រះសង្ឃរាជ ជួន ណាត និងវិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ ព្រមទាំងសមិទ្ធិនានាក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ រាជធានីភ្នំពេញ នាថ្ងៃទី១៧ ខែកុម្ភៈ ឆ្នាំ២០២៥នេះព្រះ ករុណាព្រះមហាក្សត្រព្រះអង្គបានមានព្រះរាជបន្ទូលទៀតថា សម្តេចតេជោ ហ៊ុន សែន គឺជាស្ថាបនិកដ៏ អស្ចារ្យប៉ិនប្រសប និងឈ្លាសវៃក្នុងការធ្វើឲ្យព្រះពុទ្ធសាសនា និងវត្តអារាមមានភាពរីកចម្រើនជាបន្តបន្ទាប់ ដែលនាំឲ្យមានស្ថិរភាពសង្គម និងសុខសន្តិភាពក្រោមបាវចនា ជាតិ សាសនា ព្រះមហាក្សត្រ។ក្នុងឱកាសនោះដែរ ព្រះករុណាព្រះមហាក្សត្រព្រះអង្គក៏បានថ្លែងកោតសរសើរចំពោះការដឹកនាំ របស់រាជរដ្ឋាភិបាលកម្ពុជាអាណត្តិទី៧ ដែលមានសម្តេចធិបតី ហ៊ុន ម៉ាណែត ជាប្រមុខដឹកនាំ មានគោល នយោបាយច្បាស់លាស់ និងសមស្របទទួលបានការរីកចម្រើន និងស្ថិរភាពសង្គមល្អប្រសើរ ខណៈអាស្រ័យហេតុនេះគ្មានបុគ្គលណាមួយប្រមាថ ឬប្រទូសរាយចំពោះព្រះពុទ្ធសាសនានៅសម័យកាលនៃសុខ សន្តិភាពនេះបាននោះឡើយ។ព្រះករុណាព្រះមហាក្សត្រព្រះអង្គក៏បានថ្លែងអំណរអរគុណ និងកោតសរសើរដល់សប្បុរសជននា នារួមទាំងពុទ្ធបរិស័ទ ដែលបានករសាង និងជុះជុលមហាកុដ្ឋសម្តេចព្រះសង្ឈរាជ ជូន ណាត និងវិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ ព្រមទាំងសមិទ្ធិនានាក្នុងវត្តឧណ្ណាលោម តាំងពីដំណាក់កាលដំបូងរហូតដល់បានរួចជាស្ថាពរបានយ៉ាងល្អប្រពៃនេះផងដែរ៕ អត្ថបទ៖ បាន ចក់

ចលនាផ្តាច់ខ្លួនរបស់សមាជិកបក្សប្រឆាំងនៅតែបន្តកើតមានដូចភ្លៀងរលឹម

បើទោះបីក្រុមក្បាលរឹងជ្រុលនិយមមួយក្តាប់តូចនៅតែចិញ្ចឹមចិត្តវាយប្រហារមកលើរាជរដ្ឋាភិបាលនិងក្រុមគ្រួសាររបស់សម្តេចតាមរយៈឧបាយកលពិសពុលដ៏ខ្មៅកខ្វក់នានា ប៉ុន្តែបេក្ខជនជាក្រុមប្រឹក្សា សមាជិក សមាជិកគណបក្សប្រឆាំងនៅតាមមូលខេត្ត រាជធានី ខេត្ត ក្រុង ស្រុកខណ្ឌទូទាំងប្រទេសបានក្លាយជាចលនាផ្តាច់ខ្លួនដូចទឹកបាក់ទំនប់ដោយសុំចូលមករួមរស់ជាមួយគណបក្សប្រជាជនកម្ពុជា។ជាក់ស្តែងកាលពីម្សិលមិញនេះ តាមប្រភពតេឡេក្រាមផ្លូវការរបស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាត្រូវបានគេមើលឃើញមានបេក្ខជនជាក្រុមប្រឹក្សាគណបក្សភ្លើងទៀនឃុំកំពង់អុស ស្រុកជលគិរី ខេត្តកំពង់ឆ្នាំងចំនួន១០រូប សកម្មជនគណបក្សភ្លើងទៀនភូមិខ្នាច ឃុំគុស ស្រុកត្រាំកក់ ខេត្តតាកែវចំនួន៦រូប បានគោរពស្នើសម្តេចតេជោ ហ៊ុន សែន សុំចូលមករួមរស់ជាមួយគណបក្សប្រជាជនកម្ពុជាវិញ។ក្នុងការគោរពស្នើសុំនេះ ពួកគាត់បានបង្ហាញអំពីការដែលបានសម្រេចចាកចេញពីបក្សប្រឆាំងមករួមរស់ជាមួយគណបក្សប្រជាជនកម្ពុជាវិញនេះដោយសារតែអស់ជំនឿលើគោលនយោបាយ និងការដឹកនាំរបស់គណបក្សខ្លួនដែលជានិច្ចកាលតែងតែញុះញង់លាបពណ៌រាជរដ្ឋាភិបាលបង្កអស្ថិរភាព ដើម្បីតែការផ្តួលរំលំរាជរដ្ឋាភិបាលដែលមិនបានគិតអំពីសេចក្តីសុខរបស់ពលរដ្ឋ និងផលប្រយោជន៍ជាតិជាធំសូម្បីតែបន្តិច។សូមបញ្ជាក់ថា ចលនាផ្តាច់ខ្លួនរបស់មន្ត្រីថ្នាក់ដឹកនាំ សកម្មជន សមាជិក សមាជិការបស់បក្សប្រឆាំងសុំចូលមករួមរស់ជាមួយគណបក្សប្រជាជនកម្ពុជាបើគិតចាប់តាំងពីក្រោយការបោះឆ្នោតឆ្នាំ២០១៨មកមានរហូតដល់រាប់ម៉ឺននាក់។នេះបើតាមឯកឧត្តម សុខ ឥសាន សមាជិកព្រឹទ្ធសភា និងជាអ្នកនាំពាក្យរបស់គណបក្សប្រជាជនកម្ពុជាបានឱ្យBTV News ដឹងកាលពីពេលកន្លងមកនេះ៕ អត្ថបទ៖ មុត សុទ្ធ

ព្រះមហាក្សត្រ៖ វត្តអារាមបានដើរតួនាទីជំរុញបណ្តុះសីលធម៌ គុណធម៌ដល់សង្គមខ្មែរទាំងមូល

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានមានព្រះរាជបន្ទូលថា វត្តអារាម នៃព្រះពុទ្ធសាសនា បានរួមវិភាគទានដល់សង្គមខ្មែរតាំងតែពីបុរាណ កាលរហូតដល់សព្វថ្ងៃនេះ ខណៈវត្តអារាមនេះគឺជាទីកន្លែងដើរតួនាទីយ៉ាងសំខាន់ក្នុងការបណ្តុះសីលធម៌ និងគុណធម៌សង្គមខ្មែរ និងជាទីកន្លែងបណ្តុះបណ្តាលអប់រំទាំងផ្លូវកាយ និងផ្លូវចិត្ត និងកសាងធនធាន មនុស្សឲ្យមានចំណេះដឹងជាដើម។ក្នុងឱកាសស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធមហាកុដិសម្តេចព្រះសង្ឃរាជ ជួន ណាត និងវិទ្យាស្ថានស្រាវជ្រាវ និងអភិរក្សសាស្ត្រាស្លឹករឹតខ្មែរ ព្រមទាំងសមិទ្ធិនានាក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ រាជធានីភ្នំពេញ នាថ្ងៃទី១៧ ខែកុម្ភៈ ឆ្នាំ២០២៥នេះព្រះ ករុណាព្រះមហាក្សត្រព្រះអង្គបានមានព្រះរាជបន្ទូលថា ក្នុងបរិការនេះតួនាទីលេចធ្លោររបស់វត្តអារាមព្រះ ពុទ្ធសាសនា បានក្លាយទៅជាជលករមួយ ដែលមិនអាចកាត់ផ្តាច់ចេញបានទាំងដំណើរជីវិតពលរដ្ឋខ្មែរប្រ ចាំថ្ងៃ និងការអភិវឌ្ឍសង្គមជាតិ ដែលមានន័យថា«វត្តអារាម និងសង្គមគឺតែមួយ»។ព្រះករុណាព្រះមហាក្សត្រព្រះអង្គបានមានព្រះរាជបន្ទូលទៀតថា តាំងពីអតីតកាលរហូតដល់បច្ចុបន្នកាល វត្តអារាមបានជួយផ្តល់កន្លែងស្នាក់នៅ បួស រៀនសូត្រ ចំណេះដឹងទូទៅដល់អ្នកដែលមាន ការខ្វះខាត ដោយក្នុងចំណោមនោះមានមួយចំនួនបានក្លាយទៅជាថ្នាក់ដឹកនាំគ្រប់ជាន់ថ្នាក់ក្នុងការបម្រើរដ្ឋផងដែរ៕ អត្ថបទ៖ បាន ចក់

រយៈពេល៥ថ្ងៃ អ្នកជំងឺជិត៧ពាន់នាក់ ទទួលបានសេវាព្យាបាលដោយឥតគិតថ្លៃ ពីក្រុមគ្រូពេទ្យស្ម័គ្រចិត្តរបស់សមាគមសុខាភិបាលខ្មែរអាមេរិក

រយៈពេល៥ថ្ងៃ គិតចាប់ពីថ្ងៃទី១០ ដល់ថ្ងៃទី១៥ ខែកុម្ភៈ ឆ្នាំ២០២៥ អ្នកជំងឺប្រមាណជិត ៧ពាន់នាក់ បានមកទទួលសេវាព្យាបាលជំងឺដោយឥតគិតថ្លៃ ពីក្រុមគ្រូពេទ្យស្ម័គ្រចិត្តរបស់សមាគមសុខាភិបាលខ្មែរអាមេរិក នៅតាមមន្ទីពេទ្យបង្អែក ចំនួន៣ ក្នុងខេត្តក្រចេះ ។ ប្រធានមន្ទីរសុខាភិបាលខេត្តខេត្តក្រចេះ លោក វេជ្ជបណ្ឌិត ងី ប៊ុន ឡែន បានអោយដឹងថា ក្រុមគ្រូពេទ្យសមាគមសុខាភិបាលខ្មែរនៅអាមេរិក (CHPAA) សហការជាមួយក្រុមគ្រូពេទ្យ នៃមន្ទីរសុខាភិបាលនៃរដ្ឋបាលខេត្តក្រចេះបានចុះពិនិត្យព្យា បាលជំងឺ ដោយឥតគិតថ្លៃជូនដល់បងប្អូនប្រជាពលរដ្ឋក្នុងខេត្តក្រចេះរយៈពេល៥ថ្ងៃ គឺមានអ្នកជំងឺចំនួន៦៧១១នាក់បានមកទទួលសេវាព្យាបាល។ លោក វេជ្ជបណ្ឌិត បន្តរថាក្នុងរយៈពេល៥ថ្ងៃនោះ ក្រុមគ្រូរពេទ្យបានចុះព្យាបាលនៅតាមមន្ទីរពេទ្យបង្អែកចំនួន៣ នៅ ក្នុងខេត្តក្រចេះរួមមាន មន្ទីរ ពេទ្យបង្អែកខេត្តក្រចេះ មន្ទីរពេទ្យបង្អែកស្រុកឆ្លូង និងមន្ទីរពេទ្យបង្អែកស្រុកសំបូរ ដែលមានអ្នកជំងឺមកទទួលសេវាព្យាបាល សរុបចំនួន ៦,៧១១នាក់ ។ ក្នុងមានអ្នកជំងឺវះកាត់ចំនួន១៤៥នាក់ ជំងឺភ្នែកចំនួន២៧៥នាក់ ជំងឺធ្មេញ ចំនួន៩៤៣នាក់ និងអ្នកជំងឺទូទៅចំនួន ៥៣៤៨ នាក់ ក្រៅពី នោះក៍មានចាក់ម្ជុលវិទ្យាសាស្ត្រ និងចែកវ៉ែនតាជូនចាស់ៗ និង វ៉ែនតាការពារកម្ដៅថ្ងៃផងដែរ ៕ ដោយ សេង ម័រ

រាជរដ្ឋាភិបាលបានបញ្ចេញថវិកា៦០លានដុល្លារសម្រាប់ពង្រីកហេដ្ឋារចនាសម្ព័ន្ធទឹកស្អាតរយៈពេលបីឆ្នាំ

សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានប្រកាសថារាជរដ្ឋាភិបាលបានសម្រេចបញ្ចេញ ថវិកាចំនួន៦០លានដុល្លារក្នុងរយៈពេលបីឆ្នាំសម្រាប់ធ្វើការវិនិយោគពង្រីកហេដ្ឋារចនាសម្ព័ន្ធទឹកស្អាតនៅ ខេត្តចំនួនប្រាំ គឺខេត្តកំពត ខេត្តស្វាយរៀង ខេត្តកំពង់ធំ ខេត្តមណ្ឌលគីរី និងខេត្តពោធិ៍សាត់។តាមរយៈឆាណែលតេលេក្រាម នាព្រឹកនេះ សម្តេចធិបតី ហ៊ុន ម៉ាណែត នាយករដ្ឋមន្រ្តីបានឲ្យដឹងថា ការផ្គត់ផ្គង់ទឹកស្អាតជូនប្រជាពលរដ្ឋ គឺជាកិច្ចការមួយដែលរាជរដ្ឋាភិបាលបានយកចិត្តទុកដាក់ខ្លាំងជាច្រើនអាណត្តិមកហើយ។ ជាលទ្ធផលរាជរដ្ឋាភិបាលបានកសាងបណ្ដាញទឹកស្អាតដែលគ្របដណ្ដប់តំបន់ជាច្រើននៅតាមបណ្ដារាជធានី-ខេត្ត នៅទូទាំងប្រទេស។ ទោះជាយ៉ាងនេះក៏ដោយ ដោយសារកំណើនប្រជាពលរដ្ឋ ដែលធ្វើឱ្យតម្រូវការផ្គត់ផ្គង់ទឹកស្អាតកាន់តែមានច្រើនឡើងជាលំដាប់ ជាពិសេសនៅតំបន់ជនបទ និងតំបន់ដែលកកើតថ្មីៗជុំវិញទីក្រុង និងទីប្រជុំជនធំៗ។សម្តេចធិបតី នាយករដ្ឋមន្រ្តីបានបន្ថែមទៀតថា «ដើម្បីឆ្លើយតបនឹងការកើនឡើងនៃតម្រូវការរបស់ប្រជាពលរដ្ឋ រាជរដ្ឋាភិបាលបានធ្វើការវិនិយោគជាបន្តបន្ទាប់នៅក្នុងការបង្កើនសមត្ថភាពផលិតទឹកស្អាតផ្ដល់ជូនប្រជាពលរដ្ឋ។ ថ្មីៗនេះក្នុងនាមជាប្រមុខរាជរដ្ឋាភិបាល ខ្ញុំបានសម្រេចផ្ដល់ថវិកាចំនួន ៦០លានដុល្លារអាមេរិកក្នុងរយៈពេលបីឆ្នាំ តាមសំណើរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់ធ្វើការវិនិយោគពង្រីកហេដ្ឋារចនាសម្ព័ន្ធទឹកស្អាត និងបណ្ដាញទឹកស្អាត ដើម្បីផ្គត់ផ្គង់ជូនប្រជាពលរដ្ឋនៅ៥ខេត្ត ដែលរួមមាន ÷ ១/ រដ្ឋករទឹកកំពត ខេត្តកំពត ២/ រដ្ឋករទឹកស្វាយរៀង ខេត្តស្វាយរៀង ៣/ រដ្ឋករទឹកក្រុងស្ទឹងសែន ខេត្តកំពង់ធំ ៤/ រដ្ឋករទឹកមណ្ឌលគីរី ខេត្តមណ្ឌលគីរី ៥/ រដ្ឋករទឹកពោធិ៍សាត់ ខេត្តពោធិ៍សាត់»សម្តេចធិបតី បានប្រកាសទៀតថា រាជរដ្ឋាភិបាលនឹងបន្តកិច្ចការងារនេះ(ការពង្រីកប្រព័ន្ធទឹកស្អាត)ជាជំហានៗ រហូតដល់បណ្ដាញទឹកស្អាត មានលទ្ធភាពគ្របដណ្តប់ទូទាំងប្រទេសនៅថ្ងៃអនាគត។សូមបញ្ជាក់ថា ថវិកាចំនួន៦០លានដុល្លារសម្រាប់ពង្រីកប្រព័ន្ធទឹកស្អាតនេះ គឺមួយឆ្នាំរាជរដ្ឋាភិបាលផ្តល់ជូន២០លានដុល្លារអាមេរិក។ នេះបើតាមការបញ្ជាក់របស់សម្តេចធិបតី នាយករដ្ឋមន្រ្តីនៃកម្ពុជា៕ អត្ថបទ៖ បាន ចក់

សម្តេចធិបតី៖ ការចូលរួមទប់ស្កាត់បទល្មើសនេសាទមកពីគ្រប់ភាគីទាំងអស់ទើបទិន្នផលត្រីឆ្នាំនេះមានការកើនឡើង

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ទិន្នផលត្រីឆ្នាំនេះមានការកើនឡើងគួរឱ្យកត់សម្គាល់ ដែលធានាបាននូវបរិមាណត្រី និងតម្លៃសមរម្យសម្រាប់ប្រជាពលរដ្ឋទិញហូប ខណៈការកើនឡើងនេះគឺ ដោយសារតែមានការចូលរួមទប់ស្កាត់បទល្មើសនេសាទពីគ្រប់ភាគីទាំងអស់ ទាំងថ្នាក់ជាតិ និងថ្នាក់ក្រោមជាតិ។តាមរយៈឆាណែលតេលេក្រាម នាព្រឹកថ្ងៃទី១៧ ខែកុម្ភៈ ឆ្នាំ២០២៥នេះ សម្តេចធិបតី នាយករដ្ឋ មន្រ្តីបានថ្លែងថា «យើងអាចនិយាយបានថា កត្តារួមចំណែកមួយនៃការកើនឡើងនៃទិន្នផលត្រីឆ្នាំនេះ គឺដោយសារការខិតខំប្រឹងប្រែងរបស់ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ សមត្ថកិច្ចមូលដ្ឋាន និងមានការចូលរួមពីកងកម្លាំងនៃកងយោធពលខេមរភូមិន្ទ ក្នុងការសហការបង្ក្រាបបទល្មើសជលផលដែលបង្កដោយសកម្មភាពនេសាទខុសច្បាប់ទ្រង់ទ្រាយធំមួយចំនួន»។ សម្តេចធិបតី នាយករដ្ឋមន្រ្តីបានបន្ថែមទៀតថា លទ្ធផលនេះទទួលបានការសាទរយ៉ាងខ្លាំងពីប្រជានេសាទរបស់យើង ដែលកន្លងទៅបទល្មើសនេសាទទ្រង់ទ្រាយធំ បានធ្វើឱ្យប៉ះពាល់ដល់ទិន្នផលត្រីសម្រាប់ប្រជាជនជាអ្នកនេសាទតូចតាច។យ៉ាងណាក៏ដោយ សម្តេចធិបតី នាយករដ្ឋមន្រ្តីបានប្រកាសថ្លែងអំណរអរគុណដល់មន្ត្រីជំនាញ ទាំងថ្នាក់ជាតិ និងក្រោមជាតិ អាជ្ញាធរមូលដ្ឋាន និងកងកម្លាំងប្រដាប់គ្រប់ប្រភេទ ដែលបានរួមគ្នាធ្វើកិច្ចការនេះដើម្បីផលប្រយោជន៍សម្រាប់ប្រជានេសាទយើង និងលើកកម្ពស់ប្រសិទ្ធភាពក្នុងការគ្រប់គ្រងធនធានត្រីនៅកម្ពុជានោះ៕ អត្ថបទ៖ បាន ចក់

ឆ្លងចរន្តអគ្គិសនីបង្កជាអណ្ដាតភ្លើងឆេះហាងលក់ស្បែកជើង ខូចខាតសម្ភារៈក្នុងហាងស្ទើរតែទាំងស្រុង

ភ្នំពេញ៖ អគ្គិភ័យឆេះហាងលក់ស្បែកជើងអស់ស្ទើរទាំងស្រុង ខូចខាតសម្ភារៈមួយចំនួនធំ បង្កការភ្ញាក់ផ្អើលពលរដ្ឋយកបំពង់ពន្លត់អគ្គិភ័យជួយបាញ់ពន្លត់អណ្ដាតភ្លើងតែមិនអាចគ្រប់គ្រងបាន រហូតសមត្ថកិច្ចចេញរថយន្តមកបាញ់ពន្លត់។ ហេតុការណ៍នេះបានកើតឡើងនៅវេលាម៉ោង ០៣ រសៀលថ្ងៃទី១៦ ខែកុម្ភៈ ឆ្នាំ២០២៥ នៅចំណុចជាន់ទី០១ នៃហាងលក់ស្បែកជើង យីហោ « ហាដូ ស្តរ » ដែលស្ថិតតាមបណ្តោយផ្លូវ ៣១០ សង្កាត់បឹងកេងកងទី០២ ខណ្ឌបឹងកេងកង រាជធានីភ្នំពេញ ។តាមប្រភពព័ត៍មានពីពលរដ្ឋអ្នកឃើញហេតុការណ៍ បានអោយដឹងថា មុនពេលកើតហេតុពួកគាត់បានឃើញមានផ្សែងខ្មៅហ៊ុយឃ្មួលឃ្មាញ់ ចេញពីបន្ទប់ជាន់ទី០១ ផ្នែកខាងក្រោយ នៃហាងលក់ស្បែកខាងលើ ។ ភ្លាមៗ ពួកគាត់បានឮសំឡេង ស្រ្តីស្រែកអោយជួយចេញពីទីតាំងឆេះ ស្របពេលនោះពួកគាត់បាននាំរត់ទៅយកបំពង់ពន្លត់អគ្គិភ័យ មកជួយបាញ់ពន្លត់ នឹងបានចូលទៅជួយស្រ្តីដែលមានផ្ទៃពោះយកចុះមកក្រោមដោយសុវត្ថិភាព ។ ដោយស្ថានភាពពេលនោះ គឺមិនអាចគ្រប់គ្រងបានទេ ដោយសារមានផ្សែងច្រើន លាយឡំនឹងអណ្តាតភ្លើងឆាបឆេះសន្ធោសន្ធៅទៅហើយ ។ ទើបពួកគាត់រាយការណ៍ជូនសមត្ថកិច្ចជំនាញអគ្គិភ័យ ដើម្បីចេញរថយន្តពន្លត់អគ្គិភ័យមកជួយអន្តរាគមន៍អោយទាន់ពេលវេលា ជៀសវាងបង្កការរាលដាល ។ បើតាមការបញ្ជាក់ពីម្ចាស់ហាងបានបញ្ជាក់ថា ករណីឆាបឆេះនេះ គឺបណ្តាលមកពីឆ្លងចរន្តចេញពីកង្ហារស្រូបផ្សែង ។ ក្នុងហេតុការគ្រោះអគ្គិភ័យនេះដែរបានបង្កការខូចខាតបន្ទប់ស្ទីតយ៉ូចំនួន០១បន្ទប់ទាំងស្រុងរួមនឹងសម្ភារៈស្បែកជើងស្ទើទាំងស្រុង ហើយបានប្រើប្រាស់រថយន្តពន្លត់អគ្គិភ័យរបស់ ការិយាល័យពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ ចំនួន០៤ គ្រឿង បាញ់អោយរលត់ជាស្ថាពរ ។ ចំពោះមូលហេតុ សមត្ថកិច្ចសន្និដ្ឋានជំហានដំបូងអាចបណ្ដាលមកពីឆ្លងចរន្តអគ្គីសនី ៕ អត្ថបទ ៖ កុម្ភៈ

សមត្ថកិច្ចខេត្តស្វាយរៀងបង្ក្រាបឧក្រិដ្ឋកម្មគ្រឿងជនជាតិវៀតណាម៥នាក់ដកហូតគ្រឿងជិត៥គីឡូនិងអាវុធខ្លី៥ដើមនៅក្រុងបាវិត

ខេត្តស្វាយរៀង៖សមត្ថកិច្ចបើកកិច្ចប្រតិបត្តិការបង្ក្រាបករណីជួញដូរ រក្សាទុកប្រើប្រាស់ដោយខុសច្បាប់នូវសារធាតុញៀន និងកាន់កាប់រក្សាទុកអាវុធ គ្រាប់រំសេវដោយគ្មានការអនុញ្ញាត្តិ នៅក្រុងបាវិត ខេត្តស្វាយរៀង។បើតាមសមត្ថកិច្ចបានឲ្យដឹងថា៖ដោយអនុវត្តតាមបទបញ្ជាដ៍មុឺងម៉ាត់របស់លោកឧត្តមសេនីយ៍ទោ ពេជ្រ វីរ: ស្នងការនគរបាលខេត្ត និងដឹកនាំបញ្ជាផ្ទាល់ពីលោកឧត្តមសេនីយ៍ត្រី កែវ សុថា ស្នងការរង ទទួលផែនការងារប្រឆាំងគ្រឿងញៀន និងការសម្របសម្រួលផ្ទាល់ពីលោក ឡាយ ជុងហេង ព្រះរាជអាជ្ញារង អមសាលាដំបូងខេត្តស្វាយរៀង កាលពីថ្ងៃទី១៣-១៤ ខែកុម្ភះ ឆ្នាំ២០២៥ កម្លាំងជំនាញផែនការងារប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងបាវិត បានបើកប្រតិបត្តិការបង្ក្រាបករណីជួញដូរគ្រឿងញៀន និងកាន់កាប់រក្សាទុកអាវុធដោយខុសច្បាប់ និងបានឃាត់ខ្លួនជនសង្ស័យជាជនជាតិវៀតណាមចំនួន០៥ នាក់។ប្រភពបានបន្តទៀតថា៖ជនជាតិវៀតណាមដែលសមត្ថកិច្ចយើងបានធ្វើការឃាត់រួមមាន៖ ១.ហ្វាម ឌឹកគឿង ប្រុស អាយុ ២៨ ឆ្នាំ២.កាប ឌឹកអាញ់ ប្រុស អាយុ ៣៨ ឆ្នាំ៣.ង្វៀង វ៉ាន់ទូ ប្រុស អាយុ ២១ ឆ្នាំ៤. ង្វៀង វ៉ាន់មិ ប្រុស អាយុ ៣៣ ឆ្នាំ៥.ច្រឹង ដឹកម៉ាន់ ប្រុស អាយុ ២៥ ឆ្នាំហើយសម្ភារ:វត្ថុតាងដែលសមត្ថកិច្ចដកហូតបានរួមមាន៖ - ថ្នាំញៀនប្រភេទកេតាមីន ទម្ងន់ ១៦៩៣,៣៧ក្រាម - ថ្នាំញៀនប្រភេទ អុិចស្តាសុី ទម្ងន់ ២៣៤៣,៩៥ក្រាម - ថ្នាំញៀនប្រភេទមេតំហ្វេតាមីន ទម្ងន់ ៦៣៥,១៦ក្រាម(សរុបសារធាតុញៀនទម្ងន់ ៤៦២៨,៨៩ក្រាម) ៤kg៦២៨,៨៩g- អាវុធខ្លី០៥ ដើម បង់០៥ គ្រាប់៥៤ គ្រាប់- រថយន្ត ០១ គ្រឿង- ម៉ូតូ០២ គ្រឿង-លិខិតឆ្លងដែន ០២ ក្បាល - អត្ត/បណ្ណ័វៀតណាម០១ សន្លឹក- ប្រាក់ដុល្លា 1000$- ប្រាក់ដុង ៤.០០០.០០០ដុង រួមទាំងឧបករណ៍ សម្ភារប្រើប្រាស់គ្រឿងញៀនមួយចំនួនទៀត។បច្ចុប្បន្នជនសង្ស័យរួមជាមួយវត្ថុតាងត្រូវបានកម្លាំងជំនាញនៃស្នងការដ្ឋាននគរបាលខេត្តស្វាយរៀងបញ្ជូនទៅកាន់សាលាដំបូងខេត្តដើម្បីចាត់ការតាមនីតិវិធីច្បាប់។

ក្រុមការងាររាជរដ្ឋាភិបាល ចុះមូលដ្ឋានក្រុងរុនតាឯកតេជោសែន ធ្វើការផ្សព្វផ្សាយពីលទ្ធផលសន្និបាតបក្សដល់សមាជិក

ក្រុមការងាររាជរដ្ឋាភិបាល ចុះមូលដ្ឋាន ក្រុងរុនតាឯកតេជោ ខេត្ដសៀមរាប នៅថ្ងៃទី១៦ ខែកុម្ភៈ ឆ្នាំ២០២៥នេះ បានធ្វើការផ្សព្វផ្សាយពីលទ្ធផលនៃសន្និបាត គណៈកម្មាធិការកណ្ដាលលើកទី៤៥ អាណត្ដិទី៥ របស់គណបក្សប្រជាជនកម្ពុជា ដល់សមាជិកសមាជិការបស់ខ្លួន នៅសង្កាត់បល្ល័ង្ក ក្រុងរុនតាឯកតេជោសែន ខេត្ដសៀមរាប។លោក អ៊ឹង សុភ័ណ ប្រធានគណបក្សក្រុងរុនតាឯកតេជោសែន ខេត្ដសៀមរាប បានលើកឡើងនូវរបាយការណ៍ ពីសភាពការទូទៅ ការងារគណបក្សឆ្នាំ២០២៤ និងទិសដៅភារកិច្ចឆ្នាំ២០២៥ ដល់សមាជិកសមាជិកាឱ្យបានយល់កាន់តែច្បាស់ដែលគណបក្សប្រជាជនបានអនុវត្ដកន្លងមក។ លោកបានលើកឡើងថា ដើម្បីជំរុញការអនុវត្តកម្មវិធីនយោបាយរបស់គណបក្សសម្រាប់ការកសាង និងការពារមាតុភូមិ ឆ្នាំ២០២៣-២០២៨ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភាឱ្យកាន់តែមានប្រសិទ្ធភាព និងប្រសិទ្ធផលឆ្លើយតបទៅនឹងក្តីសង្ឃឹមទុកចិត្តរបស់ប្រជាជន អង្គការចាត់តាំងគណបក្សគ្រប់ថ្នាក់ គ្រប់ផ្នែក គ្រប់ស្ថាប័ន និងមន្ត្រីគ្រប់រូប ត្រូវយកចិត្តទុកដាក់អនុវត្តនូវទិសដៅភារកិច្ចសំខាន់ៗផងដែរ។ លោកបន្ដថា ទិសដៅការងារទូទៅ ត្រូវពង្រឹងធ្លុងមហាសាមគ្គីជាតិក្រោមបាវចនា ជាតិ សាសនា ព្រះមហាក្សត្រ ការពារយ៉ាងគត់មត់នូវ ឯករាជ្យ អធិបតេយ្យ និងបូរណភាពទឹកដី។ប្ដេជ្ញារថែរក្សា ពង្រឹង និងពង្រីកកិច្ចសហប្រតិបត្តិការជាមួយកង កម្លាំងនៃប្រទេសជាមិត្តជិតខាង ដើម្បីធានានូវសន្តិភាព និងការកសាងតំបន់ព្រំដែនប្រកបដោយមិត្តភាព សាមគ្គីភាព សហប្រតិបត្តិការ និងអភិវឌ្ឍន៍។ លោកថា ការពារដាច់ខាតនូវសន្តិភាព និងស្ថិរភាពនយោបាយ មិនឱ្យកម្លាំងអមិត្តណា ឬក្រុមជ្រុលនិយម ណាមកបង្កកលិយុគបំផ្លាញសន្តិភាព និងសេចក្តីសុខរបស់ប្រជាជនកម្ពុជាបានឡើយ។ ជាមួយគ្នានោះ ក៏ត្រូវអនុវត្តឱ្យបានខ្ជាប់ខ្ជួននូវពាក្យរស្លោក “អរគុណសន្តិភាព ហើយរួមគ្នា លើកកម្ពស់ -វប្បធម៌សន្តិភាព នៅកម្ពុជា ពិសេសការចូលរួមការពារ និងថែរក្សាឱ្យបានដាច់ខាតនូវ “សុខសន្តិភាព» ដែលជាអាយុជីវិតរបស់ជាតិ និងជាគ្រឹះដ៏មានតម្លៃបំផុតសម្រាប់ការអភិវឌ្ឍជាតិ និងភាពសុខ សាន្តរបស់ប្រជាជនកម្ពុជា។នាឱកាសនោះ ឯកឧត្ដម សែម រតនា ប្រធានក្រុមការងារគណបក្សចុះមូលដ្ឋាន ក្រុងរុនតាឯកតេជោសែន បានលើកឡើងនៃលទ្ធផលសន្និបាតគណៈកម្មាធិការកណ្តាលលើកទី៤៥អាណត្តិទី៥ របស់គណបក្សប្រជាជនកម្ពុជាផងដែរ។ ឯកឧត្ដម បានលើកឡើងថា សន្និបាតដែលធ្វើឡើងរយៈពេលពីរថ្ងៃនេះបានសម្រេចការងារជាច្រើន ដូចជា ពិភាក្សា និងអនុម័តរបាយការណ៍ស្តីពី «សភាពការណ៍ទូទៅ និងការងារគណបក្ស ឆ្នាំ២០២៤ និងទិសដៅភារកិច្ច ឆ្នាំ២០២៥»។ បោះឆ្នោតជ្រើសតាំងបំពេញបន្ថែមសមាជិកគណៈអចិន្ត្រៃយ៍នៃគណៈកម្មាធិការកណ្តាល ចំនួន៤រូប។ គាំទ្រទាំងស្រុងរបាយការណ៍បន្ថែមរបស់សម្តេចបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជាអំពី “ស្ថានការណ៍ទូទៅ ជាពិសេសការងារសេដ្ឋកិច្ច សង្គមបានជ្រួតជ្រាបយ៉ាងស៊ីជម្រៅនូវមតិដឹកនាំដ៏ខ្ពង់ខ្ពស់របស់ សម្តេចតេជោ ហ៊ុន សែន ប្រធានគណបក្ស ស្តីពីទស្សនៈសភាពការណ៍ជាតិ សភាពការណ៍អន្តរជាតិ និងទិសដៅការងារ របស់គណបក្សសម្រាប់រយៈពេលបន្ត។ ឯកឧត្ដមបន្ថែមថា អង្គសន្និបាតបានកត់សម្គាល់ប្រកបដោយមោទនភាពចំពោះសភាពការណ៍ទូទៅក្នុងឆ្នាំ២០២៤ ដែលធានាដល់ដំណើរការអភិវឌ្ឍន៍សេដ្ឋកិច្ច សង្គម និងការរស់នៅដ៏សុខសាន្តរបស់ប្រជាជននៅក្រោមម្លប់នៃសន្តិភាព។ ឯកឧត្ដមបញ្ជាក់ថា អំឡុងពេលនេះ ទោះបីត្រូវជួបការលំបាក ក៏រាជរដ្ឋាភិបាលនីតិកាលទី៧នៃរដ្ឋសភា ដែលជារាជរដ្ឋាភិបាលបន្តវេនរបស់គណបក្សប្រជាជនកម្ពុជា បានបំពេញបេសកកម្មដ៏ឧត្តុង្គឧត្តមជាប្រវត្តិសាស្ត្ររបស់ខ្លួន ដោយជោគជ័យ ក្នុងការដឹកនាំអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ ដែលបានឆ្លើយតប ទៅនឹងសេចក្តីសង្ឃឹម និងការជឿជាក់របស់ប្រជាជន។ ជាក់ស្តែង សន្តិភាព ស្ថិរភាពនយោបាយ អធិបតេយ្យជាតិ និងបូរណភាពទឹកដី ត្រូវបានរក្សាការពារយ៉ាងគត់មត់, សន្តិសុខ សណ្តាប់ធ្នាប់ និងសុវត្ថិភាពសង្គមមានភាពរឹងមាំ ព្រមជាមួយនឹងការធានាបាននូវស្ថិរភាពម៉ាក្រូសេដ្ឋកិច្ច ស្ថិរភាពហិរញ្ញវត្ថុសាធារណៈ និងស្ថិរភាពនៃជីវភាពរបស់ប្រជាជន៕

បណ្ដាញសង្គម

ព័ត៌មានថ្មីៗ

លោក Macron និយាយកែតម្រូវលោកTrump បន្ទាប់ពីលោកនិយាយថា EU ទទួលប្រាក់មកវិញពីអ៊ុយក្រែន

មេបញ្ជាការកងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក (USARPAC) វាយតម្លៃខ្ពស់ចំពោះកម្ពុជាដែលបញ្ជូនកងកម្លាំងថែរក្សាសន្តិភាពក្រោមឆ័ត្រអង្គការសហប្រជាជាតិ

ការិយាល័យនាយករដ្ឋមន្ត្រីអ៊ីស្រាអែល៖ អ្នកឈ្នះការបោះឆ្នោត អញ្ជើញលោក Netanyahu ទៅអាល្លឺម៉ង់

អ៊ុយក្រែន៖ កិច្ចពិភាក្សា ស្តីពីកិច្ចព្រមព្រៀងរ៉ែជាមួយអាមេរិក ស្ថិតក្នុងដំណាក់កាលចុងក្រោយ

នាយករដ្ឋមន្រ្តីអេស្ប៉ាញប្រកាសកញ្ចប់ជំនួយយោធាថ្មីជាង ១ពាន់លានដុល្លារដល់អ៊ុយក្រែន

រដ្ឋមន្រ្តីការបរទេសរុស្ស៊ី និងទួរគី ពិភាក្សាលើបញ្ហាសង្រ្គាមអ៊ុយក្រែនអំឡុងជំនួបនៅទីក្រុងអង់ការ៉ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ព្រះករុណាព្រះមហាក្សត្រ ថ្លែងអំណរគុណសម្តេចតេជោដែលបានខិតខំធ្វើឲ្យវិស័យព្រះពុទ្ធសាសនាមានព្រលឹងឡើងវិញ

ចលនាផ្តាច់ខ្លួនរបស់សមាជិកបក្សប្រឆាំងនៅតែបន្តកើតមានដូចភ្លៀងរលឹម

ព្រះមហាក្សត្រ៖ វត្តអារាមបានដើរតួនាទីជំរុញបណ្តុះសីលធម៌ គុណធម៌ដល់សង្គមខ្មែរទាំងមូល

រាជរដ្ឋាភិបាលបានបញ្ចេញថវិកា៦០លានដុល្លារសម្រាប់ពង្រីកហេដ្ឋារចនាសម្ព័ន្ធទឹកស្អាតរយៈពេលបីឆ្នាំ

សម្តេចធិបតី៖ ការចូលរួមទប់ស្កាត់បទល្មើសនេសាទមកពីគ្រប់ភាគីទាំងអស់ទើបទិន្នផលត្រីឆ្នាំនេះមានការកើនឡើង

ឆ្លងចរន្តអគ្គិសនីបង្កជាអណ្ដាតភ្លើងឆេះហាងលក់ស្បែកជើង ខូចខាតសម្ភារៈក្នុងហាងស្ទើរតែទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ចលនាផ្តាច់ខ្លួនរបស់សមាជិកបក្សប្រឆាំងនៅតែបន្តកើតមានដូចភ្លៀងរលឹម

ព្រះមហាក្សត្រ៖ វត្តអារាមបានដើរតួនាទីជំរុញបណ្តុះសីលធម៌ គុណធម៌ដល់សង្គមខ្មែរទាំងមូល

រាជរដ្ឋាភិបាលបានបញ្ចេញថវិកា៦០លានដុល្លារសម្រាប់ពង្រីកហេដ្ឋារចនាសម្ព័ន្ធទឹកស្អាតរយៈពេលបីឆ្នាំ

ឆ្លងចរន្តអគ្គិសនីបង្កជាអណ្ដាតភ្លើងឆេះហាងលក់ស្បែកជើង ខូចខាត​សម្ភារៈ​ក្នុង​ហាង​ស្ទើរ​តែទាំង​ស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឆ្លងចរន្តអគ្គិសនីបង្កជាអណ្ដាតភ្លើងឆេះហាងលក់ស្បែកជើង ខូចខាតសម្ភារៈក្នុងហាងស្ទើរតែទាំងស្រុង