BTV NEWS

ឯកឧត្តមសាស្ត្រាចារ្យរដ្ឋមន្ត្រីក្រសួងសុខាភិបាល ធ្វើបាឋកថាលើភាពជាអ្នកដឹកនាំស្តីពី «វិធីសាស្រ្តនៃការគិតពិចារណាតាមបែបវិចារវិទ្យា” ផ្នែកទី៣

អភិបាលខេត្តកណ្តាល ចូលរួមចុះប្រតិបត្តិការបោសសម្អាតគ្រាប់បែកទម្លាក់ពីយន្តហោះ គ្រាប់បែកចង្កោម និងគ្រាប់មិនទាន់ផ្ទុះសំណល់សង្គ្រាម ដើម្បីគាំទ្រផ្តល់សុវត្ថិភាពសម្រាប់ដំណើរការជីកព្រែកហ្វូណនតេជោ

BREAKING NEWS ÷ សម្ដេចតេជោ ហ៊ុន សែន នឹងអវត្តមានក្នុងអង្គប្រជុំពេញអង្គព្រឹទ្ធសភាស្អែក, ការចូលគាល់ព្រះមហាក្សត្រនៅថ្ងៃទី២៨ កុម្ភៈ និងកិច្ចប្រជុំមួយចំនួនទៀតដោយសារសម្ដេចឆ្លងកូវីដ-១៩

ក្រុមការងារបច្ចេកទេសបន្តចុះពិនិត្យការដ្ឋានគម្រោងសាងសង់ស្ពានមិត្តភាពកម្ពុជា-កូរ៉េ

ព័ត៌មានជាតិ

រយៈពេល១៥ថ្ងៃខែកុម្ភៈសាលាដំបូងរាជធានី-ខេត្តចាត់ការលើសំណុំរឿងក្មេងទំនើង ៣៨ ករណី ឃាត់ខ្លួនជនសង្ស័យ ១៣៩ នាក់

ភ្នំពេញ៖ អ្នកនាំពាក្យក្រសួងយុត្តិធម៌សូមជម្រាបជូនសាធារណជនទាំងអស់ជ្រាបថា ក្នុងរយៈពេល ១៥ថ្ងៃ គិតពីថ្ងៃទី១ ខែកុម្ភៈ ដល់ថ្ងៃទី១៥ ខែកុម្ភៈ ឆ្នាំ២០២៥ សាលាដំបូង និងអយ្យការអមសាលាដំបូងរាជធានីខេត្ត បានទទួលចាត់ការលើសំណុំរឿងករណីក្មេងទំនើងចំនួន ៣៨ ករណី មានជនសង្ស័យចំនួន ២១៥ នាក់ តុលាការបានធ្វើការឃាត់ខ្លួនជនសង្ស័យបានចំនួន ១៣៩ នាក់ ដែលពាក់ព័ន្ធនឹងបទ "ហិង្សាដោយចេតនាមានស្ថានទម្ងន់ទោស, ធ្វើឱ្យខូចខាតដោយចេតនា និងបទកាន់កាប់អាវុធដោយគ្មានការអនុញ្ញាត"។អ្នកនាំពាក្យក្រសួងយុត្តិធម៌ សូមថ្លែងអំណរគុណយ៉ាងជ្រាលជ្រៅដល់អាជ្ញាធរមានសមត្ថកិច្ច ព្រមទាំងសាលាដំបូង និងអយ្យការអមសាលាដំបូងរាជធានីខេត្ត ដែលបានចាត់វិធានការក្នុងការអនុវត្តច្បាប់យ៉ាងម៉ឺងម៉ាត់ក្នុងសំណុំរឿងពាក់ព័ន្ធករណីក្មេងទំនើង ប្រកបដោយស្មារតីយកចិត្តទុកដាក់ និងការទទួលខុសត្រូវខ្ពស់ដើម្បីការការពារសន្តិសុខ និងសុវត្ថិភាពរបស់សង្គមជាតិព្រមទាំងភាពសុខសាន្តរបស់ប្រជាពលរដ្ឋ។បន្ថែមពីនេះ ក្នុងនាមអ្នកនាំពាក្យក្រសួងយុត្តិធម៌ យើងខ្ញុំសូមអំពាវនាវដល់ឪពុកម្តាយ ព្រមទាំងអាណាព្យាបាលទាំងអស់ ត្រូវខិតខំតាមដាន អប់រំ និងទូន្មានប្រៀនប្រដៅដល់កូនៗឱ្យដើរតាមគន្លងត្រឹមត្រូវវៀរចាកនូវអំពើអបាយមុខ ដើម្បីក្លាយជាពលរដ្ឋល្អសម្រាប់សង្គមជាតិ និងសូមអំពាវនាវដល់យុវជនទាំងអស់ ដែលជាទំពាំងស្នងឫស្សីរបស់ប្រទេសជាតិ សូមប្រកាន់ខ្ជាប់នូវវិន័យ សីលធម៌ និងសេចក្តីថ្លៃថ្នូរ ហើយសូមជៀសវាងពីសកម្មភាពទាំងឡាយណាដែលបង្កអន្តរាយដល់ខ្លួន គ្រួសារ និងសង្គមជាតិ៕

សម្តេច ឃួន សុដារី ជំរុញក្រុមចលនាស្រ្តី ខេត្តកណ្តាល បន្តក្តាប់ឱ្យបានបញ្ហាប្រឈម កង្វល់របស់ ពលរដ្ឋ និងរួមគ្នាដោះស្រាយឱ្យបានទាន់ពេលវេលា

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានិងជាសមាជិកគណៈអចិន្រ្តៃយ៍នៃគណៈ កម្មាធិការកណ្តាលគណបក្សប្រជាជនកម្ពុជា ប្រធានក្រុមចលនាស្រ្តីនៃក្រុមការងារគណបក្សចុះមូលដ្ឋានខេត្តកណ្តាល នៅព្រឹកថ្ងៃសៅរ៍ ទី១៥ ខែកុម្ភៈឆ្នាំ២០២៥ បានអញ្ជើញជាអធិបតីខ្ពង់ខ្ពស់ក្នុងពិធីប្រកាសសេចក្តីសម្រេចបែងចែកសមាសភាពក្រុមការងារចលនាស្រ្តីនៃក្រុមការងារចលនាស្រ្តីស្រុកពញាឭ ខេត្តកណ្តាល នៅទីស្នាក់ការគណបក្សស្រុកពញាឭ។នៅក្នុងឱកាសឱឡារិកនោះ សម្តេចរដ្ឋសភាធិបតី បាននាំពាំការផ្តំាផ្ញើការសាកសួរសុខទុក្ខនិងក្តីនឹករលឹកដ៏ជ្រាលជ្រៅរបស់ សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទំាងសម្តេចមហាបវរធិបតី ហ៊ុន ម៉ាណេត និងលោកជំទាវបណ្ឌិត ពេជ ចន្ទមុន្នី ជូនសមាជិកអង្គពិធីទំាងមូល ផងដែរ។មានប្រសាសន៍សំណេះសំណាល់ក្នុងអង្គពិធី សម្តេចរដ្ឋសភាធិបតី ឃួន សុដារី បានវាយតម្លៃខ្ពស់ចំពោះលទ្ធផលការងារដែលក្រុមការងារស្រ្តី ក៏ដូចជា គណបក្សប្រជាជនកម្ពុជាស្រុកពញាឭទំាងមូល សម្រេចបាននាពេលកន្លង ជាផ្នែកមួយក្នុងការចូលរួមនាំមកនូវជ័យជម្នះយ៉ាងធំធេងនិងជាប្រវត្តិសាស្រ្តជូនគណបក្សប្រជាជនកម្ពុជា នៅក្នុងការបោះឆ្នោតសកលឆ្នាំ២០២៣ កន្លងមកនេះ។ សម្តេចប្រធានក្រុមការងារចលនាស្រ្តីខេត្តកណ្តាល បានគូសបញ្ជាក់ថា ជាង៤០ឆ្នាំមកនេះ សម្តេចតេជោ ហ៊ុន សែន បានលះបង់សាច់ស្រស់ឈាមស្រស់ដោយមិនខ្លាចការនឿយហត់ ជម្នះរាល់ឧបសគ្គ យកអាយុជីវិតទៅប្តូរដើម្បីសុខសន្តិភាពនិងការអភិវឌ្ឍជូនប្រជាពលរដ្ឋ។ ដូចគ្នានេះក្រោមការដឹកនាំរបស់ សម្តេច ធិបតី ហ៊ុន ម៉ាណែត ដែលជាមគ្គទេសក៍បន្តវេនវ័យក្មេងពោរពេញដោយថាមពល សមត្ថភាព និងចំណេះដឹងបានកំពុងបន្តជ្រោងទង់រក្សាសុខសន្តិភាព ស្ថិរភាពសង្គមនិងការអភិវឌ្ឍបង្កើតសមិទ្ធផលថ្មីៗជាច្រើនជូនប្រទេសជាតិជាបន្តទៀត។ សម្តេចតំណាងរាស្រ្តមណ្ឌលខេត្តកណ្តាល បានគូសបញ្ជាក់ថា គណបក្សប្រជាជនកម្ពុជាមានគោលនយោបាយច្បាស់លាស់នៅក្នុងការលើកកម្ពស់សមភាពយេនឌ័រនៅកម្ពុជា។ សម្តេចតេជោ ហ៊ុន សែន ប្រមុខដឹកនាំគណបក្សបានចាត់ទុកស្រ្តីជាឆ្អឹងខ្នងសេដ្ឋកិច្ច។ សម្តេចតេជោ បានលើកឡើងថាជួយស្រ្តី មានន័យថាជួយខ្លួនឯង។ ចំណែកសម្តេចធិបតី ហ៊ុន ម៉ាណែត បានមានប្រសាសន៍ថា ពិភពលោកកាន់តែកក់ក្តៅនិងស្រស់បំព្រង បើមានការចូលរួមរបស់ស្រ្តីកាន់តែច្រើន។ ដើម្បីធានាបាននូវការអនុវត្តបានត្រឹមត្រូវនិងមានប្រសិទ្ធភាពក្នុងតួនាទី ភារកិច្ចខ្លួនរបស់ក្រុមចលនាស្រ្តី ស្រុកពញាឭ ខេត្តកណ្តាល ដែលទើបប្រកាសតែងតំាងនាពេលនេះ សម្តេចរដ្ឋសភាធិបតី បានផ្តល់អនុសាសន៍មួយចំនួនដល់ក្រុមការងារ នៅក្នុងនោះត្រូវបន្តសហការជាមួយគណបក្សនិងក្រុមការងារគណបក្សចូល មូលដ្ឋានស្រុកពញាឭ ក្នុងការអនុវត្តសកម្មភាពជួយសហគមន៍ លើកកម្ពស់សិទ្ធិស្រ្តី សុខមាលភាពស្រ្តី និងសុខភាពមាតានិងទារក។ កសាងផែនការសកម្មភាពផ្អែកតាមសេចក្តីសម្រេចចិត្ត គោលការណ៍ណែនាំទិសដៅការងារគណបក្សនិងក្រុមការងារគណបក្សនិងស្របតាមផែនការទិសដៅការងារចលនាស្រ្តីនៃក្រុមការងារគណបក្សចុះមូលដ្ឋានខេត្តនិងក្រុមការងារចលនាស្រ្តីគណបក្សខេត្ត។សម្តេចបាន ស្នើសុំដល់ក្រុមការងារស្រ្តី ក៏ដូចជាសមាជិកគណបក្សទំាងអស់ បន្តផ្សព្វផ្សាយអំពីគោលនយោបាយរបស់គណបក្ស និងច្បាប់របស់រដ្ឋ ដែលពាក់ព័ន្ធសិទ្ធិនិងផលប្រយោជន៍ពលរដ្ឋ ផលប្រយោជន៍ស្រ្តី កុមារ ចាស់ជរា ជនងាយរងគ្រោះជាដើម ។ ជាមួយគ្នានេះក៏ខិតខំពង្រឹងពង្រឹងពង្រីកសមាជិកគណបក្សឱ្យបានច្រើននិងប្រកបដោយគុណភាព ពោលគឺសមាជិកគណបក្សមួយរូប សន្លឹកឆ្នោតមួយសន្លឹកនិងជាពិសេសត្រូវ ពង្រឹងសាមគ្គីភាព ឯកភាពផ្ទៃក្នុងឱ្យបានរឹងមាំ។សម្តេចរដ្ឋសភាធិបតី ឃួន សុដារី ក៏បានផ្តាំផ្ញើក្រុមការងារបន្ត ខិតខំពង្រឹងពង្រឹងពង្រីកសមាជិកគណបក្សឱ្យបានច្រើននិងប្រកបដោយគុណភាព ពោលគឺសមាជិកគណបក្សមួយរូប សន្លឹកឆ្នោតមួយសន្លឹក។ ពង្រឹងសាមគ្គីភាព ឯកភាពផ្ទៃក្នុងឱ្យបានរឹងមាំ អនុវត្តរបបប្រជុំនិងរាយការណ៍ឱ្យបានទៀងទាត់។ ជាមួយគ្នានេះ សកម្មជនក្រុមការងារទំាងអស់ត្រូវហ៊ានវាយបក និងធ្វើបដិឃោសនា ដើម្បីទប់ស្កាត់ឱ្យបានទាន់ពេលវេលានូវរាល់ការញុះញង់ បំភៃ្លសភាពការណ៍របស់ពួកអគតិ ជ្រុលនិយមទំាងនៅក្នុងនិងក្រៅប្រទេស ដែលជានិច្ចកាលតែងតែខិតខំរិះរកបង្កើតនូវព្រឹត្តិការណ៍ និងពង្រីកព្រឹត្តិការណ៍ឱ្យមានភាពច្របូកច្របល់ ប៉ះពាល់ដល់ស្ថិរភាព និងការអភិវឌ្ឍរបស់សង្គមជាតិ៕

ពលរដ្ឋ-ភ្ញៀវអន្តរជាតិសរសើរពីការរៀបចំ Walk street មានលក្ខណៈជាប្រទេសជឿនលឿន

ប្រជាពលរដ្ឋរស់នៅរាជធានីភ្នំពេញ និងភ្ញៀវអន្តរជាតិ បានកោតសរសើរពីការរៀបចំផ្លូវថ្មើរជើងថ្មី (Walk street) នៅមុខព្រះបរមរាជវាំង ដែលបង្ហាញថាកម្ពុជាមានសោភ័ណភាពទាក់ទាញ និងជាប្រទេសជឿនលឿន។ស្របពេលសាលារាជធានីភ្នំពេញដាក់ឱ្យអនុវត្តសាកល្បងផ្លូវថ្មើរជើងថ្មី (Walk street) ចូលដល់សប្តាហ៍ទី៣។ នៅថ្ងៃទី១៥ ខែកុម្ភៈ ឆ្នាំ២០២៥ម្សិលមិញ មានបងប្អូនប្រជាពលរដ្ឋ និងភ្ញៀវអន្តរជាតិ បាននាំគ្នាដើរកម្សាន្តជួបជុំលក្ខណៈគ្រួសារ និងមិត្តភក្តិយ៉ាងច្រើនកុះករនៅចំណុចមុខព្រះបរមរាជវាំងរហូតដល់តីរវិថីព្រះស៊ីសុវត្ថិ។ ក្រុមយុវតីដែលនាំគ្នាដើរកម្សាន្ត និងទស្សនារៀងរាល់ថ្ងៃចុងសប្តាហ៍ លើកឡើងថា ការដាក់ប្រើប្រាស់ផ្លូវថ្មើរជើងថ្មី (Walk street) ពិតជាទាក់ទាញឱ្យភ្ញៀវជាតិ និងអន្តរជាតិចាប់អារម្មណ៍ពីសោភ័ណរបស់រាជធានីភ្នំពេញកាន់តែច្រើនជាងមុន ហើយបង្ហាញថាកម្ពុជាមានថ្មើរជើងថ្មីចំកណ្តាលរាជធានីភ្នំពេញមិនខុសពីប្រទេសជិតខាង។ជាមួយគ្នានេះ ទេសចរណ៍បរទេសមកពីប្រទេសកាណាដា ដែលទើបមកដល់ប្រទេសកម្ពុជាលើកដំបូង បានកោតសរសើរចំពោះការរៀបចំផ្លូវថ្មើរជើងថ្មី (Walk street) ដើម្បីឱ្យពួកគាត់អាចចំណាយពេលវេលាទស្សនា និងស្វែងយល់ពីសោភ័ណភាពរបស់ប្រទេសកម្ពុជាបានកាន់តែច្រើន។ទន្ទឹមនឹងសាលារាជធានីភ្នំពេញដាក់ឱ្យអនុវត្តសាកល្បងផ្លូវថ្មើរជើងថ្មី (Walk street) ឈានចូលដល់សប្តាហ៍ទី៣ ព្រមទាំងកំណើនប្រជាពលរដ្ឋ និងភ្ញៀវអន្តរជាតិកើនឡើងច្រើនជាងមុន រដ្ឋបាលរាជធានីភ្នំពេញ បានយកចិត្តទុកដាក់ខ្ពស់លើបញ្ហាសន្តិសុខ សុវត្ថិភាព របៀបរៀបរយ និងបរិស្ថានជាដើម។ដោយឡែក ឆ្លើយតបនឹងតម្រូវការសេរវារថយន្តសាធារណៈដែលធ្លាប់ឆ្លងកាត់តីរវិថីព្រះស៊ីសុវត្ថិរហូតដល់ចំណុចមុខព្រះបរមរាជវាំង រដ្ឋបាលរាជធានីភ្នំពេញ បានសម្រេចកែសម្រួលចំណតរថយន្តសាធារណៈដោយកំណត់ចំណតនៃទីតាំងនីមួយៗនោះ នៅក្បែរនឹងចំណតចាស់នោះដដែល ដើម្បីកាត់បន្ថយការកកស្ទះចរាចរណ៍ គ្រោះថ្នាក់ចរាចរណ៍ សណ្តាប់ធ្នាប់ របៀបរៀបរយសាធារណៈ និងលើកកម្ពស់ការប្រើប្រាស់សេវាដឹកជញ្ជូនសាធារណៈឱ្យកាន់តែប្រសើរឡើង៕ អត្ថបទ៖ សេក ឧត្តម

ប្រធានក្រុមការងារគណបក្សក្រុងបូកគោប្រាប់សមាជិកឲ្យបង្កើនសកម្មភាព និងពង្រីកសមាជិកថ្មី

ប្រធាន និងអនុប្រធានក្រុមការងារគណបក្សចុះមូលដ្ឋានក្រុងបូកគោ បានណែនាំដល់សមាជិកបក្សនៅគ្រប់មូលដ្ឋានភូមិសង្កាត់ក្នុងក្រុងបូកគោឲ្យបង្កើនសកម្មភាពអនុវត្តការងារតាមគោលការណ៍ណែនាំរបស់បក្ស ឲ្យបានល្អប្រសើរ ពិសេសត្រូវខិតខំពង្រីកសមាជិកថ្មីឲ្យបានកាន់តែច្រើន ដើម្បីធានាថា គណបក្សប្រជាជននៅតែបន្តយកជ័យជម្នះនៅគ្រប់សមរភូមិ នៃការបោះឆ្នោត នាពេលខាងមុខ។ ថ្លែងក្នុងកិច្ចប្រជុំផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៤៥ អាណត្តិទីV របស់គណបក្សប្រជាជនកម្ពុជា នៅសាលប្រជុំគណបក្សក្រុងបូកគោ នារសៀលថ្ងៃទី១៥ ខែកុម្ភៈ ឆ្នាំ២០២៥ ឯកឧត្តម ដួង សុវណ្ណ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានក្រុងបូកគោ បានមានប្រសាសន៍ថា ផ្អែកតាមស្ថិតិរបស់ គជប ឆ្នាំ២០២៤ ក្រុងបូកគោមានពលរដ្ឋក្នុងបញ្ជីឈ្មោះបោះឆ្នោតសរុប ១៥ ០៦០នាក់ ក្នុងនោះសមាជិកបក្សមានចំនួន ១៣ ១៨២នាក់ ស្មើ ៨៧,៥៣% ដែលនេះជាអត្រាមួយខ្ពស់ជាងគេ ក្នុងចំណោមក្រុងស្រុកទាំង៩របស់ខេត្តកំពត។ ឯកឧត្តមបានបន្តថា លទ្ធផលដ៏ល្អនេះ គឺកើតចេញពីការខិតខំប្រឹងប្រែងរបស់បងប្អូនទាំងអស់គ្នា ដែលជាសមាជិកសមាជិកាបក្សនៅគ្រប់មូលដ្ឋាន បានខិតខំបំពេញការងារទាំងបក្ស និងរដ្ឋ ដើម្បីបម្រើប្រជាពលរដ្ឋ ឆ្លើយតបបាននូវតម្រូវ សំណើ សំណូមពរ និងបញ្ហាប្រឈមផ្សេងៗ ធ្វើឲ្យពលរដ្ឋជឿជាក់លើការដឹកនាំរបស់រាជរដ្ឋាភិបាល។ ប៉ុន្តែយ៉ាងណាក៏ដោយ ឯកឧត្តមបានលើកទឹកចិត្តដល់ សមាជិកទាំងអស់ឲ្យបង្កើនសកម្មអនុវត្តការងារតាមគោលការណ៍ណែនាំរបស់បក្ស ដោយផ្អែកតាមស្មារតី នៃកិច្ចប្រជុំផ្សព្វផ្សាយលទ្ធផលសន្និបាតគណ:កម្មាធិការកណ្តាលលើកទី៤៥ អាណត្តិទីV របស់គណបក្សប្រជាជនកម្ពុជានៅថ្ងៃនេះ។ នៅក្នុងឱកាសនោះដែរ ឯកឧត្តម ទេព ធន អនុប្រធានទី១ ក្រុមការងារគណបក្សប្រជាជនកម្ពុជាចុះមូលដ្ឋានក្រុងបូកគោ ក៏បានណែនាំនូវការងាសំខាន់ៗមួយចំនួន និងបានប្រាប់ឲ្យសមាជិកបក្សទាំងអស់ត្រូវយកចិត្តទុកដាក់ អានហើយអានទៀត នូវគោលការណែនាំរបស់បក្ស ដើម្បីបានជាទុនសម្រាប់យកទៅអនុវត្តនៅក្នុងមូលដ្ឋានខ្លួន ពិសេសដើម្បីត្រៀមក្នុងការវាយបក ឲ្យទាន់ពេលវេលា ចំពោះព័ត៌ក្លែងក្លាយ ឬព័ត៍មានញុះញង់ របស់ក្រុមជ្រុលនិយមនៅក្រៅប្រទេស ដើម្បីធានារក្សាឲ្យបាននូវសន្តិសុខ សណ្តាប់ធ្នាប់សាធារណៈ សុវត្ថិភាព ស្ថិរភាពនយោបាយ សន្តិភាព និងការអភិវឌ្ឍន៍សង្គម។ ជាងនោះទៅទៀត ឯកឧត្តមបានណែនាំឲ្យសមាជិកទាំងអស់ ត្រូវរក្សាសាមគ្គីផ្ទៃក្នុងឲ្យបានល្អប្រសើរ មានស្មារតីរក្សាចាស់ បង្កើតថ្មី និងត្រូវខិតខំធ្វើទង្វើល្អ ជាគំរូល្អ សម្រាប់ពលរដ្ឋក្នុងមូលដ្ឋានខ្លួន៕

អភិបាលខេត្តតាកែវ៖ មន្រ្តីរាជការចូលនិវត្តន៍ និងអតីតយុវជនមានគុណបំណាច់ចំពោះជាតិមិនអាចកាត់ថ្លៃបាន

នៅក្នុងឱកាសអញ្ជើញជួបសំណេះសំណាលជាមួយបងប្អូនមន្ត្រីរាជការចូលនិវត្តន៍និងនិងអតីតយុទ្ធជននៅក្នុងខេត្តតាកែវរសៀលថ្ងៃសៅរ៍ ទី ១៦ ខែ កុម្ភៈ: ឆ្នាំ ២០២៥នេះ ឯកឧត្តម វ៉ី សំណាង អភិបាលខេត្តតាកែវ បានលើកឡើងពីគុណសម្បត្តិចំពោះបងប្អូនមន្ត្រីរាជការចូលនិវត្តន៍និងបងប្អូនអតីតយុទ្ធជនទាំងអស់ ដែលកន្លងមកបានបូជាឈាមស្រស់សាច់ស្រស់ក្នុងការការពារប្រទេសឲ្យមានសុខសន្តិភាពនិងរួមចំណែកកសាងសង្គមជាតិអោយមានការរីកចម្រើន ហើយបើគ្មានបងប្អូនមន្ត្រីរាជកាចូលនិវត្តន៍ជាពិសេសបងប្អូនអតីតយុទ្ធជនចូលរួមការពារប្រទេសនិងកសាងអភិវឌ្ឍន៍ប្រទេសជាតិ ប្រទេសយើងក៏មិនអាចមានសុខសន្តិភាពនិងមានការរីកចម្រើនដូចបច្ចុប្បន្ននេះដែរ។ឯកឧត្តម វ៉ី សំណាង អភិបាលខេត្តតាកែវ បានសម្ដែងការដឹងគុណ និងកោតសរសើរ ចំពោះមន្ត្រីរាជការចូលនិវត្តន៍និងអតីតយុទ្ធជនទាំងអស់ ដែលកន្លងមកបានខិតខំបំពេញការងារ បម្រើជាតិមាតុភូមិ ស្ទើរពេញមួយជីវិតរបស់ខ្លួន ដោយមិនខ្លាចនឿយហត់ ដើម្បីរួមចំណែកជាមួយរាជរដ្ឋាភិបាល អភិវឌ្ឍប្រទេសជាតិបានរីកចម្រើននាពេលកន្លងមកនេះ។ ឆ្លៀតក្នុងឱកាសនោះឯកឧត្តមអភិបាលខេត្តតាកែវ ក៏បានលើកឡើង ពីកិច្ចខិតខំប្រឹងប្រែង របស់ថ្នាក់ដឹកនាំខេត្តបច្ចុប្បន្ន ក្នុងការអភិវឌ្ឍខេត្តតាកែវដែលជាខេត្តបង្កើតទឹកដីមុនគេឲ្យកាន់តែរីកចម្រើនថែមទៀត ដើម្បីទាក់ទាញភ្ញៀវទេសចរណ៍មកកំសាន្តកាន់តែច្រើន អាជ្ញាធរគ្រោងនឹងសាងសង់ប្រាសាទមួយនៅកណ្ដាលបឹងតាកែវ និងផ្លូវក្រវ៉ាត់បឹង ពោល ធ្វើយ៉ាងណា ប្រែក្លាយ បឹងតាកែវ ជាទីដ៏មានភាពស្រស់ស្អាត និងទាក់ទាញ ក្នុងនោះដែរអាជ្ញាធរ ក៏បាននឹងកំពុង គៀងគរអ្នកវិនិយោគគិនបរទេសជាច្រើនចូលមក បណ្ដាក់ទុកនៅក្នុងខេត្ត សំដៅបង្កើតឱកាសការងារ និងលើកស្ទួយកម្រិតជីវភាពប្រជាពលពលរដ្ឋនិងសេដ្ឋកិច្ចខេត្តទាំងមូលកាន់តែប្រសើរឡើងសំដៅរួមចំណែក ទៅសម្រេចចក្ខុវិស័យកម្ពុជាឆ្នាំ ២០៥០ ក្លាយជាប្រទេស មានចំណូលកម្រិតខ្ពស់៕

ក្រុមការងារពាក់ព័ន្ធប្រជុំពិនិត្យគោលការណ៍ណែនាំបញ្ចប់ការបន្ទោបង់ពាសវាលពាសកាលនៅបន្ទាយមានជ័យ

មន្ទីរភិវឌ្ឍន៍ជនបទខេត្តបន្ទាយមានជ័យបើកកិច្ចប្រជុំស្តីពី ការអនុវត្តគោលការណ៍ណែនាំការផ្ទៀងផ្ទាត់ស្ថានភាព បញ្ចប់ការបន្ទោបង់ពាសវាលពាសកាលដែលពិធីនេះបានប្រព្រឹត្តិទៅក្រោមវត្តមានលោក សាយ តេង ប្រធាននាយកដ្ឋានថែទាំសុខភាពជនបទដើម្បីពង្រឹងសមត្ថភាពបច្ចេកទេសអំពីការអនុវត្តគោលការណ៍ណែនាំស្តីពីការផ្ទៀងផ្ទាត់ស្ថានភាពបញ្ចប់ការ បន្ទោបង់ពាសវាលពាសកាល ដល់មន្ត្រីជំនាញមន្ទីរ អភិវឌ្ឍន៍ជនបទខេត្ត និងមន្ដ្រីបង្គោលក្រុង ស្រុកឃុំ សង្កាត់ និងដៃគូពាក់ព័ន្ធដើម្បីពិភាក្សាអំពីការរៀបចំវគ្គតម្រង់ទិសថ្នាក់ស្រុក បន្តអំពីការអនុវត្តគោលការណ៍ណែនាំការផ្ទៀងផ្ទាត់(ODF)ស្ថិតនៅភូមិខ្លាកូនថ្មីសង្កាត់កំពង់ស្ចាយក្រុងសិរីសោភ័ណខេត្តឧត្តរមានជ័យ។លោក សាយ តេង ប្រធាននាយកដ្ឋានថែទាំសុខភាពជនបទមានប្រសាសន៍ថា ខេត្តបន្ទាយមានជ័យ ស្ថានភាពអនាម័យ គឺជាតម្រូវការចាំបាច់សម្រាប់ប្រជាពលរដ្ឋខ្មែរ ពិសេសនៅតំបន់ជនបទ និងជាអាទិភាពមួយក្នុងក្របខ័ណ្ឌអភិវឌ្ឍន៍ជាតិរបស់រាជរដ្ឋាភិបាលកម្ពុជា ក្រោមការដឹកនាំ របស់ សម្តេចអគ្គមហាសេនាបតីតេជោ ហ៊ុន សែន អតីតៈនាយក រដ្ឋមន្ត្រីនៃព្រះរាជាណាចក្រកម្ពុជា និងសម្តេច មហាបវរធីបតី ហ៊ុនម៉ា ណែត រដ្ឋមន្ត្រីនៃព្រះរាជាណាចក្រកម្ពុជា ដោយអនុវត្តតាមចក្ខុវិស័យនៃផែនការយុទ្ធសាស្ត្រជាតិសំដៅ ពង្រីកអត្រាគ្របដណ្ដប់សេវាផ្គត់ផ្គង់ទឹកស្អាត និងអនាម័យនៅជនបទឲ្យបាន ១០០% នៅឆ្នាំ២០២៥។លោកបានដឹងថា ដើម្បីសម្រេចឲ្យបានក្រសួងអភិវឌ្ឍន៍ជនបទបានដាក់ចេញនូវផែនការសកម្មភាពជាតិជំហានទី២៩០% នូវអត្រាគ្របដណ្ដប់សេវាផ្គត់ផ្គង់ទឹកស្អាត និងអនាម័យជាមូលដ្ឋាននៅជនបទឆ្នាំ២០២៣ ដែលស្របពេលជាមួយគ្នានេះ ក៏មានខេត្តមួយចំនួនបានតាំងចិត្តសម្រេចឲ្យបាននូវស្ថានភាពបញ្ចប់ ការបន្ទោបង់ពាសវាលពាសកាល (ODF )ផងដែរ ។លោក សាយ តេង បានបញ្ជាក់ថា ការវិនិយោគរបស់គ្រួសារ ដើម្បីសង់បង្គន់ប្រើប្រាស់តាមខ្នងផ្ទះផ្ទាល់ខ្លួន គឺជាជំហានមួយឆ្ពោះទៅរកការបញ្ចប់ការបន្ទោបង់ពាសវាលពាសកាលទាំងស្រុងនៅកម្ពុជា ដែលជាផ្នែកមួយដ៏សំខាន់ក្នុង ការរួមចំណែកលើកកម្ពស់សុខភាពសាធារណៈ សុខុមាលភាពសង្គម និងការអភិវឌ្ឍសេដ្ឋកិច្ចជាតិជាដើម ។កង្វះអនាម័យមានផលអវិជ្ជមានជាច្រើនដល់ជីវភាពរស់នៅ និងសេដ្ឋកិច្ច សង្គម ជាពិសេសប៉ះពាល់ សុខភាពកុមារ ដូចជាការឆ្លងជំងឺ កំណើនអត្រាស្លាប់ និងបញ្ហាក្រិសក្រិនដែលប៉ះពាល់ធ្ងន់ធ្ងរដល់ការ អភិវឌ្ឍន៍បញ្ញាស្មារតីកុមារ ។ ការទម្លាប់បន្ទោបង់ពាសវាលពាសកាល ដោយសារកង្វះការយល់ដឹងអំពីអនាម័យ កង្វះបង្គន់អនាម័យ និងបរិក្ខាអនាម័យផ្សេងៗ ផ្គួបផ្សំនឹងកង្វះទម្លាប់លាងសម្អាតដៃនឹងសាប៊ូឲ្យ បានត្រឹមត្រូវជាពិសេសក្រោយបន្ទោបង់ និងការទទួលទានទឹកមិនមានសុវត្ថិភាពក្នុងគ្រួសារ ត្រូវបាន អ្នកជំនាញសុខភាពវាយតម្លៃថាជាដើមហេតុចម្បងនៃបញ្ហាទាំងនេះ ។ មកដល់ឆ្នាំ២០១៩ កម្ពុជាសម្រេចបានអត្រាគ្របដណ្ដប់សេវាទឹកស្អាត និងអនាម័យជាមូល ដ្ឋាននៅជនបទប្រមាណ ៧៥% ដែលជាការរីកចម្រើនគួរឲ្យអបអរសាទរសារទរ ទោះជាយ៉ាងនេះក្តី ក្រសួងអភិវឌ្ឍន៍ជនបទនៅមានកិច្ចការជាច្រើនបន្ថែមទៀត ដើម្បីលើកទឹកចិត្តឲ្យគ្រប់ភាគីពាក់ព័ន្ធបន្តរួមសហការគ្នាដើម្បីបញ្ចប់ការបន្ទោបង់ពាសវាលពាសកាលទាំងស្រុង ជាពិសេសនៅតំបន់ជនបទ សំដៅសម្រេចឲ្យបាននូវគោលដៅអភិវឌ្ឍប្រកបដោយចីរភាពវិស័យអនាម័យ និងកម្ពុជាជាប្រទេសគ្មានការបន្ទោបង់ពាសវាលពាសកាល ។ លោក ឃ្លោក នួយ អភិបាលរងខេត្តលើកឡើងថា ការផ្លាស់ប្តូរឥរិយាបថប្រតិបត្តិអនាម័យ របស់ប្រជាពលរដ្ឋនៅសហគមន៍ គឺជាកត្តាគន្លឹះដើម្បីសម្រេចបានការបញ្ចប់ការបន្ទោបង់ពាសវាលពាសកាលសម្រាប់ភូមិ ឃុំ/សង្កាត់ ស្រុក/ក្រុង ខេត្តដែលការងារនេះទាមទារឲ្យមានកិច្ចសហការរួមគ្នារវាងក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ អង្គការដៃគូ និងតួអង្គពាក់ព័ន្ធដទៃទៀត ជាពិសេសការចូលរួមផ្ទាល់ពីសហគមន៍មូលដ្ឋាន ។លោកបន្តថា ដើម្បីជួយពន្លឿនការផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាល ពាសកាលដែលសហគមន៍មូលដ្ឋាន ស្ថាប័នពាក់ព័ន្ធ អង្គការដៃគូ និងរដ្ឋបាលថ្នាក់ក្រោមជាតិខិតខំ សម្រេចបានក្នុងនាមលោកជារដ្ឋបាលខេត្តសូមលើកទឹកចិត្តដល់ប្រតិបត្តិករទាំងអស់រួមមាននាយកដ្ឋានជំនាញនៃក្រសួងអភិវឌ្ឍន៍ជនបទ ក្រសួង ស្ថាប័នពាក់ព័ន្ធ អង្គការដៃគូ រដ្ឋបាលថ្នាក់ក្រោមជាតិ តួរអង្គពាក់ព័ន្ធដទៃទៀត និងសហគមន៍មូលដ្ឋានចូលរួមអនុវត្តគោលការណ៍ណែនាំនេះឲ្យមានប្រសិទ្ធភាពខ្ពស់បន្តទៀត៕ ឃិន សារិទ្ធ

លោកជំទាវ ពុំ ចន្ទីនី អញ្ជើញបិទវគ្គបណ្តុះបណ្តាលគ្រូបង្គោលវិជ្ជាសង្គ្រោះបឋមនៅសាកលវិទ្យាល័យ RULE

នារសៀលថ្ងៃទី១៥ ខែកុម្ភៈ ឆ្នាំ២០២៥នេះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា និងឯកឧត្តមបណ្ឌិត លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជន កក្រក ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច អញ្ជើញជាធិបតី ក្នុងពិធីបិទវគ្គបណ្តុះបណ្តាលវិជ្ជាសង្គ្រោះបឋម ដល់និស្សិតចំនួន២៥នាក់ នៅ សាកលវិទ្យាល័យភូមិន្ទនីតិសាស្រ្ត នឹងវិទ្យាសាស្ដ្រសេដ្ឋកិច្ច។មានប្រសាសន៍នាឱកាសនេះ ឯកឧត្តមបណ្ឌិត លុយ ចណ្ណា ប្រធានកិត្តិយសក្លឹបយុវជន កក្រក ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានមានប្រសាសន៍ថា នេះជាកិត្តិយសណាស់ដែល សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធាន ចាត់ឱ្យមន្រ្តីជំនាញផ្នែកវិជ្ជាសង្គ្រោះបឋម បើកវគ្គបណ្តុះបណ្តាល ដល់និស្សិតចំនួន២៥នាក់ (ស្រី១៦នាក់) នៅក្នុងសាកលវិទ្យាល័យភូមិន្ទនីតិសាស្រ្ត បានចេះដឹងនៅជំនាញដ៏មានសារសំខាន់មួយនេះ។ ឯកឧត្តមបណ្ឌិតបន្តថាជំនាញនេះ បានជួយសង្គ្រោះ ជនរងគ្រោះតាមសហគមន៍ដូចជា គ្រោះថ្នាក់ចរាចរណ៍ គ្រោះថ្នាក់ការងារ និងជំងឺផ្សេងៗទៀត។ដោយមើល នៅគុណប្រយោជន៍ទាំងនេះហើយ ទើបក្លឹបយុវជន កក្រក ប្រចាំសាកលវិទ្យាល័យភូមិន្ទនីតិសាស្រ្ត មានកិត្តិយសទទួលបាន ការចង្អុលបង្ហាញពីថ្នាក់ដឹកនាំ កក្រក ក្នុងការរៀបចំឱ្យមានវគ្គបណ្តុះបណ្តាលគ្រូបង្គោលវិជ្ជាសង្គ្រោះបឋម ដែលមានរយៈ ពេល ១ថ្ងៃកន្លះនេះ។ មានប្រសាសន៍ក្នុងឱកាស បិទវគ្គបណ្តុះបណ្តាលគ្រូបង្គោល វិជ្ជាសង្គ្រោះបឋមនាឱកាសនេះ លោកជំទាវ ពុំ ចន្ទីនី បានឱ្យដឹងថា នេះជាលើកទី១បន្ទាប់ពីអនុវត្តតាមយុទ្ធសាសន៍ដ៏ខ្ពង់ខ្ពស់របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាននិងអនុសាសន៍របស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍ នៃគណៈកម្មាធិការកណ្តាល កក្រក។ ព្រោះកន្លងមកលោកបានពិនិត្យឃើញថានៅតាមបណ្តាសាខា និងគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ នៅខ្វះគ្រូបង្គោលវិជ្ជាសង្គ្រោះបឋម ទើបសម្តេចប្រធាន និង លោកជំទាវបណ្ឌិត ស្នើរឱ្យមានការបង្រៀនវិជ្ជាសង្គ្រោះបឋម ទៅដល់គ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ និងសាខាទាំងអស់ ទៅតាមពេលវេលាសមស្របណាមួយ។ ព្រោះលោកយល់ឃើញថា ការរៀបចំអោយមានវគ្គបណ្តុះបណ្តាលវិជ្ជាសង្គ្រោះបឋម ទៅដល់គ្រូបង្គោលនេះ គឺដើម្បីជាលើកកម្ពស់សុខភាពសាធារណៈ។ ជាពិសេសជាការបង្កើនការយល់ដឹង អំពីការសង្គ្រោះបឋម បង្កើនការត្រៀមលក្ខណៈ សង្គ្រោះបន្ទាន់ ទៅដល់ជនរងគ្រោះ វគ្គនេះដែរវាក៏ជាការផ្តល់ឱកាសឱ្យអ្នកស្ម័គ្រចិត្ត បានអនុវត្តផ្ទាល់ក្នុងការជួយសង្រ្គោះបឋម និងជំរុញឱ្យមានការលើកទឹកចិត្ត មានការចូលរួមពីសហគមន៍ និងសាធារណជនទូទៅបានយល់ដឹងផងដែរ។សូមជម្រាបថាថ្មីៗកន្លងមកនេះក្នុងឱកាសអញ្ជើញជាអធិបតីក្នុងពិធីបិទកិច្ចប្រជុំបូកសរុបលទ្ធផលការងារយុវជន និងអ្នកស្ម័គ្រចិត្ត កាកបាទក្រហមកម្ពុជា ឆ្នាំ២០២៤ និងលើកទិសដៅការងារបន្ត លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍ កក្រក បានឱ្យដឹងថា ដើម្បីលើកកម្ពស់សុខភាពប្រជាពលរដ្ឋ ឈានទៅសម្រេចបាន ស្របតាមយុទ្ធសាស្ត្រ កក្រក ឆ្នាំ២០២១-២០៣០ គ្រួសារ, ស្ថាប័នសាធារណៈ, ឬវិស័យឯកជន, ត្រូវមានមនុស្សម្នាក់ចេះវិជ្ជាសង្គ្រោះបឋម ក្នុងការសង្គ្រោះអាយុជីវិតមនុស្សបានទាន់ពេលវេលា៕ អត្ថបទ៖ សំ ងីម

ក្រសួងបរិស្ថាន៖ ការផ្សព្វផ្សាយដោយវេបសាយបរទេសចែករំលែកព័ត៌មានករណីភ្លើងឆេះនៅកម្ពុជាដោយយកផែនទីមាត្រដ្ឋានតូចជាព័ត៌មានមិនពិត និងបង្កឱ្យមហាជនភ័ន្តច្រឡំ

ភ្នំពេញ៖ ក្រសួងបរិស្ថានកម្ពុជា នៅថ្ងៃទី១៦ ខែកុម្ភៈ ឆ្នាំ ២០២៥នេះបានចេញបញ្ជាក់ថា ការផ្សាយ និងរំលែកនូវព័ត៌មានអំពីករណីភ្លើងឆេះ hotspot ដោយយកផែនទីមាត្រដ្ឋានតូច មិនអាចកំណត់បានថាជាកន្លែងណាមួយឱ្យច្បាស់លាស់នោះទេ ហើយព័ត៌មាន និងរូបភាពមិនពិតនេះ បានថតចម្លងតគ្នា ធ្វើឱ្យមានការភាន់ច្រឡំនូវការពិតជាក់ស្ដែង កំពុងកើតមាននៅប្រទេសកម្ពុជា។ក្នុងរយៈពេលប៉ុន្មានថ្ងៃចុងក្រោយនេះ ក្រសួងបរិស្ថានបានកត់សម្គាល់ ឃើញមានការផ្សព្វផ្សាយដោយវេបសាយឧតុនិយមណាមួយនោះ និងការចែករំលែកនូវព័ត៌មានអំពីករណីភ្លើងឆេះ hotspot ដោយយកផែនទីមាត្រដ្ឋានតូច មិនអាចកំណត់បានថាជាកន្លែងណាមួយឱ្យច្បាស់លាស់នោះទេ ហើយព័ត៌មាននិងរូបភាពមិនពិតនេះ បានថតចម្លងតគ្នា ធ្វើឱ្យមានការភាន់ច្រឡំនូវការពិតជាក់ស្ដែង កំពុងកើតមាននៅប្រទេសកម្ពុជា ព្រោះឃើញថាហាក់បីដូចជាកម្ពុជាទាំងមូល ត្រូវបានឆេះក្រហមឆ្អៅ។ក្រសួងបរិស្ថាន បានជម្រាបជូនសាធារណជនឱ្យបានជ្រាបថា ក្រសួងបរិស្ថានមានអគ្គនាយកដា្ឋនតំបន់ការពារធម្មជាតិ ដែលជាអង្គភាពជំនាញបានតាមដានជាប្រចាំ នូវករណីភ្លើងឆេះនេះ ដោយមានកិច្ចសហការយ៉ាងជិតស្និទ្ធ ជាមួយស្ថាប័នជំនាញក្នុងតំបន់ ពិសេសមជ្ឈមណ្ឌលជំនាញឧតុនិយមអាស៊ាន និងបានធ្វើការផ្ទៀងផ្ទាត់ជាក់ស្តែង នៅទីវាលផងដែរ។ ជាលទ្ធផល ដូចសេចក្តីប្រកាសព័ត៌មាន របស់អគ្គនាយកដ្ឋានតំបន់ការពារធម្មជាតិ បានបញ្ជាក់ស្រាប់រួចហើយគឺ ពុំមានកានឆេះព្រៃធ្ងន់ធ្ងរទេ ប៉ុន្តែគ្រាន់តែជាការឆេះស្មៅ សំរាមស្បូវ និងជញ្ជាំងស្រូវតែប៉ុណ្ណោះ។ឆ្លៀតក្នុងឱកាសនេះ ក្រសួងបរិស្ថានសូមអំពាវនាវដល់ប្រជាពលរដ្ឋ ត្រូវមានការប្រុងប្រយ័ត្នខ្ពស់ និងត្រូវបញ្ឈប់ការដុតស្មៅ សំរាម ជញ្ជាំងស្រូវ។ល។ សូមស្នើដល់អង្គភាពថ្នាក់ក្រោមជាតិទាំងអស់ សូមយកចិត្តទុកដាក់ និងធ្វើការអប់រំ ដល់ប្រជាពលរដ្ឋអំពីករណីនេះ។អាស្រ័យហេតុនេះ សូមសាធារណជនមេត្តាជ្រាប និងចូលរួមប្រុងប្រយ័ត្ននិងទប់ស្កាត់ ករណីភ្លើងឆេះនេះ។ ក្រសួងបរិស្ថាននឹងបន្តតាមដាន និងធ្វើបច្ចុប្បន្នភាពជូនបន្តទៀតក្នុងករណីចាំបាច់៕

វិទ្យាស្ថានបច្ចេកទេសបណ្តារាជធានី-ខេត្ត ចេញញត្តិថ្កោលទោសការប៉ុនប៉ងធ្វើឃាតសម្តេចតេជោ តាមរយៈដ្រូន

បណ្តាវិទ្យាស្ថានបច្ចេកទេសនៅតាមរាជធានី-ខេត្តទាំងអស់នៅកម្ពុជា បានចាត់ទុកការប៉ុនប៉ង ធ្វើឃាតសម្តេចតេជោ ហ៊ុន សែន តាមរយៈដ្រូននេះគឺជាទង្វើភេរវកម្ម និងមានគោលបំណងបំផ្លិតបំផ្លាញសុខសន្តិភាពរបស់កម្ពុជា ដែលកំពុងមានសព្វថ្ងៃនេះ ខណៈការប៉ុនប៉ងរបស់ក្រុមឧទ្ទាមទាំងនោះមិនគួរ លើកលែង និងត្រូវចាប់ខ្លួនយកមកផ្តន្ទាទោសឲ្យខាងតែបាន។តាមរយៈញត្តិរបស់វិទ្យាស្ថានបច្ចេកទេសនៅតាមបណ្តារាជធានី-ខេត្តទាំងនោះបានសង្កត់ធ្ងន់ថា« យើងខ្ញុំជាគណៈគ្រប់គ្រង លោកគ្រូ អ្នកគ្រូ និងសិស្ស-និស្សិត នៃវិទ្យាស្ថានសូមថ្កោលទោសយ៉ាងដាច់អហង្ការ ចំពោះជនដែលរៀបចំគម្រោងវាយប្រហារដោយដ្រូន ចូលភូមិគ្រឹះសម្តេចតេជោ ដែលនេះជាអំពើ ភេរវកម្ម ប៉ុនប៉ងធ្វើឃាតថ្នាក់ដឹកនាំជាស្ថាបនិក បិតាសន្តិភាព ជាមគ្គុទេសក៍ឯកដ៏ឆ្នើម និងជាឥស្សរជន ជាន់ខ្ពស់របស់ជាតិនេះ ជាអំពើខុសច្បាប់ យង់ឃ្នង និងឃោឃៅបំផុតដោយមានគោលបំណងទាញកម្ពុជា ឲ្យធ្លាក់ទៅភាពវឹកវរ និងអសន្តិសុខសង្គម ប៉ុន្តែជាអកុសល គម្រោងនេះត្រូវបានធ្វើការទប់ស្កាត់ទាន់ពេល វេលា»។តាមរយៈញត្តិទាំងនោះបានលើកឡើងទៀតថា សកម្មភាពដ៏ថោកទាបរបស់ក្រុមអគតិទាំងនោះ មិនត្រឹមតែធ្វើឲ្យបាត់បង់នូវសុខសន្តិភាព ស្ថិរភាព និងប៉ះពាល់ ដល់សេដ្ឋកិច្ចសង្គមជាតិទាំងមូលប៉ុណ្ណោះទេ ប៉ុន្តែនឹងនាំមកនូវឱភាពប្រទេសជាតិ បង្អាក់ការរីកចម្រើន និងការអភិវឌ្ឍជាតិ ព្រមទាំងធ្វើឲ្យបាត់បង់នូវសមិទ្ធផលដែល សម្តេចតេជោក៏ដូចជាប្រជាជនខ្មែរគ្រប់រូប ដែលបានខិតខំកសាងដោយលំបាករយៈពេលកន្លងមកផងដែរ»។តាមរយៈញត្តិដដែលនេះ បានលើកឡើងទៀតថា«សូមប្រកាសថ្កោលទោសយ៉ាងដាច់អហង្ការ និងចាត់ទុកទង្វើរបស់ជនអន្ធពាល ដែលជាជនដៃដល់រៀបចំគម្រោងវាយប្រហារដោយដ្រូនចូលក្នុងភូមិ គ្រឹះរបស់សម្តេចតេជោ ប៉ុនប៉ងធ្វើឃាតសម្តេច និងក្រុមគ្រូសារដែលជាទង្វើដ៏ស្មោគក្រោកជាទីបំផុត ក្នុង គោលដៅបំបែបបំបាក់សាមគ្គីភាព និងសុខសន្តិភាពរបស់ប្រទេសជាតិជាដើម»៕ អត្ថបទ៖ បាន ចក់

អ្នកវិភាគ និងអ្នកឃ្លាំមើល៖ ទណ្ឌិតក្បត់ជាតិបីជំនាន់ សម រង្ស៊ី នៅតែមិនព្រមបោះបង់គំនិតច្រណែនឈ្នានីសថ្នាក់ដឹកនាំរាជរដ្ឋាភិបាល

អ្នកវិភាគភូមិសាស្រ្តនយោបាយ និងអ្នកឃ្លាំមើលការអភិវឌ្ឍន៍សង្គមបានលើកឡើងថា ទណ្ឌិត សម រង្ស៊ី អតីតមេដឹកនាំក្រុមប្រឆាំងជ្រុលនិយមនៅក្រៅស្រុក នៅតែមិនព្រមបោះបង់គំនិតច្រណែនឈ្នានីសថ្នាក់ដឹកនាំរាជរដ្ឋាភិបាល ខណៈបុគ្គលរូបនេះយកវេទិកាជួបជុំរបស់ខ្លួនមកវាយប្រហារសមត្ថភាពដឹកនាំរបស់សម្ដេចបវរធិបតី ហ៊ុន ម៉ាណែត។លោក ថុង ម៉េងដាវីត អ្នកវិភាគភូមិសាស្រ្តនយោបាយ និងសន្ដិសុខបានថ្លែងថា៖«គំនិតច្រណែនឈ្នានីស និងគំនុំគុំគួនរបស់លោក សម រង្ស៊ី នឹងមិនងាយសាបរលាបទៅណាទេ ព្រោះគាត់នៅតែចិញ្ចឹមចិត្តចង់ឡើងអង្គុយកៅអីនាយករដ្ឋមន្រ្តី ដោយកន្លងមកគាត់ចង់អង្គុយកៅអីនាយករដ្ឋមន្រ្តីតាមរយៈបោះឆ្នោត តែគាត់លែងមានសង្ឃឹមបោះឆ្នោត ក៏យកពលរដ្ឋធ្វើជាចំណាប់ខ្មាំង ដើម្បីញុះញង់ឱ្យផ្ដួលរំលំរាជរដ្ឋាភិបាល ហើយដណ្ដើមកៅអីនាយករដ្ឋមន្រ្តីឱ្យគាត់»។លោកបន្តថា នយោបាយឈ្នានីសរបស់ទណ្ឌិត សម រង្ស៊ី និងគ្នីគ្នារបស់ខ្លួននឹងបន្តគ្មានគោលជំហរច្បាស់លាស់ និងគ្មានការទទួលខុសត្រូវចំពោះជាតិនោះទេ។ ក្រុមនេះពិតជាអ្នកនយោបាយចរិតមាន់ ត្រចៀកស ដែលហ៊ានប្រើប្រាស់ល្បិចកលស្មោគគ្រោកគ្រប់យុទ្ធសាស្រ្ត ដើម្បីបំពេញបំណងខ្លួនមហិជ្ជតារបស់ខ្លួន។អ្នកវិភាគរូបនេះបានបន្ថែមថា ទណ្ឌិត សម រង្ស៊ី បាននិងកំពុងតែបំផ្លាញជាតិរបស់ខ្លួន ប្រឆាំងនឹងផលប្រយោជន៍ប្រជាជន លុបបំបាត់សិទ្ធិអំណាចរបស់ពលរដ្ឋដែលមានចែងក្នុងរដ្ឋធម្មនុញ្ញតាមរយៈការញុះញង់ និងបង្ខំឱ្យពលរដ្ឋដើរតាមគំនិតខ្មៅងងឹតរបស់ខ្លួនឱ្យផ្ដួលរំលំរាជរដ្ឋាភិបាល និងបំផ្លាញលទ្ធិប្រជាធិបតេយ្យ ខណៈដែលកម្ពុជាកំពុងមានស្ថិរភាពនយោបាយ និងការអភិវឌ្ឍន៍ដោយឥតឈប់ឈរ។ ចំណែកលោក សំ សឿន អ្នកឃ្លាំមើលការអភិវឌ្ឍសង្គម និងនយោបាយបានថ្លែងថា៖«សម រង្ស៊ី បាននិងកំពុងបាត់បង់ភាពម្ចាស់ការលើខ្លួនឯង បោះបង់ប្រយោជន៍ជាតិ ហើយបង្កើតឱ្យមានចិត្តច្រណែនឈ្នានីស និងប្រើយុទ្ធសាស្ត្រនយោបាយដែលកាន់តែធ្វើឱ្យទណ្ឌិតរូបនេះប្រព្រឹត្តខុសម្តង ហើយម្តងទៀត និងកាន់តែមិនអាចជួយស្រោចស្រង់រួច។ គាត់កំពុងលួងនឹងអំនួតរបស់ខ្លួន ហើយមើលងាយសមត្ថភាពអ្នកដទៃ»។លោកបន្តថា សម រង្ស៊ី ដែលធ្វើនយោបាយគ្មានយុទ្ធសាស្ត្រច្បាស់លាស់ និងជាមនុស្សកំសាកញី បានត្រឹមតែដើរបំផ្លាញគេប៉ុណ្ណោះ។ គាត់បរាជ័យយ៉ាងអាម៉ាស់រៀងរាល់ពេលបោះឆ្នោត ហើយតែងតែឡាំប៉ា និងដើរញុះញង់បរទេសជាចៅហ្វាយនាយរបស់ខ្លួនឈប់ផ្តល់ជំនួយ ឈប់វិនិយោគ និងឈប់ទិញទំនិញពីកម្ពុជាជាដើម។អ្នកតាមដានស្ថានការណ៍សង្គមរូបនេះថា អ្នកនយោបាយគ្មានចក្ខុវិស័យដូចជាលោក សម រង្ស៊ីនេះ គឺធ្វើនយោបាយ តាំងពីមានបក្ស រហូតដល់អត់បក្សឈរជើង និងធ្វើនយោបាយតាំងពីនៅក្នុងស្រុករហូតដល់រត់ចោលស្រុក។ ឥឡូវនេះ ទណ្ឌិត សម រង្ស៊ី បានធ្វើដំណើរមកដល់ផ្លូវទាល់ច្រក និងស្ទើរដល់ទីបញ្ចប់នៃជីវិតនយោបាយ និងជីវិតតាមធម្មជាតិទៅហើយ។ការលើកឡើងរបស់ក្រុមអ្នកវិភាគបែបនេះ បន្ទាប់ពីលោក សម រង្ស៉ី បានចេញវីដេអូមួយវាយប្រហារមកលើការដឹកនាំរបស់សម្តេចបវរធិបតី ហ៊ុន ម៉ាណែត នៅលើបណ្តាញសង្គមហ្វេសប៊ុករបស់ខ្លួនកាលពីថ្ងៃទី ១៣ខែកុម្ភៈឆ្នាំ២០២៥។សម្តេចបវរធិបតី ហ៊ុន ម៉ាណែត បានហួសចិត្តចំពោះទណ្ឌិត សម រង្ស៉ី ដែលជាមនុស្សអង្គុយលើចង្អេរ លើកខ្លួនឯង ហើយសម្តេចបានបង្ហាញអារម្មណ៍គួរឱ្យសង្វេគជាខ្លាំងសម្រាប់អ្នកនយោបាយចាស់វស្សាម្នាក់នេះ។សម្តេចបានសរសេរនៅលើបណ្តាញសង្គមជាមួយនឹងការចែករំលែកវីដេអូប្រតិកម្មរបស់ស្រ្តីអតីតបក្សប្រឆាំងម្នាក់យ៉ាងដូច្នេះថា៖«ប្រហែលជាមកពីគាត់គ្មានមុខរបរប្រចាំថ្ងៃពិតប្រាកដ ទើបបានជាលោក សម រង្ស៉ី ឃើញតែដើរកាន់មេក្រូច្រៀងតាមហាង និងតាមវត្តនៅក្រៅប្រទេស ដើម្បីរៃអង្គាសលុយផ្គត់ផ្គង់ការចំណាយរបស់គាត់។ បទចម្រៀងរបស់គាត់មានខ្លឹមសារដដែលៗ គឺគ្មានអ្វីក្រៅពីការវាយប្រហារ និងមើលងាយអ្នកផ្សេង ជាពិសេសមកលើរូបខ្ញុំ និងក្រុមគ្រួសារក៏ដូចជា អំពាវនាវឱ្យប្រជាពលរដ្ឋផ្ដួលរដ្ឋាភិបាល»។សម្តេចបានបន្តថា៖«ក្តីស្រមៃរបស់គាត់មានតែមួយគត់តាំងពីដើមរហូតដល់ដំណាក់កាលចុងក្រោយនៃជីវិតរបស់គាត់ គឺចង់អង្គុយលើកៅអីនាយករដ្ឋមន្ត្រី។ បើដណ្ដើមមិនបានតាមការបោះឆ្នោត គឺមានតែជំរុញមនុស្សឱ្យទៅដណ្តើមយកឱ្យគាត់ ក្រោមរូបភាពបដិវត្តន៍ប្រឆាំងរដ្ឋអំណាច។ សម្ដេចបវរធិបតីបន្ថែមថា៖«តាមព័ត៌មានក្រៅផ្លូវការដែលទទួលបានចុងក្រោយនេះ គឺលោក សម រង្សី ចង់បង្កើតរដ្ឋាភិបាលនិរទេសមួយ ហើយចាត់តាំងខ្លួនឯងធ្វើជានាយករដ្ឋមន្ត្រីនៃរដ្ឋាភិបាលនិរទេសនោះ។ សម រង្ស៊ី ហាក់ដូចជាមានការស្រមើស្រមៃ និងវិលវល់ច្រើនរហូតដល់មានមោទនភាពលើខ្លួនឯងដូចពាក្យខ្មែរមួយឃ្លាថា «អង្គុយលើចង្អេរ លើកខ្លួនឯង» ព្រមទាំងមើលងាយគេដូចគ្មានអ្នកណាចេះដល់ខ្លួន។ ដូច្នេះគួរឱ្យសង្វេគណាស់សម្រាប់អ្នកនយោបាយចាស់វស្សាម្នាក់នេះ»៕

បណ្ដាញសង្គម

ព័ត៌មានថ្មីៗ

ក្រុមសកម្មជននាំគ្នាតវ៉ានៅក្រៅទីស្នាក់ការកណ្តាល EU មុនការប្រកាសកិច្ចព្រមព្រៀងថាមពលស្អាត

ក្រុមហាម៉ាស់និយាយថា ការស្លាប់ទារកទើបឆ្លងទន្លេបណ្តាលមកពីគោលនយោបាយឧក្រិដ្ឋកម្មរបស់អ៊ីស្រាអែល

ផ្លូវជាតិលេខ១១ បាននិងកំពុងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសេដ្ឋកិច្ចគ្រួសារ តាមរយៈការសម្រួលដល់ការធ្វើដំណើររបស់បងប្អូនប្រជាពលរដ្ឋ និងការដឹកជញ្ជូនគ្រប់ប្រភេទ

អង្គការក្រៅស្រុកនិងសហការជាមួយក្រសួងកិច្ចការនារី ចូលរួមលើកកម្ពស់ភាពអង់អាចស្រ្តី និងក្មេងស្រី

ក្រុមគ្រូពេទ្យគ្មានព្រំដែនផ្អាកប្រតិបត្តិការនៅជំរំនៅតំបន់ Darfurប្រទេសស៊ូដង់ ស្របពេលអំពើហិង្សាកើនឡើង

វិមានក្រឹមឡាំង៖ រុស្ស៊ីមានលោហៈធាតុកម្រច្រើនណាស់ដែលសហរដ្ឋអាមេរិកត្រូវការ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ពលរដ្ឋ-ភ្ញៀវអន្តរជាតិសរសើរពីការរៀបចំ Walk street មានលក្ខណៈជាប្រទេសជឿនលឿន

ប្រធានក្រុមការងារគណបក្សក្រុងបូកគោប្រាប់សមាជិកឲ្យបង្កើនសកម្មភាព និងពង្រីកសមាជិកថ្មី

អភិបាលខេត្តតាកែវ៖ មន្រ្តីរាជការចូលនិវត្តន៍ និងអតីតយុវជនមានគុណបំណាច់​ចំពោះជាតិមិនអាចកាត់ថ្លៃបាន

ក្រុមការងារពាក់ព័ន្ធប្រជុំពិនិត្យគោលការណ៍ណែនាំបញ្ចប់ការបន្ទោបង់ពាសវាលពាសកាលនៅបន្ទាយមានជ័យ

លោកជំទាវ ពុំ ចន្ទីនី អញ្ជើញបិទវគ្គបណ្តុះបណ្តាលគ្រូបង្គោលវិជ្ជាសង្គ្រោះ​បឋមនៅ​សាកលវិទ្យាល័យ RULE

វិទ្យាស្ថានបច្ចេកទេសបណ្តារាជធានី-ខេត្ត ចេញញត្តិថ្កោលទោស​ការប៉ុនប៉ងធ្វើឃាតសម្តេចតេជោ តាមរយៈដ្រូន