BTV NEWS

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់

ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យរាជរដ្ឋាភិបាល រកឃើញអ្នកទទួលបានជ័យលាភីហើយ

ក្រសួងបរិស្ថាន កំពុងរៀបចំហេដ្ឋារចនាសម្ព័ន្ធនៅសហគមន៍តំបន់ការពារធម្មជាតិកោដូន្តី ដើម្បីទាក់ទាញទេសចរ

ព័ត៌មានជាតិ

មន្ត្រីឧទ្យានុរក្ស អាជ្ញាធរមូលដ្ឋាន និងពលរដ្ឋសហគមន៍ បានចុះជួយអន្តរាគមន៍ និងជម្លៀសអ្នកទេសចរនៅតំបន់ភ្នំខ្នងផ្សារជាង ៥០០នាក់ពីជំនន់ទឹកភ្លៀងមកកាន់ទីតាំងមានសុវត្ថិភាពអស់ហើយ

រហូតមកទល់វេលាថ្ងៃត្រង់ ថ្ងៃទី១៣ ខែកក្កដា ឆ្នាំ២០២៦ អ្នកទេសចរណ៍ ចំនួន ៥៥១ នាក់ ដែលជាប់គាំងដោយសារជំនន់ទឹកភ្លៀងនៅលើភ្នំខ្នងផ្សារ ក្នុងស្រុកឱរ៉ាល់ ខេត្តកំពង់ស្ពឺ ត្រូវបានក្រុមការងាររួមមានមន្ត្រីឧទ្យានុរក្សក្រសួងបរិស្ថាន សហការជាមួយអាជ្ញាធរមូលដ្ឋាន និងប្រជាសហគមន៍ បានជួយសម្រួល និងបានជម្លៀសមកដល់ទីតាំងសុវត្ថិភាព នៅភូមិតាំងបំពង់ ចេញឆ្ងាយពីតំបន់ដែលរងគ្រោះដោយជំនន់ ទឹកភ្លៀងកាលពីចុងសប្តាហ៍កន្លងមកនេះ។ ក្រុមការងារបានជួយសម្រួលរៀបចំផ្តល់ជូនសម្ភារៈស្បៀងអាហារ និងកន្លែងស្នាក់នៅសមរម្យជាបណ្ណោះអាសន្ន ជូនពួកគាត់ផងដែរ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា ឯកឧត្តមនិងមន្រ្តីក្រសួងបរិស្ថាន បានតាមដានយ៉ាងយកចិត្តទុកដាក់លើករណីគ្រោះមហន្តរាយធម្មជាតិ នៅតាមតំបន់ការពារធម្មជាតិ។ នៅព្រឹកថ្ងៃនេះថា ឯកឧត្តមរដ្ឋមន្រ្តី បានណែនាំឱ្យ មន្ត្រីជំនាញក្រសួងបរិស្ថាន បន្តសហការល្អថែមទៀត ជាមួយអាជ្ញធរពាក់ព័ន្ធ ធ្វើការជួយសង្រ្គោះនិងជម្លៀសប្រជាពលរដ្ឋ និងអ្នកទេសចរណ៍ នៅតំបន់ភ្នំខ្នងផ្សា ឱ្យមានសុវត្ថិភាពទាំងអស់។ កន្លងមកនេះ ក្រសួងបរិស្ថាន បានសហការជាមួយដៃគូពាក់ព័ន្ធ បានពង្រឹងការងារជំនាញសង្រ្គោះបឋម ដល់សហគមន៍ និងធ្វើការបង្កើនកិច្ចសហប្រតិបត្តិការល្អ ក្នុងការត្រៀមបង្ការ ការពារអាយុជីវិត ប្រជាពលរដ្ឋនៅតាមសហគមន៍តំបន់ការពារធម្មជាតិ ក្នុងការត្រៀមបង្ការ សង្រ្គោះបន្ទាន់ករណីមានគ្រោះអាស្នកើតឡើងនៅតាមតំបន់ការពារ៕

ឆមាសទី១ ឆ្នាំ២០២៦ អង្គភាពច្រកចេញចូលតែមួយរាជធានីភ្នំពេញផ្តល់សេវាជូនពលរដ្ឋបានជាង ១២ម៉ឺនសេវា

ភ្នំពេញ ៖ ឆមាសទី១ឆ្នាំ២០២៦ អង្គភាពច្រកចេញចូលតែមួយរាជធានីភ្នំពេញផ្តល់សេវាជូនពលរដ្ឋបានជាង១២ម៉ឺនសេវា។ នេះជាការលើកឡើងរបស់ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញក្នុងឱកាសដឹកនាំអង្គប្រជុំស្តីពីការចុះពិនិត្យ និងវាយតម្លៃការផ្តល់សេវារដ្ឋបាលតាមអង្គភាពច្រកចេញចូលតែមួយ នៃរដ្ឋបាលរាជធានីភ្នំពេញ ដែលបានធ្វើឡើងនាព្រឹកថ្ងៃទី១៣ ខែកក្ដដា២០២៦ ដើម្បីឱ្យការផ្តល់សេវារដ្ឋបាលជូនប្រជាពលរដ្ឋនៅរាជធានីភ្នំពេញកាន់តែល្អប្រសើរបន្ថែមទៀត ពិសេសផ្តោតសំខាន់លើការផ្តល់សេវាសុរិយោដី និងសំណង់។កិច្ចប្រជុំនេះ ធ្វើឡើងក្រោមអធិបតីភាព ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងឯកឧត្ដម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃ ព្រមទាំងអភិបាលខណ្ឌទាំង១៤ និងមន្ទីរពាក់ព័ន្ធនៅសាលារាជធានីភ្នំពេញ។ឯកឧត្ដម ឃួង ស្រេង មានប្រសាសន៍ថា អង្គភាពច្រកចេញចូលតែមួយរាជធានីភ្នំពេញបានបង្កើតឡើងបាន៨ឆ្នាំហើយ ហើយសេវាប្រមាណ៩៨% បានចូលមកតាមច្រកនេះ ជាមួយនិងភាពលឿនរហ័សទាន់ចិត្ត ជូនប្រជាពលរដ្ឋ។ ជាក់ស្តែងក្នុងឆមាសទី១ឆ្នាំ២០២៦នេះ អង្គភាពច្រកចេញចូលតែមួយរាជធានីភ្នំពេញបានផ្តល់សេវាជូនពលរដ្ឋបានជាង១២ម៉ឺនសេវា។ ក្រៅពីអង្គភាពច្រកចេញចូលតែមួយរាជធានីភ្នំពេញ ក៏មានច្រកចេញចូលតែមួយនៅតាមខណ្ឌទាំង១៤និងសង្កាត់ទាំង១០៥ផងដែរ។ ក្នុងនាមអាជ្ញាធរនៅថ្នាក់ក្រោមជាតិនឹងបន្តការងារនេះកាន់តែល្អជាងមុនថែមទៀត ដែលថ្នាក់ជាតិប្រគល់ជូន។ ឯកឧត្ដម ឃួង ស្រេង បានណែនាំឱ្យអាជ្ញាធរខណ្ឌទាំង១៤ ត្រូវពិនិត្យជាប្រចាំនៅតាមច្រកចេញចូលតែមួយ ខណ្ឌ និងសង្កាត់ ធ្វើយ៉ាងណាឱ្យការផ្តល់សេវានេះទទួលបានការគាំទ្រ ជឿទុកចិត្ត ពេញចិត្តពីប្រជាពលរដ្ឋ ហើយអនុវត្តការងារនេះឱ្យបានព្រមៗគ្នា។ឯកឧត្ដម សួស ប្រាថ្នា មានប្រសាសន៍ថា ការបង្កើតឱ្យមានកិច្ចប្រជុំនេះឡើង គឺក្នុងគោលបំណងពិនិត្យមើលអំពីវឌ្ឍនៈភាពការងាររបស់រដ្ឋបាលរាជធានីភ្នំពេញ ដោយប្រមូលយកបញ្ហាប្រឈមសេសសល់មួយចំនួនមកពិភាក្សា ដើម្បីឱ្យការផ្តល់សេវារដ្ឋបាលជូនប្រជាពលរដ្ឋមានរយៈពេលខ្លី សាមញ្ញា និងមានភាពងាយស្រួលជាងមុន កាត់បន្ថយការថ្នាំថ្នាក់ពីប្រជាពលរដ្ឋ។ ឯកឧត្ដម សួស ប្រាថ្នា បន្តថា ដើម្បីឱ្យការបំរើសេវាជូនប្រជាពលរដ្ឋកាន់តែល្អប្រសើរជាងមុនថែមទៀតនោះ យើងត្រូវសហការជាមួយស្ថាប័នពាក់ព័ន្ធទាំងអស់ ពិភាក្សាគ្នា ធ្វើយ៉ាងណាឱ្យឯកសារដែលត្រូវផ្តល់ជូនប្រជាពលរដ្ឋមានភាពសាមញ្ញ ខ្លី និងងាយស្រួលជាងមុន។ ត្រូវប្រជុំលើការងារនេះឱ្យបាន៣ដងក្នុង១ខែ ជាមួយនិងការចាត់មន្ត្រីឱ្យចុះតាមដាន ពិនិត្យមើលជាប្រចាំនៅថ្នាក់រដ្ឋបាលថ្នាក់ក្រោមជាតិ។ដោយឡែកតំណាងក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ផងដែរថា មានសេវា២ប្រភេទ ដែលចាំបាច់ និងសំខាន់ នោះគឺសេវាសុរិយោដី និងសេវាសំណង់ ព្រោះវាពាក់ព័ន្ធធំជាមួយប្រជាពលរដ្ឋ និងអ្នកវិនិយោគ មិនថានៅក្រៅស្រុក ឬនៅក្រៅស្រុក ហើយត្រូវពិនិត្យរួមគ្នាជាមួយស្ថាប័នពាក់ព័ន្ធទាំងអស់ រកគន្លឹះដោះស្រាយឱ្យកាន់តែល្អ ខ្លី សាមញ្ញជូនពលរដ្ឋ៕អត្ថបទ៖ ប្រាក់ វ៉ាន់ដា

រយៈពេល៣ថ្ងៃនៃពិព័រណ៍ផ្សព្វផ្សាយ និងចែកកកូនឈើ «ពន្លកបៃតង» ក្រសួងបរិស្ថាន ចែកកូនឈើចម្រុះជូនពលរដ្ឋយកទៅដាំចំនួនជាង ១លានដើម

(ភ្នំពេញ)៖ ក្រសួងបរិស្ថានបានប្រកាសពីសមិទ្ធផលដ៏ត្រចះត្រចង់ក្នុងការចែកកូនឈើដោយឥតគិតថ្លៃជូនសាធារណជនបានសរុប ៥,៣ លានដើម គិតចាប់ពីថ្ងៃទី០១ ខែមករា ឆ្នាំ២០២៦ រហូតមកទល់ពេលបច្ចុប្បន្ននេះ។ កូនឈើទាំងនេះត្រូវបានយកទៅដាំតាមលំនៅឋាន សហគមន៍ និងដាំស្តារព្រៃឈើនៅទូទាំងប្រទេស ដើម្បីរួមចំណែកដល់ការអភិរក្សធនធានធម្មជាតិ បង្កើនគម្របបៃតង សម្រាប់ការរស់នៅប្រកបដោយចីរភាព។ ក្នុងនោះដែរ ពិព័រណ៍ផ្សព្វផ្សាយ និងចែកកូនឈើ «ពន្លកបៃតង» ដែលបានប្រព្រឹត្តទៅនៅរាជធានីភ្នំពេញ ចាប់ពីថ្ងៃទី១០ ដល់ថ្ងៃទី១៣ ខែកក្កដា ឆ្នាំ២០២៦ ក្រសួងបរិស្ថានបានចែកកូនឈើចម្រុះបានចំនួន ១,២លានដើម។ ព្រឹត្តិការណ៍នេះគឺជាឆ្នាំទី៣ ហើយដែលក្រសួងបានរៀបចំឡើង ដោយរួមបញ្ចូលទាំងការប្រកាសព្រឹត្តិការណ៍ «ដាំដើមត្នោតមួយលានដើម» នៅមុខទីស្តីការក្រសួងបរិស្ថាន ប្រកបដោយភាពអធិកអធម និងមានអ្នកចូលរួមយ៉ាងច្រើនកុះករ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងថា ពិព័រណ៍ «ពន្លកបៃតង» មិនត្រឹមតែជាពិធីចែកកូនឈើប៉ុណ្ណោះទេ ប៉ុន្តែជាការចាប់ផ្តើមរួមគ្នាជាចលនាជាតិមួយ ដែលមានគោលបំណងលើកកម្ពស់ការចូលរួមរបស់ប្រជាពលរដ្ឋគ្រប់រូបក្នុងការការពារ និងស្ដារធនធានធម្មជាតិ។ ឯកឧត្តមបានបញ្ជាក់ថា «ពន្លកបៃតង» គឺជានិមិត្តរូបនៃក្តីសង្ឃឹម ការទទួលខុសត្រូវ និងការចាប់ផ្តើមថ្មី សម្រាប់កម្ពុជាបៃតង ស្អាត និងប្រកបដោយចីរភាព។ ឯកឧត្តមរដ្ឋមន្រ្តីក៏បានថ្លែងអំណរគុណដល់គ្រប់ភាគីពាក់ព័ន្ធទាំងអស់ដែលបានគាំទ្រ និងចូលរួមរៀបចំពិធីនេះ។ ជាមួយគ្នានេះ ឯកឧត្តមបានជំរុញឱ្យមានការចូលរួម និងគាំទ្រយុទ្ធនាការរបស់ក្រសួងបរិស្ថាន តាមរយៈការបណ្តុះពន្លកនៃភាពស្អាត និងភាពបៃតងនេះជាបន្តទៀត ជាពិសេសការដាំ និងថែទាំដើមឈើឱ្យបានលូតលាស់ល្អ ដើម្បីឱ្យប្រទេសកម្ពុជាទទួលបាននូវភាពស្អាត ភាពបៃតង ធ្វើយ៉ាងណាឱ្យមានចីរភាព ហើយឈានឆ្ពោះទៅជាប្រទេសដែលមានអព្យាក្រឹត្យកាបូននៅឆ្នាំ២០៥០។ ឯកឧត្តមក៏បានប្រកាសថា ក្រសួងបរិស្ថាននឹងបន្តរៀបចំពិព័រណ៍ «ពន្លកបៃតង» លើកទី៤ នៅឆ្នាំក្រោយទៀត ដើម្បីឱ្យប្រជាពលរដ្ឋខ្មែរទាំងអស់គ្នាអាចចូលរួមបានគ្រប់ៗគ្នា។ ឯកឧត្តមមានជំនឿជឿជាក់ថា ស្មារតី និងទឹកចិត្តស្រលាញ់បរិស្ថាននេះ នឹងបន្តសាយភាយដល់ប្រជាពលរដ្ឋខ្មែរគ្រប់ៗរូប ជំរុញឱ្យកម្ពុជាមានភាពស្អាត ភាពបៃតង ទាក់ទាញអ្នកទេសចរណ៍ អ្នកវិនិយោគ មកកម្ពុជា ចូលរួមអភិវឌ្ឍន៍កម្ពុជាឆ្ពោះសម្រេចបានជាប្រទេសអព្យាក្រឹតកាបូនឆ្នាំ២០៥០៕

ជំនន់ទឹកភ្លៀងនៅស្រុកសំឡូតស្រកចុះ ខណៈមន្ទីរជំនាញ និងអាជ្ញាធរស្រុកចុះវាយតម្លៃផលប៉ះពាល់

បាត់ដំបង៖ លោក តុល ភន អភិបាលស្តីទីនៃគណៈអភិបាលស្រុកសំឡូត បានថ្លែងឱ្យដឹងថា គិតត្រឹមថ្ងៃទី១៣ ខែកក្កដា ឆ្នាំ២០២៦នេះ ស្ថានភាពជំនន់ទឹកភ្លៀងនៅក្នុងភូមិសាស្រ្តស្រុកសំឡូតបានស្រកចុះជាបន្តបន្ទាប់ប៉ុន្តែនៅមានភ្លៀងរលឹម ខណៈមន្ទីរជំនាញ និងអាជ្ញាធរស្រុកកំពុងចុះពិនិត្យវាយតម្លៃផលប៉ះពាល់។ ការស្រកចុះនេះបន្ទាប់ពី មន្ទីរធនធានទឹក និងឧតុនិយមខេត្តបាត់ដំបង បានបើកទ្វារទឹកអាងពហុបំណងបាត់ដំបងបង្ហូរចូលស្ទឹងសង្កែដើម្បីរំលស់ទឹកសម្រាប់ទប់ទល់ពេលមានភ្លៀងធ្លាក់បន្ថែម និងបន្ធូរបរិមាណទឹកដែលពេញអាង។ សូមរំឭកថា កាលពីថ្ងៃទី១២ ខែកក្កដា ឆ្នាំ២០២៦ មានភ្លៀងធ្លាក់ខ្លាំងនៅក្នុងស្រុកសំឡូតបណ្ដាលឱ្យមានការលិចលង់ផ្ទះសម្បែង និងភោគផលដំណាំមួយចំនួនរបស់ប្រជាពលរដ្ឋ។ រដ្ឋបាលស្រុកសំឡូតបានដាក់បទបញ្ជាដល់កងកម្លាំងប្រដាប់អាវុធគ្រប់ប្រភេទនៅក្នុងស្រុកក៏ដូចជារដ្ឋបាលឃុំទាំង៧ ឱ្យត្រៀមលក្ខណៈកម្លាំង និងមធ្យោបាយសង្គ្រោះ ដើម្បីចុះអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា ក្នុងករណីមានគ្រោះអាសន្ន ឬស្ថានភាពទឹកជំនន់បន្តវិវត្តកាន់តែធ្ងន់ធ្ងរឡើងជាយថាហេតុ។រដ្ឋបាលស្រុកបាននិងកំពុងបន្តតាមដានការវិវត្តនៃកម្រិតទឹកយ៉ាងយកចិត្តទុកដាក់បំផុត៕

សភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីកម្ពុជា

តាមសំរណើរបស់គណៈកម្មាធិការនយោបាយរបស់ខ្លួន សភាប្រើភាសាបារាំង (APF) ក្នុងសម័យប្រជុំប្រចាំឆ្នាំលើកទី៥១ ដែលបានប្រព្រឹត្តទៅនៅទីក្រុងយ៉ាអ៊ូនដេ (ប្រទេសកាមឺរូន) បានអនុម័តនៅព្រឹកថ្ងៃទី១១ ខែកក្កដា ឆ្នាំ២០២៦ នូវសេចក្តីសម្រេចចិត្តដែលបញ្ជាក់ឡើងវិញនូវការគាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីនៃព្រះរាជាណាចក្រកម្ពុជា។ នេះបើតាមសេចក្តីប្រកាសព័ត៌មានរបស់ព្រឹទ្ធសភាកម្ពុជា។ អ្នកនាំពាក្យរាជរដ្ឋាភិបាលកម្ពុជា ឯកឧត្តម ប៉ែន បូណា បានបញ្ជាក់ជាថ្មីតាមរយៈសន្និសីទសារព័ត៌មាននៅថ្ងៃទី១៣ ខែកក្កដា ឆ្នាំ២០២៦នេះថា សេចក្តីសម្រេចចិត្តបញ្ជាក់ជាថ្មីនូវការប្តេជ្ញាចិត្តរបស់សមាជិកសភាប្រើភាសាបារាំងនេះបានគូសបញ្ជាក់ពីសារៈសំខាន់នៃរបៀបវារៈ «ស្ត្រី សន្តិភាព និងសន្តិសុខ» និងតួនាទីដ៏សំខាន់របស់ស្ត្រីក្នុងការបង្ការជម្លោះ និងការពង្រឹងសន្តិភាពឱ្យបានរឹងមាំ។ ប្រឈមមុខនឹងភាពតានតឹងដែលនៅតែបន្តកើតមាននៅតាមព្រំដែនរវាងកម្ពុជា-ថៃ ចាប់តាំងពីខែកក្កដា ឆ្នាំ២០២៥ សភាប្រើភាសាបារាំង (APF) បានសម្តែងនូវការព្រួយបារម្ភយ៉ាងខ្លាំង ចំពោះការបាត់បង់ជីវិតមនុស្ស ការផ្លាស់ទីលំនៅរបស់ប្រជាពលរដ្ឋស៊ីវិល និងរបាយការណ៍នានាស្តីពីការរំលោភលើបទឈប់បាញ់ និងការប៉ះពាល់ដល់បូរណភាពទឹកដីនៃប្រទេសកម្ពុជា រួមទាំងការខូចខាតដល់ទីតាំងវប្បធម៌ និងសាសនា ដែលក្នុងនោះទីតាំងមួយចំនួនត្រូវបានចុះក្នុងបញ្ជីបេតិកភណ្ឌពិភពលោករបស់អង្គការយូណេស្កូ(UNESCO)។ សេចក្តីសម្រេចរបស់សភាប្រើភាសាបារាំង ក៏បានកត់សម្គាល់ជាពិសេសនូវ «ការសាងសង់ហេដ្ឋារចនាសម្ព័ន្ធស៊ីវិល និងយោធា ការរៀបចំពិធីសាសនានៅក្នុងទីតាំងវប្បធម៌ និងជំនឿសាសនាព្រមទាំងគំនិតផ្តួចផ្តើមក្នុងការបែងចែកដីធ្លីនៅក្នុងតំបន់ទាំងនោះ»។ សភាប្រើភាសាបារាំង (APF) អំពាវនាវឱ្យមានការគោរពយ៉ាងម៉ឺងម៉ាត់ចំពោះអធិបតេយ្យភាពរបស់កម្ពុជា ការចៀសវាងរាល់សកម្មភាពឯកតោភាគីណាមួយដែលបណ្តាលឱ្យភាពតានតឹងកាន់តែធ្ងន់ធ្ងរឡើង និងការអនុវត្តឱ្យបានពេញលេញនូវសេចក្តីថ្លែងការណ៍រួមដែលបានចុះហត្ថលេខានៅទីក្រុងគូឡាឡាំពួរ កាលពីថ្ងៃទី២៦ ខែតុលា ឆ្នាំ២០២៥ ដោយនាយករដ្ឋមន្ត្រីនៃប្រទេសទាំងពីរ។ សភាប្រើភាសាបារាំង (APF) ក៏បានសម្តែងនូវការសោកស្តាយយ៉ាងជ្រាលជ្រៅចំពោះទុក្ខវេទនាដែលប្រជាពលរដ្ឋស៊ីវិលបានរងគ្រោះ ដោយរំលឹកថា រាល់ការបំផ្លិចបំផ្លាញបេតិកភណ្ឌវប្បធម៌ ដែលជា «កេរដំណែលរួមរបស់មនុស្សជាតិ» ជះឥទ្ធិពលអវិជ្ជមានដល់ការរំពឹងទុកនៃសន្តិភាពប្រកបដោយចីរភាព និងការផ្សះផ្សាគ្នា។ សេចក្តីសម្រេចចិត្តនេះបានទាមទារឱ្យមានការបន្ធូរបន្ថយភាពតានតឹងជាបន្ទាន់ ការបន្តកិច្ចសន្ទនារវាងភាគីនានា និងការដកកងកម្លាំងប្រដាប់អាវុធទាំងអស់ចេញពីតំបន់ជម្លោះ។ សភាប្រើភាសាបារាំង (APF) បញ្ជាក់ឡើងវិញនូវការគាំទ្ររបស់ខ្លួនចំពោះយន្តការទ្វេភាគីដែលមានស្រាប់ ជាពិសេសគណៈកម្មការចម្រុះព្រំដែន (JBC) និងលើកទឹកចិត្តឱ្យមានការដោះស្រាយដោយសន្តិវិធីស្របតាមច្បាប់អន្តរជាតិ។ សភាប្រើភាសាបារាំង (APF) គាំទ្រដល់ការធ្វើឱ្យទំនាក់ទំនងរវាងកម្ពុជា និង ថៃ មានភាពប្រក្រតីឡើងវិញ ដោយផ្អែកលើការទទួលស្គាល់អធិបតេយ្យភាព បូរណភាពទឹកដីគ្នាទៅវិញទៅមក និងភាពមិនអាចរំលោភបាននៃព្រំដែន ព្រមទាំងការខណ្ឌសីមាព្រំដែនស្របតាមលិខិតុបករណ៍គតិយុត្តអន្តរជាតិ។ នៅរសៀលថ្ងៃដដែល អង្គប្រជុំបានអនុម័តជ្រើសរើស ឯកឧត្តម អ៊ុច បូររិទ្ធ អនុប្រធានទី១នៃព្រឹទ្ឋសភាកម្ពុជា ជាប្រតិភូប្រចាំតំបន់ អាស៊ី-ប៉ាស៊ីហ្វិក សម្រាប់អាណត្តិពីរឆ្នាំ (ពីឆ្នាំ២០២៦ ដល់ ២០២៨)។ តាងនាមឱ្យព្រឹទ្ធសភា រដ្ឋសភា និងប្រជាជនកម្ពុជា ឯកឧត្តម អ៊ុច បូររិទ្ធ បានសម្តែងនូវការដឹងគុណយ៉ាងជ្រាលជ្រៅបំផុតជូនចំពោះគណៈប្រតិភូទាំងអស់នៃអង្គប្រជុំសភាប្រើភាសាបារាំង ចំពោះការគាំទ្រសេចក្តីសម្រេចចិត្តស្តីពីការគោរពបូរណភាពទឹកដីនៃប្រទេសកម្ពុជា ដែលត្រូវបានអនុម័តពេលនេះ។ ឯកឧត្តមបានគូសបញ្ជាក់ថា ការអនុម័តនេះ គឺជាសក្ខីភាពបញ្ជាក់ពីឆន្ទៈនៃសភាប្រើប្រាស់ភាសាបារាំង ក្នុងការរួបរួមគ្នាយ៉ាងរឹងមាំជុំវិញគោលការណ៍ទាំងឡាយដែលជាមូលដ្ឋានគ្រឹះរបស់សភា ពោលគឺ៖ ការគោរពច្បាប់អន្តរជាតិ អធិបតេយ្យភាពនៃរដ្ឋ និងការដោះស្រាយវិវាទដោយសន្តិវិធី។ ឯកឧត្តមបានគូសបញ្ជាក់ថា ការគាំទ្ររបស់សភាប្រើប្រាស់ភាសាបារាំងចំពោះសេចក្តីសម្រេចចិត្តនេះ គឺជាសារផ្ញើជូនសហគមន៍អន្តរជាតិ អំពីសាមគ្គីភាព ការទទួលខុសត្រូវ និងការជួយគ្នាទៅវិញទៅមក រវាងប្រទេសសមាជិកនៃអង្គការហ្វ្រង់កូហ្វូនី ដើម្បីសន្តិភាព ការគោរពច្បាប់អន្តរជាតិ និងការអភិវឌ្ឍ។ ឯកឧត្តម អ៊ុច បូរិទ្ធ បានសម្តែងសារជាថ្មីនូវការដឹងគុណយ៉ាងជ្រាលជ្រៅបំផុតចំពោះទំនុកចិត្ត និងមិត្តភាព ព្រមទាំងការប្តេជ្ញាចិត្តឥតងាករេរបស់ប្រតិភូទាំងអស់ ក្នុងការបម្រើដល់សន្តិភាព កិច្ចសន្ទនា និងគោលការណ៍នីតិរដ្ឋ៕

AmCham បង្ហាញឆន្ទៈចូលរួមវេទិកា G-PSF ដើម្បីជួយដោះស្រាយបញ្ហាបរិយាកាសធ្វើធុរកិច្ចនៅកម្ពុជា

តំណាងសភាពាណិជ្ជកម្មអាមេរិកនៅកម្ពុជា (AmCham) បង្ហាញនូវឆន្ទៈខ្ពស់ ចូលរួមក្នុងវេទិការាជរដ្ឋាភិបាល-ផ្នែកឯកជន (G-PSF) ដើម្បីដោះស្រាយបញ្ហាប្រឈម និងឆ្លើយតបទៅនឹងតម្រូវការរបស់ធុរជន ក្នុងគោលដៅលើកកម្ពស់ដល់បរិយាកាសធុរកិច្ច ពាណិជ្ជកម្ម និងវិនិយោគ នៅក្នុងស្ថានភាពមិនទាន់ប្រាកដប្រជាខ្ពស់។ វិស័យឯកជនគឺជាកម្លាំងចលករដ៏សំខាន់មិនអាចខ្វះបាន ក្នុងការជំរុញកំណើនសេដ្ឋកិច្ច ការបង្កើតការងារ និងការលើកកម្ពស់ ឧស្សាហកម្មក្នុងស្រុក ឱ្យប្រកួតប្រជែងលើឆាកអន្តរជាតិ។ ដើម្បីសម្រេចបាននូវសក្តានុពលទាំងនេះ ការសហការរវាងវិស័យឯកជន សមាគម សហគ្រិនក្នុងស្រុក និងរាជរដ្ឋាភិបាល ដើរតួនាទីជាយុទ្ធសាស្ត្រស្នូល តាមរយៈទិដ្ឋភាពសំខាន់ៗដូចជា៖ ភាពជាដៃគូរដ្ឋ និងឯកជន, ការកែលម្អគោលនយោបាយ, ការពង្រឹងបណ្តាញធុរកិច្ច និងការអភិវឌ្ឍធនធានមនុស្ស និងការច្នៃប្រឌិតជាដើម។លោក ខេស៊ី បាណេត (Casey Barnett) ប្រធានក្រុមប្រឹក្សាភិបាលសភាពាណិជ្ជកម្មអាមេរិកនៅកម្ពុជា (AmCham) លើក ឡើងថា សភាពាណិជ្ជកម្មអាមេរិកនៅកម្ពុជា ដើរតួនាទីយ៉ាងសំខាន់ក្នុងការជំរុញពាណិជ្ជកម្ម លើកកម្ពស់ការវិនិយោគផ្ទាល់ពីបរទេស (FDI) និងពង្រឹងកិច្ចសហប្រតិបត្តិការរវាងវិស័យឯកជនកម្ពុជា-អាមេរិក។ អង្គការមិនស្វែងរកប្រាក់ចំណេញនេះ មានសកម្មភាពស្នូល ដូចជា ការទាក់ទាញវិនិយោគ និងការពង្រីកអាជីវកម្ម ដោយជួយផ្សព្វផ្សាយសក្តានុពលសេដ្ឋកិច្ច និងរៀបចំការស្ទង់មតិលើកទឹកចិត្ត ដល់ក្រុមហ៊ុនអាមេរិក និងអន្តរជាតិឱ្យមកបណ្តាក់ទុននៅកម្ពុជាជាដើម។ បញ្ហានេះ ក្នុងនាមលោកជាប្រធានក្រុមប្រឹក្សាភិបាល គឺចង់ ពង្រីងកិច្ចការជាមួយសភាពាណិជ្ជកម្មកម្ពុជា តាមរយៈវេទិការាជរដ្ឋាភិបាល-ផ្នែកឯកជន (G-PSF) ដើម្បីលើកកម្ពស់ដល់បរិយាកាស ធុរកិច្ច ជាពិសេសលើកកម្ពស់ពាណិជ្ជកម្ម និងវិនិយោគ នៅក្នុងស្ថានភាពដែលមិនទាន់មានភាពប្រាកដប្រជាខ្ពស់។ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្ពុជា និងជាអនុប្រធានក្រុមការងារ សម្រាប់យន្តការវេទិការាជរដ្ឋាភិ បាល-ផ្នែកឯកជន (G-PSF) លើកឡើងថា ជុំវិញការដាក់បញ្ចូលសមាគមនានា នៅក្នុងវេទិការាជរដ្ឋាភិបាល-ផ្នែកឯកជន សភា- ពាណិជ្ជកម្ពុជា បានដាក់បញ្ចូលជាច្រើនរួចហើយ ក្នុងគោលបំណងដោះស្រាយបញ្ហាប្រឈមនានា លើកកម្ពស់ការអភិវឌ្ឍវិស័យ ឯកជន ពង្រឹងមូលដ្ឋានគ្រឹះកំណើនសេដ្ឋកិច្ច និងកែលម្អបរិយាកាសវិនិយោគនៅកម្ពុជា។ ឧកញ៉ាបណ្ឌិត បន្តថា វិស័យឯកជននៅក្នុង ដំណាក់កាលចុងក្រោយនេះមានការនឿយហត់បន្តិច ខណៈបច្ចេកវិទ្យាកំពុងជឿនលឿន, វិបត្តិជំងឺកូវីដ-១៩ សង្គ្រាមរុស្សី-អ៊ុយក្រែន, សង្គ្រាមនៅមជ្ឈឹមបូព៌ា និងជម្លោះព្រំដែនកម្ពុជា-ថៃជាដើម ប៉ុន្តែយ៉ាងណាយើងត្រូវដើរឱ្យទាន់សភាពការណ៍ ដើម្បីភាពប្រកួតប្រជែង និងការរីកចម្រើន ក្នុងអាជីវកម្មខ្លួនឯង និងការចូលរួមក្នុងសេដ្ឋកិច្ចជាតិ។ជុំវិញពាណិជ្ជកម្ម និងវិនិយោគ, រាជរដ្ឋាភិបាលកម្ពុជាកំពុងពន្លឿនកំណែទម្រង់ស៊ីជម្រៅដូចជាការរៀបចំក្រមពាណិជ្ជកម្មថ្មី និងការកែ លម្អយន្តការអធិការកិច្ចអន្តរក្រសួង។ វិធានការទាំងនេះ ធ្វើឡើងដើម្បីសម្រួលនីតិវិធីរដ្ឋបាល បង្កើតបរិវត្តកម្មឌីជីថល និងកាត់បន្ថយ បន្ទុកអាជីវកម្ម សំដៅទាក់ទាញការវិនិយោគ និងលើកកម្ពស់បរិយាកាសធុរកិច្ចប្រកបដោយភាពប្រកួតប្រជែង។ បញ្ហាទាំងនោះរួមមាន ការកែទម្រង់ច្បាប់និងបទដ្ឋានគតិយុត្ត, ការធ្វើទំនើបកម្មរដ្ឋបាលនិងឌីជីថល, ការសម្រួលការត្រួតពិនិត្យ និង កិច្ចសន្ទនាសាធារណៈ និងឯកជន តាមរយៈការប្រើប្រាស់វេទិការាជរដ្ឋាភិបាល-ផ្នែកឯកជន (G-PSF) ដើម្បីដោះស្រាយបញ្ហាប្រឈម និងឆ្លើយតបទៅនឹង តម្រូវការជាក់ស្តែងរបស់ធុរជន៕អត្ថបទ៖ សុន រ៉ាឌី

បារាំងនឹងជំរុញឱ្យមានវត្តមានវិនិយោគិនបារាំងកាន់តែច្រើនមកវិនិយោគនៅកម្ពុជា

ភ្នំពេញ៖ ប្រទេសបារាំងនឹងបន្តជំរុញឱ្យវិនិយោគិនបារាំងមកនៅកម្ពុជាបន្ថែមទៀត ខណៈ បច្ចុប្បន្នក្រុមហ៊ុនបារាំងប្រមាណ ២០០ កំពុងធ្វើអាជីវកម្មនៅកម្ពុជាទៅលើវិស័យសំខាន់ៗ ដូចជា វិស័យដឹកជញ្ជូន, ថាមពល, ហិរញ្ញវត្ថុ, សុខាភិបាល និងវិស័យចម្បងមួយចំនួនទៀត។ ឯកឧត្តម នីកូឡា ហ្វ័ររីស្យេ រដ្ឋមន្ត្រីប្រតិភូអមរដ្ឋមន្ត្រីក្រសួងអឺរ៉ុប និងការបរទេស ទទួលបន្ទុកពាណិជ្ជកម្មបរទេស និងការទាក់ទាញវិនិយោគ បានថ្លែងក្នុងសន្និសីទសារព័ត៌មានកាលសប្តាហ៍មុនថា ក្រុមហ៊ុនបារាំងបានដើរតួនាទីយ៉ាងសំខាន់បានចូលរួមអភិវឌ្ឍន៍សេដ្ឋកិច្ចនៅកម្ពុជា ដែលក្រុមហ៊ុនបារាំងទាំងនោះវិនិយោគលើវិស័យចម្បងៗ ដូចជា វិស័យដឹកជញ្ជូន (ព្រលានយន្តហោះ), ថាមពល, ហិរញ្ញវត្ថុ, សុខាភិបាល, ទេសចរណ៍,សណ្ឋាគារ, និង វិស័យសំណង។ ឯកឧត្តម បានបញ្ជាក់ថា ដើម្បីពង្រឹងទំនាក់ទំនងរបស់ប្រទេសទាំងពីរ គឺឯកឧត្តមអេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង និងសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានចង់ឃើញនូវការពង្រឹងការវិនិយោគរបស់បារំាងនៅកម្ពុជាបន្ថែមទៀត ជាពិសេសទៅលើគម្រោងជាក់លាក់មួយចំនួន ដូចជា គម្រោងហេដ្ឋារចនាសម្ព័ន្ធ ជាដើម។ ក្នុងអំឡុងពេលដំណើរទស្សនកិច្ចនៅកម្ពុជា ឯឧត្តម នីកូឡា ហ្វ័ររីស្យេ បានជួបពិភាក្សាជាមួយមន្រ្តីជាន់ខ្ពស់កម្ពុជា និងក្រុមហ៊ុនធំៗជាច្រើន ដើម្បីផ្លាស់ប្តូរយោបល់លើគម្រោងសេដ្ឋកិច្ចជាក់ស្តែង ក្នុងគោលបំណងពង្រឹងភាពជាដៃគូរវាងប្រទេសបារាំង និងកម្ពុជា ព្រមទាំងពង្រីកវត្តមានរបស់សហគ្រាសបារាំងនៅកម្ពុជា។ ទិន្នន័យពីអគ្គនាយកដ្ឋានគយ និងរដ្ឋាករ (GDCE) បានបញ្ជាក់ថា ពាណិជ្ជកម្មទ្វេភាគីរវាងកម្ពុជា និងបារាំងបានឈានដល់ ៣២២,៨៣ លានដុល្លារអាមេរិក នៅក្នុងឆមាសទី១ ឆ្នាំ ២០២៦ កើនឡើង ១២,៩% បើប្រៀបធៀបទៅនឹងរយៈពេលដូចគ្នាក្នុងឆ្នាំ ២០២៥។ ក្នុងនោះ កម្ពុជាបាននាំចេញទៅបារាំងកក្នុងទំហំទឹកប្រាក់សរុបចំនួន ២៥៩,១១ លានដុល្លារអាមេរិក កើនឡើង ១៣,៥% ខណៈដែលកម្ពុជានាំចូលមកវិញមានចំនួន ៦៣,៧២ លានដុល្លារអាមេរិក កើនឡើង ១០,៥%។ ប្រទេសបារាំងគឺជាដៃគូពាណិជ្ជកម្មធំទី ១៦ របស់កម្ពុជា៕ អត្ថបទ៖ ធូ វិរៈ

មន្ទីរធនធានទឹកខេត្តបាត់ដំបង បើកទ្វារទឹកអាងសេកសកបន្ធូរបរិមាណទឹក និងរំដោះការជន់លិចនៅស្រុកសំឡូត

បាត់ដំបង៖ នៅព្រឹកថ្ងៃទី១៣ ខែកក្កដា ឆ្នាំ២០២៦នេះ មន្ទីរធនធានទឹក និងឧតុនិយមខេត្តបាត់ដំបង បានបើកទ្វារទឹកអាងទំនប់ពហុបំណង(សេកសក) បាត់ដំបងដើម្បីបន្ធូរបរិមាណទឹកដែលពេញអាងរំដោះការជន់លិចនៅផ្នែកខាងលើក្នុងស្រុកសំឡូតនិងបញ្ជូនទឹកទៅជួយសង្រ្គោះស្រូវរបស់ប្រជាកសិករនៅផ្នែកខាងក្រោមក្នុងភូមិសាស្រ្តស្រុកឯកភ្នំ និងស្រុកសង្កែជាដើម។ លោក ខៃ សុដា ប្រធានមន្ទីរធនធានទឹក និងឧតុនិយមខេត្តបាត់ដំបង បានថ្លែងឱ្យដឹងថា ការបើកទ្វារទឹកនេះ គឺដើម្បីទម្លាក់កម្ពស់ទឹកកុំឱ្យលើសពីកម្រិតអតិបរមា និងទុកលំហូរទុករំលស់ទឹកសម្រាប់ទប់ទល់ពេលមានភ្លៀងធ្លាក់បន្ថែមដោយសារផ្នែកខាងលើគឺនៅស្រុកសំឡូតមានភ្លៀងធ្លាក់ជាបន្តបន្ទាប់ដែលធ្វើឱ្យអាងស្តុកទឹកឡើងពេញ។ ក្នុងនាមមន្ទីរធនធានទឹក និងឧតុនិយមខេត្តបាត់ដំបង លោក ខៃ សុដា អំពាវនាវដល់បងប្អូនប្រជាពលរដ្ឋរស់នៅតាមដងស្ទឹងសង្កែឱ្យបង្កើនការប្រុងប្រយ័ត្នដោយសារភ្លៀងនៅតែបន្តធ្លាក់នៅប៉ែកខាងលើធ្វើឱ្យអាងស្តុកទឹកពេញត្រូវបើកទ្វារទឹកបង្ហូរចូលក្នុងស្ទឹងសង្កែ ដែលធ្វើឱ្យកម្ពស់ទឹកក្នុងស្ទឹងសង្កែមានការកើនឡើង ដូច្នេះសូមបងប្អូនប្រជាពលរដ្ឋមេត្តាមានការប្រុងប្រយ័ត្នឱ្យបានខ្ពស់ចំពោះសុវត្ថិភាពមនុស្សចាស់ កុមារតូចៗ និងទ្រព្យសម្បត្តិ ព្រមទាំងសម្ភារផ្សេងៗខណៈមន្ទីរបាននិងកំពុងបន្តតាមដានការវិវត្តនៃកម្រិតទឹកយ៉ាងយកចិត្តទុកដាក់បំផុត។ សូមរំឭកថា កាលពីថ្ងៃទី១២ ខែកក្កដា ឆ្នាំ២០២៦ មានភ្លៀងធ្លាក់ខ្លាំងនៅក្នុងស្រុកសំឡូតបណ្ដាលឱ្យមានការលិចលង់ផ្ទះសម្បែង និងភោគផលដំណាំមួយចំនួនរបស់ប្រជាពលរដ្ឋ។រដ្ឋបាលស្រុកសំឡូតបានដាក់បទបញ្ជាដល់កងកម្លាំងប្រដាប់អាវុធគ្រប់ប្រភេទនៅក្នុងស្រុកក៏ដូចជារដ្ឋបាលឃុំទាំង ៧ ឱ្យត្រៀមលក្ខណៈកម្លាំង និងមធ្យោបាយសង្គ្រោះ ដើម្បីចុះអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា ក្នុងករណីមានគ្រោះអាសន្ន ឬស្ថានភាពទឹកជំនន់បន្តវិវត្តកាន់តែធ្ងន់ធ្ងរឡើងជាយថាហេតុ៕

រដ្ឋបាលស្រុកសំឡូត៖ ទឹកស្ទឹងក្រញូង និងស្ទឹងបរឡាង ចាប់ផ្តើមហក់ឡើងពីមធ្យមទៅខ្លាំង

រដ្ឋបាលស្រុកសំឡូតបានឲ្យដឹងថា ចាប់ពីម៉ោងប្រមាណ ០១ រំលងអាធ្រាតយប់ ឈានចូលថ្ងៃទី១២ ខែកក្កដា ឆ្នាំ២០២៦ នៅឃុំទាំង៧ក្នុងស្រុកសំឡូតមានភ្លៀងធ្លាក់យ៉ាងខ្លាំង ធ្វើអោយស្ថានភាពទឹកតាមបណ្តាអូរតូចៗមានការកើនឡើងពីកម្រិត មធ្យមទៅខ្លាំង។ ចំណែកទឹកស្ទឹងក្រញូង និងស្ទឹងបរឡាង ចាប់ផ្តើមមានការកើនឡើងពីមធ្យម ទៅខ្លាំង។ រដ្ឋបាលស្រុកសំឡូតបានបញ្ចាក់ថា ឃុំតាតោក ទឹកហូរកាត់ស្ពាន ០១កន្លែង នៅចំណុចអូរថ្ម ស្ថិតក្នុងភូមិអូរតាទៀក ពុំអាចធ្វើដំណើរឆ្លងកាត់បានទេ និងហូរកាត់តាមបណ្តាផ្លូវមួយចំនួននៅភូមិភ្នំរៃ។ឃុំតាសាញ ទឹកហូរកាត់ផ្លូវ ៥៧-៧ នៅចំនុចភូមិតាសាញត្បូង ប៉ុន្តែអាចធ្វើដំណើបានធម្មតា។គិតមកត្រឹមម៉ោង ១៤:២០នាទីរសៀល ថ្ងៃទី១២ ខែកក្កដា ឆ្នាំ២០២៦ ស្ថានភាពអាកាសធាតុមេឃនៅមានភ្លៀងបន្តមិនទាន់រាំងនៅឡើយ និងមានការលិចលង់ផ្ទះនិងដំណាំប្រជាពលរដ្ឋមួយចំនួនរបស់ប្រជាពលរដ្ឋនៅតាមមាត់អូរ និងមាត់ស្ទឹង។ ជាមួយគ្នានេះ រដ្ឋបាលស្រុកសំឡូតបានកំពុងបន្តតាមដាន និងណែនាំដល់កងកម្លាំងប្រដាប់អាវុធក្នុងស្រុក និងរដ្ឋបាលឃុំទាំង៧ តាមដាន នឹងត្រៀមអន្តរាគម ភ្លាមៗក្នុងករណីកើតឡើងជាយថាហេតុណាមួយ៕

ជំនន់ទឹកភ្លៀងនៅចំណុចភូមិស្ទឹងច្រាល និងតំបន់មួយចំនួនទៀតក្នុងស្រុកកំពង់សីលា ខេត្តព្រះសីហនុ បានស្រកចុះវិញបណ្ដើរៗហើយ

ព្រះសីហនុ៖ រដ្ឋបាលខេត្តព្រះសីហនុបានឲ្យដឹងថា ស្ថានភាពស្ពានជំនន់ទឹកភ្លៀង នៅចំណុចភូមិស្ទឹងច្រាល ផ្លូវចូលច័ន្ទក្រហម និងតំបន់មួយចំនួនទៀត ស្ថិតក្នុងស្រុកកំពង់សីលា ខេត្តព្រះសីហនុ ដែលបានលិច សភាពទឹកបានស្រកវិញបណ្ដើរៗហើយ។ បច្ចុប្បន្ន កម្លាំងគណ:បញ្ជាការឯកភាពស្រុកកំពុងប្រចាំការនៅតាមគោលដៅដែលមានការលិចលង់ ដើម្បីជួយសម្រួលចរាចរណ៍ការធ្វើដំណើ ឬហាមឃាត់មិនឱ្យឆ្លងកាត់ ក្នុងករណីមានការលិចលង់ខ្លាំង និងត្រៀមលក្ខណៈ ជួយសង្គ្រោះក្នុងករណីត្រូវជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព។ ចំពោះស្ថានភាពអាកាសធាតុ មានភ្លៀងកំពុង់បន្តធ្លាក់នៅឡើយ (កម្រិតតិច)។

បណ្ដាញសង្គម

ព័ត៌មានថ្មីៗ

ការលាលែងពីតំណែងរបស់រដ្ឋមន្ត្រីអប់រំឥណ្ឌា គឺជាជ័យជម្នះដ៏ធំ សម្រាប់ក្រុមបាតុករយុវជន

លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

ម៉ិកស៊ិកនឹងមិនតបតពន្ធរបស់លោក Trump ទេ ខណៈការនាំចេញត្រូវបានការពារដោយកិច្ចព្រមព្រៀងពាណិជ្ជកម្ម

ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹងបញ្ហារុស្ស៊ី

មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោកជិតដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ឆមាសទី១ ឆ្នាំ២០២៦ អង្គភាពច្រកចេញចូលតែមួយរាជធានីភ្នំពេញផ្តល់សេវាជូនពលរដ្ឋបានជាង ១២ម៉ឺនសេវា

ជំនន់ទឹកភ្លៀងនៅស្រុកសំឡូតស្រកចុះ ខណៈមន្ទីរជំនាញ និងអាជ្ញាធរស្រុកចុះវាយតម្លៃផលប៉ះពាល់

សភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីកម្ពុជា

AmCham បង្ហាញឆន្ទៈចូលរួមវេទិកា G-PSF ដើម្បីជួយដោះស្រាយបញ្ហាបរិយាកាសធ្វើធុរកិច្ចនៅកម្ពុជា

បារាំងនឹងជំរុញឱ្យមានវត្តមានវិនិយោគិនបារាំងកាន់តែច្រើនមកវិនិយោគនៅកម្ពុជា

មន្ទីរធនធានទឹកខេត្តបាត់ដំបង បើកទ្វារទឹកអាងសេកសកបន្ធូរបរិមាណទឹក និងរំដោះការជន់លិចនៅស្រុកសំឡូត

រដ្ឋបាលស្រុកសំឡូត៖ ទឹកស្ទឹងក្រញូង និងស្ទឹងបរឡាង ចាប់ផ្តើមហក់ឡើងពីមធ្យមទៅខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ឆមាសទី១ ឆ្នាំ២០២៦ អង្គភាពច្រកចេញចូលតែមួយរាជធានីភ្នំពេញផ្តល់សេវាជូនពលរដ្ឋបានជាង ១២ម៉ឺនសេវា

ជំនន់ទឹកភ្លៀងនៅស្រុកសំឡូតស្រកចុះ ខណៈមន្ទីរជំនាញ និងអាជ្ញាធរស្រុកចុះវាយតម្លៃផលប៉ះពាល់

សភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និង​បូរណភាព​ទឹកដី​កម្ពុជា

AmCham បង្ហាញឆន្ទៈចូលរួមវេទិកា G-PSF ដើម្បីជួយដោះស្រាយបញ្ហាបរិយាកាសធ្វើធុរកិច្ចនៅកម្ពុជា

បារាំង​នឹង​ជំរុញ​ឱ្យ​មាន​វត្ត​មាន​វិនិយោគិន​បារាំង​កាន់​តែ​ច្រើន​មក​វិនិយោគ​នៅ​កម្ពុជា​

មន្ទីរធនធានទឹកខេត្តបាត់ដំបង បើកទ្វារទឹកអាងសេកសកបន្ធូរបរិមាណទឹក និងរំដោះការជន់លិចនៅស្រុកសំឡូត

រដ្ឋបាលស្រុកសំឡូត៖ ទឹកស្ទឹងក្រញូង និងស្ទឹងបរឡាង ចាប់ផ្តើមហក់ឡើងពីមធ្យមទៅខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីកម្ពុជា

បារាំងនឹងជំរុញឱ្យមានវត្តមានវិនិយោគិនបារាំងកាន់តែច្រើនមកវិនិយោគនៅកម្ពុជា