BTV NEWS

ក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង

ឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ

តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧

អ្នករាយការណ៍ពិសេស UN ៖ ជនភៀសសឹកកម្ពុជាគួរត្រូវបានត្រឡប់ទៅភូមិឋានវិញដោយគ្មានការរារាំង

ព័ត៌មានជាតិ

សម្តេច ម៉ែន សំអន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ នៅគេហដ្ឋានរបស់សម្តេច ស្ថិតក្នុងខណ្ឌចំការមន រាជធានីភ្នំពេញ នារសៀលថ្ងៃពុធ ២រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី១ ខែកក្កដា ឆ្នាំ២០២៦។សម្តេចកិត្តិសង្គហបណ្ឌិត ក៏បានពាំនាំការផ្តាំផ្ញើនឹករលឹកពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុនី្ន ហ៊ុនម៉ាណែត ជូន សម្តេចឥស្សរវិទេសបញ្ញា ហោ ណាំហុង និងលោកជំទាវ ព្រមទាំងក្រុមគ្រួសារដោយសេចក្តីនឹករលឹក។សម្តេចឥស្សរវិទេសបញ្ញា ហោ ណាំហុង ក៏មានប្រសាសន៍ថា ក្រុមគ្រួសារពិតជាមានសេចក្តីរំភើបរីករាយយ៉ាងខ្លាំង មិនអាចយកអ្វីមកប្រៀបផ្ទឹមបានឡើយ និងសូមសម្តែងនូវការដឹងគុណយ៉ាងជ្រាលជ្រៅចំពោះសម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត, លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចំពោះសារផ្តាំផ្ញើរនូវការសាកសួរសុខទុក្ខ និងសូមអរគុណសម្តេចកិត្តិសង្គហបណ្ឌិត ម៉ែន សំអន និងប្រតិភូអមដំណើរ ដែលបានអញ្ជើញមកសួរសុខទុក្ខដល់គេហដ្ឋាន នាពេលនេះ។ជាថ្មីម្តងទៀត សម្តេចកិត្តិសង្គហបណ្ឌិត ក៏បានសូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក មហិទ្ធិឫទ្ធិ បុណ្យបារមីដ៏ខ្លាំងក្លានៃទេវតារក្សាព្រះមហាស្វេតច្ឆត្រ ទេវតាថែរក្សាទឹកដីនៃព្រះរាជាណាចក្រកម្ពុជា សូមតាមជួយថែរក្សា អភិបាលប្រោះព្រំ សម្តេចឥស្សរវិទេសបញ្ញា ហោ ណាំហុង និងលោកជំទាវ ព្រមទាំងក្រុមគ្រួសារ សូមទទួលបាននូវពរជ័យ បវរសួស្តី សិរីមង្គល វិបុលសុខមហាប្រសើរ និងសូមសមប្រកបនឹងព្រះពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

ធនធានមច្ឆាជាតិក្នុងដែនទឹកខេត្តកំពង់ឆ្នាំងមានកំណើន ក្រោយយុទ្ធនាការបង្ក្រាបបទល្មើសយ៉ាងសកម្ម

កំពង់ឆ្នាំង ៖ មេបញ្ជាការតំបន់ប្រតិបត្តិការសឹករងកំពង់ឆ្នាំង និងប្រជានេសាទក្នុងខេត្តកំពង់ឆ្នាំង នៅថ្ងៃទី០១ ខែកក្កដា នេះ បានអះអាងថា ធនធានត្រីនៅឆ្នាំ២០២៦នេះ មានការកើនឡើងគួរឱ្យកត់សម្គាល់ បន្ទាប់ពីកម្លាំងកងទ័ព សហការជាមួយរដ្ឋបាលជលផល និងសមត្ថកិច្ចពាក់ព័ន្ធ បន្តបើកយុទ្ធនាការបង្ក្រាបបទល្មើសនេសាទខុសច្បាប់យ៉ាងម៉ឺងម៉ាត់ និងជាប់ជាប្រចាំ។ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង បានបញ្ជាក់ថា វិធានការបង្ក្រាបបទល្មើសនេសាទដែលសម្តេចធិបតី ហ៊ុន ម៉ាណែត នាយករដ្ឋមន្ត្រី និងអគ្គមេបញ្ជាការកងទ័ពបានអោយកម្លាំងកងទ័ពចុះសហការការបង្ក្រាបបទល្មើសនេសាទគ្រប់ប្រភេទជាមួយកម្លាំងសមត្ថកិច្ចទទួលបានលទ្ធផលល្អ មកដល់ពេលនេះ បានផ្តល់លទ្ធផលជាវិជ្ជមានគួរអោយកត់សម្គាល់ ដែលធ្វើឱ្យធនធានជលផលមានឱកាសបន្តពូជ និងស្តារកំណើនឡើងវិញតាមធម្មជាតិ ខណៈប្រជានេសាទអាចរកបានត្រីច្រើនជាងមុន និងបានជួយលើកកម្ពស់ជីវភាពរស់នៅរបស់ពួកគេឱ្យកាន់តែប្រសើរឡើង។ប្រជានេសាទ បានសម្តែងការពេញចិត្តចំពោះការយកចិត្តទុកដាក់របស់ប្រមុខរាជរដ្ឋាភិបាល កម្លាំងកងទ័ព និងសមត្ថកិច្ចគ្រប់ជាន់ថ្នាក់ ដែលបានចាត់វិធានការយ៉ាងតឹងរ៉ឹងលើការប្រើប្រាស់ឧបករណ៍នេសាទខុសច្បាប់ និងការបំផ្លាញធនធានជលផល។ ប្រជានេសាទសប្បាយចិត្តខ្លាំង ក្រោយឃើញត្រីកើនឡើងវិញ និងការនេសាទរបស់ពួកគេបានផលជាទីគាប់ចិត្ត និងអាចបំពេញតម្រូវការផ្សេងក្នុងជីវភាពប្រចាំថ្ងៃ។ទោះបីការបង្ក្រាបទទួលបានលទ្ធផលគួរជាទីពេញចិត្តក៏ដោយ ក៏កម្លាំងតំបន់ប្រតិបត្តិការសឹករងកំពង់ឆ្នាំង រួមជាមួយរដ្ឋបាលជលផល និងសមត្ថកិច្ចពាក់ព័ន្ធ បានបន្តចុះល្បាត និងអនុវត្តវិធានការច្បាប់ជាប្រចាំ ដើម្បីទប់ស្កាត់ និងឈានទៅលុបបំបាត់បទល្មើសនេសាទខុសច្បាប់ឱ្យមានប្រសិទ្ធភាព សំដៅការពារ និងអភិរក្សធនធានជលផលឱ្យស្ថិតស្ថេរ សម្រាប់ផលប្រយោជន៍ប្រជាពលរដ្ឋ និងមនុស្សជំនាន់ក្រោយ៕អត្ថបទ៖ កាំង ហុងវាស្នា

អាជ្ញាធរខេត្តស្វាយរៀងផ្សព្វផ្សាយគម្រោងអភិវឌ្ឍន៍ច្រាំងទន្លេវ៉ៃគោ ប៉ែកខាងកើត

ស្វាយរៀង ៖ អាជ្ញាធរខេត្តស្វាយរៀង បានបើកកិច្ចប្រជុំផ្សព្វផ្សាយគម្រោងអភិវឌ្ឍន៍ច្រាំងទន្លេវ៉ៃគោ ប៉ែកខាងកើត នៅរសៀលថ្ងៃទី៣០ ខែមិថុនា ឆ្នាំ២០២៦ ជូនដល់ក្រុមអ្នកសារព័ត៌មានក្នុងខេត្ត និងផ្នែកពាក់ព័ន្ធ ក្នុងគោលបំណងផ្ដល់ឱ្យពួកគេបន្តធ្វើការផ្សព្វផ្សាយច្បាប់ប្រើប្រាស់ដីធ្លី សំដៅបញ្ជៀសការភាន់ច្រឡំរបស់មជ្ឈដ្ឋានពលរដ្ឋមកលើការដឹកនាំរដ្ឋបាលខេត្ត ដែលនឹងធ្វើឱ្យប៉ះពាល់ផលប្រយោជន៍របស់ពលរដ្ឋនៅក្នុងតំបន់។លោក ម៉ែន អេង អភិបាលរងខេត្តស្វាយរៀង បានលើកឡើងពន្យល់ថាពាក្យស្នើសុំកាន់កាប់ដីធ្លី និងលិខិតបង់ប្រាក់ ដែលមិនទាន់ទទួលស្គាល់ និងសម្រេចផ្លូវការ មិនអាចចាត់ចែងប្រើប្រាស់ដីធ្លី និងទាមទារសំណងផ្សេងៗពីរាជរដ្ឋាភិបាលបាននោះទេ ។លោកបានបញ្ជាក់បន្ថែមថា កន្លងមក ការប្រើប្រាស់លិខិតស្នើសុំកាន់កាប់ដីធ្លី និងបង្កាន់ដៃបង់ប្រាក់ ក្រសួងពាក់ព័ន្ធបានធ្វើកំណែទម្រង់កាត់ឆ្វៀតដីជូនពលរដ្ឋចំនួន៣លើក មុននឹងចុះបញ្ជីដីធ្លីជាសម្បត្តិរួមរបស់ជាតិ ដូចក្នុងករណីដីស្ថិតនៅលើដីរបស់រដ្ឋ ដូចជាដីអាងទឹក ដីបុរាណដ្ឋាន ដីបឹងដីគម្របព្រៃជាដើម ដូច្នេះពលរដ្ឋ មានលិខិតស្នើសុំប្រើប្រាស់ដីនិងបង្កាន់ដៃបង់ប្រាក់នៅមិនទាន់សម្រេចជាផ្លូវការនិងផ្ដល់សិទ្ធិជូនអ្នកស្នើសុំដីយកទៅប្រើប្រាស់ជាផ្លូវការឬទាមទារសំណងបាននោះទេ ។ ទាក់ទងគម្រោងអភិវឌ្ឍន៍ច្រាំងទន្លេវ៉ៃគោបែកខាងកើត ពលរដ្ឋចូលរួមអបអរសាទរ ដើម្បីបង្កើតឱ្យមានតំបន់ទេសចរណ៍ទាក់ទាញភ្ញៀវឱ្យចូលមកលេងខេត្តនេះ បង្កើនប្រាក់ចំណូលគ្រួសារពលរដ្ឋ ខណៈដែលខេត្តស្វាយរៀង មិនមានរមណីយដ្ឋាន។ប្រជាពលរដ្ឋដែលរស់នៅក្នុងតំបន់ស្ពានតាហោ សង្កាត់ពោធិ៍តាហោ បានសំណូមពរដល់រដ្ឋបាលខេត្ត ធ្វើការសម្របសម្រួល ជួយធ្វើការដោះស្រាយគោលនយោបាយ ខណៈដែលដីទាំងនោះពួកគេបានកាន់កាប់ប្រើប្រាស់ និងមានលិខិតបទដ្ឋានទទួលស្គាល់ដោយរដ្ឋអំណាចជាច្រើនដំណរមកហើយ ទៅតាមការជាក់ស្ដែង ដើម្បីឱ្យពួកគេមានលទ្ធភាពស្វែងរកទីតាំងថ្មីសម្រាប់បង្កបង្កើនផលចិញ្ចឹមវិតតទៅទៀត៕អត្ថបទ ៖ ភា សារិត

កម្ពុជាពន្លឿនការផលិតផលិតផលសម្រេចបង្កើនតម្លៃបន្ថែម និងពង្រឹងភាពធន់សេដ្ឋកិច្ច

រាជរដ្ឋាភិបាលកម្ពុជាពន្លឿនការផ្លាស់ប្តូររបស់ខ្លួនពីការនាំចេញវត្ថុធាតុដើមទៅជាផលិតផលសម្រេច និងតម្លៃបន្ថែម ក្នុងគោលបំណងជំរុញភាពធន់នឹងសេដ្ឋកិច្ច កាត់បន្ថយការពឹងផ្អែកលើការនាំចូលដោយផ្តល់អាទិភាពដល់ផលិតកម្មក្នុងស្រុក។ជាក់ស្តែង អ្នកតំណាងឱ្យ ម្ចាស់សិប្បកម្មផលិតទឹកដោះគោពីស្វាយចន្ទី បានឱ្យដឹងថា ការកែច្នៃគ្រាប់ស្វាយចន្ទីទៅជាទឹកដោះគោ មិនត្រឹមតែជួយបង្កើនតម្លៃផលិតផលប៉ុណ្ណោះទេ ប៉ុន្តែថែមទាំងបង្កើតជាជម្រើសថ្មីសម្រាប់អ្នកប្រើប្រាស់ និងបើកឱកាសឱ្យផលិតផលខ្មែរប្រកួតប្រជែងនៅលើទីផ្សារកាន់តែប្រសើរ។ដោយឡែក តំណាងឱ្យម្ចាស់សិប្បកម្មកែច្នៃស្វាយចន្ទី បានលើកឡើងថា ការកែច្នៃក្នុងស្រុកអាចបង្កើនតម្លៃផលិតផលបានច្រើនជាងការលក់ជាវត្ថុធាតុដើម ព្រមទាំង ជួយពង្រឹងខ្សែច្រវាក់ផលិតកម្មក្នុងស្រុក និងបង្កើតការងារដល់ប្រជាជននៅតាមមូលដ្ឋាន។ ស្រដៀងគ្នានេះដែរ ម្ចាស់សិប្បកម្មកែច្នៃផលិតផលត្រី បានអះអាងថា ការបំលែងត្រីស្រស់ទៅជាផលិតផលសម្រេច អាចរក្សាគុណភាពបានយូរ បង្កើនតម្លៃបន្ថែម និងឆ្លើយតបទៅនឹងតម្រូវការទីផ្សារកាន់តែទូលំទូលាយ ដែលជួយបង្កើនប្រាក់ចំណូលដល់អ្នកផលិត និងអ្នកនេសាទ។ជាការកត់សម្គាល់ ការរីកចម្រើនរបស់សិប្បកម្មកែច្នៃទាំងនេះ ត្រូវបានមើលឃើញថា ជាសញ្ញាវិជ្ជមាននៃការផ្លាស់ប្តូររចនាសម្ព័ន្ធសេដ្ឋកិច្ចកម្ពុជា ពីការនាំចេញវត្ថុធាតុដើមទៅការផលិតផលសម្រេចដែលមានតម្លៃបន្ថែម ស្របតាមគោលដៅរបស់រាជរដ្ឋាភិបាលក្នុងការពង្រឹងភាពធន់សេដ្ឋកិច្ច និងជំរុញការប្រើប្រាស់ផលិតផលក្នុងស្រុក។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងក្នុង«ពិធីសម្ពោធជាផ្លូវការរោងចក្រផលិតកែច្នៃជ័រកៅស៊ូ មួយក្នុងខេត្តត្បូងឃ្មុំ កាលពីថ្ងៃទី២៧ ខែឧសភា ឆ្នាំ២០២៦ ថា រាជរដ្ឋាភិបាល បាននិងកំពុងជំរុញការអនុវត្ត គោលនយោបាយ និងផែនការសកម្មភាព ក្នុងវិស័យកសិកម្ម សម្រាប់ជំរុញការកែច្នៃផលិតផលកសិកម្ម សំដៅប្រែក្លាយពីការនាំចេញវត្ថុធាតុដើមទាំងស្រុង ឱ្យទៅជាការកែច្នៃវត្ថុធាតុដើមក្នុងស្រុកទៅជាផលិតផលពាក់កណ្ដាលសម្រេច និងផលិតផលសម្រេច សម្រាប់ផ្គត់ផ្គង់ក្នុងស្រុក និងបម្រើដល់ការនាំចេញ៕អត្ថបទ៖ ធូ វិរៈ

ពលករខ្មែរចំនួន៥១នាក់ ត្រូវបានអាជ្ញាធរថៃ បញ្ជូនមកវិញ តាមច្រកទ្វារព្រំដែនអន្តរជាតិប៉ោយប៉ែត

បន្ទាយមានជ័យ៖ អាជ្ញាធរថៃ បានបញ្ជូនពលករខ្មែរចំនួន៥១នាក់ (ស្រី១៦នាក់) មកឱ្យអាជ្ញាធរកម្ពុជា នៅថ្ងៃទី០១ ខែកក្កដា ឆ្នាំ២០២៦ តាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ។ឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត បានឱ្យដឹងថា ពលករខ្មែរដែលថៃបញ្ជូនមកវិញទាំងនេះ គឺជាពលករដែលបានចូលទៅធ្វើការដោយខុសច្បាប់ ចាញ់បោកមេខ្យល់លួចឆ្លងដែនទៅរកការងារធ្វើ និងអាជីវករលក់ដូរនៅផ្សាររ៉ូងក្លឿ ដែលស្នាក់នៅដោយខុសច្បាប់។ ឧត្តមសេនីយ៍ត្រី បានឱ្យដឹងដែរថា ក្នុងខែមិថុនា ឆ្នាំ២០២៦ អាជ្ញាធរថៃ បានបញ្ជូនពលករខ្មែរមកវិញ តាមច្រកទ្វារព្រំដែនអន្តរជាតិប៉ោយប៉ែត ចំនួនពីរលើក លើកទី១. កាលពីថ្ងៃទី០៥ ខែមិថុនា ឆ្នាំ២០២៦ ចំនួន១២២នាក់ ស្រី៤៤នាក់ និងកុមារ១៤នាក់ លើកទី២. កាលពីថ្ងៃទី១៨ ខែមិថុនា ឆ្នាំ២០២៦ ចំនួន៨៨នាក់ ស្រី៣២នាក់ និងកុមារ៧នាក់ ដោយឡែកក្នុងនោះអាជ្ញាធរកម្ពុជា ក៏បានបញ្ជូនជនជាតិថៃចេញមួយលើកផងដែរ នៅថ្ងៃទី២៣ ខែមិថុនា ឆ្នាំ២០២៦ ចំនួន៤៩នាក់ ស្រី១៨នាក់ ដែលត្រូវបានឃាត់ខ្លួនពាក់ព័ន្ធនឹងករណីបង្ក្រាប អនឡាញស្គេម នៅក្រុងប៉ោយប៉ែត៕

កម្ពុជាបានចំណូលជាង ១៨លានដុល្លារ ពីការលក់សំបុត្រជូនទេសចរអន្តរជាតិចូលទស្សនារមណីយដ្ឋានអង្គរក្នុងឆមាសទី១

សៀមរាប៖ កម្ពុជាទទួលបានចំណូលប្រមាណជាង ១៨លានដុល្លារ ពីការលក់សំបុត្រជូនភ្ញៀវទេសចរអន្តរជាតិ ដែលចូលទស្សនារមនីយដ្ឋានអង្គរ ក្នុងរយៈពេល៦ខែ ពោលចាប់ពីខែមករា ដល់ខែមិថុនា ឆ្នាំ២០២៦ ដោយទទួលបានភ្ញៀវទេសចរ ប្រមាណ៣៨៧ ៧៧២នាក់។ នេះបើយោងតាមរបាយការណ៍ របស់គ្រឹះស្ថានអង្គរ។ គ្រឹះស្ថានអង្គរ បានបញ្ជាក់ថា ៦ខែដើមឆ្នាំ២០២៦នេះ ចំណូលដែលទទួលបាន ពីការលក់សំបុត្រចូលទស្សនា រមណីយដ្ឋានអង្គរមានចំនួន ១៨ ៤៧២ ៤៦៩ដុល្លារ ថយចុះ២៩.៨១% បើធៀបនឹងរយៈពេលដូចគ្នា ឆ្នាំ២០២៥។ ចំណែកចំនួនភ្ញៀវទេសចរបរទេស មានចំនួន ៣៨៧ ៧៧២នាក់ ថយចុះ៣១.៦៩%។ ជាមួយគ្នានេះ គ្រឹះស្ថានអង្គរ បានឧបត្ថម្ភដល់មូលនិធិគន្ធបុប្ផាកម្ពុជា សម្រាប់រយៈពេល៦ខែ ឆ្នាំ២០២៦ មានចំនួន ៧៧៥ ៥៤៤ដុល្លារ៕

ឯកឧត្តម ហ៊ុន ម៉ានី អបអរសាទរខួបលើកទី៨ នៃការទទួលបានឯតទគ្គកម្ម «ក្រមាវែងជាងគេបំផុតលើពិភពលោក» ១កក្កដា២០១៨-១កក្កដា ២០២៦

ឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅថ្ងៃទី១ ខែកក្កដា ឆ្នាំ២០២៦នេះ បានផ្ញើសារអបអរសាទរខួបលើកទី៨ នៃការទទួលបានឯតទគ្គកម្ម «ក្រមាវែងជាងគេបំផុតលើពិភពលោក» ដែលទទួលស្គាល់ដោយគណៈកម្មការកំណត់ត្រាពិភពលោក កាលពីថ្ងៃទី ០១ ខែកក្កដា ឆ្នាំ ២០១៨-កាលពីថ្ងៃទី ០១ ខែកក្កដា ឆ្នាំ ២០២៦នេះ។ឯកឧត្តមឧបនាយករដ្ឋមន្ត្រី ហ៊ុន ម៉ានី បានថ្លែងថា យុទ្ធនាការ «ក្រមាវែងជាងគេលើពិភពលោក» មិនមែនគ្រាន់តែជាការបំបែកកំណត់ត្រាប៉ុណ្ណោះទេ ប៉ុន្តែបាននាំមកនូវការជួបជុំប្រជាជនគ្រប់មជ្ឈដ្ឋានពីគ្រប់ទិសទី ចាប់ពីកុមារអាយុ ៤ឆ្នាំ រហូតដល់លោកយាយលោកតាអាយុ ៨៨ឆ្នាំ សរុបប្រមាណ ២២,៣១៥ នាក់ មកពី ២៥ រាជធានី-ខេត្ត និង ៥៤ ប្រទេស ជុំវិញពិភពលោក ដើម្បីចូលរួមត្បាញក្រមាដែលមានប្រវែងសរុប ១,១៤៩.៨ ម៉ែត្រ ត្រូវចំណាយពេលត្បាញអស់រយៈពេល ៦ខែ។ ឯកឧត្តមឧបនាយករដ្ឋមន្ត្រីបានបញ្ជាក់ថា «ក្នុងនាមជាប្រជាជនខ្មែរមួយរូប ខ្ញុំពិតជាមានមោទនភាពចំពោះបេសកកម្មបំបែកកំណត់ត្រាក្រមាវែងជាងគេលើពិភពលោក សម្រាប់ប្រជាជនខ្មែរ និងប្រទេសកម្ពុជាទាំងមូល។ លើសពីការត្បាញក្រមាគឺការជំរុញសាមគ្គីភាព និងឯកភាពជាតិ ដែលសរសៃដំបូងបំផុតត្រូវបានត្បាញដោយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងសរសៃបន្ទាប់ត្បាញដោយសម្ដេចតេជោ ហ៊ុន សែន»។ឯកឧត្តមបន្តថាសមិទ្ធផលនេះ គឺជាសក្ខីភាពសបញ្ជាក់យ៉ាងច្បាស់ពីសាមគ្គីភាព និងឯកភាពជាតិដ៏រឹងមាំ ក្រោមស្មារតី «ខ្មែរធ្វើបាន» ដើម្បីរួមគ្នាថែរក្សា និងលើកតម្កើងអត្តសញ្ញាណវប្បធម៌ខ្មែរ ព្រមទាំងមោទនភាព និងកិត្យានុភាពជាតិ នៅលើឆាកអន្តរជាតិ៕

ក្រសួងការងារ នឹងនាំយកឱកាសការងារ អត្ថប្រយោជន៍សង្គម និងការបណ្ដុះបណ្ដាលជំនាញដោយឥតគិតថ្លៃជូនដល់អតីតពលករ និងពលរដ្ឋខេត្ដបន្ទាយមានជ័យនាចុងសប្ដាហ៍នេះ

ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នឹងបើកវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ នៅខេត្ដបន្ទាយមានជ័យ ដើម្បីផ្តល់ឱកាសការងារប្រមាណជាង ៩ម៉ឺនកន្លែង រួមទាំងអត្ថប្រយោជន៍នៃរបបសន្តិសុខសង្គម (ប.ស.ស.) និងវគ្គបណ្តុះបណ្តាលជំនាញបច្ចេកទេស និងវិជ្ជាជីវៈ ដោយឥតគិតថ្លៃជូនប្រជាពលរដ្ឋ ជាពិសេសអតីតពលករដែលត្រឡប់មកពីប្រទេសថៃនៅថ្ងៃទី ០៣-០៤ ខែកក្កដា ឆ្នាំ២០២៦នេះ។ បើតាមក្រសួងការងារបានឱ្យដឹងថា វេទិកាការងារនេះ នឹងត្រូវរៀបចំនៅក្នុងបរិវេណសាលាស្រុកថ្មពួក នាថ្ងៃទី០៣ ខែកក្កដា និងនៅថ្ងៃទី០៤ ខែកក្កដា នៅក្នុងបរិវេណសាលាស្រុកភ្នំស្រុក ខេត្ដបន្ទាយមានជ័យ។ ប្រជាពលរដ្ឋដែលចូលរួមនឹងមានឱកាសស្វែងយល់ដោយផ្ទាល់អំពីឱកាសការងាររាប់ម៉ឺនកន្លែងពីក្រុមហ៊ុន និងរោងចក្រធំៗជាច្រើន ក៏ដូចជាអាចដាក់ពាក្យសម្ភាសការងារភ្លាមៗនៅទីតាំងកម្មវិធីផងដែរ។ ក្រៅពីឱកាសការងារ អ្នកចូលរួមក៏នឹងទទួលបានព័ត៌មានលម្អិតអំពីអត្ថប្រយោជន៍នៃរបបសន្តិសុខសង្គម ដែលផ្ដល់ដោយ ប.ស.ស. និងព័ត៌មានអំពីវគ្គសិក្សាជំនាញដោយឥតគិតថ្លៃ ក្រោមកម្មវិធីរបស់រាជរដ្ឋាភិបាល ដែលអាចជួយឱ្យយុវជន និងប្រជាពលរដ្ឋបង្កើនជំនាញវិជ្ជាជីវៈ និងបង្កើនឱកាសទទួលបានការងារល្អនៅក្នុងប្រទេស។ បន្ថែមពីលើនេះ អ្នកចូលរួមនឹងទទួលបាននូវអាហារ ភេសជ្ជៈ ការដឹកជញ្ជូនទៅចូលរួមវេទិកាដោយឥតគិតថ្លៃថែមទៀតផង។ ជាមួយគ្នានេះ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ នៅតែបន្តអំពាវនាវសាជាថ្មីម្តងទៀតទៅដល់អតីតពលករដែលមកពីប្រទេសថៃ និងប្រជាពលរដ្ឋនៅមូលដ្ឋានជាពិសេសខេត្តជាប់ព្រំដែនដែលមានបំណងស្វែងរកការងារធ្វើ សូមទាក់ទងមកលេខ ១២៩៧ ដើម្បីទទួលបានឱកាសការងារក្នុងស្រុកដែលមានប្រាក់ឈ្នួលប្រហាក់ប្រហែលគ្នា អត្ថប្រយោជន៍សង្គមច្រើនជាង សុវត្ថិភាព និងចូលរួមក្នុងការអភិវឌ្ឍសេដ្ឋកិច្ចជាតិរបស់ខ្លួន៕

មេបញ្ជាការកងទ័ពជើងគោក កម្ពុជា-អាមេរិក បញ្ជាក់ការប្តេជ្ញាចិត្តក្នុងការពង្រឹង និងពង្រីកកិច្ចសហប្រតិបត្តិការរវាងកងទ័ពជើងគោកទាំងពីរ

នៅថ្ងៃពុធ ទី១ ខែកក្កដា ឆ្នាំ២០២៦ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងឯកឧត្តម នាយឧត្តមសេនីយ៍ RONALD P. CLARK មេបញ្ជាការកងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក បានជួបពិភាក្សាការងារតាមប្រព័ន្ធវីដេអូ ដើម្បីពិនិត្យវឌ្ឍនភាព និងពិភាក្សាអំពីទិសដៅនៃកិច្ចសហប្រតិបត្តិការ រវាងកងទ័ពជើងគោកទាំងពីរ។ ក្នុងជំនួបនេះ ភាគីទាំងពីរបានវាយតម្លៃខ្ពស់ចំពោះលទ្ធផលកិច្ចសហប្រតិបត្តិការ រវាងកងទ័ពទាំងពីរ ដែលសម្រេចបានក្នុងរយៈពេលកន្លងមក។ ជាពិសេស លទ្ធផលនៃកិច្ចប្រជុំក្រុមការងារកងទ័ពជើងគោក (Army Staff Talks) ដែលបានកំណត់ទិសដៅច្បាស់លាស់សម្រាប់ការពង្រឹងកិច្ចសហប្រតិបត្តិការនាពេលអនាគត ព្រមទាំងវឌ្ឍនភាពនៃការរៀបចំសមយុទ្ធឆ្មាំអង្គរ ឆ្នាំ២០២៧ (Angkor Sentinel 2027) ដែលនឹងរួមចំណែកលើកកម្ពស់សមត្ថភាពប្រតិបត្តិការរួម ការផ្លាស់ប្តូរបទពិសោធន៍ និងការកសាងទំនុកចិត្តរវាងកងទ័ពទាំងពីរ។ ភាគីទាំងពីរក៏បានផ្លាស់ប្តូរទស្សនៈអំពីទិសដៅនៃកិច្ចសហប្រតិបត្តិការនាពេលខាងមុខ និងបានបង្ហាញការប្តេជ្ញាចិត្តបន្តពង្រីកកិច្ចសហប្រតិបត្តិការលើវិស័យដែលមានផលប្រយោជន៍រួម រួមមាន៖ ការហ្វឹកហ្វឺន ការកសាងសមត្ថភាព និងការផ្លាស់ប្តូរអ្នកជំនាញ (SMEE) លើវិស័យដែលជាអាទិភាពរួម សំដៅលើកកម្ពស់មិត្តភាព ទំនុកចិត្ត និងភាពជាដៃគូរវាងកងទ័ព និងប្រទេសទាំងពីរ កម្ពុជា-សហរដ្ឋអាមេរិក៕

ក្រសួងបរិស្ថានបានទប់ស្កាត់ការបញ្ចេញទឹកកខ្វក់ពីក្រុមហ៊ុន រោងចក្រ និងសហគ្រាសបានចំនួនជាង ១២ ៨៩០ ៤៤៥ ម៉ែត្រគូបមិនឱ្យហូរចូលក្នុងប្រភពទឹកធម្មជាតិក្នុងឆមាសទី១ ឆ្នាំ២០២៦

វិធានការទប់ស្កាត់នេះ សម្រេចបានតាមរយៈការអនុវត្តច្បាប់ទប់ស្កាត់ការបំពុលបរិស្ថាន និងធានាសុខភាព របស់ប្រជាពលរដ្ឋរស់នៅល្អប្រសើរ។ សមិទ្ធផលនេះសម្រេចបានក្រោមយុទ្ធសាស្ត្រចក្រាវិស័យបរិស្ថាន ដែលសរសរស្តម្ភទី១ គឺផ្តោតលើភាពស្អាត (រួមមានភាពស្អាតក្នុងទឹក លើដី និងលើមេឃ) ។ សូមបញ្ជាក់ថា នៅពេលបច្ចុប្បន្ន ក្រុមការងារជំនាញរបស់ក្រសួងបរិស្ថាន បានតាមដានទិន្នន័យនៃការបញ្ចេញសំណល់រាវ ជាប្រចាំ តាមរោងចក្រ និងសហគ្រាសចំនួន ៦៤ ទីតាំង ដែលបានចូលរួមអនុវត្តច្បាប់ និងបានបំពាក់ឧបករណ៍ស្វ័យត្រួតពិនិត្យគុណភាពទឹក ដែលអាចបញ្ជូនទិន្នន័យផ្ទាល់មកកាន់ក្រសួងបរិស្ថាន។គិតចាប់ពីឆ្នាំ២០២៥ ក្រសួងបរិស្ថានបានទប់ស្កាត់ការបញ្ចេញទឹកកខ្វក់ពីរោងចក្រ សហគ្រាស និងក្រុមហ៊ុននានា សរុបប្រមាណជា៣៣ លានម៉ែត្រគូប មិនឱ្យហូរចូលទៅបំពុលប្រភពទឹកសាធារណៈឡើយ៕

បណ្ដាញសង្គម

ព័ត៌មានថ្មីៗ

យន្តហោះកងទ័ពជើងទឹកអាមេរិក ចាក់ប្រេងឡើងវិញនៅលើអាកាស ខណៈល្បាតតំបន់មជ្ឈិមបូព៌ា

លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បីបន្ថយការគាំទ្ររបស់អាមេរិកចំពោះអ៊ុយក្រែន

អ៊ីរ៉ង់ព្រមានថា អ៊ីស្រាអែលអាចរៀបចំប្រតិបត្តិការ «ទង់ជាតិក្លែងក្លាយ » បន្ទាប់ពីការវាយប្រហារលើកំពង់ផែអេហ្ស៊ីប

អ៊ីរ៉ង់ទាមទារឲ្យអង្គការសមុទ្រអន្តរជាតិថ្កោលទោសចំពោះការវាយប្រហាររបស់អ៊ុយក្រែនលើនាវារបស់ខ្លួន

IRGC៖ នាវាដឹកប្រេង ២គ្រឿងរងការវាយប្រហារ ហើយ ៤គ្រឿងទៀត ត្រូវបកក្រោយ នៅច្រកសមុទ្រ Hormuz

ចិនធ្វើការល្បាត ក្នុងដែនទឹក នៅភាគខាងកើតនៃកោះតៃវ៉ាន់

ក្រុមហ៊ូទីនៅយេម៉ែន បដិសេធការពាក់ព័ន្ធនឹងការវាយប្រហារដោយយានដ្រូនលើកំពង់ផែអេហ្ស៊ីប

រដ្ឋមន្ត្រីការបរទេសអ៊ីរ៉ង់ ស្នើប៊ុលហ្គារី និងប្រទេសកោះស៊ីបកុំអនុញ្ញាតឲ្យអាមេរិកប្រើមូលដ្ឋានរបស់ខ្លួនវាយប្រហារអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សម្តេច ម៉ែន សំអន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ

ធនធានមច្ឆាជាតិក្នុងដែនទឹកខេត្តកំពង់ឆ្នាំងមានកំណើន ក្រោយយុទ្ធនាការបង្ក្រាបបទល្មើសយ៉ាងសកម្ម

អាជ្ញាធរខេត្តស្វាយរៀងផ្សព្វផ្សាយគម្រោងអភិវឌ្ឍន៍ច្រាំងទន្លេវ៉ៃគោ ប៉ែកខាងកើត

កម្ពុជាពន្លឿនការផលិតផលិតផលសម្រេចបង្កើនតម្លៃបន្ថែម និងពង្រឹងភាពធន់សេដ្ឋកិច្ច

ពលករខ្មែរចំនួន៥១នាក់ ត្រូវបានអាជ្ញាធរថៃ បញ្ជូនមកវិញ តាមច្រកទ្វារព្រំដែនអន្តរជាតិប៉ោយប៉ែត

កម្ពុជាបានចំណូលជាង ១៨លានដុល្លារ ពីការលក់សំបុត្រជូនទេសចរអន្តរជាតិចូលទស្សនារមណីយដ្ឋានអង្គរក្នុងឆមាសទី១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្តេច ម៉ែន សំអន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ

ធនធានមច្ឆាជាតិក្នុងដែនទឹកខេត្តកំពង់ឆ្នាំងមានកំណើន ក្រោយយុទ្ធនាការបង្ក្រាបបទល្មើសយ៉ាងសកម្ម

អាជ្ញាធរ​ខេត្តស្វាយរៀងផ្សព្វផ្សាយគម្រោងអភិវឌ្ឍន៍ច្រាំងទន្លេវ៉ៃគោ ប៉ែកខាងកើត

កម្ពុជាពន្លឿនការផលិតផលិតផលសម្រេចបង្កើនតម្លៃបន្ថែម និងពង្រឹងភាពធន់សេដ្ឋកិច្ច

ពលករខ្មែរចំនួន៥១នាក់ ត្រូវបានអាជ្ញាធរថៃ បញ្ជូនមកវិញ តាមច្រកទ្វារព្រំដែនអន្តរជាតិប៉ោយប៉ែត

កម្ពុជាបានចំណូលជាង ១៨លានដុល្លារ ពីការលក់សំបុត្រជូនទេសចរអន្តរជាតិចូលទស្សនារមណីយដ្ឋានអង្គរក្នុងឆមាសទី១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធរខេត្តស្វាយរៀងផ្សព្វផ្សាយគម្រោងអភិវឌ្ឍន៍ច្រាំងទន្លេវ៉ៃគោ ប៉ែកខាងកើត