នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ត្រីមានកូនតូចចំនួន៥០នាក់ ទទួលបានការអប់រំសុខភាព និងអំណោយពីកាកបាទក្រហមកម្ពុជា និងក្រុមការងារឥស្សរជនឆ្នើមថ្នាក់ជាតិ
ប្រធានក្រុមការងារគណបក្សចុះជួយស្រុករមាសហែកខេត្តស្វាយរៀងណែនាំ ដល់មន្ត្រីបក្សនិងក្រុមការងារចុះជួយឃុំរួមការពារសន្តិសុខនិងធ្វើការងារអភិវឌ្ឍមូលដ្ឋាន
រដ្ឋមន្រ្ដីក្រសួងអប់រំ និងក្រសួងការងារ ដឹកនាំកិច្ចប្រជុំ ស្តីពី «ការរៀបចំគន្លងអប់រំថ្មី»
ឯកឧត្តម ហេង រតនា អំពាវនាវដល់​សមាជិកបក្សទាំងអស់ ត្រូវ​ចូលរួមផ្សព្វផ្សាយ​គោលនយោបាយ​របស់​គណបក្សទៅកាន់ប្រជាពលរដ្ឋឱ្យបាន​គ្រប់គោលដៅ

ព័ត៌មានជាតិ

សម្ដេចធិបតី អនុញ្ញាតជូនអ្នកគ្រប់គ្រងទីផ្សារជាន់ខ្ពស់ក្រុមហ៊ុន SpaceX ជួបសម្តែងការគួរសម និងពិភាក្សារការងារ

2025/02/20 12:12:10 pm        29
Facebook Telegram Linkin
ភ្នំពេញ៖ នៅព្រឹកថ្ងៃទី២០ ខែកុម្ភៈ ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា បានអញ្ជើញជួបជាមួយ លោកស្រី Rebecca Hunter អ្នកគ្រប់គ្រងទីផ្សារជាន់ខ្ពស់ ក្រុមហ៊ុន SpaceX ក្នុងជំនួបសម្តែងការគួរសម និងពិភាក្សារការងារនៅវិមានសន្តិភាព។

រដ្ឋបាលស្រុកស្វាយជ្រំខេត្តស្វាយរៀងរៀបចំបញ្ចុះបឋមសិលាកសាងអគារសិក្សា១ខ្នង៣ជាន់ជាអំណោយរបស់ឯកឧត្តមឌី វិជ្ជានិងលោកជំទាវហ៊ុនម៉ាណា

2025/02/20 11:51:01 am        36
Facebook Telegram Linkin
ស្វាយរៀង /÷ រដ្ឋបាលស្រុកស្វាយជ្រុំខេត្តស្វាយរៀងនៅថ្ងៃទី១៩ ខែកុម្ភៈឆ្នាំ២០២៥ម្សិលមិញនេះ មានរៀបចំពិធីបញ្ចុះបឋមសិលាកសាងអគារសិក្សា១ខ្នងមានទទឹង ៧ម៉ែត្រកន្លះ បណ្ដោយ៤៥ម៉ែត្រ កំពស់១៣.៥០ម៉ែត្រ ចែកចេញជាជាន់ផ្ទាល់ដី មាន បន្ទប់ទឹកនិងបន្ទប់បន្ទោបង់ចំនួន៥បន្ទប់ ទីធ្លា កន្លែងអាហារដ្ឋាន ១ ,បន្ទប់ធ្វើម្ហូប ១ ,បន្ទប់ប្រជុំរបស់ យុវជន ១ - ជាន់ទី១ មាន ៣ បន្ទប់សិក្សានិង- ជាន់ទី ២ មាន ចំនួន៣ បន្ទប់សិក្សា ដែលជាអំណោយដ៏ថ្លៃថ្លារបស់ឯកឧត្តម ឌី វិទ្យា និងលោកជំទាវ ហ៊ុន ម៉ាណា ដែលពិធីនេះបានប្រព្រឹត្តទៅនៅវិទ្យាល័យគោកព្រីង ឃុំគោកព្រីងស្រុកស្វាយជ្រំ ខេត្តស្វាយរៀង ក្រោមវត្តមានលោក ហែម សារិទ្ធអភិបាលស្រុកស្វាយជ្រំ និងលោកសាន់ នាង អនុប្រធានមន្ទីរអប់រំយុវជននិងកីឡាខេត្ត។ លោក ហែម សារិទ្ធ អភិបាលស្រុក បានបញ្ជាក់ថា សំណង់អគារសិក្សា ដែលរដ្ឋបាលស្រុករៀបចំពិធីបញ្ចុះបឋមសិលានៅថ្ងៃនេះ គឺជាអំណោយលើកទី១សម្រាប់ឆ្នាំ២០២៥របស់ឯកឧត្តម ឌី វិទ្យា និងលោកជំទាវ ហ៊ុន ម៉ាណា ជួយឧបត្ថម្ភស្រុកស្វាយជ្រំ ។ ឆ្លៀតក្នុងឱកាសនោះដែរក្នុងនាមមន្ទីរអប់រំយុវជននិងកីឡាខេត្តស្វាយរៀងលោក សាន់ នាង អនុប្រធានមន្ទីរអប់រំយុវជននិងកីឡាខេត្តបានគោរពថ្លែងអំណរគុណយ៉ាងជ្រាលជ្រៅចំពោះ ឯកឧត្តម ឌី វិទ្យា និងលោកជំទាវហ៊ុន ម៉ាណាដែលបានយកចិត្តទុកដាក់គិតគូរលើវិស័យអប់រំក្នុងការងារបណ្ដុះបណ្ដាលធនធានមនុស្សនៅតំបន់ជនបទ ស្របតាមគោលនយោបាយ រាជរដ្ឋាភិបាលបានចាត់ទុកវិស័យអប់រំនិងកសាងធនធានមនុស្សជាវិស័យអត្ថភាព តាមរយះផ្ដល់អគារសិក្សាដែលជាអាគារទីមួយល្អទំនើបនៅក្នុងភូមិសាស្ត្រនៅក្នុងឃុំគោកព្រីងនេះ។ ជាមួយគ្នានោះដែរក្នុងនាមថ្នាក់ដឹកនាំមន្ទីរលោកសាន់ នាងក៏បាន ណែនាំដល់លោកគ្រូអ្នកគ្រូពិសេសក្មួយៗ សិក្សាអនុសិស្សបន្ទាប់ពីទទួលបានអគារសិក្សាដ៏ល្អនេះត្រូវខិតខំរៀនសូត្រឆ្លើយតប ចំពោះឯកឧត្តមនិងលោកជំទាវដែលជាស្ថាបនិកឯក ក្នុងការរួមចំណែកកសាងធនធានមនុស្សដើម្បីបន្តការពារនិងអភិវឌ្ឍន៍ជាតិពីបច្ចុប្បន្ននិងទៅអនាគត។

ប្រជាកសិករឃុំគោកបន្ទាយ សប្បាយចិត្តប្រមូលផល ព្រោះឆ្នាំមនេះមិនមានបញ្ហាជួបការខ្វះខាតទឹកស្រោចស្រព

2025/02/20 11:37:36 am        63
Facebook Telegram Linkin
កំពង់ឆ្នាំង៖ ប្រជាកសិករឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង បានសំដែងនូវទឹកចិត្តសប្បាយរីករាយ ជាមួយនឹងការប្រមូលផលស្រូវប្រាំងបានប្រមាណពី៥០ទៅ៦០%ហើយ ក្រោយពីមិនមានជួបប្រទះនឹងការខ្វះខាតទឹកស្រោចស្រពដូចឆ្នាំកន្លងទៅ។ ប្រជាកសិករថ្លែងបែបនេះ ក្នុងពេលឯកឧត្តមបណ្ឌិតសភាចារ្យ អ៊ុក រ៉ាប៊ុន ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង, លោកជំទាវតំណាងរាស្ត្រមណ្ឌលខេត្តកំពង់ឆ្នាំង និងក្រុមការងារ មន្ទីរជំនាញ និងអាជ្ញាធរស្រុកឃុំ នារសៀលថ្ងៃទី១៩ ខែកុម្ភៈ ឆ្នាំ២០២៥ ចុះជួបសំណេះសំណាលសួរសុខទុក្ខបងប្អូនប្រជាកសិករ ព្រមទាំងពិនិត្យមើលស្ថានភាពទឹក និងការបង្កបង្កើនផលស្រូវប្រាំងឆ្នាំនេះ។  ប្រជាកសិករបានអោយដឹងថា៖ ពួកគាត់សូមថ្លែងអំណរគុណដល់សម្តេចធិបតី ហ៊ុន ម៉ាណែត នាយករដ្ឋមន្ត្រី ក្រុមការងារថ្នាក់កណ្តាលចុះជួយខេត្តកំពង់ឆ្នាំង មានឯកឧត្តមបណ្ឌិតសភាចារ្យ អ៊ុក រ៉ាប៊ុន ប្រធានក្រុមការងារថ្នាក់កណ្តាលចុះមូលដ្ឋានខេត្តកំពង់ឆ្នាំង ក្រុមការងារថ្នាក់ជាតិ, ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក្រសួងមន្ទីរកសិកម្ម និងធនធានទឹក ដែលបានយកចិត្តទុកដាក់ចំពោះសុខទុក្ខប្រជាកសិករនៅក្នុងខេត្តកំពង់ឆ្នាំង ដោយបានចុះជួបប្រជាកសិករគ្រប់ទីកន្លែង ទោះមានផលប៉ះពាល់ ឬមិនមានផលប៉ះពាល់ពីបញ្ហាទឹកក៏ដោយ តែក្រុមការងារបានចុះទៅដល់ទីតាំងស្រែប្រាំងប្រជាកសិករ និងបានពិនិត្យមើលប្រភពទឹក និងគុណភាពស្រូវ ត្រៀមទឹកសម្រាប់ជួយស្រោចស្រពពេលប្រជាកសិករខ្វះខាតទឹកជានិច្ច នាំអោយស្រូវប្រាំងក្នុងឃុំគោកបន្ទាយឆ្នាំនេះ មិនជួបប្រទះជាមួយបញ្ហាខ្វះខាតទឹកស្រោចស្រពនោះឡើយ ។ ស្រូវប្រាំងរបស់ពួកគាត់នៅឆ្នាំនេះ ទទួលបានទិន្នផលចាប់ពី៦ទៅ៧តោនក្នុង១ហិកតា ដែលមកដល់ពេលនេះ ប្រមូលផលបានប្រមាណពី៥០ទៅ៦០%ហើយ ។ លោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង បានអោយដឹងថា៖ ក្រុមការងារថ្នាក់ជាតិ ក្រោមជាតិក្រុមការងារក្រសួង និងមន្ទីរធនធានទឹក រួមនិងក្រសួងមន្ទីរកសិកម្ម បានចុះពិនិត្យស្រែស្រូវប្រជាកសិករជាប្រចាំ ដើម្បីត្រៀមជួយ ដោយក្នុងនោះត្រៀមស្តាប្រឡាយ ត្រៀមម៉ាស៊ីនបូមទឹក ត្រៀមប្រភពទឹក នឹងជួយដល់ប្រជាកសិករភ្លាមៗនៅពេលស្រូវប្រាំងឆ្នាំនេះខ្វះទឹកស្រោចស្រព។ ស្រូវប្រាំងដែលបានធ្វើក្នុងខេត្តកំពង់ឆ្នាំងឆ្នាំ២០២៥នេះ មានប្រមាណជិត៦ម៉ឺនហិកតា ដែលក្នុងចំណោមស្រូវទាំងជិត៦ម៉ឺនហិកតានេះ មិនទាន់មានកន្លែងណាមួយប្រឈមនឹងការខ្វះខាតទឹកស្រោចស្រពនៅឡើយទេ។ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានណែនាំប្រជាកសិករក្នុងឃុំគោកបន្ទាយអោយយកចិត្តទុកដាក់ក្នុងការប្រមូលផលស្រូវ បើមានបញ្ហាអ្វីកើតឡើង ដូចជាបញ្ហាខ្វះទឹកស្រោចស្រព មានជម្ងឺ ឬមានសត្វល្អិតរាតត្បាតស្រូវប្រាំងរបសបងប្អូន ត្រូវរាយការជាបន្ទាន់ ដើម្បីក្រុមការងារថ្នាក់ជាតិ ក្រោមជាតិ និងក្រសួងមន្ទីរពាក់ព័ន្ធជួយបានទាន់ពេលវេលា មិនខូចខាតដល់ដំណាំស្រូវរបស់បងប្អូន។ ដោយសារមានការយកចិត្តទុកដាក់ពីសំណាក់សម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្ត្រី បានអោយថ្នាក់ដឹកនាំទាំងអស់ត្រូវចុះពិនិត្យអោយដល់ទីតាំងស្រូវស្រែប្រជាកសិករ និងត្រូវជួយជានិច្ច ៕ កាំង ហុងវាស្នា

សម្តេចធិបតី៖ រាជរដ្ឋាភិបាលនីតិកាលទី៧ ប្តេជ្ញាលើកស្ទួយសុខមាលភាព និងជីវភាពពលរដ្ឋ ឲ្យខាងតែបាន

2025/02/20 10:45:49 am        41
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងអះអាងថា រាជរដ្ឋាភិបាល​ក្រោមការដឹកនាំ​របស់សម្តេចផ្ទាល់ប្តេជ្ញាកំណត់យកការលើកស្ទួយសុខមាលភាព និងជីវភាព​របស់ប្រជាពលរដ្ឋ និងការអភិវឌ្ឍមូលធនមនុស្សឲ្យកាន់តែល្អប្រសើរបន្ថែមទៀត ដើម្បីសម្រេចឲ្យបានចក្ខុវិស័យកម្ពុជា ឆ្នាំ២០៥០។ក្នុងឱកាសអញ្ជើញបើកសប្តាហ៍គាំពារសង្គមកម្ពុជាឆ្នាំ២០២៥ និងប្រកាសដាក់​ឱ្យអនុវត្តជាផ្លូវការ​នូវក្រប​ខណ្ឌគោល-នយោបាយជាតិ​គាំពារសង្គម ឆ្នាំ២០២៤-២០៣៥ ​នាថ្ងៃទី២០ ខែកុម្ភៈ ឆ្នាំ២០២៥នេះ សម្តេចធិបតី ហ៊ុន ម៉ាណែត​ គូសបញ្ជាក់ថា ​ដើម្បីឲ្យសម្រេចបាននូវចក្ខុវិស័យនេះ រាជរដ្ឋាបាលបានដាក់ចេញនូវក្របខណ្ឌគោលនយោបាយជាតិគាំពារសង្គមឆ្នាំ២០២៤-២០៣៥ ខណៈការណ៍នេះ នឹងដើរតួជា​មគ្គុទ្ទេសក៍​ជំនួសក្របខណ្ឌគោលនយោបាយជាតិឆ្នាំ២០១៦-២០២៥ ដើម្បីធានានិរន្តរភាពនៃការតម្រង់ទិសនៃការអភិវឌ្ឍគាំពារសង្គមកម្ពុជា សម្រាប់រយៈពេល​១១ឆ្នាំ​ទៅមុខទៀត ដោយគោលនយោបាយនេះ​ ហើយគឺជាការ​ឆ្លុះបញ្ចាំង​នូវភាពច្បាស់លាស់​របស់​រាជរដ្ឋាភិបាល ក្នុងការ​កំណត់ទិសដៅ​គោលនយោបាយ​សម្រាប់ការ​ផ្តល់គាំពារ​ផ្នែកសន្តិសុខ​ប្រាក់ចំណូល​ជូនដល់បងប្អូនប្រជាពលរដ្ឋនោះ។សម្តេចធិបតី​នាយករដ្ឋ​មន្រ្តី បានលើកឡើងទៀតថា ​តួនាទីនៃប្រព័ន្ធគាំពារ​សង្គមកាន់​តែមាន​សារៈសំខាន់ និង​មិនអាចខ្វះ​បាន​នៅក្នុងការ​ជួយ​លំនឹង​ជីវភាព និងផ្តល់ការគាំពារ​ដល់បងប្អូន​ប្រជាពលរដ្ឋ​កម្ពុជាឲ្យបានកាន់តែល្អប្រសើរបន្ថែមទៀត។ សម្តេច បានបន្ថែមទៀតថា ក្នុងស្មារតីនេះក្នុងរយៈការដាក់ឲ្យអនុ វត្តផ្លូវការនូវក្របខណ្ឌគោល-នយោបាយជាតិគាំពារសង្គមឆ្នាំ២០២៤-២០៣៥នេះ​ បងប្អូនប្រជាបលរដ្ឋ កម្ពុជានឹងទទួល​បានការគាំពារចាប់ពីចាប់កំណើតដំបូងនៅក្នុងផ្ទៃម្តាយរហូតដល់ដំណាក់កាលចុងក្រោយ នៃវដ្តជីវិត​របស់​មនុស្សម្នាក់ៗ ​ស្របតាម​ហានិភ័យ​នៃវដ្តមនុស្សទាំង៧ ​ក្នុងនោះ​រួមមាន​ទី១មាតុភាព ​និង​ហានិភ័យ​នៃ​កុមារភាព ,២ហានិភ័យ​សុខភាព,៣ហានិភ័យការងារ,៤ពិការភាព,៥​នៃកម្មភាព,៦ភាព គ្មាន​ជម្រក, និងទី៧ជរាភាព និង​ឧត្តរជីវី។យ៉ាងណាក៏ដោយ​សម្តេចធិបតី ​នាយករដ្ឋមន្រ្តី បានប្រកាសសង្ឃឹម​យ៉ាងមុតមាំថា ក្រប​ខណ្ឌគោល​នយោបាយជាតិគាំពារសង្គមនេះ ឆ្នាំ២០២៤-២០៣៥នេះ ​នឹងរួម​ចំណែក​លើក​កម្ពស់​កម្រិតជីវភាព និង​គុណភាពជីវិតរបស់​ពលរដ្ឋកម្ពុជាគ្រប់រូបឲ្យមានភាពល្អប្រសើរឡើង​បន្ថែមទៀត ព្រមទាំង​ជួយពង្រឹងសាមគ្គីភាព, ភាពធន ​និងស្ថិរភាព​សង្គមកម្ពុជាយ៉ាងពិតប្រាកដផងដែរ៕អត្ថបទបាន ចក់

សម្ដេចនាយករដ្ឋមន្រ្តី ប្រាប់គ្រូពេទ្យទាំងអស់ មិនត្រូវរើសអើងចំពោះការផ្តល់សេវាព្យាបាលដល់ពលរដ្ឋ ដែលមានបណ្ណ ប.ស.ស.

2025/02/20 10:08:59 am        66
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានក្រើនរំលឹកដល់ក្រុមគ្រូពេទ្យទាំងអស់ត្រូវប្រកាន់ខ្ជាប់ជានិច្ចនូវក្រមសីលធម៌ ដោយមិនត្រូវប្រកាន់ ឬរើសអើងចំពោះការផ្តល់សេវាព្យាបាលដល់បងប្អូនប្រជាពលរដ្ឋ ដែលមានបណ្ណបេឡាជាតិសន្តិសុខសង្គម (បសស) នោះឡើយ ខណៈបច្ចុប្បន្នរាជរដ្ឋាភិបាល បានកំពុងយកចិត្តទុកដាក់យ៉ាងខ្លាំង ក្នុងការពង្រីកបន្ថែមទៀត ចំពោះសេវាកម្មគាំពារសង្គមជូនដល់ប្រជាពលរដ្ឋនោះ។ក្នុងឱកាសអញ្ជើញបើកសប្តាហ៍គាំពារសង្គមកម្ពុជាឆ្នាំ២០២៥ និងប្រកាសដាក់ឱ្យអនុវត្តជាផ្លូវការនូវក្របខណ្ឌគោល-នយោបាយជាតិគាំពារសង្គម ឆ្នាំ២០២៤-២០៣៥ នាថ្ងៃទី២០ ខែកុម្ភៈ ឆ្នាំ២០២៥នេះ សម្តេចធិបតី ហ៊ុន ម៉ាណែត បានលើកឡើងថា ដើម្បីឆ្លើយតប នឹងការរំពឹងទុករបស់អ្នកជំងឺ និងបង្កើនជំនឿទុកចិត្តរបស់បងប្អូនប្រជាពលរដ្ឋ​មកលើប្រព័ន្ធសុខាភិបាលសាធារណៈ ​ក្រុមគ្រូពេទ្យទាំងអស់ត្រូវ បង្កើនការយកចិត្តទុកដាក់​បន្ថែមទៀតដល់ពួកគាត់ ​ហើយសម្តេចក៏បានប្រាប់ដល់បងប្អូនប្រជាពលរដ្ឋ ទាំងអស់ត្រូវហាន​រាយការណ៍ ប្រសិនបើគ្រូពេទ្យណារើសអើង ​ហើយមិនយកចិត្តទុកដាក់ក្នុងការព្យាបាល ជូនបងប្អូន ខណៈដែលបងប្អូនកាន់បណ្ណសមធម៌ ឬបណ្ណប.ស.ស.ហើយនោះ។នៅក្នុងឱកាសនោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានលើកឡើងផងដែរថា រាជរដ្ឋាភិបាលសុខចិត្តកាត់បន្ថយការចំណាយនូវគម្រោងផ្សេង ប៉ុន្តែការចំណាយក្នុងការគាំ​ពារសង្គម និង ​សុខមាលភាពរបស់បងប្អូនប្រជាពលរដ្ឋនឹងមិនកាត់បន្ថយនោះឡើយ មានតែបង្កើនជាងមុនកាន់តែច្រើន​ ខណៈសុខភាពគឺជាកត្តាចំបាច់បំផុតសម្រាប់ពួកគាត់។ សម្តេចធិបតី ​បានឲ្យលើកឡើងថា ​សម្តេចសុខចិត្ត ​បដិសេធ​សំណើរ​សាងសង់​ផ្លូវ​មួយខ្សែតម្លៃ​ជាង ៥០លានដុល្លារអាមេរិក ​ដោយទុកលុយនោះ​សម្រាប់ការអភិវឌ្ឍមន្ទីរពេទ្យវះកាត់​សង្រ្គោះជីវិត​ពលរដ្ឋ និងទុកសម្រាប់​អភិវឌ្ឍន៍​ទឹកស្អាត​ដើម្បីកុំឲ្យប្រជាពលរដ្ឋមាន ជម្ងឺ​ដោយ​សារការប្រើប្រាស់​ទឹកមិនស្អាតជាដើមនោះ។សម្តេចធិបតី ក៏បានប្រកាសជាថ្មីម្តងទៀតផងដែរថា រាជរដ្ឋាភិបាលគ្មាន​ការកាត់បន្ថយប្រាក់​ឧបត្ថម្ភផ្សេងណា​មួយដល់ស្រ្តីមានផ្ទៃពោះ​ ឬមន្រ្តីរាជការ​នោះឡើយ ​ខណៈគម្រោងនេះ​នឹង​បន្តធ្វើទៅ មុខជានិច្ច ដោយចាប់តាំងពីឆ្នាំ២០១៧ មកមានបងប្អូនប្រជាពលរដ្ឋ​ចំនួន៧លាន៥សែននាក់​ហើយ ​ដែលទទួលបានសេវាគាំពារសង្គមរបស់រាជរដ្ឋាភិបាលបែបនេះ៕អត្ថបទ បាន ចក់

កម្មករ-កម្មការិនីរោងចក្រ ហ្វ័រម៉ាត ទទួលបើកប្រាក់ឈ្នួល និងប្រាក់​បំណាច់​ផ្សេងៗ​នៅ​សាលា​ខណ្ឌដង្កោ

2025/02/20 10:04:43 am        80
Facebook Telegram Linkin
ភ្នំពេញ៖ នៅថ្ងៃទី២០ ខែកុម្ភៈ ឆ្នាំ២០២៥នេះ ក្រសួងការងារ និងបណ្តុះបណ្តាលវិជ្ជាជីវៈ សហការជាមួយរោងចក្រ ហ្វ័រម៉ាត (ខេមបូឌា) ខូ អិលធីឌី បានចាប់ផ្តើមបើកប្រាក់ឈ្នួល និងប្រាក់បំណាច់ផ្សេងៗជូនដល់កម្មករនិយោជិត នៅសាលាខណ្ឌដង្កោ រាជធានីភ្នំពេញ។សូមបញ្ជាក់ថា កាលពីថ្ងៃទី១១ ខែកុម្ភៈ ឆ្នាំ២០២៥កន្លងទៅ រោងចក្រ ហ្វ័រម៉ាត (ខេមបូឌា) ខូ អិលធីឌី (FOREMART (CAMBODIA) CO., LTD.) មានទីតាំងស្ថិតនៅភូមិអន្លង់គងថ្មី សង្កាត់ព្រៃស ខណ្ឌដង្កោ ដែលមានកម្មករនិយោជិតបម្រើការងារសរុបចំនួន ៤៦៦នាក់ ត្រូវបានអគ្គិភ័យឆាបឆេះ និងបណ្តាលឲ្យខូចខាតទ្រព្យសម្បត្តិយ៉ាងធ្ងន់ធ្ងរ។ ករណីនេះដែរ មិនបណ្តាលឲ្យកម្មករនិយោជិតណាមួយរងគ្រោះថ្នាក់នោះទេ។

រដ្ឋាភិបាលបើកទ្វារស្វាគមន៍អ្នកវិនិយោគបរទេសនិងដៃគូអភិវឌ្ឍន៍នានា ដើម្បីសហការលើកស្ទួយវិស័យកសិកម្មនៅកម្ពុជា

2025/02/19 09:39:02 pm        51
Facebook Telegram Linkin
ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅព្រឹកថ្ងៃទី១៩ ខែកុម្ភៈ ឆ្នាំ២០២៥នេះ បានទទួលជួបសម្តែងការគួរសម និងពិភាក្សាការងារជាមួយសមាគមជំរុញដល់ការលើកកម្ពស់សេដ្ឋកិច្ច និងពាណិជ្ជកម្មកម្ពុជា-អាស៊ាន ដើម្បីពិភាក្សាការងារមួយចំនួនពាក់ព័ន្ធវិស័យកម្ម។យោងតាមក្រសួងកសិកម្ម រុក្ខាប្រមាញ់ និងនេសាទ បានឲ្យដឹងក្រោយចប់កិច្ចប្រជុំថា ឯកឧត្តមរដ្ឋមន្ត្រី បានសម្តែងនូវការស្វាគមន៍ និងក្តីសោមនស្សរីករាយចំពោះ លោក វ៉ាង តុង(WANG TONG) អគ្គលេខាធិការ នៃសមាគមជំរុញដល់ការលើកកម្ពស់សេដ្ឋកិច្ច និងពាណិជ្ជកម្មកម្ពុជា-អាស៊ាន ដែលមានបំណងសហការចូលរួមវិនិយោគដាំដើមអាកាស្យា និងស្វាយចន្ទីលើសម្បទានដីសេដ្ឋកិច្ច ដើម្បីរួមចំណែកលើកស្ទួយវិស័យកសិកម្មនៅកម្ពុជា។ដោយឡែក ឯកឧត្តមរដ្ឋមន្ត្រី បានណែនាំទៅតំណាងសមាគមត្រូវរៀបចំផែនការមេឱ្យបានច្បាស់លាស់ មានទុនវិនិយោគគ្រប់គ្រាន់ ព្រមទាំងមានធនធានមនុស្សដែលមានជំនាញកសិកម្ម ចេះបច្ចេកទេសកែច្នៃផលិតផលកសិកម្ម ដោយប្រមូលទិញវត្ថុធាតុដើមពីប្រជាកសិករដែលមានស្រាប់ដូចជា ដើមអាកាស្យា ស្វាយចន្ទី និងដំឡូងមីជាដើម ដើម្បីយកទៅសម្ងួត កែច្នៃ និងនាំចេញទៅទីផ្សារបានពិតប្រាកដ ដោយមិនប្រកួតប្រជែងការដាំដុះជាមួយប្រជាកសិករឡើយ។លើសពីនេះ ឯកឧត្តម ឌិត ទីណា បានបញ្ជាក់បន្ថែមថា សមាគមអាចពិនិត្យលទ្ធភាពជ្រើសរើសពូជដំណាំប្លែកៗ ដែលប្រជាជនកម្ពុជាមិនមានលទ្ធភាពដាំដូចជា ដំណាំសម្រាប់ផលិតជាថ្នាំចិន ដែលអាចមានភាពងាយស្រួលសម្រាប់សមាគម ក្នុងការនាំចេញទៅក្រៅប្រទេសទាំងបរិមាណ ទំហំ តម្លៃ និងទទួលបានតម្លៃបន្ថែមខ្ពស់។ជាទីបញ្ចប់ ឯកឧត្តមរដ្ឋមន្ត្រី បានសង្កត់ធ្ងន់ថា ក្រសួងកសិកម្ម នឹងជួយគាំទ្រផ្នែកបច្ចេកទេស និងបើកទ្វារទូលាយស្វាគមន៍អ្នកវិនិយោគបរទេស និងដៃគូអភិវឌ្ឍន៍នានា ដើម្បីសហការជាមួយរាជរដ្ឋាភិបាលកម្ពុជា សំដៅលើកស្ទួយវិស័យកសិកម្មឱ្យកាន់មានរីកចំរើន និងទទួលបានផលចំនេញទាំងអស់គ្នា៕

មន្ទីរពេទ្យហ្លួងម៉ែ និងអង្គការនគរទេព ប្តេជ្ញារួមគ្នាលើកកម្ពស់សុខុមាលភាពប្រជាជនងាយរងគ្រោះ

2025/02/19 09:05:39 pm        76
Facebook Telegram Linkin
ភ្នំពេញ ៖ អង្គការនគរទេព កំពុងចូលរួមគាំទ្រដល់មន្ទីរពេទ្យ ហ្លួងម៉ែ លើការធ្វើតេស្តស្វែងរកជំងឺមហារីកដំណាក់កាលដំបូង សម្រាប់ប្រជាជន ងាយរងគ្រោះ បានស្វែងយល់បន្ថែមពីជំងឺមហារីក និងការព្យាបាលបានទាន់ពេលវេលា ដើម្បីបង្ការការរីករាលដាលជំងឺមហារីក ដំណាក់កាលចុងក្រោយ។​លោកជំទាវកិត្តិបណ្ឌិត អ៉ឹង កន្ថាផាវី នៅក្នុងពិធីចុះអនុស្សរណៈនៃការយោគយល់គ្នារវាងមន្ទីរពេទ្យ ហ្លួងម៉ែ ជាមួយអង្គការ នគរទេព នៅថ្ងៃទី១៩ ខែកុម្ភៈ ឆ្នាំ២០២៥ នេះ បានសម្តែងនូវសេចក្តីសោមន្សរីករាយ និងអបអរសាទរចំពោះកិច្ចសហប្រតិបត្តិការ រវាងអង្គការនគរទេព និងមន្ទីរពេទ្យហ្លួងម៉ែ សំដៅដល់ការលើកកម្ពស់សុខុមាលភាពប្រជាជនងាយរងគ្រោះ ជាពិសេសស្ត្រី លើការ ធ្វើតេស្តស្វែងរកជំងឺមហារីកដំណាក់កាលដំបូង។ លោកជំទាវកិត្តិបណ្ឌិត ក៏បានលើកឡើងពីបេសកកម្មរបស់អង្គការនគរទេព គឺមិន ស្វែងរកប្រាក់ចំណូលផ្ទាល់ និងជួយអ្នកងាយរងគ្រោះនៅកម្ពុជា ដែលពុំមានលទ្ធភាពក្នុងការទទួលសេវាសុខាភិបាល។លោកជំទាវកិត្តិបណ្ឌិត បានសម្តែងនូវការកោតសរសើរ ពីការខិតខំប្រឹងប្រែងបំពេញការងាររបស់ថ្នាក់ដឹកនាំ និងក្រុមការងារ មន្ទីរពេទ្យហ្លួងម៉ែ ដែលបញ្ហានេះ, អង្គការនគរទេព នឹងបន្តជួយគាំទ្រទៅតាមលទ្ធភាព និងសមត្ថភាព ក្នុងការលើកកម្ពស់សុខុមាល ភាពរបស់ប្រជាជនងាយរងគ្រោះ ជាពិសេសស្ត្រីនិងក្មេងស្រី។លោកសាស្ត្រាចារ្យជំនួយ ស៊ូ ស៊ីផាណ្ណា នាយកមន្ទីរពេទ្យ ហ្លួងម៉ែ បានបង្ហាញនូវកិច្ចស្វាគមន៍យ៉ាងកក់ក្តៅ និងគោរពថ្លែង អំណរគុណយ៉ាងជ្រាលជ្រៅ ជូនដល់លោកជំទាវកិត្តិបណ្ឌិត និងអង្គការនគរទេព ដែលបានជួយគាំទ្រមន្ទីរពេទ្យ លើការធ្វើតេស្តស្វែង រកជំងឺមហារីកដំណាក់កាលដំបូង សម្រាប់ប្រជាជនងាយរងគ្រោះ។ ការធ្វើតេស្តដំណាក់កាលដំបូងនេះ ពិតជាមានសារៈសំខាន់ ណាស់ នៃបង្ការការរីករាលដាលជំងឺមហារីកដំណាក់កាលចុងក្រោយ ដែលពិបាកក្នុងការព្យាបាល។លោកនាយក បន្តថា បច្ចុប្បន្នមន្ទីរពេទ្យបានកៀងគរ បានធនធានមនុស្សដែលចាំបាច់ ព្រមទាំងបាននិងកំពុងស្វែងរក និង បញ្ជូនទៅបណ្តុះបណ្តាលនៅតាមមន្ទីរពេទ្យជាតិ និងនៅក្រៅប្រទេស ក្រោមកិច្ចគាំទ្រពីរាជរដ្ឋាភិបាល មន្ទីរពេទ្យក៏បានកែសម្រួល ហេដ្ឋារចនាសម្ព័ន្ធឡើងវិញ និងបានបំពាក់សម្ភារបរិក្ខារដែលចាំបាច់មួយចំនួន។ លើសពីនេះ ក្រោមការគាំទ្រពីដៃគូ មន្ទីរពេទ្យបាន បញ្ជូនបុគ្គលិក ទៅបណ្តុះបណ្តាលនៅក្រៅប្រទេស លើជំនាញរូបវិទ្យាវេជ្ជសាស្ត្រ និងជំនាញព្យាបាលដោយកាំរស្មី។ បញ្ហានេះ មន្ទីរពេទ្យបានបើកដំណើរការពិនិត្យ និងពិគ្រោះជំងឺក្រៅ និងត្រៀមបើកទទួលព្យាបាលជំងឺមហារីក ដោយចាក់ថ្នាំគីមីនៅសប្តាហ៍ ក្រោយ និងដោយការបាញ់កាំរស្មីនៅពាក់កណ្តាលខែ មីនា ឆ្នាំ២០២៥ ខាងមុខ។គួររំលេចផងដែរថា តាមរយៈអនុស្សរណៈនេះ អង្គការនគរទេពនឹងជួយគាំទ្រ លើការធ្វើតេស្តរកជំងឺមហារីកមាត់ស្បូន ដំណាក់កាល ដំបូង ដល់ស្ត្រីងាយរងគ្រោះ (ចំនួនមានកំណត់) រយៈពេលមួយឆ្នាំ និងបំពាក់ម៉ាស៊ីនថតកាំរស្មី X ឌីជីថល (Digital X Ray) ចំនួន ០១ គ្រឿង ជូនដល់មន្ទីរពេទ្យ ហ្លួងម៉ែផងដែរ៕អត្ថបទ៖ សុន រ៉ាឌី

មូលនិធិអាស៊ីនិងចូលរួមក្នុងផែនការសកម្មភាពជាតិ ស្តីពីស្ត្រីសន្តិភាព និងសន្តិសុខនៅកម្ពុជា

2025/02/19 08:19:21 pm        65
Facebook Telegram Linkin
ភ្នំពេញ ÷ ក្រសួងកិច្ចការនារី និងអង្គការមូលនិធិអាស៊ី ចុះអនុស្សរណៈនៃការយោគយល់គ្នា លើការអនុវត្តគម្រោង គាំទ្រផ្នែកបច្ចេកទេសក្នុង ការអភិវឌ្ឍបែបបរិយាបន្ន ដល់ផែនការសកម្មភាពជាតិ ស្តីពីស្ត្រីសន្តិភាព និងសន្តិសុខនៅក្នុងប្រទេសកម្ពុជា និងគាំទ្រដល់ការបង្កើន សមត្ថភាព ផ្លាស់ប្តូរចំណេះដឹង និងការរៀនសូត្រពីប្រទេសផ្សេងទៀត។លោកជំទាវកិត្តិបណ្ឌិត អ៉ឹង កន្ថាផាវី រដ្ឋមន្ត្រីក្រសួងកិច្ចការនារី លើកឡើងនៅក្នុងពិធីចុះហត្ថលេខាលើអនុស្សរណៈនៃការ យោគយល់គ្នា (MoU) រវាងក្រសួងកិច្ចការនារី និងអង្គការមូលនិធិអាស៊ី ស្តីពីកិច្ចសហប្រតិបត្តិការ និងការគាំទ្រទៅលើការរៀបចំផែនការ សកម្មភាពជាតិ ស្តីពីរបៀបវារៈស្ត្រីសន្តិភាព និងសន្តិសុខនៅប្រទេសកម្ពុជា នៅល្ងាចថ្ងៃទី ១៩ ខែ កុម្ភៈ ឆ្នាំ២០៥ នេះថា ស្ត្រីសន្តិភាព និងសន្តិសុខគឺជាប្រធានបទថ្មីមួយ ដោយយកស្ត្រីជាភ្នាក់ងារមួយ ដើម្បីដោះស្រាយស្រ្តីដែលរងគ្រោះ ក្នុងនោះមានពីរប្រភេទរួមមាន សន្តិសុខប្រពៃណី, ដែលផ្តោតលើច្បាំង និងជម្លោះផ្សេងៗ ចំណែកសន្តិសុខមិនកើតឡើងដោយប្រពៃណីដូចជា ការបង្កើតឡើងដោយ ប្រព័ន្ធឌីជីថល គ្រោះថ្នាក់ធម្មជាតិ នេះគឺជាប្រធានបទមួយ លើសពីក្រសួងកិច្ចការនារីដែលកំពុងអនុវត្តបច្ចុប្បន្ន។ជុំវិញបញ្ហាខាងលើនេះដែរ, លោកជំទាវកិត្តិបណ្ឌិត ស្នើដល់អង្គការមូលនិធិអាស៊ី ជួយស្រាវជ្រាវទៅលើឧត្តមានុវត្តន៍របស់ ប្រទេសក្នុងតំបន់ ដែលជួបប្រទះបញ្ហាស្រដៀងនិងកម្ពុជា ខណៈបច្ចុប្បន្នទាក់ទិនបញ្ហានេះ គឺមានជាង ១០០ ប្រទេស បាននិងកំពុង អនុវត្តផែនការសកម្មភាពរបស់ខ្លួន។ ដូច្នេះបន្ទាប់ពីការស្រាវជ្រាវ និងបទពិសោធន៍ដែលទទួលបានពីបណ្តាប្រទេសផ្សេងៗ សូមយកមក អនុវត្តនៅកម្ពុជា ដើម្បីឱ្យកម្ពុជាអាចពន្លឿនការអភិវឌ្ឍន៍ផែនការសកម្មភាពជាតិរបស់ខ្លួន។លោកស្រី មេឡូនី លីនប៊ីក (Meloney C. Lindberg) តំណាងប្រចាំប្រទេសអង្គការមូលនិធិអាស៊ី លើកឡើងថា ស្ត្រីដើរតួ នៅគ្រប់វិស័យនៃសង្គម ជាអ្នកកសាងសន្តិភាព អ្នកសម្របសម្រួល អ្នកដឹកនាំ និងតម្លៃនៃការចូលរួមរបស់ស្ត្រីដើម្បីសន្តិភាព និង សន្តិសុខប្រកបដោយចីរភាព សព្វថ្ងៃអង្គការមូលនិធិអាស៊ី បានកសាងនៅលើមូលដ្ឋាននេះ ដោយទទួលស្គាល់ និងពង្រីកសំឡេង របស់ស្ត្រីសម្រាប់សន្តិភាពយូរអង្វែង និងធន់។ មូលនិធិអាស៊ី មានសេចក្តីសោមនស្សរីករាយ ក្នុងការកសាងភាពជាដៃគូនេះជាមួយក្រសួងកិច្ចការនារី តាមរយៈកម្មវិធី AMPLIFY របស់យើង។ AMPLIFY គឺជាគំនិតផ្តួចផ្តើមក្នុងតំបន់ រយៈពេលប្រាំឆ្នាំរបស់មូលនិធិអាស៊ី ដែលមានគោលបំណងជួយដល់ ស្ត្រីរស់នៅក្នុងអាស៊ាន ដែលរងផលប៉ះពាល់ មិនសមាមាត្រដោយជម្លោះ និងអសន្តិសុខ។ បញ្ហាស្រ្តីនេះដែរ, លោកស្រី ថ្លែងនូវ ការអបអរសាទរ ចំពោះកិច្ចខិតខំប្រឹងប្រែង និងការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការលើកកម្ពស់របៀបវារៈស្ត្រីសន្តិភាព និង សន្តិសុខ (WPS) ទាំងក្នុងតំបន់និងថ្នាក់ជាតិ។ ជាក់ស្តែងនៅក្នុងឆ្នាំ២០២២ កន្លងមក ក្នុងឋានៈជាប្រធានអាស៊ាន កម្ពុជាបានផ្តល់ អាទិភាព និងដឹកនាំការអនុម័តផែនការសកម្មភាពថ្នាក់តំបន់ស្តីពីសន្តិភាព និងសន្តិសុខរបស់ស្ត្រី (RPA-WPS)។ ចាប់តាំងពីពេល នោះមក ប្រទេសកម្ពុជាតំណាងដោយក្រសួងកិច្ចការនារី បានបង្ហាញពីការប្តេជ្ញាចិត្តបន្តរបស់ខ្លួន ក្នុងនាមជាប្រធានក្រុមប្រឹក្សា អាស៊ានស្តីពីស្ត្រីសន្តិភាព និងសន្តិសុខ៕អត្ថបទ៖ សុន រ៉ាឌី

ទូតវៀតណាមថ្មី ប្ដេជ្ញាពង្រឹង និងពង្រីកទំនាក់ទំនងកម្ពុជា-វៀតណាម ឱ្យកាន់តែខ្លាំងក្លាថែមទៀត

2025/02/19 06:20:00 pm        48
Facebook Telegram Linkin
ភ្នំពេញ ៖ នារសៀលថ្ងៃទី១៩ ខែកុម្ភៈ ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ង្វៀន ម៉ិញវូ (Nguyen Minh Vu) ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។ ក្នុងឱកាសនៃជំនួប, ឯកឧត្តមឯកអគ្គរដ្ឋទូតបានសម្ដែងនូវការចាប់អារម្មណ៍ខ្ពស់ចំពោះសមិទ្ធផលជាច្រើនដែលរាជរដ្ឋាភិបាលកម្ពុជាសម្រេចបាននាពេលកន្លងមក មានជាអាទិ៍ ការរក្សាបាននូវសុខសន្តិភាព, ស្ថិរភាពនយោបាយ, ការអភិវឌ្ឍរីកចម្រើនដ៏ខ្លាំងក្លា និង ការលេចត្រដែតឡើងនូវកិត្យានុភាពកម្ពុជានៅលើឆាកអន្តរជាតិ ។ ឯកឧត្តមបានបង្ហាញនូវជំនឿជឿជាក់ថា ក្រោមការដឹកនាំរបស់សម្ដេចបវរធិបតី, កម្ពុជានឹងសម្រេចបាននូវការរីកចម្រើន និងការអភិវឌ្ឍ កាន់តែខ្លាំងក្លាថែមទៀត។ ក្នុងទំនាក់ទំនងទ្វេភាគី, ឯកឧត្តមអគ្គរដ្ឋទូត បានប្ដេជ្ញាចិត្តខ្ពស់ក្នុងការខិតខំប្រឹងប្រែងជំរុញការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែខ្លាំងក្លាបន្ថែមទៀត លើវិស័យជាច្រើន មានជាអាទិ៍៖ សេដ្ឋកិច្ច, ពាណិជ្ជកម្ម និងការវិនិយោគ, ការពារជាតិនិងសន្តិសុខ, ទេសចរណ៍, អប់រំ, ការបណ្ដុះបណ្ដាលធនធានមនុស្ស, ការតភ្ចាប់ហេដ្ឋារចនាសម្ព័ន្ធ, និងការតភ្ជាប់រវាងប្រជាជននិងប្រជាជន។ ជាការឆ្លើយតប, សម្ដេចបវរធិបតីបានសម្ដែងការអបអរសាទរជូនចំពោះឯកឧត្តម ដែលត្រូវបានតែងតាំងជាឯកអគ្គរដ្ឋទូតសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា និងបានវាយតម្លៃខ្ពស់ចំពោះទំនាក់ទំនងជាអ្នកជិតខាងល្អ, មិត្តជាប្រពៃណី និងយូរអង្វែង ជាមួយនឹងកិច្ចសហប្រតិបត្តិការប្រកបដោយផ្លែផ្កា លើគ្រប់វិស័យរវាងប្រទេសទាំងពីរ។ សម្ដេចបវរធិបតីក៏បានវាយតម្លៃខ្ពស់ចំពោះការប្ដេជ្ញាចិត្តរបស់ឯកឧត្តមឯកអគ្គរដ្ឋទូត ក្នុងការជំរុញទំនាក់ទំនង និងកិច្ចសហប្រតិបត្តិការនៃប្រទេសទាំងពីរឱ្យកាន់តែខ្លាំងក្លាបន្ថែមទៀត និងបានលើកទឹកចិត្តឯកឧត្តមឱ្យ សហការជិតស្និទ្ធជាមួយក្រសួង-ស្ថានប័នពាក់ព័ន្ធកម្ពុជា៕

បណ្ដាញសង្គម

ព័ត៌មានថ្មីៗ

ស្ត្រីមានកូនតូចចំនួន៥០នាក់ ទទួលបានការអប់រំសុខភាព និងអំណោយពីកាកបាទក្រហមកម្ពុជា និងក្រុមការងារឥស្សរជនឆ្នើមថ្នាក់ជាតិ
02/22/2025 04:02 PM
Facebook Telegram Linkin
កូរ៉េខាងជើងនិយាយថា ខ្លួនមើលឃើញការបង្កហេតុដោយយោធាអាមេរិក កាន់តែច្រើន ក្រោមការដឹកនាំរបស់លោក Trump
02/22/2025 03:02 PM
Facebook Telegram Linkin
ប្រមុខរក្សាសន្តិភាពរបស់UN ព្រមានពីការផ្ទុះឡើងវិបត្តិក្នុងតំបន់ ចេញពីជម្លោះកុងហ្គោ
02/22/2025 03:02 PM
Facebook Telegram Linkin
មេដឹកនាំអារ៉ាប់ ជួបគ្នានៅអារ៉ាប៊ីសាអ៊ូឌីត ដើម្បីពិភាក្សាពីបញ្ហាប៉ាឡេស្ទីននិងការវិវឌ្ឍន៍ នៅតំបន់ហ្កាហ្សា
02/22/2025 03:02 PM
Facebook Telegram Linkin
ប្រធានក្រុមការងារគណបក្សចុះជួយស្រុករមាសហែកខេត្តស្វាយរៀងណែនាំ ដល់មន្ត្រីបក្សនិងក្រុមការងារចុះជួយឃុំរួមការពារសន្តិសុខនិងធ្វើការងារអភិវឌ្ឍមូលដ្ឋាន
02/22/2025 02:02 PM
Facebook Telegram Linkin
មេដឹកនាំលីបង់ ជំរុញអាមេរិកដាក់សម្ពាធលើអ៊ីស្រាអែល ឲ្យដកកងទ័ពចេញពីតំបន់ដែលខ្លួនកាន់កាប់
02/22/2025 02:02 PM
Facebook Telegram Linkin
នគរបាលស៊ុយអែត ចាប់ខ្លួនបុរស បីនាក់ នៅជិតស្ថានទូតអ៊ីស្រាអែល
02/22/2025 02:02 PM
Facebook Telegram Linkin
កងកម្លាំងអ៊ីរ៉ាក់ បំផ្លាញទីតាំង IS ចំនួន ២៥កន្លែង នៅភាគខាងជើងប្រទេសនេះ
02/22/2025 02:02 PM
Facebook Telegram Linkin
រដ្ឋមន្រ្ដីក្រសួងអប់រំ និងក្រសួងការងារ ដឹកនាំកិច្ចប្រជុំ ស្តីពី «ការរៀបចំគន្លងអប់រំថ្មី»
02/22/2025 02:02 PM
Facebook Telegram Linkin
រដ្ឋមន្ត្រីការបរទេសអាមេរិក ការពារកិច្ចពិភាក្សាជាមួយរុស្ស៊ី និងច្រានចោលការរិះគន់របស់លោក Zelensky
02/22/2025 02:02 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.