នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រយៈពេលជាង ៥ខែ កម្ពុជា​បណ្តេញជនបរទេសចេញ​ជិត ៣ម៉ឺននាក់ និង​ជិត ២ពាន់​នាក់​ទៀត​​ត្រៀម​​បណ្តេញចេញ ពាក់ព័ន្ធករណី Online Scams និង​ការ​ប្រព្រឹត្ត​បទ​ល្មើសផ្សេ​ងៗ
គយឃាត់ខ្លួនបុរសម៉ាឡេស៊ីម្នាក់រកឃើញហេរ៉ូអ៊ីន ៨១ កញ្ចប់ ពេលត្រៀមចាកចេញពីកម្ពុជាទៅកោះតៃវ៉ាន់
កងរាជអាវុធហត្ថខេត្តកំពង់ស្ពឺ បំបែកសំណុំរឿងលួចទូរស័ព្ទជាង ២០០គ្រឿង និងអ្នកទទួល​ផលចោរកម្ម
[UPDATE] ភ្លើងឆេះលំនៅឋានពលរដ្ឋនៅខណ្ឌជ្រោយចង្វាររលត់ហើយ

សន្តិសុខ និង សង្គម

អ្នកស្លាប់ និងរបួសជាច្រើនត្រូវទាញចេញពីគំនរបាក់បែក បន្ទាប់ពីអ៊ីស្រាអែលវាយប្រហារ លើលំនៅឋានក្នុងក្រុងព្រំដែនអេហ្ស៊ីប

2023/12/07 06:31:04 pm        89
Facebook Telegram Linkin
ជនជាតិប៉ាឡេស្ទីន ៩នាក់ បានស្លាប់ និងជាច្រើននាក់ទៀតបានរងរបួសកាលពីថ្ងៃពុធ (០៦ ធ្នូ) នៅក្នុងការទម្លាក់គ្រាប់បែករបស់អ៊ីស្រាអែល ទៅលើលំនៅឋានមួយខ្នងក្នុងទីក្រុងរ៉ាហ្វាហ្វ ដែលជាទីក្រុងនៅចុងភាគខាងត្បូងរបស់តំបន់ហ្កាហ្សា ក្បែរព្រំដែនជាមួយប្រទេសអេហ្ស៊ីប នេះបើយោងតាមប្រភពវេជ្ជសាស្ត្រប៉ាឡេស្ទីន។ខ្សែវីដេអូរបស់សារព័ត៌មានរ៉យទ័រ បានបង្ហាញសាកសព និងមនុស្សរងរបួសជាច្រើននាក់ ដោយបុរសម្នាក់ត្រូវកាត់ផ្ដាច់ជើងទាំងពីរត្រឹមខាងក្រោមជង្គង់ ត្រូវបានគេដឹកចេញពីកន្លែងកើតហេតុ ខណៈមនុស្សម្នាស្វែងរកអ្នកនៅរស់តាមកម្ទេចថ្មដោយប្រើដៃទទេរបស់ពួកគេ។ អគារនេះត្រូវអគ្គិសភ័យឆាបឆេះបន្ទាប់ពីមានការវាយប្រហារ ហើយផ្នែកម្ខាងនៃសំណង់ត្រូវបានបំផ្លាញទាំងស្រុង។ សាក្សីអ្នកស្រុកម្នាក់បានប្រាប់សារព័ត៌មានរ៉យទ័រ ថាការវាយប្រហារចំនួនបីដងបានវាយប្រហារលំនៅឋានដែលពោរពេញទៅដោយជនភៀសខ្លួនមួយនេះ។អ៊ីស្រាអែល បានបញ្ចេញយុទ្ធនាការយោធារបស់ខ្លួនជាការឆ្លើយតបទៅនឹងការលុកលុយដ៏គួរឱ្យភ្ញាក់ផ្អើលកាលពីថ្ងៃទី៧ ខែតុលា ដោយក្រុមសកម្មប្រយុទ្ធហាម៉ាស ដែលវាយលុកតាមទីក្រុងនានារបស់អ៊ីស្រាអែល ដោយបានសម្លាប់មនុស្ស ១.២០០នាក់ និងចាប់ចំណាប់ថ្នូរចំនួន ២៤០នាក់ នេះបើយោងតាមចំនួនសរុបរបស់ប្រទេសអ៊ីស្រាអែល។ តួលេខពីក្រសួងសុខាភិបាលហ្កាហ្សា បានដាក់តួលេខអ្នកស្លាប់នៅហ្កាហ្សា ចំនួនជាង ១៦.០០០នាក់ ដែលក្នុងនោះមានអ្នកស្លាប់បន្ថែមចំនួន ៤៣នាក់ត្រូវបានរាយការណ៍ដោយមន្ទីរពេទ្យមួយកាលពីថ្ងៃអង្គារ និង ៧៣នាក់ត្រូវបានរាយការណ៍ពីមន្ទីរពេទ្យមួយទៀតកាលពីថ្ងៃពុធ៕

កងកម្លាំងអ៊ីស្រាអែល ប្រយុទ្ធនឹងក្រុមហាម៉ាសនៅភាគខាងត្បូងហ្កាហ្សា បង្ខំឲ្យជនស៊ីវិលជម្លៀសរកកន្លែងសុវត្ថិភាព

2023/12/07 06:18:49 pm        86
Facebook Telegram Linkin
កងទ័ពអ៊ីស្រាអែលបានប្រយុទ្ធគ្នាយ៉ាងខ្លាំងក្លាជាមួយក្រុមហាម៉ាស ក្នុងការពង្រីកការវាយលុកទៅកាន់តំបន់ហ្កាហ្សា ភាគខាងត្បូងកាលពីថ្ងៃពុធ (០៦ ធ្នូ) ដោយបង្ខំឱ្យជនស៊ីវិលប៉ាឡេស្ទីនដែលភៀសខ្លួនរាប់ម៉ឺននាក់ ប្រមូលផ្តុំគ្នាចូលទៅក្នុងទីក្រុងមួយនៅជិតព្រំដែនអេហ្ស៊ីប ដើម្បីគេចពីការទម្លាក់គ្រាប់បែករបស់អ៊ីស្រាអែល។ប្រភពវេជ្ជសាស្ត្រប៉ាឡេស្ទីនបាននិយាយថា ទោះបីជាយ៉ាងណាក៏ដោយ មនុស្សជាច្រើនភ័យខ្លាចថាពួកគេនឹងមិនមានសុវត្ថិភាពទេសម្រាប់ការជ្រកកោននៅទីក្រុងព្រំដែនរ៉ាហ្វាហ្វ របស់អេហ្ស៊ីប ហើយយ៉ាងហោចណាស់មនុស្ស ៩នាក់ ត្រូវបានសម្លាប់កាលពីថ្ងៃពុធ នៅក្នុងការបាញ់ផ្លោងរបស់អ៊ីស្រាអែល ទៅលើលំនៅឋានមួយខ្នងនៅក្នុងទីក្រុងព្រំដែននេះ។ប្រជាជនប៉ាឡេស្ទីនរាប់រយពាន់នាក់បានភៀសខ្លួនពីភាគខាងជើងតំបន់ហ្កាហ្សា ទៅកាន់ភាគខាងត្បូង ក្នុងអំឡុងពេលសង្រ្គាមរយៈពេលពីរខែរវាងអ៊ីស្រាអែល និងក្រុមសកម្មប្រយុទ្ធដែលកំពុងកាន់អំណាច អ៊ីស្លាមនិយមប៉ាឡេស្ទីន ដែលអ៊ីស្រាអែលកំពុងព្យាយាមកម្ទេចចោល។ការភៀសខ្លួនចុងក្រោយនេះ ធ្វើឱ្យប្រជាជនប៉ាឡេស្ទីនជាច្រើននាក់ ត្រូវបានផ្លាស់ទីលំនៅទៅកាន់តែជិតព្រំដែនអេហ្ស៊ីប នៅក្នុងតំបន់ដែលត្រូវបានចាត់ទុកថាមានសុវត្ថិភាពដោយយោធាអ៊ីស្រាអែល នៅក្នុងខិត្តប័ណ្ណដែលទម្លាក់ដោយយន្តហោះរបស់ខ្លួន ក៏ដូចជាសារតាមទូរស័ព្ទ និងសារតាមអ៊ីនធឺណិតជាដើមនោះ៕

អតីតប្រធានាធិបតីប៉េរូ លោក ហ្វ៊ូជីមូរី ត្រូវបានដោះលែងបន្ទាប់ពីជាប់ពន្ធនាគាររយៈពេល១៦ឆ្នាំ

2023/12/07 06:12:58 pm        80
Facebook Telegram Linkin
អតីតប្រធានាធិបតី ប៉េរូ លោក អាល់ប៊ើតូ ហ្វ៊ូជីមូរី(Alberto Fujimori)ដែលត្រូវបានជាប់ពន្ធនាគារ២៥ឆ្នាំ ពីបំពានសិទ្ធិមនុស្សអំឡុងកាន់អំាណាចរយៈពេល១០ឆ្នាំរបស់លោកកាលពីក្នុងទសវត្សរ៍ឆ្នាំ១៩៩០ ត្រូវបានដោះលែងកាលពីល្ងាចថ្ងៃពុធទី៦ធ្នូសប្ដាហ៍នេះ បន្ទាប់ពីតុលាការបានលើកលែងទោសក្នុងករណីជម្លោះកាលពីឆ្នាំ២០១៧ ។ តុលាការកំពូលរបស់ប្រទេសនេះ កាលពីថ្ងៃអង្គារទី៥ធ្នូសប្ដាហ៍នេះដែរ បានទទួលយកសំណើនៃការអំពាវនាវឲ្យលើកលែងទោសសម្រាប់លោក ហ្វ៊ូជីមូរី វ័យ៨៥ឆ្នាំ ក្នុងហេតុផលមនុស្សធម៌ ទោះរងការរិះគន់ពីតុលាការអន្តរអាមេរិក(Inter-American Court) នៃសិទ្ធិមនុស្ស និងក្រុមគ្រួសាររបស់ជនរងគ្រោះក៏ដោយ។ គេបានឃើញរូបលោកចាកចេញពីពន្ធនាគារជាយក្រុងលីម៉ា និងឡើងរថយន្តភ្លាមៗ ក្រោយវិទ្យាស្ថានផ្ដន្ទាទោសជាតិគ្រប់គ្រងដោយរដ្ឋរបស់ប៉េរូ បានបញ្ជឲ្យដោះលែងលោកជាបន្ទាន់។លោកត្រូវបានផ្ដន្ទាទោសឲ្យជាប់ពន្ធនាគារ១៦ឆ្នាំ បន្ទាប់ពីត្រូវបាននិរទេសមកពីប្រទេសឈីលីកាលពីឆ្នាំ២០០៧៕

នាវាពិឃាតអាមេរិក USS Mason បានបាញ់ទម្លាក់យានដ្រូនមួយគ្រឿងទៀត នៅសមុទ្រក្រហម

2023/12/07 06:10:22 pm        126
Facebook Telegram Linkin
នាវាពិឃាតរបស់កងទ័ពជើងទឹក Mason បានបាញ់ទម្លាក់យានដ្រូនមួយគ្រឿងទៀត កាលពីថ្ងៃពុធ ដែលក្រុមមន្ត្រីសន្មតថា ជារបស់ក្រុមឧទ្ទាមហ៊ូធីមានសម្ព័ន្ធភាពជាមួយអ៊ីរ៉ង់ នៅប្រទេសយេម៉ែន ដែលជាការវាយប្រហារចុងក្រោយរបស់នាវាចម្បាំងរដ្ឋអាមេរិកដែលស្ទាក់ចាប់យានដ្រូន និងមីស៊ីល នៅមជ្ឈិមបូព៌ាក្នុងប៉ុន្មានសប្តាហ៍ថ្មីៗនេះ។មន្ត្រីយោធាម្នាក់ដែលសុំមិនបញ្ចេញឈ្មោះ ដើម្បីពិភាក្សាអំពីប្រតិបត្តិការនេះ បាននិយាយនៅក្នុងបទសម្ភាសន៍មួយនៅក្នុងអ៊ីមែលទៅសារព័ត៌មាន Navy Timesថា៖«យើងអាចបញ្ជាក់បានថា នាវាពិឃាត USS Mason បានបាញ់ទម្លាក់យានដ្រូនដែលមានប្រភពមកពីតំបន់គ្រប់គ្រងរបស់ក្រុមហ៊ូធីនៃប្រទេសយេម៉ែន នៅម៉ោង ១០:២០ ព្រឹក (ម៉ោងនៅយេម៉ែន) ថ្ងៃទី ៦ ខែធ្នូ នៅសមុទ្រក្រហមភាគខាងត្បូង»។ ពុំមានការខូចខាតដល់ឧបករណ៍ ឬរបួសដល់បុគ្គលិករបស់សហរដ្ឋអាមេរិកទេ។ដូចករណីថ្មីៗផ្សេងទៀតនៃក្រុមនាវារបស់កងទ័ពជើងទឹកបាញ់ទម្លាក់យានដ្រូន មន្ត្រីនោះ បាននិយាយថា យានដ្រូននោះ ត្រូវបានគេបាញ់បង្ហោះសំដៅទៅនាវា Mason ប៉ុន្តែគោលដៅរបស់វា មិនច្បាស់លាស់។ ព័ត៌មានលម្អិតបន្ថែម មិនត្រូវបានផ្តល់ឲ្យ កាលពីថ្ងៃពុធទេ។ឧបទ្ទវហេតុនេះ កើតឡើងប៉ុន្មានថ្ងៃ បន្ទាប់ពីនាវាពិឃាតរបស់កងទ័ពជើងទឹក Carney បានបាញ់ទម្លាក់យានដ្រូនជាច្រើនគ្រឿង កាលពីថ្ងៃអាទិត្យ ខណៈដែលនាវាជំនួញជាច្រើនគ្រឿង បានរងការវាយប្រហារដោយមីស៊ីលរបស់ក្រុមហ៊ូធី ក្នុងប្រទេសយេម៉ែន ដែលបានបាញ់ចេញពីតំបន់គ្រប់គ្រងដោយក្រុមឧទ្ទាមហ៊ូធីនៃប្រទេសយេម៉ែន ក៏ដូចជាបន្តការវាយប្រហារលើកងកម្លាំងជើងគោករបស់សហរដ្ឋអាមេរិក នៅក្នុងប្រទេសអ៊ីរ៉ាក់ និងស៊ីរី បន្ទាប់ពីការផ្ទុះឡើងនៃសង្គ្រាមអ៊ីស្រាអែល-ហាម៉ាស។

កុមារទាំងតូចទាំងធំជាច្រើនរងរបួសពេញខ្លួនត្រូវបានបញ្ជូនទៅកាន់មន្ទប់សង្គ្រោះបន្ទាន់ក្នុងទីក្រុងខានយូនីស

2023/12/07 06:00:02 pm        112
Facebook Telegram Linkin
កុមារជាច្រើន ដែលរងរបួសរួមទាំងកុមារតូច ត្រូវបានបញ្ជូនទៅកាន់មន្ទីរពេទ្យណាស័រ(Nasser) របស់តំបន់ហ្កាហ្សា កាលពីថ្ងៃពុធទី៦ខែធ្នូ សប្ដាហ៍នេះ បន្ទាប់ពីអ៊ីស្រាអែលបើកការវាយប្រហារតាមអាកាស ប៉ះចំតំបន់អគារលំនៅឋានប្រជាពលរដ្ឋមួយកន្លែងនៅកណ្ដាលទីក្រុងខានយូនីស (Khan Younis)។ កាលពីព្រឹកថ្ងៃពុធសប្ដាហ៍នេះ កងកម្លាំងអ៊ីស្រាអែលបានចូលទៅដល់កណ្ដាលទីក្រុងខានយូនីស ( Khan Younis) ដោយបង្ខំឱ្យជនស៊ីវិលប៉ាឡេស្ទីនស្វែងរកការជ្រកកោននៅកន្លែងផ្សេង ខណៈដែលចំនួនតំបន់សុវត្ថិភាពមានការថយចុះ។ យោធាអ៊ីស្រាអែល បាននិយាយនៅក្នុងសេចក្ដីថ្លែងការណ៍មួយកាលពីល្ងាចថ្ងៃពុធថា កងកម្លាំងអ៊ីស្រាអែល កំពុងធ្វើប្រតិបត្តិការនៅក្នុងកណ្ដាលទីក្រុងខានយូនីសដែលជាទីក្រុងធំបំផុតរបស់តំបន់ហ្កាហ្សាភាគខាងត្បូង ជាលើកដំបូង ។ទាហាន បានចាប់ផ្ដើមវាយឆ្មក់ដាក់គោលដៅនៅក្នុងទីក្រុងខានយូនីស ដែលសេចក្ដីថ្លែងការណ៍នេះបានកំណត់ថាជានិមិត្តរូបរបស់យោធា និងរបបរដ្ឋបាលក្រុមហាម៉ាស ។ទាហានបានសម្លាប់ក្រុមភេរវករជាច្រើន កម្ទេចហេដ្ឋារចនាសម្ព័ន្ធភេរវករ និងទីតាំងស្តុកអាវុធជាច្រើនរបស់ក្រុមហាម៉ាស៕

ក្មេងៗយំត្រហឹងស្វែងរកឪពុកដែលបានរងរបួសនៅក្នុងមន្ទីរពេទ្យក្នុងទីក្រុងខានយូនីស របស់តំបន់ហ្កាហ្សា

2023/12/07 05:56:12 pm        97
Facebook Telegram Linkin
ក្មេងៗដែលជាបងប្អួនបង្កើត៣នាក់បានរត់សំដៅទៅកាន់មន្ទីរពេទ្យណាស័រ(Nasser) របស់តំបន់ហ្កាហ្សាតាមរកឪពុករបស់ពួកគេដែលបានរងរបួសក្នុងការវាយប្រហារតាមអាកាសរបស់អ៊ីស្រាអែលនៅក្នុងទីក្រុងខានយូនីស(Khan Younis)ភាគខាងកើត កាលពីពុធទី៦ខែធ្នូ។ កុមារី Saba អាយុ ១១ ឆ្នាំដោយដៃរុំបង់របួសរួមជាមួយបងប្អូនរបស់នាងឈ្មោះ អាម័រ (Amir)អាយុ ៥ ឆ្នាំនិងប្អូនស្រីម្នាក់ទៀត កំពុងស្រែកយំត្រហឹងក្នុងមន្ទីរពេទ្យស្វែងរកឪពុករបស់ពួកគេ ឈ្មោះលោក មហាម៉េដ អ៊ីស្មាអេល ម៉ាណាម (Mohammed Ismael Magnam)។អ្នកទាំងបីបានយំពេលឃើញឪពុករបស់ខ្លួនត្រូវបានគេអូសលើរទេះរុញដោយមានរបួសត្រង់ជើង។ កុមារ Amir បាននិយាយថា រូបគេកំពុងលេងជាមួយមិត្តភ័ក្រ្ត នៅក្នុងថ្នាក់រៀន នៅពេលលឺសំឡេងគ្រាប់ផ្ទុះ។ ពួកគេបានរត់ និងនិយាយថា ជើងរបស់គេត្រូវបានប៉ះទង្គិចនឹងថ្ម។ជើងរបស់ឪពុកគេត្រូវបានរងរបួស ហើយដៃរបស់ Saba ក៏រងរបួសដែរ។ កាលពីថ្ងៃពុធ ទាហានអ៊ីស្រាអែលបានរុលចូលទៅដល់កណ្ដាលទីក្រុង Khan Younis ដោយបង្ខំឱ្យជនស៊ីវិលប៉ាឡេស្ទីនស្វែងរកការជ្រកកោននៅកន្លែងផ្សេង ខណៈចំនួនតំបន់សុវត្ថិភាពបានថយចុះ។ យន្តហោះចម្បាំងអ៊ីស្រាអែលក៏បានទម្លាក់គ្រាប់បែកលើគោលដៅនានានៅទូទាំងតំបន់ឆ្នេរដែលមានប្រជាជនរស់នៅយ៉ាងច្រើននៅក្នុងដំណាក់កាលមួយនៃការប្រយុទ្ធគ្នាខ្លាំងបំផុតក្នុងរយៈពេលពីរខែចាប់តាំងពីអ៊ីស្រាអែលបានចាប់ផ្តើមយុទ្ធនាការយោធារបស់ខ្លួនដើម្បីលុបបំបាត់ក្រុមសកម្មប្រយុទ្ធប៉ាឡេស្ទីន។ក្រុមគ្រូពេទ្យប៉ាឡេស្ទីនបាននិយាយថា មន្ទីរពេទ្យកំពុងផ្ទុកពេញហៀរទៅដោយអ្នកស្លាប់ និងរបួស ដែលភាគច្រើនជាស្ត្រី និងកុមារ ហើយការផ្គត់ផ្គង់បានអស់។ ជនភៀសខ្លួនរាប់សែននាក់ដែលត្រូវបានជម្លៀសចេញពីភាគខាងជើងកំពុងស្វែងរកទីជម្រកនៅក្នុងចំនួនតំបន់សុវត្ថិភាពដែលចេះតែធ្លាក់ចុះនៅភាំគខាងត្បូង ដែលដែលកំណត់ថាជាតំបន់សុវត្ថិភាពដោយអ៊ីស្រាអែល៕

ចំនួនអ្នកស្លាប់ក្នុងគ្រោះទឹកជំនន់ និងបំណាក់ដី នៅប្រទេសតង់ហ្សានី បានកើនឡើងដល់៦៩នាក់

2023/12/07 05:49:37 pm        87
Facebook Telegram Linkin
ក្រុមអាជ្ញាធរបាននិយាយថាចំនួនអ្នកស្លាប់នៅក្នុងគ្រោះទឹកជំនន់ និងបំណាក់ដីនៅភាគខាងជើងប្រទេសតង់ហ្សានីនាពេលថ្មីៗនេះបានកើនឡើងដល់៦៩នាក់ ស្របពេលក្រុមអ្នកជួយសង្គ្រោះបានរកឃើញសាកសពចំនួន៤នាក់បន្ថែមទៀតពីលំហូរល្បាប់ដែលបណ្តាលមកពីបំណាក់ដីកាលពីថ្ងៃពុធ។ ព័ត៌មាននេះត្រូវបានបញ្ចេញដោយលោក លោក មុបហារ៉េ ម៉ាទីនអ៊ី ( Mobhare Matinyi) ជាអ្នកនាំពាក្យរដ្ឋាភិបាល និងជាប្រធានសេវាព័ត៌មាន នៅក្នុងសន្និសីទសារព័ត៌មានមួយដែលបានធ្វើឡើងនៅទីក្រុង កាតេស (Katesh) ក្បែរកន្លែងគ្រោះមហន្តរាយធម្មជាតិដ៏ធ្ងន់ធ្ងរកាលពីថ្ងៃពុធ នៅពេលរូបលោកបានផ្តល់ព័ត៌មានថ្មីៗអំពីស្ថានភាពគ្រោះទឹកជំនន់ដល់អ្នកសារព័ត៌មាន។លោកបាននិយាយថា គ្រោះមហន្តរាយដ៏បំផ្លិចបំផ្លាញទាំងនេះ ពុំមែនបណ្ដាលមកពីការផ្ទុះភ្នំភ្លើងនោះទេ ដោយប្រកាសថាការស៊ើបអង្កេតដោយអ្នកភូមិសាស្ត្រជាមួយក្រសួងរ៉ែ និងការវាស់ស្ទង់ភូមិសាស្ត្រនៃប្រទេសតង់ហ្សានី (GST) បានច្រានចោលការផ្ទុះភ្នំភ្លើង។យោងតាមអ្នកជំនាញ ថ្មនៅលើភ្នំហាណាង(Hanang) បានបាក់ បន្ទាប់ពីត្រាំទឹកច្រើនពេកដោយសារភ្លៀងធ្លាក់ខ្លាំង ដែលនាំឱ្យមានការបំណាក់ដី និងល្បាប់កាលពីថ្ងៃអាទិត្យ។លោកបាននិយាយថាអ្នកស្លាប់ចំនួន ៦៨ នាក់ត្រូវបានកំណត់អត្តសញ្ញាណដោយសាច់ញាតិរបស់ពួកគេ។លោកបានបន្ថែមថា គិតត្រឹមរសៀលថ្ងៃពុធសប្ដាហ៍នេះ មានតែអ្នករបួស ៤៥ នាក់ប៉ុណ្ណោះក្នុងចំណោមអ្នករបួស ១១៧ នាក់ដែលកំពុងសម្រាកព្យាបាលនៅមន្ទីរពេទ្យ ហើយជនរងគ្រោះបាត់បង់ផ្ទះសម្បែងចំនួន ២៩៥ នាក់ត្រូវបានផ្តល់ជម្រកបណ្តោះអាសន្ននៅក្នុងសាលារៀនរដ្ឋ៕

ជំនាញរកឃើញទីតាំងមួយនៅខណ្ឌដង្កោកំពុងកែច្នៃខ្ញីហាន់ និងលក់ចែកចាយមានលាយសារធាតុគីមី

2023/12/07 05:30:12 pm        489
Facebook Telegram Linkin
ភ្នំពេញ៖ មន្ត្រីជំនាញរបស់ក្រសួងពាណិជ្ជកម្មបានរកឃើញទីតាំងកែច្នៃខ្ញីហាន់ និងលក់ចែកចាយតាមទីផ្សារមួយទីតាំង ក្នុងភូមិសាស្រ្តខណ្ឌដង្កោ រាជធានីភ្នំពេញ ដែលមានសារធាតុគីមីគ្មានស្លាកសញ្ញាជាសាជូរ និងមានលាយសារធាតុគីមីត្រាំ ដែលជាប្រភេទសារធាតុគីមីមិនត្រូវបានអនុញ្ញាតឱ្យប្រើប្រាស់ជាសារធាតុបន្ថែមក្នុងម្ហូបអាហារទេ។អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា ក.ប.ប នៃក្រសួងពាណិជ្ជកម្មបានឲ្យដឹងថា កាលពីថ្ងៃទី៦ ខែវិច្ឆិកា ឆ្នាំ២០២៣ សាខា ក.ប.ប រាជធានីភ្នំពេញ បានសហការជាមួយនាយកដ្ឋានមន្ទីរពិសោធន៍ មន្ទីរពាណិជ្ជកម្មរាជធានីភ្នំពេញ និងអាជ្ញាធរដែនដី បាននាំរថយន្តពិសោធន៍ចល័តផ្នែកម្ហូបអាហារ ចុះត្រួតពិនិត្យសុវត្ថិភាពម្ហូប​អាហារនៅទីតាំងកែច្នៃខ្ញីហាន់ និងលក់ចែកចាយតាមទីផ្សារមួយទីតាំង ក្នុងភូមិសាស្រ្តខណ្ឌដង្កោ ជាលទ្ធផលក្នុងប្រតិបត្តិការនេះ ក្រុមមន្រ្តីជំនាញបានរកឃើញ ខ្ញីដុំមិនទាន់ហាន់ ២០៩ថង់ ស្មើរ ២១៤០គីឡូក្រាម សារធាតុគីមីគ្មានស្លាកសញ្ញាជាសាជូរ ១៧បាវ ស្មើរ ១៧០គីឡូក្រាម ម៉ាស៊ីនហាន់ខ្ញី ចំនួន ២គ្រឿង ទម្ងន់ស្មើនឹង ១០០គីឡូក្រាម ម៉ាស៊ីនលាងខ្ញី ចំនួន ១គ្រឿង ទម្ងន់ ៥០០គីឡូក្រាម ខ្ញីហាន់រួចមានលាយសារធាតុគីមី ត្រាំ Sodium Hydrosufit ចំនួន ២៥គីឡូក្រាម និងសារធាតុគីមីម្យ៉ាងមានឈ្មោះ Sodium Hydrosulfite ដែលជាប្រភេទសារធាតុគីមីមិនត្រូវបានអនុញ្ញាតឱ្យប្រើប្រាស់ជាសារធាតុបន្ថែមក្នុងម្ហូបអាហារទេ ចំនួន ១.៥គីឡូក្រាម។អគ្គនាយកដ្ឋាន ក.ប.ប បានបញ្ជាក់ថា តាមការអះអាងពីម្ចាស់ទីតាំងខាងលើ គឺសារធាតុគីមីទាំង​នេះ​គាត់​បានបញ្ជាទិញពីផ្សារច្បារអំពៅ។ ការទទួលទានផលិតផលម្ហូបអាហារដែលមាន​សារធាតុគីមី​ហាមឃាត់ Sodium Hydrosulfite ទៅក្នុងសារពាង្គកាយមនុស្ស អាចបណ្តាល​ឲ្យពិបាកដកដង្ហើម សម្ពាធឈាមចុះទាប វិលមុខ ឈឺពោះ ក្អួតចង្អោរ រាគរូស។ សម្រាប់អ្នក Allergic ធ្ងន់ធ្ងរជាមួយសារធាតុខាងលើនេះ ​ឬអ្នកមានជំងឺហឺត ​អាចបណ្តាលឲ្យពិបាកដកដង្ហើម និងអាចបាត់បង់ជីវិតបាន។អគ្គនាយកដ្ឋាន ក.ប.ប បន្ថែមថា ជាវិធានការ ​មន្ត្រីជំនាញបានដកហូតនូវសារធាតុគីមីជាម្សៅស Sodium Hydrosulfite ចំនួន ១.៥គីឡូក្រាម ​យកទៅរក្សាទុកជាបណ្តោះអាសន្ននៅសាខា ក.ប.ប រាជធានីភ្នំពេញ ឃាត់ជាបណ្តោះអាសន្ននៅនឹងកន្លែងនូវខ្ញីហាន់ ដែលកំពុងដាក់ត្រាំក្នុងធុងជ័រ និងខ្ញីមើម ចំនួន ២០៦៥គីឡូក្រាម ​និងបានយកគំរូទៅវិភាគនៅមន្ទីរពិសោធន៍របស់អគ្គនាយកដ្ឋាន ក.ប.ប. បន្តទៀត។ ​ករណីរកឃើញមានសារធាតុគីមីហាមឃាត់ធ្វើឲ្យប៉ះពាល់ដល់សុខភាព អគ្គនាយកដ្ឋាន ក.ប.ប. នឹងចាត់វិធានការតាមផ្លូវច្បាប់បន្ថែម។អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប នៃក្រសួងពាណិជ្ជកម្ម បានអំពាវនាវដល់បុគ្គលធ្វើធុរកិច្ចម្ហូបអាហារ ជាអាទិ៍ អ្នកនាំចូល ផលិតករ សិប្បករ អ្នកកែច្នៃ អ្នកស្តុកទុក អ្នកចែកចាយ ​អ្នកលក់ដូរម្ហូបអាហារទាំងអស់ សូមមេត្តាកុំប្រើប្រាស់​សារធាតុគីមីហាមឃាត់ក្នុងចំណីអាហារ ដែលធ្វើឲ្យប៉ះពាល់ដល់សុខភាពអ្នកទទួលទាន ករណីធ្ងន់ធ្ងរអាចបណ្ដាលឲ្យបាត់បង់ជីវិតភ្លាមៗ ឬបង្ករជាជំងឺរ៉ាំរ៉ៃ ឬជំងឺប្រចាំកាយរយៈពេលជាយូរអង្វែង។ ទន្ទឹមនឹងនេះអគ្គនាយកដ្ឋាន ក.ប.ប អំពាវនាវដល់គ្រប់តួអង្គពាក់ព័ន្ធទាំងអស់ មេត្តាចូលរួមទប់ស្កាត់នូវផលិតផលមានសារធាតុគីមីហាមឃាត់ ផលិតផលខូចគុណភាព ផលិតផលពុំមានអនុលោមភាពតាមបទប្បញ្ញត្តិ តាមរយៈការដាក់ពាក្យបណ្តឹង ឬផ្តល់ព័ត៌មានអំពីករណីខាងលើនេះ ទៅកាន់ក្រសួង ស្ថាប័នមានសមត្ថកិច្ចពាក់ព័ន្ធ ពិសេសអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប នៃក្រសួងពាណិជ្ជកម្ម ដែលមានអាសយដ្ឋាន ផ្លូវ១៨ ភូមិក្តីតាកុយ ​សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ឬទូរស័ព្ទលេខ ០២៣ ២៣១ ៨៥៦ និង 0៩២ ៨៣០ ៨៥៦ ដើម្បីអគ្គនាយកដ្ឋាន ក.ប.ប. នៃក្រសួងពាណិជ្ជម្ម មានវិធានការតាមនីតិវិធីច្បាប់ជាធរមាន៕អត្ថបទ ៖ ប្រាក់ វ៉ាន់ដា

រថយន្តដាច់ហ្វ្រាំង ខណៈរងចាំឆ្លងកំពង់ដរ បានជ្រុលធ្លាក់ចូលទន្លេ តែសំណាងល្អមិនបណ្ដាលឲ្យមនុស្សរងរបួសធ្ងន់ធ្ងរ

2023/12/06 10:03:35 pm        296
Facebook Telegram Linkin
ភ្នំពេញ៖ បុរសចំណាស់ម្នាក់បើកបររថយន្តកូរ៉េមកកំពង់ដរស្វាយជ្រុំ ខណៈមកដល់ចំណុចរង់ចាំសាឡាងរថយន្តបានដាច់ហ្វ្រាំងជ្រុលទៅធ្លាក់ចូលទឹកទន្លេតែសំណាងល្អមិនបណ្ដាលឲ្យបុរសអ្នកបើករថយន្តកើតអ្វីនោះទេគ្រាន់តែរករបួសដៃបន្តិចបន្តួច។ ហេតុការណ៍នេះបានកើតឡើងនៅវេលាម៉ោង ០២និង ៣០នាទីរសៀលថ្ងៃទី ០៦ ខែធ្នូ ឆ្នាំ ២០២៣ ស្ថិតនៅចំណុចកំពង់ដរ ស្វាយជ្រុំសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។តាមប្រភពព័ត៌មានពីបុរសចំណាស់ម្នាក់ដែលជាអ្នកបើករថយន្តកូរ៉េមួយតោនកន្លះនេះបានអោយដឹងថាមុនពេលកើតហេតុលោកបានបើករថយន្តនិងដឹកសម្ភារៈគ្រឿងសំណង់គ្រឿងពុម្ពបេតុង ខណៈដែលមកដល់ចំណតឆ្លងដរ ស្វាយជ្រុំបានរង់ចាំសាឡាងពេលនោះរថយន្តដាច់ហ្វ្រាំងជាន់មិនជាប់ជ្រុលធ្លាក់ចូលទន្លេតែម្ដង។ក្រោយពេលកើតហេតុម្ចាស់ទីតាំងសាឡាងបានយកអេស្កាវ៉ាទ័រនិងរថយន្តស្ទូចដើម្បីធ្វើការស្ទូចរថយន្តបុរសរងគ្រោះដើម្បីឡើងមកលើគោកវិញ៕ ដោយ ៖ កុម្ភៈ

ចិនបង្កើនហានិភ័យក្នុងការបង្ក្រាបការឆបោកតាមអ៊ីនធឺណិតនៅមីយ៉ាន់ម៉ា ទោះបីជាមានភាពចន្លោះប្រហោង

2023/12/06 07:26:46 pm        131
Facebook Telegram Linkin
ប្រទេសចិន កំពុងបង្កើនការបង្រ្កាបលើការឆបោកតាមបណ្តាញអ៊ីនធឺណិត ដែលធ្វើប្រតិបត្តិការដោយក្រុមឧក្រិដ្ឋជន នៅតាមតំបន់ព្រំដែនសហភាពមីយ៉ាន់ម៉ាគ្រប់គ្រងដោយយោធា ក្នុងកិច្ចខិតខំប្រឹងប្រែងដែលរួមមានការបាញ់ប្រហារ វីដេអូសារភាព និងការផ្សាយតាមទូរទស្សន៍ជាតិអំពីការចាប់ខ្លួនជនសង្ស័យដែលមានឈ្មោះល្បីល្បាញ។ប៉ុន្តែ ការជំរុញនេះ ត្រូវបានរឹតត្បិតនៅក្នុងតំបន់ដែលត្រូវបានកំណត់ ហើយមិនទំនងជាអាចបំបាត់ឬសគល់នៅពីក្រោយការជួញដូរមនុស្ស និងសកម្មភាពខុសច្បាប់ផ្សេងទៀត ដែលមានគោលបំណងឆរបោក មនុស្សនូវគណនេយ្យសន្សំប្រាក់របស់ពួកគេតាមរយៈការហៅទូរស័ព្ទ និងការឆបោកតាមបណ្តាញអ៊ីនធឺណិត ជាផែនការដែលត្រូវបានគេគិតថា ទទួលបានប្រាក់រាប់សិបពាន់លានដុល្លារក្នុងមួយឆ្នាំ។ក្នុងរដូវក្តៅនេះ ប្រទេសចិន បានប្រកាសប្រតិបត្តិការរួមគ្នាជាមួយប្រទេសជិតខាង ដែលនាំឱ្យមនុស្សរាប់ពាន់នាក់ត្រូវបានបញ្ជូនត្រឡប់មកប្រទេសចិនវិញ ដែលភាគច្រើនត្រូវបានទាក់ទាញដោយការសន្យាការងារមានប្រាក់ឈ្នួលខ្ពស់។ អ្នកជំនាញនិយាយថា មនុស្សជាច្រើនជាជនរងគ្រោះដែលត្រូវបានបង្ខំឱ្យធ្វើការឆបោក។ លោក Lu Jiantang អនុប្រធានកិច្ចការបរទេសនៅរដ្ឋ Wa បាននិយាយថា នៅពេលដែលយើងរកឃើញពួកគេភ្លាម យើងនឹងប្រគល់ពួកគេឲ្យភ្លាម ដែលការងារទាំងនេះគឺធានាបានថាអ្នកដែលភៀសខ្លួនចេញពីការប្រយុទ្ធនៅក្នុងតំបន់ជិតខាង មិនរាប់បញ្ចូលក្រុមអ្នកឆបោកនោះទេ។ កាលពីថ្ងៃទី១៨ ខែវិច្ឆិកា ក្រសួងសន្តិសុខសាធារណៈរបស់ប្រទេសចិន បានប្រកាសថា អាជ្ញាធរនៅភាគខាងជើងសហភាពមីយ៉ាន់ម៉ា បានប្រគល់ជនសង្ស័យប្រមាណ ៣១.០០០នាក់ ហើយនគរបាលបាននិយាយថា ក្នុងចំណោមពួកគេ ៦៣នាក់គឺជាអ្នកសំខាន់ក្នុងក្រុមឆបោក។

បណ្ដាញសង្គម

ព័ត៌មានថ្មីៗ

អាជ្ញាធរខេត្តកំពង់ធំ ជួបសំណេះសំណាល និងអបអរសាទរសិស្សជ័យលាភីនិទ្ទេស A
09/06/2026 03:09 PM
Facebook Telegram Linkin
ឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាង​ថ្នាក់​ដឹក​នាំ​ជំនាន់​មុន និងថ្នាក់ដឹកនាំជំនាន់ក្រោយ
09/06/2026 02:09 PM
Facebook Telegram Linkin
ជនជាតិចិន ត្រូវបានសង្រ្គោះចេញពីរូងក្រោមដីនេប៉ាល់ រយៈពេល ១០ថ្ងៃ ក្រោយទឹកជំនន់ដ៏គំហក់
09/06/2026 02:09 PM
Facebook Telegram Linkin
ប្រធានក្រុមការងារថ្នាក់កណ្តាលចុះជួយឃុំខ្នុរដំបង ស្រុកជើងព្រៃ នាំយកអំណោយ និង​ថវិកា​ជូន​ដល់​ពលរដ្ឋមានជីវភាពខ្វះខាត
09/06/2026 02:09 PM
Facebook Telegram Linkin
យានចម្លងអាល្លឺម៉ង់ឡើងដល់ទីអវកាស ខណៈអឺរ៉ុបចូលរួមប្រកួតប្រជែងបាញ់បង្ហោះផ្កាយរណប
09/06/2026 02:09 PM
Facebook Telegram Linkin
ក្រសួងការងារ នាំយកឱកាសការងារដល់ផ្ទះជូនប្រជាពលរដ្ឋនៅស្រុកថ្មបាំង
09/06/2026 02:09 PM
Facebook Telegram Linkin
រាជរដ្ឋាភិបាលកម្ពុជា បន្តវិធានការក្តៅមិនបន្ធូរដៃ ដើម្បីបោសសម្អាត Online Scams
09/06/2026 02:09 PM
Facebook Telegram Linkin
អន្តរក្រសួង ចុះវាយតម្លៃការងារថែទាំផ្លូវជនបទ ១២ខ្សែ នៅខេត្តត្បូងឃ្មុំ
09/06/2026 02:09 PM
Facebook Telegram Linkin
ក្រុមនិស្សិតចុះស្រាវជ្រាវផ្ទាល់ពីវប្បធម៌ជនជាតិដើមភាគតិច នៅខេត្តមណ្ឌលគិរី
09/06/2026 01:09 PM
Facebook Telegram Linkin
រដ្ឋបាលខេត្តត្បូងឃ្មុំ ជំរុញអាជ្ញាពាក់ព័ន្ធបន្តផ្សព្វផ្សាយបញ្ជ្រាបការយល់ដឹងពីបញ្ហាជំងឺអេដស៍
09/06/2026 01:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.