BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

ក្រុមវេជ្ជបណ្ឌិតនៅមន្ទីរពេទ្យហ្កាហ្សា បដិសេធបទបញ្ជាជម្លៀសខ្លួនរបស់កងទ័ពអ៊ីស្រាអែល

យោងតាមប្រធានក្រុមវេជ្ជបណ្ឌិត នៃក្រសួងសុខាភិបាលគ្រប់គ្រងដោយក្រុមហាម៉ាសនៅក្នុងតំបន់ហ្កាហ្សា លោក វេជ្ជបណ្ឌិត មូនៀអាល់ប្រាស់( Munir Al-Brush) ប្រធានក្រុមវេជ្ជបណ្ឌិត នៅមន្ទីរពេទ្យ អាល់ស៊ីហ្វា(Al-Shifa) ស្ថិតនៅភាគខាងជើងតំបន់ហ្កាហ្សា បានបដិសេធមិនព្រមទទួលយកបញ្ជាជម្លៀសជាកាតព្វកិច្ចពីកងកម្លាំងការពារជាតិអ៊ីស្រាអែល (IDF)ទេ ដោយបារម្ភថា អ្នកជំងឺប្រមាណ៧០០នាក់ ប្រឈមនឹងការស្លាប់ ប្រសិនបើមិនបានព្យាបាល ។ លោក Al-Bursh បានប្រាប់ទូរទស្សន៍ CNN កាលពីថ្ងៃចន្ទដែលត្រូវបានរាយការណ៍នៅថ្ងៃអង្គារ ទី១៤ ខែវិច្ឆិកានេះថា បញ្ហាមិនមែនគ្រូពេទ្យទេ តែអ្នកជំងឺ។ ហើយប្រសិនបើត្រូវទុកចោល ពួកគេនឹងស្លាប់។ ប្រសិនបើត្រូវគេផ្ទេរ ពួកគេនឹងស្លាប់តាមផ្លូវ នេះជាបញ្ហា យើងកំពុងនិយាយអំពីអ្នកជំងឺ ប្រមាណ៧០០នាក់។លោកបានមានបន្ថែមថា រហូតមកដល់ពេលនេះ មិនទាន់មានការឆ្លើយតបពីក្រុមគ្រូពេទ្យនៅឡើយទេ ប៉ុន្តែជនភៀសខ្លួនមួយចំនួន និងក្រុមគ្រួសាររបស់ពួកគេបានចាកចេញពីផ្ទះរបស់ខ្លួនរួចទៅហើយ។យោងតាមលោកវេជ្ជបណ្ឌិត Al-Bursh បទបញ្ជាជម្លៀសមិនត្រូវបានសម្របសម្រួលជាមួយភ្នាក់ងារមនុស្សធម៌អន្តរជាតិណាមួយ ដូចជាកាកបាទក្រហមអន្តរជាតិនោះទេ។ លោកបាននិយាយថា កង្វះការសម្របសម្រួលនាំឱ្យមានការព្រួយបារម្ភអំពីសុវត្ថិភាព និងលទ្ធភាពនៃការផ្ទេរអ្នកជំងឺមួយចំនួនធំ ដែលភាគច្រើនស្ថិតក្នុងស្ថានភាពធ្ងន់ធ្ងរ ហើយអាចនឹងស្លាប់តាមផ្លូវ។ប្រមុខអង្គការសុខភាពពិភពលោក (WHO) លោកវេជ្ជបណ្ឌិត Tedros Adhanom Ghebreyesus បានហៅស្ថានភាពនេះថាជាសោកនាដកម្ម ដែលបានរារាំងអ្នកជំងឺមិនឱ្យទទួលបានការព្យាបាលត្រឹមត្រូវ ខណៈ អ្នកជំងឺថ្មីមិនអាចទទួលយកបានដោយសារតែគ្មានកន្លែងទំនេរ គ្មានប្រេងឥន្ធនៈ និងការផ្គត់ផ្គង់វេជ្ជសាស្រ្តមានកំណត់៕

ប្រធានគោលនយោបាយការបរទេសរបស់សហភាពអឺរ៉ុប លោក Borrell លើកសំណើសម្រាប់តំបន់ហ្កាហ្សាក្រោយសង្គ្រាម

ប្រធានគោលនយោបាយការបរទេសរបស់សហភាពអឺរ៉ុបលោក ចូសិប បូរ៉ែល (Josep Borrell) បានដាក់ចេញនូវសំណើកាលពីថ្ងៃចន្ទសម្រាប់របៀបដែលតំបន់ហ្កាហ្សា គួរតែដំណើរការ បន្ទាប់ពីសង្គ្រាមរវាងអ៊ីស្រាអែល និងក្រុមហាម៉ាស ដោយអំពាវនាវឲ្យបណ្តាប្រទេសអារ៉ាប់ដើរតួនាទីកាន់តែធំ នៅក្នុងរដ្ឋបាលប៉ាឡេស្ទីន នាពេលអនាគត។លោកបូរ៉ែល ដែលនឹងធ្វើដំណើរទៅកាន់ប្រទេសអ៊ីស្រាអែល ទឹកដីប៉ាឡេស្ទីន និងប្រទេសជិតខាង នៅចុងសប្តាហ៍នេះ បាននិយាយថា វាមានសារៈសំខាន់ណាស់ក្នុងការគិតអំពីអ្វីដែលកើតឡើង បន្ទាប់ពីសង្គ្រាម ទោះបីជាមានការប្រយុទ្ធគ្នាយ៉ាង ខ្លាំងក្លាក្តី។លោកបាននិយាយថា សហគមន៍អន្តរជាតិ បានបរាជ័យ«ខាងនយោបាយ និងសីលធម៌» ដើម្បីបង្កើតដំណោះស្រាយយូរអង្វែងចំពោះជម្លោះដ៏រ៉ាំរ៉ៃរវាងអ៊ីស្រាអែល និងប៉ាឡេស្ទីន ហើយឥឡូវនេះ វាដល់ពេលដែលត្រូវបង្កើនកិច្ចខិតខំប្រឹងប្រែងឡើងវិញ ដើម្បីស្វែងរកដំណោះស្រាយរដ្ឋពីរ។ថ្លែងទៅកាន់អ្នកសារព័ត៌មានបន្ទាប់ពីកិច្ចប្រជុំរដ្ឋមន្ត្រីការបរទេសសហភាពអឺរ៉ុប នៅទីក្រុងប្រ៊ុចសែល លោក បានបង្ហាញសំណើរបស់លោកថា «ទេ”»ចំពោះរឿងបី និង «បាទ» ចំពោះរឿងបីផ្សេងទៀត។លោកបាននិយាយថា ទេចំពោះការជម្លៀសប្រជាជនប៉ាឡេស្ទីនដោយបង្ខំចេញពីតំបន់ហ្កាហ្សា ការកាន់កាប់អចិន្ត្រៃយ៍ដោយយោធាអ៊ីស្រាអែល ឬការផ្លាស់ប្តូរណាមួយចំពោះទំហំរបស់តំបន់ហ្កាហ្សា និងការវិលត្រឡប់របស់ក្រុមហាម៉ាស។

លោក Zelenskyy ជំរុញឱ្យអ៊ុយក្រែនត្រៀមទប់ទល់ការវាយប្រហាររបស់រុស្ស៊ីលើហេដ្ឋារចនាសម្ព័ន្ធ

ប្រធានាធិបតីអ៊ុយក្រែន លោក Volodymyr Zelenskyy បានព្រមានថា រុស្ស៊ីអាចនឹងបង្កើនការវាយប្រហារលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន នៅមុនពេលរដូវរងាខ្លាំងរបស់ខ្លួន។ លោក Zelenskyy និយាយនៅក្នុងសុន្ទរកថាតាមវីដេអូ ដែលបានចេញផ្សាយថា រុស្ស៊ីអាចនឹងបង្កើនចំនួនយានដ្រូន ឬការវាយប្រហារដោយមីស៊ីលមកលើហេដ្ឋារចនាសម្ព័ន្ធរនៅអ៊ុយក្រែន។ បណ្តាញអគ្គិសនី និងហេដ្ឋារចនាសម្ព័ន្ធផ្សេងទៀតរបស់អ៊ុយក្រែន ត្រូវបានដាក់គោលដៅដោយការវាយប្រហាររបស់រុស្ស៊ីក្នុងរយៈពេលប្រហែល៦ខែកន្លងទៅនេះចាប់តាំងពី ខែតុលា ឆ្នាំមុន ដោយបានកាត់ផ្តាច់ការផ្គត់ផ្គង់អគ្គិសនី និងឧបករណ៍កម្តៅក្នុងពេលរដូវរងា។ លោក Zelenskyy បានអំពាវនាវដល់ប្រទេសផ្សេងទៀតឱ្យបន្តជួយអ៊ុយក្រែនបង្កើនសមត្ថភាពការពារដែនអាកាសរបស់ខ្លួន។អ៊ុយក្រែនកំពុងព្យាយាមដណ្តើមយកមកវិញទឹកដីដែលបាត់បង់ ក្នុងតំបន់ Kherson។ កងទ័ពអ៊ុយក្រែន ត្រូវបានគេជឿថា បានឆ្លងកាត់ទៅច្រាំងភាគខាងកើតនៃទន្លេ Dnipro និងបានធ្វើប្រតិបត្តិការ ចាប់តាំងពីខែមុនមក។ ទន្ទឹមនឹងនោះ កងទ័ពរុស្ស៊ី បានបើកការវាយប្រហារលើទីក្រុង Kherson ជាទីក្រុងស្ថិតនៅត្រើយខាងលិចនៃទន្លេ ដែលពួកគេបានដកថយកាលពីមួយឆ្នាំមុន។កាលពីថ្ងៃចន្ទ ទីភ្នាក់ងារសារព័ត៌មានរដ្ឋរុស្ស៊ីចំនួនពីរ បានចេញសេចក្តីប្រកាសដោយដកស្រង់ប្រភពពីក្រសួងការពារជាតិរុស្ស៊ីនិយាយថា ទីបញ្ជាការរបស់អង្គភាពរុស្ស៊ី បានសម្រេចដាក់ទីតាំងកងទ័ពឡើងវិញនៅច្រាំងភាគខាងកើតទន្លេ Dnipro ។ ប៉ុន្តែ ១០ ទៅ ១៥ នាទីក្រោយមក ទីភ្នាក់ងារសារព័ត៌មាន Tass និង RIA-Novosti បានដកការរាយការណ៍ចេញវិញ ដែលបានលើកឡើងថា កងទ័ពរុស្ស៊ី បានត្រៀមខ្លួនរួចជាស្រេចដើម្បីដកថយ។ វាកម្រកើតមានណាស់សម្រាប់ទីភ្នាក់ងារព័ត៌មានរដ្ឋជាច្រើនរបស់រុស្ស៊ី ក្នុងការចេញផ្សាយ និងដកចេញវិញរបាយការណ៍ស្រដៀងគ្នាស្ទើរតែក្នុងពេលដំណាលគ្នា។

មន្ទីរពេទ្យនានានៅហ្កាហ្សាជិតបិទទ្វារទាំងស្រុង ខណៈក្រុមវេជ្ជបណ្ឌិតរៀបរាប់ពីស្ថានភាពសុបិន្តអាក្រក់

ក្រុមផ្ដល់ជំនួយសង្គ្រោះអ៊ីស្លាម(Islamic Relief)កំពុងព្រមានថា មន្ទីរពេទ្យនានានៅក្នុងតំបន់ហ្កាហ្សាជិតបិទទ្វារទាំងស្រុងហើយ ស្របពេលមានការទម្លាក់គ្រាប់បែកយ៉ាងខ្លាំងនៅថ្ងៃនេះ ។ ជិតពីរភាគបីនៃមន្ទីរពេទ្យទាំងអស់នៅក្នុងតំបន់ហ្កាហ្សា ឥឡូវនេះលែងដំណើរការទាំងស្រុង ហើយមន្ទីរពេទ្យនៅសេសសល់កំពុងតស៊ូដើម្បីបន្តដំណើរការ ខណៈចំនួនជនស៊ីវិលរងរបួសបន្តកើនឡើង។ ការវាយប្រហារកាន់តែខ្លាំងឡើងនាពេលបច្ចុប្បន្ននេះទៅលើមន្ទីរពេទ្យទាំងឡាយ បានធ្វើឱ្យបុគ្គលិកពេទ្យ និងជនស៊ីវិលរងគ្រោះថ្នាក់យ៉ាងធ្ងន់ធ្ងរ ហើយបណ្តាលឱ្យមានអ្នកស្លាប់ និងរបួស និងការបំផ្លិចបំផ្លិចយ៉ាងច្រើន។ ក្រុមផ្ដល់ជំនួយសង្គ្រោះអ៊ីស្លាមជឿថា មន្ទីរពេទ្យទាំងនោះ មិនត្រូវក្លាយជាគោលដៅឡើយ។ការវាយប្រហារថ្ងៃនេះបន្ថែមសម្ពាធយ៉ាងខ្លាំងទៅលើបណ្ដាមន្ទីរពេទ្យដែលនៅសេសសល់ក្នុងតំបន់ហ្កាហ្សានេះ។ វេជ្ជបណ្ឌិតមួយរូប មកពីមន្ទីរពេទ្យ អាល់ ស៊ីហ្វា (Al Shifa)ដែលត្រូវបានសម្ភាសដោយក្រុមសង្គ្រោះអ៊ីស្លាម មុនពេលការទម្លាក់គ្រាប់បែកថ្ងៃនេះ បានរៀបរាប់ពីស្ថានភាពដ៏គួរឱ្យរន្ធត់ ដោយបុគ្គលិកបានជីកផ្នូរដ៏ធំសម្រាប់សាកសពមិនស្គាល់អត្តសញ្ញាណ ច្រករបៀងដែលពោរពេញទៅដោយមនុស្សភៀសខ្លួនរាប់ពាន់នាក់ និងអ្នកជំងឺ ត្រូវបានរងការទម្លាក់គ្រាប់បែកនៅពេលពួកគេព្យាយាមគេចខ្លួន។ ការទម្លាក់គ្រាប់បែកនាពេលថ្មីៗនេះនៅមន្ទីរពេទ្យនេះ ជាកន្លែងដែលក្រុមសង្គ្រោះអ៊ីស្លាមបានចែកចាយ និងការផ្គត់ផ្គង់ថ្នាំពេទ្យ បានធ្វើឱ្យខូចខាតយ៉ាងធ្ងន់ធ្ងរដល់មន្ទីរសម្ភព និងបន្ទប់ឆ្លុះកាំរស្មីអ៊ិច និងបានវាយប្រហារលើទីធ្លាមន្ទីរពេទ្យ ដែលមានអ្នករត់គេចខ្លយនរាប់ម៉ឺននាក់បានស្វែងរកកន្លែងជ្រកកោណ។ វេជ្ជបណ្ឌិតរូបនេះ បានព្រមានពីការផ្ទុះឡើងនៃជំងឺផ្សេងៗ នៅក្នុងមន្ទីរពេទ្យដោយសារមនុស្សច្រើនពេក និងខ្វះទឹក និងប្រេងឥន្ធនៈជាដើម។ អ្នកជំងឺដែលបានទទួលការវះកាត់កំពុងឆ្លងមេរោគដោយសារតែលក្ខខណ្ឌគ្មានអនាម័យ និងកង្វះឧបករណ៍ ដោយសារការឡោមព័ទ្ធរបស់អ៊ីស្រាអែលនៅតែបន្ត រាំងខ្ទប់ការផ្គត់ផ្គង់សម្ភារៈចាំបាច់ដល់មន្ទីរពេទ្យទាំងអស់៕

ឥណ្ឌូនេស៊ី ជំរុញឲ្យសហរដ្ឋអាមេរិកធ្វើការបន្ថែមទៀត ដើម្បីបញ្ឈប់អំពើឃោឃៅនៅតំបន់ហ្កាហ្សា

ប្រធានាធិបតីប្រទេសឥណ្ដូនេស៊ី លោក Joko Widodo កាលពីថ្ងៃចន្ទ បានជួបជាមួយប្រធានាធិបតីសហរដ្ឋអាមេរិក លោក Joe Biden នៅសេតវិមាន បានអំពាវនាវឲ្យសហរដ្ឋអាមេរិក ធ្វើការបន្ថែមទៀត ដើម្បីបញ្ឈប់«អំពើឃោឃៅ» នៅក្នុងតំបន់ហ្កាហ្សា ខណៈលោកជំរុញឲ្យមានបទឈប់បាញ់ ក្នុងជម្លោះរបស់អ៊ីស្រាអែល និងក្រុមហាម៉ាស់។លោក Biden បានស្វាគមន៍ ប្រធានាធិបតីឥណ្ឌូនេស៊ី លោក Joko Widodo ខណៈមេដឹកនាំទាំងពីរ ត្រៀមសម្រាប់កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចតំបន់អាស៊ី-ប៉ាស៊ីហ្វិក នៅក្នុងទីក្រុង San Francisco សម្រាប់កិច្ចពិភាក្សាស្តីពីសន្តិសុខប្រចាំតំបន់និងការផ្លាស់ប្តូរថាមពលស្អាត ស្ថិតក្នុងចំណោមប្រធានបទដ៏ទៃទៀត។ កងកម្លាំងប្រទេសអ៊ីស្រាអែល កំពុងប្រយុទ្ធជាមួយក្រុមសកម្មប្រយុទ្ធប៉ាឡេស្ទីន ក្នុងតំបន់ហ្កាហ្សា រយៈពេលជាង១ខែ បន្ទាប់ពីក្រុមអ្នកប្រយុទ្ធអ៊ីស្លាមនិយមហាម៉ាស់ បើកការវាយប្រហារដ៏ភ្ញាក់ផ្អើលកាលពីថ្ងៃទី៧ ខែតុលា ដោយវាយសម្រុកចូលតាមទីក្រុងនិងសហគមន៍ជាច្រើនរបស់អ៊ីស្រាអែល បណ្តាលឲ្យមនុស្ស១.២០០នាក់ស្លាប់ និងចាប់ជាចំណាប់ថ្នូរជាង២០០នាក់។អ៊ីស្រាអែលបានសងសឹកវិញដោយការទម្លាក់គ្រាប់បែកលើតំបន់ហ្កាហ្សា និងបើកការវាយលុកតាមដីគោក។ អង្គភាពសេវាសុខភាពតំបន់ហ្កាហ្សាគ្រប់គ្រងដោយក្រុមហាម៉ាសនិយាយថា ពលរដ្ឋប៉ាឡេស្ទីន ជាង១១.០០០នាក់ នាក់ត្រូវបានសម្លាប់ ចាប់តាំងពីការប្រយុទ្ធគ្នាចាប់ផ្តើម។

របាយការណ៍៖ក្រុមហាម៉ាស បានរៀបចំសម្រាប់«ដំណាក់កាលទីពីរ»នៃការវាយប្រហារភេរវកម្ម នៅអ៊ីស្រាអែល

សារព័ត៌មានវ៉ាស៊ីនតោនប៉ុស្តិ៍ បានរាយការណ៍ថា ក្រុមសកម្មប្រយុទ្ធហាម៉ាស បានរៀបចំសម្រាប់«ដំណាក់កាលទីពីរ»នៃការវាយប្រហារភេរវកម្មក្នុងប្រទេសអ៊ីស្រាអែល ក្នុងក្តីសង្ឃឹមនៃការបង្កជម្លោះកាន់តែធំឡើង នៅមជ្ឈិមបូព៌ា។សារព័ត៌មាននេះ ដែលបានដកស្រង់សម្តីមន្ត្រីចារកម្ម និងសន្តិសុខបច្ចុប្បន្ន និងជាអតីតអ្នកស៊ើបការណ៍ជាច្រើននាក់មកពីប្រទេសលោកខាងលិច និងមជ្ឈិមបូព៌ាចំនួន៤ បាននិយាយថា ពួកសកម្មប្រយុទ្ធ បាននាំយកគ្រឿងបរិក្ខារ និងគ្រាប់រំសេវគ្រប់គ្រាន់ ដើម្បីទុកសម្រាប់រយៈពេលច្រើនថ្ងៃ។មន្ត្រីមួយចំនួន ក៏បានកាន់ឯកសារដែលរួមបញ្ចូលព័ត៌មានលម្អិតអំពីរបៀបវាយប្រហារអ៊ីស្រាអែលខាងក្នុងកាន់តែស៊ីជម្រៅផងដែរ នេះបើយោងតាមរបាយការណ៍។ ក្រុមសកម្មប្រយុទ្ធហាម៉ាស ចង់ចូលទៅដល់ទីក្រុងធំៗរបស់អ៊ីស្រាអែល ហើយមានផែនការលុកលុយចូលទៅក្នុងតំបន់វេសបែង។អាជ្ញាធរអ៊ីស្រាអែល បាននិយាយថា កាលពីថ្ងៃទី៧ ខែតុលា ភេរវករហាម៉ាស បានសម្លាប់មនុស្សជាង ១.២០០នាក់ និងបានចាប់ពង្រត់មនុស្ស ២៤០នាក់ បន្ថែមទៀត។ អ៊ីស្រាអែល បានបើកការវាយប្រហារលើតំបន់ហ្កាហ្សាក្នុងប៉ុន្មានសប្តាហ៍ បន្ទាប់ពីការវាយប្រហារដែលអាជ្ញាធរសុខាភិបាលហាម៉ាសគ្រប់គ្រងតំបន់ហ្កាហ្សា បាននិយាយថា បានសម្លាប់មនុស្សយ៉ាងហោចណាស់ ១១.០០០នាក់។

មនុស្សរាប់សិបនាក់ បានស្លាប់ក្នុងការវាយប្រហារពីក្រុមសកម្មប្រយុទ្ធអ៊ីស្លាមនិយម នៅប្រទេសកុងហ្គោ

ក្រុមមន្ត្រីក្នុងតំបន់ និងបុគ្គលិកមនុស្សធម៌ម្នាក់បាននិយាយថា យ៉ាងហោចណាស់មនុស្ស ២៣នាក់ បានស្លាប់ នៅពេលដែលពួកសកម្មប្រយុទ្ធអ៊ីស្លាម បានវាយឆ្មក់ភូមិមួយនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ កាលពីល្ងាចថ្ងៃអាទិត្យ (១២ វិច្ឆិកា)។មេដឹកនាំទីភ្នាក់ងារសង្គមស៊ីវិល លោក Maurice Mabele Musaidi ដែលបានផ្តល់ចំនួនអ្នកស្លាប់ដំបូងចំនួន ១៩នាក់ បាននិយាយថា ក្រុមអ្នកវាយប្រហារបានចងអ្នកភូមិ និងសម្លាប់ពួកគេដោយប្រើកាំបិត និងអាវុធផ្សេងទៀត ខណៈមនុស្សជាច្រើននាក់ទៀតបានរត់គេចខ្លួន។ លោកបានបន្ថែមថា អ្នកខ្លះប្រហែលជាបានលង់ទឹកស្លាប់ នៅពេលដែលពួកគេព្យាយាមឆ្លងទន្លេ ឡាមីយ៉ា (Lamia) ទៅកាន់ប្រទេសអ៊ូហ្គង់ដា ដោយបញ្ជាក់ថា មនុស្សជាច្រើននៅតែបាត់ខ្លួននៅឡើយ។មន្ត្រីក្នុងតំបន់ម្នាក់បាននិយាយកាលពីល្ងាចថ្ងៃច័ន្ទ (១៣ វិច្ឆិកា) ថា ចំនួនអ្នកស្លាប់បានកើនឡើងដល់យ៉ាងហោចណាស់ ៣៣នាក់ រួមទាំងមេទ័ពម្នាក់ផងដែរ ហើយកុមារពីរនាក់បានលង់ទឹកស្លាប់ ខណៈពួកគេព្យាយាមរត់ទៅកាន់ប្រទេសអ៊ូហ្គង់ដា។អ្នកនាំពាក្យរបស់កងទ័ពកុងហ្គោបាននិយាយថា ការវាយប្រហារនៅក្នុងតំបន់ វ៉ាតាលីងហ្កា (Watalinga) នៃដែនដី បេនី ធ្វើឡើងដោយកងកម្លាំងសម្ព័ន្ធមិត្តប្រជាធិបតេយ្យ (ADF) ជាក្រុមប្រដាប់អាវុធមានមូលដ្ឋាននៅភាគខាងកើតប្រទេសកុងហ្គោ ដែលបានសន្យាភក្តីភាពចំពោះក្រុមរដ្ឋអ៊ីស្លាម៕

ព្រះមហាក្សត្រហ្ស៊កដានី ច្រានចោលផែនការរបស់អ៊ីស្រាអែល ណាមួយក្នុងការកាន់កាប់តំបន់ហ្កាហ្សា

ប្រព័ន្ធផ្សព្វផ្សាយរដ្ឋ បាននិយាយកាលពីថ្ងៃចន្ទថា ព្រះមហាក្សត្រ អាប់ឌូលឡា (Abdullah) របស់ប្រទេសហ្ស៊កដានី បានច្រានចោលផែនការណាមួយរបស់អ៊ីស្រាអែលក្នុងការកាន់កាប់ផ្នែកខ្លះនៃតំបន់ហ្កា ហ្សា ឬបង្កើតតំបន់សន្តិសុខ នៅក្នុងដែនដីនេះ ដោយនិយាយថា មូលហេតុដើមនៃវិបត្តិនេះ គឺការបដិសេធរបស់អ៊ីស្រាអែលចំពោះសិទ្ធិស្របច្បាប់របស់ប៉ាឡេស្ទីន។នៅក្នុងការអត្ថាធិប្បាយនៅព្រះបរមរាជវាំង ព្រះមហាក្សត្រអង្គនេះ ត្រូវបានដកស្រង់ព្រះបន្ទូល ដោយបានប្រាប់ក្រុមអ្នកនយោបាយជាន់ខ្ពស់ថា៖«គ្មានដំណោះស្រាយផ្នែកយោធា ឬសន្តិសុខ» ចំពោះជម្លោះរវាងអ៊ីស្រាអែល និងប៉ាឡេស្ទីនទេ»។ព្រះអង្គ បានមានព្រះបន្ទូលថា តំបន់ហ្កាហ្សាដែលត្រូវបានបំផ្លិចបំផ្លាញដោយសង្គ្រាម មិនគួរត្រូវបានអ៊ីស្រាអែលកាត់ផ្តាច់ចេញពីទឹកដីប៉ាឡេស្ទីនផ្សេងទៀតទេ។ព្រះមហាក្សត្រ បានបន្ទូលទៀតថា៖«ឫសគល់នៃវិបត្តិ គឺការកាន់កាប់របស់អ៊ីស្រាអែលលើទឹកដីប៉ាឡេស្ទីន និងការបដិសេធសិទ្ធិស្របច្បាប់របស់ប៉ាឡេស្ទីន»។លោក បានបន្ថែមថា៖«ដំណោះស្រាយចាប់ផ្តើមពីទីនោះ ហើយផ្លូវផ្សេងទៀត ត្រូវបានបញ្ចប់ដោយសារការបរាជ័យ ហើយវដ្តនៃអំពើហិង្សា និងការបំផ្លិចបំផ្លាញ គឺកាន់តែច្រើនឡើង»។

មនុស្សជាច្រើនត្រូវបានចាប់ខ្លួន ក្នុងការតវ៉ាទាមទារបទឈប់បាញ់នៅខាងក្រៅស្ថានកុងស៊ុលអ៊ីស្រាអែល ក្នុងទីក្រុង Chicago

ក្រុមអ្នកតវ៉ាជាង២០នាក់ ត្រូវបានចាប់ខ្លួននៅក្នុងអគារមួយ ជាទីតាំងស្ថានកុងស៊ុលអ៊ីស្រាអែល ក្នុងទីក្រុង Chicago រដ្ឋ Illinois កាលពីថ្ងៃចន្ទ។អ្នកដែលត្រូវបានចាប់ខ្លួន គឺជាផ្នែកនៃការតវ៉ាមួយ មានចំនួនអ្នកចូលរួមរាប់រយនាក់ មកប្រមូលផ្តុំគ្នានៅខាងក្រៅអគារ Accenture Tower ក្នុងទីប្រជុំជនទីក្រុង Chicago ជាអគារមួយដែលផ្តល់ទីតាំងសម្រាប់ស្ថានកុងស៊ុលអ៊ីស្រាអែលនៅជាន់កប់ពពក។ យោងតាមសារព័ត៌មាន ABC News បានឲ្យដឹងថា ក្រុមអ្នកតវ៉ា កំពុងអំពាវនាវដល់ប្រទេសអ៊ីស្រាអែល បញ្ចប់ការឈ្លានពានតាមដីគោក នៅតំបន់ហ្កាហ្សា និងព្រមព្រៀងឲ្យមានបទឈប់បាញ់។យោងាតមការរាយការរបស់ប្រព័ន្ធផ្សព្វផ្សាយបានឲ្យដឹងថា អ្នកតវ៉ាច្រើននាក់ត្រូវបានចាប់ខ្លួន បន្ទាប់ពីមករារាំងនៅជណ្តើរយន្តក្នុងអគារ ជាទីតាំងមជ្ឈមណ្ឌលដឹកជញ្ជូន Ogilvie Transportation Center ។

មន្ត្រីអង្គការសហប្រជាជាតិព្រមានថា កង្វះប្រេងឥន្ធនៈនៅតំបន់ហ្កាហ្សា នឹងបញ្ឈប់ការដឹកជញ្ជូនជំនួយ និងទំនាក់ទំនង

លោក Andrea de Domenico ប្រធានការិយាល័យរបស់អង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌នៅក្នុងតំបន់កាន់កាប់ប៉ាឡេស្ទីន បាននិយាយថា កង្វះប្រេងឥន្ធនៈនៅក្នុងតំបន់ហ្កាហ្សា នឹងនាំឲ្យការដឹកជញ្ជូនជំនួយនិងទំនាក់ទំនង ត្រូវបញ្ឈប់ភ្លាមៗនៅថ្ងៃអង្គារ ទី១៤ ខែវិច្ឆិកានេះ។ក្នុងអំឡុងសន្និសីទសារព័ត៌មានកាលពីថ្ងៃចន្ទ លោក De Domenico បាននិយាយថា ការធ្វើឲ្យអស់ប្រេងឥន្ធនៈ និងការផ្គត់ផ្គង់ផ្នែកវេជ្ជសាស្រ្ត កំពុងធ្វើឱ្យជីវិតរស់នៅរបស់ពលរដ្ឋតំបន់ហ្កាហ្សា «ស្ថិតនៅក្នុងស្ថានភាពគ្រោះថ្នាក់ខ្លាំង»។ ដោយដកស្រង់របាយការណ៍ពីក្រុមហ៊ុន Paltel ជាក្រុមហ៊ុនទូរគមនាគមន៍របស់ដែនដីប៉ាឡេស្ទីន មន្ត្រីអង្គការសហប្រជាជាតិបាននិយាយថា ប្រព័ន្ធរបស់ក្រុមហ៊ុនទាំងអស់នឹងត្រូវបិទនៅថ្ងៃព្រហស្បតិ៍ ដោយបង្អាក់ដល់ទំនាក់ទំនង។បន្ទាប់ពីការប្រយុទ្ធគ្នានៅជុំវិញមន្ទីរពេទ្យ Al-Shifa លោក De Domenico បាននិយាយថា គិលានុបដ្ឋាយិកា ៣ នាក់ត្រូវបានសម្លាប់ ហើយអ្នកជំងឺរាប់សិបនាក់ត្រូវបានជម្លៀសចេញ។ កាលពីយប់ថ្ងៃចន្ទគ្រាប់រ៉ុក្កែតជាច្រើនគ្រាប់ ត្រូវបានបាញ់ចេញពីតំបន់ហ្កាហ្សាចូលទៅកាន់ប្រទេសអ៊ីស្រាអែល ដែលទំនងជាត្រូវបានស្ទាក់ចាប់ដោយប្រព័ន្ធការពារដែនអាកាស Iron Dome របស់អ៊ីស្រាអែល។

បណ្ដាញសង្គម

ព័ត៌មានថ្មីៗ

ប្រភពប៉ាគីស្ថាន៖ កិច្ចប្រឹងប្រែង ដើម្បីសម្រួលដល់ការចរចា រវាងសហរដ្ឋអាមេរិក និងអ៊ីរ៉ង់ កំពុងបន្ត

អាមេរិកវាយប្រហារគោលដៅយោធាលើកោះ Kharg របស់អ៊ីរ៉ង់ ខណៈលោក Vance ប្រាប់ថា គ្មានការប្តូរយុទ្ធសាស្ត្រទេ

ប្រេងឡើងថ្លៃ និងកង្វះខាតប្រេង រុញច្រានឲ្យអ្នកប្រើប្រាស់ប៉ាគីស្ថានងាកមករកម៉ូតូអគ្គិសនី

លោក Trumpថា សង្គមមនុស្សទាំងមូលនឹងត្រូវស្លាប់នៅយប់នេះ បើសិនជាអ៊ីរ៉ង់មិនបង្កើតកិច្ចព្រមព្រៀង

[UPDATE] លោក Trump បញ្ជាក់ថា «អារ្យធម៌ទាំងមូលនឹងលែងមាននៅយប់នេះ» បើអ៊ីរ៉ង់មិនធ្វើកិច្ចព្រមព្រៀង

ចិនសង្ឃឹមថា ភាគីពាក់ព័ន្ធនឹងសង្រ្គាមអ៊ីរ៉ង់អាចក្តាប់ឱកាស ដើម្បីសន្តិភាព និងចាប់ផ្តើមកិច្ចពិភាក្សាឡើងវិញ

អ៊ីរ៉ង់គំរាមរំខានការផ្គត់ផ្គង់ប្រេង និងឧស្ម័ន ក្នុងតំបន់ «ជាច្រើនឆ្នាំ» បើហេដ្ឋារចនាសម្ព័ន្ធស៊ីវិលត្រូវបានវាយប្រហារ

WHO ៖ ការជម្លៀសផ្នែកវេជ្ជសាស្រ្តនៅតំបន់ហ្កាហ្សា បានផ្អាក ក្រោយកម្មករជាប់កិច្ចសន្យាម្នាក់ត្រូវបានសម្លាប់

BREAKING NEWS ៖ សង្គមមនុស្សទាំងមូលនឹងត្រូវស្លាប់នៅយប់នេះ បើសិនជាអ៊ីរ៉ង់មិនបង្កើតកិច្ចព្រមព្រៀង

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់សហការីនាំយកអំណោយមនុស្សធម៌សម្រាលទុក្ខលំបាក ជូនលោកតាលោកយាយចាស់ជរាគ្មានទីពឹងនៅក្រុងច្បារមន ខេត្តកំពង់ស្ពឺ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877