BTV NEWS

ជនបរទេសជាង ៧ម៉ឺននាក់ពាក់ព័ន្ធ Online Scams និងបទល្មើសផ្សេងៗត្រូវបានបណ្តេញចេញពីកម្ពុជា

អ្នកនាំពាក្យក្រសួងមហាផ្ទៃ ៖ រយៈពេល៣ឆ្នាំអគ្គនាយកដ្ឋានអន្តោប្រវេសន៍បណ្តេញជនបរទេសខុសច្បាប់ចេញពីកម្ពុជាមានជាង ៧ម៉ឺននាក់

អគ្គិភ័យឆាបឆេះផ្ទះពលរដ្ឋ នៅជាន់ទី២ បង្កការខូចខាតសម្ភារៈមួយចំនួនធំ

មន្ទីរសង្គមកិច្ចរាជធានីភ្នំពេញ សហការជាមួយអាជ្ញាធរមូលដ្ឋាន ទទួលយកទារកបោះបង់មករក្សាការពារ និងថែទាំបណ្តោះអាសន្ន ក្រោយឪពុកម្តាយដែលបានបោះត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ទាក់ទងនឹងបទល្មើសបោះបង់កូនរបស់ខ្លួន

សន្តិសុខ និង សង្គម

ចំនួនអ្នកស្លាប់ពីចំហេះព្រៃកោះម៉ូអ៊ី ឡើងដល់១១៤នាក់ ខណៈប្រធានទីភ្នាក់ងារគ្រាអាសន្នលាលែងពីតំណែង

អាមេរិក៖ មនុស្សយ៉ាងហោចណាស់ ១១៤នាក់ បានបាត់បង់ជីវិតនៅក្នុងចំហេះព្រៃដ៏មហន្តរាយនៅកោះម៉ូអ៊ី រដ្ឋហាវ៉ៃ សហរដ្ឋអាមេរិក ខណៈដែលក្រុមសង្គ្រោះបន្តស្វែងរកអ្នកបាត់ខ្លួនចំនួន១.០០០នាក់ នៅក្នុងទីក្រុងដែលត្រូវបានបំផ្លាញដោយចំហេះនេះ។ការស្វែងរក និងកំណត់អត្តសញ្ញាណជនរងគ្រោះ នៅតែមានភាពយឺតយ៉ាវនៅឡើយ ដោយរហូតមកដល់ពេលនេះ ជនរងគ្រោះតែ១០នាក់ប៉ុណ្ណោះ ត្រូវបានគេកំណត់អត្តសញ្ញាណ។ អភិបាលរដ្ឋហាវ៉ៃ លោក Josh Green បានប៉ាន់ប្រមាណថា អគារ និងលំនៅឋានចំនួន៣.០០០ខ្នង ត្រូវបានដុតបំផ្លាញ ឬត្រូវបានខូចខាត ហើយការខាតបង់មានចំនួនជិត៦ពាន់លានដុល្លារ។ប្រធានទីភ្នាក់ងារគ្រប់គ្រងគ្រោះអាសន្នកោះម៉ូអ៊ី បានលាលែងពីតំណែងកាលពីថ្ងៃព្រហស្បតិ៍ បន្ទាប់ពីក្រុមមន្ត្រីបានស្ថិតនៅក្រោមការត្រួតពិនិត្យកាន់តែខ្លាំងឡើងលើការឆ្លើយតបទៅនឹងចំហេះព្រៃដ៏មហន្តរាយនេះ។លោក Herman Andaya បានដាក់ពាក្យលាលែងពីតំណែង ត្រឹមតែមួយថ្ងៃបន្ទាប់ពីលោកបានការពារការសម្រេចរបស់ខ្លួន ក្នុងការមិនប្រើស៊ីរ៉ែនជូនដំណឹងនៅខាងក្រៅ មុនពេលចំហេះបានគ្របដណ្ដប់លើសហគមន៍ប្រវត្តិសាស្រ្ត ទីក្រុងឡាហេណា។ លោក Andaya បានលើកឡើងពីហេតុផលសុខភាពដែលមិនបានបញ្ជាក់ច្បាស់លាស់ ក្នុងការលាលែងតំណែងនេះ។ជាមួយគ្នានេះដែរ ចំហេះព្រៃនៅរដ្ឋធានីវ៉ាស៊ីនតោន បានសម្លាប់មនុស្សយ៉ាងហោចណាស់ម្នាក់ កាលពីថ្ងៃសៅរ៍ (១៩សីហា) ដោយបានបំផ្លាញអាគារចំនួន១៩០ខ្នង ខណៈរដ្ឋ New Jersey ក៏ទទួលរងការវាយប្រហារពីចំហេះព្រៃកាលពីថ្ងៃអាទិត្យ (២០សីហា) ផងដែរ៕

បេសកកម្មទៅកាន់ភពព្រះចន្ទលើកដំបូងរបស់រុស្ស៊ីក្នុងរយៈពេល៤៧ឆ្នាំបានបុកចូលភពព្រះចន្ទដោយពុំបានទទួលជោគជ័យ

រុស្ស៊ី៖ បេសកកម្មទៅកាន់ភពព្រះចន្ទលើកដំបូងរបស់រុស្ស៊ីក្នុងរយៈពេល៤៧ឆ្នាំបានបរាជ័យ ពេលយានអវកាសLuna-25របស់ខ្លួនគ្រប់គ្រងលែងបាននិងធ្លាក់ចូលទៅក្នុងភពព្រះចន្ទបន្ទាប់ពីការរៀបចំសម្រាប់គន្លងវិថីមុនចុះចតមានបញ្ហាដោយបញ្ជាក់ពីការធ្លាក់ចុះក្រោយសម័យសូវៀតដែលធ្លាប់ជាកម្មវិធីអវកាសដ៏អស្ចារ្យ។សាជីវកម្មអវកាសរដ្ឋ Roskosmos បាននិយាយថា ខ្លួនបានបាត់បង់ការទាក់ទងជាមួយយានអវកាសនោះនៅម៉ោង ១១:៥៧ នាទី ម៉ោងសកល GMT កាលពីថ្ងៃសៅរ៍ បន្ទាប់ពីមានបញ្ហា ខណៈដែលយាននេះត្រូវបានបង្វែរចូលទៅក្នុងគន្លងមុនចុះចត។ការចុះចតដែលមានការគ្រប់គ្រងក្នុងសម្ពាធស្រាលត្រូវ បានគ្រោងទុកនៅថ្ងៃចន្ទដើមសប្ដាហ៍នេះ។ ទីភ្នាក់ងារអវកាស Roskosmos បាននិយាយនៅក្នុងសេចក្តីថ្លែងការណ៍មួយថា ឧបករណ៍នេះបានផ្លាស់ប្តូរទៅក្នុងគន្លងដែលមិនអាចដឹងមុនបាន ហើយលែងកើតមានទៀតដោយសារតែការប៉ះទង្គិចជាមួយនឹងផ្ទៃភពព្រះចន្ទ ។ សេចក្ដីថ្លែងការណ៍ខាងលើនេះ បាននិយាយថាគណៈកម្មការអន្តរនាយកដ្ឋានពិសេសមួយត្រូវបានបង្កើតឡើងដើម្បីស៊ើបអង្កេតមូលហេតុនៅពីក្រោយការបាត់បង់យាន Luna-25 ដែលបេសកកម្មរបស់ពួកគេបានបង្កើនក្តីសង្ឃឹមនៅទីក្រុងម៉ូស្គូដែលថាប្រទេសរុស្ស៊ីនឹងត្រលប់ទៅរកការប្រណាំងប្រជែងទៅកាន់ភពព្រះចន្ទដែលមានថាឥទ្ធិពលដ៏ធំ។ការបរាជ័យនេះបានបញ្ជាក់ពីការធ្លាក់ចុះនៃអំណាចផ្នែកអវកាសរបស់រុស្ស៊ី ចាប់តាំងពី ថ្ងៃដ៏រុងរឿងនៃការប្រកួតប្រជែងក្នុងសង្គ្រាមត្រជាក់ នៅពេលដែលទីក្រុងម៉ូស្គូជាប្រទេសដំបូងគេដែលបាញ់បង្ហោះផ្កាយរណបទៅកាន់គន្លងផែនដី។ យានអវកាសដែលមានឈ្មោះថា Sputnik 1 កាលពីឆ្នាំ ១៩៥៧ និងអវកាសយានិកសូវៀតលោក Yuri Gagarin បានក្លាយជាបុរសដំបូងគេដែលធ្វើដំណើរទៅកាន់ទីអវកាស កាលពីឆ្នាំ ១៩៦១។ឧបទ្ទវហេតុនេះក៏កើតឡើងផងដែរស្របពេលសេដ្ឋកិច្ចទំហំ ២ សែនកោដិដុល្លាររបស់រុស្ស៊ីប្រឈម នឹងបញ្ហាខាងក្រៅដ៏ធំបំផុតរបស់ខ្លួនអស់រយៈពេលជាច្រើនទសវត្សរ៍មកនេះ ទន្ទឹមនឹងសម្ពាធនៃទណ្ឌកម្មរបស់លោកខាងលិច និងការប្រយុទ្ធប្រឆាំងនឹងសង្គ្រាមដីគោកដ៏ធំបំផុតនៅអ៊ុយក្រែនចាប់តាំងពីសង្គ្រាមលោកលើកទីពីរ៕

កុមារ៧នាក់ស្លាប់ដោយសារអគ្គិភ័យនៅជំរំកុងហ្គោ សម្រាប់ជនរងគ្រោះភៀសខ្លួនចេញពីទឹកជំនន់

លោក ថូម៉ាស់ បេឃិនហ្គា (Thomas Bakenga) មន្ត្រីក្នុងតំបន់ បាននិយាយថាកុមារយ៉ាងហោចណាស់៧ នាក់បានស្លាប់នៅភាគខាងកើតកុងហ្គោកាលពីថ្ងៃសៅរ៍បន្ទាប់ពីអគ្គិភ័យបានឆាបឆេះនៅជំរំសម្រាប់ប្រជាជនដែលត្រូវបានផ្លាស់ទីលំនៅដោយសារទឹកជំនន់។មនុស្សរាប់រយគ្រួសារបានរស់នៅក្នុងខ្ទមបណ្ដោះអាសន្ននៅឯជម្រកនៅក្នុងទីក្រុងកាឡេហេ(Kalehe) ចាប់តាំងពីខែឧសភាមក នៅពេលដែលទឹកជំនន់បានបំផ្លិចបំផ្លាញផ្ទះរបស់ពួកគេនៅក្នុងភូមិ បាសបាស ស៊ូ (Bushushu) និងភូមិនីយ៉ាមូគូប៊ី ( Nyamukubi )ក្នុងខេត្ត គីវូខាងត្បូង (South Kivu)។យោងតាមរដ្ឋបាលតំបន់ Kalehe Bakenga បានប្រាប់សារព័ត៌មានរ៉យទ័រថា កុមារដែលស្លាប់ក្នុងអគ្គិភ័យមានអាយុចន្លោះពី១ឆ្នាំទៅ៥ឆ្នាំ ខណៈមនុស្សពេញវ័យ ៤ នាក់ស្ថិតក្នុងស្ថានភាពធ្ងន់ធ្ងរកំពុងសម្រាលព្យាបាលនៅក្នុងមន្ទីរពេទ្យ ។ ការស្លាប់នេះបាននាំមកនូវសោកនាដកម្មបន្ថែមទៀតដល់សហគមន៍មួយដែលនៅតែសោកសៅចំពោះការបាត់បង់មនុស្សយ៉ាងហោចណាស់ ៤៦០នាក់ ក្នុងគ្រោះទឹកជំនន់។ មនុស្សសរុបជិត ៩ពាន់នាក់ ត្រូវបានរងផលប៉ះពាល់ដោយគ្រោះមហន្តរាយនេះ ដែលឃើញទឹកជំនន់បានជន់លិចកប់អគារនៅក្នុងល្បប់ និងកាត់ផ្តាច់ផ្លូវនានា៕

អាមេរិក និយាយថា ព្យុះសង្ឃរា Hilary ចុះខ្សោយកម្លាំងប៉ុន្តែនៅអាចបង្កគ្រោះថ្នាក់ខ្លាំង

ព្យុះសង្ឃរា Hilary បានចុះខ្សោយកម្លាំង ខណៈកំពុងឆ្ពោះទៅកាន់ឆ្នេរសមុទ្រប៉ាស៊ីហ្វិករបស់ប្រទេសម៉ិកស៊ិក និងរដ្ឋកាលីហ្វ័រនីញ៉ា ប៉ុន្តែនៅតែអាចបង្កឲ្យមានទឹកជំនន់ គំរាមកំហែងដល់អាយុជីវិត ។ ដោយមានខ្យល់បក់ក្នុងល្បឿន១៤០ គីឡូម៉ែត្រក្នុងមួយម៉ោង ត្រូវបានបន្ទាបទៅជាព្យុះប្រភេទកម្រិតទី១ ។មន្ត្រីម្នាក់បាននិយាយថា ភ្លៀងធ្លាក់ខ្លាំងបានបោកបក់ផ្នែកខ្លះនៃឧបទ្វីប Baja California របស់ប្រទេសម៉ិកស៊ិក និងភាគនិរតីនៃសហរដ្ឋអាមេរិកទាំងកណ្ដាលអធាត្រ។ បុរសម្នាក់បានស្លាប់បន្ទាប់ពីត្រូវបានទឹកហូរគួចពេលកំពុងឆ្លងកាត់ជ្រោះមួយក្នុងតំបន់ Baja California ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា បុរសនោះកំពុងធ្វើដំណើរក្នុងរថយន្តជាមួយកូនរបស់លោកដែលមានអាយុ ៧ ឆ្នាំ ១៥ឆ្នាំ និង ២២ឆ្នាំ និងស្ត្រីម្នាក់ដែលពួកគេនៅរស់រានមានជីវិតទាំងអស់។ ព្យុះសង្ឃរាHilary ត្រូវបានគេរំពឹងថានឹងចុះខ្សោយកម្លាំងបន្ថែមទៀតទៅជាព្យុះត្រូពិច មុនពេលបោះពួយទៅដល់ភាគខាងត្បូងរដ្ឋកាលីហ្វ័រនីញ៉ា។ ព្យុះនេះនឹងក្លាយជាព្យុះត្រូពិចដំបូងគេដែលបានវាយប្រហាររដ្ឋរបស់អាមេរិកក្នុងរយៈពេលជាង ៨០ ឆ្នាំ។នៅក្នុងការផ្ដល់ព័ត៌មានវិវត្តន៍ចុងក្រោយបំផុតរបស់ខ្លួននៅម៉ោង ៦ ម៉ោងនៅសហរដ្ឋអាមេរិក នៅថ្ងៃអាទិត្យនេះ មជ្ឈមណ្ឌលតាមដានព្យុះសង្ឃរាជាតិសហរដ្ឋអាមេរិកបាននិយាយថា ព្យុះនេះស្ថិតចម្ងាយប្រហែល១៤៥ គីឡូម៉ែត្រភាគខាងត្បូងនៃតំបន់ Baja California ភាគខាងលិចបំផុតនៃ ទីក្រុង ពុនតា អ៊ើជិនី(Punta Eugenia) របស់ប្រទេសម៉ិកស៊ិក ៕

មនុស្សរាប់ម៉ឺននាក់ត្រូវបានជម្លៀស ខណៈចំហេះព្រៃរាលដាលខ្លាំងនៅលើកោះធេណេរីហ្វ របស់អេស្ប៉ាញ

អណ្ដាតភ្លើងពីចំហេះព្រៃបានបំភ្លឺផ្ទៃមេឃនៃកោះធេណេរីហ្វ(Tenerife) នៅព្រឹកថ្ងៃអាទិត្យទី២០សីហានេះ ខណៈចំហេះព្រៃដែលកំពុងរាលដាលខ្លាំងនៅភាគខាងជើងកោះនេះ នៅពុំទាន់គ្រប់គ្រងបាននៅឡើយ។ យោងតាមការប៉ាន់ប្រមាណ ក្រុមផ្ដល់សេវាសង្រ្គោះបន្ទាន់ប្រចាំកោះកាណារី(Canary Islands) បាននិយាយថា មនុស្សជាង២៦.០០០នាក់ ត្រូវបានជម្លៀសចេញពីលំនៅឋានកាលពីរសៀលថ្ងៃសៅរ៍ ជាការកើនឡើងខ្ពស់ពីចំនួន៤.៥០០នាក់ កាលពីថ្ងៃសុក្រទី១៨សីហា។ នៅពេលនេះ ទីប្រជុំជនចំនួន១១ត្រូវបានរងផលប៉ះពាល់។ កម្ដៅ និងសីតុណ្ហភាពស្ងួតដែលចេះតែហក់ឡើងខ្ពស់នៅឆ្នាំនេះ បានរុញឲ្យមានចំហេះព្រៃកាន់តែធ្ងន់ធ្ងរខុសពីធម្មតានៅក្នុងតំបន់អឺរ៉ុប រួមទាំងកោះឡាផាលម៉ា(La Palm) របស់អេស្ប៉ាញ កាលពីខែកក្កដា ។ក្រុមអ្នកវិទ្យាសាស្ត្រ និយាយថាបម្រែបម្រួលអាកាសធាតុ បណ្ដាលឲ្យមានបញ្ហាអាកាសធាតុធ្ងន់ធ្ងរខ្លាំងនិងញឹកញាប់ ថែមទៀត ។ ភ្លើងចេះព្រៃដែលត្រូវបានគេហៅថា ជាភាពស្មុគស្មាញបំផុតដែលកោះកាណារី បានជួបប្រទះក្នុងរយៈពេល៤០ឆ្នាមកនេះ ដោយសារតែការកើនឡើងសីតុណ្ហភាពក្ដៅ ស្ថួតហួតហែង និងអាកាសធាតុមានខ្យល់បក់បោកខ្លាំង ព្រមទាំងលក្ខខណ្ឌភូមិសាស្ត្រមិនល្អ៕

នាយករដ្ឋមន្ត្រីចាំផ្ទះនិយាយថា ការវាយប្រហារដោយក្រុមសកម្មប្រយុទ្ធសម្លាប់កម្មករ ១១ នាក់នៅប៉ាគីស្ថាន

លោកនាយករដ្ឋមន្ត្រីចាំផ្ទះ អានវ៉ា អ៊ុល ហាក កាការ( Anwaar-ul-Haq Kakar) បាននិយាយនៅថ្ងៃអាទិត្យនេះនៅលើប្រព័ន្ធផ្សព្វផ្សាយសង្គម X ដែលពីមុនត្រូវបានគេស្គាល់ថា Twitter ថា កម្មករចំនួន១១នាក់បានស្លាប់នៅក្នុងការវាយប្រហារដោយក្រុមសកម្មប្រយុទ្ធ នៅភាគពាយ័ព្យប្រទេសប៉ាគីស្ថាន ។ មន្ត្រីសន្តិសុខ និងនគរបាលនៅភាគខាងជើងខេត្ត ឃីប៊ើ ប៉ាកទុនវ៉ា (Khyber Pakhtunkwa) បាននិយាយថា គ្រឿងផ្ទុះដែលសង្ស័យថា ជាឧបករណ៍កែច្នៃមួយ បានបំផ្ទុះឡើង បានបំផ្លិចបំផ្លាញរថយន្តដឹកកម្មករទៅកាន់គម្រោងសាងសង់នៅតំបន់ភ្នំ វ៉ាហ្ស៊ីរីស្ថាន( Waziristan) ជិតព្រំដែនអាហ្វហ្គានីស្ថាន។ស្នងការរងនគរបាលតំបន់ វ៉ាហ្ស៊ីរីស្ថាន ខាងជើង(North Waziristan)លោក រ៉េហាន ខាតាក( Rehan Khattak) បាននិយាយថា ពួកគេពេលកំពុងធ្វើការនៅប៉ុស្តិ៍កងទ័ពដែលកំពុងសាងសង់ ... គ្រឿងផ្ទុះកែច្នៃ បានផ្ទុះនៅក្រោមរថយន្តដែលដឹកកម្មករនោះ ។ គ្មានក្រុមណាមួយចេញមុខអះអាងទទួលខុសត្រូវភ្លាមៗចំពោះការបំផ្ទុះនេះទេ។ប៉ាគីស្ថានបានមើលឃើញការវាយប្រហារកក្រើកឡើងវិញ ដោយក្រុមសកម្មប្រយុទ្ធអ៊ីស្លាម ចាប់តាំងពីឆ្នាំមុននៅពេលបទឈប់បាញ់រវាងក្រុមតាលីបង់ប៉ាគីស្ថាន តេរីកអ៊ី តាលីបង់ប៉ាគីស្ថាន (TTP) និងរដ្ឋាភិបាល បានបរាជ័យ។ក្រុមផ្សេងទៀតរួមទាំងក្រុមរដ្ឋអ៊ីស្លាមក៏បានអះអាងទទួលខុសត្រូវចំពោះការវាយប្រហារមួយចំនួន រួមទាំងការបំផ្ទុះដ៏ធំមួយនៅឯការជួបជុំនយោបាយនៅខេត្ត ឃីប៊ើ ប៉ាកទុនវ៉ា ធ្វើឡើងដោយក្រុមសាសនាកាលពីខែមុន ដែលបានសម្លាប់មនុស្ស ៤៥នាក់៕

ប្រជាពលរដ្ឋអ៊ីស្រាអែលរាប់ពាន់នាក់តវ៉ាប្រឆាំងកំណែទម្រង់ប្រព័ន្ធតុលាការរបស់លោក Netanyahu សម្រាប់សប្តាហ៍ទី ៣៣

ប្រជាពលរដ្ឋអ៊ីស្រាអែលរាប់ម៉ឺននាក់បានចេញតវ៉ាតាមដងផ្លូវនៅក្នុងទីក្រុង តេលអាវីវ (Tel Aviv) កាលពីថ្ងៃសៅរ៍ ១៩ សីហា តវ៉ាប្រឆាំងនឹងការធ្វើកំណែទម្រង់ប្រព័ន្ធតុលាការដែលបានគ្រោងទុកដោយក្រុមចម្រុះដឹកនាំរដ្ឋាភិបាល។ការផ្លាស់ប្តូរដែលបានស្នើឡើងនឹងកាត់បន្ថយយ៉ាងខ្លាំងនូវអំណាចរបស់តុលាការកំពូល។ អ្នកតវ៉ាមួយចំនួនកាន់បដាដែលអានជាភាសាហេព្រូ(Hebrew) ថា 'អ្នកអង្គុយនៅខាងក្រោយ' សំដៅលើការភ័យខ្លាចនៃការបែងចែកភេទតាមសាសនា។ ក្ដីបារម្ភនេះកើតឡើងបន្ទាប់ពីឧបទ្ទវហេតុមួយកាលពីសប្តាហ៍មុនដែលក្មេងស្រីជំទង់ម្នាក់ត្រូវបានគេប្រាប់ឲ្យអង្គុយនៅខាងក្រោយរថយន្តក្រុង បន្ទាប់ពីត្រូវបានគេប្រាប់ថានាងស្លៀកពាក់មិនសមរម្យ។ក្រុមអ្នកគាំទ្រច្បាប់នេះ អះអាងថាច្បាប់នេះ នឹងផ្តល់តុល្យភាពឡើងវិញដល់សាខារដ្ឋាភិបាល ខណៈក្រុមអ្នករិះគន់និយាយថា កំណែទម្រង់នេះ នឹងលុបបំបាត់តុល្យភាពអំណាចរបស់រដ្ឋាភិបាល។តុលាការកំពូលរបស់អ៊ីស្រាអែល បានចាប់ផ្តើមសវនាការកាលពីថ្ងៃព្រហស្បតិ៍ ទី៣ខែសីហា កន្លងទៅ ជាការប្តឹងឧទ្ធរណ៍ជាបន្តបន្ទាប់ ដែលពាក់ព័ន្ធនឹងការធ្វើកំណែទម្រង់ប្រព័ន្ធតុលាការបង្កើតឡើងដោយលោកនាយករដ្ឋមន្ត្រី Benjamin Netanyahu និងក្រុមចម្រុះស្តាំនិយមរបស់លោក ដែលបានបង្កឲ្យមាន វិបត្តិក្នុងស្រុកមិនធ្លាប់មានពីមុនមក។ វិសោធនកម្មកាលពីខែមីនាចំពោះច្បាប់មូលដ្ឋាន ដែលមានលក្ខណៈជាច្បាប់ធម្មនុញ្ញ លក្ខខណ្ឌត្រូវបានកំណត់ ដែលនាយករដ្ឋមន្ត្រីអាចត្រូវបានចាត់ទុកថាមិនសមរម្យ ឬអសមត្ថភាព និងត្រូវបានដកចេញពីតំណែង៕

នៅអាស៊ានតើប្រទេសណាមានពលករចំណាកស្រុកច្រើនជាងគេ?

ភ្នំពេញ៖ អង្គការទេសន្តរប្រវេសន៍អន្តរជាតិ(IOM) កាលពីពេលថ្មីៗកន្លងទៅនេះ បានបញ្ចេញរបាយការណ៍ស្តីពីទេសន្តរប្រវេសន៍ពិភពលោកឆ្នាំ២០២២ដោយក្នុងនោះ កត់សម្គាល់ថា នៅតំបន់អាស៊ានមានប្រទេសចំនួន៤ដែលបានបញ្ជូនពលករទៅបរទេសច្រើនជាងគេទី១ប្រទេសហ្វីលីពីន ទី២ប្រទេសឥណ្ឌូនេស៊ី និងទី៣ប្រទេសភូមា ឬមីយ៉ាន់មា និងទី៤វៀណាម ដោយឡែកប្រទេសផ្សេងទៀតបញ្ជូនក្នុងរង្វង់ត្រឹមជាង១លាននាក់ចុះក្រោម។អង្គការអន្តរជាតិមួយនេះ បានគូសបញ្ជាក់ថា ពលករចំណាកស្រុករបស់ហ្វីលីពីន មានចំនួនជាង៦,១លាននាក់ ខណៈដែលឥណ្ឌូនេស៊ី មានជិត៥លាននាក់ ហើយមីយ៉ាន់ម៉ាឬភូមា មានជាង៣.៧លាននាក់។ ដោយឡែកពលករចំណាកស្រុករបស់វៀតណាម មានជាង៣,៤លាននាក់ ក្នុងពេលដែលឡាវនិង មានជាង១,៣លាននាក់ប្រហាក់ប្រហែលគ្នា។ ទន្ទឹមនឹងនោះ ថៃមានពលករចំណាកស្រុកជាង១,១លាននាក់ ដោយឡែក ម៉ាឡេស៊ី និងសិង្ហបូរី ប៉ុណ្ណោះដែលមានចំនួនពលករតិចជាងគេក្នុងរង្វង់តិចជាង១លាននាក់។ ប្រទេសគោលដៅដែលពលករអាស៊ានធ្វើចំណាក់ស្រុកច្រើនជាងគេ គឺអាម៉េរិកខាងជើង អឺរ៉ុប និងប្រទេសធំៗតំបន់មជ្ឈឹមបូព៌ាដូចអារ៉ាបីសាអូឌិត និងអារ៉ាប់រួម និងបណ្តាប្រទេសរីកចម្រើនក្នុងតំបន់អាស៊ី។ អង្គការអន្តរជាតិដែលជាជំនាញលើបញ្ហាទេសន្តរប្រវេសន៍ដដែលនេះ បានបញ្ជាក់ថា ពលករចំណាក ស្រុកធ្វើការងារដូចជា ការងារបម្រើតាមផ្ទះ សំណង់ កសិកម្ម ឧស្សហកម្ម និងបដិសណ្ឋារកិច្ចជាដើម។ មិនមានការវាយតម្លៃពីចំណូលជាក់លាក់នៃប្រទេសនីមួយៗនៃបណ្តាប្រទេសអាស៊ាន ដែលពលករទាំងអស់បានបញ្ជូនមកប្រទេសដើមវិញនោះទេ។ ប៉ុន្តែអង្គការនេះ បានប៉ានស្មានថាជារួមលើពិភពលោកថា ទឹកប្រាក់ប្រមាណ៥០៤ពាន់លានដុល្លារគឺជាទឹកប្រាក់ដែលហូរចូលទៅប្រទេសក្រីក្រ និងចំណូលកម្រិតទាប ខណៈពលករចំណាកស្រុកទូទាំងពិភពលោក មានប្រមាណ១៦៩លាននាក់។ នេះបើតាមការបញ្ជាក់ដដែល។ ក្នុងពិភពលោក ប្រទេសដែលមានពលករចំណាកស្រុកច្រើនជាងគេ គឺប្រទេសឥណ្ឌាដែលមានប្រជាជនជាង១៨លាននាក់ បានធ្វើដំណើរទៅបរទេសដើម្បីស្វែងរកការងារធ្វើដែលតាមពីក្រោយដោយប្រទេសម៉ិចស៊ិក ចិន និងរុស្ស៊ីជាដើម។ ដោយឡែកក្នុងក្របខណ្ឌកម្ពុជាវិញ ពលរដ្ឋជាង១,៣លាននាក់ ដែលកំពុងធ្វើការនៅប្រទេសថៃ កូរ៉េខាងត្បូង ជប៉ុន និងបណ្តាប្រទេសរីកចម្រើនផ្សេងទៀត ហើយក្នុងមួយឆ្នាំៗ ប្រាក់បញ្ញើប្រមាណជាង១ពាន់លានជារៀងរាល់ឆ្នាំ បានហូរចូលក្នុងប្រទេសដើម្បីបំប៉នសេដ្ឋកិច្ចជាតិ។អង្គការទេសន៍ប្រវេសអន្តរជាតិ បានសង្កត់ធ្ងន់ថា ពលរដ្ឋទាំងអស់មានសិទ្ធិគ្រប់គ្រាន់ក្នុងការជ្រើសរើសកន្លែងធ្វើការដែលជាសិទ្ធិស្វ័យសម្រេចដែលខ្លួនចង់បាន ហើយការស្វែងរកការងារធ្វើដែលភាគច្រើនបំផុតទៅកាន់ប្រទេសរីកចម្រើននេះ គឺជាឱកាសស្វែងរកប្រាក់ចំណូលខ្ពស់ ជំនាញវិជ្ជាជីវៈនៅកន្លែងធ្វើការថ្មី ហើយវាជាការចូលរួមចំណែកគាំទ្រសកម្មភាពសេដ្ឋកិច្ចក្នុងស្រុក និងអភិវឌ្ឍសង្គម។ សូមបញ្ជាក់ថារឿងពលករនៅកម្ពុជានេះ បានក្លាយជារឿងនយោបាយនៅកម្ពុជាដែលមជ្ឈដ្ឋានប្រឆាំង ឬក្រុមរិះគន់មួយចំនួនបានធ្វើជាលេសដើម្បីវាយប្រហារនិងបំពុលសង្គម។ យ៉ាងណាក៏ដោយ តាមរយៈតួលេខខាងលើនេះ យើងមើលឃើញថា បញ្ហាពលករចំណាកស្រុកនេះ ជារឿងសកលមិនមែនជារឿងដាច់ដោយឡែករបស់កម្ពុជានោះទេ ព្រោះថាពលករចំណាកស្រុកកម្ពុជាមានតិចជាបណ្តាប្រទេសជិតខាងខ្លាំងណាស់ ហើយប្រៀបធៀបជាមួយអន្តរជាតិនៅតិចខ្លាំងមែនទែន។ មួយវិញទៀត ការធ្វើចំណាកស្រុកនេះ គឺជានិន្នាការសកលដើម្បីឱ្យពលរដ្ឋមានចំណូលកាន់តែខ្ពស់ មានជំនាញ និងចូលរួមអភិវឌ្ឍសង្គមជាតិ។ ទន្ទឹមនឹងនេះ អ្វីដែលត្រូវពិចារណា គឺយន្តការការពារពលកររបស់រដ្ឋនីមួយៗដើម្បីធានាថា ពលរដ្ឋបានធ្វើការដោយស្របច្បាប់ គ្មានការរំលោភបំពាន និងទទួលបានអត្ថប្រយោជន៍ទៅតាមប្រទេសអ្នកទទួល។ សម្រាប់អ្នកតាមដានសង្គមកម្ពុជា ប្រធានបទនេះគួរលែងក្លាយជាប្រធានបទនៃការរិះគន់ដោយគ្មានការពិចារណាហើយបំពុលសង្គមតទៅទៀត៕ ដោយ៖ សុវណ្ណ ធរណិន្ទសាគរ

ក្រុមមន្រ្ដីរដ្ឋកាលីហ្វ័រនីញ៉ាខាងត្បូង បានព្រមានព្យុះសង្ឃរា ហ៊ីលឡារី អាចបង្កអោយមានទឹកជំនន់ និងដាច់ចរន្ដអគ្គីសនី

ក្រុមមន្រ្ដីរដ្ឋកាលីហ្វ័រនីញ៉ាសហរដ្ឋអាមេរិក កាលពីថ្ងសៅរ៍ បានព្រមានអ្នកស្រុកថា ព្យុះសង្ឃរា ហ៊ីឡារីដែលកំពុងធ្វើដំណើរមកជិតដល់ដល់នេះ នឹងបង្កឲ្យមានទឹកជំនន់ និងការដាច់ចរន្ដអគ្គីសនី នៅរដ្ឋកាលីហ្វ័រញ៉ាខាងត្បូង ខណៈដែលកំពុងទទូចឲ្យអ្នកស្រុកនីរដ្ឋកាលីហ្វ័រនីញ៉ា បង្កើនការប្រុងប្រយ័ត្ន និងជម្លៀសខ្លួនចេញ ប្រសិនពួកគេតម្រូវឲ្យអនុវត្តន៍។ មជ្ឈមណ្ឌលព្យុះជាតិឬ(NHC) បាននិយាយថា ព្យុះនេះ បានចុះខ្សោយវិញនៅដំណើរផ្លូវរបស់វាទៅកាន់ឆ្នេរសមុទ្រកណ្ដាលភាគខាងលិចឧបទ្វិបនៅល្ងាចនេះ។ គេបានព្យាករណ៍ថា ព្យុះនេះ នឹងអាចបាត់បង់កំលាំងច្រើនថែមទៀត ហើយនិងបង្វែរទៅជាព្យុះត្រូពិកមួយ ខណះដែលវាធ្វើដំណើរឆ្ពោះទៅ រដ្ឋកាលីហ្វ័រនីញ៉ាខាងត្បូងនៅក្នុងអំឡុងពេលថ្ងៃ និងពេលល្ងាចនៅថ្ងៃអាទិត្យនេះ។ដោយយោងទៅលើ កំពស់ទឹកភ្លៀង ត្រូវគេរំពឹងថាអាចឡើង១០សង់ទីម៉ែត្រ នៅតំបន់មួយចំនួននៃរដ្ឋបាចា កាលីហ្វ័រនីញ៉ា និងរដ្ឋកាលីហ្វ័រនីញ៉ានោះ មជ្ឈមណ្ឌុលខ្យល់ព្យុះជាតិបាននិយាយថា ប៉ុន្ដែភ្លៀងធ្លាក់ដ៏មានគ្រោះថ្នាក់នេះ នៅតែចោទជាការព្រួយបារម្ភដ៏ធំនៅឡើយ។អត្ថបទ មករា (Makara)

មជ្ឈូសចំនួន១៤ ដែលតំណាងឲ្យក្មេងៗ ដែលត្រូវបានគេបាញ់សម្លាប់ បានដាក់បង្ហាញនៅលើឆ្នេរខ្សាច់ក្នុងប្រទេសប្រេស៊ីល

អ្នកតវ៉ាជាច្រើននាក់ដែលប្រឆាំងនឹងអំពើហិង្សារបស់នគបាល បានដាក់មជ្ឈូសចំនួន១៤មជ្ឈូស នៅលើឆ្នេរសមុទ្រក្នុងប្រទេសប្រេស៊ីល ដើម្បីតំណាងឲ្យសាកសពក្មេងៗដែលបានសម្លាប់ នៅក្នុងការវាយឆ្មក់របស់នគបាល នៅក្នុងក្រុងរីយ៉ូ ដឺជិនេរ៉ូ កាលពីថ្ងៃសៅរ៍។ក្មេងៗទាំងនេះ ត្រូវបានសម្លាប់នៅក្នុងសង្កាត់ក្រីក្រមួយ រវាងពីឆ្នាំ២០២២ និង២០២៣។សាច់ញាតិរបស់កុមាអាយុ១៣ឆ្នាំឈ្មោះ សាហ្គូ មេនេស ហ្វ្លោសីណូ ដែលត្រូវបានសម្លាប់នៅក្នុងប្រតិបត្ដិការរបស់នគបាលមួយនៅដើមខែនេះ បានចូលរួមដើក្បួនដើម្បីអំពាវនាវរកយុត្ដិធម៌នៅឯឆ្នេរសមុទ្រកូប៉ាកាបាណា (Copacabana) ដ៏ពេញនិយមមួយក្នុងប្រទេសប្រេស៊ីល។ប្រតិបត្ដិការនគរបាលចម្រុះ ក្នុងក្រុង សាវ ប៉ូឡូ រីយ៉ូ ដឺជិននេរ៉ូ និងក្រុងបាហ៊ី នៅដើមសប្ដាហ៍ក្នុងខែសីហានេះ បានបណ្តាលឲ្យមនុស្សជាង៤០នាក់ស្លាប់ ដោយដុតបញ្ឆេះអំពើហិង្សារបស់នគបាលជាថ្មីនិងជំរុញឲ្យក្រុមអ្នកជំនាញឈានមុខចោទសួពីការប្រើប្រាស់យុទ្ធជ្រុលហួសហេតុនូវអ្វីដែលមជ្ឈដ្ឋានខ្លះចាត់ទុកថា ជាសង្រ្គាមថ្នាំញៀននោះ។អត្ថបទ មករា (Makara)

បណ្ដាញសង្គម

ព័ត៌មានថ្មីៗ

សហជីពភាគីច្រើនបង្ហាញជំហរស្នើសុំដំឡើងប្រាក់ឈ្នួលជាង ១០ដុល្លារ ខណៈមួយចំនួនចង់បានជាង ៤០ដុល្លារ

បំផ្ទុះគ្រាប់បែកនៅវិហារអ៊ិស្លាមក្បែរការិយាល័យនគរបាលប៉ាគីស្ថាន សម្លាប់មនុស្សយ៉ាងហោចណាស់ ២៧នាក់

មនុស្ស ១៦នាក់ត្រូវបានសម្លាប់ ក្នុងហេតុការណ៍សង្ស័យជាការបំផ្ទុះគ្រាប់បែកអត្តឃាត នៅភាគពាយ័ព្យប៉ាគីស្ថាន

រុស្ស៊ីបាញ់បង្ហោះរ៉ូកែត Soyuz-2.1b ដឹកជញ្ជូនយានអវកាស

ការប្រយុទ្ធគ្នានៅយេម៉ែន បង្ខំឲ្យមនុស្ស ១១២.០០០នាក់ ផ្លាស់ទីលំនៅ និងរាប់ពាន់នាក់ទៀត ភៀសខ្លួនទៅជីប៊ូទី

បុរសអ៊ីស្រាអែលម្នាក់ត្រូវបានចាប់ខ្លួនពាក់ព័ន្ធនឹងការសង្ស័យមានទំនាក់ទំនងជាមួយក្រុមហាម៉ាស និងចារកម្មអ៊ីរ៉ង់

ប្រធានាធិបតីកូរ៉េខាងត្បូង លោក Lee បញ្ជាក់ថា លោកគ្មានបំណងស្វែងរកអាណត្តិទី២ ឡើយ

ស្ថាប័នសុខាភិបាលអាហ្វ្រិក៖ ការផ្ទុះឡើងនៃជំងឺអេបូឡា នៅកុងហ្គោ នៅតែមានសភាពធ្ងន់ធ្ងរ

អាមេរិកដាក់ទណ្ឌកម្មលើវេទិកាជួញដូររូបិយប័ណ្ណគ្រីបតូរបស់អ្នកជំនាញហិរញ្ញវត្ថុអ៊ីរ៉ង់

កងទ័ពយេម៉ែន៖ យុទ្ធជនក្រុមហ៊ូទី ៣០នាក់ ត្រូវបានសម្លាប់ ពេលប្រយុទ្ធគ្នានៅភាគខាងលិចក្រុង Taiz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877