BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Rangers បញ្ចប់តំណែងអ្នកចាត់ការ Michael Beale ក្រោយចាញ់ ៣ ប្រកួតរដូវកាលនេះ

ក្លិបបាល់ទាត់ស្កុតឡេន Glasgow Rangers បានសំរេចបញ្ចប់តំណែងអ្នកចាត់ការ Michael Beale ចេញពីតំណែងហើយក្រោយរងបរាជ័យ ៣ ប្រកួតក្នុងចំណោម ៧ ប្រកួតក្នុងលីគរដូវកាលនេះ។បរាជ័យក្នុងទឹកដីរបស់ខ្លួនចុងសប្តាហ៍កន្លងទៅ ក្រោមថ្វីជើង Aberdeen បានធ្វើឱ្យ Rangers នៅពេលនេះដេញពីក្រោយគូប្រជែង Celtic ដល់ទៅ ៧ នៅក្របខណ្ឌ Scottish Premiership។មុនជួប Aberdeen នេះដែរ Rangers ក៏បានរងបរាជ័យធ្ងន់កផងដែរក្រោមថ្វីជើង PSV នៅ UEFA Champions League។អតីតខ្សែបម្រើក្លិបលោក Steven Davis ឡើងមកកាន់តំណែងបណ្តោះអាសន្នសិនទំរាំក្លិបរកបានអ្នកចាត់ការថ្មី។រំលឹកថាលោក Michael Beale បានចាកចេញពី QPR កាលពីខែវិច្ឆិកាឆ្នាំមុនជំនួសតំណែងអ្នកចាត់ការសញ្ជាតិហូឡង់ Giovanni van Bronckhorst និងចាប់ផ្តើមអាជីពរបស់ខ្លួនដោយរកបានជ័យជំនះ ១៣ ក្នុងចំណោម ១៤ ប្រកួតដំបូងរដូវកាលមុន៕ អត្ថបទ៖នាង សុភាវុធ

ព្រះខ័នរាជ និងខ្សែប្រយុទ្ធ Marcus Haber រក្សាកំណត់ត្រារៀងខ្លួន មុនលីគសម្រាក

ក្រុមកំពូលតារាងព្រះខ័នរាជស្វាយរៀង បានរក្សាកំណត់ត្រាឈ្នះ ៧ប្រកួតជាប់គ្នា គិតត្រឹមសប្ដាហ៍ទី៧ នៃលីគកំពូលកម្ពុជា មុនលីគសម្រាកការប្រកួត កំឡុង FIFA Day ប្រចាំខែតុលា ស្របពេលខ្សែប្រយុទ្ធរបស់ខ្លួន Marcus Haber ក៏បានបន្ដកំណត់ត្រារកបានគ្រាប់បាល់គ្រប់ការប្រកួត សម្រាប់រដូវកាលឆ្នាំ២០២៣/២០២៤ នេះផងដែរ ។ក្រុមមានមូលដ្ឋាននៅខេត្តស្វាយរៀង បានបន្ដយកឈ្នះក្រុមចំណូលថ្មីព្រៃវែងអេហ្វស៊ី ៥-៣ ក្នុងជំនួបជើងទី១ នៃលីគកំពូលកម្ពុជា សប្ដាហ៍ទី៧ កាលពីចុងសប្ដាហ៍កន្លងទៅ ។ ការប្រកួតនៅកីឡដ្ឋានខេត្តព្រៃវែងនេះ ព្រះខ័នរាជស្វាយរៀង រកបាន ៥គ្រាប់មុន ក្នុងនោះធ្វើសម្រេចដោយខ្សែប្រយុទ្ធសញ្ជាតិកាណាដា ៣គ្រាប់ម្នាក់ឯង នៅនាទី២៤, ៤៣ និងនាទី៧៥ និង ២គ្រាប់រកបានដោយកីឡាករឡាវ Bounkong Bounphachan នៅនាទី៥១ និង៦៣ មុនក្រុមម្ចាស់ផ្ទះព្រៃវែង វាយបកបាន ៣គ្រាប់វិញ នៅចុងម៉ោង។ជ័យជម្នះនេះ បានធ្វើឲ្យក្រុមព្រះខ័នរាជស្វាយរៀង រកបាន ២១ពិន្ទុពេញ អមជាមួយកំណត់ត្រាឈ្នះ ៧ប្រកួតជាប់ៗគ្នាលើកដំបូងក្នុងលីគ ។ មិនតែប៉ុណ្ណោះ ខ្សែប្រយុទ្ធកម្ពស់បាន Marcus Haber ក៏បានបង្កើតកំណត់ត្រាថ្មី ដោយរកបានគ្រាប់បាល់ ៧ប្រកួតជាប់គ្នា ដើម្បីរួមចំណែកជួយក្រុមយកឈ្នះគូប្រជែងជាបន្ដបន្ទាប់ ក្នុងលីករដូវកាលថ្មីនេះផងដែរ ។ដោយឡែកលទ្ធផលការប្រកួតសប្ដាហ៍ទី៧ ចំនួន ៤គូផ្សេងទៀត រួមមានក្រុមការពារដំណែងជើងឯកភ្នំពេញក្រោន យកឈ្នះក្រុមអង្គរថាយហ្គឺរ ៣-០, ក្រុមបឹងកេត យកឈ្នះក្រុមណាហ្គាវើលដ៏ ៣-១, វិសាខា យកឈ្នះក្រុមកងយោធពលខេមរភូមិន្ទ ២-០ និងក្រុម ISI ដង្កោសែនជ័យ យកឈ្នះក្រុមម្ចាស់ផ្ទះគិរីវង់សុខសែនជ័យ ១-០ ។ជាមួយលទ្ធផលនេះ នាំឲ្យក្រុមភ្នំពេញក្រោន បន្ដចាញ់ប្រៀបក្រុមកំពូលតារាង ៣ពិន្ទុ ដោយពួកគេរកបាន ១៨ពិន្ទុ បន្ទាប់ពីឆ្លងកាត់ ៧ប្រកួតដូចគ្នាឈ្នះ ៦ និងចាញ់ ១ គឺចាញ់ក្រុមព្រះខ័នរាជស្វាយរៀង គ្រាដែលក្រុមបឹងកេត បន្ដឈរលេខ៣ មាន ១៣ពិន្ទុ នាំមុខក្រុមវិសាខា ១ពិន្ទុ ដែលរំកិលមកឈរលេខ៤ ។ ឯក្រុមកងយោធពលខេមរភូមិន្ទ និងព្រៃវែង ឈរលេខ៥ និងលេខ៦ រក្សា ១០ពិន្ទុក្នុងដៃ ស្របពេលក្រុម ISI ឡើងមកឈរលេខ៧ មាន ៧ពិន្ទុ ។ ចំណែកក្រុមណាហ្គាវើលដ៍បានធ្លាក់មកឈរលេខ៨ មាន ៥ពិន្ទុ នាំមុខក្រុមអង្គរថាយហ្គឺរ ឈរលេខ៩ មាន ៣ពិន្ទុ និងគិរីវង់សុខសែនជ័យ ឈរបាតតារាងមាន ២ពិន្ទុ ។គួរដឹងថា បន្ទាប់ពីដំណើរការប្រកួតបាន ៧សប្ដាហ៍ លីគកំពូលកម្ពុជា នឹងត្រូវសម្រាកការប្រកួត ២សប្ដាហ៍ កំឡុងថ្ងៃសម្រាក FIFA Day មុនត្រឡប់មកវិញ នាថ្ងៃទី២១-២២ ខែតុលា ដែលត្រូវបន្ដការប្រកួតសន្សំពិន្ទុ សប្ដាហ៍ទី៨ និងបន្ដការប្រកួតសប្ដាហ៍ទី៩ ដែលជាសប្ដាហ៍ចុងក្រោយ សម្រាប់ជើងទី១ នៃលីគកំពូលកម្ពុជា នាថ្ងៃទី២៨-២៩ ខែតុលា ឆ្នាំ២០២៣ ខាងមុខ៕ អត្ថបទ លី ឈុនឡា

Mark Williams ឈ្នះ Mark Selby លើកពានស្នូកឃ័រ British Open

កីឡាករស្នូកឃ័រជើងចាស់ Mark Williams បានក្លាយជាជើងឯកនៃការប្រកួតពានរង្វាន់ British Open ក្រោយយកឈ្នះកីឡាករអង់គ្លេស Mark Selby នៅវគ្គផ្តាច់ព្រ័ត្រ ១០-៧ ហ្វ្រេម។កីឡាករវែលវ័យ ៤៨ ឆ្នាំ Mark Williams បាននាំមុខការប្រកួតដាច់នៅដំណាក់កាលដំបូង មុនពេលដែល Mark Selby វាយបកពីក្រោយកាត់បន្ថយការនាំមុខមកត្រឹម ៨-៧ ហ្វ្រេម។ តែ Mark Williams អាចរក្សាស្ថានការបានដោយយកឈ្នះ ២ ហ្វ្រេមបន្ទាប់ ដើម្បីគ្រងជើងឯក British Open លើកទី ៣ ក្នុងអាជីព និងជាពានលំដាប់ Ranking លើកទី ២៥ ផងដែរ។Mark Williams គ្រងជើងឯកនៅពេលនេះ ក៏បានក្លាយជាកីឡាករវ័យចំណាស់ទី ២ ដែលគ្រងជើងឯកពានស្នូកឃ័រលំដាប់ Ranking ក្នុងវ័យ ៤៨ ឆ្នាំ បន្ទាប់ពីអ្នកឈ្នះវ័យចំណាស់បំផុតគឺ Ray Reardon នៅពេលឈ្នះជើងឯកក្នុងវ័យ ៥០ ឆ្នាំកាលពីឆ្នាំ ១៩៨២៕ អត្ថបទ៖នាង សុភាវុធ

រតនៈគិរី គឺជាក្រុមកូនពៅវគ្គ ១/៤ នៃពានសម្ដេចតេជោ-ថ្នាក់ខេត្ត ខណៈសៀមរាបបានត្រឹមខកចិត្ត

ពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣/២៤ បានរកឃើញបេក្ខភាពវគ្គ ៨ក្រុមចុងក្រោយ(១/៤) គ្រប់ហើយ ដោយក្រុមអធិរាជដំរីឦសាន ខេត្តរតនៈគិរី បានក្លាយជាក្រុមកូនពៅសម្រាប់វគ្គដ៏សំខាន់នេះ បន្ទាប់ពីប្រកួតស្មើក្រុមកំពូលតារាងខេត្តកំពង់ធំ កាលពីចុងសប្ដាហ៍កន្លងទៅ ។ជំនួបបង្គ្រប់សប្ដាហ៍ទី១៧ និងជាគូប្រកួតចុងក្រោយ ក្នុងវគ្គជម្រុះពូលD ក្រុមអធិរាជដំរីឦសាន ខេត្តរតនៈគិរី បានវាយបកតាមស្មើក្រុមបាល់ទាត់សន្ដិភាព ខេត្តកំពង់ធំ ១-១ នៅដើមវគ្គទី២ ដោយការទាត់បាល់ពិន័យ ១១ម៉ែត្ររបស់កីឡាករ ចាន់ ម៉ាន់ នៅនាទី៥៤ បន្ទាប់ពីត្រូវកីឡាករ ឆាយ ប៊ុនណារិទ្ធ រកបានគ្រាប់នាំមុខឲ្យក្រុមភ្ញៀវ ១គ្រាប់មុន តាំងពីនាទី១១ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោងតែម្ដង ។ជាមួយការចែកគ្នា ១ពិន្ទុម្នាក់នេះ នាំឲ្យក្រុមបាល់ទាត់សន្ដិភាព ខេត្តកំពង់ធំ បន្ដឈរកំពូលតារាង ដោយរកបាន ២០ពិន្ទុ គ្រាដែលក្រុមអធិរាជដំរីឦសាន ខេត្តរតនៈគិរី បានឡើងមកឈរលេខរៀងទី២ ក្នុងពូលD ដោយមាន ១៤ពិន្ទុក្នុងដៃ ដែលគ្រប់គ្រាន់ឲ្យពួកគេ ឡើងវគ្គ ៨ក្រុមចុងក្រោយ ហើយបញ្ចប់ក្ដីសង្ឃឹមថា ក្រុមមន្ទីរអប់រំ យុវជន និងកីឡា ខេត្តសៀមរាប ដែលចាញ់ប្រៀប ១ពិន្ទុត្រូវធ្លាក់មកឈរលេខរៀងទី៣ ក្នុងពូលប៉ុណ្ណោះ ។ដូច្នេះសម្រាប់បេក្ខភាពវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន-ថ្នាក់ខេត្ត ឆ្នាំនេះ គឺបានរកឃើញហើយ រួមមានពូលA គឺមានក្រុមភ្នំពេញហ្គាឡាក់ស៊ី និងខេត្តព្រះសីហនុ ។ ពូលB មានខេត្តត្បូងឃ្មុំ និងខេត្តកំពង់ចាម ។ ពូលC មានខេត្តបន្ទាយមានជ័យ និងក្រុមឈើតុំ-ខេត្ដពោធិ៍សាត់ និងពូលD មានក្រុមសន្ដិភាព-ខេត្តកំពង់ធំ និងក្រុមអធិរាជដំរីឦសាន ខេត្តរតនៈគិរី ៕ អត្ថបទ លី ឈុនឡា

អត្តពលិកកម្ពុជា ៥ប្រភេទកីឡាចុងក្រោយ បានធ្វើដំណើរទៅប្រកួតកីឡាអាស៊ី នៅចិន

អត្តពលិកកម្ពុជា ៥ប្រភេទកីឡាចុងក្រោយ រួមមានកីឡាសូហ្វតិន្នីស, ទូកប្រពៃណីខ្នាអន្ដរជាតិ, ចំបាប់, ការ៉ាតេ និងកីឡាជឺជីតស៊ូ បានធ្វើដំណើរទៅទីក្រុង Hangzhou ប្រទេសចិន ជាបន្ដបន្ទាប់ កាលពីចុងសប្ដាហ៍កន្លងទៅ ដើម្បីចូលរួមការប្រកួតកីឡាអាស៊ី លើកទី១៩ ។ក្នុងចំណោមអត្តពលិកកម្ពុជា ៥ប្រភេទកីឡាចុងក្រោយ សម្រាប់កីឡាចំបាប់ គឺមានប្រតិភូ គ្រូបង្វឹក និងកីឡាករ-កីឡាការិនីសរុប ១៦នាក់, ទូកប្រពៃណី ឬទូកនាគ ១៧នាក់, សូហ្វតិន្នីស ១២នាក់, កីឡាជឺជីតស៊ូ ២នាក់ និងកីឡាការ៉េតេ ដែលទើបចេញដំណើរពីកម្ពុជា កាលពីយប់រំលងអាធ្រាត្រឈានចូលថ្ងៃទី០២ ខែតុលានេះចំនួន ១៤នាក់ ។គួរដឹងថា កម្ពុជាបានបញ្ជូនអត្តពលិកសរុប ១៧ប្រភេទកីឡាចូលរួមប្រកួតកីឡាអាស៊ី លើកទី១៩ នៅទីក្រុង Hangzhou ចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ហើយមកទល់ពេលនេះ គ្រប់អត្តពលិកទាំងអស់ បានធ្វើដំណើរទៅទីតាំងប្រកួត ហើយក៏មានអត្តពលិកមួយចំនួន បានបញ្ចប់ការប្រកួត និងត្រឡប់មកមាតុភូមិជាបណ្ដើរៗផងដែរ ដូចជាកីឡាគុនដាវ, ហែលទឹក, យូដូ, តេក្វាន់ដូ WT, បាល់ទះ, បាល់បោះ និងកីឡាគ្រិកឃីតជាដើម ដែលពុំទាន់មានកីឡាករ ឬកីឡាការិនីរូបណាដណ្ដើមបានមេដាយជូនជាតិនោះទេ៕ អត្ថបទ លី ឈុនឡា

អាហ្វ្រិកខាងត្បូងកៀកឡើងវគ្គ ៨ក្រុម ខណៈអូស្រ្តាលីសល់ក្តីសង្ឃឹមតិចតួចនៅការប្រកួតបាល់ឱបពិភពលោក

ក្រុមការពារតំណែងជើងឯកបាល់ឱបពិភពលោក អាហ្វ្រិកខាងត្បូងកាន់តែកៀកក្នុងការឡើងវគ្គ ៨ ក្រុមចុងក្រោយហើយបន្ទាប់ពីយកឈ្នះតុងហ្កា។ អាហ្វ្រិកខាងត្បូងរកបាន ៣ Tries ក្នុងវគ្គទី ១ ដោយ Conus Reinach, Canan Moodie និង Deon Fourie មុនពេលដែលវគ្គទីពីរ ក៏រកបាន Tries បន្ថែមទៀតដោយ Jessie Kriel, Willie le Roux, Marco van Staden និង Kwagga Smith ខណៈលទ្ធផលនៅទីបញ្ចប់គឺអាហ្វ្រិកខាងត្បូងឈ្នះតុងហ្កា ៤៩-១៨។ថ្វីបើឈ្នះការប្រកួតមែន អាហ្វ្រិកខាងត្បូងត្រូវរង់ចាំការប្រកួតស្កុតឡេន និង អៀកឡង់សប្តាហ៍នេះ ដើម្បីដឹងពីចំណាត់ថ្នាក់នៅក្នុងពូល B នេះ។ ងាកមកការប្រកួតនៅក្នុងពូល C វិញ អូស្រ្តាលីបានយកឈ្នះព័រទុយហ្កាល់ ៣៤-១៤ នៅសល់ក្តីសង្ឃឹមតិចតួចឡើងវគ្គបន្ត។ ព័រទុយហ្កាល់ជាអ្នកនាំមុខ តែក្រុមរបស់លោក Eddie Jones វាយបកដោយរកបាន ៥ Tries ដើម្បីទទួលបានពិន្ទុបន្ថែមយកឈ្នះការប្រកួតនេះ ៣៤-១៤។អូស្រ្តាលីត្រូវរង់ចាំការប្រកួតរបស់កោះហ្វីជី ដែលត្រូវការត្រឹម ១ ពិន្ទុប៉ុណ្ណោះនៅពេលជួបព័រទុយហ្កាល់ ដើម្បីឡើងឈរពីលើអូស្រ្តាលីវិញ៕ អត្ថបទ៖នាង សុភាវុធ

Jorge Martin ឈ្នះការប្រកួតម៉ូតូ GP ភ្លៀងធ្លាក់ជោកជាំនៅជប៉ុន

កីឡាករប្រណាំងម៉ូតូអេស្ប៉ាញ Jorge Martin បានប្រជែងឈ្នះការប្រណាំងម៉ូតូ GP ដែលមានភ្លៀងធ្លាក់ជោកជាំ នៅជប៉ុន ដែលបណ្តាលឱ្យមានការផ្អាកជាច្រើនសារ។កីឡាកររបស់ក្រុមប្រណាំង Pramac Racing រូបនេះគឺជាអ្នកធ្វើបានលឿនជាងគេជាកំណត់ត្រានៅទីលានប្រណាំង Suzuka ប្រទេសជប៉ុននេះដើម្បីទទួលបាន Pole Position កាលពីថ្ងៃសៅរ៍។ ការប្រកួតនៅថ្ងៃអាទិត្យម្សិលមិញ ភ្លៀវធ្លាក់ខ្លាំងតាំងពីពេលមុនប្រកួត និងដល់ពេលប្រកួត ខណៈ Jorge Martin បាននាំមុខការប្រកួតតាំងពីពេលចេញដំណើរ មុនពេលការប្រកួតត្រូវបានគណៈកម្មការរៀបចំលើកទង់ពណ៌សនៅជុំទី ២ មានន័យថា កីឡាករទាំងអស់អាចផ្លាស់ប្តូរម៉ូតូរបស់ខ្លួនទៅតាមស្ថានភាពផ្លូវដែលមានសំណើមខ្លាំង។ការប្រកួតក៏បានដំណើរការបន្តខណៈ Jorge Martin ក៏មានកំហុសបន្តិចបន្តួច តែអាចប្រជែងមកនាំមុខគេវិញបាន ហើយក៏បានរក្សាការនាំមុខ មុនពេលដែលការប្រកួតត្រូវបានប្រកាសបញ្ចប់តែម្តង ដោយសារភ្លៀងធ្លាក់ខ្លាំង មិនរាំងនៅពេលកីឡាករទាំងអស់ប្រណាំងបានជាងពាក់កណ្តាលផ្លូវ។ការប្រកួតក៏សំរេចផ្តល់លទ្ធផលដល់កីឡាករទាំងអស់ទៅតាមចំណាត់ថ្នាក់របស់ខ្លួនតែម្តង ហើយ Jorge Martin ជាអ្នកទទួលបានជ័យជំនះ។ ជ័យជំនះនេះធ្វើឱ្យ Jorge Martin ដេញពីក្រោយ Francesco Bagnaia តែ ៣ ពិន្ទុប៉ុណ្ណោះ ខណៈកីឡាករអ៊ីតាលីរូបនេះទទួលបានលេខ ២ ហើយលេខ ៣ ក្នុងការប្រកួតបានទៅកីឡាករអេស្ប៉ាញ Marc Marquez របស់ក្រុមហុងដា៕ អត្ថបទ៖នាង សុភាវុធ

ក្រុមវាយកូនគោលអឺរ៉ុបឈ្នះក្រុមអាមេរិកគ្រងជើងឯក Ryder Cup ក្នុងដីរបស់ខ្លួន

ក្រុមវាយកូនគោលអឺរ៉ុបបានយកឈ្នះក្រុមអាមេរិក ដើម្បីគ្រងជើងឯកពានរង្វាន់ Ryder Cup ក្នុងទឹកដីរបស់ខ្លួននៅទីក្រុង Rome ប្រទេសអ៊ីតាលី។ឈានដល់ការប្រកួតនៅថ្ងៃអាទិត្យម្សិលមិញ ក្រុមអឺរ៉ុបត្រូវការត្រឹម ៤ ពិន្ទុប៉ុណ្ណោះពីការប្រកួតសរុប១២ ប្រកួតឯកតជននៅថ្ងៃអាទិត្យដើម្បីគ្រងជើងឯក។ ជាក់ស្តែងអឺរ៉ុបបានយកឈ្នះនៅថ្ងៃអាទិត្យដោយ Viktor Hovland, Rory McIlroy, Tyrrell Hatton, Tommy Fleetwood និងកីឡាករស្កុតឡេន Robert Macintyre។ ជ័យជំនះនេះក៏បានធ្វើឱ្យក្រុមវាយកូនគោលអឺរ៉ុប គ្រងជើងឯកនៅក្នុងទឹកដីរបស់ខ្លួនរយៈពេល ៣០ឆ្នាំចុងក្រោយ និងមានកីឡាករ ៥ នាក់របស់អឺរ៉ុបដែលមានវត្តមាននៅពេលនេះឈ្នះជើងឯក Ryder Cup នៅក្នុងទឹកដីរបស់ខ្លួន។គិតតាំងពីបង្កើតឡើងរយៈពេល ៩៦ ឆ្នាំ Ryder Cup បានរៀបចំឡើងបាន ៤៤ លើក ក្នុងនោះអឺរ៉ុបឈ្នះ ២៧ លើក អាមេរិកឈ្នះ ១៥ លើក និងស្មើគ្នា ២ លើក៕ អត្ថបទ៖នាង សុភាវុធ

កូរ៉េ ជប៉ុន ហុងកុង និងអ៊ូសប៊ែគីស្ថានឡើងវគ្គពាក់កណ្តាលផ្តាច់ព្រ័ត្របាល់ទាត់កីឡាអាស៊ី

ការប្រកួតកីឡាបាល់ទាត់ក្នុងព្រឹត្តិការណ៍កីឡាអាស៊ីលើកទី ១៩ នៅទីក្រុងហាន់ចូវប្រទេសចិន រកបាន ៤ គ្រាប់ឡើងវគ្គពាក់កណ្តាលផ្តាច់ព្រ័ត្រ។ក្រុមការពារមេដាយមាសកូរ៉េខាងត្បូង បានបន្តដំណើរឈ្មោះទៅការពារមេដាយរបស់ខ្លួនដោយយកឈ្នះក្រុមម្ចាស់ផ្ទះចិន ២-០។ ពីរគ្រាប់របស់កូរ៉េធ្វើបានដោយ Hong Hyun-seok និង Song Min-kyu គ្រប់គ្រាន់ល្មម ដើម្បីឡើងវគ្គ៤ ក្រុមចុងក្រោយ និងមានតែការខកចិត្តសំរាប់ម្ចាស់ផ្ទះចិន។ ងាកមកជប៉ុន ក៏បានបន្តដំណើរទៅមុខដែរក្រោយយកឈ្នះកូរ៉េខាងជើងយ៉ាងតានតឹង ២-១។ ជប៉ុននាំមុខមុនដោយ Kontaro Uchino នៅនាទីទី ៥០ តែកូរ៉េខាងជើងក៏តាមស្មើវិញនៅនាទីទី ៧៤ ដោយ Kim Kuk Bom មុនពេលដែលជប៉ុនបានបាល់ពិន័យ ១១ ម៉ែត្រមួយស៊ុតសម្រេចដោយ Yuta Matsumara នៅនាទីទី ៧៨។ ចប់ការប្រកួតជប៉ុនឈ្នះ ២-១ តែកីឡាកររបស់ក្រុមកូរ៉េខាងជើងមិនសប្បាយចិត្តចំពោះការសម្រេចចិត្តរបស់អាជ្ញាកណ្តាលដែលផ្តល់បាល់ពិន័យ ១១ ម៉ែត្រដល់ជប៉ុន និងបាននាំគ្នាឡោមព័ទ្ធអាជ្ញាកណ្តាលនៅពេលបញ្ចប់ការប្រកួត។ សូមបញ្ជាក់ថា កូរ៉េខាងជើងទើបបង្ហាញខ្លួនការប្រកួតលើឆាកអន្តរជាតិលើកដំបូងតាំងពីវិបត្តិកូវីដ-១៩។ អ៊ូសប៊ែគីស្ថានក៏តានតឹងដែរទំរាំឈ្នះអារ៉ាប់បីសាអ៊ូឌីតដោយលទ្ធផល ២-១ ខណៈអ៊ូសប៊ែគីស្ថាននាំមុខមុន ២ គ្រាប់មុនពេលដែលអារ៉ាប៊ីសាអ៊ូឌីតតាមបានមួយគ្រាប់វិញ និងបាត់បង់កីឡាករម្នាក់នៅចុងម៉ោង។ ចុងក្រោយនេះហុងកុង ធ្វើឱ្យមានការភ្ញាក់ផ្អើលក្រោយយកឈ្នះអ៊ីរ៉ង់ ១-០ ឡើងវគ្គពាក់កណ្តាលផ្តាច់ព្រ័ត្រដោយគ្រាប់បាល់របស់ Poon Pui Hin នៅនាទីទី ៤៧។ វគ្គពាក់កណ្តាលផ្តាច់ព្រ័ត្រនឹងធ្វើនៅថ្ងៃពុធនេះ ដោយហុងកុងត្រូវជួបជប៉ុន ខណៈអ៊ូសប៊ែគីស្ថានជួបកូរ៉េ៕ អត្ថបទ៖នាង សុភាវុធ

Canelo Alvarez ឈ្នះ Jermell Charlo ការពារខ្សែក្រវាត់ ៤ ស្ថាប័នរបស់ខ្លួនបាន

កំពូលកីឡាករប្រដាល់ម៉ិកស៊ិក Saul Canelo Alvarez ទីបំផុតអាចការពារខ្សែក្រវាត់ទាំង ៤ ស្ថាប័នរបស់ខ្លួនបានក្រោយយកឈ្នះកីឡាករអាមេរិក Jermell Charlo។ កីឡាករវ័យ ៣៣ ឆ្នាំ Canelo Alvarez បានយកឈ្នះដោយការផ្តល់ពិន្ទុឱ្យឈ្នះជាឯកច្ឆន្ទពីចៅក្រមទាំងបី ១១៩-១០៨ ១១៨-១០៩ និង ១១៨-១០៩ នៅកីឡដ្ឋាន T-Mobile Arena ទីក្រុង Las Vegas សហរដ្ឋអាមេរិក។ Alvarez បានវាយឱ្យ Charlo រាប់ម្តងនៅទឹកទី ៧ ដើម្បីជ័យជំនះលើកទី ៦០ ក្នុងចំណោម ការឡើងសង្វៀន ៦៤ ប្រកួត។ ជ័យជំនះនេះដែរធ្វើឱ្យកីឡាករវ័យ ៣៣ ឆ្នាំរូបនេះអាចរក្សាខ្សែក្រវាតទាំង ៤ ស្ថាប័នរបស់ខ្លួនបានរួមមាន WBO WBC WBA និង IBF៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកអគ្គរដ្ឋទូតប្រេស៊ីល ប្តេជ្ញាចិត្តខ្ពស់ជំរុញការតភ្ជាប់វិនិយោគិន និងធុរជននៃប្រទេសទាំងពីរ

ផលិតផលសក្តានុពលចំនួន៥ បានគាំទ្រដល់កំណើនខ្ពស់នៃនាំចេញរបស់កម្ពុជា ក្នុងឆមាសទី១ឆ្នាំនេះ

អ៊ីរ៉ង់ ស្នើផែនការគ្រប់គ្រងបណ្ដោះអាសន្នកាន់តែធំធេងនៅច្រកសមុទ្រ Hormuz លើការដឹកជញ្ជូនឆ្លងកាត់

អារ៉ាប៊ីសាអ៊ូឌីត ចោទក្រុមសម្ព័ន្ធមិត្តអ៊ីរ៉ង់ពីការវាយប្រហារគ្មានការទទួលខុសត្រូវ

ចរាចរណ៍នៅច្រកសមុទ្រ Bab al-Mandeb ឈានដល់កម្រិតខ្ពស់បំផុតចាប់តាំងពីថ្ងៃទី១៩ កក្កដាមក

ប្រព័ន្ធផ្សព្វផ្សាយ៖ អ៊ីរ៉ង់ នឹងទទួលបានប្រព័ន្ធការពារដែនអាកាសចិន៤០០គ្រឿង

របាយការណ៍៖ លីបង់ត្រូវប្រឈមនឹងផលវិបាកដ៏ធ្ងន់ធ្ងរ ប្រសិនបើក្រុមហេសបូឡាវាយប្រហារ អ៊ីស្រាអែល

ប្រព័ន្ធផ្សព្វផ្សាយ៖ ការនាំចេញទំនិញរបស់អ៊ុយក្រែនកំពុងប្រឈមវិបត្តិកាន់តែខ្លាំង ដោយសារការបិទ ខ្ទប់កំពង់ផែ

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

សមាគមសហគ្រិនស្ត្រីកម្ពុជា លើកកម្ពស់ការយល់ដឹង លើការទទួលបាន ហិរញ្ញវត្ថុ សម្រាប់អាជីវកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Rangers បញ្ចប់តំណែងអ្នកចាត់ការ Michael Beale ក្រោយចាញ់ ៣ ប្រកួតរដូវកាលនេះ

ព្រះខ័នរាជ និងខ្សែប្រយុទ្ធ Marcus Haber រក្សាកំណត់ត្រារៀងខ្លួន មុនលីគសម្រាក

Mark Williams ឈ្នះ Mark Selby លើកពានស្នូកឃ័រ British Open

រតនៈគិរី គឺជាក្រុមកូនពៅវគ្គ ១/៤ នៃពានសម្ដេចតេជោ-ថ្នាក់ខេត្ត ខណៈសៀមរាបបានត្រឹមខកចិត្ត

អត្តពលិកកម្ពុជា ៥ប្រភេទកីឡាចុងក្រោយ បានធ្វើដំណើរទៅប្រកួតកីឡាអាស៊ី នៅចិន

អាហ្វ្រិកខាងត្បូងកៀកឡើងវគ្គ ៨ក្រុម ខណៈអូស្រ្តាលីសល់ក្តីសង្ឃឹមតិចតួចនៅការប្រកួតបាល់ឱបពិភពលោក

Jorge Martin ឈ្នះការប្រកួតម៉ូតូ GP ភ្លៀងធ្លាក់ជោកជាំនៅជប៉ុន

ក្រុមវាយកូនគោលអឺរ៉ុបឈ្នះក្រុមអាមេរិកគ្រងជើងឯក Ryder Cup ក្នុងដីរបស់ខ្លួន

កូរ៉េ ជប៉ុន ហុងកុង និងអ៊ូសប៊ែគីស្ថានឡើងវគ្គពាក់កណ្តាលផ្តាច់ព្រ័ត្របាល់ទាត់កីឡាអាស៊ី

Canelo Alvarez ឈ្នះ Jermell Charlo ការពារខ្សែក្រវាត់ ៤ ស្ថាប័នរបស់ខ្លួនបាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Rangers បញ្ចប់តំណែងអ្នកចាត់ការ Michael Beale ក្រោយចាញ់ ៣ ប្រកួតរដូវកាលនេះ

ព្រះខ័នរាជ និងខ្សែប្រយុទ្ធ Marcus Haber រក្សាកំណត់ត្រារៀងខ្លួន មុនលីគសម្រាក

Mark Williams ឈ្នះ Mark Selby លើកពានស្នូកឃ័រ British Open

រតនៈគិរី គឺជាក្រុមកូនពៅវគ្គ ១/៤ នៃពានសម្ដេចតេជោ-ថ្នាក់ខេត្ត ខណៈសៀមរាប​បានត្រឹមខកចិត្ត

អត្តពលិកកម្ពុជា ៥ប្រភេទកីឡាចុងក្រោយ បានធ្វើដំណើរទៅប្រកួតកីឡាអាស៊ី នៅចិន

អាហ្វ្រិកខាងត្បូងកៀកឡើងវគ្គ ៨ក្រុម ​ខណៈអូស្រ្តាលីសល់ក្តីសង្ឃឹមតិចតួច​នៅការប្រកួតបាល់ឱបពិភពលោក

Jorge Martin ឈ្នះការប្រកួតម៉ូតូ GP ភ្លៀងធ្លាក់ជោកជាំនៅជប៉ុន

ក្រុមវាយកូនគោលអឺរ៉ុបឈ្នះក្រុមអាមេរិកគ្រងជើងឯក Ryder Cup ក្នុងដីរបស់ខ្លួន

កូរ៉េ ជប៉ុន ហុងកុង និងអ៊ូសប៊ែគីស្ថានឡើងវគ្គពាក់កណ្តាល​ផ្តាច់ព្រ័ត្រ​បាល់ទាត់​កីឡាអាស៊ី

Canelo Alvarez ឈ្នះ Jermell Charlo ការពារខ្សែក្រវាត់ ៤ ស្ថាប័នរបស់ខ្លួនបាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រតនៈគិរី គឺជាក្រុមកូនពៅវគ្គ ១/៤ នៃពានសម្ដេចតេជោ-ថ្នាក់ខេត្ត ខណៈសៀមរាបបានត្រឹមខកចិត្ត

អាហ្វ្រិកខាងត្បូងកៀកឡើងវគ្គ ៨ក្រុម ខណៈអូស្រ្តាលីសល់ក្តីសង្ឃឹមតិចតួចនៅការប្រកួតបាល់ឱបពិភពលោក

កូរ៉េ ជប៉ុន ហុងកុង និងអ៊ូសប៊ែគីស្ថានឡើងវគ្គពាក់កណ្តាលផ្តាច់ព្រ័ត្របាល់ទាត់កីឡាអាស៊ី