BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Gennaro Gattuso៖ ដឹកនាំ Marseille ចូល Top4 ទើបមានឱកាសបន្តកុងត្រា

អតីតខ្សែបម្រើអ៊ីតាលីលោក Gennaro Gattuso បានបង្ហាញមុខផ្លូវការនៅចំពោះមុខអ្នកសារព័ត៌មានក្នុងពិធីបង្ហាញដោយក្លិបបាល់ទាត់បារាំង Olympique de Marseille នៅថ្ងៃព្រហស្បតិ៍ម្សិលមិញ។បុរសវ័យ ៤៥ ឆ្នាំរូបនេះបានចុះហត្ថលេខាដឹកនាំ Marseille ត្រឹមដំណាច់រដូវកាលថ្មីនេះប៉ុណ្ណោះ អមជាមួយជម្រើសបន្តបន្ថែមមួយរដូវកាលទៀត។និយាយចំពោះមុខអ្នកសារព័ត៌មានក្នុងពិធីបង្ហាញម្សិលមិញ Gennaro Gattuso បាននិយាយថា ការមកកាន់តំណែងដឹកនាំ Marseille នេះគឺជាកិត្តិយសធំធេងមួយដែលមិនអាចបដិសេធបាន ហើយច្បាស់ណាស់ថា លោកដឹកនាំក្រុមឱ្យបាន Top4 ទើបអាចបន្តអាជីពទៅមុខទៀតបាន។ អ្នកចាត់ការសញ្ជាតិអ៊ីតាលីរូបនេះ បានមកជំនួសតំណែងលោកអ្នកចាត់ការអេស្ប៉ាញ Marcelino ដែលបានសំរេចចិត្តដើរចេញពីក្លិបក្រោយមានភាពរកាំរកូសជាមួយអ្នកគាំទ្រ Marseille ដែលតែងតែរិះគន់អត់ឈប់ឈរ។ Marseille កំពុងឈរលេខ ៨ នៅក្របខណ្ឌបារាំង Ligue1 ខណៈនឹងត្រូវជួប Brighton នៅថ្ងៃទី ៥ ខែតុលាខាងមុខក្របខណ្ឌ UEFA Europa League។លោក Gattuso បានដឹកនាំក្លិបអាជីពចុងក្រោយបំផុតនៅ Valencia តែត្រូវបានដកតំណែងកាលពីខែមករាកន្លងទៅ ក្រោយកាន់តំណែងបានត្រឹម ៧ ខែ។ រំលឹកថា Gennaro Gattuso ធ្លាប់ជាកីឡាករអាជីពនៅ AC Milan បង្ហាញខ្លួនបាន ៤៦៨ ប្រកួតចន្លោះឆ្នាំ ១៩៩២ ដល់ឆ្នាំ ២០១២ និងធ្លាប់បង្ហាញខ្លួនឱ្យក្រុមជម្រើសជាតិអ៊ីតាលី ៧៣ លើកផងដែរ៕ អត្ថបទ៖នាង សុភាវុធ

Liverpool យល់ព្រមលក់ភាគហ៊ុនតូចមួយឱ្យក្រុមហ៊ុនវិនិយោគ Dynasty Equity

ម្ចាស់ក្លិបហង្សក្រហម Liverpool, Fenway Sports Group (FSG) បានឈានដល់កិច្ចព្រមព្រៀងក្នុងការលក់ភាគហ៊ុនតូចមួយដែលមានតម្លៃចន្លោះពី ៨២ លានផោន ទៅ ១៦៤ លានផោន ទៅឱ្យក្រុមហ៊ុនវិនិយោគកីឡា Dynasty Equity។ កិច្ចព្រមព្រៀងនេះផងដែរ ក៏បានបញ្ចប់ការស្វែងរកអ្នកវិនិយោគទន់ថ្មីរបស់ FSG ផងដែរ ដែល FSG នៅតែចង់កាន់កាប់ភាគហ៊ុនធំរបស់ក្លិបនៅតំបន់ Merseyside នេះដដែល។កិច្ចព្រមព្រៀងដែលមានតម្លៃខាងលើ Liverpool នឹងប្រើប្រាស់ទុននេះ ដើម្បីដោះបំណុលមួយចំនួនរបស់ក្លិប។Liverpool បានខាតបង់ប្រាក់ចំនូលប្រមាណ ១០០ លានផោនអំឡុងវិបត្តិនៃជំងឺរាតត្បាត Covid-19 និងបានចំណាយលុយប្រមាណ ៥០ លានផោនផ្សេងទៀត ដើម្បីស្ថាបនាទីលានហ្វឹកហាត់ថ្មីដែលបានដាក់សម្ពោធឱ្យប្រើប្រាស់កាលពីឆ្នាំ ២០២០ និង ១២ លានផោនផ្សេងទៀតស្ថាបនាទីលានហ្វឹកហាត់សម្រាប់ក្រុមនារី។កីឡដ្ឋាន Anfield របស់ Liverpool ក៏ស្ថិតក្រោមការសាងសង់កែលំអរផងដែរដែលត្រូវចំណាយលុយប្រមាណ ៨០ លានផោន។ សម្រាប់ការចំណាយលុយលើការនាំចូលកីឡាករថ្មី Liverpool បានចំណាយលុយប្រមាណ ១៤៥ លានផោន នាំយកកីឡាករមួយចំនួនរួមមានខ្សែបម្រើ Dominik Szoboszlai, Alexis MacAllister, Wataru Endo និង Ryan Gravenbach។រំលឹកថា FSG បានទិញយកភាគហ៊ុនធំរបស់ Liverpool មកកាន់កាប់កាលពីឆ្នាំ ២០១០ ដែលមានតម្លៃ ៣០០ លានផោន។ ក្រោមការវិនិយោគរបស់ FSG, Liverpool បានលើកពាន English Premier League និង UEFA Champions League ផងដែរ៕ អត្ថបទ៖នាង សុភាវុធ

John Higgins និង Mark Allen ធ្លាក់ត្រឹមជុំទី ២ ស្នូកឃ័រជើងឯក British Open

ជើងខ្លាំងស្នូកឃ័រទាំងពីរនាក់ John Higgins និង Mark Allen បានក្លាយជាកីឡាករល្បីឈ្មោះពីរនាក់ទៀត ធ្លាក់ចេញពីការប្រកួតពានរង្វាន់ British Open ឆ្នាំនេះនៅទីក្រុង Cheltenham។ ជើងឯក ៤ សម័យ John Higgins បានរងបរាជ័យក្រោមស្នាដៃ Robbie Williams ៤-១ ហ្វ្រេម ខណៈកីឡាករលំដាប់លេខ ៣ Mark Allen ចាញ់ Kyren Wilson ៤-០ ហ្វ្រេម។ បរាជ័យនេះមាន័យថា កីឡាករទាំងពីរក្លាយជាកីឡាករល្បីឈ្មោះពីរនាក់ទៀតចាកចេញពី British Open ត្រឹមជុំទី ១ និងទី ២ បន្ទាប់ពី Judd Trump, Neil Robertson និង Luca Brecel។ក៏មានការធ្លាក់ដ៏ភ្ញាក់ផ្អើលផ្សេងទៀតដែរគឺ កីឡាករឥណ្ឌា Ishpreet Singh Chadha ដែលឈរលេខ ១០៤ ពិភពលោក បានយកឈ្នះកីឡាករអង់គ្លេសអតីតជើងឯកពិភពលោក ២ សម័យ Stuart Bingham ៤-២ ហ្វ្រេម។ក្រឡេកមកលទ្ធផលផ្សេងទៀត ជើងឯកពិភពលោក ៤ សម័យ Mark Selby យកឈ្នះកីឡាករចិនលំដាប់លេខ ៥២ Tian Pengfei ៤-២ ហ្វ្រេម Mark Williams វាយបកពីក្រោយយកឈ្នះ Gary Wilson ៤-២ ហ្វ្រេម និងកីឡាករអ៊ីរ៉ង់ Hossein Vafaei យកឈ្នះកីឡាករចិន Yuan Sijun ៤-២ ហ្វ្រេម៕ អត្ថបទ៖នាង សុភាវុធ

ជប៉ុនឈ្នះកោះសាម័របើកផ្លូវឱ្យអង់គ្លេសឡើងវគ្គ ៨ ក្រុមចុងក្រោយបាល់ឱបពិភពលោក

ក្រុមបាល់ឱបអង់គ្លេសបានកក់កៅអីនៅវគ្គ ៨ ក្រុមចុងក្រោយហើយ នៃព្រឹត្តិការណ៍បាល់ឱបពិភពលោកនៅប្រទេសបារាំង បន្ទាប់ពីជ័យជំនះរបស់ជប៉ុនលើកោះសាម័រ។ជប៉ុនរកបាន Try ដោយ Pieter Labuschagne, Michael Leitch និង Kazuki Himeno បូករួមទាំងការទាត់បាល់ពិន័យយ៉ាងល្អរបស់ Rikiya Matsuda។សាម័រដែលបាត់បង់កីឡាករម្នាក់នៅពេល Ben Lam ត្រូវបានបណ្តេញចេញនោះ ក៏ព្យាយាមវាយបកពីក្រោយដែរ តែមិនទាន់ពេលឡើយ ខណៈក្រុមជប៉ុនយកឈ្នះដោយលទ្ធផលសរុប ២៨-២២។ លទ្ធផលនេះធ្វើឱ្យជប៉ុនឡើងមកលេខ ២ ក្នុងពូលមាន ៩ ពិន្ទុ និងមានន័យថាអង់គ្លេសធានាបានកៅអីលេខ ១ ក្នុងពូលមាន ១៤ ពិន្ទុ។ ចំណែកសាម័រដែលជាកោះដែលមកពីមហាសមុទ្រប៉ាស៊ីហ្វិក ត្រូវការឈ្នះអង់គ្លេសដាច់ខាតសម្រាប់ការប្រកួតជុំចុងក្រោយនៅក្នុងពូល D នេះ៕ អត្ថបទ៖នាង សុភាវុធ

Ryder Cup បង្ហាញគូប្រកួតជុំដំបូងថ្ងៃសុក្រនេះរវាងអឺរ៉ុប និង អាមេរិក

ព្រឹត្តិការណ៍ការវាយកូនគោលពានរង្វាន់ Ryder Cup ដែលជាការប្រកួតប្រជែងរវាងក្រុមវាយកូនគោលអឺរ៉ុប និងអាមេរិក នឹងចាប់ផ្តើមនៅថ្ងៃសុក្រនេះនៅលើទឹកដីទីក្រុង Rome ប្រទេសអ៊ីតាលី ជាទឹកដីរបស់អឺរ៉ុប។សម្រាប់កម្មវិធីប្រកួតជុំដំបូងនៅថ្ងៃសុក្រនេះ Ryder Cup បានបង្ហាញឈ្មោះកីឡាករដែលត្រូវចាប់ដៃគូគ្នាសម្រាប់ជំនួបនៅថ្ងៃសុក្រនេះ។ កីឡាករស៊ុយអែត Ludvig Aberg ត្រូវបានជ្រើសរើស និងទុកចិត្តដោយប្រធានក្រុមដោយឱ្យចាប់គូជាមួយ Viktor Hovland។ កីឡាករវ័យ ២៣ ឆ្នាំស៊ុយអែតរូបនេះទើបតែចាប់ផ្តើមអាជីពរបស់ខ្លួនកាលពីខែមិថុនាប៉ុណ្ណោះ ដោយនឹងត្រូវសហការគ្នាជាមួយ Hovland ប្រឈមនឹងដៃគូអាមេរិក Brian Harman និង Max Homa។ ចំណែកឯ Rory McIlroy ដៃគូជាមួយ Tommy Fleetwood នឹងជួបជាមួយ Xander Schauffele និង Patrick Cantlay។ សូមបញ្ជាក់ថា ក្រុមវាយកូនគោលអាមេរិកជាក្រុមការពារតំណែងជើងឯក តែមិនដែលឈ្នះជើងឯកនៅលើទឹកដីអឺរ៉ុបឡើយក្នុងរយៈពេល ៣០ ឆ្នាំចុងក្រោយ៕ អត្ថបទ៖នាង សុភាវុធ

ជប៉ុន អារ៉ាប៊ីសាអ៊ូឌីត និងអ៊ូសប៊ែគីស្ថានឡើងវគ្គ ៨ ក្រុមចុងក្រោយបាល់ទាត់នៅកីឡាអាស៊ី

ការប្រកួតបាល់ទាត់ក្នុងព្រឹត្តិការណ៍កីឡាអាស៊ីលើកទី ១៩ នៅទីក្រុងហាន់ចូវប្រទេសចិន រកបានគ្រប់ក្រុមឡើងវគ្គ ៨ក្រុមចុងក្រោយហើយ ខណៈបីក្រុមចុងក្រោយគឺ ជប៉ុន អារ៉ាប៊ីសាអ៊ូឌីត និងអ៊ូសប៊ែគីស្ថាន។ គូដំបូងនេះក្រុមសាមូរ៉ៃ U23 ជប៉ុនបានយកឈ្នះក្រុមនៅតំបន់អាស៊ីអាគ្នេយ៍មីយ៉ាន់ម៉ាដោយលទ្ធផលធំធេង ៧-០ ដោយគ្រាប់ម្នាក់ពីរគ្រាប់របស់ Kein Sato និង Shun Ayukawa ខណៈបីគ្រាប់ទៀតធ្វើបានដោយ Koshiro Sumi, Kotaro Uchino និង Shota Hino។ ងាកទៅមើលក្រុមនៅតំបន់អាស៊ីគ្នេយ៍មួយទៀត ក៏មានជោគវាសនាមិនល្អដែរ គឺឥណ្ឌូនេស៊ីដោយរងបរាជ័យក្រោមថ្វីជើងអ៊ូសប៊ែគីស្ថាន ២-០ នៅម៉ោងបន្ថែម។ បន្ទាប់ពីប្រកួតពេញ ៩០ នាទីគ្មានគ្រាប់បាល់កើតឡើង ការប្រកួតបន្តបន្ថែម ១៥ នាទីពីរដង ខណៈដែលអ៊ូសប៊ែគីស្ថានរកបានគ្រាប់ពីរគ្រាប់ដោយ Sherzod Esanov នៅនាទីទី ៩២ និង ១២០+១។ បរាជ័យនេះមានន័យថា មិនមានក្រុមនៅតំបន់អាស៊ីអាគ្នេយ៍ណាមួយឡើងវគ្គ ៨ ក្រុមចុងក្រោយឡើយ។ ក្រឡេកមកទស្សនាគូចុងក្រោយនេះវិញ អារ៉ាប៊ីសាអ៊ូឌីតបានយកឈ្នះឥណ្ឌា ២-០ ផងដែរដោយគ្រាប់បាល់របស់ Mohammed Maran ពីរគ្រាប់ម្នាក់ឯង។ ដូច្នេះវគ្គ ៨ ក្រុមចុងក្រោយរកបានអស់ហើយដែលនឹងត្រូវប្រកួតនៅថ្ងៃទី ១ ខែតុលារួមមាន អ៊ូសប៊ែគីស្ថានជួបអារ៉ាប៊ីសាអ៊ូឌីត អ៊ីរ៉ង់ជួបហុងកុង ជប៉ុនជួបកូរ៉េខាងជើង និង ចិនជួបកូរ៉េខាងត្បូង៕ អត្ថបទ៖នាង សុភាវុធ

FIA បដិសេធសំណើចូលរួម F1 របស់ក្រុមប្រណាំង Rodin Cars ដែលមានអ្នកបើកបរជានារី

ក្រុមប្រណាំង F1, Rodin Cars ដែលមានមូលដ្ឋាននៅប្រទេសនូវែហ្ស៊ីឡង់បានឱ្យដឹងថា សំណើចូលរួមជាមួយ Formula One ត្រូវបដិសេធដោយសហព័ន្ធកីឡាប្រណាំងយានយន្តអន្តរជាតិ FIA។ ក្រុមផលិតរថយន្តមួយនេះមានមូលដ្ឋាននៅប្រទេសនូវែហ្ស៊ីឡង់ និងមាន គម្រោងប្រើប្រាស់អ្នកបើកបរជានារីមួយក្នុងចំណោម ២ នាក់។Rodin គឺជាម្ចាស់ភាគហ៊ុនធំមួយដែលចូលរួមចំនែកក្នុងដំណើរការនៃការប្រណាំងរថយន្ត F4 F3 និង F2។អ្នកបើកបរសញ្ជាតិអង់គ្លេស កីឡាការិនី Jamie Chadwick ដែលធ្លាប់ឈ្នះការប្រកួតផ្នែកនារី ៣ សម័យ គឺជាបេក្ខភាពនៅក្នុងក្រុមប្រណាំង Rodin Cars ក្នុងសំណើទៅកាន់ F1 នេះ។ Jamie Chadwick ដែលមានវ័យ ២៥ ឆ្នាំធ្លាប់ប្រណាំងនៅរថយន្ត IndyCar សហរដ្ឋអាមេរិកជាមួយក្រុម Andretti Autosport តែនាងមិនមានប័ណ្ឌបើកបរដែលអនុញ្ញាតដោយ F1 នៅឡើយ។មកទល់ពេលនេះ FIA បានបើកការទទួលពាក្យចូលរួមប្រណាំង F1 សម្រាប់រដូវកាល ២០២៥ ២០២៦ និង ២០២៧ ចាប់ពីខែកុម្ភៈកន្លងទៅ ខណៈក៏មានការសំណើពីក្រុម Andretti Global ដែលដឹកនាំដោយអតីតកីឡាករ F1, Michael Andretti ដែលជាកូនប្រុសរបស់ អតីតជើងឯកពិភពលោកឆ្នាំ១៩៧៨ លោក Mario Andretti៕ អត្ថបទ៖នាង សុភាវុធ

ខាន់ ចេសា នឹងត្រូវជួបកីឡាការិនីអាមេរិកដណ្ដើមខ្សែក្រវាត់ពិភពលោក នាព្រឹកស្អែក

កីឡាការិនីជឺជីតស៊ូឆ្នើមរបស់កម្ពុជា ខាន់ ចេសា នឹងត្រូវជួបកីឡាការិនីជើងខ្លាំងអាមេរិក Danielly Kelly នាព្រឹកថ្ងៃទី៣០ ខែកញ្ញាស្អែក ត្រូវនឹងម៉ោងប្រមាណ ៨យប់ថ្ងៃទី២៩ ខែកញ្ញា នៅសហរដ្ឋអាមេរិក ដើម្បីប្រជែងខ្សែក្រវាត់ពិភពលោកទម្ងន់ស្រាលពិភពលោក ONE Atomweight លើសង្វៀន ONE Championship ក្នុងកម្មវិធី ONE Fight Night 14 នៅប្រទេសសិង្ហបុរី ។បន្ទាប់ពីធ្វើដំណើរដល់ទឹកដីសិង្ហបុរី ម្ចាស់មេដាយមាសកីឡាអាស៊ី ឆ្នាំ២០១៨ និងជាម្ចាស់មេដាយមាសស៊ីហ្គេម ឆ្នាំ២០១៩ និង២០២៣ ខាន់ ចេសា រួមទាំងដៃគូប្រកួត បានធ្វើការថ្លឹងទម្ងន់រួចរាល់ កាលពីម្សិលមិញ មុនជួបគ្នា ក្នុងក្របខណ្ឌប្រកួតលក្ខណៈអាជីពលើកដំបូងលើសង្វៀនអន្ដរជាតិនៅតំបន់អាស៊ានស្អែកនេះ ។ខាន់ ចេសា បានបង្ហាញការតាំងចិត្ត និងត្រៀមខ្លួនរួចរាល់ សម្រាប់ជំនួបជាមួយជើងខ្លាំងជឺជីតស៊ូលំដាប់ពិភពលោកដូចគ្នា ។ ចេសា លើកឡើងថា ខ្លួនមិនបានខ្វល់ពីដៃគូប្រកួតខ្លួនោះទេ អ្វីដែលសំខាន់ គឺនាងនឹងប្រើប្រាស់បទពិសោធន៍ប្រកួតកន្លងមក គួបផ្សំនឹងការខំប្រឹងហ្វឹកហាត់បន្ថែម ក្នុងការយកឈ្នះ Kelly ម្ដងទៀត ដើម្បីក្លាយជាម្ចាស់ខ្សែក្រវាត់ពិភពលោក ONE Atomweight ។គួរដឹងថា កីឡាការិនីកូនកាត់ខ្មែរ-អាមេរិក ខាន់ ចេសា ធ្លាប់យកឈ្នះកីឡាការិនី Kelly ក្នុងកីឡាជឺជិតស៊ូម្ដងមកហើយ កាលពីដើមឆ្នាំ២០២១ នៅទឹកដីអាម៉េរិក មុនសម្រេចចិត្តជួបគ្នាជាថ្មី ដោយត្រូវបង្ហាញខ្លួនលើកដំបូងលើសង្វៀន ONE នាព្រឹកថ្ងៃសៅរ៍ចុងសប្ដាហ៍នេះ ។ ជំនួបដ៏ធំកំពុងស្ថិតក្នុងការតាមដានរបស់អ្នកនិយមកីឡាជឺជីតស៊ូពិភពលោកនេះដែរ ក៏នឹងមានផ្សាយបន្ដផ្ទាល់លើបណ្ដាញសង្គមផ្លូវការ BTV-Cambodia នៃអគ្គនាយកដ្ឋានវិទ្យុ និងទូរទស្សន៍បាយ័នផងដែរ៕អត្ថបទ៖ លី ឈុនឡា

Asian Games៖ ម្ចាស់មេដាយមាសស៊ីហ្គេម ឈុន ប៊ុនថន ប្រកួតថ្ងៃស្អែកលើវិញ្ញាសា ១,៥០០ម៉ែត្រ

ឡាករអត្តពលកម្មជម្រើសជាតិកម្ពុជា ឈុន ប៊ុនថន ម្ចាស់មេដាយមាសស៊ីហ្គេម ឆ្នាំ២០២៣ នឹងបើកយុទ្ធនាការប្រកួតកីឡាអាស៊ី (Asian Games) លើកទី១៩ នៅទីក្រុង Hanzhou ប្រទេសចិន នាព្រឹកថ្ងៃទី៣០ ខែកញ្ញាស្អែកនេះ លើវិញ្ញាសារត់ចម្ងាយ ១,៥០០ម៉ែត្រ ។បេសកកម្មនេះ ប៊ុនថន នឹងត្រូវធ្វើការប្រកួត ២វិញ្ញាសា រួមមានវិញ្ញាសារត់ចម្ងាយ ១,៥០០ម៉ែត្រ ដែលត្រូវប្រកួតនៅថ្ងៃទី៣០ ខែកញ្ញាស្អែកនេះ និងវិញ្ញាសារត់ចម្ងាយ ៨០០ម៉ែត្រ ដែលជាវិញ្ញាសារូបគេ ទើបដណ្ដើមបានមេដាយមាសស៊ីហ្គេមចុងក្រោយ គ្រោងនឹងធ្វើការប្រកួតនាថ្ងៃទី០២ ខែតុលាខាងមុខ ។គួរដឹងថា ក្នុងព្រឹត្តិការណ៍កីឡាអាស៊ីឆ្នាំនេះ កីឡាអត្តពលកម្មកម្ពុជា បានបញ្ជូនកីឡាករ-កីឡាការិនី ១០រូបចូលរួមប្រកួត ។ ប៉ុន្ដែមុនឈានដល់ការប្រកួតរបស់កីឡាករមេដាយមាសស៊ីហ្គេមរបស់កម្ពុជា ឈុន ប៊ុនថន នៅរាត្រីថ្ងៃទី២៩ ខែកញ្ញានេះ ក៏មានកីឡាករ-កីឡាការិនី ៣រូប ត្រូវធ្វើការប្រកួតផងដែរ រួមមានកីឡាករ ប៉ែន សុគង់, ណឹប ច័ន្ទយ៉ូរ៉ុង និងកីឡាការិនី សាង លីដា ដែលត្រូវប្រកួតវិញ្ញាសារត់ចម្ងាយ ១០០ម៉ែត្រដូចគ្នា ។ក្រៅពីកីឡាអត្តពលកកម្ម នៅថ្ងៃសុក្រនេះដែរ ក៏មានប្រភេទកីឡាជាក្រុម ២ប្រភេទកីឡា ត្រូវធ្វើការប្រកួតផងដែរ រួមមានកីឡាបាល់បោះកម្ពុជា ដែលត្រូវប្រកួតបង្គ្រប់កិច្ចពូលD លើវិញ្ញាសាបាល់បោះ ៣នាក់ ទល់ ៣នាក់ ជាមួយក្រុមខ្លាំងកាតា បន្ទាប់ពីឆ្លងកាត់ ៣ប្រកួតកន្លងមកឈ្នះ ១ និងចាញ់២ ។ រីឯមួយប្រភេទកីឡាទៀត គឺកីឡាគ្រិកឃីត ដែលត្រូវប្រកួតបញ្ចប់ពូលB ជាមួយក្រុមហុងកុង។សូមបញ្ជាក់ថា កម្ពុជា បានបញ្ចូនប្រតិភូ និងអត្តពលិកសរុបជិត ១៩០នាក់ លើ ១៧ប្រទេសកីឡា ចូលរួមប្រកួតកីឡាអាស៊ី លើកទី១៩ ចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ឆ្នាំ២០២៣ ខណៈមកទល់ពេលនេះ មានអត្តពលិក ៥ប្រភេទកីឡាហើយ ដែលបានបញ្ចប់ការប្រកួតរបស់ខ្លួន តែពុំទទួលបានមេដាយអ្វីឡើយ គឺមានកីឡាបាល់ទះបុរសក្នុងសាល យូដូ គុនដាវ តេក្វាន់ដូ WT និងកីឡាហែលទឹក៕ អត្ថបទ លី ឈុនឡា

Feyenoord បន្ថែមមួយគ្រាប់ទៀតយកឈ្នះ Ajax ៤-០ ប្រកួតបង្គ្រប់ពីការប្រកួតដែលផ្អាកត្រឹមនាទី ៥៦

បីថ្ងៃបន្ទាប់ពីការប្រកួតរវាង Ajax និង Feyenoord ត្រូវបានផ្អាកត្រឹមនាទីទី ៥៦ ក្រុមទាំងពីរបានប្រកួតបង្គ្រប់បន្ថែមនៅថ្ងៃពុធម្សិលមិញ ខណៈក្រុមភ្ញៀវ Feyenoord បន្ថែមគ្រាប់បាល់មួយគ្រាប់ទៀត។Feyenoord បាននាំមុខ ៣-០ ទៅហើយនៅកីឡដ្ឋាន Johan Cruyff Arena មុនពេលការប្រកួតត្រូវបានផ្អាកមិនអាចបន្តបានត្រឹមនាទីទី ៥៦ ក្រោយអ្នកគាំទ្រក្រុមម្ចាស់ផ្ទះចោលកាំជ្រួចផ្សែងមកលើទីលាន។ក្រោយការប្រកួតត្រូវបានផ្អាក ក៏មិនស្ងប់ស្ងាត់ដែរ អ្នកគាំទ្របានព្យាយាមរត់ចូលទីលាន មុនពេលអាជ្ញាធរមានសមត្ថកិច្ចប្រើឧស្ម័នបង្ហូរទឹកភ្នែក ដើម្បីបំបែកក្រុមអ្នកគាំទ្របង្កភាពចលាចលនៅខាងក្រៅកីឡដ្ឋាន។ជំនួបបង្ហើយនាទីដែលនៅសល់នេះ គឺជាការប្រកួតបិទទ្វាមិនអនុញ្ញាតឱ្យមានអ្នកគាំទ្រចូលទស្សនាឡើយ ខណៈក្រុមភ្ញៀវ Feyenoord រកបានមួយគ្រាប់បន្ថែមដោយ Santiago Gimenez មានន័យថាជាគ្រាប់បាល់ Hat-Trick បន្ទាប់ ពីកីឡាករម៉ិកស៊ិករូបនេះរកបានពីរគ្រាប់ពេលប្រកួតមុនផ្អាក។បរាជ័យ ៤-០ នេះធ្វើឱ្យគ្រូបង្វឹក Ajax លោក Maurice Stejin កាន់តែមានសំពាធ ខណៈក្រុមធ្លាក់ដល់លេខ ១៤ ក្រោយចាប់ផ្តើមរដូវកាលថ្មីឈ្នះតែមួយប្រកួតគត់ ក្រៅពីនោះស្មើ ២ ចាញ់ ២ ក្រោយលេងបាន ៥ ប្រកួតរដូវកាលថ្មីលីគ កំពូលហូឡង់៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

Bloomberg៖ EU គ្រោងនឹងអនុម័តកញ្ចប់ទណ្ឌកម្មទី២២ នៅខែតុលា និងដាក់ក្រុមហ៊ុន ១.៦០០ ក្នុងបញ្ជីខ្មៅ

ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជួបសំណេះសំណាល និងផ្តល់អនុសាសន៍ដល់ក្រុមនិស្សិតជ័យលាភីអាហារូបករណ៍រដ្ឋាភិបាលហុងគ្រី ឆ្នាំសិក្សា ២០២៦-២០២៧

ការគាំទ្រជាច្រើនទសវត្សរ៍របស់អាមេរិក ចំពោះអ៊ីស្រាអែល ប្រឈមបាត់បង់ក្រុមប្រជាធិបតេយ្យ

ក្រុមនិយោជកកូរ៉េ សរសើរពលករកម្ពុជាឧស្សាហ៍ និងស្មោះត្រង់លើការងារ ហើយគ្រោងស្នើរដ្ឋាភិបាលខ្លួន បន្ថែមកូតាពលករកម្ពុជា

ការវាយប្រហារតាមអាកាសរបស់អ៊ីស្រាអែល ធ្លាក់លើវិហារអ៊ីស្លាមនៅតំបន់ហ្កាហ្សាបណ្តាលឲ្យផ្ទុះខ្លាំង

ពិព័រណ៍ និងសន្និសីទអន្តរជាតិនៅកម្ពុជាឆ្នាំ២០២៦ មានស្តង់ជាងពីររយមកពីប្រទេសចំនួន ១៥ បានចូលរួម

ពិព័រណ៍មិនអចិន្ត្រៃយ៍ស្តីពី «ការយាងត្រឡប់មកវិញនៃព្រលឹងដូនតា៖ វត្ថុសិល្បៈខ្មែរ ដែលបានបាត់បង់ និងការទាមទារបញ្ជូនត្រឡប់មកកម្ពុជាវិញ»

មជ្ឃមណ្ឌលបណ្ដុះបណ្ណាល PTCST ផ្តល់អាហារូបករណ៍ ២ពាន់កន្លែងដល់យុវជនមកពីគ្រួសារក្រីក្រ និងងាយរងហានិភ័យ នៅក្នុងខេត្តស្ទឹងត្រែង តាមរយៈកម្មវិធី TVET 1.5M

វិទ្យាស្ថាន NTTI ផ្តល់អាហារូបករណ៍ជិត ២ពាន់កន្លែងលើជំនាញចំនួន៨ ដល់យុវជនដែលមកពីគ្រួសារក្រីក្រ និងងាយរងហានិភ័យដោយទទួលបានប្រាក់ឧបត្ថម្ភ

រដ្ឋមន្រ្តីសុខាភិបាល៖ «ការបង្កើតទម្លាប់ល្អក្នុងការងារ ជាគន្លឹះសម្រាប់ការបង្កើនគុណភាព ប្រសិទ្ធភាព និងសក្ដិសិទ្ធិភាពនៃសមិទ្ធផល»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Gennaro Gattuso៖ ដឹកនាំ Marseille ចូល Top4 ទើបមានឱកាសបន្តកុងត្រា

Liverpool យល់ព្រមលក់ភាគហ៊ុនតូចមួយឱ្យក្រុមហ៊ុនវិនិយោគ Dynasty Equity

John Higgins និង Mark Allen ធ្លាក់ត្រឹមជុំទី ២ ស្នូកឃ័រជើងឯក British Open

ជប៉ុនឈ្នះកោះសាម័របើកផ្លូវឱ្យអង់គ្លេសឡើងវគ្គ ៨ ក្រុមចុងក្រោយបាល់ឱបពិភពលោក

Ryder Cup បង្ហាញគូប្រកួតជុំដំបូងថ្ងៃសុក្រនេះរវាងអឺរ៉ុប និង អាមេរិក

ជប៉ុន អារ៉ាប៊ីសាអ៊ូឌីត និងអ៊ូសប៊ែគីស្ថានឡើងវគ្គ ៨ ក្រុមចុងក្រោយបាល់ទាត់នៅកីឡាអាស៊ី

FIA បដិសេធសំណើចូលរួម F1 របស់ក្រុមប្រណាំង Rodin Cars ដែលមានអ្នកបើកបរជានារី

ខាន់ ចេសា នឹងត្រូវជួបកីឡាការិនីអាមេរិកដណ្ដើមខ្សែក្រវាត់ពិភពលោក នាព្រឹកស្អែក

Asian Games៖ ម្ចាស់មេដាយមាសស៊ីហ្គេម ឈុន ប៊ុនថន ប្រកួតថ្ងៃស្អែកលើវិញ្ញាសា ១,៥០០ម៉ែត្រ

Feyenoord បន្ថែមមួយគ្រាប់ទៀតយកឈ្នះ Ajax ៤-០ ប្រកួតបង្គ្រប់ពីការប្រកួតដែលផ្អាកត្រឹមនាទី ៥៦

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Gennaro Gattuso៖ ដឹកនាំ Marseille ចូល Top4 ទើបមានឱកាសបន្តកុងត្រា

Liverpool យល់ព្រមលក់ភាគហ៊ុនតូចមួយឱ្យក្រុមហ៊ុនវិនិយោគ Dynasty Equity

John Higgins និង Mark Allen ធ្លាក់ត្រឹមជុំទី ២ ស្នូកឃ័រជើងឯក British Open

ជប៉ុនឈ្នះកោះសាម័របើកផ្លូវឱ្យអង់គ្លេសឡើងវគ្គ ៨ ក្រុមចុងក្រោយ​បាល់ឱប​ពិភពលោក

Ryder Cup បង្ហាញគូប្រកួតជុំដំបូងថ្ងៃសុក្រនេះរវាងអឺរ៉ុប និង អាមេរិក

ជប៉ុន អារ៉ាប៊ីសាអ៊ូឌីត និងអ៊ូសប៊ែគីស្ថានឡើងវគ្គ ៨ ក្រុមចុងក្រោយបាល់ទាត់នៅកីឡាអាស៊ី

FIA បដិសេធសំណើចូលរួម F1 របស់ក្រុមប្រណាំង Rodin Cars ដែលមានអ្នកបើកបរជានារី

ខាន់ ចេសា នឹងត្រូវជួបកីឡាការិនីអាមេរិកដណ្ដើមខ្សែក្រវាត់ពិភពលោក នាព្រឹកស្អែក

Asian Games៖ ម្ចាស់មេដាយមាសស៊ីហ្គេម ឈុន ប៊ុនថន ប្រកួតថ្ងៃស្អែកលើវិញ្ញាសា ១,៥០០ម៉ែត្រ

Feyenoord បន្ថែមមួយគ្រាប់ទៀតយកឈ្នះ Ajax ៤-០ ប្រកួតបង្គ្រប់ពីការប្រកួត​ដែលផ្អាក​ត្រឹមនាទី ៥៦

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជប៉ុនឈ្នះកោះសាម័របើកផ្លូវឱ្យអង់គ្លេសឡើងវគ្គ ៨ ក្រុមចុងក្រោយបាល់ឱបពិភពលោក

Feyenoord បន្ថែមមួយគ្រាប់ទៀតយកឈ្នះ Ajax ៤-០ ប្រកួតបង្គ្រប់ពីការប្រកួតដែលផ្អាកត្រឹមនាទី ៥៦