BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

Vincenzo Montella បង្ហាញមុខផ្លូវការជាគ្រូបង្គោលក្រុមជម្រើសជាតិទួកគី

សហព័ន្ធកីឡាបាល់ទាត់ទួកគីបានបង្ហាញមុខផ្លូវការ គ្រូបង្គោលក្រុមជម្រើសជាតិថ្មីលោក Vincenzo Montella នៅថ្ងៃពុធម្សិលមិញនេះ។ អតីតខ្សែប្រយុទ្ធអ៊ីតាលី Vincenzo Montella ត្រូវបានប្រកាសតែងតាំងឱ្យដឹកនាំក្រុមជម្រើសជាតិទួកគីនៅថ្ងៃព្រហស្បតិ៍សប្តាហ៍មុន បន្ទាប់ពីការចាកចេញរបស់គ្រូបង្វឹកសញ្ជាតិអាល្លឺម៉ង់ Stefan Kuntz។លោក Stefan Kuntz ត្រូវបានសហព័ន្ធបាល់ទាត់ទួកគីបញ្ចប់តំណែងក្រោយទទួលរងការរិះគន់ខ្លាំងពីបរាជ័យក្រោមថ្វីជើងជប៉ុន ៤-២ លក្ខណៈមិត្តភាព។ ទួកគីក្លាយជាក្រុមជម្រើសជាតិទី ២ ដែលដកតំណែងគ្រូបង្វឹកក្រោយចាញ់ជប៉ុន បន្ទាប់ពីអាល្លឺម៉ង់ក៏បានដកតំណែងគ្រូបង្វឹក Hansi Flick ដែរក្រោយចាញ់ជប៉ុន ៤-១ ក្នុងជំនួបមិត្តភាពកាលពីសប្តាហ៍មុន។ ទួកគីបានខកខានបង្ហាញខ្លួននៅ World Cup តាំងពីឆ្នាំ ២០០២ តែកំពុងស្ថិតក្នុងចំណាត់ថ្នាក់ល្អក្នុងការប្រកួតជម្រុះ Euro 2024។ចំណែកឯលោក Vincenzo Montella បច្ចុប្បន្នវ័យ ៤៩ ឆ្នាំ ធ្លាប់ចំណាយពេលដឹកនាំក្លិបអាជីពនៅទឹកដីទួកគីផងដែរគឺដឹកនាំក្រុម Adana Demirspor រយៈពេល ២ ឆ្នាំ មុនពេលចែកផ្លូវគ្នាកាលពីខែមិថុនាកន្លងទៅ។ លោក Montella ក៏ធ្លាប់ដឹកក្លិបធំៗនៅអ៊ីតាលីផងដែររួមមាន AC Milan និង Fiorentina ក៏ដូចជាធ្លាប់ដឹកនាំក្លិបអេស្ប៉ាញ Sevilla។មកដល់ទឹកដីទួកគីនេះ Montella បានចុះហត្ថលេខាងដឹកនាំក្រុមជម្រើសជាតិ ៣ ឆ្នាំ៕ អត្ថបទ៖នាង សុភាវុធ

Marseille តែងតាំងអតីតអ្នកចាត់ការ AC Milan លោក Gennaro Gattuso

ក្លិបបាល់ទាត់បារាំង Olympique de Marseille បានប្រកាសតែងតាំងអ្នកចាត់ការថ្មីលោក Gennaro Gattuso ដែលជាអតីតខ្សែបម្រើ និងអ្នកចាត់ការក្លិបអ៊ីតាលី AC Milan។បុរសវ័យ ៤៥ ឆ្នាំរូបនេះបានចុះហត្ថលេខាដឹកនាំ Marseille ត្រឹមដំណាច់រដូវកាលថ្មីនេះប៉ុណ្ណោះ អមជាមួយជម្រើសបន្តបន្ថែមមួយរដូវកាលទៀត។ អ្នកចាត់ការសញ្ជាតិអ៊ីតាលីរូបនេះ បានមកជំនួសតំណែងលោកអ្នកចាត់ការអេស្ប៉ាញ Marcelino ដែលបានសំរេចចិត្តដើរចេញពីក្លិបក្រោយមានភាពរកាំរកូសជាមួយអ្នកគាំទ្រ Marseille ដែលតែងតែរិះគន់អត់ឈប់ឈរ។ Marseille កំពុងឈរលេខ ៨ នៅក្របខណ្ឌបារាំង Ligue1 ខណៈនឹងត្រូវជួប Brighton នៅថ្ងៃទី ៥ ខែតុលាខាងមុខក្របខណ្ឌ UEFA Europa League។លោក Gattuso បានដឹកនាំក្លិបអាជីពចុងក្រោយបំផុតនៅ Valencia តែត្រូវបានដកតំណែងកាលពីខែមករាកន្លងទៅ ក្រោយកាន់តំណែងបានត្រឹម ៧ ខែ។ រំលឹកថា Gennaro Gattuso ធ្លាប់ជាកីឡាករអាជីពនៅ AC Milan បង្ហាញខ្លួនបាន ៤៦៨ ប្រកួតចន្លោះឆ្នាំ ១៩៩២ ដល់ឆ្នាំ ២០១២ និងធ្លាប់បង្ហាញខ្លួនឱ្យក្រុមជម្រើសជាតិអ៊ីតាលី ៧៣ លើកផងដែរ៕ អត្ថបទ៖នាង សុភាវុធ

Newcastle ទំលាក់ Manchester City ជុំទី ៣ Carabao Cup

ក្រុមជើងឯករងឆ្នាំមុន Newcastle United បានទំលាក់ក្រុមជើងឯកអង់គ្លេស Manchester City តាំងពីជុំទី ៣ នៃពានរង្វាន់ Carabao Cup ក្រោយជ័យជំនះ ១-០ នៅទឹកដី St. James Park។Newcastle ដែលចាញ់ Manchester United នៅវគ្គផ្តាច់ព្រ័ត្រឆ្នាំមុននោះ បានផ្លាស់ប្តូរជម្រើសដំបូង ១០នាក់ ប្រៀបធៀបនឹងជម្រើសពេលឈ្នះនៅទឹកដី Sheffield United ៨-០ ចុងសប្តាហ៍កន្លងទៅ តែនៅវគ្គទី ១ មិនសូវមានឱកាសលេងបាល់ឡើយ។ Manchester City ក៏បានផ្លាស់ប្តូរជម្រើសដំបូង ៨ នាក់ដែរ និងមានឱកាសច្រើននៅវគ្គទី ១ តែធ្វើមិនបានសំរេច មុនពេល Newcastle រកបានគ្រាប់ជ័យជំនះនៅវគ្គទី ២ ដោយ Alexander Isak ដើម្បីឡើងជុំទី ៤ ជួបជាមួយ Manchester United ម្តងទៀត។Newcastle នៅពេលនេះមិនចាញ់ ៤ ប្រកួតជាប់គ្នា បន្ទាប់ពីចាញ់ ៣ ប្រកួតជាប់គ្នា។ ងាកទៅក្រុមតោខៀវ Chelsea រកបានជ័យជំនះដំបូងក្នុង ៤ ប្រកួតចុងក្រោយ បន្ទាប់ពីយកឈ្នះ Brighton ១-០ ដោយគ្រាប់បាល់របស់ Nicolas Jackson ដើម្បីឡើងជុំទី ៤ ជាមួយ Blackburn Rovers។ចំណែកឯ Liverpool ក៏បន្តដំណើរទៅមុខដែរក្រោយវាយបកយកឈ្នះ Leicester City ៣-១។ Leicester City នាំមុខមុនដោយគ្រាប់បាល់របស់ Kasey McAteer តាំងពីនាទីទី ៣ តែក្រុមរបស់លោក Jurgen Klopp បានវាយបកយកឈ្នះវិញ ៣ គ្រាប់ដោយ Cody Gakpo, Dominik Szoboszlai និង Diogo Jota ដើម្បីបន្តជួប Bournemouth នៅជុំទី ៤។ ចុងក្រោយនេះក្រុមកាំភ្លើងធំ Arsenal ក៏បន្តទៅជុំទី ៤ ដែរក្រោយយកឈ្នះនៅទឹកដី Brentford ១-០ ដោយគ្រាប់បាល់ជ័យជំនះរបស់ Reiss Nelson។ Arsenal នឹងបន្តជួប West Ham នៅជុំទី ៤ ដែលនឹងត្រូវប្រកាសនៅថ្ងៃទី ១ ខែវិច្ឆិកា៕ អត្ថបទ៖នាង សភាវុធ

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

ក្លិបបាល់ទាត់អ៊ីតាលី AC Milan បានប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan និងចាកចេញពីកីឡដ្ឋានចាស់ San Siro របស់ខ្លួន។ក្លិបបានដាក់លិខិតស្នាមទៅកាន់សាលាក្រុងហើយ នូវគម្រោងសាងសង់កីឡដ្ឋានថ្មីរបស់ខ្លួនដែលអាចផ្ទុកទស្សនិកជនបាន ៧០០០០ នាក់ នៅតំបន់ក្រុងរណប San Donato។កីឡដ្ឋានប្រវត្តិសាស្រ្ត San Siro គឺជាទឹកដីរបស់ AC Milan តាំងពីឆ្នាំ ១៩២៦ តែក្រោយមកក៏ត្រូវបានសាងសង់ កែលម្អរ តាំងពី World Cup ១៩៩០។San Siro គឺជាផ្ទះរបស់ក្លិបអ៊ីតាលីធំពីរ AC Milan និង Inter Milan ហើយកន្លងមកក្លិបទាំងពីរក៏ធ្លាប់ចរចាជាមួយគ្នាក្នុងការបន្តកែលំអរបន្ថែមផងដែរ តែមិនត្រូវរ៉ូវគ្នា។ គម្រោងសាងសង់កីឡដ្ឋានថ្មីរបស់ AC Milan នេះ រួមមានការសាងសង់ជាទីស្នាក់ការកណ្តាលរបស់ក្លិប សណ្ឋាគារ ហាងលក់សម្លៀកបំពាក់ និងសារមន្ទីរជាដើម។ ជាមួយគ្នានោះដែរ សារព័ត៌មានអ៊ីតាលីបានចុះផ្សាយថា Inter Milan ក៏មានគម្រោងសាងសង់កីឡដ្ឋានថ្មីរបស់ខ្លួនផងដែរនៅតំបន់ Assago ក៏ស្ថិតនៅភាគខាងត្បូងទីក្រុង Milan ផងដែរ៕ អត្ថបទ៖នាង សុភាវុធ

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អត្តពលិកកម្ពុជា ៥ប្រភេទកីឡា បានបញ្ចប់ភារកិច្ចក្នុងការប្រកួតកីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន ដោយពុំទទួលបានមេដាយនោះទេ រួមមានកីឡាហែលទឹក, តេក្វាន់ដូ WT, យូដូ, គុនដាវ និងកីឡាបាល់ទះបុរសក្នុងសាល ។ រីឯក្រុមបាល់បោះកម្ពុជា បានស្គាល់ជ័យជម្នះលើកដំបូងក្នុងពូលD ក្រោយយកឈ្នះក្រុមគៀហ្ស៊ីគីស្ថាន ១៧-១៥ពិន្ទុ កាលពីម្សិលមិញ ។សម្រាប់កីឡាហែលទឹក បានបញ្ចូនអត្តពលិក ៤រូបចូលរួមប្រកួតកីឡាអាស៊ីឆ្នាំនេះ ហើយកីឡាការិនី ២នាក់ចុងក្រោយ ដែលបានប្រកួតពីម្សិលមិញ គឺកីឡាការិនី ឃឺន ច័ន្ទចរិយា ប្រកួតវិញ្ញាសាហែលផ្ងារ ១០០ម៉ែត្រ ឈរលេខ៨ ក្នុងស៊េរី ប្រើថិរវេលា ១នាទី និង ១០.១០វិនាទី និងកីឡាការិនី សុខ វរល័ក្ខណ វិញ្ញាសាហែលកង្កែប ១០០ម៉ែត្រ ឈរលេខ៧ ក្នុងស៊េរី ប្រើថិរវេលា ១នាទី និង ១៥.៧៤វិនាទី ពុំបានឡើងវគ្គបន្ដឡើយ ។ចំណែកកីឡាតេក្វាន់ដូវិញ អត្តពលិកចុងក្រោយរបស់ខ្លួន គឺកីឡាករ វ៉ា មិថុនា បានប្រកួតចាញ់កីឡាករនេប៉ាល់ Baral Abhishek ទាំងប្រផិតប្រផើយ បន្ទាប់ពីស្មើពិន្ទុគ្នា ៣-៣ពិន្ទុ ក្នុងទឹកទី១ តែសោកស្ដាយទឹកទី២ មិថុនា បានចាញ់ ៥-៨ពិន្ទុ នាំឲ្យអតីតម្ចាស់មេដាយមាសស៊ីហ្គេម លើកទី៣១ រូបនេះ អស់ឱកាសឡើងវគ្គបន្ដ ដូចមិត្តរួមជាតិ ៤រូបផ្សេងទៀតដែរ ។ រីឯក្រុមអត្តពលិកកីឡាគុនដាវ យូដូ និងបាល់ទះបុរសក្នុងសាល សុទ្ធតែបានធ្លាក់ត្រឹមវគ្គជម្រុះដូចគ្នា ។ដោយឡែកក្រុមបាល់បោះជម្រើសជាតិកម្ពុជា លើវិញ្ញាសា ៣នាក់ ទល់ ៣នាក់វិញ បន្ទាប់ពីរងបរាជ័យ ២ប្រកួតផ្ទួនៗ ក្រោមថ្វីដៃក្រុមជម្រើសជាតិថៃ និងកាហ្សាក់ស្ថាន កម្ពុជាបានស្គាល់ជ័យជម្នះលើកដំបូងលើក្រុមគៀហ្ស៊ីគីស្ថាន ក្នុងលទ្ធផល ១៧-១៥ពិន្ទុ មុនបន្ដប្រកួតបញ្ចប់ពូលD ជាមួយក្រុមខ្លាំងកាតា នាថ្ងៃទី២៩ ខែកញ្ញា ឆ្នាំ២០២៣ ស្អែក។រីឯវិញ្ញាសាកីឡាក្រុម ១ប្រភេទទៀត គឺកីឡាគ្រិកឃីត ដែលបានចាប់ផ្ដើមការប្រកួតដំបូងរបស់ខ្លួន កាលពីម្សិលមិញ បានចាញ់ក្រុមខ្លាំងជប៉ុន ទាំងប្រផិតប្រផើយ ដោយលទ្ធផល ១២៦-១២៥ពិន្ទុ ។ បរាជ័យនេះ នាំឲ្យក្រុមគ្រិកឃីតកម្ពុជា ត្រូវរង់ចាំអ៊ុតការប្រកួតចុងក្រោយ ជាមួយក្រុមហុងកុង និងជំនួបរវាងជប៉ុន និងហុងកុង ដើម្បីដឹងថា ក្រុមណានឹងឈរកំពូលតារាង ហើយបន្ដដំណើរទៅវគ្គ ៨ក្រុមចុងក្រោយ ។គួរដឹងថា មកទល់ពេលនេះ កម្ពុជានៅសល់កីឡា ១២ប្រភេទទៀត នឹងត្រូវបន្ដការប្រកួត ខណៈនៅថ្ងៃទី២៨ ខែកញ្ញានេះ ពុំមានអត្តពលិកកម្ពុជាត្រូវធ្វើការប្រកួតនោះទេ៕ អត្ថបទ លី ឈុនឡា

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

ក្រុមបាល់ឱបអ៊ុយរូហ្កាយបានយកឈ្នះក្រុមណាំមីប៊ីនៅទីក្រុង Lyon ប្រទេសបារាំង ដែលជាជ័យជំនះក្នុងពូលដំបូងក្នុងព្រឹត្តិការណ៍បាល់ឱបជើងឯកពិភពលោក។ គ្រាប់បាល់ Try ពីរលើកដើមវគ្គទី ១ រកបានដោយ Gerswin Mouton និង JC Greyling ក៏ដូចជាបាល់ពិន័យរបស់ Tiaan Swanepoel បានធ្វើឱ្យណាំមីប៊ីនាំមុខមុនក្នុងវគ្គទី ១។ ចូលវគ្គទី ២ អ៊ុយរូហ្កាយក៏តបតរវិញដោយគ្រាប់បាល់ Try បីរបស់ Baltazar Amaya, Santiago Arata និង Bautista Basso។ណាំមីប៊ីក្រោយមកក៏បាត់បង់កីឡាករម្នាក់នៅពេល Desiderius Sethie ត្រូវបានបណ្តេញចេញ ធ្វើឱ្យណាំមីប៊ីបាត់បង់ឱកាសស្វែងរកជ័យជំនះដំបូងក្នុងប្រវត្តិសាស្រ្តរបស់ខ្លួននៅបាល់ឱបពិភពលោក។ ជ័យជំនហរបស់អ៊ុយរូហ្កាយធ្វើឱ្យពួកគេឈរលេខ ៤ នៅក្នុងពូលនៅឡើយមាន ៥ ពិន្ទុក្រោយលេងបាន៣ ប្រកួតខណៈនូវែហ្ស៊ីឡង់មាន ៥ ពិន្ទុដែរតែលេងបានតែ ២ ប្រកួត។ បារាំង និងអ៊ីតាលីកាន់កាប់កំពូលតារាងនៃពូល A នេះដោយម្ចាស់ផ្ទះបារាំងមាន ១៣ ពិន្ទុ ខណៈអ៊ីតាលីមាន ១០ ពិន្ទុ៕ អត្ថបទ៖នាង សុភាវុធ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

ក្រុមបាល់ទាត់ឈើតុំ-ខេត្តពោធ៍សាត់ បានបញ្ចប់ក្ដីសង្ឃឹមរបស់ក្រុមយុវជនខេត្តបាត់ដំបងហើយ បន្ទាប់ពីវាយបកយកឈ្នះក្រុមម្ចាស់ផ្ទះខេត្តឧត្តរមានជ័យ ដោយលទ្ធផល ៥-១ ក្នុងជំនួបបញ្ចប់ពូលC កាលពីថ្ងៃទី២៧ ខែកញ្ញា ឆ្នាំ២០២៣ ដើម្បីឡើងទៅវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣/២៤ ។ជំនួបដ៏សំខាន់នេះ កីឡាករ ឈាវ ជិនឈាន បានរកគ្រាប់បាល់ជួយឲ្យខេត្តឧត្ដរមានជ័យ នាំមុខគូប្រកួត ១គ្រាប់មុន នៅវគ្គទី១ ប៉ុន្ដែចូលវគ្គទី២ ក្រុមភ្ញៀវឈើតុំ-ខេត្តពោធ៍សាត់ ក៏វាយបករកបាន ៥គ្រាប់ជាបន្ដបន្ទាប់វិញ ដោយកីឡាករ ប៉ាក់ វិសាល ២គ្រាប់ ព្រមទាំងមិត្តរួមក្រុមកីឡាករ ហ៊ន លីហេង, សេន យ៉ារី និង ម៉ាត់ អូម៉ីត ម្នាក់ ១គ្រាប់ ដើម្បីធានា ៣ពិន្ទុបន្ថែមតែម្ដង ។ជ័យជម្នះនេះ នាំឲ្យក្រុមឈើតុំ-ខេត្តពោធ៍សាត់ ឡើងទៅឈរលេខ២ ក្នុងពូលC ដោយមាន ១៥ពិន្ទុ ស្មើក្រុមកំពូលតារាងខេត្ដបន្ទាយមានជ័យ ហើយក្រុមទាំងពីរ បានដឹកដៃគ្នាឡើងវគ្គ ៨ក្រុមចុងក្រោយ ស្របពេលក្រុមយុវជនខេត្តបាត់ដំបង ដែលរកបាន ១៤ពិន្ទុ បានត្រឹមសោកស្ដាយ ដោយធ្លាក់មកឈរលេខ៣ វិញ ពុំទទួលបានឡើងវគ្គបន្ដនោះឡើយ ។ដោយឡែកការប្រកួតបង្គ្រប់កិច្ច ២ប្រកួតទៀត រួមមានខេត្តស្វាយរៀង បានយកឈ្នះក្រុមម្ចាស់ផ្ទះខេត្តកណ្ដាល ៨-២ មុនអស់ភារកិច្ច ដោយឈរចំណាត់ថ្នាក់លេខ៣ ក្នុងពូលB ។ រីឯក្រុមកំពូលតារាងពូលD គឺក្រុមបាល់ទាត់សន្ដិភាព-ខេត្តកំពង់ធំ បានយកឈ្នះក្រុមភ្ញៀវសមាគមកីឡាខេត្តមណ្ឌលគិរី ដោយលទ្ធផល ៤-០ មុនបន្ដដំណើរទៅវគ្គបន្ដ ។គួរដឹងថា មកទល់ពេលនេះ ពានរង្វាន់សម្ដេចតេជោ ហ៊ុន សែន ថ្នាក់ខេត្ត បានរកឃើញបេក្ខភាពឡើងវគ្គ ៨ក្រុមចុងក្រោយហើយ រួមមានពូលA គឺមានក្រុមភ្នំពេញហ្គាឡាក់ស៊ី និងខេត្តព្រះសីហនុ ។ ពូលB មានខេត្តត្បូងឃ្មុំ និងខេត្តកំពង់ចាម ។ ពូលC មានខេត្តបន្ទាយមានជ័យ និងក្រុមឈើតុំ-ខេត្ដពោធិ៍សាត់ និងពូលD មានក្រុមសន្ដិភាព-ខេត្តកំពង់ធំ ខណៈខេត្តសៀមរាប ត្រូវចាំការប្រកួតរបស់រតនៈគិរី និងខេត្តកំពង់ធំថ្ងៃទី២៩ ខែកញ្ញានេះ បើរតនៈគិរីឈ្នះរឺស្មើសៀមរាបធ្លាក់ ផ្ទុយទៅវិញបើរតនៈគិរីចាញ់ សៀមរាបឡើង៕ អត្ថបទ លី ឈុនឡា

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

កីឡាករវាយកូនបាល់លេខ ១ ពិភពលោក Novak Djokovic ដែលជាជើងឯកកម្មវិធី Rome Masters ៦ លើកនោះ បានទំលាក់រ៉ាកែតវាយកូនបាល់របស់ខ្លួនមួយឡែក ស្រវាមកចាប់ដងវាយកូនគោល បង្ហាញនៅក្នុងព្រឹត្តិការណ៍វាយកូនគោល Ryder Cup លើកទី ៤៤ តែជាការបង្ហាញដោយតារាចម្រុះ។កីឡាករស៊ែបរូបនេះទើបឈ្នះជើងឯក Grand Slam លើកទី ២៤ ក្នុងអាជីពស្មើនឹងកំណត់ត្រារបស់អតីតកីឡាការិនី Margaret Court ក្រោយឈ្នះពាន US Open កាលពីដើមខែ។ Djokovic បានចូលរួមលេងកូនគោលជាមួយកីឡាករលេខ ១ ពិភពលោកផ្នែកពិការ Kipp Popert នៃក្រុម Ryder Cup អឺរ៉ុបដឹកនាំដោយ Colin Montgomerie រួមជាមួយនឹងវត្តមាន Gareth Bale ផងដែរ។Djokovic បានចាប់ដៃគូជាមួយ Kipp Popert ប្រកួតជាមួយកីឡាករ F1 អេស្ប៉ាញ Carlos Sainz ដែលទើបឈ្នះការប្រកួតនៅសិង្ហបុរី រួមជាមួយនឹងកីឡាករវាយកូនគោលអ៊ីតាលី Tommaso Perrino ដោយជ័យជំនះបានទៅក្រុម Djokovic ៣-១។ព្រឹត្តិការណ៍វាយកូនគោល Ryder Cup នឹងចាប់ផ្តើមនៅថ្ងៃសុក្រស្អែកនេះដែលជាព្រឹត្តិការណ៍ទី ៤៤ រវាងក្រុមអាមេរិក និងអឺរ៉ុប នៅលើទឹកដីទីក្រុងរ៉ូមប្រទេសអ៊ីតាលី៕ អត្ថបទ៖នាង សុភាវុធ

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា

ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ ទទួលការងារអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ និងជាប្រធានសហព័ន្ធកីឡាសូហ្វតិន្នីស បានជំរុញឲ្យកីឡាករ-កីឡាការិនី ពិសេសយុវជនត្រូវបន្ដខំប្រឹងកាន់តែខ្លាំង ដើម្បីត្រៀមការប្រកួតនានា ក៏ដូចជាការក្របខណ្ឌអន្ដរជាតិជាដើម ។ការជំរុញនេះ ធ្វើឡើងក្នុងពិធីបិទការប្រកួតកីឡាសូហ្វតិន្នីសជ្រើសរើសជើងឯកថ្នាក់ជាតិ ឆ្នាំ២០២៣ កាលពីល្ងាចថ្ងៃទី២៧ ខែកញ្ញា នៅទីលានសហព័ន្ធ ក្នុងពហុកីឡដ្ឋានជាតិ(ស្ដាតអូឡាំពិក) បន្ទាប់ពីដំណើរការប្រកួតរយៈពេល ៥ថ្ងៃ ដែលចាប់ផ្ដើមកាលពីថ្ងៃទី២៣ ខែកញ្ញាកន្លងមក។ប្រធានសហព័ន្ធដដែល បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងរៀបចំរបស់មន្ដ្រីបច្ចេកទេសហព័ន្ធ ពិសេសការចូលរួមរបស់កីឡាករ-កីឡាការិនី តាមក្រសួង និងរាជធានី-ខេត្តនានា ។ ឯកឧត្តមថា ការប្រកួតមានឈ្នះ និងចាញ់ តែក្នុងកម្មវិធីប្រកួតឆ្នាំនេះ គឺជាឱកាសវាស់ស្ទង់សមត្ថភាពកីឡាករ-កីឡាការិនី បន្ទាប់ពីការខំប្រឹងហ្វឹកហាត់ ហើយបន្ទាប់ពីចប់ ទាំងអ្នកទទួលបានជយលាភី និងពុំទទួលបានជយលាភី ត្រូវបន្ដខំប្រឹងបន្ថែមទៀត ដើម្បីសម្រួចសមត្ថភាពឆ្ពោះទៅការប្រកួតអន្ដរជាតិនានា ពិសេសដំណើរឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី ឆ្នាំ២០២៩ តែម្ដង ។យោងតាមរបាយការណ៍ការប្រកួត ព្រឹត្តិការណ៍ប្រចាំឆ្នាំ ដែលឧបត្ថម្ភគាំទ្រដោយក្រសួងអប់រំ យុវជន និងកីឡា នេះ គឺមានប្រតិភូកីឡាចូលរួមសរុប ៩៥នាក់ មកពី ៧សមាគម ដែលធ្វើការប្រកួតលើ ១២វិញ្ញា ។ ជាលទ្ធផលសមាគមដណ្ដើមបានមេដាយច្រើនជាងគេ គឺមានសមាគមកីឡាសូហ្វតិន្នីសក្រសួងមហាផ្ទៃ ជាប់ចំណាត់ថ្នាក់លេខ១, សមាគមកីឡាសូហ្វតិន្នីសអគ្គស្នងការនគរបាលជាតិ ជាប់ចំណាត់ថ្នាក់លេខ២ និងសមាគមកីឡាសូហ្នតិន្នីស ខេត្តកំពង់ស្ពឺ ជាប់ចំណាប់ថ្នាក់លេខ៣៕ អត្ថបទ លី ឈុនឡា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

ការប្រកួតកីឡាបាល់ទាត់ក្នុងព្រឹត្តិការណ៍កីឡាអាស៊ីលើកទី ១៩ នៅទីក្រុងហាន់ចូវប្រទេសចិន រកបានក្រុមឡើងវគ្គ ៨ ក្រុមចុងក្រោយបណ្តើៗហើយ ខណៈម្ចាស់ផ្ទះចិន និងបងប្អូនកូរ៉េទាំងពីរសុទ្ធតែកក់កៅអីវគ្គបន្ត។គូដំបូងនេះ ក្រុមម្ចាស់ផ្ទះចិនបានយកឈ្នះក្រុមកាតា ១-០ ដោយគ្រាប់បាល់របស់ Tao Qianglong តាំងពីនាទីទី ៣ និងមិនមានគ្រាប់បន្ថែមឡើយ តែវគ្គទី ២ ក្រុមទាំងពីរមានការប៉ះទង្គិចគ្នាមុនចប់ការប្រកួត។ ម៉ោងដំណាល់គ្នាដែរ ហុងកុងក៏បានបន្តដំណើរទៅវគ្គ ៨ ក្រុមចុងក្រោយដែរក្រោយយកឈ្នះប៉ាឡេស្ទីន ១-០ ដូចគ្នា ដោយគ្រាប់បាល់របស់ Matthew Orr នៅនាទីទី ៤៨។ ងាកមកក្រុមការពារមេដាយមាសកូរ៉េ មិនមានឧបសគ្គធំដុំឡើយនៅពេលជួបជាមួយគីជីស្ថាន ក្រោយយកឈ្នះលទ្ធផលធំធេង ៥-១។ ពីរគ្រាប់នាំមុខរបស់កូរ៉េកើតឡើងតាំងពី ២ ដំបូងមុនពេលដែលគីជីស្ថានតបបានមួយគ្រាប់វិញ តែកូរ៉េក៏បន្ថែមការនាំមុខ ៣ គ្រាប់ទៀតនៅវគ្គទី ២។ គូបន្តទៀតនេះ អ៊ីរ៉ង់ទំលាកថៃជាមួយនឹងជ័យជំនះ ២-០ ខណៈដែលកូរ៉េខាងជើងបន្តជ័យជំនះទី ៤ របស់ខ្លួននៅកីឡាអាស៊ីឆ្នាំនេះក្រោយយកឈ្នះបារ៉ែន ២-០ ផងដែរ។ វគ្គ ១៦ ក្រុមចុងក្រោយនឹងត្រូវប្រកួតបន្តទៀតថ្ងៃនេះ តែវគ្គ ៨ ក្រុមចុងក្រោយបានគូជួបគ្នាខ្លះដែររួមមានចិន ត្រូវជួបក្រុមការពារមេដាយកូរ៉េ អ៊ីរ៉ង់ជួបហុងកុង ខណៈកូរ៉េខាងជើងរង់ចាំជួបអ្នកឈ្នះរវាងជប៉ុន និងមីយ៉ាន់ម៉ា៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

បារាំងជម្លៀសមនុស្ស ៤ពាន់នាក់បន្ថែម ខណៈចំហេះព្រៃនាំឱ្យជាង ៣០ម៉ឺននាក់ភៀសខ្លួន នៅភាគនិរតីទ្វីបអឺរ៉ុប

សម្ពាធកើនឡើងលើអធិការបតីអាល្លឺម៉ង់ លោក Merz ក្រោយមានការរុះរើគណៈរដ្ឋមន្ត្រីដ៏ចម្រូងចម្រាស

ចិនថ្កោលទោសវិធានការរបស់សហរដ្ឋអាមេរិក ក្នុងការដាក់ទណ្ឌកម្មលើស្ថាប័នស្រាវជ្រាវចិន

ទោះប្រឈមភាពមិនប្រាកដប្រជាសកល និងការឈ្លានពានពីថៃ កម្ពុជានៅតែទាក់ទាញ FDI កើន ១៨%

រដ្ឋបាលលោក Trump ហាមឃាត់មនុស្សយន្តរូបរាងដូចមនុស្សថ្មីរបស់ចិន ដើម្បីការពារ AI របស់អាមេរិក

Bloomberg៖ EU គ្រោងនឹងអនុម័តកញ្ចប់ទណ្ឌកម្មទី២២ នៅខែតុលា និងដាក់ក្រុមហ៊ុន ១.៦០០ ក្នុងបញ្ជីខ្មៅ

ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជួបសំណេះសំណាល និងផ្តល់អនុសាសន៍ដល់ក្រុមនិស្សិតជ័យលាភីអាហារូបករណ៍រដ្ឋាភិបាលហុងគ្រី ឆ្នាំសិក្សា ២០២៦-២០២៧

ការគាំទ្រជាច្រើនទសវត្សរ៍របស់អាមេរិក ចំពោះអ៊ីស្រាអែល ប្រឈមបាត់បង់ក្រុមប្រជាធិបតេយ្យ

ក្រុមនិយោជកកូរ៉េ សរសើរពលករកម្ពុជាឧស្សាហ៍ និងស្មោះត្រង់លើការងារ ហើយគ្រោងស្នើរដ្ឋាភិបាលខ្លួន បន្ថែមកូតាពលករកម្ពុជា

ការវាយប្រហារតាមអាកាសរបស់អ៊ីស្រាអែល ធ្លាក់លើវិហារអ៊ីស្លាមនៅតំបន់ហ្កាហ្សាបណ្តាលឲ្យផ្ទុះខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Vincenzo Montella បង្ហាញមុខផ្លូវការជាគ្រូបង្គោលក្រុមជម្រើសជាតិទួកគី

Marseille តែងតាំងអតីតអ្នកចាត់ការ AC Milan លោក Gennaro Gattuso

Newcastle ទំលាក់ Manchester City ជុំទី ៣ Carabao Cup

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Vincenzo Montella បង្ហាញមុខផ្លូវការជាគ្រូបង្គោលក្រុមជម្រើសជាតិទួកគី

Marseille តែងតាំងអតីតអ្នកចាត់ការ AC Milan លោក Gennaro Gattuso

Newcastle ទំលាក់ Manchester City ជុំទី ៣ Carabao Cup

AC Milan ប្រកាសគម្រោងសាងសង់កីឡដ្ឋានថ្មីនៅភាគខាងត្បូងទីក្រុង Milan

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះ​លើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូង​នៅការប្រកួតបាល់ឱប​ពិភពលោកឆ្នាំនេះ

Hun Sen Cup៖ ឈើតុំ-ពោធ៍សាត់ វាយបកឈ្នះឧត្ដរមានជ័យ ៥-១ បញ្ចប់ក្ដីសង្ឃឹមបាត់ដំបង

Novak Djokovic ចោលរ៉ាកែតស្រវាដងវាយកូនគោលចូលរួមការប្រកួត Ryder Cup

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹង​ត្រៀមការ​ប្រកួតអន្ដរជាតិនានា

ចិន និងបងប្អូនកូរ៉េទាំងពីរឡើងវគ្គ ៨ ក្រុមចុងក្រោយវិញ្ញាសាបាល់ទាត់កីឡាអាស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡា ៥ប្រភេទបញ្ចប់ភារកិច្ចមុនគេក្នុងកីឡាអាស៊ី ខណៈបាល់បោះស្គាល់ឈ្នះលើកដំបូង

អ៊ុយរូហ្កាយឈ្នះណាំមីប៊ី ៣៦-២៦ ជាជ័យជំនះដំបូងនៅការប្រកួតបាល់ឱបពិភពលោកឆ្នាំនេះ

ប្រធានសហព័ន្ធសូហ្វតិន្នីស ជំរុញកីឡាករ-កីឡាការិនី ពិសេសយុវជនឲ្យខំប្រឹងត្រៀមការប្រកួតអន្ដរជាតិនានា