BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

សហព័ន្ធកីឡាកាយសម្ព័ន្ធកម្ពុជា បានរៀបចំវគ្គបណ្ដុះបណ្ដាលគ្រូបង្វឹកអាអេរ៉ូប៊ិកកម្រិត១ និងបោះជំរំ រយៈពេល ៥ថ្ងៃ ចាប់ពីថ្ងៃទី២២-២៦ ខែកញ្ញា ឆ្នាំ២០២៣ នៅខេត្តកំពង់ឆ្នាំង ដើម្បីពង្រឹងជំនាញគ្រូបង្វឹកតាមក្លិប និងធានាបាននូវនិរន្ដរភាពនៃការអភិវឌ្ឍ តាមរយៈការរួមចំណែកបណ្ដុះបណ្ដាលធនធានកីឡាករ-កីឡាការិនីបន្ដវេន ។លោក ណយ ផាណា អគ្គលេខាធិការសហព័ន្ធ បានបញ្ជាក់ថា វគ្គបណ្ដុះបណ្ដាល ទទួលបានការឧបត្ថម្ភគាំទ្រពីក្រសួងអប់រំ យុវជន និងកីឡានេះ មានសិក្ខាកាមចូលរួម ២២នាក់ ក្នុងនោះមានស្ដ្រី ៤នាក់ មកពី ៤រាជធានី-ខេត្ត រួមមានរាជធានីភ្នំពេញ ខេត្តកំពង់ចាម ខេត្តក្រចេះ និងម្ចាស់ផ្ទះខេត្តកំពង់ឆ្នាំង ។ លោកថា វគ្គនេះ ពិតជាមានសារៈសំខាន់ ដើម្បីបញ្ជ្រាបចំណេះដឹង បង្កើននូវសមត្ថភាពបច្ចេកទេសជូនដល់លោកគ្រូ-អ្នកគ្រូ តាមបណ្ដាក្លិបកីឡាកាយសម្ព័ន្ធ ក៏ដូចជាកីឡាករ-កីឡាការិនីវ័យក្មេង ដែលបានចូលរួមបោះជំរំ។មន្ដ្រីជំនាញដដែលបន្ដថា ដោយសារគ្រូបង្វឹកតាមក្លិប នៃខេត្តមួយចំនួន នៅមានកម្រិត ដូច្នេះទើបសហព័ន្ធរៀបចំវគ្គនេះ ដោយអញ្ជើញគ្រូឧទ្ទេសកម្រិតអន្ដរជាតិពីរាជធានីភ្នំពេញ ដើម្បីចែករំលែកចំណេះដឹង និងពន្យល់ពីគន្លឹះសំខាន់ៗ ដើម្បីអភិវឌ្ឍន៍ធនធានកីឡាករ-កីឡាការិនីកីឡាកាយសម្ព័ន្ធឲ្យកាន់តែប្រសើរឡើង ស្របតាមនិយាមអន្ដរជាតិ ពិសេសដើម្បីចូលរួមផលិតធនធានកីឡាករ-កីឡាការិនីវ័យក្មេង ត្រៀមឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី លើកទី៥ ឆ្នាំ២០២៩ នៅកម្ពុជាផងដែរ ៕ អត្ថបទ លី ឈុនឡា

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាករហែលទឹកកូនកាត់ខ្មែរ-បារាំង កូសុងដឹ ឡាប៉ារង់អង់ត្វ័នម៉ាកាំងក្ដូឌ (Antoine) បានបំបែកកំណត់ត្រាជាតិ(National Record) លើវិញ្ញាសាហែលរបៀបផ្ងារ ៥០ម៉ែត្របុរស បន្ទាប់ពីប្រើថិរវេលាត្រឹម ២៦.៧៧វិនាទី នៅក្នុងការប្រកួតកីឡាអាស៊ី(Asian Games) លើកទី១៩ នៅទីក្រុង Hangzhou ប្រទេសចិន កាលពីថ្ងៃទី២៥ ខែកញ្ញា ឆ្នាំ២០២៣ ។យោងតាមគ្រូបង្វឹកលោក ហែមថុន ពន្លឺ បានបញ្ជាក់ថា Antoine មិនបានឡើងវគ្គបន្ដក្នុងព្រឹត្តិការណ៍ប្រជុំដោយកីឡាករជើងខ្លាំងនេះទេ ប៉ុន្ដែថិរវេលា ដែលរូបគេធ្វើបានលើវិញ្ញាសាហែលផ្ងារ ៥០ម៉ែត្រ គឺប្រកៀកប្រកិតជាមួយបណ្ដាកីឡាករអាស៊ាន ហើយបើធៀបនឹងលទ្ធផលស៊ីហ្គេម ឆ្នាំ២០២៣ កីឡាករជម្រើសជាតិកម្ពុជារូបនេះ ឈរលំដាប់លេខរៀងទី៦ ។គ្រូបង្វឹកដដែលរំលឹកថា កាលពីស៊ីហ្គេម លើកទី៣២ ក្នុងវិញ្ញាសាដូចគ្នា កីឡាករកូនកាត់ខ្មែរ-បារាំងរូបនេះ ប្រើថិរវេលា ២៦.៩៦វិនាទី តែពេលនេះ គេប្រើថិរវេលាត្រឹម ២៦.៧៧វិនាទីប៉ុណ្ណោះ ដែលនាំឲ្យគេបានបំបែកកំណត់ត្រាចាស់របស់ខ្លួន ពិសេស Antoine បានបំបែកកំណត់ត្រាជាតិ ដោយបានក្លាយជាកីឡាករកម្ពុជាដំបូង ដែលប្រើថិរវេលាតិចជាងគេទៀតផង ។ដំណាលគ្នានឹងការបំបែកកំណត់ត្រាជាតិលើវិញ្ញាហែលផ្ងារ ៥០ម៉ែត្រ កីឡាករ កូសុងដឹ ឡាប៉ារង់អង់ត្វ័នម៉ាកាំងក្ដូឌ ដដែល ក៏ធ្វើបានល្អលើវិញ្ញាសាហែល ៥០ម៉ែត្រសេរីផងដែរ ដោយប្រើថិរវេលា ២៤.៥៣វិនាទី ឈរលេខរៀងទី២ ក្នុងស៊េរី តែសោកស្ដាយគេមិនបានឈានទៅវគ្គបន្ដ ដោយសារចាញ់ប្រៀបគូប្រជែងនៅស៊េរីផ្សេងៗ ។គួរដឹងថា កីឡាហែលទឹក បានបញ្ជូនកីឡាករ-កីឡាការិនី ៤រូបចូលរួមប្រកួតកីឡាអាស៊ី លើកទី១៩ នៅចិន តែមកទល់ពេលនេះ ពុំទាន់មានកីឡាករ ឬកីឡាការិនីណាឡើងវគ្គបន្ដនោះទេ ហើយកីឡាករ ២រូប មានកីឡាករខ្មែរ-បារាំង Antoine និងកីឡាករខ្មែរ-អាមេរិក មនត្រស ផានសុវណ្ណអារុន បានបញ្ចប់ភារកិច្ចរបស់ខ្លួន នៅសល់តែកីឡាការិនី សុខ វរល័ក្ខណ៍ និងកីឡាការិនី ឃឺន ច័ន្ទចរិយា ដែលត្រូវបន្ដប្រកួត ២វិញ្ញាសាចុងក្រោយ នាថ្ងៃទី២៧ ខែកញ្ញាស្អែក៕ អត្ថបទ លី ឈុនឡា

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ

កីឡាការិនីបាល់ទាត់ឆ្នើមអាមេរិក Megan Rapinoe បានឈានមកដល់ពេលវេលាចូលនិវត្តន៍ពីក្រុមជម្រើសជាតិហើយ ក្រោយចូលលេងការប្រកួតចុងក្រោយឱ្យក្រុមនារីអាមេរិកយកឈ្នះអាហ្វ្រិកខាងត្បូង ២-០ នៅទីក្រុង Chicago។ មុន World Cup 2023 កីឡាការិនីវ័យ ៣៨ ឆ្នាំរូបនេះធ្លាប់បានប្រាប់ពីគំរោងចូលនិវត្តន៍របស់ខ្លួនក្រោយចប់រដូវកាលនៃក្របខណ្ឌលីគបាល់ទាត់នារីអាមេរិក។ ម្ចាស់ជយលាភី World Cup ២ សម័យជាមួយក្រុមអាមេរិក Megan Rapinoe នឹងចូលនិវត្តន៍ជាមួយក្លិបបាល់ទាត់ OL Reign នៅក្របខណ្ឌ NWSL អាមេរិកដែលនឹងបញ្ចប់រដូវកាលនៅថ្ងៃទី ១១ ខែវិច្ឆិកាចុងឆ្នាំនេះ។កាលពីឆ្នាំ ២០១៩ Megan Rapinoe ត្រូវបានបោះឆ្នោតជាកីឡាការិនីឆ្នើមបំផុតប្រចាំឆ្នាំរបស់ FIFA ឈ្នះស្បែកជើងមាស និងបាល់មាស មុនឈានដល់ Ballon d’Or។គិតមកដល់ពេលនេះ Megan Rapinoe បង្ហាញខ្លួនឱ្យក្រុមជម្រើសជាតិអាមេរិកសរុប ២០៣ លើករកបាន ៦៣ គ្រាប់ តាំងពីចូលប្រកួតដំបូងនៅឆ្នាំ ២០០៦ ក្នុងជំនួបមិត្តភាពទល់នឹងអៀកឡង់ និងបានជួយក្រុមអាមេរិកឈ្នះជើងឯកពិភពលោក ២ សម័យនៅឆ្នាំ ២០១៥ និង ២០១៩។Megan Rapinoe ថែមទាំងឈ្នះមេដាយមាសអូឡាំពិក ២០១២ នៅទីក្រុងឡុងដ៍ផងដែរ។ ជាមួយក្លិបអាជីព Rapinoe ចាប់ផ្តើមអាជីពនៅឆ្នាំ ២០០២ ជាមួយក្រុមបាល់ទាត់នារី Elk Grove Pride នៅក្របខណ្ឌ Women’s Premier Soccer League មុនពេលចំណាយពេលនៅទឹកដីអូស្រ្តាលី និង បារាំង ហើយត្រលប់មកអាមេរិកវិញជាមួយក្លិប Seattle Reign រឺឈ្មោះ OL Reign នាពេលបច្ចុប្បន្ន ឈ្នះជើងឯកលីគ ៣ លើក និងខាប់មួយលើក៕ អត្ថបទ៖នាង សុភាវុធ

ប្រធានក្លិបនៅលីគទី ២ កូឡុំប៊ី Tigres FC ត្រូវបាញ់សម្លាប់ក្រោយចាញ់ការប្រកួត

លោក Edgar Paez ដែលជាប្រធានក្លិបបាល់ទាត់ Tigres FC លេងនៅក្របខណ្ឌទី ២ កូឡុំប៊ីត្រូវបានបាញ់សម្លាប់ បន្ទាប់ពីបរាជ័យរបស់ក្រុមកាលពីថ្ងៃសៅរ៍ នេះបើតាមសេចក្តីប្រកាសរបស់ក្លិប។បុរសវ័យ ៦៣ ឆ្នាំរូបនេះបានធ្វើដំណើរតាមរថយន្តផ្ទាល់ខ្លួនជាមួយកូនស្រីរបស់ខ្លួនត្រលប់មកផ្ទះវិញ បន្ទាប់ពីបញ្ចប់ការប្រកួតដែល Tigres FC ចាញ់ក្រុមភ្ញៀវ Atletico FC ២-៣ តែក៏ត្រូវជនដៃដល់ជិះម៉ូតូតាម និងបាញ់សម្លាប់នៅក្បែរកីឡដ្ឋាន។ សំណាងល្អដែរ ដែលកូនស្រីរបស់លោក Edgar Paez មិនមានគ្រោះថ្នាក់ ខណៈដែលអាជ្ញាធរមានសមត្ថកិច្ចកំពុងធ្វើការស៊ើបអង្កេត ដើម្បីតាមចាប់ជនដៃដល់។ ប្រធានសហព័ន្ធបាល់កីឡាបាល់ទាត់កូឡុំប៊ីលោក Fernando Jaramillo បានសំដែងការសោកស្តាយ និងរំលែកទុក្ខជាមួយក្រុមគ្រួសារនៃសព និងបានប្រកាសពីការកាន់ទុក្ខ ដោយស្ងៀមស្ងាត់រំលឹកវិញ្ញាណក្ខន្ធលោក Paez មុនគ្រប់ការប្រកួតបាល់ទាត់ទាំងអស់នៅកូឡុំប៊ីមួយនាទីពីរសប្តាហ៍ជាប់គ្នា។ សូមបញ្ជាក់ថា Tigres FC កំពុងឈរលេខ ១៥ ក្នុងចំណោម ១៦ ក្រុមនៅលីគទី ២ កូឡុំប៊ី ខណៈការសង្ស័យពាក់ព័ន្ធនឹងការសម្លាប់លោក Paez នេះគឺអាចពាក់ព័ន្ធគំនុំ រឺការភ្នាល់៕ អត្ថបទ៖នាង សុភាវុធ

ប្រធានស្ដីទីប្រដាល់គុនខ្មែរ ព្រមានមិនចេញវិញ្ញាបនបត្រជូនសិក្ខាកាមរៀនមិនទៀងទាត់

សហព័ន្ធកីឡាប្រដាល់គុនខ្មែរ នៅព្រឹកថ្ងៃទី២៥ ខែកញ្ញា បានរៀបចំវគ្គបណ្ដុះបណ្ដាលមន្ដ្រីបច្ចេកទេសគ្រប់គ្រងការប្រកួតកីឡាប្រដាល់គុនខ្មែរ គ្រាដែលឯកឧត្តម វ៉ា ស៊ិនភីរម្យ ប្រធានស្តីទីសហព័ន្ធកីឡាប្រដាល់គុនខ្មែរ បានព្រមានមិនឲ្យគណៈគ្រប់គ្រងវគ្គ ចេញវិញ្ញាបនបត្រជូនសិក្ខាកាមណា ដែលមករៀនមិនទៀងទាត់ ឬឈប់ដោយគ្មានមូលហេតុត្រឹមត្រូវនោះទេ ។ប្រធានសហព័ន្ធស្ដីទីសដែល បានចាត់ទុកវគ្គនេះ គឺមានសារៈសំខាន់ណាស់ សម្រាប់ធនធានមន្ដ្រីបច្ចេកទេសបន្ដវេន ក្នុងគោលបំណងលើកកម្ពស់ការយល់ដឹង ពង្រឹងគុណភាព សមត្ថភាពមន្ត្រីបច្ចេកទេសគ្រប់គ្រងការប្រកួត ឲ្យស្របតាមនិយាមបច្ចេកទេសត្រឹមត្រូវតាមបទដ្ឋានជាតិ និងអន្តរជាតិ និងស្របតាមផែនការយុទ្ធសាស្ត្ររបស់សហព័ន្ធ ដើម្បីជំរុញការអភិវឌ្ឍកីឡាប្រដាល់គុនខ្មែរកាន់តែរីកចម្រើន ។តាមរយៈនេះ ឯកឧត្តម វ៉ា ស៊ិនភីរម្យ បានសំណូមពរដល់សិក្ខាកាមទាំងអស់ ត្រូវខិតខំយកចិត្តទុកដាក់សិក្សារៀនសូត្រជាមួយគ្រូឧទ្ទេសជំនាញ ពិសេសហាមអវត្តមានជាដាច់ខាត កំឡុងការសិក្សារយៈពេល ៥ថ្ងៃ ដើម្បីធានាបាននូវប្រសិទ្ធភាពនៃការបង្រៀន និងទទួលចំណេះដឹង ។ ចំពោះសិក្ខាកាមណា អវត្តមាន ឬមករៀនមិនទៀងទាត់ ឯកឧត្តមលើកទឹកចិត្តឲ្យគណៈគ្រប់គ្រងវគ្គ មិនរៀបចំវិញ្ញាបនបត្របញ្ជាក់ការសិក្សាជូនឡើយ ។លោក ទុយ ប៊ុនហឿន អគ្គលេខាធិការរងសហព័ន្ធកីឡាប្រដាល់គុនខ្មែរ បានបញ្ជាក់ថា វគ្គបណ្ដុះបណ្ដាល ក្រោមគម្រោងថវិការបស់ក្រសួងអប់រំ យុវជន និងកីឡានេះ គឺមានរយៈពេល ៥ថ្ងៃ ចាប់ពីថ្ងៃទី២៥-២៩ ខែកញ្ញា ឆ្នាំ២០២៣ ដោយមានសិក្ខាកាមចូលរួមសរុប ៣៥នាក់ ក្នុងនោះក៏មានសិក្ខាកាមជាស្ដ្រីចូលរួមផងដែរ៕ អត្ថបទ លី ឈុនឡា

ជប៉ុនបិទបញ្ចប់ការប្រកួតក្នុងពូល D ឈ្នះប៉ាឡេស្ទីន ១-០ ឡើងវគ្គបន្ត

ការប្រកួតវិញ្ញាសាបាល់ទាត់នៅក្នុងព្រឹត្តិការណ៍កីឡាអាស៊ី Asian Games លើកទី ១៩ នៅទីក្រុងហាន់ចូវ ប្រទេសចិន បានបិទបញ្ចប់វគ្គវិលជុំក្នុងពូលហើយ និងរកបានក្រុមឡើងវគ្គ ១៦ ក្រុមចុងក្រោយ។ទស្សនាការប្រកួតនៅក្នុងពូល D ជប៉ុនបានបន្តជ័យជំនះរបស់ខ្លួនក្នុងពូលដែលមានតែ ៣ ក្រុមដោយយកឈ្នះ ប៉ាឡេស្ទីន ១-០ ដែលជាជ័យជំនះពីរប្រកួតផ្ទួនៗ។ មួយគ្រាប់ជ័យជំនះរបស់ជប៉ុនធ្វើបានដោយ Teppei Yachida នៅនាទីទី ២២ គ្រប់គ្រាន់សម្រាប់ជប៉ុន ដើម្បីទទួលបាន ៣ ពិន្ទុបន្ថែមមានសរុប ៦ ពិន្ទុពេញឡើងវគ្គ ១៦ ក្រុមចុងក្រោយ។ សូមបញ្ជាក់ថាពូល D នេះបានឡើងវគ្គបន្តទាំងអស់ ពោលគឺប៉ាឡេស្ទីនមាន ១ ពិន្ទុជាក្រុមលេខ ២ ខណៈលេខ ៣ កាតាមាន ១ ពិន្ទុដែរបានឡើងវគ្គបន្តដោយសារស្ថិតក្នុងចំណោមក្រុមលេខ ៣ ល្អបំផុត។ វគ្គ ១៦ ក្រុមចុងក្រោយជប៉ុនឡើងជួបមីយ៉ាន់ម៉ា កាតាជួបម្ចាស់ផ្ទះចិន និងប៉ាឡេស្ទីនជួបហុងកុង ខណៈគូដែលត្រូវជួបគ្នានៅវគ្គបន្តផ្សេងទៀតរួមមាន អ៊ីរ៉ង់ជួបថៃ កូរ៉េជួបគីជីស្ថាន កូរ៉េខាងជើងជួបបារ៉ែន ឥណ្ឌាជួបអារ៉ាប៊ីសាអ៊ូឌីត និង អ៊ូសប៊ែគីស្ថានជួបឥណ្ឌូនេស៊ី៕ អត្ថបទ៖នាង សុភាវុធ

ពានរង្វាន់ Svay Rieng Cup U18 រកឃើញបេក្ខភាពវគ្គ ១៦ក្រុមចុងក្រោយ

ការប្រកួតបាល់ទាត់ពានរង្វាន់ស្វាយរៀងខាប់អាយុក្រោម១៨ឆ្នាំ(Svay Rieng Cup U18) ឆ្នាំ២០២៣ បានបញ្ចប់វគ្គជម្រុះតាមពូល និងរកឃើញបេក្ខភាពវគ្គ ១៦ក្រុមចុងក្រោយហើយ បន្ទាប់ពីឆ្លងកាត់ការប្រកួតជាង ១ខែកន្លងមក ។ចំពោះលទ្ធផលការប្រកួតសន្សំពិន្ទុ សប្ដាហ៍ចុងក្រោយ កាលពីចុងសប្ដាហ៍កន្លងទៅ រួមមានក្រុមយុវជនរមាសហែក បានយកឈ្នះក្រុមយុវជនចុងព្រែក ៦-១ ដើម្បីរក្សាកំណត់ត្រាឈ្នះ ៣ប្រកួតជាប់គ្នាក្នុងពូល (ង) ។ រីឯក្រុម ស.ស.យ.ក ស្រុកស្វាយទាប បានយកឈ្នះក្រុមបាទី ៤-២ ដើម្បីទទួលបានកៅអីវគ្គបន្ដ ។ចំណែកក្រុមដារ៉ូពិទូ Sport FC បានយកឈ្នះក្រុមយុវជនតាពៅ ៣-១ និងក្រុម Never Win បានយកឈ្នះក្រុម ស.ស.យ.ក ស្រុកចន្ទ្រា ២-០ ។ ជ័យជម្នះនេះ នាំឲ្យក្រុមទាំងពីរ ទទួលបានកៅអីវគ្គបន្ដរៀងៗខ្លួន ។សម្រាប់បេក្ខភាពត្រូវបានរកឃើញឡើងទៅវគ្គ ១៦ក្រុមចុងក្រោយ រួមមានពូល (ក) ក្រុមយុវជនសាមគ្គី ឈរលេខ១ និងក្រុមត្រកួនទែក ឈរលេខ២ ។ ពូល (ខ) ក្រុមព្រះខ័នរាជស្វាយរៀង U18 ឈរលេខ១, ក្រុមពូប្រុស លីង គួយ ឈរលេខ២ និងក្រុម United SEZ ឈរលេខ៣ ។ ពូល (គ) ក្រុម Blue Dragon ឈរលេខ១, ក្រុម Red Bull ឈរលេខ២ និងក្រុម Never Win ឈរលេខ៣។ពូល (ឃ) ក្រុម M.S.T FC ឈរលេខ១ ក្រុមត្នោត FC ឈរលេខ២ និងក្រុមដារ៉ូពិទូ Sports FC ឈរលេខ៣ ។ ពូល (ង) ក្រុមយុវជនរមាសហែក ឈរលេខ១, ក្រុមយុវជនគគីសោម ឈរលេខ២ និងក្រុមសាលាចំរើនសូនីតា ឈរលេខ៣ និងពូល (ច) ក្រុម ស.ស.យ.ក ស្រុកកំពង់រោទិ៍ ឈរលេខ១ និងក្រុម ស.ស.យ.ក ស្រុកស្វាយទាប ឈរលេខ២ ។ វគ្គ ១៦ក្រុមចុងក្រោយ នៃពានរង្វាន់ Svay Rieng Cup U18 គ្រោងនឹងធ្វើការប្រកួតនាពេលឆាប់ៗខាងមុខនេះ ៕ អត្ថបទ លី ឈុនឡា

ប្រកួតដែលផ្អាក Ajax និង Feyenoord នឹងប្រកួតបង្ហើយពីនាទី ៥៦ នៅថ្ងៃពុធស្អែក

ការប្រកួតដែលបានផ្អាករវាង Ajax និង Feyenoord នឹងត្រូវប្រកួតបង្ហើយពីនាទីទី ៥៦ នៅថ្ងៃពុធស្អែកនេះ នេះបើតាមសេចក្តីប្រកាសរបស់សហព័ន្ធកីឡាបាល់ទាត់ហូឡង់ KNVB។KNVB បានបញ្ជាក់ទៀតថា ជំនួបបង្ហើយនេះគឺជាការប្រកួតបិទទ្វាមិនអនុញ្ញាតឱ្យមានអ្នកគាំទ្រចូលទស្សនាឡើយ។ ការប្រកួតបាល់ទាត់ក្របខណ្ឌលីគកំពូលហូឡង់ ជំនួបធំរបស់ក្លិបយក្សទាំងពីរ Ajax Amsterdam ទទួលស្វាគមន៍ក្រុមភ្ញៀវ Feyenoord ត្រូវបានផ្អាកត្រឹមនាទីទី ៥៦ ក្រោយអ្នកគាំទ្រក្រុមម្ចាស់ផ្ទះចោលកាំជ្រួចផ្សែងមកលើទីលាន។ ក្រុមភ្ញៀវ Feyenoord បាននាំមុខដល់ទៅ ៣-០ ទៅហើយនៅកីឡដ្ឋាន Johan Cruyff Arena មុនពេលការប្រកួតត្រូវបានផ្អាកមិនអាចបន្តបាន ពោលគឺមុននេះក៏មានការផ្អាកពីរលើកដែរ។ក្រោយការប្រកួតត្រូវបានផ្អាក ក៏មិនស្ងប់ស្ងាត់ដែរ អ្នកគាំទ្របានព្យាយាមរត់ចូលទីលាន មុនពេលអាជ្ញាធរមានសមត្ថកិច្ចប្រើឧស្ម័នបង្ហូរទឹកភ្នែក ដើម្បីបំបែកក្រុមអ្នកគាំទ្របង្កភាពចលាចលនៅខាងក្រៅកីឡដ្ឋាន។ សូមបញ្ជាក់ថា ការមិនពេញចិត្តរបស់អ្នកគាំទ្រ Ajax គឺបន្ទាប់ពីក្រមជើងឯកលីគកំពូលហូឡង់ ៣៦ សម័យមួយនេះ ឈ្នះតែ ១ ប្រកួតគត់ក្រោយលេងបាន ៤ ប្រកួតរដូវកាលថ្មីនេះ ខណៈកំពុងឈរលេខ ១៣ ពីលើតំបន់គ្រោះថ្នាក់តែ ២ ពិន្ទុប៉ុណ្ណោះ។ Ajax បញ្ចប់រដូវកាលមុននៅចំណាត់ថ្នាក់លេខ ៣ ខកខានមិនបានលេងនៅក្របខណ្ឌអឺរ៉ុប UEFA Champions League លើកដំបូងក្នុងរយៈពេល ១៣ រដូវកាលចុងក្រោយស្របពេល Feyenoord គឺជាជើងឯក៕ អត្ថបទ៖នាង សុភាវុធ

ក្តីសង្ឃឹមឡើងឈរតំណែងលេខ១ ពិភពលោករបស់ Luca Brecel ត្រូវបង្អាក់ក្រោយចាញ់ Ding Junhui

ក្តីសង្ឃឹមឡើងឈរតំណែងលេខ ១ ពិភពលោករបស់កីឡាករស្នូកឃ័រប៊ែលហ្ស៊ិកត្រូវបានបង្អាក់ ក្រោយបរាជ័យក្រោមស្នាដៃកីឡាករចិន Ding Junhui នៅការប្រកួតពានរង្វាន់ British Open។ជើងឯកពិភពលោក Luca Brecel ត្រូវការយ៉ាងហោចណាស់ឡើងដល់ជុំទី ៣ ដើម្បីឡើងឈរលេខ១ ពិភពលោកពីលើកំពូលកីឡាករស្នូកឃ័រអង់គ្លេសជើងឯកពិភពលោក ៧ សម័យ Ronnie O’Sullivan។តែកីឡាករវ័យ ២៨ ឆ្នាំប៊ែលហ្ស៊ិករូបនេះ ឆ្លងមិនផុតជុំទី ១ ឡើយដោយសារបរាជ័យ ៤-៣ ហ្វ្រេមក្រោមស្នាដៃកីឡាករចិន Ding Junhui ដែលជាអតីតលេខ ១ ពិភពលោកម្នាក់ដែរ។ Luca Brecel ត្រូវបាន Ding Junhui នាំមុខមុន ៣-០ ហ្វ្រេម តែអាចតាមស្មើវិញបានមុនពេលដែល Ding យកឈ្នះនៅហ្វ្រេមកាត់សេចក្តី។ សូមបញ្ជាក់ថា ស្នូកឃ័រពានរង្វាន់ British Open នេះមិនមានវត្តមានរបស់ Ronnie O’Sullivan ចូលរួមឡើយ ដោយសារបញ្ហាសុខភាព។ ថ្វីបើជោគជ័យច្រើននៅលើវិថីកីឡាករស្នូកឃ័រ Ronnie O’Sullivan ពុំសូវជោគជ័យឡើយនៅពានរង្វាន់ British Open នេះ ដោយធ្លាប់ឈ្នះជើងឯកតែម្តងគត់តាំងពីឆ្នាំ ១៩៩៤ និងក្រោយមកធ្លាប់ឡើងដល់វគ្គផ្តាច់ព្រ័ត្រពីរលើកនៅឆ្នាំ ១៩៩៥ ចាញ់ John Higgins និងឆ្នាំ ២០០៣ ចាញ់ Stephen Hendry។ British Open ខកខានរៀបចំការប្រកួតតាំងពីឆ្នាំ ២០០៤ មុនពេលមានកំនែទម្រង់ និងចាប់ផ្តើមរៀបចំឡើងវិញនៅឆ្នាំ ២០២១៕ អត្ថបទ៖នាង សុភាវុធ

ឈើតុំ-ពោធិ៍សាត់ ត្រូវការឈ្នះឧត្តរមានមានជ័យដាច់ខាត ដើម្បីឡើងវគ្គបន្ដពានសម្ដេចតេជោ

ជោគវាសនាក្រុមបាល់ទាត់ឈើតុំ-ខេត្តពោធិ៍សាត់ នឹងដឹងនៅល្ងាចថ្ងៃទី២៧ ខែកញ្ញា ឆ្នាំ២០២៣ ស្អែកនេះហើយ បន្ទាប់ពីជំនួបកាត់សេចក្ដីក្នុងពូលC ជាមួយក្រុម ខេត្តបន្ទាយមានជ័យ ដោយពួកគេត្រូវការឈ្នះដាច់ខាត ដើម្បីឡើងវគ្គបន្ដ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣/២៤ ។នេះគឺជាការប្រកួតបង្គ្រប់កិច្ចសប្ដាហ៍ទី១៧ ហើយក៏ជាជំនួបចុងក្រោយក្នុងពូលC ផងដែរ ។ បច្ចុប្បន្នខេត្តឧ្តរមានជ័យ ដែលរកបាន ៦ពិន្ទុ គឺអស់ឱកាសឡើងវគ្គ ១៦ក្រុមចុងក្រោយហើយ នៅឡើយក្រុមឈើតុំ-ខេត្តពោធិ៍សាត់ ដែលមាន ១២ពិន្ទុ ចាញ់ប្រៀបក្រុមឈរលេខ២ យុវជនខេត្តបាត់ដំបង មាន ១៤ពិន្ទុ តែក្រុមឈើតុំ នៅសល់ ១ប្រកួតក្នុងដៃ ។ដូច្នេះប្រកួត នារសៀលថ្ងៃពុធនេះ ពិតជាសំខាន់ ដើម្បីកំណត់ជោគវាសនាក្រុមឡើងវគ្គបន្ដជាមួយខេត្តបន្ទាយមានជ័យ ពោលគឺក្រុមឈើតុំ ត្រូវការឈ្នះខេត្តឧត្តរមានជ័យដាច់ខាត ទើបពួកគេអាចឡើងវគ្គបន្ដ ខណៈបើស្មើ ឬចាញ់ ឱកាសមាសនេះ នឹងធ្លាក់ទៅក្រុមយុវជនខេត្ដបាត់ដំបងតែម្ដង ។ ទន្ទឹមជាមួយគ្នាដែរ នៅរសៀលថ្ងៃទី២៧ ខែកញ្ញានេះ ក៏មានជំនួនបង្គ្រប់សប្ដាហ៍ទី១៨ ចំនួន ២គូទៀតផងដែរ រវាងខេត្តកណ្ដាល ជាមួយខេត្តស្វាយរៀង ដែលជាជំនួបបង្គ្រប់កិច្ចពូលB បន្ទាប់ពីក្រុមទាំងពីរអស់ឱកាសប្រជែងកៅអីវគ្គបន្ដ និងជំនួបរវាងក្រុមកំពូលតារាងពូលD ក្រុមបាល់ទាត់សន្ដិភាព ខេត្តកំពង់ធំ និងក្រុមឈរលេខរៀងទី៣ រតនគីរីដែលត្រូវការឈ្នះឡើងវគ្គបន្ត៕

បណ្ដាញសង្គម

ព័ត៌មានថ្មីៗ

អ្នកការទូតរុស្ស៊ី៖ លោក ហ្សេឡិនស្គី កំពុងប្រើវិបត្តិនៅអ៊ីរ៉ង់ ដើម្បីស្វែងរកថវិកាបន្ថែមពីសហភាពអឺរ៉ុប

អ្នកនាំពាក្យ MFA ៖ អ៊ុយក្រែននឹងត្រូវទទួលខុសត្រូវចំពោះការវាយប្រហារលើរថយន្តក្រុង នៅក្នុងប្រទេសរុស្ស៊ី

ការចាប់អារម្មណ៍ខ្លាំងដោយរដ្ឋមន្ត្រីការបរទេសអាមេរិក លើគុយបា គឺជាផ្នែកនៃក្តីស្រមៃអាមេរិករបស់លោក

FT៖ កម្លាំងមីស៊ីលរបស់អ៊ីរ៉ង់នៅតែមានប្រសិទ្ធភាព ទោះបីរងការវាយប្រហារពីអាមេរិករយៈពេល ៥ ខែក៏ដោយ

របាយការណ៍៖ កងទ័ពលីបង់រកឃើញឃ្លាំងអាវុធរបស់ក្រុមហេសបូឡា នៅតំបន់សាកល្បង

បារាំងជម្លៀសមនុស្ស ៤ពាន់នាក់បន្ថែម ខណៈចំហេះព្រៃនាំឱ្យជាង ៣០ម៉ឺននាក់ភៀសខ្លួន នៅភាគនិរតីទ្វីបអឺរ៉ុប

សម្ពាធកើនឡើងលើអធិការបតីអាល្លឺម៉ង់ លោក Merz ក្រោយមានការរុះរើគណៈរដ្ឋមន្ត្រីដ៏ចម្រូងចម្រាស

ចិនថ្កោលទោសវិធានការរបស់សហរដ្ឋអាមេរិក ក្នុងការដាក់ទណ្ឌកម្មលើស្ថាប័នស្រាវជ្រាវចិន

ទោះប្រឈមភាពមិនប្រាកដប្រជាសកល និងការឈ្លានពានពីថៃ កម្ពុជានៅតែទាក់ទាញ FDI កើន ១៨%

រដ្ឋបាលលោក Trump ហាមឃាត់មនុស្សយន្តរូបរាងដូចមនុស្សថ្មីរបស់ចិន ដើម្បីការពារ AI របស់អាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ

ប្រធានក្លិបនៅលីគទី ២ កូឡុំប៊ី Tigres FC ត្រូវបាញ់សម្លាប់ក្រោយចាញ់ការប្រកួត

ប្រធានស្ដីទីប្រដាល់គុនខ្មែរ ព្រមានមិនចេញវិញ្ញាបនបត្រជូនសិក្ខាកាមរៀនមិនទៀងទាត់

ជប៉ុនបិទបញ្ចប់ការប្រកួតក្នុងពូល D ឈ្នះប៉ាឡេស្ទីន ១-០ ឡើងវគ្គបន្ត

ពានរង្វាន់ Svay Rieng Cup U18 រកឃើញបេក្ខភាពវគ្គ ១៦ក្រុមចុងក្រោយ

ប្រកួតដែលផ្អាក Ajax និង Feyenoord នឹងប្រកួតបង្ហើយពីនាទី ៥៦ នៅថ្ងៃពុធស្អែក

ក្តីសង្ឃឹមឡើងឈរតំណែងលេខ១ ពិភពលោករបស់ Luca Brecel ត្រូវបង្អាក់ក្រោយចាញ់ Ding Junhui

ឈើតុំ-ពោធិ៍សាត់ ត្រូវការឈ្នះឧត្តរមានមានជ័យដាច់ខាត ដើម្បីឡើងវគ្គបន្ដពានសម្ដេចតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាព​នៃការអភិវឌ្ឍ

កីឡាករកូនកាត់ខ្មែរ-បារាំង Antoine បំបែកកំណត់ត្រាជាតិ ក្នុងព្រឹត្តិការណ៍ Asian Games

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍​ពីក្រុមជម្រើសជាតិ

ប្រធានក្លិបនៅលីគទី ២ កូឡុំប៊ី Tigres FC ត្រូវបាញ់សម្លាប់ក្រោយចាញ់ការប្រកួត

ប្រធានស្ដីទីប្រដាល់គុនខ្មែរ ព្រមានមិនចេញវិញ្ញាបនបត្រ​ជូនសិក្ខាកាមរៀន​មិនទៀងទាត់

ជប៉ុនបិទបញ្ចប់ការប្រកួតក្នុងពូល D ឈ្នះប៉ាឡេស្ទីន ១-០ ឡើងវគ្គបន្ត

ពានរង្វាន់ Svay Rieng Cup U18 រកឃើញបេក្ខភាពវគ្គ ១៦ក្រុមចុងក្រោយ

ប្រកួតដែលផ្អាក Ajax និង Feyenoord នឹងប្រកួតបង្ហើយពីនាទី ៥៦ នៅថ្ងៃពុធស្អែក

ក្តីសង្ឃឹមឡើងឈរតំណែងលេខ១ ពិភពលោករបស់ Luca Brecel ត្រូវបង្អាក់ក្រោយចាញ់ Ding Junhui

ឈើតុំ-ពោធិ៍សាត់ ត្រូវការឈ្នះឧត្តរមានមានជ័យដាច់ខាត ដើម្បីឡើងវគ្គបន្ដពានសម្ដេចតេជោ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាកាយសម្ព័ន្ធបន្ដពង្រឹងគ្រូបង្វឹកតាមក្លិប ដើម្បីធានាបាននូវនិរន្ដរភាពនៃការអភិវឌ្ឍ

កីឡាការិនីអាមេរិក Megan Rapinoe ចូលលេងប្រកួតចុងក្រោយមុនចូលនិវត្តន៍ពីក្រុមជម្រើសជាតិ

ប្រធានស្ដីទីប្រដាល់គុនខ្មែរ ព្រមានមិនចេញវិញ្ញាបនបត្រជូនសិក្ខាកាមរៀនមិនទៀងទាត់