BTV NEWS

ផ្លូវការហើយ Zidane ក្លាយជាគ្រូបង្វឹកថ្មីរបស់ក្រុមជម្រើសជាតិបារាំង

ព្រះខ័នរាជ ណាត់ក្លិបមកពីហុងកុង និងសិង្ហបុរី ប្រកួតពានមិត្តភាពត្រៀមរដូវកាលថ្មី នៅស្ដាតមរតកតេជោ

មន្ដ្រីសហព័ន្ធកម្ពុជាថា SEA V.League គប្បីមានម៉ាឡេស៊ី សិង្ហបុរី និងឡាវ ចូលលេង ក្នុងនាមសមាជិកអាស៊ានដូចគ្នា

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

ព័ត៌មានកីឡា

អង់គ្លេស រៀបចំការប្រកួតប្រណាំងកង់បុរាណដែលមានអាយុកាលជិត ១៥០ ឆ្នាំ

អ្នកចូលចិត្តជិះកង់មកពីទូទាំងចក្រភពអង់គ្លេស បានប្រមូលផ្តុំគ្នា ដើម្បីរំលឹកដល់យុគសម័យអតីតកាល នៃកង់ បុរាណ Penny Farthing ក្នុងការប្រកួតកីឡាប្រណាំងកង់បុរាណ British Penny Farthing Championships នៅទីលានប្រណាំងកង់ Hillingdon ចក្រភពអង់គ្លេស។The Penny Farthing គឺជាកង់ដ៏ល្បីល្បាញមួយ ដែលត្រូវបានផលិតឡើងដំបូងកាលពីជិត ១៥០ ឆ្នាំមុន និងជាប្រភេទកង់ដែលពេញនិយមកាលពីអតីតកាល តាមរយៈការលក់ចេញយ៉ាងច្រើនសន្ធឹកសន្ធាប់។ ឈ្មោះកង់នេះ ត្រូវបានគេដាក់ដើម្បីគោរពដល់កាក់ប្រវត្តិសាស្ត្ររបស់ចក្រភពអង់គ្លេស Penny និង Farthing ដែលតំណាងឱ្យភាពផ្ទុយគ្នាស្រឡះរវាងកង់ខាងមុខដ៏ធំសម្បើម និងកង់ខាងក្រោយតូច។ចាប់តាំងពីឆ្នាំ ១៩៨៦ ព្រឹត្តិការណ៍ Evendale នៅប្រទេសអូស្ត្រាលីបានរៀបចំការប្រកួតជើងឯកពិភពលោក ដោយចាប់ផ្តើមក្នុងយុគសម័យថ្មីសម្រាប់អ្នកដែលចូលចិត្តកង់ប្រភេទនេះទូទាំងពិភពលោក។ទ្វីបអឺរ៉ុបបានធ្វើតាមការប្រណាំងជើងឯករបស់ខ្លួន ហើយឥឡូវនេះចក្រភពអង់គ្លេសកំពុងធ្វើជាម្ចាស់ផ្ទះការប្រកួតជើងឯកអង់គ្លេសជាលើកទីពីរ ដោយបានបង្កើនចំនួនអ្នកចូលប្រកួតពីរដងធៀបនឹងឆ្នាំមុន។សូមបញ្ជាក់ថា មានអ្នកជិះ ២០ នាក់ដែលបានចូលការប្រណាំងកាលពីថ្ងៃអាទិត្យ ខណៈឈ្នះការប្រណាំងផ្នែកបុរសគឺ Charlie Burrell ខណៈដែលអ្នកជិះកង់ប៊ែលហ្ស៊ិក ម្ចាស់ជើងឯកពិភពលោក Evi Dumon ជាអ្នកឈ្នះផ្នែកនារី៕ អត្ថបទ៖នាង សុភាវុធ

Asian Games៖ បាល់បោះកម្ពុជា បន្ដជួបកាហ្សាក់ស្ថាន ក្រោយបើកឆាកចាញ់ថៃ ២១-១០

ក្រុមបាល់បោះជម្រើសជាតិកម្ពុជា នឹងបន្ដជួបក្រុមជម្រើសជាតិកាហ្សាក់ស្ថាន លើវិញ្ញាសា ៣នាក់ ទល់ ៣នាក់ ក្នុងវគ្គជម្រុះពូលD នៃព្រឹត្តិការណ៍កីឡាអាស៊ី(Asian Games) លើកទី១៩ នាល្ងាចថ្ងៃទី២៦ ខែកញ្ញា ឆ្នាំ២០២៣ នៅទីក្រុង Hangzhou ប្រទេសចិន ។នេះគឺជាការប្រកួតទី២ ក្នុងពូល បន្ទាប់ពីប្រកួតបើកឆាកក្រុមបាល់បោះកម្ពុជា ទទួលលទ្ធផលមិនគាប់ប្រសើរ ដោយចាញ់ក្រុមជម្រើសជាតិថៃ ២១-១០ ពិន្ទុ ។ យ៉ាងណាមិញកម្ពុជា នៅសល់ ៣ប្រកួតទៀត ដែលត្រូវការជ័យជម្នះ ដើម្បីប្រជែងកៅអីវគ្គបន្ដ ដោយត្រូវជួបក្រុមកាហ្សាក់ស្ថានល្ងាចនេះ មុនបន្ដជួបក្រុមគៀហ្ស៊ីគីស្ថាន និងកាតា ដែលស្ថិតក្នុងពូលជាមួយគ្នា ។ក្រៅពីកីឡាបាល់បោះ ថ្ងៃនេះដែរ កម្ពុជាក៏មានអត្តពលិក ២ប្រភេទកីឡាតៀត ត្រូវបន្ដការប្រកួតរបស់ខ្លួនផងដែរ រួមមានកីឡាតេក្វាន់ដូ WT គឺមានកីឡាការិនី ម៉ម ជូលី និងកីឡាការិនី ឈឿង អាលីហ្សា ត្រូវប្រកួតវិញ្ញាសាទម្រង់ក្រោម ៥៣គីឡូក្រាម និងទម្រង់ក្រោម ៥៣គីឡូក្រាម និងកីឡាករទូកក្ដោង ៣រូប ត្រូវបន្ដការប្រកួតជម្រុះ រួមមានកីឡាករ កែវ ភានុន, កែវ ភារុណ និងកីឡាករ ញ៉ូវ ចាន់ ៕ អត្ថបទ លី ឈុនឡា

កីឡាការិនីហ្វីលីពីន Mazel Alegado ក្លាយជាអត្តពលិកវ័យក្មេងបំផុតចូលរួមការប្រកួតកីឡាអាស៊ី

កីឡាការិនីវ័យទើបតែ ៩ ឆ្នាំហ្វីលីពីន Mazel Paris Alegado បានក្លាយជាអត្តពលិកវ័យក្មេងបំផុតដែលចូលរួម ក្នុងព្រឹត្តិការណ៍កីឡាអាស៊ី។Mazel Alegado ថ្វីបើមិនបានស្ថិតក្នុងតារាងមេដាយ តែជាការបង្ហាញនូវសេចក្តីក្លាហាន ប្រកួតជាមួយគូប្រកួតដែលមានវ័យច្រើនជាង និងយ៉ាងហោចណាស់ទទួលបានចំណាត់ថ្នាក់លេខ ៧ ក្នុងការប្រកួតវិញ្ញាសាកីឡា ជិះក្តារបន្ទះ (Skateboard)។ ប្រភេទកីឡាមួយនេះ មេដាយមាសបានទៅកីឡាការិនីជប៉ុន Hinano Kusaki ដោយរកបានពិន្ទុខ្ពស់ជាងគេ ៨៨.៨៧ ខណៈមេដាយប្រាក់ និងសំរិទ្ធសុទ្ធតែបានទៅម្ចាស់ចិន។ ចំណែកផ្នែកបុរសវិញ កីឡាករចិន Chen Ye ជាអ្នកឈ្នះមេដាយមាសដោយរកបានពិន្ទុខ្ពស់បំផុត ៨៤.៤១ ខណៈមេដាយប្រាក់និងសំរិទ្ធបានទៅកីឡាករជប៉ុនទាំងពីររូប៕ អត្ថបទ៖នាង សុភាវុធ

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

ក្រុមវាយកូនបាល់ពិភពលោក បានក្លាយជាជើងឯកការប្រកួតវាយកូនបាល់ពានរង្វាន់ Laver Cup ពីរឆ្នាំជាប់ៗគ្នា ក្រោយយកឈ្នះក្រុមអឺរ៉ុបនៅទីក្រុង Vancouver ប្រទេសកាណាដា។ កីឡាករអាមេរិក Ben Shelton និង Frances Tiafoe បានយកឈ្នះ ក្នុងវិញ្ញាសាវាយគូលើក្រុមអឺរ៉ុបដែលមានកីឡាករប៉ូឡូញ Hubert Hurkacz និងកីឡាកររុស្ស៊ី Ruben Rublev ៧-៦(៧-៤) និង ៧-៦(៧-៥) ប្រកួតចុងក្រោយព្រឹកមិញនេះ។ ក្រុមពិភពលោក គឺជាជើងឯកឆ្នាំទៅផងដែរក្នុងឱកាសបង្ហាញខ្លួនចុងក្រោយរបស់កីឡាករស្វ៊ីស Roger Federer មុនចូលនិវត្តន៍។ តាមពិតទៅក្រុមពិភពលោកបាននាំមុខ ១០-២ ដាច់ទៅហើយមុនឈានដល់ការប្រកួតថ្ងៃអាទិត្យម្សិលមិញ បន្ទាប់ពីជ័យជំនះរបស់ Taylor Fritz និង Frances Tiafoe និងវាយគូ Felix Auger-Aliassime ចាប់ដៃគូជាមួយ Ben Shelton ក៏ឈ្នះការប្រកួតដែរ។ ក្រុមអឺរ៉ុបឈ្នះតែមួយប្រកួតគត់គឺកីឡាករន័រវេស Casper Ruud យកឈ្នះ Tommy Paul តែមិនគ្រប់គ្រាន់សម្រាប់ក្រុមអឺរ៉ុបប្រជែងជើងឯកបានឡើយ។ អឺរ៉ុបគឺជាជើងឯក Laver Cup នេះ ៤ ឆ្នាំដំបូងជាប់គ្នាតាំងពីពាននេះបង្កើតឡើងនៅឆ្នាំ ២០១៧៕ អត្ថបទ៖នាង សុភាវុធ

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ក្រុមបាល់ទាត់ U23 ជម្រើសជាតិវៀតណាមបានធ្លាក់ចេញពីការប្រកួតវិញ្ញាសាបាល់ទាត់នៅព្រឹត្តិការណ៍កីឡាអាស៊ីលើទឹកដីចិនហើយក្រោយបរាជ័យក្រោមស្នាដៃអារ៉ាប៊ីសាអ៊ូឌីត ៣-១។ នេះជាជំនួបចុងក្រោយនៅក្នុងពូល B នេះខណៈក្រុមទាំងពីរត្រូវការជ័យជំនះដាច់ខាតរៀងខ្លួន ដើម្បីឡើងវគ្គបន្ត។ អារ៉ាប៊ីសាអ៊ូឌីតជាក្រុមមានប្រៀបដោយមាន ៤ ពិន្ទុមុនការប្រកួត ហើយបីគ្រាប់របស់អារ៉ាប៊ីសាអ៊ូឌីតរកបានដោយ Mohammed Eisa, Khalil Maran និង Zakaria Hawsawi ខណៈវៀតណាមរកបានមួយគ្រាប់នៅចុងម៉ោងដោយគ្រាប់បាល់ចូលទីខ្លួនឯង។ ចប់ការប្រកួតអារ៉ាប៊ីសាអ៊ូឌីតទទួលបាន ៣ ពិន្ទុបន្ថែមមាន ៧ ពិន្ទុឈរលេខ ២ ឡើងវគ្គ ៨ ក្រុមចុងក្រោយជាមួយក្រុមលេខ ១ អ៊ីរ៉ង់ដែលបានយកឈ្នះម៉ុងហ្គោលីប្រកួតចុងក្រោយ ៣-០។ ងាកមកក្រុមកូរ៉េខាងជើង នៅតែបន្តធ្វើឱ្យមានភាពភ្ញាក់ផ្អើលក្នុងការវិលត្រលប់មកវិញរបស់ក្រុមបាល់ទាត់ក្រោយអវត្តមានលើឆាកអន្តរជាតិ ៣ ឆ្នាំ ដោយបានយកឈ្នះទាំង ៣ ប្រកួតក្នុងពូល។ Kim Yu-song ជាអ្នករកបានគ្រាប់ជ័យជំនះតែមួយគ្រាប់គត់ឱ្យកូរ៉េខាងជើងយកឈ្នះឥណ្ឌូនេស៊ីគ្រប់គ្រាន់ល្មម ដើម្បីទទួលបាន ៣ ពិន្ទុបន្ថែមមាន ៩ ពិន្ទុពេញឡើងវគ្គបន្តជាមួយគីជីស្ថាន។ ចំណែកឯឥណ្ឌូនេស៊ីត្រូវរង់ចាំការប្រកួតវិលជុំក្នុងពូលផ្សេងទៀតបញ្ចប់ដើម្បីដឹងថា បានឡើងជុំបន្តរឺក៏អត់តាមរយៈការប្រៀបផ្ទឹមក្រុមលេខ ៣ ល្អបំផុត។ គូចុងក្រោយនេះ ថៃរកបានត្រឹម ១ ពិន្ទុប៉ុណ្ណោះក្រោយស្មើគុយវ៉ែត ១-១ មានន័យថាពូលនេះ កូរ៉េដែលឈ្នះបារ៉ែនប្រកួតចុងក្រោយជាក្រុមលេខ ១ ក្នុងពូលមាន ៩ ពិន្ទុពេញឡើងវគ្គបន្តជាមួយបារ៉ែន ខណៈថៃឈរលេខ ៣ ចាំអ៊ុតជាមួយក្រុមលេខ ៣ ក្នុងពូលផ្សេងទៀត៕ អត្ថបទ៖នាង សុភាវុធ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

ការប្រកួតបាល់ទាត់ក្របខណ្ឌលីគកំពូលហូឡង់ ជំនួបធំរបស់ក្លិបយក្សទាំងពីរ Ajax Amsterdam ទទួលស្វាគមន៍ក្រុមភ្ញៀវ Feyenoord ត្រូវបានផ្អាកត្រឹមនាទីទី ៥៦ ក្រោយអ្នកគាំទ្រក្រុមម្ចាស់ផ្ទះចោលកាំជ្រួចផ្សែងមកលើទីលាន។ ក្រុមភ្ញៀវ Feyenoord បាននាំមុខដល់ទៅ ៣-០ ទៅហើយនៅកីឡដ្ឋាន Johan Cruyff Arena មុនពេលការប្រកួតត្រូវបានផ្អាកមិនអាចបន្តបាន ពោលគឺមុននេះក៏មានការផ្អាកពីរលើកដែរ។ការផ្អាកដំបូងបន្ទាប់ពីមានអ្នកគាំទ្រចោលដបទឹកចូលទីលាននៅពេល Feyenoord នាំមុខ ២-០ និងផ្អាកលើកទីពីរក៏ជាការចោលកាំជ្រួចផ្សែងផងដែរ។ក្លិបបាល់ទាត់ Ajax បានចេញសេចក្តីថ្លែងការថ្កោលទោចំពោះទង្វើអ្នកគាំទ្ររបស់ខ្លួន។ ក្រោយការប្រកួតត្រូវបានផ្អាក ក៏មិនស្ងប់ស្ងាត់ដែរ អ្នកគាំទ្របានព្យាយាមរត់ចូលទីលាន មុនពេលអាជ្ញាធរមានសមត្ថកិច្ចប្រើឧស្ម័នបង្ហូរទឹកភ្នែក ដើម្បីបំបែកក្រុមអ្នកគាំទ្របង្កភាពចលាចលនៅខាងក្រៅកីឡដ្ឋាន។ សូមបញ្ជាក់ថា ការមិនពេញចិត្តរបស់អ្នកគាំទ្រ Ajax គឺបន្ទាប់ពីក្រមជើងឯកលីគកំពូលហូឡង់ ៣៦ សម័យមួយនេះ ឈ្នះតែ ១ ប្រកួតគត់ក្រោយលេងបាន ៤ ប្រកួតរដូវកាលថ្មីនេះខណៈកំពុងឈរលេខ ១៣ ពីលើតំបន់គ្រោះថ្នាក់តែ ២ ពិន្ទុប៉ុណ្ណោះ។ Ajax បញ្ចប់រដូវកាលមុននៅចំណាត់ថ្នាក់លេខ ៣ ខកខានមិនបានលេងនៅក្របខណ្ឌអឺរ៉ុប UEFA Champions League លើកដំបូងក្នុងរយៈពេល ១៣ រដូវកាលចុងក្រោយស្របពេល Feyenoord គឺជាជើងឯក៕ អត្ថបទ៖នាង សុភាវុធ

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

ក្រុមបាល់ឱបវែលបានក្លាយជាក្រុមមុនគេ កក់កៅអីនៅវគ្គ ៨ ក្រុមចុងក្រោយបាល់ឱបជើងឯកពិភពលោកនៅទឹកដីបារាំងក្រោយយកឈ្នះអូស្រ្តាលីនៅទីក្រុង Lyon យប់មិញ។Gareth Anscombe ទាត់បញ្ចូលទី ២៣ ពិន្ទុម្នាក់ឯង បួករួមទាំងការរកបាន Try ពីកីឡាករ Gareth Davies, Nick Tompkins និង Jac Morgan គ្រប់គ្រាន់សម្រាប់ជ័យជំនះរបស់វែលលើក្រុមជើងឯកពិភពលោក ២ សម័យអូស្រ្តាលីដាច់ ៤០-៦។ ៦ ពិន្ទុរបស់អូស្រ្តាលីរកបានដោយបាល់ពិន័យ ២ លើករបស់ Ben Donaldson។ ក្រុមរបស់លោក Eddie Jones នៅពេលនេះជាក្រុមអូស្រ្តាលីដំបូងដែលប្រឈមធ្លាក់ត្រឹមវគ្គចែកពូល បន្ទាប់ពីបទពិសោធរបស់អូស្រ្តាលីកន្លងមកតែងតែឆ្លងផុតវគ្គចែកពូល ពោលគឺធ្លាក់ត្រឹមវគ្គ ៨ ក្រុម ៣ ដង បានលេខ ៤ ម្តង លេខ ៣ ម្តង ជើងឯករង ២ ដង និងជើងឯក ២ ដង។ ដោយឡែកសម្រាប់ក្រុមវែលនៅពេលនេះធានាបានកៅអីនៅវគ្គបន្តហើយ តែត្រូវប្រកួតទល់នឹងហ្សកហ្ស៊ីចុងក្រោយដើម្បីសម្រេចថាជាក្រុមលេខ ១ ក្នុងពូលរឺអត់។ ងាកទៅការប្រកួតមួយទៀតក្រុមដែលមកពីចក្រភពអង់គ្លេសផងដែរ គឺស្កុតឡេនបានយកឈ្នះតុងហ្កា ៤៥-១៧ នៅសល់ក្តីសង្ឃឹមតិចតួចឡើងវគ្គ ៨ ក្រុមចុងក្រោយ។George Turner, Duhan van der Merwe, Kyle steyn និង Rory Darge រកបានម្នាក់ ១ Try ក្នុងចំណោមពិន្ទុរបស់ស្កុតឡេន ៤៥ នេះ។ ស្កុតឡេនទើបលេងបាន ២ ប្រកួតប៉ុណ្ណោះនៅក្នុងពូល B មានត្រឹម ៥ ពិន្ទុខណៈតុងហ្កា និងរ៉ូម៉ានីនៅក្រោយមិនមានពិន្ទុរាប់ តែពីក្រុមខាងលើលេងបាន ៣ ប្រកួតដូចគ្នារួមមានអៀកឡង់លើគេមាន ១៤ ពិន្ទុ និងលេខ ២ អាហ្វ្រិកខាងត្បូងមាន ១០ ពិន្ទុ៕ អត្ថបទ៖នាង សុភាវុធ

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023

ព្រឹត្តិការណ៍ «GANZBERG ពួកម៉ាល្អ អូសឡាន ឈ្នះឡាន» បានប្រព្រឹត្តទៅយ៉ាងរលូន និងបញ្ចប់ជោគជ័យ ក្រោយដំណើរការប្រកួតដ៏ស្វិតស្វាញ ១ថ្ងៃពេញ នៅទីលានមុខសាលមហោស្រពកោះពេជ្រ កាលពីថ្ងៃទី២៣ ខែកញ្ញា ឆ្នាំ២០២៣ ដោយជយលាភី បានទៅក្រុមដឹកនាំដោយប្រធានក្រុមកីឡាករ ថូ ខេមរា មកពីខេត្តកំពង់ធំ ដែលឈ្នះពានរង្វាន់រថយន្ដ Pick Up ស៊េរីឆ្នាំ២០២៣ ១គ្រឿង ។យោងតាមគណៈកម្មការរៀបចំការប្រកួតនេះ បានឲ្យដឹងថា កម្មវិធី ពួកម៉ាក់ល្អ អូសឡាន ឈ្នះឡាន លើកដំបូង ដែលរៀបចំដោយក្រុមហ៊ុន Ganzberg នេះ មានបេក្ខភាពចុះឈ្មោះចូលរួមចំនួន ៥៥៥ក្រុម ប៉ុន្ដែក្រុមចូលរួមប្រកួតជាងស្ដែង គឺមានចំនួនជិត ៤០០ក្រុម ដែលបានធ្វើការប្រកួតជម្រុះជាច្រើនដំណាក់កាល ទើបរកឃើញក្រុមជយលាភី ពិសេសក្រុមវគ្គសំខាន់ៗ និងវគ្គផ្ដាច់ព្រ័ត្រ ដែលបានដំណើរការប្រកួតក្រោមដំណក់ភ្លៀងដ៏រីករាយ ។បន្ទាប់ពីឆ្លងកាត់ការប្រកួត ១ថ្ងៃពេញ ដែលទទួលបានការសាទរយ៉ាងច្រើនកុះករពីមហាជន និងអ្នកទស្សនាទូទាំងប្រទេស ព្រឹត្តិការណ៍ «GANZBERG ពួកម៉ាល្អ អូសឡាន ឈ្នះឡាន» ក៏បានរកឃើញក្រុមជយលាភី ដែលចំណាត់ថ្នាក់លេខ១ បានទៅក្រុម១៤២ ដែលដឹកនាំដោយធានក្រុម ថូ ខេមរា និងដៃគូ ២នាក់ទៀត ទទួលបានរង្វាន់រថយន្ត Pick Up ស៊េរីថ្មី ឆ្នាំ ២០២៣ ១គ្រឿង។ ចំណាត់ថ្នាក់លេខ២ បានទៅក្រុម២៥១ ដឹកនាំដោយប្រកួតក្រុម ឌុន សៅ និងដៃគូ ២នាក់ទៀត មកពីខេត្តកណ្ដាល ទទួលបានរង្វាន់ម៉ូតូធំចំនួន ៣គ្រឿង និងចំណាត់ថ្នាក់លេខ៣ បានទៅក្រុម ៤៨៥ ដឹកនាំដោយប្រធានក្រុម ហេង វុទ្ធី និងដៃគូ ២នាក់ទៀត ទទួលបានប្រាក់រង្វាន់ ៣ពាន់ដុល្លារផងដែរ៕ អត្ថបទ លី ឈុនឡា

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

កីឡាករប្រណាំងម៉ូតូអ៊ីតាលី Marco Bezzecchi បានប្រជែងឈ្នះនៅក្នុងព្រឹត្តិការណ៍ប្រណាំងម៉ូតូ GP ដែលរៀបចំឡើងនៅលើទឹកដីឥណ្ឌាលើកដំបូងថ្ងៃអាទិត្យម្សិលមិញ។ អ្នកនាំមុខគេក្នុងតារាងជើងឯកពិភពលោក Francesco Bagnaia ដែលកំពុងឈរជើងនៅលេខ ២ នោះ បានដួល មិនអាចបន្តការប្រកួតបានត្រឹមជុំទី ៨។Marco Bezzecchi ដែលចេញដំណើរមុខគេ បានរក្សាការនាំមុខរបស់ខ្លួនរហូតដល់ទីព្រ័ត្រ។ចំណែកឯកីឡាកររបស់ក្រុម Pramac Racing, Jorge Martin ដែលឈ្នះការប្រណាំង Sprint កាលពីថ្ងៃសៅរ៍នោះ ទទួលបានចំណាត់ថ្នាក់លេខ ២ ក្នុងការប្រណាំង Grand Prix នេះ ដើម្បីរំកិលឡើងមកឈរលេខ ២ ក្នុងតារាងជើងឯកពិភពលោក តាមពីក្រោយអ្នកនាំមុខ Francesco Bagnaia ១៣ ពិន្ទុ ខណៈដែលអ្នកឈ្នះ Marco Bezzecchi ដេញពីក្រោយ ៤៤ ពិន្ទុ។ចំណែកលេខ ៣ ក្នុងការប្រកួតបានទៅកីឡាករបារាំងរបស់ក្រុម Yamaha, Fabio Quartararo។ ព្រឹត្តិការណ៍ម៉ូតូ GP នឹងបន្តដំណើរមកទឹកដីជប៉ុនចុងសប្តាហ៍នេះ៕ អត្ថបទ៖នាង សុភាវុធ

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

ក្រុមព្រះខ័នរាជស្វាយរៀង បានយកឈ្នះក្រុមម្ចាស់ផ្ទះវិសាខា ១-០ ក្នុងជំនួបសប្ដាហ៍ទី៦ នៃលីគកំពូលកម្ពុជា Cambodian Premier League 2023/24 ស្របពេលក្រុមភ្ញៀវគិរីវង់សុខសែនជ័យ បានបង្អាក់ដំណើរស្វែងរកជ័យជម្នះក្នុងដីរបស់ក្រុមណាហ្គាវើលដ៏ បន្ទាប់ពីវាយបកតាមស្មើ ១-១ នៅចុងម៉ោង ។សម្រាប់ជំនួបធំប្រចាំសប្ដាហ៍ រវាងព្រះខ័នរាជស្វាយរៀង និងវិសាខា បានអូសបន្លាយការប្រកួតស្ទើរពេញម៉ោង ទើបមានគ្រាប់បាល់កើតឡើង ដែលធ្វើសម្រេចដោយកីឡាករ Macus Haber នៅនាទី៨២ ដែលជាគ្រាប់បាល់ជ័យជម្នះ ជួយឲ្យព្រះខ័នរាជស្វាយរៀង រក្សាកំណត់ត្រាឈ្នះ ៦ប្រកួតជាប់គ្នា ហើយក៏ជាកំណត់ត្រាផ្ទាល់ខ្លួនរបស់ Haber ដែលរកបានគ្រាប់បាល់ចំនួន ៦ប្រកួតជាប់គ្នាផងដែរ ។ជាមួយជ័យជម្នះនេះ បានជួយឲ្យក្រុមព្រះខ័នរាជស្វាយរៀង បន្ដឈរកំពូលតារាង ដោយរកបាន ១៨ពិន្ទុ បន្ទាប់ពីទទួលបានជ័យជម្នះ ៦ប្រកួតផ្ទួនៗ ហើយជាលើកដំបូង ដែលក្រុមមានមូលដ្ឋាននៅខេត្តស្វាយរៀង បានយកឈ្នះ ៦ប្រកួតជាប់គ្នាផងដែរ ។ចំណែកក្រុមណាហ្គាវើលដ៏វិញ បន្ទាប់ពីនាំមុខក្រុមភ្ញៀវគិរីវង់ ១គ្រាប់មុន ដោយបាល់ភ្លាត់ចូលទីខ្លួនឯង(Own Goal) របស់កីឡាករ Nobiraki Deiransupernsa នៅនាទី២៣ ក្រុមទាំងពីរ បានបន្ដវាយសម្រុកគ្នា ហើយបានអូសបន្លាយដល់ចុងម៉ោង ទើបកីឡាករ ស៊ុំ សាន់ រកបានគ្រាប់តាមស្មើឲ្យក្រុមគិរីវង់សុខសែនជ័យវិញ នៅនាទី៩០ ហើយលទ្ធផលនេះ ក៏បានរក្សាដល់ចប់ការប្រកួតតែម្ដង។លទ្ធផលនេះ បានធ្វើឲ្យក្រុមណាហ្គាវើលដ៏ នៅតែមិនទាន់ស្គាល់ជ័យជម្នះលើទឹកដីរបស់ខ្លួន នៅកីឡដ្ឋានខេត្តកំពង់ស្ពឺ ហើយក៏មិនទាន់ស្គាល់ជ័យជម្នះ សម្រាប់ ៥ប្រកួតចុងក្រោយផងដែរ បន្ទាប់ពីពួកគេរកបានជ័យជម្នះលើកដំបូង កាលពីជំនួបបើករដូវកាលជាមួយក្រុមម្ចាស់ផ្ទះព្រៃវែងអេហ្វស៊ី។សម្រាប់លទ្ធផលសប្ដាហ៍ទី៦ នៃលីគកំពូលកម្ពុជា ចំនួន ២គូទៀត គឺក្រុមកងយោធពលខេមរភូមិន្ទ បានវាយបកយកឈ្នះក្រុមម្ចាស់ផ្ទះបឹងកេត ដោយលទ្ធផល ៤-៣ គួរភ្ញាក់ផ្អើល នៅពហុកីឡដ្ឋានជាតិ ។ ជំនួបជើងទី១ នេះ បឹងកេត បាននាំមុខក្រុមភ្ញៀវម្ដងហើយម្ដងទៀត តែត្រូវបានកងយោធពលខេមរភូមិន្ទ វាយបកតាមស្មើជាបន្ដបន្ទាប់ មុនពួកគេរកបានគ្រាប់បាល់ទី៤ នៅនាទី៨៥ ដោយកីឡាករ ណាត សង្ហា ដែលជួយឲ្យក្រុមកងយោធពលខេមរភូមិន្ទ តាមស្មើក្រុមបឹងកេត ដោយមាន ១០ពិន្ទុស្មើគ្នា ។រីឯក្រុមព្រៃវែងអេហ្វស៊ីវិញ គឺបានយកឈ្នះក្រុមម្ចាស់ផ្ទះអង្គរថាយហ្គឺរ ដោយលទ្ធផល ២-១ ។ ជំនួបនៅទឹកដីខេត្តសៀមរាបនេះ ផាន សុផេន រកបាន ៦គ្រាប់មុនឲ្យក្រុមភ្ញៀវ មុនកីឡាករ Bugas Pocholo Aprllano រកបាន ១គ្រាប់ឲ្យម្ចាស់ផ្ទះអង្គរថាយហ្គឺរ នៅនាទី៥៩ ហើយលទ្ធផលនេះ ក៏បានរក្សាដល់ចប់ការប្រកួតតែម្ដង ។ដោយឡែកក្រុមភ្នំពេញក្រោន នឹងត្រូវបើកទ្វារផ្ទះទទួលក្រុមភ្ញៀវ ISI ដង្កោសែនជ័យ បង្គ្រប់សប្ដាហ៍ទី៦ នៅល្ងាចថ្ងៃទី២៥ ខែកញ្ញានេះ បន្ទាប់ពីភ្នំពេញក្រោន បានត្រឡប់មកពីប្រកួតជម្រុះពានរង្វាន់ AFC Cup 2023/24 ពូលF ដោយបានយកឈ្នះក្រុម Cebu FC របស់ហ្វីលីពីន កាលពីថ្មីៗ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

របាយការណ៍៖ ការវាយប្រហារតាមអាកាសរបស់អាមេរិក កំណត់គោលដៅតំបន់ព្រំដែន ក្បែរទីក្រុងអ៊ីរ៉ង់ភាគខាងលិច

លោក Lavrov បញ្ជាក់ថា លទ្ធផលនៃជម្លោះនៅអ៊ុយក្រែន នឹងកំណត់តួនាទីអនាគតរបស់ទីក្រុងមូស្គូ

ភាគអាគ្នេយ៍កូរ៉េខាងត្បូង មានសីតុណ្ហភាពខ្ពស់បំផុត ក្នុងរយៈពេល ១២២ឆ្នាំ

ប្រភព៖ មេបញ្ជាការអាមេរិក ព្រមានកងទ័ពថា វីដេអូរបស់ពួកគេ ជួយដល់អ៊ីរ៉ង់កំណត់គោលដៅ

ក្រុមហ៊ុន BMW នឹងបញ្ឈប់បុគ្គលិកចំនួន ៨.០០០នាក់ ភាគច្រើន នៅអាល្លឺម៉ង់

ចិនជំរុញឱ្យមានការបន្ធូរបន្ថយភាពតានតឹង នៅសមុទ្រក្រហម

រដ្ឋមន្ត្រីករបរទេសជម្រាបជូនឯកអគ្គរដ្ឋទូតអាល្លឺម៉ង់អំពីការវិវត្តថ្មីនៃបញ្ហាព្រំដែនកម្ពុជា-ថៃ

អ៊ីរ៉ង់បដិសេធការគ្រប់គ្រងរួមរបស់តំបន់ លើច្រកសមុទ្រ Hormuz ដោយបំផ្លាញក្តីសង្ឃឹមទម្លាយភាពទាល់ច្រក

អ៊ីរ៉ាក់ និងទួរគីមានគោលបំណងបង្កើនពាណិជ្ជកម្មទ្វេភាគីឲ្យដល់ ៣០ ពាន់លានដុល្លារ ខណៈភាពជាដៃគូសេដ្ឋកិច្ចកាន់តែស៊ីជម្រៅ

អំពើហិង្សាកាន់តែខ្លាំងនៅវេសបែង បានគ្របដណ្ដប់លើផែនការស្តារតំបន់ហ្កាហ្សាឡើងវិញ នៅជំនួប ក្រុមប្រឹក្សាសន្តិសុខ UN

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អង់គ្លេស រៀបចំការប្រកួតប្រណាំងកង់បុរាណដែលមានអាយុកាលជិត ១៥០ ឆ្នាំ

Asian Games៖ បាល់បោះកម្ពុជា បន្ដជួបកាហ្សាក់ស្ថាន ក្រោយបើកឆាកចាញ់ថៃ ២១-១០

កីឡាការិនីហ្វីលីពីន Mazel Alegado ក្លាយជាអត្តពលិកវ័យក្មេងបំផុតចូលរួមការប្រកួតកីឡាអាស៊ី

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អង់គ្លេស រៀបចំការប្រកួតប្រណាំងកង់បុរាណដែលមានអាយុកាលជិត ១៥០ ឆ្នាំ

Asian Games៖ បាល់បោះកម្ពុជា បន្ដជួបកាហ្សាក់ស្ថាន ក្រោយបើកឆាកចាញ់ថៃ ២១-១០

កីឡាការិនីហ្វីលីពីន Mazel Alegado ក្លាយជាអត្តពលិកវ័យក្មេង​បំផុតចូលរួម​ការប្រកួតកីឡាអាស៊ី

ក្រុមវាយកូនបាល់ពិភពលោកឈ្នះក្រុមអឺរ៉ុបលើកពាន Laver Cup ពីរឆ្នាំជាប់គ្នា

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះ​តែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រ​គប់កាំជ្រួចផ្សែង​ចូលទីលាន

វែលឡើងវគ្គ ៨ ក្រុមបាល់ឱបពិភពលោកមុនគេ ខណៈស្កុតឡេននៅសល់ក្តីសង្ឃឹមតិចតួច

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះ​រថយន្ដ Pick Up 2023

Marco Bezzecchi ឈ្នះការប្រណាំងម៉ូតូ GP រៀបចំលើទឹកដីឥណ្ឌាលើកដំបូង

ព្រះខ័នរាជ រក្សាកំណត់ត្រាឈ្នះ ខណៈគិរីវង់ បង្អាក់ដំណើរស្វែងរកជ័យជម្នះក្នុងដីរបស់ណាហ្គា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាការិនីហ្វីលីពីន Mazel Alegado ក្លាយជាអត្តពលិកវ័យក្មេងបំផុតចូលរួមការប្រកួតកីឡាអាស៊ី

អារ៉ាប៊ីសាអ៊ូឌីតទំលាក់វៀតណាមពី Asian Games ខណៈកូរ៉េខាងជើងបន្តឈ្នះតែថៃស្មើ

ជំនួប Ajax និង Feyenoord ត្រូវផ្អាកត្រឹមនាទី ៥៦ ក្រោយអ្នកគាំទ្រគប់កាំជ្រួចផ្សែងចូលទីលាន

កម្មវិធីពួកម៉ាក់ល្អ អូសឡាន ឈ្នះឡាន របស់ Ganzberg រកឃើញក្រុមឈ្នះរថយន្ដ Pick Up 2023