នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមាន​តម្លៃផ្ទេរ​បំបែកកំណត់ត្រាអង់គ្លេស
ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត
ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត
អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាការិនីវ័យ ១៩ ឆ្នាំអាមេរិក Ashlyn Krueger គ្រងជើងឯក Japan Open ពាន Tour លើកដំបូងក្នុងអាជីព

2023/09/18 08:56:34 pm        202
Facebook Telegram Linkin
កីឡាការិនីវាយកូនបាល់អាមេរិកវ័យទើបតែ ១៩ ឆ្នាំ Ashlyn Krueger បានក្លាយជាជើងឯក នៃ កម្មវិធី Japan Open ដែលជាពានរង្វាន់ក្នុងក្របខណ្ឌ Tour លើក​ដំបូង​ក្នុង​អាជីព​ក្រោយ​យក​ឈ្នះ​កីឡាការិនីចិន Zhu Lin នៅវគ្គផ្តាច់ព្រ័ត្រ។ Ashlyn Krueger លេងមិនចាញ់សូម្បីតែមួយសិតនៅក្នុងការប្រកួតពេញមួយកម្មវិធី Japan Open នេះ បូករួមទាំងជ័យជំនះនៅវគ្គផ្តាច់ព្រ័ត្រ ២ សិតផ្ទួនៗ ៦-៣ និង ៧-៦(៨-៦) លើ​កីឡាការិនី​លំដាប់លេខ ៣៥ ចិន Zhu Lin ដោយចំណាយពេល ១ ម៉ោង ៣៦ នាទី។ មុនឈានមកដល់ទឹកដីជប៉ុននេះ Ashlyn Krueger ដែលមានចំណាត់ថ្នាក់ពិភពលោកលេខ ១២៣ មានសមិទ្ធផលល្អបំផុតត្រឹមវគ្គ ៨ ក្រុមចុង​ក្រោយ​នៅ​កម្ម​វិធីមួយ​នៅ​ទឹក​ដី​ហូឡង់​ប៉ុណ្ណោះ។ ថ្ងៃចន្ទនេះ Ashlyn Krueger នឹងរំកិលចំណាត់ពិភពលោករបស់នាងមកឈរលំដាប់ Top100 លើកដំបូងក្នុងអាជីព៕ អត្ថបទ៖នាង សុភាវុធ

កម្ពុជាសម្ពោធតំបន់ហាត់ប្រាណ និងលេងកីឡាអាស៊ានមុនគេ មុនបន្ដទៅឥណ្ឌូនេស៊ី

2023/09/18 08:43:01 pm        887
Facebook Telegram Linkin
ក្រសួងអប់រំ យុវជន និងកីឡា កាលពីចុងសប្ដាហ៍កន្លងទៅ បានរៀបចំពិធីសម្ពោធតំបន់ហាត់ប្រាណ និងលេងកីឡាអាស៊ាន និងទិវាអាស៊ានហាត់ប្រាណដើម្បីសុខភាព “Fit ASEAN” ដែលជាការសម្ពោធដំបូងគេ ក្នុងចំណោមបណ្ដាប្រទេសសមាជិក មុនបន្ដរៀបចំនៅប្រទេសឥណ្ឌូនេស៊ី ក្រោមជំនួយគាំទ្រសម្ភាររបស់រដ្ឋាភិបាលចិន និងអាស៊ាន ។ពិធីសម្ពោធនេះ ធ្វើឡើងក្រោមវត្តមានឯកឧត្តម វ៉ាត់ ចំរើន រដ្ឋលេខាធិការ តំណាងឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា ព្រមទាំងថ្នាក់ដឹកនាំ ប្រជាពលរដ្ឋ និងសិស្សានុសិស្សជិត ១ពាន់នាក់ ដែលបានចូលរួមអបអរសាទរសមិទ្ធផលថ្មី នៅសួនច្បារព្រះនាងប្រាជ្ញាបារមី នាខណ្ឌជ្រោយចង្វារ រាជធានីភ្នំពេញ ។យោងតាមរបាយការណ៍គណៈកម្មការរៀបចំ ពិធីសម្ពោធនេះ ធ្វើឡើងក្រោយកាលពីឆ្នាំ២០២២ កំឡុងកម្ពុជាធ្វើប្រធានដឹកនាំកិច្ចប្រជុំកំពូលអាស៊ាន និងកិច្ចប្រជុំសហគមន៍សង្គម-វប្បធម៌អាស៊ាន ដែលមាន ១៥ក្រសួង-ស្ថាប័នចូលរួម ដឹកនាំដោយឯកឧត្តមឧបនាយករដ្ឋមន្ដ្រី ហង់ជួន ណារ៉ុន បានចង្អុលបង្ហាញឲ្យថ្នាក់ដឹកនាំក្រសួង និងអង្គភាពជំនាញ ធ្វើការសិក្សាស្រាវជ្រាវរៀបចំប្រធានបទនូវទស្សនទានដែលមានការចាំបាច់ និងមានសារៈសំខាន់ សម្រាប់ប្រទេសអាស៊ាន គឺការបង្កើតតំបន់ហាត់ប្រាណ និងលេងកីឡាអាស៊ាន ដើម្បីលើកកម្ពស់សុខភាព និងសុខុមាលភាពរបស់ប្រជាជនអាស៊ាន ។បន្ទាប់មកទស្សនទាននេះ ត្រូវបានគាំទ្រពីថ្នាក់ដឹកនាំកីឡាពីបណ្ដាប្រទេសអាស៊ាន និងដាក់ស្នើសុំទទួលការគាំទ្រពីកិច្ចប្រជុំកំពូលអាស៊ាន ហើយគម្រោងនេះ ជាលើកដំបូង ក្រោមជំនួយគាំទ្រក្រោមជំនួយគាំទ្របំពាក់សម្ភារពីរដ្ឋាភិបាលចិន ត្រូវបានបណ្ដាប្រទេសសមាជិកអាស៊ាន កំណត់យកកម្ពុជាមុនគេ បន្ទាប់មកប្រទេសឥណ្ឌូនេស៊ី។ ដោយបានការអនុញ្ញាតពីរដ្ឋបាលរាជធានីភ្នំពេញ ផ្តល់ទីតាំងសួនច្បារព្រះនាងប្រាជ្ញាបារមី ក្រសួងអប់រំ យុវជន និងកីឡា ក៏បានរៀបចំប្រារព្ធពិធីបញ្ចុះបឋមសិលាសាងសង់ កាលពីចុងវិច្ឆិកា ឆ្នាំ២០២២ បានអនុវត្តតាមផែនការចប់សព្វគ្រប់ និងរៀបចំពិធីសម្ពោធដាក់ឲ្យប្រើប្រាស់នៅពេលនេះ។ឯកឧត្តម វ៉ាត់ ចំរើន  បានចាត់ទុក នេះគឺជាសមិទ្ធផលថ្មីមួយទៀត បន្ទាប់ពីកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនានាឆ្នាំ២០២២ និងការធ្វើជាម្ចាស់ផ្ទះស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ប្រកបដោយភាពជោគជ័យដ៏ត្រចះត្រចង់ ។ ការរៀបចំតំបន់ហាត់ប្រាណ និងលេងកីឡាអាស៊ាននេះ ជាផ្នែកមួយ នៃកិច្ចសហប្រតិបត្តិការអាស៊ាន-ចិន ដើម្បីលើកកម្ពស់សុខុមាលភាព សុខដុមនីយកម្មរបស់ប្រជាជនអាស៊ាន ពង្រឹងសាមគ្គីភាព និងអភិវឌ្ឍន៍វិស័យកីឡាក្នុងតំបន់ ។ចំពោះទិវាអាស៊ានហាត់ប្រាណដើម្បីសុខភាព គឺជាសកម្មភាពមួយ ដែលគ្រប់ប្រទេសជាសមាជិកអាស៊ាន រៀបចំឡើង ដើម្បីបំផុសឲ្យប្រជាជននៅក្នុងប្រទេសនីមួយៗ បានយល់ដឹងអំពីសារប្រយោជន៍ នៃការហាត់ប្រាណ និងលេងកីឡាដើម្បីសុខភាព និងជំរុញឲ្យប្រជាជនគ្រប់រូបអនុវត្តការហាត់ប្រាណដើម្បីសុខភាព និងសុខុមាលភាពរបស់ខ្លួន។ អាស្រ័យហេតុនេះ ឯកឧត្តម វ៉ាត់ ចំរើន បានជំរុញឲ្យប្រជាពលរដ្ឋ ចូលរួមលេងកីឡា និងហាត់ប្រាណឲ្យបានគ្រប់ៗគ្នា ពិសេសគឺរីករាយជាមួយសមិទ្ធផលថ្មី នៃតំបន់ហាត់ប្រាណ និងលេងកីឡាអាស៊ាន ដើម្បីទទួលបាននូវសុខភាពល្អ កាត់បន្ថយការប្រើប្រាស់សេវាសុខាភិបាលនានា ៕ អត្ថបទ លី ឈុនឡា

កីឡាកាយសម្ព័ន្ធ បើកទំព័រប្រវត្តិសាស្ដ្រឈ្នះមេដាយមាសជើងឯកអាស៊ីលើកដំបូង

2023/09/18 07:53:39 pm        487
Facebook Telegram Linkin
កីឡាកាយសម្ព័ន្ធកម្ពុជា បានបើកទំព័រប្រវត្តិសាស្ដ្រថ្មី ដោយដណ្ដើមបានមេដាយមាសលើកដំបូង ក្នុងការប្រកួតកីឡាជើងឯកអាស៊ី ។ នេះបើតាមការបញ្ជាក់របស់ឯកឧត្តម ណយ ផាណា អគ្គលេខាធិការសហព័ន្ធ បន្ទាប់ពីក្រុមកីឡាកាយសម្ព័ន្ធកម្ពុជា ដណ្ដើមបានមេដាយ ២គ្រឿង រួមមានមេដាយមាស ១ និងសំរឹទ្ធ ១គ្រឿង ពីការប្រកួតកីឡាកីឡាកាយសម្ព័ន្ធអាអេរ៉ូប៊ិកជ្រើសរើសជើងឯកអាស៊ី លើកទី៨ ឆ្នាំ២០២៣ នៅប្រទេសម៉ុងហ្គោលី កាលពីថ្ងៃទី១៧ ខែកញ្ញាម្សិលមិញ ។អគ្គលេខាធិការសហព័ន្ធ និងជាប្រធានប្រតិភូដដែល បានបញ្ជាក់ពីទីក្រុង Ulaanbaatar ថា ព្រឹត្តិការណ៍ប្រចាំទ្វីបនេះ មានអត្តពលិក ១៤ប្រទេសចូលរួម ដែលធ្វើការប្រកួតពីថ្ងៃទី១៣ ដល់ថ្ងៃទី១៧ ខែកញ្ញា ។ ជាលទ្ធផលក្រុមកីឡាកាយសម្ព័ន្ធកម្ពុជា ដណ្ដើមបានមេដាយ ២គ្រឿង ក្នុងនោះមេដាយមាស ដណ្ដើមបានលើវិញ្ញាសា Senors Trio (សម្ដែងក្រុមនារី) ដោយកីឡាការិនី ស៊ីវ ចន្ថា, ណេម សុខហេង និង ឌឹម អ៊នធីតា និងមេដាយសំរឹទ្ធ ១ ដណ្ដើមបានលើវិញ្ញាសាឯកត្ដជននារី ដោយកីឡាការិនី សួស ស្រីពៅ ។នេះជាលើកដំបូងហើយ ដែលអត្តពលិកកីឡាកាយសម្ព័ន្ធកម្ពុជា ដណ្ដើមបានមេដាយមាសកម្រិតអាស៊ី ហើយជាមោទនភាពមួយ សម្រាប់សហព័ន្ធ និងប្រទេសជាតិ ដើម្បីបង្ហាញពីសក្ដានុពលកីឡាជាតិ លើឆាកអន្ដរជាតិ ពិសេសកីឡាកាយសម្ព័ន្ធ ។ ក្នុងនាមប្រធានប្រតិភូ ឯកឧត្តម ណយ ផាណា បានថ្លែងអំណរគុណឯកឧត្តមបណ្ឌិត ថោង ខុន ទេសរដ្ឋមន្ដ្រី និងជាប្រធានសហព័ន្ធ ដែលតែងគិតគូរ និងយកចិត្តទុកដាក់ជានិច្ច សូម្បីពេលប្រកួត ក៏ឯកឧត្តមទេសរដ្ឋមន្ដ្រី បានសួរសុខទុក្ខ និងលើកទឹកចិត្តជាប្រចាំដែរ ។បន្ថែមលើនេះ លោកបានកោតសរសើរ និងវាយតម្លៃខ្ពស់ ចំពោះក្រុមការងារគ្រូ និងកីឡាករ-កីឡាការិនី ទោះបីឆ្នាំនេះ មិនស្ថិតក្នុងការប្រមូលផ្ដុំ តែគ្រប់ភាគីពាក់ព័ន្ធ បានប្ដេជ្ញាចិត្ដខ្ពស់ ក្នុងការបន្ដសកម្មភាព ស្របតាមផែនការយុទ្ធសាស្ដ្ររបស់សហព័ន្ធ ដើម្បីត្រៀមលក្ខណៈចូលរួមការប្រកួតនានា ជាក់ស្ដែងក្នុងការប្រកួតជើងឯកអាស៊ីឆ្នាំនេះ រហូតទទួលបានសមិទ្ធផលដ៏ល្អប្រសើរ ។គួរដឹងថា សហព័ន្ធកីឡាកាយសម្ព័ន្ធកម្ពុជា បានបញ្ជូនប្រតិភូ និងអត្តពលិកចំនួន ១១នាក់ ទៅចូលរួមប្រកួតជើងឯកអាស៊ីខាងលើ ដែលមានអត្តពលិកចូលរួមសរុប ១៤ប្រទេស ។ កន្លងមកក្រុមកីឡាកាយសម្ព័ន្ធកម្ពុជា ក៏ធ្លាប់ចូលរួម និងដណ្ដើមបានមេដាយដែរ តែទទួលបានត្រឹមមេដាយប្រាក់ និងសំរឹទ្ធប៉ុណ្ណោះ ។ តាមការគ្រោងទុកក្រុមប្រតិភូកីឡាកាយសម្ព័ន្ធកម្ពុជា នឹងត្រឡប់មកមាតុភូមិវិញ នៅថ្ងៃទី១៨ ខែកញ្ញា ឆ្នាំ២០២៣ នេះ ៕ អត្ថបទ លី ឈុនឡា

ភ្ញាក់ផ្អើល! កោះហ្វីជីឈ្នះអូស្រ្តាលីក្នុងពូលការប្រកួតបាល់ឱបជើងឯកពិភពលោក​នៅបារាំង

2023/09/18 07:44:11 pm        191
Facebook Telegram Linkin
ក្រុមបាល់ឱបជម្រើសជាតិហ្វីជីបានធ្វើឱ្យមានរឿងភ្ញាក់ផ្អើល នៅព្រឹត្តិការណ៍​បាល់ឱប​ជើង​ឯក​ពិភព​លោក​លើទឹកដីបារាំង បន្ទាប់ពីយកឈ្នះក្រុមជើងឯក ២ សម័យអូស្រ្តាលីនៅក្នុងពូល C ២២-១៥។ ហ្វីជីនាំមុខ ១២-៨ ក្នុងវគ្គទី ១ តាមរយៈបាល់ពិន័យ ៤ លើក ខណៈ​អូស្រ្តាលី​មាន​បាល់​ពិន័យ​មួយ​លើក ​និងរកបានមួយ Try។ ឈានចូលវគ្គទី ២ បើកមកហ្វីជីក៏រកបាន Try បង្កើនការនាំមុខឱហ្វីជី ខណៈ​អូស្រ្តាលី​ក៏​ព្យាយាម​តាម​ពី​ក្រោយ​វិញដែរតែយឺតពេលទៅហើយខណៈការប្រកួតបញ្ចប់ដោយលទ្ធផល ២២-១៥។ នេះជាជ័យជំនះទី ៣ សម្រាប់ហ្វីជីលើអូស្រ្តាលី តែជាជ័យជំនះដំបូងនៅ World Cup ដើម្បី​ឡើង​ឈរ​លេខ ២ នៅក្នុងពូល C នេះ។ ងាកមកការប្រកួតផ្សេងទៀត ក្រុមជើងឯកឆ្នាំ ២០០៣ អង់គ្លេសបានយកឈ្នះជប៉ុនដាច់ ៣៤-១២​។ Lewis Ludlam រកបាន Try តែមួយគត់ដែលកើតឡើងក្នុងវគ្គទី ១ ខណៈ​ជប៉ុន​តាម​ពី​ក្រោយ​ប្រកៀត​ប្រកិត​នៅដើមវគ្គទី ២ ដោយបាល់ពិន័យ Rikiya Matsuda តែអង់គ្លេសក៏រកបាន Try ៣ លើក​ផ្ទួនៗ ដើម្បីបញ្ចប់ការប្រកួតជាមួយនឹងជ័យជំនះ ៣៤-១២។ សូមបញ្ជាក់ថា នេះជាជ័យជំនះ ២ ប្រកួតផ្ទួនៗសម្រាប់អង់គ្លេស បន្ទាប់​ពី​ប្រកួត​ដំបូង​យក​​ឈ្នះ​អាហ្សង់ទីន ២៧-១០៕ អត្ថបទ៖នាង សុភាវុធ

Carlos Sainz ឈ្នះការប្រណាំង F1 នៅសិង្ហបុរី បញ្ចប់ដំណើរជោគជ័យរបស់ Red Bull

2023/09/18 06:57:48 pm        197
Facebook Telegram Linkin
កីឡាករប្រណាំងរថយន្តអេស្ប៉ាញ Carlos Sainz បានប្រជែងឈ្នះព្រឹត្តការណ៍ F1 នៅទឹកដី​សិង្ហបុរី ដើម្បីបញ្ចប់ដំណើរជោគជ័យរបស់ Max Verstappen និង Red Bull រដូវកាលនេះ។កីឡាកររបស់ក្រុម Ferrari រូបនេះ ជាអ្នកឈ្នះក្នុងការប្រណាំងយកទីចេញដំណើរកាលពីថ្ងៃសៅរ៍ និង​បានរក្សាការនាំមុខរបស់ខ្លួនតាំងពីពេលចេញដំណើររហូតដល់ទីព្រ័ត្រ។ ជាសប្តាហ៍ដ៏អាក្រក់មួយសម្រាប់ Red Bull ដោយកីឡាករទាំងពីរនាក់មិនអាចឆ្លងផុត​វគ្គជម្រុះ​ជុំទី២ កាលពីថ្ងៃ សៅរ៍ ហើយ Max Verstappen ចាប់ពីលេខ ១១ ពុះពារដល់លេខ ៥ នៅទី​បញ្ចប់។ អ្នកមកដល់ទីចំណាត់ថ្នាក់លេខ ២ គឺ Lando Norris របស់ក្រុម McLaren តាមពីក្រោយ​ដោយ​ជើង​ឯក ៧ សម័យ Lewis Hamilton ខណៈមិត្តរួមក្រុម Mercedes, George Russell បាត់បង់​តំណែង​លេខ ៣ នៅជុំចុងក្រោយ និងកៀកទីព្រ័ត្រផងដែរក្រោយភ្លាត់ស្នៀតប៉ះរបង។ សូមបញ្ជាក់ថា នេះជាជ័យជំនះទី ២ ប៉ុណ្ណោះសម្រាប់ Carlos Sainz តាំងពីឈ្នះនៅ​អង់គ្លេស​ឆ្នាំ​មុន ហើយក៏ជាលើកដំបូងដែរក្នុងរដូវកាលនេះដែល Red Bull មិនឈ្នះ ពោលគឺរដូវកាលនេះ ២០២៣ នេះ Red Bull តែងតែឈ្នះជាពិសេសគឺ Max Verstappen ដែល​កំពុង​នាំមុខ​គេ​ក្នុង​តារាង​ជើងឯក។ ឆ្លងកាត់ការប្រកួតសប្តាហ៍នេះ Max Verstappen បន្តនាំមុខគេដដែលមានសរុប ៣៧៤ ពិន្ទុ តាម​ពីក្រោយដោយមិត្តរួមក្រុម Red Bull, Sergio Perez មាន ២២៣ ពិន្ទុ Lewis Hamilton លេខ ៣ មាន ១៨០ ពិន្ទុ Fernando Alonso លេខ ៤ មាន ១៧០ ពិន្ទុ និងលេខ ៥ Carlos Sainz មាន ១៤២ ពិន្ទុ។ បន្ទាប់ពីសិង្ហបុរី Formula One ពិភពលោកនឹងបន្តដំណើរទៅទឹកដីជប៉ុនចុងសប្តាហ៍នេះ៕ អត្ថបទ៖នាង សុភាវុធ

ថ្នាក់ដឹកនាំគុនដាវ ប្ដេជ្ញាជំរុញការអភិវឌ្ឍឆ្ពោះទៅរកមេដាយកីឡាយុវជនអាស៊ី ក្រោយជោគជ័យនៅស៊ីហ្គេម

2023/09/18 06:35:57 pm        323
Facebook Telegram Linkin
ឯកឧត្តម តែ ឡូរិន ប្រធានសហព័ន្ធកីឡាគុនដាវកម្ពុជា បានប្ដេជ្ញាជំរុញ​ការអភិវឌ្ឍ​វិស័យ​កីឡា​មួយនេះ ឲ្យកាន់តែរីកចម្រើន និងឆ្ពោះទៅរកសមិទ្ធផលកាន់តែប្រសើរ នៅក្នុងព្រឹត្តិការណ៍​កីឡា​យុវជន​អាស៊ី ឆ្នាំ២០២៩ ដែលកម្ពុជាធ្វើម្ចាស់ផ្ទះ ក្រោយទទួលបានជោគជ័យ​ក្នុងព្រឹត្តិការណ៍​ស៊ីហ្គេម ឆ្នាំ២០២៣ ។ការលើកឡើងនេះ បន្ទាប់ពីសហព័ន្ធបានរៀបចំការប្រកួតកីឡាគុនដាវជ្រើសជើងឯកថ្នាក់ជាតិ ឆ្នាំ​២០២៣ ប្រកបដោយជោគជ័យ ក្រោយដំណើរការប្រកួតរយៈពេល ៣ថ្ងៃ ចាប់ពីថ្ងៃទី១៥ ដល់​ថ្ងៃទី១៧ ខែកញ្ញា នៅសាលដំបូលទូក នៃសាកលវិទ្យាល័យភូមិន្ទភ្នំពេញ ។ប្រធានសហព័ន្ធដដែល បានរំលេចថា បន្ទាប់ពីជោគជ័យស៊ីហ្គេម ដែលកីឡាគុនដាវ ដណ្ដើម​បាន​មេដាយសំរឹទ្ធ ៣គ្រឿងលើកដំបូង បានធ្វើឲ្យកីឡានេះ មានប្រជាប្រិយ និងការចូលរួម​កាន់តែ​ច្រើន ​។ តាមរយៈនេះ បានធ្វើឲ្យសហព័ន្ធកាន់តែមានទឹកចិត្តខិតខំអភិវឌ្ឍន៍ ហើយឯកឧត្តម​សង្ឃឹម​ថា ផ្អែកផែនការ និងកំណែទម្រង់រៀងរាល់ឆ្នាំ នឹងជំរុញឲ្យកីឡាគុនដាវកម្ពុជា មាន​លទ្ធភាព​ឆ្ពោះទៅរកមេដាយមាស ឬប្រាក់ នៅក្នុងការប្រកួតកីឡាយុវជនអាស៊ី លើកទី៥ នាឆ្នាំ២០២៩ ខាងមុខ ។សូមបញ្ជាក់ថា ការប្រកួតកីឡាគុនដាវជ្រើសរើសជើងឯកថ្នាក់ជាតិឆ្នាំនេះ មានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៩១នាក់ មកពី ១២ក្លិប ស្មើនឹង ៥រាជធានី-ខេត្ត ដែល​ធ្វើ​ការ​ប្រកួតលើ ៦វិញ្ញាសា ។ ជាលទ្ធផលវិញ្ញាសាបុរសដាវកាប់ឯកត្តជន លេខ១ បានទៅកីឡាករ ជន ចំរ៉ុង មកពីវិទ្យាល័យ ជា ស៊ីម សាមគ្គី ។ វិញ្ញាសានារីដាវធំឯកត្ដជន លេខ១ បានទៅ​កីឡាការិនី យី លីហ្សា ។ វិញ្ញាសាបុរសដាវតូចឯកត្ដជន លេខ១ បានទៅកីឡាករ ខឿន ទីម៉ា មកពីក្រសួងមហាផ្ទៃ ។រីឯវិញ្ញាសានារីដាវកាប់ឯកត្ដជន លេខ១ បានទៅកីឡាការិនី សន និច មកពីក្លិបកងយោធពល​ខេមរភូមិន្ទ ។ វិញ្ញាសាបុរសដាវធំឯកត្តជន លេខ១ បានទៅកីឡាករ សាវឿន សុក័នុ មកពីក្លិប​ក្រសួង​មហាផ្ទៃ ។ វិញ្ញាសានារីដាវតូចឯកត្ដជន លេខ១ បានទៅកីឡាការិនី ឆាយ លីនលី ។ វិញ្ញាសា​បុរសដាវធំក្រុម លេខ១ បានទៅក្រុមក្រសួងមហាផ្ទៃ និងវិញ្ញាសានារីដាវធំក្រុម លេខ១ បាន​ទៅ​ក្រុមកងយោធពលខេមរភូមិន្ទ ៕ អត្ថបទ លី ឈុនឡា

ទីបំផុត Sepp Kuss ក្លាយជាកីឡាករអាមេរិកដំបូងគ្រងជើងឯកប្រណាំងកង់ Vuelta a Espana

2023/09/18 06:18:28 pm        202
Facebook Telegram Linkin
ទីបំផុត Sepp Kuss ដែលរក្សាការនាំមុខច្រើនដំណាក់កាលមកហើយនោះ បានក្លាយជាកីឡាករ​អាមេរិកដំបូងដែលឈ្នះជើងឯកប្រណាំងកង់ Vuelta a Espana រឺ Tour of Spain និងជា​កីឡាករ​អាមេរិកដំបូងក្នុងរយៈពេល ១០ ឆ្នាំចុងក្រោយដែលឈ្នះជើងឯក Grand Tour ផងដែរ។ កីឡាកររបស់ក្រុមប្រណាំង Jumbo-Visma រូបនេះបានរក្សាការនាំមុខ និងឈរលើគេ​ក្នុងតារាង​រួម​ជាមួយ ១៧ វិនាទី ពីជើងឯករងកីឡាករដាណឺម៉ាក និងជាមិត្តរួមក្រុម Jonas Vingegaard ខណៈ Primoz Roglic របស់ក្រុម Jumbo-Visma ដែរនោះ ទទួលបានចំណាត់ថ្នាក់លេខ ៣ តាមពីក្រោយ ១ នាទី ៨ វិនាទី។ ដំណាក់កាលចុងក្រោយដែលមានចំងាយផ្លូវ ១០១.៥ គីឡូម៉ែត្របញ្ចប់នៅទីក្រុង Madrid នេះ អ្នក​ឈ្នះបានទៅកីឡាករអូស្រ្តាលី Kaden Groves របស់ក្រុម Alpecin-Deceuninck តាមពី​ក្រោយដោយកីឡាករអ៊ីតាលី Filippo Ganna និងលេខ ៣ កីឡាករអាល្លឺម៉ង់ Nico Denz។សូមបញ្ជាក់ថា Sepp Kuss បានក្លាយជាកីឡាករអាមេរិកដំបូងដែលឈ្នះជើងឯក Grand Tour ក្នុង​រយៈពេល ១០ ឆ្នាំបន្ទាប់ពី Chris Horner គ្រងជើងឯកនៅ Vuelta a Espana នេះកាល​ពីឆ្នាំ ២០១៣៕ អត្ថបទ៖នាង សុភាវុធ

ព្រះខ័នរាជរក្សាភាពខ្លាំង ខណៈភ្នំពេញក្រោន និងបឹងកេត បន្ថែម ៣ពិន្ទុរៀងខ្លួន

2023/09/18 05:56:07 pm        2060
Facebook Telegram Linkin
ក្រុមបាល់ទាត់ព្រះខ័នរាជស្វាយរៀង បានរក្សាភាពខ្លាំងរបស់ខ្លួន ក្រោយបន្ដជ័យជម្នះលើកទី៥ ក្នុង​ការប្រកួតលីគកំពូលកម្ពុជា Cambodian Premier League 2023/24 ​លើ​ក្រុមភ្ញៀវ​អង្គរថាយហ្គឺរ គ្រាដែលក្រុមការពារតំណែងជើងឯកភ្នំពេញក្រោន និងបឹងកេត បានបន្ថែម ៣ពិន្ទុ​រៀង​ៗខ្លួន កាលពីចុងសប្ដាហ៍កន្លងទៅ ។សម្រាប់ក្រុមព្រះខ័នរាជស្វាយរៀង បានយកឈ្នះក្រុមអង្គរថាយហ្គឺរ ៥-២ នៅកីឡដ្ឋាន​ខេត្តស្វាយរៀង ។ ៥គ្រាប់ ដែលជួយឲ្យអតីតក្រុមជើងឯក ២សម័យ បន្ដកំណត់ត្រាឈ្នះ ធ្វើ​សម្រេច​​ដោយកីឡាករ ៥នាក់ផ្សេងគ្នា រួមមានកីឡាករ គឹម សុខយុទ្ធ នៅនាទីទី១០, កីឡាករ សារ៉េត គ្រីយ៉ា នៅនាទី៤១, កីឡាករ Ryo Fuji នៅនាទី៦២, កីឡាករ Barcus Haber ​នៅ​នាទី​៧១ និងកីឡាករឡាវ Bounkong Bounphachan នៅនាទី៩០+៥ គ្រាដែល ២គ្រាប់​របស់​ក្រុម​ភ្ញៀវ​អង្គរថាយហ្គឺរ រកបានដោយកីឡាករ Nugent William និង Blasco Llorens ។ចំណែកក្រុមភ្នំពេញក្រោនវិញ គឺបានយកឈ្នះក្រុមម្ចាស់ផ្ទះវិសាខា ១-០ ។ ជំនួប​ក្រោម​ដំណក់​ភ្លៀង​រលឹមពេញ ៩០នាទីនេះ ក្រុមទាំងពីរ បានព្យាយាមវាយសម្រុកគ្នាជាខ្លាំង តែមាន​គ្រាប់​បាល់​កើត​ឡើងតែ ១គ្រាប់ប៉ុណ្ណោះ ដែលធ្វើសម្រចដោយកីឡាករ Rodrigues Roldao Denilson តាំងពីនាទីទី១៨ ហើយក៏ជាគ្រាប់បាល់ជ័យឲ្យក្រុមភ្ញៀវភ្នំពេញក្រោន ទទួលបាន ៣ពិន្ទុ​ត្រឡប់ទៅផ្ទះវិញផងដែរ ។រីឯក្រុមនាគខៀវបឹងកេតវិញ បានយកឈ្នះក្រុមភ្ញៀវគិរីវង់សុខសែនជ័យ ២-០ នៅ​ពហុកីឡដ្ឋាន​ជាតិ​។ ២គ្រាប់របស់អតីតក្រុមជើងឯក ៤សម័យនេះ រកបានដោយកីឡាករ Yoshihama Ryohei​ នៅនាទី២៩ និងកីឡាករ វ៉ាន់ តៃឡាម៉ី នៅនាទី៤៨ ។ដោយឡែកការប្រកួតលីគកំពូលកម្ពុជា សប្ដាហ៍ទី៥ ចំនួន ២គូទៀត គឺក្រុមណាហ្គាវើលដ៏ បាន​ត្រឹម​ស្មើ​ក្រុមម្ចាស់ផ្ទះ ISI ដង្កោសែនជ័យ ១-១ និងក្រុមកងយោធពលខេមរភូមិន្ទ បាន​យក​ឈ្នះ​ក្រុម​ព្រៃវែង​អេហ្វស៊ី ៣-០ ។យោងតាមលទ្ធផលទាំង ៥ប្រកួតនេះ ក្រុមព្រះខ័នរាជស្វាយរៀង បានបន្ដឈរកំពូលតារាង ដោយ​រកបាន ១៥ពិន្ទុពេញ ក្នុងនាមក្រុមតែមួយគត់ ដែលមិនទាន់ស្គាល់ចាញ់ ឬស្មើ តាម​ពី​ក្រោយ​ដោយ​ក្រុមភ្នំពេញក្រោន ដែលរកបាន ១២ពិន្ទុ ខណៈបឹងកេត បានរំកិលមកឈរលេខ៣ មាន ១០ពិន្ទុ ។ រីឯក្រុមវិសាខា បានធ្លាក់មកឈរលេខ៤ ដោយរក្សា ៩ពិន្ទុក្នុងដៃ នាំមុខក្រុម​ព្រៃវែង និងកងយោធពលខេមរភូមិន្ទ ដែលមាន ៧ពិន្ទុស្មើគ្នា ៕ អត្ថបទ លី ឈុនឡា

បញ្ចប់មន្ទិលរឿងផ្លាស់ទៅ Bayern Munich, Kyle Walker បន្តកិច្ចសន្យាជាមួយ Man City ពីរឆ្នាំទៀត

2023/09/15 08:58:26 pm        243
Facebook Telegram Linkin
ខ្សែការពារអង់គ្លេស Kyle Walker បានជម្រះ​មន្ទិល​ក្នុងការ​មិន​ប្រាកដ​ប្រជា​ជាមួយ​ក្រុម​មេឃ​ខៀវ ​Manchester City បន្ទាប់ពីសំរេចចុះហត្ថលេខារយៈពេល ២ ឆ្នាំបន្តនៅកីឡដ្ឋាន Etihad ដល់​ឆ្នាំ ២០២៦។ កិច្ចសន្យាចាស់របស់កីឡាករវ័យ ៣៣ ឆ្នាំរូបនេះនឹងអស់សុពលភាពនៅឆ្នាំ ២០២៤ ដំណាច់​រដូវកាល​នេះ ស្របពេលមានទំនាក់ទំនងផ្ទេរទៅកាន់ក្លិបអាល្លឺម៉ង់ Bayern Munich នៅ​ពេល​ទីផ្សារ​ទិញ​ដូរកីឡាករបើកចំហរកន្លងមក។Kyle Walker បានឈ្នះពានសរុបជាមួយ Manchester City ១៣ ក្នុងរយៈពេល ៦ ឆ្នាំ​កន្លង​មក​។ខ្សែការពារស្លាបស្តាំរូបនេះបានផ្លាស់មកាន់ City កាលពីខែសីហាឆ្នាំ ២០១៧ ផ្ទេរពី Tottenham Hotspur ក្នុងតម្លៃ ៤៥ លានផោន។រដូវកាលមុន​ Kyle Walker បង្ហាញខ្លួនសរុប ៣៩ ប្រកួតគ្រប់ក្របខណ្ឌឱ្យ Manchester City ដែល​ឈ្នះពានបីក្នុងមួយរដូវកាល តែមិនបានចូលលេង ១១ នាក់ដំបូងឡើយពេល City ឈ្នះ Inter Milan នៅវគ្គផ្តាច់ព្រ័ត្រ។រំលឹកថារដូវកាលមុន Walker ស្ទើរតែបាត់បង់តំណែងរបស់ខ្លួនទៅហើយ ដោយ​ធ្លាប់​ត្រូវ​បាន​គេ​ដឹង​ថា​មិនសប្បាយចិត្តនឹងពាក្យសំដីរបស់អ្នកចាត់ការ Pep Guardiola ដែលលើកឡើងថា Walker មិនអាចបត់បែនខ្លួនតាមយុទ្ធសាស្រ្តនៃប្រព័ន្ធការពារថ្មីដែលត្រូវលោក Pep យក​មក​ប្រើ​ប្រាស់​ចាប់​ពីពាក់កណ្តាលរដូវកាលមុន។ យ៉ាងណាក្តី អ្នកចាត់ការសញ្ជាតិអេស្ប៉ាញរូបនេះបានលើកឡើងកាលពីខែកក្កដាកន្លងមកថា នឹង​ធ្វើ​អ្វី​ៗ​គ្រប់យ៉ាងដើម្បីរក្សា Walker ឱ្យនៅបន្តជាមួយ Manchester City ស្របពេល Bayern Munich កាន់តែកៀកក្នុងការនាំយកខ្សែការពារវ័យ ៣៣ ឆ្នាំរូបនេះ។ រដូវកាលនេះ Kyle Walker បានចូលលេង ១១ នាក់ដំបូងទាំង ៤ ប្រកួតរបស់ City នៅ Premier League និង មួយប្រកួតទៀតនៅ UEFA Super Cup៕ អត្ថបទ៖នាង សុភាវុធ

Jadon Sancho ត្រូវហ្វឹកហាត់ដាច់ដោយឡែករហូតដល់បញ្ហាជាមួយ Erik ten Hag ត្រូវបានដោះស្រាយ

2023/09/15 08:32:46 pm        296
Facebook Telegram Linkin
ខ្សែបម្រើស្លាប​ Manchester United, Jadon Sancho នឹងត្រូវហ្វឹកហាត់ដាច់ដោយឡែកពីក្រុម រហូត​ដល់បញ្ហាជាមួយអ្នកចាត់ការ Erik ten Hag ត្រូវបានដោះស្រាយរួចរាល់។អតីតអ្នកចាត់ការ Ajax រូបនេះ មិនបានដាក់ឈ្មោះ Sancho ក្នុងបញ្ជីពេលចាញ់កាំភ្លើងធំ Arsenal ឡើយ ដោយលើក​ឡើងថា​កីឡាករ​អង់គ្លេស​រូប​នេះប​ង្ហាញ​ទំរង់​ក្រោម​ស្តង់ដា​អំឡុង​ពេល​ហ្វឹកហាត់។យ៉ាងណាក្តី កីឡាករវ័យ ២៣ ឆ្នាំរូបនេះ បានបកស្រាយនៅលើបណ្តាញសង្គមថា ខ្លួន​គឺ​ជា​ពពែ​ដែល​ចាំ​តែ​ទទួលកំហុសយូរមកហើយ ដែលធ្វើឱ្យមា​នកា​រ​ផ្ទុះឡើ​ង​នៅ​ការ​ជជែក​គ្នានៅ​លើ​បណ្តាញ​សង្គម​ជុំវិញទំនាក់ទំនងរបស់អ្នកចាត់ការ និងកីឡាកររូបនេះ។ Sancho ដែលផ្លាស់ពី Dortmund កាលពីឆ្នាំ ២០២១ ក្នុងតម្លៃ ៧៣ លានផោននោះ ធ្លាប់​សម្រាក ៣ ខែរដូវកាលមុនដើម្បីទទួលការព្យាបាលបញ្ហាផ្លូវចិត្តផងដែរ ដែល​ធ្វើ​ឱ្យ​ការ​ផ្លាស់​មក​កាន់ Old Trafford នេះ Sancho មិនបានចូលលេងជាប់លាប់ឡើយ ពោលគឺរយៈពេល ៣ ឆ្នាំ​កន្លងមកនេះបង្ហាញខ្លួនបានត្រឹម ៥៨ ប្រកួតនៅ Premier League រកបាន ៩ គ្រាប់ និង ៦ បាល់​បញ្ជូន។ Sancho ជាកីឡាករបម្រុងដែលផ្លាស់ប្តូរចូល ៣ ប្រកួតរដូវកាលនេះ ដែល Manchester United ​ឈ្នះ ២ ចាញ់ ២ នៅ Premier League៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ
07/30/2026 09:07 PM
Facebook Telegram Linkin
ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា
07/30/2026 08:07 PM
Facebook Telegram Linkin
អាល្លឺម៉ង់មាន​អ្នក​ស្លាប់ទាក់​ទង​នឹង​កម្ដៅ​ជិត ១០.០០០នាក់ នៅពាក់កណ្តាលខែកក្កដា
07/30/2026 08:07 PM
Facebook Telegram Linkin
ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា
07/30/2026 08:07 PM
Facebook Telegram Linkin
ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមាន​ទឹកជំនន់ និងបំណាក់​ដី
07/30/2026 08:07 PM
Facebook Telegram Linkin
ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី
07/30/2026 08:07 PM
Facebook Telegram Linkin
អ្នក​ផលិត​មាតិកាយូធូបជនជាតិថៃ Hlun Solo ប្រទះ​ឃើញ​ស្លាប់​នៅហ្សកហ្ស៊ី
07/30/2026 08:07 PM
Facebook Telegram Linkin
បារាំងថ្កោលទោសការរំលោភដែនអាកាសប៉ូឡូញ អំឡុងពេល​មាន​វាយប្រហាររបស់រុស្ស៊ីលើអ៊ុយក្រែន
07/30/2026 08:07 PM
Facebook Telegram Linkin
ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ
07/30/2026 08:07 PM
Facebook Telegram Linkin
អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក
07/30/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.