BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

កីឡាករ ៤ នាក់របស់ក្រុមយុវជន Real Madrid ត្រូវបានឃាត់ខ្លួនជុំវិញរឿងចែករំលែកវីដេអូអាសអាភាស ដែលរួមមានទាំងអនិតិជនម្នាក់ផងដែរ នេះបើតាមការលើកឡើងរបស់មន្ត្រីមានសមត្ថកិច្ច។កីឡាករទាំង ៤ នាក់នោះត្រូវបានចោទសួរ ទទួលការអប់រំ និងដោះលែងទៅវិញបន្ទាប់ពីវីដេអូនោះត្រូវបានដកហូត។ ការសំរេចឃាត់ខ្លួននេះ បន្ទាប់ពីមានការត្អូញត្អែរដោយម្តាយរបស់ក្មេងស្រីវ័យ ១៦ ឆ្នាំម្នាក់ដែលមានមុខនៅក្នុងវីដេអូនោះនេះបើតាមការបញ្ជាក់បន្ថែមរបស់នគរបាល។កីឡាករទាំងបួននាក់នោះ ត្រូវបាននគរបាលឃាត់ខ្លួននៅទីលានហ្វឹកហាត់កាលពីថ្ងៃព្រហស្បតិ៍។ចំណែក Real Madrid បានឱ្យដឹងដែរថា ក្លិបនឹងធ្វើការតាមដានរឿងនេះ ហើយនឹងចាត់វិធានការវិន័យផងដែរ។ក្នុងចំណោម ៤ នាក់នោះមាន ៣ នាក់ស្ថិតនៅក្នុងក្រុម Real Madrid C និងម្នាក់ទៀតស្ថិតនៅក្រុម Real Madrid B ដែលគេស្គាល់ថា Castilla។សូមបញ្ជាក់ថា វីដេអូអាសអាភាសដែលមានវត្តមានក្មេងស្រីវ័យ ១៦ ឆ្នាំដែលលើកឡើងនាងមិនបានយល់ព្រមនោះ ត្រូវបានគេចែករំលែកនៅលើបណ្តាញទំនាក់ទំនងសង្គម WhatsApp៕ អត្ថបទ៖នាង សុភាវុធ

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

ក្រុមបាល់ទាត់ Al-Ittihad បានត្រលប់ឡើងមកឈរកំពូលតារាងនៃក្របខណ្ឌលីគកំពូលអារ៉ាប៊ីសាអ៊ូឌីតបណ្តោះអាសន្ន ក្រោយយកឈ្នះនៅទឹកដី Al-Okhdood ១-០ យប់ថ្ងៃព្រហស្បតិ៍ម្សិលមិញ។ថ្វីបើមានឱកាសច្រើនសម្រាប់ក្រុមចាយលុយច្រើន Al-Ittihad តែពួកគេត្រូវរង់ចាំដល់នាទីទី ៧២ ទើបរឿងសប្បាយចិត្តកើតឡើងសម្រាប់អ្នកគាំទ្រ។ គ្រាប់បាល់បញ្ចូលទីសម្រេចដោយខ្សែប្រយុទ្ធបារាំង អតីតខ្សែប្រយុទ្ធ Real Madrid, Karim Benzema ប្រើប្រាស់ជង្គង់អុកបញ្ចូលទីយ៉ាងល្អ។ នេះជាគ្រាប់បាល់ទី ៣ របស់ Karim Benzema នៅ Saudi Pro League សម្រាប់ Al-Ittihad តាំងពីផ្លាស់ពី Real Madrid រដូវក្តៅកន្លងមក។ បីពិន្ទុនេះធ្វើឱ្យ Al-Ittihad ឡើងមកឈរកំពូលតារាងវិញបណ្តោះអាសន្នមាន ១៥ ពិន្ទុពីការប្រកួត ៦ លើក ខណៈបរាជ័យមួយលើកនោះគឺចាញ់ក្រុមខ្លាំង Al-Hilal ដែលមិនទាន់ប្រកួតនៅឡើយសប្តាហ៍ទី ៦ នេះ៕ អត្ថបទ៖នាង សុភាវុធ

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ

វីរកីឡាការិនីជឺជីតស៊ូឆ្នើមកម្ពុជា ខាន់ ចេសា នឹងបង្ហាញខ្លួនលើកដំបូងលើសង្វៀន ONE Championship ក្នុងការប្រកួតដណ្តើមខ្សែក្រវាត់ជាមួយកីឡាការិនីអាមេរិក Danielle Kelly ក្នុងកម្មវិធី ONE Fight Night 14 នៅសិង្ហបុរី នាថ្ងៃទី២៩ ខែកញ្ញា ឆ្នាំ២០២៣ ខាងមុខ មុនបន្ដដំណើរមកកម្ពុជា ដើម្បីចេញទៅប្រកួតកីឡាអាស៊ី Asian Games លើកទី១៩ នៅទីក្រុង Hangzhou ប្រទេសចិន នាដើមខែក្រោយ ។ជុំវិញជំនួបរវាងម្ចាស់មេដាយមាសស៊ីហ្គេម ឆ្នាំ២០២៣ ចេសា និងជើងខ្លាំងជឺជីតស៊ូលំដាប់ពិភពលោកដូចគ្នា នាចុងខែនេះ ត្រូវបានលោកមន្ដ្រីជាន់ខ្ពស់សហព័ន្ធកីឡាជឺជីតស៊ូកម្ពុជា បញ្ជាក់ថា មិនប៉ះពាល់ដល់ដំណើរឆ្ពោះទៅការពារមេដាយមាសកីឡាអាស៊ី របស់កីឡាការិនីកូនកាត់ ៣សាសន៍ ខាន់ ចេសា ឡើយ ។មន្ដ្រីសហព័ន្ធដដែលបន្ដថា ក្រោយការសម្រេចចិត្តផ្ទាល់ខ្លួន ដោយមានការឯកភាពគ្នា រវាងកីឡាការិនីជម្រើសជាតិកម្ពុជា និងដៃគូប្រកួត ក៏ដូចជាអ្នករៀបចំកម្មវិធី ខាន់ ចេសា នឹងចូលរួមប្រកួតលើសង្វៀន ONE Championship ធម្មតា ក្រោយលក្ខខណ្ឌប្រកួតវិញ្ញាសាទម្ងន់ស្រាល នៃប្រភេទកីឡាជឺជីតស៊ូ មិនមែនជាការប្រកួតគុនចម្រុះ ឬ MMA នោះទេ ។ម្យ៉ាងដោយសារកីឡាការិនីទាំងពីរ សុទ្ធតែជាកីឡាការិនីកម្រិតខ្ពស់ ហេតុនេះការប្រកួតលើសង្វៀន ONE នាចុងខែនេះ ក៏ជាឱកាសពង្រឹងសមត្ថភាព និងបច្ចេកទេសបន្ថែម ពិសេសសម្រាប់កីឡាការិនីកម្ពុជា ខាន់ ចេសា ដើម្បីត្រៀមលក្ខណៈកាន់តែប្រសើរ សម្រាប់ការប្រកួតកីឡាអាស៊ី លើកទី១៩ ក្នុងនាមបេក្ខភាពការពារមេដាយមាស នាពេលឆាប់ៗខាងមុខផងដែរ ។បន្ទាប់ពីចប់ការប្រកួតនេះ ចេសា នឹងត្រូវធ្វើដំណើរមកកម្ពុជា ហើយត្រូវបន្ដដំណើរទៅប្រទេសចិន នៅថ្ងៃទី០២ ខែតុលា ដើម្បីចូលរួមការប្រកួតកីឡាអាស៊ី នៅទីក្រុង Hangzhou ដែលម្ចាស់មេដាយមាស ឆ្នាំ២០១៨ របស់កម្ពុជារូបនេះ នឹងត្រូវធ្វើការប្រកួតនៅថ្ងៃទី០៦ ខែតុលា ។ ដូច្នេះផ្អែកលើពេលវេលានេះ លោកមន្ដ្រីសហព័ន្ធដដែល អះអាងថា មិនមានផលប៉ះពាល់អ្វីដល់ ចេសា រវាងការនៅលើសង្វៀន ONE Championship និងការប្រកួតកីឡាអាស៊ីនោះទេ ។គួរដឹងថា ខាន់ ចេសា គឺអត្តពលិកកីឡាជឺជីតស៊ូម្នាក់ ក្នុងចំណោម ២នាក់ ដែលសហព័ន្ធត្រៀមបញ្ជូនទៅចូលរួមប្រកួតកីឡាអាស៊ី លើកទី១៩ ។ អ្វីដែលពិសេស បេសកកម្មលើកនេះដែរ ចេសា ត្រូវការពារមេដាយមាសរបស់ខ្លួន បន្ទាប់ពីកញ្ញាដណ្ដើមបានមេដាយមាសជូនជាតិលើកដំបូង ក្នុងកីឡាអាស៊ី លើកទី១៨ នៅទីក្រុងហ្សាកាតា ប្រទេសឥណ្ឌូនេស៊ី មុនបន្ដដណ្ដើមបានមេដាយមាសស៊ីហ្គេម ២សម័យ កាលពីឆ្នាំ២០១៩ នៅហ្វីលីពីន និងស៊ីហ្គេម ឆ្នាំ២០២៣ នៅកម្ពុជា ៕ អត្ថបទ លី ឈុនឡា

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

ក្រុមម្ចាស់ផ្ទះបារាំង បានបន្តជ័យជំនះ ២ ប្រកួតផ្ទួនៗរបស់ខ្លួននៅក្នុងពូល ក្រោយយកឈ្នះក្រុមអ៊ុយរូហ្កាយ ២៧-១២។ បារាំងដែលធ្វើការផ្លាស់ប្តូរជម្រើសដំបូងរបស់ខ្លួនដល់ទៅ ១២ នាក់ពីការប្រកួតដំបូងដែលយកឈ្នះនូវែស៊ីឡង់នោះ បាននាំមុខមុនដោយបាល់ពិន័យរបស់ Melvyn Jaminet មុនពេលដែលអ៊ុយរូហ្កាយតាមពីក្រោយវិញដោយ Try របស់ Nicolas Freitas តែ Antoine Hastoy ជាអ្នកជួយបារាំងនាំមុខសាជាថ្មី។អ៊ុយរូហ្កាយក៏ធ្វើបានល្អតាមរយៈការដាក់សម្ពាធលើក្រុមបារាំង តែក្រុមម្ចាស់ផ្ទះអាចគ្រប់គ្រងស្ថានការបានខណៈដែល Peato Mauvaka និង Louis Bielle-Biarrey ជាអ្នកសម្រេចជ័យជំនះឱ្យបារាំង។ជ័យជំនះពីរប្រកួតផ្ទួនៗនេះធ្វើឱ្យបារាំង កាន់តែកៀកក្នុងការឈានឆ្ពោះទៅវគ្គ ៨ ក្រុមចុងក្រោយ ខណៈពួកគេនឹងត្រូវជួបជាមួយ ណាមីប៊ីប្រកួទបន្ទាប់ ឯអ៊ុយរូហ្កាយត្រូវជួបអ៊ីតាលី៕ អត្ថបទ៖នាង សុភាវុធ

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ការប្រកួតជម្រើសជើងឯកលីគកំពូលកម្ពុជា Cambodian Premier League 2023/24 នឹងបន្ដការប្រកួតសន្សំពិន្ទុ សប្ដាហ៍ទី៥ នាចុងសប្ដាហ៍នេះ បន្ទាប់ពីសម្រាកការប្រកួត ២សប្ដាហ៍ កំឡុងថ្ងៃ FIFA កាលពីថ្មីៗកន្លងទៅ ។សម្រាប់កម្មវិធីប្រកួតសប្ដាហ៍ទី៥ រួមមាននៅថ្ងៃទី១៦ ខែកញ្ញា ក្រុមមិនទាន់ស្គាល់ចាញ់ ឬស្មើ ព្រះខ័នរាជស្វាយរៀង ត្រូវបើកទ្វារផ្ទះទទួលក្រុមអង្គររថាយហ្គឺរ និងកំពុងឡើងជើងព្រៃវែងអេហ្វស៊ី ជួបក្រុមភ្ញៀវកងយោធពលខេមរភូមិន្ទ ។ចំណែកនៅថ្ងៃទី១៧ ខែកញ្ញា គឺមាន ៣គូ រួមមានក្រុម ISI ដង្កោសែនជ័យ ត្រូវជួបក្រុមភ្ញៀវណាហ្គាវើលដ៍ ខណៈក្រុមបឹងកេត ត្រូវជួបគិរីវង់សុខសែនជ័យ នៅពហុកីឡដ្ឋានជាតិ និងក្រុមវិសាខា ត្រូវជួបក្រុមភ្នំពេញក្រោន នៅកីឡដ្ឋានព្រីនស៍ ។គួរដឹងថា គិតត្រឹមសប្ដាហ៍ទី៤ មានតែក្រុមព្រះខ័នរាជស្វាយរៀងប៉ុណ្ណោះ ដែលមិនទាន់ស្គាល់ចាញ់ ឬស្មើ ពោលគឺពួកគេ កំពុងឈរកំពូលតារាង និងមាន ១២ពិន្ទុពេញ ក្រោយឈ្នះ ៤ប្រកួតផ្ទួនៗ គ្រាដែលវិសាខា និងភ្នំពេញក្រោន មាន ៩ពិន្ទុស្មើគ្នា ឈរលេខ២ និងលេខ៣ តាមពីក្រោយដោយព្រៃវែងអេហ្វស៊ី និងបឹងកេត ដែលរកបាន ៧ពិន្ទុស្មើគ្នា ៕ អត្ថបទ លី ឈុនឡា

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

កីឡាករប្រណាំង F1 ហ្វាំងឡង់ Valtteri Bottas និងកីឡាករចិន Zhou Guanyu នឹងបន្តស្នាក់នៅជាមួយក្រុមប្រណាំង F1 Alfa Romeo មួយរដូវកាលទៀត។Valtteri Bottas ដែលផ្លាស់ពី Mercedes កាលពីឆ្នាំ ២០២២ នោះ ស្ថិតក្នុងគំរោងរបស់ Alfa Romeo រដូវកាលក្រោយស្រាប់ តែកីឡាករចិន Zhou Guanyu ដំបូងស្ថិតក្នុងការពិចារណារបស់ក្រុម។យ៉ាងណាក្តី ស្របពេលក្រុម F1 ទាំងអស់កំពុងត្រៀមលក្ខណៈសម្រាប់ការប្រកួតនៅទឹកដីសិង្ហបុរីសប្តាហ៍នេះ Alfa Romeo បានបញ្ជាក់ថា កីឡាករទាំងពីររបស់ខ្លួននឹងបន្តបើកបរឱ្យ Alfa Romeo ៣ រដូវកាលជាប់គ្នា។Alfa Romeo នឹងត្រូវបញ្ចប់ឈ្មោះរបស់ខ្លួនត្រឹមដំណាច់រដូវកាលនេះ ហើយនឹងត្រូវប្រើប្រាស់ឈ្មោះថ្មីនៅរដូវកាលក្រោយ តែក្រុមមិនទាន់បង្ហាញនៅឡើយ។ សូមបញ្ជាក់ថា Alfa Romeo កំពុងឈរលេខ ៩ ក្នុងចំណោម ១០ ក្រុមនៅ F1 រដូវកាលនេះ ខណៈកីឡាករ Valtteri Bottas ឈរលេខ ១៥ មាន ៦ ពិន្ទុ និង Zhou Guanyu ឈរលេខ ១៦ មាន ៤ ពិន្ទុ៕ អត្ថបទ៖នាង សុភាវុធ

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

កីឡាករប្រណាំងកង់អាមេរិក Sepp Kuss បានបន្តដំណើរត្រលប់មកពន្លាតវេលានាំមុខរបស់ខ្លួននៅ Vuelta a Espana ដែលកៀកនឹងបញ្ចប់ទៅហើយ បើទោះបីជាដំណាក់កាលទី ១៨ ជ័យជំនះបានទៅកីឡាករប្រណាំងកង់ប៊ែលហ្ស៊ិក Remco Evenepoel ក៏ដោយ។ដំណាក់កាលទី ១៨ ដែលមានចំងាយផ្លូវ ១៧៩ គីឡូម៉ែត្រ Sepp Kuss ដែលជិះឱ្យក្រុម Jumbo-Visma បានបញ្ចប់នៅចំណាត់ថ្នាក់លេខ ១០ ឯណោះ តែនៅលើគូប្រជែងរបស់គេទាំងពីរនាក់ដែលជាមិត្តរួមមាន Jonas Vingegaard និង Primoz Roglic ដែលសុទ្ធតែបញ្ចប់ដំណាក់កាលទី ១៨ នៅក្រៅចំណាត់ថ្នាក់ Top10។Sepp Kussជាមួយគ្នានោះដែរ កីឡាកររបស់ក្រុម Soudal-Quick-Step, Rembo Evenepoel ជាអ្នកឈ្នះដំណាក់កាលទី ១៨ នេះក្រោយមកដល់ទីព្រ័ត្រមុនគេប្រើពេល ៤ ម៉ោង ៤៧ នាទី ៣៧ វិនាទី តាមពីក្រោយដោយកីឡាករអ៊ីតាលី Damiano Caruso យឺតជាង ៤ នាទី ៤៤ វិនាទី និងលេខ ៣ Andreas Kron សញ្ជាតិដាណឺម៉ាក។ នៅក្នុងតារាងរួមវិញបីនាក់ខាងលើសុទ្ធតែជិះឱ្យក្រុម Jumbo-Visma ទាំងអស់ ក្នុងនោះ Sepp Kuss បង្កើនការនាំមុខដល់ ១៧ វិនាទីពីអ្នកលេខ ២ Jonas Vingegaard និងលេខ ៣ Primoz Roglic យឺតជាង ១ នាទី ៨ វិនាទី។សម្រាប់ដំណាក់កាលទី ១៩ ថ្ងៃសុក្រនេះមានចំងាយផ្លូវ ១៧៨ គីឡូម៉ែត្រ។ សូមបញ្ជាក់ថាព្រឹត្តិការណ៍ប្រណាំងកង់ Grand Tour នៅអេស្ប៉ាញ Vuelta a Espana នឹងបិទបញ្ចប់ទាំងស្រុងនៅថ្ងៃអាទិត្យដែលជាដំណាក់កាលទី ២១ បញ្ចប់នៅទីក្រុង Madrid៕ អត្ថបទ៖នាង សុភាវុធEvenepoel

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

ខ្សែបម្រើអ៊ីតាលី Marco Varretti បានសំរេចក្នុងការផ្លាស់ទៅកាន់ក្លិបកាតា Al-Arabi ហើយក្នុងតម្លៃផ្ទេរ ៣៨.៧ លានផោន រឺ ៤៥ លានអឺរ៉ូ។ Varretti ក្លាយជាកីឡាករអឺរ៉ុបទីពីរដែលផ្លាស់ទៅទឹកដីកាតាក្នុងរយៈពេល ១ សប្តាហ៍ចុងក្រោយនេះ បន្ទាប់ពីខ្សែបម្រើប្រេស៊ីល Philippe Coutinho ទើបផ្លាស់ទៅ Al-Duhail កាលពីថ្ងៃសុក្រក្នុងកិច្ចសន្យាខ្ចីជើងពេញមួយរដូវកាលពី Aston Villa។Marco Varretti ធ្លាប់ឈ្នះជើងឯកក្របខណ្ឌបារាំង Ligue1 ៩ លើកជាមួយ PSG តាំងពីផ្លាស់មកកាន់ទឹកដីបារាំងតាំងពីឆ្នាំ ២០១២ ហើយក៏ជាសមាជិករបស់ក្រុមជម្រើសជាតិអ៊ីតាលីដែលលើកពាន Euro 2020 ផងដែរ។Marco Varretti ក៏បានក្លាយជាកីឡាករអឺរ៉ុបម្នាក់ទៀតដែលផ្លាស់ទៅកាន់ទឹកដីមជ្ឈឹមបូព៌ាផងដែរ បន្ទាប់ពីកីឡាករដែលមានឈ្មោះល្បីជាច្រើនផ្លាស់ទៅក្របខណ្ឌ Saudi Pro League។កីឡាករវ័យ ៣០ ឆ្នាំរូបនេះនឹងបានរួមអាជីពជាមួយអតីតកីឡាករ PSG ម្នាក់គឺ Rafinha ដែលបងប្អូនភ្លោះនឹងខ្សែបម្រើ Liverpool, Thiago Alcantara ផងដែរ៕ អត្ថបទ៖នាង សុភាវុធ

ប៉ូឡូញបណ្តេញគ្រូបង្វឹក Fernando Santos ចេញក្រោយដឹកនាំបានត្រឹម ៦ ប្រកួត

សហព័ន្ធកីឡាបាល់ទាត់ប៉ូឡូញ បានសំរេចបញ្ចប់តំណែងគ្រូបង្វឹកក្រុមជម្រើសជាតិលោក Fernando Santos ហើយក្រោយដឹកនាំក្រុមបានត្រឹម ៦ ប្រកួតមិនបានមួយឆ្នាំផង។ប៉ូឡូញចុងក្រោយបំផុតចាញ់នៅទឹកដីអាល់បានី ២-០ កាលពីថ្ងៃអាទិត្យ ដែលជាបរាជ័យទី ៣ ក្នុងចំណោម ៥ ប្រកួតផ្លូវការក្រោមការដឹកនាំរបស់លោក Fernando Santos ដែលធ្វើឱ្យប៉ូឡូញនៅពេលនេះធ្លាក់ដល់លេខ ៤ ក្នុងពូល E នៃវគ្គជំរុះ Euro 2024។បុរសវ័យ ៦៨ ឆ្នាំរូបនេះធ្លាប់បានដឹកនាំព័រទុយហ្កាល់ពីមុន ឈ្នះជើងឯក Euro 2016 និង UEFA Nations League នៅរដូវកាល ២០១៨-១៩ តែក៏បានចាកចេញក្រោយព័រទុយហ្កាល់ធ្លាក់នៅវគ្គ ៨ ក្រុមចុងក្រោយ World Cup 2022 នៅកាតាឆ្នាំមុន។ ជ័យជំនះតែមួយប្រកួតគត់របស់ប៉ូឡូញក្រោមការដឹកនាំរបស់លោក Santos គឺឈ្នះអាល្លឺម៉ង់លក្ខណៈមិត្តភាពកាលពីខែមិថុនា។ ប្រធានក្រុមប៉ូឡូញ Robert Lewandowski តែងតែជា ១១ នាក់ដំបូង ៦ ប្រកួតក្រោមការដឹកនាំរបស់លោក Santos ដោយរកបាន ៣ គ្រាប់ និងសរុប ៨១ គ្រាប់ឱ្យក្រុមជម្រើសជាតិក្នុងអាជីពរបស់ខ្សែប្រយុទ្ធ Barcelona រូបនេះ។ប៉ូឡូញនៅពេលនេះឈរក្នុងពូលពីក្រោមអាល់បានី ម៉ុលដាវី និងសាធារណរដ្ឋឆេក ខណៈប្រកួតបន្ទាប់នៅតុលានឹងត្រូវជួបជាមួយហ្វារ៉ូអ៊ីស្លង់៕ អត្ថបទ៖នាង សុភាវុធ

Manchester United ព្រមព្រៀងជាមួយដៃគូពាណិជ្ជកម្មថ្មីនៅលើអាវចាប់ពីរដូវកាលក្រោយទៅ

ក្លិបបិសាចក្រហម Manchester United បានឈានដល់កិច្ចព្រមព្រៀងហើយជាមួយក្រុមហ៊ុនបច្ចេកវិទ្យាអាមេរិក Qualcomm ដែលនឹងឃើញឈ្មោះបន្ទះឈីបទូរស័ព្ទដៃ Snapdragon ជំនួសស្លាកយីហោដៃគូចាស់ TeamViewer នៅលើអាវចាប់ពីរដូវកាលក្រោយទៅ។ក្លិបមិនបានបញ្ជាក់លំអិតអំពីកិច្ចព្រមព្រៀងនៃភាគីទាំងពីរឡើយ តែសារព័ត៌មាន Athletic បានចុះផ្សាយថា Qualcomm និង Manchester United យល់ព្រមកិច្ចសន្យាទាបបំផុត ៣ ឆ្នាំ ដែលក្នុងមួយឆ្នាំ Man United ទទួលបាន ៦០ លានផោន។ រំលឹកថា Manchester United បានចុះហត្ថលេខាជាមួយដៃគូចាស់ TeamViewer ដែលមានមូលដ្ឋាននៅប្រទេសអាល្លឺម៉ង់រយៈពេល ៥ ឆ្នាំជំនួសក្រុមផលិតរថយន្តអាមេរិក Chevrolet កាលពីឆ្នាំ២០២១។យ៉ាងណាក្តីក្លិបដែលមានមូលដ្ឋាននៅទីក្រុង Manchester មួយនេះ បានឱ្យដឹងកាលពីខែធ្នូថា ក្លិបបានព្រមព្រៀងនឹងគ្នាជាមួយ TeamViewer ក្នុងការស្វែងរកដៃគូថ្មីដែលមានតម្លៃខ្ពស់ជាង ដោយសារតែ TeamViewer និង Manchester United សហការគ្នាក្នុងតម្លៃនៅក្នុងបរិបទ Covid-19។ដូច្នេះចាប់ពីរដូវកាល ២០២៤-២៥ ទៅ នៅលើអាច Manchester United គ្រប់ឈុតនឹងមានស្លាកយីហោ Snapdragon។ សូមបញ្ជាក់ផងដែរថា Manchester United ទើបតែចុះហត្ថលេខាលើកិច្ចសន្យា ៩០០ លានផោនផងដែរជាមួយក្រុមហ៊ុនផ្គត់ផ្គង់សម្ភារៈកីឡាអាល្លឺម៉ង់ Adidas កាលពីខែកក្កដា រយៈពេល ១០ ឆ្នាំ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

ប៉ូឡូញបណ្តេញគ្រូបង្វឹក Fernando Santos ចេញក្រោយដឹកនាំបានត្រឹម ៦ ប្រកួត

Manchester United ព្រមព្រៀងជាមួយដៃគូពាណិជ្ជកម្មថ្មីនៅលើអាវចាប់ពីរដូវកាលក្រោយទៅ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែក​វីដេអូអាសអាភាស

មួយជង្គង់របស់ Benzema ជួយ Al-Ittihad ឈ្នះនៅទឹកដី Al-Okhdood ឈរកំពូលតារាងបណ្តោះអាសន្ន

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE ​មិនប៉ះពាល់ដល់ការប្រកួតកីឡាអាស៊ីនោះទេ

ម្ចាស់ផ្ទះបារាំងបន្តឈ្នះ ២ ប្រកួតជាប់គ្នានៅការប្រកួតបាល់ឱបជើងឯកពិភពលោក

លីគកំពូលកម្ពុជា ត្រឡប់មកវិញចុងសប្ដាហ៍នេះ ក្រោយសម្រាក FIFA Day ២សប្ដាហ៍

ក្រុម F1 Alfa Romeo សម្រេចប្រើប្រាស់កីឡាករ Valtteri Bottas និង Zhou Guanyu មួយឆ្នាំទៀត

Sepp Kuss បង្កើនការនាំមុខនៅ Vuelta a Espana ទោះ Evenepoel ជាអ្នកឈ្នះដំណាក់កាលទី ១៨

Marco Varretti ចាកចេញពី PSG ទៅក្លិបកាតា Al-Arabi តម្លៃផ្ទេរជិត ៤០ លានផោន

ប៉ូឡូញបណ្តេញគ្រូបង្វឹក Fernando Santos ចេញក្រោយដឹកនាំបានត្រឹម ៦ ប្រកួត

Manchester United ព្រមព្រៀងជាមួយដៃគូពាណិជ្ជកម្មថ្មីនៅលើអាវចាប់ពីរដូវកាលក្រោយទៅ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករក្រុមយុវជន Real Madrid ៤ នាក់ត្រូវឃាត់ខ្លួនពីបទចែករំលែកវីដេអូអាសអាភាស

មន្ដ្រីសហព័ន្ធ៖ ខាន់ ចេសា ប្រកួតលើសង្វៀន ONE មិនប៉ះពាល់ដល់ការប្រកួតកីឡាអាស៊ីនោះទេ