BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាករអង់ដូរ៉ា Lima ចូលលេងប្រកួតចុងក្រោយបន្ទាប់ពីបង្ហាញខ្លួនឱ្យក្រុមជម្រើសជាតិ ២៦ ឆ្នាំ

ឆ្លងកាត់រយៈពេល ២៦ ឆ្នាំ បង្ហាញខ្លួនបាន ១៣៧ លើក កីឡាករបាល់ទាត់សញ្ជាតិអង់ដូរ៉ា Ildefons Lima បានចូលលេងការប្រកួតចុងក្រោយរបស់ខ្លួនមុនចូលនិវត្តន៍ និងក្លាយជាកីឡាករដែលលេងឱ្យក្រុមជម្រើសជាតិយូរបំផុត។ បុរសវ័យ ៤៣ ឆ្នាំរូបនេះបានបង្ហាញខ្លួនប្រកួតដំបូងឱ្យក្រុមជម្រើសជាតិអង់ដូរ៉ានៅវ័យ ១៧ ឆ្នាំក្នុងបរាជ័យ ៤-១ ទល់នឹងអេស្តូនីនៅឆ្នាំ ១៩៩៧ ដែលមួយគ្រាប់ក្នុងពេលចាញ់នោះ ជាគ្រាប់ទីពីរប៉ុណ្ណោះរបស់ក្រុមអង់ដូរ៉ានៅការប្រកួតអន្តរជាតិផ្លូវការ។Lima តែងតែបង្ហាញខ្លួនឱ្យក្រុមជម្រើសជាតិគ្រប់ទសវត្សរិ៍ទាំងអស់តាំងពីឆ្នាំ ១៩៩៧ មករហូតមកដល់យប់ថ្ងៃអង្គារកន្លងទៅ ដែលជាប្រកួតចុងក្រោយបំផុតរបស់ខ្លួន ខណៈអង់ដូរ៉ាចាញ់ស្វ៊ីស ៣-០។ ក្រោយលេងបានត្រឹម ២៣ នាទី Lima ត្រូវបានផ្លាស់ប្តូរចេញ និងទទួលបានការទះដៃសាទរពីអ្នកគាំទ្រអង់ដូរ៉ា ព្រមទាំងអ្នកគាំទ្រស្វ៊ីសផងដែរ។ កាលពីឆ្នាំ ២០២១ សៀវភៅកំណត់ត្រាពិភពលោក Guinness World Records បានប្រកាសថា Lima ជាកីឡាករដែលបង្ហាញខ្លួនឱ្យក្រុមជម្រើសជាតិយូរបំផុតលើលោក។ សម្រាប់ផ្នែកនារីវិញ អ្នកកាន់កំណត់ត្រានេះគឺអតីតខ្សែបម្រើប្រេស៊ីល Formiga វ័យ ៤៥ ឆ្នាំ ដោយបានលេងឱ្យក្រុមជម្រើសជាតិនារីប្រេស៊ីលរយៈពេល ២៦ ឆ្នាំដូចគ្នាពីឆ្នាំ ១៩៩៥ ដល់ ២០២១ បង្ហាញខ្លួនសរុបបាន ២៣៤ ប្រកួត។ Lima គឺជាប្រធានក្រុមអង់ដូរ៉ាជាងមួយទសវត្សរិ៍ទៅហើយ តំណាងឱ្យប្រជាជាតិអង់ដូរ៉ាដែលមានប្រជាជនត្រឹម ៧៩០០០ នាក់។ ក្នុងការប្រកួតតំណាងឱ្យក្រុមជម្រើសជាតិ Lima ចាញ់សរុបជាង ១០០ ប្រកួត ពោលគឺអង់ដូរ៉ាធ្លាប់ឈ្នះតែ ៧ ប្រកួតគត់ក្នុងប្រវត្តិសាស្រ្តពួកគេ ក្នុងនោះចុងក្រោយបំផុតឈ្នះលិកតិនស្តាញ ២-០ នៅពានរង្វាន់ UEFA Nations League នៅឆ្នាំ ២០២២។ថ្វីបើជាខ្សែការពារកណ្តាល Lima គឺជាកីឡាករដែលរកបានគ្រាប់បាល់ច្រើនបំផុតឱ្យក្រុមជម្រើសជាតិអង់ដូរ៉ាសរុប ១១ គ្រាប់៕ អត្ថបទ៖នាង សុភាវុធ

អ្នកគាំទ្រចិនស្រែកទាលុយថ្លៃសំបុត្រមកវិញ ក្រោយចាញ់ស៊ីរីលក្ខណៈមិត្តភាពក្នុងផ្ទះខ្លួនឯង

ជារឿងមិនគួរកើតមួយនៅក្នុងពិភពបាល់ទាត់ អ្នកគាំទ្រក្រុមបាល់ទាត់ជម្រើសជាតិចិនបានស្រែកបង្អាប់ក្រុមខ្លួនឯង ស្រែកទាលុយថ្លៃសំបុត្រដែលទិញចូលទស្សនាមកវិញ និងថែមទាំងទះដៃសាទរក្រុមស៊ីរីទៅវិញ ក្នុងការប្រកួតលក្ខណៈមិត្តភាពបរាជ័យក្រោមថ្វីជើងស៊ីរីក្នុងទឹកដីខ្លួនឯង។ចិនគិតមកដល់ពេលនេះឈ្នះតែ ៤ ប្រកួតប៉ុណ្ណោះក្នុងរយៈពេល ២ ឆ្នាំចុងក្រោយ ហើយឈ្នះសុទ្ធតែក្រុមដែលឈរក្រៅលេខរៀង Top90 នៃ FIFA World Ranking ទៅទៀត។ចុងក្រោយបំផុត ចិនបានរងបរាជ័យក្រោមថ្វីជើងស៊ីរីដែលឈរលេខ ៩៤ ពិភពលោក ខណៈនៅខ្វះតែ ៤ ខែទៀតប៉ុណ្ណោះនឹងឈានដល់ការប្រកួតបាល់ទាត់ជើងឯកទ្វីបអាស៊ី និង ២ ខែទៀតឈានដល់ការប្រកួតជម្រុះ World Cup តំបន់អាស៊ី។ ចិនបច្ចុប្បន្នឈរលេខ ៨០ ពិភពលោក និងធ្លាប់បង្ហាញខ្លួននៅ World Cup ចុងក្រោយបំផុតនៅឆ្នាំ២០០២ ថ្វីបើចិនមានប្រជាជនច្រើនបំផុតទី ២ នៅលើលោក។ប្រធានាធិបតីចិន Xi Jingping ធ្លាប់បាននិយាយថា លោកចង់ឱ្យចិនជាក្រុមបាល់ទាត់កំពូលមួយនៅលើលោក និងឈ្នះជើងឯកពិភពលោកមុនឆ្នាំ ២០៥០ តែនៅពេលនេះហាក់មិនអាចទៅរួចឡើយ។ការប្រកួតមិត្តភាពទល់នឹងស៊ីរីកាលពីថ្ងៃអង្គារនៅទីក្រុងឆឹងទូ មានអ្នកគាំទ្រទស្សនាត្រឹម ១២៣៦៧ នាក់ប៉ុណ្ណោះ ក្នុងកីឡដ្ឋានដែលផ្ទុកមនុស្សបាន ៦០០០០ នាក់។សារព័ត៌មានចិនមួយបានចុះផ្សាយថា អ្នកគាំទ្របានស្រែកបន្ទោសបង្អាប់កីឡាករខ្លួនឯង និងលើស្លាកទាលុយថ្លៃសំបុត្រមកវិញ ខណៈដែលមានវីដេអូបង្ហោះនៅលើបណ្តាញសង្គមឃើញថាអ្នកគាំទ្របែជានាំគ្នាទះដៃសាទរក្រុមស៊ីរីទៅវិញ។គណនីផ្លូវការរបស់ក្រុមជម្រើសជាតិចិននៅលើនបណ្តាញសង្គមចិន Weibo ពេញដោយមតិរិះគន់ ខឹងសម្បារ៕ អត្ថបទ៖នាង សុភាវុធ

ក្រុមការពារជើងឯក Davis Cup កាណាដាចាប់ផ្តើមជាមួយនឹងជ័យជំនះ លើអ៊ីតាលី

ក្រុមវាយកូនបាល់កាណាដា ដែលជាអ្នកការពារតំណែងជើងឯកពានរង្វាន់ Davis Cup បានចាប់ផ្តើមការប្រកួត ក្នុងពូលរបស់ខ្លួនជាមួយនឹងជ័យជំនះលើក្រុមអ៊ីតាលីដាច់ ៣-០។ Alexis Galarneau បានយកឈ្នះ Lorenzo Sonego មុនពេលដែល Gabriel Diallo យកឈ្នះ Lorenzo Musetti នៅចំពោះមុខអ្នកគាំទ្រម្ចាស់ផ្ទះអ៊ីតាលីនៅទីក្រុង Bologna។Alexis Galarneau ក្រោយមកក៏ចាប់ដៃគូជាមួយ Vasek Pospisil ឈ្នះការប្រកួតវាយគូម្តងទៀត។ កាណាដាដែលយកឈ្នះអូស្រ្តាលីនៅវគ្គផ្តាច់ព្រ័ត្រឆ្នាំមុនលើកពាន Davis Cup លើកដំបូងនៅពេលនេះឡើងឈរលើគេក្នុងពូល A ជាមួយនឹងស៊ីលី។ ងាកទៅក្រុមអាមេរិកវិញក៏រកបានជ័យជំនះដំបូងដែរទៅលើក្រុមក្រូអាស៊ីប្រផិតប្រផើយ ២-១។កីឡាករអាមេរិក Mackenzie McDonald ចាប់ផ្តើមជាមួយនឹងជ័យជំនះលើកីឡាករក្រូអាស៊ី Dino Prizmic តែ Frances Tiafoe បែជារងបរាជ័យក្រោមស្នាដៃកីឡាករលេខ ៧៧ ពិភពលោក Borna Gojo នៅក្នុងពូល D។ប្រកួតកាត់សេចក្តីវាយគូក្រូអាស៊ីដែលមានកីឡាករ Rajeev Ram និង Austin Krajicek ក៏បានយកឈ្នះ Ivan Dodig និង Mate Pavic យ៉ាងតានតឹង ៧-៦(៧-៥) ៦-៧(៣-៧) និង ៦-២។ ចំណែកលទ្ធផលផ្សេងទៀត ក្រុមចក្រភពអង់គ្លេសបានយកឈ្នះក្រុមជើងឯករងឆ្នាំមុនអូស្រ្តាលី ២-១ និង ខណៈអេស្ប៉ាញដែលគ្មាន Carlos Alcaraz ចាញ់សាធារណរដ្ឋឆេក៕ អត្ថបទ៖នាង សុភាវុធ

Hun Sen Cup ៖ បាត់ដំបង ចាំអ៊ុតប្រកួតចុងក្រោយឈើតុំ ខណៈភ្នំពេញហ្គាឡាក់ស៊ី បន្ដឈ្នះព្រះសីហនុ ២-០

ក្រុមបាល់ទាត់យុវជនខេត្តបាត់ដំបង ត្រូវចាំអ៊ុតលទ្ធផលការប្រកួតចុងក្រោយរបស់ក្រុមឈើតុំ-ខេត្តពោធិ៍សាត់ ដើម្បីកំណត់ជោគវាសនាក្រុមឡើងវគ្គបន្ដ បន្ទាប់ពីយកឈ្នះក្រុមសូហ្វីយ៉ាប៉ៃលិន ៧-១ ក្នុងជំនួបចុងក្រោយរបស់ខ្លួន ក្នុងពូលC កាលពីថ្ងៃទី១៣ ខែកញ្ញា នៃពានរង្វាន់សម្ដេចតេជោ ហ៊ុន សែន(Hun Sen Cup) លើកទី១៧ ថ្នាក់ខេត្ត ឆ្នាំ២០២៣ ស្របពេលក្រុមភ្នំពេញហ្គាឡាក់ស៊ី បានយកឈ្នះខេត្តព្រះសីហនុ ២-០ មុនដឹកដៃគ្នាឡើងវគ្គ ៨ក្រុមចុងក្រោយ ។សម្រាប់គ្រាប់បាល់ជ័យជម្នះ ៧គ្រាប់របស់ក្រុមយុវជនខេត្តបាត់ដំបង លើក្រុមម្ចាស់ផ្ទះសូហ្វីយ៉ាប៉ៃលិន ធ្វើសម្រេចដោយកីឡាករ សុវុធ សុខជា ២គ្រាប់, កីឡាករ ទីន ឡាឌីន ៤គ្រាប់ និងមិត្តរួមក្រុម រឿត រក្សា ១គ្រាប់ ។ ជ័យជម្នះនេះ នាំឲ្យបាត់ដំបង ឈរលេខ២ ក្នុងពូលJ បណ្ដោះអាសន្ន ដោយមាន ១៤ពិន្ទុ នាំមុខក្រុមឈើតុំ-ខេត្តពោធិ៍សាត់ ដែលមាន ១២ពិន្ទុ តែឈើតុំ នៅសល់ ១ប្រកួតទៀត ដែលត្រូវជួបក្រុមកំពូលតារាងខេត្តបន្ទាយមានជ័យ ។ ដូច្នេះបាត់ដំបង ត្រូវរង់ចាំអ៊ុតការប្រកួតចុងក្រោយនេះ ប្រសិនបើឈើតុំ-ពោធិ៍សាត់ ស្មើ ឬចាញ់ ឱកាសមាសនេះ នឹងបានទៅបាត់ដំបង តែបើពួកគេឈ្នះ កៅអីវគ្គ ៨ក្រុមចុងក្រោយ នឹងបានទៅក្រុមឈើតុំ-ពោធិ៍សាត់តែម្ដង ។ដោយឡែកជំនួបបង្គ្រប់កិច្ចក្នុងពូលA វិញ ក្រុមភ្នំពេញហ្គាឡាក់ស៊ី បានបន្ដកំណត់ត្រាមិនស្គាល់ចាញ់ ក្រោយយកឈ្នះក្រុមម្ចាស់ផ្ទះខេត្តព្រះសីហនុ ២-០ ។ ជ័យជម្នះនេះ នាំឲ្យពួកគេ បន្ដឈរកំពូលតារាង និងមាន ២០ពិន្ទុ ខណខេត្តព្រះសីហនុ បន្ដឈរលេខ២ និងមាន ១២ពិន្ទុ ។ រីឯខេត្តកំពត បានរក្សាចំណាត់ថ្នាក់លេខ៣ ក្នុងពូល បន្ទាប់ពីយកឈ្នះក្រុមភ្ញៀវមន្ទីរអប់រំ យុវជន និងកីឡា ដោយលទ្ធផល ៤-០ ក្នុងជំនួបបញ្ចប់ពូលA កាលពីល្ងាចថ្ងៃពុធជាមួយគ្នា ។មកទល់ពេលនេះ ពានរង្វាន់សម្ដេចតេជោ ហ៊ុន សែន ថ្នាក់ខេត្ត គឺបានរកឃើញក្រុមកក់កៅអីវគ្គ ៨ក្រុមចុងក្រោយ ចំនួន ៦ក្រុមហើយ រួមមានក្រុមភ្នំពេញហ្គាឡាក់ស៊ី និងខេត្តព្រះសីហនុ ដែលឈរលេខ១ និងលេខ២ ក្នុងពូលA ។ ខេត្តត្បូងឃ្មុំ និងខេត្តកំពង់ចាម ឈរលេខ១ និងលេខ២ នៃពូលB ។ ក្រុមបាល់ទាត់ខេត្តបន្ទាយមានជ័យ ឈរលេខ១ ពូលC និងខេត្តកំពង់ធំ ដែលឈរលេខ១ ក្នុងពូលD ៕ អត្ថបទ លី ឈុនឡា

Primoz Roglic ឈ្នះដំណាក់កាលទី ១៧ Vuelta a Espana ខណៈ Sepp Kuss ត្រូវកាត់បន្ថយវេលានាំមុខ

ជើងឯក Tour de France ៣ សម័យកាល Primoz Roglic បានប្រជែងឈ្នះដំណាក់កាលទី ១៧ នៃព្រឹត្តិការណ៍ប្រណាំងកង់ Grand Tour, Vuelta a Espana ស្របពេលដែលអ្នកនាំមុខគេ Sepp Kuss ត្រូវកាត់បន្ថយវេលានាំមុខច្រើន។Primoz Roglicដំណាក់កាលទី ១៧ ថ្ងៃពុធម្សិលមិញមានចំងាយផ្លូវ ១២១ គីឡូម៉ែត្រ កីឡាកររបស់ក្រុម Jumbo-Visma, Primoz Roglic បានមកដល់ទីព្រ័ត្រមុនគេចំណាយពេល ៣ ម៉ោង ១៥ នាទី ៥៦ វិនាទី តាមពីក្រោយដោយមិត្តរួមក្រុម កីឡាករដាណឺម៉ាក Jonas Vingegaard ស្ថិតក្នុងថេរវេលាដូចគ្នា និងលេខ ៣ បានទៅអ្នកនាំមុខគេ Sepp Kuss យឺតជាង ១៩ វិនាទី។Sepp Kussឆ្លងកាត់ជ័យជំនះរបស់ Roglic និង Vingegaard ដែលជាគូប្រជែងរបស់ Sepp Kuss នោះ ធ្វើឱ្យកីឡាករអាមេរិក Sepp Kuss ត្រូវកាត់បន្ថយវេលានាំមុខក្នុងតារាងរួមមកត្រឹម ៨ វិនាទីប៉ុណ្ណោះ តាមពីក្រោយដោយ Jonas Vingegaard ខណៈ Primoz Roglic លេខ ៣ ដេញពីក្រោយ ១ នាទី ៨ វិនាទី។សូមបញ្ជាក់ថា កីឡាករទាំង ៣ នាក់ សុទ្ធតែប្រណាំងឱ្យក្រុម Jumbo-Visma ដូចគ្នា។សម្រាប់ដំណាក់កាលទី ១៨ ថ្ងៃព្រហស្បតិ៍នេះមានចំងាយផ្លូវ ១៧៩ គីឡូម៉ែត្រ៕ អត្ថបទ៖នាង សុភាវុធ

ប្រតិភូកីឡាកម្ពុជាជិត ២០០នាក់ លើ ១៧ប្រភេទកីឡា នឹងចូលរួមប្រកួតកីឡាអាស៊ី នៅចិន

កម្ពុជានឹងបញ្ជូនអត្តពលិកចំនួន ១៧ប្រភេទកីឡា ដែលមានប្រតិភូ ថ្នាក់ដឹកនាំ គ្រូបង្វឹក និងកីឡាករ-កីឡាការិនីសរុបប្រមាណ ១៨០នាក់ ចូលរួមការប្រកួតកីឡាអាស៊ី(Asian Games) លើកទី១៩ នៅទីក្រុង Hangzhou ប្រទេសចិន ចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ឆ្នាំ២០២៣ ខាងមុខ ។ចំពោះអត្តពលិកកីឡាកម្ពុជា ត្រូវចូលរួមព្រឹត្តិការណ៍កីឡាប្រចាំទ្វីបអាស៊ី ៤ឆ្នាំម្ដង ដែលលើកពីឆ្នាំ២០២២ មករៀបចំនៅឆ្នាំ២០២៣ ដោយសារជំងឺរាតត្បាតកូវីដ-១៩ នេះ រួមមានកីឡាបាល់ទះ, បាល់បោះ, អត្តពលកម្ម, ហែលទឹក, គ្រិកឃីត, យូដូ, ចំបាប់, វាយសី, ជឺជីតស៊ូ, ការ៉ាតេ, ទូកក្ដោង, តេក្វាន់ដូ WT, ទ្រីយ៉ាត្លុង, ទូកប្រពៃណី, សូហ្វតិន្នីស, អុកចិន និងកីឡាគុនដាវ ។ក្នុងចំណោមប្រភេទកីឡាទាំងអស់នេះដែរ មានប្រតិភូ ថ្នាក់ដឹកនាំ មន្ដ្រី គ្រូបង្វឹក និងកីឡាករ-កីឡាការិនីភាគច្រើន ត្រូវធ្វើដំណើរពីកម្ពុជា ឆ្ពោះទៅទីក្រុង Hangzhou ដើម្បីចូលរួមការប្រកួតកីឡាអាស៊ី ក្នុងនោះមានចំនួន ១២៧នាក់ ត្រូវចាកចេញពីកម្ពុជា លើ ១៤ប្រភេទកីឡា ខណៈគ្រូបង្វឹក និងកីឡាករ-កីឡាការិនីប្រមាណ ៥៣នាក់ លើ ៦ប្រភេទកីឡា ដែលកំពុងហ្វឹកហាត់ នៅប្រទេសចិន គឺត្រូវធ្វើដំណើរឆ្ពោះទៅទីតាំងប្រកួតរៀងៗខ្លួនតែម្ដង ។តាមការគ្រោងទុក ប្រតិភូកីឡាកម្ពុជា គ្រោងនឹងចេញដំណើរជាបណ្ដើរៗ ចាប់ពីថ្ងៃទី១៥ ខែកញ្ញា រហូតដល់ថ្ងៃទី០២ ខែតុលា ស្របតាមកាលបរិច្ឆេទ នៃការប្រកួតតាមប្រភេទកីឡានីមួយៗ ខណៈឯកឧត្តមទេសរដ្ឋមន្ដ្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា និងជាប្រធានប្រតិភូកីឡាកម្ពុជា គ្រោងនឹងដឹកនាំប្រតិភូ និងអត្តពលិកមួយចំនួនធំ ឆ្ពោះទៅទីក្រុង Hangzhou នាថ្ងៃទី២០ ខែកញ្ញា មុនពិធីបើកការប្រកួតកីឡាអាស៊ីផ្លូវការ ៣ថ្ងៃ ។សូមរំឮកថា កាលពីកីឡាអាស៊ី លើក១៨ នៅឥណ្ឌូនេស៊ី កម្ពុជា បានបញ្ជូនអត្តពលិក ១៣ប្រភេទកីឡាចូលរួម ហើយដណ្ដើមបានមេដាយសរុប ៣គ្រឿង រួមមានមេដាយមាស ២ និងសំរឹទ្ធ ១ ក្នុងនោះកីឡាករម៉ូតូទឹកដ៏ឆ្នើមរបស់កម្ពុជា សាលី អ៊ូមើត ដណ្ដើមបានមេដាយមាស ១ និងសំរឹទ្ធ ១ និងកីឡាការិនីជឺជីតស៊ូឆ្នើមកូនកាត់ខ្មែរ-អាមេរិក ខាន់ ចេសា ដណ្ដើមបានមេដាយមាស ១ ដែលនាំឲ្យកម្ពុជា បំបែកកំណត់ត្រាប្រវត្តិដណ្ដើមបានមេដាយមាស ២គ្រឿងលើកដំបូង បន្ទាប់ពីកីឡាការិនីតេក្វាន់ដូ ស៊ន សៀវម៉ី ដណ្ដើមបានមេដាយមាសកីឡាអាស៊ីជូនជាតិ លើកដំបូង កាលពីឆ្នាំ២០១៤ នៅសាធារណរដ្ឋកូរ៉េ ៕ អត្ថបទ លី ឈុនឡា

Simona Halep ត្រូវពិន័យ ៤ ឆ្នាំពីការប្រើប្រាស់សារធាតុហាមឃាត់

កីឡាការិនីវាយកូនបាល់រ៉ូម៉ានី Simona Halep ដែលជាអតីតជើងឯក Grand Slam ពីរលើក ត្រូវបានដាក់ពិន័យ ៤ ឆ្នាំពីការប្រើប្រាស់សារធាតុហាមឃាត់។ តុលាការឯករាជ្យមួយបានកំណត់ថា កីឡាការិនីវ័យ ៣១ ឆ្នាំរូបនេះបានប៉ុនប៉ងប្រើប្រាស់សារធាតុហាមឃាត់ "ដោយចេតនា" ។Halep បាននិយាយនៅក្នុងសេចក្តីថ្លែងការណ៍មួយថា នាងមានបំណងប្តឹងឧទ្ធរណ៍ប្រឆាំងនឹងការសម្រេចចិត្តនេះផងដែរ។ Halep ត្រូវបានគេធ្វើតេស្តឃើញមានសារធាតុហាមឃាត់ Roxadustat នៅ US Open ឆ្នាំមុន។Roxadustat គឺជាថ្នាំប្រឆាំងនឹងភាពស្លេកស្លាំងដែលជំរុញការផលិតកោសិកាឈាមក្រហមនៅក្នុងខ្លួន។តាមពិតទៅ Simona Halep ក៏ត្រូវបានពិន័យតាំងពីខែតុលាឆ្នាំ ២០២២ មកម្ល៉េះមិនឱ្យពាក់ព័ន្ធនឹងសកម្មភាពកីឡាវាយកូនបាល់ ដែលមានន័យថានៅខែតុលាឆ្នាំ ២០២៦ ទើបរួចទោស ដែលនៅពេលនោះនាងមានវ័យ ៣៥ ឆ្នាំទៅហើយ។រំលឹកថា Simona Halep ធ្លាប់ឈ្នះជើងឯក Grand Slam, French Open នៅឆ្នាំ ២០១៨ និង Wimbledon នៅឆ្នាំ ២០១៩ និងបានក្លាយជាកីឡាការិនីដែលមានឈ្មោះល្បីម្នាក់ដែលបានប្រើប្រាស់សារធាតុហាមឃាត់ បន្ទាប់ពីកីឡាការិនីរុស្ស៊ី Maria Sharapova ដែលធ្លាប់ពិន័យដែរកាលពីឆ្នាំ២០១៦។Simona Halep ក្រៅពីធ្លាប់ឈ្នះ Grand Slam ក៏ធ្លាប់ឈ្នះជើងឯកផ្សេងៗនៅក្នុងក្របខណ្ឌ WTA Tour សរុប ២៤ លើក រកចំនូលបានសរុប ៤០ លានដុល្លារ និងធ្លាប់ឈរតំណែងលេខ ១ ពិភពលោកនៅឆ្នាំ ២០១៧ និង ២០១៨៕ អត្ថបទ៖នាង សុភាវុធ

បើកឆាក Davis Cup ស៊ែប បារាំង ហូឡង់ និងឈីលីសុទ្ធតែរកបានជ័យជំនះ ដំបូងរៀងខ្លួន

ព្រឹត្តិការណ៍វាយកូនបាល់តំណាងប្រទេស David Cup បានចាប់ផ្តើមហើយនៅថ្ងៃអង្គារម្សិលមិញ ខណៈក្រុមវាយកូនបាល់ស៊ែប បារាំង និងហូឡង់សុទ្ធតែរកបានជ័យជំនះរៀងៗខ្លួនក្នុងប្រកួតដំបូង។ ការប្រកួតនៅក្នុងពូល C ស៊ែបបានយកឈ្នះកូរ៉េ ៣-០ តាមរយៈជ័យជំនះរបស់ Dusan Lajovic ៦-៤ ៧-៦(៧-៣) លើកីឡាករកូរ៉េ Seongchan Hong ប្រកួតទី ១ មុនពេលដែល Laslo Djere ឈ្នះ Soonwoo Kwon ៤-៦ ៦-២ និង ៦-២ នៅប្រកួតទី ២។នៅវិញ្ញាសាវាយគូស៊ែបបន្តយកឈ្នះទៀតដោយ Nikola Cacic និង Miomir Kecmanovic យកឈ្នះ Ji Sung Nam និង Min-Kyu Song។ នៅក្នុងពូល C នេះ អេស្ប៉ាញ និងសាធារណរដ្ឋឆេកនឹងត្រូវជួបគ្នាថ្ងៃនេះ។ ងាកមកការប្រកួតនៅក្នុងពូល B វិញបារាំងក៏បានយកឈ្នះ ៣-០ ផងដែរលើស្វ៊ីសតាមរយៈជ័យជំនះ Adrian Mannarino លើ Dominic Stricker ប្រកួតដំបូង ៣-៦ ៦-១ និង ៦-១ មុនពេលដែល Ugo Humbert យកឈ្នះStanislas Wawrinka ៦-៤ និង ៦-៤ ហើយចុងក្រោយវាយគូ Nicolas Mahut និង Edouard Roger-Vasselin យកឈ្នះ Marc-Andrea Huesler និង Wawrinka។នៅក្នុងពូល B នេះ អូស្រ្តាលី និងចក្រភពអង់គ្លេសត្រូវជួបគ្នាថ្ងៃនេះ។ ចំណែកឯ D វិញ ហូឡង់បានវាយបកយកឈ្នះហ្វាំងឡង់ ២-១ បន្ទាប់ពីហ្វាំងឡង់ឈ្នះប្រកួតដំបូង ៧-៦(៧-០) និង ៦-៤ ដោយ Otto Virtanen លើ Botic Van de Zandschlup ប្រកួតទី ១ មុនពេលដែលហូឡង់តាមស្មើវិញដោយជ័យជំនះរបស់ Tallon Griekspoor លើ Emil Ruusuvuori ៧-៦(៩-៧) និង ៦-៣។ ប្រកួតកាត់សេចក្តីវាយគូហូឡង់បានបន្តយកឈ្នះដោយ Wesley Koolhof និង Matwe Middlekoop លើ Harri Heliovaara និង Niklas Salminen ៦-៤ ៦-៧(៥-៧) និង ៦-៣។នៅក្នុងពូល D នេះ អាមេរិក និងក្រូអាស៊ីនឹងត្រូវជួបគ្នាថ្ងៃនេះ។ ងាកមកពូលចុងក្រោយនេះវិញគឺពូល A ឈីលីបានយកឈ្នះស៊ុយអែតដាច់ ៣-០ តាមរយៈជ័យជំនះ Cristian Garin លើ Leo Borg មុនពេលដែល Nicolas Jarry យកឈ្នះ Elias Ymer និងចុងក្រោយ Tomas Barrios ចាប់ដៃគូជាមួយ Alejandro Tabilo យកឈ្នះ Filip Bergevi និង Andre Goransson។ នៅក្នុងពូល A នេះនៅសល់កាណាដា នឹងត្រូវជួបអ៊ីតាលីថ្ងៃនេះ៕ អត្ថបទ៖នាង សុភាវុធ

រ៉ូម៉ានីឈ្នះកូសូវ៉ូការប្រកួតវគ្គជម្រុះ Euro 2024 ដែលត្រូវបានផ្អាកជិតមួយម៉ោងដោយសារអ្នកគាំទ្រ

ក្រុមបាល់ទាត់ជម្រើសជាតិរ៉ូម៉ានីបានយកឈ្នះកូសូវ៉ូ ២-០ ក្នុងការប្រកួតវគ្គជម្រុះ Euro 2024 នៅយប់ថ្ងៃអង្គារម្សិលមិញ ខណៈការប្រកួតត្រូវផ្អាកជិតមួយម៉ោងដោយសារអ្នកគាំទ្ររ៉ូម៉ានី។ ការប្រកួតនៅរដ្ឋធានី Bucharest ប្រទេសរ៉ូម៉ានី ត្រូវបានផ្អាកនៅនាទីទី ១៨ បន្ទាប់អ្នកគាំទ្ររ៉ូម៉ានីមួយចំនួនបានស្រែកឈ្មោះប្រទេស “Serbia Serbia” និងបានសរសេរពាក្យថា Kosova គឺជា Serbia។ អាជ្ញាកណ្តាលក៏បានសម្រេចផ្អាកការប្រកួតសិន និងឱ្យកីឡាករទាំងអស់ចូលក្នុង។ រំលឹកថាកូសូវ៉ូបានប្រកាសឯករាជ្យពីស៊ែបនៅឆ្នាំ ២០០៨ ក្រោយទទួលបានសំឡេងគាំទ្រទទួលស្គាល់ពីជាង ១០០ ប្រទេសជុំវិញពិភពលោក លើកលែងតែរ៉ូម៉ានី។ការប្រកួតក្រោយមកក៏ដំណើរការបន្ត ខណៈម្ចាស់ផ្ទះរ៉ូម៉ានីរកបានពីរគ្រាប់ដោយ Nicolas Stanciu នៅនាទីទី ៨៣ និងមួយគ្រាប់ទៀតនៅម៉ោងបន្ថែមបង្គ្រប់ដោយ Valentin Mihaila។ បីពិន្ទុនេះធ្វើឱ្យរ៉ូម៉ានីរំកិលឡើងមកឈរលេខ ២ ក្នុងពូលមាន ១២ ពិន្ទុ តាមពីក្រោយក្រុមលើគេក្នុងពូលស្វ៊ីស ២ ពិន្ទុ ខណៈកូសូវ៉ូធ្លាក់ទៅលេខ ៥ ក្នុងពូល៕ អត្ថបទ៖នាង សុភាវុធ

Everton ខិតជិតកិច្ចព្រមព្រៀងលក់ភាគហ៊ុនធំឱ្យក្រុមហ៊ុនវិនិយោគរបស់អាមេរិក 777 Partners

ក្លិបបាល់ទាត់ដែលកំពុងវេទនានៅក្របខណ្ឌ English Premier League, Everton ខិតជិតឈានដល់កិច្ចព្រមព្រៀងហើយ ក្នុងការលក់ភាគហ៊ុនធំទៅឱ្យក្រុមហ៊ុនវិនិយោគមួយដែលមានមូលដ្ឋាននៅទីក្រុង Miami សហរដ្ឋអាមេរិក 777 Partners។កាលពីខែសីហាកន្លងទៅ Everton ធ្លាប់បានពិភាក្សាពីការលក់ភាគហ៊ុនរបស់ខ្លួនជាមួយក្រុមហ៊ុនអាមេរិកមួយផ្សេងទៀតគឺ MSP Sports Capital តែមិនជោគជ័យឡើយ។ការឈានមកគ្រប់គ្រងដោយអ្នកវិនិយោគថ្មី នឹងបញ្ចប់ការកាន់កាប់របស់លោក Farhad Moshiri ដែលឈានជើងចូលវិនិយោគក្លិបដែលមានមូលដ្ឋាននៅតំបន់ Merseyside មួយនេះតាំងពីឆ្នាំ ២០១៦។ Everton មកទល់ពេលនេះកំពុងស្ថិតក្នុងសភាពលំបាកមិនថានៅលើទីលាន និងការគ្រប់គ្រង ខណៈដែលពួកគេស្ទើរតែត្រូវបានកាត់ចេញទៅក្របខណ្ឌ League Championship ទៅហើយមុនពេលទទួលបានជ័យជំនះនៅប្រកួតចុងក្រោយ។ កាលពីខែមីនា ក្លិបបានប្រកាសពីការខាតបង់ប្រាក់ចំនូល ៥ រដូវកាលជាប់គ្នា ដែលមានសរុបជាង ៤៣០ លានផោន។ក្រុមរបស់លោក Sean Dyche បច្ចុប្បន្នកំពុងឈរលេខ ១៨ នៅក្របខណ្ឌ English Premier League ដោយរកបានត្រឹម ១ ពិន្ទុប៉ុណ្ណោះក្រោយលេងបាន ៤ ប្រកួតរដូវកាលថ្មីនេះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករអង់ដូរ៉ា Lima ចូលលេងប្រកួតចុងក្រោយបន្ទាប់ពីបង្ហាញខ្លួនឱ្យក្រុមជម្រើសជាតិ ២៦ ឆ្នាំ

អ្នកគាំទ្រចិនស្រែកទាលុយថ្លៃសំបុត្រមកវិញ ក្រោយចាញ់ស៊ីរីលក្ខណៈមិត្តភាពក្នុងផ្ទះខ្លួនឯង

ក្រុមការពារជើងឯក Davis Cup កាណាដាចាប់ផ្តើមជាមួយនឹងជ័យជំនះ លើអ៊ីតាលី

Hun Sen Cup ៖ បាត់ដំបង ចាំអ៊ុតប្រកួតចុងក្រោយឈើតុំ ខណៈភ្នំពេញហ្គាឡាក់ស៊ី បន្ដឈ្នះព្រះសីហនុ ២-០

Primoz Roglic ឈ្នះដំណាក់កាលទី ១៧ Vuelta a Espana ខណៈ Sepp Kuss ត្រូវកាត់បន្ថយវេលានាំមុខ

ប្រតិភូកីឡាកម្ពុជាជិត ២០០នាក់ លើ ១៧ប្រភេទកីឡា នឹងចូលរួមប្រកួតកីឡាអាស៊ី នៅចិន

Simona Halep ត្រូវពិន័យ ៤ ឆ្នាំពីការប្រើប្រាស់សារធាតុហាមឃាត់

បើកឆាក Davis Cup ស៊ែប បារាំង ហូឡង់ និងឈីលីសុទ្ធតែរកបានជ័យជំនះ ដំបូងរៀងខ្លួន

រ៉ូម៉ានីឈ្នះកូសូវ៉ូការប្រកួតវគ្គជម្រុះ Euro 2024 ដែលត្រូវបានផ្អាកជិតមួយម៉ោងដោយសារអ្នកគាំទ្រ

Everton ខិតជិតកិច្ចព្រមព្រៀងលក់ភាគហ៊ុនធំឱ្យក្រុមហ៊ុនវិនិយោគរបស់អាមេរិក 777 Partners

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករអង់ដូរ៉ា Lima ចូលលេងប្រកួតចុងក្រោយបន្ទាប់ពីបង្ហាញខ្លួនឱ្យក្រុមជម្រើសជាតិ ២៦ ឆ្នាំ

អ្នកគាំទ្រចិនស្រែកទាលុយថ្លៃសំបុត្រមកវិញ ក្រោយចាញ់ស៊ីរីលក្ខណៈមិត្តភាពក្នុងផ្ទះខ្លួនឯង

ក្រុមការពារជើងឯក Davis Cup កាណាដាចាប់ផ្តើមជាមួយនឹងជ័យជំនះ លើអ៊ីតាលី

Hun Sen Cup ៖ បាត់ដំបង ចាំអ៊ុតប្រកួតចុងក្រោយឈើតុំ ខណៈភ្នំពេញហ្គាឡាក់ស៊ី បន្ដឈ្នះព្រះសីហនុ ២-០

Primoz Roglic ឈ្នះដំណាក់កាលទី ១៧ Vuelta a Espana ខណៈ Sepp Kuss ត្រូវកាត់បន្ថយវេលានាំមុខ

ប្រតិភូកីឡាកម្ពុជាជិត ២០០នាក់ លើ ១៧ប្រភេទកីឡា នឹងចូលរួមប្រកួតកីឡាអាស៊ី នៅចិន

Simona Halep ត្រូវពិន័យ ៤ ឆ្នាំពីការប្រើប្រាស់សារធាតុហាមឃាត់

បើកឆាក Davis Cup ស៊ែប បារាំង ហូឡង់ និងឈីលីសុទ្ធតែរកបានជ័យជំនះ ដំបូងរៀងខ្លួន

រ៉ូម៉ានីឈ្នះកូសូវ៉ូការប្រកួតវគ្គជម្រុះ Euro 2024 ដែលត្រូវបានផ្អាកជិតមួយម៉ោង​ដោយសារអ្នកគាំទ្រ

Everton ខិតជិតកិច្ចព្រមព្រៀងលក់ភាគហ៊ុនធំឱ្យក្រុមហ៊ុនវិនិយោគរបស់អាមេរិក 777 Partners

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រ៉ូម៉ានីឈ្នះកូសូវ៉ូការប្រកួតវគ្គជម្រុះ Euro 2024 ដែលត្រូវបានផ្អាកជិតមួយម៉ោងដោយសារអ្នកគាំទ្រ