BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាករ-កីឡាការិនីសិស្សខេត្តសៀមរាប ទទួលបានការស្វាគមន៍ ក្រោយឈ្នះមេដាយ

សៀមរាប៖ កីឡាករ កីឡាការិនីដែលជាសិស្សមធ្យមសិក្សារបស់ខេត្តសៀមរាប ត្រូវទទួលបានការស្វាគមន៍យ៉ាងកក់ក្តៅពីសំណាក់អាជ្ញាធរខេត្ត មន្ទីរអប់រំយុវជន និងកីឡា បន្ទាប់ពីត្រឡប់មកដល់ខេត្ត នៅថ្ងៃទី១១ ខែកញ្ញា ឆ្នាំ២០២៣ ក្រោយឈ្នះមេដាយច្រើនគ្រឿងពីការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣។លោក លី ប៊ុណ្ណា ប្រធានមន្ទីរអប់រំ យុវជន និងកីឡា រង់ចំាទទួល និងស្វាគមន៍ អត្តពលិក និងសំណេះសំណាល ក៏ដូចជាថ្លែងអំណរអរគុណដល់ កីឡាករទាំងអស់ដែលបានខិតខំប្រឹងប្រែងប្រកួត និងដណ្តើមបានមេដាយ មាស ប្រាក់ និងសំរឹទ្ធ ជូនខេត្តសៀមរាប។លោក ជូន សុវណ្ណឌី ប្រធានការិយាល័យកីឡាខេត្ត បានបញ្ជាក់ថា កីឡាសិស្សមធ្យមសិក្សាថ្នាក់ជាតិនេះ ដំណើរការប្រកួតពីថ្ងៃទី០៣ ដល់ថ្ងៃទី១០ ខែកញ្ញា ឆ្នាំ២០២៣ ក្នុងនោះខេត្តសៀមរាប បានបញ្ជូនប្រតិភូកីឡាករ កីឡាការិនីសិស្ស ១៨៥នាក់ ប្រកួតលើ១០ប្រភេទកីឡាក្នុងចំណាម១២ប្រភេទកីឡាដែលដាក់ឱ្យប្រកួត។លោកបន្តថា ៧ប្រភេទកីឡាដែលដណ្តើមបានមេដាយមាន កីឡាបាល់ទាត់នារី មេដាយមាស បាល់ទាត់បុរសមេដាយប្រាក់ បាល់ទះបុរសដណ្តើមបានមេដាយសំរឹទ្ធ បាល់បោះបុរស ឈ្នះមេដាយមាស និងនារីមេដាយសំរឹទ្ធ អត្តពលិកម្មដណ្តើមបានមេដាយមាស០៤គ្រឿង ប្រាក់០១ គ្រឿង និងសំរឹទ្ធ០១គ្រឿង កីឡាល្បុក្កតោ ឈ្នះមេដាយមាស០២គ្រឿង ប្រាក់០៤គ្រឿង និងសំរឹទ្ធ០៣គ្រឿង កីឡាតេក្វាន់ដូ WT ឈ្នះសំរឹទ្ធ០៥គ្រឿង និងកីឡាវាយសី ឈ្នះមេដាយមាស០១គ្រឿង ប្រាក់០១គ្រឿង និងសំរឹទ្ធ០១គ្រឿង។ តាមរយៈនេះ ខេត្តសៀមរាប ឈរនៅចំណាត់ថ្នាក់លេខ៤ ក្នុងចំណោម២៥រាជធានី ខេត្ត ជាមួយមេដាយសរុប ២៨គ្រឿង ក្នុងនោះមាស០៩គ្រឿង ប្រាក់ ០៧គ្រឿង និងសំរឹទ្ធ១២គ្រឿង៕

Jonas Vingegaard ឡើងឈរលេខ ២ ក្រោយឈ្នះដំណាក់កាលទី ១៦ Vuelta a Espana

ជើងឯក Tour de France កីឡាករប្រណាំងកង់ដាណឺម៉ាក Jonas Vingegaard បានប្រជែងឈ្នះដំណាក់កាលទី ១៦ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana នៅប្រទេសអេស្ប៉ាញ និងបានរំកិលឡើងមកឈរលេខ ២ ក្នុងតារាងរួម។ដំណាក់កាលទី ១៦ ដែលមានចំងាយផ្លូវ ១២១ គីឡូម៉ែត្រ កីឡាកររបស់ក្រុម Jumbo-Visma រូបនេះបានមកដល់ទីព្រ័ត្រមុនគេប្រើពេល ២ ម៉ោង ៣៨ នាទី ២៣ វិនាទី ឈ្នះដាច់អ្នកលេខ ២ កីឡាករនូវែស៊ីឡង់ Finn Fisher-Black ដល់ទៅ ៤៣ វិនាទី និងលេខ ៣ បានទៅកីឡាករហូឡង់ Wout Poels យឺតជាង ៤៩ វិនាទី។ ជ័យជំនះរបស់ Jonas Vingegaard ធ្វើឱ្យគេឡើងមកដល់លេខ ២ ក្នុងតារាងរួមដោយដេញពីក្រោយកីឡាករអាមេរិក Sepp Kuss មកត្រឹម ២៩ វិនាទី ខណៈលេខ ៣ នៅតែជាកីឡាករស្លូវេនី Primoz Roglic ដដែលយឺតជាង ១ នាទី ៣៣ វិនាទី។ សម្រាប់ដំណាក់កាលទី ១៧ ថ្ងៃពុធនេះមានចំងាយផ្លូវ ១២១ គីឡូម៉ែត្រផងដែរ ខណៈព្រឹត្តិការណ៍ Vuelta a Espana នឹងបញ្ចប់ទាំងស្រុងនៅថ្ងៃអាទិត្យទី ១៧ ខែកញ្ញានេះនៅទីក្រុង Madrid៕ អត្ថបទ៖នាង សុភាវុធ

ឯកឧត្តម វ៉ាត់ ចំរើន បញ្ជាក់មូលហេតុមិនបានបញ្ជូនក្រុមបាល់ទាត់នារី ទៅប្រកួតកីឡាអាស៊ី

កង្វះធនធានកីឡាការិនី ព្រមទាំងលក្ខខណ្ឌ គឺជាកត្ដាដ៏សំខាន់ នាំឲ្យកម្ពុជាសម្រេចមិនបញ្ជូនក្រុមបាល់ទាត់នារីចូលរួមប្រកួតកីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ខណៈលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ក៏បានលើកឡើងស្រដៀងគ្នាផងដែរ ។ឯកឧត្តម វ៉ាត់ ចំរើន បានឲ្យដឹងថា ការសម្រេចមិនបញ្ជូនក្រុមបាល់ទាត់នារី ទៅប្រកួតកីឡាអាស៊ីនេះ ធ្វើឡើងក្រោយមានការឯកភាពគ្នា បន្ទាប់ពីគណៈកម្មាធិការជាតិអូឡាំពិកកម្ពុជា បានស្នើទៅសហព័ន្ធ ហើយសហព័ន្ធក៏បានបញ្ជាក់នូវហេតុផលច្បាស់លាស់ ទី១-កង្វះខាតធនធានកីឡាការិនីមានសក្ដានុពល សម្រាប់ធ្វើការប្រមូលផ្ដុំ និងទី២-ដោយសារព្រឹត្តិការណ៍ Asian Games គឺជាការប្រកួតកម្រិតខ្ពស់ បើធៀបបណ្ដាក្រុមបាល់ទាត់នារីក្នុងទ្វីបអាស៊ី គឺមានគម្លាតបច្ចេកទេសខុសគ្នា។ដោយសារហេតុផលនេះ គណៈកម្មាធិការជាតិអូឡាំពិកកម្ពុជា ក៏បានគោរពឯកភាពតាមការសម្រេចរបស់សហព័ន្ធ ហើយបានស្នើសុំទៅក្រុមប្រឹក្សាកីឡាអាស៊ី និងម្ចាស់ផ្ទះចិន ចំពោះដកខ្លួនពីការប្រកួតកីឡាអាស៊ី ទោះបីមានការចាប់ឆ្នោតបែងចែកពូលរួចហើយក៏ដោយ ។ តាមរយៈនេះ ឯកឧត្តម វ៉ាត់ ចំរើន ស្នើឲ្យប្រជាពលរដ្ឋកម្ពុជា មានការសោគយល់ ចំពោះការងារនេះ ដ្បិតជាបច្ចេកទេស ក្រុមបាល់ទាត់នារី នៅមិនទាន់អាចចូលរួមប្រកួតកីឡាអាស៊ីបាននៅឡើយ ។ជាមួយគ្នាដែរ លោក កែវ សារ៉េត បានបន្ថែមថា ដោយសារការពុំបានត្រៀមទុកជាមុន គួរផ្សំពេលវេលាខ្លី ស្របពេលក្រោយចប់ស៊ីហ្គេម កីឡាការិនីមួយចំនួន មានរបួស អ្នកខ្លះជាប់រៀន និងអ្នកខ្លះប្រឡងជាប់ក្របខណ្ឌការងារនានា បានធ្វើឲ្យសហព័ន្ធជួបការលំបាកក្នុងការបញ្ជូន ហើយក៏សម្រេចជូនដំណឹងទៅគណៈកម្មាធិការជាតិអូឡាំពិកកម្ពុជា អំពីការមិនបញ្ជូនក្រុមបាល់ទាត់នារីកម្ពុជា ចូលរួមព្រឹត្តិការណ៍កីឡាអាស៊ី នៅចិននេះតែម្ដង ។គួរដឹងថា សម្រាប់វិញ្ញាសាបាល់ទាត់នារី នៃព្រឹត្តិការណ៍កីឡាអាស៊ី លើកទី១៩ ដែលគ្រោងចាប់ផ្ដើមការប្រកួតនាថ្ងៃទី១៩ ខែកញ្ញាខាងមុខនេះ កម្ពុជា បានចាប់ឆ្នោតស្វិតក្នុងពូល C ជាមួយសិង្ហបុរី និងកូរ៉េខាងជើង ។ ដូច្នេះបន្ទាប់ពីកម្ពុជាដកខ្លួន ពូលC នៅសល់តែ ២ក្រុមប៉ុណ្ណោះ សម្រាប់ធ្វើការប្រកួតប្រជែង៕ អត្ថបទ លី ឈុនឡា

ក្រុមបាល់បោះស៊ែប ទទួលការសាទរពីអ្នកគាំទ្រទោះបានត្រឹមជើងឯករងជាមួយនឹងវត្តមាន Novak Djokovic

អ្នកគាំទ្ររាប់ពាន់នាក់បានធ្វើការស្វាគមន៍ និងអបអរសាទរក្រុមបាល់បោះជម្រើសជាតិស៊ែបនៅរដ្ឋធានី Belgrade ទោះបីដណ្តើមបានត្រឹមជើងឯករង អមជាមួយនឹងវត្តមាន Novak Djokovic ធ្វើឱ្យអ្នកគាំទ្រភ្ញាក់ផ្អើល។ក្រុមបាល់បោះស៊ែបទទួលបានត្រឹមមេដាយប្រាក់ក្រោយចាញ់អាល្លឺម៉ង់ ៨៣-៧៧ នៅវគ្គផ្តាច់ព្រ័ត្របាល់បោះជើងឯកពិភពលោកដែលរៀបចំនៅប្រទេសហ្វីលីពីនកាលពីថ្ងៃអាទិត្យ ខណៈអាល្លឺម៉ង់ក្លាយជាជើងឯកពិភពលោកជាលើកដំបូងក្នុងប្រវត្តិសាស្រ្ត។នៅចំពោះមុខអ្នកគាំទ្រដែលកំពុងសប្បាយរីករាយ ស្រាប់តែលេចវត្តមានកីឡាករវាយកូនបាល់លេខ ១ ពិភពលោក Novak Djokovic បង្ហាញខ្លួន។ Djokovic នៅក្នុងថ្ងៃអាទិត្យជាមួយគ្នានោះដណ្តើមបានជើងឯក Grand Slam, US Open ដែលជាជើងឯក Grand Slam លើកទី ២៤ តាមស្មើកំណត់ត្រារបស់ Margaret Court និងបានអបអរសាទរជើងឯកនេះ រួមជាមួយក្រុមបាល់បោះស៊ែប៕ អត្ថបទ៖នាង សុភាវុធ

អ្នកគាំទ្រ Valladolid ធ្វើបាតុកម្មប្រឆាំងប្រធានក្លិបអតីតខ្សែប្រយុទ្ធប្រេស៊ីល Ronaldo

អ្នកគាំទ្រនៃក្លិបបាល់ទាត់អេស្ប៉ាញ Real Valladolid បានជួបជុំគ្នាដើម្បីធ្វើការតវ៉ាប្រឆាំងនឹងប្រធានក្លិបបច្ចុប្បន្នដែលជាអតីតខ្សែប្រយុទ្ធប្រេស៊ីល Ronaldo Nazario ពីការដឹកនាំក្លិបដើរថយក្រោយ។ Ronaldo Nazario បានទិញយកភាគហ៊ុនមួយចំនែករបស់ Real Valladolid កាលពី ៥ ឆ្នាំមុន តែក្លិបបានរងបរាជ័យធ្លាក់ទៅក្របខណ្ឌទីពីរអេស្ប៉ាញ ហើយក៏ចាប់ផ្តើមរដូវកាលថ្មីនេះនៅក្របខណ្ឌទី២ មិនបានល្អទៀត។អ្នកគាំទ្របានសរសេរថា ៥ ឆ្នាំជាការភូតកុហក ខណៈអ្នកគាំទ្រខ្លះបានសរសេរពាក្យបណ្តេញលោក Ronaldo ឱ្យដកភាគហ៊ុន និងចេញពីតំណែង។ Real Valladolid ចាប់ផ្តើមរដូវកាលនេះបាន ៥ ប្រកួត ខណៈប្រកួតដំបូងរបស់ខ្លួនឈ្នះ Rayo Vallecano មុនពេលចាញ់ ៣ ប្រកួតជាប់គ្នា និងចុងក្រោយស្មើ Elche៕ អត្ថបទ៖នាង សុភាវុធ

ប្រធានសហព័ន្ធបាល់ទាត់អេស្ប៉ាញ លាលែងពីតំណែងផ្លូវការជុំវិញរឿងថើបមាត់កីឡាការិនីអេស្ប៉ាញ

ប្រធានកីឡាបាល់ទាត់អេស្ប៉ាញលោក Luis Rubiales បានប្រកាសផ្លូវការពីការលាលែងពីតំណែងហើយ បន្ទាប់ពីត្រូវបានថ្កោលទោសយ៉ាងពេញទំហឹងពីពិភពបាល់ទាត់ ចំពោះការថើបមាត់កីឡាការិនីអេស្ប៉ាញ Jennifer Hermoso អំឡុងពេលអបអរអេស្ប៉ាញឈ្នះជើងឯកបាល់ទាត់នារីពិភពលោក។កីឡាការិនីវ័យ ៣៣ ឆ្នាំ Jennifer Hermoso បាននិយាយក្រោយពេលអេស្ប៉ាញឈ្នះអង់គ្លេស ១-០ លើកពានបាល់ទាត់នារីពិភពលោកនោះថា ការថើបនេះមិនមានការឯកភាពឡើយ ហើយសប្តាហ៍មុន Hermoso ក៏បានដាក់ពាក្យបណ្តឹងផ្លូវការផងដែរ។ លោក Luis Rubiales បានដាក់ពាក្យលាលែងពីតំណែងទៅកាន់ប្រធានស្តីទី Pedro Rocha ហើយបុរសវ័យ ៤៦ ឆ្នាំរូបនេះក៏បានលាលែងពីតំណែងអនុប្រធានប្រតិបត្តិ UEFA ផងដែរ។រឿងរ៉ាវថើបមាត់របស់លោក Luis Rubiales លើកីឡាការិនីអេស្ប៉ាញ Jennifer Hermoso បានក្លាយជាប្រធានបទក្តៅ មិនចេះចប់ជិតមួយខែហើយ និងឈានដល់ការបញ្ចប់តំណែងគ្រូបង្វឹកក្រុមនារីអេស្ប៉ាញ Jorge Vilda ផងដែរ៕ អត្ថបទ៖នាង សុភាវុធ

ខ្សែបម្រើ Juventus, Paul Pogba ត្រូវព្យួរការប្រកួតបណ្តោះអាសន្នក្រោយរកឃើញសារធាតុហាមឃាត់

ខ្សែបម្រើ Paul Pogba របស់ក្លឹប Juventus ត្រូវបានផ្អាកពីការប្រកួតជាបណ្ដោះអាសន្ន ក្រោយធ្វើតេស្តរកឃើញសារធាតុហាមឃាត់ក្នុងខ្លួន។ភ្នាក់ងារប្រឆាំងគ្រឿងញៀនជាតិរបស់អ៊ីតាលី (Nado) បាននិយាយថា Pogba ត្រូវបានធ្វើតេស្ត និងរកឃើញជាមួយនឹងកម្រិតអ័រម៉ូន Testosterone បន្ទាប់ពី Juventus ឈ្នះ ៣-០ នៅទឹកដី Udinese កាលពីថ្ងៃទី ២០ ខែសីហា កន្លងទៅ។កីឡាករវ័យ ៣០ ឆ្នាំ គឺជាកីឡាករបម្រុងដែលមិនត្រូវបានប្រើប្រាស់ឡើយ ប៉ុន្តែត្រូវបានជ្រើសរើសដោយចៃដន្យសម្រាប់ការធ្វើតេស្តរកសារធាតុហាមឃាត់ក្រោយការប្រកួត។ប្រសិនបើរកឃើញថាមានពិរុទ្ធពីបទប្រើប្រាស់សារធាតុហាមឃាត់មែននោះ អតីតខ្សែបម្រើក្រុមបិសាចក្រហម Manchester United រូបនេះអាចប្រឈមមុខនឹងការពិន័យមិនឱ្យពាក់ព័ន្ធនឹងបាល់ទាត់ពី ២ ទៅ ៤ ឆ្នាំ។អ័រម៉ូន Testosterone គឺជាអរម៉ូនដែលបង្កើនកំលាំង និង ការស៊ូទ្រាំរបស់អត្តពលិក ខណៈ Pogba មានពេល ៣ ថ្ងៃដើម្បីធ្វើតេស្តឡើងវិញដើម្បីវិភាគបកស្រាយលទ្ធផលទៅកាន់ Nado វិញ។ រំលឹកថា Paul Pogba បានត្រលប់មកកាន់ Juventus វិញកាលពីខែកក្កដាឆ្នាំ ២០២២ ជាមួយនឹងកិច្ចសន្យា ៤ ឆ្នាំក្រោយចាកចេញពី Manchester United។តែការវិលវិញរបស់ Pogba មកកាន់ទីក្រុង Turin ត្រូវបានញាំញីដោយសាររបួសភ្លាមៗ និងឈានដល់អវត្តមានពីក្រុមជម្រើសជាតិបារាំងនៅ World Cup 2022 នៅឆ្នាំកាតាឆ្នាំមុន៕ អត្ថបទ៖នាង សុភាវុធ

Lyon សម្រេចបណ្តេញអ្នកចាត់ការ Laurent Blanc ក្រោយធ្លាក់ដល់បាតតារាង

ក្លិបបាល់ទាត់បារាំង Olympique Lyon បានសំរេចបញ្ចប់តំណែងអ្នកចាត់ការលោក Laurent Blanc ហើយក្រោយក្រុមធ្លាក់ដុនដាបដល់បាតតារាងនៃក្របខណ្ឌលីគកំពូលបារាំង Ligue1។Lyon ចុងក្រោយបំផុតចាញ់អតីតក្លិបដែលលោក Blanc ធ្លាប់ដឹកនាំ Paris Saint Germain ៤-១ ក្នុងទឹកដីខ្លួនឯង គឺជាការប្រកួតចុងក្រោយរបស់លោក Blanc ខណៈក្លិបបានប្រកាសពីការចែកផ្លូវនៅថ្ងៃចន្ទម្សិលមិញ។ ផ្តើមរដូវកាលបាន ៤ ប្រកួត Lyon មានត្រឹម ១ ពិន្ទុប៉ុណ្ណោះ និងរបូតគ្រាប់បាល់ច្រើនជាងគេក្នុងក្របខណ្ឌ។នាយកបច្ចេកទេសលោក Jean-Francois Vulliez នឹងឡើងមកកាន់ការបណ្តោះអាសន្នទំរាំក្លិបរកបានអ្នកចាត់ការថ្មី។រំលឹកថាបុរសវ័យ ៥៧ ឆ្នាំ Laurent Blanc ត្រូវបានតែងតាំងឱ្យដឹកនាំ Lyon កាលពីខែតុលាឆ្នាំ ២០២២ កន្លងទៅ និងបានបញ្ចប់រដូវកាលមុននៅចំណាត់ថ្នាក់លេខ ៧ ខកខានមិនបានប្រកួតក្របខណ្ឌអឺរ៉ុបរដូវកាលនេះឡើយ។អតីតខ្សែការពារក្រុមបិសាចក្រហម Manchester United រូបនេះធ្លាប់ដឹកនាំ Paris Saint Germain និងបានចាកចេញនៅឆ្នាំ ២០១៦ មុនទទួលបានការងារដឹកនាំក្លិបកាតា Al Rayyan៕ អត្ថបទ៖នាង សុភាវុធ

រត់ម៉ារ៉ាតុង ២០០០ គីឡូម៉ែត្រ រៃអង្គាសប្រាក់ទិញរថយន្តសង្គ្រោះជួយអ៊ុយក្រែនបញ្ចប់ដោយជោគជ័យ

អ្នករត់ប្រណាំងមកពីហូឡង់ម្នាក់ បានបញ្ចប់ដោយជោគជ័យក្នុងការរត់ម៉ារ៉ាតុងពីទីក្រុង Amsterdam ប្រទេសហូឡង់ទៅទីក្រុង Kyiv ប្រទេសអ៊ុយក្រែន ដើម្បីរៃអង្គាសប្រាក់បានប្រមាណ ៦ ម៉ឺនអឺរ៉ូ ទិញរថយន្តសង្គ្រោះជូនភ្នាក់ងារសង្គ្រោះបន្ទាន់របស់អ៊ុយក្រែន។បុរសវ័យ ២៨ ឆ្នាំ Boas Kragtwijk បានចាកចេញពីទីក្រុង Amsterdam ដើម្បីចាប់ផ្តើមដំណើរផ្សងព្រេងរបស់ខ្លួននៅថ្ងៃទី ២២ ខែកក្កដា។ក្នុងការតស៊ូរយៈពេល ៥០ ថ្ងៃ Boas បានឆ្លងកាត់ទីក្រុង Berlin ប្រទេសអាល្លឺម៉ង់ Warsaw ប្រទេសប៉ូឡូញ និងទីក្រុង Lviv ប្រទេសអ៊ុយក្រែន និងចុងក្រោយបំផុតមកដល់រដ្ឋធានី Kyiv ដែលជាគោលដៅចុងក្រោយ សរុបចំងាយផ្លូវ ២០០០ គីឡូម៉ែត្រ។និយាយប្រាប់អ្នកសារព័ត៌មាននៅទីក្រុង Kyiv, Boas Kragtwijk បានឱ្យដឹងថា លោកចូលរួមការប្រកួតនេះមានមូលហេតុសំខាន់គឺជួយសម្រាលបន្ទុកមួយចំណែកតូចរបស់អ៊ុយក្រែនដែលរងគ្រោះដោយសារសង្គ្រាម ការរត់ទៅកាន់ប្រទេសដែលមានសង្គ្រាមគឺជារឿងដែលគ្រប់គ្នានឹកស្មានមិនដល់ តែយ៉ាងហោចណាស់បេសកកម្មនេះអាចប្រមែប្រមូលថវិកាបានដើម្បីទិញរថយន្តសង្គ្រោះបាន ២ គ្រឿង ដែលមួយគ្រឿងអាចជួយសង្រ្គោះជីវិតមនុស្សបានយ៉ាងហោចណាស់ ២៥ នាក់ក្នុងមួយថ្ងៃ៕ អត្ថបទ៖នាង សុភាវុធ

ពាន Svay Rieng Cup U18 រកឃើញបេក្ខភាពវគ្គបន្ដបណ្ដើរៗ ក្រោយចប់សប្ដាហ៍ទី៤

ការប្រកួតបាលទាត់ពានរង្វាន់ស្វាយរៀងខាប់យុវជនអាយុក្រោម ១៨ឆ្នាំ(Svay Rieng Cup U18) លើកទី១ ឆ្នាំ២០២៣ បានបញ្ចប់ការប្រកួតជម្រុះក្នុងពូល សប្ដាហ៍ទី៤ ហើយ ហើយក៏បានរកឃើញបេក្ខភាពវគ្គបន្ដជាបណ្ដើរៗផងដែរ ។ចំពោះលទ្ធផលការប្រកួតសន្សំពិន្ទុ សប្ដាហ៍ទី៤ កាលពីចុងសប្ដាហ៍កន្លងទៅ នៅក្នុងពូលA ក្រុមយុវជនសាមគ្គី បានបន្ដយកឈ្នះក្រុម Rainbow FC ដោយលទ្ធផល ៣-១ គ្រាដែលក្រុមត្រកួនទែក បានយកឈ្នះក្រុម ស.ស.យ.ក ឃុំស្វាយតាយាន ៣-០ ។ ជ័យជម្នះនេះ នាំឲ្យក្រុមយុវជនសាមគ្គី កក់កៅអីវគ្គបន្ដ ក្រោយឈ្នះ ៣ប្រកួតជាប់គ្នា រកបាន ៩ពិន្ទុពេញ ខណៈក្រុមយុវជនត្រកួនទែក ឈរលេខ២ រកបាន ៦ពិន្ទុ ក្រោយឆ្លងកាត់ ៣ប្រកួតឈ្នះ២ និងចាញ់ ១ ។ដោយឡែកពូល E វិញ ក្រុមយុវជនរមាសហែក បានបន្ដជ័យជម្នះលើក្រុមយុវជនគគីសោម ក្នុងលទ្ធផល ៣-១ ខណៈក្រុមសាលាចំរើនសូនីតា ទទួលជ័យជម្នះដំបូង លើក្រុមយុវជនចុងព្រែង ដោយលទ្ធផល ៣-២ ។ លទ្ធផលនេះដែរ ធ្វើឲ្យក្រុមយុវជនរមាសហែក បន្ដឈរកំពូលតារាង ដោយរកបាន ៦ពិន្ទុពីជ័យជម្នះ ២ប្រកួតជាប់គ្នា គ្រាដែលក្រុមសាលាចំរើនសូនីតា មាន ៣ពិន្ទុស្មើក្រុមយុវជនគគីសោម ដែលឆ្លងកាត់ ២ប្រកួតឈ្នះ ១ និងចាញ់ ១ ដូចគ្នា ។ចំណែកពូលF ក្រុម ស.ស.យ.ក ស្រុកកំពង់រោទិ៍ បានយកឈ្នះក្រុម ស.ស.យ.ក ស្រុកស្វាយទាប ដោយលទ្ធផល ៣-០ ។ នេះគឺជាជ័យជម្នះលើកទី២ ក្នុងពូល ដែលនាំឲ្យក្រុម ស.ស.យ.ក ស្រុកកំពង់រោទិ៍ ទទួលបានកៅអីវគ្គបន្ដ ខណៈក្រុម ស.ស.យ.ក ស្រុកស្វាយទាប ត្រូវជួបក្រុមមិនទាន់ស្គាល់ជ័យជម្នះដូចគ្នា គឺក្រុមយុវជនបាទី ដើម្បីបញ្ចប់ពូលចុងសប្ដាហ៍ក្រោយ ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករ-កីឡាការិនីសិស្សខេត្តសៀមរាប ទទួលបានការស្វាគមន៍ ក្រោយឈ្នះមេដាយ

Jonas Vingegaard ឡើងឈរលេខ ២ ក្រោយឈ្នះដំណាក់កាលទី ១៦ Vuelta a Espana

ឯកឧត្តម វ៉ាត់ ចំរើន បញ្ជាក់មូលហេតុមិនបានបញ្ជូនក្រុមបាល់ទាត់នារី ទៅប្រកួតកីឡាអាស៊ី

ក្រុមបាល់បោះស៊ែប ទទួលការសាទរពីអ្នកគាំទ្រទោះបានត្រឹមជើងឯករងជាមួយនឹងវត្តមាន Novak Djokovic

អ្នកគាំទ្រ Valladolid ធ្វើបាតុកម្មប្រឆាំងប្រធានក្លិបអតីតខ្សែប្រយុទ្ធប្រេស៊ីល Ronaldo

ប្រធានសហព័ន្ធបាល់ទាត់អេស្ប៉ាញ លាលែងពីតំណែងផ្លូវការជុំវិញរឿងថើបមាត់កីឡាការិនីអេស្ប៉ាញ

ខ្សែបម្រើ Juventus, Paul Pogba ត្រូវព្យួរការប្រកួតបណ្តោះអាសន្នក្រោយរកឃើញសារធាតុហាមឃាត់

Lyon សម្រេចបណ្តេញអ្នកចាត់ការ Laurent Blanc ក្រោយធ្លាក់ដល់បាតតារាង

រត់ម៉ារ៉ាតុង ២០០០ គីឡូម៉ែត្រ រៃអង្គាសប្រាក់ទិញរថយន្តសង្គ្រោះជួយអ៊ុយក្រែនបញ្ចប់ដោយជោគជ័យ

ពាន Svay Rieng Cup U18 រកឃើញបេក្ខភាពវគ្គបន្ដបណ្ដើរៗ ក្រោយចប់សប្ដាហ៍ទី៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ-កីឡាការិនីសិស្សខេត្តសៀមរាប ទទួលបានការស្វាគមន៍ ក្រោយឈ្នះមេដាយ

Jonas Vingegaard ឡើងឈរលេខ ២ ក្រោយឈ្នះដំណាក់កាលទី ១៦ Vuelta a Espana

ឯកឧត្តម វ៉ាត់ ចំរើន បញ្ជាក់មូលហេតុមិនបានបញ្ជូនក្រុមបាល់ទាត់នារី ទៅប្រកួតកីឡាអាស៊ី

ក្រុមបាល់បោះស៊ែប ទទួលការសាទរពីអ្នកគាំទ្រទោះបានត្រឹមជើងឯករងជាមួយនឹងវត្តមាន Novak Djokovic

អ្នកគាំទ្រ Valladolid ធ្វើបាតុកម្ម​ប្រឆាំងប្រធានក្លិបអតីតខ្សែប្រយុទ្ធប្រេស៊ីល Ronaldo

ប្រធានសហព័ន្ធបាល់ទាត់អេស្ប៉ាញ លាលែងពីតំណែងផ្លូវការ​ជុំវិញរឿងថើបមាត់​កីឡាការិនីអេស្ប៉ាញ

ខ្សែបម្រើ Juventus, Paul Pogba ត្រូវព្យួរការប្រកួតបណ្តោះអាសន្ន​ក្រោយរកឃើញសារធាតុហាមឃាត់

Lyon សម្រេចបណ្តេញអ្នកចាត់ការ Laurent Blanc ក្រោយធ្លាក់ដល់បាតតារាង

រត់ម៉ារ៉ាតុង ២០០០ គីឡូម៉ែត្រ រៃអង្គាសប្រាក់ទិញរថយន្តសង្គ្រោះជួយអ៊ុយក្រែន​បញ្ចប់ដោយជោគជ័យ

ពាន Svay Rieng Cup U18 រកឃើញបេក្ខភាពវគ្គបន្ដបណ្ដើរៗ ក្រោយចប់សប្ដាហ៍ទី៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកគាំទ្រ Valladolid ធ្វើបាតុកម្មប្រឆាំងប្រធានក្លិបអតីតខ្សែប្រយុទ្ធប្រេស៊ីល Ronaldo

ប្រធានសហព័ន្ធបាល់ទាត់អេស្ប៉ាញ លាលែងពីតំណែងផ្លូវការជុំវិញរឿងថើបមាត់កីឡាការិនីអេស្ប៉ាញ

ខ្សែបម្រើ Juventus, Paul Pogba ត្រូវព្យួរការប្រកួតបណ្តោះអាសន្នក្រោយរកឃើញសារធាតុហាមឃាត់

រត់ម៉ារ៉ាតុង ២០០០ គីឡូម៉ែត្រ រៃអង្គាសប្រាក់ទិញរថយន្តសង្គ្រោះជួយអ៊ុយក្រែនបញ្ចប់ដោយជោគជ័យ