BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Neymar និងក្រុមប្រេស៊ីលហ្វឹកហាត់ត្រៀមប្រកួតជម្រុះ World Cup ទល់នឹងម្ចាស់ផ្ទះពែរូព្រឹកស្អែក

ក្រុមបាល់ទាត់ជម្រើសជាតិប្រេស៊ីល បានជួបជុំគ្នាធ្វើការហ្វឹកហាត់នៅថ្ងៃចន្ទម្សិលមិញនេះ មុនការប្រកួតទី ២ វគ្គជម្រុះ World Cup តំបន់អាមេរិកឡាទីនទល់នឹងម្ចាស់ផ្ទះពែរូព្រឹកស្អែកនៅទីក្រុង Lima។ប្រេស៊ីលបានបើកការប្រកួតជម្រុះ World Cup 2026 របស់ខ្លួន ជាមួយនឹងជ័យជំនះ ៥-១ ក្នុងទឹកដីរបស់ខ្លួនលើ បូលីវី។ ខ្សែប្រយុទ្ធចំនូលថ្មីរបស់ក្លិបអារ៉ាប៊ីសាអ៊ូឌីត Al-Hilal, Neymar ក៏បានចូលរួមការហ្វឹកហាត់នេះដែរ បន្ទាប់ពីរកបាន ២ គ្រាប់ម្នាក់ឯងទល់នឹងបូលីវី បំបែកកំណត់ត្រារបស់ Pele ជាកីឡាករស៊ុតបញ្ចូលទីច្រើនជាងគេឱ្យក្រុមជម្រើសជាតិប្រេស៊ីលសរុប ៧៩ គ្រាប់។ ជុំវិញការប្រកួតស្អែកនេះ គ្រូបង្វឹកប្រេស៊ីលលោក Fernando Diniz បានព្រមានកូនក្រុមកុំមានក្តីរំពឹងខ្ពស់ពេក ដោយលោកយល់ថាពែរូជាក្រុមរៀបចំបានល្អ ហើយប្រេស៊ីលនឹងមានការលំបាកស្អែកនេះ។ពែរូក៏បានធ្វើការហ្វឹកហាត់ផងដែរនៅថ្ងៃចន្ទម្សិលមិញ បន្ទាប់ពីស្មើនៅទឹកដីប៉ារ៉ាហ្កាយប្រកួតដំបូង៕ អត្ថបទ៖នាង សុភាវុធ

ពូលA នៃពាន Hun Sen Cup នឹងប្រកួតបង្គ្រប់កិច្ចស្អែក ឯបាត់ដំបង ត្រូវការឈ្នះ ដើម្បីអ៊ុតកៅអីវគ្គបន្ដ

ពានរង្វាន់សម្ដេចតេជោ ហ៊ុន សែន ឬពាន Hun Sen Cup លើកទី១៧ ថ្នាក់ខេត្ត ឆ្នាំ២០២៣ នឹងបន្ដការប្រកួតនាថ្ងៃទី១៣ ខែកញ្ញានេះ បន្ទាប់ពីសម្រាករយៈពេល ២សប្ដាហ៍ ។ ជាមួយការត្រឡប់មកវិញនេះ គឺមាន ៣ប្រកួត ខណៈពូលA មាន ២ប្រកួត ដែលជាជំនួបបង្គ្រប់កិច្ច បន្ទាប់ពីរកឃើញបេក្ខភាពវគ្គបន្ដ ស្របពេលពូលC មាន ១ប្រកួត ដោយក្រុមយុវជនខេត្តបាត់ដំបង ត្រូវជួបក្រុមសូហ្វីយ៉ាប៉ៃលិន ។សម្រាប់កម្មវិធីប្រកួតពូល A រួមមានក្រុមកំពតអេហ្វស៊ី ជួបខេត្តកំពង់ស្ពឺ បង្គ្រប់សប្ដាហ៍ទី១២ និងខេត្តព្រះសីហនុ ជួបក្រុមភ្ញៀវភ្នំពេញហ្គាឡាក់ស៊ី បង្គ្រប់សប្ដាហ៍ទី១៦ ។ ជាការពិតពូលA បានរកឃើញក្រុមឡើងវគ្គ ៨ក្រុមចុងក្រោយហើយ គឺក្រុមភ្នំពេញហ្គាឡាក់ស៊ី ឈរលេខ១ និងខេត្តព្រះសីហនុ ឈរលេខ២ ។ ដូច្នេះទោះបីលទ្ធផលចុងក្រោយស្អែកនេះយ៉ាងណា ក៏គ្មានការប្រែប្រួលនោះដែរ លើកលែងជំនួបរវាងកំពតអេហ្វស៊ី និងខេត្តកំពង់ស្ពឺ ដែលក្រុមឈ្នះ នឹងត្រូវឈរលេខ៣ ក្នុងពូល ។ដោយឡែកជំនួបបង្គ្រប់សប្ដាហ៍ទី១៧ រវាងក្រុមយុវជនបាត់ដំបង និងក្រុមសូហ្វីយ៉ាប៉ៃលិន គឺជាជំនួបដ៏សំខាន់ ដែលក្រុមភ្ញៀវបាត់ដំបង ត្រូវការជ័យជម្នះ ដើម្បីមានឱកាសចាំអ៊ុតដំណើរឆ្ពោះទៅវគ្គបន្ដ ដ្បិតបច្ចុប្បន្នក្រុមយុវជនបាត់ដំបង មាន ១១ពិន្ទុ ប្រទាញប្រទុងជាមួយក្រុមឈើតុំ-ខេត្តពោធិ៍សាត់ ដែលមាន ១២ពិន្ទុ និងនៅសល់ ១ប្រកួតក្នុងដៃដូចគ្នា ។ ប៉ុន្ដែករណីបើការប្រកួតបញ្ចប់ពូល បាត់ដំបង ធ្វើពុំបានល្អទេនោះ ពួកគេនឹងត្រូវប្រឈមរបូតឱកាសឡើងវគ្គ ៨ក្រុមចុងក្រោយតែម្ដង។គួរដឹងថា ការប្រកួតពានរង្វាន់សម្ដេចតេជោ ហ៊ុន សែន ថ្នាក់ខេត្ត ឆ្នាំនេះ បានចាប់ផ្ដើមការប្រកួតជម្រុះតាមពូល កាលពីចុងខែមីនា ឆ្នាំ២០២៣ មានបេក្ខភាព ២០ក្រុមចូលរួម និងបែងចែកជា ៤ពូល ក្នុងមួយពូលមាន ៥ក្រុម ដើម្បីធ្វើការប្រកួតសន្សំពិន្ទុ និងចម្រាញ់បានក្រុមខ្លាំង ២ក្រុមក្នុងមួយពូលឡើងទៅវគ្គ ៨ក្រុមចុងក្រោយ បន្ទាប់ពីធ្វើការប្រកួតចំនួន ២ជុំ៕ អត្ថបទ លី ឈុនឡា

Molly Carson បញ្ចប់ដំណើរឈ្នះជាប់គ្នារបស់ Rhiannan Iffland នៅការប្រកួតលោតទឹក Cliff Diving

ការប៉ុនប៉ងចង់ឈ្នះការប្រកួតលោតទឹក Red Bull Cliff Diving ៧ ព្រឹត្តិការណ៍ជាប់គ្នារបស់កីឡាការិនីអូស្រ្តាលី Rhiannan Iffland ត្រូវបានបញ្ចប់ហើយ ក្រោយកីឡាការិនីកាណាដា Molly Carson បានយកឈ្នះការប្រកួតនៅប្រទេសបូស្នៀ។ ព្រឹត្តិការណ៍ Cliff Diving World Series នៅប្រទេសបូស្នៀតែងតែត្រូវបានរៀបចំឡើងនៅទន្លេ Neretva ពោលគឺអ្នកចូលរួមប្រកួតទាំងអស់ត្រូវលោតពីលើស្ពានប្រវត្តិសាស្រ្ត Stari Most។ Molly Carson គឺជាអ្នកឈរលើគេនៅក្នុងតារាងការប្រកួតផ្នែកនារីក្រោយការលោតចំនួន ៤ លើកទទួលបានសរុប ៣៧៨.៦០ ពិន្ទុ តាមពីក្រោយដោយ Rhiannan Iffland មាន ៣៦១.៥ ពិន្ទុ និងលេខ ៣ កីឡាការិនីអាមេរិក Eleanor Smart។ យ៉ាងណាក្តីនៅក្នុងតារាងពិន្ទុរួមក្រោយប្រកួតបាន ៥ ព្រឹត្តិការណ៍រដូវកាលនេះ Rhiannan Iffland នៅឈរលើគេដដែលមានសរុប ៩៩០ ពិន្ទុ តាមពីក្រោយដោយ Molly Carson មាន ៨៦០ ពិន្ទុ និងលេខ ៣ កីឡាការិនីអូស្រ្តាលី Xantheia Pennisi។ ងាកមកការប្រកួតផ្នែកបុរសវិញ ជ័យជំនះបានទៅកីឡាករអេស្ប៉ាញ Carlos Gimeno ខណៈលេខ ២ បានទៅកីឡាកររ៉ូម៉ានី Catalin Preda និងលេខ ៣ កីឡាករអង់គ្លេស Aidan Hislop។ ក្នុងតារាងជើងឯកវិញ កីឡាកររ៉ូម៉ានី Constantine Popovici ដែលបានលេខ ៥ នៅបូស្នៀនេះ នៅតែឈរលើគេដដែលមានសរុប ៨៣២ ពិន្ទុ តាមពីក្រោយដោយ Aidan Hislop មាន ៦៩៩ និង លេខ ៣ Carlos Gimeno។ ជុំទី ៦ Red Bull Cliff Diving World Series នឹងធ្វើដំណើរទៅប្រទេសនូវែស៊ីឡង់ដែលជាជុំចុងក្រោយ៕ អត្ថបទ៖នាង សុភាវុធ

កម្ពុជាបំបែកកំណត់ត្រាឈ្នះម៉ាកាវច្រើនគ្រាប់ និងជាជ័យជម្នះដំបូង ក្រោមការដឹកនាំរបស់ Felix

ក្រុមបាល់ទាត់ជម្រើសជាតិកម្ពុជា បានយកឈ្នះក្រុមភ្ញៀវម៉ាកាវ ដោយលទ្ធផល ៤-០ ក្នុងជំនួបមិត្តភាពអន្ដរជាតិ កាលពីរាត្រីថ្ងៃច័ន្ទដើមសប្ដាហ៍នេះ នៅពហុកីឡដ្ឋានជាតិ(ស្ដាតអូឡាំពិក) ។ ជ័យជម្នះនេះដែរ បានចារនូវកំណត់ត្រាថ្មីមួយចំនួន ដូចជាការយកឈ្នះម៉ាកាវច្រើនគ្រាប់លើកដំបូង ក្នុងប្រវត្តិជួបគ្នា ៧លើកចុងក្រោយ ហើយក៏ជាជម្នះដំបូង បន្ទាប់ពីលោក Felix Dalmas ត្រឡប់មកដឹកនាំក្រុមគោព្រៃវិញផងដែរ ។ជំនួបដ៏ជក់ចិត្តនេះ ក្រុមគោព្រៃកម្ពុជា បានបើកការនាំមុខ ៣-០ នៅវគ្គទី១ ដែលធ្វើសម្រេចដោយកីឡាករ សៀង ចន្ធា ២គ្រាប់ នៅនាទី១៩ និងនាទី២១ ក្រោយទទួលការបញ្ជូនបាល់យ៉ាងល្អពីមិត្តរួមក្រុម កាន់ ពិសាល និង ស៊ិន សុផាណាត់ និង ១គ្រាប់ទៀត រកបានដោយខ្សែការពារមកពីព្រះខ័នរាជស្វាយរៀង សឿយ វិសាល នៅនាទី៤០ ។ ចូលវគ្គទី២ ទោះបីក្រុមម៉ាកាវ បានផ្លាស់ប្ដូរប្រព័ន្ធលេងយ៉ាង ក៏មិនអាចទម្លាយសំណាញ់ទីក្រុមគោព្រៃ ផ្ទុយទៅវិញ កម្ពុជាបានបន្ថែម ១គ្រាប់ទៀត នៅចុងម៉ោង ដោយកីឡាករ រ៉ឹង ប៊ុនហៀង ដើម្បីធានាជ័យជម្នះរបស់ខ្លួនតែម្ដង។ជាមួយជ័យជម្នះនេះ បានក្លាយជាជ័យជម្នះដែលមានគ្រាប់បាល់ច្រើនជាងគេ ក្នុងប្រវត្តិជួបគ្នាចំនួន ៧លើកចុងក្រោយ ដែលកម្ពុជា ធ្លាប់ឈ្នះម៉ាកាវ ៤លើក ស្មើ ១លើក និងចាញ់ ១លើក ។ និយាយពីប្រវត្តិឈ្នះរបស់ក្រុមគោព្រៃ កម្ពុជាបានយកឈ្នះម៉ាកាវ ៣-១ ក្នុងជំនួបមិត្តភាព ឆ្នាំ២០០៨ មុនបន្ដយកឈ្នះ ២-១ ក្នុងជំនួបមិត្តភាពឆ្នាំ២០០៩ ហើយបន្ដយកឈ្នះ ៣-១ ម្ដងទៀត ក្នុងជំនួបមិត្តភាព ឆ្នាំ២០១១ គ្រាដែលជ័យជម្នះចុងក្រោយ គឺកម្ពុជា បានយកឈ្នះម៉ាកាវ ៣-០ ក្នុងវគ្គជម្រុះបឋម នៃពានរង្វាន់បាល់ទាត់ពិភពលោក ឆ្នាំ២០១៨ មុនកម្ពុជា បន្ដជ័យជម្នះ ៤-០ លើក្រុមម៉ាកាវ កាលពីយប់មិញ ។ម្យ៉ាងវិញទៀត នេះក៏ជាជ័យជម្នះលើកដំបូងរបស់ក្រុមជម្រើសជាតិកម្ពុជា(ក្រុមធំ) ក្រោយការវិលត្រឡប់មកដឹកនាំក្រុមគោព្រៃជាលើកទី២ ក្នុងនាមគ្រូបង្គោលរបស់លោក Felix Dalmas ផងដែរ បន្ទាប់ពីការប្រកួតដំបូង កាលពីខែមិថុនាកន្លងទៅ ក្រុមជម្រើសជាតិកម្ពុជា បានចាញ់ក្រុមភ្ញៀវបង់ក្លាដែស ដោយលទ្ធផល ១-០ ក្នុងជំនួបមិត្តភាពអន្ដរជាតិ មុនប្រកួតស្មើក្រុមភ្ញៀវហុងកុង ១-១ កាលពីថ្ងៃទី០៧ ខែកញ្ញាកន្លងទៅ នៅពហុកីឡដ្ឋានជាតិតែមួយគត់ ។សូមបញ្ជាក់ថា ការប្រកួតមិត្តភាពអន្ដរជាតិ កំឡុង FIFA Day របស់ក្រុមជម្រើសជាតិកម្ពុជា គឺដើម្បីត្រៀមខ្លួន សម្រាប់ការប្រកួតជម្រុះបឋមពានរង្វាន់បាល់ទាត់ពិភពលោក (2026 FIFA World Cup Asian Qualifiers) ដែលកម្ពុជា ត្រូវជួបក្រុមជម្រើសជាតិប៉ាគីស្ថាន នាខែក្រោយ ពោលគឺជើងទី១ កម្ពុជា ត្រូវបើកទ្វារផ្ទះទទួលប៉ាគីស្ថាន នាថ្ងៃទី១២ ខែតុលា និងជើងទី២ កម្ពុជា ត្រូវជួបប៉ាគីស្ថាន ក្រៅដីវិញ នាថ្ងៃទី១៧ ខែតុលា ឆ្នាំ២០២៣ ខាងមុខ ៕ អត្ថបទ លី ឈុនឡា

LeBron James គ្រោងវិលមកជួយក្រុមអាមេរិកវិញនៅអូឡាំពិក ទីក្រុងប៉ារីសឆ្នាំក្រោយ

កំពូលកីឡាករបាល់បោះអាមេរិក LeBron James ត្រូវបានគេដឹងថា គ្រោងត្រលប់មកជួយក្រុមជម្រើសជាតិអាមេរិកវិញ នៅព្រឹត្តិការណ៍អូឡាំពិករដូវក្តៅទីក្រុងប៉ារីសប្រទេសបារាំងឆ្នាំក្រោយ នេះបើតាមការចុះផ្សាយពីសារព័ត៌មានធំៗជាច្រើននៅថ្ងៃចន្ទម្សិលមិញ។សារព័ត៌មាន ESPN បានចុះផ្សាយថា James ស្ថិតក្នុងចំណោមកីឡាករកំពូលៗដែលមានចំណាប់អារម្មណ៍ក្នុងការចូលរួមប្រកួតនៅទីក្រុងប៉ារីសឆ្នាំក្រោយ ខណៈដែលសារព័ត៌មាន The Athletic ឱ្យដឹងថា ខ្សែប្រយុទ្ធរបស់ក្រុមបាល់បោះ LA Lakers រូបនេះបានកោះហៅកីឡាករសំខាន់ៗមួយចំនួនផ្សេងទៀតផងដែរ។រំលឹកថា LeBron James បានខកខានមិនលេងឱ្យក្រុមជម្រើសជាតិអាមេរិកតាំងពីឈ្នះមេដាយមាសអូឡាំពិកទីក្រុងឡុងដ៍ចក្រភពអង់គ្លេសកាលពីឆ្នាំ ២០១២។កីឡាករវ័យ ៣៨ ឆ្នាំដែលធ្លាប់ឈ្នះមេដាយមាសអូឡាំពិក ២ លើកជាមួយអាមេរិករូបនេះ ក៏បានកោះហៅ Kevin Durant រួមជាមួយនឹង Stephen Curry និង Jayson Tatum ផងដែរ ដើម្បីប្រកួតតំណាងអាមេរិកមុនចូលនិវត្តន៍៕ អត្ថបទ៖នាង សុភាវុធ

Coco Gauff សម្រេចក្តីស្រមៃឈ្នះ Grand Slam លើកដំបូងក្នុងអាជីពក្រោយឈ្នះជើងឯក US Open

កីឡាការិនីវាយកូនបាល់វ័យក្មេងអាមេរិក Coco Gauff បានសំរេចក្តីស្រមៃរបស់ខ្លួនក្នុងការប៉ុនប៉ងចង់ឈ្នះ Grand Slam លើកដំបូងក្នុងអាជីព បន្ទាប់ពីវាយបកយកឈ្នះកីឡាការិនី Aryna Sabalenka នៅវគ្គផ្តាច់ព្រ័ត្រលើកពាន US Open។នៅចំពោះមុខអ្នកគាំទ្ររបស់ខ្លួន ក្នុងទឹកដីរបស់ខ្លួន Coco Gauff ចាប់ផ្តើមមិនបានល្អឡើយក្រោយជើងឯក Australian Open កីឡាការិនីបេឡារុស Aryna Sabalenka យកឈ្នះសិតដំបូង ៦-២។ យ៉ាងណាក្តី កីឡាការិនីអាមេរិកដែលមានវ័យទើបតែ ១៩ ឆ្នាំ Coco Gauff បានកែប្រែស្ថានការដោយយកឈ្នះនៅសិតទីពីរ ៦-៣ ហើយក៏មានទំនុកចិត្តយកឈ្នះសិតកាត់សេចក្តី ៦-២។ជ័យជំនះ Grand Slam លើកដំបូងរបស់ Coco Gauff នឹងធ្វើឱ្យនាងឡើងឈរចំណាត់ថ្នាក់ពិភពលោកលេខ៣ ដែលជាចំណាត់ថ្នាក់ល្អបំផុតក្នុងអាជីព។ ចំណែកកីឡាការិនីវ័យ ២៥ ឆ្នាំបេឡារុស Aryna Sabalenka ត្រូវរង់ចាំបន្តទៀតក្នុងការប៉ុនប៉ងចង់ឈ្នះពាន Grand Slam លើកទី ២ ក្នុងអាជីព តែយ៉ាងហោចណាស់ក៏ត្រូវបានលើកទឹកចិត្តមកវិញ ដោយនាងនឹងក្លាយជាកីឡាការិនីលំដាប់លេខ ១ ពិភពលោកនៅថ្ងៃចន្ទនេះ៕ អត្ថបទ៖នាង សុភាវុធ

Novak Djokovic ឈ្នះពាន Grand Slam តាមស្មើកំណត់ត្រា ២៤ លើករបស់ Margaret Court

ទីបំផុតការប៉ុនប៉ងចង់ឈ្នះពាន Grand Slam ឱ្យតាមស្មើកំណត់ត្រារបស់អតីតកីឡាការិនី Margaret Court របស់ Novak Djokovic បានសម្រេចហើយ ក្រោយយកឈ្នះកីឡាកររុស្ស៊ី Daniil Medvedev នៅវគ្គផ្តាច់ព្រ័ត្រ US Openនៅទីក្រុងញូយ៉កសហរដ្ឋអាមេរិក។ កីឡាករវ័យ ៣៦ ឆ្នាំសញ្ជាតិស៊ែបរូបនេះឈ្នះដោយលទ្ធផលមិនតានតឹងពេកទេ ៣ សិតផ្ទួនៗ ៦-៣ ៧-៦(៧-៥) និង ៦-៣ តែនៅក្នុងសិតទី ២ នោះត្រូវចំណាយពេលដល់ទៅ ១ ម៉ោង ៤៤ នាទី។ថ្វីបើឈានដល់វ័យ ៣៦ ឆ្នាំក្តី Novak Djokovic ហាក់មិនបានបង្ហាញពីការធ្លាក់ចុះសមត្ថភាពរាងកាយរបស់ខ្លួនឡើយ បន្ទាប់ពីឆ្នាំ ២០២៣ នេះគេបានឈ្នះជើងឯក Grand Slam សរុប ៣ ក្នុងចំណោម ៤ លើក។Djokovic បានបំបែកកំណត់ត្រារបស់ Rafael Nadal ដែលឈ្នះជើងឯកសរុប ២២ Grand Slam តាមរយៈការឈ្នះជើងឯក Australian Open កាលពីដើមឆ្នាំ។Djokovic នឹងមិនទាន់គិតពីការចាកចេញពីអាជីពកីឡាករវាយកូនបាល់ឡើយ ស្របពេលបេសកកម្មបន្តគឺការបំបែកកំណត់ត្រារបស់អតីតកីឡាការិនីរុស្ស៊ី Margaret Court តែម្តង នៅពេលចូលរួមការប្រកួត Australian Open នៅខែមករាដើមឆ្នាំ ២០២៤ ខាងមុខ៕ អត្ថបទ៖នាង សុភាវុធ

កម្ពុជាទទួលបានការសរសើរ ក្នុងការរៀបចំព្រឹត្តិការណ៍វាយកូនបាល់យុវជនអាស៊ី-២០២៣

ព្រឹត្តិការណ៍កីឡាវាយកូនបាល់យុវជនអាស៊ី ITF Asian 14U Junior Championships ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះជុំផ្ដាច់ព្រ័ត្រ បានបញ្ចប់ហើយ ក្រោយដំណើរការប្រកួតរយៈពេល ៥ថ្ងៃ នៅទីលានវាយកូនបាល់ នៃពហុកីឡដ្ឋានជាតិមរតកតេជោ កាលពីចុងសប្ដាហ៍កន្លងទៅ ដែលបានប្រព្រឹត្តទៅយ៉ាងរលូន និងជោគជ័យ រហូតទទួលបានការកោតសរសើរពីសំណាក់ប្រតិភូកីឡា នៃបណ្ដាប្រទេសចូលរួមទៀតផង ។លោក ទេព រិទ្ធី អគ្គលេខាធិការសហព័ន្ធកីឡាវាយកូនបាល់កម្ពុជា បានបញ្ជាក់ថា ការទទួលសិទ្ធិធ្វើម្ចាស់ផ្ទះជុំផ្ដាច់ព្រ័ត្រ នៃព្រឹត្តិការណ៍កីឡាវាយកូនបាល់យុវជនអាស៊ីនេះ មានសុទ្ធតែកីឡាករ-កីឡាការិនីឆ្នើមៗចូលរួមសរុប ៤៦នាក់ ដែលត្រូវបានចម្រាញ់ឲ្យសហព័ន្ធកីឡាវាយកូនបាល់ទាត់អាស៊ី ក្នុងនោះកម្ពុជា ក៏ទទួលបានសិទ្ធពិសេស ក្នុងនាមម្ចាស់ផ្ទះ ដោយដាក់សមាសភាពកីឡាករ ២រូបចូលរួមប្រកួតផងដែរ ។លោកថា ទោះបីការចូលរួមរបស់កីឡាករកម្ពុជា ពុំទទួលបានមេដាយ តែលោករីករាយ ជាមួយភារកិច្ចនៃការទទួលធ្វើម្ចាស់ផ្ទះព្រឹត្តិការណ៍អន្ដរជាតិនេះ រហូតទទួលបានការកោតសរសើរពីបណ្តាប្រទេសចូលរួមថា ការរៀបចំមានលក្ខណៈស្តង់ដារ និងការទទួលបដិសណ្ឋាកិច្ចល្អចំពោះភ្ញៀវយ៉ាងកក់ក្ដៅ ។ នេះគឺជាមុខមាត់មួយ សម្រាប់សហព័ន្ធ ហើយក៏ជាទំនុកចិត្ត ដើម្បីកម្ពុជា ក្នុងការមានឱកាសធ្វើម្ចាស់ផ្ទះព្រឹត្តិការណ៍ធំៗជាបន្ដបន្ទាប់ទៀត ។អគ្គលេខាធិការសហព័ន្ធដដែលបន្ថែមថា ព្រឹត្តិការណ៍នេះ ប្រមូលផ្ដុំដោយកីឡាករ-កីឡាការិនីខ្លាំងៗ នៅក្នុងទ្វីបអាស៊ី ។ ដូច្នេះនេះគឺជាឱកាសនៃការផ្តល់នូវបទពិសោធន៍ និងបច្ចេកទេសពីការប្រកួតកម្រិតអន្តរជាតិដល់យុវជនបន្តវេនកម្ពុជា អភិវឌ្ឍខ្លួនក្លាយជាកីឡាករវាយកូនបាល់មានសក្តានុពលប្រចាំទ្វីអាស៊ីនាថ្ងៃអនាគត ពិសេសសម្រាប់យុវជនអាយុក្រោម ១៤ឆ្នាំ ដើម្បីត្រៀមការប្រកួតប្រជែងកីឡាយុវជនអាស៊ី លើកទី៥ ដែលកម្ពុជាធ្វើម្ចាស់ផ្ទះ នាឆ្នាំ២០២៩ ខាងមុខ ។សូមបញ្ជាក់ថា ព្រឹត្តិការណ៍កីឡាវាយកូនបាល់យុវជនអាស៊ី ITF Asian 14U Junior Championships ឆ្នាំ២០២៣ ដែលទើបបញ្ចប់កាលពីចុងសប្ដាហ៍កន្លងទៅ ចំពោះលទ្ធផលបច្ចេកទេសលើវិញ្ញាសាទាំង ៤ សម្រាប់វិញ្ញាសាប្រកួតឯកក្តជននារី មេដាយមាស បានទៅកីឡាការិនីកូរ៉េ Yeri Hong ។ វិញ្ញាសាប្រកួតវាយគូ នារី មេដាយមាស បានទៅក្រុមកីឡាការិនីឥណ្ឌូនេស៊ី ។ វិញ្ញាសាប្រកួតឯកក្តជនបុរស មេដាយមាស បានទៅកីឡាករហុងកុង Sin Hang Tam និងវិញ្ញសាប្រកួតវាយគូបុរស មេដាយមាស បានទៅក្រុមកីឡាករមកពីហុងកុងដូចគ្នា ៕ អត្ថបទ លី ឈុនឡា

Vincent Norrman ឈ្នះជើងឯក Irish Open ខណៈកីឡាការិនី Minjee Lee ឈ្នះកម្មវិធី Kroger Queen City

កីឡាករវាយកូនគោលស៊ុយអែត Vincent Norrman បានគ្រងជើងឯកការប្រកួតកម្មវិធី Irish Open ខណៈកីឡាករម្ចាស់ផ្ទះ Rory McIlroy មិនមានសំណាងឡើយ។កីឡាករលំដាប់លេខ ២ Rory McIlroy ស្ថិតក្នុងចំណោមកីឡាករមួយចំនួនទៀតដែលមិនមានសំណាងក្នុងថ្ងៃចុងក្រោយពោលគឺ McIlroy ដែលនាំមុខគេ ១៣ អាន់ឌើផាមុនចាប់ផ្តើមថ្ងៃចុងក្រោយនោះ វាយចូលទឹក ៤ លើក និងបញ្ចប់ការប្រកួតជាមួយនឹង ៩ អាន់ឌើផា។ចំណែកឯកីឡាករវ័យ ២៥ ឆ្នាំ Vincent Norrman តាមពីក្រោយ ៦ ស្រ្តូក ដើម្បីគ្រងជើងឯកតាមរយៈការធ្វើបាន ៧ Birdies ក្នុង ១២ ឡូនៃថ្ងៃចុងក្រោយដើម្បីបញ្ចប់ការប្រកួតជាមួយនឹង ១៤ អាន់ឌើផា ឈ្នះអ្នកលេខ ២ កីឡាករអាល្លឺម៉ង់ Hurly Long ១ ស្រ្តូក និងលេខ ៣ កីឡាករស្កុតឡេន Grant Forrest មាន ១២ អាន់ឌើផា។Irish Open ដែលមានកញ្ចប់ប្រាក់រង្វាន់ ៦ លានដុល្លារអាមេរិក Vincent Norrman ក្នុងនាមជាជើងឯកទទួលបានប្រាក់រង្វាន់ ១.០២ លានដុល្លារ។ ងាកមកការប្រកួតផ្នែកនារីក្របខណ្ឌ LPGA Tour កម្មវិធី Kroger Queen City Championship ដែលរៀបចំនៅ Cincinnati សហរដ្ឋអាមេរិក កីឡាការិនីអូស្រ្តាលី Minjee Lee បានក្លាយជាជើងឯកតាមរយៈជ័យជំនះនៅវគ្គ Play-Off បន្ថែមឡូកាត់សេចក្តីលើកីឡាការិនីអង់គ្លេស Charley Hull។Minjee Lee និង Charley Hull បានបញ្ចប់ការប្រកួតថ្ងៃចុងក្រោយជាមួយនឹង ១៦ អាន់ឌើផាដូចគ្នា មុនពេលដែល Minjee Lee យកឈ្នះនៅវគ្គ Play-Off ដើម្បីគ្រងជើងឯកនៅក្នុងក្របខណ្ឌ LPGA Tour លើកដំបូងរាប់ពីឆ្នាំ ២០២២ ដែលនាងឈ្នះកម្មវិធី US Open៕ អត្ថបទ៖នាង សុភាវុធ

ឯកឧត្តម កែវ រ៉េមី ប្រកាសបន្ដដឹកនាំសហព័ន្ធតេក្វាន់ដូ ITF និងស្នើក្រសួងអប់រំ បន្ដយកចិត្តទុកដាក់

ឯកឧត្តម កែវ រ៉េមី ទេសរដ្ឋមន្ដ្រី និងជាប្រធានគណៈកម្មាធិការសិទ្ធិមនុស្សកម្ពុជា បានប្រកាសបន្ដធ្វើជាប្រធានសហព័ន្ធកីឡាតេក្វាន់ដូ ITF កម្ពុជា អមជាមួយការស្នើឲ្យក្រសួងអប់រំ យុវជន និងកីឡា បន្ដយកចិត្តទុកដាក់ ដើម្បីជំរុញការអភិវឌ្ឍកីឡាមួយនេះ ឲ្យកាន់តែរីកចម្រើនថែមទៀត ។ការប្រកាសបន្ដដឹកនាំសហព័ន្ធនេះ ធ្វើឡើងក្នុងពិធីបិទការប្រកួតកីឡាតេក្វាន់ដូ ITF នៃការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ នៅពហុកីឡដ្ឋានជាតិអូឡាំពិក កាលពីថ្ងៃទី១០ ខែកញ្ញានេះ បន្ទាប់ពីឯកឧត្តមធ្លាប់បានលើកឡើងពីគម្រោងលាលែងពីតំណែងប្រធានសហព័ន្ធ កាលពីពេលកន្លងទៅ ។ឯកឧត្តមទេសរដ្ឋមន្ដ្រី កែវ រ៉េមី បានសម្ដែងការសប្បាយចិត្ត ក្នុងបន្ដដឹកនាំសហព័ន្ធ ទោះបីឯកឧត្តមមមាញឹកជាមួយការងាររដ្ឋយ៉ាងណាក៏ដោយ ដើម្បីឆ្លើយតបទៅនឹងសំណូមពររបស់ថ្នាក់ដឹកនាំ និងសមាជិកគណៈកម្មាធិការប្រតិបត្តិរបស់សហព័ន្ធ ក៏ដូចជាគ្រូបង្វឹក និងកីឡាករ-កីឡាការិនីតេក្វាន់ដូ ITF ។អ្វីដែលពិសេស គឺឯកឧត្តមកាន់តែរីករាយ ក្នុងការបន្ដតំណែងជាប្រធានសហព័ន្ធ បន្ទាប់ពីមើលឃើញធនធានបន្ដវេនប្រកបដោយសក្ដានុពល គ្រប់កម្រិត តាំងពីកម្រិតថ្នាល រហូតដល់ពេញវ័យ តាមរយៈការប្រកួតកីឡាសិស្សបឋមសិក្សា រហូតដល់កីឡាមធ្យមសិក្សា ប្រកបដោយបច្ចេកទេស ទាំងក្បាច់គុន និងវិន័យ ។ឆ្លៀតឱកាសនោះ ឯកឧត្តមទេសរដ្ឋមន្ដ្រី បានអរគុណក្រសួងអប់រំ យុវជន និងកីឡា ដែលតែងយកចិត្តទុកដាក់ ចំពោះកីឡាតេក្វាន់ដូ ITF ហើយឯកឧត្តមក៏បានសំណូមពរឲ្យក្រសួង បន្ដយកចិត្តទុកដាក់ និងគាំទ្របន្ដទៀត សម្រាប់ធនធានកីឡាករ-កីឡាការិនីតេក្វាន់ដូ ITF កម្ពុជា ដែលមានស្រាប់។ឯកឧត្តម កែវ រ៉េមី មានសុទិដ្ឋិនិយមយ៉ាងមុតមាំថា កីឡាតេក្វាន់ដូ ITF នឹងនាំមកនូវកិត្តិយសជូនជាតិ តាមរយៈការប្រកួតអន្ដរជាតិនានា ទាំងក្នុង និងក្រៅប្រទេស ដោយផ្អែកលើភាពរីកចម្រើនរបស់កីឡាករ-កីឡាការិនីគ្រប់កម្រិត ដ្បិតកីឡាតេក្វាន់ដូ ITF មិនបានចូលរួមការប្រកួតកីឡាស៊ីហ្គេម លើកទី៣២ កាលពីថ្មីៗក៏ដោយ ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Neymar និងក្រុមប្រេស៊ីលហ្វឹកហាត់ត្រៀមប្រកួតជម្រុះ World Cup ទល់នឹងម្ចាស់ផ្ទះពែរូព្រឹកស្អែក

ពូលA នៃពាន Hun Sen Cup នឹងប្រកួតបង្គ្រប់កិច្ចស្អែក ឯបាត់ដំបង ត្រូវការឈ្នះ ដើម្បីអ៊ុតកៅអីវគ្គបន្ដ

Molly Carson បញ្ចប់ដំណើរឈ្នះជាប់គ្នារបស់ Rhiannan Iffland នៅការប្រកួតលោតទឹក Cliff Diving

កម្ពុជាបំបែកកំណត់ត្រាឈ្នះម៉ាកាវច្រើនគ្រាប់ និងជាជ័យជម្នះដំបូង ក្រោមការដឹកនាំរបស់ Felix

LeBron James គ្រោងវិលមកជួយក្រុមអាមេរិកវិញនៅអូឡាំពិក ទីក្រុងប៉ារីសឆ្នាំក្រោយ

Coco Gauff សម្រេចក្តីស្រមៃឈ្នះ Grand Slam លើកដំបូងក្នុងអាជីពក្រោយឈ្នះជើងឯក US Open

Novak Djokovic ឈ្នះពាន Grand Slam តាមស្មើកំណត់ត្រា ២៤ លើករបស់ Margaret Court

កម្ពុជាទទួលបានការសរសើរ ក្នុងការរៀបចំព្រឹត្តិការណ៍វាយកូនបាល់យុវជនអាស៊ី-២០២៣

Vincent Norrman ឈ្នះជើងឯក Irish Open ខណៈកីឡាការិនី Minjee Lee ឈ្នះកម្មវិធី Kroger Queen City

ឯកឧត្តម កែវ រ៉េមី ប្រកាសបន្ដដឹកនាំសហព័ន្ធតេក្វាន់ដូ ITF និងស្នើក្រសួងអប់រំ បន្ដយកចិត្តទុកដាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Neymar និងក្រុមប្រេស៊ីលហ្វឹកហាត់ត្រៀមប្រកួតជម្រុះ World Cup ទល់នឹងម្ចាស់ផ្ទះពែរូព្រឹកស្អែក

ពូលA នៃពាន Hun Sen Cup នឹងប្រកួតបង្គ្រប់កិច្ចស្អែក ឯបាត់ដំបង ត្រូវការឈ្នះ ដើម្បីអ៊ុតកៅអីវគ្គបន្ដ

Molly Carson បញ្ចប់ដំណើរឈ្នះជាប់គ្នារបស់ Rhiannan Iffland នៅការប្រកួត​លោតទឹក Cliff Diving

កម្ពុជាបំបែកកំណត់ត្រាឈ្នះម៉ាកាវច្រើនគ្រាប់ និងជាជ័យជម្នះដំបូង ក្រោម​ការ​ដឹកនាំ​របស់ Felix

LeBron James គ្រោងវិលមកជួយក្រុមអាមេរិកវិញនៅអូឡាំពិក ទីក្រុងប៉ារីសឆ្នាំក្រោយ

Coco Gauff សម្រេចក្តីស្រមៃឈ្នះ Grand Slam លើកដំបូងក្នុងអាជីព​ក្រោយឈ្នះ​ជើងឯក US Open

Novak Djokovic ឈ្នះពាន Grand Slam តាមស្មើកំណត់ត្រា ២៤ លើករបស់ Margaret Court

កម្ពុជាទទួលបានការសរសើរ ក្នុងការរៀបចំព្រឹត្តិការណ៍វាយកូនបាល់យុវជនអាស៊ី-២០២៣

Vincent Norrman ឈ្នះជើងឯក Irish Open ខណៈកីឡាការិនី Minjee Lee ឈ្នះកម្មវិធី Kroger Queen City

ឯកឧត្តម កែវ រ៉េមី ប្រកាសបន្ដដឹកនាំសហព័ន្ធតេក្វាន់ដូ ITF និងស្នើក្រសួងអប់រំ បន្ដយកចិត្តទុកដាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Molly Carson បញ្ចប់ដំណើរឈ្នះជាប់គ្នារបស់ Rhiannan Iffland នៅការប្រកួតលោតទឹក Cliff Diving

កម្ពុជាបំបែកកំណត់ត្រាឈ្នះម៉ាកាវច្រើនគ្រាប់ និងជាជ័យជម្នះដំបូង ក្រោមការដឹកនាំរបស់ Felix

Coco Gauff សម្រេចក្តីស្រមៃឈ្នះ Grand Slam លើកដំបូងក្នុងអាជីពក្រោយឈ្នះជើងឯក US Open