BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

កីឡាករព័រទុយហ្កាល់ Rui Costa ឈ្នះដំណាក់កាលទី ១៥ Vuelta a Espana តែ Sepp Kuss ពន្លាតការនាំមុខ

កីឡាករប្រណាំងកង់សញ្ជាតិព័រទុយហ្កាល់ Rui Costa បានប្រជែងឈ្នះដំណាក់កាលទី ១៥ នៃព្រឹត្តិការណ៍ប្រណាំងកង់ Grand Tour, Vuelta a Espana នៅប្រទេសអេស្ប៉ាញ តែកីឡាករអាមេរិក Sepp Kuss ពន្លាតការនាំមុខក្នុងតារាងវេលារួម។ ដំណាក់កាលទី ១៥ ដែលមានចំងាយផ្លូវ ១៥៩ គីឡូម៉ែត្រ កីឡាកររបស់ក្រុមប្រណាំង Intermarche-Circus-Wanty, Rui Costa បានចំណាយពេល ៣ ម៉ោង ៣០ នាទី ៥៦ វិនាទីដើម្បីមកដល់ទីព្រ័ត្រមុនគេតាមពីក្រោយដោយកីឡាករអាល្លឺម៉ង់ Lennard Kemna និងកីឡាករកូឡុំប៊ី Santiago Buitrago ស្ថិតក្នុងថេរវេលាដូចគ្នា ស្របពេលដែលអ្នកការពារតំណែងជើងឯក កីឡាករប៊ែលហ្ស៊ិក Remco Evenepoel លេខ ៤ យឺងជាង ២ វិនាទី។ យ៉ាងណាក្តីក្រោយ ១៥ ដំណាក់កាលនេះ កីឡាករអាមេរិក Sepp Kuss ជិះឱ្យក្រុម Jumbo-Visma នៅតែបន្តនាំមុខគេដដែល ដោយកាន់វេលាចំណេញ ១ នាទី ៣៧ វិនាទី ពីកីឡាករស្លូវេនី Primoz Roglic និង ១ នាទី ៤៤ វិនាទីពី អ្នកលេខ ៣ កីឡាករដាណឺម៉ាក Jonas Vingegaard។ សម្រាប់ថ្ងៃចន្ទនេះមិនមានការប្រកួតឡើយ ខណៈថ្ងៃអង្គារស្អែកនេះដំណាក់កាលទី ១៦ មានចំងាយផ្លូវ ១២១ គីឡូម៉ែត្រ៕ អត្ថបទ៖នាង សុភាវុធ

អាល្លឺម៉ង់ឈ្នះស៊ែប វគ្គផ្តាច់ព្រ័ត្រគ្រងជើងឯកបាល់បោះពិភពលោកលើកដំបូង

ក្រុមបាល់បោះជម្រើសជាតិអាល្លឺម៉ង់ បានក្លាយជាជើងឯក នៃការប្រកួតបាល់បោះពានរង្វាន់ពិភពលោកលើកដំបូង ក្រោយយកឈ្នះស៊ែបនៅវគ្គផ្តាច់ព្រ័ត្រ ៨៣-៧៧ នៅទីក្រុងម៉ានីល ប្រទេសហ្វីលីពីន។ Dennis Schroder កីឡាកររបស់ក្លិប Toronto Raptors គឺជាអ្នកបោះបាន ២៨ ពិន្ទុច្រើនជាងគេសម្រាប់ក្រុមអាល្លឺម៉ង់នៅវគ្គផ្តាច់ព្រ័ត្រនេះ ខណៈ Franz Wagner បោះបាន ១៩ ពិន្ទុ។ ស៊ែបដែលមិនមានវត្តមានកីឡាករកំពូល Nikola Jokic ដែលជួយ Denver Nuggets លើកពាន NBA រដូវកាលមុនបានដេញពិន្ទុប្រផិតប្រផើយដែរទល់នឹងអាល្លឺម៉ង់ ពោលគឺចប់ពាក់កណ្តាលផ្លូវក្រុមទាំងពីរស្មើគ្នា ៤៧-៤៧ មុនពេលអាល្លឺម៉ង់គ្រប់គ្រងស្ថានការបាន។ អាល្លឺម៉ង់មកដល់វគ្គផ្តាច់ព្រ័ត្រនេះ តាមរយៈជ័យជំនះប្រផិតប្រផើយ ១១៣-១១១ ក្រុមជើងឯក ៥ សម័យអាមេរិក ខណៈស៊ែបឈ្នះកាណាដានៅវគ្គពាក់កណ្តាលផ្តាច់ព្រ័ត្រ។ កាណាដាក្រោយមកក៏បានយកឈ្នះអាមេរិក ១២៧-១១៨ នៅម៉ោងបន្ថែមដើម្បីទទួលបានចំណាត់ថ្នាក់លេខ៣៕ អត្ថបទ៖នាង សុភាវុធ

AFC U23៖ ក្រុមកម្ពុជា ត្រូវការឈ្នះម្ចាស់ផ្ទះអារ៉ាប់ប៊ីសាអូឌីតស្អែក ដើម្បីធានាកៅអីវគ្គបន្ត

ក្រុមបាល់ទាត់ជម្រើសជាតិអាយុក្រោម ២៣ឆ្នាំកម្ពុជា នឹងត្រូវជួបក្រុមជម្រើសជាតិ U23 អារ៉ាប់ប៊ីសាអូឌីត នារាត្រីថ្ងៃទី១២ ខែកញ្ញាស្អែកនេះ ដើម្បីកំណត់ជោគវាសនាក្រុមត្រូវឡើងវគ្គបន្ដ នៃពានរង្វាន់យុវជនអាយុក្រោម ២៣ឆ្នាំប្រចាំទ្វីបអាស៊ី AFC U23 Asian Cup Qatar 2024 ។ជំនួបកាត់សេចក្ដី នៃវគ្គជម្រុះពានរង្វាន់យុវជនអាយុក្រោម ២៣ឆ្នាំប្រចាំទ្វីបអាស៊ីនេះ នឹងធ្វើឡើងនៅពហុកីឡដ្ឋានព្រះអង្គម្ចាស់ស៊ុលតង់ ប៊ីន អាប់ឌុល អាហ្ស៊ីស្ហ អារ៉ាប៊ីសាអូឌីត ។ នេះគឺជាការប្រកួតដ៏សំខាន់ ពិសេសក្រុមគោព្រៃជំទង់កម្ពុជា ដែលត្រូវការជ័យជម្នះ ដើម្បីធានាកៅអីវគ្គបន្ដ។គួរដឹងថា មុនឈានដល់ជំនួបបញ្ចប់ពូល J ក្រុមជម្រើសជាតិ U23 កម្ពុជា គឺបានយកឈ្នះក្រុមជម្រើសជាតិ U23 ម៉ុងហ្គោលី ដោយលទ្ធផល ២-១ កាលពីចុងសប្ដាហ៍កន្លងទៅ ដែល ២គ្រាប់របស់ក្រុមគោព្រៃជំទង់ ធ្វើសម្រេចក្នុងវគ្គទី១ ដោយកីឡាករ ស រតនា និង សារ ទី មុនម៉ុងហ្គោលី វាយបកបាន ១គ្រាប់វិញ នៅវគ្គទី២ ។ជ័យជម្នះនេះ បានធ្វើឲ្យក្រុមជម្រើសជាតិ U23 កម្ពុជា មាន ៤ពិន្ទុ និងឈរលេខ២ បណ្ដោះអាសន្ន តាមពីក្រោយក្រុមក្រុមម្ចាស់ផ្ទះអារ៉ាប់ប៊ីសាអូឌីតដែលមាន ៦ពិន្ទុពេញ ក្រោយឈ្នះ ២ប្រកួតជាប់គ្នា ។ ដូច្នេះជំនួបចុងក្រោយ ជាមួយអារ៉ាប់ប៊ីសាអូឌីតស្អែក ប្រសិនបើកកម្ពុជា ឈ្នះនឹងទទួលបានកៅអីវគ្គ ១៦ក្រុមចុងក្រោយដោយស្វ័យប្រវត្តិ ។ប៉ុន្ដែករណីបើការប្រកួតចុងក្រោយស្អែកនេះ ស្មើគ្នា ឬកម្ពុជាចាញ់ កម្ពុជាប្រឈមនឹងការបាត់បង់ឱកាសឡើងវគ្គបន្ដ ដ្បិតបច្ចុប្បន្ន បើគិតពីចំណាត់ថ្នាក់លេខ២ ល្អជាងគេ កម្ពុជាទើបមាន ១ពិន្ទុប៉ុណ្ណោះ ពីការប្រកួតស្មើក្រុម U23 លីបង់ ខណៈជ័យជម្នះលើម៉ុងហ្គោលី មិនត្រូវបានរាប់បញ្ចូលនោះទេ ដោយសារពូលខ្លះ មាន ៣ក្រុម និងពូលខ្លះមាន ៤ពិន្ទុ ។គួរដឹងថា វគ្គជម្រុះពានរង្វាន់ AFC U23 Asian Cup Qatar 2024 គឺមាន ៤៣ក្រុមចូលរួម និងចែកចេញជា ១១ពូល ដើម្បីធ្វើការប្រកួត និងចម្រាញ់រកក្រុមកំពូលតារាង នៃពូលនីមួយៗ ព្រមទាំងក្រុមលេខ២ ល្អជាងគេ ៤ក្រុម ឡើងទៅប្រកួតជុំផ្ដាច់ព្រ័ត្រ ដែលគ្រោងធ្វើការប្រកួតពីថ្ងៃទី១៥ ខែមេសា ដល់ថ្ងៃទី០៣ ខែឧសភា ឆ្នាំ២០២៤ នៅប្រទេសកាតា ៕ អត្ថបទ លី ឈុនឡា

កីឡាករដាណឺម៉ាក Viktor Axelsen គ្រងជើងឯកវាយសី China Open

កីឡាករវាយសីដាណឺម៉ាកលំដាប់កំពូលពិភពលោក Viktor Axelsen បានគ្រងជើងឯកវាយសីពានរង្វាន់ China Open ក្រោយវាយបកយកឈ្នះកីឡាករម្ចាស់ផ្ទះចិន Lu Guangzu នៅវគ្គផ្តាច់ព្រ័ត្រថ្ងៃអាទិត្យម្សិលមិញ។ ជាការប្រកួតដ៏ជក់ចិត្តរវាងកីឡាករទាំងពីរ តាមរយៈការវាយយកពិន្ទុពេញដោយកំលាំងដូចគ្នា។ Lu Guangzu ក្រោមសំឡេងហ៊ោពីអ្នកគាំទ្រម្ចាស់ផ្ទះក៏បានបង្ករការលំបាកខ្លាំងសម្រាប់ Axelsen ដែលត្រូវផ្តោតលើគ្រប់គ្រាប់សីទាំងអស់។ យ៉ាងណាក្តីការប្រកួតបញ្ចប់ទៅដោយ Axelsen យកឈ្នះ ២១-១៦ និង ២១-១៩ ដើម្បីក្រសោបយកពាន Grand Slam Super 1000 ទាំងអស់ប្រចាំឆ្នាំរួមមាន All England Open Indonesian Open Malaysian Open និង China Open នេះ។ ងាកទៅការប្រកួតវាយគូបុរសវិញ ជើងឯកបានទៅដៃគូកីឡាករចិន Liang Wei Keng និង Wang Chang ដែលបានយកឈ្នះដៃគូ Aaron Chia និង Soh Wooi Yik របស់ម៉ាឡេស៊ី ដើម្បីទទួលបានមេដាយទី ២ សម្រាប់ម្ចាស់ផ្ទះចិននៅ ព្រឹត្តិការណ៍វាយសី China Open នេះ៕ អត្ថបទ៖នាង សុភាវុធ

២៥រាជធានី-ខេត្ត សុទ្ធតែដណ្ដើមបានមេដាយកីឡាមធ្យមសិក្សាថ្នាក់ជាតិ ឆ្នាំ២០២៣

ការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ បានបញ្ចប់ជាស្ថាពរហើយ ក្រោយដំណើរការប្រកួតជាង ១សប្ដាហ៍ ដែលទើបបិទបញ្ចប់ការពីថ្ងៃទី១០ ខែកញ្ញាម្សិលមិញ នៅវិមានពហុកីឡដ្ឋានជាតិ ក្រោមវត្តមានឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា ស្របពេលប្រតិភូកីឡាទាំង ២៥រាជធានី-ខេត្ត ដែលបញ្ជូនអត្តពលិកចូលរួមប្រកួត សុទ្ធតែដណ្ដើមបានមេដាយ។យោងតាមលទ្ធផលបច្ចេកទេសសរុបការប្រកួតទាំង ១២ប្រភេទកីឡា នៃព្រឹត្តិការណ៍កីឡាមធ្យមសិក្សាឆ្នាំនេះ រួមមាន៖- រាជធានីភ្នំពេញ ឈរលេខ១ ឈ្នះមេដាយសរុប ៥៨គ្រឿង (មាស២៨ ប្រាក់១៥ និងសំរឹទ្ធ១៥)- ខេត្តកណ្ដាល ឈរលេខ២ ឈ្នះមេដាយសរុប ៣២គ្រឿង (មាស១០ ប្រាក់១៤ និងសំរឹទ្ធ៨) - ខេត្តបាត់ដំបង ឈរលេខ៣ ឈ្នះមេដាយសរុប ៣៩គ្រឿង (មាស១០ ប្រាក់១២ និងសំរឹទ្ធ១៧)- ខេត្តសៀមរាប ឈរលេខ៤ ឈ្នះមេដាយសរុប ២៨គ្រឿង (មាស៩ ប្រាក់៧ និងសំរឹទ្ធ១២)- ខេត្តកំពង់ចាម ឈរលេខ៥ ឈ្នះមេដាយសរុប ២៨គ្រឿង (មាស៦ ប្រាក់១០ និងសំរឹទ្ធ១២)- ខេត្តកំពង់ស្ពឺ ឈរលេខ៦ ឈ្នះមេដាយសរុប ១៤គ្រឿង (មាស៦ ប្រាក់៣ និងសំរឹទ្ធ៥)- ខេត្តព្រះសីហនុ ឈរលេខ៧ ឈ្នះមេដាយសរុប ៩គ្រឿង (មាស៦ ប្រាក់១ និងសំរឹទ្ធ២)- ខេត្តពោធិ៍សាត់ ឈរលេខ៨ ឈ្នះមេដាយសរុប ១១គ្រឿង (មាស៥ ប្រាក់៤ និងសំរឹទ្ធ២)- ខេត្តតាកែវ ឈរលេខ៩ ឈ្នះមេដាយសរុប ១១គ្រឿង (មាស៥ ប្រាក់១ និងសំរឹទ្ធ៥)- ខេត្តកំពង់ឆ្នាំង ឈរលេខ១០ ឈ្នះមេដាយសរុប ១៨គ្រឿង (មាស៤ ប្រាក់៨ និងសំរឹទ្ធ៦)- ខេត្តស្វាយរៀង ឈរលេខ១១ ឈ្នះមេដាយសរុប ៧គ្រឿង (មាស៣ ប្រាក់៣ និងសំរឹទ្ធ១)- ខេត្ដព្រៃវែង ឈរលេខ១២ ឈ្នះមេដាយសរុប ១៣គ្រឿង (មាស២ ប្រាក់៥ និងសំរឹទ្ធ៦)- ខេត្តត្បូងឃ្មុំ ឈរលេខ១៣ ឈ្នះមេដាយសរុប ១២គ្រឿង (មាស២ ប្រាក់២ និងសំរឹទ្ធ៨)- ខេត្តស្ទឹងត្រែង ឈរលេខ១៤ ឈ្នះមេដាយសរុប ៦គ្រឿង (មាស២ ប្រាក់២ និងសំរឹទ្ធ២)- ខេត្តកោះកុង ឈរលេខ១៥ ឈ្នះមេដាយសរុប ៥គ្រឿង (មាស២ ប្រាក់១ និងសំរឹទ្ធ២)- ខេត្តកំពង់ធំ ឈរលេខ១៦ ឈ្នះមេដាយសរុប ១០គ្រឿង (មាស១ ប្រាក់៦ និងសំរឹទ្ធ៣)- ខេត្តប៉ៃលិន ឈរលេខ១៧ ឈ្នះមេដាយសរុប ១២គ្រឿង (មាស១ ប្រាក់៤ និងសំរឹទ្ធ៧)- ខេត្តកំពត ឈរលេខ១៨ ឈ្នះមេដាយសរុប ៩គ្រឿង (មាស១ ប្រាក់៤ និងសំរឹទ្ធ៤)- ខេត្តបន្ទាយមានជ័យ ឈរលេខ១៩ ឈ្នះមេដាយសរុប ៤គ្រឿង (មាស១ ប្រាក់២ និងសំរឹទ្ធ១)- ខេត្តរតនៈគិរី ឈរលេខ២០ ឈ្នះមេដាយសរុប ៥គ្រឿង (មាស១ ប្រាក់១ និងសំរឹទ្ធ៣)- ខេត្តព្រះវិហារ ឈរលេខ២១ ឈ្នះមេដាយប្រាក់ ១- ខេត្តឧត្ដរមានជ័យ ឈរលេខ២២ ឈ្នះមេដាយសំរឹទ្ធ ២- ខេត្តក្រចេះ ឈរលេខ២ ឈ្នះមេដាយសំរឹទ្ធ ២- ខេត្តមណ្ឌលគិរី ឈរលេខ២៤ ឈ្នះមេដាយសំរឹទ្ធ ១- ខេត្តកែប ឈរលេខ២៤ ឈ្នះមេដាយសំរឹទ្ធ ១ ។ ក្រោយបញ្ចប់ការប្រកួត ឯកឧត្តម វ៉ាត់ ចំរើន បានកោតសរសើរ និងវាយតម្លៃខ្ពស់ ចំពោះរាជធានី-ខេត្ត ដែលបានបញ្ជូនប្រតិភូ និងកីឡាករ-កីឡាការិនីជាសិស្សានុសិស្សចូលរួមប្រកួតកីឡាសិស្សមធ្យមសិក្សាថ្នាក់ជាតិឆ្នាំនេះ ប្រកបដោយភាពជោគជ័យ ។ ឯកឧត្តមសង្កត់ធ្ងន់ថា កីឡាមានឈ្នះ-ចាញ់ តែកីឡាសិស្សនេះ ផ្ដោតសំខាន់គឺការចូលរួមលេង និងការចូលរួមប្រកួត ដើម្បីលើកកម្ពស់សុខភាពផង និងបញ្ញាស្មារតីផង។ឆ្លៀតឱកាសនោះ ឯកឧត្តមរដ្ឋលេខាធិការ បានជំរុញឲ្យអាជ្ញាធររាជធានី-ខេត្ត បន្ដជំរុញ និងយកចិត្តទុកដាក់លើការអភិវឌ្ឍវិស័យអប់រំកាយ និងកីឡា តាមមូលដ្ឋានរៀងៗខ្លួន ឲ្យស្របតាមកំណែទម្រង់របស់ក្រសួងអប់រំ យុវជន និងកីឡា ដើម្បីលើកកម្ពស់សុខដុនីយកម្មវិស័យអប់រំកាយ និងកីឡា ក៏ដូចជារួមចំណែកជំរុញការអភិវឌ្ឍវិស័យកីឡាជំនាញកម្រិតខ្ពស់ ឆ្ពោះទៅរកការប្រកួតប្រជែងលើឆាកអន្ដរជាតិផងដែរ៕ អត្ថបទ លី ឈុនឡា

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ខ្សែប្រយុទ្ធអេស៊ីប Mohamed Salah នៅតែជាកីឡាកររបស់ហង្សក្រហម Liverpool ដដែល ស្របពេលដែលទីផ្សារទិញកីឡាករចូលនៅក្របខណ្ឌលីគអារ៉ាប៊ីសាអ៊ូឌីត Saudi Pro League បានបិទបញ្ចប់។ Liverpool ធ្លាប់បានបដិសេធសំណើ ១៥០ លានផោនចប់បានកីឡាករវ័យ ៣១ ឆ្នាំរូបនេះពី Al-Itthad កាលពីសប្តាហ៍មុន ស្របពេលដែលមានដំណឹងមួយទៀតថា Al-Ittihad Al-Ittihad ហ៊ានឱ្យប្រាក់ឈ្នួល Salah ច្រើនជាងគេនៅ Saudi Pro League រឺលើស Cristiano Ronaldo ទៅទៀត។ជុំវិញរឿងផ្ទេរនេះដែរអ្នកចាត់ការ Liverpool លោក Jurgen Klopp ធ្លាប់បាននិយាយក្នុងសន្និសីទសារព័ត៌មានក្រោយឈ្នះ Aston Villa ៣-០ សប្តាហ៍មុនថា ទំរង់លេងរបស់ Mohamed Salah បានបញ្ជាក់ច្បាស់ថា គេប្តេជ្ញាចិត្តស្ម័គ្រស្មោះជាមួយ Liverpool។ កីឡាករវ័យ ៣១ ឆ្នាំ Mohamed Salah បានមកកាន់ Liverpool តាំងពីឆ្នាំ ២០១៧ ផ្ទេរពី Roma នៅសល់កិច្ចសន្យា ២ ឆ្នាំទៀតជាមួយ Liverpool បន្ទាប់ពីទើបចុះកិច្ចសន្យាថ្មីរដូវកាលមុន។គិតមកដល់ពេលនេះ Salah បានស៊ុតបញ្ចូលទី ១៨៨ គ្រាប់ហើយ បូកនឹង ៧៦ បាល់បញ្ជូនក្នុងការបង្ហាញខ្លួន ៣០៩ ប្រកួតឱ្យ Liverpool ឈ្នះពាន English Premier League, UEFA Champions League, FA Cup, League Cup, FIFA Club World Cup និង UEFA Super Cup។Liverpool រដូវកាលនេះបាត់បង់កីឡាករជាច្រើនដែលបានចាកចេញរួមមាន James Milner, Alex Oxlade-Chamberlain, Naby Keita, Fabinho និង Jordan Henderson។ ចំណែក Al-Ittihad របស់អារ៉ាប៊ីសាអ៊ូឌីតរដូវក្តៅនេះបាននាំយក Karim Benzema, Fabinho, N’Golo Kante និង Jota ពី Celtic៕ អត្ថបទ៖នាង សុភាវុធ

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា នៅថ្ងៃទី០៧ ខែកញ្ញា បានកោះប្រជុំជាមួយថ្នាក់ដឹកនាំ និងមន្ដ្រីតាមអង្គភាពចំណុះអគ្គនាយដ្ឋានកីឡា ដើម្បីជំរុញភាពស្និទ្ធស្នាល និងស្គាល់គ្នាផង និងបញ្ជ្រាបកែទម្រង់ និងអភិវឌ្ឍន៍វិស័យអប់រំកាយ និងកីឡា នៅក្នុងរាជរដ្ឋាភិបាល នីតិកាលទី៧ នៃរដ្ឋសភាព ដែលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា ។ឯកឧត្តមមានប្រសាសន៍ថា កិច្ចប្រជុំជំហានដំបូងនេះ ស្របតាមការណែនាំរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា ដើម្បីបញ្ជ្រាប និងរៀបចំនូវយុទ្ធសាស្ដ្រកែទម្រង់ និងអភិវឌ្ឍន៍ការងារអប់រំកាយ និងកីឡា ស្របតាមគោលនយោបាយកីឡារបស់រាជរដ្ឋាភិបាល អាណត្តិថ្មី ពិសេសលើការងារអភិបាលកិច្ចល្អ ការអភិវឌ្ឍធនធានមនុស្ស និងការជំរុញការអភិវឌ្ឍកីឡាកម្រិតខ្ពស់ ឆ្ពោះទៅរកឧត្តមភាពលើឆាកជាតិ និងអន្ដរជាតិ ។រដ្ឋលេខាធិការដដែលបន្ដថា ការអនុវត្ដការងារជាក់ស្ដែងរបស់នាយកដ្ឋាននានា នៃអគ្គនាយកដ្ឋានកីឡា ដែលជាសេនាធិការរបស់ក្រសួងអប់រំ យុវជន និងកីឡា ត្រូវធ្វើឲ្យមានលទ្ធផលប្រែប្រួលច្បាស់លាស់ ព្រោះការអប់រំកាយ និងកីឡា គឺជាវិស័យប្រកួតប្រជែងជាមួយបណ្ដាប្រទេសផ្សេងៗ។ ដើម្បីទទួលបានកំណើនលទ្ធផលការងារក្នុងវិស័យអប់រំកាយ និងកីឡាច្បាស់លាស់ គឺត្រូវផ្ដើមចេញពីប្រឹងប្រែងឲ្យអស់ពីសមត្ថភាព ប្រើធនធានមនុស្សឲ្យត្រូវកន្លែង ហើយបន្ដបណ្ដុះធនធានកីឡាថ្មីៗឲ្យច្រើន ទាំងថ្នាក់ដឹកនាំ មន្ដ្រីបច្ចេកទេស និងកីឡាករ-កីឡាការិនី ៕ អត្ថបទ លី ឈុនឡា

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

ខ្សែប្រយុទ្ធ Everton, Demarai Gray បានក្លាយជាកីឡាករពី Premier League មួយរូបទៀត ផ្លាស់ទៅកាន់ក្របខណ្ឌលីគកំពូលអារ៉ាប៊ីសាអ៊ូឌីត Saudi Pro League ដោយចូលរួមជាមួយ Al-Ettifaq។មិនមានការបញ្ជាក់ផ្លូវការពីតម្លៃនៃការផ្ទេរនេះឡើយ តែសារព័ត៌មានអង់គ្លេសមួយបានចុះផ្សាយថា កីឡាករជម្រើសជាតិសាម៉ាអ៊ិរូបនេះផ្លាសទៅ Al-Ettifaq ក្នុងតម្លៃ ៨ លានផោន និងកិច្ចសន្យា ៤ ឆ្នាំ។ កីឡាករវ័យ ២៧ ឆ្នាំរូបនេះមានទំនាក់ទំនងមិនល្អឡើយជាមួយអ្នកចាត់ការ Everton បច្ចុប្បន្នលោក Sean Dyche បន្ទាប់រិះគន់ពីការដឹកនាំរបស់អតីតអ្នកចាត់ការ Burnley រូបនេះនៅលើបណ្តាញសង្គម ពាក់ព័ន្ធនឹងការផ្ទេរមិនជោគជ័យទៅកាន់ Fulham។មកទល់ពេលនេះ Demarai Gray មិនបានចូលលេងឱ្យ Everton ឡើយរដូវកាលនេះ និងធ្លាប់មានទំនាក់ទំនងផ្ទេរទៅកាន់ក្លិបទួកគី Besiktas ផងដែរ។ Gray ស៊ុតបញ្ចូលទីបាន ៩ គ្រាប់ក្នុងការបង្ហាញខ្លួន ៦៧ ប្រកួតនៅ Premier League តាំងពីមកដល់ Goodison Park នៅឆ្នាំ ២០២១។Al-Ettifaq បច្ចុប្បន្នស្ថិតក្រោមការដឹកនាំរបស់អតីតខ្សែបម្រើ Liverpool, Steven Gerrard និងបាននាំយកកីឡាករពី Premier League មួយចំនួនរួមមាន Jordan Henderson ពី Liverpool និង Georginio Wijnaldum ក៏ដូចជាខ្សែការពារ Jack Hendry និង Moussa Dembele៕ អត្ថបទ៖នាង សុភាវុធ

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

ក្រុមជើងឯកពិភពលោក ២ សម័យបារាំងបានបន្តជ័យជំនះរបស់ខ្លួននៅក្នុងពូល B នៃវគ្គជម្រុះបាល់ទាត់អឺរ៉ុប ២០២៤ ក្រោយឈ្នះសាធារណរដ្ឋអៀកឡង់ ២-០។ ពីរគ្រាប់ជ័យជំនះរបស់បារាំងសំរេចបានដោយខ្សែបម្រើ Real Madrid, Aurelien Tchouameni នៅនាទីទី ១៩ មុនពេលដែលកីឡាករបម្រុង Marcus Thuram ធានាជ័យជំនះនៅវគ្គទី ២។ នេះជាជ័យជំនះ ៥ ប្រកួតផ្ទួនៗនៅក្នុងពូល B សម្រាប់បារាំង ពោលគឺ ៥ ប្រកួតឈ្នះទាំង ៥ មាន ១៥ ពិន្ទុពេញ ខណៈដែលអៀកឡង់ជាបរាជ័យទី ៣ របស់ពួកគេក្រោយលេងបាន ៤ ប្រកួតឈ្នះ ១ ប្រកួតមាន ៣ ពិន្ទុឈរលេខ ៤ ក្នុងពូល។នៅក្នុងពូល B នេះដែរ ក្រុមទឹកក្រូចហូឡង់ក៏រកបានបីពិន្ទុពីការប្រកួតក្នុងទឹកដីរបស់ខ្លួនដែរ ក្រោយយកឈ្នះក្រិក ៣-០។ បីគ្រាប់របស់ហូឡង់សម្រេចបាននៅវគ្គទី ១ ទាំងអស់ដោយខ្សែបម្រើ Atalanta, Marten de Roon ខ្សែប្រយុទ្ធ Liverpool, Cody Gakpo និងអតីតខ្សែប្រយុទ្ធ Man United, Wout Weghorst។ ហូឡង់ទើបលេងបាន ៣ ប្រកួតប៉ុណ្ណោះក្នុងពូល B នេះឈ្នះ ២ ចាញ់ ១ មាន ៦ ពិន្ទុឈរលេខ ២ ក្នុងពូលពីក្រោមបារាំង៕ អត្ថបទ៖នាង សុភាវុធ

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា បានដឹកនាំប្រតិភូ ចុះពិនិត្យការស្នាក់នៅ-ហូបចុក និងសួរសុខទុក្ខកីឡាករ-កីឡាការិនី ដែលចូលរួមការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ នៅភោជនីយដ្ឋានឡាក់គីស្ដារ កាលពីថ្ងៃទី៧ ខែកញ្ញាម្សិលមិញ ។គួរដឹងថា ការប្រកួតកីឡាសិស្សមធ្យមសិក្សាថ្នាក់ជាតិឆ្នាំនេះ មានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៣,២៥៧នាក់ ។ ក្រោមការរៀបចំរបស់ក្រសួងអប់រំ យុវជន និងកីឡា បានរៀបចំកន្លែងស្នាក់នៅ និងហូបចុក ព្រមទាំងការដឹកជញ្ជូន គ្រប់ទីតាំងប្រកួត តាមប្រភេទកីឡានីមួយៗ ។ទន្ទឹមជាមួយការចុះពិនិត្យ និងសួរសុខទុក្ខពីសំណាក់មន្ដ្រីជាន់ខ្ពស់ក្រសួងអប់រំនេះ កីឡាករ-កីឡាការិនី បានសម្ដែងសេចក្ដីរីករាយ និងសប្បាយចិត្ត ចំពោះការយកចិត្តទុកដាក់របស់ថ្នាក់ដឹកនាំក្រសួង ដែលបានរៀបចំកន្លែងស្នាក់នៅសណ្ឋាគារលំដាប់ផ្កាយ ព្រមទាំងអាហារហូបចុកគ្រប់គ្រាន់ ធ្វើឲ្យពួកគេមានភាពកក់ក្ដៅ និងទំនុកចិត្តក្នុងការប្រកួតកីឡាមធ្យមសិក្សា និងបន្ដលេងកីឡា ដើម្បីមានឱកាសចូលរួមប្រកួតក្រោយៗទៀត ។សូមបញ្ជាក់ថា កីឡាមធ្យមសិក្សាថ្នាក់ជាតិឆ្នាំនេះ ប្រព្រឹត្តិទៅរយៈពេល ១០ថ្ងៃ ចាប់ពីថ្ងៃទី០១ ដល់ថ្ងៃទី១១ ខែកញ្ញា ឆ្នាំ២០២៣ នៅរាជធានីភ្នំពេញ ដែលប្រកួតលើ ១២ប្រភេទកីឡា ស្មើនឹង ១០៥វិញ្ញាសា ។ គិតត្រឹមថ្ងៃទី០៨ ខែកញ្ញានេះ មានកីឡាមួយចំនួន បានបញ្ចប់ ខណៈកីឡាមួយចំនួនធំ ទើបចាប់ផ្ដើមការប្រកួត ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករព័រទុយហ្កាល់ Rui Costa ឈ្នះដំណាក់កាលទី ១៥ Vuelta a Espana តែ Sepp Kuss ពន្លាតការនាំមុខ

អាល្លឺម៉ង់ឈ្នះស៊ែប វគ្គផ្តាច់ព្រ័ត្រគ្រងជើងឯកបាល់បោះពិភពលោកលើកដំបូង

AFC U23៖ ក្រុមកម្ពុជា ត្រូវការឈ្នះម្ចាស់ផ្ទះអារ៉ាប់ប៊ីសាអូឌីតស្អែក ដើម្បីធានាកៅអីវគ្គបន្ត

កីឡាករដាណឺម៉ាក Viktor Axelsen គ្រងជើងឯកវាយសី China Open

២៥រាជធានី-ខេត្ត សុទ្ធតែដណ្ដើមបានមេដាយកីឡាមធ្យមសិក្សាថ្នាក់ជាតិ ឆ្នាំ២០២៣

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករព័រទុយហ្កាល់ Rui Costa ឈ្នះដំណាក់កាលទី ១៥ Vuelta a Espana តែ Sepp Kuss ពន្លាតការនាំមុខ

អាល្លឺម៉ង់ឈ្នះស៊ែប វគ្គផ្តាច់ព្រ័ត្រគ្រងជើងឯកបាល់បោះពិភពលោកលើកដំបូង

AFC U23៖ ក្រុមកម្ពុជា ត្រូវការឈ្នះម្ចាស់ផ្ទះអារ៉ាប់ប៊ីសាអូឌីតស្អែក ដើម្បីធានាកៅអីវគ្គបន្ត

កីឡាករដាណឺម៉ាក Viktor Axelsen គ្រងជើងឯកវាយសី China Open

២៥រាជធានី-ខេត្ត សុទ្ធតែដណ្ដើមបានមេដាយកីឡាមធ្យមសិក្សាថ្នាក់ជាតិ ឆ្នាំ២០២៣

Saudi Pro League បិទបញ្ចប់ទីផ្សារទិញកីឡាករចូលតែមិនអាចយក Salah ពី Liverpool បាន

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡា​ដល់មន្ដ្រីក្រោមឱវាទ

Demarai Gray ជាកីឡាករពី Premier League ម្នាក់ទៀតផ្លាស់ទៅ Saudi Pro League

វគ្គជម្រុះ Euro 2024 បារាំងបន្តឈ្នះ ៥ ប្រកួតផ្ទួនៗក្នុងពូលក្រោយឈ្នះអៀកឡង់

មន្ដ្រីជាន់ខ្ពស់ក្រសួងអប់រំ ចុះពិនិត្យ និងសួរសុខទុក្ខសិស្សមកប្រកួតកីឡាមធ្យមសិក្សា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម វ៉ាត់ ចំរើន បញ្ជ្រាបយុទ្ធសាស្ដ្រកែទម្រង់ និងអភិវឌ្ឍន៍វិស័យកីឡាដល់មន្ដ្រីក្រោមឱវាទ