BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា បានគូសបញ្ជាក់ថា ការប្រកួតកីឡាមធ្យមសិក្សា មិនមែនជាជាវេទិការ ឬសមរភូមិ សម្រាប់ប្រកួតស្លាប់-រស់ ឬដើម្បីតែឈ្នះ-ចាញ់នោះទេ តែជាកន្លែងប្រកួត ដើម្បីរឹងចំណងមិត្តភាព សាមគ្គីភាព និងបង្កើនបញ្ញាស្មារតី ក៏ដូចជាសុខភាព ទាំងផ្លូវការ និងផ្លូវចិត្ដ ។ការគូសបញ្ជាក់នេះ ធ្វើឡើងក្នុងពិធីបើកការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ កាលពីល្ងាចថ្ងៃទី០៣ ខែកញ្ញា នៅវិមានពហុកីឡដ្ឋានជាតិ គ្រាដែលព្រឹត្តិការណ៍ប្រចាំឆ្នាំនេះ មានប្រតិភូ និងកីឡាករ-កីឡាការិនីចូលរួមប្រកួតសរុបចំនួន ៣,២៥៧នាក់ មកពី ២៥រាជធានី-ខេត្ត ។ ការប្រកួតនេះ គឺធ្វើឡើងពីថ្ងៃទី០២ ដល់ថ្ងៃទី១១ ខែកញ្ញា ឆ្នាំ២០២៣ ខាងមុខ នៅរាជធានីភ្នំពេញ ។ក្នុងនាមឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ឯកឧត្តម វ៉ាត់ ចំរើន បានថ្លែងអំណរគុណប្រតិភូ និងកីឡាករ-កីឡាការិនីទាំងអស់ ដែលបានចូលរួមការប្រកួតកីឡាមធ្យមសិក្សាឆ្នាំនេះ ដើម្បីបង្ហាញពីការគាំទ្រនូវកំណែទម្រង់ស៊ីជម្រៅនៃវិស័យអប់រំកាយ និងកីឡា ដើម្បីជំរុញវិស័យមួយនេះឲ្យកាន់តែរីកចម្រើន ស្របតាមយុទ្ធសាស្ដ្ររបស់រាជរដ្ឋាភិបាល ដែលដឹកនាំដោយសម្ដេចមហាបរវធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា ដែលបានដាក់ចេញនូវយុទ្ធសាស្ដ្រជាច្រើន ក្នុងនោះក៏មានការជំរុញការអភិវឌ្ឍន៍យុវជន និងកីឡា ឲ្យកាន់តែស៊ីជម្រៅផងដែរ ។ឯកឧត្តមរដ្ឋលេខាធិការបន្ដថា ការប្រកួតនេះ គឺជាឱកាសបង្ហាញសមត្ថភាព និងជំនាញ តែក្រៅពីនេះ ការប្រកួតនេះ ក៏ផ្ដល់ឱកាសឲ្យសិស្សានុសិស្សទូទាំងប្រទេសបានជួបជុំគ្នា ដើម្បីកសាងមិត្តភាព សាមគ្គីភាព និងសុខដុមនីយកម្មក្នុងរង្វង់គ្រួសារកីឡាជាតិ នៃក្របខណ្ឌកីឡាមធ្យមសិក្សាទូទាំងប្រទេស ។ ដូច្នេះការប្រកួតមិនមែនផ្ដោយតែលើលទ្ធផលឈ្នះ-ចាញ់នោះទេ សំខាន់បំផុត ត្រូវគោរពវិន័យ និងរក្សាឲ្យបាននូវស្មារតីកីឡា ដើម្បីចំណងសាមគ្គីភាព និងមិត្តភាព បង្កើនបញ្ញាស្មារតី ស្របតាមពាក្យស្លោក នៃព្រឹត្តិការណ៍កីឡាសិស្សមធ្យមសិក្សាឆ្នាំនេះគឺ «កីឡាអភិវឌ្ឍន៍មនុស្ស មនុស្សអភិវឌ្ឍន៍សង្គម» ។សូមបញ្ជាក់ថា កីឡាមធ្យមសិក្សាថ្នាក់ជាតិឆ្នាំនេះ មានកីឡា ១២ប្រភេទ ស្មើនឹង ១០៥វិញ្ញាសា ។ ចំពោះកីឡាទាំង ១២ប្រភេទ ដែលត្រូវបានក្រសួងអប់រំកំណត់ដាក់ក្នុងការប្រកួតឆ្នាំនេះ រួមមានកីឡាបាល់ទាត់ បាល់ទះ បាល់បោះ អត្តពលកម្ម វាយកូនឃ្លីលើតុ វាយសី តេក្វាន់ដូ WT តេក្វាន់ ITF ប៉េតង់ ល្បុក្កតោ ហែលទឹក និងកីឡាការ៉ាតេ៕ អត្ថបទ៖ លី ឈុនឡា

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

កីឡាករប្រណាំងកង់អាល្លឺម៉ង់ Lennard Kemna បានប្រជែងឈ្នះដំណាក់កាលទី ៩ នៃព្រឹត្តិការណ៍ប្រណាំងកង់ Grand Tour, Vuelta a Espana តែអ្នកនាំមុខរួមនៅតែជាកីឡាករអាមេរិក Sepp Kuss ពីរដំណាក់កាលជាប់គ្នា។ដំណាក់កាលទី ៩ ដែលមានចំងាយផ្លូវ ១៨៤.៥ គីឡូម៉ែត្រ កីឡាកររបស់ក្រុមប្រណាំង Bora-Hansgrohe, Lennard Kemna បានមកដល់ទីព្រ័ត្រមុនគេប្រើពេល ៤ ម៉ោង ២៨ នាទី ៥៩ វិនាទី តាមពីក្រោយ ១៣ វិនាទីដោយកីឡាករអ៊ីតាលី Matteo Sobrero និងលេខ ៣ កីឡាករអូស្រ្តាលី Chris Hamilton យឺតជាង ១ នាទី ១២ វិនាទី។ យ៉ាងណាក្តី កីឡាករអាមេរិក Sepp Kuss របស់ក្រុម Jumbo-Visma ដែលបានឡើងមកនាំមុខគេក្នុងតារាងរួមនៅដំណាក់កាលទី ៨ នោះ នៅតែបន្តនាំមុខដដែលក្រោយដំណាក់កាលទី ៩ នេះដោយវេលាចំណេញពីអ្នកលេខ ២ កីឡាករអេស្ប៉ាញ Marc Soler ៤៣ វិនាទី និងលេខ ៣ កីឡាករបារាំង Lenny Martinez យឺតជាង ១ នាទី ២ វិនាទី។ មិនមានការប្រកួតឡើយនៅថ្ងៃចន្ទនេះ ជាថ្ងៃសម្រាប់ ខណៈដំណាក់កាលទី ១០ នឹងបន្តនៅថ្ងៃអង្គារលើចំងាយផ្លូវ ២៥.៨ គីឡូម៉ែត្រ ដែលជាដំណាក់កាលប្រណាំងយកថេរវេលាផ្ទាល់ខ្លួននៅទីក្រុង Valladolid៕ អត្ថបទ៖នាង សុភាវុធ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024

អ្នកចាត់ការក្រុមជម្រើសជាតិអង់គ្លេសលោក Gareth Southgate បានសំរេចកោះហៅ Jordan Henderson និង Harry Maguire ចូលរួមជាមួយក្រុមជម្រើសជាតិត្រៀមសម្រាប់ការប្រកួតវគ្គជម្រុះ Euro 2024 ទល់នឹងអ៊ុយក្រែន និងស្កុតឡេនលក្ខណៈមិត្តភាពក្នុងខែកញ្ញានេះ។ខ្សែបម្រើវ័យ ៣៣ ឆ្នាំ Jordan Henderson បានចាកចេញពី Liverpool នៅទីកាន់ក្លិបអារ៉ាប៊ីសាអ៊ូឌីត Al-Ettifaq កាលពីខែកក្កដា ខណៈខ្សែការពារកណ្តាល Harry Maguire មិនទាន់បានចូលលេងនៅឡើយនៅ Manchester United រដូវកាលថ្មីនេះ។ខ្សែប្រយុទ្ធ Arsenal, Eddie Nketiah និងខ្សែការពារកណ្តាល Chelsea, Levi Colwill ត្រូវបានកោះហៅជាលើកដំបូង ខណៈខ្សែបម្រើ Man City, Kalvin Phillipe ក៏មានវត្តមានដែរទោះមិនទាន់ចូលលេងរដូវកាលថ្មីនេះក្តី តែខ្សែប្រយុទ្ធ Chelsea, Raheem Sterling បែជាអវត្តមានទៅវិញ។ខ្សែការពារ Tyrone Mings, Luke Shaw និង John Stones សុទ្ធតែរបួស ជំនួសដោយ Ben Chilwell និង Fikayo Tomori។ អង់គ្លេសនឹងត្រូវជួបអ៊ុយក្រែននៅថ្ងៃទី ៩ ខែកញ្ញាខាងមុខនៃវគ្គជម្រុះ Euro 2024 មុនបន្តជួបស្កុតឡេនលក្ខណៈមិត្តភាពនៅថ្ងៃទី ១២ ខែដដែល៕ អត្ថបទ៖នាង សុភាវុធ

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

ក្លិបនៅលីគបារាំង AS Monaco បានសំរេចក្នុងការនាំយកខ្សែប្រយុទ្ធអាមេរិក Folarin Balogun ពីកាំភ្លើងធំ Arsenal ក្នុងតម្លៃ ៣៥ លានផោន កិច្ចសន្យា ៥ ឆ្នាំ។កីឡាករវ័យ ២២ ឆ្នាំរូបនេះបានត្រលប់មកពីលីគកំពូលបារាំងក្រោយចំណាយពេលពេញមួយរដូវកាលជាកីឡាករខ្ចីជើងនៅក្លិបបាល់ទាត់ Reims ដែលគេស៊ុតបញ្ចូលទីបាន ២២ គ្រាប់រដូវកាលមុន។ Folarin Balogun មិនទាន់បានបង្ហាញខ្លួននៅឡើយជាមួយ Arsenal រដូវកាលថ្មីនេះ បើទោះជាខ្សែប្រយុទ្ធជួរមុខ Gabriel Jesus កំពុងមានរបួសក៏ដោយ។ Balogun បង្ហាញខ្លួនជាមួយក្រុមធំ Arsenal ត្រឹម ២ ប្រកួតប៉ុណ្ណោះនៅ Premier League តាំងពីឡើងមកពីក្រុមយុវជននៅវ័យ ១៧ ឆ្នាំ។ កើតនៅទីក្រុងញូយ៉ក សហរដ្ឋអាមេរិក Folarin Balogun បានផ្លាស់មករស់នៅទីក្រុងឡុងដ៍ចក្រភពអង់គ្លេស តាំងពីក្មេង និងបានចូលហាត់ និងលេងឱ្យថ្នាលយុវជនរបស់ Arsenal តាំងពីនៅតូច។មុន Arsenal ព្រមទទួលសំណើទិញពី Monaco, Folarin Balogun ធ្លាប់ចំណាយពេលជាកីឡាករខ្ចីជើងនៅ Middlesbrough និង Reims និងធ្លាប់មានការទាក់ទងពី Chelsea ផងដែរ៕ អត្ថបទ៖នាង សុភាវុធ

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

កីឡាករប្រណាំង F1 អង់គ្លេសទាំងពីរនាក់ Lewis Hamilton និង George Russell នឹងបន្តបើកបរឱ្យក្រុមប្រណាំង Mercedes យ៉ាងហោចណាស់ ២ ឆ្នាំទៀត។ កីឡាករវ័យ ៣៨ ឆ្នាំជើងឯកពិភពលោក ៧ សម័យ Lewis Hamilton បានចុះហត្ថលេខាបន្តកិច្ចសន្យាថ្មីជាមួយ Mercedes រយៈពេល ២ ឆ្នាំទៀត ស្របពេលដែល George Russell ក៏ដូច្នោះដែរ ដោយនឹងបន្តបើកបរឱ្យ Mercedes ដល់ឆ្នាំដំណាច់រដូវកាលថ្មី ២០២៥។សម្រាប់ Hamilton ការបន្តកិច្ចសន្យានេះនឹងធ្វើឱ្យគេបន្តស្វែងរកជើងឯកពិភពលោកជាកំណត់ត្រាលើកទី ៨ តែទន្ទឹមនឹងគ្នាដែរ Mercedes ត្រូវរងការប្រកួតប្រជែងខ្លាំងពី Red Bull។Hamilton និង Mercedes បានចោទប្រកាន់ថា ជើងឯកពិភពលោករបស់ Hamilton ត្រូវបានគេឆក់យកនៅទីលានចុងក្រោយទីក្រុង Abu Dhabi អារ៉ាប់រួមកាលពីឆ្នាំ ២០២១ ហើយតាំងពីពេលនោះមក Red Bull ដែលមាន Max Verstappen ស្ថិតនៅជួរមុខជានិច្ច។រំលឹកថា Lewis Hamilton បានឈ្នះជើងឯកពិភពលោកជាមួយ Mercedes ចំនួន ៦ លើក ខណៈមួយលើកដំបូងឈ្នះជាមួយ McLaren ដែលនៅពេលនោះ McLaren ក៏ប្រើប្រាស់ម៉ាស៊ីន Mercedes ផងដែរ។F1 ពិភពលោករដូវកាល ២០២៣ នេះ Lewis Hamilton កំពុងឈរលេខ ៤ ក្នុងតារាងជើងឯក ខណៈ George Russell ឈរលេខ ៧៕ អត្ថបទ៖នាង សុភាវុធ

កីឡាករអាមេរិក Sepp Kuss ឈ្នះដំណាក់កាលទី ៦ Vuelta a Espana ខណៈLenny Martinez ឡើងនាំមុខរួម

កីឡាករប្រណាំងកង់អាមេរិក Sepp Kuss បានប្រជែងឈ្នះដំណាក់កាលទី ៦ នៃព្រឹត្តិការណ៍ប្រណាំងកង់ Grand Tour ចុងក្រោយប្រចាំឆ្នាំ Vuelta a Espana តែអ្នកនាំមុខរួមត្រូវបានផ្លាស់ប្តូរ។ ដំណាក់កាលទី ៦ ដែលមានចំងាយផ្លូវ ១៨១.៣ គីឡូម៉ែត្រ កីឡាកររបស់ក្រុម Jumbo-Visma, Sepp Kuss បានមកដល់ទីព្រ័ត្រមុនគេប្រើពេល ៤ ម៉ោង ២៧ នាទី ២៩ វិនាទី រួមជាមួយមិត្តរួមក្រុម Jonas Vingegaard និង Primoz Roglic ដើម្បីចំណេញពេលវេលា ៣២ វិនាទីពីអតីតអ្នកនាំមុខរួម Remco Evenepoel។ សម្រាប់លេខ ២ ក្នុងដំណាក់កាលទី ៦ នេះបានទៅកីឡាករបារាំង Lenny Martinez យឺតជាងអ្នកឈ្នះ ២៦ វិនាទី និងលេខ ៣ ក៏ជាកីឡាករបារាំងដែរ Romain Bardet យឺតជាងអ្នកឈ្នះ ៣១ វិនាទី។ ក្រោយបញ្ចប់ទីនៅចំណាត់ថ្នាក់លេខ ២ ក្នុងដំណាក់កាល កីឡាកររបស់ក្រុម Groupama-FDJ, Lenny Martinez បានក្លាយជាអ្នកនាំមុខថ្មីដោយមានវេលាចំណេញ ៨ វិនាទី ពីអ្នកឈ្នះក្នុងដំណាក់កាល Sepp Kuss និងលេខ ៣ Marc Soler សញ្ជាតិអេស្ប៉ាញ យឺតជាង ៥១ វិនាទី។ សម្រាប់ដំណាក់កាលទី ៧ ថ្ងៃសុក្រនេះមានចំងាយផ្លូវ ១៨៨.៨ គីឡម៉ែត្រ៕ អត្ថបទ៖នាង សុភាវុធ

គោព្រៃកម្ពុជា ចាប់ផ្ដើមហាត់ ត្រៀមប្រកួតមិត្តភាព ខណៈសំបុត្រជួបហុងកុងមានលក់ថ្ងៃនេះ

ក្រុមជម្រើសជាតិកម្ពុជា បានចាប់ផ្ដើមប្រមូលផ្ដុំហ្វឹកហាត់ហើយ កាលពីថ្ងៃទី៣១ ខែសីហាម្សិលមិញ នៅទីលានហ្វឹកហាត់ នៃពហុកីឡដ្ឋានជាតិមរតកតេជោ ក្រោមការដឹកនាំរបស់លោក Felix Dalmas បន្ទាប់ពីគ្រូបង្វឹកក្រុមគោព្រៃកម្ពុជារូបនេះ បានកោះហៅកីឡាករចំនួន ២៦រូបចូលជំរំហ្វឹកហាត់កាលពីថ្មីៗ ។ការប្រមូលផ្ដុំហ្វឹកហាត់នេះ ធ្វើឡើង ១សប្ដាហ៍ មុនការប្រកួតមិត្តភាពអន្ដរជាតិ រវាងក្រុមជម្រើសជាតិកម្ពុជា និងក្រុមហុងកុង នាថ្ងៃទី០៧ ខែកញ្ញា និងបន្ដបើកទ្វារពហុកីឡដ្ឋានជាតិ(ស្ដាតអូឡាំពិក) ស្វាគមន៍ក្រុមម៉ាកាវ នាថ្ងៃទី១១ ខែកញ្ញា ឆ្នាំ២០២៣ ខាងមុខ ។ចំពោះកីឡាករ ដែលត្រូវបានកោះហៅត្រៀមការប្រកួតមិត្តភាពអន្ដរជាតិទាំង ២ប្រកួតនេះដែរ ត្រូវបានអ្នកតាមដានកីឡាជាតិ មានការចាប់អារម្មណ៍ ដ្បិតកីឡាករមួយចំនួន ដែលខកខានជាប់ជម្រើសជាតិយូរ ហើយអ្នកខ្លះ មិនសូវបានលេងលីគ និងកីឡាករវ័យក្មេងមួយចំនួន ដែលត្រូវបានលោក Filex Dalmas កោះហៅ ។គួរដឹងថា ក្រោយការហ្វឹកហាត់ ១ថ្ងៃ ពោលគឺនៅថ្ងៃទី០១ ខែកញ្ញានេះ សហព័ន្ធកីឡាបាល់ទាត់កម្ពុជា បានប្រកាសធ្វើការលក់សំបុត្រចូលទស្សនាការប្រកួត រវាងកម្ពុជា និងហុងកុង នៅពហុកីឡដ្ឋានជាតិ ក្នុងតម្លៃ ១ម៉ឺន ៥ពាន់រៀល ដល់ ៣ម៉ឺនរៀល ខណៈប្រកួតមិត្តភាពទី២ រវាងកម្ពុជា និងម៉ាកាវ គឺគ្រោងលក់សំបុត្រ នាថ្ងៃទី០៨ ខែកញ្ញាខាងមុខ ។សូមបញ្ជាក់ថា ការប្រកួតមិត្តភាពអន្ដរជាតិនេះ គឺជាការត្រៀមខ្លួនមួយរបស់ក្រុមជម្រើសជាតិកម្ពុជា សម្រាប់ត្រៀមការប្រកួតជម្រុះពានរង្វាន់បាល់ទាត់ពិភពលោក ឆ្នាំ២០២៣ ជុំទី១ ដែលកម្ពុជា បានចាប់ត្រូវប្រកួតជម្រុះបឋម ជាមួយក្រុមជម្រើសជាតិប៉ាគីស្ថាន ដែលជើងទី១ កម្ពុជា នឹងត្រូវបើកទ្វារផ្ទះទទួលប៉ាគីស្ថាន នាថ្ងៃទី១២ ខែតុលា ឆ្នាំ២០២៣ និងជើងទី២ ត្រូវប្រកួតនៅទឹកដីប៉ាគីស្ថានវិញ នៅ ៥ថ្ងៃបន្ទាប់៕ អត្ថបទ៖ លី ឈុនឡា

បន្ទាយមានជ័យ ឡើងវគ្គ ១/៤ ខណៈឈើតុំ, បាត់ដំបង និងរតនគិរី ត្រូវអ៊ុតប្រកួតចុងក្រោយ

ក្រុមបាល់ទាត់ខេត្តបន្ទាយមានជ័យ បានឡើងវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន(Hun Sen Cup) លើកទី១៧ ថ្នាក់ខេត្ត ឆ្នាំ២០២៣/២០២៤ ក្រោយបន្ដយកឈ្នះក្រុមឈើតុំ-ខេត្តពោធិ៍សាត់ ៣-១ ដែលនាំឲ្យក្រុមឈើតុំ រួមជាមួយក្រុមយុវជនខេត្តបាត់ដំបង និងក្រុមអធិរាជដំរីឦសាន ខេត្តរតនគិរី ត្រូវរង់ចាំអ៊ុតលទ្ធផលការប្រកួតចុងក្រោយរបស់ខ្លួន ដើម្បីកំណត់ជោគវាសនាបានឡើងវគ្គបន្ដ ឬក៏អត់?សម្រាប់ការប្រកួតបញ្ចប់ពូលC របស់ខេត្តបន្ទាយមានជ័យ គឺបានបន្ដយកឈ្នះក្រុមម្ចាស់ផ្ទះឈើតុំ-ខេត្តពោធិ៍សាត់ ៣-១ បន្ទាប់ពីឈ្នះ ៣-២ លើទឹកដីខ្លួន កាលពីជើងទី១ ។ ជ័យជម្នះនេះ បានធ្វើឲ្យខេត្តបន្ទាយមានជ័យ ធានាកៅអីវគ្គ ៨ក្រុមចុងក្រោយ បន្ទាប់ពីឆ្លងកាត់ ៨ប្រកួត ឈ្នះ ៥ និងចាញ់ ៣ប្រកួតរកបាន ១៥ពិន្ទុ ។ រីឯក្រុមឈើតុំ-ខេត្តពោធិ៍សាត់ បន្ដឈរលេខ២ មាន ១២ពិន្ទុ នាំមុខគូប្រជែង ខេត្តបាត់ដំបង ១ពិន្ទុប៉ុណ្ណោះ បន្ទាប់ពីយុវជនខេត្តបាត់ដំបង ប្រកួតស្មើខេត្តឧត្ដរមានជ័យ ១-១ កាលពីម្សិលមិញ ។បច្ចុប្បន្នយុវជនខេត្តបាត់ដំបង មាន ១១ពិន្ទុឈរលេខរៀងទី៣ តែនៅសល់ ១ប្រកួតក្នុងដៃ ដូចក្រុមឈើតុំ-ខេត្តពោធិ៍សាត់ដែរ ។ តាមរយៈនេះ ក្រុមទាំងពីរ ត្រូវរង់ចាំអ៊ុតលទ្ធផលការប្រកួតបញ្ចប់ពូលរៀងៗខ្លួនសប្ដាហ៍ក្រោយ ដើម្បីកំណត់ថា តើក្រុមណា នឹងត្រូវឡើងទៅវគ្គ ៨ក្រុមចុងក្រោយ ជាមួយខេត្តបន្ទាយមានជ័យ ។ដោយឡែកក្រុមអធិរាជដំរីឦសាន ខេត្តរតនគិរី ក៏មិនខុសពីក្រុមឈើតុំ-ខេត្តពោធិ៍សាត់ និងខេត្តបាត់ដំបងដែរ បន្ទាប់ពីពួកគេបានយកឈ្នះក្រុមម្ចាស់ផ្ទះព្រះវិហារ ២-១ កាលពីល្ងាចថ្ងៃទី៣០ ខែសីហាម្សិលមិញ បានធ្វើឲ្យពួកគេ មានក្ដីសង្ឃឹមក្នុងការប្រជែងកៅអីវគ្គបន្ដ ។ ជ័យជម្នះនេះ ធ្វើឲ្យអធិរាជដំរីឦសាន ខេត្តរតនគិរី បន្ដឈរលេខ៣ បណ្ដោះអាសន្នក្នុងពូល D តែមាន ១៣ពិន្ទុស្មើក្រុមសៀមរាប ដែលឈរលេខរៀងទី២ ។ប៉ុន្ដែខេត្តសៀមរាប បានអស់ការប្រកួតទៅហើយ នៅឡើយក្រុមអធិរាជដំរីឦសាន ខេត្តរតនគិរី ដែលនៅសល់ ១ប្រកួតទៀត ។ ដូច្នេះការប្រកួតចុងក្រោយ ពួកគេត្រូវការតែ ១ពិន្ទុប៉ុណ្ណោះ ដើម្បីទម្លាក់ខេត្តសៀមរាប ហើយឡើងទៅវគ្គបន្ដ ។ ចាំមើលតើខេត្តសៀមរាប និង អធិរាជដំរីឦសាន ខេត្តរតនគិរី ត្រូវក្រុមណា នឹងត្រូវឡើងទៅវគ្គ ៨ក្រុមចុងក្រោយ នៃពានសម្ដេចតេជោ-ខេត្ត ជាមួយក្រុមកំពូលតារាងខេត្តកំពង់ធំ? អត្ថបទ លី ឈុនឡា

Iga Swiatek និង Coco Gauff បន្តឡើងជុំទី US Open តែ Azarenka បញ្ចប់បេសកកម្ម

កីឡាការិនីវាយកូនបាល់លេខ ១ ពិភពលោក និងកីឡាការិនីម្ចាស់ផ្ទះអាមេរិក Coco Gauff បានបង្ហាញពីសមត្ថភាពសក្តិសមនឹងជាបេក្ខភាពប្រជែងជើងឯកឆ្នាំនេះ បន្ទាប់ពីយកឈ្នះគូប្រកួតរៀងខ្លួន ដើម្បីឡើងជុំទី ៣ នៃព្រឹត្តិការណ៍ Grand Slam, US Open។កីឡាការិនីប៉ូឡូញ Iga Swiatek ដែលជាអ្នកការពារតំណែងជើងឯក ហាក់មិនបង្ហាញពីការធ្លាក់ចុះ នៃទំរង់លេងរបស់ខ្លួនឡើយតាមរយៈជ័យជំនះលើកីឡាការិនីអូស្រ្តាលី Daria Saville ដោយលទ្ធផល ៦-៣ និង ៦-៤។Iga Switek កំពុងចង់ក្លាយជាកីឡាការិនីដំបូងដែលអាចការពារជើងឯក US Open នេះបានបន្ទាប់ពី Serena Williams ដែលឈ្នះជើងឯក ៣ ឆ្នាំជាប់គ្នាត្រឹមឆ្នាំ ២០១២។ គូប្រកួតបន្ទាប់ Swiatek នឹងត្រូវជួបជាមួយកីឡាការិនីស្លូវេនី Kaja Juvan ដើម្បីកៅអីវគ្គ ១៦ នាក់ចុងក្រោយ។ងាកមកកីឡាការិនីអាមេរិក ដែលជាក្តីសង្ឃឹមរបស់ម្ចាស់ផ្ទះ Coco Gauff ក៏មិនបានធ្វើឱ្យអ្នកគាំទ្រខកចិត្តដែរក្រោយយកឈ្នះកីឡាការិនីរុស្ស៊ី Mirra Andreeva ដោយលទ្ធផល ៦-៣ និង ៦-២។ កីឡាការិនីវ័យ ១៩ ឆ្នាំរូបនេះប្រឈមជួបជាមួយ Iga Swiatek នៅវគ្គ ៨ នាក់ចុងក្រោយប្រសិនបន្តឈ្នះគូប្រកួតរៀងខ្លួន។ ងាកមកអតីតជើងឯក Grand Slam ពីរលើក Victoria Azarenka បានធ្លាក់ចេញពីការប្រកួតគួរឱ្យភ្ញាក់ផ្អើលក្រោមស្នាដៃកីឡាការិនីចិន Lin Zhu ៦-៣ និង ៦-៣។ កីឡាការិនីលំដាប់លេខ ៤៤ ពិភពលោក Lin Zhu នឹងបន្តជួបជាមួយកីឡាការិនីលំដាប់លេខ ១៥ ស្វ៊ីស Belinda Bencic ដែលយកឈ្នះកីឡាការិនី Lily Miyazaki៕ អត្ថបទ៖នាង សុភាវុធ

Stefanos Tsitsipas ធ្លាក់ពី US Open ត្រឹមជុំទី ២ ក្រោយចាញ់កីឡាករលេខ ១២៨ ពិភពលោក

កីឡាករវាយកូនបាល់ក្រិកលំដាប់លេខ ៧ Stefanos Tsitsipas បានធ្លាក់ចេញពីព្រឹត្តិការណ៍ Grand Slam, US Open គួរឱ្យភ្ញាក់ផ្អើលត្រឹមជុំទី ២ ក្រោយរងបរាជ័យក្រោមស្នាដៃកីឡាករលំដាប់លេខ ១២៨ ពិភពលោក Dominic Stricker។កីឡាករស្វ៊ីស Dominic Stricker ជាកីឡាករដែលឡើងមកកាន់ US Open នេះ តាមរយៈវគ្គជម្រុះ តែពិតជាបានធ្វើឱ្យ Tsitsipas ស្គាល់ការងារធ្ងន់ តាមរយៈជ័យជំនះក្នុងការប្រកួតដែលប្រើពេលជាង ៤ ម៉ោងបញ្ចប់ដោយលទ្ធផល ៧-៥ ៦-៧(២-៧) ៦-៧(៥-៧) ៧-៦(៨-៦) និង ៦-៣។ Tsitsipas គឺជាអ្នកចេញសេវាដែលគួរតែអាចឈ្នះការប្រកួតនៅសិតទី ៤ ទៅហើយផ្ទុយទៅវិញមិនអាចឈ្នះក្នុងសេវារបស់ខ្លួន និងឱ្យ Stricker យកឈ្នះតាមស្មើ ២-២ មុនបន្តឈ្នះនៅសិតកាត់សេចក្តី។ដោយឡែកកីឡាករលេខ ១ ពិភពលោក Novak Djokovic មិនមានឧបសគ្គឡើយក្រោយយកឈ្នះកីឡាករអេស្ប៉ាញ Bernabe Zapata Miralles ៣ សិតផ្ទួនៗ ៦-៤ ៦-១ និង ៦-១ ដើម្បីបន្តការស្វែងរកជើងឯក Grand Slam លើកទី ២៤ តាមស្មើកំណត់ត្រារបស់ Margaret Court៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

កីឡាករអាមេរិក Sepp Kuss ឈ្នះដំណាក់កាលទី ៦ Vuelta a Espana ខណៈLenny Martinez ឡើងនាំមុខរួម

គោព្រៃកម្ពុជា ចាប់ផ្ដើមហាត់ ត្រៀមប្រកួតមិត្តភាព ខណៈសំបុត្រជួបហុងកុងមានលក់ថ្ងៃនេះ

បន្ទាយមានជ័យ ឡើងវគ្គ ១/៤ ខណៈឈើតុំ, បាត់ដំបង និងរតនគិរី ត្រូវអ៊ុតប្រកួតចុងក្រោយ

Iga Swiatek និង Coco Gauff បន្តឡើងជុំទី US Open តែ Azarenka បញ្ចប់បេសកកម្ម

Stefanos Tsitsipas ធ្លាក់ពី US Open ត្រឹមជុំទី ២ ក្រោយចាញ់កីឡាករលេខ ១២៨ ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឯកឧត្តម វ៉ាត់ ចំរើន៖ កីឡាមធ្យមសិក្សា មិនមែនជាសមរភូមិប្រកួត ដើម្បីតែឈ្នះ-ចាញ់ឡើយ

កីឡាករអាល្លឺម៉ង់ Lennard Kamna ឈ្នះដំណាក់កាលទី ៩ Vuelta a Espana ខណៈ Sepp Kuss បន្តនាំមុខ

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេស​នៅវគ្គជម្រុះ Euro 2024

Arsenal លក់ខ្សែប្រយុទ្ធ Folarin Balogun ឱ្យ Monaco បានតម្លៃ ៣៥ លានផោន

Lewis Hamilton និង George Russell បន្តកិច្ចសន្យាជាមួយក្រុម F1 Mercedes

កីឡាករអាមេរិក Sepp Kuss ឈ្នះដំណាក់កាលទី ៦ Vuelta a Espana ខណៈ​Lenny Martinez ឡើងនាំមុខរួម

គោព្រៃកម្ពុជា ចាប់ផ្ដើមហាត់ ត្រៀមប្រកួតមិត្តភាព ខណៈសំបុត្រជួបហុងកុងមានលក់ថ្ងៃនេះ

បន្ទាយមានជ័យ ឡើងវគ្គ ១/៤ ខណៈឈើតុំ, បាត់ដំបង និងរតនគិរី ត្រូវអ៊ុត​ប្រកួតចុងក្រោយ

Iga Swiatek និង Coco Gauff បន្តឡើងជុំទី US Open តែ Azarenka បញ្ចប់បេសកកម្ម

Stefanos Tsitsipas ធ្លាក់ពី US Open ត្រឹមជុំទី ២ ក្រោយចាញ់កីឡាករលេខ ១២៨ ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Henderson និង Maguire នៅតែត្រូវកោះហៅជួយក្រុមជម្រើសជាតិអង់គ្លេសនៅវគ្គជម្រុះ Euro 2024

កីឡាករអាមេរិក Sepp Kuss ឈ្នះដំណាក់កាលទី ៦ Vuelta a Espana ខណៈLenny Martinez ឡើងនាំមុខរួម

បន្ទាយមានជ័យ ឡើងវគ្គ ១/៤ ខណៈឈើតុំ, បាត់ដំបង និងរតនគិរី ត្រូវអ៊ុតប្រកួតចុងក្រោយ