BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Benjamin Pavard ចាកចេញពី Bayern Munich ទៅកាន់ Inter Milan តម្លៃ ៣២ លានអឺរ៉ូ

ក្លិបបាល់ទាត់អ៊ីតាលី Inter Milan បានសំរេចក្នុងការនាំយកខ្សែការពារបារាំង Benjamin Pavard ពី Bayern Munich ហើយ នេះបើតាមការប្រកាសពីក្លិបទាំងពីរនៅថ្ងៃពុធម្សិលមិញ។ មិនមានការបង្ហាញលំអិតពីកិច្ចព្រមព្រៀងផ្ទេរឡើយ តែសារព័ត៌មានអ៊ីតាលីបានចុះផ្សាយថា កីឡាករវ័យ ២៧ ឆ្នាំរូបនេះផ្លាស់មកកាន់ក្រុមរបស់លោក Simone Inzaghi ក្នុងតម្លៃផ្ទេរប្រមាណ ៣២ លានអឺរ៉ូ ជាមួយនឹងកិច្ចសន្យា ៥ ឆ្នាំនៅកីឡដ្ឋាន San Siro។Benjamin Pavard ដែលចូលរួមជាមួយ Bayern Munich នៅឆ្នាំ ២០១៩ ផ្លាស់ពី Stuttgart នោះ ធ្លាប់ឈ្នះជើងឯកអាល្លឺម៉ង់ Bundesliga ៤ លើក និងជើងឯកពិភពលោក FIFA World Cup 2018 នៅរុស្ស៊ីជាមួយក្រុមជម្រើសជាតិបារាំង។ការមកដល់របស់ Benjamin Pavard គឺដើម្បីជំនួសតំណែងនៃការចាកចេញរបស់ Milan Skriniar ទៅកាន់ Paris Saint Germain។Inter Milan ចាប់ផ្តើមរដូវកាលថ្មី Italia Serie A រដូវកាលថ្មីនេះបានល្អដោយឈ្នះទាំងពីរប្រកួត៕អត្ថបទ៖នាង សុភាវុធ

Chelsea ខិតជិតកិច្ចព្រមព្រៀងនាំយកខ្សែប្រយុទ្ធវ័យក្មេង Man City, Cole Palmer

ក្លិបបាល់ទាត់តោខៀវ Chelsea នៅមិនទាន់បិទបញ្ចប់ការទិញចូលកីឡាករថ្មីឡើយនៅរដូវក្តៅនេះ ខណៈដែលពេលនេះខិតជិតកិច្ចព្រមព្រៀងមួយទៀត ក្នុងការនាំយកខ្សែប្រយុទ្ធអង់គ្លេសអាយុក្រោម២១ ឆ្នាំ Cole Palmer ពី Manchester City។អ្នកចាត់ការ Chelsea លោក Mauricio Pochettino ធ្លាប់បាននិយាយថា Chelsea នៅត្រូវការកីឡាករបន្ថែមទៀតនៅតំបន់ប្រយុទ្ធមុនទីផ្សារដោះដូរកីឡាករបិទបញ្ចប់នៅថ្ងៃសុក្រស្អែកនេះ។កីឡាករវ័យ ២១ ឆ្នាំរូបនេះអាចលេងបានទាំងតំបន់ប្រយុទ្ធ និងបម្រើ។អ្នកចាត់ការ City លោក Pep Guardiola ក៏ធ្លាប់បាននិយាយដែរថា Cole Palmer បើចាកចេញមិនអាចក្នុងលក្ខខណ្ឌខ្ចីជើងឡើយ បន្ទាប់ពីក្លិបធ្លាប់បដិសេធសំណើខ្ចីពី West Ham ផងដែរ។ Cole Palmer គឺជាសមាជិករបស់ក្រុម U21 អង់គ្លេសដែលឈ្នះជើងឯកអឺរ៉ុបអាយុក្រោម ២១ ឆ្នាំ។ Cole Palmer ចាប់ផ្តើមរដូវកាលថ្មីនេះជាមួយ Manchester City ដោយស៊ុតបញ្ចូលទីបានពីរគ្រាប់ក្នុងជ័យជំនះលើ Sevilla លើកពាន UEFA Super Cup និងវគ្គផ្តាច់ព្រ័ត្រ Community Shield ដែលចាញ់ Arsenal៕ អត្ថបទ៖នាង សុភាវុធ

Man City ព្រមព្រៀងតម្លៃ ៤៧.៣ លានផោនទិញ Matheus Nunes ពី Wolves

ទីបំផុតការផ្លាស់របស់ខ្សែបម្រើព័រទុយហ្កាល់ Matheus Nunes ជិតចេញជារូបរាងហើយក្រោយ Manchester City ព្រមព្រៀងតម្លៃផ្ទេរ ៤៧.៣ លានផោនជាមួយ Wolverhampton។កីឡាករវ័យ ២៥ ឆ្នាំរូបនេះបានបដិសេធមិនធ្វើការហ្វឹកហាត់ជាមួយ Wolves ឡើយបន្ទាប់ពី Man City ដាក់សំណើមកកាន់ Wolves កាលពីសប្តាហ៍តែត្រូវបានបដិសេធក្នុងតម្លៃ ៤៧ លានផោននេះ ខណៈ Wolves ទាមទាដល់ទៅ ៦០ លានផោន។ យ៉ាងណាក្តីការចរចារវាងភាគីទាំងពីរ ការផ្ទេរអតីតខ្សែបម្រើ Sporting Lisbon នេះមិនលើសពី ៤៧ លានផោននេះឡើយ ហើយក៏គ្មានលក្ខខណ្ឌប្រាក់បន្ថែមអ្វីដែរ។ កីឡាករវ័យ ២៤ ឆ្នាំរូបនេះទើបមកដល់ Wolves ពី Sporting Lisbon រដូវកាលមុនក្នុងតម្លៃផ្ទេរ ៣៨ លានផោនថ្លៃបំផុតក្នុងប្រវត្តិសាស្រ្តក្លិប និងបានចុះហត្ថលេខារយៈពេល ៥ ឆ្នាំ។ Man City កំពុងរកអ្នកបំពេញចំនុចខ្វះខាតនៅតំបន់បម្រើកណ្តាល បន្ទាប់ពីកីឡាករនាំលេងប៊ែលហ្ស៊ិក Kevin de Bruyne មានរបួសត្រូវសម្រាកយ៉ាងហោចណាស់ ៤ ខែ។ City ថែមទាំងចាប់អារម្មណ៍ខ្សែបម្រើស្លាប Crystal Palace ផងដែរគឺកីឡាករវ័យ ២៥ ឆ្នាំ Eberechi Eze ដែលទើបបង្ហាញខ្លួនឱ្យក្រុមជំរើសជាតិអង់គ្លេសលើកដំបូងកាលពីខែមិថុនា។ សម្រាប់ Wolverhampton រដូវក្តៅនេះបានលក់ចេញប្រធានក្រុម Ruben Neves ទៅ Al-Hilal តម្លៃ ៤៧ លានផោន និងខ្សែប្រយុទ្ធ Raul Jimenez ទៅកាន់ Fulham តម្លៃ ៥ លានផោន៕ អត្ថបទ៖នាង សុភាវុធ

Erling Haaland ឈ្នះជ័យលាភីកីឡាករឆ្នើមបំផុតរបស់ PFA អង់គ្លេស

ខ្សែប្រយុទ្ធ Manchester City, Erling Haaland បានក្លាយជាម្ចាស់ជ័យលាភីកីឡាករឆ្នើមបំផុតរបស់ PFA អង់គ្លេសក្រោយរដូវកាលមិនអាចបំភ្លេចបានជាមួយ City តាមរយៈជ័យជំនះពានបីក្នុងមួយរដូវកាល។ កីឡាករវ័យ ២៣ ឆ្នាំរូបនេះទទួលបានសំលេងឆ្នោតច្រើនជាងមិត្តរួមក្រុម Kevin de Bruyne និង John Stones ក៏ដូចជាកីឡាកររបស់ Arsenal, Martin Odegaard, Bukayo Saka និងខ្សែប្រយុទ្ធអង់គ្លេស Harry Kane ដែលទើបចាកចេញទៅ Bayern Munich។ស្ថិតិដ៏អស្ចារ្យរបស់ Haaland គឺស៊ុតបញ្ចូលទី ៥២ គ្រាប់ក្នុងការបង្ហាញខ្លួន ៥៣ ប្រកួតរដូវកាលមុនជួយ Manchester City ឈ្នះជើងឯកបីក្នុងមួយរដូវកាលរួមមាន English Premier League, FA Cup និង UEFA Champions League ជាលើកដំបូងក្នុងប្រវត្តិសាស្រ្តក្លិប។ខ្សែប្រយុទ្ធន័រវេសរូបនេះ ថែមទាំងឈ្នះពានជ័យលាភីកីឡាករឆ្នើមប្រចាំ English Premier League រដូវកាលមុន និង ពានកីឡាករឆ្នើម FWA ផងដែរ។ ចំណែកខ្សែប្រយុទ្ធ Arsenal, Bukayo Saka ឈ្នះពានកីឡាករវ័យក្មេងឆ្នើមបំផុតប្រចាំឆ្នាំរបស់ PFA ផងដែរ។ ផ្នែកនារីវិញជ័យលាភបានទៅខ្សែប្រយុទ្ធក្រុមនារី Aston Villa កីឡាការិនី Rachel Daly បន្ទាប់ពីស៊ុតបញ្ចូលទីបានច្រើនជាងគេនៅលីគនារី Women’s Super League រដូវកាលមុន ២២ គ្រាប់៕ អត្ថបទ៖នាង សុភាវុធ

ក្រសួងអប់រំ ទទួលស្គាល់ដេប៉ាតឺម៉ង់ គ្រប់គ្រងកីឡា និងហ្វឹកហាត់ នៃសាកលវិទ្យាល័យ ឡាយហ្វ

ក្រសួងអប់រំ យុវជន និងកីឡា បានប្រកាសទទួលស្គាល់ដេប៉ាតឺម៉ង់ គ្រប់គ្រងកីឡា និងហ្វឹកហាត់ នៅសាកលវិទ្យាល័យ ឡាយហ្វ ដើម្បីធ្វើការបណ្ដុះបណ្ដាល ទាំងកម្រិតបរិញ្ញាបត្រ និងបរិញ្ញាបត្ររងលើមុខជំនាញមួយនេះ ។យោងតាមប្រកាសដែលចុះហត្ថលេខាដោយឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា បានបញ្ជាក់ថា ការទទួលស្គាល់ការបង្កើតដេប៉ាតឺម៉ង់ គ្រប់គ្រងកីឡា និងហ្វឹកហាត់ គឺនៅក្នុងមហាវិទ្យាល័យគ្រប់គ្រងពាណិជ្ជកម្ម ដែលមានស្រាប់ ដើម្បីធ្វើការបណ្ដុះបណ្ដាលកម្រិតបរិញ្ញាបត្ររងបច្ចេកទេស និងវិជ្ជាជីវៈ និងបរិញ្ញាបត្រលើមុខជំនាញ គ្រប់គ្រងកីឡា និងហ្វឹកហាត់។ទន្ទឹមជាមួយការទទួលស្គាល់នេះដែរ ក្រសួងតម្រូវឲ្យសាកលវិទ្យាល័យ ឡាយហ្វ បំពេញភារកិច្ច ៦ចំណុច ១-រៀបចំរចនាសម្ព័ន្ធគ្រប់គ្រងសម្រាប់ដេប៉ាតឺម៉ង់ថ្មី ២-រៀបចំបទប្បញ្ញត្តិស្ដីពីការគ្រប់គ្រងការសិក្សាសម្រាប់មុខជំនាញ ៣-រៀបចំកម្មវិធីសិក្សាលម្អិតឲ្យស្របតាមលក្ខខណ្ឌ និងបទប្បញ្ញត្ដិ នៃក្របខណ្ឌគុណវឌ្ឍិជាតិកម្ពុជា ៤-អនុវត្តតាមបទដ្ឋានរបស់ក្រសួង ដែលកំណត់លើសកម្មភាព នៃការធានគុណភាពអប់រំផ្ទៃក្នុងនៅគ្រឹះស្ថានឧត្តមសិក្សា ៥-ធ្វើរបាយការណ៍ប្រចាំឆ្នាំអំពីការងារបណ្ដុះបណ្ដាលជូនក្រសួង និងគោរពតាមកិច្ចសន្យាជាមួយក្រសួងអប់រំ យុវជន និងកីឡា ។ចំពោះនិស្សិតដែលរៀនចប់កម្មវិធីសិក្សា និងបានទទួលជោគជ័យក្នុងការបញ្ចប់ការសិក្សាត្រូវទទួលសញ្ញាបត្រតាមកម្រិត និងមុខជំនាញ ដែលបានសិក្សា ។ សញ្ញាបត្រនេះ ត្រូវផ្ដល់ឲ្យដោយសាកលវិទ្យាល័យ ឡាយហ្វ ដោយផ្អែកតាមបញ្ជីឈ្មោះនិស្សិតឈ្មោះសិក្សាជាប់ជាស្ថាពរ ដែលមានការទទួលស្គាល់ពីក្រសួងអប់រំ យុវជន និងកីឡាផងដែរ៕ អត្ថបទ លី ឈុនឡា

កីឡាករអូស្រ្តាលី Kaden Groves បន្តឈ្នះដំណាក់កាលទី ៥ Vuelta a Espana

កីឡាករប្រណាំងកង់អូស្រ្តាលី Kaden Groves បានបន្តឈ្នះពីរដំណាក់កាលជាប់គ្នា បន្ទាប់ពីឈ្នះដំណាក់កាលទី ៥ នៃព្រឹត្តិការណ៍ប្រណាំងកង់ Grand Tour, Vuelta a Espana តែមិនអាចក្លាយជាអ្នកនាំមុខក្នុងតារាងរួមបានឡើយ។ ដំណាក់កាលទី ៥ ដែលមានចំងាយផ្លូវ ១៨៦.៥ គីឡូម៉ែត្រ បានបញ្ចប់ដោយមានការប្រកួតប្រជែងគ្នាខ្លាំងនៅចំនុចចុងក្រោយ តែកីឡាកររបស់ក្រុម Alpecin-Deceuninck រូបនេះអាចរក្សាការនាំមុខរបស់ខ្លួនបានដោយមកដល់ទីព្រ័ត្រមុនគេប្រើពេល ៤ ម៉ោង ២៣ នាទី ៤៣ វិនាទី តាមពីក្រោយដោយកីឡាករអ៊ីតាលី Filippo Ganna របស់ក្រុម Ineos Grenadiers និងលេខ ៣ កីឡាករប៊ែលហ្ស៊ិក Dries Van Gestel។ យ៉ាងណាក្តីក្រោយ ៥ ដំណាក់កាលនេះ អ្នកការពារតំណែងជើងឯកសញ្ជាតិប៊ែលហ្ស៊ិក Remco Evenepoel ជិះឱ្យក្រុម Soudal-Quick-Step នៅតែបន្តនាំមុខគេដដែលក្នុងតារាងពេលវេលារួមតាមពីក្រោយដោយកីឡាករអេស្ប៉ាញ Enric Mas ដដែលយឺតជាង ១១ វិនាទី និងលេខ ៣ កីឡាករបារាំង Lenny Martinez ដដែលយឺតជាង ១៧ វិនាទី។ សម្រាប់ដំណាក់កាលទី ៦ ថ្ងៃព្រហស្បតិ៍នេះមានចំងាយផ្លូវ ១៨១.៣ គីឡូម៉ែត្រ៕ អត្ថបទ៖នាង សុភាវុធ

Ons Jabeur ស្ទើតែបោះបង់ការប្រកួតដោយសារពិបាកដកដង្ហើមមុនយកឈ្នះជុំដំបូង

កីឡាការិនីវាយកូនបាល់ទុយនេស៊ី Ons Jabeur ឱ្យដឹងថា នាងបានពិចារណាបោះបង់ការប្រកួតដោយសារពិបាកដកដង្ហើម មុនផ្លាស់ប្តូរចិត្ត និងយកឈ្នះការប្រកួតជុំដំបូង US Open ថ្ងៃអង្គារម្សិលមិញ។កីឡាការិនីលំដាប់លេខ ៥ រូបនេះបានសុំអនុញ្ញាតសម្រាកនៅសិតដំបូងដោយសារឡើងសំពាធឈាម មុនពេលយកឈ្នះកីឡាការិនីកូឡុំប៊ី Camila Osorio ទាំងលំបាក ៧-៥ ៧-៦(៧-៤)។ កីឡាការិនីវ័យ ២៩ ឆ្នាំរូបនេះ បានឱ្យដឹងក្រោយការប្រកួតថា នាងមានជំងឺផ្តាសាយបន្តិចបន្តួចមុនការប្រកួតចាប់ផ្តើម។ ងាកមកលទ្ធផលគូផ្សេងទៀត កីឡាការិនីបារាំង Caroline Garcia បានធ្លាក់ចេញពីការប្រកួតត្រឹមជុំទី១ ក្រោយរងបរាជ័យក្រោមស្នាដៃកីឡាការិនីចិន Wang Yafan ៦-៤ និង ៦-១។ Caroline Garcia ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ US Open នេះឆ្នាំមុន តែបែជាពិបាកខ្លាំងនៅពេលជួបកីឡាការិនីចិនលំដាប់លេខ ១១៤ រូបនេះ។ ចំណែកឯកីឡាការិនីលំដាប់លេខ ៣ Jessica Pegula មិនមានបញ្ហាឡើយ សុទ្ធតែឆ្លងផុតជុំដំបូងរួមជាមួយកីឡាការិនី Marketa Vondrousova កីឡាការិនីអ៊ុយក្រែន Elina Svitolina និងម្ចាស់ផ្ទះអាមេរិក Madison Keys៕ អត្ថបទ៖នាង សុភាវុធ

Novak Djokovic ត្រលប់មកឈរលេខ១ ពិភពលោកវិញ ក្រោយឈ្នះជុំដំបូង US Open

កីឡាករវាយកូនបាល់ស៊ែប Novak Djokovic នឹងឡើងមកឈរតំណែងលេខ ១ ពិភពលោកទំលាក់ Carlos Alcaraz ទៅលេខ ២ វិញក្រោយជ័យជំនះជុំដំបូងនៅ Grand Slam, US Open ម្សិលមិញលើកីឡាករបារាំង Alexandre Muller។Djokovic ដែលចាញ់ Alcaraz នៅវគ្គផ្តាច់ព្រ័ត្រ Wimbledon នោះ បានយកឈ្នះដោយលទ្ធផល ៦-០ ៦-២ និង ៦-៣។ កីឡាករវ័យ ៣៦ ឆ្នាំរូបនេះខកខានមិនបានចូលរួមប្រកួត US Open នេះកាលពីឆ្នាំមុនដោយសារបញ្ហាវ៉ាក់សាំង Covid-19 ខណៈការវិលត្រលប់មកវិញលើកនេះ ក្នុងក្តីសង្ឃឹមតាមស្មើកំណត់ត្រាឈ្នះជើងឯក Grand Slam សរុប ២៤ លើករបស់កីឡាការិនីអូស្រ្តាលី Margaret Court។ ងាកមកលទ្ធផលគូបុរសផ្សេងទៀត កីឡាកររុស្ស៊ី Daniil Medvedev ត្រូវការពេលត្រឹម ៧៤ នាទី ដើម្បីបន្តដំណើរទៅជុំទី ២ បន្តទៀតក្រោយយកឈ្នះកីឡាករហុងគ្រី Attilas Balazs ៦-១ ៦-១ និង ៦-០។ ជុំបន្ត Daniil Medvedev នឹងត្រូវជួប Christopher O’Connell ដើម្បីរកកៅអីវគ្គ ៣២ នាក់ចុងក្រោយ។ ចំណែកឯអតីតកីឡាករលំដាប់លេខ ១ ពិភពលោក Andy Murray ក៏បានឆ្លងផុតជុំដំបូងរបស់ខ្លួនផងដែរក្រោយយកឈ្នះកីឡាករបារាំង Corentin Moutet ៦-២ ៧-៥ និង ៦-៣៕ អត្ថបទ៖នាង សុភាវុធ

ក្លិបបាល់ទាត់សៀមរាបយូណាយធីតតែងតាំងលោក Oriol Mohedano Segura ជាគ្រូបង្គោល និងនាយកបច្ចេកទេសកីឡាជាផ្លូវការ

សៀមរាប៖ នៅថ្ងៃអង្គារទី២៩ ខែសីហានេះ បានរៀបចំធ្វើពិធីចុះហត្ថលេខាជាផ្លូវការ តែងតាំង លោក Oriol Mohedano Segura ជាគ្រូបង្គោល និងនាយកបច្ចេកទេសកីឡាជាផ្លូវការ របស់ក្លិបបាល់ទាត់សៀមរាបយូណាយធីត។លោក Oriol Mohedano Segura មានកុងត្រារយៈពេល ៥ឆ្នាំ ក្នុងការរួមការងារជាមួយសៀមរាបយូណាយធីត។ លោក Oriol នឹងក្លាយជាចំណែកមួយ ក្នុងការបណ្តុះបណ្តាលក្រុមយុវជនអាយុក្រោម ១៤ឆ្នាំរបស់សៀមរាបយូណាយធីត ឱ្យទទួលបានការហ្វឹកហាត់ស្របតាមស្តង់ដារអន្តរជាតិ ព្រមទាំងជួយជ្រោមជ្រែងផងដែរ ដល់ផ្នែកបច្ចេកទេសនានា ក្នុងសាលាបាល់ទាត់របស់សៀមរាបយូណាយធីត ឬ Siem Reap United Soccer School ដែលបច្ចុប្បន្នមានការទទួលបណ្តុះបណ្តាលពីកម្រិតអាយុក្រោម ៩ឆ្នាំ រហូតដល់ក្រោម ១៦ឆ្នាំ។ ក្នុងពិធីចុះហត្ថលេខានោះ ប្រធានក្លិបបាល់ទាត់សៀមរាបយូណាយធីត ឯកឧត្តម ម៉េត មករា បានលើកឡើងថា លោក Oriol មានគុណសម្បត្តិគ្រប់គ្រាន់ដែលជាក្តីរំពឹងសម្រាប់សៀមរាបយូណាយធីតក្នុងការសម្រេចគោលដៅ ក្លាយជាក្រុមបាល់ទាត់ដ៏មានស្តង់ដារមួយ ដើម្បីប្រកួតប្រជែងទាំងក្នុងឆាកជាតិ និងអន្តរជាតិ។ ឯកឧត្តម ម៉េត មករា ធានាមិនធ្វើឱ្យអ្នកគាំទ្រ ខកបំណងជាមួយចក្ខុវិស័យរបស់សៀមរាបយូណាយធីតនោះទេ។ចំណែក លោក Oriol ជាគ្រូបង្គោល និងជានាយកបច្ចេកទេសកីឡារបស់សៀមរាបយូណាយធីត បានឱ្យបានដឹងថា ការសម្រេចចិត្តត្រលប់មកកាន់ប្រទេសកម្ពុជានេះ ដោយសារតែលោកស្រលាញ់ទឹកដីកម្ពុជា និងចង់ប្រកួតប្រជែងខ្លួនឯងដើម្បីអភិវឌ្ឍន៍យុវជនរបស់សៀមរាបយូណាយធីត ឱ្យក្លាយជាកីឡាករដ៏ឆ្នើមដើម្បីបាល់ទាត់របស់កម្ពុជា។សូមបញ្ជាក់ថា លោក Oriol Mohadano Segura គឺជាគ្រូបង្វឹកម្នាក់ ដែលទទួលបានការសិក្សាកម្រិត License A ដែលទទួលស្គាល់ដោយសហព័ន្ធបាល់ទាត់អឺរុប UEFA។ លោកគ្រូបង្វឹកសញ្ជាតិអេស្បាញ វ័យ ៣៧ឆ្នាំនេះ មានបទពិសោធន៍ដឹកនាំតាំងពីឆ្នាំ ២០១១ នៅតាមក្លិបបាល់ទាត់ ក្នុងប្រទេសអេស្បាញ ស្វីស ណ័រវេស ហ្វាំងឡង់ និងជាពិសេស គឺក្នុងប្រទេសកម្ពុជា។ នៅក្នុងឆ្នាំ ២០២២ កន្លងទៅនេះ លោកក៏ធ្លាប់បានដឹកនាំក្រុមបាល់ទាត់មួយរបស់ប្រទេសកម្ពុជា ឱ្យទទួលបានលេខ ៣ ក្នុងលីគកំពូលរបស់កម្ពុជា Cambodian Premier League ផងដែរ៕

Ronaldo, Mane, Mahrez សុទ្ធតែរកគ្រាប់បាននៅលីគអារ៉ាប៊ីសាអ៊ូឌីតយប់មិញ

អតីតតារាបាល់ទាត់នៅ English Premier League ដូចជា Cristiano Ronaldo, Sadio Mane និង Riyad Mahrez សុទ្ធតែរកគ្រាប់បានក្នុងការប្រកួតក្របខណ្ឌលីគកំពូលអារ៉ាប៊ីសាអ៊ូឌីតសប្តាហ៍ទី៤ យប់មិញ។ អតីតខ្សែប្រយុទ្ធបិសាចក្រហម Manchester United, Cristiano Ronaldo រកបានពីរគ្រាប់ម្នាក់ឯងដែលជាបាល់ពិន័យ ១១ ម៉ែត្រទាំងពីរគ្រាប់ក្នុងជ័យជំនះ ៤-០ របស់ Al-Nassr លើ Al-Shabab។ Ronaldo ក៏បានប្រគល់បាល់ ១១ ម៉ែត្រទី ៣ ឱ្យមិត្តរួមក្រុម Abdulrahman Ghareeb ជាអ្នកស៊ុតតែមិនបានសំរេច តែក្រោយមក Ronaldo គឺជាអ្នកបញ្ជូនឱ្យអតីតខ្សែប្រយុទ្ធ Liverpool, Sadio Mane ស៊ុតបញ្ចូលទីគ្រាប់ទី ៣ មុនពេលដែល Sultan Al-Ghannam បន្ថែមគ្រាប់ចុងក្រោយ។ នេះជាជ័យជំនះទី ២ សម្រាប់ Al-Nassr ខណៈពួកគេរំកិលឡើងមកឈរលេខ ៦ មាន ៦ ពិន្ទុ។ងាកមកមួយប្រកួតទៀត ក្រុមចាយលុយច្រើនមួយទៀត Al-Ahli ក៏រកបានជ័យជំនះរបស់ខ្លួនផងដែរ ២-០ លើ Al-Tai។ អតីតខ្សែប្រយុទ្ធ Newcastle, Allan Saint-Maximine ជាអ្នកបញ្ជូនឱ្យអតីតខ្សែបម្រើ Manchester City, Riyad Mahrez ស៊ុតបញ្ចូលទីបើកការនាំមុខ មុនពេលដែល Mahrez ក្រោយមកបញ្ជូនឱ្យ Franck Kessie បន្ថែមមួយគ្រាប់ទៀត។ ជ័យជំនះនេះធ្វើឱ្យ Al-Ahli ឈរលេខ ២ ក្នុងតារាងមាន ១២ ពិន្ទុស្មើជាមួយក្រុមលេខ ១ Al-Ittihad ដែលឈ្នះ ៤ ប្រកួតពេញដូចគ្នា៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Benjamin Pavard ចាកចេញពី Bayern Munich ទៅកាន់ Inter Milan តម្លៃ ៣២ លានអឺរ៉ូ

Chelsea ខិតជិតកិច្ចព្រមព្រៀងនាំយកខ្សែប្រយុទ្ធវ័យក្មេង Man City, Cole Palmer

Man City ព្រមព្រៀងតម្លៃ ៤៧.៣ លានផោនទិញ Matheus Nunes ពី Wolves

Erling Haaland ឈ្នះជ័យលាភីកីឡាករឆ្នើមបំផុតរបស់ PFA អង់គ្លេស

ក្រសួងអប់រំ ទទួលស្គាល់ដេប៉ាតឺម៉ង់ គ្រប់គ្រងកីឡា និងហ្វឹកហាត់ នៃសាកលវិទ្យាល័យ ឡាយហ្វ

កីឡាករអូស្រ្តាលី Kaden Groves បន្តឈ្នះដំណាក់កាលទី ៥ Vuelta a Espana

Ons Jabeur ស្ទើតែបោះបង់ការប្រកួតដោយសារពិបាកដកដង្ហើមមុនយកឈ្នះជុំដំបូង

Novak Djokovic ត្រលប់មកឈរលេខ១ ពិភពលោកវិញ ក្រោយឈ្នះជុំដំបូង US Open

ក្លិបបាល់ទាត់សៀមរាបយូណាយធីតតែងតាំងលោក Oriol Mohedano Segura ជាគ្រូបង្គោល និងនាយកបច្ចេកទេសកីឡាជាផ្លូវការ

Ronaldo, Mane, Mahrez សុទ្ធតែរកគ្រាប់បាននៅលីគអារ៉ាប៊ីសាអ៊ូឌីតយប់មិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Benjamin Pavard ចាកចេញពី Bayern Munich ទៅកាន់ Inter Milan តម្លៃ ៣២ លានអឺរ៉ូ

Chelsea ខិតជិតកិច្ចព្រមព្រៀងនាំយកខ្សែប្រយុទ្ធវ័យក្មេង Man City, Cole Palmer

Man City ព្រមព្រៀងតម្លៃ ៤៧.៣ លានផោនទិញ Matheus Nunes ពី Wolves

Erling Haaland ឈ្នះជ័យលាភីកីឡាករឆ្នើមបំផុតរបស់ PFA អង់គ្លេស

ក្រសួងអប់រំ ទទួលស្គាល់ដេប៉ាតឺម៉ង់ គ្រប់គ្រងកីឡា និងហ្វឹកហាត់ នៃសាកលវិទ្យាល័យ ឡាយហ្វ

កីឡាករអូស្រ្តាលី​ Kaden Groves បន្តឈ្នះដំណាក់កាលទី ៥ Vuelta a Espana

Ons Jabeur ស្ទើតែបោះបង់ការប្រកួតដោយសារពិបាកដកដង្ហើមមុនយកឈ្នះជុំដំបូង

Novak Djokovic ត្រលប់មកឈរលេខ១ ពិភពលោកវិញ ក្រោយឈ្នះជុំដំបូង US Open

ក្លិបបាល់ទាត់សៀមរាបយូណាយធីតតែងតាំងលោក Oriol Mohedano Segura ជាគ្រូបង្គោល និងនាយកបច្ចេកទេសកីឡាជាផ្លូវការ

Ronaldo, Mane, Mahrez សុទ្ធតែរកគ្រាប់បាននៅលីគអារ៉ាប៊ីសាអ៊ូឌីតយប់មិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករអូស្រ្តាលី Kaden Groves បន្តឈ្នះដំណាក់កាលទី ៥ Vuelta a Espana