BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

U23 កម្ពុជា ចាប់ផ្ដើមហ្វឹកហាត់ ត្រៀមប្រកួតជម្រុះ AFC U23 Asian Cup Qatar 2024

ក្រុមបាល់ទាត់ជម្រើសជាតិអាយុក្រោម ២៣ឆ្នាំកម្ពុជា បានចាប់ផ្ដើមធ្វើការប្រមូលផ្ដុំហ្វឹកហាត់ហើយ កាលពីល្ងាចថ្ងៃទី២៩ ខែសីហា ឆ្នាំ២០២៣ នៅកីឡដ្ឋានកងយោធពលខេមរភូមិន្ទ ដើម្បីត្រៀមការប្រកួតវគ្គជម្រុះពានរង្វាន់ AFC U23 Asian Cup Qatar 2024 ពូលJ នៅប្រទេសអារ៉ាប៊ីសាអូឌី នាខែកញ្ញាខាងមុខ ។ការប្រមូលផ្ដុំហ្វឹកហាត់របស់ក្រុមគោព្រៃជំទង់កម្ពុជានេះ ដឹកនាំដោយគ្រូបង្វឹកជនជាតិជប៉ុនលោក Koji Gyotoku បន្ទាប់ពីគ្រូបង្វឹកក្រុមជម្រើសជាតិកម្ពុជា លោក Felix Dalmas ជាប់ភារកិច្ចដឹកនាំក្រុមធំ នៃក្រុមគោព្រៃ ត្រៀមការប្រកួតមិត្តភាពអន្ដរជាតិ ជាមួយក្រុមភ្ញៀវហុងកុង និងក្រុមភ្ញៀវម៉ាកាវ នាថ្ងៃទី៧ និងថ្ងៃទី១១ ខែកញ្ញាផងដែរ ។ចំពោះសមាជិកក្រុមជម្រើសជាតិ U23 កម្ពុជា ដែលបានចូលរួមហ្វឹកហាត់ត្រៀមការប្រកួតជម្រុះជើងឯកយុវជនអាស៊ីនេះ គឺមានកីឡាព្រះខ័នរាជស្វាយរៀង ៣នាក់, ណាហ្គាវើលដ៏ ៤នាក់, អង្គរថាយហ្គឺរ ៣នាក់, វិសាខា ៥នាក់, បឹងកេត ២នាក់, ព្រៃវែង ២នាក់, ភ្នំពេញក្រោនម្នាក់, គិរីវង់សុខសែនជ័យម្នាក់, ISI ដង្កោសែនជ័យម្នាក់ និងសាលាបាល់ទាត់ជាតិបាទីម្នាក់ ។សូមបញ្ជាក់ថា ការប្រកួតជម្រុះ AFC U-23 Asian Cup 2024 គ្រោងធ្វើឡើងពីថ្ងៃទី០៦ ដល់ថ្ងៃទី១២ ខែកញ្ញាខាងមុខ ដោយក្រុម U23 កម្ពុជា ស្ថិតក្នុងពូលJ ជាមួយក្រុមម្ចាស់ផ្ទះអារ៉ាប់ប៊ីសាអូឌីត, លីបង់ និងម៉ុងហ្គោលី ។ ចំពោះកម្មវិធីប្រកួត បើកឆាក កម្ពុជា ត្រូវជួបលីបង់មុនគេ នាថ្ងៃទី០៦ ខែកញ្ញា មុនបន្ដជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា និងចុងក្រោយ ជួបក្រុមម្ចាស់ផ្ទះអារ៉ាប់ប៊ីសាអូឌីត នាថ្ងៃទី១២ ខែកញ្ញា ឆ្នាំ២០២៣ នេះ ៕ អត្ថបទ លីឈុនឡា

អ្នកចាំទី Man United, Andre Onana ត្រូវកោះហៅចូលក្រុមជម្រើសជាតិកាមេរូនឡើងវិញ

អ្នកចាំទីក្រុមបិសាចក្រហម Manchester United, Andre Onana ត្រូវបានកោះហៅចូលក្រុមជម្រើសជាតិកាមេរូនឡើងវិញ សម្រាប់ការប្រកួតវគ្គជម្រុះជើងឯកទ្វីបអាហ្វ្រិក។ ការប្រកាសកោះហៅ Onana ធ្វើឡើង ៩ ខែបន្ទាប់ពីត្រូវបានសហព័ន្ធបាល់ទាត់កាមេរូនដាក់ពិន័យអំឡុងពេល World Cup 2022 នៅកាតាឆ្នាំមុន។កីឡាករវ័យ ២៧ ឆ្នាំរូបនេះទើបផ្លាស់មកកាន់ Manchester United ពី Inter Milan កាលពីខែកក្កដា ដើម្បីមកជំនួសតំណែងជម្រើសដំបូងអ្នកចាំទីអេស្ប៉ាញ David de Gea ដែលទើបចាកចេញក្រោយចំណាយពេល ១២ ឆ្នាំនៅ Old Trafford។អំឡុង World Cup 2022, Andre Onana មានទំនាក់ទំនងមិនល្អជាមួយគ្រូបង្វឹកកាមេរូន Rigobert Song និងបានដកខ្លួនពីក្រុមជម្រើសជាតិហោះហើរមកកាន់កាមេរូនមុន។ Onana ក្រោយមកក៏បានប្រកាសចូលនិវត្តន៍ពីក្រុមជម្រើសជាតិក្រោយសហព័ន្ធបាល់ទាត់ប្រកាសដាក់ពិន័យ។កាមេរូនស្ថិតក្នុងពូល C នៃវគ្គជម្រុះកំពុងឈរលេខ ២ ក្នុងពូលក្រោយលេងបាន ៣ ប្រកួតរកបាន ៤ ពិន្ទុនៅពីក្រោមណាមីប៊ី ១ ពិន្ទុ៕ អត្ថបទ៖នាង សុភាវុធ

ខ្សែការពារប៊ែលហ្ស៊ិក Timothy Castagne ចាកចេញពី Leicester មកកាន់ Fulham

ក្លិបបាល់ទាត់ Fulham បានសំរេចក្នុងការចុះហត្ថលេខានាំយកខ្សែការពារប៊ែលហ្ស៊ិក Timothy Castagne ពីក្លិបដែលធ្លាក់ទៅហើយ Leicester City។កីឡាករវ័យ ២៧ ឆ្នាំបានចុះហត្ថលេខារយៈពេល ៤ ឆ្នាំក្រោយចំណាយពេល ៣ ឆ្នាំនៅ Leicester City។Timothy Castagne បង្ហាញខ្លួនសរុបឱ្យ Leicester City ១១២ ប្រកួតរកបាន ៥ គ្រាប់ និងជាប់ជម្រើសដំបូងជានិច្ច ៣៧ ប្រកួតនៅ Premier League រដូវកាលមុនតែ Leicester មិនអាចរក្សាខ្លួននៅក្របខណ្ឌកំពូលបាន។ រដូវកាលថ្មីនេះ Castagne មិនទាន់បានចូលលេងឡើយនៅ Leicester City ក្រោមការដឹកនាំរបស់ Enzo Maresca មុនពេលទទួលបានការផ្លាស់មកកាន់ Fulham នេះ។Timothy Castagne បានក្លាយជាកីឡាករ ៤ ដែលផ្លាស់មកកាន់ Fulham រដូវកាលថ្មីនេះបន្ទាប់ពី Adama Traore, Raul Jimenez និង Calvin Bassey។Fulham កំពុងឈរលេខ ១២ នៅ Premier League រដូវកាលថ្មីនេះក្រោយ ៣ ប្រកួតឈ្នះ ១ ស្មើ ១ ចាញ់ ១ ខណៈសប្តាហ៍ទី ៤ នេះត្រូវធ្វើដំណើរទៅទឹកដី Manchester City៕ អត្ថបទ៖នាង សុភាវុធ

បេសកកម្មដំបូងរបស់កីឡាបាញ់កាំភ្លើង ក្រោមការដឹកនាំរបស់ប្រធានថ្មី

សហព័ន្ធកីឡាបាញ់កាំភ្លើងកម្ពុជា បានបញ្ជូនកីឡាករ ១២នាក់ ចូលរួមការប្រកួតអន្ដរជាតិ Bali IPSC Open 2023 (Level3) នៅប្រទេសឥណ្ឌូនេស៊ី ដែលទើបបញ្ចប់នាដើមសប្ដាហ៍នេះ ។ នេះគឺជាបេសកកម្មដំបូងរបស់ក្រុមកីឡាបាញ់កាំភ្លើងកម្ពុជា ក្រោមការដឹកនាំរបស់ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ ដែលជាប្រធានសហព័ន្ធថ្មី ។តាមការបញ្ជាក់របស់មន្ដ្រីសហព័ន្ធ ព្រឹត្តិការណ៍អន្ដរជាតិនេះ មានកីឡាករ-កីឡាការិនី ៣៩០នាក់ មកពី ១២ប្រទេសចូលរួម ដូចជាអូស្ដ្រាលី កាណាដា ហុងកុង ថៃ កូរ៉េខាត្បូង ហ្វីលីពីន ស្លូវ៉ានា អាហ្វ្រីកខាងត្បូង អាមេរិក កម្ពុជា និងម្ចាស់ផ្ទះឥណ្ឌូនេស៊ី ដែលធ្វើការប្រកួតលើ ១៨វិញ្ញាសា ក្នុងនោះក៏មានវត្តមានកីឡាករកម្ពុជាចំនួន ១២នាក់ផងដែរ ដើម្បីពង្រឹង និងដុសខាត់សមត្ថភាពឲ្យកាន់តែរីកចម្រើន ។សូមបញ្ជាក់ថា ក្រោមការដឹកនាំរបស់ប្រធានថ្មី ឯកឧត្តម សុខ ពុទ្ធិវុធ បានដាក់នូវគោលដៅចម្បង គឺត្រូវបន្ដពង្រឹងសាមគ្គីផ្ទៃក្នុងសហព័ន្ធ ជាពិសេសយកចិត្តទុកដាក់ ក្នុងការជំរុញ និងផលិតធនធានកីឡាករគ្របវ័យប្រកបដោយសក្ដានុពល ធានាបាននូវការអភិវឌ្ឍន៍លឿន និងរីកចម្រើនដោយជំនាញ ដូចបណ្ដាប្រទេសជិតខាង ដើម្បីត្រៀមចូលរួមប្រកួតប្រជែងទាំងថ្នាក់ជាតិ និងអន្ដរជាតិនានា៕ អត្ថបទ៖ លី ឈុនឡា

Everton ទិញបានខ្សែប្រយុទ្ធព័រទុយហ្កាល់ Beto ពី Udinese តម្លៃ ៣០ លានផោន

ក្លិបបាល់ទាត់អង់គ្លេស Everton បានសំរេចក្នុងការចុះហត្ថលេខានាំយកខ្សែប្រយុទ្ធព័រទុយហ្កាល់ Beto ពីក្លិបអ៊ីតាលី Udinese តម្លៃប្រមាណ ៣០ លានផោន។កីឡាករវ័យ ២៥ ឆ្នាំរូបនេះបានចុះហត្ថលេខារយៈពេល ៤ ឆ្នាំនៅកីឡដ្ឋាន Goodison Park ក្លាយជាកីឡាករទី ៥ ដែលផ្លាស់មកកាន់ Everton រដូវក្តៅនេះ។Everton សង្ឃឹមថា Beto ដែលស៊ុតបញ្ចូលទីបាន ១០ គ្រាប់ឱ្យ Udinese រដូវកាលមុននឹងអាចជួយនៅតំបន់ប្រយុទ្ធដែលកំពុងរកគ្រាប់បាល់មិនបានសោះគិតត្រឹម ៣ សប្តាហ៍នៅ English Premier League រដូវកាលនេះ។ Beto បានឱ្យដឹងថា ការផ្លាស់មកកាន់ Everton មិនមែនជាការពិបាកសំរេចចិត្តឡើយ តែគឺជាការដើរតាមនិមិត្តរូបរបស់ខ្លួនម្នាក់ដែលធ្លាប់ជាខ្សែប្រយុទ្ធនៅទីនេះដែរគឺខ្សែប្រយុទ្ធកាមេរូន Samuel Eto’o។Everton ដែលស្ថិតក្រោមការដឹកនាំរបស់លោក Sean Dyche កំពុងឈរបាតតារាងនៅ Premier League ក្រោយចាញ់ទាំង ៣ ប្រកួត។ Everton រដូវកាលនេះបាននាំយកកីឡាករបួននាក់មុន Beto មកដល់រួមមានខ្សែប្រយុទ្ធវ័យ ១៩ ឆ្នាំព័រទុយហ្កាល់ Youssef Chermiti ពី Sporting Lisbon តម្លៃ ១៥ លានផោន ជើងចាស់ Ashley Young ខ្សែប្រយុទ្ធ Arnaut Danjuma និង Jack Harrison ក្នុងលក្ខខណ្ឌខ្ចី៕ អត្ថបទ៖នាង សុភាវុធ

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល

កីឡាករប្រណាំងកង់អូស្រ្តាលី Kaden Groves បានប្រជែងឈ្នះដំណាក់កាលទី ៤ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana នៅទឹកដីអេស្ប៉ាញ តែអ្នកនាំមុខគេក្នុងតារាងរួមនៅតែជាកីឡាករប៊ែលហ្ស៊ិក Remco Evenepoel ដដែល។ដំណាក់កាលទី ៤ ដែលមានចំងាយផ្លូវ ១៨៣.៤ គីឡូម៉ែត្រឆ្លងពីប្រទេសអង់ដូរ៉ាចូលមកប្រទេសអេស្ប៉ាញ កីឡាកររបស់ក្រុម Alpecin-Deceuninck បានមកដល់ទីព្រ័ត្រមុនគេប្រើពេល ៤ ម៉ោង ៥ នាទី ៤១ វិនាទី តាមពីក្រោយដោយកីឡាករកូឡុំប៊ី Sebastian Molano លេខ ២ និងលេខ ៣ កីឡាករប៊ែលហ្ស៊ិក Edward Theuns។ សម្រាប់ដំណាក់កាលទី ៤ នេះមិនមានការប្រែប្រួលលទ្ធផលច្រើនឡើយដោយក្រុមភាគច្រើនសុទ្ធតែប្រើពេលបញ្ចប់ទីដូចគ្នា។ ក្រោយ ៤ ដំណាក់កាលនេះ កីឡាករប៊ែលហ្ស៊ិក Remco Evenepoel របស់ក្រុម Soudal-Qucik-Step នៅតែបន្តនាំមុខគេដដែលមានវេលាចំនេញ ៥ វិនាទីពីអ្នកលេខ ២ កីឡាករអេស្ប៉ាញ Enric Mas និងលេខ ៣ កីឡាករបារាំង Lenny Martinez យឺតជាង ១១ វិនាទី។សម្រាប់ដំណាក់កាលទី ៥ ថ្ងៃពុធនេះមានចំងាយផ្លូវ ១៨៥.៧ គីឡូម៉ែត្រ៕ អត្ថបទ៖នាង សុភាវុធ

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

ព្រឹត្តិការណ៍វាយកូនបាល់ Grand Slam, US Open បានចាប់ផ្តើមនៅថ្ងៃចន្ទម្សិលមិញ ខណៈការប្រកួតផ្នែកនារី កីឡាការិនីលំដាប់លេខ ១ ពិភពលោក Iga Swiatek ឆ្លងផុតជុំដំបូង។កីឡាការិនីប៉ូឡូញរូបនេះបានយកឈ្នះដោយមិនលំបាកលើកីឡាការិនីស៊ុយអែត Rebecca Peterson ដោយលទ្ធផល ៦-០ និង ៦-១ ប្រើពេលត្រឹម ៥៨ នាទីប៉ុណ្ណោះ។ ផ្ទុយពី Iga Swiatek កីឡាការិនីក្រិក Maria Sakkari វិញបានធ្លាក់ចេញត្រឹមជុំទី ១ ប៉ុណ្ណោះក្រោយរងបរាជ័យក្រោមស្នាដៃកីឡាការិនីលំដាប់លេខ ៧១ ពិភពលោក Rebeka Masarova សញ្ជាតិអេស្ប៉ាញដោយលទ្ធផល ៦-៤ និង ៦-៤។ លទ្ធផលផ្សេងទៀតមានដូចជា Beatriz Haddad Maia យកឈ្នះជើងឯកឆ្នាំ ២០១៧ Sloane Stephens និង Elene Rybakina ឡើងជុំទី ២ បន្តក្រោយយកឈ្នះកីឡាការិនីអ៊ុយក្រែន Marta Kostyuk ៦-២ និង ៦-១៕ អត្ថបទ៖នាង សុភាវុធ

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

កីឡាករវាយកូនបាល់ដាណឺម៉ាក Holger Rune បានរងបរាជ័យភ្ញាក់ផ្អើលត្រឹមជុំដំបូងនៃព្រឹត្តិការណ៍ Grand Slam, US Open ក្រោយចាញ់កីឡាករលំដាប់លេខ ៦៣ ពិភពលោក Roberto Carballes សញ្ជាតិអេស្ប៉ាញ។កីឡាករវ័យ ២០ ឆ្នាំរូបនេះចាញ់ដោយលទ្ធផល ៦-៣ ៤-៦ ៦-៣ និង ៦-២ បន្ទាប់ពីកីឡាករដាណឺម៉ាករូបនេះ ក៏ធ្លាប់រិះគន់ទីលានប្រកួតដែរ មុនការប្រកួតមកដល់។ Holger Rune ធ្លាប់ឡើងដល់វគ្គ ៨ នាក់ចុងក្រោយ Wimbledon កាលពីខែកក្កដា តែក្រោយមកលេងបានតែ ២ ប្រកួតប៉ុណ្ណោះដោយសារបញ្ហារបួស។ងាកមកកីឡាករអូទ្រីស Dominic Thiem មិនមានបញ្ហាឡើយក្រោយយកឈ្នះកីឡាករលំដាប់លេខ ២៥ Alexander Bublik ដែលជាជ័យជំនះដំបូងនៅ Grand Slam ក្នុងរយៈពេលជាង ២ ឆ្នាំ។ជ័យជំនះចុងក្រោយបំផុតនៅ Grand Slam របស់កីឡាករវ័យ ២៩ ឆ្នាំរូបនេះគឺឈ្នះ និងឡើងដល់ជុំទី ៤ Grand Slam, Australian Open កាលពីឆ្នាំ ២០២១។ ជុំទី ២ Dominic Thiem នឹងជួបកីឡាករម្ចាស់ផ្ទះអាមេរិកដែលកំពុងរះ Ben Shelton។ ចំណែកឯជើងឯករងឆ្នាំមុន Casper Ruud ក៏មិនមានបញ្ហាដែរក្រោយយកឈ្នះកីឡាករម្ចាស់ផ្ទះអាមេរិក Emilio Nava តានតឹង ៧-៦(៧-៥) ៣-៦ ៦-៤ និង ៧-៦(៧-៥)៕ អត្ថបទ៖នាង សុភាវុធ

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

ខ្សែបម្រើ Wolverhampton, Matheus Nunes មិនបានចូលរួមហ្វឹកហាត់ជាមួយក្លិបឡើយដោយមានបំណងចង់ផ្លាស់ទៅកាន់ Manchester City។ក្រុមនាំមុខគេនៅ Premier League បច្ចុប្បន្ន Manchester City បានដាក់សំណើ ៤៧ លានផោនចង់បានកីឡាករវ័យ ២៥ ឆ្នាំព័រទុយហ្កាល់រូបនេះកាលពីសប្តាហ៍មុន តែសំណើនោះត្រូវបាន Wolves បដិសេធ។ យ៉ាងណាក្តី Wolves ត្រូវបានគេរំពឹងថានឹងសុំតម្លើងថ្លៃផ្ទេរនេះ មុនពេលទីផ្សារទិញដូរកីឡាករបិទបញ្ចប់នៅថ្ងៃសុក្រខាងមុខនេះពោលគឺតម្លៃ ៦០ លានផោនអាចនឹងព្រមព្រៀង។ កីឡាករវ័យ ២៤ ឆ្នាំរូបនេះទើបមកដល់ Wolves ពី Sporting Lisbon រដូវកាលមុនក្នុងតម្លៃផ្ទេរ ៣៨ លានផោនថ្លៃបំផុតក្នុងប្រវត្តិសាស្រ្តក្លិប និងបានចុះហត្ថលេខារយៈពេល ៥ ឆ្នាំ។ Man City កំពុងរកអ្នកបំពេញចំនុចខ្វះខាតនៅតំបន់បម្រើកណ្តាល បន្ទាប់ពីកីឡាករនាំលេងប៊ែលហ្ស៊ិក Kevin de Bruyne មានរបួសត្រូវសម្រាកយ៉ាងហោចណាស់ ៤ ខែ។ City ថែមទាំងចាប់អារម្មណ៍ខ្សែបម្រើស្លាប Crystal Palace ផងដែរគឺកីឡាករវ័យ ២៥ ឆ្នាំ Eberechi Eze ដែលទើបបង្ហាញខ្លួនឱ្យក្រុមជំរើសជាតិអង់គ្លេសលើកដំបូងកាលពីខែមិថុនា។ សម្រាប់ Wolverhampton រដូវក្តៅនេះបានលក់ចេញប្រធានក្រុម Ruben Neves ទៅ Al-Hilal តម្លៃ ៤៧ លានផោន និងខ្សែប្រយុទ្ធ Raul Jimenez ទៅកាន់ Fulham តម្លៃ ៥ លានផោន៕ អត្ថបទ៖នាង សុភាវុធ

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

សហព័ន្ធកីឡាបាល់ទាត់កម្ពុជា(FFC) បានបង្ហាញបញ្ជីឈ្មោះកីឡាករក្រុមជម្រើសជាតិអាយុក្រោម ២៣ឆ្នាំកម្ពុជា ដើម្បីប្រមូលផ្ដុំហ្វឹកហាត់ត្រៀមការប្រកួតវគ្គជម្រុះពានរង្វាន់ AFC U23 Asian Cup Qatar 2024 ពូលJ នៅប្រទេសអារ៉ាប៊ីសាអូឌីតហើយ ដោយការប្រកួតនឹងធ្វើឡើងចាប់ពីថ្ងៃទី០៦ ដល់ថ្ងៃទី១២ ខែកញ្ញា ឆ្នាំ២០២៣ ខាងមុខ ។ប៉ុន្ដែបេសកកម្មរបស់ក្រុមគោព្រៃជំទង់កម្ពុជាលើកនេះ នឹងដឹកនាំដោយគ្រូបង្វឹកជនជាតិជប៉ុនលោក Koji Gyotoku ជំនួសលោក Felix Dalmas ដែលជាប់ភារកិច្ចដឹកនាំក្រុមជម្រើសជាតិកម្ពុជា ត្រៀមការប្រកួតមិត្តភាពអន្ដរជាតិ ២ប្រកួត ជាមួយក្រុមភ្ញៀវហុងកុង នាថ្ងៃទី០៧ ខែកញ្ញា និងជួបក្រុមភ្ញៀវម៉ាកាវ នាថ្ងៃទី១១ ខែកញ្ញាខាងមុខ ។អ្វីដែលគួរឲ្យកត់សម្គាល់ទៀតនោះ គឺសមាសភាពកីឡាករ ដែលត្រៀមប្រកួតជម្រុះជើងឯកយុវជនអាស៊ីនាពេលខាងមុខ មានការផ្លាស់ប្ដូរស្ទើរពាក់កណ្ដាលក្រុម នៃកីឡាករ ដែលបានចូលរួមប្រកួតជើងឯកយុវជនអាស៊ាន AFF U23 Champinship 2023 នៅប្រទេសថៃ កាលពីថ្មីៗ ។យោងតាមបញ្ជីឈ្មោះកីឡាករ ២៣រូប ដែលបានបង្ហាញនៅថ្ងៃទី២៨ ខែសីហា រួមមានសមាជិកក្រុមព្រះខ័នរាជស្វាយរៀង ៣នាក់, ណាហ្គាវើលដ៏ ៤នាក់, អង្គរថាយហ្គឺរ ៣នាក់, វិសាខា ៥នាក់, បឹងកេត ២នាក់, ព្រៃវែង ២នាក់, ភ្នំពេញក្រោនម្នាក់, គិរីវង់សុខសែនជ័យម្នាក់, ISI ដង្កោសែនជ័យម្នាក់ និងសាលាបាល់ទាត់ជាតិបាទីម្នាក់ ។សម្រាប់បេសកកម្ម នៃការប្រកួតជម្រុះ AFC U-23 Asian Cup 2024 ក្រុមជម្រើសជាតិ U23 កម្ពុជា គឺស្ថិតក្នុងពូលJ ជាមួយក្រុមម្ចាស់ផ្ទះអារ៉ាប់ប៊ីសាអូឌីត, លីបង់ និងក្រុមជម្រើសជាតិ U23 ម៉ុងហ្គោលី ។ ចំពោះកម្មវិធីប្រកួត ក្រុមគោព្រៃជំទង់កម្ពុជា នឹងត្រូវលីបង់មុនគេ នាថ្ងៃទី០៦ ខែកញ្ញា មុនបន្ដជួបក្រុម U23 ម៉ុងហ្គោលី នាថ្ងៃទី០៩ ខែកញ្ញា និងចុងក្រោយ ជួបក្រុមម្ចាស់ផ្ទះអារ៉ាប់ប៊ីសាអូឌីត នាថ្ងៃទី១២ ខែកញ្ញា ឆ្នាំ២០២៣ ខាងមុខ ។គួរដឹងថា ការប្រកួតវគ្គជម្រុះ នៃព្រឹត្តិការណ៍បាល់ទាត់យុវជនប្រចាំទ្វីបអាស៊ីនេះ គឺមាន ៤៣ក្រុមចូលរួម និងបែងចេញជា ១១ពូល ដើម្បីធ្វើការប្រកួតជម្រុះ ចាប់ពីថ្ងៃទី០៤-១២ ខែកញ្ញា ឆ្នាំ២០២៣ ហើយចម្រាញ់រកក្រុមកំពូលតារាង នៃពូលនីមួយៗ ព្រមទាំងក្រុមលេខ២ ល្អជាងគេ ៤ក្រុម ឡើងទៅជុំផ្ដាច់ព្រ័ត្រ ជាមួយក្រុមម្ចាស់ផ្ទះកាតា ដែលគ្រោងធ្វើការប្រកួតវគ្គ ១៦ក្រុមចុងក្រោយ ចាប់ពីថ្ងៃទី១៥ ខែមេសា ដល់ថ្ងៃទី០៣ ខែឧសភា ឆ្នាំ២០២៤ ខាងមុខ ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

U23 កម្ពុជា ចាប់ផ្ដើមហ្វឹកហាត់ ត្រៀមប្រកួតជម្រុះ AFC U23 Asian Cup Qatar 2024

អ្នកចាំទី Man United, Andre Onana ត្រូវកោះហៅចូលក្រុមជម្រើសជាតិកាមេរូនឡើងវិញ

ខ្សែការពារប៊ែលហ្ស៊ិក Timothy Castagne ចាកចេញពី Leicester មកកាន់ Fulham

បេសកកម្មដំបូងរបស់កីឡាបាញ់កាំភ្លើង ក្រោមការដឹកនាំរបស់ប្រធានថ្មី

Everton ទិញបានខ្សែប្រយុទ្ធព័រទុយហ្កាល់ Beto ពី Udinese តម្លៃ ៣០ លានផោន

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

U23 កម្ពុជា ចាប់ផ្ដើមហ្វឹកហាត់ ត្រៀមប្រកួតជម្រុះ AFC U23 Asian Cup Qatar 2024

អ្នកចាំទី Man United, Andre Onana ត្រូវកោះហៅចូលក្រុមជម្រើសជាតិកាមេរូនឡើងវិញ

ខ្សែការពារប៊ែលហ្ស៊ិក Timothy Castagne ចាកចេញពី Leicester មកកាន់ Fulham

បេសកកម្មដំបូងរបស់កីឡាបាញ់កាំភ្លើង ក្រោមការដឹកនាំរបស់ប្រធានថ្មី

Everton ទិញបានខ្សែប្រយុទ្ធព័រទុយហ្កាល់ Beto ពី Udinese តម្លៃ ៣០ លានផោន

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខ​នៅដដែល

Grand Slam, US Open ចាប់ផ្តើមខណៈ Iga Swiatek ឈ្នះតែ Maria Sakkari ធ្លាក់ត្រឹមជុំទី ១

Holger Rune ធ្លាក់ជុំដំបូងតែ Dominic Thiem និង Casper Ruud ទៅជុំបន្ត US Open

Matheus Nunes ឈប់ហ្វឹកហាត់ជាមួយ Wolves ចង់ផ្លាស់ទៅកាន់ Manchester City

U23 កម្ពុជាផ្លាស់ប្ដូរកីឡាករស្ទើរពាក់កណ្ដាល ត្រៀមការប្រកួតជម្រុះ AFC U23 Asian Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករអូស្រ្តាលី Kaden Groves ឈ្នះដំណាក់កាលទី ៤ Vuelta a Espana តែអ្នកនាំមុខនៅដដែល