BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

គ្រូបង្វឹកនៃក្រុមជម្រើសជាតិអារ៉ាប៊ីសាអ៊ូឌីតថ្មីលោក Roberto Mancini បានដាក់គោលដៅក្នុងការដណ្តើមជើងឯក AFC Asian Cup ជាលើកដំបូងក្នុងរយៈពេល ២៧ ឆ្នាំសម្រាប់ក្រុមជម្រើសជាតិអារ៉ាប៊ីសាអ៊ូឌីត។ការលើកឡើងបែបនេះធ្វើឡើងក្នុងសន្និសីតសារព័ត៌មានផ្លូវការ បង្ហាញគ្រូបង្វឹកថ្មីដោយសហព័ន្ធកីឡាបាល់ទាត់ អារ៉ាប៊ីសាអ៊ូឌីត SAFF នៅរាជធានី Riyadh ប្រទេសអារ៉ាប៊ីសាអ៊ូឌីតថ្ងៃចន្ទម្សិលមិញ។ បុរសវ័យ ៥៨ ឆ្នាំរូបនេះបានដឹកនាំក្រុមជម្រើសជាតិអ៊ីតាលីឈ្នះជើងឯក Euro ២០២០ ដោយយកឈ្នះអង់គ្លេសនៅវគ្គផ្តាច់ព្រ័ត្រដោយបាល់ ១១ ម៉ែត្រកាត់សេចក្តីនៅកីឡដ្ឋាន Wembley របស់អង់គ្លេស។មិនតែប៉ុណ្ណោះអ៊ីតាលីក៏បានបំបែកកំណត់ត្រាពិភពលោក ក្រោយលេងមិនចាញ់សោះ ៣៧ ប្រកួតជាប់គ្នា តែនៅតែមិនអាចមានកៅអីនៅ World Cup ២០២២ នៅកាតាឆ្នាំមុន។អារ៉ាប៊ីសាអ៊ូឌីតក្រោមការដឹកនាំរបស់លោក Herve Renard កន្លងមកបានយកឈ្នះអាហ្សង់ទីនប្រកួតដំបូងក្នុងពូលនៅ World Cup ឆ្នាំមុនគួរឱ្យភ្ញាក់ផ្អើល តែមិនអាចឆ្លងផុតវគ្គចែកពូលឡើយ។លោក Roberto Mancini បានសំរេចចុះហត្ថលេខាដឹកនាំក្រុមអារ៉ាប៊ីសាអ៊ូឌីតដល់ឆ្នាំ ២០២៧ ហើយការប្រកួតក្នុងតំណែងដំបូងគឺដឹកនាំក្រុមប្រកួតមិត្តភាពនៅថ្ងៃទី ៨ ខែកញ្ញាខាងមុខទល់នឹងកូស្តារីកានៅកីឡដ្ឋាន St. James Park របស់ Newcastle។ រំលឹកដែរថាលោក Mancini ធ្លាប់ដឹកនាំ Manchester City ឈ្នះជើងឯក English Premier League លើកដំបូងក្នុងប្រវត្តិសាស្រ្តក្លិបកាលពីឆ្នាំ ២០១២ ហើយក៏ធ្លាប់ចំណាយពេលដឹកនាំក្លិបអាជីពមួយចំនួនទៀតដូចជា Fiorentina, Lazio, Inter Milan, Galatasaray និង Zenit St. Petersburg៕ អត្ថបទ៖នាង សុភាវុធ

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករ នៃក្រុមជម្រើសជាតិកម្ពុជា ដើម្បីប្រមូលផ្ដុំហ្វឹកហាត់ត្រៀមការប្រកួតមិត្តភាពអន្ដរជាតិ ជាមួយក្រុមហុងកុង និងម៉ាកាវ នាខែក្រោយហើយ ដោយលោក Felix Dalmas គ្រូបង្វឹកក្រុមគោព្រៃកម្ពុជា បានកោះហៅកីឡាករ ២៦នាក់ ដើម្បីត្រៀមការប្រកួតទាំងពីរនេះ ។ក្នុងបញ្ជីឈ្មោះកីឡាករ ដែលត្រូវបានកោះហៅលើកនេះ មានកីឡាករមួយចំនួន បានត្រឡប់មកកាន់កៅអីជម្រើសជាតិវិញ ក្រោយខកខានជាយូរ ខណៈកីឡាករវ័យក្មេងមួយចំនួន ក៏ត្រូវបានផ្ដល់ឱកាស ក្នុងការប្រកួតមិត្តភាព ដែលជាការត្រៀមឆ្ពោះទៅការប្រកួតជម្រុះពានរង្វាន់បាល់ទាត់ពិភពលោក នាពេលខាងមុខផងដែរ ។សម្រាប់កីឡាករ ២៦រូប ដែលត្រូវបានកោះហៅ រួមមានកីឡាករ សៀង ចន្ធា ដែលកំពុងប្រកបអាជីពជាមួយក្លិប Shahania Sports Club នៃលីគទី២ កាតា ។ កីឡាករ សឿយ វិសាល, គួច ដានី និង ថេឡរ ឌឿង នីកូឡាស មកពីព្រះខ័នរាជស្វាយរៀង ។ កីឡាករ វ៉ាន់ តៃឡាម៉ី, ជា វេសលី, ចាន់ វឌ្ឍនាកា, ចន្ថា ចន្ទាកា, ឃាន់ សុប៉ិន និង កាន់ ពិសាល មកពីក្លិបបឹងកេត ។កីឡាករ ឈង់ ប៊ុនណា និង គួច សុកុម្ភៈ មកពីណាហ្គាវើលដ៍ ។ កីឡាករ អ៊ន ចាន់ប៊ូលីន, លឹម ពិសុទ្ធ, យ៉ើ មូស្លីម, ផាច សុជាវីឡា និង ជួន ចាន់ចាវ មកពីភ្នំពេញក្រោន ។ កីឡាករ គីម ចាន់វាសនា និង គង់ លីហ៊ួរ មកពីព្រៃវែងអេហ្វស៊ី ព្រមទាំងកីឡាករ ហ៊ុល គឹមហ៊ុយ, អ៊ិន សូដាវីដ, អ៊ុក សុវណ្ណ, ស៊ិន សុផាណាត់, កែវ សុខសិលា, រ៉ឹង ប៊ុនហៀង និង ស៊ិន កក្កដា មកពីវិសាខា ។តាមការបញ្ជាក់របស់មន្ដ្រីសហព័ន្ធ ក្រុមជម្រើសជាតិកម្ពុជា គ្រោងនឹងធ្វើការប្រមូលផ្ដុំហ្វឹកហាត់ នៅថ្ងៃទី៣០ ខែសីហាស្អែកនេះ ដើម្បីត្រៀមការប្រកួតមិត្តភាពអន្ដរជាតិទាំង ២ប្រកួត នៅពហុកីឡដ្ឋានជាតិអូឡាំពិក ពោលគឺត្រូវជួបក្រុមហុងកុង នាថ្ងៃទី០៧ ខែកញ្ញា និងជួបក្រុមម៉ាកាវ នាថ្ងៃទី១១ ខែកញ្ញាខាងមុខ៕ អត្ថបទ៖ លី ឈុនឡា

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

ខ្សែប្រយុទ្ធតោខៀវ Chelsea ដែលស្ថិតនៅក្រៅជម្រើស Romelu Lukaku នឹងផ្លាស់ទៅចូលរួមជាមួយក្លិបអ៊ីតាលី AS Roma ក្នុងកិច្ចសន្យាខ្ចីជើងពេញមួយរដូវកាល។កិច្ចព្រមព្រៀងខ្ចីនេះ Roma ត្រូវបង់ថ្លៃ ៨ លានផោនមកកាន់ Chelsea ហើយ Roma នឹងរ៉ាប់រងប្រាក់ឈ្នួលរបស់កីឡាករវ័យ ៣០ ឆ្នាំរូបនេះពេញមួយរដូវកាលផងដែរ។ជុំវិញរឿងនេះដែរ Inter Milan ធ្លាប់សង្ឃឹមថា Lukaku នឹងមិនស្ថិតក្នុងគម្រោងរបស់អ្នកចាត់ការ Chelsea, Mauricio Pochettino រដូវកាលនេះ ដើម្បីយកកីឡាករប៊ែលហ្ស៊ិករូបនេះត្រលប់មក Serie A វិញក្នុងលក្ខខណ្ឌខ្ចីជើង។ផ្ទុយទៅវិញ Lukaku ក៏ធ្លាប់មិនសប្បាយចិត្តជាមួយគ្រូបង្វឹក Inter Milan លោក Simone Inzaghi ផងដែរ ដែលមិនបានដាក់រូបគេចូលលេងជម្រើសដំបូងនៅវគ្គផ្តាច់ព្រ័ត្រ UEFA Champions League ចាញ់ Manchester City រដូវកាលមុន។អ៊ីតាលីនៅតែគោលដៅរបស់ Lukaku ដដែល ខណៈការផ្លាស់ទៅកាន់ AS Roma នឹងឃើញរូបគេរួបរួមជាមួយ លោក Jose Mourinho វិញ បន្ទាប់ពីអ្នកទាំងពីរធ្លាប់រួមការងារនឹងគ្នានៅ Manchester United ផ្លាស់ពី Everton កាលពីឆ្នាំ ២០១៧។រំលឹកថា Romelu Lukaku បានផ្លាស់ត្រលប់មកកាន់ Chelsea ពី Inter Milan នៅឆ្នាំ ២០២១ ក្នុងតម្លៃ ៩៧.៥ លានផោនកិច្ចសន្យា ៥ ឆ្នាំ តែមិនអាចសម្របខ្លួននៅ Stamford Bridge បាន។Romelu Lukaku ធ្លាប់ស៊ុតបញ្ចូលទីសរុប ១៥ គ្រាប់ក្នុងការបង្ហាញខ្លួន ៥៩ ប្រកួតឱ្យ Chelsea និងឈរលេខ ២០ នៅ Premier League នៃតារាងអ្នកស៊ុតបញ្ចូលទីច្រើនជាងគេសរុប ១២១ គ្រាប់៕ អត្ថបទ៖នាង សុភាវុធ

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

ក្រុមអេស្ប៉ាញ Atletico Madrid បានបំបែកកំណត់ត្រាមួយនៅក្របខណ្ឌបាល់ទាត់អេស្ប៉ាញ La Liga នៅយប់ថ្ងៃចន្ទម្សិលមិញក្រោយយកឈ្នះនៅទឹកដី Rayo Vallecano ៧-០ ដែលជាជ័យជំនះធំបំផុតនៅក្រៅដីមិនធ្លាប់មានពីមុនមក។ ក្រុមរបស់លោក Diego Simeone បាននាំមុខមុន ៣-០ ទៅហើយនៅត្រឹម ៣៦ នាទីដោយគ្រាប់បាល់របស់កីឡាករ ៣ នាក់រួមមាន Antoine Griezmann, Memphis Depay និង Mahuel Molina។ ឈានចូលវគ្គទីពីរ ៤ គ្រាប់ទៀតកើតឡើងត្រឹម ១៣ នាទីប៉ុណ្ណោះដោយ Alvaro Morata ពីរគ្រាប់ Angel Correa និង Marcos Llorente ម្នាក់មួយគ្រាប់។ ជ័យជំនះនេះធ្វើឱ្យ Atletico Madrid ឡើងឈរលេខ ២ ក្នុងតារាងមាន ៧ ពិន្ទុតាមពីក្រោយ Real Madrid ដែលមាន ៩ ពិន្ទុក្រោយឈ្នះទាំង ៣ ប្រកួត។ អ្វីដែលជាបញ្ហាតែមួយសម្រាប់ Atletico Madrid នោះគឺ បាត់បង់ Memphis Depay ដែលមានរបួស ប្តូរចេញតាំងពីវគ្គទី ១។ សូមរំលឹកថានេះជាលើកទី ២ ដែល Atletico Madrid ឈ្នះគូប្រកួត ៧ គ្រាប់បែបនេះនៅ La Liga ក្នុងសតវត្សទី ២១ នេះ បន្ទាប់ពីធ្លាប់ឈ្នះ Getafe ៧-០ បែបនេះដែរកាលពីឆ្នាំ ២០១៣៕ អត្ថបទ៖នាង សុភាវុធ

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

កីឡាករប្រណាំងកង់ប៊ែលហ្ស៊ិក Remco Evenepoel បានប្រជែងឈ្នះដំណាក់កាលទី ៣ នៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana តែបញ្ចប់ដោយបែកភ្នែកហូរឈាមក្រោយជិះបុកអ្នកគាំទ្រ។ដំណាក់កាលទី ៣ ដែលមានចំងាយផ្លូវ ១៥៨.៥ គីឡូម៉ែត្រប្រណាំងនៅក្នុងប្រទេសអង់ដូរ៉ានៅឡើយ អ្នកការពារតំណែងជើងឯករូបនេះបានមកដល់ទីព្រ័ត្រមុនគេប្រើពេល ៤ ម៉ោង ១៥ នាទី ៣៩ វិនាទី តាមពីក្រោយដោយកីឡាករដាណឺម៉ាក Jonas Vingegaard ១ វិនាទី លេខ ៣ កីឡាករអេស្ប៉ាញ Juan Ayuso លេខ ៤ កីឡាករស្លូវេនី Primoz Roglic និងលេខ ៥ កីឡាករអេស្ប៉ាញ Marc Soler សុទ្ធតែតាមពីក្រោយ ១ វិនាទី។ជាមួយគ្នានោះដែរកីឡាកររបស់ក្រុម Soudal-Quick Step, Evenepoel នៅពេលដល់ទីព្រ័ត្រភ្លាមក៏ជិះហួសទៅបុកនឹងអ្នកគាំទ្រជានារីម្នាក់ បណ្តាលឱ្យបែកឈាមនៅក្បែរភ្នែកស្តាំ។ នេះជាថ្ងៃទី ៣ ហើយដែលប្រណាំងកង់ Vuelta a Espana ជួបនឹងបញ្ហា បន្ទាប់ពីពីរដំណាក់កាលដំបូងមានការរំខាន និងពន្យាពេលដោយសារបញ្ហាភ្លៀងធ្លាក់ខ្លាំង។យ៉ាងណាក្តីក្រោយ ៣ ដំណាក់កាលនេះ កីឡាករប៊ែលហ្ស៊ិក Remco Evenepoel នៅតែបន្តនាំមុខគេដដែលមាន ៥ វិនាទីចំណេញពីអ្នកលេខ ២ កីឡាករអេស្ប៉ាញ Enric Mas និងលេខ ៣ កីឡាករបារាំង Lenny Martinez យឺតជាង ១១ វិនាទី។ សម្រាប់ដំណាក់កាលទី ៤ ថ្ងៃអង្គារនេះមានចំងាយផ្លូវ ១៨៣.៤ គីឡូម៉ែត្រឆ្លងដែនពីប្រទេសអង់ដូរ៉ាចូលប្រទេសអេស្ប៉ាញ៕ អត្ថបទ៖នាង សុភាវុធ

Sheffield United ទិញបានខ្សែប្រយុទ្ធ U21 អង់គ្លេស Cameron Archer តម្លៃ ១៨ លានផោន

ក្លិបបាល់ទាត់ Sheffield United បានសំរេចក្នុងការនាំយកខ្សែប្រយុទ្ធយុវជនអាយុក្រោម ២១ ឆ្នាំអង់គ្លេស Cameron Archer ពីក្លិបបាល់ទាត់ Aston Villa ក្នុងតម្លៃ ១៨ លានផោន។ កីឡាករវ័យ ២១ ឆ្នាំរូបនេះបានស៊ុតបញ្ចូលទី ១១ គ្រាប់ក្នុងការបង្ហាញខ្លួន ២០ ប្រកួតនៅ Middlesbrough ក្នុងកិច្ចសន្យាខ្ចីជើង មុនពេលស៊ុតបញ្ចូលទី ២ គ្រាប់ជួយក្រុមអង់គ្លេសលើកពានជើងឯកអឺរ៉ុបអាយុក្រោម ២១ ឆ្នាំ។Cameron Archer ជាកីឡាករដែលចេញពីថ្នាលយុវជន Aston Villa និងបានបង្ហាញខ្លួននៅក្រុមធំកាលពីខែសីហាឆ្នាំ ២០១៩ មុនពេលដែលក្លិបបញ្ចេញឱ្យក្លិបនៅ National League, Solihull Moors ខ្ចីនៅរដូវកាល ២០២០- ២០២១។ថ្វីបើ Cameron Archer បានបង្ហាញខ្លួនដំបូងនៅ Premier League ឱ្យ Aston Villa កាលពីខែវិច្ឆិកា ឆ្នាំ២០២១ តែក្រោយមក Archer ក៏បានចំណាយពេលជាកីឡាករខ្ចីជើងនៅ Preston និង Middlesbrough។ Cameron Archer បានក្លាយជាកីឡាករទី ៨ ហើយដែលផ្លាស់មកកាន់ Sheffield United ក្នុងរដូវកាលដែលឡើងមកលេងក្របខណ្ឌកំពូល English Premier League រដូវកាលនេះ។ Sheffield United ចាប់ផ្តើមរដូវកាលថ្មីនេះដោយចាញ់ Crystal Palace ថ្ងៃបើកឆាក មុនបន្តចាញ់នៅទឹកដីNottingham Forest និងចាញ់ក្រុមជើងឯក Manchester City ប្រផិតប្រផើយ ២-១ យប់មិញ៕ អត្ថបទ៖នាង សុភាវុធ

FIFA ពិន័យអតីតប្រធានសហព័ន្ធបាល់ទាត់អេស្ប៉ាញ Luis Rubiales រឿងថើបកីឡាការិនីអេស្ប៉ាញ

មិនទាន់ចប់រឿងឡើយ FIFA បានសំរេចពិន័យអតីតប្រធានសហព័ន្ធកីឡាបាល់ទាត់អេស្ប៉ាញលោក Luis Rubiales មិនឱ្យពាក់ព័ន្ធសកម្មភាពបាល់ទាត់រយៈពេល ៣ ខែ ជុំវិញរឿងថើបកីឡាការិនីអេស្ប៉ាញ។ លោក Rubiales អាយុ ៤៦ បានសំរេចលាលែងពីតំណែងជាប្រធានសហព័ន្ធបាល់ទាត់អេស្ប៉ាញ (RFEF) កាលពីចុងសប្តាហ៍កន្លងទៅ។FIFA បានបើកដំណើរការនីតិវិធីវិន័យលើលោក Rubiales កាលពីថ្ងៃសុក្រជុំវិញឧបទ្ទវហេតុជាមួយកីឡាការិនី Jenni Hermoso កាលពីថ្ងៃអាទិត្យសប្តាហ៍មុននៅទីក្រុងស៊ីដនី ដែលបានបង្កភាពចលាចលក្នុងចំណោមកីឡាការិនី និងអ្នកគាំទ្រ។ បន្ទាប់ពីក្រុមអេស្ប៉ាញឈ្នះ ១-០ លើក្រុមអង់គ្លេសក្នុងវគ្គផ្តាច់ព្រ័ត្រនៅទីក្រុងស៊ីដនីកាលពីថ្ងៃអាទិត្យ Rubiales បានឱបខ្សែបម្រើ Jennifer Hermoso និងថើបបបូរមាត់។រដ្ឋមន្ត្រីអេស្ប៉ាញទទួលបន្ទុកសមភាពលោកស្រី Irene Montero សរសេរលើបណ្តាញសង្គមភ្លាមៗបន្ទាប់ពីរបាយការណ៍នេះបានលេចឡើងថា "ភាពជាស្ត្រីកំពុងផ្លាស់ប្តូរអ្វីៗទាំងអស់"៕ អត្ថបទ៖នាង សុភាវុធ

ចាកចេញពីអ៊ីតាលី Roberto Mancini ត្រូវប្រកាសតែងតាំងជាអ្នកចាត់ការជម្រើសជាតិអារ៉ាប៊ីសាអ៊ូឌីត

បន្ទាប់ពីលាលែងពីតំណែងនៅក្រុមជម្រើសជាតិអ៊ីតាលីមិនទាន់បានមួយខែផងលោក Roberto Mancini ត្រូវបានប្រកាសតែងតាំងជាអ្នកចាត់ការថ្មីនៃក្រុមជម្រើសជាតិអារ៉ាប៊ីសាអ៊ូឌីត។បុរសវ័យ ៥៨ ឆ្នាំរូបនេះបានដឹកនាំក្រុមជម្រើសជាតិអ៊ីតាលីឈ្នះជើងឯក Euro ២០២០ ដោយយកឈ្នះអង់គ្លេសនៅវគ្គផ្តាច់ព្រ័ត្រដោយបាល់ ១១ ម៉ែត្រកាត់សេចក្តីនៅកីឡដ្ឋាន Wembley របស់អង់គ្លេស។មិនតែប៉ុណ្ណោះអ៊ីតាលីក៏បានបំបែកកំណត់ត្រាពិភពលោក ក្រោយលេងមិនចាញ់សោះ ៣៧ ប្រកួតជាប់គ្នា តែនៅតែមិនអាចមានកៅអីនៅ World Cup ២០២២ នៅកាតាឆ្នាំមុន។អារ៉ាប៊ីសាអ៊ូឌីតក្រោមការដឹកនាំរបស់លោក Herve Renard កន្លងមកបានយកឈ្នះអាហ្សង់ទីនប្រកួតដំបូងក្នុងពូលនៅ World Cup ឆ្នាំមុនគួរឱ្យភ្ញាក់ផ្អើល តែមិនអាចឆ្លងផុតវគ្គចែកពូលឡើយ។លោក Roberto Mancini បានសំរេចចុះហត្ថលេខាដឹកនាំក្រុមអារ៉ាប៊ីសាអ៊ូឌីតដល់ឆ្នាំ ២០២៧ ហើយការប្រកួតក្នុងតំណែងដំបូងគឺដឹកនាំក្រុមប្រកួតមិត្តភាពនៅថ្ងៃទី ៨ ខែកញ្ញាខាងមុខទល់នឹងកូស្តារីកានៅកីឡដ្ឋាន St. James Park របស់ Newcastle។ រំលឹកដែរថាលោក Mancini ធ្លាប់ដឹកនាំ Manchester City ឈ្នះជើងឯក English Premier League លើកដំបូងក្នុងប្រវត្តិសាស្រ្តក្លិបកាលពីឆ្នាំ ២០១២ ហើយក៏ធ្លាប់ចំណាយពេលដឹកនាំក្លិបអាជីពមួយចំនួនទៀតដូចជា Fiorentina, Lazio, Inter Milan, Galatasaray និង Zenit St. Petersburg៕ អត្ថបទ៖នាង សុភាវុធ

West Ham សម្រេចទិញបានខ្សែបម្រើ Ajax, Mohammed Kudus តម្លៃ ៣៨ លានផោន

ក្លិបបាល់ទាត់ញញួរធំ West Ham បានសំរេចក្នុងការទិញចូលខ្សែបម្រើ Mohammed Kudus ពីក្លិបហូឡង់ Ajax Amsterdam ក្នុងតម្លៃផ្ទេរ ៣៨ លានផោន។កីឡាករវ័យ ២៣ ឆ្នាំរូបនេះគឺជាអ្នកស៊ុតបញ្ចូលទី ៣ គ្រាប់ម្នាក់ឯង Hat-Trick កាលពីថ្ងៃព្រហស្បតិ៍សប្តាហ៍មុនឱ្យ Ajax យកឈ្នះ Ludogorets នៅប្រទេសប៊ុលហ្ការីវគ្គ Play-Off Europa League។Brighton កាលពីដើមខែបានឈានដល់កិច្ចព្រមព្រៀងជាមួយ Kudus ផងដែរតែមិនអាចសម្រេចកិច្ចព្រមព្រៀងចុងក្រោយជាមួយសាមីកីឡាករ។កីឡាករសញ្ជាតិហ្កាណា Mohammed Kudus បានចាប់ផ្តើមអាជីពរបស់ខ្លួនជាមួយក្លិបដាណឺម៉ាក Nordsjaelland នៅឆ្នាំ ២០១៨ មុនពេលផ្លាស់មកកាន់ Ajax នៅឆ្នាំ ២០២០ បង្ហាញខ្លួនមកដល់ពេលនេះបាន ៨៧ ប្រកួតរកបាន ២៧ គ្រាប់ជួយ Ajax ឈ្នះជើងឯកលីគកំពូលហូឡង់ ២ លើក។រដូវកាលមុន Mohammed Kudus ស៊ុតបញ្ចូលទីបាន ១១ គ្រាប់ក្នុងការបង្ហាញខ្លួន ៣០ លើកខណៈ Ajax បញ្ចប់រដូវកាលនៅចំណាត់ថ្នាក់លេខ ៣។ ជាមួយក្រុមជម្រើសជាតិហ្កាណា Kudus រកបាន ៧ គ្រាប់ក្នុងការបង្ហាញខ្លួន ២៤ លើក បន្ទាប់ពីត្រូវកោះហៅចូលលេងលើកដំបូងនៅឆ្នាំ ២០១៩ ហើយក៏បានបង្ហាញខ្លួនទាំង ៣ ប្រកួតក្នុងពូលដែរនៅ World Cup នៅកាតាឆ្នាំមុន និងស៊ុតបញ្ចូលទីបាន ២ គ្រាប់ក្នុងជ័យជំនះ ៣-២ លើកូរ៉េ។ការមកដល់របស់ Kudus ធ្វើឱ្យគេបានជួបមិត្តរួមក្រុម Edson Alvarez ដែលទើបផ្លាស់ពី Ajax មកកាន់ West Ham ដែរក្នុងតម្លៃប្រមាណ ៣៥ លានផោន៕ អត្ថបទ៖នាង សុភាវុធ

កីឡាករវាយកូនគោលន័រវេស Viktor Hovland គ្រងជើងឯក Tour Championship និង FedEx Cup

កីឡាករវាយកូនគោលហូឡង់ Viktor Hovland ធ្វើបានយ៉ាងអស្ចារ្យនៅថ្ងៃចុងក្រោយ ដើម្បីគ្រងជើងឯកកម្មវិធី Tour Championship និងពានរង្វាន់ FedEx Cup នៅ East Lake ទីក្រុង Atlanta សហរដ្ឋអាមេរិក។មុនឈានដល់ថ្ងៃចុងក្រោយ Viktor Hovland នាំមុខសល់ពីថ្ងៃសៅរ៍ ៦ ស្ត្រូកទៅហើយ តែថ្ងៃចុងក្រោយក៏រងការប្រកួតប្រជែងខ្លាំងពី Xander Schauffele។ យ៉ាងណាក្តី Hovland ធ្វើបាន Bridie នៅបីឡូចុងក្រោយដើម្បីឈ្នះការប្រកួតនេះសរុប ២៧ អាន់ឌើផាឈ្នះដាច់អ្នកលេខ ២ Xander Schauffele ៥ ស្ត្រូកដើម្បីទទួលបានប្រាក់រង្វាន់ ១៨ លានដុល្លារអាមេរិក។ ចំណែកឯកីឡាករលំដាប់លេខ ១ ពិភពលោក Scottie Scheffler ដែលចាប់ផ្តើមការប្រកួតនាំមុខ Viktor Hovland ២ ស្ត្រូកនៃតារាងពិន្ទុ FedEx Cup នោះ មិនមានសប្តាហ៍ល្អឡើយដោយថ្ងៃចុងក្រោយនៃការប្រកួត Tour Championship នេះធ្វើបានត្រឹម Level par និងបញ្ចប់ការប្រកួតជាមួយនឹង ១១ អាន់ឌើផាប៉ុណ្ណោះ។ សូមបញ្ជាក់ថា Viktor Hovland មកទល់ពេលនេះឈ្នះជើងឯកនៅក្នុងក្របខណ្ឌ PGA Tour សរុប៦ លើក ហើយជ័យជំនះនៅពេលនេះគឺជាជ័យជំនះធំបំផុតផងដែរនៅក្នុងអាជីពរបស់ខ្លួន៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

Sheffield United ទិញបានខ្សែប្រយុទ្ធ U21 អង់គ្លេស Cameron Archer តម្លៃ ១៨ លានផោន

FIFA ពិន័យអតីតប្រធានសហព័ន្ធបាល់ទាត់អេស្ប៉ាញ Luis Rubiales រឿងថើបកីឡាការិនីអេស្ប៉ាញ

ចាកចេញពីអ៊ីតាលី Roberto Mancini ត្រូវប្រកាសតែងតាំងជាអ្នកចាត់ការជម្រើសជាតិអារ៉ាប៊ីសាអ៊ូឌីត

West Ham សម្រេចទិញបានខ្សែបម្រើ Ajax, Mohammed Kudus តម្លៃ ៣៨ លានផោន

កីឡាករវាយកូនគោលន័រវេស Viktor Hovland គ្រងជើងឯក Tour Championship និង FedEx Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Roberto Mancini ដាក់គោលដៅលើកពាន AFC Asian Cup ជាមួយអារ៉ាប៊ីសាអ៊ូឌីត

កីឡាករ ២៦នាក់ ត្រូវបានកោះហៅប្រមូលផ្ដុំ ត្រៀមប្រកួតមិត្តភាពជាមួយហុងកុង និងម៉ាកាវ

ខ្សែប្រយុទ្ធក្រៅជម្រើស Chelsea, Romelu Lukaku ខិតជិតផ្លាស់ទៅកាន់ Roma ក្នុងកិច្ចសន្យាខ្ចីជើង

Atletico Madrid ឈ្នះនៅផ្ទះ Vallecano ៧-០ ជាជ័យជំនះក្រៅដីធំបំផុត ក្នុងប្រវត្តិសាស្រ្ត La Liga

Remco Evenepoel ឈ្នះដំណាក់កាលទី ៣ ប្រណាំងកង់ Vuelta a Espana

Sheffield United ទិញបានខ្សែប្រយុទ្ធ U21 អង់គ្លេស Cameron Archer តម្លៃ ១៨ លានផោន

FIFA ពិន័យអតីតប្រធានសហព័ន្ធបាល់ទាត់អេស្ប៉ាញ Luis Rubiales រឿងថើប​កីឡាការិនីអេស្ប៉ាញ

ចាកចេញពីអ៊ីតាលី Roberto Mancini ត្រូវប្រកាសតែងតាំងជាអ្នកចាត់ការជម្រើសជាតិ​អារ៉ាប៊ីសាអ៊ូឌីត

West Ham សម្រេចទិញបានខ្សែបម្រើ Ajax, Mohammed Kudus តម្លៃ ៣៨ លានផោន

កីឡាករវាយកូនគោលន័រវេស Viktor Hovland គ្រងជើងឯក Tour Championship និង FedEx Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

FIFA ពិន័យអតីតប្រធានសហព័ន្ធបាល់ទាត់អេស្ប៉ាញ Luis Rubiales រឿងថើបកីឡាការិនីអេស្ប៉ាញ

ចាកចេញពីអ៊ីតាលី Roberto Mancini ត្រូវប្រកាសតែងតាំងជាអ្នកចាត់ការជម្រើសជាតិអារ៉ាប៊ីសាអ៊ូឌីត